བོད་ཡིག

e-texts based on the ACIP/ALL Input

zhu chen gyi tsa ba dge slong rin chen bzang pos bsgyur cing zhus te gtan la phab pa'o// //rnam par snang mdzad kyi sgrub thabs bdugs// */ /'jam dpal gzhon nur gyur pa la phyag 'tshal lo/ /rnam par snang mdzad kyi cho gas dam tshig ma nos pa'i sngags pas de las 'byung ba'i sngags rjes su dran par bya ba'i cho ga'i rim pa mngon bshad pa'i phyir 'di brtsams te de'i rim pa ni 'di'o/ /des dang por dam tshig ji ltar mnos pa bsrung ba la 'bad par bya ste de la dam tshig ni 'di'o/ /snags rgyas dang byang chub sems dpa' rnams dang de dag gi phyag rgya dang sngags rnams dang theg pa chen po mchog gi chos dang nge ston pa'i bla ma rnams la smad par mi bya'o/ /sangs rgyas la sogs pa 'di rnams nams kyang mi btang ngo/ /de dag las rtag par sems rab tu dang bas yon tan du gzung ba dang/ gus pa dang mchod pa dang mnyem par byas la ci nus su yang 'bad par bya'o/ /'phags pa nyan thos dang rang sangs rgyas thams cad dang de dag gi chos dang mkhan bo dang slob dpon dang bla ma gzhan rnams dang bde bar gshegs pa'i bslab pa'i chos spyad pa thang ma dang gsar bu gzhan rnams la yang smad par mi bya'o/ /de dag la yang dus ji lta ba dang/ ji ltar rigs par rim gror yang bya'o/ /lha dang bla ma la byis pa'i chos nyid dang khong khro ba mi bya'o/ /'jig rten gyi lta la sogs pa la yang smod par mi bya'o/ /byang chub kyi sems rin po che phun sum tshogs pa thams cad kyi rtsa bar gyur pa srog bzhin du rtag tu bsrung bar bya'o/ / sems can thams cad la yang byams pa dang snying rje bskyed nas de dag gi gnod pa bzlog par 'bad par bya'o/ /de dag gis gnod pa byas pa la yang bzod par bya'o/ /zang zing dang mi 'jigs pa dang/ chos sbyin pas ji ltar rigs par sems can rnams la rtag par ci nus su phan gdags par bya ste de bas na 'jungs pa ni rgyang ring du spang bar bya'o/ /dam tshig med pa la phyag rgya dang sngags mi bstan dam tshig can la yang lung med par mi bstan te/ /ma rung bar 'gyur ba thams cad kyi rtsa ba chang mi btung ba nan tan cher bya'o/ /mngon na gang bdag dang gzhan la gnod pa de ni mi bya'i bdag dang gzhan la phan pa 'ba' shig tu 'bar bar bya'o/ /khri la nyal bar mi bya ste de ni dam tshig go /de nas bar chad med cing ring bo mi thogs par che 'di nyid la sgrib pa zad par bya ba dang/ bsod nams dang ye shes kyi tshogs bsgrub pa'i phyir/ bla ma las sngags gang yang rung ba zhig ji lta ba bzhin du mnos te/ sngags ji ltar mnos pa bslabs pas sangs rgyas dang byang chub sems dpa' mnyes par bya ba'i phyir sngags kyi sgo nas byang chub sems dpa' i spyod pa gong du smos pa sbyod cing/ gnas dben pa 'du 'dzi med pa 'tshe ba med pa 'phrod ba'i ri phug gam sul lam nags la sogs pa khyad par du 'phags pa sangs r gyas dang byang chub sems dpa' dang 'phags pa rang sangs rgyas dang nyan thos rnams bzhugs bzhugs pa 'am gtsug lag khang dang khang pa la sogs pa ji skad smos pa dang ldan par tshad med pa bzhi bsgoms pa'i s ems kyis 'du 'dzi med par chos kyi dga' ba'i longs spyod la dang pa bskyed de blo dang sgro ba dang sems dpa' ba phun sum tshogs pa mchog dang ldan par byas la gnod pa thams cad la ji mi snyam zhing dge bar 'tsho ba dang ldan pas dga' bar gnas par bya'o/ /der gnas nas blo brtan bas nang par langs nas dgra'i 'khor ma lus bar spang la snying rje'i shugs kyis 'gro ba ma lus pa bsgral ba rgyun mi 'chad par yid la byed pas khrus byas kyang rung ma byas kyang? rung nges? be med/ dge bar spyad pa mtshan nyid ji skad bsgrags pa'i nang gi khrus byed pas sa gzhi gtsang ma'i dkyil 'khor me tog gis gtog bar sku gzugs sam mchod rten nam dam pa'i chos kyi glegs bam gang yang rung bzhig mdun du bzhag gcan? s ku gzugs la sogs pa med kyang rung ste shar phyogs sam byang phyogs su bltas nas sangs rgyas dang byang chub sems dpa' rnams la rab tu dang ba bskyed de de dag ji ltar rigs par phyogs bcur mngon sum bzhin du dmigs la phyogs? bya ba la sogs pa'i cho gas bdag yongs su sbyang ba 'di ltar bya ste/ de dag gi rim pa ni 'di'i'o/ /dang por sngags bas yan lag lnga sa la gtugs te/ rim gro bskyed la gus par phyag 'di ltar bya'o/ /phyogs bcu mdza' yas pa'i 'jig rten gyi khams na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas dam pa'i chos su bcas pa dang/ byang chub sems dpa' chen po'i dge 'dun du bcas pa thams cad la phyag 'tshal lo/ /de nas bus mo g.yas pa'i lha nga sa la btsugs te thal mo sbyar nas btud de bsam pa thag pa nas 'di skad ces brjod do/ /sangs rgyas dang byang chub sems dpa' thams cad bdag la dgongs su gsol/ /bdag ming 'di zhes bgyi ba skye ba thog man mchis ba nas 'khor na 'khor ba'i tshe sdig pa mi dge ba'i las gang bdag gis bgyis pa dang bgyid du stsal ba dang rjes su yi rang ba dad de dag thams cad sangs rgyas dang byang chub sems dpa' rnams la saur? bshags so zhes lan gsum du brjod do/ /de nas skyabs su 'gro ba ni/ sangs rgyas dang byang chub sems dpa' thams cad bdag la dgongs su gsol/ /bdag ming 'di zhes bgyi ba dus 'di nas bzung ste/ nam byang chub kyi snying po la mchis kyi bar du yang dag par rdzogs pa'i sangs rgyas la skyabs su mchi'o/ /bla na med pa de bzhin gshegs pI zhi ba'i chos kyi sku so so rang gis rig pa la skyabs su mchi'o/ /phyogs bcu'i 'phags pa phyir mi ldog pa byang chub sems dpa' chen po'i dge 'dun rnams la skyabs su mchi'o/ zhes lan gsum du brjod do/ /de nas de'i 'og tu bdag gi ngo bo dbul te/ sangs r gyas dang byang chub sems dpa' thams cad bdag la dgongs su gsol bdag ming 'di zhes bgyi ba dus 'di nas bzung ste nam byang chub kyi snying po mchis kyi bar du sangs rgyas dang byang chub sems dpa' thams cad la bdag gi ngo bo dus thams cad du yong? ye 'bul gyis thugs rje chen po rnams kyis bdag bzhes shig ces lan gsum du brjod do/ /de nas sems can sdug bsngal thams cad la snying rje chen po mngon du bya ste byang chub kyi sems rin po che bskyed pa ni/ /sangs rgyas dang byang chub sems dpa' thams cad bdag la dgongs su gsol/ /dngos po thams cad dang bral ba phung po dang khams dang skye mched dang gzung ba dang 'dzin pa rnam par spangs pa chos bdag med pa mnyam pa nyid kyis r ang gi sems thog ma nas ma skyes pa sangs rgyas bcom ldan 'das dang byang chub sems dpa' de dag gis byang chub kyi snying po la bzhugs kyi bar du ji ltar byang chub tu sems bskyed pa de bzhin du bdag ming 'di zhes bgyi ba yang dus 'di nas bzung ste nam byang chub kyi snying po la mchis kyi bar du byang chub du sems bskyed do zhes lan gsum du brjod do/ /de nas bsod nams kyi rjes su yi rang ba ni/ sangs rgyas dang byang chub sems dpa' thams cad bdag la dgongs su gsol/ / bdag ming 'di zhes bgyi ba bla na med pa'i bsod nams kyi rjes su yi rang ba ni sangs rgyas bcom ldan 'das rnams kyis ji ltar mkhyen pa de bzhin du bdag kyang sangs rgyas dang byang chub sems dpa' thams cad dang/ 'phags pa rang sangs rgyas dang/ nyan thos rnams dang 'gro ba ma lus pa'i bsod nams la rjes su yi rang ngo zhes lan gsum du brjod do/ /de nas gsol ba gdab pa ni sems can gyi khams thams cad du sangs rgyas bcom ldan 'das thugs rje chen pos chos kyi char dbab pa dang thabs dang tshul sna tshogs kyi 'gro ba thams cad kyi don mdzad cing rtag tu bzhugs bar? gsol lo zhes lan gsum du brjod do/ /de nas sems can la phan pa bstabs pa ni sems can thams cad ngan pa'i mdza' dbugs ma phyin p a so so'i skye bo'i gnas myur du spangs te bde ba mya ngan las 'das par 'gro ba'i 'jig rten las 'das pa'i lam thob par gyur cig dam pa'i lam la gnas pa rnams kyang de'i gong nas gong du 'ar ba'i khyad par thob nas bla na med pa'i byang chub kyi bde ba la gzhol bar gyur cig ces lan gsum du brjod do/ /de nas sems can thams cad la bdag gi bsod nams bsngo ba ni sangs rgyas bcom ldan 'das kyis bla na med pa'i bsod nams kyi bsngo ba ji ltar mkhyen pa de bzhin du bdag gi bsod nams ma lus pa yang sems can thams cad yang dag pa'i bde ba ma thob pa rnams bla na med pa'i bde ba thob par bya ba'i phyir yongs su bsngo'o zhes lan gsum du brjod do/ /phyag 'tshal ba la sogs pa 'di rnams ce? nus pa las gzhan du yang rung ngo/ de ltar bsam pa yongs su spyangs ba des theg pa chen po las yongs su mi nyams par bya ba'i phyir skyil mo krung bcas te dam tshig gsum gyi phyag rgya la sogs pas byin gyis brlab pa cho ga 'di bzhin du bya'o/ /de la dam tshig gsum gyi phyag rgya ni thal mo sbyar te mthe bong gnyis bsgreng ngo/ /phyag rgya 'di ni rgya chen te/ /sangs rgyas skyob pa rnams kyi yin/ /sangs rgyas kun gyi dam tshig ni/ /phyag rgya 'di la rab tu gnas/ /de'i sngags ni 'di'o/ /na ma ssa man+ta bud+d+hA nAM/ a sa me tri sa me sa ma ya swAhA/ /de nas chos kyi dbyings kyi phyag rgya bdag rnam par dag par bya ba ni lag pa gnyis khu tshur bcangs la mthe bo gnyis nang du bcug ste mdzub mo gnyis bsgreng ngo/ /de ni chos kyi dbyings kyi phyag rgya ste sngags mi 'di'o/ /na massa man+ta bud+d+hA nAM d+harma nhatu swab+hA bAt+ma kohaM/ de nas rdo rje sems dpar byin gyis brlab pa ni lag pa gnyis kyi sor mo rgyab sprod du bsnol? la mthe bo gnyis kyang sprad do/ /rgya mchog dpal dang ldan pa ni/ chos kyi 'khor lo sgyur ba yin/ /'jig rten mgon po skyod pa yi/ /'khor lo rab tu 'di sgyur ro/ /de'i sngags ni 'di'o/ /na massa man+ta badzrA NAM badzra t+ma? kohaM/ rdo rje sems dpar byin gyis brlab pa'i sngags so/ /yi ge ri dkar po yang spyi bor bsam mo/ /de nas rdo rje go cha'i phyag rgyas gnas lngar gtugs na go bgos par 'gyur ro/ /thal mo sbyar te mdzub mo gnyis gung mo'i rgyab tu sbyar mthe bo gnyis gung mo la gzhar ro/ /rdo rje go cha'i phyag rgya ste de'i sngags ni 'di'o/ /na massa man+ta badzra NAM badzra ka ba tsa hUM/ /de nas bgegs t hams cad rnam par sel pa mi zad par rig sngags chen mo rjes su dran par bya ba'i phyag rgya ni thal mo sbyar la mdzub mo gnyis bkug ste nang du gzhug gung mo gnyis rtse sbrad srin lag gnyis brkyang mthe'u chung gnyis cung zad bkug pa 'di ni srung ba chen mo'i phyag rgya ste de'i sngags ni 'di'o/ /na massarba ta thA ga te b+hya ssarba b+ha ya bi ga te b+hyo bi shwa mu khe b+hyassarba thA haM khaM ?? ma hA ba la sarba ta thA ga ta pu N+ya ni dzA te hUM hUM h+ra Ta tra Ta a pra ti ha te swAhA/ bgegs dang dan khrid thams cad dang/ srin po 'jigs pa'i gzugs can rnams/ /'di ni dran pa tsam gyis su/ /de dag thams cad 'byor bar 'gyur/ /de nas sems mnyam par bzhag ste mdun du rgya mtsho chen po bsams la de'i dbus nas ri rab gru bzhi lham pa byung ba'i steng na rin po che sna bdun gyi khang pa rtseg pa'i nang na pad+ma'i seng ge'i gdan chen po pad+ma'i gang na chung du mang pos bskor bar bsam mo/ /de la rgya mtsho chen po la sogs ji ltar bsams pa'i rim pa bzhin du 'gyur bar sngags 'dis byin gyis brlab bo/ /ni massa man+ta bud+d+hA nAM aM A na madu 'gyur ro/ /pad+ma'i seng+ge'i? gdan de la sangs rgyas bcom ldan 'das rnam par snang mdzad gser gyi kha dog thor tshugs dang dbu rgyan dang cod pan can dang la'i stod g.yogs dang smad g.yogs can nam/ shAkya thub pa cha byang dang kha dog dang dbyibs ji skad du grags pa'ang rung ste/ 'gro ba mang po la phan 'dogs par mdzad pa 'od 'phro ba mang pos mdza' yas pa'i 'jig rten gyi khams rab tu gsal bar snang ba sems can gyi khams re ba ji lta ba bzhin du mgu bar mdzad pa sril? mo krung bcas te ting nge 'dzin du bzhugs par bsam mo/ /de nas de bzhin gshegs pa'i g.yas logs kyi pad+ma la spyan ras gzigs dbang po g.yon logs kyi pad+ma la rdo rje 'dzin bzhugs par bsam mo/ /bdag gi lha yang bcom ldan 'das kyi mdun g.yas logs kyi pad+ma la bzhugs par bsam/ kho ra khor yug gi pad+ma gzhan la byang chub sems dpa' chen po'i dge 'dun phyir mi ldog pa gzhan la phan 'dogs par mdzad pa la thogs pa med pa'i mthu brnyes pa de bzhin gshegs pa thams cad la bsnyen bkur mdzad pa rnams bzhugs par bsam mo/ /yang na de bzhin gshegs pa gcig pu dang/ bdag gi lha dang rdo rje 'dzin pa bzhugs par bsam mo/ /bdag gi lta rdo rje 'dzin yin na g.yas su bzhag la 'phags pa spyan ras gzigs dbang po g.yon du bzhag go / yang na lha rnams dgong pa'i rim pa ji ltar 'dod pa bzhin duAng rung ngo/ /de nas bcom ldan 'das rnam par snang mdzad kyi yi ge bkod pas bzhag pa ni/ na massa man+ta bud+d+hA nAM a/ bcom ldan 'das shAkya thub pa'i yi ge ni b+ha ste/ na massa man+ta bud+d+hA nAM b+ha/ de bzhin du spyan ras gzigs dbang po'i ni/ na massa man+ta bud+d+hA nAM sa/ rdo rje 'dzin gyi ni na massa man+ta badzrA NAM ba/ byang chub sems dpa' rnams kyi ni/ na massa man+ta bud+d+hA nAM ka/ bdag gi lha yang de'i yi ge gang yin pas gzhag go/ yang na byang chub sems dpa' i yi ges gzhag par bya'o/ /de nas de bzhin gshegs pa thams cad la mchod pa bya ba'i phyir bdag las kyi rdo rje sems dpar byin gyis brlab pa ni/ na massa man+ta badzrA NAM pa/ de'i 'og tu sangs rgyas dang byang chub sems dpa' thams cad la dam tshig gsum gyi phyag rgya gong du smos pa bsngan te/ de'i sngags lan gsum bzlas na sangs rgyas dang byang chub sems dpa' rnams dam tshig gzigs pas mnyes te gzhan la phan 'dogs par bzheng pas sngags pa ji srid dung dod pa de srid du byin gyis brlab bo/ de nas 'bags pa mi g.yo ba'i phyag rgya dang sngags lan gsum brjod pas bskrad par bya'o/ /de nas bdag nyid de bzhin gshegs pa'i 'khor gyi nang na 'dug par bsams la de bzhin gshegs pa'i pho brang gi phyi rol tu 'phags pa mi g.yo ba'i sngags kyis mtshams bcad par bya ste de'i phyag rgya ni 'di'o/ /lag pa g.yon pa khu tshur bcangs la mdzub mo dang gung mo gnyis brkyang srin lag dang mthe'u chung gnyis kyi rtser mthe bos mnan/ lag pa g.yas pa'ang de bzhin du byas la mdzub mo dang gung mo gnyis g.yon pa'i mthil du gzhug go /mi g.yo mgon gyi phyag rgya ral gri shubs su bcug pa ste sngags ni/ na massa man+ta badzrA tAM a tsal kA Na tsanDa? ma hA ro Sha Na spho Ta ya hUM trag haM maM/ lan gsum du'o/ /ral gri shubs nas phyung la bskrad pa ni g.yon nas skor/ mtshams bcad pa ni g.yas nas bskor ro/ /de bzhin du 'das las gzhan dang gzhan dag kyang ji ltar rig par bya'o/ /sku gzugs sam mchod rten yod na dang po nyid du chos kyi dbyings kyis byin gyis brlabs pa'i chus bkrus la de nas gdod la 'di dag kun bya'o/ /de nas pus mo g.yas pa'i lha ngas la btsugs te spyi bo btud la yon chab dang por gsol nas mchod pa rnam pa bzhis mchod do/ /yon chab la sogs pa de dag kyang 'phags pa mi g.yo ba'i sngags kyis btab pa'i chu 'am chos kyi dbyings kyi yi ge bzhag pa'i chus gtor te sbyangs la mchod ba'i phyag rgya dang so so'i sngags kyis lan gsum du btab ste/ sangs rgyas dang byang chub sems dpa' thams cad la phyag 'tshal lo zhes brjod cing dbul lo/ /de nas 'phags pa spyan ras gzigs dbang po la phyag 'tshal lo/ /'phags pa rdo rje 'dzin la phyag 'tshal lo/ /zhes pa la sogs pa de dag gis mtshan nas smos la ji skad du bsgrubs pa'i byang chub sems dpa' chen po rnams la mchod pa bya'o/ /yang na sangs rgyas dang byang chub sems dpa' thams cad la phyag 'tshal lo zhes brjod nas thams cad la khyab pa'i yid kyis chod pa'i yo byang rnams re re nas dbul lo/ de la mchod pa'i yo byad rnams kyi spyi'i phyag rgya ni thal mo khong stong du sbyar ba'o/ /yon chab dang spos la sogs pa'i sngags ni 'di rnams so/ /na massa man+ta bud+d+hA ?? ga ga na sa? ma sA ma swAhA/ yon chab kyi sngags so/ /na massa man+ta bud+d+hA nAM bi shud+d+hi gand+hod+d+ha ba swAhA/ spos kyi sngags so/ na massa man+ta bud+d+hA nA/ ma hA mai dryadpu ta ga te swAhA/ me tog gi sngags so/ /na massa man+ta bud+d+ha nAM d+harma d+hA d+hA? nu ga te swAhA/ bdug pa'i sngags so/ /na massa man+ta bud+d+hA ?? ?? ta thA ga ta artsa spha ra Na b+hA bsag? gan? dArya swAhA/ /mang me'i sngags so/ /rgyud gzhan las 'byung ba'i yon chab la sogs pa'i sngags kyi btab cing mchod na'ang nyes pa med do/ /'dar spos la sogs pa mchod pa rnam pa zhi smos pa ?? bcom ldan 'das la mchod pa'i yo byed mchan ma cim bstan par zad kyi de kho nar des pa ni med do/ /nge bsan 'jig rten bsngags pa'i mchod pa'i yo byang rnams 'byor na 'phags pa mi g.yo ba 'am/ /chos kyi dbyings kyi yi ges bsangs la dbul lo/ /mchod ba'i yo byad rnams la 'byor na yang sems rab tu dang bas mchod pa bya ba'i bsam pa bskyed la mchod pa'i phyag rgya dang sngags rnams brjod na thams cad rdzogs par byas par 'gyur ro/ /phyogs bcun mchod pa'i yo byad rnams kyang yid kyis dbul bar bya ste de'i thabs kyang 'di'o/ /phyogs bcu na sa dang chu las skyes pa'i rin po che dang me tog la sogs pa mdzes pa'i dngos po de rnams kyang sangs rgyas dang byang chub sems dpa' rnams la dbul lo zhes thal mo sbyar la/ sems thag pa nas phul na mchod pa chen po byas par 'gyur ro/ /de nas yang spyi bor mchod pa'i phyag rgya byas la phyogs bcu na bzhugs pa'i sangs rgyas dang byang chub sems dpa' rnams la dus thams cad du rnyed slab yongs su dag pa/ rab tu rgya che ba'i mchod pa'i sbrin chen po 'di ltar bya'o/ /sangs rgyas dang byang chub sems dpa' thams cad kyi byin gyis brlabs kyi mthu dang/ chos kyi dbyibs kyis byin gyis brlabs kyi mthu dang/ bdag gi bsod nams dang ye shes dang smon lam gyi mthus/ dam pa rgya chen po chos kyi dbyings khyab pa mchod pa'i sbrin chen po dang bstod pa dang rgyan dam pa sna tshogs rnams de bzhin gshegs pa dang/ byang chub sems dpa' thams cad kyi 'khor gyi dkyil 'khor du byung zhing/ de bzhin gshegs pa thams cad kyis kyang byin gyis kyang brlabs par gyur cig ces brjod dam bsams la mchod pa'i sprin chen po rab tu 'byung bar byed pa'i rig sngags chen po 'di lan gsum brjod do/ / na massa man+ta bud+d+hA nAM/ a sba ra hi maM ga gan khaM/ d+harma d+hA twa k+Sha ra sa ma tA yA sarba ta thA ga ta/ parShaT maN+Da la ma ma pra Ni d+hi pu n+ya dz+nyA na be leM/ sarba ta thA ga ta a d+hiSh+Tha ne na ce swAhA/ /de ltar mchod pa chen po'i sprin de bzhin gshegs pa thams cad dkyil 'khor gyi dkyil 'khor du de bzhin du gnas par 'gyur bar/ yang ches par bya'o/ /zhes bcom ldan 'das kyis gsungs so/ /myur du 'grub par byed pa rdo rje 'dzin gyi glu bstod pa dam pa 'dis kyang dus gsum pa'i rnams la bstod par bya'o/ /mnyam med mi g.yo mnyam nyid mchog chos can/ /thugs rje'i bdag nyid 'gro ba'i sdug bsngal sel/ /yon tan mdza' yas dngos grub thams? cad stsol/ /dri med mi g.yo mnyam med dam chos can/ / yon tan phra mo'i cha la'ang mdza' med de/ /nam mkha' dang yang mnyam ba'i dper mi rung/ /rtag tu sems can rnams la grub mchog stsol/ /dpe dang bral ba'i dngos grub mdza' yas rnams/ /rtag tu dri med thugs rje'i shugs las phyung/ /smon lam grub pa mi 'gag chos nyid can/ /'gro ba'i don sgrub brtson 'grus mdza' yas pa/ /thugs rje'i bdag nyid rtag tu rnam pa snang/ /mdza' yas dpag med go 'phang rab brnyes kyang/ /khams gsum kun tu dngos grub mchog stsol la/ /thugs rje spyod pa mi g.yo rgyun mi gcod/ /e ma'o shin tu bzang po'i chos nyid can/ /mgon po dus gsum gshegs shing sgrib med pa/ /rtag tu khams gsum kun la mchog sbyin grub/ /mchog sbyin mchog gi gnas ni rab brnyes pa/ /dam tshig mchog gsum grub pa bdag la stsol/ /bcom ldan 'das bdag sangs rgyas dang byang chub sems dpa' thams cad la skyabs su mchis kyis bdag la thugs rjes gzigs te/ 'gro ba ma lus pa yongs su bskyab pa'i mthu bdag la stsol cig ces kyang brjod do/ /de nas 'jig rten gyi khams klas pa ma lus par sems can gyi don du 'gyur bya ste de'i cho ga ni 'di'o/ /'jig rten gyi khams 'byam klas pa'i phyogs bcu thams cad du dam pa rgya chen po sems can gyi don mdzad pa kha ton dang tshul dang spyod lam rnam pa sna tshogs su ldan pa kun tu bzang po sprul pa mang po rab tu 'byung bar gyur cig / des kyang sems can thams cad kyi phyi nang gi mi bde pa t hams cad rab tu zhi zhing de bzhin gshegs pa thams cad kyis rab tu bsngags pa 'jig rten dang 'jig rten las 'das pa ma lus pa'i phun sum tshogs pa thams cad kyang de dag gis thob par gyur cig ces bsams nas/ byin gyis brlabs kyi gnas gsum gyis byin gyis brlab bo/ /de bzhin gshegs pa'i byin gyis brlabs kyi mthu dang chos kyi dbyings kyi byin gyis brlabs kyi mthu dang/ bdag gi smon lam gyi mthus sems can rnams la phan pa'i phyir/ sngar bsams pa'i don de dag thams cad sems can gyi khams 'dir ji ltar rigs par myur du 'byung bar gyur cig ces brjod de/ de nas sems can gyi don gyi byin gyis brlabs pa'i rig sngags nam mkha' i mdzod 'byung bar mdzod pa 'di lan gsum brjod do/ /na made bzhin du 'gyur bar sangs rgyas dang byang chub sems dpa' rnams kyis mkhyen gyi/ gzhan shes pa chung du rnams kyis ni mi shes so zhes bcom ldan 'das kyis gsungs te/ de bas na byang chub sems dpa' i theg pa pa rnams kyis yid ches par bya'o/ /de ltar de bzhin gshegs pa mnyes par byas shing 'gro ba ma lus pa'i don byas pa des bdag gi lha'i phyag rgya dang sngags kyi yi ge dgod pa la sogs pas bdag nyid lha'i skur bsgyur la yi ge khaM dkar po yang spyi bor bzhag ste/ mdun du sangs rgyas bcom ldan 'das sems la der yi ge sbyar ba byas te dbugs dang dran pa rab tu bsdams nas slar sdud pa'i tshig gis non par yid la 'am/ bzhub? sa ste/ mi drag mi ngal bar mi skyob 'am ji tsam 'dod kyi bar du bzlas par bya'o/ /slob dpon dbang bskur bas ni bdag de bzhin gshegs pa'i skur bsgyur te/ de bzhin gshegs pa 'am byang chub sems dpa' i sngags zla ba'i dkyil 'khor la bshag nas bzlas pa bya'o/ /ji skad du bshad pa ltar ma chus na sangs rgyas dang byang chub sems dpa' thams cad la phyag 'tshal bar dmigs pa'i sems sam/ sems can gyi don phun sum tshogs pa la rjes su yi rang bar dmigs shing bzlas pa'o/ /de nas dal lam gtong 'dod na bzlas pa btang ste/ yang las kyi rdo rjer bdag bsgyur la snga ma bzhin du sangs rgyas dang byang chub sems dpa' rnams la bstong cing mchod pa byas la/ dge ba ci byas pa yongs su bsngos la bdag kyang dge ba'i las 'dis sangs rgyas su gyur nas sems can thams cad 'khor ba'i rgya mtsho las sgrol nus par gyur cig / bdag nam sangs rgyas kyi bar du yang skyes so chog tu byang chub kyi tshogs yongs su rdzogs par byed pa'i bdag gi ngo bo dang/ 'khor dang dge ba'i bshes gnyen dang longs spyod phun sum tshogs par shog cig ces brjod do/ /de'i 'og tu sangs rgyas dang byang chub sems dpa' skyong ba rnams bdag theg pa chen po las mi mnyam shing khyad par thob par byin gyis rlob shig ces gsol ba bya'o/ /de nas yon chab phul te/ gdon mi za bar bdag la yang/ /rjes su gzung bar dgongs nas su/ / sangs rgyas sras dang bcas pa rnams/ /ci bde bar ni gshegs su gsol/ /de nas spyi bor dam tshig gsum gyi phyag rgya byas te gyen du bkrol nas sngad dam tshig gi phyir zhugs pa rnams gshegs par 'gyur ro/ /mtshams bcad pa'ang yid kyis bgrol lo/ /de nas chos kyi dbyings kyi phyag rgyas bdag chos kyi dbyings su byin gyis brlabs la rdo rje sems dpa' i phyag rgya dang sngags kyis bdag rdo rje sems dpar byin gyis brlabs bod/ spyi bor chos kyi dbyings kyi yi ge'ang bsam mo/ /rdo rje go cha'i phyag rgyas go cha yang bgos la sangs rgyas dang byang chub sems dpa' thams cad la byas nas dge ba'i las dam pa bya bar bsam zhing ldang ngo/ /langs nas kyang byang chub sems dpa' spyod la ston pa'i mdo snga zab cing rgya che bag lha la sogs pa gnyer te chos sbyin pa'i sems kyis bklag go / de nas lus gso ba'i phyir zas bza' ba'i rim pa'ang 'di'o/ /dang por ci 'byor pa'i zas la sngags lan gsum mam bdun du gdab bo/ /na massa man+ta bud d+hA nAM/ aoM a mri todb+ha ba swAhA/ /de nas sangs rgyas dang byang chub sems dpa' rnams la phung phul te/ de'i 'og tu sems can la yang byin la rol ma chags par rigs pa dang ran par bza' o/ /de nas 'phags pa mi g.yo ba la drag po gdon mi za ba'i snying pos zas kyi lhag ma'i chad bu la btab ste dbul lo/ /de'i sngags ni/ na massa man+ta badzrANSha na tra Ta a mo g+ha tsaN+Da mahA ro Sha Na spho ta ya hUM tra Ta ya haM maM/ gdon mi za bar drag po'i snying po'o/ /de ltar byas na de mnyes nas rtag tu bsrung bar 'gyur ro/ /de nas zas zos te ngal bso nas de bzhin gshegs pa thams cad la phyag 'tshal ba dang/ sdig bshags la sogs pa de bzhin du bya ste dam pa'i chos kun tu dga' bar gnas so/ /de phyi dro'ang bzlas pa'i cho ga snga ma bzhin du byas nas srod dang tho rangs la dam pa'i chos la brtson par bya ste nam gyi gung la mal sa la bcas par sangs rgyas dang byang chub sems dpa' thams cad la yan lag kun gyis phyag 'tshal nas/ byang chub kyi sems rin po che rjes su dran par byas te/ khams stems par bya ba'i phyir nyal gyi gnyid kyi bde ba'i phyir ni ma yin no/ /sngar glo g.yas pas nyal na phyis ni ci bder ro/ /de nas phyi de nyid yang cho ga de bzhin du bya'o/ /de ltar sngags kyi sgo nas byang chub sems dpa' i spyad pa spyod pas rgyun mi 'chad par bya'o/ /ji skad bshad pa bzhin mi nus na yang ci nus pas sngags kyi lha mnyes par bya'i mi rung snyam pa'i dogs pa ni mi bskyed do/ /sangs rgyas dang byang chub sems dpa' rnams rjer gzung ba dang/ bla na med pa yang dag par rdzogs pa'i byang chub tu smon lam gdab pa 'di gnyis ni yongs su mi gtang ngo/ /'di gnyis yongs su ma btang na cho ga gzhan rnams ma nus kyang bzlas pa rtag par brtson 'grus su byas na des kyang rjes su mthun pa'i dngos grub nges par 'thob po/ /'di la nang gi gtsang sbra gtso bo ste de bas na phyi rol gyi gtsang sbra la chags par mi bya'o/ /bza' ba 'dres pa la sogs pa nyes pa'i dogs pa yang mi bya'o/ /lus gso ba'i phyir ni phyi rol gyi khrus la sogs pa yang bya ste/ de la'ang 'bab chu la sogs pa khrus byed 'dod na thog mar 'phags pa mi g.yo ba'i sngags kyis sa gtsang ma blangs te lan gsum bsngags la sngags des bdag bsrungs la chu'i 'dug ba'ang bskrad de mtshams bcad la sngags des chu la'ang bsngags te/ sangs rgyas dang byang chub sems dpa' rnams la'ang mang du phul nas yid la dran par byed cing/ sa des yang rabs kyi tshul bzhin khrus bya'o/ /de nas dam tshig la sogs pa'i phyag rgya gsum po byas la chos kyi dbyings kyi yi ge'ang spyi bor bsam/ rdo rje go chas kyang bdag bgos la sangs rgyas dang byang chub sems dpa' rnams la chang phul te sems can la phan pa bsngags pa byas nas phyag 'tshal te ldang ngo/ /mtshams bcad pa'ang yid kyis bkrol la gnas su mi g.yeng bar 'gro'o/ /yang na khrus kyi gnas de nyid du snga ma bzhin du bzlas pa'o/ /nyin re zhing rjes su dran pa de ltar byas na thams cad mkhyen pa'i tshogs bsags pa dang/ go 'phang dam pa ring por mi thogs par 'thob cing tshe 'di nyid la 'tshe ba thams cad med pa dang/ mtshams ma dang bcas pa'i dngos grub thams cad nus par myur du 'gyur ro/ /mtshan ma med pa zab ces te/ /dman pa rnams kyis mi lcogs pas/ / de phyir mtshan ma cho ga can/

CLOSE WINDOW