བོད་ཡིག

e-texts based on the ACIP/ALL Input

/gang bsrung ba'i phyogs su phur bu la khro bo bcur dmigs la gdab bo/ /sems can bsrung ba'i las sprin bral ba'i 'byung ba gcod byed ces bya ba/ dpal mar me mdzad bzang pos mdzad pa rdzogs so// // dpal rdo rje rnam par 'joms pa la phyag 'tshal lo/ /byis pa'i gdon las thar bar 'dod pa'i sgrub pa po dam tshig dang ldan pas sngon du srin mo nam gru'i cho 'brang bton te gtor ma sbyin/ 'bras kyi 'o thug dang kri sar dang/ 'bras chan mon sran dre'u sbyar ba dang/ bu ram dang/ 'o ma dang nya dang sha dang/ til dang chang dang 'gron bu dang/ dri dang me tog sna tshogs pa'i gtor ma dur khrod du phyin na byis pa'i gdon bsrung ba dang mi nad chen po rnams zhi bar 'gyur ro/ /'di dag gis bshos gtsang ma la sogs pa badzra pA Ni 'khor dang bcas pha la mchod cing rgyud rdzogs par ci rigs par bklag / de nas srin mo chen po nam gru'i dam tshig gi phyag rgya bcas te/ lag pa gnyis khu tshur bcangs te mdzub mo gnyis tshigs mar bkug gud mo gnyis gshibs te/ bsgrengs pa'i tshigs dang por mdzub mo gzugs te/ mthe bong gnyis sgreng bar byas la na ma badzra pA Ni bya ci li ci li/ b+hin Ti b+hin Ti/ mun tsa mun tsa/ hi ba la ka na swAhA/ badzra pA Ni rI dz+nya pa ya ti swAhA/ de ba sa man rA dz+nyA pa ya ti swAhA/ ri sha ya sa swAhA pa ya ti swAhA/ zhes gser dang lung tang dang/ ji ba lig pu mig dang gI wang dang/ mar dang sbrang rtsi dang shu dag dang dang Da dang grog la cho 'brang dang/ rig sngags bris pa ras sngon po'i nang du gril ba dang/ skud pa sngon po la mdud pa bor ba rnams kyi byas pa'i mgul du btags na byis pa nges par gdon gyi dbang du mi 'gyur ba nges so/ /nam gru'i cho 'brang smos par bstod pa ni/ /nor bu'i rang bzhin 'od kyi lus/ /rgyab ni 'dzam bu chu bo'i gser/ /khyod kyi gdong yang dngul yin te/ /lte ba'i ngos ni rdo rje mkhregs/ /ming po mdzod dang mdzod srung gnyis/ /khyod kyi ming ni kun grol ma/ /khyod kyi pha ni rlung zhes bya/ /bA gi ra thi khyod kyi rus/ /lha yul dag tu grags pa yin/ ces bstod cing gtor ma byin pas nges par bsrung ste gong gi rdzas rnams dang bcas/ /rig sngags bstong pa gnyis hI wang gi chus grog la bris la mgul lam spyi bor gdags so/ /de yod sngon du khrus byas la gdags so/ /des su la btags pa'i 'gro ba de ni nam grus dpag tshad lnga bcu tshun chang bsrung bar byed do/ /byis pa gdon las thar par byed pa'i sgrub pa gsang ba me'i 'khor lo zhes bya ba slob dpon ye shes rdo rjes mdzad pa rdzogs so/ / //dpal phyag na rdo rje la phyag 'tshal lo/ /rdo rje rnam par 'joms pa'i sbyin sreg gi cho ga sgrub pa po dam tshig dang ldan pas/

CLOSE WINDOW