བོད་ཡིག

e-texts based on the ACIP/ALL Input

zhu chen gyi lo tsa ba dge slong rin chen bzang pos bcos shing bsgyur te gtan la phab pa'o// //spyan dbye ba'i cho ga bzhugs so// //rgya gar skad du/ pra tiSh+Tha bi d+hi/ bod skad du/ spyan dbye ba'i cho ga/ 'jam dpal gzhon nur gyur pa la phyag 'tshal lo/ /shes bya'i dkyil 'khor ma lus pa/ /skad cig gis ni khyab mdzad pa/ /thugs rje'i char ldan 'gro ba'i skyabs/ /'jam dpal dbyangs la phyag 'tshal lo/ /slob dpon mtshan nyid ldan pa dang/ /bstan bcos kun la 'jigs med pas/ /lha yi gzugs la dmigs pa dang/ /ras bris la sogs bzlas shing bsgom/ /blo dang ldan pa gang zhig ni/ /bsod nams gzhan ni byed 'dod la/ /de ni rnal 'byor rgyud rnams kyi/ /rjes su mthun par 'di brjod bya/ / dang por khrus byas lus dris byugs/ /gtsang zhing dag pa'i gos gyon te/ /rgyu skar bzang po ldan pa la/ /mchod pa'i yo byad 'byor par bya/ /gdugs dang rgyal mtshan la sogs dang/ /bla bre mchog ni bre bya zhing/ /bkra shis rnams kyis brgyan pa yin// bum pa gang ba bzhag par bya/ /pi wang gling bu rdza rnga sogs/ /glu gar dga' ston cher bya zhing/ /tsan dan a kar nag pos byug /ma tog sil ma dgram par bya/ /gnas ni nyams dga' 'du 'dzi med/ /nyes pa thams cad rnam spangs pa'i/ /ba yi lnga na? btsan dan gyis/ /byug cing bdud rtsi 'khyil bas bsrung/ /ma spyad pa yi ras rnyed pa/ /spos kyi chu yis bkrus nas ni/ /rang gi lha sbyor bdag nyid du/ /der ni de rab gnas par bya/ /sdang? ni cho ga rgyas byas la/ /spyan drangs mchod pa la sogs bya/ brtson par byas nas de 'og tu/ /mtshan rnams rdzogs par ci bdar ni/ /legs par bri ba 'am bzo bo ni/ /nye bar 'ongs pa 'dri ru gzhug /mkhas pas gshin rje gshed dam ni/ /bdud rtsi 'khyil pas bsrung bar bya/ /ri mo 'am sku gzugs gang yang rung/ /'di 'dras yang dag rdzogs par bya/ /gnas de nyid du sngar bshad pa'i/ /khrus sa dag ni rab bshams te/ /zur bzhi pa la khru bzhi pa/ /bkra shis shin tu mdzes pa dag /dbangs su khru ni gnyis yod pa/ /yid 'ongs zur rdul nyes 'bul bya/ /de steng brtan pa'i stan bzhag pa/ /mkhas pas lha yi khrus gsol te/ /sems can kun la phan bde ba'i/ /sbyangs ba la sogs der bya'o/ /bkra shis rgyas par gyur ba dang/ /yang dang yang du bstong bya zhing/ /rol mo sgra ni sna tshogs dang/ /ca co'i sgra ni gdon par bya/ /rgyal ba'i dbang bskur tshul du ni/ /gdugs dkar po yang gzugs par bya/ /bris gzugs glegs bam 'jim gzugs sogs/ /lha la cho ga shes pa yis/ /me long la ni gzugs brnyan bkru/ /lugs ma sku gzugs nyid la'o/ /gsang sngags gang zhig khrus dang dbang bskur ba'i phyir/ /dzi na dzi ka la sogs pa rigs kyi bdag po'i snying po'o/ /de rnam par snang mdzad la sogs pa'i snying po de me tog gi phreng bas brgyan pa'i til la sogs pa las kun rig gi snying po rig pa dang/ ras ris bdag po'i gsang sngagS bzlas/ /bum pa mtshan nyid dang ldan pas/ /'bru sman rin chen lnga rnams dang/ /tsan dan dag gi chus bkang ste/ /mgul pa gos bzangs dag gis bcing/ /lo ma bzang po kha dgab bya/ /rigs snying rigs kyi rigs pa dang/ /rigs kyi las kun byed par bzlas/ /sku yi spyi gtsug dbu dang? ni/ /phyag dang thugs kar byug par bya/ /de nas pus mo btsugs nas ni/ /bdug spos rnams kyis bdugs nas ni/ /mgon po gshegs shing bskul ba'i phyir/ /tshig ni 'di skad brjod par bya/ /'di zhes bya ba bcom ldan 'das/ /rig sngags rgyal la phyag 'tshal lo/ /bdag la brtse bar gyur nas ni/ /slob ma rnams la brtse ba dang/ /khyed rnams la yang mchod pa'i phyir/ /thugs rje'i bdag nyid rab gnas pa/ /mgon po bdag ni bgyid par 'tshal/ /bcom ldan bdag ni gus pa la/ /de bas gdang par mdzad par rigs/ /sangs rgyas mgon po brtser ldan dang/ /byang chub sems dpa' dgra bcom dang/ /gang yang gsang ba'i lha rnams dang/ /'jig rten skyong ba'i lha rnams dang/ /gang yang 'byung po mthu chen dang/ /gang yang lha yi spyan mnga' pa'i/ /sems can bstan la dga' brnams/ /bdag la dgongs par mdzad du gsol/ /bdag ming 'di zhes bya ba ni/ /yo byad ci 'byor pa yis ni/ /spyan dbye bar ni 'tshal lags na/ /bdag dang slob mar bcas pa la/ / thugs ni rtse par mdzad du gsol/ /tshogs pa thams cad spyan 'byed pas/ /byin gyis brlabs par mdzad du gsol/ /ras ris la sogs snying gar ni/ /zla ba'i dkyil 'khor bsgom par bya/ /rang gi sa bon las byung mtshan/ /chos tshul gsang sngags dgod cing bsgoms/ /sngags dang phyag mtshan gyur pa dang/ /spra zhing? bsdu ba byas pa la/ /lha yi sku ni ji bzhin par/ /de la skyes par mkhas pas bsam/ /rgyud las ji skad gsungs pa bzhin/ /rang gi phyag rgya sku la sogs/ /byin brlabs go rims bzhin du bya/ /de mdun ye shes sems dpa' ni/ /snga ma bzhin yang legs bsgrubs na/ /rdo rje lcags kyu la sogs pas/ /de dag dgug gzhug bcing ba dang/ /dbang rgya rang gi phyag rgya rnams/ /sgrub thabs las byung rim pas bya/ /bdud rtsi 'khyil pas bsrung ba dang/ /bgegs gsal la sogs cho ga bya/ /gdan dbul la sogs byas nas kyang/ /dam tshig phyag rgya bstan par bya/ /mdun du ye shes sems dpa' ni/ /sku yi lus la bdug nas ni/ /rang gi rnal 'byor dang ldan pas/ /de nas mgon po 'dus pa bya/ /rdo rje ? du sgra dbyangs dang/ /yid 'ong glu yis bstod par bya/ /snga ma bzhin du mchod yon sogs/ /dbul zhing bgegs gsal la sogs bya/ /gzugs brnyan gyi ni sku gzugs la/ /phyogs rnams kun nas lhags pa'i tshogs/ /mgon po dza:hUM baM ho:zhes brjod cing dgug par bya/ /rang gi phyag rgya byin brlab cing/ /yi ge brgya pas bstan par bya/ /rdo rje sems ma la sogs pas/ /cho ga shes par byin gyis brlabs/ /snga ma bzhin du gsol ba yang/ /de la dang por gsol btab nas/ /de yi phyag rgya go rims bzhin/ /dbang bskur ba ni bstan par bya/ /lA sye la sogs rnams kyis mchod/ /dri sogs kyis kyang mchod par bya/ /gos dang rgyan dang so rtsi dang/ /gdu? bu gtsug tor me long dang/ /gi bang dang ni li khri sogs/ /lha bshos rnams kyis rim bzhin mchod// de nas cho ga ldan pa yis/ /yid kyis mchod pas yang dag mchod/ /de yis sngags mang bzlas nas ni/ /phyi rol tu ni gtor ma sbyin/ /zho dang 'bras chan yam shing dang/ /til 'bras mar dang bsres pa'i sa/ /bgegs rnams nye bar zhi ba'i phyir/ /dang por bdud rtsi thabs sbyor mchod/ /rang gi spags rnams gang yin pas/ /mkhas pas lha rnams tshim par bya/ /byed pa por 'gyur rigs snying dang/ /rigs kyi rig pas zhi phyir dang/ /rigs kyi bdag pos byin rlob phyir/ /sreg blugs brgya dag so sor bya/ /de nas khrus byas lus gtsang ma'i/ /slob ma bdud rtsi 'khyil pa yis/ /bzlas pa'i chu yis bsang gtor bya/ /g.yon gyi phyogs su bzhag par bya/ /de yi lag pa g.yon pa yis /lag g.yas the bor bzung nas ni/ /de nas mar gyi bkang pa yis/ /dgang? gzar gyis ni bskor bar bya/ /rang gi lha yi sngags kyis ni/ /dgang blugs brgya ni dbul par bya/ /zho dang til tu bsres pa yis/ /de bzhin dgang blugs brgya byas nas/ /sdig pa rnams ni 'jig par 'gyur/ /tshe 'phel phyir ni dur ba dang/ /khyim rgyas phyir ni 'bras kyis bya/ /zho dang 'bras kyis spyin sreg dbul/ /khro bo bdud rtsi thab sbyor gyis/ /bzlas pa'i bsrung skud lag bar gdags/ /gsang mthar zhi ba'i rig pa yis/ /de yi snying gar byug par bya/ /slob ma gus shing mgo? btud nas/ /shes nas bla mas yon blang ngo/ /slob mas kyang ni gus pa yis/ /bla ma 'bad de mnyes byas te/ /slob dpon yongs su mnyes pa yi/ /las rnams 'grub par rab tu 'byung/ /de nas bla ma bdag nyid kyis/ /me la ji skad gsungs bzhin bya/ /mchod cing bskor ba byas nas ni/ /lha rnams la ni phyag byas nas/ /rang gnas song nas slob ma yin/ /dge 'dun rnams la mchod yon dbul/ /de nas bla ma lha dang ni/ /sku yi gzugs brnyan brtan por bya/ /rdo rje khu tshur gnyis bcings nas/ /go cha gyon pa'i tshul du bya/ /de nyid rdo rje skor tshul gyis/ /steng dang 'og gi bar gyi cha'i/ /lus la lan gsum dkri bya zhing/ /bdud rtsi 'khyil ba bzlas par bya/ /dar dpyangs 'ching ba'i tshul las ni/ /rnam par bsgyings par mdza' nas dgrol/ /dar dpyangs tha ma dpyangs nas ni/ /rting pa brdabs pas brtan par bya/ /de yi nyin par ci nus par/ /dga' ston rnams ni ci nus byar/ /glu dang gar dang rol mo dang/ /rnam par gnas pas gnas par bya/ /aoM badzra ratna traM/ /zhes yo byad lhag ma'i sngags rnams dang/ /phyag rgya rang rigs rjes mthun par/ /blo ldan rgyud la mkhas pa yi/ /slob dpon gyis ni sbyang par bya/ /gang zhig rgyud 'di ma bsgoms pas/ /de nyid kun rdzob 'dod min te/ /de la rjes su brtse ba'i phyir/ /cho ga snga ma rjes su sbyar/ /lhag par gnas pa thams cad ni/ /phyi dro'i dus su bya bar bshad/ /thugs rje'i bdag nyid nang par ni/ /spyan dbye ba ni bya'o zer/ /'di ni khyad par 'di nyid de/ /gshegs gsol bcas kun sngar bshad do/ /nang par yang ni sngar bshad pa'i/ /bya ba de nyid thams cad bya/ /cho ga de ltar bstan pa rnams/ /byas nas lha ni legs bzhag pa'i/ /dkyil 'khor chen po bkod ba ni/ /rgyud rnams rgyal bas 'di gsungs so/ /'di nyid 'chol bar byed pa la/ /rtag tu bdag gis bla mas bshad/ /thugs rje chen po rgyud kun tu/ /cho ga 'di de bstan pa ni/ /slob mas go bar bya phyir gyis/ /rab gnas yi ge yod ma yin/ /rang gi lus sam ras ris sogs/ /spyan drangs cho ga la sogs 'dis/ /sangs rgyas de yi rigs sogs dang/ /mngag? gzhug la sogs gshegs mi gsol/ /srid pa'i mthar thug par du ni/ /de nyid rab tu gnas par bya/ /bsod nams 'di ni 'gro kun yang/ /yang dag byang chub gnas par shog /bdag dang 'gro ba'i bsam pa rnams/ /rdzogs byed 'jam dbyangs nyid gyur cig /spyan dbye ba'i cho ga slob dpon prany+dzA ba li tras? mdzad pa rdzogs so/ / //rgya gar gyi mkhan po d+harma sh+rI ba dra dang/ zhu chen gyi lo tsa ba band+heM rin chen bzang pos bsgyur cing zhus te gtan la phab pa'o// //sbyin sreg gi cho ga bzhugs so// //*/ /rgya gar skad du/ ho ma bi d+hi/

CLOSE WINDOW