བོད་ཡིག

e-texts based on the ACIP/ALL Input

//dge ba'i 'dod brje'i rnam par bshad sa slob dpon klu sgrub gyis mdzad pa bzugs so// // rgya gar skad du/ ka la ya na kA ma d+he nu/ bod skad du/ dge ba'i 'dod 'jo'i/ /bdud kyi stobs bcom pa la phyag 'tshal lo /ngan 'gro'i lam ni bzlos mdzad pa/ /sangs rgyas mchog la phyag 'tshal lo/ /yid ches lung ni ji bzhin du/ /dge ba'i 'dod 'jo rnam par dbye/ /rin chen byu ru'i mdzod gyur pa/ /dpa' bo gcig sgrub sngags yan lag /spros pa rin chen myu gu can/ /dge ba'i 'dod 'jo bstan par bya zhes bya ba la/ mngon du bya bas rin chen de dngos grub po/ /de nyid byu ru ste nor bu'i khyad par ro/ /mdzad ni de'i gnas su gyur pa'i mdzod do/ /dpa' bo gcig spu? bsngags yan lag ces bya ba la/ dpa' bo gcig ces bya ba ni dkyil 'khor dang phyag rgya la sogs pa la ltos pa med pa ste sngags so/ /sngags de'i sbyor ba las yon tan rnams 'joms na/ yan lag ste nu sor lta bu'o/ /spros pa dang ni dngos grub kyi sgrub thabs kyi bye brag go /de nyid 'dod pa'i don rdzogs par byed pas na rin po che'o/ /de'i myu gu ba'i yang myu gu dang 'dra ba'i rwa yod pa ste bstan bcos so/ /de nyid gang zhe na/ dge ba'i 'dod 'jo zhes bya ba smos te/ de dag ba'i chos kyi rjes su 'gro ba'i ye shes so/ /'dod pa ni dar 'dun pa'o/ /'dod pa de yongs su rdzogs par 'jo bas na bzho ba ste/ bstan bcos kyi bya las bzhi'i rkang lag bzhi dang ldan pa'o/ /sngags kun mang du phyag 'tshal dang/ /swAhA sbyar ba'i rang bzhin can/ /de bas lung du ma bstan yang/ /thog ma tha mar sbyar bar bya zhes bya ba las/ sngags kun zhes bya ba ni sbyar bar bya zhes bya ba dang 'brel to/ /phyag 'tshal dang swAhA sbyar zhes bya ba ni dang por aoM dang tha mar swAhA ldan par bya'o/ /lung du ma bstan kyang zhes bya ba ni dngos su bstan pa med kyang ngo/ /thog ma tha ma zhes bya ba la sogs pas gzhan 'di yang ston te/ sngags kyi de kho nyid rig pa'i bla ma'i man ngag las sngags spel ba dang/ sngags spar? ba dang/ sngags gzi byin bskyed pa dang/ sngags tshim par bya ba dang/ sngags nye bar bya ba shes pa dag go /de la sngags spel ba ni/ aoM satwa che ge mo'i au pa sarga a d+haM rak+Sha zhes bya ba ni bsrung ba la'o/ /zhi ba la ni aoM a mu ka sya shAM ti ku ru swAhA/ zhes so/ /nye bar bya ba ni/ aoM sa d+ha sin+na rnga pa na ya ku ru swAhA zhes so/ /sngags sgrub pa la ni/ aoM swAhA man+ta sid d+hi me ku ru swAhA/ nang bsal ba la ni/ aoM na mo na mazhes so/ /bsang pa ni aoM phaT a mu kaM ha na ha na hUM phaT ces so/ /bskrad pa ni/ hUM a mu ka mu tsA tarka ya hU zhes so/ /nyer gzhug pa ni/ aoM a yu ka sye a mu gand+ha pa ya swAhA/ zhi ba chen po la ni aoM swAhA A mu ka sya a mu kaM au pa dra bak+Sha ye swAhA/ zhes so// phur bu gdab pa ni/ aoM kI li kI la ya sarba na hUM zhes so/ /de dag la sogs pa shes par bya'o/ /sbyar ba la ni sngags thams cad la spyi bor thig le sbyin no/ /gzi byin bskyed pa la ni nA da sbyin no/ /tshim par bya ba la ni khaM do/ /nye bar bya ba la ni dkyil 'khor gyis te/ sa dang chu dang me dang rlung gis dkyil 'khor rnams la go rims bzhin du shes par bya'o/ /nang stong gzi la dbyig goms pas/ /mngon par mtho 'gyur the tshom med/ /rmugs 'dzin chu dbang gis kyang ni/ /skyes bu gang yin de 'drar 'gyur/ zhes bya ba ni/ nang zhes bya ba'i sgras ni lus kyi nang gzung ngo/ /stong zhes bya ba ni de bdag med pa'i stong pa'o/ /gzi zhes bya ba ni gzi brjid de me'i dkyil 'khor ro/ /dbyig ces bya ba ni nor rgyun ma ste goms pa ni goms par bslabs pa'o/ /mngon par mtho ba ni mngon par mtho ba'i dpal lo/ /'gyur ba ni 'thob pa'o/ /de bzhin du rmugs 'dzin chu dbang goms pas kyang/ mtho can mthob thob 'gyur ro/ /'dir sbyong ba ni 'di yin te/ /snying gar dkyil 'khor gru gsum me'i mdog can bsams la de'i ster pad+ma dkar po 'dab ma brgyad pa/ de'i 'dab ma rnams la aoM ba su d+ha ri na swAhA/ zhes bya ba nor rgyun ma'i yi ge brgyad dgod do/ /lte ba la ni yi ge bru gsum bkod la yi ge re re zhing paM raM gnyis dang spel lo/ /phyogs brgyad du ni gnod sbyin chen po brgyad kyi sa bon bris te/ ma Ni b+ha dra dang/ pUr+Na b+ha dra dang/ d+ha na nga ya dang/ /bai sh+ra ba Na rnams ni phyogs bzhir ro/ /ka li mA li dang/ pi ci kun Da la dang/ mu ben+d+rE ya dang/ tsa don drA ya rnams ni mtsham rnams su ste/ thams cad kyang swAhA? mdza' can no/ /aoM dzaM b+ha la dza len dzA ya zhes bya ba'i dzaM b+ha la'i yi ge brgyad ni yang pad+ma 'dab ma brgyad pa la dgod do/ /yang dbus kyi lte ba la dzaM mo/ /gal te bsam gtan bya bar mi nus na ni gser la sogs pa'i byang bu la 'khor lo gnyis ni ji lta ba bzhin du bris la kha sbyar te mar dang sbrang rtsi'i nang du bzhag la mchod pa byas nas ye shes kyi 'khor lo spyan drangs te der bstims nas nyin re zhing dri zhim pa'i me tog la sogs bas mchod par bya'o/ / yang na gur gum gyi chu'i nang du bzhag ste mchod na mtho ris kyi dpal 'thob par 'gyur ro/ /tshinda tshinda tshinda zhes bya bar bstan pa dang/ hUM phaT ces bya ba'i sngags gang yin 'bru tshugs su na sa na ni/ shes goms khrag dang sha 'gugs 'gyur zhes bya ba la/ sngags ni/ aoM tshe snying gar hUM phaT dmar shing 'bar ba rang bcas pa bsams la srog gnyis gcig tu byas te/ sna sgo g.yas nas skud pa dang 'dra bar phyung nas bsgrub bya mdun du bsams la/ srog rtse mo lngar gyur pa des bsgrub bya'i 'dral ba dang/ kha dang snying ga dang/ dpung mgo gnyis kyi rtsa rnams phug ste/ bar bar du sngags bzlas nas dbugs rdub pas slar drangs pa na kha' ma snod kyi nang du khrag dgug par bya'o/ /goms pa ni goms par bslabs pa ste/ dang por shing tog gang yang rung ba rang gis lag tu bzhag la/ sngar bstan pa'i rtsa sngags kyi sbyor bas dgug par bya'o/ /de nas slar yang shugs kyis dgug par bya ste/ de ltar ji srid du 'bras bu ro khar myong gi bar du bslab go /de nas ni ma pa'i shing la sogs pa thag ring phon gnas pa rnams/ byang bsgrubs la/ de'i 'og tu khrag dgug par bya'o/ /nan 'di ni bar de ka ni khi ni/ kI ni khi ni/ ma he zhon pa'i snying po 'bum/ /gu gul ri lu sbyin sreg bya/ sdig can yin yang dpal 'phel 'gyur/ zhes bya ba la/ mahe zhon pa'i snying po'i sngags ni/ aoM nan da na ? yi? ti da ki ni ki ni/ khi ni khi ni/ sh+ri yaM me dang bo Sha Ta swAhA/ zhes bya ba yin no/ /'di'i sbyor ba ni 'di yin no/ /rdo rje hUM mdzad kyi rnal 'byor la gnas nas Tak+ki rA dza thugs kha nas spros te/ mtshon gyi mchog lcags kyu dang zhags pa phyag na bsnams pa ma he la zhon pa'i bgrod dga' lha mo zhal brgyad pa/ kha dog ma ra ka ta ltar sngo bsngags ma mdun du bkug la argya byin te sngags 'di nyid ni bzlas brjod bya'o/ /bzlas brjod rdzogs nas mchod pa phul te gshegs su gsol to/ /de ltar dus gsum du ji srid 'bum phrag gcig yongs su rdzogs kyi bar du bzlas pas sngon du bsnyen pa byas par la/ de nas gu gul gyi ri lus sbrul gyi rus pa'i tshad tsam byas la ma dang/ sbrang rtsi dang sha kha ra dang bcas pas thab khung gru bzhi bar pa la sha'i me spar la/ sbyin sreg 'bum phrag gcig byas na de'i 'og tu bdag nyid chen po'i dpal 'thob par 'gyur ro/ /?dur 'dab ltar ljang gnod sbyin pa/ /rjes mthun mtshan mo bri bar bya/ /yan lag cha yi phra bkod cing/ /nor bu'i rgyan gyis 'od 'phro ba'o zhes bya ba la/ dus gdab ljang zhes bya ba dur ba'i 'dab ma ljang sngon gyi kha dog can no/ /mtshan mo bri bar bya ba ni manA ma'i rang bzhin bas ngo tsha ba dang bcas pa'i phyir mtshan mo bri'i nyin mo ni ma yin no/ /rjes mthun zhes bya ba ni yan lag thams cad dang ldan zhi ba'i bzhin can yin gyi/ khro bar ni ma yin no/ /yan lag cha shas zhes bya ba la kha dang/ rna ba dang sna dang mig dang so dang mchu la sogs pa'i tshogs te phra bkod pa ni de rnams kyi brgyan pa'o/ /ci 'dra zhe na/ nor bu zhes bya ba la sogs pa smos te/ yan lag gi rgyan de dang ni nor bu dang 'dra bas nor bu ste/ nor bu'i rgyan las 'od zer 'phro ba ltar yin lag de dag gis brgyan pas nye bar 'bar zhing mdzes pa'o/ /gnod sbyin ma zhes bya ba ni mna' ma zhes bya bar grags pa'i gnod sbyin ma'o/ /'di'i sngags ni grus dze b+ha ra b+ha ra grus dzye sid+d+hya dzyo zhes bya ba'i sngags stong phrag gcig bzlas/ phyag 'tshal bsal zhing me dang sbyar/ /spyos kyang mna' ma mdzes ma 'grub ces pa'i sngags ni/ a grus dzyo b+ha ra b+ha ra grus dzye sid+d+ha sa ma dza hya zhes bya'o/ /phyag 'tshal bsal zhing me dang sbyar zhes bya ba ni ao gyi gnas su a gdon pa ste/ des bsten na dbang du 'gyur ba bzhin du 'grub pa'o/ /spyod kyang zhes bya ba ni brgyad bkag kyang ngo/ /ji ltar bsgrub par bya zhe na/ mi smra bla ga ba med par nyal/ /zla phyed khrus gsum gos gsum brje// dzA ti'i me tog brgya rtsa brgyad/ /sregs na yid 'ong mchog rnyed 'gyur/ zhes bya ba la/ mi smra zhes bya ba ni sgrub pa'i g.yog 'ba' zhig dang smra bar bya'i/ /gzhan dam tshig med pa dag dang lhan cig mi smra'o/ /bla gab med par nyal zhes bya ba ni steng sgribs g.yogs med pa'i gnas su ba lang gi lci bas byugs nas rtswa ku sha bting ba'i steng du nyal bar bya'o / ji srid du zhe na/ zla ba phyed du mar do'i zhag bco lnga'i bar du'o/ /ges gsum brji zhes bya ba ni nyen re gos dkar po gtsang ma gsum gsum brje ba'o/ /'dir yang snga ma bzhin du mdun du bkri ba la bkug la/ dri dang me tog la sogs pas mchod la/ ji srid 'bum phrag gcig gi bar du bzlas brjod byas la de'i 'og tu dzA ti'i me tog brgya rtsa brgyad la sngags so sor bzlas nas brdeg par bya'o// chu ? sgrub na ni bru ga la'o/ /sring mer sgrub pa la ni nu ma la'o/ /bran mor sgrub pa la ni mgo la'o/ /arka dkar las mtheb tshad kyis/ /tshogs bdag gzugs byas spyir bkan la/ mdza' yig bzlas te brgyan bkye na// nam? yang 'pham par mi 'gyur ro/ /zhes bya ba/ skar ma rgyal gyi nyin par arga dkar mo'i rtsa ba blangs te/ /tshogs kyi bdag po'i gzugs phyag bzhi pa gsus pa 'phyang ba/ /klu'i mchod phyir thogs can dang/ /phyag bzhi na mche ba par/ /dgra sta dang/ zhags pa dang/ bgrang phreng bsnams dang/ mthe bo'i tshad tsam byas la/ de lag pas bcung ste de nyid kyi sbyor ba 'am/ rang gi lha'i sbyor bas sngags 'bum phrag gcig tu bzlas te/ de nas de'i sbyor bas bcings la cho lo la sogs pa'i rgyan bcos na pham par mi 'gyur te rgyal bar 'gyur ro/ /mdza' i yi ge zhes bya ba ni tshigs su bcad pa 'di'i mthar gnas pa'i yi ge ste/ aoM ga swAhA zhes bya ba'o/ /a ma ra naM dzA ban tAM ye/ phyag 'tshal swAhA kha sbyar bya/ /rma bya chen po'i snying po 'di/ /bzlas na las kun byed par 'gyur/ zhes bya ba la/ sngags ni/ a ma ra Ni dzI ban tI ye swAhA/ sngags kyi rgyal po 'di shin tu bzlas na las thams cad byed par 'gyur te/ de la nir kun ti dang po tsu ma rta'i rtsa ba dang cod pan khyi bya kham pa can gyi mjug sgro gcig tu sbyor la sngags 'di brgya rtsa brgyad bzlas te/ rims nad kyis zin pa la bdugs na/ rims nad thams cad sel bar byed do/ /glang gzer la ni mar nag la mngon par bzlas te bskus na/ mgo bo'i thug gzer 'joms so/ /'bras dang 'bum pa la ni bzlas shing byabs pas zhi bar 'gyur ro/ /pho mig dang 'brum bu la sogs pa ni tsan dan gyi chu la lan bdun bzlas te blung ma bzhi bar 'gyur ro/ /sbyin sreg gi las byas nas gdon thams cad 'tshe bzhi bar 'gyur ro/ /gang su yang rung ba'i skra bzung la gcer bu skra grol ba dang ldan pas kha ltor bltas te/ sgo'i them pa la 'dug nas sgrub pa po khros bzhin du sngags zlos shing lag pa gnyis kyis skra mnye'o/ /de ltar dus gsum du byas na/ zhag gsum gyis dpa' bo nyid kyang 'chi bar 'gyur ro/ /arkA rka'i markA rkI ha nI ga ma ni phaT/ kriSh+Nas pa ba ra NaM/ lo ma can gyi bsgrub bya la/ /gru nor zhes bya'i sngags 'bum bzlas/ /btsun mo'i skye gnas phyogs su ni/ /seng ldeng las byas phur ba la/ /brgya bzlas dmar po byugs nas ni/ /sbyar na de mod 'gugs par 'gyur/ zhes bya ba la/ sngags ni/ aoM na ma skriSh+Na sa ba ra Na/ ArkA rkI markA rkA nyi TA ga ma ni phaT/ sngags 'di'i sbyor ba ni 'di yin te/ dang por gcer bus rtsa ba dang 'bras bu dag za zhing 'bum phrag gcig bzlas pas bsnyen par bya'o/ /de nas spra tshil las mtho gang tsam gyi bud med kyi gzugs brnyan yan lag thams cad yongs su rdzogs par byas la/ de'i dpral bar ni de nyid kyi dang po'i ming bri'o/ /snying gar ni sngags bri ste/ de yang go ra tsa na dang/ rang gi srin lag gi khrag dang bsres gro ga la mi sbel ba dang bcas par bri ste de'i snying gar gzhug go / de nas bdag nyid lo ma can gyi gzugs mig dmar ba rma bya'i cod pan gyi bam po mgo la bcings pa/ glang po che phru gu'i mche ba'i rtse mo'i rna rgyan can/ shing a sho ka'i lo ma'i phreng pas rked pa dkris pa/ lcags kyu dang zhags pa lag na thogs par bsgoms la/ bsgrub bya la kha bltas te za bzhin bsams nas/ bsgrub bya'i phyogs su gzugs brnyan gyi mgo bstan te/ gan rkyal du bzhag la seng ldeng gi phur bu mtheb sor gyi tshad tsam la sngags lan brgya bzlas te gdab par bya'o/ /phur bu de yang gru gsum pa rgya skyegs kyi khu bas byug par bya'o/ /brgya zhes bya ba ni brgya rtsa brgyad de/ phur bu des skye gnas zhes bya ba mo mtshan du btab pa la 'od 'bar ba bsgom par bya'o/ /de nas mchod pa'i yo byad dmar po rnams kyis de la mchod la/ dus gsum du sngags brgya rgya brgyad bzlas ma zhag bdun gyis brgya byin gyi chung ma yin yang 'od bar 'gyur na bud med gzhan lta smos kyang ci dgos/ tsha bi ra li hUM phaT bzlas/ grog gdong gi sgo ru gzhug /ri mo khrag gi mtshan mas mtshan/ mkhar gnas btsun mo 'gugs par 'gyur/ gzhan yang rgyu zhabs dag tu bzhag ces bya ba la/ aoM tsha bi ra li hUM phaT bya'o/ /sngags 'di'i sbyor ba ni 'di yin te/ dang por mdun du yaM las rlung gi dkyil 'khor mdun gyi nam mkha' la bskyed de bsams la/ der bsgrub bya bzhugs ste/ bdag nyid rig pa mdog dmar zhing sngo ba phyag gnyis na lcags kyu dang zhags pa thogs par bsams te/ lcags kyu bsgrub bya'i snying gar phug cing/ mgrin pa zhags pas bcings pa gsal por gyur gyi bar du bsgom mo/ /de nas gnas dben par sngags 'bum phrag gcig gi bar bzlas la sgrub po/ /ji ltar bsgrub ce na/ gro ga la ri bong gi khrag gis yang lag thams cad dang ldan pa'i gzugs bras la/ de'i dpral bar de nyid kyi dang po'i ming bri ste/ spra tshil gyi nang du gtums la/ spra tshil gyi ri lu khar bcug nas sngags bzlas na de 'gugs par 'gyur ro/ /sbyor ba gzhan gnyis pa yang bro ga la ri bong gi khrag gis bsgrub bya dang/ sgrub pa po'i gzugs gnyis so sor bris la/ bsgrub bya'i ming ni sgrub pa po'i dpral bar bri'o/ /sgrub pa po'i ming ni sgrub bya'i dpral bar ste/ 'khrul 'khor de gnyis ji ltar dpral ba dang dpral ba/ kha dang kha/ gsang ba dang gsang ba phrad par 'gyur ba de ltar kha sbyar te dril nas rang gi chu zhabs su bzhag ste/ khro bo'i rdul gyis gdung zhing dben ba'i gnas su sngags bzlas na zhag gsum gyis 'gugs par 'gyur ro// he tiSh+Tha ban d+ha d+ha ra ya ni run d+ha/ dang por slar yang sbyar bar bya/ aur+Na ma ni swAhA mdza' / mchog 'dis mgrin par cho ga bri/ zhes bya ba'i sngags ni/ aoM he tiSh+Tha tiSh+Tha ban d+ha ban d+ha d+ha ra ya d+ha ra ya ni run d+ha ni du na d+ha aurdzu? ma Ni swAhA/ 'di'i sbyor ba ni 'di yin te/ sngags 'di thal ba la mngon par bzlas la mdzub mos thal ba de'i ri mo gang gi mgul bar bris na/ de'i skyug pa'i nad zhi? bar byed do/ /yang tA la'i 'dab ma la dgra bo'i ming dang spel ba'i ming bris nas/ karta'i tshad du bcug na kha bcings par 'gyur ro/ /de bzhin du grong khyer gzhan la ster ba la sogs pa dag kyang bcings par 'gyur ro/ /ngan di li mdza' mo ha dbus/ /mu tsa li ni thog mar bstan/ /kun mdza' swAhA sbyar sngags ris?/ /rmi lam bram ze phru gu ston zhes bya ba la sngags ni/ aoM mu tsi li swAhA/ mo ha ni swAhA/ ngan ti li swAhA/ zhes bya ba'o/ /'dir cho ga ni 'di yin te/ 'phags pa spyan ras gzigs dbang phyug bla ma'i spyan lam du ba'i lci? ba? sa la ma lhung? bas maN+Dal byas la/ me tog la sogs pas mchod do/ / sngags 'di nyid kyis lan bdun du bzlas pa'i lag pas gdod byugs la/ de nyid snam bu gtsang ma gdan du bting te don la dmigs nas nyal na/ rmi lam du bden ba ston par 'gyur ro/ /de bzhin du chu la mngon par bzlas te 'thungs nas mar nag la mngon par bzlas pas gdod byugs te nyal na yang/ yang dag pa'i rmi lam mthong bar 'gyur ro/ /aoM tsun de tsu le tsa le zhes bya ba/ bzlog pa lugs bzhin bzung byas na/ /dus gsum gyi ni dngos po rnams/ /me long gnas nas ston par byed/ /ces bya ba la sngags ni/ aoM tsa le tsun de ngar sha ya sarba swAhA/ zhes bya ba yin no/ /sbyor ba ni 'di yin te/ cho ga bzhin du sngon du bsnyen pa stong phrag bcur bzlas pa'o// de nas khye'u dang bu mo grong gi chos kyis ma nyams pa bzung la khrus byas shing gos gtsang ma bston nas/ thig le la sogs pa'i rgyan gyi chas su gsal la/ 'phags pa mi g.yo ba'i sngags dang phyag rgyas bsrung ngo/ /yang dag par mchod do/ /aoM tsaN+Da ma hA roSha Na hUM phaT/ ces bya ba ni sngags so/ /rdo rje bsngags pa nang du byas la mdzub mo bsgreng ste lto sbyar la mthe bong gnyis so sor bsgreng ba ni phyag rgya'o/ /sngags dang phyag rgya 'dis phyogs dang mtshams dang/ steng 'og kyang bcing bar bya'o/ /de nas maN+Dal gyi dbus su bum pa gos ser pa dkar pos bcings la dri zhim po'i chus bkang ba shing lo yid du 'ong bas/ brgyan byas te/ me tog dang bdug pa la sogs pas mchod nas/ sngar bstan pa'i khye'u dang bu mo kha shar du bstan te bzhag la/ mig gnyis su yi ge aoM bkod do/ /snying gar yi ge hUM bkod/ aoM gnyis kyi dbus su yaM daM 'od 'bar ba bsams mo/ /de nam mkha' i phyogs su yang tsu las bskyed pa'i lha mo skul byed ma zla ba'i dkyil 'khor la bzhugs pa/ phyag dang po gnyis na lhung bzed bsnams shing gzhan gnyis kyis pad+ma dang ral gri bsnams pa'i phyag bzhi pa/ sku mdog zla ba ltar dkar zhing 'tsher ba bsams la/ de? nyid la arg+ha dbul te/ mchod pa rnams kyis yang dag par mchod la/ bdag nyid kyi sngags kyis sam rtsa ba'i sngags kyis bstod la/ sngags 'di khye'u dang bu mo'i snying gar gzhug par bya'o/ /aoM tsa li tsu le be sha a tra ku ma dra ku ma dra ku ma ri ka yo sha ri re bra bi sh+ya d+har sha ya/ sarba ya thA b+hu haM ya thA da tyaM/ bud d+ha d+harma saM g+ha sang byen pa ti ma bi laM ba ma ma a sha pra bur ya swAhA/ de nas me long dam/ ral gri 'am/ dri ma med pa'i tho ba 'am/ mar me 'am/ chu'i snod dag la sngags yongs su bzlas te/ khye'u dang bu mo la bstan la bde ba ji lta ba bzhin ston par 'gyur ro/ /de nas gshegs su gsol te ldang bar bya'o/ /bar da ka swAhA/ drug /phyag 'tshal dang ldan tshogs bdag dgyes/ /gzugs brnyan maN+Dal gru bzhir bzhag / zla ba drug tu mchod pa bya/ /zhes bya ba la sngags ni/ aoM pa ra dag swAhA/ zhes bya ba'o/ /sbyor ba ni 'di yin te/ gnas dben par ba'i gci ba'i maN+Dal gru bzhi byas la/ de'i dbus su tshogs bdag gi gzugs sam/ bris sku bzhag nas bdag nyid kyis log 'dren gyi gzugs kyis yang dag par mchod de gcer bur gyur pas zla ba drug gi bar du nyin dus gsum du sngags brgya rtsa brgyad bzlas na/ yid la re ba thams cad yongs su rdzogs par 'gyur ro/ / b+h+ra ma ke shi b+hA ma ma te/ b+h+ra ma bi b+h+ra mus dzye mo hye swAhA/ dang por b+h+ra ma gnyis dang ldan/ de nas rim brjod aur ner bcas/ zhes bya ba ni sngags te/ dang por b+h+ra ma gnyis dang ldan/ zhes bya ba ni b+h+ra ma b+h+ra ma zhes lan gnyis brjod pa'o/ /rim brjod ces bya ba ni lhag ma phreng ba'i rim pa bzhin du brjod pa'o/ /aur ner bcas zhes bya ba ni mthar aur ne brjod pa ste/ aoM b+h+ra ma b+h+ra ma ke shi b+h+ra ma te b+h+ra ma bi b+h+ra ma mus dzye mo he ya aurne swAhA/ zhes bya ba ste/ ma bsgrubs par yang las thams cad byed pa'o// 'dir sbyor ba ni 'di yin te/ yungs kar khyor gang tsam sa la ma reg pa'i bar snang la bzhag la/ sngags 'bum phrag gcig bzlas so/ /de nas de la cung zad cig blangs la/ gcer bu skra lhug pas khyim gyi thim pa'i phyi nas yungs kar gtor na/ yungs kar la 'goms pa tsam gyis ji srid nyi ma shar gyi bar du dus ma yin pa'i gnyed 'thug pos non par 'gyur ro/ /gnyis bskyed pa'i sbyor ba'o/ /kni ni kan+ni g+haN+Ta kar Na naM me sha ya swAhA/ sngags bzlas pa'i chu 'thugs na/ rmi lam bden pa ston par 'gyur zhes bya ba las/ sbyor ba ni 'di yin te/ rang gi lha'i sbyor ba 'am/ rdo rje hUM mdzad kyi ting nge 'dzin la gnas nas/ rdo rje'i mtshon chas dri'i tshogs dgug par bya'o/ /de yang dri mdog dkar po phyag bzhi pa/ phyag na mdud rtse gsum dang/ dgra sta dang / zhags pa dang/ thod pa bsnams pa/ rna ba gnyis dril bu'i sgra dang ldan pa bltas la lag pa g.yon pa mdung rtse gsum par byas pI dam tshig gi phyag rgya de la sngags stong phrag bcur bzlas te mchod pa bya'o/ /de nas chu la mngon par bzlas te 'thungs na gdon mi za bar rmi lam du bden pa mthong bar 'gyur ro/ /rgya mtshor 'bab pa'i chu bo la/ /dzA ti me tog 'bum bskur bya/ /aoM bA kye daM na mabzung la rgya mtsho chen por 'bab pa'i chu bor ske man chad chu'i nang du zhugs la/ me tog re re zhing sngags zlos shing chu la bsgyur ro/ /de ji ste me tog chu dang bcas pa gyen du rgyun la bzlog ste 'bab pa na/ me tog chu dang bcas par blangs te so ma reg par 'thungs na/ thos pa 'dzin pa'i dngos grub 'thob par 'gyur ro/ /aoM ku ru ku ru l+le swAhA/ khams gsum 'gugs par byed par bstan/ sgrol ma yi ni snying po 'di/ mgur nor btsongs? pa'i cho gar gsungs/ zhes bya ba la bcom ldan 'das ha la ha la'i ting nge 'dzin la gnas la/ sgrol ma'i sngags 'di bsnyen pa bya'o/ /de nas tshes dang skar ma dang nyi ma bzang po la mchod pa byas nas/ grog la autpa la'i 'dab ma lta bu'i 'khor lo rtsibs bcu drug pa bris la/ rtsibs bcu drug la a bri'o/ /lte ba la ni bsgrub bya'i ming ku ru kul+le zhes bya ba'i yi ge bzhes bskor ba bri'o/ /de'i phyi rol tu aoM las byung ba'i ri mo gsum gyis bskor ro/ /de nas 'khor lo gnyis pa de dang 'dra ba las bsgrub bya'i ming ma gtogs pa bris la/ des 'khor lo snga ma'i steng du bkab ste/ bcom ldan 'das ma spyan drangs te yang dag par mchod nas 'khor lo der bstims la/ yi ge las byung ba'i 'od zer gyis bsgrub bya bkug ste/ shing rtsad nas bcad pa ltar bcom ldan 'das ma'i zhabs drung na 'gyel nas 'dug par bsams la/ nyi ma bdun du dus gsum du sngags brgya stong du bzlas na brgya byin nyid kyang dbang du 'gyur ro/ /sngags ni/ aoM ku ru kul+le h+rirtsi'i nang du bzhag go / dga' bden myong bu mo'i yi ge dang po ni/ gsum drug 'bum gcig bzlas na der ni rnyed par 'gyur/ /nyi ma dkar po'i me tog sbyin sreg bya ba 'aM/ yang na pri yaM ku yi me tag sbyin sreg bye ? bya ba la sngar dga' ba dang bde ba ma myong ba'i bu mo gang yin pa de'i yi ge ni dga' bde ma myong ba'i yi ge ste/ yi ge'i tshogs de las dang por a dang/ gsum par di dang/ drug par po ti rnams bzung bar bya'o/ /de yang bsnyen pa'i dus su chang dang/ /sha la sogs pa bcad do/ /dkar gsum la sogs pa'i zas za zhing/ /gos dang bcas par chu'i nang du zhugs te/ /mi smra bar 'bum phrag gcig bzlas brjod bya'o/ /sngags ni/ aoM a di ti a mu ka kan di me dre hi d+he d+ha ba ya swAhA/ zhes bya ba'o/ /bsnyen pa thon nas arka dkar po'i me tog gam/ phri yaM ku'i me tog la sngags re re zhing sbyin sreg 'bum phrag gcig bya'o/ /de yang grog la bu mo'i ming dang rang gi ming du kha sbyar ba bris la/ rang gi rgyu zhabs su bzhag ste/ de ltar sbyin sreg byas na/ bu mo de bdag gir 'gyur te/ su la yang ster bar mi 'gyur ro/ /bi tsi me hi swAhA/ aoM dang bcas la grags bdun yin/ /gnod sbyin yugs sa mo yi sngags/ /ro la g.yogs pa'i ras la ni/ /de yis sen rtsis rgyan med bri/ /de yi gzugs la me tog ni/ /ser pos mchod na de 'grub 'gyur/ /'jig rten gsum gyi yugs sa mo/ /thams cad bka' nyan du ni 'gyur/ /mo ni sran gre'u kha zas kyis/ /yugs sa mo yi sngags bzlas 'grub/ /sngags ni/ aoM ba tse mo hi swAhA/ zhes bya ba ste/ sngon du bsnyen pa 'bum phrag bdun bzlas so/ /de nas bram ze mo g.yogs pa'i ras ma'i dum bu khru gang gru bzhi pa la ro de nyid kyi sen rtsis bram ze mo de nyid kyi gzugs med par bris la gnas dben par bris sku bkram ste/ bdag nyid gcig pus shing sa la ser po'i me tog gis mchod nas zla ba drug gi bar du mtshan mo mun pa la brgyad brgya brgyad bzlas na zla ba drug gi mthar 'ong bar 'gyur ro/ /'ongs nas mi smra bar 'dod pa spyan na brgya stong ri ba'i mu tig gi phreng ba dkrel nas 'jog par 'gyur ro/ /de ltar zla ba drug gi bar du nyin re zhing bzhag nas 'gro par 'gyur ro// zla ba drug yongs su rdzogs nas ci blangs pa'i dngos grub ster bar 'gyur ro/ /aoM g+ho g+ho ri ru tra di tsi de yo gI shwa ri mu kha hUM phaT swAhA/ g+ho g+ho ri dang ni mu kha yang/ /ri dbang bu mo'i snying po yin/ /brla g.yon la ni ming bris te/ /lag pa g.yon pas bka' nas su/ /bzlas na bu mo mod la 'gugs/ /skyes pa la ni g.yas pa sbyar/ /zhes bya ba la ni/ aoM ru tri di bi de yo gI shwa ri mu kha hUM phaT swAhA zhes bya'o/ /'dir gser btsag dang go ro tsa na dang/ ldong ros gang yang rung ba la bsgrubs te/ de yang zla ba gzas zin pa'i dus su lha mo g+ho g+ho ri la mchod pa byas la/ a shwad tha'i lo ma bdun gyi steng du gser btsag la sogs pa bzhag ste/ yang lo ma bdun gyi steng nas bkab nas/ de'i steng du lag pa g.yon pas mnan nas ji srid zla ba gzas gzung ba ma grol gyi bar du bzlas so/ nges brla g.yon pa'i dbus su bu mo'i ming bris la/ lag pa g.yon pas bkab ste bzlas na/ 'ching bas bcings pa ma gtogs pa rnams 'ong bar 'gyur ro/ /skyes pa 'gugs pa la ni brla g.yas pa'i dbus su de nyid kyis de'i ming bris la lag pa g.yas pas bkang ste/ ji srid 'ong gi bar du bzlas so/ /rkang pas dgug pa'o/ /dang por phyag 'tshal ldan pa'i sngags/ bi da ri ku ru hUM phaT/ yid ches pa'i phrin yig las/ /gdon ni tshar gcod byed pa ste/ /yongs bzlas phyag rgyas btab ste spring zhes bya ba la/ sngags ni/ aoM bid ri ku ru hUM phaT ces bya'o/ /'dir 'phags pa mi g.yo ba yi 'am/ khro bo gang yang rung pa'i ting nge 'dzin la gnas nas/ sngags phrin yig dang bcas pa byang bu la bris te/ dril nas phyag rgyas btab ste gdon gyis zin pa la bskur te de'i leg par btags na du bzhin du 'bros par 'gyur ro/ /aoM ba tra bi da ra bi da ri swAhA/ zhes bya ba'i yi ge bcu pa'i rig pa ste/ mi dbang gi btsun mo yang/ bzlas pa tsam gyis dbang du byed/ /aoM ma li ni kin+ni kin+ni/ /dang por arka swAhA ldan/ /de nas dbyangs can skyes bu ni/ /dbyangs can ngag ni 'thob par 'gyur/ zhes bya ba la sngags ni/ aoM arka ma li ni ki ni ki ni swAhA/ zhes bya ba ste/ dbyangs can ma'i mdun du 'bum phrag gcig bzlas pas bsnyen pa bya'o/ /de nas zla ba gcig gi bar du dbyangs can ma'i sman mar khyor ba re la sngags lan bdun bzlas te 'thungs na ngag gi dngos grub ster bar 'gyur ro/ /de bzhin du zla ba gcig tu chu la bzlas te btung pa'am/ /mar 'ba' zhig la bzlas te/ zla ba drug 'thungs na ngag gi dngos grub 'thob bo/ /mun de sh+ri ba na pi sha ci zhes bya ba la/ 'bar dang bcas sngags sgrogs pa ste/ /rna ba g.yon par sgrogs byed pa/ /'breng ba 'di ni bzlog par bya/ /aoM sh+ri ba na pi shA tsi ni mun de swAhA/ sngags 'di ru rta la lan bdun bzlas te/ rkang pa gdong la byugs te nyal na rmi lam du dge ba dang mi dge ba sgrogs par gdon mi za'o/ /zla phyed 'bab pa za byed cing/ /ri'i bu mo'i cho ga yin mar la bsgras pa'i bil ba bsreg / rgyal srid ster 'gyur gdon mi za'o/ /sngags ni/ aoM gi ri ku ma ri ga ma he ra dzya satwa ya swAhA/ zhes bya ba yin no/ /durg+ge bi durg+ge zhes bya ba 'o ma can yam shing bseg cing/ skyes bu'i mtshan ma lan brgyad bsreg / sngon du bsnyen pa med par yang/ /grong khyer ster 'gyur gdon mi za/ /sngags ni/ aoM durg+ge bi durg+ge ni swAhA/ sngags n+ya bro d+ha dang/ a shwad tha la sogs pa'i yaM shing la be'u dang kha dog 'dra ba'i 'o mas grong khyer gyi ming nas bzung ste sbyin sreg byas na grong khyer rnyed par 'gyur ro/ /me g+ho yul? ka swAhA aoM dang bcas/ /'od phreng can gyi snying po yin/ /pa la sha shing gis bsregs na/ /gser srang 'bum ni ster par 'gyur/ /sngags ni/ aoM me g+ho au ka ya swAhA/ tshogs kyi bdag po'o/ /aoM ga sho aul ka ya swAhA/ zhes bya ba yang 'od phreng can gyi ste/ 'bras bu ni snga ma bzhin no/ /kar na mo ti bzlas par bya/ /hUM phaT ldan pa 'bum phrag bzhis/ /skye tshe bsregs pas sa gsum yang/ /nyi ma gcig gis 'gugs par 'gyur/ /rak te rag ti ni bzlas par bya// pad+ma'i sdong bur du ba btab/ /mi'i thod par mi bzhag ste/ /bskyed pa'i du pas skal bzang 'gyur/ /sngags ni/ aoM rag re rak ti ni swAhA/ zhes bya ba yin te/ yo byad thams cad dmar por bsgrub po/ /tsan dan mu khi ki li bzlas/ /dang po thams cad 'bar ldan bya/ /au ra bcas pas nges par ni/ /sa gsum dkyil 'khor bka' nyan 'gyur/ /sngags ni/ aoM tsan+d+ra mu khi ka li aur na swAhA/ zhes bya ba ste/ rtag tu bzlas na dbang du 'gyur ro/ /kan ta bya ya swAhA/ zhes bya bas/ mig sman bsregs te mig sman bya/ /glang chen rdul dang shing tsha dang/ /autpal sngo bsregs skal bzangs 'gyur zhes bya ba la/ sngags ni/ aoM kA bya ya swAhA/ zhes bya ba'o/ /'dir sbyor ba ni 'di yin te/ lus tsan dan dmar pos bskus la gos dmar po gyon te/ me tog dang phreng bas brgyan la/ yun ring du bzlas pa'i sngags gang yang rung bas bsrung ba byas nas/ zla ba mar gyi de'i tshes gnyis po gang yang rung pa la ma mo'i gnas dang lam gyi bzhi mdo 'am dur khrod du bsrung ba la sogS pa bya ste/ mig sman sngon po btags pa'i phye ma dang/ glang po che'i rdul du bcas pa zangs kyi snod du bzhag ste/ kha legs par bcad nas skal bzangs ma'i ro'i mngal du bcug ste bsreg par bya'o/ /bsregs nas blangs te ka ma la de ba maN+Dal byas te mchod la/ shing tsha dang autpa la sngon por bcas pa gser dngul gyi snod du sbyar te/ maN+Dal gyi dbus su bzhag nas/ sngags brgyad brgya 'am stong du bzlas so/ /des mig sman byas na bud med kyi 'dod pa'i dbang phyug tu 'gyur ro/ / skyes pa dbang du bya ba ni skyes pa'i snying gar bsreg go/ na ya na ma no ha ras bsgrub/ /dri zhim rtsa ba ras dkris sngar/ /dmar ser ba dmar du ba yis/ /rtag tu mtshungs med chags par 'gyur ro/ zhes bya ba la sngags ni/ aoM ka ma swA he swAhA/ / lhag ma ni go sla'o?/ /ka ma sa ra swAhA/ sbrul gyi khar bsregs mig sman ni/ /ru rta rgya sbos a kar gnas/ /glang chen sen btags dbang du bsdus zhes bya ba la/ sngags ni/ aoM ka ma swA he swAhA/ zhes byas pas te/ sngon du bsnyen pa khri phrag gcig bzlas par bya'o/ /'dir yang glang po che'i sen mo dang mig sman sngon po kun darya'i sngags gyi cho ga bzhin du bsregs nas/ de'i 'og tu ? spos dang/ ru rta dang/ a ka ru nag po dang bcas pa phye mar byas la/ snga ma bzhin bkab ste/ lan stong phrag ? bzlas la mig sman byas na 'gro ba ma lus pa dbang du bsdud par 'gyur ro/ /aoM Sh+TaM ban d+he zhes bya ba'i mig sman gyi ni du bas nges par dbang du byed/ 'od zer can gyi man ngag gis/ rta rmig bkang ste bskyod par bya/ zhes bya ba la/ sngags ni/ aoM Sh+TaM ban d+ha swAhA/ 'di 'od zer can gyi mar gyis rta'i rmig pas snod bkang la/ rta'i rmig pas zhan gyi steng nas btab pa la du ba de bzung nas bcom ldan 'das gtsug gtor 'khor los sgyur ba'i mdun du mchod pa byas te/ sngags bzlas par bya'o/ /man tra ba ri zhes bya ba'i/ /yi ge thog mar yang dag ldan/ /nyin mtshan bzlas pa'i yang dag gnas/ /'jig rten gsum yang bran du 'gyur/ zhes bya ba la/ sngags ni/ aoM man+t+ra ba re a mu kaM me swAhA/ da na ne sa pa ri pa ba sa ma na ya swAhA/ zhes bya ba gang dbang du bya bar 'dod pa de mdun du bsams nas bzlas na bran du 'gyur ro/ /mi mgor skyes gnyis skud pa gnyis/ /gtum dbang rkang pa skrar bcas sdud/ /d+hu nan tsan da sgrar ni bcas/ /nyin mtshan tsha bas thebs par 'gyur zhes bya ba la/ sngags ni/ aoM hUM nan tsa na da a mu ka na dzwa re na ma ra ya hUM phaT/ ces so/ /mi'i mgo ni mi'i thong pa'o/ /skyes gnyis skud pa ni bram ze'i skra'i skud pa'o/ /gtum dbang ni lha chen po ste/ de la phul ba'i me tog bzung ngo/ /rkang pa ni bsgrub bya'i rkang rjes kyi rdul lo/ /de dag mi'i thod par bzhag la/ /mi'i rje bar gyi rus pa'i srubs shing bram ze'i skra'i skud pas btags la/ sngags zlos bzhin du der sgra dang bcas par bsrubs na/ nyi ma bdun gyis skyes bu chen po yang rims tsha bas thebs? par 'gyur ro/ /dang po tha mar yang dag ldan/ /gnod sbyin ma yi yig bdun brjod/ /b+hak+ke buk+ke zhes bzlas bya/ /'bum phrag bzhi yi skal bzang 'gyur/ zhes bya ba la sngags ni aoM b+hak+ke buk+ke swAhA zhes bya ba ste/ sngags 'di sran ma ma sha'i kha zas za? zhing/ 'bum phrag bzhir bzlas brjod byas na/ 'jig rten gsum na gnas pa'i yugs sa mo rnams dbang du 'gyur ro/ /chu skyor drug bzlas gnod sbyin dang/ /gnod sbyin mo yang mngon sum mthong/ /grong gi byang du n+ya gro d+ha'i/ /yam shing mngar gsum sbags pa bsreg ces bya ba la/ /dang por snga dro'i dus su nang du byung ba'i nyi ma'i gzugs brnyan chu skyor drug bzlas pa dang byin la/ /grong khyer gyis byang du n+ya gro d+ha'i yam shing mngar gsum la sbags pas sbyin bsreg byas na gnod sbyin dang gnod sbyin mo mngon sum du mthong bar 'gyur ro/ /sngags ni/ aoM b+hak+ke buk+ke swAhA/ zhes sngar bstan pa yin no/ /grub nas ji ltar 'dod pa'i dngos grub ster bar 'gyur ro/ /nags tshal chu 'gram ri ljongs su/ /sngo tshong 'thul zhing gnas par bya/ /dpa' bos rgyal bar byed pa dang/ mkhar gnas 'khor los sgyur bar 'gyur zhes bya ba la/ /dpa' bo ni/ a khaM bI ra'i sngags te/ nags tshal la sogs pa'i gnas su sngo tshod 'thung zhing dpa' bo'i sngags kyi rgyal po 'di bzlas na/ g.yul las rgyal bar byed pa dang/ nam mkha' la rgyu ba'i rgyal srid ster par 'gyur ro/ /aoM ru tri ni swAhA/ zhes bya ba/ au mi'i snying po'i yig 'bru bzla/ /pri yang ku'i me tog bsreg /yid kyi re ba bskor par 'gyur/ /ga Na bo ya tshogs bdag snying/ /phyag 'tshal ga Na gsal bar bcas/ /yi ge 'bum phrag bzlas nas su/ /sngags pas rtag tu gu gul bsreg ces bya ba la/ /tshogs thams cad kyi nad nas rgyal bar byed pas na ga Na dza'o/ /de ci'i phyir zhe na/ tshogs bdag snying po'o/ /ji ltar rgyal bar byed ce na/ gu gul zhes bya ba smos te/ gu gul gyis sbyin sreg byas na'o/ /sngags ni/ aoM ga Na ma ga Na dza ya swAhA zhes bya ba'o/ /dge ba'i 'dod 'jo'i rnam par bshad pa'o/ /slob dpon chen po klu sgrub kyis mdzad pa rdzogs so// ?/rgya gar gyi mkhan po nag po'i zhal snga nas dang/ bod kyi lo tsa ba mgos lhas btsas kyis bsgyur cing zhus te gtan la phab pa'o// // gtsug gtor dri ma med pa'i gzungs bklag cing mchod rten rtsa brgyad dam lnga gdab pa'i cho ga slob dpon po d+hi satwa sa mdzad pa bzhugs so/

CLOSE WINDOW