བོད་ཡིག

e-texts based on the ACIP/ALL Input

/ //rgya gar gyi mkhan po d+harma sh+rI ba dra dang/ zhu chen gyi lo tsa ba band+heM rin chen bzang pos bsgyur cing zhus te gtan la phab pa'o// //sbyin sreg gi cho ga bzhugs so// //*/ /rgya gar skad du/ ho ma bi d+hi/ bod skad du/ sbyin sreg gi cho ga /'jam dpal gzhon nur gyur pa la phyag 'tshal lo/ /dpal ldan gang zhig dran pa yis/ /dngos grub mi 'jig thob 'gyur ba/ /rdo rje can la gus btud nas/ /sbyin sreg cho ga gsal bar bshad/ /gang dag tu ni rang nyid kyi/ /las kyi cho ga rnams med pa/ /der ni spyi rgyud las gsungs pa'i/ /cho ga mkhas pas bsten par bya/ /de la zhi ba la ni sa gzhi dkar po la rgyar khru gang tsam/ zabs su sor bcu gnyis pa'i thab khung zlum por brkos la/ de'i dbus su pad+ma'i steng rdo rje rtse lnga pa sor brgyad bar bya/ thab khung gi steng du sor bzhi bar du dor la/ dpangs dang rgyar sor bzhi'i kha cher kun nas byas la/ mtshams rnams su rdo rje rtse gsum pas mtshan pa dang/ thab khung gis gzhi de ba lang gi lci ba dang/ sa dkar pos byugs la/ yang de nyid dri dkar pos bsku zhing dus gsum du dri zhim po'i me tog dkar pos gtor bar bya'o/ /rgyas pa la ni sa gzhi ser po la khru do pa/ zabs su de'i phyed pa rin po che zur brgyad pa lta bu 'am/ zur bzhi pa ste/ de zabs su khru gang brkos pa la / 'khor lo rtsibs brgyad pa'i lte bar rdo rje rin po che zur drug pa/ steng du sor brgyad pa tsam gyi kha khyer dbyibs mnyam pa byas la/ sa ser po dang dri ser pos thab khung gi sa gzhi de nye bar byug la/ me tog sna tshogs dgram par bya'o/ mngon spyod la ni rtsub pa dang/ /tshwa sgo can dang gas pa dang/ /gnag cing sngo ba'i sa gzhi la sor nyi shu pa/ zabs su sor bcu pa/ gru gsum mgo byang du bltas pa/ thab khung gi dbus su rtseg gsum pa'i steng du/ khro bo sor brgyad pa mtshan pa/ de'i steng du sor gsum dor bar chur dang dpangs sor gsum pa'i kha khyer kha phyir bltas pas bskor pa/ sa nag po dang ro bsregs pa'i thal ba dang/ bong bu dang rnga mo la sogs pa'i rtug pas ji lta bzhin du byugs te/ dri ngan pa dang me tog sngon po dang dmar po dang 'bru 'am phu'i? mas gtor bar bya'o/ /dbang la ni sa gzhi dmar po la/ thab kyi dbyibs b+ha ga lta bu 'am rlung gi dkyil 'khor lta bu 'am a shwad tha'i lo ma lta bu'i dbus su rdo rje pad+mas mtshan pa'o/ /dgug pa la ni rdo rje rtse gcig pa lta bu dbus kyi cha la rdo rje lcags kyus mtshan pa/ kha khyer yang de dang 'dra bas bskor ba/ sa dang dri dmar pos byugs pa/ dri dang me tog gi nye bar mdzes par bya ste/ 'di gnyis kyi brko ba dang kha khyer la sogs pa'i tshad kyang zhi ba'i thab khung dang 'dra bar shes par bya'o/ /las thamS cad pa'i thab khur? yang de bzhin te/ 'on kyang la khyer ni pad+ma kha bye ba lta bu la rdo rje phreng bas bskor ba'o/ /rdo rje dang pad+ma dang rin po che dang rdo rje snga tshogs rdo rje'i dbus su chud pa'i 'khor lo'i phyag rgyas mtshan par bya'o/ /dkyil 'khor ram lha'i khang ba'i shar phyogs su ni zhi ba'i thab khung dang/ lhor ni mngon spyod/ byang du ni rgyas pa/ nub tu ni dgug pa'i thab khung las dang rjes su mthun par thab brko? pa 'am/ tshon gyis bri bar bya'o/ /thab kyi dbang du byas pa'o/ /dgang gzar ni gser ram zangs kyi rgyu las byas pa 'am ni ma pa'am mchod sbyin gyi shing las pad+ma'i 'dab ma'i dbyibs lta bu/ de'i yu ba skyes pa tshad dang ldan pa'i mthe bo'i? sor nyi shu rtsa bzhi rdo rje la sogs pa'i khu tshur gyis gzung du rung ba 'am/ de'i steng du sor bzhi pa zur bzhi kha'i zabs su sor gnyis kyis dma' bar brkos la rdo rje rtse lnga pas mtshan pa/ khu bcud 'dzag pa'i bu ga sor gcig tsam rtse mo la rdo rje rtse gsum sor bzhis mtshan pa/ yu ba'i zhabs su rdo rje dang rin po che sor drug par bya'o/ /blugs gzar khru gang tsam la rtse mo pad+ma'i 'dab ma lta bu rgyar sor gnyis thabs su/ de'i phyed brkos pa la/ rdo rje rtse lnga pas de'i dbus su mtshan pa/ yu ba'i 'og rdo rje dang/ rin po ches bya'o/ /yang na sor mo lngas legs par bcer bas kyang dgang gzar bya zhing sor mo gsum bcer bas blugs gzar bya'o/ /dgang gzar gyi dbang du byas pa'o/ /yam shing ni pa la sha dang/ au dum bar dang/ a 'bra dang ka daM pa ba ka dang/ a shwad tha dang/ bla k+Sha dang/ sha mi dang/ n+ya gro d+ha la sogs pa shing lo ma can las grub pa 'dab ma dang bcas pa mnyam por bcad pa/ rtse mo'i cha las byung pa mtho gad? tsam la/ rtse mo sbrang rtsi dang/ 'o ma dang mar la btags pa/ dri dkar po'i chu las swangs pa/ rtse mo lo ma gnyis dang bcas pa rtse gcig pas dbul par bya'o/ /snying po dang 'dab ma med pa dang/ rul pa dang khong stong dang shun pags med pa dang/ thung du dang yon po dang/ rtse mo gnyis su gas pa dang/ phra ba dang/ sbom pa dang/ ring po dang/ 'bus zos pa dang/ srog chags dang bcas pa ni spang bar bya'o/ /zhi ba la ni nas dang 'o ma dang zho dang/ 'bras yos dang/ til dang dur ba dang/ ku sha sngon po dang/ bil ba'i lo ma dang/ tsan dan dang/ pri yang ku'i me tog dang/ 'bras sA lu'i chan dang/ me tog dkar po dang/ nag ge sar dang/ thang chu'i dri zhim po dang/ sbrang rtsi dang mar rnams las ji snyed pa sbyin sreg la dbul bar bya'o/ /rgyas pa la ni yam shing de nyid las dbus kyi cha las byung ba chang ba gang gi tshad las dpangs su khru gang tsam/ zho dang 'o ma dang mar las btags pa spos chu ser pos spangs pa/ me dang gsum las brtags pa dang/ zas mchog gi gong bu dang/ zho dang sbrang rtsi dang/ mar dang ldan pa dang ? nag po dang/ 'bras chan? zho dang mar du bcas pa dang/ sha dang pus pa dang/ bil ba'i 'bras bu dang/ 'bras sA lu dang/ pad+ma dang/ nag ge sar dang/ kar ni kar dang/ 'bru rnams dbul bar bya'o/ /mngon spyod la ni nim pa dang/ seng ldeng dang/ ko pa'i dar dang/ pi lo ta ka dang/ mdan rnams kyi 'am/ gzhan yang kha ba dang tsher ma can dang che ba'i shing rnams kyi 'am/ ro sregs pa'i 'gal dum la rtsa ba'i cha las byung ba gas pa sor bcu ba rtse mo gnyis dug dang/ khrag dang nyung mar khas btags shing/ che mo rno ba'i yam shing dang/ yungs kar dang/ yungs mar dang/ khrag dang/ lan tsha? dang/ ske tshe dang ni ma pa'i lo ma'i thal ba dang/ rkang rjes kyis dang/ bud bu dang/ rnga mo la sogs pa'i rtug pa dang/ sgra brdungs pa dang/ bya rogs sogs pa'i gshog pa dang/ gshad gci dang tsher ma dang/ rus phye dang/ glang po che'i sha la sogs pa'i ji snyed pa dang/ rdzas re re la khrag dang dug las btags shing bshags pa'i rdzas sam thal ba dang/ sol ba dang/ phub? ma las dgra bo'i gzugs brnyan byas la/ dug la sogs pas bskus te/ bcad cing sbyin sreg bya'o /dbang du bya ba la ni/ tsam pa dang/ a sho ka/ ba ku la dang/ pri yang ku dang/ la ku tsa la sogs pa'i nags kyi lcug ma'i yam shing sor lnga pa 'dab ma dang bcas pa 'am/ skyur zhing dmar ba dang/ me tog dang 'bras bu gzhan dang gzhan dag gam/ rang gi rtog pa las bshad pa'i rdzas rnams dbul bar bya'o/ /dgug pa la/ yang de dag nyid dam/ tsher ma lcags kyu lta bu yod pa'i sbyin sreg bya'o/ /pa la sha dang/ bla kA dang/ au dum bar dang/ ser snang dang/ ar ga dang/ me da dang/ pe dang/ ka ha dang/ a mra dang/ sha? mi dang/ ka? sa ma rgya dang/ a po ma rgya dang/ a shwad tha las byung ba gsar zhing rtse mo ma gos pa/ drang pa mtho gang tsam la spos chus ngan pa sen mo gnyis brtags pa'i yam shing las thams cad dbul bar bya'o/ /gang yang zhi ba dang rgyas pa'i sreg rdzas rnams dang/ gang yang bdag nyid kyi kha zas de dag thams cad nyin re bzhin rang gi lha la rtag tu dbul ba dang/ mar gyi rtags pa'i gu kum lam/ sa la'i thab chus yang rang gi gsang sngags kyi dbye bas sbyin sreg bya'o/ /dri dang me tog la sogs pa'i mchod pa'i rdzas rnams kyang las dang rjes su mthun par rang gi gsang sngags ji lta ba bzhin du bzlas brjod bya'o/ /sreg rdzas kyi dbang du byas pa'o/ /zhi ba la ni mchod sbyin gyi shing rnams kyi bud shing srog chags med pa/ thab khung las cung zad kyi dma' ba 'am/ dgon pa'i ba lang gi lci bas bya'o/ /rgyas pa la ni dgon pa'i ba lang gi lci ba ma gtogs pa ji skad du bshad pa'i bud shing 'dras bu dang bcas pa'o/ /mngon spyod la ni tsha ba dang/ tsher ma can dang/ dri ngan pa'i shing rnams sam/ dur khrod pa 'am/ bung buAm rnga mo'i rtug pa la sogs pa 'am/ shing shin tu skam pas bya'o/ /dbang du bya ba ni nim pa dang shing sgyur po dang gzhan yang me tog dang bcas par bya'o/ /dgug pa la cher ma dang bcas pas so/ /las thams cad pa'i bud shing ni las dang rjes su mthun pas bya'o/ /nga nas sgrub pa po khrus byas shing lus dri zhim pos bsgos pa/ byams shing bzod pa ldan pa gos dkar po gyon te las dang rjes su mthun par lha'i rnal 'byor nas bsrung pa'i chogs byas shing bzlas pa dang mi smra ba bas 'jam shing shin tu bde ba'i stan la pad+ma'i 'dug stangs kyis 'dug pa/ nang par blos bsgrub par bya ba la dmigs nas yar gyi ngo'i tshes gcig nas brtsams te zhi ba'i yid kyis zhi bar bya'o/ / de bzhin du rgyas pa la rgyan dang phreng ba ser po dang/ gos sna tshogs dang bzang po'i 'dug stangs kyi 'dug ste/ dga' ba'i yid kyis byang du bltas nas snga dro zla ba nya nas brtsams te rgyas pa bya'o/ /khros shing gos sngon po 'am khrag gam chus gsher ba'i gos bgos te/ stan sra ba la phyogs su kha bltas te 'dug pa 'am/ bsgrub par bya ba'i gzugs brnyan gyi brang la mnan cing stan med par rkang pa g.yon pas mnan te/ sos so bca' zhing mig mi g.yo ba dang/ gnyer ma bsdus pas zla ba mar gyi ngo bo'i mi bzad pa'i nyin zhag gang yang rung ba la khro ba nyid tshad mar bya ste/ nyi ma phyed dam/ nam phyed na mngon spyod bya'o/ /dmar zhing rgyan dmar po la sogs pa dang/ nub phyogs su kha bltas shing stan mthon po la rdo rje skyil mo krung gis 'dug ste/ dbang gi las bya'o/ /dgug pa yang de dang 'dra ste/ 'on kyang kha steng du blta ba'i lha'i sbyor ba 'am/ nub tu bya'o/ /sgrub pa po'i dbang du byas pa'o/ /zhi ba la ni gser ram dngul lam zangs sam shing dam sa las byas pa 'am/ dung phor dang nya phyis sam lo ma las byas pa'i mchod yon gyis snod la nas dang bcas pa'i 'o ma dri dkar po la sogs pa dang/ chu bcug pa spos kyis bdugs te/ rang gi lha'i sngags mthar swA hA dang bcas pa dang bzlas brjod bya'o/ /rgyas pa la ni ? dri la sogs pa ser po dang chu dang til dang bcas pa'i zhol/ mthar A dang bcas pas bzlas brjod bya'o/ /mngon spyod la ni gnag cing dri mi zhim pa'i dri la sogs pa dang/ chu dang bcas pa dang/ kro ta pa dang ba gcin las mthar phaT dang bcas pas bzlas brjod bya'o/ /dbang la ni dri dmar bo la sogs pa chu bcug pa la tha ma ho dang bcas pa'o/ /de bzhin du dgug pa la ni mdza' mar yi ge dza:dang bcas pa'i rang gi sngags kyi tha mar swA hA dang bcas pa dang/ de nyid kyi sngags kyi bzlas 'byor? lan bdun du bya'o/ /thams cad du yang dri dang me tog dang/ til dang/ ku sha dang/ 'bras yos dang/ chu rnams las ji snyed pa las kyi rjes su mthun par bzhugs par bya'o/ /mchod yon gyi dbang du byas pa'o/ /de nas zhi ba dang rgyas pa dang/ dbang du bya ba'i las rnams la/ rdo rje rtse mo dang rdo rje gnod sbyin dag yongs su bzlas la/ las thams cad pa'i chu'i snod dang/ mchod yon gyi snod rang gi g.yon phyogs su gzhag la/ de dag legs par bzlas pa'i chu lag pa g.yas pas blangs pas bsangs la/ yam shing dang bud shing la sogs pa sreg rdzas rnams ni rang gi g.yas su gzhag par bya'o/ /gsad pa dang skrad pa dang dgug pa la sogs pa'i las rnams la ni bsang gtor dang bzhag pa'i go bzlog ste bya'o/ /aoM badzra yak+Sha hUM/ rdo rje gnod sbyin gyi sngags te/ 'di'i phyag rgya ni rdo rje khu tshur gnyis bcings te/ mthe'u chung gnyis che bar bya ste/ kha'i thad kar bzhag pa'o/ /aoM badzra shi kha re ru Ta maT/ rdo rje rtse mo'i sngags te/ 'di'i phyag rgya ni rdo rje khu tshur gnyis re 'degs pa'i tshul du bya'o/ /rdzas bzhag pa'i tshul du byas pa'o/ /zhi pa la ni shing lo ma can dang/ dgon pa las byung ba'i me 'am/ rgyun bzhag pa'i mes bya'o/ /rgyas pa la ni rgyal po 'am rgyal rigs kyi khyim nas byung ba 'am/ gtsub shing gi me 'am/ nags tshig pa'i mes bya'o/ /drag po la ni dur khrod pa 'am/ rdo las byung ba 'am/ gdol pa'i khyim nas byung bas bya'o/ /dbang la rje rigs sam smad 'tshong gi khyim nas byung bas bya'o/ /dgug pa la ni gar mkhan nam rol mo mkhan nam lam ka'i me gzung ngo/ /de nas rdo rje gnod sbyin gyi sngags dang phyag rgyas me rnam par sbyangs te/ de bzlas pa'i chu dang ku sha blangs nas/ bskor zhing lan gsum bsang gtor byas pa'i thab tu gtsang zhing shin tu skam pa'i rtsa ba dang bcas pa'i shing bcag la/ rlung yab kyi rlung gis sbar bar bya'o/ /aoM dzwa la hUM me sbar ba'i sngags so/ /de nas rigs kyi snying po lan bdun bzlas pa'i mar gyis sbar bar bya'o/ /aoM badzra satwa abltas pa dang/ kha lhor bltas pa dang nub du bltas pa dang byang du bltas pas gzhag go /de nas thab khung ku sha'i rtse mo shar du bltas pa g.yog go /de nas rang gi lha'i chos kyi yi ge las thab khung bskyed la/ de'i dbus su yi ge raM gru gsum dang bcas pa'i steng du aoM las byung ba'i pad+ma la gnas pa'i yi ge raM las byung ba'i me lha'i las kyi rjes su mthun pa'i gos dang rgyan dang gdan dang ldan zhing 'bar ba'i phreng ba can gsus khyi mche ba rdo rje rtse gsum dang phreng ba dang dbyug pa dang/ gu Na Da 'dzin pa'i rdo rje me bsams la/ khro bo khams gsum rnam par rgyal ba'i nga rgyal dang ldan pas mdzub mo dang mthe'u chung lcags kyur bcings te/ rdo rje khu tshur bla 'og tu byas pa'i 'dod pa'i rgyal po'i phyag rgya 'di dang/ hUM Tak+ki dzaphyi rdo rje lcags kyu la sogs pa'i sngags phyag rgyas thab na gnas pa'i rang gi gzugs la dgug pa dang gzhug pa dang bcing ba dang dbang du byas la rdo rje gnod sbyin gyis bgegs bsal ba dang/ bsrung ba byas te/ rdo rje khu tshur gnyis des par btsir ba'i rdo rje khu tshur gyi phyag rgya dang/ aoM badzra san+ti bi zhes bya ba'i sngags dang bcas pa dang/ phyogs dang dkyil 'khor bcing ba la sogs pa byas te/ rdo rje thal mo kha phye ba dang/ me rang gi sngags kyis gdan bstabs la/ g.yas pa'i khu tshur gyis sor mo thams cad bkug la/ mthe bong dang mdzub mo rtsa sbyar bas me tog blangs te zhabs bsil dbul? zhing sor mo rnams brkyang ba ni zhabs bsil gyi phyag rgya ste/ sngags ni aoM pra ba ra sa da kA ra pra tI tsha swA hA/ zhes bya'o/ /de nas phyi rol gyi rdo rje rigs kyi rdo rje khu tshur gnyis bcings la/ g.yas pa 'bar ba ltar bstan pa ni dam tshig gi phyag rgyas bcings la/ aoM badzra a na la mahA b+hu ta dzwa la ya sarba b+hasmi ku ru/ sarba duSh+TI hUM phaT dri sh+ya dza'di lan gsum brjod do/ /yang skye la rdo rje dkar po rnam par bsams la/ aoM dzwa la dzwa la hUM phaT/ ces bya ba'i chos kyi phyag rgya dgod do/ /de nas snying gar yi ge a las byung ba'i sna tshogs rdo rje bsams la/ gar las byung ba'i phyag rgya chen po nyid ma'i las kyi phyag rgya'o/ /phyag rgya chen po yi ge hUM las snying ga'i zla ba la rdo rje rnam par bsams te/ sngar bshad pa'i rdo rje la sogs pa'i bdag nyid can gyi phyag rgya chen po'o/ /aoM badzra ratna a b+hi Shiny+tsa zhes bya ba'i sngags kyis dbang bskur ro/ /'di'i phyag rgya ni rdo rje bsdams pa nyid las mthe bong bsnyams te bsgrengs la/ mdzub mo dang rtse sbyar nas rdo rje rin po che ltar byas pa'o/ /rdo rje 'di ni rdo rje che/ /sangs rgyas kun gyis byin brlabs pa/ /dam tshig 'das na myur du ni/ /rigs kyang thal bar byed par 'gyur ro/ /aoM ha? na sa ma ya hUM phaT/ ces brjod pas dam tshig la bzhag par bya'o/ /'di'i phyag rgya ni rdo rje sems ma brtan par byas la/ mdzus mo gnyis bkug ste gung mo dang sbyar/ mthe bong gnyis dang mthe chung gnyis gshibs te/ rdo rje'i rtse mo rnon po ltar bya ba ni dam tshig 'dzin pa'i phyag rgya'o/ /de nas rdo rje bsrung ba brtan par byas la rdo rje bcing ba yang bsdam par bya'o zhes bya ba'i phyag rgya dang/ aoM badzra ban d+ha haM zhes bya ba'i sngags dang bcas pas bdag gi mngon par 'dod pa'i bya ba 'di mdzod gcig ces rang gi sgo ba nges par sbyar ba bya'o/ /de nas mchod yon phul la/ las dang rjes su mthun pa'i dri la sogs pa'i mchod pa dang/ sgeg mo la sogs gsang ba'i mchod pa rnams kyis yang dag par mchod la/ rdo rje gnod sbyin gyis lan gsum pa sangs te/ g.yas pa'i khu tshur gyi mthe bos rang gi mdzub mo'i rtse mo mnan la brkyang ba dbye ste/ phyag rgya 'di dang me lha'i sngags kyis las thams cad pa bzlas pa'i chu dang lag bar 'thor 'thung lan gsum byin te/ de'i lce dang de gang gzar dang/ blug gzar gyi kha la rang gi yi dam gyi lha'i sa bon rnam par bkod de bus mo gnyis kyi bar du lag pa gzhag nas dang por blug gzar gyis mar gyis dgang blugs gsum zer/ zhi ba dang dbang dang rgyas ba dgug ba'i las rnams la ni zhal cung zad gdangs par dbul bar bya'o/ /drag po la ni zhal gdangs par dug dang bcas pa'i yungs mar dang/ aoM badzra a na la ma hA b+hu Ta dzwa la ya/ sarbaM b+hasmi ku ru sarba duSh+TAM hUM phaT/ ces bya ba'i me'i sngags kyis sam/ aoM a ga nA ye ha bya ? bya bah+nA ye/ di byi di byi ti pa me swA hA/ zhes bya ba'i sngags kyis dbul bar bya'o/ /de nas bgegs med pa dang/ bgegs dang bcas pa'i me 'bar ba'i mtshan ma las brtag par bya ste/ 'ja' dang 'dra zhing mdog sdug dang/ /byu ru bcag pa lta bu dang/ /g.yas su 'khyil zhing shin tu snum/ /ain dra go ba'i mdog 'dra dang/ /le brgan rtsi dang bai DU rya'o/ /mdog 'dra'i dbyibs ni blugs ga ? dang/ /rtse gsum rdo rje pad+ma dud/ /nya dang dpal be'u rnga yab dang/ /rgyal mtshan gdugs sogs bum pa dang/ /g.yung drung lta bur 'byung? ba dang/ /gling bu rdza rnga ltar zab dang/ /dri zhim yid du 'ong ba dang/ /gser dang dngul 'dra du ba med/ /nyi ma 'bar 'dra dri med pa'o/ /zhi la kha dog kar por snang/ /rgyas pa la ni gser 'dra zhing/ /rjes su chags la dmar por snang/ /mngon sbyor la ni/ ? dang gnag /sgrub pa pos ni mdor bsdus na/ /gzhan yang rtse gcig mchog yin te/ /rtse gnyis pa ni 'bring du bshad/ /rtse gsum tha mar shes par bya'o/ /du ba mang zhing rnam par 'phro dang bcas/ /'bar ba dka' zhing cung zad ldang ba dang/ me lce rnam par chad cing gzi brjid med/ /rtsub cing gnag la ba la sha yi mdog /mdung dang zhib ma lta bu nyid dang ni/ /de bzhin ba lang mgo bo lta bu dang/ /mi ro'i dri dang dri mi zhim pa dang/ /bong bu'i dri dang de bzhin dri ngan dang/ /sbyin sreg byed pas gdungs ba dang/ /me lce rnam par 'god cing g.yo ba rnams/ /de ltar bgegs dang bcas par shes nas ni/ /snga ma bzhin du bsang gtor byas pas zhi/ /rdo rje gnod sbyin gyi sngags dang phyag rgyas rnam par sbyangs la/ de nyid kyis mar gyi sreg blugs bdun dbul bar bya'o/ /ya? rang gi gsang sngags kyis bsangs la/ dgang gzar dang/ dgang blugs gsum mam bdun nam gcig me lha'i rang gi sngags kyis phul la blugs gzar la sogs pas mar gyi sregs blugs gsum mam bdun dbul bar bya'o// 'dir rim pa ni/ 'bar ba'i me la yan shing ste/ /de nas mar dang de 'og ting?/ /de nas 'bras can la sogs pa/ /cho ga 'di ni mdor bsdus pa'i/ /de la zhu ba'i rdzas thams cad ni zhal du'o/ /yam shing dang ni mi rus kyi phye ma la sogs pa ni 'od kyi dkyil 'khor du'o/ /? dang 'bras can dang bza' ba dang til la sogs pa ni phyag du'o/ /dra ni thugs kar ro/ /me tog ni dbu la'o/ /bdug spos ni 'od 'pho ba la'o/ /zhabs bsil ni zhabs la'o/ /mar me dang mchod yon ni mdun du dbul bar bya ste/ mchod yon gyi chu ni snod du blugs par bya'o/ /de nas 'thor 'thung dang/ bsang gtor byas la ma'i thab khung du 'bar ba'i rnam par bsam/ rang gi gzugs su me'i phyogs su gzhag par bya'o/ /me'i dbang du byas ba'o/ /de nas sbyin srag gi yo byad rnams/ rdo rje'i rtse mos snga ma bzhin du bsangs la/ zhi ba la ni me'i dbus su bcom ldan langs rnam par snang mdzad byang chub mchog gi phyag rgyar bcings pa/ zhi zhing na bza' dkar po bsnams shing rgyan gyis brgyan pa'o/ /pad+ma dkar po la bzhugs pa'o/ /badzra d+hA du swA hA zhes bya ba 'dis bsams par bya'o/ /de bzhin du rgyas pa la ni rin chen 'byung ldan sku mdog ser po/ na bza' dang rgyan ser po mnga' ba pad+ma ser po la bzhugs shing dgyes shing thugs rangs pas mchog stsol pa/ badzra ratna d+hA tu aoM zhes bsam par bya'o/ /de bzhin du mngon spyod la ni rdo rje gnod sbyin sku mdog gnag cing rgyan dang na bza' nag po mnga' ba/ khros pas pad+ma sngon po la bzhugs pa/ yi ge hUM las bsam par bya'o/ /dbang du bya ba la ni rdo rje chags pa thams cad dmar po yi ge ho las bsam par bya'o/ /de bzhin du dgug pa la ni/ rdo rje rgyal po'i yi ge dzala gnas pa'i gzugs la rdo rje lcags kyu la sogs pa dang/ bgegs bsal zhing bsrung ba dang/ phyogs bcing ba la sogs pa byas la/ mchod yon dang zhabs bsil phul te phyag rgya bzhis btab pa dang/ dbang bskur ba dag ji lta ba bzhin du rang gi rgyud las gsungs pa'i cho gas bya'o/ /de nas zhi ba la ni badzra gand+he zhes bya ba dang/ dri zhim po dkar po dang/ badzra buShpe zhes bya ba dang/ dkar zhing dri zhim pa'i me tog dang/ badzra d+hU pe zhes bya ba dang/ snying po dkar po'i bdug spos dang/ badzra d+hi pe zhes bya ba dang/ ba'i mar gyi mar me dang/ a kA ro mu khaM sarba d+ha rma NAM/ A dya nuta pan na twAt ces bya ba dang/ kha zas dkar po mngon par bsngags pa dang/ mthar rang gi sngags kyis kyang mchod par bya'o/ /rgyas pa la sogs pa la yang de dag nyid las ji lta ba bzhin du rjes su mthun pa'i kha dog dang ldan pa'i mchod pa rnam pa ldos mchod par bya'o/ /drag po la gnag cing dri mi zhim pa'i dri dang/ bil ba dang/ arka dang/ rgya skyegs la sogs pa'i me tog dang/ sa rdzas la ra la sogs pa'i spos dang/ mi dang nya ba sogs pa'i zhag gi mar me dang/ kha ba dang tsha ba la sogs pa'i yid du mi 'ong ba'i bye brag can rnams dbul bar bya'o/ /de nas sgeg mo la sogs pa'i mchod pa rnam pa brgyad kyis yang dag par mchod la/ mchod yon dang 'thor 'thung dang bsang gtor dag byas la/ lce la yi ge hUM rnam par bkod de/ rang gi sngags kyis dgang blugs snga ma bzhin du phul te/ rdzas thams cad la re re zhing sbyin sreg lan gsum dbul bar bya'o/ /zhi ba la ni dgang gzar dang blugs gzar byang chub mchog gis gzung ngo/ /rgyas pa ni rin po che'i khu tshur gyis so/ /mngon sbyong la ni g.yon pa'i khro bo'i khu tshur gyis so/ /dbang du bya ba dang dgug pa la ni pad+ma'i khu tshur gyis so/ /gzhan dag la ni rdo rje khu tshur gyis so/ /zhi ba la ni rang gi sngags kyi mthar che ge mo shAn ting ku ru swA hA/ /zhes bya ba'i sngags bzlas so/ /de bzhin du rgyas pa la tha mar aoM dang sbyar ro/ /mngon spyod la ni tha mar phaT do/ /dbang du bya ba'i tha mar yi ge ho:O/ /dgug pa la ni tha mar yi ge dza:ste/ bskul ba'i tshig dang ldan par brjod la/ sbyin sreg brgya 'am stong dam dpag tu med pa bya'o/ /thams cad du 'am/ de bzhin du zhi ba'i thab la ni til gyi sbyin sreg dang/ zhi ba'i sngags aoM sarba pA maM da ha na swA hA/ zhes bya'o/ /de bzhin du rgyas pa'i cho ga la ni 'bras kyi sbyin sreg dang/ rgyas pa'i sngags aoM badzra puSh+Ta ye swAhA/ zhes bya'o/ de bzhin du las thams cad pa'i thab khur du bcom ldan 'das 'od dpag tu med pa bsams la/ tshe 'phel bar bya ba'i phyir/ dur ba'i myu gu mar las btags ba'i sbyin sreg sngags 'dis bya ste/ aoM badzra A yu:She swA hA/ de nyid du bcom ldan 'das don yod grub pa de bzhin du bsams la/ bsrung ba bya ba'i phyir til mar las btags pa ku sha'i myu gu sbyin sreg sngags 'dis bya ste/ aoM a pra ti ha da badzra ya swAhA zhes bya ba brjod la sbyin srag brgya 'am stong dam dpag tu med pa bya ste/ 'di ltar thams cad du yang rang gi bskul ba'i tshig ji lta ba dang/ rang dang gzhan gyi rtog pa'i cho ga ji lta bas sbyin sreg byas la/ mthar aoM sarba ta thA ga ta muSh+Ti baM/ zhes bya ba dang/ rigs kyi snying po lan gsum mam/ bdun nam/ nyi shu rtsa gcig gi bar du mar gyi sbyin sreg gi gzi sbyin bskyed par bya'o/ /de nas tha mar rigs kyi bdag po bzlas pa'i dgang blugs dang mchod yon dbul bar bya'o/ /de la aoM zhes bya ba ni de bzhin gshegs pa'i rigs kyi snying po'o/ /yang hUM h+ridu yang dag par mchod nas mchod yon phul te/ yang dag par bzlas la yi ge brgya ba brjod nas/ aoM khyed kyis 'gro ba'i don kun mdzad ces bya ba la sogs pas bskul la/ rigs kyi dam tshig gi phyag rgya bcings te/ gyen du bkrol nas rang gi sngags t ha ma yi ge mu'thor 'thung ji lta ba bzhin du phul te/ bsang la mchod cing mched yon phul nas mngon par 'dod pa'i dngos grub gsol ba btab la/ badzra satwa zhes snga ma bzhin du zlos shing phyag rgya dgrol ba la sogs pa byas nas/ snga ma bzhin du gshegs su gsol te/ aoM hUM mubya'o/ /'dir gsungs pa ni/ na ba'i don du zhi ba bya/ /'byor ba'i don du rgyas pa bya/ /gdug pa kun la gsong pa ste/ /dbang la sogs pa phan phyir ro/ /thab dang dgang gzer blugs gzer rdzas/ /shing dang sgrub pa'i rdzas rnams dang/ /rdzas bsang dgod dang me sbyangs dang/ /gsang gtor dang ni sbar ba dang/ /ku sha dgram dang gnas pad+ma/ /mi bskyed spyan drang la sogs dang/ /bsrung bskrad bcing dang mchod yon dang/ /zhabs bsil sgrub pa dbang bskur dang/ /dam tshig sgo dang mchod yon mchod/ /bsang gtong 'thor 'thung sreg blugs dang/ /me brtags gsang dang dgang blugs dang/ /kun bsreg gsang dang bzod gsol dang/ /thab dang me lha dgod pa dang/ /bsdu dang bstod dang dgug pa dang/ /sngon bzhin phyag rgya dbang bskur la/ /mchod dang mchod yon 'thor 'thur bas/ /dgang blugs cig shos las sgrub dang/ /lha rnams gzi sbyin bskyed pa dang/ /me lha dgang blugs mchod yon bcas/ /gsang gtor 'thor 'thung mchod pa dang/ /gshegs su gsol bar bya ba'o/ /bsdus pa'i tshigs su bcad pa'o/ /sbyin sreg cho ga rdzogs pa dang/ /mdor bsdus pa yi rim ldan pa/ /rab 'byor bskyangs kyis 'di nyid ni/ /rnal 'byor rgyud las dris pa yin/ /sbyin sreg gi cho ga rdzogs so// //rgya gar gyi mkhan po sh+rad+hA ka ra barma dang/ zhu chen gyi lo tsha ba dge slong rin chen bzang pos bsgyur cing zhus te gtan la phab pa'o/ / //dpal ldan rgya che zhes bya ba'i dkyil 'khor gyi cho ga bzhugs// //*/ /rgya gar skad du/ sh+rI ma nu da ra nA ma maN+Da la ni bi ka bod skad du/ dpal ldan rgya che ba zhes bya ba'i dkyil 'khor gyi cho ga /

CLOSE WINDOW