བོད་ཡིག

e-texts based on the ACIP/ALL Input

slob dpon ye shes rdo rjes mdzad pa rdzogs so// //dpal rdo rje rnam par 'joms pa la phyag 'tshal lo/ /tshe 'phel bar 'dod pa'i sgrub pa po dam tshig dang ldan pas/ gnas khang yid dang mthun par dpa' bo gcig pa'i dkyil 'khor bzhengs te/ bum pa mtshan nyid dang ldan pa'i nang du/ rgyu chad la sogs pa'i chang rigs sna tshogs blugs la de'i nang du zas dpag tu med pa dang/ bum pa'i snying po rnams blugs la lha'i mtshan ma gdab/ tshe bshos zla gam la gur ma la sogs pa'i ro mchog sna tshogs pas brgyan la/ tshon sna lnga'i skud pas gzungs thag gdags/ mda' bya rgod ma la dar la ba rgan gyi 'phur lce btags la skabs su g.yab/ dkyil 'khor gyi tha mar rtswa dur ba'i gcal dgram/ bkra shis tshe 'phel gyi rdzas zho dang/ bil? ba dang/ li khri la sogs pa rnams kyang bzhag /de nas mchod pa'i bye brag ji ltar 'byor ba dang/ bar chad bsal ba'i don du gtor ma bzang po yang bzhag go /de nas rdo rje rnam 'joms sku mdog dkar por bsgyur te spyan drang ba dang/ ye shes sems dpa' bstim ba dang/ mchod ba dang bstod pa bya/ de nas bum pa dang pad+ma'i snying po 'dab ma brgyad pa'i steng du lha mo brgyad sku mdog dang/ phyag mtshan gsal bar bskyed la/ tshe'i bdag po brgyad pa'i sngags brgya phrag re bzlas la/ de nas bstod pa ni/ shar gyi phyogs nas rdo rje 'tshe 'phel chen mo ni/ /lha mo chen mo dkar sham mo/ /sku mdog mthing ga rin chen 'od/ /tshe skyob chen mo gdugs 'dzin ma/ /tshe dang dpal gyi las mdzad ma/ /shar gyi phyogs kyi tshe khug la/ /rnal 'byor bdag gi tshe spel cig /lho phyogs tshe 'phel mnga' bdag ni// lha mo chen mo mdangs can ma/ /sku mdog mthing ser 'od 'bar ma/ /rin chen tshe spyod chen mos te/ /phyag na pad+ma 'dab brgyad bsnams/ /tshe dang dpal gyi las mdzad ma/ /lho phyogs 'gre /rnal 'byor bdag gi tshe spel cig /nub phyogs tshe 'phel mnga' bdag ni/ /lha mo chen mo skyes chen ma/ /pad+ma'i tshe spyod chen mo ste/ /sku mdog dmar la 'od zer 'bar/ /phyag na tshe'i bum pa bsnams/ /tshe dang dpal 'gre /nub phyogs/ rnal 'byor/ byang phyogs tshe 'phel mda' bdag ni/ /lha mo chen mo yid bzangs ma/ /las grub tshe yi las mdzad ma/ /sku mdog ljang gu ri chen 'bar/ /phyag na tshe spyod dung phor 'dzin/ /tshe dang dpal/ byang phyogs/ rnal 'byor/ shar lho me yi mnga' bdag mo/ /lha mo chen mo dbyangs mkhan mo/ /sna tshogs tshe spyod chen mo ste/ /sku mdog dkar mo rin chen 'bar/ /phyag na tshe yi 'khor lo bsnams/ /tshe dang/ shar lho'i/ rnal 'byor ro/ lho nu tshe yi mda' bdag mo/ /lha mo chen mo 'od ldan ma/ /sna tshogs tshe spyod chen mo ni/ /sku mdog mthing kha 'od zer 'bar/ /phyag na cha'i rgyal mtshan bsnams/ /tshe dang/ lho nub/ rnal 'byor/ nub byang tshe yi mnga' bdag mo/ /lha mo chen mo dri med ni/ /sna tshogs tshe spyod chen mo ste/ /sku mdog dmar po rin chen 'bar/ /phyag na yid bzhin nor bu bsnams/ /tshe dang/ nub byang/ rnal 'byor/ byang shar tshe'i mnga' bdag mo/ /lha mo chen mo yid gzhungs ma/ /sna tshogs tshe spyod chen mo ste/ /sku mdog ljang gu rin chen 'bar/ /phyag na tshe 'phel ro hi te/ /tshe dang/ byang shar/ rnal 'byor/ aoM bud d+ha/ aoM bruM/ aoM badzra hUM bruM/ swa ratna swa bruM/ ha karma ha bruM zhes ye shes tshe rgyun bdag dang sems can thams cad la rgyas par dmigs la/ snying po bsdus pa la bzlas pa bya/ /rgyud stong phrag lnga bzlas/ gos dkar po dri ma med pa gyon la/ gzhan la byed na dbang/ rang la byed na lus thams cad rang bzhin gyi rdo rje chen po gcig tu byin gyis brlabs la/ kha zas rtag tu ro myang ba dang /'o ma brten/ 'bras bu gsum la sman mar brtag par btang ngo/ /kha zas lhag mtsho bshos 'ba' zhig dang/ tshe skyes la zas skom bya'o/ /nyin mtshan du rgyud rdzogs par kha ton bya'o/ /rtag tu rdo rje rnam par 'joms pa ring la bya/ /tshe 'phel ba'i don du dge 'dun la ston mo bya zhing/ bram ze rnams la yon dbul/ rtag tu tshe'i dkyil 'khor bzhengs mchod pa dang bstod pa dang/ sems bskyed pa dang/ sdig pa bshags pa dang/ 'dod pa'i don la gsol ba gdab pa dang/ rjes su yid rang ba dang/ smon lam gdab pa rnams bya'o/ /dkon mchog la skyabs su 'gro ba la brtson par bya'o/ /rtag tu khrus bya zhing gos gtsang ma bgo bar bya'o/ /de ltar rgyun tu byas na rnal 'byor pa de'i lus kyi lkogs pa rim pa bdun pa rje ba dang/ skra dkar dang gnyer ma med pa dang/ so dang sen mo rje ba la sogs? pa'i rtags dang yon tan mang po 'byung ba yin no/ /lus gzhon cing snum bag dang ldan par 'gyur ba yin no/ /'di'i tshe yang sgrub pa po rab kyis nyi zla ji srid gnas kyi rin la thub po/ /'bring gis 'bum phrag rtsa gnyis su thub par nges so/ /tha mas stong phrag bco brgyad thub par nges so/ /skabs su yi ge brgya pa 'bum phrag re bzlas shing gshegs so/ /bla ma la yon dbul dgos pa'i bya ba ma yin pa gang yang mi bya/ de ltar byas na tshe 'phel bar nges so/ /tshe 'phel ba'i sgrubs thabs rgyal mtshan gyi rtse mo zhes bya ba slob dpon ye shes rdo rjes mdzad pa rdzogs so/ / //dpal rdo rje rnam par 'joms pa la phyag 'tshal lo/ /bsod nams rgya chen po 'phel bar 'dod pa'i sgrub pa po dam tshig dang ldan pas/ gnas khang yid dang mthun par mthun par 'phags pa rdo rje rnam par 'joms pa'i lha sum cu rtsa lnga'i dkyil 'khor bzhengs la/

CLOSE WINDOW