བོད་ཡིག

e-texts based on the ACIP/ALL Input

/'phags pa rnam par 'joms pa'i sgo nas rab tu gnas pa byed par 'dod pa'i sgrub pa po dam tshig dang ldan pas/ gnas khang yid dang mthun par dkyil 'khor gyi cho ga nas 'byung ba bzhin du dkyil 'khor bzhengs te/ mchod pa'i yo byad ji ltar 'byor ba bshams te/ mgon po dang 'byung po rnams la gtor ma'i bye brag rab tu bzang po yang bsham/ chos skyong la gtor ma chen po bshams la bdag nyid kyis bsnyen pa ci rigs par bya de nas rab tu gnas par byed pa'i rten sku'i rten ras ras su bris pa dang/ 'bur du bstod pa dang/ lugs su blugs pa dang/ gsung pu ti la sogs pa/ thugs rdo rje dang dril bu la sogs pa gang yin pa de khrus nas bton la dkyil 'khor gyi shar phyogs su shing leb la sogs pa'i steng du khri'i steng du ras ser po dri ma med pas dril la bzhag go / de nas yon bdag gsum la skyabs su 'gro ba la sogs pa sdig pa bshags pa dang sems bskyed pa bya'o/ /de nas bdag nyid kyang khrus bya ste/ gos gsar pa gyon la bum pa re re la snying po rgyas bsdus gang mos pa brgya rtsa brgyad bzlas la/ sku rten khro po yin na rigs nges pa'i sa bon snying gar bcug ste/ gser gyi thur mas spyan spra? ba dang/ shangs dang zhal bkru ba la sogs pa bya ste/ khro bo'i dur khrod kyi brgyan brgyad gdab/ so so'i rigs kyi gtso bos dbu brgyan la snying ga'i sa bon la ye shes sems dpa' bzhugs par byas la/ rab tu brtan par bzhub sa su gsol/ lha so so'i snying po brgya rtsa brgyad brjod la yon bdag dang gnyis su med par bstim/ chos skyong la? gtad de mnga' gsol zhi ba'i sku nyan thos kyi cha lugs yin na/ yang so so'i sa bon bzhugs pa la sogs pa byas la de nas zhal bsil ba dang/ dbu skra gzhar pa la sogs pa bya ste/ chos gos dang rgyan rnams gdags/ de nas ye shes sems dpa' bcug ste/ de'i snying po brgya rtsa brgyad brjod la brtan par bya/ de nas mchod pa rnam pa lnga phul la yon bdag dang gnyis su med par bstim mo/ /byang chub sems dpa' i cha lugs yin na/ yang gong ltar byas la byang chub sems dpa' i rgyan do shal la sogs pas brgyad gdags so/ /de nas yon bdag gi don du bstim pa la sogs pa bya/ mchod pa dbul/ chos skyong la gtad/ gsol ba gdab/ /'od nyid kyi dkyil 'khor du bcug la bum pa'i dbang bskur ro/ /gsung gi brten rnams la spyan dbye ba dang/ zhal? bkru ba la sogs pa byas/ /ljags spel ba la sogs byas la dam chos bdud rtsa'i char dbab/ h+rI las byang ba'i lha mo rnams kyis dbang bskur ro/ /de nas me long gi nang du bum ba'i chus bkru /mchod pa lnga dbul/ rab tu dgyes shing bstan par bya'o/ / chos skyong la gtang/ 'dod pa'i don la gsol ba gdab po/ /thugs kyi rten la byed na 'di nyid kyi dkyil 'khor du dbang bskur/ khrus nas dkyil 'khor gyi lha rnams kyi ye shes sems dpa' rnams spyan drangs te gnyis su med par bstim par bya/ mchod pa dbul/ chos skyong la gtad/ 'dod pa'i don la gsol ba gdab/ so so'i snying po gsal ba med na rdo rje rnam 'joms kyi sku dpag tu med pa sprul te/ de nyid kyi snying po shin tu bsdus pa brgya rtsa brgyad bzlas la de nyid dang gnyis su med par byas la rang gzhan gyi don rdzogs par bya'o/ /de la ma mos na/ de bzhin gshegs pa'i rigs yin na aoM/ rdo rje'i rigs yin na hUM/ rin po che swA/ pad+ma'i rigs la aM/ las kyi rigs la ha ci rigs par bzlas so/ /gsung gi rten rnams la gcig gi rgyud stong phrag gcig brlag? de nyid brgya brgya'i bar du mchod pa lnga rdzogs par dbul/ grub na zhi ba'i sbyin sreg ci rigs par 'grub par bya/ phyogs skyong ba dang 'byung po la sogs pa la gtor ma gus par btang/ bdag nyid bzlas pa la zhugs pa'i dus su khrus dang gtsang sku? la sogs pa bya zhing/ sha dang nya dang sgog pa la sogs pa/ btsor dang chang dang/ bud med dang/ phyi dro'i kha zas bdun spangs la zas dkar chos la brten cing zhag gsum mam lnga 'am bdun nam/ bsnyung bar gnas par bya ba ni bzlas pa bum pa gtso po'i dus na nges par yin no/ /de ltar sku gsung thugs kyi rten la dbang bskur rdzogs nas mchod pa'i las ji ltar 'grub par byas la dben pa'i sar bzhugs su gsol/ de nas yon bdag gi don du sbyin sreg ji ltar rigs par byas la dbang ci rigs par bskur ro/ /de nas dbang rdzogs nas yon bdag gi mchod pa ji ltar 'byor pa yi dam de dag la mchod/ chos skyong la gtor ma chen po gcig btang la/ bdag gi yi dam gyi lha 'di rab tu bkra shis pa dang byin brlabs che ba dang/ bstan pa ji srid du gnas pa'i bar la bsrung ba dang/ mchod pa mdzad du gsol zhes gtor ma btang/ de nas phyogs la sogs pa'i gtor ma rab tu rgya che bar btang ngo/ /dung dang rnga dang cha lang dang/ dril bu la sogs pa'i sgra rnam pa sna tshogs pa yang bsgrag go / de nas bkra shis gsol te yon bdag kyang khrus nas gdon/ bsrung skud gdags/ brab pa dang byab pa la sogs pa bya/ tshe 'phel ba'i don du dur ba sbyin par bya/ de ltar cho ga'i gzhung ma nor bar rdzogs nas dkyil 'khor bsdu?/ sman? pa dor/ bla ma la yon rab tu gus pa dang ldan pas dbul lo/ /de nas yin bdag gi long spyod dang tshe 'phel ba dang/ tshoD rdzoD par bya ba'i don du ston mo ji ltar 'byor pa bya'o/ /chos dang zang zing gi 'byor ba yang 'byor? pas btang bar bya'o/ /mdor na chog gtso bos sems bskyed ldan du byas pa las mi 'da' bar bya'o/ /'phags pa rdo rje rnam par 'joms pa'i rab tu gnas pa'i cho ga/ /slob dpon chen po dpal mA mi mdzad bzang pos mdzad pa rdzogs so// ? // bcom ldan 'das dpal phyag na rdo rje la phyag 'tshal lo/

CLOSE WINDOW