བོད་ཡིག

e-texts based on the ACIP/ALL Input

/dus gsum gyi sangs rgyas la blta ba rdzogs so// //'phags pa 'jam dpal gzhon nur gyur pa la phyag 'tshal lo/ /dbang po tha mas rjes su dran pa drug bsgom pa ni/ sangs rgyas rjes su dran pa dang/ chos rjes su dran pa dang/ dge 'dun rjes su dran pa dang/ gtong ba rjes su dran pa dang/ tshul khrims rjes su dran pa dang/ lha rjes su dran pa dang/ /de yang 'di lta ste/ de rnams kyi yon tan dran pa'i sgo nas gus pa bskyed cing bdag gis kyang de'i sgo nas 'jug par bya'o/ /de yang sangs rgyas rjes su dran pa ni de bzhin gshegs pa dgra bcom par ?? su ldan pa/ 'jig rten mkhyen pa skyes bu 'dul ba'i kha lo sgyur ba/ yang dag pa'i sangs rgyas bcom ldan 'das so zhes bya'o/ /de lta bu'i sgo nas sangs rgyas kyi yon tan rtogs shing dran pa nyid ni sangs rgyas rjes su dran pa'o/ /chos rjes su dran pa ni bcom ldan 'das kyi chos ni legs par gsungs pa yang dag bar mthong ba/ dus tshod mkhyen pa/ da ni mthong ba la nye bar gtod pa/ mkhas pa so sor yang dag par rig pa/ don bzang po tshig 'bru bzang po/ thog mar dge ba/ bar du dge rba/ tha mar dge ba/ ma 'dres pa yongs su gsal ba'o/ /de lta bu la dmigs ? yon tan dran par bya'o/ /dge 'dun rjes su dran pa ni bcom ldan 'das kyi nyan thos kyi dge 'dun legs par zhugs pa/ mthun par zhugs pa/ kun tu sbyin pa'i 'os su gyur pa/ rab tu sbyin pa'i 'os su gyur pa/ sbyor ba'i 'os su gyur pa/ 'jig rten pa'i bsod nams kyi zhing bla na med pa'o/ /de'i yon tan rjes su dran par bya'o/ /gtong ba rjes su dran pa ni kye ma skyes bu ser sna'i dri ma spangs pa nang nas ser sna dang bral ba'i sems kyis chos sbyin 'khor mor byed pa/ lag skyong ba rnams gtong ba la dga' ba/ 'di ni bdag gis legs par rnyed pa yin no/ /de ltar rjes su dran par bya'o/ /tshul khrims rjes su dran pa ni bcom ldan 'das kyi nyan thos kyi dge 'dun ni tshul khrims ma nyams pa/ skyon med pa/ ma 'dres pa ma gos pa/ rang gtsang yod pa/ mkhas pas bsngags pa/ ting nge 'dzin shes pa'o/ /zhes de lta bur dran par bya'o/ /lha rjes su dran pa ni lha rnams ni che ba'i yon tan dang ldan pa/ lhar skye ba'i rgyur gyur pa/ tshul khrims dang ting nge 'dzin dang/ shes rab dang/ bdag nyid dang/ lha'i yon tan mtshungs par byas nas lha'i yon tan dang sbyar nas rjes su dran pa'o/ /slob dpon 'jam dpal bshes gnyen gyis mdzad pa'i mtshan yang dag par brjod pa'i rjes su dran pa drug bsgom pa'i man ngag rdzogs so/ / //'jam dpal gzhon nur pa la phyag 'tshal lo/ /mtshan yang dag par brjod pa'i sgo nas dbang po 'bring gis brten 'brel bcu gnyis bsgom pa ni/ yang dag par rdzogs pa'i sangs rgyas kyi rten 'brel bcu gnyis gsungs te/

CLOSE WINDOW