བོད་ཡིག

e-texts based on the ACIP/ALL Input

/ //dpal rdo rje rnam par 'joms pa la phyag 'tshal lo/ /sgra la mi gnas pa'i bsam gtan gyis 'gro ba gnyis rgyud kyi 'khor lo rgyun bcad pa'i man ngag chos nyid sgra la mi gnas pa'i don bstan pa ni gsum dmigS pa yongs su dag pa'i bsam gtan dang/ dmigs pa rjes gcod pa'i sgra la maM gnas pa'i bsam gtan dang/ dmigs ba mdza' la 'gag pa'i sgra la mi gnas pa'i bsam gtan no/ /dmigs pa yongs su dag pa'i sgra la mi gnas pa'i bsam gtan ni/ bskyed pa'i rim pa chos nyid skye med du rang dag pas b+ha dang yig 'bru'i 'dzin pa rang log paS lu sgra la mi gnas te/ bya byed 'khor ba'i rgya rkyen bzlog go /de nyid log pas lus rdo rje rnam par 'joms pa'i skur rdzogs pas bskyed pa'i rim pa bdag tu bcingS pa'i snang ba dang 'gag go / dmigs pa rang dag na kun rdzob la dmigs pa dag pas/ don dam pa'i chos nyid yin men gyi mdza' las 'gags so/ /lha dang gzhal yas khang rten pa dang/ brten pa'i tshul las log pas rdzogs pa'i chos nyid yin man thabs? 'gags te/ sgyu ma chos nyid du gyur pa'o/ /snang ba 'khor rkyen dag pas na de kho na nyid kyis bsam gtan zhes bya'o/ /stong pas bdag stong gzhan stong gnyis ka ma yin pa stong pas na stong nyid sgral mi gnas pa'i bsam gtan no/ /dmigs pa rjes gcod pa'i sgra la mi gnas pa'i bsam gtan ni/ thun mong du bslab par bya ba'i rim pa dang/ mchog tu dmigs pa bcad par bya ba'i rim pa'o/ /thun mong gi gang zag dad pa dang ldan pa gcig gis dang por tshogs ji ltar bsag pa sngon du 'gro ba'i man ngag dang gnyis pa lus bcas pa bsam gtan skye ba'i yan lag dang/ gsum pa rnam par rtog pa mi gnas par sems dri ma dang bral ba'i man ngag dang/ bzhi pa nyams ji ltar skye ba'i bogs 'don pa'i man ngag dang/ lnga pa chos nyid sgral mi gnas pa 'bras bu'i yin lugs sam thob lugs bstan la dbab pa'o/ /de yang gang zag 'dod sreng las blo log pa dge sbyor la blo khel ba gcig gis/ sngon du tshogs bsags ba ni chos dang zang zing gi sbyor ba la ji ltar 'byor pa bya/ de la mdun gyi nam mkha' la rang gi bla ma dang/ dkyil 'khor rdzogs par spyan drang ste/ bdun rnam par dag pa lan cig bya'o/ /de nas khyad bar du mchod pa dang bstod pa dang/ bshags pa lan bdun nam bcu gcig bya'o/ /de nas dkyil 'khor gyi lha tshogs dang bla mar bcas pa 'od du zhu nas/ bdag gi lus mgo gzhug du bstims la/ bdag nyid kyang 'od stim gyis zhu ba las slar gso ba ye shes kyi lus su langs te/ yi dam gyi sgyu lus su gzung ngo/ /de nas bdag nyid kyis bdag nyid sprul pa'i tshogs dpag tu med pa bsog go /dngos dang dngos po yin pa la sogs pas gzhan tshogs rdzogs par bya'o/ /lus sems bcos pa ni/ de ltar tshogs rdzogs par byas la/ de nas lus bde lus su bcos la/ skad cig dang po lha'i rnal 'byor du bya'o/ /gnyis pa 'od zer gyi phung por bya'o/ /gsum pa stong pa nyid du bya/ bzhi pa slar ye shes kyi lus su langs la/ sems nyid de la 'khor ba'i tshul du bltas pas/ 'khor 'das kyi 'brel ba chad/ brkyang ba'i tshul gyis bltas pas nya gcig gral du chud ba'o/ /de yang sems bcos pa'i gnad ni 'gyu ba ? phyung pa dang/ dran pa yal sbur ba dang/ gsal ba phugs rdib pa dang/ gnas pa yul 'byung ba'o/ /chos lugs ni nam mkha' la ngos bzung/ khong du lam grang gnas su bzung ba'o/ /gsum pa rnam bar rtog la mi gnas par sems dri ma dang bral ba'i man ngag ni/ rlung gis bde sa btsal/ ye shes mtshams dbye/ rtog pa'i mgo phur dran rig lhug par bzhag /phyi yul rnam par rtog pa'i ming med de nyid la bcos sa ma rnyed pas nang sems las rnam par rtog pa ming med/ de nyid gsal ba rang gsal la/ dag pa rang dag tu 'dug pas phyi nang du rtog pa'i zhen pa tsam du yang mi gnas pa'o/ /bzhi pa nyams ji ltar skye ba dang/ bogs 'don pa'i man ngag ni/ dang po dran pa tsam chos lugs kyi bris zin nyams cing la byung bas/ lus ngag gi bsal ba shas che ba gnyis pa sems lam srol du snang ba'i mtshams shes pa'i nyams ldog pa yid la byung bas/ rtog pa'i sgo 'gags te bde ba shas che/ gsum pa sems kyi byung tshor shes pas rang gi sems las byung bas/ rang sems tshad la phebs las gnas pa shas che/ bzhi la 'gyur ba rang dag pas nyams la shes rab lnga 'byung bas/ nyon mongs pa'i phubs brtibs pas stong pa shas che/ lnga pa yul sems la dbang thob pa'i nyams chos nyid las byung bas bsam gtan la 'pho 'gyur med de/ bde stong gsal ba gsum dus gcig las mi bde mi srid pa'o/ /de lta bu'i nyams rang rgyud lam skyes na lus bcud pa'i 'khor lo sna tshogs bya/ sems rgya bskyed cing khong bskyung ngo/ /de ltar byas pas chos las ? bas ye shes las ye shes su dag pa'i nyams su myong ba/ rnal 'byor pa'i rgyud la rang gsal/ rang shar du 'byung bar nges so/ /lnga pa chos nyid sgra la mi gnas pa 'bras bu'i yin lags sam/ thob lugs gtan la dbab brtog pa du ma'i sgra la shes pa mi gnas pas yul chos nyid du gyur pa'o/ /grag pa sgra tshig gi sgra la mi gnas pas/ rnam rtog chos nyid du 'gyur ba'o/ /grag pa yul snang gi sgra la dbang po mi gnas pas/ /myong ba chos nyid du gyur pa'o/ /de ltar sgra la mi gnas pa mthong bas sku gsum gyi rgyas thebs pas gsal ba rang shes su zin pas 'bras bu 'khor bar ldog med/ gnas pa sku gsum du zin pas/ dgongs pa bcos pa med pas/ 'bras bu bden pa yam bral/ bde ba sku gsum gyi rtsis zin pas/ bskyed rdzogs kyi mtshams med de 'bras bu zung 'jug stong pa kho na gnas pa'o/ /mchog tu dmigs pa bcad pa'i rim pa ni 'jug pa bskyed pa'i yan lag dmigs bcad pas/ 'bras bu bden pa yam bral/ bde ba sku gsum gyi rtsis zin pas/ bskyed rdzogs kyi mtshams med de 'bras bu zung 'jug stong pa kho na gnas pa'o/ /mchog tu dmigs pa bcad pa'i rim pa ni 'jug pa bskyed pa'i yan lag dmigs bcad pas/ rang sems la dkyil 'khor rnyed pa dang/ lha la dmigs pa bcad pas lus kyi zlo mtshams shes pa dang/ yi ge dbu ska'i? dmigs pa bcad pas dag gi nus pa rnyed pa dang/ 'phro 'du kha dog gi dmigs pa bcad pas yid kyi bde ba thob pa'o/ /'jug pa bskyed pa'i yan lag ni tshad med pa bsgom pa dang/ stong pa bsgom pa la sogs pa ste/ de dag rnams rang zhi rang dag tu rnal 'byor pa'i rgyud pa khyed pas sems nyid stong ba 'od gsal/ rang bzhin skye med rtog pas sgom bya chos nyid las blo bzlog /de la blo mi gnas chos nyid zab mo rang rtags kyi 'khor lo las lha ba'i sa med pa'o/ /lha la dmigs la ni dus thams cad du yi dam gyi lha sgom pa lam du byed pa ste/ de nyid rang rgyud du 'dzin pa'i dmigs pa bcad pas lus la zhen pa rang rgyud du 'dzin pa'i yul gang la bdag tu sems pa de nyid lam byung du snang pas 'khor rkyen? dmigs pa tha dad du byung bas/ rang bzhin du blo chos nyid rang sgra la mi gnas khyad par du yid pa byed pa'i dmigs pa rang chod pas/ sems chos nyid la mi gnas te/ chos sku lus kyi zlog mtshams shes pas stong pa nyid sgra dbang du ma gyur pa'i chos nyid du gyur pa'o/ /yi ge'i 'bru'i sgra ni phyi'i snang ba bems po rnams la sngags kyi sgra'i dmigs par tha dad pa na phyag mtshan stong gsal sgra'i dmigs pa/ 'phro 'du bod kyi sgra'i dmigs pa'o/ /de rnams 'gyur med rtsa stong du bcad pas rang rkyen yul du ma zhen/ yul 'gags pas sgra tshig sngags su gsal la brjod pa phreng lugs su rdzogs pas/ ngan lam pa srol du chud pas ci byas sngags tshig tu gsal tsam na bdag rkyen 'gag pa ni ngag la dbang thob pa'o/ /'phro 'du kha dog ni dmigs pa ni/ zhi ba dkar por dmigs pa dang/ rgyas pa la ser po/ dbang dmar po/ drag po ljang gu la sogs pa de rnams snang ba rang dag tu bcad pas rgyu dang rkyen yongs su dag pas tshad du kha dog rang rgyud du zhen ba las blo bzlog / de nyid log par ngo shes pas rtag tu bya ba byed pa lta ba 'gag /de nyid 'gags pas yin lugs stong par ngo shes gtan la phebs pas/ yid kyi 'jug ba rang sar grol bas yid rang byung du bde la/ snang lugs rang shar du gtan la phebs pas gsal ba rang gi chos nyid du gtan la phebs/ yid kyi dmigs pa rang chod pas yid gnyis rang snang du bde ba'o/ /de ltar sgra gang la mi gnas na/ bskyed pa'i rim pa dmigs pa yan lag dang bcas pa la mi gnas pas chos nyid sgra rang grol gyi bsam gtan zhes btags kyang 'gal ba med do/ /sngags kyi sgra la mi gnas pa'i phyir 'jig rten grags 'dzin gyi sgra la sogs pa la lta ci smos te / chos nyid rnam par dag pa'i rang sgra don tshad ma/ rtags tshad ma/ don rtags tshad la phebs pas dmigs pa sgra'i zhen pa las rang log pas chos nyid du mthong/ sku gsum slar mi ldog pas sgra la mi gnas pa'i bsam gtan zhes bya'o/ /de'i phyir chos nyid zab mo sangs rgyas kyi spyod yul du gyur pa rnal 'byor pa'i rang rgyud dang gnyis 'brel ba'o/ /sgra la mi gnas pa'i bsam gtan zhes bya ba rnal 'byor pa'i 'khor rkyen drungs nas 'don pa/ slob dpon chen po dpal mar me mdzad bzang pos mdzad pa rdzogs so/ / //dpal rdo rje rnam par 'joms pa la phyag 'tshal lo/ /mthar gyis pa'i man ngag /sgra mthar gyis pa'i bsam gtan skye ba'i rim pa rdzogs pa'i rim pa sgrub pa po'i lus sems kyi 'brel pa bcad pa ni/ lung ldan bla ma'i mtshan nyid la/

CLOSE WINDOW