བོད་ཡིག

e-texts based on the ACIP/ALL Input

slob dpon 'jam dpal bshes gnyen gyis mdzad pa/ rgya gar gyi mkhan po su badzra dang/ bod kyi lo tsa ba chos kyi shes rab kyis bsgyur ba rdzogs so// //rgya gar skad du/ Arya many+dzu sh+rI nA ma saM gI ti tsak+Shu bi d+hi nA ma/ bod skad du/ 'phags pa 'jam dpal gyi mtshan yang dag par brjod pa'i spyan dbye ba'i cho ga zhes bya ba/ 'jam dpal gzhon nur gyur pa la phyag 'tshal lo/ /'khor ba'i rgya mtsho rgal dka' nas/ /mya ngan 'das pa'i skam sar byon/ /sangs rgyas sku lnga'i bdag nyid can/ /'jam dpal dbyangs la phyag 'tshal lo/ /gzhan la phan pa'i blo mchog gis/ /dkon mchog gsum gyi gzugs brnyan rnams/ /rab tu gnas pa'i cho ga ni/ /bzang zhing dge ba bshad par bya/ /de nas rdo rje slob dpon blo gros dang ldan pas/ /gtsug lag khang ngam sku gzugs la sogs pa'i sangs rgyas dang byang chub sems dpa' sogs pa'i gzugs brnyan ni glegs bam dang mchod rten la sogs pa rab tu gnas par bya bar 'dod pas/ ri bo 'am nags tshal la sogs pa'i gnas su bsnyen pa rgyas par byas la/ 'bad pa thams cad gyis bsgom bzlas bya'o/ /de la 'dir gang rab tu gnas pa bya bar 'dod pa de rnams sta gon du bya ste/ bdag tu bzung ba'i bgegs thams cad bskrad do/ /gu gul gyis bdug cing bgegs bskrad pa'i cho ga shas cher bya'o/ /bde bar gshegs pa rnams la 'di skad ces snyan gsan dbab par bya ste/ ji ltar dga' ldan gnas mchog na/ /bde bar gshegs pa bzhugs pa de/ /sgyu 'phrul lha mo'i lhums zhugs ltar/ /der nub bde gshegs thams cad ni/ /de bzhin gzugs brnyan 'di la ni/ /'jug pa shin tu mdzad du gsol/ /'di la sangs rgyas rtag tu bzhugs/ /byang chub sems ni bskyed pa dang/ /yon bdag rnams kyi don bya'i phyir/ /bdag gi sbyor ba 'di bgyis na/ /ci 'byor pa yi mchod pa rnams/ /me tog la sogs pa bzhes su gsol/ /bdag dang yon bdag bcas pa la/ /thugs brtse bar ni dgongs bcas nas/ / kun gyi 'di dang byin rlob cing/ /'di nyid du ni bzhugs par rigs/ zhes brjod la/ sku gzugs la sogs pa rab tu gnas pa gang byed pa de gshin rje gshed kyis bsrung zhing/ Adpa' i dkyil 'khor rigs bsdus pa zhes bya bas bris la/ /der bum pa thams cad bcug la/ dkyil 'khor de'i byang ngos su khrus kyi khang pa shin tu mdzes pa yid du 'ong ba/ gser gyi ka ba bzhi dang me tog gi chun 'phyad 'phyad ba/ dri zhim po can la sogs pa srog chags las ma byung ba'i dris chag chag btab la/ rin po ches spras shing gcal du bkram pa byas la/ khrus kyi khad pa gang yin pa de nyid rab tu gnas par 'dod pa'i lha rnams gang yin pa spyan drangs la tshul dang mthun par gzhag la sku khrus gsol ba ni tshigs su bcad pa dang rol mo'i sgra sna tshogs dang ldan pas khrus byas te/ ji ltar bltams pa tsam gyis ni/ /lha rnams kyis ni khrus gsol ltar/ /de bzhin bdag gis lha yi chu/ /dag pa yi ni sku khrus gsol/ /aoM sarba ta thA ga ta a b+hi She ka ta sa ma ya sh+ri ye hUM/ lugs ma yin na dngos su khrus bya/ de las gzhan pa gang yin na yang me long gi ngos la sran phye dang/ bag phye dang/ 'bras yos? dang/ yungs kar dang til mar dang/ 'o ma dang tsan dan dang ga bur btab la me tog dang bcas te ku sha'i bir gyis bkru bar bya'o/ /de yang 'di skad du/ ji ltar dam pa tog dkar dga' ldan nas lha mdzes lhums zhugs bltams la khrus gsol ltar/ sku gdung ring bsrel dri ma med par byas/ /sprul sku yid 'ong rnams la sku khrus gsol/ /phyogs bcu bdud rtsi dam pa'i char 'bebs pa/ /rgyal ba dam chos rnams la sku khrus gsol/ /aoM sarba ta thA ga ta purna du pa kro d+ha ye swAhA zhes bya ba dang/ de nas sngar bsnyen pa byas pa'i bum pa lha'i chus bkang la slob dpon gyis bzung nas me long la dri'i thig le lnga dang/ me tog gi tsham bu lnga dang bcas pa la 'di skad brjod de sku khrus gsol ba ni/ gzugs kyi phung po rnam dag pa/ /gti mug dri ma sbyong byed pa'i/ /chos kyi dbyings kyi ye shes kyis/ /dpal ldan sku'i sku khrus gsol/ /tshor ba'i phung po'i rnam dag pa'i/ /nga rgyal dri ma sbyong byed pa'i/ /mnyam pa nyid kyi ye shes kyis/ /dpal ldan yon tan sku khrus gsol/ /'du shes phung po rnam dag pa'i/ /'dod chags dri ma sbyong byed pa'i/ /so sor rtog pa'i ye shes kyis/ /dpal ldan gsung gi sku khrus gsol/ /'du byed phung po rnam bdag pa'i/ /phrag dog dri ma sbyong mdzad pa'i/ /bya ba nan tan ye shes kyis/ /dpal ldan phrin las sku khrus gsol/ /rnam shes phung ba rnam dag pa'i/ /zhe sdang dri ma sbyong mdzad pa'i/ /me long lta bu'i ye shes kyis/ /dpal ldan thugs kyi sku khrus gsol/ /aoM sarba ta thA ga ta bud+d+ha badzra ratna pad+ma karmma a b+hi She ka ta sa ma ya sh+ri ye hUM/ de'i rjes la ras gtsang ma bris bskus bas sku phyis te/ rgyal ba'i sku ni mkha' la zla bzhin gsal/ /sangs rgyas sku la dri ma mi mnga' yang/ /'gro ba'i bag chags ma lus bsal ba'i phyir/ /kha tshar ma nyams ras kyis sku phyis bas/ /sems can bag chags ma lus byang gyur cig /nir ma kA ya shud+d+honyahaM zhes pas sku phyis la/ rigs dang mthun pa'i na bza' rnams kyang dbul zhing bkra shis kyang brjod do/ /aoM dwi ban pa ye swAhA/ dris bsgo'o/ /aoM gand+ha ya swAhA zhes pas na gza' dbul/ aoM a b+ha ra Ni bi b+hu na ShA ya swAhA/ zhes bya bas byang chub sems dpa' rnams la rgyan dbul te/ 'gro kun yun du bskyang ba'i phyir/ /lha yi na bza' dam pa ni/ /bde bar gshegs pa rnams la dbul/ /ci bde bar ni bzhes su gsol/ /zhes pa dang/ byang chub yan lag rgyan gyur cing/ /'gro bas bsod nams thob bya'i phyir/ /bde gshegs sras la rgyan mchog dbul/ /ci bde bar ni bzhes su gsol/ /zhes pas rgyan gdags so/ /de nas dkyil 'khor spyan drangs la bdag nyid dkyil 'khor sgrub ste/ bdag nyid kyi 'khor lo la mchod pa rdzogs pa'i rjes la rab gnas kyi lha shin tu gsal bar byas te/ ye shes kyi 'khor lo bar snang la bsdus te/ spyan drangs la gnyis su med par bstims te dbang bskur rgyas btab la/ mchod pa shin tu rgyas par dbul ba ni dngos su 'byed pa'i mchod pa lnga dang/ yid kyis sprul pa'i mchod pa brgyad kyis yang dag par mchod par bya'o/ /gzhan yang sgra dang rol mo'i bye brag bsam gyis mi khyab pas kyang yang dag par mchod par bya'o/ /de ltar legs par mchod cing sbyin sreg gi las kyang brtsam par bya'o/ /de'i rjes la gtor ma rgya chen po yang bshams la gzhag go /de ltar ye shes sems dpa' bcug la nad par nyi ma shar kar spyan dbye bar bya ste/ bdag nyid rnam snang chen po'i ting nge 'dzin la gnas pas des gser la byas pa'i thur ma thogs la/ rgyal ba mkha' la byon pa'i thugs rje can/ sangs rgyas spyan la 'gag pa mi mnga' yang/ /sems can rnams kyi bag chags spyad slad du/ /bder gshegs rnams kyi spyan ni dbye bar gyis/ /sems can ldongs pa thams cad gsal gyur cig /aoM nir ma kA ya badzra tsak+Shu pra b+he sha bi sho d+ha na swAhA/ gser gyi snyan brud pa thogs la/ /rgyal ba'i snyan la 'gag pa mi mnga' yang/ /sems can thos pas yongs su phongs gyur te/ /rgyal ba chos kyi rnga brdungs ltar/ /de bzhin sems can kun don phyir/ /bde gshegs snyan ni dbye bar bgyi/ /chos kyi sgra rnams thos gyur cig /aoM nir ma kA ya ri bya karna ye swa b+hA ba shud+d+honyahaM/ gser gyi tsher gzungs thogs la/ /rgyal ba'i shangs la 'gag pa mi mnga' yang/ /'gro ba'i sems can don gyi phyir/ /zag bcas phung po'i dri ma spangs nas ni/ /rnam par dag pa dri med skyed byed ltar/ /rgyal ba'i shangs ni bdag gis dbye bar bgyi/ /zag med dri med dam pa tshor gyur cig /aoM nir ma kA ya d+ha bya? nA sa ye swAhA/ rin po che'i thur mar mnga' gsol la/ 'gro ba chos kyis phongs pa la/ /dam chos bsgrag par bya ba'i phyir/ /chos kyi ro ldan dag pa yis/ /'gro ba thams cad tshim mdzad ltar/ /ro mchog brgya ldan zhal zas rnams/ /dbul phyir zhal ni dbye bar bgyi/ /aoM nir ma kA ya aid ni bya mu kha ye swAhA/ /de nas rab byung gi gzugs yin na spu gri thogs la/ /ji ltar rang byung mchod rten du/ /ston pas khyim pa'i rtags spangs ltar/ /'gro ba'i sems can don gyi phyir/ /khyim pa'i rtags rnams spang bar bgyi/ /rnam sbyar dang bla gos gsol nas/ ji ltar sman pa'i rgyal po 'tsho byed kyis/ /rgyal ba'i sku la na bza' gsol ba ltar/ /de bzhin 'gro ba rnams la sman pa'i phyir/ /ngo tsha khrel yod gos mchog gsol bar bgyi/ /aoM nir ma kA ya to phyol tra pra na ye swAhA/ zhes par bya zhing dbul lo/ /aoM au pa su kA sa pa ri sa bar NaM ye swAhA/ zhes pas chu tshogs dang lhung bzed la sogs pa dbul lo/ /de nas thugs kar rdo rje dris bsgos pa bzung la/ /mtshan dang dpe byad la sogs pa bskyed de/ /dung dpal be'u g.yung drung 'khyil pa 'di/ /bkra shis rdzas brgyad dag gi rnam brgyan pa/ /rgyal ba'i thugs la rnam par rgyal gyur cig / aoM nir ma kA ya h+ri da shang mahA pu ru Sha lak+Sha ag shod+d+ha a nu byany+dza nabe'u la sogs pas brgyan pa ni shes par bya'o/ /glegs bam la rab tu gnas pa byed pa yin no/ rdo rje chos kyi ngo bo sangs rgyas snang ba mdza' yas nges par a las bskyed la ye shes sems dpa' bcug ste dbang bskur rgyas btab nas glegs bam du bya'o/ /de la na bza' dbul ba ni/ /byang chub yan lag rnam dag pa'i/ /dam chos gsung gi 'od zer gyis/ /na bza' dri ma med pa 'di/ /dam pa'i chos la ?dbul? gyi/ /aoM d+harma b+he b+hya pra ta swAhA/ /zhes bya bas dbul/ /de'i rjes la rdo rje theg pa gang yin pa des bsdams te/ mtshal lam sin d+hu ra'i rgya mtsho rim pa bdun du btab la/ aoM badzra mu dra band+ha ya a d+hi ti tiSh+Tha swAhA/ zhes brjod do/ /rab tu gnas pa de mchod rten yin na bde bar gshegs pa? gis lnga'i sangs rgyas su rdzogs par byas la ye shes sems dpa' yang nges par bcug nas dbang bskur rgyas btab nas mchod de bkra shis brjod la de rnams 'byung ba'i byang chub sems dpa' chen po'i mchod rten du dmigs la/ aoM a ra dze bi ra dze swAhA/ zhes bas sa dkar byug /aoM a ra ma ye swAhA/ zhes pas bre gzugs/ aoM tsakra bar ta na ye swAhA/ zhes pas 'khor lo gzugs so/ /aoM ts+tsha tra ye swAhA/ zhes bas gdugs dbul lo/ /aoM kuM bi ra d+hwa dza ye swAhA/ zhes pas rgyal mtshan gzugs/ /aoM pra ta ka ye swAhA/ zhes pas ba dan gdags/ aoM pa Tu pA ma laM pa ye swAhA/ zhes pas dar dbyangs gdags/ aoM puShpa mA la ye swA hA/ zhes pas me tog gi phreng ba gdags so/ /byang chub sems dpa' yin na khab dang bsnyung gu dang so mangs dbul/ /'gro ba sems can kun la phan pa'i phyir/ /rig pa'i gnas lnga dag la bslab bya zhes/ /ji ltar thugs dam rgya chen bzhes pa bzhin/ /mkho ba'i yo byad rnams kyang dbul bar bgyi/ /aoM ao sa su ka la sa pa ri ka ri ye swAhA/ de nas thams cad thun mong du yang mchod pa rgya chen pos mchod la/ gdugs gser gyi yu ba can la sogs bas mchod de/ 'byor ba dang ldan na sbyin sreg kyang rgyas par bya'o/ /ma 'byor na tsA? ru dbul bar bya'o/ /de nas rang gi dkyil 'khor gyi lha rnams gshegs su gsol te/ rdzogs sangs rgyas dang de yi sras/ /byang chub sems dpa' i tshogs rnams kun/ /rigs bsdus dkyil 'khor 'khor dang bcas/ /gang dag cho ga ma tshang ba/ /de dag bzod par mdzad du gsol kun tu zhi dang rgyas pa yi/ /yon dag tshe la zab mdzad nas/ /sangs rgyas yul du gshegs nas kyang/ /slar yang byon par mdzad du sol/ /sa dang chu dang me rlung gis/ /ji srid bskal pa 'jig pa ru/ /sangs rgyas kun gyi sku gzugs dang/ de srid bcom ldan bsrung bar mdzad/ /thugs bzang yid las byung ba yi/ /slob dpon slob mar bcas pa la/ /bu dang tsha bo bsrung mdzad nas/ /rab gnas dge ba gshegs su gsol/ /aoM badzra mukyi ye shes sems dpa' brten par bzhugs su gsol ba ni/ slob dpon dang yon bdag gnyis kas gdan khri la 'jus la me tog gi phreng ba dbul te/ de srid me dang chu dang ni/ /rlung gi bskal bas 'jig pa ru/ /sems can kun gyi don gyi phyir/ /bcom ldan khyod? ni bzhugs par mdzod ces brjod la/ phyag na rdo rje la mchod pa dbul zhing/ sprul sku bsrung bar mdzad du gsol/ /zhes brjod do/ de nas chos skyong gi srung ma phyogs skyong ngam/ mahA kA la 'am/ yang na gang yang rung ba la gtor ma rgya chen po dbul zhing/ sems can kun gyi don gyi phyir/ /sku gzugs bsrung ba'i las bcol bar bya'o/ /'gro ba sems can don slad du/ /bde gshegs rnams ni bzhugs bgyid par/ /bdag dang gzhan gyi don gyi phyir/ /sprul sku gzugs brnyan mthong bar mdzod/ /ces brjod do/ /gzhan yang yul phyogs de na gnas pa'i gnod sbyin pho mo la yang gtor ma gtags ched ched gtad do/ /gnas brtan dang khyim pa'i gtso bo rnams la yang snyigs ma lnga'i dus su sprul pa'i sku 'di yin gyis/ /khyod kyi mnyams par srungs shig ces brjod la/ sku 'am glegs bam mchod rten gang yin pa de na bza' gsol te 'gro ba rnams la bstan to/ /mthong ba tsam gyis bskal pa dpag tu med pa'i sgrib pa ma lus par 'byad par 'gyur ro/ /yon bdag gang yin pa des glu gar bya zhing bkra shis brjod la sngags kyi btab pa'i zhal zas lhag ma rnams la longs spyod do/ /rab gnas bzang po 'di byas pas/ /byas pa gang des 'gro ba kun/ /mthong ba tsam gyis sdig byang nas/ /sprul pa'i sku'i zhal mthob shog /'phags pa 'jam dpal gyi mtshan yang dag par brjod pa'i rab tu gnas pa'i tshig gi zhes bya ba/ slob dpon 'jam dpal bshes gnyen gyis mdzad pa/ rgya gar gyi mkhan po su badzra dang/ bod kyi lo tsa ba chos kyi shes rab kyis bsgyur ba'o/ /rdzogs so// //rgya gar skad du/ arya many+dzu sh+rI nA ma saM bI ti tsakra ma ra mA ra ya man+t+ra/ bod skad du/ 'phags pa 'jam dpal gyi mtshan yang dag par brjod pa'i ngan sngags byang kyi 'khor los gsang pa/

CLOSE WINDOW