བོད་ཡིག

e-texts based on the ACIP/ALL Input

/ //dpal rdo rje rnam par 'joms pa la phyag 'tshal lo/ /dpal rdo rje rnam par 'joms pa'i khrus kyi cho ga bum pa sgrub par 'dod pa'i sgrub pa po dam tshig dang ldan pas gnas khang yid dang mthun par la gzhi rnams legs par mnyams te/ byug spos la sogs pa rnams kyi chag chag btab la dkyil 'khor la brten pa dang maN+Dal la brten pa gnyis gang mos su bya'o/ /dkyil 'khor la brten na dkyil 'khor gyi cho ga dang dbang bskur ba'i cho gang zhin bya'o/ /maN+Dal la brten na khru gang gi maN+Dal sngon po zlum zhing dbus yid tsam mtho ba la chags legs bar bya zhing mnyam pa'i steng du bum pa gser ram dngul lam zangs sam lcags la sgrub pa po 'byor pa'i khyad par gyis bya'o// de yang pad ma dmar po'i mdog ltar dmar zhing b+hu ru dang/ mtshal bzang po'i mdog ltar dmar zhing nag po ra? ri med cing shin tu 'jam par bya'o/ /de yang tshad dang ldan par bya ste/ zhabs kyi rdub? krol dpangs su sor gcig gi tshad du bya/ stegs la sor gnyis/ lho ba lhung bzed dang 'dra bar bya/ mgrin pa ni dpangs su sor bzhi phyir gyed pa kha khyer gyi 'dab ma la sor gnyis/ mar bcal ba la nas gang dpangs de gang mnyam/ kha'i bu ga ni sor bzhi'i tshad du bya'o/ /lte ba'i tshad ni rab la phul nyi shu rtsa gcig / 'bring po rnams su bcu gcig dang/ bdun dang bre gang shod bar bya'o/ /tha ma ni phul bzhi dang phul gang khyod bzhi shod bar bya'o/ /de lta bu'i bum pa chag pa dang/ zhom pa dang gas pa dang/ nag por ri dang/ thag thug med pa mtshan nyid dang ldan pa ni dbang bskur 'jug pa'i rkyen dang byin brlabs su nges pa'o/ /de lta bu'i bum pa mtshan nyid dang ldan pa'i nang du chu rab tu gtsang ma srog chags med pas bkang ste/ dung dang nor bu dang/ mu tig mig ma phug pa dang/ byu ru dang gser dang rin po che lnga dang/ gi ri ga ni dang/ sing hA dang/ bya gri dang/ sa hA dang/ sa hA de ba la sogs te sman lnga dang/ nas dang 'bras dang/ mon sran gre'u dang/ gro dang til te 'bru lnga dang/ tsan dan dang/ ga pur dang/ gu gul dang/ gla rtsi dang/ spos sbyar ma ste dri lnga/ ka ra dang/ pu ram dang/ sbrang rtsi dang/ mar dang/ lan tshwa la sogs te snying po lnga dang/ man shel dang rdo rje dang/ me tog dmar po rab tu dri zhim pa rnams kyang blugs la/ de nas dri dang ldan pa'i chu la sngags bzlas la bum pa bsangs te/ tsan dan dmar po la sogs pa'i dri zhim zhing bkra shis pa'i rdzas gang yang rung bas lha rnams kyi mtshan ma legs par bris la ras dmar po dri ma med pa mgul pa bcing ngo/ /ku sha dang shug pa la sogs pa'i shing lo ma can me tog dang 'bras bur ldan pas kha brgyan la tshon sna lnga'i ras skud dril te mdud pa byas la de'i steng du ba dmar mo'i lci bas rgyas bdab ste/ rtswa dur ba nyag ma bdun dang rma bya bdun bzhug go /de dag gi steng du rin po che'i snod chung zhing mdzes pa'i nang du yungs kar dang til dkar po dang a la ka'i phye ma rnams blugs la bzhag go / de dag ma blugs pa'i gong du ni gu gul la bdud rtsi thabs sbyor gyi sngags aoM a mri te hUM phaT ces brjod la bdug par bya'o/ /de nas sgrub pa po bdag nyid kyis gos gsar pa gyon te/ lag pa g.yon pa'i mthil du chu gtsang ma blugs la de nyid a yongs su gyur pa las/ zla ba'i dkyil 'khor du dmigs la g.yas pa'i sor mo gsum rdo rje rtse gsum par dmigs te/ aoM sho da na te aoM sha ta na ye swAhA/ zhes brjod pas g.yas dang g.yon dang/ dbus su gtor la de nas g.yas pa'i srin lag chu nang du bcug la/ de nyid la nyi ma'i dkyil 'khor du dmigs la bdag nyid kyis hub gsum btung ngo/ /de ltar nye reg dang 'thor 'thung byas la bdag nyid khro bo ti rin ti ri'i gzungs kyis langs la hUM hUM zhes brjod pas rkang pa g.yas pa rdo rje g.yon pa phur par dmigs pa dang/ mig g.yas pa zla ba'i dkyil 'khor gyi steng du hUM sngon po 'phred la nyal ba dmigs g.yon pa ma las nyi ma'i dkyil 'khor gyi steng du hUM dmigs la rab tu sdang ba'i mig gis bgegs rnams la dbang ldan nas brtsams te/ phyogs bcur khyab par bltas te/ hUM zhes brjod pas rdo rje'i rtsig pa dang/ rab dang dra ba dang/ gur dang/ sa gzhi'i dmigs par byas la phur bu dang tho ba thogs pas kyang mtshams gcad par bya'o// da nas phur bu'i yungs kar blangs te/ aoM band+ha band+ha kro d+ha kI li kI li ya hUM phaT/ ces brjod pa dang bgegs bskrad yang bdud rtsi thabs sbyong du dmigs te/ hUM hUM/ dus gsum sangs rgyas thams cad kyi/ /mngag gzhug pho nya'i las mdzad pa/ / khro chen bdud rtsi 'khyil pa yi/ /yungs kar dag la mngon par sngags/ /phyogs rnams kun du gtor byas na/ /bgegs kyi sbyor ba rgyun chod cig /de nas bdud rtsi thabs sbyor gyi sngags brjod cing/ phyogs mtshams kyi sngags brjod cing gtor la bskrad de/ /nad pa la byed na gong gi dkyil 'khor gru bzhi pa dang ldan pa'i sa nyid la dbus su khru ngo khrus byed pa'i sa sna tshogs pas bkang la bzhag go /de nas sngags pa bdag nyid kyis khrus bya ste/ bum pa'i nang du dkyil 'khor gyi lha tshogs sngags dang phyag rgyas spyan drangs te/ de nas lag pa'i sor mo'i nang du bsnol te khu tshur bcangs la mthe bong dang gung mo dang mthe'u chung rnams bshibs te bsgrengs la nas re re las ma reg par byas la/ na mo ratna tra yA ya/ na mapa Na ye/ mahA? yak+Sha se na pa ta ye badzra bo d+ha ra na ya swAhA/ zhes pas rdo rje rnam 'joms kyi sku mdog phyag mtshan gsal bar dmigs la/ bum pa'i nang du paM yongs su gyur pa las/ bdud rtsi lnga'i chu rgyun dag las pad+ma dkar po'i za 'bru dang/ sdong por bcas pa dmigs la de nyid kyi lte pa la nyi ma dang zla ba dang pad+ma'i gdan la bzhugs par dmigs la de nas dkyil 'khor gyi cho ga las 'byung ba bzhin du lha so so'i dam tshig gi phyag rgya dang/ sngags brjod cing spyan drang ngo/ /de nas mchod yon lan bdun nam lan nyi shu rtsa gcig gam sum cu rtsa lnga dbul lo/ /yang lha re re'i dam tshig gi phyag rgyas spyan drangs sngags brjod cing de dag re re la yang mchod pa lnga lnga dbul lo/ /de nas phyogs skyong rnams kyi phyag rgyas spyan drang ba ni/ langs te rkang pa g.yas pa brkyad ba'i tshul gyis lag pa g.yon pa rdo rje'i phyag rgya bstan te/ g.yas pa rdo rje'i phyag rgya sta zur du bzhag par bya sngags ni/ aoM ha na ha na b+hi ta badzra hUM phaT/ yang g.yas g.yon brkyang ba'i tshul gyis lag pa g.yas pa'i mdzub mo lcags kyu ltar bskyed do/ / g.yas pa brgya byin gyi'o/ /yang me'i phyogs su bltas te/ leg pa g.yas pa brkyang la rkang pa gnyis mnyam bar byas la mdzub mo bkug ste/ rtse mo gung mo'i tshigs gsum par gzugs so/ /sngags ni/ aoM badzra na la mahA bu ta dzwa la sarba b+hasmi ku ru sarba duSh+Tan hUM phaT/ mthe bong mthil du sbyar te brtan por bzhag la g.yabs pa ni spyan drang ba'o/ /mdzub mo mthe bong btsugs te phyir drag tu brkyang ba ni slar btang ba'o/ /gshin rje'i phyogs su bltas te bsgrengs la bstims pa mdun du bzhag la sor mo phan tshun bsnol te khu tshur dam du bcangs la srin lag bshibs te bsgrengs la snying gar bzhag par bya'o/ /sngags ni aoM badzra ki la band+ha band+ha ha na ha na hUM phaT/ srin lag gnyis bshibs g.yas pas nang du bzlog pa ni spyan drang ba'o/ /nang du bzlog pa de las phyir byung ste bshibs pa de ni slar btang ba'o/ /bden bral gyi phyogs su bltas te rkang pa mnyam par bzhag la/ lag pa g.yas pa khu tshur bcangs pa las mdzub mo dang gung mo gnyis ral gri 'dra bar bshibs te bsgrengs/ lag pa g.yon pa yang de lta bu'i tshul gyis shugs 'dra bar sta zur g.yon du bzhag par bya'o/ /sngags ni ri te rak+Sha d+hi? pa ta ye swAhA/ g.yon pa'i mdzub mo bkug ste g.yas pas spyan drang ba'o/ /phyir bskyod de slar bkrol bar gshegs su gsol ba'o/ /chu lha'i phyogs su bltas te rkang pa mnyam par bzhag la/ g.yas pa khu tshur bcangs nas mthe bong dang mdzub mo zhags mig ltar bya/ g.yon kyang de ltar bya ste snying gar bzhag go /sngags ni aoM na ga badzra a na ya/ sarba d+ha na bya badzra hi ra N+ya sarba na ra sma ni mug ta la ka ra d+hi ni sarba ga ra Na ni tsa/ dza d+ha ra sa ma ya/ ma nu sma ra/ a gand+ha? a band+ha/ band+ha band+ha/ ha ra ha ra nan mahA tse ta hUM phaT/ g.yon pa'i mdzub mo'i lcags kyu g.yabs pa ni spyan drang ba'o/ /phyir bskyod de slar bkrol ba ni slar btang ba'o/ /rlung lha'i phyogs su bltas te rkang pa bshibs te bsgrengs la g.yon pa'i khu tshur bcangs la/ gur mo bsgrengs pa'i tshigs dang por mdzub mo bkug pa thing tho gtsugs la g.yas pa de ltar bya ste sta zur g.yas su bzhag go /sngags ni/ aoM badzra a na li mahA bai ga a na ya sarba duSh+Tan hUM phaT/ mdzub mo de nyid spyan drangs pa dang slar btang par bya'o/ /ku be ra'i phyogs su bltas te rdo rje bcings pa nang du bzlog nas mthe'u chung bshibs te brkyang ba'i skabs su so so'i srin lag sbyar bar bya'o/ /sngags ni/ aoM ku be ra yak+She Di pa ha ye swAhA/ gung mo gnyis rdo rje ltar bkug ste g.yabs pa ni spyan drang ba'o/ /de nyid kyis bskyod pa ni slar btang ba'o/ /dbang ldan phyogs su bltas te/ bsgreng la snyim pa dkan la srin lag mthe chung bkug ste bsnol la gung mo gnyis bshings te bsgrengs pa'i rgyab logs su mdzub mo gnyis rdo rje ltar bya/ mthe bong gnyis bar du bshibs te bzhag go /sngags ni/ aoM d+hi hUM bind+ha badzra shu la swAhA/ mdzub mo gnyis sen mo mi sprad par nang du g.yabs pa ni spyan drang ba'o/ /phyir bskyod de bkrol ba ni slar gshegs pa'o/ /'og tu bltas te lag pa gnyis pad+ma ltar bya ste/ spyan drang ba dang/ slar btang ba yang nang du g.yabs pa dang phyir bkrol ba'o/ /sngags ni/ na ma sa man+ta bud d+ha nan/ aoM pri ti bya swAhA/ steng gi snying po lag pa khong stong du sbyar la mthe bong gnyis bshibs te spyi bor gzhag par bya'o/ /spyan drang pa dang slar btang ba nang du dang phyir bkrol pa'o/ /sngags ni/ na ma sa manda b+hu ta nan/ he shwa rgya pra ta dzhyo tir ma ya swAhA/ de nas me tog dang bdug pa la sogs pa'i mchod pa dbul lo/ /gtor ma ni 'bras chan zho dang sbyar ba dang/ dri bsrung dang ldan pa'i shing tog khur ba la sogs pas mchod do/ /chang dang sha dang khrag gis ni ma yin no/ /de dag gi 'khor gyi gdon rnams la ni sha chad dang 'byung po'i kha zas su sbyin no/ /de nas tshon sna lnga yi skud pa gsar ba shin tu mnyam pa la dri dang ldan pa'i gu gul la sogs pa gtor ma bya ste/ bum pa'i mgul pa la btags la rdo rje la bstod la bzhag go /de nas shugs pa la sogs pa'i dri dang ldan pa'i shing la sbyin sreg kyang bya/ /de nas bdag nyid kyis khrus bya ste/ gos gsar pa gyon pa la dpral pa la dri'i thig le byas la sngags pa g.yog bzhi dang ldan pas gzungs thag bzhi phyogs bzhir 'then la rgyud rdzogs pa brgya brgya klags te lnga bcu'i bar du mchod pa lnga dbul/ brgya rdzogs pa la zhi ba'i sbyin sreg bya'o/ /de nas bzlas pa bya ste/ bum pa'i lha la ye shes sems dpa' bstim ste/ lha so so'i thugs ka nas rdo rje sngon po nas tsam pa kha med pa'i lte ba sngags brgyas gang mos kyi 'khor bar dmigs la bdag nyid snying po bsdus pa la bzlas pa byas pas/ de nyid las 'od 'phros pas ye shes sems dpa' i thugs ka'i sa bon las 'od 'phros pas lha 'od du zhu/ de nyid la sngags kyi sgra byung bas ye shes kyi bdud rtsi babs pa gnyis su med par bstim/ bdag gi lce'i steng du yang ye shes kyi rdo rje nas tsam gyi sbug ma nas/ sngags kyi rang sgra gyur bas bdag dang sems can gyi don byas phyi rol gyi snang ba rnams kyang sngags kyi rang sgra byung bas gdug pa'i tshogs rnams tshar bcad par byas pa'o/ /de ltar dmigs pa gsum dang mi 'bral bar byas pas bdag dang sgra'i dngos po thams cad sgra'i bsam gtan dang mi 'bral ba ni don gyi man ngag go / yungs kar la sngags bzlas te bum par blugs pas/ lha rnams kyi steng gi rdo rje la ye shes kyi bdud rtsi babs la dmigs pa dang/ yang na me tog rab tu dri zhim pa la sngags bzlas ba bum par blugs la lha rnams kyi spyan lam du mchod pa'i sprin rab tu mdzes shing rgya che bar dmigs pas/ dngos grub thams cad bdag la ster bar dmigs so/ /de ltar snying po bsdus pa la brgya 'am stong ngam khri'am 'bum maM rang ji ltar dmigs par bzlas la/ slob ma khrus byas te gos gsar pa dri ma med pa gyon te gsum la skyabs su 'gro ba dang/ sems bskyed pa la sogs pa bya ste/ na mo dkon mchog gsum la phyag 'tshal lo/ /dkon mchog gsum la skyabs su mchi/ /dkon mchog gsum la mchod pa 'bul/ /sdig pa thams cad so sor bshags/ /mya ngan mi 'da' gsol ba 'tshal/ /chos kyi 'khor lo bskor bar bskul/ /don dam kun rdzob rang bzhin gyis/ /sdom pa ma lus bdag gis gzung/ /ma bsgral ba rnams bsgral bgyis nas/ /ma rgal ba rnams brgal byas te/ /dbugs ma phyin pa dbugs dbyung ste/ /sems can mya ngan 'das la dgod/ /'gro ba'i dge la rje yi rang/ /kun kyang sems can don du bsngo/ /zhes brjod la rdo rje lag tu byin la dbugs du byung ste/ dbu rgyan gon la gzengs bstod la dkyil 'khor gyi shar sgo nas spang leng? kyi steng nas lam ston la dbus su khrus byas te/ ye shes kyi lha mo bdud rtsi'i bum chu thogs pa mang por sprul lan mkha' nas bdud rtsi'i chu rgyun phab pas phyi lus kyi sdug bsngal dang/ nang sems kyi sdug bsngal dang/ mi mthun pa'i rmi lam sum cu rtsa gnyis la sogs pa rmis pa dang/ mya ngan dang sems las su mi rung ba'i mi bde ba rnam par dag par dmigs par byas la/ tshigs su bcad pa 'di dag kyang brjod par bya'o/ /e ma'o/ /khrus mtshog? 'di ni dpal dang ldan/ /rdo rje'i khrus ni bla na med/ /rdo rje ye shes khrus 'di yis/ /bkra shis bum pa la brten nas/ /sdug bsngal thams cad med bar byed/ /bde ba phun sum tshogs par gnas/ /ma grub pa rnams grub par byed/ /'dod pa thams cad rab tu sbyin/ /dpal ldan ye shes mchog gi khrus/ /rgyal mchog dam pa sbyin par bya'o/ /zhes pas kyang khrus bya'o/ /de nas bkra shis kyi rdzas brgyad kyis slob ma bkra shis par bya ba'i phyir yungs kar dang zho dang/ rtswa dur ba dang/ li khri dang/ dung dang/ bil ba'i 'bras bu dang/ me long dang/ 'gi wang rnams rim pas sbyin no/ /brab pa dang/ byab pa dang/ dril ba dang/ sbyor ba dang/ rdeg pa la sogs pa yang bya'o/ /de ltar khrus rtag tu byas na rgyal po rnams bsod nams rgyas pa dang/ gdon zhing dang/ pha rol gyi sde rnams dbang du gyur pa dang/ rgol ba rnams tshar gcod par 'gyur la de bzhin du blon po dang/ bu 'dod pa dang byang stems kyis 'jigs pa dang/ pha rol gyi gmag gis 'jigs pa dang/ gza' dang/ rgyu skar dang/ nad dang mu ges 'jigs pa dang/ de 'dzin 'jigs pa chen po brgyad dang/ nor 'grib pa dang longs spyod 'dod pa dang/ 'khor dang tshe ring bar 'dod pa dang/ dbang thang rgyas bar 'dod pa dang/ skrag dang gzi mdangs 'dod pa dang/ stobs dang nus pa dang grags pa dang/ dpal dang dbang phyug dang/ gzugs 'dod pa dang/ nor 'dod pa dang/ 'bru 'dod pa dang/ zas 'dod ba dang/ gos dang rgyan dang/ bzhon pa dang/ lha nye bar 'dod pa dang/ gdon brlag bar 'dod pa dang/ sdig pa ma lus pa dag par 'dod pa rnams kyis rtag tu khrus byas na 'dod pa'i don ni ji lta ba bzhin du 'grub par nges so/ /de'i phyir na mi mthun pa'i phyogs mdza' dag las thar bar byed pas na sngon byung du rgyal po la smon pa dang/ yang na rgyal po bsod nams che ba'i phyir smos te/ rgyal po rtag tu khras gyis shig ces 'gro ba mi'i dpon? yin pas smos so/ /snga ma dad da ltar dang phyi ma'i sdig pa ma lus pa las thar par byed pa 'phags pa rdo rje rnam par 'joms pa khrus kyi cho ga /slob dpon chen po dpal mar me mdzad kyis mdzad pa rdzogs so// // dpal rdo rje rnam par 'joms pa la phyag 'tshal lo/

CLOSE WINDOW