བོད་ཡིག

e-texts based on the ACIP/ALL Input

bsad nas sems can dmyal bar ltung/ /sems ni khro bar mi bya zhing/ /nam yang shes rab nyams mi bya/ /rtag tu khyod ni da ltar bsrungs/ /zhes brjod par bya'o/ /slob dpon pad+mas mdzad pa rdzogs so// //dpal rdo rje rnam par 'joms pa la phyag 'tshal lo/ /khro bo brgyad kyi dkyil 'khor du dbang bskur bar 'dod pa'i sgrub pa po dam tshig dang ldan pas gnas khang yid dang mthun par dkyil 'khor bzhengs te/ thog mar sa'i cho ga ji lta ba bzhin rdzogs par byas la/ de nas ste gon gyi cho ga ji ltar rigs par byas la/ de nas thig dang tshon gyi cho ga ma nor bar/ rdzogs par byas la bum pa dgu la lha so so'i mtshan ma gdab/ dkyil 'khor rtsibs brgyad pa ser po bri/ /lte ba lngar gu rtsibs 'chan dmar po mu khyud dkar po la rdo rjer ba nang?/ por bya'o/ /gru chad ljang gur bya/ /sgo rigs dang 'dra ba la me ri dang/ rdo rje'i ra pa mdzes pas bskor ba bri bar bya'o/ /de ltar dkyil 'khor gyi lte bar rdo rje rnam par 'joms pa'i mtshan ma bri/ rtsibs la khro bo brgyad kyi mtshan ma'o/ /go rims ma nor bar bri bar bya'o/ /de nas bum pa rnams lha so so'i gnas su bzhag /ste mchod pa dbul bar bya'o/ /so so'i bum pa la khro bo so so'i phyag rgya bcing/ spyan drangs la sngags kyi gnyis su med par bstims la/ de nas ye shes sems dpa' dang gnyis su med par bsre bar byas la de dag gi sku mdog dang/ phyag mtshan dkyil 'khor gyi bi d+hi nas 'byung ba bzhin gsal bar bya'o/ /lha so so'i thugs ka nas zla ba'i dkyil 'khor de'i steng na nyi ma'i dkyil 'khor de gnyis kyi bar na sngags so so'i rang sgra dang bcas pas dmigs la dbus kyi gtso bo rdo rje rnam par 'joms pa/ shar mdza' yas/ shar lho bdud rtsi 'khyil pa/ lhor gnod mdzes/ lho nub du khro bo mngon mtho /nub du rta mgrin/ nub byang du gzhan gyis mi thub pa/ byang du gtum po/ byang shar du gshin rje/ sgo rnams su sgo ma gzhan dang 'dra'o/ /de ltar so sor bum pa'i nang du gsal bar bskyed la/ sgrub pa po bdag nyid kyis khrus byas gos sar pa gyon la nye reg dang 'thor 'thung la sogs pa byas la bzlas pa la 'jug par bya'o/ /lha so so'i thugs ka'i nyi zla'i bar gyi sngags kyi rab? sgra dang/ bdag nyid kyis brjod pa'i sgra dang 'khor bar dmigs te bzlas so/ /na mo ratna tra yA ya/ na ma:shtsaN+Da badzra pA na ye/ mahA yak+Sha sen pa ta ye/ aoM ma tha ma tha badzra hUM phaT/ aoM d+hu na d+hu na badzra hUM phaT/ aoM da ha da ha badzra hUM phaT/ aoM pa tsa pa tsa badzra hUM phaT/ aoM d+hA ra d+hU ra badzra hUM phaT/ aoM d+ha ra ya d+ha ra ya badzra hUM phaT/ aoM d+hA ru na d+hA du na badzra hUM phaT/ aoM ts+tshin da tstsin da badzra hUM phaT/ ces bum pa re re la stong phrag re bzlas te/ brgya brgya'i bar du pU dza lnga lnga dbul lo/ /ting nge 'dzin gyi lha 'od du zhu chu dang gnyis su med par bsre bar bya'o/ /de nyid las 'od 'phros pas rang gzhan gyi don rdzogs par bya'o/ /de nas dbang bskur ba'i cho ga nas 'byung ba bzhin du bskur ro/ /bkra shis gsol/ bgegs rnams las rgyal par bya ba'i phyir chus brab pa dang/ rma bya'i sgros byab pa dang/ me long gi phye ba dang/ dur bas brdeg par bya'o/ /sarba gra he swAhA/ sarba bur swa ba swA hA/ sarba b+hi kalpa swAhA/ sarba dzwa re swAhA/ de ltar 'di dkyil 'khor du dbang bskur nas nad dang gdon la sogs pa thams cad las thar bar 'gyur ro/ /khro bo brgyad kyi dkyil 'khor du dbang bskur ba slob dpon dpal mar me mdzad kyi rgyud la brten nas mdzad pa rdzogs so/ / //dpal rdo rje rnam par 'joms pa la phyag 'tshal lo/ /lha mo brgyad kyi dkyil 'khor du dbang bskur bar 'dod pas sgrub pa po dam tshig dang ldan pas gnas khang yid dang mthun par lha mo brgyad kyi dkyil 'khor bzhengs te/ sa mchog dang sta gon la sogs pa rdzogs par bya ste/

CLOSE WINDOW