བོད་ཡིག

e-texts based on the ACIP/ALL Input

/ //dpal rdo rje rnam par 'joms pa la phyag 'tshal lo/ /bsod nams rgya chen po 'phel bar 'dod pa'i sgrub pa po dam tshig dang ldan pas/ gnas khang yid dang mthun par mthun par 'phags pa rdo rje rnam par 'joms pa'i lha sum cu rtsa lnga'i dkyil 'khor bzhengs la/ bum pa yang lha'i grangs dang mnyam pa la/ so so'i mtshan mas btab la dang sna tshogs pa'i mgul chings kyis gdags so/ /dkyil 'khor gyi phyogs bzhir kun du shug pa dang snyug ma dang/ 'dam bu dang seng ldeng gi shing gi lo ma dang 'bras bur bcas pa rim par 'khor bar gzugs so/ /steng nas dar dmar po'i yol bas dgab/ gnas khang gi logs rnams su yang de bzhin gshegs pa'i sku ris su dris pa dang 'bur? du btod pa dang/ lugs su blug pa la sogs pa'i rten rnams dgram/ po ti dang glegs bam la sogs pa yang dgram/ /de nas mchod pa'i bye brag spos kyi reng bu stong/ yon chab stong/ mar me stong/ bshos gtsang stod/ me tog stong/ gtor ma de snyed cig tu bsham mo/ /shar du gdugs rgya shog la byas la dkar po stong/ lhor ba dan ser po stong/ nub tu rgyal mtshan stong/ byang na kha dog sna tshogs stong bshams la gnas khang gi tha ma thams cad du rtswa ku sha dang dur bas khyab par dgras mo/ /sngags pa dam tshig dang ldan pa dgu 'am bcu gcig go /gcig gis shar phyogs su rgyud stong phrag gcig bklag /gcig gis lho phyogs su chu gtor stong phrag gcig btang/ gcig gis nub tu chu sbyin stong phrag gcig btang/ gcig gis byang du mchod rten stong gdab/ gcig gis shar lho nas mchod pa bya/ gcig gis lho nub nas bstod/ gcig gis nub byang nas gtor ma btang/ gcig gis byang shar du yi ge brgya pa stong phrag gcig bzlas/ bdag nyed kyi snying po rgyas bsdus las ci rigs rgyun ma chad par bya'o/ /'brug gi nyi ma la gtad la zhag gsum du de ltar bya ste/ bza' ba dang btud ba'i bye brag sna tshogs pa las longs spyad/ gnas khang gi phyogs bzhi dbus dang lngar 'bum lnga bklag pa la sogs pa dge sbyor grub tshad du bya'o// bdag nyid kyi dkyil 'khor gyi lha rnams spyan drangs la sdig pa mi dge ba'i las ci byas pa rnams bshags so/ /de'i 'og tu 'dod pa'i don la gsol ba gdab po/ /grub na gzhan la ston mo rgya che ba bya/ de nas 'brug gi nyi ma la gtor ma la sogs pa'i rdzas rnams 'bab chu chen po la bskyal lo / grong khyer gyi shar phyogs su dur sna tshogs pa'i sgra chen bsgrag cing/ gdugs dang rgyal mtshan sgreng/ lha rnga sna tshogs pa'i sgra bsgrag cing ba dan sgreng /nub tu cha lang dang/ gaN Di'i sgra dang/ cang te'u'i sgra bsgrog cing rta dang glang po la zhe na/ byang du dril bu dang pheg rdob kyi sgra sgrog cing dar sna tshogs pa phyar ro/ /de nas tshogs ci rigs par bsag cing bshags pa rnams bya'o/ /de lta bu'i cho ga lan gsum mam bdun byas na/ rnal 'byor ba de'i bsod nams phyogs thams cad du shing skam po la me 'bar ba bzhin du 'gro bar nges so/ /bsod nams 'phel bar byed pa'i dpal ye shes kyi phreng ba zhes bya ba/ slob dpon ye shes rdo rjes mdzad pa rdzogs so// //bcom ldan 'das dpal rdo rje rnam par 'joms pa la phyag 'tshal lo/

CLOSE WINDOW