བོད་ཡིག

e-texts based on the ACIP/ALL Input

/ (//'phags pa 'jam dpal gyi sgrubs thabs bzhugs so//) //rgya gar skad du/ Arya many+dzu sh+rI sA b+ha nA ma/ bod skad du/ 'phags pa 'jam dpal gyi sgrub thabs zhes bya ba/ 'jam dpal ye shes sems dpa' la phyag 'tshal lo/ /spros bral bde ba chen po'i dang/ /rtog pa'i rlabs dang bral ba las/ /sems can don du gzugs skur snang/ /cir yang snang la phyag 'tshal lo/ /thugs rje che zhing don mdzad pa/ /'gro ba kun la khyab ba'i mgon/ /de yi sgrub la dga' ba la/ /gtso bo dad pas bshad par bya/ /dbang thob dam tshig gnas pa dang/ /gtong la dga' zhing 'dzin pa med/ /srog phyir rnal 'byor dang du byed/ /gsod por smra zhing rtse dang bral/ /'du 'dzi spangs shing gcig po dga' / /bla'o med cing dang ldan pas/ /nyams dga' ba yi gnas dag tu/ /bde ba'i stan la gnas par bya/ /lha yi nga rgyal gnas pa yis/ /sa gzhir dra ba dra bar bslab/ /aoM badzra yak+Sha hUM phaT ces brjod pas rgyang grags gcig tsam gyi bgegs tshar gcad/ /de nas shin du brtsar ldan pas/ /sangs rgyas la sogs mdun bsams la/ /phyag 'tshal mchod pas sdig pa sbyang/ /yi rang skyabs 'gro sems bskyed bya/ /dge bsngo bstod pa gus par bya/ /mchog sbyin rdo rje mchog khyod 'dud/ /yang dag mthar gyur khyod la 'dud/ /stong nyid las byung khyod la 'dud?/ /sangs rgyas byang chub khyod la 'dud/ /sangs rgyas chags ba khyod la 'dud/ /sangs rgyas 'dod la phyag 'tshal 'dud/ /sangs rgyas dgyes pa khyod la 'dud/ /sangs rgyas rol la phyag 'tshal 'dud/ /sangs rgyas 'dzum pa khyod la 'dud/ /nam mkha' las byung khyod la 'dud/ /sangs rgyas bzhad pa khyod la 'dud/ /sangs rgyas gsung nyid khyod la 'dud/ /sangs rgyas thugs la phyag 'tshal 'dud/ /med pa las byung khyod la 'dud/ /sangs rgyas 'byung ba khyod la 'dud/ /nam mkha' las byung khyod la 'dud/ /ye shes las byung khyod la 'dud/ /sgyu 'phrul dra ba khyod la 'dud/ /sangs rgyas rol ston khyod la 'dud/ /thams cad thams cad khyod la 'dud/ /ye shes sku nyid khyod la 'dud/ /sdom pa dag ni gzung bar bgyi/ /sangs rgyas byang chub sems dpa' rnams/ /ji tsam dus nas bzung nas ni/ /ma lus bdag la dgongs su gsol/ /nam zhig byang chub snying po la/ /yongs su gnas pa'i bar dag tu/ /bdag gis byang chub mchog gi sems/ /ma lus par ni bskyed par bgyi/ /de nas sangs rgyas la sogs rnams/ /ma lus bdag gi thugs la bsdu/ /thim zhu ye shes me 'bar bas/ /nyon mongs phung po bsreg par bsam/ /slar gsos ye shes lus su byas/ /byang chub lnga bdag sgom pa ni/ /yongs dag me long gsal ba dkyil 'khor la/ /yul dngos ma lus rigs kun ma lus so sor snang/ /thams cad yongs dag me long ye shes la/ /'dris par de la blta bar bya'o/ /sems can rnams la snying rje bskyed/ /mgon skyabs dpung gnyen dang bral bas/ /sdug bsngal 'khor ba rgya mtshor byed/ /sems can don du sdug bsngal bsgral/ /stong pa nyid du rab tu sbyor/ /bdag stong sems can de 'dra yis/ /chos rnams kun kyang rab tu shes/ /chos la dmigs pa'i snying rje yang/ /bdag med rang bzhin rig pa las/ /mnyam nyid ye shes bskyed par bya/ /de nas gsang sngags brjod pa ni/ /a kA ro mu khaM sarba d+harmA NAM Adya nutpan+na twA ta/ sngags don stong par bsgoms nas ni/ /lhan gcig gnyis med chos rab bzung/ /de nyid yul du byas pa yis/ /chos bdag med par bsgom par bya/ /dmigs med snying rje so sor brtag /snying rje'i rjes 'gro gzung 'dzin yongs dang bral/ /ngo bo 'od gsal yan lag kun bral ba/ /rang bzhin dngos? ? chos nyid rgyu mthun pas/ /dngos bral? don stong dang las de gnas pas/ /chos dbyings ye shes bsgom pa'o/ /de ltar sems can byed bral ba'i/ /rnal 'byor sngon gyi smon lam dbang thob pas/ /sems can gyi don dbang sgyur bas/ /sems kyi don ni ? ? / /khams gsum 'byung gnas khyad par gyis/ /don dam kun rdzob mya ngan 'das/ /de phyir nan tan ye shes bsgom/ /de las dngos po gzugs su byung/ /sprul pa'i tshul gyis nam mkha' la/ /a las zla ba'i gzugs bsam pa/ /de 'og pad kar pad+ma ste// sna tshogs 'dab brgyad mdzes pa'o/ /de steng d+hIldan/ rin chen rnam rgyan gzhon nu'i tshul/ /lo brgyad rdo rje skyil krung bzhugs/ /phyag g.yas ral gri po ti g.yon/ /bzhin mdzes 'ja' tshon lta bur bsgom/ /gsal bas tha mal phung po sdong/ /thugs kar zla stengs d+hIrgyas te/ /zhal lnga byis pa'i rgyan gyis brgyan/ /rin chen sna tshogs na bza' can/ /zla dkar mdog las skyil krung bzhugs/ /phyag rgya g.yas bzhi shes rab ral gri bsnams/ /g.yon bzhi shes rab po ti bsnams/ /gsal ba dag tu shes par bya/ /de yi thugs la shes rab 'khor lo ste/ /gsal bar yi ger a las bskyed/ /lte dbus rtsibs drug mu khyud bzhi/ /lte bar yi ge a dkar bsam/ /rtsibs la yi ge sngags drug dgad/ /aoM badzra tIk+Sh+Na ya te na mam Urta ya te na mad+harmmA a b+ha ba/ swa b+hA ba bi shud+d+he/ badzra A a aM ara/ aoM hUM h+rIpa'o/ de nas 'khor lo'i lte dbus kyi/ /a dkar yongs su gyur pa las/ /bcom ldan ye shes sems dpa' bsgom/ /zhal drug ston ka'i zla ltar dkar/ /ain+d+ra nI la'i gtsug phud mdzes/ /nyi ma 'char kar 'od kyis mdzes/ /zhi ba'i tshul 'chang rin chen rgyan/ /rdo rje skyil krung bzhugs pa ste/ /g.yas g.yon autpal sngon po bsnams/ /steng na shes rab po ti bsnams/ /mdzes pa gsal bar dmigs pa'o/ /ye shes sems dpa' i thugs ka ru/ /zla mchog gsal bar bsam par bya/ /de yi thugs mchog ngo bo ste/ /de steng yi ge rnams kyi ngo bo/ a mchog a dkar bsam par bya/ /dus gsum sangs rgyas de las byung/ /sangs rgyas rnams kyi gsung yin no/ /de ltar 'khor lo drug rtsegs la/ /aoM Amdun du gsal bar dmigs/ /mchod pa la sogs dbul bar bya/ /thams cad de nyid gsum ldan pas/ /e hA bi ra hUM puShpe swAhA/ d+hU pe swAhA/ gaN+Dhe swAhA/ A lo ke swAhA/ nai bi dyA swAhA/ ba li kha kha/ khA hi khA hi swAhA/ spha ra Na khaM swAhA/ yon chab me tog bdug spos dang/ /dri chab lha bshos gtor ma dang/ /sgra la sogs pa rim bzhin dbul/ /'dud la sogs pas bstod par bya/ /dzabcad sum cu la/ /ma yengs gtad la bzlas pa gsal/ /ngag gi dngos grub dri ma bral/ /mkha' 'gro rnams kyang de la dgyes/ /grangs ni brgya pa dag par bya/ /shes rab 'khor lo goms pa'o/ /de nas mtshan ni brjod par bya/ /yi ge a la sems gtad la/ / ngag? gi mtshan ni gsal brjod pa'o/ /de yang rang bzhin med shes bya/ /shes nas rtog pa rnams dang bral/ /'jig rten pa yi lha rnams dang/ /'jig rten 'das pa lha rnams kun/ /ma lus thams cad dgyes nas su/ /yon tan thams cad mthong bar 'gyur/ /dus gsum dag tu brjod pa dang/ /yang na dus drug dag tu brjod/ /yang na dus kyi nges med pas/ /nus tshad dag tu brjod pa'o/ /mtshan ni brjod pas skyo ba na/ /shes rab 'khor lo sngags drug las/ /sngags dang mthun pa'i 'od byung nas/ /lus snang thams cad gsal bar byas/ /mi shes ri bo thams cad bcom/ /phyi rol dag tu 'phros pa las/ /nam mkha' i khams kun khyad par gnas/ /sangs rgyas zhing khams gsal gyur nas/ /chos sku ye shes thob pa'i don/ /byas nas slar ni bzlas pa las/ /snying gar zla stengs a las thim/ /brtan pas yang dang yang du bsgom/ /de ltar spyod pa'i sems dpa' yis/ /ye shes bsgoms na sprul sku dang/ /zla ba'i sgo nas longs sku dang// a yi sgo nas chos sku dang/ /ring po mi thogs par 'gyur ba/ /brtan pas yang dang yang du bsgom/ /de ltar spyod pa'i sems dpa' yis/ /'dul ba'i dbang gis sems can la/ /nye bar bzung na mngon snang ba'o/ /de nas stong nyid la gnas bya/ /a nyid thig le byang chub ste/ /byang sems thams cad de la 'dus/ /bde ba thams cad der gnas na/ /'ja' tshon lta bu'i thig le ste/ /shes pa bying rgod med pa yis/ /gsal ba dad pas 'bad par bya/ /sems nyid de ngang nyin zhe na/ /chos nyid ngang la gnas zhes bya/ /thig le je phra shes pa phra/ /rang bzhin med pas gnas pa'o/ /sems nyid btang snyoms gsal ba la/ /gsal ba mi rtog thob pa'o/ /de la brten nas gsal ba de/ /snang la rang bzhin med pa thob/ /'bras bu chos su thob pa'o/ /de nas skyo ba byung ba na/ /aoM Ala dge ba sems bskyed/ /gtor ma rtag tu sbyin par bya/ /stan ni gcig pu 'dug nas su/ /lam lnga nyams su myong bar bya/ /tshogs lam bskyed pa'i rim pa'o/ /sbyor lam bzlas pa byed pa dang/ /mthong lam mtshan nyid brjod pa ste/ /bsgom lam 'gro 'du dag la gnas/ /mthar phyin stong nyid sems pa'o/ /dge bas brtsams pa'i sgrub thabs la/ /'gal 'khrul mchis na mkhas bzod mdzod/ /brtsams pa'i dge rtsa yod srid na/ /sems can mos dang phrad par shog /dge bsnyen ma snyan grags dge mas mdzad pa/ /'phags pa 'jam dpal gyi/ sgrub pa'i thabs rdzogs so// // */ (/'phags pa 'jam dpal rin po che'i cho ga bzhugs so//) //rgya gar skad du/ Arya many+dzu sh+rI ratna no mi ka /

CLOSE WINDOW