བོད་ཡིག

e-texts based on the ACIP/ALL Input

//slob dpon shAn+ti garb+ham mdzad pa rdzogs sto// (//'phags pa 'jam dpal gyi mtshan yang dag par brjod pa'i gsang ba dang ldan pa'i sgrubs thabs kyi 'brel pa bzhugs so// //) rgya gar skad du/ Arya many+dzu sh+rI nA ma saM bI ti gu hya ban no pi ka dz+nyA na dI ba nA ma/ bod skad du/ 'phags pa 'jam dpal gyi mtshan yang dag par brjod pa'i gsang ba dang ldan pa'i sgrub pa'i thabs kyi 'grel pa ye shes gsal ba zhes bya ba/ ngag gi dbang phyug la phyag 'tshal lo/ /dpal ldan rgyas bdag lnga yi dngos/ /ye shes sku la rab btud de/ /don dam zab mo'i nges don la/ /bdag 'dras dpag phar mi 'os kyang/ /bdag pas blo dman don la gzung pa dang/ /nges don gsum gyi mtshon cing bstan pa dang/ /bla ma'i gdams ngag ma tho ba rnal 'byor don ltos pa'i/ /gang zag rnams la phan par bya ba'i phyir/ /'jam dpal sgyu 'phrul dra ba yi/ /rgyud las nges don btus te bshad/ /de la mdo'i don zhus shing slar gsung pa'i ? bstan pa dang nyams su blang ba'i thabs bstan pa gnyis las/ 'dir mdo'i don zhus shing slar gsungs pa'i tshul bstan pa bshad de/ gsang sngags kyi lugs kyis thig le byang chub kyi sems gtan la dbab dgos te/ de'i don ni gnas pa bzhi/ /ngo bo bzhi/ nyams su myong ba'i thabs bzhi/ de'i 'bras bu bzhi la yang dag pa'i don 'dus pas de bstan pa'i phyir/ thig le bcu drug mi shigs dbus zhes gsungs so/ /de ltar gnyis med kyi ye shes rtog pa'i dus na tshig dang yi ge'i spros pa'i mdza' dang bral bas/ yan lag med cing rtsis las 'das pa zhes gsungs so/ /de ltar rtog pa dang nyon mongs pa drug sbyang ba'i gnyen por dbugs dbyung drug gi dkyil 'khor gyi lha tshogs bskyed la/ de yang mi rtog pa'i sems kyis zin par bya ba'i phyir/ de nyid ldan zhing mi rtog 'das zhes gsungs so/ /de lta bu'i don ni blo dang ldan pa kun gyi yang dag pa'i gnas su 'gro ba'i lam min par bstan pa'i phyir/ nges 'byung kun gyi lam gang yin/ /zhes gsungs so/ /don gsum dbyer med du rtogs par bya ba'i phyir/ don gsum the tshom med pa'i slos zhes gsungs so/ /snang ba'i chos thams cad skye med kyi don rtog par bya ba'i phyir/ lus kyi mdza' ni nges rtogs bya zhes gsungs te/ de lta bu'i don la gnas na phyin ci ma log pa'i 'bras bu 'byung par bstan pa'i phyir/ byang chub bla na med pa'o zhes gsungs so/ /de'i ngang la gsang sngags kyi don gyis 'gro ba'i bla sbyang bar bya ba'i phyir ro/ gsang sngags don kun bskyed pa po zhes gsungs so/ /de'i ngang las sku rnam pa gnyis kyis 'gro ba'i don byed pa bstan pa'i phyir/ longs spyod rdzogs sku kun gyi mchog /sangs rgyas sprul pa'i rgyud 'chang ba zhes gsungs so/ /de lta bu ni lha dang mi rnams kyis mchod cing brjod pa'i gnas yin par bstan pa'i phyir/ mchod 'os bstod 'os rim gro'i gnas zhes gsungs so/ /'khor gyi gtso bos ston pa la mchod bstod byas nas 'gro ba'i don zhus pa bstan pa'i phyir/ byang chub sems dpa' rdzu 'phrul ldan/ /lag na rdo rje mthu po ches/ /nyid la snyan pa'i tshig bdag gis/ /bstod nas mtshan gyi rim pa zhus zhes gsungs so/ /ston pas 'gro ba'i don du bsnyen pa bya ba'i rim pa dang/ dkyil 'khor bri ba'i rim pa dang/ de'i tshogs bsag pa dang/ sbyin sreg bya ba'i rim pa dang/ rga ba la phan gdags pa'i rim pa dang/ shi ba la phan gdags pa'i rim pa dang/ lus kyi rtsa gnas kyi 'khor lo bstan pa'i rim pa dang/ slob ma dbang bskur ba'i rim pa dang/ dkyil 'khor gshegs su gsol ba'i rim pa dang/ bla ma la yon dbul ba'i rim pa dang/ bcu gsungs bas na blo zhan don du rim pas gsungs zhes gsungs so/ /de'i nyams su blang ba'i thabs la gnyis te/ bsnyen pa dang sgrub pa gnyis so/ /sngon la bsnyen pa ston te/ don dang ldan pa'i slo/ ba dpon rdo rje 'chang chen po'i ngo bo yin pa'i phyir/ de la rdo rje 'chang chen pos/ slob dpon cha lugs gnas byas te zhes gsungs so/ /de nas sgrub pa po yis nyams dang gar 'thang du gnas par bya ba'i phyir/ bsam gtan dang ni rjes mthun pa'i zhes bya ba la sogs tshig rkang lnga gsungs so/ / ? sogs? pa zhes bya ba ni 'og pad+ma 'dab brgyad du 'dug la/ steng 'khor lo rtsibs brgyad du 'dug pa/ me tog gi snam bu yang yid du chags pa/ shar ri gzhol ba/ nub ri skyong ba/ lcug phran gyi tshel yod pa/ bkra shis kyi bya sna tshogs sgra sgrogs de 'dra'i gnas su bsnyen pa bya ste/ dbang bskur ba thob pa/ bla ma'i bka' bzhin byed pa/ dam tshig la gnas pa bya ba'i las la ma rmongs pa'i brtse ba'i grogs dang 'grogs bar bstan pa'i phyir/ grogs bzang btsal la bsnyen pa brtsam zhes gsungs so/ /de nas don dang ldan pa'i rnal 'byor ba des bde ba'i stan nang tshangs can 'khol ba la rdo rje'i skyil mo krung ngam ji lta bar 'dug ste/ kha zas kyi tshong gzung/ gnyid kyi cha mnyam/ lus cham la phab sems khos glong de bsgom pa brtan pa'i phyir/ bde ba'i stan la 'dug byas te zhes gsungs so/ /de nas rnam rtog gi bgegs bsrung bar bya ba'i phyir/ bdag dang sa gzhi yongs bsrung zhing/ /ra 'dra bas mtshams bcad dang/ /phyogs dang steng 'og bcing sogs pa/ /rab tu 'bad de bsgom par bya/ /zhes gsungs te/ de'i don ni mgon po kun snang gi rgyud las 'di skad du/ kye ma lha'i bu rnams/ gzhon nu rnams ni 'tsho 'dod dang/ /phyi rol rgol ba tshar gcod dang/ /rnam rtog bgegs rnams bsrung 'dod na/ /dang por stong ba chen por bsgom/ /de'i ngang las rang gi dngos/ /sangs rgyas kun gyi bdag por bsams/ /lce la zla ba rdo rje ni/ /rtse lnga par ni rnam bsams la/ /badzra dzi hwa zhes brjod de/ /rdo rje'i lce ru rnam par bsams/ /sngags zlos nus pa'i mthu dang ldan/ /lag pa gnyis su a dang hUM/ /gong ma'i go rims don dang ldan/ /badzra ha ta zhes brjod de/ /rdo rje rtse lnga lta bur bsam/ /phyag rgya nus pa'i mthu dang ldan/ /de nas bdag nyid hUM las ni/ /grih+na badzra sa ma ya baM hUM zhes pa'i sngags ni brjod nas kyang/ rdo rje ti rin+ti ri ba cing/ khro bo chen po me ltar rab tu 'bar ba/ char sprin gyi mdog can/ 'od zer gyi phreng bas kun tu 'khrugs pa/ zhal bzhi pa/ phyag brgyad pa/ zhal sgeg pa/ dpa' ba 'jigs su rung ba/ snying rje che ba la sogs pa'i nyams dang ldan pa/ phyag g.yas pa rnams na rdo rje dang/ ral gri dang mda' dang/ 'khor lo bsnams pa/ phyag g.yon pa rnams na dril bu dang zhags pa dang/ gzhu dang/ kha TwAM ga la gtags pa'i ba dan sna tshogs bsnams pa/ me ser skya 'bar ba lta bu'i skra'i tshogs shin tu 'jigs su rung ba/ sprul chen po'i gdu bu dang dbu rgyan dang/ ska rags dang zhabs gdub dang/ mgur chu dang/ rna rgyan dang/ cod pan gyis brgyan pa/ sgyu 'phrul chen po'i 'khor lo dgod pa la mkhas pa/ g.yon brkyang bas khyab 'jug dang chung mar bcas pa gnon pa bsgom par bya'o/ /de nas skyil krung byed 'dug la/ /rdo rje bsdams pas nang bcings te/ /mthe bong gnyis ni ? byas la/ / bsgrel ba'i sor mo'i steng nas dgab/ /ti rin ti ri'i phyag rgya ste/ /aoM badzra dzwa la a na lArka hUM a b+hi Shiny+tsa mAM/ gsang sngags dam pa brjod nas ni/ /spyi bo nas brtsams phyogs bzhi yi/ /rdo rje phreng ba'i dbang bskur blang/ /aoM TuM zhes pa'i yi ge gnyis/ /cho ga dam pa bgos nas ni/ /mthar ni mnyam pa'i thal mo dang/ /badzra du sh+ya ho zhes brjod pas/ /lus kyi cha lugs mnyam par bya/ /de nyid las ni ma g.yos par/ /g.yon pa'i khu tshur snying gar bzhag /g.yas pa'i rdo rje khu tshur ni/ /lan gsum dag tu gsor byas la/ /bgegs rnams thams cad bsnun par bya/ /aoM badzra dzwa la a na lArka hUM/ de nas sems kyi cho 'phrul gyis/ /skad cig ral ting 'dzin re/ /bsgyur te las rnams rim par bya/ /bdag nyid khro bo rdo rje ma/ /g.yas pa rdo rje me dpal g.yon sdigs mdzub/ /mdog ser zhing 'od 'bar ba/ de yi cho 'phrul las byung ba'i/ /rdo rje bsdams pa nang bcings te/ sor mo nang du 'bar bar bya/ /the bong rdo rjer bsgrang ba ni rdo rje me'i phyag rgya ste/ bgegs rnams thams cad bsregs par bsams/ /aoM badzra dzwa la a na la nya na da ha ba tsa ma tha b+ha ny+dza ra Na hUM phaT/ rdo rje bsdams pas bcings byas te/ /mthe bong gnyis ni rab tu brkyang/ /bsnyams la steng du bzhag ba ni/ /rdo rje spyan ni phyag rgya ste/ /bgegs rnams thams cad cing bar bya/ /badzra ne tri band+ha sarba big+h+ni rdo rje khu tshur gnyis bcings la/ mgal me'i 'khor lo bzhin bskor te/ /mgo yi steng du mdzub mo gnyis/ /lcags kyu'i tshul du bzhag pa ni/ /rdo rje 'jigs byed phyag rgya ste/ /aoM hu lu hu lu hUM phaT/ gsang sngags dam pa brjod pa yis/ /sku mdog dkar po khro bo ni/ /g.yas pa rdo rje g.yon sdigs mdzub/ /dpag tu med pas steng phyogs gtams/ /rdo rje thal mo brkyang byas te/ /the bong gnyis brkyang mdzub mo gnyis/ /mche ba lta bur byas pa ni/ /rdo rje gnod sbyin phyag rgya ste/ /aoM badzra yak+Sha hUM/ gsang sngags dam pa brjod pa yis/ /sku mdog sngon po khro bo ni/ /mche ba thogs pa dpag tu med/ /de nyid du ni rnam par gtams/ /rdo rje khu tshur gnyis bcings te/ /mthe chung lu gu rgyud du sprel/ /mdzub mo gnyis ni rtse sbyar te/ /bzla gnas spyi bor bzhag pa ni/ /rdo rje gtsug tor phyag rgya ste/ /aoM hUM band+ha ho/ gsang sngags dam pa brjod pa yis/ /sku mdog dmar po khro po ni/ /gtsug tor dang ni sdig mdzub bsnams/ /dpag tu med pas shar phyogs gtams/ /rdo rje khu tshur gnyis bcings te/ /mkhrig ma gnyis ni mdung byas pas/ /rdo rje zhags pa'i phyag rgya'o/ /aoM hUM badzra pA sha hwa gsang sngags dam pa brjod pa yis/ /sku mdog ser po khro bo ni/ /zhags pa dang ni sdigs mdzub bsnams/ /dpag tu med pas de nyid gtams/ /lag pa rdo rje bsdams pa las/ /mthe bong gnyis ni sems dpa' yi/ /skyil mo krung du bcas pa las/ /mdzub mo gnyis ni mnyam par gshibs/ /phye la mthe chung gnyis po ni/ /ba dan lta bur byas pa ni/ rdo rje ba dan phyag rgya ste/ /aoM badzra pA twa ke pa ti gi ni ra na/ gsang sngags dam pa brjod pa yis/ /sku mdog dmar po khro bo ni/ /ba dan dang ni sdig mdzub bsnams/ /byang gi phyogs su rnam par gtams/ /rdo rje gnod sbyin phyag rgya nyid/ /kha ru rnam par bstan pa ni// rdo rje dus kyi phyag rgya ste/ /h+rIrgya ste/ /aoM badzra shi kha re ru Ta maT/ gsang sngags dam pa brjod pa yis/ /sku mdog sngon po'i khro bo ni/ /rdo rje dang ni sdigs mdzub bsnams/ /lho yi phyogs su rnam par gtams/ /rdo rje bsdams pas steng bzhag /aoM badzra dri Dho me wa rak+Sha sarba swAhA/ /gsang sngags dam pa brjod pa yis/ /sku mdog smug po khro bo ni/ /tho ba dang ni sdig mdzub bsnams/ /'og gi phyogs su rnam par gtams/ /rdo rje khu tshur gnyis bcings la/ /mkhrig ma gnyis bsnol mthe chung gnyis/ /lcags kyu'i tshul du sprel byas la/ /mdzub mo'i sdigs mdzub? gnyis bsgreng ba/ /rdo rje hUM mdzad phyag rgya ste/ /aoM suM b+ha ni suM b+ha ni hUM/ grih+na grih+na hUM/ grih+NA pa ya grih+NA ba ya hUM/ A na ya hordo rje las kyi phyag rgya ste/ /aoM badzra karma hUM/ gsang sngags dam pa brjod pa yis/ /phyi rol las kyi dbang gyur/ /lag gnyis rdo rje bsdams ba dang/ /badzra band+ha baM/ phyi rol rdo rje dra bar bsam/ /'di 'dra'i sbyor ba rab 'bad na/ /lha'i rdzu 'phrul dag kyang rdugs/ /tshangs dang brgya byin stobs che bas/ /mnan te shar dang steng du bcings/ /don dam gsum gyi sbyor ba yis/ /phyogs bcu thams cad bcing bar 'gyur zhes gsungs so/ /de nas phyogs de lha dang klu la sogs pa thams cad zhi zhing mnyes par bya ba'i phyir/ /de nas shin tu brtser ldan pas/ /sbyin sreg gis ni mnyes par bya zhes gsungs te/ bdag nyid dang po'i sangs rgyas kyi nga rgyal dang ldan pas sems can thams cad la brtse ba dang ldan par bya zhes pa'i don to/ /des 'og nas gsungs pa'i don rnams kyi sbyin pa ni lha klu la'o/ /sreg pa'i sa phyogs kyi skyon no/ /mnyes pa ni dkyil 'khor gyi lha'o/ /de ci 'gyur zhe na/ tshogs bsog pa'i yan lag go /de ltar bgegs bsrungs phyogs bzhi par byas nas gzod rten gyi dkyil 'khor sprul par bstan pa'i phyir/ de nas snyen pa rab 'bad de/ /zhes gsungs pa kho na'o/ /dgyes pa bskyed phyir 'khor lo ni zhes gsungs te/ dgyes pa bskyed pa ni bde bar gshegs pa'o/ /'khor lo ni sprul tshogs dgu'i lha tsho'o/ /de gang du sprul zhe na/ nam mkha' bsgom bar bya ba yin zhes pa kho na'o/ /ji ltar sprul zhe nam mkha' la 'dus pa'i 'khor lo dang bcas zhes pa ste sprul lo/ /de'i rkyen bstan pa'i phyir/ lag pa'i 'du byed bsgom zhing bya/ /'bru lnga gnas pa'i sor mo la zhes gsungs pa ste/ lag gi 'du byed ni phyag rgya'o/ /sor mo ni lnga'o/ /'bru l nga ldan pa ni gung mo la aoM mdzub mo la hUM srin lag la h+rIlu gu rgyud/ /'di ni rdo rje 'khor lo ste/ /dkyil 'khor thams cad sgrub byang yin/ /zhes pa kho na'o/ /thams cad 'dus pa'i sbyor ba yis zhes pa ni gsang sngags dang phyag rgya dang/ ting nge 'dzin gsum dgos zhes pa'i don to/ /lnga ni bde bar gshegs pa lnga'o/ /gcig ni de'i ngo bo dbyer med pa'o/ /drug ni dbugs dbyung drug go /gsum ni sku gsung thugs so/ /dkyil 'khor 'di ni sngags las bskyed ces pa ni aoM many+dzu sh+rI badzra tsakra hUM zhes pa'o/ /bla ma dang mnyam sbyor 'dus pas shes pa ni dkyil 'khor gyi gtso bo gang yin pa'i dbu rgyan du bla ma bzhugs pa'o/ /mnyam par shin tu bstod bar bya zhes pa ni/ mnyam pa ni rlum dang ngo/ /shin tu bstod ba ni 'og nas 'byung ba'i 'dud la sogs pa'o/ /e ma ni nam mkha' sprul pa'i lha tshogs la ngo mtshar ba'o/ /e ma yan lag 'dus pa'i zhes pa'i don du lus ngag yid dang gsum gyis sprul lo/ /zhes pa'i don to/ /sbyor ba 'di ni zhes ba/ sbyor ba ni mchod pa'i rten sprul pa'o/ /'di ni gsum las 'byung zhes pa ni sngags dang/ phyag rgya dang ting nge 'dzin gsum las 'byung ngo zhes pa'i don to/ /de ltar sprul pa de mdun gyi nam mkhar? dbang po'i mngon sum dang 'dra bar yid kyis mngon sum du gsal bar bya ba'i phyir/ de ltar mkha' la gsal bkod de/ /dbang po'i mngon sum 'drar mthong nas/ /zhes pa kho nar de ltar bsams pa de la mchod bstod bya ba'i phyir/ dga' bas mchod la glu yis bstod ces gsungs te/ dga' bas mchod pa ni me tog la sogs pa dang yid kyis mchod pas so/ /glu yis bstod pa ni mchod pa de yi rjes la 'dud kyis bstod pa ste/ mchog sbyin rdo rje mchog khyod 'dud ces pa la sogs pa nyi shus bstod pa'o/ /dar bas mchod cing zhes pa ni gong ma la snyegs so/ /rjes yi rang bshags dang gsol gdab phyag la sogs/ /bcu'i yan lag kun 'dus pas zhes pa'i don ni 'di lta ste/ gang dag phyogs rnams thams cad na/ /dus rnams thams cad rab bzhugs pa'i/ /sangs rgyas byang chub sems dpa' dang/ /nyan thos bcas la phyag 'tshal lo/ /'khor ba thog ma med pa nas/ /sngon chad sdig pa ci bgyis pa/ /sangs rgyas rnams kyi spyan sngar ni/ /dus rnams kun gyis bshags bar bgyi/ /sems can kun la brtse ba'i phyir/ /sangs rgyas chos dang tshogs mchog ste/ /bla med dkon mchog gsum po la/ /byang chub bar du skyabs su mchi/ /sangs rgyas kun dang de yi sras/ /shes rab can la bdag 'bul gyis/ /de rnams kun gyis bdag bzhes la/ /'bras bu rgya chen stsal du gsol/ /sdug bsngal chu bo'i nang gnas pa/ /skye bo kun tu bskyang ba dang/ /rgyal ba'i bzhed pa sgrub pa'i phyir/ /byang chub tu ni sems bskyed nas/ /sangs rgyas kun dang de'i sras/ /shes rab cha dang nyan thos dang// rang rgyal rnams dang skye bo yi/ /dge ba de la rjes su smon/ /byang chub snying por nyer gnas pa'i/ /gang dag byang chub phyogs rtogs pa'i/ /bdag gis gsol bas rgyal ba rnams/ /'khor lo dam pa bskor du gsol/ /bya ba thams cad byas nas ni/ /sangs rgyas mya ngan 'das gnas ba/ /bdag gis gsol bas rgyal ba kun/ /nam yang mya ngan mi 'da' gsol/ /srid pa'i btson ra'i nang gnas pa'i/ /sems can thams cad bde gyur cig /rnam pa'i mchog rnams kun ldan pa'i/ /sangs rgyas skal dang ldan par 'gyur/ /sangs rgyas kun dang de'i sras/ /'gro la phan phyir gzhes rnams kyis/ /ji ltar smon pa de bzhin du lus ngag yid gsum legs par smon/ /phyag la sogs pa'i bsod nams gang/ /tshad med bdag gis ci bsags pa/ /ji ltar mgon pos mkhyen pa bzhin/ /byang chub tu ni de dag bsngo/ /yan lag bcu po de dag la/ /skye bo gang zhig dang mos pa/ /nyes pa'i bag chags kun dag nas/ /gsang ba mnyes par snod du rung zhes cho ga 'dus pa'i rgyud chen po las gsungs so/ /bdag nyid rung bar 'gyur ba dang zhes pa ni/ de ltar tshogs bsags bas nyon mongs pa'i sgrib pa byang nas snod du rung bar bya'o/ /de la dga' ba'i mdangs kyis bstod bar bya ba'i phyir/ tshigs bcad glu yis bstod pa bya zhes pa ni/ phyag na rdo rjes zhus pa'i le'u bcu dgu pa nas/ 'di skad du/ nyid kyi mdangs bzangs tshogs kyis ni/ /zla ba rgyas ba zil gnon zhing/ /rig pa rnam par gsal 'gyur pa/ /'jam dpal khyed la phyag 'tshal lo/ /ma sgribs zur phud gsal ba la/ /nor bu 'bar ba'i sku mnga' pa/ /mi dmigs pa ni kun gyi sku/ /'jam dpal khyed la phyag 'tshal bstod/ /bdud rtsi 'dra zhing 'jam la bzang/ /yid? 'ong gsung gi sgra sgrogs pa/ /dam pa'i chos kyi rin chen mdzod/ /'jam dpal khyed la phyag 'tshal bstod/ /gang+gA'i chu thigs ltar grangs med/ /'jig rten khams na rnam par bzhugs/ /nyon mongs dri ma rab spangs pas 'jam dpal khyed la phyag 'tshal bstod/ /mche ba gtsigs shing bsgyings pa yi/ /'jigs pa'i sku yi tshul gyis ni/ /gshin rje'i dregs pa 'joms mdzad pa/ /'jam dpal khyed la phyag 'tshal bstod/ /rang gi spyan dang mdangs 'dra ba'i/ /autpal sngon po rab mdzes pa'i/ /lhung bzed phyag mchog rab bsnams pa'i/ /'jam dpal khyed la phyag 'tshal bstod/ /phyogs bcur bzhugs pa'i sangs rgyas la/ /rgya cher bstod pa'i spyod pa gang/ /'gro ba'i bla ma ston pa po/ /'jam dpal khyed la phyag 'tshal bstod/ /ces gsungs so/ /byas pa'i 'bras bu yod par bya ba'i phyir/ /dgyes pa bdag gi lha rnams kyis/ /snyan pa tshig gis legs par bsam zhes pa/ /dgyes pa ni gong du bstod pa'i lha rnams so/ /snyan pa'i tshig ni tshogs bsog gi lha rnams kyis rigs kyi bu legs so zhes gnang ba byin par bsam mo/ /de ltar gnang ba stsal bas don dang ldan te/ drin la lan gyis glan pa'i phyir/ /drin gyi tshul gyis slar bstod pa zhes gsungs so/ /de yang gtso bo lnga'i sgo nas bstod pa'i phyir/ byang chub sems ni rab tu bzung/ /zhes pa dang po nas brtsams te/ sangs rgyas rol ston khyod la 'dud ces pa'i bar gyis bstod do/ /de nas yum bzhi'i sgo nas bstod pa'i phyir/ me long ye shes ngo bo nyid/ /ces pa nas brtsams te/ rdo rje dra ba'i las khyod 'dud rtsis pa'i bar gyis bstod do/ /de nas nang gi sems dpa' bcu drug la bstod pa'i phyir/ stong pa'i rang bzhin 'dod chags che/ /zhes pa nas brtsams te/ ye shes sku nyid khyod la bdud ces pa'i bar gyis bstod do/ /de nas lha mo brgyad la bstod pa'i phyir/ sbyin bdag chen po gtso bo ste zhes pa nas/ rdo rje dag byed khyod la 'dud ces pa'i bar gyis bstod do/ /sgo skyong bzhi po'i sgo nas bstad pa bstan pa'i phyir/ rdo rje lcags kyu 'dren pa che zhes pa nas/ rdo rje 'bebs pa khyod la 'dud ces pa'i bar gyis bstod do/ /de nas bskal bzang gi sems dpa' la bstod pa'i phyir/ byams chen rang bzhin dpag tu med ces pa nas/ pha rol phyin bcu'i gtso la 'dud ces pa'i bar gyis bstod do/ /de ltar bstod pa byed pa de zhes pa ni rigs kyi bu gang la la yis dkyil 'khor gyi lha tshogs la de ltar bstod pa byas bas phyir ring po mi thogs par 'jam dpal chos kyi rgyal po thob bar bya ba'i phyir/ 'khor lo 'dus ba'i ? chog 'grub ces gsungs/ /gong du gsungs pa de rnams ni chos spyod thams cad kyi mchog kyang yin la thams cad kyi thog mar gyur pas/ de dag ni mchog gi rgyal po zhes pa gsungs so/ /des yang dag pa'i don la spyod zhing dkyil 'khor thams cad kyi thog mar yang 'gro la/ de la ma g.yengs par gsal dgos pa nas/ sbyor ba'i 'khor lo dang po'i ting nge 'dzin to zhes gsungs so/ /de nas phyag lnga yis nam mkha' i 'khor lo la mnyes par bya ba'i phyir/ de nas rim pa 'di ldan pas zhes pa ni/ de nas gong du bstod ba byas pa'i de ma thag pa'o/ /rim pa 'og nas 'byung ba'i phyag lnga'o/ /gnas gang du zhe na/ thams cad nam mkha' i 'khor lo'i tshogs zhes gsungs so/ /btsal nas ci byed ce na/ ma lus mnyes par bya ba'i phyir zhes gsungs so/ /de gang gis btsal na/ phyag lnga zhes pa ni 'di lta ste/ dpal gyi 'byung gnas 'jam dpal kun gyi dpal/ /mdza' dag byams pas khyab pa 'jam pa'i dang/ /'jam dang dpal du grags bas don dang ldan/ /'jam dpal yang dag dpal la phyag 'tshal lo/ /gzhon nu sku mdog gser mdangs 'od lam lam/ /rin chen mchog gi rgyan spras pa legs? la/ /byin che dang ba'i thugs mnga' mdzub pa po/ /gzi brjid mdzes dang ldan la phyag 'tshal lo/ /yon tan gter gyi autpal phyag na bsnams pad+ma rgyas 'dra'i snying po'i gdan la bzhugs/ /lha'i lhar gyur cha lugs lha las 'phags/ /blta bas mi ngoms khyed la phyag 'tshal lo/ /gzhon nu sprul pa'i mtshan dang dpe byad la/ /gang zhig yud tsam mthong bas 'dun pa skye/ /gang la ci 'dul de ltar sprul mdzad pa/ /thabs kyis 'dren pa'i mgon la phyag 'tshal lo/ /rnam rtog spros las mkhyen pa'i ye shes brnyas/ /yod med rtag chad mdza' la mi 'jug pa/ /dmigs med mnyam pas chos kyi dbyings su gnas/ /yang dag don chen ston la phyag 'tshal lo// zhes pa'o/ /tshon du lnga zhes pa ni rigs lnga'o/ /mnyes par bya zhes pa ni phyag lnga'o/ /de ltar tshogs bsags nas/ da ni byang chub mchog tu sems bskyed pa bstan pa'i phyir/ de ltar mnyes pa'i 'og tu ni/ /zhes gsungs pa ste/ gong ma ltar phyag lngas ye shes kyi lha'i dkyil 'khor mnyes ba'i rjes la/ bzod byang chub mchog tu sems bskyed do zhes pa'i don te/ /ye shes sems dpa' mngon 'dod pas shes pa ni de ltar tshogs bsags nas/ ye shes sems dpa' thob par bya'o snyam pa'i bsam pa'o// de gang gi sgo nas thob ce na/ sems can yongs bsgral bsam pa dang zhes gsungs te/ sems can thams cad 'khor ba'i 'dam las byang chub kyi skam sar bsgral bar bya'o snyam pa ste/ smon pa byang chub mchog tu sems bskyed pa'o/ /de nas byang chub dam par smon par bya zhes gsungs so/ /de nas 'di dag tshig tu brjod ces pa ni 'og nas 'byung ba'i sangs rgyas byang chub sems dpa' rnams shes pa nas ma lus par ni skye bar bgyi zhes pa'i bar du bstan te go sla'o/ /de ni 'jug pa byang chub tu sems bskyed pa'o/ /de nas sdom pa bzung ste/ de'i don ni rnam pa drug ste/ dkyus nyid gsal bas 'dir ma dkrol lo/ /de ltar sdom pa bzung nas dbang nod par bya ba'i phyir/ de ltar sdom pa gzung byas la zhes pa gsungs pa ste/ de ltar ni gong du gsungs pa rnams so/ /sdom pa ni lus ngag yid gsum gyi'o 'dzin pa ni gong du gsungs pa de rnams bdag gis gzung la/ bzang 'og nas 'byung ba 'di? bar blang zhes pa'i don no/ /de yang gang zhe na rim par zhes gsungs te/ dang por sems bskyed de nas 'jug pa de nas bum pa'i dbang/ de nas gsang ba'i dbang/ de nas shes rab ye shes dbang/ de nas bzhi pa'i don bstan/ de ltar brtul zhugs bzhi dang ldan pa la dbang dang dam tshig 'brel par bstan pas na rim par zhes gsungs so/ /de yang gang bskur zhe na/ dbang bskur bzhi zhes gsungs te/ de yang don dang ldan pa la thog ma bum pa nas bzhi pa'i bar bskur ba nas/ kun rdzogs zhes gsungs pa kho na'o/ /'o na de'i ngo bo gang yin zhe na/ spyi gtsug ces pas bum pa'i dbang dang/ thabs dang shes rab gnyis med pa'i zhes pas gsang ba'i dbang dang/ lha mnyes bya zhes pas shes rab ye shes kyi dbang dang/ don dam zhes pas zhi ba'i don bstan pa'o/ /don de ltar shes par byas la skabs 'dir dbang bcu po bskur bar byas te/ me tog dor ba ni/ hUM pra tIts+tsha badzra hUM/ de nas mna'i dam tshig sbyin pa ni/ aoM badzra sa ma ya hUM/ de nas 'dis gdong g.yogs dgrol bar bya/ aoM badzra ha sya g+ha Ta ya hUM phaT/ aoM badzra pA sha ho/ /aoM badzra sa ma ya hUM phaT/ aoM badzra ka la sha a b+hi Shany+tsi hUM/ aoM bud+d+ha ka la sha a b+hi Shiny+tsa aoM/ aoM ratna ka la shA b+hi Shiny+tsa traM/ aoM pad+ma ka la shA b+hi Shiny+tsa h+rIbud+d+hA b+hi Shiny+tsa aoM/ aoM ratna b+hi Shiny+tsa trAM/ aoM padmA b+hi Shiny+tsa h+riS hiny+tsa ab+hi ba tA b+hi Shiny+tsa trAM trAM trAM/ aoM badzra tsakrA b+hi ba tya b+hi Shiny+tsa h+rIta thA ga tA gu hya ya b+hi Shiny+tsa aoM/ aoM badzra gu hya ya b+hi Shiny+tsa hUM/ aoM ratna gu hya ya b+hi Shiny+tsa traM/ aoM pad+ma gu hya ya b+hi Shiny+tsa h+rI:/ aoM karma gu hya ya b+hi Shiny+tsa a:/ aoM pradz+nyo pa yo sa ma yo ga trAM b+hi Shiny+tsa hUM Abcu dbang ldan tsha ba po zhes gsungs so/ /de nas tshogs bsog gi dkyil 'khor rnams bdag la sgrub par bstan pa'i phyir/ de nas nam mkha' i 'khor lo'i tshogs zhes pa gsungs te/ de nas ni dbang bskur ba'i de ma thag pa'i/ /nam mkha' i 'khor lo'i tshogs ni tshogs mdun na sprul pa'i lha rnams so/ /ma lus bdag gis bsdu bar bya zhes pa la sogs pa'i tshig bzhi go sla'o/ /slar gso lus dang ldan par bya zhes pa rnam smin gyi phung po sbyangs nas ye shes kyi lus snang la rang bzhin med pa gsal la rtog pa med pa 'ja' tshon lta bu bsam bar bya'o/ /de yang rdo rje gur gyi rgyud las/ ji ltar chu nang zla ba de/ /bden min brdzun pa med pa ltar/ /de bzhin rnal 'byor bsgom pa yi/ /lus kyang rang bzhin rtog pa med ces gsungs so/ /de nas mngon par byang chub pa lnga bsgom pa ni dkyus nyid nas gsal lo/ /de nas shes pa ni mngon par byang chub pa lnga bsgom pa'i de ma thag pa'o/ /dngos 'byung gzugs zhes pa ni/ dang po sangs rgyas kyi nga rgyal lo/ /'khrul pa'i tshul du zhes pa'i dam tshig gnyis ni dang po sangs rgyas kyi thugs ka nas a 'phros/ chos thams cad rang bzhin gyis 'od gsal bar byas pa'o/ /sgyu ma'i tshul du nam mkha' la zla ba'i dkyil 'khor gyi steng na A li dang kA li skar ma'i rnam pa lta bur gyur te de ka la/ skar ma'i tshogs 'dra rab bsgoms te zhes gsungs pa'o/ /de las 'byung ba'i zhes pa la sogs pa'i cho ga dkyus na gsal lo/ /byang chub sems ni rab bskyed dang/ /zhes pa'i gong du gsungs pa ltar sems can rnams kyi dug rnam pa lnga 'od zer gyis sbyangs nas/ gzor byang chub mchog tu sems bskyed du gzhug pa'o/ /de yang ji ltar gzhug ce na sangs rgyas byang chub sems dpa' rnams zhes bas so/ /de nas sdom pa gzung ba dang bcu yongs su dag pa ni sngon du bstan pas so/ /sangs rgyas rdzu 'phrul rab bstan te zhes pa ni mdzad pa bcu gnyis so/ /gzhan go sla'o/ /'khor lo'i tshogs zhes pa ni 'khor lo'i rim pa gsum dang ldan pa'o/ /phreng ba bzhi dang ldan pa'i zhes pa ni 'khor lo rim pa gsum spo bar mi'i mu khyud dang bzhi'o/ /rdo rje dbyings zhes pa ni rdo rje dbyings dang lha rnams 'dra ba'i phyir ro/ /de nas phyi rol dgong bya ba zhes pa ni phyi ma man chad kyi rgyan bstan pa'o/ /rdo rje phreng bas yongs bskor ba'i zhes pa ni phyi'i rdo rje'i ra ba'o/ /ka ba brgyad dang ldan pa la zhes pa ni/ gzhal yas khang gi nang du'o/ /de yang gang gzugs she na phyogs re re nas rtsig pa la brten pa'i ka ba gnyis zhes gsungs so/ /rdul tshon lnga po nyid kyis ni zhes pa ni rtsig pa'o/ /dra ba dra phyed dag gis klubs zhes pa ni dbus na mchog yod pa ni dra ba yin la dbus na mchog med pa ni dra ba phyed pa'o/ /dkyil 'khor gyi ni phyi rol du zhes pa ni phyi'i dkyil 'khor sgo rgyan bstan pa'o/ /ji ltar gsungs pa'i rtags thams cad khyad par du ni mngon bsdus pa/ /de ni thams cad bya ba yin zhes pa ni rta babs ni mchod rten lta bu 'am/ 'on te ci mdzes par byas la/ rin po che'i tog dang chun 'phyangs dang mdzes pa'i g.yu bya kha sprod dang/ dar la sogs pas phyi sgo la brgyan pa'o/ /sgo'i rgyan dang twa ra na/ /shin tu gcig nyid mi bya'o zhes pa ni nang gi dkyil 'khor la rta babs la sogs pa'i rgyan gdags par bya ba ma yin pa'o/ /de yang rnal 'byor gyi rgyud las gsungs pa nang gi dkyil 'khor ni phyi'i dkyil 'khor gyi phyed kyi tshad la gru bzhi pa la sgo bzhi pa rta babs med pa'o zhes gsungs so/ /nang gi sgo la rgyan med la phyi'i sgo la rgyan la sogs pas brgyan pa bstan pa'i phyir de'i de yi sgo rnams su twa ra na rnams gdags pa yin zhes pa kho na'o/ de nas lha rnams kyi gdan bskyed pa ni go rims bzhin du lha rnams kyi zhes pa nas/ yid kyi yul de goms par bya zhes pa'i bar gyis bstan te dkyus na gsal lo/ /de dag ni gzhi'i 'dzin to zhes pa ni de dag gi gong du gsungs pa'i ting nge 'dzin rnams so/ /gzhi ni yang dag pa'i gzhi yin pas gzhi'o/ /de don nan tan du ma yengs par bya dgos pas ting nge 'dzin no/ /de nas rkyen gyis bsgrub pa bstan pa'i phyir/ de nas rkyen gyis bslang ba ni zhes gsungs te/ de nas de ni dam thag pa'o/ /rkyen gyis bslad pa ni 'og nas 'byung ba'i lha tshogs bskyed pa'i rkyen no/ /de dbus 'khor lo ni 'khor lo drug tu rdo rje sems dpa' la sogs pa de bzhin gshegs pa'i bdag nyid can no/ /de yang bdag po ste/ shes pa ni dkyil 'khor gyi gtso bo rnam par snang mdzad bskyed do zhes pa'i don to/ /de yang ji ltar bskyed ce na stong pa'i ngang las chu la chu bur brdol ba'i tshul du siM las seng+ge'i khri de steng paM las sna tshogs pad+ma las nyi ma/ a las zla ba'i dkyil 'khor nya gang ba lta bur/ de steng rig pa a dkar por gyur pa las 'khor lo/ /de yongs su gyur ba las gtso bo rnam par snang mdzad du'o/ /de nyid la pad+ma seng+ge'i zla steng su/ /a las bskyed pa'i rtag pa bos/ /gtso bo rnam par snang mdzad che/ /zhes ba de skad ces bya'o/ /rnam snang ci 'dra zhes na/ rnam thar bzhi ldan kun du zhal zhes gsungs te/ rnam thar bzhi ni stong pa nyid dang/ mtshan ma med pa dang/ smon pa med pa dang/ rang bzhin gyis 'od gsal ba dang gzhi'o/ /ldan pa ni de mnga' pa'o/ /kun tu zhal ni zhal bzhi pa'o/ /de yang phyag na rdo rjes zhus pa'i le'u bdun pa nas/ phyogs bzhi'i slob dpon mnyes bya'i phyir/ /rnam snang zhal bzhi phyogs bzhir gzigs zhes gsungs so/ /lhag ma ni go sla'o/ /de nas rnam par snang mdzad kyi thugs kar a las zla ba'i dkyil 'khor de'i steng du d+hIgyur ba las dang po'i sangs rgyas stobs lnga dang ldan pa'i rtags su zhal lnga pa bsgom par bya'o/ /de ga la rnam snang chen po'i thugs kar zla ba'i dkyil 'khor gyi dkyil du yi ge d+hIgo sla'o/ /shes rab kyi pha rol tu phyin pa'i gzhung dum bu bzhir 'gos? te/ de yang gang zhe na gleng gzhi'i dum bu dang/ stong pa nyid kyi dum bu dang/ rnam dag gi dum bu dang/ mtshan dpe'i dum bu dang bzhi bsnams so/ /de yang autpa la re'i steng na'o/ /de'i thugs kar ye shes 'khor lo bsgom ste/ ji skad du/ dang po sangs rgyas ka ru shes rab 'khor lo bsgom par bya zhes pa la sogs pa'i don ni 'di yin te/ rgyu rten 'brel bcu gnyis kyi gnyen por sgra'i yi ge bcu gnyis bsgoms pas 'bras bu sa mchog bcu gnyis thob ste/ de yang rdo rje rgyan gyi rgyud las/ kun tu 'od kyi sa chen po nyon mongs pa thams cad bsreg ste nyi ma dang 'dra'o/ /gnyis pa bdud rtsi'i 'od du ga la rtsi gtong pa dang 'dra ste zla ba'i 'od gsal ba dang 'dra'o/ /sa gsum pa ste nam mkha' i 'od ni chos kyi dbyings nam mkha' bzhin du so sor ba snang ba'o/ /sa bzhi ba rdo rje'i 'od de yid bde ba ste/ bde ba dang stong pa dbyer med pa'o/ /sa lnga pa ni rin po che'i 'od de yid bzhin gyi nor bu rin po che dang 'dra ste dgos pa thams cad skong bar dbang bskur ba'o/ /sa drug pa ste pad+ma'i 'od de 'dod chags dang mtshan pa'i rnam par rtog pa thams cad 'joms pa'o/ /sa bdun pa las kyi 'od ste sangs rgyas kyi phrin las thams cad rdzogs pa'o/ /sa brgyad pa dpe med pa ste dpe las 'das pa dpe ru yod pa ma yin pa'o/ /sa dgu pa dpe dang ldan pa ste thams cad sa? sor 'bigs pa'o/ /sa bcu pa ni shes rab kyi 'od ces bya/ shes rab kyis ni don thams cad 'byed pa'o/ /sa bcu gcig pa bla na med pa'i sa rab tu 'od gsal thams cad mkhyen pa nyid do/ /sa bcu gnyis pa ni rnal 'byor gyi ye shes rab tu so sor rig pa rdzogs pa'o zhes gsungs so/ /de ltar rgyu 'bras kyi don bshad nas/ da ni 'khor lo bsgom pa'i thabs bshad de/ don byas slar 'dus zhes pa la sogs pa ni dkyus nyid gsal lo/ /sa mchog bcu gnyis rdzogs rtags su zhes pa ni/ sa mchog bcu gnyis ni grong du gsungs pa'o/ /sgra yig bcu gnyis dgod par bya zhes pa ni 'og nas 'byung ba 'di yin te/ a A/ ai a'i/ au a'u/ e ai/ ao aau/ aM adra ba'i rgyu phyi ma las gsal bar gsungs te de la 'jug par bya'o/ /'jam dpal 'di ni dpal gyi sku/ /mthun mong ma yin gnyis med khyab pa'i chos/ /dus gsum btad snyoms rgyal ba kun gyi yab/ /chos dbyings yum nyid sems dpa' sras mchog ston// blo dang ldan pa gang zhig mdo 'di ni/ /mngon sum tshad mar bzhag nas mthong 'dod pa/ /sgyu 'phrul dra ba'i 'khor lo'i tshul bzhin du/ /yi ge 'khor lo'i don gyis 'jam dpal lo/ /gdod nas dag cing skye ba med pa yi/ /a A zhes pa 'dus ma byas pa'i chos/ /sgyu nyid med pas 'bras bu mi tshol phyir/ /a ltar mnyam gzhag chos kyi sku nyid de/ /don dam dbyings nyid mkha' 'dra dmigs med khyab/ /'byung ba rang bzhin med par gnas pa las/ /'jam dpal ral gri btab na gcod pa ltar/ /a yi gu gu thugs rje rang nyid 'phyo/ /ai a'i zhes pa chos kyi yum nyid lam/ /shes rab pha rol phyin pa bsam pa'i dbyings/ /lha dang mi la blang dor med tshul gyis/ /thun mong ma yin stong nas kun tu bzang/ /med pa'i ngang nyid med las 'byung ba yi/ /au a'u zhes pa med pa'i snying po 'byung/ /ye shes chen po yod med mdza' las 'das/ /che ba'i ngang gis 'gro kun dge la sbyor/ /nyid dang gnyis med gtan nas brjod bral ba'i/ /gru gsum e yi rang bzhin nyid mi g.yo/ /e ai zhes pa tha snyad bsam brjod bral/ /sems dang sems ni 'jam dpal ting 'dzin to/ /thabs dang shes rab sgyu 'phrul dra ba'i tshogs/ /ao aau zhes pa 'du 'pho 'khrug med cing/ /'ja' tshon rnam par so sor yid bzhin sbyor/ /'jam dpal rnam par rol ba'i ??/ /rnal 'byor chen po ye shes 'byor ba'i dpal/ /nam mkha' mi dmigs aM ste ye shes brjod/ /ye shes ma 'dres amnyam pas ni/ /bsam gyis mi khyab mi gnas mi sems na/ /'jam dpal nyid dang yon tan rdzogs par mnyam zhes gsungs te/ a ni gdong ma nas skye ba med cing 'dus ma byas pa/ rgyus ma bsgrubs pa'i phyir 'bras bu brtsal du med pas gdod ma nas chos nyid bde ba chen po'o/ /ai? ni de nyid nam mkha' ltar mi dmigs pa'i phyir shes rab chen pos de ltar gcod cing mi dmigs pa'i thugs rje chen po 'phro bas shes rab kyi rang bzhin no/ /au ni de lta bas na kun tu bzang po byang chub sems kyi rang bzhin te/ mtshan ma ldang ba la mi dor/ mi ldang ba la mi gnas/ kun tu bzang po'i mdza' las 'das pa chen po'o/ /ngang gis 'gro ba kun kyang bde ba chen po'i rang bzhin la sbyor ba'o/ /e de ltar bsam brjod dang bral bas sems dang sems kyi rnam par rtog pa g.yo ba med pa ste/ 'jam dpal gyi rang bzhin du gnas pa'o/ /yo ni de ltar yin pas thabs kyi cho 'phrul sna tshogs su snang bas/ thams cad du yang thabs shes rab sgyu 'phrul dra ba'i tshogs yin par nam mkha' i 'ja' tshon bzhin du 'gro ba sna tshogs kyi yeng? dang mthun par sbyor ba rnams rol pa'i cho 'phrul bde ba chen por mnyam pa'o/ /aM thams cad 'byung gnas nam mkha' i mdzod do/ ador med par rang bzhin gyis sangs rgyas pa ste/ de ltar yin par blo la gsal zhing mig yon des 'jam dpal nyid yin no/ /yang rgyud de las gsungs pa/ ji ltar sgyu 'phrul dra ba las/ 'jam dpal chos kyi snying po 'di/ /rgyal ba rnams kyi yang dang yum/ /don gyis shes rab dbyings kyi phyir/ /thabs kyi ye shes kun 'byung ba/ /yi ge 'khor lo don rnams kyis/ /sgyu 'phrul dra ba nyid du gsal/ /grags ma thag tu don par gsal/ /a gA zhes pa 'jam dpal nyid/ /rang bzhin chos nyid sku yi dbyings/ /ai a'i zhes pa g.yo ba med/ mi skyod pa las yum du gsal/ /au a'u zhes pa skye ba med/ /dag pa'i ngang nyid kun tu bzang/ /rgyu las rgyal ba'i sems dpa' che/ /ye shes der nyid gcig pa'o/ /e ai zhes pa mkha' la bskor/ /'bras bu med pas mkha' la gnas/ /de ma thag las gsal ba'i rkyen// 'jam dbyangs phra ba'i dpal gyur pa/ /ao aau zhes pa e las 'das/ /aoM zhes gsang sngags thabs chen bstan/ /e dang ao yi rang bzhin dbyings/ /muM ni ngo bo nyid kyi mkha' / /a las rnam par rol? las bstan/ /aM gyi gnyis med sbyor ba yis/ /zab mo'i rdo rje ting 'dzin mdza' / /ma zhes mnyam dang mi mnyam med/ /'jam dpal ye shes rdo rje rdzogs/ /sgyu 'phrul dra ba'i 'khor lo 'di/ /mya ngan 'das dang 'khor ba la/ /mi gnas rdo rje rtse mo can/ /bsam rtsol sgrub pa med pa yi/ /dbyings nyid gzhan na yongs su rdzogs zhes gsungs te tshul 'di yang snga ma bzhin du shes par bya'o/ /de la yang re zhig a A zhes pa 'jam dpal chos kyi sku'o/ /ai a'i ni yuM shes rab kyi pha rol tu phyin ma'o/ /au a'u ni byang chub kyi sems kun tu bzang po'i rang bzhin te/ sems nyid sems dpa' chen po'i rang bzhin no/ /e ai ni 'du 'bral med pa'i mkha' la sbyor ba'o/ /ao aau ni de las 'dus pa'i yi ge 'khor lo tshogs chen gyi thabs mkhas pa'i 'phrul ba rang bzhin gyis 'phra ba'o/ /aoM la aM sbyar na aoM du gyur te/ de ni gsang sngags kyi mthu'o/ /aM gi klad kor ni muM te chos thams cad ngo bo nyid kyis grol ba'o/ /AM aM ni yon tan thams cad 'byor ba gnyis su med pa'i ting nge 'dzin to/ /klad kor gyi ma ni chos mnyam pa nyid rin mnyam pa dbyer med pa ste/ 'di lta bu'i 'jam dpal rdo rje ni mi gnas pa ye shes rdo rje rtse mo ste 'di lta bu'i don khong du chud par bya ste/ ci spyang pa thams cad thabs shes rab sgyu 'phrul dra ba chos nyid kyis brgyan/ ye shes kyi rol pa bkag pa med pa'i chos nyid lhun gyis grub par rtogs nas/ gzod ye shes kyi ngo bo dang ldan pa'o zhes 'jam dpal sgyu 'phrul dra ba'i rgyud byi ma las gsungs so/ /'khor lo lce la bsam pa ni zhes pa de ltar mu khyud kyi yig 'bru bkod nas/ rtsibs la 'og nas 'byung ba'i sngags gtso bo drug po 'di dgod de zhes pa'i don to/ /dang po'i lce zhes pa ni gtso bo'i mdun gang yin pa'o/ /brtsams nas ni zhes pa dang po'i lce la badzra tik+Sh+Na ya te na magsal bkod de zhes pa'i bar gsal te dkyus nyid gsal lo/ /de nas 'phro 'du'i sgo nas sems gzung ba bstan pa'i phyir/ de nas 'khor lo la gsang sngags zhes pa nas de nyid brtan par bdag nyid sgom ces pa'i bar gyis bstan te go sla'o/ /de la 'bras bu 'byung bar bstan pa'i phyir/ de ltar spyod pa'i sems dpa' ni ces pa nas nye bar bzung nas mdon snang ngo/ /zhes pa'i bar gyis bstan te go sla'o/ /de dag ni sgyu 'phrul dra ba mngon par byang chub pa'i rim ba ste sbyor ba dang po'i ting nge dzin to// // de nas dkyil 'khor rgyal mchog bsgom pa bstan pa'i phyir/ de nas nga ni dkyil 'khor gyi lha dag gi ngo bo gsang sngags kyi sgo nas zhes pa la sogs pa gsung ba'i don ni 'di yin te/ dkyil 'khor gyi lha'i ngo bo a las bskyed pa'i phyir te/ gtso bo rnam par snang mdzad de yig 'bru dang/ phyag mtshan dang/ ting nge 'dzin gsum las bskyed do/ /yang na zla ba'i dkyil 'khor dang a dang phyag mtshan gsum las bskyed do/ /yang na lus ngag yid gsum la bskyed do/ /lha thams cad rdo rje'i cho ga yan lag gsum las bskyed do gsal bar bsgom/ /rnam par snang mdzad kyi thugs kar dang po'i sangs rgyas gdong lnga pa phyag brgyad pa de'i thugs kar shes rab kyi 'khor lo gsal bar bsgom/ /de'i lte ba la ye shes sems dpa' zhal drug pa sku mdog dung dang ba mo ltar dkar ba/ rgyan thams cad kyis brgyan pa aindA? nI la'i ral pa mnga' ba/ phyag gnyis na autpa la sngo dmar mnga' bzhi pa'i ngang tshul dang ldan pa'o/ /de'i thugs kar zla ba'i dkyil 'khor nya gang bsgom/ de la yi ge a gnas pa de las 'od 'phros pas zla ba'i dkyil 'khor snang bar byas/ ye shes sems dpa' snang bar byas/ dang po sangs rgyas snang bar byas/ gtso bo rnam snang snang bar byas/ gdan dang gzhal yas khang snang bar byas/ rdo rje rgya gram snang bar byas/ chos 'byung snang bar byas/ byang chub chen po'i mchod rten snang bar byas/ ye shes kyi rdo rje'i sgo drug nas 'thon zhing khams drug snang bar byas te/ pad+ma can dang mngon par dga' ba dang/ yid du 'ong ba dang/ bde ba can dang mdog sdug pa dang/ 'od zer can snang bar byas so/ /sangs rgyas la mchod pa'i las byas/ sems can gyi don byas/ slar rdo rje la skor ba lan gsum byas/ kha dog drug dang ldan pa'i 'od zer des byang chub chen po'i mchod rten snang bar byas/ rdo rje rgya gram snang bar byas/ dkyil 'khor snang bar byas/ gtso bo snang bar byas/ shes rab 'khor lo snang bar byas/ ye shes sems dpa' snang bar byas/ zla ba'i dkyil 'khor snang bar byas/ a la thim pas a yi byin gyis brlabs kyis shar phyogs nas brtsams te mi bskyod pa'i lha rnams dang/ lho nas rin chen 'byung ldan la sogs pa'i lha rnams dang/ nub nas snang ba mdza' yas la sogs pa'i lha rnams dang/ byang nas don yod grub pa la sogs pa'i lha rnams rgya'i sa bon gyi yig 'brur gyur to/ /de nas sngags 'di bzlas so/ /a A sarba ta thA ga ta/ h+ri da ya/ ha ra ha ra/ aoM hUM hIya ma la su pa ri shud+d+ha/ d+harma d+hA tu dz+nyA na garb+ha Agyi gong du bskyed pa ltar bya'o/ /'di dag lha bsgom zhing dpyad pa'i ting nge 'dzin to/ /de nas dkyil 'khor rgyal mchog gi lha rnams dgod de/ shar gyi 'khor lo la sa bon hUM/ mi bskyod pa gdan glang po che/ phyag rgya sa gnon/ sku mdog sngon po gnyen po zhe sdang ngo/ /lha'i 'khor lo la sa bon aoM/ rin chen 'byung ldan no/ /gdan rta sku mdog ser po/ /phyag rgya mchog sbyin/ gnyen po ser sna/ nub kyi 'khor lo la sa bon h+rI:/ snang ba mdza' yas/ gdan rma bya/ sku mdog dmar po/ /phyag rgya rta'i de 'dzin/ gnyen po 'dod chags/ byang phyogs 'khor lo la sa bon ama sku mdog dkar mo/ /rdo rje 'dzin pa rnam par thar pa'i sgo stong ba'o/ /lho nub kyi zla steng du a'i sa bon las byung ba rin chen sems ma/ sku mdog ser mo/ /rin po che 'dzin pa mtshan ma med pa'i stong pa'o/ /nub byang gi zla steng du aM gi sa sa bon las byung ba chos kyi sems ma sku mdog dmar mo pad+ma 'dzin pa/ rang bzhin gi 'od gsal ba'i sgo smon pa mang pa/ stong pa byang shar zla steng du a'i sa bon las byung ba/ las kyi sems ma sku mdog ljang gu sna tshogs rdo rje 'dzin pa 'dus ma byas stong pa'o/ /lha mo bzhi po 'di dag ni brjod pa'i tshul gyis bsgom par bya'o/ /rgyu 'byung ba bzhi rnam par dag pa'o/ /de'i phyi rol 'khor lo rtsibs dang po'i steng du/ gdan zla ba/ sa bon ya/ rdo rje sems dpa' sku mdog dkar po/ phyag mtshan ral gri dang rdo rje bsnams pa/ nag stong pa rnam par dag pa'o/ /sa bon A rdo rje rgyal po/ gdan zla ba sku mdog ser po/ phyag mtshan lcags kyu dang ral gri/ phyi stong ba rnam par dag pa'o/ /sa bon ai/ rdo rje chags la/ gdan zla ba/ sku mdog dmar po/ phyag mtshan ral gri dang mda' gzhu'o/ /phyi nang stong pa rnam par dag pa'o/ /sa bon a'i rdo rje legs pa sku mdog dkar dmar/ phyag mtshan ral gri dang se gol/ chen po stong pa rnam par dag pa/ dam tshig gi sems dpa' bzhi'o/ /sa bon au rdo rje rin chen/ sku mdog ser po/ ral gri dang rin po che 'dzin pa/ dor ba med pa stong pa rnam par dag pa'o/ /sa bon au rdo rje rgyal mtshan snga la sangs ral gri dang rgyal mtshan/ thog ma med pa'i stong pa'o/ /sa bon e rdo rje nyi ma/ ral gri dang nyi ma bsnams pa ? ? med pa stong pa/ sa bon ai rdo rje bzhad pa sku gser mdog/ ral gri dang che mas/ mdza' las 'das pa stong pa/ dbang gi sems dpa' bzhi'o/ /sa bon aoM rdo rje chos dmar po ral gri dang pad+ma/ dor pa med pa stong pa nyid/ a'au sa bon rdo rje ga rnon po/ nam mkha' 'dra/ ral gri dang dgra sta/ dngos po med pa'i stong pa nyid/ sa bon aM rdo rje rgyu/ 'khor lo dang ral gri bsnams pa/ ngo bo nyid stong la/ sa bon aA/ srung ba ljang sngon/ ral gri go cha rgyu'i stong pa nyid/ sa bon e/ rdo rje gnod sbyin nag po ral gri dang/ mche ba/ 'bras bu'i stong ba nyid/ sa bon ai rdo rje khu tshur khro bo ral gri dang khu tshur bsnams pa/ rgyu 'bras stong pa nyid rnam par dag pa/ phrin las kyi sems dpa' bzhi'o/ /nga ni lam gyis bsdus pa'i lha mo brgyad dang/ sgo ba bzhi dbye bar bya ste/ la'i sa bon las byung ba/ lha mo sgeg mo dkar mo 'gying ba'i tshul phyag mtshan ral gri sbyin pa'i pha rol tu phyin pa rnam par dag pa'o/ /lho nub du mA'i sa bon las phreng ba ma ser mo phreng ba dang ral gri 'dzin pa/ tshul khrims kyi pha rol tu phyin pa rnam par dag pa'o/ /nub byang du gI'i sa bon las glu ma dmar mo/ /pi wang dang ral gri 'dzin pa/ bzod pa'i pha rol tu phyin pa rnam par dag pa'o/ /byang shar du nri'i sa bon las byung ba gar ma ljang gu gar dang ral gri 'dzin pa/ brtson 'grus kyi pha rol tu phyin pa rnam par dag pa'o/ /lha mo bzhi po 'di dag zla ba'i gdan la sems dpa' i stabs kyis bzhugs pa'o/ /d+hu'i sa bon las byung ba/ bdug spos ma dkar mo spos khang dang ral gri bsnams pa/ shes rab kyi pha rol tu phyin pa rnam par dag pa'o/ /pu'i sa bon las byung ba me tog ma ser mo me tog dang ral gri bsnams pa/ bsam gtan gyi pha rol tu phyin pa rnam par dag pa'o/ /tI'i sa bon las mar me ma dmar mo mar me dang/ ral gri 'dzin pa smos lam gyi pha rol tu phyin pa rnam par dag pa'o/ /ga'i sa bon las dri chab ma ljang gu dung phor dang ral gri 'dzin pa thabs kyi pha rol tu phyin pa rnam par dag pa'o/ /lha mo bzhi po 'di dag zla ba'i gdan la rim bzhin du bzhugs so/ /dzalas lcags sgrog dmar mo lcags sgrog dang ral gi bsnams pa dad pa'i stobs rnam par dag pa'o/ /hogdan la rims bzhin du bzhugs so/ /'bras bu'i sems dpa' bcu drug ni ma'i sa bon las byams la/ 'jam dpal spos gyi glang po che/ ye shes tog dang bzhi g.yas ral gri g.yon rdo rje bsnams pa'o/ /a'i sa bon las bzang skyong/ blo gros rgya mtsho blo gros mi zad pa spobs pa brtsegs pa bzhi sku ser po rin po che dang ral gri bsnams pa'o/ /a'i sa bon las mthu chen thob ngan song kun 'dren/ mya ngan 'joms/ dra ba'i 'ong/ sku dmar po ral gri dang pad+ma bsnams pa/ ai'o sa bon las zla bad gzhon nu/ 'od dpag med/ nam mkha' i mdzod/ sgrib pa sel ba bzhi/ sku ljang gu/ sna tshogs rdo rje dang ral gri bsnams pa'o/ /sems dpa' de rnams kyang dkyil 'khor gyi khams la zla ba'i gdan la rim pa bzhin du bzhugs pa'o/ /'di yan chad ni dkyil 'khor rgyal po mchog gi ting nge 'dzin/ / //de nas las rgyal mchog bstan pa'i phyir/ de nas las kyi khyad par yang/ /bskyed pa'i zhar las 'byung ba ste/ /sgra las phye ste rgyas bshad pa/ /'dir ni bdag gis ma bshad do zhes gsungs te/ de nas ni dkyil 'khor rgyal mchog bsgom pa'i de ma thag pa'o/ /las kyi ni las gsum ste/ 'dir dge ba'i las so/ /khyad par yang ni sems can gyi don byed pa'o/ /bskyed pa'i zhar las byung ba ni dkyil 'khor rgyal mchog bskyed pa'i dus su/ bdag las mi gnyis pa'i gzugs 'od zer gyi tshul du 'phros te/ sangs rgyas la mchod pa phul nas/ sems can gyi don la gsol ba 'debs pa ste/ de'ang ji ltar 'debs zhe na/ mi skyod 'khor dang bcas pa yis/ /zhes sdang can gyi rgyud sbyongs shig ces pa la sogs pa gsungs so/ /de nas sgra las phye ste rgyas par der bshad pas/ skabs 'dir slob dpon gyis rgyas par bshad do/ /de nas yang gong du gsungs pa ltar shes par bya'o/ /de yan chod ni las kyi khyad par gyi ting nge 'dzin to// de nas de rdzogs par byed pa'i yan lag bstan pa'i phyir/ de nas spos kyi chu dag la/ /sngags bzlas pa yis bsang bya ste/ /zhes pa la sogs pa gsungs te/ de nas las bcol ba'i de ma thag pa'o/ /spos kyi chu mi bsang chu'o/ /sngags bzlas pa ni rdo rje gnod sbyin gyi sngags so/ /bsang ba ni mchod pa'i rdzas rnams so/ /phung po bsdus pa'i mchod pa lnga zhes pa ni/ 'byung ba lnga yis bskyed pa'i me tog dang/ spos dang/ mar me dang dri chab dang zhabs zas dang lnga'o/ /de ga la rim pa bzhin zhes gsungs byin gyis brlabs zhes pa ni so so'i phyag rgya bcas te/ aoM badzra puShpe hUM/ badzra d+hU pe hUM/ badzra A lo ke h+rIshin tu mang zhing rgya che bar bsam mo/ /de nas ye shes sems dpa' sgrub pa bstan pa'i phyir/ 'di dag rim pa'i go rims kyis zhes pa la sogs pa gsungs te/ de'i don ni 'di yin te/ de yang rigs bsdus pa'i phyag rgya ni/ lag gi 'du byed chen po yin/ gar thabs g.yas g.yon bskor nas ni/ /se gol mang po brdab par bya/ /badzra sa ma ya dzamchog thams cad kun/ /dbang po'i mngon sum 'drar mthong 'gyur zhes cho ga 'dus pa'i rgyud las gsungs so/ /de lta bu'i don yid kyis mngon sum du byon pa de la mchod pa lngas mchod la/ mnyam med la sogs pas bstod pa bya ste/ zhes pa'i don ni 'di yin te/ mnyam med mi g.yo'i mnyam nyid chos mchog can/ /thugs rje'i bdag nyid 'gro drug sdug bsngal sel/ /yon tan mchog gi dngos grub sbyin mdzad pa/ /dri med mnyam nyid dam pa nyid la bstod/ /yon tan shin tu phra ba tshad med de/ /nam mkha' dang yang bskrun du yod pa min/ /dngos grub mnyam med dpe bral/ /'gro la nges par gsol mdzad bstod/ /rtag tu dri med thugs rje 'byung/ /smon lam 'grub pa 'gag med can/ /'gro ba'i don bsgrub mdza' yas pa bdag nyid rtag tu snang la bstod/ /tshad med tshad bral yongs rdzogs pa'i/ /bde gshegs go 'phang bde brnyes kyang/ /thugs rje'i spyod pa 'gag mi 'gyur/ /bzang po shin tu mchog ldan bstod/ /mchog sbyin nang na mchog brnyes pas/ /kun la dngos grub mchog thob mdzad/ /mgon po dus gsum sgrib med pa/ /dngos grub dam pa stsol la bstod/ /de nas gtso bo'i sngags rings la zhes pa ni/ a A sarba ta thA ga tA h+ri da ya/ ha ra ha ra/ aoM hUM h+rIsarba d+harmA ga ga na/ a ma la su pa ri shud+d+ha/ d+harma d+hA tu dz+nyA na garb+ha a:/ dri sh+yas blta/ dzabzhi yis rgyas gdab don mchog sgrub ces gsungs te/ bzhi ni phyag rgya bzhi ste/ de yang gang zhe na/ dam tshig gi phyag rgya dang/ las dang chos dang/ phyag rgya chen po dang bzhi'o/ /de la dam tshig gi phyag rgya ni/ snying gar zla ba'i dkyil 'khor la rdo rje rtse lnga pa bsgoms la/ phyag g.yon thams cad na rang rang gi mtshan ma 'dzin pa ni dam tshig gi phyag rgya'o/ /lce la yi ge h+ri las pad+ma de'i a las zla ba'i dkyil 'khor de'i steng du hUM las rdo rje'i dbus su h+ri las byung ba'i bcom ldan 'das 'od dpag tu med pa sku mdog dmar po bsams la/ de'i lce la yi ge a bsams te sngags kyi yan lag thams cad rdzogs pa ni/ chos kyi phyag rgya'o/ /a las sna tshogs rdo rje lta thams cad kyi spyi bor bsams la/ gang las byung ba'i g.yas thams cad na ral gri bsam pa ni las kyi phyag rgya'o/ /ji ltar bris pa'i rjes su mthun par gang dang gang gi gzugs su gsal zhing de'i ngo bo rnam par dag pa ni phyag rgya chen po'o/ /de ltar phyag rgya bzhis rgyas btab ba de la yang dag pa'i don sgrub pas na/ bzhi yis rgyas gdab don mchog grub ces gsungs pa yin no/ /de yang ma'o las/ rdo rje rnon po ral gri che/ /yi ge mchog ste rnam par dag ces pa dang/ phyag rgya bzhi'i don ston pa zhes gsungs so/ /de nas mchod pa'i bye brag gis zhes pa ni/ mchod rdzas rnams bsangs la byin gyis brlab ste/ yongs su rdzogs pa'i dkyil 'khor de la mchod pa'i bye brag thams cad kyis mchod do/ /de yang gang zhe na/ bdag las mi gnyis pa de yis so/ /de nas 'di ltar sangs rgyas bcom ldan 'das zhes pa'i bstong pas kyang bstod do/ /mchod nas phyag rgya bzhi bya ba zhes pa ni phyag rgya bzhi'i don dang ldan par bya'o zhes pa'i dran to/ /dang po sangs rgyas la sogs pa'i gnas su bya ba'i rim pa'o/ /zhes pa'i don ni 'di yin te/ a las 'od byung zla ba'i dkyil 'khor gsal bar byas/ /de las ye shes sems dpa' i de las shes rab 'khor lo/ /de las dang po'i sangs rgyas de las gzhi'i sangs rgyas/ de las lha tsho/ /de las gzhal yas khang/ /de las sna tshogs rdo rje de las chos 'byung/ de las byang chub chen po'i mchod rten/ de las rdo rje'i sgo drug nas 'thon te/ shar phyogs dge ba'i sgo la sogs pa nas 'od zer 'thon te/ srid pa gsal bar byas don rnam pa gnyis dang/ sangs rgyas kyi mdzad pa byas te/ dus gsum gyi sangs rgyas kyi thugs kar zhugs/ dpal gyi be'u la skor ba lan gsum byas/ shes rab dang ye shes kyi bcud bsdus/ slar rim gyis rim gyis gzhi po'i a la thim ste/ snang steng gnyis med kyang ngo bor rtogs par bya'o/ /de ltar 'phro 'du bya zhing bsgom pa ni bsnyen pa bsdus pa'o// //aoM sarba d+harmA a b+ha ba swa b+hA ba/ bi shud+d+ha badzra a A aM apo'i tshul gyi mchog ces pa'i bar du'o/ /tshigs su bcad pa bcu bzhi brjod pas ye shes sems dpa' i thugs ka'i a las yi ge brgyad cu rtsa drug 'phros pas rnam par snang mdzad med par gyur te/ zhing khams thams cad snang zhing mchod gti mug can gyi don byas/ slar bzhi'i lha rnams la thin par bya zhing bkags na ring po mi thogs par chos kyi rgyal por 'gyur te/ de na bstan pa rgyas pa'o/ /de nas thun gtong bar 'dod na/ mchad pa'i yo byad rnams kyis yang dag par mchod la/ bdag las mi gnyis pa'i gzugs su rim pa nas rim par 'od zer gyi tshul du 'thon te/ las kyi bya ba la sogs pa la 'jug par bya'o/ /de nas mthun gnyis pa la bdag las gi gnyis pa'i gzugs can de sangs rgyas kyi mdzad pa rdzogs nas/ 'od zer gyi tshul du rim pa nas rim par gzhi la thim ste/ de nas ci rigs pa du mchod bstod byas la don gsum po gang yang rung ba cig la 'jug par bya'o/ /de nas yang gtong bar 'dod na sngon du bstan pa lta bur bya'o/ /de nas thun gsum pa la sngon du bstan pa la ji lta ba bzhin byas la/ thun tha ma la ye shes kyi dkyil 'khor de/ aoM many+dzu sh+rI badzra muM zhes mdun gyi nam mkha' la phye nas bzhugs pa de la mchod pa dang bstod pa dang/ bshags pa byas la gshegs su gsol/ bskyed pa'i mtshan tsho bdag gi thugs kar bsdus pa/ /dang po'i sangs rgyas kyi nga rgyal dang ldan par byas te cing de par spyod lan bya'o/ /rnal 'byor don dang ldan pa yis/ /'bad nas thun gsum dag gis ni/ /lha yi rnal 'byor bsgom pa na/ /des par chos kyi rgyal po thob ces le'u khri drug stong pa las gsung so/ rna de nyid las kyang dus gsum sangs rgyas las byed pa zhes gsungs so/ /de k+Sha ra rnal 'byor bas zla ba gsum mam/ zla ba gcig gam 'on te dus rgyun du ma chad par bsgoms na don gyi rtags sam lha'i snang ba gsang ba dang/ bzod bsnyen pa'i las la/ 'jug par bya'o/ /de nas snang ba mdza' yas la me tog phog ste/ de'i rnal 'byor byed par 'dod na sngon du bstan pa'i gnas yid dang 'thar pa ru/ yo byad la sogs pa tshul bzhin bshams la/ ston 'di ba la 'dug ste/ lce lag byin gyis brlab pa nas gzhal yas khang bskyed pa yan chad rdzogs par bya ste/ gtso bo'i gnas su h+rIte/ snang ba mdza' yas kyi thugs ka ru dang po'i sangs rgyas de'i lte ba la rdo rje rnon po de'i thugs kar a las zla ba'i dkyil 'khor de'i steng du yi ge h+rImdza' yas snang bar byas/ gdan dang gzhal yas khang snang bar byas/ rdo rje rgya gram snang bar byas/ chos 'byung snang bar byas byang chub chen po'i mchod rten snang bar byas/ ye shes kyi rdo rje sgo drug nas 'thon nas zhing khams drug snang bar byas/ sangs rgyas la mchod pa byas/ sems can gyi don byas/ de bzhin gshegs pa'i bcud bsdus/ slar rdo rje la skor ba lan gsum byas rdo rje'i sgo drug nas tshur rim pa rim par h+rIyang gong ma ltar spro bsdu byas pas phyag mtshan du gyur to/ /de la spro bsdu byas te/ sngags rings brjod pas lha nyi shur gyur te/ de yang pho brang gi dbus su bdun/ 'khor lo brgyad la drug drug lha rnams kyi phyogs bzhi la nga lnga nga lnga shes par bya'o/ /de yang ye shes lnga'i ngo bo ste/ rigs chung ba'i dbye bas so sor rtog pa'i ye shes dang/ me long lta ba'i ye shes dang/ de bzhin du mnyam pa nyid dang/ bya ba grub pa dang/ chos kyi dbyings dang ldan shes par bya'o/ /de nas las rgyal mchog dang/ ye shes sems dpa' sgrub pa dang/ bsnyen pa 'bring po yan chad mthun no/ /brnyen pa rgyas pa byed na yang dag pa dag med de bzhin nyid ces bya ba nas/ ye shes me lce 'od rab gsal zhes pa'i bar du tshigs su bcad pa bzhi bcu zhe gnyis brjod pa/ ye shes sems dpa' i thugs k a'i h+rIla sogs pa gong dang mthun no/ / /de nas mi bskyod pa la me tog phog nas de'i rnal 'byor byed par 'dod na/ yid dang mthun pa'i gnas su yo byad la sogs pa gzhung bzhin du bshams la bde ba'i stan la 'dug ste/ lce lag byin gyis brlab pa nas gzhal yas khang bskyed pa yan chad sngon du bstan pa bzhin du byas la/ hUM gi yi ge las bskyed pa yis zhes pa nas spro dang bsdu ba sngon bzhin bya/ zhes pa'i bar gyis sbyor ba dang po rdzogs par byas te/ de nas dkyil 'khor rgyal mchog bsgom ste gtso bo mi bskyod pa'i thugs kar zla ba'i dkyil 'khor/ de'i steng du dang po'i sangs rgyas/ de'i thugs kar shes rab 'khor lo/ /de'i lte ba la ni rdo rje ral gri /de'i thugs kar zla ba'i dkyil 'khor/ de'i lte ba la yi ge hUM bsgoms te/ de las 'od 'phros pa zla ba'i dkyil 'khor snang bar byas/ rdo rje ral gri snang bar byas/ dang po'i sangs rgyas snang bar byas/ de las gtso bo mi bskyod pa de las gzhal yas khang/ de las rdo rje rgya gram/ de las chos 'byung/ de las mchod rten/ de las ye shes kyi rdo rje'i sgo drug nas ? te zhing khams drug snang bar byas/ de bzhin gshegs pa'i bcud bsdus slar rdo rje la skor ba lan gsum byas/ rdo rje'i sgo drug nas rim pa rim pas hUM la thim hUM gi byin gyis brlabs kyis/ mtshan gyi yi ge lnga bcu rtsa gnyis rang rang gi gnas su gyur to/ / de las ? bsdus pas phyag mtshan du gyur to/ /de spro bsdus sngags rings brjod pas lha lnga bcu rtsa gnyis su gyur te/ pho brang gi dbus su bdun/ 'khor 'khor lo brgyad la re/ phyogs bzhir lha snam la bcu bzhi bcu bzhi dgod par bya'o/ /de yang me long lta bu'i ye shes la sogs pa'i don du shes par bya'o/ /de nas las bcol ba dang bsnyen pa 'bring po yan chad mthun mong rgyas par byed na/ rdo rje 'jigs par byed ces pa nas/ sgra dang ldan pa lha rnams kyi mchog ces pa'i bar du tshigs bcad dang/ rkang pa gcig lhag pa brjod pas snga ma bzhin du mi bskyod pa'i 'phros 'dus pas zhe sdang can gyi rgyud sbyang ba la sogs pa bya'o/ /mthun mtshams ni gong dang mthun no// //de nas rnam par snang mdzad la me tog phog nas de'i rnal 'byor byed par 'dod na yid dang mthun pa'i gnas su yo byad la sogs pa gzhung bzhin du bshams la stan bde ba la 'dug ste/ lce lag byin gyis brlab pa nas/ gzhal yas khang bskyed pa yan chad sngon bzhin byas la/ de bzhin 'khor lo'i dbus nyid du zhes bya ba nas spro dang bsdu ba sngon bzhin bya/ zhes pa'i bar gyis sbyor ba dang po rdzogs par byas la/ de nas dkyil 'khor rgyal mchog bsgom ste/ rnam snang gi thugs kar dang po'i sangs rgyas/ de'i thugs kar shes rab 'khor lo/ /de'i lte ba la shes rab ye shes de'i thugs kar zla ba'i dkyil 'khor/ de'i steng du yi ge a/ de 'phros pas zla ba'i dkyil 'khor snang bar byas/ de nas shes rab ye shes/ shes rab 'khor lo/ de nas dang po'i sangs rgyas/ de nas gtso bo rnam snang/ de nas gzhal yas khang/ rdo rje rgya gram/ chos 'byung/ mchod rten de nas ye shes kyi sgo rdo rje'i sgo drug nas 'thon te zhing khams drug snang bar byas las gnyis byas/ de bzhin gshegs pa'i bcud bsdus/ slar rdo rje la skor ba lan gsum byas te/ rdo rje'i sgo drug nas rim ba rim par a la thim ste/ a'i byin gyis brlabs kyis mtshan gyi yi ge brgya bzhi bcu zhe bzhi rang gi gnas su spros la de 'dus ba las phyag mtshan du gyur to/ /de spro bsdu bya zhing sngags rings brjod pas lha bzhi bcu zhe bzhir gyur to/ /de yang lo grang gi dbus lnga/ 'khor lo brgyad la bzhi bzhi phyogs bzhir lha snam la so drug so drug go /de yang mnyam pa yid kyi me long la sogs pa'i don du shes par bya'o/ /de nas las bcol nas bsnyan pa 'bring po yan chad mthun no/ /rgyas par byed na sangs rgyas rnam par snang mdzad che zhes pa nas/ rdo rje lcags kyu zhags pa che zhes pa'i 'bar du tshigs su bcad pa nyi shu rtsa lngar tshig rkang gcig gis ma tshang bas brjod nas ye shes sems dpa' i thugs ka'i a las yi ge brgya brgyad cu rtsa gcig 'phros pas rnam snang mang por 'gyur te/ zhing khams thams cad snang zhing las gnyis byas gti mug can gyi don byas te slar gzhi'i lha rnams la thim par bya zhing bklag go /thun mtshams ni gong ma dang mthun no// //de nas don yod grub pa la me tog thog nas de'i rnal 'byor byed par 'dod na/ yid dang mthun pa'i gnas su yo byad la sogs pa gzhung bzhin bshams la bde ba'i stan la 'dug ste/ lce lag byin gyis brlab pa nas/ gzhal yas khang bskyed pa yan chad sngon bzhin byas la/ de bzhin 'khor lo'i dbus nyid zhes pa nas spro dang bsdu ba sngon bzhin bya zhes pa'i bar gyis sbyor ba dang po rdzogs par byas la/ de nas dkyil 'khor rgyal mchog bsgoms te/ gtso bo don yod grub pa'i thugs kar zla ba'i dkyil 'khor gyi steng du dang po'i sangs rgyas/ de'i thugs kar shes rab 'khor lo/ /de'i lte ba la ye shes kyi sku can pa'i thugs kar a las zla ba de'i steng du yi ge a/ de las 'od 'phros pas zla ba'i dkyil 'khor snang bar byas/ ye shes sku can shes rab 'khor lo/ /dang po'i sangs rgyas/ gtso bo don yod grub pa/ gzhal yas khang/ rdo rje rgya gram chos 'byung mchod rten/ de nas ye shes kyi rdo rje'i sgo drug nas 'thon nas zhing khams drug snang bar byas/ las gnyis byas/ de bzhin gshegs pa'i bcud bsdus/ slar rdo rje la skor ba lan gsum byas te/ kha dog drug dang ldan pa'i 'od zer de rim pa rim par a la thim pas/ a'i byin gyis brlabs kyis mtshan gyi yi ge bdun cu rtsa drug tu gyur/ de rang rang gnas su spros so/ /de la spro bsdu byas pas phyag mtshan du gyur to/ /de nas spro bsdu byas te sngags rings brjod pas lha bdun cu rtsa bdun du gyur to/ /de yang pho brang gi dbus su bdun/ phyogs bzhir 'khor lo la gnyis gnyis/ mtshams bzhir re re phyogs bzhi lha rnams la bcu dgu bcu dgu shes par bya'o/ /de yang bya ba grub pa'i ye shes me long lta bu la sogs par shes par bya'o/ /de na las bcol ba nas bsnyen pa 'bring po yan chad mthun no// //rgyas par byed na/ sangs rgyas kun gyi rtog bya ba zhes pa nas/ 'jam dpal dpal dang ldan pa'i mchog ces ba'i bar gyis tshims bcad bco lnga brjod pas yi ge dgu bcu rtsa lngar gyur te/ don yod grub bas don gnyis byas/ le lo can gyi rgyud sbyangs nas slar rim gyis gzhi la thim par bya zhing bzlas so/ /thun mtshams ni gong dang mthun no// // de nas rin chen 'byung ldan la me tog phog nas de'i rnal 'byor byad par 'dod na yid dang mthun pa'i gnas su yo byad la sogs pa gzhung bzhin bshams la/ bde ba'i stan la 'bug ste/ lce lag byin gyis brlab pa nas gzhal yas khang bskyed pa yan chad sngon bzhin byas la/ de nas sngon bzhin dkyil 'khor gyi zhes pa nas/ spro dang bsdu ba sngon bzhin bya zhes pa'i bar gyis sbyor ba dang po rdzogs par byas la/ de nas dkyil 'khor rgyal mchog bsgom ste/ rin chen 'byung ldan gyi thugs kar zla ba'i dkyil 'khor gyi steng du dang po'i sangs rgyas/ de'i thugs kar shes rab 'khor lo/ /de'i lte ba la ngag gi dbang phyug /de'i thugs kar zla ba'i dkyil 'khor de'i lte ba la yi ge a/ de las 'od 'phros pas zla ba'i dkyil 'khor snang bar byas/ ngag gi dbang phyug shes rab 'khor lo/ /dang po'i sangs rgyas/ gzhal yas khang rdo rje rgya gram/ chos 'byung/ byang chub chen po'i mchod rten/ snang bar byas te/ ye shes kyi rdo rje'i sgo drug nas 'thon/ zhing khams drug snang bar byas/ don gnyis byas/ bde bar gshegs pa'i bcud bsdus/ slar rdo rje la skor ba lan gsum byas/ kha dog drug dang ldan pa'i 'od zer de slar rim pa rim pas a la thim bas a'i byin gyis rlabs kyis mtshan gyi yi ge brgyad cu rtsa bzhi rang rang gi gnas su spros te/ de spros bsdus pas phyag mtshan du gyur to/ /de nas spro bsdu byas nas sngags rings brjod pas lha brgyad cu tsa bzhi'i ngo bor gyur te/ pho brang gi dbus su bzhi/ 'khor lo brgyad la gnyis gnyis/ phyogs bzhi'i lha snam pa nyi shu rtsa gcig rtsa gcig 'di dag kun la lha mo brgyad brgyad/ sgo ba bzhi kun la bkod par shes par bya'o/ /rigs kha phral gyi dkyil 'khor lnga po 'di ni 'khor lo rtsibs brgyad pa sgo rkyang pa de las med do/ /de nas las bcol ba dang/ bsnyen pa 'bring po yan chad mthun no/ / //rgyas par byed na/ 'dod pa'i don grub dam pa ste zhes pa nas/ nor bu chen po rin chen tog ces pa'i bar du tshigs bcad nyi shu rtsa bzhi brjod pas sngags kyi yi ge brgya rtsa bzhi byung ste/ rin chen 'byung ldan mang po byung ste/ las gnyis byas nas ser sna can gyi rgyud sbyangs te/ slar rim gyis gzhi po la thim mo/ /thun mtshams ni gong dang mthun no/ /de rnams ni rigs kha phral ba'i dkyil 'khor ro/ de nas rigs bsdus pa byang sems rdo rje byed par 'dod na yid dang mthun par gnas su yo byad la sogs pa gzhung bzhin du bshams la/ bde ba'i stan la 'dug ste/ lce lag byin gyis brlab pa nas/ sna tshogs rdo rje yan chad sngon bzhin bsgoms la/ de'i lte ba la yi ge bruM las gyur pa'i gzhal yas khang/ gru bzhi pa la sgo bzhi pa/ dbus na dkyil 'khor sgo rkyang pa lnga yod pa lha'i snam bu la sogs pa dang ldan pa/ rta babs med pa/ rgyan thams cad phyi'i sgo la brgyan pa'o/ /dkyil 'khor drug po de la ji ltar gsungs pa'i gdon thams cad bsgom par bya'o/ /de'i dbus su si laM sa seng+ge'i khri/ /de'i steng du paM las sna tshogs pad+ma/ de'i steng du a dkar po yongs su gyur pa las rdo rje/ de yongs su gyur pa las bcom ldan 'das byang sems rdo rje sku mdog dkar po gzhon nu'i tshul can dbu la rigs lnga'i sangs rgyas kyis brgyan pa/ rdo rje dril bu bsnams pa bskyed la/ de'i thugs kar zla ba'i dkyil 'khor re/ de'i steng du dang po'i sangs rgyas/ de'i thugs kar shes rab 'khor lo rtsibs brgyad pa la yi ge 'bru dgu bdun la re re/ gcig la gnyis bkod la/ phreng ba'i yi ge rnams gzhan dang mthun/ de'i lte ba la a las bskyed pa'i a ra pa tsa na mdog dkar ba de'i thugs kar zla ba'i dkyil 'khor/ de'i steng na yi ge a dkar po de las 'od kha dog rnam pa drug dang ldan pa byung ste/ 'od des mi shes pa'i ri bo bcom nas rang gi lus nyid snang bar byed pa bsgom par bya'o/ /snang bar gyur ma thag tu 'od rim pa nas rim par gsal bar byas te/ 'jig rten gyi khams snang bar byas so/ /de nas rdo rje'i sgo drug nas kha dog drug dang ldan pa'i 'od de byung ste/ nam mkha' i khams kun khyab par byas nas/ sangs rgyas kyi zhing khams gsal bar gyur to/ /las gnyis byas/ de bzhin gshegs pa'i bcud bsdus/ thugs dpal gyi be'u la skor ba lan gsum byas/ shes rab dang ye shes bkug nas mi gnas rim par thim ste/ ? ga'i zla ba bdag nas ba'i sngags dang gcig tu 'dres par gyur nas de nyid pa rtan par yang dan yan du bsgom/ de ltar bsgoms pas phyir ring bor mi thogs par ye shes kyi sgo nas sku dang/ a'i sgo nas gsung dang/ zla ba'i sgo nas thugs dang/ gsum thob ste/ sprul pa'i sku yang mthong bar 'gyur ro/ /de ltar sbyor ba dang po rdzogs nas dkyil 'khor rgyal mchog bsgom ste/ gtso bo byang sems rdo rje'i thugs ka gdan zla ba la sog pa drug gsal bar byas la/ de'i a la 'od 'phros pas rim pa nas rim par gsal por byas te/ don gnyis byas de bzhin gshegs pa'i bcud bsdus/ slar rim pa nas rim par a la thim pas/ a'i byin gyis brlabs las mtshan gyi yi ge lnga bcu rtsa gsum du rdo rje dbyings kyi dkyil 'khor la spros so de la spro ba dang ldan bsdu ba byas nas phyag mtshan du gyur to/ /de nas yang spro bsdu byas nas sngags rings brjod pas lha lnga bcu rtsa gsum gyi ngo bor gyur to/ /de nas rnam par snang mdzad kyi cho 'phrul gyis lha bzhi bcu rtsa bzhir sprul la/ /de nas mi bskyod pa'i cho 'phrul gyis lha lnga bcu nga gnyis sprul la/ /de nas snang ba mdza' yas kyi cho 'phrul gyis lha nyis brgya nyi shur sprul lo/ /de nas rin chen 'byung ldan gyi cho 'phrul gyis lha lnga bcu rtsa bzhir sprul lo/ /? yod pa'i cho 'phrul gyis lha bdun cu rtsa drug tu sprul lo/ /spyir dkyil 'khor drug po 'di la mtshan brgyad brgya dang/ bcu gnyis yod de/ rdo rje dbyings kyi dkyil 'khor la mtshan sum cu so gsum ? lha ni bdun brgya bdun cu rtsa dgu'o/ /rigs bsdus kyi dkyil 'khor la dgod ce na/ dgod rgyu drug brgya sum cu so gsum mo/ /dbus su thim pa brgya bzhi bcu zhe drug yod pa la rnam snang gi dkyil 'khor du sum cu so bdun thim/ mi bskyod par bco lnga snang ba mdza' yas su lnga bcu rtsa lnga/ rin chen 'byung ldan du nyi shu tham pa/ don yod grub par bcu dgu ste/ brgya bzhi bcu zhe drug go / de ltar dkyil 'khor bskyed pa'i dus su rdo rje dbyings ni byang sems rdo rjes so/ /lhag ma ni rang rang gi cho 'phrul byas te/ dang po'i sangs rgyas mi 'gyur/ gzhi'i sangs rgyas dang thugs ka'i ye shes sems dpa' bdag gi blo yis sgyur bar shes par bya'o/ /de ga la shes rab 'khor lo bdun 'gyur gyi gdams ngag ces bya'o/ /de ltar dkyil 'khor rgyal mchog bsgoms nas de nas las btsol ba dang bsnyen pa 'bring po yan chad mthun no/ /rgyas par klog na sngags kyi tshig brjod pa dang mu khyud dang/ 'khor lo kun la 'od byung nas rdo rje dbyings kyi dkyil 'khor chen por gyur par spros te/ mchod cing bskul la don byas nas slar 'dus te dkyil 'khor chen po rang gi gnas su bzhugs pa 'am mi lcogs na yig 'bru rnams la thim pa'o/ /sangs rgyas rnam par snang mdzad che zhes pa nas rdo rje lcags kyug? che zhes pa'i tshigs bcad nyi shu rtsa lngar rkang pa gcig gis ma tshad pa brjod nas/ ye shes sems dpa' i thugs ka'i a las sgra yig brgyad na rtsa bzhi 'phros pas rnam par snang mdzad mang por gyur te zhing khams thams cad snang? zhing mchod/ gti mug can btul nas 'khor lo dang po'i yig la tha? mar 'am/? bskur gnas pa'o/ /de nas rdo rje 'jigs byed ces pa nas/ sgra dang ldan pa rnams kyi mchog ces pa'i bar du tshigs bcad bcu dang rkang pa gcig gis lhag pa brjod pas snga ma bzhin du khro bo spros te/ zhe sdang can btul nas 'khor lo gnyis pa'o/ /gar? bdag med ces byas nas ye shes me lca'i bar du tshigs bcad bzhi bcu rtsa gnyis brjod pas yi ge nyis brgya bdun cu rtsa lnga byung ste/ 'od dpag tu med pas 'dod chags can btul nas 'khor lo gsum pa'o/ /'dod pa'i don grub nas/ rin chen? tog gi bar du tshigs bcad nyi shu rtsa bzhi brjod pas sngags kyi yi ge brgyad cu rtsa bzhi byung nas nam mkha' i snying por byung nas ser sna can btul nas 'khor lo bzhi pa'o/ /sangs rgyas kun gyi rtogs byas nas 'jam dpal dpal dang ldan pa'i mchog gi bar du tshigs bcad bco lnga brjod pas yi ge dgu bcu rtsa lnga byung ste/ don yod grub pas le lo can btul nas slar lnga par gnas so/ /'khor lo drug ni thams cad spyi'o/ /de nas mchod sbyin la sogs pa'i don bsdus pa 'am bstod pa'o/ /sngags ni gong du bkod pa nyid do/ /de nas la sogs pa ni yi rang ba'i bstod pa'o/ /phan yon yang brjod par bya ste/ bdag dang gzhan spro pa bskyed pa'o/ /de nas thun mtshams ni srong dang mthun no/ /de yan chad ni gong du bsnyen pa'i rim pa'o// //de nas rdul tshon gyi cho ga'i rim pa bstan te/ de nas rang dga' i gnas nyid du zhes pa ni lha khang ngam/ mchod rten nam/ kun dga' ra ba'am skyed ces? tshal lam/ yid dang mthun pa'i gnas su brnyan ma'i dkyil 'khor bya'o zhes pa'i don to/ /de ga la gzugs brnyan gyi dkyil 'khor bri bar bya zhes gsungs pa kho na'o/ /sa de yongs su gzhung bzhin sbyang/ /gzung dang stan pas gzhung bzhin du/ /bya ba'i bye ba? gzhan na'o? zhes gsungs pa'i don ni 'di yin te/ de'i 'og tu nyin re 'am/ zla ba ra 'am lo re nyid du ji ltar mos pa dga' bar bsgrub cing/ zla ba ?? cho ga ji lta ba bzhin du dkyil 'khor bri bar bya'o/ /de la rgyal pos khru brgya 'am/ khrul bcu'o?/ /blon po dang blon po chen po rnams kyis ni khru lnga bcu 'am nyi shu rtsa lnga'o/ /ded dpon nam tshongs dpon rnams kyis khru nyi shu rtsa lnga 'am de'i phyed do/ /sprul? ? rnams kyi ? ? gnyis sam rdug ?? nus pa bya'o/ /de la dang por re zhig yo byad thams cad yang dag par ldan pa'i mngon par 'dod? pa'i dkyil 'khor gyi sa'i dbus su/ mi rus kyi phye ma'i sbyin sreg gi dkyil 'khor gyi bgegs nye bar bzlog la/ bdag dang slob ma bzhi pa'i sbyin sreg bya'o/ /de nas sa sbyang bar bya ste/ 'dom gang ngam/ khru gang tsam 'og tu bskos la/ dri zhim po'i chus gtong ba'i sas slar bzhang la/ rdo rje rtse mos mngon par sngags pa'i spos chus chag chag btab ste/ kun tu brdungs la mnyam pa'i khang pa brtsegs ma'i nang du chud pa/ rta babs bzhis mdzes par byas pa/ sgo bzhi dang skar khung can la sogs pa yis yongs su bskor la/ tha ma rnams su legs pa'i bris shing dril bu brtags pa'i rgyal mtshan mang po gzugs pa dang/ bla re dam pa bris pa dang/ sangs rgyas rin po che la sogs pa'i ras bris nye bar mdzes par byas la/ ba'i lci bas yang dag par sbyangs shing dris nye bar byug pa dang/ mtshams bzhir spos khang bzhag la/ me tog dang gos la sogs pas nye bar mdzes par byas la lag pas la bzhag ste hUM bzhi dang yi ge brgya pa lan bdun du bzlas par bya'o/ /de nas khrus dang dris byugs la gos dmar po'i stong g.yogs dang/ ze ka bcings la/ me tog gi phreng ba gdags shing/ gdong dri zhim pas byugs la gdu bu dang rna rgyan la sogs pas bdag nyid legs par brgyan te/ zla ba nya nas brtsams te phyi ma'i bar du/ dkyil 'khor gyi las bya ba 'am/ yar gyi nga'i tshes gcig nas brtsams pa 'am/ de bzhin du tshes brgyad dang/ drug 'am bcu 'am/ bcu gsum dang tshes bcu bzhi rnams la brtsams la nya'i bar du'i/ /snga dro'i dus su brtsam par bya'o/ /de la dang po dkyil 'khor gyi sa'i dbus su gnas la bgegs bsal ba la sogs pa bya ste/ sems dpa' i skyil krung du 'dug la/ de nyid kyis ni rdo rje bzung/ /chos kyi dril bu yang dkrol bar bya/ /dam tshig ni phyag rgya chen por byin gyis brlabs la snying po bzla de ltar mchog tu dam tshig gsum thob pa'i slob dpon gyis rang gi phyag rgyas rdo rje dang dril bu bzung la/ sems can thams cad la phan pa'i cho ga bya ste/ rtog pa kun la yang dag 'jug /dkyil 'khor thams cad 'jug pa ni/ /dam tshig chen po gsum bya'o/ /rgyal ba'i gsang sngags sgrub pa'o/ /dngos grub mchog ni thams cad kyis/ /rdo rje dril bu rab tu bskul/ /cho ga lhag gam ma tshang yang/ /'grub 'gyur dman par mi bya'o/ /de yang dang po sa'i lha mo yi ge baM las byung ba/ lag na bum pa thogs pa rgyan thams cad kyis brgyan pa bsams la/ 'dod pa'i rgyal pos bkug ste/ me tog la sogs pas mchod la gsol ba gdab par bya'o/ /de la phyag rgya dang sngags ni 'di yin te/ rdo rje khu tshur gnyis rgyab sbyar la/ mdzub mo dang mthe chung gnyis mdud pa bya ba ni 'dod pa'i rgyal po'i phyag rgya ste/ s ngags la Tak+ki hUM dzabdag gi bdud kyi ste/ /bcom par bya ste dkyil 'khor bri/ /zhes lan gsum brjod do/ /de nas de nyid du thim par gyur par bsams la/ de'i steng du rdo rje bcings pa kha thur du bstan te/ bcings la bzhag go /aoM dzi pa hUM/ zhes lan gsum brjod do/ /de nas rdo rje bcings pa las byung ba'i/ hUM 'bar ba'i tshogs kyi sa gzhi gtan pa la thug gi bar du rdo rjer gyur par bsams la 'di skad brjod do/ /dri Tha badzra tiSh+Tha/ de ni sa'i cho ga'i rim pa'o/ /de nas mchod pa'i bye brag rnams sngon du bstan pa bzhin bya ste zhes pa ni/ mchod pa'i bye brag me tog la sogs pa rnams ji lta ba bzhin du byin gyis brlabs nas tshang par dgram zhes pa'i don to/ /spro ba'i sems ni rab bskyed de zhes pa'i don ni lce lag byin gyis brlab pa nas/ sbyor ba'i dang po dang dkyil 'khor rgyal mchog dang las rgyal mchog dang/ rdo rje sgrub pa dang me tog la sogs pa'i mchod pa rnams dang/ bstod pa la sogs pa yan chad bya'o/ /tshig ldan phyag byas spos thogs te/ /bstod de langs la 'gyings bcas pas/ /bgegs bsal don du rab tu bskor/ /de nas phur bus gdab par bya zhes gsungs pa'i don ni 'di yin te/ de nas don dang ldan pas lus dri zhim pos byugs la rgyan sna tshogs kyis brgyan te/ stod g.yogs dang smad g.yogs kyis legs par klubs la/ de bzhin gshegs pa thams cad la thal mo sbyar nas cung zad btud la/ dkyil 'khor bri bar bya ba'i phyir gsol ba gdab par bya ste/ tshigs su bcad pa phyed dang bdun gyis bstod la de nas 'di skad brjod do/ /tshigs su bcad pa 'di dag gis/ /bdag cag gis ni bstod pa yis/ / theg pa chen po rtogs pa yis/ /tshul chen yang ni rgyus par mdzad/ /mgon po khyod la gsol ba ni/ /sangs rgyas kun gyi 'khor lo che/ /dkyil 'khor chen po dam pa yis/ /cho ga 'di ni bshad par gsol/ /de nas 'di ltar bdag nyid spro? bskur bar bya'o/ /deng ni bdag tshe 'bras bu yod/ /bdag gi 'tsho ba'ang 'bras bur bcas/ /lha dang dam tshig mnyam par ni/ /?? dag ni so ma nyid med/ /byang chub sems dang sems gcig par/ /mi ldog par ni bdag 'gyur te/ /de bzhin gshegs pa'i rigs su ni/ /deng bdag skye bar the tshom med/ /deng bdag nyi ma dam pa ste/ /bdag gis mchod sbyin bla na med/ /sangs rgyas thams cad spyan 'dren pas/ /deng bdag 'dus pa'i mchog yin no/ /de nas lus thams cad kyis phyag byas la/ /bdug spos phul la/ sangs rgyas thams cad la gsol ba gdab par bya'o/ /ma lus phyogs na bzhugs pa yis/ /sangs rgyas thams cad dgongs su gsol/ /bdag ming 'di zhes bgyi ba yi/ /rdo rje can gyi dkyil 'khor 'dir/ /deng 'dir sangs rgyas kun gshegs te/ /dngos grub 'di ni stsal du gsol/ /zhes brjod la/ sngags dang phyag rgya dag gis 'khor lo'i steng du nam mkha' gzhag ste/ rdo rje sems dpa' i sbyor bas rang gi rkang mthil gnyis su a las sna tshogs rdo rje bkod la/ rkang pa'i mthil nas yongs su bzung ba nas/ rlung gi dkyil 'khor nas brtsams te/ ri'i rgyal po ri rab kyi steng gi bar du rdo rjer gyur bar lhag par mos pa dang/ dbang ldan phyogs nas brtsams te skor la sna tshogs rdo rje de dag pa la 'bri zhing/ hUM 'don zhing bgegs thams cad skrod pa la sogs bskor bar bya'o/ 'dir bshad pa phyag rgyal gnas de bzhin langs/ /kun tu rnam par bltas nas ni/ /rdo rje sems dpa' zhes brjod nas/ /bsgyings pa'i tshul gyis yongs su bskor/ /sngags pa rdo rje sems zlog shing/ /rdo rje lta bas bltas nas ni/ /dkyil 'khor gyi ni sa yi char// nyes bar ldan pa'ang dag par 'gyur zhes gsungs pa yin te/ de nas rdo rje hUM mdzad kyi sbyor ba dang ldan pas rdo rje hUM mdzad kyi phyag rgyas snying kha dang/ dpral bar dang/ lkog ma dang/ spyi bor byin gyis brlabs la/ g.yas pa khro bo'i rdo rje chen po gsar zhing/ g.yon ba dril bu gsil zhing/ /khro bas 'bar ba'i lus dang/ skar ba lan gsum byas la 'di skad brjod par bya'o/ /slob dpon ming 'di zhes bya bas slob ma che ge mo zhes bya ba rdzogs pa'i byang chub yongs su rdzogs par bya ba'i phyir dang/ sems can thams cad ye shes bla na med pa'i 'bras bu thob par bya ba'i phyir sa phyogs 'dir dpal gsang ba dang ldan pa zhes bya ba rdo rje dbyings kyi dkyil 'khor chen por 'bri yis/ lha dang lha ma yin dang/ gnod sbyin dang/ srin po dang/ yi dags dang/ sha za dang/ 'byung po dang/ rjed byed dang/ mkha' 'gro ma dang/ gnon po dang/ nam mkha' lding dang mi 'am ci dang/ rigs sngags 'chang grub pa rgan po dang rgan mo 'khor dang g.yog tu bcas pa gang dag 'khod pa rnams dengs shig /ga bdag? mi 'gro ba de dag nga'i ye shes kyi rdo rjes mgo tshal ba brgyar lags par bya'o/ zhes lan gsum brjod par bya'o/ /de nas lha la sogs pa de rnams sa de spangs nas sod par bsams la/ de nas sngon du song ba'i bsrung ba'i 'khor lo yang rdzogs par bya'o/ /de nas phur bus gdab pa'i rgyu ni 'di yin te/ sor brgyad pa'i tshod kyis seng ldeng gi phur bu tsan dan dmar pos byugs la/ srad bu dmar po dang/ me tog dmar po bcings la stod khro bo'i dbyibs la smad rdo rje rtse gcig pa'i dbyibs su 'dug pa hUM bzhi las bskyed do/ /aoM badzra kI li kI lA ya sarba big+h+nAM band+ha band+ha hUM phaT/ ces brgya rtsa brgyad bzlas pas mdza' yas dang/ rnam par rgyal ba dang/ 'brug sgra dang/ gsum po che dang rgyal ba zhes bya ba dang lngar gyur te/ g.yon pa rdo rje khu tshur gyis bzung ste/ g.yas pa rdo rje tho ba blangs la/ aoM ha na ha na/ d+ha ma d+ha ma/ san tsur Na ya badzra mud ga ra hUM phaT ces rdo rje tho ba la brgya rtsa brgyad bzlas te/ mtshams bzhi dbus dang lngar gdab par bya'o/ /de la go cha la sogs pa bskon par bya ste/ 'og gi bgegs bzlog pa'o/ /de nas til nag dang mi rus kyi sbyin sreg gis zhi bar bya'o/ /de yan chad ni bgegs bzlog pa'i cho ga'o/ / //de nas lhag par gnas par bya ste/ badzra shi kha ra ruT maT ces bya bas mngon par bsngags pa'i spos chus dkyil 'khor nye bar byugs la/ gur kum dang/ a ka ru dang/ tsandan dang ga pur dang/ glar rtsi la sogs pa'i dri la dkyil 'khor gyi lha rnams kyi sngags kyis btab la/ lha rnams kyi grangs ji snyed pa'i dri'i thig le bya'o/ /de nas dkyil 'khor gyi dbus su 'dug la yid kyis dkyil 'khor yongs su brtags te/ dkyil 'khor de rnams su rnam par snang mdzad chen po yongs su gyur nas rje btsun 'jam dpal du gyur ba la sogs pa rang gi snying pos bzhugs la/ mchod pa rnam pa lngas yang dag par mchod do/ /de ni lha lhag par gnas pa'o/ /de nas bum pa lhag par gnas par bya ste/ dbang bskur ba'i phyir rnam par rgyal ba'i buM pa sngags kyis mngon par gdab po/ /de'i cho ga ni 'di yin te/ paM las rin po che'i rang bzhin gyi bum pa/ rtsa ba nag nog med pa/ lto che ba mgrin pa ring ba/ kha gye ba bskyed la/ de'i dbus su h+ri las byung ba'i pad+ma/ de'i steng du a las zla ba'i dkyil 'khor bsams te/ der lha rnams kyi 'khor lo rang gi dam tshig gi gnas pas bzhugs par bsams la/ de las byung ba'i byang chub kyi sems kyi chus yongs su gang bar bsams nas/ sman lnga dang rin po che lnga dang/ ldan pa me tog phreng bas bcings pa'i gsang ba'i rdo rje snying po can la mgul ba gos gtsang mas dkris la/ a mra'i lo ma la sogs pas kha brgyan par byas la dkyil 'khor lha'i sngags kyis mngon par bzlas shing/ aoM badzrod ka hUM hUM zhes stong rtsa brgyad bzlas brjod byas te/ spos la sogs pas mchod nas dkyil 'khor la bskor te/ bcom ldan 'das 'jam dpal gyi spyan mngar bzhag la/ dkyil 'khor gyi nyin mo dus gsum bzlas brjod byas nas dkyil 'khor du yang bzlas brjod byas te des dbang bskur bar bya'o/ /sing khri bya kri ka ra NaM ka/ ha sa de ba autpal/ sman rnams kun zhes pa la lnga po 'di dag shos par bya'o/ /'bras kyi so ba mo sran gre'u/ nas til dang lnga la 'bru rnams kun zhes las rnams kun la 'di dag gzung ngo/ /byu ru gser sa le sbram mu tig nor bu ste/ rin po che kun zhes pa la lnga po 'di dag shes par bya'o/ /de nas rdo rje hUM mdzad kyi sngags dang phyag rgya dang bcas pas las thams cad pa'i bum pa la mngon par bsngags la/ de bzhin du me tog la sogs pas yang dag par mchod de dkyil 'khor gyi sgor bzhag par bya'o/ /de la sngags dang phyag rgya ni 'di yin te/ aoM suM b+ha ni suM b+ha ni hUM/ grih+Na grih+Na hUM/ grih+NA ba ya grih+NA pa ya hUM/ A na ya horgya'o/ /zhes gsungs pa'o/ de nas gsol ba 'di ltar gdab par bya ste/ ji srid dkyil 'khor yongs su rdzogs pa de srid du 'dir 'dug pa rnams bcom ldan 'das kyis bzlog tu gsol zhes bya'o/ /de nas phyi rol tu gtor ma phyin la nye reg bya ste/ de yan chad ni buM pa lhag par gnas pa'i rim pa'o/ /de nas slob ma lhag par bya ste/ dad cing gus pas phyag byas nas slob ma rnams lhag par gnas par bya'o/ /de la re zhig slob ma rnams khrus byas shing gos gtsang ma gon la lag tu me tog thogs la slob dpon la phyag byas te/ 'di skad brjod par bya'o/ /dga' chen khyod bdag ston pa bas/ /slob dpon khyod ni dgongs su gsol/ /byang chub sems dpa' i tshul ston pa/ /mgon po chen po bdag la gsol/ /dam tshig de nyid stsal du gsol/ /byang chub sems kyang bdag la stsol/ /sangs rgyas chos dang dge 'dun te/ /skyabs gsum dag ni bdag la gsol/ /thar pa chen po'i grong mchog tu/ /mgon pos bdag ni 'jug par gsol/ /de nas slob dpon gyis slob ma'i snying gar snying po bzhag ste/ su da ha sa ma ya stwaM/ ho badzra sid+ha? a thA su khaM/ de nas de bzhin gshegs pa de'i spyi bor lag pa bzhag la/ rdo rje las kyi snying po brjod nas sna tshogs rdo rje bsgom par bya'o/ /de nas hUM badzra rak+Sha zhes bya bas go cha bskyed la/ rkang pa'i mthar thug pa'i bar ?? par bya'o/ /de nas rdo rje dris lag bar dri byon/ me tog gis me tog gtor/ bdug pas bdug pa gtul te/ mar mes mar me nye bar bstan la/ re re zhing 'di skad brjod par bya ste/ ding nas brtsams te bde ba thams cad ldan par gyur pas nye bar gnas par gyis shig / de nas slob ma yi gtso bo la bos te/ 'di skad brjod par bya ste/ 'jig rten 'di ni don med de/ /phyi ma'i don du gnyer ba'i bu/ /khyod ni tshul chen snang yin te/ bu tshur theg ba chen po yis/ /gsang sngags spyod tshul chog 'di/ /khyod la yang dag bstan par bya/ /rdzogs pa'i sangs rgyas gang 'das dang/ /de bzhin gang dag ma byon dang/ /da ltar byung ba'i mgon po rnams/ /'gra la phan phyir bzhugs pa dag /de dag kun gyis gsang sngags kyi/ /cho ga zab mo 'di mkhyen nas/ /dpa' bos byang chub shing drung du/ /thams cad mkhyen pas mtshan med brnyes/ /gsang sngags spyod pa mnyam med de/ /shAkya seng+ge skyob pa yis/ /bdud sde shin tu mi bzad ba/ /dpung chen dag kyang de yis bcom/ /de bas kun mkhyen thob bya'i phyir/ /bu yis blo gros 'di gyis shig / rtog pa ma lus legs par bsdus nas ni/ /shin tu bsam pa bzang por ldan pas nyon/ /brjed ngas blo la rdo rje sems sogs pa'i/ /bde bar gshegs pa rnams kyis byin mi rlob/ /de nas cho ga 'dis sdig pa bshags pa la sogs pa byed du gzhug ste/ phyogs bcu'i sangs rgyas dang/ byang chub sems dpa' rnams dang/ de bzhin gshegs pa dang/ rdo rje dang pad+ma dang/ las kyi rigs su bzhugs pa thams cad dang/ snying po dang phyag rgya dang/ gsang sngags dang/ rig sngags kyi lha thams cad bdag la dgongs su gsol bdag ming 'di zhes bgyi ba/ phyogs bcu'i sangs rgyas dang/ byang chub sems dpa' thams cad dang/ de bzhin gshegs pa dang/ rdo rje dang/ pad+ma dang/ las kyi rigs su zhugs pa thams cad dang/ snying po dang/ phyag rgya dang gsang sngags dang/ rig sngags kyi lha thams cad kyi spyan sngar sdig pa thams cad bla na med pa'i so sor bshags par bgyi'o/ /ji ltar sangs rgyas bcom ldan 'das rnams kyis chos kyi dbyings ma lus par rtogs pa'i bsod nams thams cad mkhyen zhing rjes su yi rang bar mdzod pa'i rjes su yi rang bas rjes su yid ? bgyi'o/ /gang yang phyogs bcu'i 'jig rten gyi khams rab 'byams thams cad na/ chos kyi 'khor lo mi bskor ba de dag? la bla na med pa theg pa chen po'i chos kyi 'khor lo bskor bar bya ba'i phyir bskul bar bgyi'o/ /gang yang chos kyi 'khor lo bskor ba la nan tan lhur mdzad pa de rnams la sems can gyi khams ji srid gnas pa de srid du yongs su mya ngan las mi 'da' bar bzhugs par gsol bar 'tshal lo/ /zhes lan gnyis sam gsum brjod do/ /de nas mtshan nyid dang ldan pa'i slob mas slob dpon du 'os pas yongs su bzung la/ khas len par bya ba'i phyir bzhin bzangs smros shig ces brjod par bya'o/ /slob mas kyang 'di skad brjod par bya'o/ /byang chub sems ni bla med pa/ /slob dpon bdag la tsal? du gsol/ /tshul khrims kyi ni bslab pa dang/ /dge ba'i chos ni sdud pa dang/ /sems can don byed tshul khrims gsum/ /sangs rgyas kun gyi brtul zhugs che/ /sangs rgyas chos dang dge 'dun te/ /skyabs gsum bdag kyang bdag la gsol/ /rdo rje dril bu'i phyag rgya dang/ /slob dpon nyid ni bdag la gsol/ /rdo rje rigs mchog chen po la// slob dpon bdag ni bdag bgyid do/ /rin chen rigs mchog yid 'ong ba'i/ /dam tshig dag kyang bdag la gsol/ /pad+ma'i rigs ni dag pa dang/ /de bzhin las kyi rigs chen du/ /sems can kun gyi don gyi phyir/ /mgon pos dam tshig bdag la gsol// zhes lan gnyis lan gsum brjod do/ /de nas sdom pa sbyin par bya ste/ phyogs bcu'i 'jig rten gyi khams mdza' yas mu med pa thams cad na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas thams cad bdag la dgongs su gsol/ phyogs bcu'i 'jig rten gyi khams mdza' yas mu med pa na bzhugs pa'i bcom ldan 'das rnam par snang mdzad dang/ mi bskyod pa dang/ rin chen mchog dang/ 'jig rten dbang phyug dang/ don yod grub pa la sogs pa sangs rgyas dang byang chub sems dpa' thams cad bdag la dgongs su gsol/ bdag ming 'di zhes bgyi ba dus 'di nas bzung nas/ byang chub snying po la gnas kyi bar du/ ji ltar dus gsum mgon po rnams/ /yang dag byang chub nges mdzad pa'i/ /de bzhin bla med byang chub sems/ /dam pa bdag gis bskyed par bgyi/ /sangs rgyas rnal 'byor sdom pa la/ /sdom pa yi ni tshul khrims dang/ /dge ba'i chos ni sdud pa dang/ /sems can don byed tshul khrims dang/ /de dag brtan pa gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /ding nas brtsams te gzung bar bgyi/ /nam du yang ni mi gtong ngo/ /rdo rje rigs mchog chen po yi/ /rdo rje dril bu'i phyag rgya yang/ /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yis/ / dam tshig yid du 'ong ba la/ /nyin re zhing yang lan drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs mchog dam pa la/ /phyi dang gsang ba'i theg pa gsum/ /dam pa'i chos kyang gzung bar bgyi/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /sems can kun gyi don gyi phyir/ /bdag gis sdom pa ma lus bzung/ /ma brgal ba ni bsgral bar bgyi/ /ma grol bar ni grol bar bgyi/ /dbugs ma phyin pa dbugs 'byung zhing/ /sems can mya ngan 'das la dgod/ /ces lan gnyis lan gsum du'o/ /de nas gzhan yang/ sangs rgyas chos dang tshogs mchog la/ /byang chub bar bskyabs su mchi/ /bdag gzhan don ni rab bsgrub phyir/ /byang chub tu ni sems bskyed do/ /? pa 'dis gsum la skyabs su 'gro ba la sogs pa byas la/ 'dis smon lam 'debs su gzhug par bya ste/ bdag gi ? pa'i las rnams 'di dag gis/ /'jig rten mi dang myur du sangs rgyas shog /'gro la phan phyir chos rnams ston pa phyir cing/ / sems can sdug bsngal mang pos gzir las grol zhes bya'o/ /de nas chos bstan par bya ste/ theg pa chen po cher 'byung ba'i/ /lam mchog 'di ni dpal dang ldan/ /khyed rnams deng ni dong bas na/ /rang byung skal pa chen po yi/ /'jig rten thams cad mkhyen pa yi/ /de bzhin gshegs pa rnams su 'gyur/ /yod dang med las rnam par 'das/ /nam mkha' bzhin du dri ma med/ /zab mo rtog gi thams cad kyis/ /rab tu mi rtog gnas med de/ /spros pa kun dang bral ba ste/ /spros pa rnams kyis ma spros pa/ /las dang bya ba sogs bral ? bden pa gnyis la gnas pa yi/ /theg pa rab kyi mchog 'di ni/ /tshul la gnas pa thob par 'gyur/ /de nas badzra ha sa ha zhes bya bas mngon par bsngags pa'i so shing gi rtse mor dris bskus shing me tog gis brgyan pa/ shing mngar po'i ma can las byung ba/ tshad sor bcu gnyis pa 'cha' ru gzhug par bya'o/ /slob ma kha shar phyogs su bltas te/ mi smra par ni so shing 'cha'/ /'cha' ba zin nas mi migs zhing/ /phan tshun du yang mi 'dor ro/ /so shing mdun du dang por dor de tshe bdag la blta ba dang/ /rtse ma gyen du bsgreng 'gyur na/ /de ni dngos grub mchog ces bya/ /de bzhin shar du kha bltas na/ /de yi dngos grub 'bring du bshad/ /mtshams dang byang du kha bltas na/ /'jig rten pa yi dngos grub 'grub/ /so shing bor ba brgya zhig la/ /gal te thur du kha bltas na/ /de ni nges pa'i sa 'og gi /dngos grub de la the tshom med/ /de nas nam zhes bya ba'i glu'i rdo rje yongs su bzlas pa'i chus 'thor 'thung bya ba'i phyir byin la/ aoM h+rIbi ka la pa na a pa na ya hUM zhes bya ba mngon par bzlas shing chu khyor pa gsum 'thung du gzhug par bya'o/ /de nas ku sha gcig la/ aoM badzra tIk+Sh+Na b+hUM? zhes bya ba mngon par bzlas la byin la 'di ltar mgon po'i sngas su zho gcig ces bsgo'o/ /yang ku sha gzhan dag la rdo rje gnod sbyin gyi gsang sngags mngon par bzlas pas stan du bya ba'i phyir sbyin par bya'o/ /rdo rje gnod sbyin mngon par bzlas pa'i bsrung skur mdud pa gsum dang ldan pa la yang yi ge brgya pa bzlas brjod bya ste/ dpung pa g.yon pa bsrung ba'i phyir dang brtan bar bya ba'i phyir bcing bar bya'o/ /aoM badzra yak+Sha zhes bya ba ni rdo rje gnod sbyin gyi sngags so/ /aoM many+dzu sh+rI sa ma ya/ ma nu pA la ya many+dzu sh+rI twe no pa tiSh+Tha/ dri Dho me b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+hi ma me pra yats+tsha/ sarba karmma su tsa me/ tsit+taM sh+ri yarnams thar pa chen po'i rang bzhin gyi grong khyer mthong bar 'gyur gyis/ ji ltar mthong ba'i rmi lam rnams kyang smos shig ces brjod la slar gtang ngo/ /de nas nang bar mtshan mo'i mthar rmi lam gang dag mthong ba dri bar bya'o/ /rmi lam mthong nas rmi lam bzang po 'am ngan pa 'dzem pa med par brjod par bya'o/ /rmi lam sangs rgyas mthong ba ni/ /yon tan rgya mtsho mngon sum bzhin/ /mchod rten dang ni sku gzugs mthong/ /de la mchod pa rtsom pa dang/ /dge slong dag la chos nyan tam/ /yang na gzhan la nyan kyang rung/ /chos ni rnam par spyod pa dang/ /de bzhin glegs bam klog ba dang/ /rmi lam dge 'dun mthong ba dang/ /yang na dge slong gcig tu mthong/ /de dang 'grogs shig gtam zer dang/ /yang na dge slong dngos por mthong/ /gtsug lag khang dag mthong ba dang/ /de bzhin dge slong ma dag mthong/ /rgyal ba'i sras rnams mthong ba dang/ /de bzhin pha ma bla ma dang/ /mdza' bo rnam pa sna tshogs rnams/ /rmi lam du ni mthong na shis/ /rig sngags dang ni dngos grub thob/ /de bzhin bslab pa 'dzin pa dang/ /kun dga' rnam pa sna tshogs dang/ /'bab chu rnams dang rgya mtsho dang/ /ri dang glang po che dag kyang/ /mthong na yang ni bzang par grags/ /rgyal po dag ni mthong na shis/ /bde gshegs spyod dang mthun pa yi/ /dka' thub can dang bram ze dang/ /phyug po skyes bu dam pa dang/ /ba dang rta dang ngang pa dang/ /seng+ge dang ni ri dags rnams/ /rmi lam du ni mthong na shis/ /bkra shis pa yi bya rnams dang/ /gser ngag dang ni gter rnams dang/ /rin po che dang dngul dag dang/ /nor ni rnam pa sna tshogs dang/ /mdor na 'byung khungs rnam pa dang/ /mtshon cha rnams dang 'bru rnams dang/ /'bras bu rnams dang me tog dang/ /rgyan gyi rnam pa sna tshogs dang/ /kha zas dang ni gos rnams dang/ /byis pa dang ni gzhon nu ma/ /bud med gzugs ni bzang mo dang/ /rmi lam du ni mthong na bzang/ /yang na thob cing rag smra dang/ /rmi lam du ni dbang bskur dang/ /rgyal por 'gyur zhing 'byor ba dang/ /dmag dpon du ni gyur pa dang/ /g.yul la rgyal zhing dgra gsod dang/ /gnyen dang lhan cig 'grogs pa dang/ /lha rnams kyang ni mthong ba dang/ /theg pa dang ni shing rta zhon/ /de gzhin ri dang khang thog 'dzegs/ /ngo tshar rnam pa sna tshogs dag /rmi lam du ni mthong na dge /yam shing me la sbyin sreg bya/ /bya ba bzang po dag la 'jug /chu las rgyal zhing ro las rgal/ /rkun po dag ni tshar gced dang/ /stobs 'gyed pa las rgyal ba dang/ gyad stobs rdob cing 'gying ba dang/ /rtsed mo sna tshogs rmi ba dang/ /de bzhin rtsal dang stobs 'gyed dang/ /bkra shis dag ni thams cad dang/ /mthong na rab tu dge bar bshad/ /gsang sngags cho ga nyan pa dang/ /dga' ston dge ba mthong ba dang/ /sgrub pa bzang po rtsom pa dang/ /de la sogs pa'i ltas rnams ni/ /dge ba rnam pa du ma dag /blo yi rnam par dpyad bya zhing/ /de las bzlog pa spang bar bya/ /dge ba rnams ni 'grub par 'gyur/ /mi dge rnams ni mi 'grub po/ /mi dge ba dag shes nas su/ /de dag mkhas pas spang bar bya/ /dge ba yi ni ltas rnams ni/ /rab dang 'bring dang tha ma las/ /gsang sngags dngos grub rnam gsum mo/ /mi dge ba la zhi ba yi/ /sbyin sreg zhi ba'i gsang sngags kyis/ /ba yi mar la brgya rtsa brgyad/ /cho ba bzhin du zhi ba dang/ /de nas slob ma sdig bral zhing/ /rnam par dag pa de dag la/ /rjes su brtse bar bya ba'i phyir/ /ci 'dod par ni gzung bar bya'o/ /de nas dkyil 'khor yang dag par mchod la bzlas brjod dang bsgom pa ji lta ba bzhin du bya'o/ /de nas bdug spos gtul la/ phyogs bcur bzhugs pa'i sangs rgyas rnams/ /sras bcas 'jig rten rnam grangs dang/ /rdo rje rigs chen rigs dag dang/ /de bzhin pad+ma las kyi rigs/ /snying po sngags dang rigs rnams dang/ /gang yang lha yi tshogs rnams kun/ /chos kyi dbyings nas nges bzhugs pa/ /de rnams bdag la dgongs su gsol/ /slob ma rnams la brtse ba dang/ /khyed rnams la yang mchod pa'i phyir/ /bdag ming 'di zhes bgyi ba yis/ /yo byad ci 'byor pa yis ni/ /chos dbyings rang bzhin grong khyer mchog /dkyil 'khor sang ni bri bar bgyi/ /thugs brtse nye bar bzhag nas ni byin gyi brlab pa mdzad du gsol/ /de nas rang gi sngags dang phyag rgya dag gis 'khor lo btag la/ de bzhin gshegs pa de rnams nyid dang ba'i shil lta bu'i khang pa brtsegs pa'i nang du zhugs par kha sbyor ba ni 'di yin te/ aoM hUM trAM h+rAMsteng dang 'og dang bar du bkra shis par bya ba'i phyir/ aoM lnga lnga dang/ yang steng du a lnga dang/ 'og tu hUM lnga bsams te/ de ltar ?? dkyil 'khor bsgom par bya'o/ /de nas de nyid du slob ma'i gtso bo dang/ lhan cig bsam gtan la mnyam par bzhag pa'i zla dang nyal bar bya'o/ /de yan chad ni slob ma lhag par gnas pa'i rim pa'o// //de nas nang par skya rengs shar tsam mkhrus bya ba sngon du 'gro ba nas lha'i rnal 'byor byas la/ nyi ma shar kar thig gdab pa tsam par bya ste/ 'khor los sbyar ba'i nga rgyal byas la srid bu sngon po dang ser po dang dmar po ljang gu dang dkar po dang dri zhim pos kha bsgyur la go rims 'di nyid kyis gzhag la/ hUM trAM h+rId e bzhin gshegs pa rnams kyi thugs kar rang rang gi kha dog ji ltar 'od kyi spang du rang sems la mig gnyis su aoM dI ba ta driSh+Ta aM ku sha dzathig gdab pa'i phyir rdo rje'i thig gdab la gsol cig bskul bar bya'o/ /bdag po rnams kyis btang ba'i 'od zer gyis rang rang gi srad bu gang bar bsam mo/ /a n+yo n+ya a nu ga ta sarba d+harma pa ras pa ra a nu pra bi sh+yA sarba d+harmA/ a tya na ta a nu pra bishTa sarba d+harmA/ aoM badzra satwa hUM zhes zlos shing bsgril bar bsams so/ /de nas ma dang bu las nyi ma dang zla ba ser po snang ba mig gnyis su bskyed la/ badzra tiSh+Tha ma ta zhes bya bas brtan par byas nas/ gser la sogs pa'i snod du srad bu gzhag la dri dang/ me tog la sogs pas mchod la/ aoM badzra sa ma ya su trAM mA ta kra ma hUM zhes bya ba'i rdo rje bsdams pas bzung la brgya rtsa brgyad bzlas par bya'o/ /ring zung ni dkyil 'khor gyi nyis brdab bo/ /phra spob ni sgo'i nyi shu cha'o/ /de nas dkyil 'khor thig gdab par bya ste/ slob dpon shar du bltas slob ma nub tu bltas la/ lag pa gnyis kyi rdo rje khu tshur gyis srad bu lte ba nas bzung la dzagyis ? bar bya'o/ /de nas 'debs kar 'di skad brjod par bya ste/ nam mkha' gang ba'i bde gshegs rnams/ /thig gi sgra yis bskul nas ni/ /thams cad 'dir ni gshegs su gsol/ /khyed kyis 'gro don mdzad pa'i rigs/ /aoM badzra sa ma ya sU trA ma ti kra ma hUM zhes brjod de/ ji ltar gzhan nas gsungs pa ltar gdab par bya'o/ /de yang rdo rje dbyings kyi dkyil 'khor ni dbus su phur bu btsugs la de la srad bu btags te/ dbus 'khor lo rtsibs bzhi 'am rtsibs brgyad pa/ de'i phyir mi rtsibs bcu drug pa de'i phyi rim du rgyan med pa'i sgo gzhug ste/ rtsig pa'i cha dang 'dod yon dang/ dra pa phyed pas brgyan pa'o/ /rta babs la sogs pa rgyan gzhan ni med par gdab bo/ /de'i phyi rol du rdo rje phreng bas bskor la/ 'khor lo rtsibs bcu drug par gdab bo/ / de'i phyi rol tu phreng bas bskor la/ gru chad bzhi yis brgyan te lha snam med pa'i sgo dang thig gdab bo/ /de la rgyan la sogs pa thams cad kyis brgyan par gdab bo/ /de'i phyir 'khor lo rim gsum ldan pa la/ /snam bu mu khyud rnams kyis brgyan/ /rta babs dang ni twa ra Na/ /shin tu mdzes pa'i rgyan gyis brgyan zhes gsungs te/ de la de skad ces bya'o/ /de ltar rdo rje dbyings kyi dkyil 'khor gyi thig bstan nas ni/ rigs kha bral ba'i thig 'debs na thams cad kyi dbus 'khor lo rtsibs brgyad pa/ lha snam gcig pa/ sgro kyang pa/ rgyan thams cad kyis brgyan par gdab bo/ /de nas rigs bsdus pa'i thig 'debs na dbus 'khor lo rtsibs bzhi pho brang dang bcas par gdab po/ /slob dpon klu sgrubs kyi zhal nas pho brang thig bzhi btab pas le tsha dgur? du yod pa la/ rdo rje'i gdung bzhi btang la phyogs bzhi dbus dang ldan de bzhin gshegs pa lnga 'khor dang bcas pa'i pho brang lnga bya gsung ngo/ /de yang 'gal ba med do/ /de nas mdun du mi bskyod pa'i dkyil 'khor/ g.yas su rin chen 'byung ldan gyi dkyil 'khor rgyab tu snang ba mdza' yas kyi dkyil 'khor/ g.yon du don yod grub pa'i dkyil 'khor gyi thig gdab bo/ /phyi'i dkyil 'khor rnam snang gi'o/ /nang gi dkyil 'khor de dag kyang gru bzhi pa/ /sgo bzhi pa/ rta babs med ba'o/ /phyi'i dkyil 'khor la ni rta babs la sogs pa thams cad kyis brgyan pa'o/ /dkyil 'khor 'di dag thams cad kyi phyi rol du khor yug dang khor yug chen po'i thig gdab par bya'o/ /de dag ni thig gdab pa'i rim pa'o/ /de nas dkyil 'khor de la gal te 'gran zhing gegs byed na de bzlog pa'i cho ga ni nam mkha' dri med las shes par bya'o/ /de nas tshon dgye ba brtsam par bya ste/ srad bu la bshad pa'i kha dog gi rim pas tshon rtsi rnams blangs la/ hUM trAM h+rItra sa ma ya hUM/ zhes bya ba 'di dag phyag rgya dang bcas pas stong rtsa brgyad mngon par bzlas brjod bya'o/ /de la 'di'i phyag rgya 'di yin te/ rdo rje phyag rgya gnyis ka la/ /mdzub mo rtse mor rab sbyar nas/ /byas nas tshon rtsi thams cad la/ /'bar ba'i lta bas dgug par bya/ /mthar yi ge h+ri dang rdo rje nyi ma'i phyag rgya ? bar bya/ de yang 'bar ba'i lta ba ni 'di yin te/ rab tu myur bar ? ba'i mig /mig ni rdzi ma 'dren pa ni/ /'bar ba'i lta ba zhes su gsungs/ /'gro ba thams cad 'gugs pa'o/ /de la tshon mang por bya ba'i phyir bden pa'i byin gyis brlab par byas te/ bden pa gang gis sems can rnams la sangs rgyas rnams sems can rjes su dga' bas chags par mdzad pa'i bden pa des tshon rtsi 'bar bar gyur cig ces bya'o/ /de nas dbus kyi phur bu hUM bzhis phyung la/ bu ga tshon sna lngas dgang ste/ de nas tshon dkar po blangs la/ aoM badzra rak+Sha sa ma ya hUM zhes brjod de dbus su dkye la/ de nas dbang ldan phyogs su song ste/ g.yon pa rdo rje khu tshur gyi rim pa ru mnyam zhing rgyun ma chad par mdzub gang bar drangs la des tshon rtsi bde bar bri bar bya'o/ /de yang drug stong pa'i rgyud phyi ma'i le'u dgu pa nas/ rdo rje 'chang chen pos 'di skad gsungs te/ kye ma 'dus pa'i byang chub sems dpa' rnams/ /brnyan ma'i dkyil 'khor rdul tshon ni/ rin chen lnga las grub pa ste/ /dbus kyi pho brang le tshe rnams/ /shar phyogs baiDUrya las grub lho ni gser las grub pa ste/ nub ni pad+ma rA ga'o/ /byang ni ain+d+ra nI la ste/ dbus ni dung las grub pa'o zhes gsungs te/ de ni 'byor pa rab po/ /'byor pa 'bring gis 'bru rnams so/ /'byor pa tha mas ni rin po che gser gyi sa gzhi la byin gyis brlabs te bri bar bya'o/ /de yang cho ga bsdus pa'i rgyud las gsungs pa/ shar phyogs su ni sngon po ste/ /lhor ni ser po yin par des/ /nub kyi cha ni dmar po ste/ /byang du ljang gu yang dag bri/ /dbus kyi lte ba dkar po ste/ /gong ras rnams kyang de ga ltar/ /re mig rnams ni ljang gu ste/ /de yi phyi rgyab 'khor lo ni/ /baiDUrya'i mdog 'dra ba/ /rtsibs mtshan pad+ma rA ga 'dra/ /gru chad ljang gu mtsho dang bcas/ /pany+tsa rin chen pha gu lnga// dkar dang ljang dang dmar dang ser/ /sngon po phyi'i rtse la'o/ /sgo ni phyogs kyi mdog dang sbyar/ /phyi rol 'khor lo bcu drug ni/ /brtso ma gser gyi mdog 'dra la/ /rtsibs mtshan baiDUrya'i 'od/ /phyi yi rtsig pa lnga po yang/ /pha gu lnga yi rim pa bzhin/ / khyams ni pad+ma rA ga'i mdog/ 'dra ba'i rang bzhin mthing ga la/ /mnga' yab ain+d+ra nI la'o/ /bkra shis bya yi tshogs kyis brgyan/ /rta babs la sogs ci mdzes par/ /mkhas pas ji ltar 'tsham par bri/ /de ni tshon gyi rim pa ste/ /mi shes drang phyir kun rdzob bstan/ don gyi ngo bo brjod du med ces gsungs so/ /de la dbyad de bri ba ni/ /rdo rje dbyings kyi dkyil 'khor chen po'i tshon no/ /de nas kha bral ba rnams kyi dkyil 'khor gyi tshon dgye na/ dkyil 'khor dbus 'gyur mdza' mi 'gyur/ /dbus ni 'khor lo rdo rje dang/ /pad+ma rin chen rgya gram mtshan/ /le tshe dgu la ka ba brgyad/ /thams cad la ni rab tu gsungs/ /rnam par snang mdzad dkyil 'khor ni/ /dbus kar re mig ljang gu la/ /'khor lo rtsibs brgyad dkar po dgye/ /rtsibs mtshan rnams ni dmar po ste/ /rdo rje phreng dkar gzhi ma ser/ /shar sngo lho ni ser po la/ /nub dmar byang du ljang gu'o/ /rtsig pa dkar nas rim bar dbye/ /khyams la sogs pa spyi dang mthun/ /mi bskyod pa yi dkyil 'khor ni/ /dbus sngo phreng ba dkar po la/ /'khor lo sngon po re mig ljang/ /rtsibs mchan rnams ni dmar po btang/ /rdo rje phreng nag gzhi ma dkar/ /shar dkar lho ni ser po la/ /nub dmar byang ni ljang gu'o/ /rtsig ba sngo nas rim pas bgye/ /khyams la sogs pa spyi dang mthun/ /'od dpag med pa'i dkyil 'khor ni/ /dbus dmar phreng pa dkar po la/ /'khor lo dmar la re mig ljang/ /rtsibs mchan rnams ni dkar por bya/ /rdo rje phreng ljang gzhim ser/ /shar sngo lho ni ser po la/ /nub dkar byang ni ljang gu ste/ /rtsig pa dmar nas rim pas dgye/ /rin chen 'byung ldan dkyil 'khor ni/ /dbus ser phreng ba sngon po la/ /'khor lo ser la re mig ljang/ /rtsibs mtshan rnams ni sngon po la/ /rdo rje phreng dmar gzhi ma ljang/ /shar sngo lho ni ser po la/ nub dmar byang ni ljang gu ste/ /rtsig pa ser nas rim pas dgye/ /don yod grub pa'i dkyil 'khor ni/ /dpus ljang phreng ba dmar po la 'khor lo ljang la re mig ser/ /rtsibs mtshan rnams ni ser po ste/ /rdo rje phreng sngon gzhi ma ser/ /shar sngo lho ni ser po la/ /nub dmar byang ni dkar po ste/ /rtsig pa ljang nas rnam par dgye/ /zhes drug stong pa'i rgyud phyi ma nas gsungs so// khyims la sogs pa ni thams cad la mthun no/ /de nas rigs sdud pa'i rdul tshon dgye na/ dbyibs ni rdo rje dbyibs kyi dkyil 'khor ltar/ lhag ma ni rang rang gi dkyil 'khor lta bu'i phyi'i rgyan ni spyi dang mthun no/ /khor yug dang khor yug chen po ni dmar po dang dkar po la byas la rdo rje ser po dang 'od gyi re ba bya'o/ /de yan chad ni rdul tshon bri ba'i rim pa'o// //de nas phyi rol du dri zhim pos nye bar byugs la/ me tog gi sal ma gtor te/ yi ge brgya ba bzlas pa'i chus dbang ldan gyi phyogs nas brtsams te/ phyi dang nang du bcas pa kun la gsang gtor bya'o/ /de nas dkyil 'khor byin gyis brlab par bya ba'i phyir rdo rje 'khor lo'i phyag rgya bcas la/ aoM badzra tsakra hUM zhes brjod par bya'o/ /de nas phyi dro'i dus su glu dang rol mo dang me tog la sogs pa'i mchod pa rnams kyis dang po'i 'khor lo ji snyed pa dang/ ci 'dod pa bzhin du mchod cing brtag par bya'o/ /de nas 'jam dpal gzhon nur gyur pa'i dam tshig sems dpa' i sku gzugs lugs ma la sogs pas yi ge zhes gnas su bzhugs su gsol/ de nas yi ge phyin ci ma log par kha sbyor gyi sbyor pa bsal la bar snang la bzhugs ba'i lha rnams/ aoM hUM h+rIkyi snying po yin pa'i phyir thams cad kyi thun mong yin no/ /de la phyag rgya bzhi'i don dang ldan par bya'o/ /de la mchod pa rnams kyis mchod la/ mchog sbyin rdo rje mchog khyod ces pa la sogs pas bstod de/ brtan par bzhugs su gsal lo/ /de nas rnam par rgyal pa la sogs pa'i bum pa rnams mgon po 'jam dpal spyan sngar gzhag par bya'o/ /bum pa gzhan dag kyang mi bskyed pa la sogs pa'i mtshan mo dang ldan pa'i dkyil 'khor gyi phyi rol du/ aoM badzrod ka hUM/ zhes brgya rtsa brgyad bzlas la gos sna tshogs kyis brgyan pa 'bum mam khri 'am stong ngam/ brgya 'am rigs so so re re bzhag go /spyi la de bzhin du dbul bar bya'o/ /de nas dkyil 'khor pas ha cang mi ring mi nye bar bkur sti gus pa sngon du 'gro bas shar phyogs su yum shes rab kyi pha rol tu phyin pa bklag bar bya/ lhor ni rin po che tog /nub tu sdong pos brgyan pa/ /byang du zla ba sgron ma'i mdo bklag par bya'o/ /gar mkhan dang rol mo la sogs pa'i ltad mo mang po yang phyogs bzhir byid du gzhug go /zur bzhi dar gyi rgyal mtshan bzhi yang bskyed bar bya'o/ /me tog la sogs pa'i mchod pa rnam pa sna tshogs pa dang/ dkar gsum dang mngar gsum dang/ khur ba la sogs pa'i bza' ba dang bca' ba la sogs pa rnam ba mang po yang ci rigs dgod par bya'o/ /de kho na la ba dan drug dang rnga mas brgyan/ dril bu dang tshon rgyal mtshan sogs/ /de la sogs pa'i rgyan rnams ni/ /shin tu mdzes bar rgyan pa'o zhes pa la sogs rgyan mchog ni/ 'di'i skabs su rim pas bstan zhes gsungs pa de la 'di skad ces bya'o/ /de yan chad ni brnyan ma'i dkyil 'khor gyi rim pa'o// // de nas gong ma'i dus su sngags ba khrus bya/ rgyan cha bgo /lus la dri zhim pos byugs nas g.yas pa rdo rje thogs la ? pa dril bu dkrol zhing/ ma tshang ba'i lhag ma kha bskang ba'i phyir lan bdun nam lnga 'am gsum du yi ge brgya pa bzla zhing bskor bar bya'o/ /de nas bde ba'i stan la nye bar 'dug ste/ lce lag byin gyis brlab pa nas bzung la/ sbyor ba dang po dang dkyil 'khor rgyal mchog dang/ las rgyal mchog dang/ rdo rje sgrub pa dang/ phyag rgya bzhis rgyas gdab ba yan chad byas la de nas me tog la sogs pa'i mchod pa lnga dang/ lha mo brgyad dang/ de bzhin gzhan dag gis mchod do/ de bzhin du mchod pa nyi shus kyang yang dag par mchod la/ de nas gdugs dang rgyal mtshan dang/ ba dan sna tshogs ba rnam par bkra ba brgya stong la sogs pa'i grangs snyed dam/ 'byor ba ci yod pa las dbul ba dang/ ro la sogs pa'i zhal zas dang/ swasti ka la sogs pa'i bza' ba sna tshogs pa 'bum mam/ brgya stong snyed du dbul bar bya ste/ aoM a kA ro mu khaM sarba d+harmma NI Adya nut pan na twat ces brjod la dbul bar bya'o/ /rol mo bcu phrag stong ngam/ brgya phrag stong ngam/ bcu aoM hUM h+rIpo che dang/ mri ta ka dang/ rnga rings dang/ rked nyag dang ti mi la zhes bya ba dang bcu'o/ /ras dkar po zung khri 'am stong dam brgya dbul bar bya'o/ /shin tu brtags pa'i rta dang glang po che dang/ ba lang gi khyu rnams dang/ aoM badzra spha Na ra khi zhes bya ba mngon par bzlas la dbul bar bya'o/ /de nas sbyin sreg gis las phran tshogs kyi dngos grub bsgrub par bya ba'i phyir/ /gzhan yang sbyin sreg byed pa na/ las bshad de dag gzhan du med ces pa gsungs te/ gzhan du gong du gsungs pa'i rnal 'byor rnam pa gsum gyi don bsgom pas 'og nas 'byung ba'i sbyin sreg 'di yang bya'o zhes pa'i don to/ /las bshad ces ba ni las ni bdag dang gzhan gyi'o/ /bshad pa ni sgrubs thabs 'di ru'o/ /gzhan du med na ni/ don gzhan dang mi bsre bar 'og nas 'byung ba'o/ /bdag gi las dang gzhan gyi las zhes gsungs pa kho na'o/ /de la dang po la bdag don dang ldan par bya ba'i phyir/ de la bdag gi las bstan pa zhes gsungs te/ bdag gi las la yang bzhi ste/ de yang phyi dang nang du snang ba'i rnam par rtog pa sbyang zhing zhi bar bya ba'i phyir na zhi ba'i sbyin sreg dang tshe dang bsod nams rgyas par bya ba'i phyir rgyas pa'i sbyin sreg dang/ bsam pa yid dang 'thad pa thams cad dbang du bya ba'i phyir sbyin dbang gi sbyin sreg dang/ phas kyi rgol ba dan pa dang/ sbyor ba ngan pa thams cad rgyun bcad par bya ba'i phyir drag po'i mngon spyod dang bzhi'o/ /de nas de'i yam shing la sogs pa bstan pa'i phyir/ shin tu dge ba'i shing bu ni zhes gsungs pa ni zhi pa la dge pa ste/ dkar po la 'o ma can mngar ba'i ro dang ldan pa'o/ /rgyas pa la dge ba ste ser po kha ba'i ro dang ldan pa'o/ /dbang la dge ba ste/ dmar ba sbyar ba'i ro dang ldan pa'o/ /mngon spyod la dge ba ste/ nag po tsher ma can gyi shing tsha shing rtsub pa'i ro dang ldan pas bya zhes pa'i don to/ /de'i ngo bo gang yin zhe na/ de bstan pa'i phyir/ tsandan shug pa zhes pa ni zhi ba'o/ /sogs zhes pa'i khongs su rgyas pa la skyed pa/ dbang la pad+ma dmar po'i shing/ mngon spyod la gang zhig tshed ma can gyi shing la bya'o zhes pa'i don to/ /dri zhim dang ldan mdzes pa'i shing zhes pa ni zhi ba la kha dog dkar po mdang ba'i ro yis byug pa'o/ /dbang la kha dog dmar po sbyar bas byug pa'o/ /rgyas pa la kha dog ser po ro kha bas byug pa'o/ /mngon spyod la kha dog nag por bya zhing ngo tsha zhing rtsub pas byug go zhes pa'i don to/ /de nas shing gi ring thung gi tshad bstan pa'i phyir/ zlum po la sogs dbyibs su rtsig ces gsungs pa'i don ni 'di yin te/ zhi ba'i thab khud ni kha dog dkar po/ dbyibs zlum po che chung ni/ khru gang du bya'o/ /thabs su khru phyed brkos la/ kha khyer sor bzhis bskor bar bya ste/ dbus kyi kha khyer la rdo rje phreng ba btang ngo/ /de nas rgyas pa'i thab khung ni kha dog ser po/ /rgyar khru ngo pa/ khru bzhi pa khru gang thabs su brko/ kha la ser bzhi bskyed la/ kha khyer sor bzhi pa yis gru bzhir bskor ro/ /dbus kyi kha khyer la rin po che'i phreng ba btang/ nang du pad+ma'i 'bras bu phyi rol gyi sor bzhi la pad+mas bskor bar bya'o/ /de nas dbang gi thab khung ni dbyibs zla gam la/ zla gam gyi kha la sor nyi shu tham pa yod pa/ rgyal sor bzhi bcu yod pa/ zabs su sor bcu bskor bar bya ste/ kha dog ni dmar po'o/ /kha khyer la sor gsum gyis bskor/ dbus kyi kha khyer la mnga' gzhu dang lcags kyu btang/ de'i phyi rol tu zhags pas brgyan pa'o/ /de nas mngon spyod kyi thab khung ni kha dog nag po/ /dbyibs zur gsum pa/ ngos re la sor nyi shu nyi shu'o/ /zabs su sor bcu brko'o/ /sor gsum phyir bskyed la kha khyer sor gsum gyis bskor/ dbus kyi kha khyer la rdo rje rtsa gsum pas bskor/ de'i phyi rgyab du mda' gzhu dang/ mdub rtse gsum pa dang dgra sta dang/ /kha TwAM ga spel la gtang ngo/ /de la rang rang gi mtshan ma yang bri'o/ /de nas me spar ba ni zhi ba'i me ni dgon pa 'am/ 'on te gtsugs shing la bton la dbul la sogs pa'i snod dkar po'i nang du rlung yab kyis spar la/ legs par 'bar ba dang gzod bud shing gi nang du blugs so/ /rgyas pa'i me ni rgyal po 'am 'on te/ bu mang po'i khyim nas blangs te/ gser ram ser po'i snod sar par spar ro/ /dbang gi me ni smad 'tshong ma'i khyim nas blangs la zangs kyi kyong bu sar par spar ro/ /mngon spyod kyi me ni shan ba nag po'i khyim nas blangs la lcags kyong sar pa'i nang du rlung yab kyi spar la/ legs par 'bar ba dang/ gzod bud shing gi nang du blugs so/ /de nas aoM badzra dzwa la dzwa la hUM zhes brjod cing mar gyi dgang blugs gsum gyis me gso bar bya'o/ /de nas thab khung de bsangs la/ dam tshig gi me lha bskyed par bya ba'i phyir thab khung du me tog gtor la/ paM las sna tshogs pad+ma'i gdan bskyed la/ de nas dang po'i sangs rgyas bsgom par bya zhes pa nas/ dbu la ye shes sems dpa' brgyan zhes pa'i bar ni dkyus nyid gsal lo/ /de nas ye shes kyi me lha shar lho mtshams nas spyan drang ste/ dad pa dang ni dam tshig gis/ /tshur gshegs tshur gshegs 'byung ba che/ /me lha'i rgyal po drang song mchog /sreg blugs zhal zas bzhes nas kyang/ /'di nyid du ni bzhugs su gsol/ /agna ya ram ram pra pe? sha phaT/ a be sha ya a zhes dam tshig dang gnyis su med par bstim mo/ /de la mchod pa yis mchod nas gshegs su gsol lo/ /de nas dam tshig gi me lha'i thugs kar lha tsho bskyed de/ de'i thugs kar a las zla stengs su zhes pa nas/ sku gsung thugs dang ldan par bsam zhes pa'i bar gyis bstan te go sla'o/ /de nas rdzas kyi rim pa bstan pa'i phyir/ de la sreg blugs dbul ba ni zhes gsungs pa'i gong du bskyed pa'i lha tshogs de la 'og nas 'byung ba'i rdzas rnams dbul bar bya'o/ /zhes pa'i don to/ /mar dang til dang yam shing dang/ mngar gsum 'dag bu dkar gsum ni/ zhi ba'i rdzas la bshad pa'i/ /zhes gsungs pa ni zhi ba'i rdzas so/ /rgyas dang dbang dang drag po dgug /de las gsungs pa'i rdzas rnams ni/ /'di las ma gsungs gzhan dag las/ rgyas par bstan te der? shes bya zhes gsungs pa'i don ni 'di yin te/ zho zan dang til dang/ dur ba dang 'bras so ba dang/ ku sha dang 'bras kyi lag pan dang/ nas chan dang/ gro chan rnams bsog go zhes pa'i don to/ /de yang kha dog dang ro dang yam ? ?? gsungs pa ltar 'dir yang ngo/ /rdzas thams cad ni rnal 'byor pa'i g.yas su sgrig par bya'o/ /mchod rdzas thams cad ni g.yon du sgrig par bya'o/ /de nas dgang gzar blugs gzar kha sbyar zhing dbul ba ni zhib pa mar/ rgyas pa la zho/ /dbang la me tog autpa la/ mngon? spyod la tsher ma dbul te/ sna drang pa'o/ /dbul ba ni sngags rings kyi zhabs la/ aoM sarba bA saM shan+ting ku ru ye sdig pa la sogs pa zhi bar gyur cig swAhA/ buSh+TiM ku ru ye tshe dang bsod nams rgyas par gyur cig swAhA/ pa shang ku ru ye/ thams cad dbang du gyur cig swAhA/ mA ra ya phaT thams cad brlag par gyis shig /A kar Sha ye thams cad bugs par gyur cig hUM dzade nas spyi bor yi ge a dkar po cig bsams la de'i 'od zer gyi sems can thams cad kyi nyon mongs pa dang/ 'thibs pa dang/ rmugs pa dang/ ma rig pa dang/ zhe sdang la sogs pa rnams la phog pas ye shes kyi chus bkrus nas/ yang dag pa'i ye shes dang ldan par byas te/ bkug nas gzhi bo'i a la thim pas 'od du zhu ste/ lus mgo gzhug tu thim pas bag chags kyi lus sbyangs te/ slar gsos nas mtshan dang dpe byad du ldan par gyur te/ yang dag pa'i ye shes kyi ngo bo bde la mi rtog pa de la lhag par gnas pas lhag par gnas par bya'o/ /de nas rgyas pa'i ting nge 'dzin ni spyi bo'i a las 'od ser po 'phros pas tshangs pa la sogs pa'i yang tshe bcud bsdus nas bdag gi tshe'i gnas su thim zhing rgyas par bya'o/ /longs spyod 'phel bar 'dod na 'jig rten gyi khams khengs pa'i nor phyugs bkug cing rang gi nor phyugs la bstims te rgyas par bya'o/ /bu tsha 'phel bar 'dod na tshangs ris man chad kyi pho'i mtshan kun bkug ste/ pho mo'i skye gnas la bstims pas bu tsha 'phel bar 'gyur ro/ /de nas dbang gi ting nge 'dzin ni yang a las 'od dmar po 'phros pas gang dbang du bya ba de 'od zer gyis bkug ste/ bdag gi mdun du mngon sum rtsa'o? ngas shing dbang du 'dus par bsams na rgyal po'i btsun mo lta bu yang dbang du 'dus par 'gyur ro/ /de nas drag po mngon spyod kyi ting nge 'dzin ni a de las 'od zer nag po 'phros pas bdag gi dgra bgegs la sogs pa'i gdung pa can rnams bkug ste bsgral nas phung po mchod yon du phul te brlag par bsam pa de'i phyir/ spyi bo zla stengs a bsgoms la/ de nyid zhu par gyur ba las/ zhi bya de nyid zhu 'gyur te/ slar gsos gzhon nu'i gzugs byas la/ de la lhag par gnas par bya zhes de la de skad ces bya'o/ /de yan chad ni bdag gi don gyi rim pa'o/ /de nas na ba la phan gdags pa'i phyir/ re la na pa'i las bya ba ni gang zhig 'og nas 'byung ba 'di rnams yin no/ /zhes pa'i don to/ /gang dag yid ni mi dran pa'i zhes pa na 'thibs pa dang/ rmugs pa dang/ smyo ba la sogs pa'o/ /bgegs kyi sbyor ba yod gyur na zhes pa ni bgegs kyi rgyal po bi nA ya ka la sogs pas bgegs rigs stong phrag brgyad cu rtsa bzhi'o/ /sbyor ba ni rims dang shu ba dang g.yon pa dang/ mthi? la sogs pa yod na/ 'og nas byung ba 'di ltar bya zhes bya'i don to/ /ting nge 'dzin 'di dag dran par bya zhes pa ni bdag stong pa'i ngang las yi ge d+hItu bsams la/ de yongs su gyur pa las dang po'i sangs rgyas de'i thugs kar a las zla ba'i dkyil 'khor nya gang ba lta bu de'i steng du gzhi'i snying po mu dang/ spro byed kyi snying po raM bsam/ raM de las 'od 'phros pa nad la sogs pa rnam pa thams cad dang/ de gtong bar byed pa'i bgegs dang/ de'i rkyen la sogs pa rnams shin tu 'od zer gyis bzhu btul byas la slar nad la thim pas nad kyi dngos po thams cad zhu ste slar 'dus pa las 'bru nag po la bgegs kyi gzugs byas la/ gang gnod pa'i ming shog bu la bris te/ glan la de la nad kyi dngos po bstims la/ thim pa dang gzod zhi ba'i skabs su ji ltar gsungs pa ltar/ me spar te/ sngags rings zhabs la bgegs rigs stong phrag brgyad cu dang/ nad bzhi brgya rtsa bzhi zhi bar gyur cig swAhA/ zhes bzlas te yungs kar dang/ til nag gis brgya rtsa brgyad du bsreg par byas na sos par 'gyur pa'i phyir/ dang po'i sangs rgyas bsgom bya ste zhes pa nas/ yungs kar brgya rtsa brgyad du bsreg ces pa'i bar du gsungs so/ /gal te sos par ma gyur na/ srin bus thos pa'i shing gdugs can khru gang ba la chab gsum gyis bskus te de la me sbar la gong ma lta bur bgegs dang nad kyi dgug gzhug byas la bsreg par bya ste/ lhag ma ni dkyus gsal lo/ /na ba la phan gdags pa'i rim pa'o/ /de nas shi ba la phan gdags pa bstan pa'i phyir/ de nas shi ba la phan gdags na zhes pa ni 'og nas 'byung ba 'di rnams so/ /dang po gnod pa'i bgegs te zhes pa ni rigs kyi bu pho mo don dang ldan pa gang rung cig tshe'i 'du byed gyur na/ phung po de drong dang ma bral bar bdag dang po'i sangs rgyas kyi nga rgyal dang ldan pas rol gnod pa'i bgegs la sogs pa ting nge 'dzin gyis bkug la/ sha chang dang sgog btsang? dang/ la phug dang/ 'bras chan dang/ khur ba la sogs pa'i gtor ma cha gcig gis byin gyis brlabs la bdud rtsi sbyin pa'i sngags kyis byin la rdo rje tshig du 'di skad brjod/ su ngag phyogs bcu'i 'jig rten na/ /lha dang klu dang gnod sbyin dang/ /gshin rje srin po gang yang rung/ /sngon gyi lan chags ded pa rnams/ /mthun pa'i gtor ma 'di long la/ /tshe 'das 'di la ma mnar cig ces byas la gtang ngo/ /de nas yungs kar gyi rgyal pos brab cing sngags rings bzlas la mtshams bcad do/ /de'i phyi rol la phan pa'i cho ga zhes pa'o/ /de nas ro de'i spyi bor zla ba'i dkyil 'khor gyi steng du yi ge a dkar po cig bsams la de 'od du zhu ba las lus thams cad khyab par byas te/ spyi bo mgrin pa snying ga lte ba srin? mtshams dang lngar rim par rnam snang dang/ 'od dpag med dang/ mi bskyod pa dang/ don thams cad grub pa dang/ rin chen 'byung ldan rnams 'khor dang bcas par gyur par bsam/ lha re re'i spyi bo na yang a dkar po re re yod par bsam pa de'i phyir a yis kun khyab spyi stengs bsam/ lhar gyur lha ni sngon bzhin bsam zhes gsungs so/ /de nas rang rang gi spyi bo'i a las 'od 'phros pas dus gsum gyi de bzhin gshegs pa'i ye shes kyi bcud bsdus te kha dog lnga dang ldan par byas te/ rang rang gi spyi bor thim pa las de bzhin gshegs pa lnga lnga'i dbu rgyan dang ldan par byas te/ lus thams cad ye shes lnga'i ngo bor gnas pa'o/ /de'i phyir a las ye shes lngas gang nas zhes gsungs pa'o/ /phan pa'i gnod sbyin chus gtab la zhes pa ni chu gtsang la a badzra yak+Sha hUM zhes brgya rtsa brgyad bzlas la/ phung po lnga'i rnam par rtog pa sbyang ba'i phyir sngon du gsungs pa'i lha tsho la sku khrus gsol bar bya'o/ /de'i phyir dang po bkru pa las yin te zhes gsungs so/ /de nas a'i 'phro 'du las zhes pa ni/ bdag gi thugs kar a dkar po bsam/ de las 'od zer 'phros pas 'gro drug gi bag chags sbyangs/ tshe 'das pa'i shes pa bkug nas ro la bcug la/ de bzhin gshegs pa 'khor dang bcas pa la thim par bsam mo/ /de ni sngon gyi cho ga'o zhes pa ni de ltar gang du gsungs nas ni ro'i sngon du 'gro ba'i cho ga yin no zhes pa'o/ /de nas zhes pa ni gong du 'gro ba byas pa'i de ma thag pa nas 'og nas 'byung ba'i lhag par gnas pa'i cho ga 'di bshad do zhes pa'i don to/ /shi ba dkyil 'khor dbus gzhag ste zhes pa ni de bzhin gshegs pa lnga'i dkyil 'khor dang ldan pa'i ro de/ maN+Dal gyi dbus su sna tshogs pad+ma'i gdan la gzhag go / zhag gsum slob dpon s? gnas pa zhes pa/ zhag gsum kha zas kyi tshod gzung la/ dkar gsum la sogs pa bzla zhing/ nyin re la thun gsum gsum lha'i rnal 'byor bsgom par bya'o/ zhes pa'i don to/ /bgegs skrad la sogs byas nas ni zhes pa/ thun re re la lho sgo'i cho ga re re la'o/ /de yang rgyud nyid las/ sems can kun gyi ngan song gsum/ /sbyong bar byed pa'i 'dzum bstan nas zhes pa dang/ ngan song thams cad rnam sbyod pa/ /mgon pa sems can kun gyi mchog ces gsungs so/ /'khor lo lha rnams bdun bsam ste zhes pa ni de ltar zhag gsum du byas pa'i nad par 'khor lo'i phyag rgya bcings te/ aoM many+dzu sh+rI badzra tsakra hUM zhes brjod pas dkyil 'khor gyi lha rnams mdun gyi nam mkha' la bsams la/ de la mchod pa'i phyir phyag btsal spro bskyed la sogs bya zhes pa bcu yongs su dag pa dang sdom pa gzung ba byas la de nas 'og nas 'byung ba'i tshe 'dir dang por 'bras bu yod ces pa nas/ 'di la dbang ni stsal du gsol zhes pa yan chad brjod par bya'o/ /de nas sbyor ba dang po dang dkyil 'khor rgyal mchog dang/ las rgyal mchog gi ting nge 'dzin bya'o/ /de nas sgo dbye bar bya ste/ rdo rje khu tshur gnyis bcings te/ /mdzub mo gnyis ni rab tu brkyang/ /mthe chung lu gu rgyud du sprel/ /sgo dbye ba'i phyag rgya ste/ /aoM many+dzu sh+rI badzra d+ha rodg+ha Ta ya hUM phaT ces brjod de/ gzhal yas khang sgo dbye bar bya'o/ /de nas rdo rjer sgrub pa dang/ tshogs bsag pa yan chad 'dir shes par bya'o/ /de nas sngags rings kyis lha thams cad gsal bar byas la/ thun gsum gyi rnal 'byor zhag bzhi ru bya'o/ /de nas gang zhig de nyid la zhes pa nas/ shi ba ste gon la gnas pa'i ting nge 'dzin to zhes pa yan chad kyis don la gnas par bya ste/ dkyus nyid gsal lo/ /de nas dkyil 'khor chen po 'dri pa'i tshe/ dang po sangs rgyas nga rgyal dang zhes pa nas/ mngon sum 'dra bar gang bar bsgom zhes pa'i bar gyis gsol ba gdab pa ste/ dkyus gsal lo/ /de nas bri ba bstan pa'i phyir/ shi la phan gdags dkyil 'khor ldan zhes gsungs te/ de'i don ni rdo rje dbyings kyi dkyil 'khor lha bu la dbus kyi pho brang me thab tu byas la/ gzhal yas khang pa de 'dra ba zhes pa ro sbyong ba'i dkyil 'khor yin no zhes pa'i don no/ /'di las gsungs te gzhan du zhes pa ni gong du gsungs pa'i dkyil 'khor de lta bu ni ro sbyong ba'i don du yin gyi dbang bskur pa la sogs pa'i don du ni ma yin no zhes pa'i don to/ /zhag bdun nang par sbyin sreg bya zhes pa ni/ de ltar ro la bsnyen pa zhag bdun du byas nas rdul tshon gyi dkyil 'khor bzhengs pa'i tshe sbyin sreg bya'o zhes pa'i don to/ /de yang ji ltar bya zhe na/ de nas phyi'i rim ldan pas zhes pa gsungs te/ phyi'i rim ldan ni dkyil 'khor gyi phyi log tu bgegs bskrad pa dang/ gar la sogs pa'i rol mo yis mchod pa phung po la sogs pa drang bar bya'o zhes pa'i don to/ /de yang ji lta zhe na/ sngags pa chos gos ldan pa yis/ /shin tu bsgyings pa ldan byas te/ /zhes gsungs te/ chas gos ldan pa ni dbu rgyan dang/ mgul rgyan dang/ ngo shal dang/ mgur chu dang dpung rgyan dang/ gdu bu dang sor gdub dang/ rkang rgyan dang/ gos ni stod g.yogs dang/ smad g.yogs so/ /ldan pa ni de rnams 'dzem pa'o/ /bsgyings pa ni shin tu 'gyed bag dang bcas pas dkyil 'khor gyi tha ma bskor bar bya zhes pa'i don to/ /de nas sngon gyi sbyor ba yis/ /go cha rnams ni dpyad par bya/ /dang po'i cho ga'i rim pa nas/ 'khor lo'i rim pa 'di gsungs te zhes pa ni lce lag byin gyis brlab pa nas/ gzhal yas khang bskyed pa yan chad bya ste/ de nas gzod ro de me thab du bzhag ste/ dkyil 'khor rgyal mchog dang/ las rgyal mchog dang/ phyag rgya bzhis rgyas gdab pa yan chad byas te/ gzod me spar bar bya'o/ /de yang ji ltar spar zhe na/ sngon du zhi ba'i skabs su ji ltar 'di yod rgyas par byas la gzod bsreg pa'i las byas te/ de la yang gsum ste/ ro mchod gnas su bsreg pa dang/ ro ltar sreg pa dang/ ro sreg rdzas su bsreg pa dang/ gsum du shes par byas la bsreg go / rdzas dbul la sogs pa'i rim pa sngon du shes par bya'o/ /de'i phyir me nyid shi ba'i gnas sbyangs te zhes gsungs pa kho na'o/ /de nas khrus byas mchod pa'i tshogs zhes pa ni/ mchod pa'i yo byad rnams la rdo rje gnod sbyin gyi chus bsangs la/ me tog la sogs pa lnga dang lha mo brgyad dang/ de las gzhan pa'i mchod pa dang/ mchod pa nyi shu pas kyang mchod la/ bstod pa rnams kyis kyang bstod do/ /de'i phyir ma lus par ni 'dir bshad do/ /zhes gsungs so de nas dpung bzangs kyis zhus pa las gsungs pa ltar phyogs skyong la gtor ma sbyin no/ /de nas de la lam bstan bya/ /tshogs bsag dge ba'i don la sbyar zhes pa'i don ni lho sgo'i cho ga las shes par bya'o/ /de mthar bdag nyid rtogs sgom dang zhes pa ni de ltar byas pa'i rjes la bdag nyid mi dmigs par bya'o zhes pa'i don to/ de nyid mnyam shes pa ni bdag nyid yang dag pa'i thugs dang/ tshe 'das pa'i shes pa gnyis mnyam zhing dbyer med par shes par bya'o zhes pa'i don to/ /cis mi tshugs zhes pa mi de ltar rtogs na nyon mongs pa gang gis kyang mi tshugs so zhes pa'i don to/ de la rtag gnas bde ldan dang/ /zhes pa ni thams cad mnyam pa nyid kyi don de la rtag par gnas na yang dag pa'i ye shes phyin ci ma log pa'i don bde ba dang ldan no zhes pa'i don to/ de ltar bsgom pa'i don bstan nas skabs 'dir ye shes sems dpa' gshegs su gsol ba la sogs pa bya ste/ sngon du bsnyen pa'i skabs ji ltar gsungs pa bzhin du bya'o/ /de nas ting nge 'dzin gyi dkyil 'khor bsdu ba ni rim pas/ a'i dang nyid du zhes gsungs te/ rim pa ni ye shes kyi rdo rje mchod rten la thim/ mchod rten chos 'byung la thim de rdo rje rgya gram la de gzhal yas khang la/ de lha tshogs la de zhi bar byas ba dang po'i sangs rgyas la/ de shes rab 'khor lo la/ de ye shes sems dpa' la de zla ba la de a la thim mo/ /de nyid la a'i dang nyid du zhes gsungs pa'o/ /de ltar bdag gi ngo bo yi ge a dkar po'i rang nyid du gnas las/ de yang bdag lus as khyab pa'o/ /zhes gsungs pa'o/ /de nas a de'i byin gyis brlabs kyis bdag gi shes pa 'od du zhu nas thig le byang chub kyi sems skye ba med pa'i dang du rtogs te/ nye ba'i dpes mtshon na 'dus ma byas pa'i nam mkha' dang 'dra bar gnas te/ de kho na la de nyid a'i byin brlabs las/ /a nyid dbyings kyi rang nyid du/ /thams cad nam mkha' dang 'dra'o zhes gsungs so/ /de nas ji ltar gsungs pa'i don gyo rnal 'byor pa'o/ /de yan chad shi ba la phan gdags pa'i rim pa'o// //de nas 'khor lo rnam pa bzhi'i don bstan pa'i phyir/ de nas 'khor lo bstan pa zhes pa'i don ni 'og nas 'byung ba 'di nyid yin no/ /de yang bcu drug phyed phyed thig le can/ /yan lag med pa'i rtsis las 'das/ /bsam gtan bzhi'i rtse mo can zhes gsungs te/ lus la 'khor lo bzhi gnas te/ /lte ba shes rab 'khor lo ste/ /rtsibs ni bcu gnyis yang dag ldan/ /dang po'i rtsibs nas brtsams te dgod pa ni/ a A aM Ama sgeg mo dang/ bdug spos ma dang/ sgo ba lcags kyu dang khyam pa 'jam dpal/ spos kyi glang po ye shes rtog dang/ bcu gnyis so/ /lte bar shes rab 'khor lo grags/ /snying khar shes rab 'khor lo ni/ /bcu gnyis rtsibs dang ldan pa la/ /rim pa bzhin du ngang? par a dgong?/ a A/ ai a'i/ au a'u/ e ai/ ao aau/ aM ama dang/ me tog ma dang/ phreng ba ma dang/ sgo ba zhags pa/ bzang skyong/ blo gros rgya mtsho/ blo gros mi zad pa/ spobs pa brtsegs pa dang bcu gnyis so/ /'di ni snying ga'i shes rab 'khor lo'o/ /mgrin par shes rab 'khor lo ni bcu gnyis rtsibs dang yang dag ldan/ /rim bzhin rtsibs gcig pa la a/ /a ra pa tsa na/ bA gI shwa ra pradz+nyA na makyi sems ma dang/ glu ma/ mar me ma/ sgo ba lcags sgrog /mthu chen tho ba dang/ ngan song kun 'dren dang/ mya ngan 'joms dang/ dra ba can gyi 'od dang bcu gnyis po mgrin pa shes rab 'khor lo grags/ /spyi bo shes rab 'khor lo ni/ /bcu gnyis rtsibs dang yang dag ldan/ /rtsibs dang por ha ra ha ra/ ta thA ga ta/ aoM hUM h+rI'khor lo ni lte ba la don yod grub pa/ rdo rje las dang srung ba dang/ gnod sbyin khu tshur/ las kyi sems ma/ gar ma/ dra chab ma/ sgo ba dril bu/ zla 'od/ 'od dpag med/ nam mkha' mdzod/ sgrib pa sel ba/ 'tshogs ma shes rab 'khor lor grags/ /ye shes ma lta? 'od rab gsal/ /zhes pa bzhu btul ni 'khor lo'i gdam dog bla ma las shes par bya'o/ /de ni pho brang lha'i dkyil 'khor dang/ lus gnas rtsa'i 'khor lo dang/ rtag pa shes rab kyi 'khor lo dang/ gsum gsal bar bstan to/ /de ltar bsgoms pas 'bras bu bstan pa'i phyir/ de ltar rtag tu gang bsgom pa zhes pa ni/ rigs kyi bu gang la la zhig gis de ltar bsgoms na 'og nas 'byung ba'i gzhon nu'i gzugs can bde ba thob ces gsungs pa ste/ gzhon nu ni 'jam dpal lo/ /gzugs can ni de'i sku la mtshan dang dpe byad kyis brgyan pa'o/ /bde ba thob pa ni de'i thugs yang dag pa'i ye shes thob pa'o/ /drag 'dzin lus ni ngan 'gro'o/ /de dag spangs nas zhes pa ni gong du gsungs pa'i don de ltar bsgoms pas khams gsum gyi nyon mongs pa spangs nas 'og nas 'byung ba'i gzhan gyi don phyin ci ma log pa yang grub ste/ rje btsun 'jam pa'i dbyangs su skye bas na/ rang dga' lus su skye bar des zhes gsungs so/ /de nas des sa bcu la dgrod par bstan pa ni dkyus nyid gsal lo/ /des ni shes rab 'khor lo bsgom pa'i rim pa'o/ /de nas lhag par gnas pa'i slob ma de dbang bskur bar bya ba'i phyir/ de nas 'di ni dbang bskur dam par gsungs zhes pa ni sngon du lhag par gnas pa'i slob ma de 'dir dbang bskur bar bya'o zhes pa'i don to/ /dam bskur na cing 'gyur zhe na/ dbang bskur med na dngos grub med ces gsungs te/ de nas slob dpon gyis bya ba'i rim pa bstan pa'i phyir/ yon tan ldan pa'i sngags pa zhes gsungs te/ yon tan ldan pa'i slob ma dbang bskur ba'i sngon du slob dpon nyid kyis ye shes sems dpa' i dkyil 'khor du zhugs la/ dbang blang ba la sogs pa byas la/ gzod slob ma dkyil 'khor du gzhug par bya'o zhes pa'i don to/ /des cir 'gyur zhe na de la dbang phyin yon tan grub ces gsungs te/ de nas slob ma gzhug par bstan pa'i phyir/ khrus byas rgyan gon te zhes pa la sogs pa gsungs pa'i don ni 'di yin te/ slob dpon du 'os pa'i bla mas las thams cad pa'i chus bsangs la rdo rje sems dpar byin gyis brlabs te/ rgyan thams cad kyis brgyan la/ rdo rje gnod sbyin yongs su bzlas pa'i gos dmar pa'i ster g.yogs dang smad g.yogs gyon la/ aoM badzra tIk+ShA hUM phaT ces bzlas pa'i gdong g.yogs dmar po bcings la/ yon gyi dam pa dag phul ba yongs blangs te/ da'i snying ga dang dpral ba dang/ lkog ma dang spyi bo rnams su rdo rje dang/ rin po che dang/ pad+ma dang/ sna tshogs rdo rje zla ba'i steng du de'i sa bon gyi rnam par bkod la phyogs bzhi'i de bzhin gshegs pa thams cad la phyag byed du bcug la/ de nas sa ma ya stwaM zhes pa'i sngags kyis 'jam pa'i rdo rje'i dam tshig gi phyag rgya 'dzin du gzhug cing de bzhin du phreng ba 'dzin du gzhug go / de nas slob dpon gyi 'di skad ces bsgo ba bya ste/ skal dang ldan pa rigs kyi bu/ /khyod ni ci dang ci la dga' / /'dod don gang yin khyod gyis smros/ /da nas slob mas 'di skad brjod/ /bdag ni gsang ba'i dkyil 'khor la/ /rab tu lta bar bgyi ba dang/ mya ngan 'das pa'i grong mchog tu/ /bdag ni 'jug par 'tshal lags so/ /der rdzas slob dpon dam pas kyang/ /'di skad ces ni brjod par bya sngon gyi rgyal ba rnams kyis gsungs/ /gsang ba bas kyang chos gsang ba'i/ /yang gsang dam pa'i dkyil 'khor 'dir/ /bdag gi bu khyod gzhug par bgyi/ /grong khyer la yang grong khyer de/ /mya ngan 'das pa'i grong mchog tu/ /bu khyod rab tu gnas par bgyi/ /skal dang ldan pa khyod kyis kyang/ /lha rnams la yang phyag 'tshal lo/ /sdig pa ma lus spyang byas nas/ /sdom pa rnams ni legs par zung/ /mchog tu sems kyang bskyed par gyis shig ces brjod do/ /de nas don dang ldan pa'i slob ma 'khor dang bcas pa yis/ dkyil 'khor gyi lha rnams la phyag byas la/ bcu yongs su dag pa nas/ sdom pa gzung ba yan chad byed du gzhu'o/ /de nas 'di skad bsgo'o/ /ding khyod de bzhin gshegs pa thams cad kyi rigs su zhugs kyis/ /ngas khyod la ye shes gang gis de bzhin gshegs pa thams cad grub pa yang thob na gzhan lta smos cing dgos te/ de lta bu'i ye shes bskyed par byas kyis/ khyod kyis dkyil 'khor chen po ma mthong pa rnams la ma smra zhig /dam tshig nyams par gyur ta re/ de nas rdo rje sems dpa' i phyag rgya kha thur du bstan pa slob ma'i spyi bor bzhag la 'di skad brjod pa'o 'di ni khyod kyi rdo rje dam tshig gis/ /gal te 'ba' zhig la smras na/ /glang pa 'bras par 'gyur ro/ /de nas dam tshig phyag rgya de nyid dang/ mna'i chu'i snying po bsngags la slob ma 'thung du gzhug go / de'i mna'i snying po ni 'di yin te/ hUM rdo rje dam tshig dad khyod nyid/ /snying la yang dag zhugs mdzad kyis/ /gal te tshul 'di smras nas ni/ /de ma thag du dral te gshegs/ /aoM badzra au da ka tha 'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs ni dngos grub ni rdo rje bdud rtsi chu 'dis 'grub/ /rdo rje dril bu'i phyag rgya rnams/ /gal te dkyil 'khor ma mthong smras/ /skye ba'i chags na 'dug pa 'am/ /dad pa med la bstan mi bya/ /de nas slob ma la 'di skad bsgo'o/ ded phan chad khyod kyi phyag na rdo rje ba yin gyis/ ngas 'di byos shig ces bsgo ba gang yin pa de yang bya dgos so/ /khyad kyis dal brnyas par ma byed cig/ mi bde ba ma spangs pas khyod dus byas nas dmyal par ltung bar gyur ta re zhes smras la 'di skad du de bzhin gshegs pa thams cad kyis byin gyis rlobs la/ rdo rje sems dpa' bdag la 'bab par gyur ces smros shig par bsgo/ de nas rdo rje slob dpon gyis myur ba nyid du rdo rje sems dpa' i phyag rgya cings la 'di skad brjod do/ /'di ni khyod kyi dam tshig ste/ /rdo rje sems dpa' yin par grags/ /rdo rje ye shes bla na med/ /de rang nyid du 'bab par shog /aoM badzra a pe sha ma zhes brjod do/ /de nas phyag rgya bcings pa las byung nas de'i snying gar zhugs te rdo rje sems dpa' 'bab par gyur bar bsams na 'bab par 'gyur ro/ /yang ho a ha zhes bya ba yang rang gi snying ga la bkod la/ se'u yi me tog dang 'dra ba'i rdo rje sems dpa' rang gi dam tshig dang bcas pa rang gi snying gar nges par byung la/ badzra band+ha tar zhes pas de'i snying ga bya la der bcug ste rdo rje dpal pa'i phyag rgya bcings la sngags brjod la/ bcom ldan 'das kyis gang bar gyur par bsams na yang 'bab par 'gyur ro/ /theg pa chen po mngon par rtogs pa'i rdo rje'i tshig gis bdun na ma brgyad rdzogs pas kyang 'bab par 'gyur ro/ /slob ma'i gtso bo'i snying gar rdo rje bya/ /yig brgya phyed pas mnyam gzhag brtan byas nas/ /bdag lus gang yin snod kyi sgo phye zhing/ /snying la gnas pa'i rdo rje'i dbus su blta// sngags kyi bdag po yi ge a dmar gsungs/ /brjod pas yang dag chags pas g.yo bar blta/ /slob ma'i lus 'di sgo ni dbye byas par/ /zhugs nas rdo rje byas pa'i snying la gnas/ /ma lus lus po kun tu bkang nas su/ /rkang pa g.yon pas g.yas pa mnan nas ni/ /sngags pas slob ma'i snying gar de la dbab/ /kun tu dril bu'i sgra ni yang dag dkrol/ /lag pa pad+ma 'dab ma'i phyag rgya byas/ /mi bskyod rin chen la sogs bde gshegs rnams/ /rang gi phyogs phyogs nas byon 'od phab pas/ /legs bab gyur pas rang gi pu la blta/ /gang zhig nges kyang 'bab par ma gyur na/ /lag pa g.yas par til kyi sa bon gzhag /dbus su yi ge hUM yang rnam bkod de/ /rdo rje 'od 'bar ba ni rnam par bsam// g.yon pa'i mtheb mdzub phyag rgyar byas pa yis/ /blang bar byas la me la sbyin sreg bya/ /lus ni thal bar byas la rnam dag pa'i/ /bsod nams lus la'ang sngags kyi 'od kyis dgang/ /ye shes phab pa nyid du bsams nas ni/ /rdzas bzhin 'bab pa nyid du rab tu 'gyur/ /la la dag gis legs par bshad pa na/ /mche ba'i myu gu cung zad gtsigs pa yis/ /rtse mo 'od dkar g.yo zhing rgod pa'i zhal/ /smin ma gdengs pas phyogs bcu ma lus pa/ /'brug sgra lta bu hUM ni 'jigs pa'i sgra/ /sangs rgyas me tog chun phreng gnyis btags pa/ /'od chen sna tshogs ldan par rang gi lus bsgoms la/ /sngags pas rang gi bu yi yig phye ste/ /'khor lo 'di dag ma lus bstan par bya/ /gang tshe 'dir ni ci yang ma mthong na/ /rang las byung ba'i 'od kyi phreng ba yis/ /de yi snying la snang bar byas la de nas ni/ /'di nyi nyis 'gyur mig tu 'gyur bar bsam/ /de yi 'od kyis mig gnyis bskul bas na/ /de tshe cung zad nges par mthong bar 'gyur/ /des kyang de gzhan mtshan ma mthong na/ /rjes mthun gnas pas bden pa'i byin rlabs bya/ /'gro ba'i don la chags bral ma mdzad ces/ /brtul zhugs can gyis der sogs kyis bskul zhing/ /pus mo gnyis ka sa la btsugs nas ni/ /gzugs mthong phyir ni mchod pa dbul bar bya/ /de 'bab ste/ babs ma thag tu lha'i ye shes skye bar 'gyur zhing/ ye shes des ni pha rol sems su 'gyur ro zhes bya ba la sogs la rgya cher sbyar ro/ /de nas tiSh+Tha badzra zhes bya ba la sogs pa de'i snying ga'i phyag rgya dgrol bar bya'o/ /tshigs su bcad pa 'dis pa rin pa'i byin brlabs brjod par bya'o/ /'di ltar bdag gis slob ma 'di/ /dkyil 'khor du ni legs bcug nas/ /lha yi rigs kyi rim pa dag /'di yi bsod nams ci 'dra las/ /de bzhin du ni 'bab bar 'gyur/ /'di ni dngos grub gang grub pa/ /rigs ni gang gi snang gyur dang/ /bsod nams mthu ni gang yod pa/ /dkyil 'khor 'dir ni de bzhin 'gyur/ /de nas sangs rgyas dngos grub thob bya'i phyir /bdag la thugs brtser dgongs nas ni/ /'gro la phan pa'i gtso chen gyis/ /sman par dgongs te gzhes su gsol/ /hUM pra tIts+tsha badzra ho zhes bya ba'i sngags kyis phreng ba dkyil 'khor du dor ro/ /de nas dngos grub rab 'bring me tog 'bab pa las brtag par bya ste/ lha rnams kyi khyad par dang gnas kyi khyad par las brtags te/ gang gi tshe sangs rgyas bcom ldan 'das kyi dbu la me tog 'bar par 'gyur na/ de tshe gtsug tor mdzod bu dag /'grub par 'gyur bas gdon mi za/ /spyan la sogs pa rnams kyang ni ? zhal du bab par gyur ba na/ /stong du bab na mchog rnams grub/ /rked du bab na 'bring rnams grub/ /ro smad phyogs su bab na ni/ /dngos grub tha ma rnams grub 'gyur/ /bar gyi sku la bab na ni/ /snying po la sogs grub par 'gyur/ /smad du babs par gyur na ni/ /mngag gzhug la sogs grub par 'gyur/ /rim pa de dag thams cad ni/ /rigs bzhin rnam par shes par bya/ /de bzhin lha rnams gzhan la yang/ /dngos grub rnam pa gsum du bshad/ /gal te lha yi gzugs dag la me tog ring du lhung gyur na/ /de yi dngos grub yun rings 'grub/ /nye na dngos grub myur du 'grub/ /gsang sngags rnams kyi mchod pa dag /gang du bkram pa'i tshul can ni/ /de yi sa ris de yin te/ /me tog der lhung de yi rigs/ /lha gnyis kyi ni par dag tu/ /gal te nges par babs gyur na/ /gang du nye ba de yi rigs/ /gal te la la'i me tog ni/ /dkyil 'khor mang po 'das nas bab/ /de la dngos grub mi 'grub cing/ /bsod nams dad pa rab tu chud/ /gal te me tog dor ba dag ra ba'i ri mo la babs na/ /zhi ba byas nas de dag gdod/ /nan tan bskyed de 'dor du gzhug /de ste the tshom gyur na ni/ /mkhas pas bzlas te 'dor mi gzhug /de ni gang yang nye med pas/ /des ni dngos grub thob mi 'gyur/ /gnyis kyi bar du mnyam pa na/ /don med phyi rol lhung na ni/ /zhi ba'i sbyin sreg byas nas su/ /de nas me tog dor du gzhug /snying por me tog babs pa ni/ /rtag tu don med mi 'gyur bshad/ /srad bu dag ni cho ga bzhin/ /de yi nye 'khor shes par bya/ /de la sogs pa'i rnam pa yis/ /me tog rnams ni dor ba las/ /bdag gi mdun du gang lhung ba/ /de la zhi ba brtsam par bya/ /sbyin bsreg gis ni zhi byas nas/ /de ni slar yang mdor du gzhug /lan gsum spogs te dor na yang/ /gal te legs par ma bab na/ /re thag bcad de slar gtad bya/ /de nas me tog babs pa las/ /lha yang dag par shes byas nas/ /phreng ba blangs te sngags 'di brjod/ /aoM pra ti grih+Na tA mi maM satwa mahA pa la zhes brjod la de'i mgo la bcing ngo/ /ye shes sems dpa' i mtshan ma nye bar mtshon nas/ /de la mig gis ji ltar mthong zhes dri'o/ /des ji ltar mthong ba bzhin du 'grub par 'gyur ro/ /gal te kha dog snang bar mthong na de la dngos grub thams cad kyi ye shes bslab par bya'o/ /zhes rgya cher sbyar ro/ /de nas 'dis gdong g.yogs dgrol te/ ji ltar mig mkhan rgyal po yis/ /mig gi ling tog bsal ba ltar/ /bu khyod kyi ni mi shes pa'i/ /rab rib rgyal ba rnams kyis bsal/ /badzra tsak+Shu he badzra pa sha zhes brjod do/ /de nas gdong g.yogs bkrol nas ni/ /dkyil 'khor bzang po bstan par bya/ /de nas bla ma dga' 'gyur na/ /slob ma de la 'di skad bsgo/ /dkyil 'khor bzang po 'di la ltos/ /da ni dad pa rab tu bskyed/ /khyod ni sangs rgyas rigs su skyes/ /rigs dang rig pas byin gyis brlabs/ /'gro ba phun sum dngos grub kyang/ /thams cad khyod la mngon du gyur ro/ /dngos grub thob phyir dam tshig skyongs/ gsang sngags la yang brtson par gyis/ /de nas dkyil 'khor de kho na bshad par bya ste/ mi mnyam med pas bzur bzhir snyoms/ dran dang dbang po sgo bzhi ste/ bsam gtan rta babs rnam pa bzhi/ /ting 'dzin khyams su shes par bya/ /khyams la brten pa rdo rje'i gdan/ /gzungs rnams lha mos mchod pa yis/ /rgyan rnams kun gyis bkra ba yang/ /bsam pa thams cad rdzogs byed pa'o/ /gdul bya bskyod pa sna tshogs mchog /dar phan dril bu sgrogs pa yis/ /me long ye shes rtag mi rtog /byang chub yan lag me tog phreng/ /dra ba dra phyed rin chen mchog /nyi ma zla bar yang dag ldan/ kun grub mi zad bde ba ste/ /bde ba chen po zhes grags so/ /de yi nang gi dkyil 'khor gyi/ /ka ba dkyil 'khor 'dra ba ni/ /dngos grub bde ba kun ster ba'i/ /rnam thar brgyad po de nyid yin/ /theg pa chen po byang chub sems/ /mdo sde'i 'khor lo bskor bas na/ /rdo rje thig gis yongs khyab cing/ /thams cad du yang yongs su rdzogs gang du 'jug pa de tsam gyis/ /mi tshugs pa dang mi log pa/ /bde ba chen por rab grub phyir/ /de dag dbang por yang dag 'gyur/ /de nas phyag rgya dang snying po yang bshad par bya'o/ /de nas rdo rje lcags kyu nas brtsams te/ mgon po 'jam dbyangs kyi bar du bstan par bya'o/ /de nas me long bstan par bya ste/ chos rnams gzugs brnyan lta bu ste/ /dag cing gsal la dri ma med/ /bzung du med cing brjod du med/ /rgyu dang las las kun tu 'byung/ /ngo bo nyid med gnas med par/ /de ltar chos 'di shes nas su sems can don ni mnyam par byas/ /'on kyang sangs rgyas sras su skyes zhes sgyu ma lta bur bstan to/ /de nas bla ma de la yon gyis mchog phul te/ gsol ba btab bar bya ste/ 'di zhes bgyi ba rdo rje can/ /byang chub sems ni rnam bsgom pa/ /slob dpon zhabs kyi pad+ma la/ /dbang bskur phyir ni phyag kyang 'tshal/ /slob dpon rab tu rmad byung ba/ /rgyal ba rnams kyis dbang bskur nyid/ /sangs rgyas byang chub thob byed pa/ /skal pa chen po bdag la gsol/ /zhes brjod do/ /de nas slob dpon gyis ho zhes bya bas gzhu? byin la/ de bzhin gshegs pa thams cad mnyes par gyis shig ces brjod de/ phyogs bzhir mda' bzhi 'phen du gzhug cing/ steng dang 'og tu yang re re 'phen du gzhug go /de nas slob ma dbang bskur bar bya ste/ shar phyogs kyi sgo'i mthar sna tshogs pad+ma bris la gang yang rung ba'i skur bskyed de/ zla ba'i dkyil 'khor gyi steng du gnas par bsams la/ g.yas logs su dar dang me tog gi phreng bas brgyan pa'i gdugs dkar po la gtsug tor gdugs dkar bzlas la dbub bo/ /g.yon du dar tshon sna tshogs pa bkram pa'i rgyal mtshan dang/ ba dan la aM yongs su bzlas pa legs par bzhag la/ me tog la sogs pas mchod pas mchod la sgra sna tshogs pas bsgrags so/ /bkra shis kyi glu len cing phyi nang gi gang sna tshogs pa yang bya'o/ /de nas rdo rje 'bebs pa'i bum pa la sogs pa thams cad gcig tu sdoms? te byin gyis brlabs la dbang bskur bar bya ste/ che ba'i yon tan kun rdzogs shing/ /bdud rtsi'i chu yis rang bkang ba/ /rnam par dag pa'i bum pa 'dis/ /bu khyod la ni dbang bskur ro/ /aoM badzra a b+hi Shiny+tsa zhes brjod do/ /slob ma rnams kyi spyi bor gzhag pas me long lta bu'i ye shes la mi bskyod pa'i ngo bor gyur to/ /de nas de kho na nyid bstan te/ thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po thams cad bdag / rdo rje sems? tshul bdag po'i bdag ces bya ba 'di ni 'jam dpal la bya bar bshad de ming thams cad kyi bdag nyid can yin pa'i phyir ro/ /de nas chos bstan te/ srid pa rang bzhin dag pa'i phyir/ /ngo bo nyid kyis srid bral byas/ /rang bzhin dag pa'i sems dpa' mchog / srid pa'i mchog ni byed par 'gyur/ /de nas dam tshig bsgrags par bya ste/ srid pa'i bde ba shin tu chung/ /sdug bsngal chen po zhi bya'i phyir/ /shin tu bde ba dam pa'i thabs/ /de bas dam tshig bsrung bar gyis/ /'dod pa'i longs spyod thams cad ni/ /ci 'dod par ni bsten bzhin du/ /rang gi lha ni sbyor ba yis/ /bdag dang gzhan la mchod par bya/ /ji srid 'khor ba'i gnas su ni/ /mkhas mchog 'dug par gyur pa'i tshe/ /de srid mtshungs med sems can don/ /mya ngan mi 'da' byed par nus gsang ba mchog gi dam tshig thabs/ /bsod nams byin rlabs sgrub byed pa/ /dngos grub kun gyi dbang phyug grub/ /sems can don ni bstan par byad/ /yid kyi gzugs ni brtan pa'i phyir/ /phyag rgya dam tshig yin par grags gang gi lus kun bstan pas na/ /des na phyag rgya yin par grags zhes bya'o/ /de nas gsang ba bsgrags te/ 'dod chags bral ba lta bu yi/ /khams gsum na ni sdig med de/ /de bas 'dod pa'i chags bral bar/ /khyed kyis kyang ni ma byed cig ces bya'o/ de nas mgon po khyod la gsol ba ni/ /theg pa chen po rtogs pa yi/ /tshul chen yang ni rgyas par mdzod/ ces bya'o/ /de nas/ 'jig rten kun la thams cad du/ /sems can kun la phan pa'i phyir/ /ji ltar sna tshogs 'dul 'gyur ba/ /rdo rje'i 'khor lo rab tu bskor zhes brjod la/ rgyal bar gyur cig rgyal bar gyur cig /rdo rje rigs kyi bdag po rdo rje rigs kyi dkyil 'khor bskor zhes brjod do/ /de nas dbu rgyan dang dar dpyangs su bcas pa byin gyis brlabs la/ de bzhin gshegs pa kun gyi rgyan/ /sangs rgyas lnga yi ngo bo nyid/ /rin po che yi dbu rgyan dang/ /dar dpyangs dag gis dbang bskur ro/ /aoM ratna a b+hi Shiny+tsa/ zhes brjod pas/ mnyam pa nyid kyi ye shes las/ rdo rje rin po cher gyur to/ /de nas de kho na nyid bstan te/ nyi ma 'di ni mchog yin te/ /de bzhin gshegs pa thams cad mthong/ /nam mkha' i snying po bcom ldan 'das/ /bsam pa thams cad rdzogs mdzad pa'o zhes brjod do/ /de nas chos kyi mtshan nyid bstan te/ /bsam pa thams cad rab grub pas/ /don 'di bsam 'grub bla na med/ /de yang 'dod pa rab grub phyir/ / 'dod dang thar pa'i bde chen po zhes brjod do/ /de nas dam tshig bsgrags te/ sems can kun la phan phyir dang/ sangs rgyas don du sbyor ba yis/ /pha rol nor rnams grogs kyang ni/ /sdig gis gos par mi 'gyur ro zhes brjod do/ /de nas gsang ba bsgrags te/ /'dod dang bde ba thams cad dang/ /mi mthun pa yang sbyin bya zhing/ /bdag nyid kyang ni pha rol gyi/ /bsam pa thams cad rdzogs par gyis/ /de nas rig chen khyed la gsol ba ni/ /nor gyi tshogs ni bshad du gsol/ /rang gi rigs kyi bskyed par mdzod ces brjod/ de nas/ mdor na 'jig rten thams cad du/ /sems can kun la phan pa'i phyir/ /ci ste sna tshogs 'dul 'gyur ba'i/ /nor bu'i 'khor lo rab tu bskor/ /zhes brjod la/ rgyal bar gyur cig rgyal par gyur cig /rin po che'i rigs kyi bdag po rin po che'i rigs kyi 'khor lo bskor cig ces brjod do/ /de nas rdo rje byin gyis brlabs la/ sangs rgyas kun gyi rdo rje dbang/ /di ring khyod la bskur bar bya/ /sangs rgyas kun tu rab grub phyir/ /bu khyod la ni bskur bar bya/ /badzra a d+hi pa ti a b+hi Shiny+tsa zhes brjod pas so sor rtog pa'i ye shes las rdo rje chos kyi sems dpar gyur to/ /de nas de kho na nyid bstan par bya ste/ 'di nyid sangs rgyas bcom ldan 'das/ /spyan ras gzigs kyi dbang phyug ste/ /'dul ba thabs kyis mdzad pa ni/ /dag pa'i rol mo rab tu 'jug ces brjod do/ /de nas chos kyi mtshan nyid bstan te/ ji ltar pad+ma dmar po 'di/ /tshon gyi nyes pas ma gos ltar/ /de bzhin gnas pa'i nyes pa 'dis/ /'gro phan rnams la mi gos so zhes brjod do/ /de nas dam tshig bstan te/ cho ga 'di dag gang gang gis/ / 'gro ba rnams ni 'dul 'gyur pa/ /pad+ma dag par sbyor ba'i bdag /de dag der ni sbyor bar bya zhes brjod do/ /de nas gsang ba bsgrags te/ 'dod chags 'bra ba'i bde ba med/ rgyal ba rnams la de phul la/ /sems can don du sbyin med mchog /bsten na bsod nams thob par 'gyur/ /zhes brjod do/ /de nas dpa' bo khyod la gsol ba ni/ /rang gi rigs rnams bskyed nas ni/ /chos kyi 'khor lo dom pa 'di/ /thub pa chen pos bshad du gsol/ zhes brjod do/ /de nas 'jig rten kun la thams cad du/ /sems can kun la phan pa'i phyir/ /ji ltar sna tshogs 'dul 'gyur pa'i/ /'khor lo rab bskor? zhes brjod la/ /rgyal bar gyur cig rgyal bar gyur cig /pad+ma rigs kyi bdag po/ /chos kyi 'khor lo bskor cig ces brjod do/ /de nas dril bu byin gyis brlabs te/ /'di ni shes rab nyid kyi dngos/ /shes rab dbyangs kyi rjes 'gro ba'i/ /di ring khyod la 'dir dbang bskur/ /aoM pra dz+nyA pA ra mi tA d+harmA a zhes/ brjod bya ba grub pa'i ye shes las sna tshogs rdo rje can du gyur par bsams la de kho na nyid bstan te/ rtag tu 'dod chags las byung 'gro /rdo rje me'i phung po'i gzugs/ /'bar ba'i rdo rje sbyor ba che/ /mkha' 'gro rnams ni kun tu 'bar zhes brjod do/ /de nas chos kyi mtshan nyid bstan te/ chos rnams nam mkha' i mtshan nyid de nam mkha' la yang mtshan nyid med/ /nam mkha' dang mnyam rnal 'byor pas/ /'di kun myur du 'dzin par 'gyur zhes brjod do/ /de nas dam tshig bstan te/ thams cad nam mkha' sbyor ba yis/ /thams cad nam mkha' zhes smra zhing/ rdo rje'i phyag rgya rgyas btab la/ /khams gsum yod? ni za bar bya/ /zhes brjod do/ /de nas gsang ba bsgrags te/ sems can kun la phan phyir dang/ /sangs rgyas bstan pa'i don du ni/ /sems can thams cad bsad na yang/ /de ni sdig pas gos mi 'gyur/ /zhes brjod do/ /mgon po khyod la gsol ba ni/ /sangs rgyas kun la dbang byed cing/ /sems can kun don bya ba'i phyir/ /rang gi rigs ni bskyed par mdzod/ /ces brjod do/ /de nas mdor na 'jig rten thams cad du/ /sems can kun la phan pa'i phyir/ /ji ltar sna tshogs 'dul 'gyur ba'i/ /las kyi 'khor lo rab tu bskor zhes brjod la/ rgyal bar gyur cig rgyal bar gyur cig /las kyi rigs kyi bdag po chos kyi 'khor lo bskor cig ces brjod do/ /de nas byin gyis brlabs pa'i lag pa de rnams kyi spyi bor bzhag la/ /khyod ni sangs rgyas dngos yin te/ /rab tu gsang ba gsang ba'i ming/ /rdo rje che ge mo zhes pa/ /di ring khyod la dbang bskur ro/ /aoM badzra nA ma a b+hi Shiny+tsa zhes pa la sogs pa brjod pas chos kyi dbyings kyi ye shes las rnam par snang mdzad kyi ngo bor gyur te/ de la de kho na nyid bstan te/ de nyid du ni bcom ldan 'das/ /de bzhin gshegs dang byang chub sems/ /lta ngan rnams la phan pa'i phyir/ /mya ngan 'das 'di ston par mdzod/ /sna tshogs 'dul bar brtson pa yi/ /brtan zhing nges pa'i chos nyid can/ /srid pa shin tu gnas mchog tu/ /go cha la sogs nges par gon/ /sangs rgyas chos dang tshogs la sogs/ /dkon mchog gsum po nyid du rtogs/ /srid pa shin tu legs par bsgrub/ /sna tshogs mkhyen dpal byed mchog ces brjod do/ /de nas chos kyi mtshan nyid bstan te/ /thams cad nam mkha' i mtshan nyid de/ /nam mkha' la yang mtshan nyid med/ /nam mkha' dang mnyam rnal 'byor pas/ /kun mchog mnyam pa nyid du gsal/ /zhes brjod do/ /de nas dam tshig bstan par bya ste/ 'dod pa'i longs spyod thams cad la/ /ci bde bar ni bsten bzhin du/ dkon mchog gsum yang mchod par bgyi/ /rang nyid dang ni bsten par bya'o/ /zhes brjod do/ /de nas gsang ba bsgrags te/ ji ltar ji ltar sems can rnams/ /'dul 'gyur de lta de lta bur/ /chags la sogs pa yun rings su/ /de bzhin 'gro ba'i don rnams kyis zhes brjod do/ /de nas mgon po khyod la gsol ba ni/ /sems can kun la phan pa'i phyir/ /thugs rje chen po bskyed nas kyang/ /chos kyi 'khor lo rab tu bskor zhes brjod do/ /de nas 'jig rten kun la thams cad du/ /sems can kun la phan pa'i phyir// ji ltar sna tshogs 'dul 'gyur ba/ /chos kyi 'khor lo rab tu bskor zhes brjod/ rgyal bar gyur cig rgyal bar gyur cig /de bzhin gshegs pa'i bdag po'i chos kyi 'khor lo bskor cig ces brjod de tha ma de rnams ni rjes su gnang ba'i cho ga'o/ /de nas rdo rje rtse lnga pa byin gyis brlabs te/ /'di ni sangs rgyas thams cad kyi/ /phyag na rdo rje'i lag na 'dug /khyod kyis bya ba ni rtag tu bcad/ /phyag na rdo rje'i brtul zhugs brtan/ /aoM sarba ta thA ga ta sid+d+hi badzra sa ma ya tiSh+Tha e Sha stwaM d+ha ra ya mi/ badzra satwa hi hi hi hi hUM zhes brjod do/ /'di ni sangs rgyas thams cad kyi/ /shes rab dbyangs kyi rjes 'gro ba/ /khyod kyis kyang ni rtag tu bcang/ /byang chub rdo rje rgyal bas gsungs zhes brjod la dril sbyin no/ /de nas chos kyi 'khor lo rkang pa gnyis kyi bar du gzhag la/ dung lag pa g.yas par sbyin te/ 'di skad brjod do/ /ding nas brtsams te dbang bskur ba tsam gyis chos kyi 'khor lo bskor cig /chos kyi dud bus shig /'jig rten kun la zab mo chos kyi sgra sgrogs shig /de nas gzengs bstod// 'di ltar snang ba'i dngos po kun/ /sangs rgyas kun gyi bdag nyid de/ /'jam pa'i dbyangs kyis dbang bskur bas/ /de bzhin gshegs par khyod gyur to/ /de nas lung bstan te/ de yis 'di ltar khyod lung bstan/ /'jam dpal gzhon nu de bzhin gshegs khyod ni sangs rgyas dngos yin gyis/ /som nyid yi gnyis ma za zhig /de nas dbugs dbyung bar bya ste/ mchog tu gsang ba'i dkyil 'khor 'dir/ /mthong ba 'am ni zhugs pa yis/ /sdig pa kun las rnam grol ba/ /khyod ni ding nyid gnas yin te/ /bde chen theg pa 'di la ni/ /slar khyod 'chi ba yod min te/ /cis kyang mi 'jigs dga' bar gyis/ /khyod ni mchog tu gyur pa'o/ /zhes brjod do/ /de nas phyi nang gsang ba gsum gyis mchod pas mchod /bkra shis brjod do/ /slob ma'i cho gas rnams dang sgra'i rnam pa mang pos sna drangs la dkyil 'khor lan gsum bskor bar bya'o/ /de nas slob ma'i spyi bo nas gdugs dang rgyal mtshan la sogs pa rnams dkyil 'khor la phul te/ 'di skad bsgo bar bya'o/ /da ni dkyil 'khor slob dpon 'gyur/ /gsang sngags rgyud kyang 'dzin par 'gyur/ /sangs rgyas byang chub sems dpa' dang/ /lha rnams kun gyis bkur bar 'gyur/ /sems can kun la snying brtse'i phyir/ /khyod kyis dkyil 'khor cho ga bzhin/ /nan tan bskyed de bri bar gyis/ /sgrub pa po rnams rgyud la sbyor/ /khyod kyis chos la ser sna dang/ /sems can kun la mi phan pa/ /nyam pa chen por gyur kyang ni/ /bu khyod kyis ni mi bya'o/ /de nas slob ma re re'i lag pa g.yon pas g.yas pa'i mthe chung nas bzung nas zhi ba'i phyir zhi ba'i sbyin sreg bya'o de nas dkyil 'khor la mchod pa dang bstod pa dang gzod par gsol ba bya ste/ ye shes kyi lha gshegs su gsol/ bskyed pa'i mtshan tsho bdag gi thugs kar bsdus la/ rdul tshon phyags te chu bo chen por dor bar bya'o/ /de nas gnas de yang dri sna tshogs kyis chus legs par byug par bya'o/ /de nas slob ma dam pa des/ /ci bzhed yon rnams phul nas su/ /gsang dbang nod phyir 'di skad zhu/ /bla ma dam pa bde gshegs gtso/ /khro bo 'khor dang bcas pa la/ /lus ngag yid kyis bdag phyag 'tshal/ /gsang gsum dam pa'i dbang mchog 'di/ /di ring bdag la gnang bar stsol zhes brjod do/ /de nas bla ma dam pa des/ /gsang ba'i dbang bskur brtsam bya ste/ /shin tu bden pa'i gnas rnams su/ /maN+Dal dri zhim bdud rtsis byugs/ /me tog dkram ste stan ? ?? rjes slob mas shes rab ma/ /mchog dang rab dang 'bring dang mdza' / /bla ma la phul 'di skad gsol/ /khyod ni 'jam pa'i rdo rje ste/ /bde gshegs rnams kyis bde ba mdzad/ /byang chub sems dpa' che rnams kyis/ /yang dag don mchog rnam dag par ji ltar ji bzhin bdud rtsi yis/ /mchog gi dbang ni bskur ba bzhin/ /de bzhin bdag la 'khor ba yis/ /sdug bsngal rnams ni sel bar mdzod/ /rnal 'byor bdud rtsi dri med mchog /ma rig nges par rab rib rnams/ /gang zhig byang chub bla med pa/ /di ring bdag gis thob bar mdzod ces brjod do/ /de nas bla mas shes rab ma/ /mdangs ldan ma ni rab bskyed la/ /chog thams cad rdzogs par bya/ /thabs dang shes rab byin rlobs la/ /thugs las 'od 'phros sangs rgyas bsdu/ /dgug gzhug bcing dang bstim par bya/ /chags pa bskyed phyir sngags 'di brjod/ /aoM many+dzu sh+rI sarba ta thA ga ta a nu rA ga badzra swa b+ha ba At+ma konyahaM zhes brjod de/ /bsrub pa dang/ bsrub pa'i sbyor ba mdzad pas bde bar gshegs pa 'od du zhu ste/ byang chub kyis ? phab pas nor bu'i nang du bde ? ba thabs dang shes rab kyi sgo bkag ste/ slob ma'i kha ru dbab par bya'o/ /de la 'di skad brjod de/ byang chub sems kyi rdo rje 'di/ /sems kyi sdug bsngal rnam bcom ste/ /gsang ba'i gnas dang dam par bcas/ /di ring khyod la dbab par bya'o/ /zhes brjod de slob ma ???/ /slob ma des kyang tshul rnam pa bzhis bdud rtsi myang bar bya'o/ /des ni dag gnyis pa dang rnam par rtog pa dag par byed pas na gsung gi dbang zhes bya'o/ ?? bstan par bya ste/ bla mas chos gos gyon pa lag pa g.yon pas chos gos kyi mdza' ma chag par bcug ste/ g.yas pa ni 'degs pa'i phyag rgya bcos te/ dkyil 'khor gyi lha rnams gsal bar byas la/ sngon 'jam pa'i rdo rje lung bstan pa bzhin du mgrin gcig tu lung ston par bsams la 'di skad brjod do/ /'di ltar nga yis lung bstan to/ /'jam dpal gzhon nu de bzhin gshegs/ /dngos grub mchog tu sgrub pa'i phyir/ /srid pa'i ngan 'gro rnams la bton/ /many+dzu sh+rI nA ma sarba ta thA ga ta h+ri sid+d+hi sa ma ya stwaM zhes brjod do/ /dus gsum gyi rgyal ba sras dang bcas pa rnams kyis lung bstan par mdzad do/ /de nas dbugs dbyung ba ni khams gsum gyi bdag por gyur pa dang/ bdud dang mu stegs la sogs pa las rgyal ba dang/ mya ngan las 'das pa'i grong khyer du 'jug pa ste/ 'di nyid las thob par gyur cig / the tshom dang yid gnyis la sogs pa ma byed cig /gzhan bla ma dam pas dbang bskur ba tsam gyis ji ltar bsams pa ltar slob ma rnams kyis grub par 'gyur ro/ /zhes brjod do/ /de ni slob ma gsang ba'i dbang bskur ba ste/ dbang rnams rdzogs pas rim par sbyin/ /gsang ba'i dbang dang zhes gsungs pa la de skad ces bshad de/ /de nas shes rab ye shes kyi dbang bskur ba bstan pa'i phyir/ des pa'i dbang rim pa bzhin du bskur bar bya zhes gsungs pa'i don ni 'di yin te/ de ltar gsang ba'i dbang thob pa'i slob ma des yang bla ma la 'di skad du ste/ sngon gyi sangs rgyas thams cad kyis/ /ji ltar mkhyen cing thugs chud pa/ /de ltar rjes su bdag dad na/ /di ring bdag la dbang bskur gsol zhes brjod do/ de nas bla ma des shes rab dang ye shes kyi dbang bskur ba brtsams te/ de yang dang la shes rab kyi dbang ni bu mo rigs ldan mtshan rtags can/ /bcu gnyis bcu drug bco brgyad nyi shu bla ma la ? sam gtan gyi don drug dang ldan par bya ste bla ma des shes rab ma byin gyis brlabs te/ 'di skad ces bsgo'o/ /sngon gyi rgyal ba rnams kyis kyang/ /shes rab 'di la brten par grub/ /rigs kyi bu mchog khyod kyis kyang/ /shes rab spang du mi rung ste/ /ye shes skye ba'i thabs yin pas/ / khyod kyi 'dod chags ma spang zhig ces brjod do/ /de nas bla mas dri ba 'di yang gsung ngo/ /khu tshur shog cig rdo rje can/ /dri chen dri chung nus sam/ /rak+ta ga pur za nus sam/ /gud med dad pas brten nus sam/ /pad+mar 'o byed mi rtog gam/ /snod ldan ? shig ngang tshul can/ /de nas slob mas 'di skad brjod/ /shes rab dad pas bdag bsten to/ /dri chen dri chu la sogs bdud rtsi lnga/ /rtag tu dad pas bsten par bgyid/ /pad+mar bdag ni 'o bgyid do/ /de nas bla ma dam pa des/ /shes rab ma gtsang zur phyud la/ /lus dri zhim po'i chus bkrus la/ me tog gi phreng bas mgo bcings la/ 'di skad ces bsgo'o/ /ston pa'i rang bzhin snying rje'i bdag /khyod kyis sems can don rnams kyis/ /mkha' klong pad+ma bstan par gyis/ / bu 'di bde ba bskyed bar gyis/ /zhes bskul lo/ /de nas shes rab dam pa des lag pa gnyis dril bu bzung nas pad+ma kha phye ste 'di skad brjod do/ /rmad 'byung nga yis pad+ma la/ /bde ba thams cad 'di la rnyed/ /bde bar gshegs pa thams cad kun/ /rtag tu 'di dang mi 'bral lo/ /pad+ma 'di ni chos dbyings yin/ /sangs rgyas thams cad 'di las byung/ /sems can thams cad 'di ru grol/ /nang gi rtsa yi 'khor lo la/ /pad+ma zhes su rab tu gsungs/ /pad+ma'i nang gi nam mkha' la/ /'byung ba lnga po rang bzhin gnas/ /lta ba la ni ge sar te/ /pad+ma brgyad kyis rnam par brgyan/ /ze 'bru'i dbus nas 'byung ba yin/ /de nyid bdud rtsi dam pa ste/ /sangs rgyas kun gyi snying po'o/ /zhes brjod do/ /de nas bla mas slob ma'i lag pa g.yas pa dang/ shes rab ma'i g.yon pa'i 'og tu gzhag nas 'di skad brjod do/ /shes rab dam pa 'di yin te/ /khyed kyi ye shes skyed bar byed/ /'di dang khyed nyid ma bral bar/ /dang bas rtag tu rol mo gyis/ /ces brjod la shes rab ma'i lus la dkyil 'khor bkod la slab ma la sbyin no/ /slob ma yol pa nang du shes rab ma dang 'dug nas ye shes kyi dbang nod par bya'o/ /de nas shes rab ma dang slob mas blo g.yas pa phab la nyal lo/ /dga' ba'i gtam sna tshogs bya'o/ /gnas dgu ru ni sen mo gdab/ /g.yon pa glang po sna rtse yis/ /pad+ma bye mgo 'dra ba la/ /tshod zin bya ste brud par bya/ /lce yis kyang ni rol mo bya'o/ /des dang rgyas par 'gyur te/ gzod nyi ma dang zla ba mnyam par bya ste/ dal nas dal nas bskyod pa las/ /'byung ba bzhi'i rkyen gyis bde ba chen po'i dbus nas byang chub sems gnas pa las ye shes kyi mes bzhu nas 'khor lo bzhi nas rim pa 'bab ste/ bo la'i rtsa bar phyin pa ni dga' ba'o/ /dbus su phyin pa ni mchog dga' o/ /nor bu'i rtse mor sleb pa ni lhan cig skyes pa'i dga' ba'o/ /de ji tsam gnas kyi bar du bsgoms pas mi rtog pa'i ye shes skye ste/ dper na rus sbal lta bu'o/ /gal te bsdams pas mthem na 'jig rten pa'i gnas su gshegs te bral ba'i dga' ba zhes bya'o/ /don dang bral ba ni bral ba'o/ /gong ma mtshon pas dga' ba'o/ /byang sems de'i rang bzhin ni/ 'jam pa'i dbyangs kyi rang bzhin pas/ /dung dang nya phyis dag gis min/ /lag pas kyang ni mi blang ngo/ /bdud rtsi lce yis blang bar bya'o/ /de zos ye shes dbang mchog thob/ /de yi don la rgyun goms pas/ /'di ltar snang ba thams cad kun/ /skad cig gcig la gnyis med pa'o/ /brjod pa'i tha snyad kun dang bral/ /nam mkha' i lam la rab gnas pa'i/ /ye shes snang ba lam me ba/ /mthar phyin gdams ngag ces kyang bya/ /de nas dam par gyur ba de la ni/ /rtsa ba'i ltung ba bcu bzhir bsgrags par bya'o/ /de nas bkra shis gdon pa'i don ni 'jam dpal gyi sku gzugs spyi thog tu bzhag la 'di skad ces brjod par bya'o/ /thabs dang shes rab yan lag 'dus pa'i rdo rje las byung ba'i/ /byang chub sems kyi 'jam dbyangs byang chub sems dbang bskur/ rgyal mchog sras bcas rnams kyis legs gsungs bkra shis gang/ /des ni khyod kyi dbang skur mchog la bkra shis gsungs/ /dpal ldan rdo rje sems sogs dkyil 'khor la 'jug cing/ /srid pa'i snying por rnam rol sgeg mo la sogs pas/ /bde byed rab mchog legs par glur blangs bkra shis gang/ /des ni khyed kyi dbang bskur mchog la bkra shis shog/ shin tu zhi ba'i bkra shis mdzad pa phul byung ma lus pas/ /sems can bde gshegs rtag mdzad bcom ldan dbang bskur la/ /dpag med lha yi mchog gis legs gsungs bkra shis gang/ /des ni khyod kyi dbang bskur mchog la bkra shis shog /dpal ldan khams gsum rnam rgyal dkyil 'khor rab mchog la/ /'jig rten gsum gyi rgyal mchog rgyal por dbang bskur bas// lha yi mchog gis btud de rab bshad bkra shis gang/ /des ni khyod kyi dbang bskur mchog la bkra shis shog /'gro ba sna tshogs 'dul phyir phyag na padmo yis/ /rdzogs pas rin chen bdud rtsi'i chus dbang bskur/ /pad+ma'i 'dod chags rnam dag legs gsungs bkra shis gang/ /des ni khyed kyi dbang bskur mchog la bkra shis shog /mkha' snying nor chen 'byor pas nyams dga' zhing/ /don rnams kun grub med sbyin dbang bskur chen po la/ /dge ba phun tshogs mdzad pas legs gsungs bkra shis gang/ /des ni khyed kyis dbang bskur mchog la bkra shis shog /'khor lo gyur drug dge ba'i bkra shis glu blangs pas/ /bsod nams rin chen dri med mi mnyam gang thob pa/ /des na kun gson 'byor pa'i dbang bskur chen po la// 'jam dpal grags pas 'jig rten rnam par legs gyur cig ces brjod do/ /de nas spyod lam bya ba dang/ bla ma bzengs bstod pa dang/ bkra shis kyis gshegs su gsol bar bya ba dang/ bla ma la yon dbul ba rnams ni dkyus nyid gsal lo/ bla ma dam pa surya sid+d+hi shAn+ting+ga rgya ni/ dam pa chos kyi mdzad du gyur pa la/ /bde bar gshegs pa'i tshogs kyi spyan snga ru/ /don dam zab mo dbang bskur zhal gyi bdud rtsi 'thungs pa yi/ /blo gros bzang po dran pa'i ye shes kyis/ /skye bo blo ngan mun pa bsal ba'i phyir/ /drug stong pa sogs rgyud kyi don bsdus nas/ /nor bu gling ba'i sgrub thabs don dang sbyar te bris ba yis/ /bdag gis bsod nams rgyus pas thob bsdus pas/ /gang des 'gro kun sdig las rgyal 'gyur zhing/ /'jam dpal chos kyi sku nyid thob par sho/ //'phags pa 'jam dpal gyi mtshan yang dag par brjod pa'i sgrubs thabs gsang ba dang ldan pa'i 'grel pa ye shes gsal zhes bya ba/ rgya gar gyi mkhan po smri ti dz+nyA na kIrtis mdzad cing/ de nyid kyis bsgyur ba rdzogs so/ / //thig gdab pa'i rim pa/ 'jam dpal ye shes sems dpa' la phyag 'tshal lo/ /mtshan nyid ldan pa'i thig skud kyis/ /yongs su rdzogs pa'i sa gzhi la/ tshangs thig zur thig logs thig rnams/

CLOSE WINDOW