བོད་ཡིག

e-texts based on the ACIP/ALL Input

/ //'jam dpal gzhon nur pa la phyag 'tshal lo/ /mtshan yang dag par brjod pa'i sgo nas dbang po 'bring gis brten 'brel bcu gnyis bsgom pa ni/ yang dag par rdzogs pa'i sangs rgyas kyi rten 'brel bcu gnyis gsungs te/ phyi rten cing 'brel bar 'byung ba sa bon skya bo nad med pas 'bras bu'i bar du yan lag brgyad kyi tshul du 'byung ba 'bras bu ljang bu la gzigs nas/ nang rten cing 'brel par 'byung bas ma rig pa nas rga shi'i bar du yan lag bcu gnyis gsungs te/ nang gi chos rnams ji ltar skye ba'i rgyu dang 'bras bu rnams bstan pa'o/ /de la ma rig pa ni shes pa las byung ste/ de kho na nyid la gti mug pa dang/ las rgyu dang 'bras bu la gti mug pa'o/ de'i rkyen gyis ma rig pa 'byung ste/ ??? phyir ma rig pa zhes bya zhe na/ mun pa chen po'i phyir na ma rig pa ste/ dper na mun pas bsgribs nas rdzas kyi dngos po mi mthong ba dang 'dra bar ma rig pas kyang las dang las kyi 'bras bu yod pa dang/ bden pa dang dkon mchog yon tan can dang/ chos kyi chos nyid stong pa nyid du mthong bar bya ba bsgribs te ma mthong bas mun pa zhes bya ste/ kha cig gis dge sdig ngo ma shes/ kha cig gis dge sdig yod par yid ches kyang don la rmongs pas ma rig pa zhes bya'o/ /de'i rkyen gyis 'du byed 'byung ste/ bsod nams dang/ bsod nams ma yin pa dang mi g.yo ba gsum gyis 'du byed pa'o/ /mngon par 'du byed pa'i phyir na 'du byed rnams zhes bya ste/ la su ma bstan pa rnam pa sna tshogs pa 'du byed do/ /des byas pas kun gzhi la bag chags sogs te/ rgyu des rnam par shes pa 'byung ngo/ /des khams gsum du las dge ba dang mi dge ba dang/ lung du ma bstan pa'i las kyi 'du byed do/ /ma rig pa dang 'du byed gnyis ni tshe snga ma dang sbyar ro/ /'du byed kyi rkyen gyis rnam par shes pa 'byung ste/ ci'i phyir rnam par shes pa zhes bya zhen/ phyi nang gi chos gzugs dang sgra dang dri la sogs pa yul tha dad pa rnams la mig la sogs pa'i rnam par shes pas so sor rig cing shes pas na rnam par shes pa zhes bya ste/ kun gzhi la bag chags bzhag pa'i bag chags kyi rgyud des 'phangs nas pha rol tu skad cig ma'i tshul gyis ma'i mngal du chags pa las ming dang gzugs su gyur pa'o/ /rnam par shes pa mchod da lta'i tshe ste/ de yan chad gsum ni 'phen pa'i yan lag go /de'i rkyen gyis ming dang gzugs de ci'i phyir na/ brten pas na ming dang gzugs zhes bya ste/ dper na shing gsum rtse sbrang nas dud khyim du rung ba dang 'dra bar ming bzhi'i phung po dang gzugs kyi phung po gnyis gcig la gcig rten pas na ming dang gzugs zhes bya ste/ rnam par shes pa ma'i mngal du 'ong nas ming bzhi'i phung po dang gzugs kyi rung po mer mer po dang/ nur nur po dang/ gor gor po dang/ yan lag tu gyur/ 'phrad 'gyur la sogs pa mngal gyi chos drug dang ldan no/ /de'i rkyen gyis skye mched drug 'byung ste/ sems la? sems la 'byung ba rnams pa 'am 'byung ba'i sgo byed pas sgo zhes bya ste/ dngos su na ming rnams zhugs? mer mer po la sogs pa rtas nas de'i rkyen gyis rang gi dbang po drug dod pa las yul drug pa rnam shes skya shing mched pas so/ /rnam par shes pa'i rkyen gyis reg pa zhes bya ste/ yul dang? dbang po dang rnam par shes pa gsum 'dus pas yul yid du 'ong ba dang mi 'ong ba dang/ gnyi ga ma yin pa dang gang dang gang la reg pa'i rgyu tshor ba zhes bya ste/ reg pa 'byung ba'i rgyu tsher ba ste nyams su myong ba'o/ /'di man chad bzhi ni 'phangs pa'i lam gyi yan lag go /tshor ba'i rkyen gyis srid pa 'byung ste/ ci'i phyir na sgom pa'i phyir na sred pa zhes bya ste/ sgom gyis gdungs pa dang 'dra bar tshor ba sdug bsngal dang bral nas bde ba dang phrad par 'dod pas sred pa'o/ /bde ba tshor ba'i rkyen gyis sred pa 'chang 'thung ste/ yang dang yang du 'dod pa'i phyir sred pa'o/ /'di kun gyi rtsa ba ni ma rig pa las byung ba'o/ /srid pa sred pa len pa gsum da ltar gyi tshe dang sbyar ro/ /sred pa'i rkyen gyi len pa 'byung ste/ ci'i phyir zhe na/ nye bar len pa'i phyir len pa zhes bya ste/ len pa la bzhi ste 'dod pa'i len pa dang/ lta ba'i len pa ngang tshul khrims dang/ brtul zhugs bsnyems pa'i len pa dang/ bdag du smra ba'i len pa'o/ /srid pa'i rgyu yang dang yang du len par byed de/ 'di yang rtsa ba ma rig pa'o/ /len pa'i rkyen gyis srid pa 'byung ste/ ci'i phyir zhe na/ srid par skye ba'i phyir srid pa zhes bya ste/ khams gsum du skye ba'i phyir ro/ /der skye ba'i rgyu las dang nyon mongs pa'i bag chags rtas nas tshe phyi mar skye ba ni srid pa zhes bya ste/ len pa'i rgyu las dge ba dang/ mi dge ba bsags pas tshe phyi ma len pas srid pa'o/ /'di man chad gsum ni grub pa'i yan lag go / srid pa'i rkyen gyis skye ba ste/ ci'i phyir zhe na/ phung po 'byung ba'i phyir skye ba zhes bya ste/ lam rgyud lnga nyid du lha dang mi la sogs pa'i lus kyi phung po sngon med pa gdod 'byung bas na skye ba'o/ /de yang srid par skye ba'i las byas pa'i rgyus skye ba'o/ /skye ba'i rkyen gyis rga shi 'byung ste ci'i phyir rgas pa zhe na/ phung po smin pa'i phyir rgas pa zhes bya ste/ dper na shing tog smin pa de rgas pa dang 'dra bar skra dkar dang gnyer ma can du gyur te/ lus ni gshog khung bzhin song/ kha brag phug stong pa dang 'dra/ skra sgra ba'i me tog dang 'dra/ /dpral bgras stan ring ba dang 'dra bar song ba ni rgas pa'o/ /rgas pa'i rkyen gyis 'chi ba 'byung ste/ ci'i phyir zhe na/ 'jig pa'i phyir 'chi ba zhes bya ste/ lus kyi phung po gnas pa'i dus zad de drod dang rnam par shes pas btang ba'i phyir shi ba'o/ /skye ba yod na rga shi 'byung ngo/ /skye ba dang rga shi gnyis te gsum ni tshe phyi ma dang sbyar ro/ /rgas pa dang shi ba gnyis ni nyes dmigs kyi yan lag go /rten 'brel bcu gnyis dum bu lngas 'chad de/ tshe snga ma'i rgyu'i sgo nas gzhag go /de ltar ci'i phyir bstan ce na/ de yang tshe snga ma'i rgyus 'di bskyed/ 'di'i rgyus phyi ma bskyed pa'o/ /de ltar yan lag bcu gnyis lugs su byung ba ni 'jug rga shi 'byung/ da nas khang gyis gcig gi rkyen gyis gcig bskyed de/ mjug ma rig pa la rtsa ba thug pa dang/ ma rig pa de yang med par 'gags pa ma yin te/ ma yin pa 'am mi dmigs par 'gags pas 'du byed nas rga shi'i bar du 'gag ste/ lugs las bzlog par shes par bsgom par bya'o/ /de ltar bdag gis 'di byas pa rang bzo lta bu ma yin te/ yan lag bcu gnyis srid rtsa bton/ /dag pa rnam pa bcu gnyis 'chad/ /zhes gsungs pa la brten nas byas pa'o/ /slob dpon 'jam dpal bshes gnyen gyis mdzad pa/ mtshan yang dag par brjod pa'i sgo nas rten cing 'brel bar 'byung ba'i yan lag bcu gnyis bsgom pa'i man ngag rdzogs so/ / //'jam dpal gzhon nur gyur pa la phyag 'tshal lo/ /mtshan yang dag par brjod pa'i sgo nas dbang po rab kyis de kho na nyid bsgom pa ni/ ltar bskyed pa stong pa nyid bcug nas sems rang bzhin gyis rnam par dag pa 'od gsal ba rgyu gang gis kyang ma bskyed pas/ rkyen gang gis kyang mi 'jig /zhes 'dod thams cad dang bral ba'i stong pa'i rgyas thebs pa'i shes pa de kho na la gnas pa ni chos kyi sku'o/ /shes pa'i ngo bo ma grub cing rig pa rang gsal gyi nyams myong dang bral ba ni longs spyod rdzogs pa'i sku'o/

CLOSE WINDOW