བོད་ཡིག

e-texts based on the ACIP/ALL Input

/ (//mtshan yang dag par brjod pa bklag pa'i sgom kho na bzhugs so//) //'jam dpal ye shes sems dpa' la phyag 'tshal lo/ /bsgom pa 'di ni slob dpon gyi man ngag tu byas pa yin te/ 'jam dpal ye shes sems dpa' bsgom par 'dod pa'i rnal 'byor pas/ /dang por 'jug pa byang chub tu sems bskyed par bya ste/ /de la zhugs te 'jam dpal ye shes sems dpa' mngon sum du byas nas kyang/ sems can skyabs dang dpung gnyen med pa srid par lhung zhing ma grol ba rnams kyi don bya bar bsam mo/ /de ltar sems can gyi don du bya ba'i thabs kyang bsdu ba'i dngos po bzhes byas te/ de ni mdo sde'o/ /de nas bsod nams kyi tshogs yan lag bcu bsgoms te/ phyag btsal ba dang/ mchod pa dang sdig pa bshags pa dang/ rjes su yi rang ba dang/ dge ba'i rtsa ba bsngo ba dang/ gsum la skyabs su 'gro ba dang/ lam bsten pa dang/ byang chub tu sems bskyed pa dang bcu bsgom mo// //de la phyag btsal ba ni rang gi snying khar zla ba'i dkyil 'khor gyi steng du yi ge a dkar po bsgom/ /a de las 'od zer phyogs bcur 'phros pas phyogs bcu nas sngon lhun gyis grub pa'i sangs rgyas dang/ byang chub sems dpa' chen po dang/ 'phags pa nyan thos dang/ rang sangs rgyas thams cad spyan drangs te/ mdun gyi nam mkha' la bzhugs su gsol la/ /rang gi rdo rje slob dpon gang yin yang de dag dang lhan cig tu zhugs par bsams la/ de dag gi mdun du thal mo sbyar la phyag btsal bas bya'o/ /de ltar phyag btsal nas mchod pa phul te/ rnal 'byor pa dag gi thugs kar/ yi ge a bsgoms la de las kyang 'od zer spros te/ mchod pa rnam pa lnga me tog gi gdugs dang/ ba dan dang/ rgyan dang phreng ba la sogs pa dang/ spos dang rang bzhin gyis dri zhim po sbyar ba'i dri dang/ gyur pa'i dri dang spos rgya dang/ mar me'i phreng ba dang/ dri chab dang lha bshos dang/ gdugs dang rgyal mtshan la sogs pa nam mkha' i sprin phung tsam rgya mtsho ltar gtibs pas mchod par bsgom/ de nas sangs rgyas de dag gi spyan sngar sdig pa bshags te/ dus gsum du bdag gi sdig pa byas pa/ gzhan byed du stsal ba dang/ byed pa la dga' bar sbyor ba dang/ dngos po gzhi dang 'jug pa dang/ bcas pa thams cad bshags te/ dran pa ni khas blangs ma dran pa ni bsdus te/ 'gyod pa skyes nas phyis mi bya bar sdom pa blangs nas bshags pa'o/ /de yang bshags pa'i gnas 'phags pa dang/ bshags bya dang/ bshags pa po rnams mi dmigs par bsgom mo/ /de nas sangs rgyas dang byang chub sems dpa' rnams dang/ 'phags pa nyan thos dang/ rang sangs rgyas dang/ rnal 'byor ba'i dge ba'i rtsa ba 'dod chags dang zhe sdang dang gti mug gsum gyis ma 'dres pa la/ phrag dog med pa'i dga' ba dang/ spro ba ni rjes su yi rang bar bsgom pa'o/ /de nas dge ba'i rtsa ba bsngo ba ni/ bdag gi dge ba'i rtsa ba ci bgyis pa'i bsod nams kyis sems can thams cad bla na med pa'i byang chub thob par gyur cig par bsngos la bsgom mo/ /de nas gsum la skyabs su 'gro ba bsgoms te/ sangs rgyas ni 'jam dpal ye shes sems dpa' bsnyen rten la skyabs su 'gro ba bsgom mo/ /chos ni chos bsgom pa dag med pa'i chos la brten cing bsgom la skyabs su 'gro'o/ /dge 'dun yang nyan thos dang/ rang sangs rgyas kyi dge 'dun la skyabs su mi 'gro ste/ sa bcu pa'i byang chub sems dpa' la brten cing bsgoms te skyabs su 'gro ba bsgom mo// /de la lam bsten pa ni bla na med pa'i sangs rgyas grub pa'i lam rdo rje theg pa'i don 'jam dpal sgyu 'phrul dra ba'i ting nge 'dzin bsgom zhing mtshan brjod pa ni lam bsten pa'o/ /byang chub mchog tu sems bskyed pa ni bdag gi sems can thams cad la bskyab pa'i don du sangs rgyas par bya'o/ /sems can thams cad kyi don bya'o bar bsgom par bya'o/ /sangs rgyas nas kyang sems can rnams ma rgal ba bsgral ba dang/ ma grol ba rnams dgrol ba dang/ dbugs ma phyung ba rnams dbugs dbyung ba dang/ yongs su mya ngan las ma 'das pa rnams yongs su mya ngan las 'da' bar bya'o bar bsgom par bya'o/ /de ltar bsod nams kyi tshogs yan lag bcu bsgoms nas gsol ba gdab par bya ste/ sangs rgyas dang byang chub sems dpa' thams cad bdag la dgongs su gsol zhes bya'o/ /de nas dam bca' bar bya ste/ bdag ming 'di zhes bya bas bla na med pa'i byang chub sems de ring phyin chad skyed par bgyi'o/ /ji ltar dus gsum mgon rnams kyi/ /byang chub sems ni bskyed pa bzhin/ /de bzhin bla med byang chub sems/ /dam pa bdag gis bskyed par bgyi/ /bslab pa yi ni tshul khrims dang/ /dge ba'i chos ni bsdud pa dang// sems can gyi don gyi tshul khrims gsum/ /bdag gis brtan por so sor bzung/ /de nas rigs lnga'i sdom pa bzung ste/ 'di ni rnam par snang mdzad kyi/ /sangs rgyas chos dang dge 'dun dang/ /bla na med pa'i dkon mchog gsum/ /sdom pa sangs rgyas sbyor bskyed pa/ /'di ni bdag gis bskyed par bgyi/ /rdo rje rigs kyi sdom pa bzung/ /rdo rje dril bu phyag rgya gsum/ /bdag gis mi gtang bzung bar bgyi/ /rin po che'i sdom pa bzung/ /sbyin pa rnam bzhi dus drug tu/ /brtan po nyid du sbyin par bya/ /pad+ma rigs kyi sdom pa bzung/ /phyi dang nang dang gsang ba gsum/ /dam chos so sor bzung bar bgyi/ /las kyi rigs kyi sdom pa bzung/ /gong du ma byung ba'i lhag ma kun 'di sems can don bya ba dang/ mi dge ba bcu spang ba dang/ 'khor ba mi spang ba dang/ mya ngan las 'das pa dang du mi len pa dang/ theg pa chung ba dang 'jigs pa'i sa spangs pa dang/ lha dang lha ma yin dang/ gdon la sogs pa'i phyag rgya mi smad pa dang/ de ring phan chad bla na med pa'i byang chub ma thob kyi bar du gzung bar bya'o/ /zhes dam bca' o/ / de nas byang chub mchog tu sems bskyed de/ ma rgal ba rnams bsgral ba dang/ /ma grol ba rnams grol ba dang/ /dbugs ma phyung ba rnams dbugs dbyung ba dang/ /yongs su mya ngan las ma 'das pa rnams yongs su mya ngan las 'da' o/ /zhes sems bskyed do/ / de yan chod bsod nams kyi tshogs bsgom pa'o/ /don dam pa byang chub kyi sems ye shes kyi tshogs bsgom pa ni/ dang por mngon par byang chub pa lnga bsgom pa yin la/ /de ni ye shes lnga bsgom pa yin te/ dang po chos thams cad mi dmigs la mi rtog pa/ rang bzhin med pa nam mkha' dang 'dra ba tha snyad tsam du yod la/ don dam par rang bzhin med pa de bzhin nyid rang bzhin gyis 'od gsal bar bsgom/ de nas me long lta bu'i ye shes bsgom ste/ dper na me long g.ya' dag pa'i nang du/ gzugs brnyan snang zhing gsal ba ltar rang bzhin gyis 'od gsal ba/ de las chos kyi dbyings rgyu dang mthun pa'i rnam par smin pa'i ye shes de las/ 'jig rten gyi rang bzhin gyi sems can gyi gang zag /phung po dang chos thams cad ji ltar yin pa'i chos nyid kyis dang de la phyin ci ma log par snang ba dang/ sems rnam par dag pa log rtog glo bur gyi dri ma dang/ 'dra bas bsgribs pa tsam yin la/ sems can gyi sems chos kyi rang bzhin du gsal bar bsgom mo/ /sems can gyis de ltar ma rtogs te/ 'gro ba las mi thar pa la snying rje chen po bskyed de/ 'gro ba las thar par bya'o zhes bsgom mo/ /de nas mnyam pa nyid kyi ye shes chos thams cad bdag med par bsgom ste/ chos ni phung po dang/ khams dang skye mched la bya/ mu stegs pas brtags pa'i gang zag tu lta ba med pa nyan thos pa'i chos rdul tsam du yod par lta ba'i bdag med par lta ba dang/ sems tsam pa'i sems yod par lta ba de yang bdag med/ chos thams cad la bdag med par bsgom/ de yang bdag tu 'dzin pa med pa dang/ gzhan med pa dang/ bdag gzhan med pa dang/ chos thams cad bdag med par mnyam pa'o/ /mdor na rnam par thar pa'i sgo gsum du bsgom/ /aoM a kA ro mu khaM sarba d+harmmA NAM A dya nu tya pa na na twAta/ ces pas byin gyis brlab po/ /de la a ni a a nu ta pan twAta/ ces pas ste/ chos thams cad ma skyes pa stong pa nyid ces bya ste/ bdag gzhan stong pa nyid du mnyam par bsgom mo/ /de'i 'og tu so sor kun tu rtog pa'i ye shes bsgom ste/ de ni bdag dang gzhan du phye ste/ gang zhe na/ gzung ba dang 'dzin pa dag pa'i mi rtog pa'i dang las bdag dang gzhan du yang dag pa'i kun rdzob tsam du phye ste/ rang gi mtshan nyid du bdag don bya ba'i gnas sems can gzhan mtshan ma med pa'i sgo nas/ so sor phye zhing brtag par byas nas bsgoms nas/ spyi'i mtshan nyid don dam par mtshan ma med par shes pa'i so sor kun tu rtog pa'i ye shes so/ /de'i dang las shin tu rnam par dag pa'i chos kyi dbyings kyi ye shes bsgom ste/ gzung ba dang 'dzin pa las 'das pa gcig dang du ma dang shin tu bral ba rnam par dag pa/ chos kyi dbyings kyi ye shes stong pa nyid bco brgyad kyi rang bzhin nam/ rnam par thar pa bzhi'i rang gi ngo bo mi dmigs par bsgom mo/ /de'i ngang las smon lam dang thugs rje'i dbang gis/ byang chub sems dpa' dang/ rnal 'byor pa rnams kyis 'gro ba'i don bya ba'i phyir/ bya ba nan tan gyi ye shes bsgom ste/ dag pa 'jig rten pa'i ye shes 'gro ba'i don bya ba'i rgyu bdag dang mtshan ma med bzhin du so sor dmigs nas/ mi dmigs pa'i snying rje chen pos don bya bar dran te/ sprul pa sna tshogs pas sprul cing spros nas sems can srid pa las bsgral te/ 'od zer gyis ngan song gsum la khyab nas sdug bsngal nye bar zhi bar byas nas/ sems can rnam par grol nas lha dang mi la bkod de/ de nas so so'i dbang po rim pa bzhin du dam pa'i chos kyi phyag rgya ste/ theg pa gsum gyi chos kyis grol bar byas nas/ bla na med pa'i byang chub thob par bya ba dang/ nyan thos rnams sems can gyi don la bcug nas/ theg pa chen po la bkod pa dang/ byang chub sems dpa' rnams srid pa la chags pa la stong pa nyid kyi don bstan nas sangs rgyas par bya'o bar bsgo ba ni bya ba nan tan gyi ye shes bsgom pa'o/ /de ltar 'jug pa byang chub kyi sems dang/ smon pa byang chub kyi sems kun rdzob ste/ des ni bsod nams kyi tshogs dang/ don dam byang chub kyi sems ye shes kyi tshogs rnam gnyis bsgom pa bstan nas// // da ni dag pa 'jig rten pa'i ye shes kyis gzhi'i ting nge 'dzin bsgoms te/ bdag gi sems gzung 'dzin rnam par dag pa'i ye shes las/ khro bo'i sa bon hUM sngo nag sangs rgyas kyi zhing drug khyab pa tsam zhig bsgom mo/ /de'i phro 'dus sangs rgyas kyi zhing du khyab nas sems can gyi don byas te/ slar hUM la thim pa las khro bo'i rdo rje rtse lnga pa sangs rgyas kyi zhing drug khyab pa ste/ de ni nyon mongs pa can gyi 'jig rten pa de 'dul ba'i don du bum pa la khro bo zhal drug ste/ shar gyi dbu sngo/ g.yas g.yon dkar/ lho ser nub dmar byang ljang gu'o/ /rtse mo lnga yar lta ba ye shes lnga/ mar lta ba rigs lnga'i rang bzhin no/ /rdo rje'i sa gzhi dang/ rdo rje'i ra ba dang/ rdo rje'i dra ba'i spubs su gyur par stong par bsgom mo/ /de'i nang du bruM dkar po las rin po che'i mchod rten kha dog bzhi dang ldan pa/ tshad stod gsum gyi 'jig rten khyab pa zhig bsgom mo/ /de'i bum pa'i nang du yi ge h+ri las chos kyi 'byung gnas dbyibs zur gsum du bsgom mo/ /de'i nang du yi ge a las kha dog sna tshogs rdo rje rgya gram bsgom mo de'i dbus su yi ge bruM dkar po las gzhal yas khang gru bzhi pa twa ra Na dang bcas par bsgom mo/ /de yang sangs rgyas dang sems can chos nyid du mnyam pas gru bzhi'o/ /dran pa nye bar gzhag pa'i rang bzhin gyis shar gyi sgo'o/ /yang dag par spong ba bzhi'i don gyis lho'i sgo'o/ /rdzu 'phrul gyi rkang pa bzhi'i don gyis nub kyi sgo'o/ /dbang po lnga'i rang bzhin gyis byang gi sgo'o/ /stobs lnga'i rang bzhin gyis sgo srungs bzhi'o/ /byang chub kyi yan lag bdun gyis dra ba dang dra ba dra phyed pa'o/ /'phags pa'i lam yan lag brgyad gdugs dang me tog gi phreng ba'o/ /me tog lta bu'i ra ba ye shes kyi rang bzhin gyis me long dang rin po che'o/ /gsung rab yan lag bcu gnyis kyis sems can la chos ston pas/ 'dul bas 'dul ba'i rang bzhin dril bu dang dar gyi cod pan no tshogs gnyis rdzogs par bsams pa gsum rtseg tu gyur pa'o/ /chos kyi dbyings kyi rang bzhin gyi 'dud rtsi'i gtsug tor tu gyur pa'o/ /rnam par thar pa brgyad kyi rang bzhin gyis twa ra Na'o/ /ting nge 'dzin mu ma chad pa bsgoms pas mu khyud ma chad pa'o/ chos kyi 'khor lo bskor ba'i brtags rdo rje phreng ba'o/ /ye shes lnga yi rang bzhin gyis 'od lnga'i kha dog gis brgyan pa'o/ /de'i nang du re mig dgu snam bu dang ldan pa la dbus su seng+ge'i khri mi 'jigs pa bzhi'i rang bzhin no/ /stobs bcu dang ldan pa'i rtags su shar du glang po che'o/ /rdzu 'phrul gyi rkang pa bzhi'i rang bzhin gyis lhor rta'o/ /dbang bdu'i? rang bzhin gyi nub tu rma bya'o/ /phrin las rnam pa bzhis 'gro ba'i don byed pa'i rang bzhin gyis byang du nam mkha' lding gi khri'o/ /de dag gi steng du rin po che'i khri dang pad+ma'i gdan dang zla ba'i gdan rtsegs pa'o/ /de dag gi phyogs bzhi thams cad dang/ mtshams kyi re mig dang snam bu dang gru chad pa la zla ba'i gdan bsgom mo/ /de la pad+ma ni thabs sna tshogs kyis 'gro ba'i don mdzad pa'o/ /zla ba ni dge ba'i rtsa ba byang chub kyi myu gu bskyed pa'o/ / //de nas dbus su seng+ge dang zla ba'i gdan la bdag gi sems gzung 'dzin dag pa'i ye shes de nyid yi ge a dkar po cig tu bsgoms la/ de'i 'phro 'du las rnam par snang mdzad chen po byang chub sems dang rang bzhin gcig pa/ zhal bzhi phyag brgyad pa zhal phyogs bzhir gzigs pa/ rgyan mi mnga' ba zhi ba'i rang bzhin dbu la ral pa gyen du 'khyil ba chos kyi dbyings kyi ye shes dang dbyer med pa'i don sku mdog dkar po chos nyid la nyon mongs pa'i skyon gyis ma gos pa'i rtags/ phyag brgyad thugs kan byang chub kyi mchog gi phyag rgya bcas pa la snying rje dang shes rab gnyis su med pa'i rang bzhin du bsgom mo/ /de'i thugs kar yi ge h+ri las dang po'i sangs rgyas sku mdog dkar po zhal bzhi phyag brgyad pa dbu lnga la gtsug gi rta mgo dkar po ste/ khams gsum thams cad zil gyis gnon pa 'am dbang du sdud pa'i rang bzhin no/ /zhal shar phyogs su gzigs ba sde/ lho ser nub dmar/ byang ljang ba rigs lnga'i rang bzhin no/ /phyag g.yas pa bzhin ral gri bsnams pa/ g.yon pa bzhin shes rab kyi pha rol tu phyin pa stong phrag brgya pa duM pa re re bsnams pa'o/ /nyon mongs pa gcod pa'i ral gri dam pa'i chos ston pa'i rang bzhin dang ldan pas po ti bsnams pa/ chos kyi sku'i rang bzhin yin pas sku mdog dkar po nyi ma'i dkyil 'khor dang ldan pas/ sna tshogs kyi na bzas brgyan pa/ phung bu lnga dang ldan par bsgom/ de'i thugs kar shes rab kyi 'khor lo bsgom/ rtsibs drug la shan gyi rtsi bas ni sngo/ g.yas g.yon ni dkar/ lho ser nub dmar/ byang ljang/ mu khyud bzhi yang dkar/ rigs drug gi rang bzhin yin pas rtsi bas drug go /rten cing 'brel ba'i rang bzhin yin pas 'khor lo mu khyud dang po la/ aoM sarba d+harmAbcu gnyis kyi sa bon/ a A ai a'i au a'u a ao/ ao aau aM agi rtsibs la/ aoM dz+nyA na kA yA ya te na makhyud phyi ma la ka kha sum cu rtsa gnyis dgod des mtshan sum cu rtsa gnyis kyi sa bon yin no/ /'khor lo'i lte ba'i zla ba'i dkyil 'khor de'i steng du yi ge a las bskyed pa'i 'jam dpal ye shes sems dpa' sku mdog dkar po zhal drug pa/ phyag gnyis pa/ nyi ma'i dkyil 'khor dang ldan pa byis pa'i rgyan gyis brgyan pa/ gtsug phud lnga dang ldan pa phyag gnyis ni autpa la bsnams pas te/ gnyis su med pa'i ye shes kyi rang bzhin dang ldan pa'i don to/ /de'i thugs kar zla ba'i dkyil 'khor gyi steng du yi ge a dkar po bsgoms te/ thams cad mkhyen pa lam mkhyen pa dang rnam pa thams cad mkhyen pa nyid dang/ gsum gyi rang bzhin can nyan thos dang rang sangs rgyas thams cad bskyed pa'i gnas byang chub sems dpa' thams cad skyes/ de bzhin gshegs pa thams cad rang bzhin bsgom pa'o/ /a de las 'od zer phyogs bcur 'phros pas/ dang por bskyed pa'i rim pa las phyir 'phros pa'i mchod rten gyi bum pa'i nang nas phyir 'phros pas/ stong gsum gyi stong chen po'i 'jig rten gyi khams su sems can nyon mongs pa lnga dang/ tshul khrims 'chal ba la sogs pa dag par byas te/ sangs rgyas par byas nas/ de las kyang phyir 'phros nas rdo rje khro bo'i zhal nas byung ste/ phyogs bcu'i 'jig rten du khyab nas sems can gyi don bya ste slar 'dus pas rim par yi ge a la thim par byas/ rdo rje dbyings kyi lha rnams su sprul la/ sangs rgyas mchod pa dang/ sems can gyi don byas nas yang slar 'dus pas sems ma rdo rje ma la sogs pa bzhi ni dbus kyi gtso bo la bskor/ rigs lnga de bzhin gshegs pa'i rigs ni gtso bo la thim par bya'o/ /rigs bzhi ni glang po che'i khri la mi bskyod pa la 'khor sems dpa' bzhis bskor ba/ rta'i khri la rin chen 'byung ldan la 'khor sems dpa' bzhis bskor ba/ rma bya'i khri la snang ba mdza' yas la 'khor sems dpa' bzhis bskor ba/ nam mkha' ? gi khri la don yod grub pa la 'khor sems dpa' bzhis bskor bar bsgom mo/ /mtshams kyi re mig bzhi la sgeg mo la sogs pa bzhi'o/ /snam bu la mchod pa'i lha mo bzhi dang/ byang chub sems dpa' bcu drug go /sgo bzhi'i gnas su sgo ba bzhis bskor bar bsgoms la/ / //de nas 'di ltar sangs rgyas bcom ldan 'das zhes pa nas theg pa chen po'i tshul gyi mchog ces pa yan chad pa klag par bya'o/ /de nas mtshan gyi yig 'bru 'od zer dkar po spros te 'od zer gyi sems can gyi nyon mongs pa gti mug la sogs pa dag par byas nas yang dag pa'i don dang ldan par byas te/ slar 'dus pas mtshan gyi sngags brgyad cu rtsa drug yod pa rigs lngar phye te phyogs bzhi nas dkyil 'khor gyi lha la thim par bya'o de nas rnam par snang mdzad chen por mi snang bar bya ste/ dbus kyi gdan la yi ge a las rnam par snang mdzad sku mdog dkar po la/ zhal gcig phyag gnyis pa dbu la ral pa gyen du 'khyil pa rgyan mi mnga' ba phyag gnyis byang chub mchog gi phyag rgyar mdzad pa bsgom mo/ /de'i thugs kar zla ba'i dkyil 'khor gyi steng du yi ge d+hIrtsibs dkar po bcu la/ aoM pradz+nyA dz+nyA na mUrtA ya te na mapa'i rigs kyi 'jam dpal dkar po phyag g.yas na ral gri g.yon na 'khor lo bsnams pa zur phud lnga dang ldan pa/ gzhon nu rgyan gyis brgyan par bsgom mo/ /de'i thugs kar zla ba'i dkyil 'khor gyi steng du yi ge a dkar po bsgom/ de la 'od 'phros pas gong ma'i rim pa dang 'dra ba rnam par snang mdzad 'phros pas sems can gyi nyon mongs pa'i gti mug dag par byas te/ slar rim par 'dus pas yi ge a la thim ste/ mtshan gyi sngags ni sangs rgyas rnam par snang mdzad che/ zhes pa nas/ rdo rje lcags kyu zhags pa che zhes pa'i bar du bklag par bya'o/ /de nas sngags brjod tsam na sngags las 'od zer dkar po rnam par snang mdzad med pos spros pas/ sems can kun de bzhin gshegs pa'i rigs su sangs rgyas par bya ste/ slar 'dus las mtshan gyi sngags brgyad cu rtsa gcig yod pa rigs lngar phye ste/ sum cu rtsa bdun de bzhin gshegs pa'i rigs la thim/ rigs bzhi'i sku phyag rgya sum cu rtsa drug thim par bya'o/ /de nas rnam par snang mdzad bsdus te shar du bkod nas/ dbus kyi yi ge hUM las mi bskyod pa sku mdog sngon po zhal gcig phyag gnyis pa rgyan mi mnga' ba ral pa'i dbu rgyan can phyag g.yas pas sa gnon pa bdud dang bgegs kyi mi bskyod pa'i brtags/ phyag g.yon thugs kar ting nge 'dzin gyi tshul du bzhugs pa/ de'i thugs k ar zla ba'i dkyil 'khor de'i steng du yi ge d+hIyig 'bru re re dgod/ phyi ma gong ma dang mthun par bya/ dbus kyi lte ba'i yi ge hUM las bskyed pa'i 'jam dpal ye shes sems dpa' sdug bsngal gcod pa zhes bya ba sku mdog sngon po rgyan gong dang 'dra ba/ phyag g.yas ral gri/ g.yon rdo rje bsnams pa/ thugs kar zla ba la hUM sngon po bsgom mo/ /de las 'od zer rim par phyir 'phros pas mi bskyod pa khro bo'i rigs kyi 'od 'phros te/ sems can thams cad kyi zhe sdang dag par byas te/ slar 'dus pa las yi ge hUM las thim par byas la mtshan gyi sngags ni/ rdo rje 'jigs byed 'jigs par byed/ ces pa nas sgra dang ldan pa rnams kyi mchog ces pa'i bar du bklag par bya'o/ /'od zer sngon po khro bor spros nas sems can gyi don byas nas/ slar 'dus pa las mtshan gyi sngags bdun cu rtsa gnyis yod pa rigs lngar bsgoms la/ phyogs bzhi nas dkyil 'khor gyi lha la thim par bya'o/ /de nas mi bskyod pa slar bsdus te/ rang gi gdan la bkod nas rnam par snang mdzad nub kyi gdan la bkod de/ dbus kyi gtso bo la h+ri las snang ba mdza' yas bskyed/ sku mdog dmar ba shes rab kyi pha rol tu phyin pa'i rang bzhin las mi g.yo ba'i ting nge 'dzin gyi phyag rgya can bsgom mo/ /de'i thugs kar d+hIrab 'khor lo rtsibs brgyad pa kha dog dmar po/ aoM badzra tIk+Sh+NA ya te na mapad+ma thugs kar bsnams pa/ thugs kar zla ba'i gdan la h+rinas/ ye shes me lce 'od rab gsal yan chod brjod/ 'od zer dmar po spro bar bya'o/ /slar 'dus pa las mtshan gyi sngags ni nyis brgya bdun cu rtsa lngar bgos te/ dkyil 'khor la thim par byas te/ de nas snang ba mdza' yas rang gi gnas la bzhugs nas/ rnam snang lhor bkod de/ dbus kyi gtso bo yi ge a las bskyed pa rin chen 'byung ldan sku mdog ser po phyag rgya ni mchog sbyin mdzad par bsgom/ de'i thugs kar dang po'i sangs rgyas/ de'i thugs kar shes rab 'khor lo rtsibs brgyad pa/ aoM bA gI shA rwa ya te na maba/ de'i thugs kar zla ba'i dkyil 'khor la yi ge aoM/ de las rin chen 'byung ldan spro/ slar 'dus yi ge aoM la thim/ mtshan gyi sngags 'dod pa'i don grub dam pa ste/ zhes pa nas/ nor bu chen po rin chen zhes pa'i bar gyi sngags brjod nas/ 'od zer ser po 'phros te sems can gyi don byas/ slar 'dud pas mtshan gyi sngags brgya rtsa lnga rigs lngar bgos te/ dkyil 'khor gyi lha la thim par bya'o/ /de nas rin chen 'byung ldan rang gi gnas su bkod nas/ rnam par snang mdzad byang gi gdan la bkod de/ dbus su gtso bo yi ge a las bskyed pa/ don yod grub pa sku mdog sna tshogs te ljang gu /phyag gnyis skyabs sbyin gyi phyag rgya mdzad pa/ de'i thugs kar dang po'i sangs rgyas/ de'i thugs kar shes rab 'khor lo/ /ljang gu rtsibs brgyad pa/ aoM dz+nyA na kA yA y a te na makar 'phyar ba/ de'i thugs ka na zla ba'i dkyil 'khor la yi ge a de las don yod grub pa kho nas sems can gyi don gyi don byas/ slar rim pa 'dus pas yi ge a la thim par bya/ de nas mtshan gyi sngags sangs rgyas kun gyi rtogs bya ba zhes pa nas/ 'jam dpal dpal dang ldan pa'i mchog ces pa yan chad bklag go / yig 'bru las 'od ljang gu 'phros pas sems can gyi don byas slar 'dus pa las mtshan gyi sngags dgu bcu rtsa lnga rigs lngar bgos te/ dkyil 'khor la thim par bya'o/ /de nas don yod grub pa rang gi gnas su dgod de/ rnam par snang mdzad mi snang bar gyur nas/ dbus kyi gtso bo yi ge a las byang chub sems rdo rje bskyed de/ sku mdog dkar po rdo rje dril bu bsnams pa/ rigs lnga'i dbu rgyan can bsgom/ de'i thugs kar gong ma bzhin du dang po'i sangs rgyas/ de'i thugs kar shes rab 'khor lo rtsibs dgu pa/ aoM a ra pa tsa nA ya te na madkar po g.yon pas glegs bam bsnams nas thugs kar bzhag pa g.yas pa ral gri 'phyar ba/ de'i thugs kar zla ba'i dkyil 'khor la yi ge a bsgoms nas/ de las rdo rje sems dpa' spro bar bya/ sems can gyi nyon mongs pa thams cad zhi bar bya ste/ slar 'dus pas thugs ka'i a la thim par byas nas rdo rje dbyings kyi dkyil 'khor tshigs gcad brjod pa yin ta/ rdo rje sems dpa' dang rnam par snang mdzad chen po dbyer med pa'i phyir ro/ /'di ni spyi'i rnal 'byor yin pas 'di ltar brjod par bya'o rigs drug lha re rang gi yi dam byed pa'i tshe bsgoms nas brjod par bya'o/ /mtshan yang dag par brjod pa'i bklag pa'i sgom khog /slob dpon dpal ldan byang chub mchog gis mdzad pa rdzogs so// //rgya gar skad du/ Arya many+dzu sh+rI nA ma saM gI ti na ma ho ma kra ma/

CLOSE WINDOW