བོད་ཡིག

e-texts based on the ACIP/ALL Input

zhu chen gyi lo tsa ba dge slong rin chen bzang pos bsgyur cing zhus te gtan la phab pa'o// //rdo rje sems dpa' i sgrub thabs bzhugs// //*/ /rgya gar skad du/ badzra satwod+ha ya nA ma sA d+ha no pi ka/ bod skad du/ rdo rje sems dpa' 'byung ba zhes bya ba'i sgrub thabs/ bcom ldan 'das 'jam pa'i rdo rje la phyag 'tshal lo/ /dpal rdo rje sems dpa' la phyag 'tshal lo/ /rdo rje sems dpa' 'gro ba'i mgon/ /yang dang yang du phyag byas nas/ /rdo rje sems 'byung dge ba yi/ /sgrub pa'i thabS ni bshad par bya/ /de la de kho na nyid bsdus pa'i rgyud chen po'i cho gas/ rdo rje dbyings kyi dkyil 'khor du dam tshig la sogs pa thob pa can gyi rnal 'byor ba'i phyir/ 'phags pa rdo rje sems dpa' mnyem par byed pa'i cho ga bsdu bar bya'o/ /dang por re zhig bdag med pa la lhag par mos pa nang gi khrus byas nas/ lkog ma'i phyogs su yi ge h+rIdkyil 'khor gnyis dang/ de'i steng du yi ge hUM dag las rdo rje rtse lnga pa gnyis dang/ lag pa'i sor mo dag rtse mor bsams nas/ bgegs bsal ba la sogs pa bya'o/ /de la yi ge hUM las rdo rje me ltar 'bar bar bdag nyid sprul la/ aoM grih+na badzras ma ya hUM baM zhes bya ba brjod nas/ khro bo ti rin ti ba'i phyag rgya bcing bar bya ste/ rdo rje bsdams pa bcings nas ni/ /yin kyis khros nas dgab bya ba'i/ /rdo rje mthe bong dam po ste/ /khro bo ti rin ti rab? bshad/ /de nas rdo rje skyil mo krung byed du 'dug la/ rdo rje ti rin bcing bar bya ste/ aoM badzra dzra la a na lArk+ka hUM a d+hi Shiny+tsa mAM zhes bya bas rdo rje phreng ba'i dbang bskur ba blang bar bya'o/ /rdo rje bsdams pa nang du bcings pa'i mthe bong gnyis gshibs te bsgreng bas/ rdo rje bsdams pa steng nas dgab ba'i tshul du bzhag pa ni rdo rje ti rin ti ra'i phyag rgya'o/ /aoM TuM? zhes bya ba'i yi ge gnyis kyi go cha 'dis go bgos nas/ aoM badzra dzwa la a na lArk+ka hUM zhes bya ba brjod cing/ g.yon pa'i rdo rje khu tshur snying gar bzhag nas/ g.yas pa'i rdo rje khu tshur gsor zhing bgegs thams cad la bsnun par bya'o/ /de nas rdo rje me'i phyag rgya dang bcas pas bgegs bsreg pa la sogs pa na/ hUM badzra a na la ha na da ha pa tsa ma tha b+hAny+dza ra Na hUM phaT ces brjod cing bya'o/ /de nas rdo rje bsngams pa nang du bcings la/ sor mo 'bar ba'i snying po can mthe bong rdo rjer bsgreng ba 'di ni rdo rje me'i dam tshig gi phyag rgya'o de'i rjes la badzra nai tri band+hu? sarba big+h+nan zhes bya ba phyag rgya dang ldan pas bgegs thams cad bcing bar bya'o/ /rdo rje bsngams pa bcings la mthe bong gnyis brgyad ste/ bsnyams la bzhag pa ni rdo rje spyan gyi phyag rgya'o/ /rdo rje bsdams pa brkyang ba sa la bzhag ste/ aoM badzra dri Dho me b+ha ba rak+Sha sarba swAhA zhes bya ba dang bcas pas 'og bcing bar bya'o/ /rdo rje 'jigs byed spyan gyi phyag rgya aoM hu lu hu lu hUM phaT/ ces bya ba dang bcas pas steng bcing bar bya'o/ /rdo rje khu tshur gnyis bcings la mgal me'i 'khor lo bzhin du bskor te/ mgo bo'i steng du mdzub mo lcags kyu'i tshul du bzhag pa ni/ rdo rje 'jigs byed spyan gyi phyag rgya'o/ /rdo rje gnod sbyin gyi phyag rgya aoM badzra yak+Sha hUM zhes bya ba dang bcas pas de'i 'og tu yang de nyid du bcing bar bya'o/ /rdo rje thal mo'i mthe bong gnyis brkyang la mdzub mo gnyis mche ba lta bur byas pa ni rdo rje gnod sbyin gyi phyag rgya'o/ /rdo rje gtsug tor gyi phyag rgyas aoM druM band+ha haM zhes bya ba'am/ druM zhes bya ba dang bcas pas shar phyogs bcing bar bya'o/ /rdo rje khu tshur gnyis kyi mthe'u chung lu gu rgyud du sgrel la/ mdzub mo gnyis kyi rtse mo sbyar te bzlog nas spyi bor bzhag ste rdo rje gtsug tor gyi phyag rgya'o/ /rdo rje zhags pa dang aoM hUM badzra pA sha h+rI:zhes bya bas de nyid bcing bar bya'o/ /rdo rje khu tshur gnyis kyi mkhrig ma gnyis mdud pa byas pa ni rdo rje zhags pa'i phyag rgya'o/ /rdo rje bdag dang aoM badzra pA ta ke pa ta ke ni ra trwaT?/ rdo rje bsngams pa las mthe bong gnyis sems dpa' i skyil mo krung du byas te/ mdzub mo gnyis mnyam por gshibs te phye la/ mthe'u chung gnyis ba dan ltar bya ba ni rdo rje bden gyi phyag rgya'o/ /rdo rje nag mo dang h+rImaT ces bya bas byang bcing bar bya'o/ /rdo rje gnod sbyin gyi phyag rgya nyid snying gar brtan par byas pa ni rdo rje nag mo'i 'o/ /rdo rje rtse mo dang aoM badzra shi kha re ruT maT ces bya bas lho bcing bar bya'o/ /rdo rje khu tshur gnyis kyi ri bo 'degs pa'i tshul du bya'o/ /rdo rje las dang hUM badzra karmma zhes bya bas dkyil 'khor bcing bar byas la rab bya'o/ /yang nang du rdo rje hUM mdzad dad hUM zhes bya bas ra ba bya ste/ rdo rje khu tshur gnyis bcings la mkhrig ma bsnol te mthe'u chung lu gu rgyud du sprel la/ khams gsum rnam par rgyal ba zhes bya ba mdzub mo gnyis sdigs mdzub tu byas pa'o/ /rdo rje hUM mdzad de nyid las mdzub mo dang gung mo gnyis rdo rjer byas pa ni rdo rje las kyi'o/ /rdo rje bsdams pa dang badzra b+had+d+ha paM zhes bya ba 'di rdo rje dra ba bya'o/ /de nas rdo rje gnod sbyin yongs su bzlas pa'i dri'i snod las lha'i khang pa'i sgor bsang gtor bya zhing/ gzhan yang rdo rje rtse mor yongs su bzlas pa'i dri chu dang/ /rdo rje me'i phyag rgya dang bcas pa bzlas pas mchod pa'i yan lag thams cad bsang gtor bya'o/ /aoM badzra puShpe hUM zhes bya ba dang/ me tog gi phyag rgyas me tog go/ aoM badzra gand+he hUM zhes bya ba dang/ dri'i phyag rgyas dri'o/ /aoM badzra d+hu pe hUM zhes bya ba dang bdug pa'i phyag rgyas bdug spos so/ /a kA ro mu khaM sarbba d+harmA NAM Adya nuta pan na twAta ces bya bas ral gri'i phyag rgyas ni lha bshos dang gtor ma'o/ /rdo rje bsdams pa ral gri 'debS pa'i tshul du bya ba ni ral gri'i phyag rgya'o/ /aoM badzra A lo ke hUM zhes bya ba dang/ mar me'i phyag rgyas mar me'o/ /til dang so ba dang/ ku sha dang/ me tog dkar po dri zhim pa dang/ 'bras yos dang/ tsandan dang/ chu dag dud chos la sogs pa'i nang du bcug pa la/ rdo rje snyim pa'i me tog kha phye ba'i mchod yon gyi phyag rgya dang/ aoM badzra satwa hUM zhes bya ba lan gsum mam/ bdun nam/ nyi shu rtsa gcig yongs su bzlas la/ de dag thams cad gzhag par bya'o/ /rdo rje 'khor lo'i phyag rgya dang/ aoM badzra tsakra hUM zhes bya bas rdo rje dbyingS kyi dkyil 'khor chen po mdun du sprul par bya ste/ rdo rje khu tshur gnyis bcings nas/ /mdzub mo mthe'u chung rdo rjer 'dud/ /rdo rje 'khor lo zhes grags te/ /dkyil 'khor thams cad sgrub byed yin/ /'dis thams cad du g.yas su bskor bas dkyil 'khor thams cad sprul bar 'gyur ro/ /'di nyid khar bzhag la lta bzhin du/ rdo rje 'khor lo'i sngags brgya rtsa brgyad bzlas nas/ dkyil 'khor thams cad du zhugs par 'gyur ro/ /de nas dkyil 'khor blos mngon sum lta bur dmigs nas/ me tog la sogs pas yang dag par mchod de/ phyogs thams cad nas dkyil 'khor lnga pa dang/ aoM sarba ta thA gatya? bAk+tsit+ta pra Na men badzra bandA nAM ka ro mi zhes bya ba 'dis phyag bya'o/ /de nas phyag bzhi bya ste/ 'di ltar shar phyogs nas rdo rje thal mo spyi bor brkyang la lus thams cad la phab ste/ aoM sarba ta thA ga ta hUM ro bsta? nA ya? ? rnaM ni ryA ta yA mi sarba ta thA ga ta badzra satwa a d+hi tiSh+Tha swa nA/ zhes bya ba 'dis phyag bya'o/ /de nas lho phyogs nas de bzhin du gnas pa las rdo rje thal mo snying gar sbyar te/ dpral ba sa la reg par byas la/ aoM sarba ta TwA ga ta pU dza ab+he She ya At+ma ni ni phyA nyi ya mis rtha ta thA ga ta badzra ratna a b+hi Shiny+tsa mI zhes bya ba 'dis phyag bya'o/ /de nas nub phyogs nas de bzhin du gnas pa las rdo rje thal mo spyi bor gzhag ste/ khas la reg pa dang/ aoM sarba ta thA ga ta pU dza pra brta nA ya A t+mA ? ni rya ta yA mi sarba ta thA ga ta badzra d+harmma pra barta ya mAM zhes bya ba 'dis phyag bya'o/ /de nas byang phyogs nas de bzhin du gnas pa las rdo rje thal mo spyi bo nas phab ste snying gar sbyar la/ spyi bo sa la reg par byas te/ aoM sarba ta thA ga ta pU dzA karmma Na At+mA nI ni rya ta yA mi sarba ta thA ga ta badzra karmma ku ru ma ma zhes bya ba 'dis phyag bya'o/ /de nas pus mo gnyis kyi lhang sa la btsugs te/ rdo rje thal mo snying gar sbyar nas sdig pa thams cad bshags par bya ste/ phyogs bcu'i sangs rgyas dang/ byang chub sems dpa' thams cad dang/ de bzhin gshegs pa dang/ rdo rje dang/ rin po che dang/ pad+ma dang/ las kyi rigs su bzhugs pa thams cad dang snying po dang/ phyag rgya dang/ gsang sngags dang/ rig sngags kyi lha thams cad bdag la dgongs su gsol/ bdag rdo rje che ge mo zhes bgyi ba/ phyogs bcu'i sangs rgyas dang/ byang chub sems dpa' thamS cad dang/ de bzhin gshegs pa dang/ rdo rje dang/ rin po che dang/ pad+ma dang/ las kyi rigs su bzhugs pa thams cad dang snying po dang/ phyag rgya dang/ gsang sngags dang/ rig sngags kyi lha thams cad kyi spyan sngar sdig pa thams cad so so bshags par bgyi'o/ /phyogs bcu na 'das pa dang/ ma byon pa dang/ da ltar bzhugs pa'i sangs rgyas dang/ byang chub sems dpa' thams cad dang/ rang sangs rgyas dang/ 'phags pa nyan thos yang dag par song ba dang yang dag par zhugs pa rnams dang/ sems can gyi tshogs thams cad kyi bsod nams thams cad la rgya cher yi rang bar bgyi'o/ /phyogs bcu'i sangs rgyas bcom ldan 'das chos kyi 'khor lo bskor bar mi mdzad tpa thams cad la/ chos kyi 'khor lo bskor bar bya ba'i phyir bskul bar bgyi'o/ /phyogs bcu'i sangs rgyas bcom ldan 'das yongs su mya ngan las 'da' bar bzhed pa thams cad la/ yongs su mya ngan las mi 'da' bar gsol bar 'tshal lo/ /de nas me tog gi phyag rgya bcings la 'di skad ces brjod par bya ste/ gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na/ lha dang mi rnams kyi me tog gi bye phrag yid las byung ba'am/ chu las skyes pa'am/ thad las skyes pa gang dag yod pa de rnams 'di lta ste/ ma lus shing lus ba med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang/ phyag rgya dang/ gsang sngags dang/ rig sngags kyi lha'i khyad par thams cad la dbul bar bgyi'o/ /aoM sarbba ta thA ga ta puShpa pU dze me g+ha sa mu dra spha ra Na sa ma ye hUM/ bdug pa'i phyag rgya bcings la/ gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na/ lta dang mi rnams kyi bdug pa'i bye phrag lhan cig skyes pa 'am/ yang dag par sbyar ba'am/ yongs su gyur pa gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' rigs lnga dang bcas par bzhugs pa thams cad dang/ phyag rgya dang gsang sngags dang/ rig sngags kyi lha'i khyad par thams cad la dbul bar bgyi'o/ /aoM sarbba ta rta? ga ta d+hU pa pU dza me g+ha sa mu dra spro? ra Na sa ma ye hUM/ mar me'i phyag rgya bcings la/ gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na/ lha dang mi rnams kyi snang ba'i bye brag yid las byung ba 'am/ rin po che'i 'od dam/ mar me'i snang ba la sogs pa gang dag yod pa de rnams/ 'di lta ste ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang/ byang chub semS dpa' rigs lnga dang bcas par bzhugs pa thams cad dang/ phyag rgya dang/ gsang sngags dang/ rig sngags kyi lha'i khyad par thams cad la dbul bar bgyi'o/ /aoM sarbba ta thA ga ta A 'o ge pU dza me g+ha sa mu dra sphar Na sa ma le hUM/ dri'i phyag rgya bcings la/ gang yang 'jig rten gyi khams 'di'am/ gang yang phyogs bcu'i 'jig rten gyi khams thams cad na/ lha dang mi rnams kyi dri'i bye brag lhan cig skyes pa'am/ yang dag par sbyar ba'am/ yongs su gyur pa can gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang/ byang chub sems dpa' rigs lnga dang bcas par bzhugs pa thams cad dang/ phyag rgya dang gsang sngags dang/ rig sngags kyi lha'i khyad par thams cad la dpul bar bgyi'o/ /aoM sarba ta thA ga ta gand+ha pU dza me g+ha sa mu dra spha ra Na sa ma ye hUM zhes bya bas brjod par bya'o/ /thal mo khod stong du sbyar ba bcings la gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na/ rin po che'i ri po 'am rgya mtsho'i rin po che gang dag yod pa de rnams 'di lta ste ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang/ byang chub sems dpa' rigs lnga dang bcas par bzhugs pa thams cad dang/ phyag rgya dang/ gsang sngags dang/ rig sngags kyi lha'i khyad par thams cad la dbul bar bgyi'o/ /aoM sarbba ta thA ga to bo d+hyaM ga ra ta na a laM kA ra pU dze me g+ha sa mu dra spha ra Na sa ma ye hUM/ bzhad pa'i phyag rgya bcings la/ gang yang 'jig rten gyi khams 'di'am/ gang yang phyogs bcu'i 'jig rten gyi khams thams cad na/ lha dang mi rnams kyi rgod pa dang/ sgeg pa dang dga' ba dang/ rtsed 'jo'i bde ba'i bye brag gang dag yod pa de rnams/ 'di lta ste ma lus shing lus pa med pa'i de bzhin gshegs pa thams cad la mchod pa'i las bya ba'i phyir phyogs bcu'i sangs rgyas dang/ byang chub sems dpa' rigs lnga dang bcas par bzhugs pa thams cad dang/ phyag rgya dang gsang sngags dang/ rig sngags kyi lha'i khyad par thams cad la dbul bar bgyi'o/ /aoM sarbba ta thA ga ta tA sya lA sya rA ti kri Da so khya a nut+tara pU dza me g+ha sa mu da spa ra Na sa ma ye hUM bzhad pa'i phyag rgya de nyid rdo rje thal mo bskor ba 'di spyi bor bzhag la/ yang thal mo khong stong du sbyar ba bcings nas 'di skad ces brjod par bya ste/ gang yang 'jig rten gyi khams 'di'am/ gang yang phyogs bcu'i 'jig rten gyi khams thams cad na/ dpag bsam gyi shing ngam/ gos kyi shing gang dag yod pa de rnams/ 'di lta ste ma lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang/ byang chub sems dpa' rigs lnga dang bcas par bzhugs pa thams cad dang/ phyag rgya dang/ gsang sngags dang/ rig sngags kyi lha'i khyad par thams cad la dbul bar bgyi'o/ /aoM sarbba ta thA ga ta a nut+ta ra bo d+hi a lA? kA ra wastra pU dza me b+has mu du? spha ra Na sa ma ye hUM/ bcom ldan 'das rdo rje sems dpa' i las kyi phyag rgya bcings la/ sems can thams cad kyi 'khor ba'i sdug bsngal rjes su dran par byas nas/ snying rje'i dbang gis sems can thams cad bsgral bar bya ba'i phyir/ byang chub tu sems bskyed par bya'o/ /aoM sarbba ta thA ga ta mahA badzrod b+ha ba dA na pA ra mi tA pU dza me b+ha sa mu dra spha ra Na sa ma ye hUM/ zhes brjod par bya'o/ /rdo rje phreng ba ma'i phyag rgya bcings la/ sems can thams cad mi dge ba'i lus dang ngag dang yid kyi las kyi mdza' thams cad dang yang dag par bral par gyur cig /dge ba'i lus dang ngag dang yid kyi las kyi mdza' thams cad dang yang dag par ldan par gyur cig / aoM sarbba ta thA ga ta a nut+ta ra mahA bo d+hya hA ra shI la pA ra mi ta pU dza me g+ha sa mu tha? spha ra Na sa ma ye hUM/ zhes brjod par bya'o/ /glu ma'i phyag rgya bcings la/ sems can thams cad mtshan dang dpe byang kyis lus la yang dag par brgyan par byas pa dang/ phan tshun 'jigs pa med pa dang/ zhe 'gras pa med par bzhugs shing/ mig dang ming mngon par dga' ba dang/ chos zab mo la bzod pa dang ldan par gyur cig /aoM sarbba ta thA ga ta a nu d+ha ra ma hA d+harmma a ba bod+hik+Shan+ti pA ri mi tA dU dza me g+has mu dra spha ra Na sa ma ye hUM zhes brjod par bya'o/ gar ma'i phyag rgya bcings la/ sems can thams cad byang chub sems dpa' i spyod pa la mngon par brtson pa dang ldan pa dang/ sangs rgyas nyid du yongs su zhes zhing 'khor ba yongs su mi spong ba dang ldan par gyur cig/ /aoM sarbba ta thA ga ta san sA ra a pa ri tyaM ga anut+ta ra mahA bI rya pA ra mi tA pU dza me g+ha sa mu dra spha ra Nas ma ye hUM zhes brjod par bya'o/ /me tog ma'i phyag rgya bcings la/ sems can thams cad nyon mongs pa dang/ nye ba'i nyon mongs rnams dang bral bar gyur cig / bsam gtan dang/ rnam par thar pa dang/ ting nge 'dzin dang/ snyoms par 'jug pa dang/ mngon par shes pa rnams dang/ rig pa thams cad dbang du gyur pa phun sum tshogs pa ? gyur cig /aoM sarbba ta thA ga ta a nut+ta ra ma pA so so khya bi hA ra d+hya na pA ra mi tA pU dza mi g+ha sa mu dra spha ra Na sa ma ye hUM zhes brjod par bya'o/ /bdug spos kyi phyag rgya bcings la/ sems can thams cad 'jig rten las 'das ba'i shes rab dang/ mngon sang shes pha rnams dang/ yang dag par ldan par gyur cig /so so yang dag par rig pa bzhi thob ste/ bzo dang bstan bcos thams cad shes shing/ sgyu rtsal dang ldan la/ gsang ba'i cho ga shes pa dang/ de kho na nyid mthong ste/ nyon mongs pa dang shes bya'i sgrib pa thams cad yang dag par gcod pa'i ye shes thob par gyur cig aoM sarbba ta thA ga ta a nut+ta da kle shats+tshe sarbba d+harmma sa man+ta dz+nya mahA pradzA? pa ra mi ta pu dza me g+has mu dra spha ra Na sa ma ye hUM/ zhes brjod par bya'o/ /lus kyis bsnyen bkur bya ba'i phyir /bdag nyid phyogs bcu'i 'jig rten gyi khams ma lus pa'i de bzhin gshegs pa thams cad kyi zhabs drung du phyin par lhag par mos par byas la/ aoM sarbba ta thA ga ta kA ya ni rgyA ta na pU dza me g+ha sa mu dra spha ra Na sa ma ye hUM/ thams cad du lce brgya stong phrag snyed kyi sgo nas mnyam nyid mi g.yo zhes bya ba la sogs pa'i bstod pas mchod pa lhag par mos par byas la/ aoM sarbba ta thA ga ta bA ga ni rya ta na pU dza me g+ha sa mu dra spha ra Na sa ma ye hUM/ byang chub sems dpa' thams cad dang bsam pa gcig pa'i sbyor bas tshes mnyam pa nyid la lhag par mos par byas la/ aoM sarbba ta thA ga ta tsit+ta niryA ta na pU dza me g+has mu dra spha ra Na sa ma ye hUM/ chos thams cad dngos po med pa'i ngo bo nyid dang/ stong pa nyid dang/ mtshan ma med pa dang smon pa med pa'i rnam par lhag par byas la/ aoM sarbba ta thA ga ta gu hya dU dza me g+ha sa mu dra sphar Na sa ma ye hUM zhes brjod par bya'o/ /de ltar mchod pa rnam pa nyid shus de bzhin gshegs pa thams cad yang dag par mchod la/ bdag nyid dbul bar bya ste/ sangs rgyas dang byang chub sems dpa' thams cad la bdag nyid 'bul gyis/ bdag dus thams cad dang rnam pa thams cad du so sor bzhes su gsol/ thugs rje chen po dang ldan pa'i mgon po khyed rnams kyis dam tshig chen po'i dngos grub bdag la stsal du gsol zhes brjod la/ dge ba'i rtsa ba de yang sems can thams cad dang thun mong du bya ste/ dge ba'i rtsa ba 'di dag gis bdag dang sems can thams cad 'jig rten dang/ 'jig rten las 'das pa'i rgud pa thams cad dang yang dag par bral bar gyur cig/ 'jig rten dang 'jig rten las 'das pa'i phun sum tshogs pa thams cad dang yang dag par ldan pa'i bde ba nyid dang/ yid bde ba nyid kyis mi'i mchog sangs rgyas su tshe 'di nyid la gyur cig /bdag gi dge ba'i las rnams 'di dag gis/ /'jig rten na ni myur du sangs rgyas shog/ 'gro la phan phyir chos rnams ston bgyid cig /sems can sdug bsngal mang pos gzing las sgrol/ /bde bar gshegs pa sngags la mkhas pa yi/ /chos rgyal rtag tu lhun gyis grub pa ni/ /'gro ba'i tshogs kyis thob par bya ba'i phyir/ /da 'dir bdag gis mkha' 'drar gnas par bgyi/ /zhes bla na med pa yang dag par rdzogs pa'i byang chub du yongs su bsngos la sdom pa gzung bar bya'o/ /ji ltar dus gsum mgon po rnams/ /byang chub tu ni nges mdzad pa/ /byang chub sems ni bla med pa// dam pa bdag gis bskyed par bgyi/ /sangs rgyas rnal 'byor sdom pa la/ /sdom pa yi ni tshul khrims dang/ /dge ba'i chos ni sdud pa dang/ /sems can don byed tshul khrims gsum/ /bdag gis brtan por gzung bar bgyi/ /sangs rgyas chos dang dge 'dun te/ /bla na med pa'i dgon mchog gsum/ /deng nas brtsams te gzung bar bgyi/ /rdo rje rigs mchog chen po yi/ /rdo rje dril bu phyag rgya yang/ /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la// nyin re bzhin du dus drug du/ /sbyin pa rnam bzhi rab tu sbyin/ /byang chub chen po las byung ba'i/ /pad+ma'i rigs chen dag pa la/ /phyi dang gsang ba theg pa gsum/ /dam pa'i chos ni gzung bar bgyi/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /byang chub sems ni bla med pa/ dam pa bdag gis bskyed bgyis nas/ /sems can kun gyi don gyi phyir/ /bdag gis sdom pa ma lus gzung/ /ma grol ba ni dgrol bar bgyi/ /ma rgal ba ni rgal bar bgyi/ /dbugs ma phyin pa dbugs dbyung zhing/ /sems can mya ngan 'das la dgod/ /de nas gzugs brnyan la sogs pa'i sbyor bas/ /phyag rgya bcing ba ni/ /ji srid 'tsho'i bar du 'da' bar mi mdzad do zhes nges pa bskyed na/ las ston par byed pa'i sngags kyis las gang yin pa de nges pa nyid du sgrub par byed do/ /phyag rgya dang sngags thams cad brjod par 'dod pa'i sems dang ldan pas/ mngon sum dang 'dra bar rang gi phyag rgya dang/ lha'i nga rgyal 'chang bas phyag rgya thams cad bcing ba dang/ chog thams cad nan tan du bya'o/ /a n+yo n+ya a nu ga tA:sarba d+harmmA zhes bya bas thal mo kha sbyor bcing bar bya'o/ /par spha ra a nu ga ta sarbba d+harmmA:badzra any+dza li zhes bya bas rdo rje thal mo bcing bar bya'o/ /a tyan+ta a nu pra biSh+Tardo rje bsdams pa snying gar dral bar bya'o/ /badzra A be sha zhes bya bas rdo rje dbab pa'i dam tshig gi phyag rgya bcings nas/ yi ge a:sa bdag nyid la dbab par bya'o/ /de yang tiSh+Tha badzra draM ThaM me b+ha ba shA shwa to me b+ha ba/ h+ri da ya me/ a d+hi tiSh+Tha/ sarbba sid+d+hi sphi pra yats+tsha hUM ha ha ha ha ho:zhes bya ba 'dis brtan par bya'o/ /badzra muSh+Ti zhes bya bas rdo rje khu tshur gyis dam tshig gi phyag rgya bcings la/ aoM badzra muSh+Ti paM zhes brjod par bya'o/ /de nas rang gi snying gar chud pa'i rdo rje'i lte bar badzra satwa zhes bya ba bsams li/ de nyid yid kyis brjod cing chos thams cad bdag med par bsgom par bya'o/ /de nas snying po de nyid dang dbyangs kyi yi ge bcu drug dang bcas pa las/ rang gi sems zla ba'i dkyil 'khor gyi rnam pa dang/ de'i steng du snying po de nyid dang yi ge ka la sogs pa skar ma'i rnam par lta bu yongs su gyur pa las/ zla ba'i dkyil 'khor gnyis pa dang/ yang de'i snying po dang bcas pa yongs su gyur pa las dang po'i rdo rje dang/ de'i dbus su snying po rnam par bsams la/ badzra haM zhes bsgom par bya'o/ /rdo rje de las de bzhin gshegs pa'i rigs su sprul la/ des sems can gyi don byas nas/ bsdu ba'i sbyor bas de la zhugs par bya'o/ /de nas badzra satwa hAM zhes brjod cing/ sems dpa' byin gyis brlabs pa'i sbyor bas/ bdag nyid rdo rje sems dbar lhag par mos par byas nas/ bsnyems pa dang bcas pas rdo rje gsor zhing yang badzra satwa haM zhes brjod par bya'o/ /de la sems dpa' byin gyis brlab pa'i sbyor ba ni/ kun bdag sems dpa' bdag nyid rigs so/ /bdag nyid kyang ni bdag la gnas/ /shes byin gyis brlabs nas/ badzra satwa haM zhes bya ba'i nga rgyal du bsgoms nas grub par 'gyur ro zhes bya ba 'di/ bcom ldan 'das rdo rje 'chang gis gsungs so/ /de yang thog ma dang tha ma med pa'i chos kyi dbyings kyi rgya mthun par rnam par bsgoms la/ mahA satwa haM zhes brjod par bya'o/ /de nas rdo rje sems dpa' dam tshig gi phyag rgya bcings nas/ sa ma yo haM zhes brjod par bya'o/ /de nyid dang sa ma yas twa a d+hi tISh+Tha swa maM zhes bya ba bas snying ga dang/ mdzod spu dang/ lkog ma dang spyi bor byin gyis brlab par bya'o/ /de nas rdo rje sems dpa' i phyag rgya chen po bcings nas/ badzra satwa a:zhes brjod de/ mdun gyi nam mkha' i phyogs su phyag rgya dang/ badzra aoM ku sha dza:badzra pA sha hUM/ badzra spho Ta baM/ badzra A be a:zhes bya ba'i snying po de rnams kyis/ dgug pa dang gzhug pa dang/ bcing ba dang/ dbang du bya'o/ /de nas de dag gi las kyi phyag rgya ni/ /mdzub mo lcags kyu bcings pa ni/ /mthe'u chung las te lcags kyu che/ /mkhrigs ma mdud pa mdzub gnyis gdub/ /rgyab gnyis kyang ni bsnyams te mnan/ /zhes bya ba yin no/ /de na badzra driSh+Ti maT ces bya ba mig gnyis su bkod la/ bcom ldan 'das kyi dam tshig gi phyag rgya bcings nas/ badzra satwa driSh+ya zhes brjod de/ ye shes sems dpa' de mthong nas/ /rang gi lus la rab tu bsgom/ /dza:hUM baM ho:zhes brjod de/ /bkug cing bcug la bcing ba dang/ /dbang du byas te bsgrub par bya/ /sa ma ya satwaM zhes brjod pas/ /rgyab tu zla bsgrubs nas ni/ /sa ma ya stwa a haM brjod/ /bcom ldan 'das bcug nas sa ma ya stwaM a haM badzra satwa/ zhes bya ba lan gsum brjod cing/ bdag nyid dang gcig tu gyur bar bsams par bya ste/ bzhad pa'i dang bcas pa zla ba'i mdog dang/ zla ba'i 'od can sangs rgyas lnga'i cod pan can/ rdo rje dril bu bsnams pa/ sems dpa' i skyil mo krung gis bzhugs pa/ rab tu dgyed pas spyan gdangs pa/ phyag rgya chen po'i tshul du bzhugs pa'o/ /de nas chos dang las dang phyag rgya chen pos rgyas btab ba/ bsdu ba'i phyag rgya bcings nas/ dza:hUM baM ho:zhes brjod de/ yid kyi legs pa'i sbyor bas rang gi lus la/ de bzhin gshegs pa thams cad rab tu bcug cing/ dam tshig gi phyag rgya ngag gis rab tu bsgrubs la/ chos dang las dang phyag rgya chen po dag gi rgyas gdab par bya'o/ /sbyor ba 'dis rnam par snang mdzad la sogs pa'i rang gi dam tshig gi phyag rgya bcings nas/ badzra d+hA tu dri sh+ya dza:hUM baM ho:sa ma ya stwaM/ sa ma ya stwaM a haM zhes brjod do/ /spyi'i snying po/ rnam par snang mdzad la sogs pa de bzhin gshegs pa thams cad kyi spyi'i snying po badzra d+hA tu zhes bya ba dang/ rang gi sngags lan gsum gyi bar du brjod par bya'o/ /aoM sarbba ta thA ga ta ma hA yo gI shwa ri hUM zhes bya ba ni rnam par snang mdzad kyi rang gi sngags so/ /aoM badzra satwa hUM zhes bya ba ni mi bskyod pa'i 'o/ /aoM badzra ratna hUM zhes bya ba ni rin chen 'byung ldan gyi'o/ /aoM badzra d+harma hUM zhes bya ba ni 'od dpag tu med pa'o/ /aoM badzra karmma hUM zhes bya ba ni don yod grub pa'i'o/ /de nas rnam par snang mdzad la sogs pa'i dam tshig gi phyag rgya brjod par bya ste/ thal mo dam du bsdams pa las/ /sor mo thams cad bsnol ba ni/ /rdo rje thal mor bka' stsal te/ /rab tu bsdams phyir rdo rje bsdams/ /dam tshig phyag rgya thams cad ni/ /rdo rje bsdams las byung bas ni/ /de dag bsdams pa rdo rje yi/ /bsdams pa bla med bshad par bya/ /rdo rje bsdams pa dam byas la/ /gung mo myu gu ltar mnyam bsgreng/ /gung mo nang du gshibs pa ni/ /sangs rgyas gnyis pa'i yin par bshad/ /gung mo rin chen 'dra ba dang/ /gung mo pad+ma 'dra bar dgug /sangs rgyas lnga pa'i phyag rgya ni/ /de bzhin mdzub mo bkug pa'o zla ba lta bu lag gnyis kyi/ /gung mo btang bar gyur pa dang/ /mthe bong mthe'u chung so so bsgreng/ /sems dpa' i rdo rje bsgreng rdo rje/ /dam tshig gi phyag rgya thams cad kyang/ rang gi snying gar rdo rje rnam par bsams la sbyar bar bya'o/ /da nas rang gi lce la snga ma bzhin du rdo rje'i rnam par bsams nas/ de bzhin gshegs pa thams cad kyis lcags la/ badzra dz+nyA na zhes bya ba dang/ rang gi lce la sa ma ya stwaM zhes bya ba'i chos kyi phyag rgya bsam par bya'o/ /yi ge a:las rang gi snying gar sna tshogs rdo rje bsams la/ las kyi phyag rgya bcings na/ las kyi phyag rgya bcings par 'gyur ro/ /rdo rje khu tshur gnyis bcings te/ /mnyam par bzhag pas gnyis su bya/ /rdo rje phyag rgya gnyis bcings te/ /de nas bcing ba rab tu bshad/ /g.yon pa'i rdo rje mdzub mo ni/ g.yas pa'i nang du bsgreng bar bya/ /phyag rgya byang chub mchog yin te/ /sangs rgyas byang chub sbyin byed pa'o/ /rnam par snang mdzad kyi'o/ /g.yon pa'i rdo rje khu tshur chos gos kyi tha ma 'dzin pa'i sbyor bas nyid kyi thugs kar 'jog cing/ g.yas pa sa gnon ba'i sbyor ba 'di ni mi bskyod pa'i 'o/ /'di nyid las phyag g.yas pa mchog sbyin pa'i tshul du 'dzin pa 'di ni rin chen 'byung ldan gyi'o/ /ting 'dzin mchog ni 'od dpag tu med pa'i 'o/ /mi bskyod pa'i phyag rgya nyid las/ phyag g.yas pa mi 'jigs pa sbyin pa'i tshul du 'jog pa 'di ni/ don yod par grub pa'i 'o/ /bsgyings bcas gsor ba gnyis ka yis/ /zhes bya ba ni rdo rje sems dpa' i 'o/ /rang gi snying gar sems dpa' i rdo rje rnam par bsams la/ phyag rgya chen po bcings par bya'o/ /ji skad du bshad pa'i byang chub mchog ni rnam par snang mdzad kyi phyag rgya chen po'o/ /mi bskyod ba'i ni phyag g.yon pa brla la bkan te/ ting nge 'dzin gyi sbyor ba dang/ g.yas pas sa gnon par byed pa'o/ /rin chen 'byung ldan gyi ni de nyid las phyag g.yas pa mchog sbyin la mngon du mchog pa'o/ /'od dpag tu med pa yin ni ting nge 'dzin no/ /mi bskyod pa'i phyag rgya de nyid las phyag g.yas pa mi 'jigs ba sbyin pa'i tshul du 'dzin pa 'di ni don yod grub pa'i phyag rgya chen po'o/ /rnam par snang mdzad dang/ mi bskyod pa dag ni de bzhin gshegs pa'i rdo rje bsnams pa'o/ /lhag ma rnams ni rdo rje rin po che dang rdo rje pad+ma dang/ sna tshogs rdo rje bsnams pa'o/ /rdo rje sems dpa' ni g.yon pa'i rdo rje khu tshur rdo rje dril bu dang bcas pa bsgyings pa/ phyag g.yas pas dang po'i rdo rje gsor zhing rang gi snying gar bstong pa'i tshul gyis bsnams pa'o/ /de nas de bzhin du sems ma rdo rje ma la sogs pa bcings nas/ bdag nyid kyi gnas bzhing byin gyis brlab par bya ste/ rang gi snying gar satwa badzri ad+hi tiSh+Tha swa mAM zhes bya ba dang/ rin chen rdo rje ma bcings la dpral ba'i phyogs su ratna badzri a d+hi tiSh+Tha sAmAM zhes bya ba dang/ chos kyi rdo rje ma bcings la lkog ma'i phyogs su d+harmma badzri a d+hi tiSh+Tha swa mAM zhes bya ba dang/ las kyi rdo rje ma bcings la spyi bor karmma badzri a d+hi tiSh+Tha swa mAM zhes bya bas byin gyis brlab par bya'o/ /de nas aoM badzra satA sa ma ya ma nu pA la ya/ badzra satwa twe no pa tiSh+Tha driDho me b+ha ga su to Sh+yo me b+ha ga a nu rakTo me b+ha ba/ su bo Sh+yo me b+ha ba/ sarba sid+d+hi me pra ya ts+tsha sarbba karmma su tsa me/ tsit+taM sh+ri ya:ku ru hUM/ ha ha ha ha ho/ b+ha ga pA na sarbba ta thA ga ta badzra mA me muny+tsa badzri b+ha ba/ ma hA sa ma ya sa twa apa 'di lan gsum bzlas pas brtan par byas la/ phyag 'tshal ba'i thal mos bcom ldan 'das la phyag 'tshal bar bya'o/ /de nas dbang bskur ba blang bar bya ste/ rdo rje dbyings kyi dbang phyug ma bcings la/ spyi gtsug tu yi ge A:las rnam par snang mdzad sku mdog dkar po byang chub mchog gi phyag rgyas bzhugs pa bskyed la/ aoM badzra d+hA twi shwa raM hUM badzri ni a b+hi Shiny+tsa mAM zhes bya ba dang/ mi bskyod pa'i phyag rgya bcings la/ dpral ba'i dbus su yi ge hUM las mi bskyod pa sku mdog sngon po sa gnon gyi phyag rgyad bzhugs pa dang/ aoM badzri badzri Ni hUM a b+hiShiny+tsa mAM zhes bya ba dang/ rin chen 'byung ldan gyi phyag rgya bcings la/ rna ba g.yas pa'i steng du yi ge trAM las rin chen 'byung ldan gser btso ma'i mdog can mchog sbyin pa'i phyag rgyar bzhugs pa dang/ aoM ratna badzri Ni a b+hiShiny+tsa mAM zhes bya ba dang/ 'od dpag tu med pa'i phyag rgya bcings la/ mgo bo'i rgyab tu yi ge h+rI:las 'od dpag tu med pa sku mdog dmar po ting nge 'dzin mchog gi phyag rgyas bzhugs pa dang/ aoM d+hArma badzri Ni hUM a b+hi Shiny+tsa mOM zhes bya ba dang/ don yod grub pa'i phyag rgya bcings la/ rna ba g.yon pa'i steng du yi ke a:laS don yod grub ba sku mdog ljang gu mi 'jigs pa sbyin pa'i phyag rgyas bzhugs pa bskyed/ aoM karma badzri Ni hUM a b+hi Shiny+tsa mAM zhes bya ba brjod par bya'o/ /rdo rje thal mo las/ mthe bo gnyis ni bsnol byas la/ /mdzub mo'i rtse mo bkug nas ni/ /gung mo bsnyams pa'i tshigs su sbyar// rdo rje dbyings kyi dbang mor bshad/ /de nyid las ? ma rdo rje byas pa dang/ gung mo gnyis bkug ste rin po che 'dra bar byas pa dang/ gung mo dang srin lag dang mthe'u chung pad+ma 'dra bar byas pa dang/ gung mo dang srin lag dang mthe'u chung pad+ma 'dra bar byas pa dang/ sor mo brkyang ba'o/ /de'i rjes la aoM TuM zhes bya bas phyag rgya dang bcas pa 'das bcings par bya ba ni/ rdo rje khu tshur gnyis snying gang mdud pa bcing ba'i tshul du bya zhing/ de bzhin du mgrin pa dang ltag pa dang/ yang snying gdang nu ma'i bar dang/ yang snying ga dang/ mgrin pa dang/ rgyab dang/ dpral ba'i phyogs su mdud pa bcing ba'i tshul du byas la/ mgo bo'i phreng ba bcing pa'i tshul du byas te/ sgeg pa dang bcas pas mdza' ma la sogs pa'i sor mo thams cad bkrol te/ mthar mnyam pa'i thal mo dang badzra tu Sh+ya hordo rje'i dbang/ /de ring khyod la bskur bar bya/ /sangs rgyas kun tu rab grub phyir/ /rdo rje 'di ni khyod kyis long/ /aoM badzra a d+hi pa ti twaM a b+hi Shiny+tsa mi tiSh+Tha badzra sa ma ya stwaM/ zhes bya ba 'dis rdo rje'i dbang bskur ba dang/ bdag po'i dbang bskur ba blang bar bya'o/ /de nas rdo rje dril bu rang gi mdor bzhag la/ aoM badzra satwa twoM a b+hi Shiny+tsa mi/ badzra ma nA ma a b+hi She ka ta/ kye rdo rje kun tu bzang po zhes bya bas ming gis dbang bskur ba blangs la/ 'di de sangs rgyas thams cad de/ /rdo rje sems dpa' i lag na 'dug/ khyod kyis kyang ni rtag tu bcad/ /phyag na rdo rje brtul zhugs brtan/ /aoM sarbba ta thA ga ta sid+d+hi badzra sa ma ya tiSh+Tha e Sha twaM d+ha ra yA ma badzra satwa hi hi hi hi hUM zhes bya ba 'di dngos grub kyi rdo rje'i brtul zhugs blang bar bya'o/ /de nas sgeg mo la sogs pa'i mchod pa bzhis bdag nyid yang dag par mchod nas/ bcom ldan 'das kyi phyag rgya chen po bcings la/ yi ge hUM las grub pa'i rdo rje de kho na nyid kyis gzung bar bya ste/ thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje slems tshul bdag po'i bdag/ bcom ldan 'das dpal mchog dang po'i skyes bu'o/ /zhes bya ba ni de kho na nyid do/ /yi ge akyis srid bral byas/ /rang bzhin dag pa'i sems dpa' mchog/ srid pa'i mchog gi mdzad pa yin/ /mchog tu gsang ba'i chos nyid 'bebs pa ni dril bu'o/ /de bas na de bzhin gshegs pa thams cad mchod pa byas nas sam/ lha rnams dgyes pa byas nas dkrol na/ chos thams cad de kho na kho na nyid rab tu rtogs pas 'bebs pas/ sgrib pa thams cad rnam par dag par byed cing/ rdo rje thams cad 'bebs pa dang/ 'phel bar byed pa dang/ dbang du byed pa dang/ sems dang sgrub par byed do/ /de nas srid pa rnam par dag pa'i thabs kyi mchod pas/ thams cad kyi gsang ba chen po rtag tu brten par bya ba yin no/ /de la khyod kyi srid pa'i bde ba shin tu chung/ /sdug bsngal chen po dag bya'i phyir/ /shin tu bde ba dam pa'i thabs/ /dam tshig 'di rtag tu bskyed/ /'dod pa'i longs spyod thams cad ni/ /ci 'dod par ni bsten bzhin du/ /rang gi lha yi sbyor ba yis/ /bdag dang gzhan la mchod par bya/ /de ltar de bzhin gshegs pa thams cad kyi bla na med pa'i mchog tu gsang ba zhes bya ba theg pa chen po'i dam tshig gi sbyor ba ni bcom ldan 'das kyi dam tshig go/ de ci'i phyir zhe na/ 'di ltar bcom ldan 'das rdo rje 'chang gis/ de bzhin gshegs pa thams cad kyis/ /'da' ba ru ni mi mdzad pas/ /phyag rgya dam tshig ces su bsgrags/ /yid kyis gzugs ni brtan phyir ro/ /zhes bya ba dang/ mchog tu gsang ba zhes bya ba gsungs so/ /de la bcom ldan 'das rdo rje sems dpas/ /ji srid 'khor ba'i gnas su ni/ /mkhas mchog 'dug par 'gyur ba'i tshe/ /de srid mtshungs med sems can don/ /mya ngan mi 'da' byed par nus/ /gsang ba dang bcas dam tshig thabs/ /bsod nams byin brlabs sgrub byed cing// rtag tu dngos grub kun dbang phyug / rtag tu 'gro ba'i don byed do/ /dam tshig gis ni nges par ni/ /ci bde bar ni mchog grub byed/ /sems can skal dan spyad dan pas/ /thams cad du ni 'grub mi 'gyur/ /dam tshig dbang phyug kun gyi bdag/ rdo rje 'dzin pa kun gyi rgyal// dam pa'i dbang phyug kun mchog tu/ /'dod chags chen pos grub par byed/ /las kyi tshogs rnams 'grub pa yis/ /dngos grub ma lus 'grub par 'gyur/ /rang gzhan phyag rgya'i rnal 'byor dag/ bsgrub par bya ba thams cad ni/ /don yod par ni mchog 'grub can/ /thams cad rnal 'bor 'grub byed yin/ /dam tshig sdug bsngal kun sel zhing/ /dpal ldan 'da' bar dka' ba yin/ /zhes mchog tu gsung ba 'di gsungs so/ /de'i rjes la badzra satwa hUM zhes bya ba rang gi snying gar gnas pa'i rdo rje'i dbus su bkod la rdo rje'i tshig gis brjod do// phyag rgya chen po bcings nas yid kyis nam mkha' i phyogs su gnas te/ a kA ro mu khaM sarba d+harmA nAM Adya nu ta pan+na twata zhes bya ba yid kyis brjod la/ sangs rgyas kyi zhing thams cad nam mkha' lta bur bsam par bya'o/ /de nas nam mkha' i phyogs der yi ge hUM yoM hUM las rlung gi dkyil 'khor dang/ de'i steng du baM las chu dang/ de'i steng du laM las gser dang/ de'i steng du baM las rgya mtsho chen po dang/ rgya mtsho chen po'i dbus su hUM suM hUM zhes bya ba las ri rab rin po che sna bzhi'i rang bzhin can/ zur bzhi pa rin po che thams cad kyis nye bar spras pa bskyed la/ aoM dro Dho me b+ha ba rak+Sha sarbbaM swA hA/ /zhes byas bas sa ma bzhin du byin gyis brlab par bya'o/ /de'i steng du sngar bshad ba'i rdo rje 'khor los gzhal yas khang du sprul la/ de'i dbus a:siM anas/ nam mkha' i phyogs na phyogs na phyogs nas babs nas/ seng+ge'i gdan la yid kyis nub tu mngon par phyogs nas 'dug par bya'o/ /mdun du yi ge a las byung ba'i zla ba'i dkyil 'khor gyis nyen pa'i seng ge'i gdan de bzhin du bsams la/ badzra b+hA? tu zhes brjod do/ /byang chub mchog bcings nas bdag nyid rnam par snang mdzad du bskyed la/ badzra satwa zhes bya ba brjod cing rang gi snying ga las rdo rje sems dpa' sprul te mdun na gnas pa'i seng ge'i gdan la gzhag par bya'o/ /yang badzra satwa zhes brjod cing rdo rje sems dpa' i phyag rgya chen po bcings la/ bdag nyid rdo rje sems dbang rnam par bsams la/ yi ge hUM las bdag nyid rdo rje hUM mdzad du sprul te/ rdo rje la sogs pa'i sgo bzhi aoM badzra au ta g+ha Ta ya sa ma ya pra be sha ya hUM zhes bya ba dang/ yid kyis dbye bar bya'o/ /phyag rgya ni rdo rje mdzub mo yang dag sbyor/ /sbyar la bkan te bsdams nas su/ /rab tu khros nas dbye ba ni/ /sgo dbye ba yi mchog yin no/ /zhes bya ba 'di yin no/ /de nas sa ma na ta b+ha dra badzro haM zhes bya ba rang gi ming brjod cing bdag nyid rdo rje sems dpa' rnam par bsams nas rdo rje slob dpon sems dpa' yi/ /rdo rje lcags kyu bcings nas ni/ /se gol mang po brdabs byas la/ /sangs rgyas thams cad bsdu bar bya'o/ /aoM badzra satwa sa mA dzamtshan brgya rtsa brgyad dam pa 'di/ /lan cig rab tu brjod par bgyi/ /rdo rje sems dpa' sems dpa' che/ /rdo rje de bzhin gshegs pa kun/ /kun bzang rdo rje chen po ste/ /phyag 'tshal phyag na rdo rje la'o/ /rdo rje rgyal po sangs rgyas mchog/ rdo rje lcags kyu de bzhin gshegs don yod rgyal po rdo rje mchog/ phyag 'tshal rdo rje 'dugs khyod la'o/ /rdo rje chags pa bde chen po/ /rdo rje mda' ni dbang byed pa/ /bdud kyi 'dod pa rdo rje che/ /phyag 'tshal rdo rje gzhu khyod la'o/ /rdo rje legs pa sems dpa' mchog/ rdo rje mgu ba dga' ba che/ /rab dgyes rgyal po'i rdo rje mchog / phyag 'tshal rdo rje dgyes khyod la'o/ /rdo rje rin chen rdo rje don/ /rdo rje nam mkha' nor bu che/ /nam mkha' i snying po rdo rje phyug/ phyag 'tshal rdo rje snying khyod la'o/ /rdo rje gzi brjid cher 'bar ba/ /rdo rje ma rgyal ba'i 'od/ /'od zer rdo rje gzi brjid che/ /phyag 'tshal rdo rje 'od khyod la'o/ /rdo rje dpal rab sems can don/ /rdo rje rgyal mtshan rab dga' byed/ /rdo rje chen po rin chen dpal/ phyag 'tshal rdo rje dpal khyod la'o/ /rdo rje bzhad mo bzhad mo che/ /rdo rje 'dzum pa ngo mcher che/ /dga' zhing rab dga' i rdo rje ston/ /phyag 'tshal rdo rje dga' ba la'o/ /rdo rje chos rab de nyid don/ /rdo rje padmo rab dga' byed/ /'jig rten dbang rab rdo rje can/ /phyag 'tshal rdo rje spyan khyod la'o/ /rdo rje rnon po theg pa che/ /rdo rje ral gri mtshon chen po/ /'jam dpal rdo rje rab tu thab/ /phyag 'tshal rdo rje blo khyod la'o/ /rdo rje rgyu dang snying po che/ /rdo rje 'khor lo tshul chen po/ /rab bskor rdo rje las byung ba/ /phyag 'tshal rdo rje snying po la'o/ /rdo rje gsung ba rang rig mchog /rdo rje zlos pa rab grub sbyin/ /mi gsung rdo rje mchog sgrub pa/ /phyag 'tshal rdo rje gsung khyod la'o/ /rdo rje las rab rdo rje bka' / /las kyi rdo rje kun rab sgrol/ /rdo rje des pa rgya che ba/ /phyag 'tshal rdo rje kun khyod la'o/ /rdo rje srung ba brtan pa che/ /rdo rje go cha rab tu sra/ /brtson 'grus mchog ni thub par dka' / /phyag 'tshal rdo rje btson 'grus la'o/ /rdo rje gnod sbyin thabs po che/ /rdo rje mche ba gtsigs pa che// bdud 'joms rdo rje mi zad pa/ /phyag 'tshal rdo rje drag po la'o/ /rdo rje mtshams spyod rab sdud nyid/ /rdo rje 'ching ba rab grol byed/ /rdo rje khu tshur dam tshig mchog/ phyag 'tshal rdo rje khu chur ri la'o/ /su zhig ming rnams 'chang ba ni/ /zhi ba'i brgya po rtsa brgyad 'dis/ /rdo rje ming dbang bskur la sogs/ /mchog rnams kun gyis de dbang bskur/ /gang zhig yon tan ming rnams kyis/ /rdo rje 'chang ba chen po la/ /rtag tu dbyangs kyis bstod pa ni/ /de yang rdo rje 'chang 'drar 'gyur/ /de nas rdo rje lcags kyu la sogs pas snga ma bzhin du bcom ldan 'das rdo rje sems dpa' 'gug pa dang/ gzhug pa dang/ bcing pa dang/ dbang du byas la/ rdo rje gnod sbyin gyis phyag rgyas bgegs bsal ba byas nas/ de nyid kyis rdo rje rab dang dra ba byas te/ rdo rje khu tshur gyi dam tshig gi phyag rgya sgo bcad cing/ rdo rje gnod sbyin gyi dam tshig gi phyag rgyas bsrung ba thams cad yang dag par bsrungs nas/ bcom ldan 'das la phyag bya'o/ /aoM badzra satwa hUM zhes bya bas mchog yon phul la/ snga ma bzhin du rang gi dam tshig gi phyag rgyas rab tu bsgrubs te/ chos dang las dang phyag rgya chen po dag gis rgyas btab nas dbang bskur la phyag bya ste/ bzlas par bya ba brjod cing/ yang mchod yon phul la/ me tog la sogs pa mchod pa'i yo byad lngas yang dag par mchod nas/ aoM rdo rje sems dpa' bsdus pas na/ /rdo rje rin chen bla na med/ /rdo rje chos ni klu blangs pas/ /rdo rje las ni byed par 'gyur/ zhes rdo rje glur blang zhing re re zhing rdo rje'i gar byas la/ sgeg mo la sogs pa rnam pa brgyad kyis las kyi phyag rgya dang/ badzra lA sya badzra mA le badzra gI ti/ badzra nri tya/ badzra d+hU pe/ badzra puShpe badzra A lo ke badzra gand+he zhes bya ba'i snying po dag gis yang dag par mchod pa bya'o/ /de la rdo rje khu tshur gnyis las byung ba'i las kyi phyag rgya ni/ rdo rje bsgyings pa'i tshul gyis su/ /bsam pa g.yo bas 'dud par bya/ /phreng ba bcings dang kha nas dbyung/ /gar las thal sbyar spyi bor bzhag/ 'og gu ljugs dang gyen du 'thor/ /mthe bo gshibs te bsgreng ba nyid/ /dris byug pa yi tshul du ni/ /mchod ba'i phyag rgyar rab tu rtag/ slob dpon gyi dbang thob pa gang yin pa des ni rnal 'byor chen po byas la/ cho ga thams cad rjes su spyad de/ mchod pa brkyad dang/ las kyi dkyil 'khor las bsrung ba'i phyag rgya'i mchod pa bcu drug gis kyang mchod par bya'o/ /bdag nyid chen po gang dag gi/ phyag rgya gang dang gang bcing ba/ bzlas ba'i snying po'i don du ni/ /bdag nyid chen po de bsgom bya/ /zhes bya ba ni phyag rgya thams cad kyi dam tshig go/ /de nas chos kyi des pa ni/ /phyag rgya chen po bsgoms nas kyang/ /dngos grub thams cad bsgrub par bya/ /'di ni de bzhin gshegs rigs kyis/ /chos nyid dngos grub dam pa gsol/ /zhes bya ba'o/ /de'i rjes la yi ge a las rin po che sna bdun dang/ dpag bsam gyi shing dang/ khams ro brgya ba'i bkod pa sprul nas aoM sarbba bid pU ra pU ra su ra su ra A barta? ya ho zhes bya ba brjod cing/ de dag gis yang dag par mchod par bya'o/ /phyag bzhi byas nas/ bcom ldan 'das kyi phyag rgya chen po bcings te/ aoM badzra At+ma ko hi zhes bya bas bdag nyid rdo rje'i bdag nyid can dang/ aoM swa b+hA ba shud+d+ho? haM zhes bya bas chos thams cad bdag med pa nyid dang/ sarbba sa mo haM zhes bya ba brjod do/ /bdag med mnyam pa nyid kyis mdun na bzhugs pa'i bcom ldan 'das rdo rje sems dpar gyur pa dang/ sems can thams cad rdo rje sems dpar gyur pa dang bcas par di nyid ye shes gcig tu gyur par bya'o/ /de nas gal te bzlas pa byed par 'dod na/ bzlas pa'i don du rang gi snying gar chud pa'i zla ba'i dbus su badzra satwa zhes bya ba'i ming bris nas/ aoM badzra satwa hUM zhes bya ba rdo rje'i tshig gam/ yid kyis brjod cing thams cad gcig tu rdo rje'i rang bzhin gzugs brnyan lta bu 'am/ tshig thams cad so sor bdag nyid du dmigs par bya ste/ g.yon pa'i rdo rje khu tshur gyis rdo rje bzung zhing/ lag pa g.yas pas phreng ba snying gar yang dag par gzung ste/ rang gi snying ga'i zla ba 'am/ lha'i thugs ka'i zla ba la bzlas pa'i don du mu tig gi phreng ba lta bu dus mdza' i me 'dra'i 'od zer can bkod la/ brgya rtsa brgyad ma stong rtsa brgyad du bzlas pa bya'o/ /de nas gal te sbyin sreg byed par 'dod na/ /rgya rtsa brgyad gyi bar du bzlas pa byas nas/ sbyin sreg gi cho gas sbyin ? bya'o/ /gal te phyag rgyas skyo 'am/ rang nyid gtong bar 'dod na/ yi ge brgya pa yang nas yang du bzla bar bya'o/ /de de ltar ji srid skyo bar ma gyur pa de sred kyi bar du bsgom pa dang/ bzlas pa bya'o/ /de ltar ji srid skyo bar ma gyur ba skyo bar gyur na yang mtshan brgya rtsa brgyad pas bstod pa dang/ mchod ba dang/ phyag bzhi byas nas mngon par 'dod pa'i dngos grub kyi phyir/ dge ba'i rtsa ba yongs su bsngo bar bya'o/ /badzra satwa zhes bya ba brjod cing phyag rgya bcing ba dgrol ba bras nas mchod yon phul te/ aoM khyed kyis 'gro ba'i don kun mdzad/ /rjes su mthun pa'i dngos grub stsol/ /sangs rgyas yul du gshegs nas ni/ /slar yang 'byon par mdzad du gsol zhes bskul nas/ badzra satwa muji ltar sprul pa'i bcom ldan 'das dam tig gi phyag rgya dang/ dzadang/ yi ge brgya pa brgya pa brjod de ldang bar bya'o/ /nyin re zhing thun bzhin bya'o/ /rdo rje sems dpa' 'byung byas las/ /dge ba bdag gis gang bsags pa/ /de yis kun dga' snying po ni/ /rig mchog rdo rje 'chad gyur cig/ bcom ldan 'das rdo rje sems dpa' i rdo rje sems dpa' 'byung ba zhes bya ba'i sgrubs thabs/ slob dpon chen po kun dga' snying po'i zhal snga nas mdzad pa rdzogs so// //'di'i gzhung tshang ni brgya phrag gnyis dang/ rkang pa gcig dang bcas pa yin no// // rgya gar gyi mkhan po su bud+d+ha sh+rI shAn+ti dang/ bod kyi lo tsa ba rma dge ba'i blo gros kyis bsgyur ba'o// //rdo rje sems dpa' i sgrub thabs bzhugs// //rgya gar skad du/ badzra satwa ? d+ha no pa ka /bod skad du/ rdo rje sems dpa' i sgrub pa'i thabs/

CLOSE WINDOW