Input 
| བོད་ཡིག | e-texts based on the ACIP/ALL Input |
/mtshan yang dag par brjod pa'i bklag pa'i sgom khog /slob dpon dpal ldan byang chub mchog gis mdzad pa rdzogs so// //rgya gar skad du/ Arya many+dzu sh+rI nA ma
saM gI ti na ma ho ma kra ma/ bod skad du/ 'phags pa 'jam dpal gyi mtshan yang dag par brjod pa zhes bya ba'i sbyin sreg gi rim pa/ 'jam dpal ye shes sems dpa' la phyag 'tshal lo/ /bden pa gnyis la gnas shing dri med gzi brjid ldan
pa yin tshul mchog dam pa bzhir ldan rnal 'byor pa/ rim gnyis tshul gyis sbyin sreg cho ga bshad par bya/ /da ni mtshan yang dag par brjod pa'i sngags kyis dbang gis 'dir gsungs pa na pa'i don du zhi ba'i las bya'o/ /'byor ba'i don du rgyas pa'i las
bya'o/ /dbang ni dgug pa'o/ /drag po ni tshar gcad pa'o/ /de'i don rgyas par bshad par bya ste/ snying rje dang dga' bar ldan pa'i rnal 'byor pas/ bdag dang gzhan la phan gdags pa'i phyir/ zhi ba dang rgyas pa dang dbang du bya ba gsungs te/ dbang bskur ba'i
thog mar zhi ba'o/ /de nas rgyas pa'o/ /de nas dbang dang drag po'o/ /tha mar las thams cad pa'o/ /thab dang phyag rgya dgod pa dang/ /dus dang kha lta mchod rdzas dang/ /gzhag thabs dang ni 'dug stangs dang/ /yam shing bud shing gzar bu dang//
rnal 'byor ting 'dzin rim pa dang/ /ku sha me dang sreg rdzas dang/ /spyan drangs de la mchod pa dang/ /rdzas dbul bstod de phyag bya ba/ /lha bsgom spyan drangs bzhugs gsol dang/ /rgyas 'debs bzhi yis rgyas gdab cing/ /mchod bstod dgang gzar
gyis dbul bya/ /phyi ma rim gyis gong ltar dbul/ /de nas bstod la phyag bya dang/ /tha mar gshegs su gsol ba dang/ /de nas me lha de dang ni/ /gong ma'i rim pa ji bzhin pas/ /lhag ma'i rdzas kyis mchod bya ste/ /tha mar gshegs su gsol bar bya/ /de nas
gsungs te rjes su ni/ /yi rang dbul zhing rdzas dag gis/ /rim bzhin rnal 'byor gang ldan pas/ /tshul bzhin du ni dbul bar bya/ /de las dang po thab kyi rim pa bstan te/ /zhi ba'i thab kyi dbyibs kyang gnyis te zlum por bya ba dang/ pad+ma lta bur bya'o/ /de
yang kha khyer ni sor bzhi pa'o/ /zheng dang dpangs su yang de nyid do/ /thur du khru gang ngo/ /srid du yang khru gang ngo/ /de'i phyi rol du sor bzhi por la pad+ma'i phreng ba'o/ /kha khyer la ni rdo rje phreng ba gtad par bya'o/ /de yang phyi ni gru bzhi la dbus su 'jim pa la 'bur du
brkos la/ gtso bo'i phyag mtshan shar du rdo rje/ lhor 'khor lo'o/ /nub du pad+ma'o/ /byang du sna tshogs rdo rje'o/ /kha dog dkar pos dkar gyi chus bsku bar bya'o/ /pad+ma'i thab kyang de dang mthun par shes par bya'o/ /zhi ba'i thab kyi rim pa'o/ /rgyas pa'i thob
kyi dbyibs gru bzhi la rgya gru bzhir gtang ngo/ /dpangs su yang khru gang la/ gting du yed khru gang brko bar bya'o/ /sor bzhi ni phyir dgyed par bya'o/ /kha khyer yang zhi ba dang mthun par sor bzhi'o/ /de'i phyi rim dag tu ni pad+ma'i phreng ba btang bar bya'o/ /kha khyer la
yang gong du smos pa ltar rdo rje phreng ba gtang bar bya'o/ /de'i nang du yang gtso bo'i mtshan ma 'jim pa la dkyus su sor brgyad/ dpangs su sor gcig go /rgyas pa'i thab kyi rim pa'o// //dbang gis thab ni rgyas khru gsum
la dbyibs zla gam dang gzhu lta bu'o/ /rgya la ni sor bzhi bcu'o/ /drag po la ni sor nyi shu tham pa btang ngo/ /gting thabs ni sor bcu'o/ /kha khyer la ni sor byed dang gsum mo/ /zhing rab dbangs mnyam par shes par bya'o/ /kha khyer la ni rdo rje
phreng ba'o/ /de'i phyi rol tu me ri 'bar ba'i 'od gtang bar bya'o/ /kha dog ni tsan dan nam btsag yug sman gyis bskul bar bya'o/ /dbus su ni gtso bo'i phyag mtshan pad+ma la bzhugs mtshan ma gong ma ltar 'bud du brkos la bzhag go /phyi ma ni zhi ba'i
thab kyi skabs dang mthun par shes par bya'o/ /dbang gi thab kyi rim pa'o// //drag po'i thab kyi rim pa ni/ thab khung dbyibs gru gsum pa 'am/ dgra bsad pa lta bu la rgyar ni sor nyi shu'o/ /zabs su ni bcu'o/ /kha khyer ni sor gsum pa zheng
du yang de nyid do/ /phyi rol tu gtang ba yang sor gsum mo/ /phyag rgya ni kha khyer la rdo rje rtse gsum pa'o/ /de'i phyi rol tu ni ral gri la sogs pa drag po'i mtshan ma sna tshogs pa'o/ /dbus su yang gtso bo'i mtshan ma ral gris mtshan pa 'jim pa la 'bur du
brkos pa gong du bstan pa dang mthun par shes par bya'o/ /drag po'i thab dang mtshan ma'i rim pa'o// //de'i 'og tu dus ji tsam na bya ba'i zhi ba la snga dro'o/ /rgyas pa la nyi ma phyed na'o/ /dbang la nyi ma bsnyur na'o/ /drag po la ni nam phyed na
bya'o/ zhi ba la nam langs na'o/ /rgyas pa la ni tho rangs bya'o/ /dbang la ni rgongs ka ste srod la bya'o/ /drag po la nam phyed na bya'o/ /zhi ba la ni dbyar bya'o/ /rgyas pa la ni ston gyi dus su bya'o/ /dbang ni dpyid kyi dus su bya'o/ /drag po ni dgun gyi dus su ste dus
kyi rim pa'o/ /mchod pa'i rim pa ni rnal 'byor pa sngags pa'i g.yon du ni dri chab kyi chu me tog nang du blugs pa'i dung phor ram dngul phor ro/ /yon chad ni gser la sogs pas bkang ba'i chu ngag gzhag go /rnal 'byor pa'i g.yas su ni zengs gzhi
lta bu'i nang dris bkad la ku sha yang der bcug la/ /bshad gtor gyi snod bzhag go /las kyi bum pa yang g.yon du bzhag go /mchod pa'i rim pa'o// //rdzas kyi rim pa yang zhi ba la til lo/ /rgyas pa la zho'o/ /dpa' la ni autpa la'o/ /drag po
la tsher ma can nam mkha' rtse gsum pa ste/ 'di ni khyad par gyi rdzas so/ /de yang thun mong gi rdzas ni mar gyi snying po dang dur ba dang cho ga pa med pa'i 'bras dang zho zan ku sha dang 'bras thug dang mngar gsum dang/ dkar gsum dang 'bras so ba dang/ nas dang sran mam sha dang/
gro dang au dum ba ra dang/ a shot+tha dang pa la sha dang/ n+ya gro d+ha dang a mra dang/ de yang thams cad du mi lcogs na/ mar dang til ni zhi ba'i dus su bya'o/ mar dang zho ni rgyas pa'i dus bya'o/ /mar dang autpal ni rang gi dus bya'o/ /mar dang mi ? kyi phye ma 'am tsher ma can gyi shing ni drag po'i dus
bya'o/ de yang thams cad du ni til zhes gsungs so/ /rdzas kyi rim pa'o// //bzhag pa'i rim pa sngags pa'i mdun ni mar ro/ /til dang zho dang autpa la dang/ mi rus kyi phye ma ni g.yas su gzhag go /dur ba la sogs pa thun mong gi rdzas thams cad
ni g.yon du'o/ /'bras so ba dang nas dang sran ma sha dang/ gro dang au dum ba ra dang/ a shot+tha dang n+ya gro d+ha dang/ a mra rnams g.yas su'o/ /dgang gzar dang blugs bzar ni mdun du'o/ /rdzas bzhag pa'i rim pa'o// //rnal 'byor pa'i 'dug stangs zhi
ba la ni mnyam pa'i skyil krung du stan ras bal gyi steng du'o/ /rgyas pa la ni g.yas brkyang gis te sems dpa' i 'dug stangs so/ /dbang la ni pad+ma'i 'dug stangs te rkang pa'i mthil sprad la 'dug go /drag po la ni g.yas brkyang dang/ g.yon brkyang gis stan med par mig
bzlog ste gnas par bya'o/ /'dug stangs kyi rim pa'o// //gzar bu'i rim pa ni/ zhi ba la ni dngul lam rgya shug gis shing la srid du khru gang? sboms su yu ba la mthe bo'i tshad do/ /sor bzhi ni zheng ngo/ /sor gnyis dbang su'o
khu ba 'dzag pa'i bu ga sor gcig yod pa rtsom la rdo rje rtse gsum pas mtshan pa/ dkyil du ni las dang mthun pa'i thab kyi skabs su smos pa'i phyag rgya brko ba 'am/ /'bur du byas la kha la yaM raM bkod de/ yu ba la rdo dang rin po ches mtshan pa ni dgang gzar gyi chod
dang rim pa'o/ / //blugs gzar yang yu ba ni gong dang mthun la dbyibs ni pad+ma'i 'dab ma 'dra ba la sor gcig /gting du brko ba byas pa sor gnyis zheng du btsal ba'i blugs gzar te khyim ni dgang gzar dang mthun no/ /rgyas pa la ni gser ram a sho ka'i shing la byas te/
phyi ma ni gong ma dang mthun par shes par bya'o/ /dbang ni zangs ma dang tsandan la bya'o/ /drag po ni lcags sam tsher ma can gyi shing la drag po'i las la shis pa rnams la bya'o/ /tshad dang dbyibs ni so so'i bye brag dang mthun pa la zhi ba la yang shes par bya zhing/ de la ltos
pas ma bris so/ /gzar bu'i rim pa'o// //sngags pa kha lta phyogs kyang/ zhi ba la ni kha shar du blta'o/ /rgyas pa'i dus su byang du blta'o/ /dbang gi dus su ni sngags pa nub du blta'o/ /drag po'i dus su sngags pa kha lhor blta'o/ /sngags pa kha lta ba'i
rim pa'o/ / //rnal 'byor pa ting nge 'dzin gyi rim pa yang dang po zhi ba la gnas te thams cad stong pa'i ting nge 'dzin bya bdag gi snying ga'i dkyil 'khor du raM las ye shes kyi me bsams te/ sgyu ma'i phung po bsreg par bya/ /de la slar sos ye shes lus
de dag rnam pa lnga po bsgom/ /yongs su dag pa'i me long la/ /dngos po snang ba 'di dag yul/ /ma lus so sor snang ba bzhin/ /ma lus yongs su dag pa yi/ /me long lta bu'i ye shes la/ /goms par byas te bsam par bya/ /de 'og snying rje'i sems ldan pas/ /
mgon med skyabs bral sems can rnams/ /'khor ba'i rgya mtshor rab tu byid/ /de dag kun gyi don du ni/ /sdug bsngal thams cad las gdon phyir/ /stong pa'i chos la mnyam sbyor bas/ /ma lus kun kyang de ltar bsgom/ /dam chos de la dmigs pa yi//
bdag tu ma grub de rtogs pas/ /mnyam nyid ye shes bskyed par bya/ /aoM a kA ro mu khaM sarba d+harmma NAM A dya nuta pan na twAta sngags de chad du brjod par bya/ /sngags don 'di rtsom rnal 'byor pas/ /dmigs med chos la rab gzung cing/ /yul de de nyid byas te
bdag / dmigs pa med pa'i snying rje yis/ /so sor brtags te gnas par bya/ /de nas snying rje'i 'gro bas/ /gzung dang 'dzin pa kun bral ba'i/ /ngo bo nyid kyi 'od gsal ba'i/ /yan lag med cing yongs dag pa/ /chos dbyings rgyu mthun ngo bo med/ /de don
stong nyid la gnas pas/ /chos kyi dbyings kyi ye shes bsgom/ /de ltar sems can thams cad kyi/ /don dang bral ba'i rnal 'byor pas/ /sngon gyi smon lam rjes dran cing/ /sems kyi rgyun gyi dbang thob nas/ /sems can don ni rdzogs bya'i phyir/ /srid gsum
'byung ba'i khyad par gyis/ /don dam kun rdzob mya ngan 'das/ /bya ba nan tan dran par bya'o/ /de ltar rnam pa lnga po bsgom/ /yongs su brtags pa'i bsam gtan 'di/ /rnal 'byor pa la rab 'jug pas/ /dngos po gnyis la khyad par byas/ /yongs su dag pa'i ting nge
'dzin no/ / //de nas mngon par byang chub pa/ /rnam pa lnga po bsgoms nas ni/ /yi ge phreng ba'i khyad par gyis/ /'byung 'jug don la rab gnas pas/ /hUM zhes pa ni bsgom par bya/ /hUM las 'od zer rab 'phros pas/ /'od kyis rtse las lha yi tshogs/
grangs ni rdul snyed rab sprul nas/ /sangs rgyas zhing du khyab byas nas/ /sems can ma lus kun la khyab/ /de dag slar ni 'dus pa las/ /sems bskyed sdom pa bzung ba dang/ /rjes su yi rang gsol ba gdab/ /skyabs su mchi zhing sdig pa bshags/ /bdag dbul
la sogs rdzogs par bya/ /de nas hUM gi byin rlabs las/ /khro gtum mi thub zhal drug pa/ /zhing drug 'od kyis rab khyab ste/ /'dus pas ye shes rtse lnga pa/ /rdo rje chen po bsgom? par bya/ /de'i bum pa'i dkyil nyid du/ /yi ge mdog
dkar bruM bsam bya/ /de 'phros gyur pas rin po che/ /mchod rten lta bur rab tu bsgom/ /de nas h+ribsgom par bya ba 'di lta ste/ /dang po'i sangs rgyas bsgom par bya/ /sangs rgyas de'i snying ga ru/ /ye shes lnga'i bdag nyid de/ /gtso bo ye shes sems dpa' ni/ /'jam dpal snying gi zla steng bsam/ /de yi snying ga'i zla ba la/ /a ni yig 'bru mchog
bsgom bya/ /de las 'od zer rab 'phros pas/ /phyogs bcur 'gro ba'i don byas te/ /'dus pas bdag gi phung po bsregs/ /de nyid zhu las bskyed pa ni/ /thabs dang shes rab rang bzhin las/ /me yi lha ni bsgom par bya/ /shin tu ring pa grang rus can
dbu la ye shes sems dpas brgyan/ /phyag bzhi thor tshugs rgyan gyis bzhag /so so'i las dang mthun pa yi/ /kha dog ming gi rnam grangs kyang/ /bsdus na rnam pa bzhi ru 'dus/ /zhi ba'i me lha b+ha ba ka /rgyas pa la ni man ste/ /dbang la dmar ser du yang
bstan/ drag po la ni mngon spyod do/ /de yi snying gar zla ba bsam/ /de yi steng du yi ge a/ /de gyur bruM legs bsgom par bya/ /shin tu mdzes pa de las ni/ /khyad par che ba'i gzhal yas khang/ /gru bzhi pa la bsgo bzhi pa/ /twa ra na bzhis legs
mdzes pa/ /rin chen 'bar ba'i rgyan gyis brgyan/ /rnga ma? bril bu 'phan la sogs/ /de sogs glang seng rnams dang ldan/ /shin tu legs pa'i gzhal yas khang/ /shar ni gre ba'i sgo ru ste/ /de las gsum ye shes par bya/ /de dbus 'khor lo'i rim pa ni/
gsum mam bzhi 'am drug tu bshad/ /de las gzhan pa'i lha yi tshogs/ /a yi byin brlabs dag pa ste/ /so so sku gsung thugs ldan bya/ /de ltar rdzogs pa'i dkyil 'khor du/ /lha rnams 'khor lo rab ldan pas/ /bzhugs dang spyan drang la sogs dang/ /
rgyas gdab cho ga phun sum tshogs/ /ma lus par ni sngags pas byas/ /ting nge 'dzin gyi rim pa'o// //de nas ku sha'i rim pa yang/ /ku sha la so so'i sngags bzla zhing/ me thab kyi tha ma thams cad du yang rtse mos rtsa gnon par byas la bskor/ /rnal 'byor
ba'i gdan du yang gding/ mgo dang lus dang yan lag thams cad du yang gzugs par bya'o/ /de nas ku sha la ru ru su ru dzwa la tiShtha sid+d+ha lo tsa ne satwa artha s+tha d+ha ne swAhA/ zhes brjod de prok+Sha NAM bya'o/ /gu sha'i rim pa'o// //de nas me'i rim pa yang zhi ba'i me
ni rgyal po dang bram ze'i khyim nas blang ngo/ /rgyas pa'i me ni rje rigs kyi khyim nas blang ngo/ /dbang gi me ni smad 'tshong ma'i khyim nas blang ngo/ /drag po'i me ni yugs sa mo 'am gdol ba'i khyim nas blang ngo/ /yang ni zhi ba'i me ni shel las so/ /rgyas pa'i me ni btsugs
pa las so/ /dbang gi me ni gang? shing so sor sdud pa las so/ /drag po'i me ni lcags nag las so/ /de dag kyang cung? yang kyis dzwa la dzwa la zhes pa'i sngags kyis sbyar ro/ /zhi ba'i ni nub nas gzhug go /rgyas pa'i lho nas gzhug go /dbang ni shar nas gzhug go /de yang
rgyal rigs sam/ bram ze'i rigs kyis zhi ba'i me gzhug go /rje rigs kyi rgyas pa'i me gzhug go /smad 'tshong ma'i bu'i lam dmangs rigs kyi dbang gi me gzhug go /yugs sa mo 'am gdol ba mos drag po'i me gzhug go /me'i rim pa'o// //sreg
rdzas kyi rim pa yang dang por mar las dgang blugs bdun dbul/ de'i 'og tu mchod pa'i bye brag gi mchod/ de nas rgyas gdab/ de nas prok+Sha NaM bya/ de nas phyag byas la phyag rgya bzhi dang ldan pas bstim mo/ /de nas ye nas gnas pa'i lha rnams gnyis su med par byas la
de nas dril bu'i sgras mnyes par byas la/ de nas gzar bu gnyis kyi nang du ya bsams te/ de las bdud rtsir gyur par bsams lag pa'i gung mo sprad la rdo rje khu tshur gyis gzar bu bzang ste/ skor phyogs su mdun mang las dbul lo//
de nas yang lan cig / srid pa ngo bo nyid kyis dag /ngo bo nyid kyi srid bral byas/ /rang nyid dag pa'i sems dpa' ni/ /dam pa'i srid pa byed pa'o/ /zhes bstod do/ /de nas yang prok+Sha NaM bya/ any+tsa ma na ye byas la/ de nas mar dbul te/ namd+hA nI/ agna ye swAhA/ ha bya ka bya ti bya shAn+ti ku ru swAhA/ mar gyi'o/ /aoM sarba pA pa da ha na badzrA ya swAhA/ til gyi'o/ /aoM badzra sa ma ba de swAhA/ zho'i'o/ /aoM badzra b+hasmi ku ru swAhA/ autpa la'i'o/ /aoM badzra a aupuSh+Ta ya swAhA/ chags pa med pa 'bras kyi'o/ /aoM badzra a pra ti ha ta badzrA ya swAhA/ ku sha'i'o/ /aoM badzra bi dza ya swAhA/ 'bras kyi lag phan gyi'o/ /aoM badzra mA le puSh+Ta ye swAhA/ mngar gsum dang dkar gsum gyi'o/ /aoM badzra mahA be ga ye swAhA/
nas kyi'o/ /aoM badzra mahA ba la ya swAhA/ sran ma sha'i chan gyi'o/ /aoM badzra g+hasma re swAhA/ gro'i'o/ /aoM badzra yadz+nyA na swAhA/ yam shing gi dang au dum ba ra'i'o/ /aoM ti ti pri ya swAhA/ byang chub kyi shing la sogs pa'i'o/ /aoM badzra sarba tA ya swAhA/
n+ya gro d+ha'i'o/ /aoM badzra has ka rA ya swAhA/ a mri ta'i'o/ /de nas tha mar mar la yang mi gzi byin bskyed cing mchod pa'i phyir lan grangs nus tshad dbul lo// //de nas rdo rje dang dril bu gsol bas bstod de/ srid pa ngo bo nyid kyis dang/ /ngo bo nyid
kyis srid bral byas/ /rang bzhin dag pas sems dpa' ni/ /dam pa'i srid pa byed pa'o/ /de nas me lha bstod de/ tshangs pa'i 'jig rten mgon skyob pa/ /gzi brjid ldan pa me yi lha/ /'bar bcas sku ni rgyan gyis bzhag /dngos brjid rgyan ldan sa la dbang
sreg rdzas dbul zhing las kyang sgrub/ /zhi la sogs pa'i lha dpal te/ /ji ltar 'dod pa'i don bsgrub pa/ /gzi brjid rgyal la phyag 'tshal bstod/ /ces bstod de yang mchod bstod byas la de nas rdo rje gnod sbyin gyi sngags kyis btab pa'i ku shas thab
bsangs la/ me lha'i snying gar 'khor lo'i rim pa bsgom par bya'o/ /de'i khang pa hom? khung gzhal yas su bsams la/ de'i dam tshig sems dpa' i tshogs rgyas gdab po/ /de nas ye shes sems dpa' dgug gzhug cing dbang du bya ste/ nam mdun gyi nam mkha' la
nang du me lha'i kha chos zhugs te/ lha'i gzhal yas khang du rgyas btab la bzhag go /de nas prok+Sha NaM bya/ de nas dam tshig phyag rgya bstan/ /las kyi phyag rgya las la bzhag /chos kyi phyag rgya chos dang ldan par bya'o/ /yang dgug gzhug bya ba cing dbang du byas la de
nas dga' ba bskyed de gnyis su med par bstims? pas/ de nas prok+Sha NAM bya'o/ /de nas phyag byas te/ mar la gzar bu nyi shu rtsa gcig dbul te/ de'i 'og tu sreg rdzas rnams rim pa bzhin du dbul lo/ /de nas rdzogs pa dang/ yang srid pa rang bzhin nyid kyis dag pa
brjod/ /de nas rigs bsdud dam tshig bstan/ /dbang du bya ba bstod pa la sogs pa kun rdzogs par bya'o/ /de nas de dag rdzogs pa dang gshegs su gsol la bzod par gsol te/ ma 'byor pa dang ma tshang ba/ /gang yang bdag blo gti mug pas/ /bgyid dang bgyid du
stsal ba kun/ /de kun mgon pos bzod par mdzod de ces pas so/ /yang nas yang du mar bsreg cing/ /rim pas lha rnams mnyes par bya'o/ /dkyil 'khor gyi lha'i rim pa'o/ /me lha la ni tha mar yang/ /rdzas kyi lhag ma ci yod pas/ /me lha nyid la mchod bya ste/
rdzas ni thams cad bsreg byas nas/ /brgya rtsa brgyad du sbyin sreg bya/ /de nas slob mas bzod gsol to/ /rjes su yi rang zhes brjod do/ /rnal 'byor sngags pa blo ldan pas/ /slob ma shis par bya ba'i phyir/ /slob dpon gzar bu mar ldan du/ /slob mas me tog snyim bkod?
ste/ gzar bu mar ldan de ru blugs/ /slob dpon sngags dang ldan pa yis/ zhi bar gyur cig la sogs brjod/ /sngags agna ye swAhA zhes pas so/ /de nas snying gar lag pa brang bya ste/ /g.yon gyi srin lag g.yas pas
gzung/ de nas ci bder khyim du btang/ /khyim du phyin nas bkra shis brjod/ /slob dpon de la yon yang dbul/ /ci la dgyes pa phangs med dbul/ /de ltar byis na dngos grub thob/ /thal ba sogs phye sa tshon rnams/ /gar dang sil snyan ldan byas la
chu klung chen por bskyal bar bya'o/ /sdig pas mi gos ya kha med/ /las thams cad pa'i sbyin sreg ni gzhan yas shes par bya'o/ /de nas gnyis pa bstan byas te/ /slob ma chen po de la bstan/ /'khor lo rdzogs pa'i sbyin sreg 'di/ /kun dang thun
mong ma yin te/ /slob ma snying la bstan pa'i phyir/ /shin tu mi brtan nyams par 'gyur/ /nyams gyur nyes pa brjod mi yang/ /de bas bsgrims te spyad par bya'o/ /de nas rim pa gnyis pa'i sbyin sreg bya bar bshad par bya ste/ ye shes rtag gnas sbyin
sreg 'di/ /ye shes bzhi yi bdag nyid gzugs/ /phra mo sbyor la rab ldan pas/ /sngags pas rnal 'byor bsam gtan ni/ /slar ma'i don du 'di dag kun/ /ma lus par ni shes par bya/ /sngon ni me lha'i thugs ka ru/ /shes rab kyi ni 'khor lo bsgom/ /
bcu gnyis sa la rab gnas pa/ /'khor lo'i lte ba'i rtsi bas dang ldan/ /'khor lo de la bsam bya ba/ /rten 'brel bcu gnyis sar ldan pa'i/ /'khor lo 'dir ni gyur pa'o/ /a las bskyed pa'i 'khor lo ni/ /cibs drug kha dog drug ldan pa/ /mu khyud
bzhi dang rab tu ldan/ /de dbus dkar po'i yi ge a/ /bsgoms nas phyogs bcur rab spros pa/ /las byas slar 'dus gnas su thim/ /thim pas ye shes sems dpa' yi/ /sngags ni 'khor lo bzhi la bsgom/ /dang po'i 'khor lo'i rim pa la/ /aoM sarba d+harmma
a b+ha ba ni shud+d+ha badzra a A aM am amu khyud gsum pa la/ /ye shes sems dpa' sku yi sngags/ /phreng ba'i yi ge 'di dag go /aoM a A sarba ta thA ga ta h+ri da ya/ ha ra ha ra/ aoM hUM h+rId +hA tu dz+nyA na garb+ha Ala/ sbyin sreg ga ni rdzas de dag /sngon bzhin rim pas dbul bar bya/ /des ni sngags kyi dngos grub thob/ /sbyin sreg bya ba'i rim pa ni/ /dang po 'khor lo rnam pa bzhi/ /rim bzhin sngon ltar bsgom par bya/ /'khor lo thog ma nas brtsams te/ /yi ge rim bzhin
por bya/ /au tsa ta dang pa ta yi/ /shun tri sogs ma lus te/ /bdag gis sbyin sreg dbul bar bya/ /de nas mar nas rim bzhin dbul/ /mkhas pas sbyin sreg bul bar bya/ /de nas tshig tu 'di yang brjod/ /a ni yig 'bru kun gyi mchog /ye shes me ste stong rang
bzhin/ /de la sbyin sreg bdag bgyid na/ /las kyi 'bras bu mchis par mdzod/ /zhes pa'i rjes la bstod tshig bya/ /stong pa chen po'i ye shes sku/ /de kho na nyid rnam par dag /ngo bo gnyis med yi ge a/ /stong nyid las byung khyod la 'dud/ /ces pa dang/ sa
mchog bcu gnyis rab rdzogs pa/ /ye shes chos dbyings brjod med pa/ /ye shes lnga'i rang bzhin aoM/ /'khor lo dang po la bstod pa'o// //'khor lo gnyis pa la bstod pa ni/ /sa yis rab dbye sgra dang ldan/ /yi
ge 'khor lo nyid la rdzogs/ /yan lag spro bsdu gsung gi sku/ /gsung gi 'khor lo khyod phyag 'tshal/ /rigs dang mdog dang khyad par gyis/ /nyon mongs gcod pa'i rtse mo can/ /gzhon pa'i yi ge 'bru mchog la/ /rnon po'i gsung la phyag 'tshal bstod//
ye shes 'khor lo rab rdzogs pa/ /ye shes sems dpa' sku yi 'brulo rdzogs la phyag 'tshal bstod/ /de ltar bstod pa byed tsam na/ /'khor lo'i yig 'bru de dag kyang/ /'od zer lnga dang yang dag ldan/ /g.yo 'gul gzi brjid chags par gnas/ /'od des 'gro ba'i sgrib pa sbyong/ /gzi brjid kyis ni bdag don 'grub/ /de
nas yang ni rim bzhin du/ /yang na yang du mi bskyor bar/ /grangs med ni skyo'i bar dag tu/ /rim pa bzhin du sbyin sreg bya/ /de ltar byas nas mchog gyur pa'i/ /dngos grub dam pa thob par 'gyur// //de nas shin tu rab rdzogs pa'i/ /'khor lo sbyin
srog byas pas na/ /shes rab rab rdzogs rnal 'byor pas/ /'khor lo bzhi yi rim pa sten/ /bcu drug phyed phyed thig le can/ /yan lag med pa'i rtsis las 'das/ /bsam gtan bzhi yi rtse mo can/ /ye shes me lce 'od rab gsal/ /yang dag mdza' la rnam
par gnas/ /'dod pa'i don grub dam pa'o/ /zhes pas rim pa bstan bya ste/ /'khor lo bzhi yi bdag nyid gzugs/ /bdag la rab tu gnas pa ste/ /bdag nyid me lha'i thugs kar gnas/ /gong du bstan bzhin bsgom par bya/ /lte bar shes rab 'khor lo ste/ /rtsibs bcu
gnyis dang yang dag ldan/ /a A aM abzhin du bsgom por bya/ /mgrin par shes rab 'khor lo 'di/ /rtsibs ni bcu gnyis yang dag ldan/ /de la yig 'bru bsam bya ba/ /aoM a ra pa tsa na bA gI shwa ra pradz+nyA na mapa la/ a A sarba ta thA ga ta h+ri da ya/ ha ra ha ra/ aoM hUM h+rI:/ b+ha ga bAn dz+nyA na mUrti mahA pa tsa sarba d+harmma ga ga na/ a ma la su pa ri shud+d+ha/ d+harmma d+hA tu dz+nyA na garb+ha a:/ zhes pa yi ni sngags 'bru 'dis/ /sa mchog bcu gnyis thob par 'gyur/ /'di'i sbyin sreg rim
pa yang/ /dang po sngon bzhin shes par bya/ /de nas yang dag sbyin sreg ni/ /ye shes me lce zhes gsungs pas/ /lte ba'i 'khor lo 'od du 'bar/ /'od des rang gi dngos po bsregs/ /de nas gyen du 'phros pa las/ /snying ga'i gnas su gnas nas bzhugs/ /shin tu 'od
ldan gzi brjid ldan/ /de nyid nas ni 'dres te yang/ /mgrin pa'i 'khor lo'i dbus na bzhugs/ /a yang 'od du rab tu 'bar/ /des ni thams cad kun kyang bsregs/ /de kun gong bu gcig tu gyur/ /de nas rim bzhin g.yas na bzhugs/ /a yig yi ge la zhugs
pas/ yi ge'i tshogs rnams 'od du zhu/ /'od kyi gong bur gyur pa las/ /mar khu bzhin du mar khu dbul/ /mar yang 'od kyi gong bur gyur/ /de nas yas mar rim pas zhugs/ /slar yang shes rab 'khor lo tshogs/ /sos nas sngon bzhin kho nar gyur/ /de la yang ni sbyin
sreg dbul/ /de nas yang ni rim bzhin du/ /gyen du zhugs shing 'od du 'bar/ /de ltar tshul bzhin ma nor par/ /shin tu goms pa gsal bar bya/ /de ltar rtag tu su bsgom pa/ /sa mchog bcu gnyis thob par 'gyur/ /gzhon nu'i lus la bzhin bzangs pa/ /ye
shes lnga yi bdag nyid las/ /thob par gdon mi za bar gsungs/ /bdag gzhan don gnyis su 'grub par 'gyur/ /bde ba'i lus kyang thob par 'gyur/ /thams cad mkhyen pa 'od gsal ba/ /ye shes de nyid rdzogs par 'gyur/ /'di dag
rtag tu sa bsgom pa/ /ji ltar 'dod pa'i sku thob 'gyur/ /sbyin sreg cho ga rab rdzogs pa/ /rim gnyis ? la gnas pa 'di/ /rang gi ye shes 'jig byed pa/ /rgyud 'grel mi 'gal lung dang ldan/ /bla ma'i 'dod gzhung 'di dag kyang/ /rang dgar ma byas bka'
la brten/ /blo zhan gyur gyi don ldan 'byung/ /de bas sbyin sreg gsal phye nas/ /'di la dge ba ci yod la/ /rnal 'byor 'di la dad pa dang/ /'di yi 'dod phyogs bsgom pa rnams/ /'jam pa'i rdo rje 'grub par shog /rim pa gnyis kyis phye ba'i sbyin sreg cho ga
rgyas pa rdzogs so/ / //slob dpon chen po rin chen gling na gnas pa dpal ldan byang chub mchog gis mdzad pa/ rgya gar gyi mkhan po smri ti dz+nyA na kIrtis bsgyur ba'o// (//'phags pa 'jam dpal phyir dkyil 'khor gyi cho ga bzhugs so// //)
rgya gar skad du/
CLOSE WINDOW