བོད་ཡིག

e-texts based on the ACIP/ALL Input

de bzhin gshegs pa thams cad kyi de kho na nyid bsdus pa theg pa chen po mngon par rtogs pa zhes bya ba'i rgyud kyi bshad pa de kho na nyid snang bar byed pa bzhugs// rgya gar skad du/ sarba ta thA ga ta tat+twa saM gra ha ma hA yA nA b+hi sa ma ya nA ma tan+t+ra tat+twa lo ka kA ri nA ma bya khya/ bod skad du/ d e bzhin gshegs pa thams cad kyi de kho na nyid bsdus pa theg pa chen po mngon par rtogs pa zhes bya ba'i rgyud kyi bshad pa de kho na nyid snang bar byed pa zhes bya ba/ bcom ldan 'das rnam par snang mdzad la phyag 'tshal lo/ /bcom ldan 'das 'jam dpal gzhon nur gyur pa la phyag 'tshal lo/ /bcom ldan 'das rdo rje sems dpa' la phyag 'tshal lo/ /de bzhin gshegs la phyag 'tshal nas/ /sangs rgyas kun gyi de nyid che/ /bsdus pa rtog pa dge ba ni/ /ci nus par ni rnam par dbye/ / //'di skad bdag gis thos pa zhes bya ba la sogs pa 'di'i brjod par bya ba dang/ 'brel pa ni gang zhig yin/ de bzhin du dgos pa dang/ dgos pa'i dgos pa ni ci zhig yin zhe na/ de brjod bar bya ste/ de bzhin gshegs pa thams cad kyi de kho na nyid bsdus pa theg pa chen po mngon par rtogs pa zhes bya ba 'di ni rgyud yin la/ 'di'i 'di skad bdag gis zhes bya ba la sogs pa ni rnam par snang mdzad dang/ rnam par snang mdzad chen po'i bdag nyid bdag dang gzhan gyi don phun sum tshogs pa ston par byed pa'i gleng gzhi'i mdo ni rnam p ar snang mdzad dang rnam par snang mdzad chen po'i mtshan nyid bdag dang gzhan gyi don phun sum tshogs pa'i rang bzhin la gdul bya rnams mngon par 'dod pa bskyed par bya ba'i phyir gsungs pa yin no/ /gdul bya mngon par 'dod pa skyes ba rnams la rnam par snang mdzad dang/ rnam par snang mdzad chen po'i rang bzhin mngon sum du bya ba'i phyir/ de nas de bzhin gshegs pa thams cad kyi sangs rgyas kyi zhing 'di zhes bya ba nas brtsams te/ bcom ldan 'das kyis de skad ces bka' stsal nas zhes bya ba'i bar gyis thabs dang de'i rang bzhin mngon sum du byed pa stan pa yin no/ /de la thabs kyi dbye ba bshad par bya ste/ de la yang ting nge 'dzin nyid ni dngos su thabs yin pas na/ de nas de bzhin gshegs pa thams cad kyi sangs rgyas kyi zhing 'di zhes bya ba nas brtsams te/ sangs rgyas rnams ni gcig tu gyur zhes bya ba'i bar gyi bshad pas ni dang po sbyor ba dang/ dkyil 'khor rgyal po mchog dang/ las kyi rgyal po mchog ste/ ting nge 'dzin gsum bstan pa yin no/ /dam tshig dang dbang bskur ba thob pa rnams kyi thabs de la 'jug par bya'o/ /zhes bya ba 'di'i don bstan par bya ba'i phyir/ de nas bcom ldan 'das de bzhin gshegs pa thams cad kyi zhes bya ba nas/ gang gi ming brjod pa der kye zhes brjod pa yin no/ /zhes bya ba'i bar gyi gzhung gis ni slob dpon gyi las rnams dang/ dkyil 'khor thams cad du 'jug pa'i cho ga rgyas pa stan par mdzad pa yin no/ /dam tshig dang dbang bskur ba thob pa de rnams nyid la slob dpon gyi ji ltar mngon par 'dod pa'i dngos grub kyi ye shes bshad par bya'o/ /zhes bstan par bya ba'i phyir/ de nas ci khyod don 'byung ba'i dngos grub kyi ye shes dang rdzu 'phrul gyi dngos grub kyi ye shes dang zhes bya ba nas brtsams te/ badzra a ha ra zhes bya ba'i bar gyi dngos grub kyi ye shes kyi rgyud gsungs pa yin no/ /don grub pa la sogs pa yang sgrub pa pos bdag la byin gyis brlabs pa la sogs pas rang gi lha'i rnal 'byor bskyed la bsgrub par bya'o zhes bya ba dang/ sgrub pa po spro ba yang bskyed par bya ba'i phyir phan yon brjod par bya'o/ /zhes bya ba'i don 'di gnyis bstan par bya ba'i phyir/ de nas rang gi rigs kyi lha'i snying po byin la/ phyag rgya bzhi'i ye shes bslab par bya'o zhes bya ba nas brtsams te/ rdo rje dril bu bskyod pa'o/ / zhes bya ba'i gzhung gi stan to/ /dam tshig dang chos dang las dang phyag rgya chen pos bcings pa'i cho ga sngon du 'gro bas bya'o/ /zhes bya ba'i don 'di bshad par bya ba'i phyir/ de nas phyag rgya thams cad kyi spyi'i phyag rgya bcing ba'i cho ga rgyas par bshad de zhes bya ba nas rtsams te/ de nas bsgrub par bya'o/ /bsgrub par bya ba'i cho ga rgyas pa'o zhes bya ba'i bar gyis gzhung gi bstan to/ cho ga ji lta bas rang gi lha'i phyag rgya chen po bcings la bdun du rdo rje dbab pa yang dag par bskyed de/ rang gi lha'i phyag rgya chen po'i nga rgyal rnam par bsgoms nas phyag rgya de yang rang gi lha'i skur bsams la/ de las rang gi lha'i nga rgyal bskyed la ye shes sems dpa' rang gi lus la ji lta ba bzhin du bcug ste/ phyag rgya chen po rab tu sgrub pa dang/ bdag la byin gyis brlab pa la sogs pa byas nas rab tu shis pa'i sgra brjod pa sngon du 'gro bas rang gi don sgrub pa la sogs pa bsgrub par bya ba'i phyir/ badzra ni d+hi zhes bya ba la sogs pa bzlas par bya'o zhes bya ba'i don bstan pa'i phyir/ de nas dngos grub kyi cho ga rgyas pas bshad de zhes bya ba nas brtsams te/ dngos grub kyi cho ga rgyas pa'o zhes bya ba'i bar gyis ston to/ /bzlas brjod dang sgom pa dang rab tu ldan zhing sgrib pa thams cad rab tu spangs pas rdo rje sems dpa' bstan par gyur nas/ sems bstan par bya ba'i phyir/ de nas phyag rgya thams cad kyi spyi'i lus dang ngag dang sems rdo rjer bya ba zhes bya ba nas brtsams te/ de bzhin gshegs pa thams cad kyi rdo rje sems dpas gsungs so zhes bya ba'i bar gyi gzhung gis cho ga bstan pa yin no/ /bzlas brjod dang bsgom pas sems du ba na thun mtshams re re phyag rgya dgrol ba'i cho ga rjes su spyad la lha gshegs su gsol bar bya'o zhes bya ba'i don 'di bstan par bya ba'i phyir/ de nas phyag rgya thams cad kyi dgrol ba spyi'i cho ga bshad do zhes bya ba nas brtsams te/ bcom ldan 'das kun tu bzang pos gsungs so zhes bya ba'i bar gyi mchog bstan to/ /rgyud 'di ni bsgom pa gtso bor gyur ba yin pas 'dir bsgom pa nyid la 'bad par bya ba'i grangs kyi bzlas pa ni ma yin no/ /zhes bya ba'i don bstan par bya ba'i phyir/ rdo rje sems sogs sems dpa' rnams zhes bya ba nas brtsams te/ dngos grub 'thob ces bya ba'i bar gyi gzhung gis ni 'di'i ci 'dod pa'i bzlas pa'i cho ga ston to/ /bya ba dang spyod pa dang gnyis ka'i rgyud la sogs pa'i cho ga la mngon par zhen pa rnams kyi cho ga des 'di las bshad pa'i phyag rgya chen po la sogs pa bsgrub par bya'o zhes bya ba'i don 'di bshad par bya ba'i phyir/ snying po phyag rgya sngags rig rnams/ ji ltar 'dod pa'i tshul gyis ni zhes bya ba la sogs pa'i gzhung gis ston to/ /sngon du bsnyen pa la sogs pa dus dang dkyil 'khor gyis dus su bzlas brjod dang bsgom pas dub par gyur nas lha gshegs su gsol bar 'dod na/ yang gsang ba'i mchod pa la sogs pa'i mchod pa thams cad kyis lha rnams mchod par bya'o zhes bstan par bya ba'i phyir/ de nas gsang ba'i mchod pa brjod cing zhes bya ba nas brtsams te/ mchod pa byed du bcug la zhes bya ba'i bar gyi gzhung gis ston to/ /brtul zhugs yongs su bsrung bas mngon par 'dod pa'i dngos grub thob par 'dod pas dngos po 'di nyams su blang ba ni/ ji ltar zhugs pa rnams ci 'byor pa'i ro dang zhes bya ba nas brtsams te/ mna'i snying po yang bstan to zhes bya ba'i bar gyi gzhung gis ston to/ /dkyil 'khor dang sngon du bsnyen pa la sogs pa'i dus su lha rnams mchod pa thams cad kyi yang dag par mchod la phyag rgya dgrol ba'i cho ga rjes su spyad la gshegs su gsol bar bya'o zhes bya ba'i don de gsal bar bya ba'i phyir/ de nas ji ltar zhugs pa rnams slar kye ste zhes bya ba nas brtsams te/ de ltar dkyil 'khor thams cad la bya'o zhes bya ba'i gzhung 'dis bstan to/ /bcom ldan 'das rnam par snang mdzad nas rdo rje 'bebs pa'i bar gyi rang gi phyag rgya bzhi po dgrol bar ni rang gi dam tshig gi phyag rgyas gnas ji lta ba bzhin du bya'o zhes bya ba'i don 'di bstan par bya ba'i phyir/ phyag rgya rnams dgrol bar bya'o zhes bcom ldan 'das kyis gsungs pa yin no/ /rdo rje dbyings kyi dkyil 'khor chen po bsdus pa'i don bstan pa'o/ /dam tshig gi phyag rgya gtso bor gyur pa gzungs kyi dkyil 'khor gyi bsdus pa'i don bstan par bya'o/ /de la dang po sbyor ba'i ting nge 'dzin ni rdo rje dbyings kyi dkyil 'khor chen por bshad pa yin no/ /'dir ni rdo rje sems dpa' dang bcas pa yin no/ /de nas yang bcom ldan 'das zhes bya ba nas brtsams te/ dkyil 'khor gyi grwa rnams su dgod do zhes bya ba'i bar gyi gzhung gis ni dkyil 'khor rgyal po mchog gi ting nge 'dzin to/ /de nas byin gyis brlabs pa nas brtsams te/ las kyi rgyal po mchog ces bya ba'i ting nge 'dzin gsum pa ni 'dir rdo rje dbyings kyi dkyil 'khor dang 'dra bar shes par bya'o/ /gzungs kyi dkyil 'khor las bshad pa'i phyag rgya chen po la sogs pa bsgrub par bya ba'i phyir gzungs kyi dkyil 'khor du dam tshig dang dbang bskur ba thob pas bya'o zhes bya ba'i don 'di bstan par bya ba'i phyir de nas yang phyag rgya rdo rjes rdo rje gsang ba zhes bya ba nas brtsams te/ rdo rje gsang ba'i phyag rgya'i ye shes bslab bo zhes bya ba'i bar gyi gzhung gis ni slob dpon gyi las rnams dang/ gzungs kyi dkyil 'khor du 'jug pa'i cho ga rgyas pa bstan par mdzad pa yin no/ /dam tshig dang dbang bskur ba thob pa de rnams la slob dpon gyi ltar mngon par 'dod pa'i gzungs kyi dkyil 'khor gyi dngos grub bstan par bya'o zhes bstan par bya ba'i phyir/ de la dang por rdo rje gsang ba'i lus kyi phyag rgya'i ye shes bslab par bya'o zhes bya ba nas brtsams te/ badzra gu hya sa ma yo haM zhes bya ba'i bar gyis gzhung gis ston to/ /gzungs kyi dkyil 'khor las bshad pa'i dngos grub rnams kyang rdo rje dbyings kyi dkyil 'khor chen po las gsungs pa'i phyag rgya bzhis rang gi lha'i rnal 'byor ji lta ba bzhin du byas te 'di las bshad pa'i phyag rgya chen po la sogs pa cho ga ji lta ba bzhin du bcings la sgrub pa bos bsgrub par bya'o zhes bstan par bya ba'i phyir/ de nas rdo rje gsang ba'i phyag rgya chen po bcing ba bslab po zhes bya ba nas brtsams te/ dam tshig mchog ni ji snyed pa/ /gnyis su phral nas de bzhin no zhes bya ba'i bar gyi gzhung gis ston to/ /gsang ba'i dam tshig las byung ba'i las kyi phyag rgya rnams sa ma yastwaM zhes brjod cing sgrub pa pos bsgrub pa'i dkyil 'khor du bcing bar bya ba'i dus gzhan du ni ma yin no zhes bya ba'i don 'dis bstan par bya ba'i phyir/ de nas 'di rnams bsgrub pa bshad ces bya ba nas brtsams te/ rtag pa'i bdag pos gtang nga re zhes bya ba'i bar gyi gzhung gis ston to/ /gzungs kyi dkyil 'khor las sgsungs pa'i dam tshig dang/ chos dang las dang phyag rgya chen po thams cad badzra hUM band+ha zhes bya bas bcing bar bya zhing rang gi lha'i dam tshig gi phyag rgyas rang gi gnas su nges par dgrol ba ni/ badzra mude rnams mnyam pa'i thal mo gsum gyis mnyes par bya'o zhes bya ba'i don bstan par bya ba'i phyir/ de nas phyag rgya 'di rnams bcing ba la sogs pa'i las rnams yin no zhes bya ba nas/ aoM gu hya sa ma ta la sa zhes bya ba'i bar gyi gzhung gis ston to/ /gang zhig phyag rgya chen po la sogs pas 'jigs shing skrag par gyur pas de ni bcings pa la sogs pa'i las rnams badzra satwa zhes brjod par bya'o zhes bya ba'i don bstan par bya ba'i phyir/ rdo rje sems dpa' ci dgar bzlas zhes bya ba la sogs pas ston to/ /gzungs kyi dkyil 'khor gyi bsdus pa'i don no/ / chos kyi phyag rgya gtso bor gyur pa chos kyi dkyil 'khor gyi bsdus pa'i don brjod par bya ste/ 'dir dang po sbyor ba'i ting nge 'dzin ni rdo rje dbyings kyi dkyil 'khor du gsungs pa nyid yin no/ /de nas bcom ldan 'das de bzhin gshegs pa thams cad rdo rje phra mo'i ye shes kyi dang zhes bya ba nas brtsams te/ rang gi snying po'i ting nge 'dzin la mnyam par bzhag ste zhugs so zhes bya ba'i bar gyi gzhung gi chos kyi dkyil 'khor gyi dkyil 'khor rgyal po mchog ces bya ba'i ting nge 'dzin gnyis par bstan pa yin no/ /de nas bsdu ba dang byin gyis brlab pa nas brtsams pa ni de bzhin du las kyi rgyal po mchog ces bya ba'i ting nge 'dzin gsum pa yin par shes par bya'o/ /chos kyi dkyil 'khor las gsungs pa'i phyag rgya chen po la sogs pa bsgrub pa ni/ chos kyi dkyil 'khor du dam tshig dang dbang bskur ba thob par bya'o zhes bya ba'i phyir/ de nas phyag na rdo rje de bzhin gshegs pa thams cad kyi ting nge 'dzin dang/ ye shes dang mngon par shes pa bsgrub par bya ba'i phyir zhes bya ba nas brtsams te/ ye shes kyi mtshan ma lag tu byin nas ces bya ba'i bar gyi gzhung gis bshad pas ni// slob dpon gyi las kyi cho ga dang/ chos kyi dkyil 'khor du 'jug pa'i cho ga bstan par mdzad pa yin no/ /dam tshig dang dbang bskur ba thob pa de rnams la slob dpon gyis ji lta mngon par 'dod pa'i chos kyi dkyil 'khor las bshad pa'i dngos grub bstan par bya'o zhes khong du chud par bya ba'i phyir/ rang gi sems las su bya ba'i phyir phyag rgya chen po'i ye shes bslab po zhes bya ba nas brtsams te/ las rnams thams cad des grub po zhes bya ba'i bar gyi gzhung gis ston to/ /chos kyi dkyil 'khor las gsungs pa'i dngos grub rnams kyang rdo rje dbyings kyi dkyil 'khor chen po las gsungs pa'i phyag rgya bzhis rang gi lha'i rnal 'byor ji lta ba bzhin du bskyed nas/ de'i rjes la chos kyi dkyil 'khor las gsungs pa'i phyag rgya chen po la sogs pa bcings te bsgrub par bya'o zhes bstan par bya ba'i phyir/ de bzhin gshegs pa thams cad kyi ye shes rdo rjer byin gyis brlabs zhes bya ba'i ting nge 'dzin gyi phyag rgya'i ye shes bslab po zhes bya ba nas brtsams te/ gnyis su byas nas sbyar bar bya zhes bya ba'i bar gyi gzhung gis ston to/ /chos kyi dkyil 'khor gyi bsdus pa'i don yin no/ /las kyi phyag rgya gtso bor gyur ba las kyi dkyil 'khor gyis bsdus pa'i don brjod par bya ste/ 'dir dang por sbyor ba'i ting nge 'dzin ni rdo rje dbyings kyi dkyil 'khor chen po las gsungs pa nyid yin no// //de nas bcom ldan 'das kyis de bzhin gshegs pa thams cad kyi mchod pa bla na med pa'i cho ga rgyas pa zhes bya ba nas brtsams te/ de bzhin gshegs pa thams cad kyi mchod pa'o zhes bya ba'i gzhung gis bshad pas ni las kyi dkyil 'khor gyi dkyil 'khor rgyal ba mchog gi ting nge 'dzin to/ /de nas bsdu ba dang byin gyis brlab pa nas brtsams te las kyi mchog ces bya ba'i ting nge 'dzin gsum pa ni rdo rje dbyings kyi dkyil 'khor chen por gsungs pa bzhin du blta bar bya'o/ /las kyi dkyil 'khor las gsungs pa'i bsgrub pa ni las kyi dkyil 'khor du dam tshig dang dbang bskur ba thob pas bya'o zhes bya ba'i cho ga bstan par bya ba'i phyir/ de nas 'dir de bzhin gshegs pa thams cad ma lus shing lus pa med pa thams cad la mchod pa byed pa'i las kyi dkyil 'khor rdo rje zhes bya ba nas brtsams te/ gzhan gyi lha mos kyang ci dgos zhes bya ba'i bar gyi gzhung gis/ slob dpon gyi las kyi cho ga dang/ las kyi dkyil 'khor du 'jug pa'i cho ga bstan par mdzad pa yin no/ /dam tshig dang dbang bskur ba thob pa de rnams la slob dpon gyis las kyi dkyil 'khor las bshad pa'i dngos grub ji ltar mngon par 'dod pa dag bshad par bya'o zhes bya ba 'di bstan par bya ba'i phyir/ da nas byang chub chen po'i sems bsgrub pa'i phyag rgya'i ye shes la bslab po zhes bya ba nas brtsams te/ karma badzra zhes bya ba'i bar gyi gzhung gis ston to/ /las kyi dkyil 'khor las bshad pa'i dngos grub kyang rdo rje dbyings kyi dkyil 'khor chen po las gsungs pa'i phyag rgya bzhis rang gi lha'i rnal 'byor de las bshad pa ltar ji lta ba bzhin du bskyed nas/ de'i rjes la las kyi dkyil 'khor las gsungs pa'i phyag rgya chen po la sogs pa bcings la bsgrub par bya'o/ /zhes bya ba 'di bstan par bya ba'i phyir/ de nas de bzhin gshegs pa thams cad kyi mchod pa'i 'phrin las kyi ye shes kyi phyag rgya zhes bya ba nas brtsams te/ las kyi phyag rgya mdor bsdus nas/ las kyi phyag rgya gnyis su bya zhes bya ba'i bar gyi gzhung gis bstan to/ /las kyi dkyil 'khor gyi bsdus pa'i don no/ /rdo rje dbyings kyi dum bu las gsungs pa rdo rje sems dpa' la sogs pa'i dkyil 'khor thams cad du bshad pa'i don bsdus par gyur pa'i sems can bar ma la mngon bar sred pa rjes su 'dzin par byed pa'i phyag rgya bzhi pa'i dkyil 'khor gyi don brjod par bya ste/ 'dir yang dang po sbyor ba'i ting nge 'dzin ni rdo rje dbyings kyi dkyil 'khor chen po la gsungs pa yin no/ /de nas bcom ldan 'das rnam par snang mdzad de bzhin gshegs pas ces bya ba nas brtsams te/ aoM badzra karma muSh+Ti hUM zhes bya ba'i bar gyi bshad pas ni dkyil 'khor gyi rgyal po mchog ces bya ba'i ting nge 'dzin lnga po gsungs pa yin/ /snga ma bzhin du bsdu ba dang byin gyis brlabs pa nas brtsams te/ las kyi mchog gi ting nge 'dzin lnga po gsungs pa yin no/ /rdo rje dbyings kyi dkyil 'khor las gsungs pa'i dngos grub thams cad kyang phyag rgya bzhi pa'i dkyil 'khor du dam tshig dang dbang bskur ba thob pas bsgrub par bya'o/ /zhes bya ba'i don 'di bstan par bya ba'i phyir/ de nas byang chub sems dpa' ? rdo rjes zhes bya ba nas brtsams te/ dkyil 'khor ston to zhes bya ba'i bar gyi gzhung gis ni slob dpon gyi las kyi cho ga dang/ phyag rgya bzhi pa'i dkyil 'khor du 'jug pa'i cho ga rgyas par bstan par mdzad pa yin no/ /phyag rgya bzhi pa'i dkyil 'khor du dam tshig dang dbang bskur ba thob pa de la/ slob dpon gyis rdo rje dbyings kyi dum bu las gsungs pa'i dngos grub gang yang rung ba bshad par bya'o zhes khong du chud par bya ba'i phyir/ de nas de bzhin gshegs pa thams cad kyi phyag rgya'i dam tshig smros shig ces bya ba dang brtsams te/ rdo rje dgos mchog dkyil 'khor ro zhes bya ba'i bar cho gas bstan pa yin no/ /rdo rje dbyings las gsungs pa'i dngos grub thams cad kyang rdo rje dbyings kyi dkyil 'khor chen po las gsungs pa'i phyag rgya bzhis rang gi lha'i rnal 'byor ji skad bshad pa bzhin du bskyed la bsgrub par bya'o zhes bya ba 'di bstan par bya ba'i phyir/ de nas rdo rje sems dpa' la sogs pa'i phyag rgya bzhi bslab nas zhes bya ba la sogs pa bstan par mdzad pa yin no/ /ji ltar rnam par snang mdzad kyi phyag rgya bzhi pa'i dkyil 'khor du dngos grub thams cad bsdus par gyur pa/ de bzhin du de bzhin gshegs pa mi bskyod pa la sogs pa de bzhin gshegs pa bzhi'i dkyil 'khor yang de dang 'dra'o zhes bya ba 'di bstan par bya ba'i phyir/ rdo rje dngos grub ces bya ba nas brtsams te/ dngos grub thams cad kyang 'grub po zhes bya ba'i bar gyi gzhung gis bstan pa yin no/ /dkyil 'khor 'di dag la phyi'i yo byad med kyang sems kyis brtag par bya'o zhes rnal 'byor gtso bo yin par bstan par bya ba'i phyir/ de ltar ras dang rtsig pa dang nam mkha' dang gnas thams cad du bris nas dngos grub thams cad 'grub po zhes bstan pa yin no/ /rgyud 'di sgrub par byed pa dag spro ba bskyed pa'i phyir phan yon ston par mdzad pa ni dkyil 'khor du zhugs pa nas brtsams te zhes bya ba nas/ lo gcig gis mchog 'grub po zhes bya ba nas bar gyi gzhung gis ston to/ /phyag rgya bzhi pa'i dkyil 'khor gyi bsdus pa'i don no/ /mdor bsdus pa la dga' ba'i sems can rnams rjes su 'dzin par byed pa rdo rje dbyings kyi dkyil 'khor las gsungs pa'i dkyil 'khor thams cad kyi dngos grub bsdus par gyur pa/ phyag rgya gcig pa'i dkyil 'khor gyi bsdus pa'i don brjod par bya ste/ 'dir dang po sbyor ba'i ting nge 'dzin ni rdo rje dbyings kyi dkyil 'khor chen por gsungs pa yin no/ /de nas bcom ldan 'das rnam par snang mdzad ces bya ba nas brtsams te/ badzra satwa zhes bya ba'i bar gyi gzhung gis ni/ phyag rgya gcig pa'i dkyil 'khor gyi rgyal po mchog gi ting nge 'dzin bstan pa yin no/ /snga ma bzhin du bsdu ba dang byin gyis brlab pa nas brtsams te las kyi rgyal po mchog ces bya ba'i ting nge 'dzin gsum pa yin par shes par bya'o/ /rdo rje dbyings kyi dum bur gsungs pa'i dngos grub thams cad kyang phyag rgya gcig pa'i dkyil 'khor du dam tshig dang dbang bskur ba thob pas bsgrub par bya'o zhes bya ba'i don bstan par bya ba'i phyir/ de nas bcom ldan 'das byang chub sems dpa' sems dpa' chen po phyag na rdo rje zhes bya ba nas/ dus ma yin par 'chi bar gyur ta re zhes bya bar bsgo bar bya'o zhes bya ba'i gzhung gi ni slob dpon gyi las kyi cho ga dang/ phyag rgya gcig pa'i dkyil 'khor du 'jug pa'i cho ga ston to/ /phyag rgya gcig pa'i dkyil 'khor du dam tshig dang dbang bskur ba thob pa de rnams la bsgrub pa'i ye shes bslab par bya'o zhes bya ba 'di bstan par bya ba'i phyir/ de nas rdo rje sems dpa' i dngos grub dam pa bsgrub pa'i ye shes bslab po zhes bya ba la sogs pas ston to/ /rgyud thams cad las gsungs pa'i dngos grub ni dam tshig yongs su srung bar byed pa la 'grub par 'gyur ro zhes bstan par bya ba'i phyir/ de nas dkyil 'khor thams cad kyi gsang ba'i dam tshig ces bya ba nas dam tshig gi sdom pa sbyin par bya'o zhes bya ba'i gzhung gis ston to/ /rdo rje dbyings kyi dkyil 'khor chen po las ji skad gsungs pa'i dngos grub rnams kyang rang gi lha'i phyag rgya bzhi dang ldan pa'i lha'i rnal 'byor bas nas bsgrub par bya'o zhes bstan par bya ba'i phyir/ de nas rdo rje sems dpa' i phyag rgya chen po la sogs pa bzhi bcing ba bslab par bya'o zhes bya ba'i gzhung gis ston to/ /dngos grub kyang de bzhin no zhes bya ba la sogs pa'i gzhung gi don ni snga ma kho na bzhin du shes par bya'o/ /phyag rgya gcig pa'i dkyil 'khor gyi bsdus pa'i don no/ /rdo rje dbyings kyi dum bu 'di thams cad kyang de bzhin gshegs pa'i rigs yin zhing de bzhin gshegs pa rnams las skyes pa'i phyir dang/ byang chub kyi sems las byung ba yin pa'i phyir phyag rgya chen po zhes bya bar bshad cing/ 'dod chags kyi 'dod chags spangs par bya ba'i spyod pa bstan pa'i phyir gsungs pa yin no/ /de bzhin gshegs pa thams cad bka' bsgo ba'i rjes su 'jug pa'i mtshan nyid dam tshig gi phyag rgya'i rang bzhin rdo rje rigs kyi bsdus pa'i don brjod par bya ste/ de la 'dir dang po sbyor ba'i ting nge 'dzin ni rdo rje dbyings kyi dkyil 'khor chen por gsungs pa'i rdo rje sems dpa' sprul pa la sogs pa nyid yin par shes par bya'o/ /de nas bcom ldan 'das de bzhin gshegs pa thams cad yang gcig tu 'dus par gyur te/ de bzhin gshegs pa thams cad kyi 'khor lo chen po bskor ba la mtshan brgya rtsa brgyad pa 'dis gsol ba btab po zhes bya ba nas brtsams te/ rang gi rigs ni bskyed par mdzod ces bya ba'i bar gyi gzhung gis ni/ de bzhin gshegs pa thams cad kyi gsol ba btab pa ston to/ /'di'i rab tu dbye ba de'i rjes su 'jug pa'i mtshan nyid dam tshig gi phyag rgya'i dbye ba bzhi brjod par bya ste/ de nas de bzhin gshegs pa thams cad kyi gtso bo phyag na rdo rje zhes bya ba nas brtsams te/ dri ma med pa'i khro bor gyur ces bya ba'i bar gyi gzhung gis ni rdo rje rigs sprul pa'i phyir dang/ bka' bsgo ba'i rjes su 'jug pa ston to/ /de nas bcom ldan 'das rnam par snang mdzad ces bya ba nas/ yang bka' nod cing bzhugs so zhes bya ba'i bar gyi gzhung gis ni rdo rje rigs kyi bdag po sprul pa dang/ dbang bskur ba dang/ de bzhin gshegs pa bka' bsgo ba'i rjes su 'jug pa ston to/ /de nas bcom ldan 'das zhes bya ba nas/ dam tshig kyang long zhig ces bya ba'i bar gyi gzhung gis ni/ khams gsum pa dgug pa dang/ bka' sgo ba dang/ de'i rjes su 'jug pa ston to/ /de nas phyag na rdo rje khro bo chen po'i rgyal po zhes bya ba nas lta zhing langs so zhes bya ba'i bar gyi gzhung gis ni khams gsum gyi 'khor lo btul ba dang/ bka' bsgo ba dang/ khams gsum pa btul ba ston to/ /de nas bcom ldan 'das kyis byang chub sems dpa' sems dpa' chen po phyag na rdo rje la bka' stsal pa zhes bya ba nas/ zhabs kyi drung du bzhag go /zhes bya ba'i bar gyis dbang phyug chen po la srog byin pa dang/ bka' bsgo ba dang/ de'i rjes su 'jug pa dang/ yang dag bar sbyangs pa'i mtshan ma dang/ dgug pa rnams ston pa yin no/ /de nas byang chub sems dpa' phyag na rdo rjes zhes bya ba nas bdag nyid chen po de btul lo zhes sgra chen po phyung ngo/ zhes bya ba'i bar gyis ni dbang phyug chen po yang dag par sbyad ba'i don du tshar bcad pa dang/ bka' bsgo bas de'i rjes su 'jug pa ston to/ /de nas bcom ldan 'das kyi lha chen po zhes bya ba nas/ mya ngan las ni 'das par bzhag ces bya ba'i bar gyi gzhung gis ni/ dbang phyug chen po la bcas pa dang/ sdug bsngal nye bar zhi ba dang/ bla na med pa'i byang chub thob pa gsungs pa yin no/ /de nas byang chub sems dpa' sems dpa' chen po phyag na rdo rje zhes bya ba nas/ bud med thams cad kyi'o zhes bya ba'i gzhung gis ni khams gsum gyi 'khor ba ma lus pa dkyil 'khor du bcug ste/ dbang bskur ba dang/ rang gi bka' bsgo ba la nges par sbyar ba gsungs pa yin no/ /de nas bcom ldan 'das phyag na rdo rje zhes bya ba nas/ rgya mtsho chen por lhung ngo zhes bya ba'i bar gyi gzhung gis ni/ 'byung po dang gdon dang thams cad dgug pa dang/ bka' bsgo ba dang de rnams kyi dgug pa dang/ 'chi ba rnam par spyod pa gsungs pa yin no/ /de nas byang chub sems dpa' phyag na rdo rje zhes bya ba nas/ ngan song de rnams rang gi gnas su dong ngo zhes bya ba'i rang gyi gzhung gis ni/ mkha' 'gro ma la sogs pa'i gdon thams cad dgug nas bka' bsgo dang/ de dgug pa dang/ rang gi bsgo ba la nges par sbyar bar gsungs pa yin no/ /de nas bcom ldan 'das phyag na rdo rjes zhes bya ba nas slar dong ngo zhes bya ba'i par gyi gzhung gis ni rims la sogs pa'i nad thams cad bkug ste/ bka' bsgo ba dang/ dgug cig de rnams gsal ba ston to/ /yang byang chub sems dpa' sems dpa' chen po phyag na rdo rjes zhes bya ba nas/ ngan song de rnams rgya mtsho chen por bor ro zhes bya ba'i bar gyi gzhung gis ni ngan song gsum po dgug cing bka' bsgo ba dang/ bkug nas de rnam par sbyangs pa gsungs pa yin no/ /gzhung 'di dag gis ni rdo rje khro bo'i dkyil 'khor chen po'i dkyil 'khor rgyal ba mchog ces bya ba'i ting nge 'dzin gnyis pa bstan to/ /de nas bsdu ba dang byin gyis brlabs pa sngon du 'gro bas las kyi rgyal po mchog ces bya ba'i ting nge 'dzin snga ma bzhin du shes par bya'o/ /khams gsum rnam par rgyal ba'i dkyil 'khor chen por dam tshig dbang bskur ba thob pas kyang/ de las gsungs pa'i dngos grub bsgrub par bya'o/ zhes bya ba'i don 'di bstan par bya ba'i phyir/ de nas yang bcom ldan 'das phyag na rdo rjes 'di skad ces gsol to/ zhes bya ba nas de la kye zhes bya ba sgra dang sbyar bar bya'o zhes bya ba'i bar gyis ni/ slob dpon gyi las kyi cho ga dang/ khams gsum rnam par rgyal ba'i dkyil 'khor chen por 'jug pa'i cho ga ston to/ /khams gsum rnam par rgyal ba'i dkyil 'khor chen por dam tshig dang dbang bskur ba thob pa la slob dpon gyi ji ltar mngon par 'dod pa'i dngos grub kyi ye shes brlab par bya'o zhes bya ba'i don 'di bstan par bya ba'i phyir/ de nas ye shes rnams bskyed de/ zhes bya ba nas brtsams te/ hUM haM zhes bya ba'i bar gyi gzhung gis bstan to/ /khams gsum rnam par rgyal ba'i dkyil 'khor chen po las gsungs pa'i dngos grub rnams ni khams gsum rnam par rgyal ba'i dkyil 'khor chen po las gsungs pa'i dngos grub rang gi lha'i phyag rgya bzhis rang gi lha'i rnal 'byor ji lta ba bzhin du bskyed la bsgrub par bya'o zhes bya ba dang/ bsgrub pa po rnams spro ba bskyed par bya ba'i phyir phyag rgya rnams kyi 'bras bu bshad par bya'o zhes bya ba'i don 'di bstan par bya ba'i phyir/ de nas 'jig rten gsum las rnam par rgyal ba'i dkyil 'khor chen po'i dam tshig gi de kho na nyid kyi phyag rgya'i ye shes bslab pa'o/ /zhes bya ba nas brtsams te/ phyag rgya thams cad kyi cho ga'o zhes bya ba'i bar gyi gzhung gis ston to/ /rdo rje sems dpa' la sogs pa nas rdo rje 'bebs pa'i bar gyi khro bo'i zlos pa po rnams kyis rdo rje hUM mdzad du byas nas las kyi tshogs rnams bsgrub par bya'o zhes bya ba'i don 'di bstan pa'i phyir/ de nas 'dir 'jig rten gsum las rnam par rgyal ba'i dkyil 'khor chen po'i spyi'i phyag rgya bcing ba bshad do zhes bya ba nas brtsams te/ skad cig gis ni sdig bral lo zhes bya ba'i bar gyi gzhung gis ston to/ /rigs thams cad kyi dkyil 'khor brtags par bya ba'i phyir spyi'i cho ga ni/ de nas zhes bya ba nas/ sgo dbye ba'i mchog yin no/ zhes bya ba'i bar gyi gzhung gis ston to/ /khams gsum rnam par rgyal ba'i dkyil 'khor chen por gsungs pa'i mtshan ma thob nas ni/ brkyang bskum gyi ni tshul bya ste/ /khro bo yi ni skad 'byin cing/ /khro zhing khro ba'i lta bas ni/ /las rnams thams cad bsgrub par bya/ /khams gsum rnam par rgyal ba'i dkyil 'khor chen po'i bsdus pa'i don no/ khams gsum rnam par rgyal ba'i dum bu las/ phyag rgya chen po gtso bor gyur pa/ khams gsum rnam par rgyal ba'i dkyil 'khor chen po'i bsdus pa'i don bshad nas/ da ni dam tshig gi phyag rgya gtso bor gyur pa gzungs kyi dkyil 'khor gyi bsdus pa'i don ? pa bya'o/ /'dir dang po sbyor ba'i ting nge 'dzin ni kham gsum rnam par rgyal ba'i dkyil 'khor chen por gsungs pa nyid yin/ /de nas bcom ldan 'das zhes bya ba nas brtsams te/ h+ri zhes bya ba'i bar gyi gzhung gis ni khams gsum rnam par rgyal ba'i gsungs kyi dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa bstan pa yin no/ /de nas bsdu ba dang byin gyis brlab pa nas brtsams te/ 'dir las kyi rgyal po zhes bya ba'i ting nge 'dzin gsum pa yang de bzhin ? shes par bya'o/ /gzungs kyi dkyil 'khor las gsungs pa'i dngos grub bsgrub pas ni gzungs kyi dkyil 'khor du dam tshig dang dbang bskur ba thob par bya'o zhes bya ba'i don 'di bstan par bya ba'i phyir/ de nas yang phyag na rdo rje zhes bya ba nas/ badzra band+ha zhes bya ba'i bar gyi gzhung gis ni/ /slob dpon gyi las kyi cho ga dang/ khams gsum rnam par rgyal ba'i gzungs kyi dkyil 'khor du 'jug pa'i cho ga ston to/ /dam tshig dang dbang bskur ba thob pa de rnams la slob dpon gyis gzhung gi dkyil 'khor las gsungs pa'i dngos grub ji ltar 'dod pa bzhin du bstan par bya'o zhes pa'i don 'di bstan par bya ba'i phyir/ de nas khro bo'i gsang ba'i rdo rje'i phyag rgya'i ye shes bslab po/ zhes bya ba nas/ hUM ma nu badzra thA zhes bya ba'i bar gyi gzhung gis ston to/ /khams gsum rnam par rgyal ba'i dkyil 'khor chen po las gsungs pa'i lha'i sbyor ba byas nas bsgrub par bya'o zhes bya ba'i don 'di bstan par bya ba'i phyir/ de nas rdo rje 'chang chen po rigs kyi gsang ba'i phyag rgya'i ye shes bslab po zhes bya ba nas/ khro bo'i lta bas khro bo dang ldan zhes bya ba'i bar gyi gzhung gis ston to/ /khams gsum rnam par rgyal ba'i gsungs kyi dkyil 'khor gyis bsdus pa'i don no/ chos kyi phyag rgya gtso bor gyur pa'i khams gsum rnam par rgyal ba'i chos kyi dkyil 'khor gyi bsdus pa'i don bstan par bya ste/ 'dir dang po sbyor ba'i ting nge 'dzin ni khams gsum rnam par rgyal ba'i dkyil 'khor chen po las gsungs pa'i dang po sbyor ba bskyed nas/ rdo rje hUM mdzad du sprul pa'i mthar thug pa yin par shes par bya'o/ /de nas bcom ldan 'das zhes bya ba nas/ aoM su smra badzra muSh+Ti k+Sha ta band+ha hUM phaT zhes bya ba'i bar gyi gzhung gis ni/ khams gsum ni rgyal ba'i chos kyi dkyil 'khor gyi dkyil 'khor rgyal po mchog ces bya ba'i ting ne 'dzin gnyis pa bstan pa yin no/ /de nas bsdu ba dang byin gyis brlabs pa nas brtsams te/ las kyi rgyal po mchog ces bya ba'i ting nge 'dzin gsum pa yang de bzhin du shes par bya'o/ /khams gsum rnam par rgyal ba'i chos kyi dkyil 'khor las gsungs pa'i sgrub pa ni khams gsum rnam par rgyal ba'i chos kyi dkyil 'khor du dam tshig dang dbang bskur ba thob pas bya'o/ zhes bya ba'i don 'di bstan par bya ba'i phyir/ de nas yang phyag rgya rdo rje zhes bya ba nas/ rdo rje ji lta ba bzhin du lag pa gnyis su byin no zhes bya ba'i bar gyi gzhung gis ni 'dir slob dpon gyis las kyi cho ga dang/ chos kyi dkyil 'khor du 'jug pa'i cho ga ston to/ /'dir dbang bskur ba dang dam tshig thob pa de rnams la slob dpon gyis khams gsum rnam par rgyal ba'i chos kyi 'khor lo las gsungs pa'i dngos grub bstan par bya ba'o/ zhes bya ba'i don 'di rtogs par bya ba'i phyir/ de nas rdo rje khro bo'i ye shes phra mo rnams slobs shig ces bya ba nas/ hUM h+ri da ya A karSha na kro d+ha pra be sha kA yaM h+ri da ya ts+tshinda binda ka DDha? ka DDha hUM phaT ces bya ba'i bar gyi gzhung gis ni ston to/ /khams gsum rnam par rgyal ba'i chos kyi dkyil 'khor las gsungs pa'i dngos grub ni khams gsum rnam par rgyal ba'i dkyil 'khor chen po las bshad pa'i phyag rgya bzhis rang gi lha'i rnal 'byor ji lta ba bzhin du bskyed nas/ de'i 'og tu khams gsum rnam par rgyal ba'i chos kyi dkyil 'khor las bshad pa'i phyag rgya bzhi la sogs pa bcings te bsgrub par bya'o zhes bya'o/ /don 'di bstan par bya ba'i phyir/ de nas rdo rje rigs kyi chos kyi phyag rgya'i ye shes bslab po zhes bya ba nas/ cho ga ji lta ba bzhin du 'grub par 'gyur ro/ zhes bya ba'i bar gyi gzhung gis ston to/ /khams gsum rnam par rgyal ba'i chos kyi dkyil 'khor gyi bsdus pa'i don no/ /las kyi phyag rgya gtso bor gyur pa'i khams gsum rnam par rgyal ba'i las kyi dkyil 'khor gyi bsdus pa'i don brjod par bya ste/ 'dir dang po sbyor ba'i ting nge 'dzin ni khams gsum rnam par rgyal ba'i chos kyi dkyil 'khor du bshad pa yin no/ /de nas bcom ldan 'das de bzhin gshegs pa thams cad kyi rdo rje las kyi zhes bya ba nas zla ba'i dkyil 'khor las gnas te 'khod do/ /zhes bya ba'i bar gyi gzhung gis ni khams gsum rnam par rgyal ba'i las kyi dkyil 'khor rgyal po mchog ces bya ba'i ting nge 'dzin gnyis pa bstan pa yin no/ /de nas bsdu ba dang byin gyis brlab pa nas brtsams te/ /las kyi rgyal po mchog ces bya ba'i ting nge 'dzin gsum pa yang de bzhin du shes par bya'o/ /khams gsum rnam par rgyal ba'i las kyi dkyil 'khor las gsungs pa'i bsgrub pa ni khams gsum rnam par rgyal ba'i las kyi dkyil 'khor du dam tshig dang dbang bskur ba thob pas bya'o zhes bya ba'i don 'di bstan par bya ba'i phyir/ de nas phyag na rdo rjes zhes bya ba nas brtsams te/ las kyi dkyil 'khor 'dir cho ga rgyas pa ji lta ba bzhin du byas te zhes bya ba'i gzhung gis ni slob dpon gyi las kyi cho ga dang/ khams gsum rnam par rgyal ba'i las kyi dkyil 'khor du 'jug pa'i cho ga ston to/ /dam tshig dang dbang bskur ba thob pa de rnams la slob dpon gyis khams gsum rnam par rgyal ba'i las kyi dkyil 'khor las gsungs pa'i dngos grub ji ltar mngon par 'dod pa bzhin du bstan par bya'o/ zhes bya ba'i don 'di bstan par bya ba'i phyir/ rdo rje rigs kyi las kyi ye shes rnams bskyed do zhes bya ba nas/ aoM badzra d+hA ra gu hya sid+d+ha hUM zhes bya ba'i gzhung gis ston to/ /khams gsum rnam par rgyal ba'i las kyi dkyil 'khor las gsungs pa'i dngos grub ni khams gsum rnam par rgyal ba'i dkyil 'khor chen po las gsungs pa'i phyag rgya bzhis rang gi lha'i rnal 'byor ji lta ba bzhin du bskyed nas/ de'i 'og tu khams gsum rnam par rgyal ba'i las kyi dkyil 'khor las bshad pa'i phyag rgya chen po la sogs pas bcings la bsgrub par bya'o/ zhes bya ba'i 'di bstan par bya ba'i phyir/ de nas rdo rje rigs kyi las kyi phyag rgya chen po'i ye shes bslab bo zhes bya ba nas/ rdo rje las kyi tshul gyis so zhes bya ba'i bar gyi gzhung gis ston to/ /khams gsum rnam par rgyal ba'i las kyi dkyil 'khor gyi bsdus pa'i don no/ /khams gsum rnam par rgyal ba'i dum bu las khams gsum rnam par rgyal ba'i dkyil 'khor chen po la sog pa'i don bsdus par gyur pa sems can bar ma la sred ba rnams rjes su 'dzin par byed la khams gsum rnam par rgyal ba'i phyag rgya bzhi pa'i dkyil 'khor gyi bsdus pa'i don brjod par bya'o/ /'dir dang po sbyor ba'i ting nge 'dzin khams gsum rnam par rgyal ba'i las kyi dkyil 'khor du bshad pa nyid yin no/ /de nas yang bcom ldan 'das de bzhin gshegs pa thams cad kyi zhes bya ba nas/ hUM badzra karma grI grid ces bya ba'i bar gyi gzhung gis ni/ khams gsum rnam par rgyal ba'i phyag rgya bzhi pa'i dkyil 'khor rgyal po mchog gi ting nge 'dzin lnga po gsungs pa yin no/ /snga ma bzhin du bsdu ba dang byin gyis brlab pa nas brtsams te/ khams gsum rnam par rgyal ba'i phyag rgya bzhi pa'i dkyil 'khor gyi las kyi mchog gi ting nge 'dzin kyang gsungs pa yin no/ /khams gsum rnam par rgyal ba'i dum bu las gsungs pa'i dngos grub ni khams gsum rnam par rgyal ba'i phyag rgya bzhi pa'i dkyil 'khor du dam tshig dang/ dbang bskur ba thob pas bsgrub par bya'o/ zhes bya ba'i don 'di bstan par bya ba'i phyir/ de nas byang chub sems dpa' phyag na rdo rjes zhes bya ba nas/ cho ga rgyas par bya ste zhes bya ba'i bar gyi gzhung gis khams gsum rnam par rgyal ba'i phyag rgya bzhi pa'i dkyil 'khor du slob dpon gyi las kyi cho ga rgyas par ston to/ /khams gsum rnam par rgyal ba'i phyag rgya bzhi pa'i dkyil 'khor du dam tshig dang dbang bskur ba thob pa la slob dpon gyis khams gsum rnam par rgyal ba'i dum bu las bshad pa'i dngos grub rnams bslab par bya'o/ zhes bya ba'i don 'di bstan par bya ba'i phyir/ bcug nas phyag rgya bzhi pa'i dkyil 'khor gyi gsang ba'i phyag rgya'i ye shes bslab po zhes bya ba nas/ ho badzra karma zhes bya ba'i bar gyi gzhung gis ston to/ /khams gsum rnam par rgyal ba'i dum bu las gsungs pa'i dngos grub ni khams gsum rnam par rgyal ba'i dkyil 'khor chen po las gsungs pa'i phyag rgya bzhis rang gi lha'i rnal 'byor de las gsungs pas byas la bsgrub par bya'o/ zhes bya ba bstan pa'i phyir/ de nas ji lta ba bzhin du rdo rje mnan pa'i rtse gsum pa'i phyag rgya la sogs zhes bya ba nas/ mdzub mo'i rtse mor bzhag pa'o zhes bya ba'i bar gyi gzhung gis ston to/ /kham gsum rnam par rgyal ba'i phyag rgya bzhi pa'i don bsdus pa'i don bstan pa'o/ /mdor bsdus pa la dga' ba'i sems can rjes su 'dzin par byed pa khams gsum rnam par rgyal ba'i dum bu las gsungs pa'i dkyil 'khor thams cad bsdus par gyur pa/ rdo rje hUM mdzad kyi phyag gcig pa'i dkyil 'khor gyi bsdus pa'i don brjod par bya'o/ /'dir dang po sbyor ba'i ting nge 'dzin ni rdo rje hUM mdzad kyi rnal 'byor chen po'o/ /de nas yang byang chub sems dpa' sems dpa' chen po phyag na rdo rjes rang gi rdo rje'i dam tshig gi khro bo'i dam tshig 'di gsungs pa hUM zhes bya ba 'dis ni khams gsum rnam par rgyal ba'i rdo rje hUM mdzad kyi phyag rgya gcig pa'i dkyil 'khor gyi dkyil 'khor rgyal po mchog ces bya ba'i ting nge 'dzin gsungs pa yin no/ /de nas bsdu ba dang byin gyis brlab pa nas brtsams te/ khams gsum rnam par rgyal ba'i rdo rje hUM mdzad kyi phyag rgya gcig pa'i dkyil 'khor gyi las kyi rgyal po mchog ces bya ba'i ting nge 'dzin gsum pa bstan pa yin par shes par bya'o/ /khams gsum rnam par rgyal ba'i dum bus thams cad las gsungs pa'i dngos grub ni rdo rje hUM mdzad kyi phyag rgya gcig pa'i dkyil 'khor du dam tshig sdang dbang bskur ba thob pas bsgrub par bya'o/ /zhes bya ba'i don 'di bstan par bya ba'i phyir/ de nas 'di'i dkyil 'khor bshad pa zhes bya ba nas/ cho ga rgyas par thams cad byas te zhes bya ba'i bar gyi gzhung gis ni rdo rje hUM mdzad kyi phyag rgya gcig pa'i dkyil 'khor gyi slob dpon gyi las kyi cho ga dang/ dkyil 'khor der 'jug ba'i cho ga rgyas par ston to/ /rdo rje hUM mdzad kyi phyag rgya gcig pa'i dkyil 'khor du dam tshig dang dbang bskur ba thob pa rnams la sgrub pa'i ye shes bstan par bya'o/ zhes bya ba'i don 'di bstan par bya ba'i phyir/ rdo rje hUM zhes bya ba'i gsang ba'i phyag rgya'i ye shes bslab po zhes bya ba nas/ hUM badzra sa ma ya hUM zhes bya ba'i bar gyis gzhung gis bstan to/ /khams gsum rnam par rgyal ba'i dum bu thams cad las gsungs pa'i dngos grub ni/ khams gsum rnam par rgyal ba'i dkyil 'khor chen po las gsungs pa'i rang gi lha'i phyag rgya bzhis rnal 'byor ji lta ba bzhin du bskyed la bsgrub bar bya'o/ zhes bya ba'i don 'di bstan par bya ba'i phyir/ de nas phyag rgya bzhi bcing ba ji lta ba bzhin bslab ste/ de bzhin du dngos grub tu 'gyur ro zhes bya bas ston to/ /dkyil 'khor du ji lta ba bzhin du ras la sogs pa bris pa dang lugs ma la sogs pa'i gzugs thams cad la yang dngos grub ni thun mong ngo/ /zhes bya ba'i bar gyi gzhung gi don 'di snga ma bzhin du shes par bya'o/ /rdo rje hUM mdzad kyi phyag rgya gcig pa'i dkyil 'khor gyi bsdus pa'i don bstan pa'o/ rigs 'di dag thams cad ni khra bas khro ba spang bar bya ba'i phyir gsungs pa yin no/ /'jig rten pa'i lha la lhag par mos pa'i sems can rnams rdo rje 'jig rten gsum gyi 'khor lo phyir mi ldog pa nyid du 'jog par byed pa'i 'jig rten gsum gyi 'khor lo'i dkyil 'khor chen po'i bsdus pa'i don brjod par bya'o/ /de las 'jig rten gsum las rnam par rgyal ba'i dkyil 'khor chen por gsungs pa'i dang po sbyor ba'i ting nge 'dzin rnam par bsgoms la/ rdo rje hUM mdzad dang rin po che dang/ chos dang las kyi hUM mdzad sbrul nas 'jig rten gsum gyi 'khor lo ma lus pa 'dod ba'i rgyal po bkug la rang gi bsgo ba la sbyar ba ni 'dir dang po sbyor ba'i ting nge 'dzin to/ /de nas bcom ldan 'das de bzhin gshegs pa thams cad gcig tu 'dus te zhes bya ba nas/ aoM badzra karmA sA d+ha ya kri ces bya ba'i bar gyi gzhung gis ni 'jig rten gsum gyi 'khor lo'i dkyil 'khor chen po'i dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa ston pa yin no/ /de nas bsdu ba dang byin gyis brlab pa nas brtsams te/ las kyi mchog ces bya ba'i ting nge 'dzin ni snga ma bzhin du shes par bya'o/ / 'jig rten gsum gyi 'khor lo'i dkyil 'khor chen po dam tshig dang dbang bskur ba thob pas de las gsungs pa'i dngos grub bsgrub bar bya'o/ /zhes bstan par bya ba'i phyir/ de nas bcom ldan 'das phyag na rdo rje zhes bya ba nas ji ltar rdo rje dam tshig gi dkyil 'khor chen po bzhin du bya'o/ zhes bya ba'i bar gyi gzhung gis ni 'jig rten gsum gyi 'khor lo'i dkyil 'khor chen po'i slob dpon gyi las kyi cho ga dang/ der 'jug pa'i cho ga rgyas par ston pa yin no/ /dam tshig dang dbang bskur ba thob pa de rnams la ji ltar 'dod pa'i dngos grub bsgrub par bya ba'i phyir/ phyag rgya bcing ba bstan par bya ba dang/ sgrub pa po spro ba bskyed par bya ba'i phyir/ phyag rgya'i phan yon bshad par bya'o/ /zhes bya ba'i don gnyis po 'di bstan par bya ba'i phyir/ de nas phyag rgya chen po bcing ba bslab bar bya'o zhes bya ba nas/ bran gyi phyag rgya rnams so zhes bya ba'i bar gyi gzhung gis ston to/ /'jig rten gsum 'khor lo'i dkyil 'khor chen po'i sdus pa'i don bstan pa'o/ /dam tshig gi phyag rgya gtso bor gyur pa'i 'jig rten gsum gyi 'khor lo'i gzungs kyi dkyil 'khor gyi bsdus pa'i don brjod par bya ste de la dang po sbyor ba'i ting nge 'dzin ni 'jig rten gsum gyi 'khor lo'i dkyil 'khor chen po gsungs pa nyid 'dir gzung bar bya'o/ /de nas yang bcom ldan 'das zhes bya ba nas/ aoM badzra ha ri ni haM zhes bya ba'i bar gyi gzhung gis 'jig rten gsum gyi 'khor lo'i gzungs kyi dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa gsungs pa yin no/ /de nas bsdu ba dang byin gyis brlab pa nas brtsams te/ las kyi mchog ces bya ba'i ting nge 'dzin gsum pa yin par snga ma bzhin du shes par bya'o/ /'jig rten gsum gyi 'khor lo'i gzungs kyi dkyil 'khor las gsungs pa'i dkyil 'khor sgrub pa rnams kyang 'jig rten gsum gyi 'khor lo'i gzungs kyi dkyil 'khor du dam tshig dang dbang bskur ba thob pas bya'o zhes bya ba'i don 'di bstan par bya ba'i phyir/ de nas yang phyag na rdo rje zhes bya ba nas/ dkyil 'khor rim pa bzhin du bstan te/ zhes bya ba'i bar gyi gzhung gis ni slob dpon gyi las kyi cho ga dang/ dkyil 'khor du 'jug pa'i cho ga ston to/ /'jig rten gsum gyi 'khor lo'i gzungs kyi dkyil 'khor las gsungs pa'i gsang ba'i ye shes ni 'jig rten gsum gyi 'khor lo'i gzungs kyi dkyil 'khor du dam tshig dang dbang bskur ba thob pa la bstan par bya'o zhes bya ba'i don 'di bstan par bya ba'i phyir/ dam tshig gi phyag rgya gsang ba smros shig ces bya ba nas/ rdo rje 'chang bas gsungs so zhes bya ba'i bar gyi gzhung gis ston to/ /'jig rten gsum gyi 'khor lo'i gzungs kyi dkyil 'khor gyi sgrub pa pos kyang 'jig rten gsum gyi 'khor lo'i dkyil 'khor chen po las gsungs pa'i rang gi lha'i rnal 'byor byas la bsgrub par bya'o zhes bya ba'i don 'di bstan par bya ba'i phyir/ de nas dam tshig gi phyag rgya bslab par bya'o zhes bya ba nas/ myur du spros pa yang de bzhin no zhes bya ba'i bar gyi gzhung gis ston to/ /'jig rten gsum gyis gzungs kyi dkyil 'khor gyi bsdus pa'i don bstan pa'o/ / chos kyi phyag rgya gtso bor gyur pa'i 'jig rten gsum gyi 'khor lo'i chos kyi dkyil 'khor gyi bsdus pa'i don brjod par bya ste/ 'dir dang po sbyor ba'i ting nge 'dzin ni 'jig rten gsum gyi 'khor lo'i dkyil 'khor chen po gsungs pa nyid yin no/ /de nas bcom ldan 'das zhes bya ba nas/ ao pi pa pi pa hUM phaT zhes bya ba'i gzhung gis ni 'jig rten gsum gyi 'khor lo'i dkyil 'khor gyi chos kyi dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa bstan pa yin no/ /de nas bsdu ba dang byin gyis brlab pa sngon du 'gro ba ni las kyi mchog ces bya ba'i ting nge 'dzin gsum yin par snga ma bzhin du shes par bya'o/ /'jig rten gsum gyi 'khor lo'i chos kyi dkyil 'khor las gsungs pa'i dngos grub ni 'jig rten gsum gyi 'khor lo'i chos kyi dkyil 'khor du dam tshig dang dbang bskur ba thob pas bya'o zhes bya ba'i don 'di bstan par bya ba'i phyir/ de nas yang phyag na rdo rjes rdo rje'i rigs thams cad kyi zhes bya ba nas gdong g.yogs bkrol la dkyil 'khor bstan par bya'o zhes bya ba'i bar gyi gzhung gis 'jig rten gsum gyi 'khor lo'i chos kyi dkyil 'khor gyi slob dpon gyi las kyi cho ga dang/ der 'jug pa'i cho ga ston to/ /'jig rten gsum gyi 'khor lo'i c hos kyi dkyil 'khor las gsungs pa'i dngos grub ni 'jig rten gsum gyi 'khor lo'i dkyil 'khor chen po las gsungs pa'i lha'i rnal 'byor byas la de'i rjes la 'jig rten gsum gyi 'khor lo'i chos kyi dkyil 'khor las gsungs pa'i phyag rgya bcings te bsgrub par bya'o zhes bya ba'i don 'di bstan par bya ba'i phyir/ chos kyi dam tshig gi phyag rgya'i ye shes slobs shig ces bya ba nas/ chu las lhag pa'i ro gzhan med ces bya ba'i bar gyi gzhung gis ston to/ /'jig rten gsum gyi 'khor lo'i chos kyi dkyil 'khor gyis dkyil 'khor gyi bsdus pa'i don bstan pa'o/ /las kyi phyag rgya gtso bor gyur 'jig rten gsum gyi 'khor lo'i las kyi dkyil 'khor gyi bsdus pa'i don brjod par bya'o/ /'di yang dang po sbyor ba'i ting nge 'dzin ni 'jig rten gsum gyi 'khor lo'i chos kyi dkyil 'khor chen por gsungs pa nyid yin no/ /de nas yang bcom ldan 'das de bzhin gshegs pa thams cad kyi dam tshig 'byung ba zhes bya ba nas/ rdo rje bran mo rnams kyi'o zhes bya ba'i bar gyi gzhung gis ni 'jig rten gsum gyi 'khor lo'i las kyi dkyil 'khor gyi dkyil 'khor gyi rgyal po mchog ces bya ba'i ting nge 'dzin gnyis pa gsungs pa yin no/ /de nas bsdu ba dang byin gyis brlab pa nas brtsams te/ las kyi mchog ces bya ba'i ting nge 'dzin gsum pa yin par snga ma bzhin du shes par bya'o/ /'jig rten gsum gyi 'khor lo'i las kyi dkyil 'khor las gsungs pa'i bsgrub pa ni 'jig rten gsum gyi 'khor lo'i las kyi dkyil 'khor du dam tshig dang dbang bskur ba thob pas bya'o zhes bya ba'i don bstan par bya ba'i phyir/ de nas phyag na rdo rjes yang zhes bya ba nas/ gdong g.yogs bkrol te zhes bya ba'i bar gyi gzhung gis slob dpon gyi las kyi cho ga dang/ 'jug pa'i cho ga rgyas par ston to/ /'jig rten gsum gyi 'khor lo'i las kyi dkyil 'khor las b shad pa'i dngos grub ni 'jig rten gsum gyi 'khor lo'i dkyil 'khor chen po las gsungs pa'i lha'i rnal 'byor byas nas de'i rjes la las kyi dkyil 'khor las bshad pa'i las kyi phyag rgya rnams kyis bsgrub par bya'o zhes bya ba'i don 'di bstan par bya ba'i phyir/ gar gyi mchod pa'i phyag rgya'i ye shes slob cig ces bya ba nas brtsams te/ las bsgrub par yang nges par 'gyur zhes bya ba'i bar gyi gzhung gis ston to/ /'jig rten gsum gyi 'khor lo'i las kyi dkyil 'khor gyi bsdus pa'i don bstan pa'o/ /gti mug gi gnyen por gyur pa pad+ma'i rigs kyi shes rab kyi pha rol tu phyin pa'i chos kyi phyag rgya'i ngo bo nyid kyi bsdus pa'i don brjod par bya'o/ /de la re zhig phyag rgya chen po gtso bor gyur pa'i 'gro ba 'dul ba'i dkyil 'khor chen po'i bsdus pa'i don bshad par bya ste/ 'dir dang po sbyor ba'i ting nge 'dzin rdo rje dbyings kyi dkyil 'khor chen po las gsungs pa'i dang po sbyor ba byas la/ rdo rje sems dpa' dang/ rdo rje rin chen dang/ rdo rje chos dang/ rdo rje las sprul pa'i bar yin par shes par bya'o/ /de nas yang de bzhin gshegs pa thams cad gcig tu 'dus te zhes bya ba nas/ lha rnams su yang gyur pa yin zhes bya ba'i bar gyi gzhung gis ni 'gro ba 'dul ba'i dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa ston pa yin no/ /de nas bsdu ba dang byin gyis brlab pa nas brtsams te/ snga ma bzhin du las kyi mchog gis ting nge 'dzin yin par shes par bya'o/ /'gro ba 'dul ba'i dkyil 'khor chen por dam tshig dang dbang bskur ba thob pa rnams kyis de las gsungs pa'i phyag rgya chen po la sogs pa'i bsgrub pa la 'jug par bya'o/ /zhes bya ba'i don 'di bstan par bya ba'i phyir/ de nas yang bcom ldan 'das byang chub sems dpa' sems dpa' chen po 'phags pa spyan ras gzigs kyi dbang pos zhes bya ba nas/ de la chos nyid de yin no zhes bya ba'i bar gyi gzhung gis ni 'gro ba 'dul ba'i dkyil 'khor chen po'i slob dpon gyi las kyi cho ga dang 'jug pa'i cho ga ston to/ /'gro ba 'dul ba'i dkyil 'khor du dam tshig dang dbang bskur ba thob pa rnams la slob dpon gyis ji ltar 'dod pa'i dngos grub kyi ye shes bslab par bya'o zhes bya ba'i don 'di bstan par bya ba'i phyir/ de nas pad+ma'i rigs kyi phyag rgya'i ye shes bslab par bya ste zhes bya ba nas/ lo ke shwa ra zhes bya ba'i bar gyi gzhung gis ston to/ /'gro ba 'dul ba'i dkyil 'khor las gsungs pa'i dngos grub ni 'gro ba 'dul ba'i dkyil 'khor chen po las gsungs pa'i rang gi lha'i phyag rgya bzhis rang gi lha'i rnal 'byor byas la bsgrub par bya'o/ /zhes bya ba dang/ gdul bya rnams spro ba bskyed par bya ba'i phyir phyag rgya'i phan yon bshad par bya ba'i don 'di gnyis bstan par bya ba'i phyir/ de nas dkyil 'khor chen po thams cad kyi phyag rgya'i ye shes bslab bo zhes bya ba nas/ las kyi phyag rgya bsgrub par bya zhes bya ba'i bar gyi gzhung gis ston to/ /'gro ba 'dul ba'i dkyil 'khor chen po'i bsdus pa'i don bstan pa'o/ /dam tshig gi phyag rgya gtso bor gyur pa'i 'gro ba 'dul ba'i gzungs kyi dkyil 'khor gyi bsdus pa'i don brjod par bya ste/ 'dir dang po sbyor ba'i ting nge 'dzin ni 'gro ba 'dul ba'i dkyil 'khor chen por bshad pa nyid yin par shes par bya'o/ /de nas bcom ldan 'das zhes bya ba nas/ aoM karma sa ma ye hUM zhes bya ba'i bar gyi gzhung gis ni dkyil 'khor rgyal po mchog ces bya ba'i ting nge 'dzin ston pa yin no/ /de nas bsdu ba dang byin gyis brlab pa nas brtsams te/ snga ma bzhin du las kyi mchog ces bya ba'i ting nge 'dzin yin par shes par bya'o/ /'gro ba 'dul ba'i gzungs kyi dkyil 'khor las gsungs pa'i dngos grub ni de'i dkyil 'khor du dam tshig chen po dbang bskur ba thob pas bya'o zhes bya ba'i don 'di bstan par bya ba'i phyir/ de nas bcom ldan 'das byang chub sems dpa' sems dpa' chen po 'phags pa spyan ras gzigs kyi dbang pos shes bya ba nas/ gdong g.yogs bkrol te zhes bya ba'i bar gyi gzhung gis ni slob dpon gyi las kyi cho ga dang/ dkyil 'khor du 'jug pa'i cho ga ston to/ /de nas dam tshig dang dbang bskur ba thob pa rnams la 'gro ba 'dul ba'i gzungs kyi dkyil 'khor las gsungs pa'i ci ltar 'dod pa'i dngos grub bslab par bya'o/ /zhes bya ba'i don 'di bstan par bya ba'i phyir/ snod ji lta ba bzhin du ye shes bskyed de zhes bya ba nas/ aoM bi shwa pad+ma san yo ga sA d+ha ya stwI zhes bya ba'i bar gzhung gis ston to/ 'gro ba 'dul ba'i gzungs kyi dkyil 'khor las gsungs pa'i dngos grub kyi 'gro ba 'dul ba'i dkyil 'khor chen po las gsungs pa'i rang rang gi lha'i rnal 'byor ji lta ba bzhin byas la bsgrub par bya'o zhes bya ba'i don 'di khong du chud par bya ba'i phyir/ de nas pad+ma'i rigs kyi gsang ba'i zhes bya ba nas/ gsang ba'i khu tshur gnyis khyab pa'o zhes bya ba'i bar gyi gzhung gis ston to/ /'gro ba 'dul ba'i gzungs kyi dkyil 'khor gyi bsdus pa'i don bstan pa'o/ /chos kyi phyag rgya gtso bor gyur pa'i 'gro ba 'dul ba'i chos kyi dkyil 'khor gyi bsdus pa'i don brjod par bya ste/ de la 'dir dang po sbyor ba'i ting nge 'dzin 'gro ba 'dul ba'i dkyil 'khor chen por bshad pa nyid yin no/ /de nas yang bcom ldan 'das de bzhin gshegs pa thams cad kyi chos kyi ye shes zhes bya ba nas/ aoM karma d+huM hUM zhes bya ba'i bar gyi gzhung gis ni 'gro ba 'dul ba'i chos kyi dkyil 'khor gyi dkyil 'khor rgyal po mchog gi ting nge 'dzin ston to/ /de nas bsdu ba dang byin gyis brlab pa sngon du 'gro bas ni de bzhin du las kyi rgyal po mchog gi ting nge 'dzin yin par shes par bya'o/ /'gro ba 'dul ba'i chos kyi dkyil 'khor las gsungs pa'i dngos grub ni 'gro ba 'dul ba chos kyi dkyil 'khor du dam tshig dang dbang bskur ba thob pas bya'o/ /zhes bya ba'i don 'di bstan par bya ba'i phyir/ /de nas byang chub sems dpa' sems dpa' chen po kun tu spyan ras gzigs kyi dbang po zhes bya ba nas/ sdug bsngal bar gyur ta re zhes bya ba'i bar gyi gzhung gis ni slob dpon gyi las kyi cho ga dang/ 'jug pa'i cho ga ston to/ /'gro ba 'dul ba'i chos kyi dkyil 'khor du dbang bskur ba dang dam tshig thob pa rnams la chos kyi dkyil 'khor las gsungs pa'i ji ltar 'dod pa'i dngos grub slob dpon gyis bstan par bya'o zhes bya ba'i don 'di bstan par bya ba'i phyir/ de nas ye shes bskyed par bya'o zhes bya ba nas/ aoM karma pad+ma ho zhes bya ba'i bar gyi gzhung gis ston to/ /'gro ba 'dul ba'i chos kyi dkyil 'khor las gsungs pa'i dngos grub ni 'gro ba 'dul ba'i dkyil 'khor chen po las gsungs pa'i phyag rgya bzhis rang gi lha'i rnal 'byor ji lta ba bzhin du byas nas de'i rjes la 'gro ba 'dul ba'i chos kyi dkyil 'khor las gsungs pa'i phyag rgya chen po la sogs pa bcings te/ bsgrub par bya'o zhes bya ba'i don 'di bstan par bya ba'i phyir/ de nas ye shes kyi dkyil 'khor gyi phyag rgya chen po'i ye shes bslab po zhes bya ba nas/ las kyi phyag rgya gnyis su bya zhes bya ba'i bar gyi gzhung gis ston to/ /'gro ba 'dul ba'i chos dkyil 'khor gyi bsdus pa'i don bstan pa'o/ /las kyi phyag rgya gtso bor gyur pa 'gro ba 'dul ba'i las kyi dkyil 'khor gyis bsdus pa'i don brjod par bya ste/ de la dang po sbyor ba'i ting nge 'dzin ni 'gro ba 'dul ba'i dkyil 'khor chen por bshad pa nyid yin par gzung bar bya'o/ /de nas yang bcom ldan 'das zhes bya ba nas/ aoM bi shwa karma hUM zhes bya ba'i bar gyi gzhung gis 'gro ba 'dul ba'i las kyi dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa ston to/ /de nas bsdu ba dang byin gyis brlab pa la sogs pa ni de bzhin du las kyi rgyal po mchog ces bya ba'i ting nge 'dzin gsum pa yin pa shes bar bya'o/ /'gro ba 'dul ba'i las kyi dkyil 'khor las bshad pa'i dngos grub ni 'gro ba 'dul ba'i las kyi dkyil 'khor du dam tshig dang dbang bskur ba thob par bya'o zhes bya ba'i don 'di bstan par bya ba'i phyir/ de nas byang chub sems dpa' 'phags pa spyan ras gzigs kyi dbang pos zhes bya ba nas/ sems can dmyal bar ltung bar gyur ta re zhes bya ba'i bar gyi gzhung gis slob dpon gyi las kyi tshig dang/ dkyil 'khor du 'jug pa'i cho ga ston to/ /dam tshig dang dbang bskur ba thob pa de rnams la slob dpon gyis 'gro ba 'dul ba'i las kyi dkyil 'khor las bshad pa'i dngos grub rnams ji ltar 'dod pa bzhin du bslab par bya'o zhes bya ba'i don bstan par bya ba'i phyir/ de nas ye shes bskyed par bya ste zhes bya ba nas/ aoM mahA su kha pad+ma tri ta haM zhes bya ba'i bar gyi gzhung gis ston to/ /'gro ba 'dul ba'i las kyi dkyil 'khor las bshad pa'i dngos grub ni 'gro ba 'dul ba'i dkyil 'khor chen po las gsungs pa'i phyag rgya bzhis rang gi lha'i rnal 'byor ji lta ba bzhin du byas la de'i rjes la 'gro ba 'dul ba'i las kyi dkyil 'khor las gsungs pa'i phyag rgya chen po la sogs pa bcings te bsgrub par bya'o zhes bya ba'i don 'di bstan par bya ba'i phyir/ de nas las kyi phyag rgya chen po ji lta ba bzhin du bslab par bya ste/ zhes bya ba nas las kyi phyag rgya yang dag sbyar zhes bya ba'i bar gyi gzhung gis ston to/ / 'gro ba 'dul ba'i las kyi dkyil 'khor gyi bsdus pa'i don bstan pa'o/ /'gro ba 'dul ba'i dkyil 'khor chen po la sogs pa bsdus par gyur pa bar ma la dga' ba'i sems can rjes su 'dzin par byed pa'i 'gro ba 'dul ba'i phyag rgya bzhi pa'i dkyil 'khor gyi bsdus pa'i don brjod par bya'o/ /'dir dang po sbyor ba'i ting nge 'dzin ni 'gro ba 'dul ba'i dkyil 'khor chen por bshad pa nyid do/ /de nas yang bcom ldan 'das kyis rdo rje chos kyi dam tshig gi phyag rgya zhes bya ba nas/ aom sarbba mu khaM hUM zhes bya ba'i bar gyis ni 'gro ba 'dul ba'i phyag rgya bzhi pa'i dkyil 'khor gyi dkyil 'khor rgyal po mchog ces bya ba'i ting nge 'dzin lnga po gsungs pa yin no/ /de nas bsdu ba dang byin gyis brlab pa la sogs pa snga ma bzhin du 'gro ba'i phyag rgya bzhi pa'i dkyil 'khor gyi las kyi mchog gi ting nge 'dzin lnga po yin par shes par bya'o/ /'gro ba 'dul ba'i dum bu las gsungs pa'i dngos grub rnams ni 'gro ba 'dul ba'i phyag rgya bzhi pa'i dkyil 'khor du dam tshig dang dbang bskur ba thob pas bsgrub par bya'o zhes bya ba'i don 'di gsal bar bya ba'i phyir/ de nas dbyang chub sems dpa' sems dpa' chen po 'phags pa spyan ras gzigs kyi dbang pos zhes bya ba nas/ mi bde ba ma spangs par dus byas nas sems can dmyal bar ltung ba re zhes sgo zhig ces bya ba'i bar gyi gzhung gis ni 'gro ba 'dul ba'i phyag rgya bzhi pa'i dkyil 'khor gyi slob dpon gyi las kyi cho ga dang/ 'jug pa'i cho ga rgyas par ston to/ /'gro ba 'dul ba'i phyag rgya bzhi pa'i dkyil 'khor du dam tshig dang dbang bskur ba thob pa rnams la slob dpon gyis 'gro ba 'dul ba'i phyag rgya bzhi'i dkyil 'khor du gsungs pa'i dngos grub rnams bslab par bya'o zhes bya ba'i don 'di stan par bya'i phyir/ de nas de'i ye shes bskyed pa bya zhes bya ba nas/ aoM sA d+ha ya pad+ma rA ka sa ma ya a zhes bya ba'i bar gyi gzhung gis ston to/ /'gro ba 'dul ba'i dum bu las gsungs pa'i dngos grub ni 'gro ba 'dul ba'i dkyil 'khor chen po las gsungs pa'i phyag rgya bzhis rang gi lha'i rnal 'byor ji lta ba bzhin du byas la bsgrub par bya'o/ /zhes bya ba'i don 'di bstan par bya ba'i phyir/ de nas phyag rgya chen po la sogs pa phyag rgya thams cad bcing ba bslab par bya'o zhes bya ba'i bar gyi gzhung gis ston to/ /'gro ba 'dul ba'i phyag rgya bzhi'i dkyil 'khor gyis bsdus pa'i don bstan pa'o/ /'gro ba 'dul ba'i dum bu las gsungs pa'i dngos grub thams cad bsdus bar gyur pa mdor bsdus pa la dga' ba'i sems can rnams rjes su 'dzin par byed pa'i 'gro ba 'dul ba'i phyag rgya gcig pa'i dkyil 'khor gyi bsdus pa'i don brjod par bya'o/ /'dir dang po sbyor ba'i ting nge 'dzin ni 'gro ba 'dul ba'i dkyil 'khor chen por bshad pa'i tshul gyis 'gro ba 'dul ba'i rnal 'byor chen por byas pa yin no/ /de nas byang chub sems dpa' sems dpa' chen po 'phags pa spyan ras gzigs kyi dbang pos zhes bya ba nas h+ri zhes bya ba'i bar gyis gzhung gis ni 'gro ba 'dul ba'i phyag rgya gcig pa'i dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa bstan pa yin no/ /de nas bsdu ba dang byin gyis brlab pa la sogs pa ni snga ma bzhin du 'gro ba 'dul ba'i phyag rgya gcig pa'i dkyil 'khor gyi las kyi mchog ces bya ba'i ting nge 'dzin gsum pa yin par shes par bya'o/ /'gro ba 'dul ba'i dum bu las gsungs pa'i dngos grub thams cad ni 'gro ba 'dul ba'i phyag rgya gcig pa'i dkyil 'khor du dam tshig dang dbang bskur ba thob pas bsgrub par bya'o zhes bya ba'i don 'di bstan par bya ba'i phyir/ de nas byang chub sems dpa' 'phags pa spyan ras gzigs kyi dbang pos zhes bya ba nas/ de bzhin du bsgo ste zhes bya ba'i bar gyi gzhung gis 'gro ba 'dul ba'i phyag rgya gcig pa'i dkyil 'khor gyi slob dpon gyi las kyi cho ga dang/ dkyil 'khor du 'jug pa'i cho ga ston to/ /'gro ba 'dul pa'i phyag rgya gcig pa'i dkyil 'khor du dam tshig dang dbang bskur ba thob pa rnams la slob dpon gyis bsgrub pa'i ye shes bstan par bya'o zhes bya ba'i don 'di bstan par bya ba'i phyir/ 'gro ba thams cad 'dul ba'i ye shes bslab po zhes bya ba nas/ dkyil 'khor du yang de 'grub po ces bya ba'i bar gyis gzhung gis ston to/ /'gro ba 'dul ba'i dum bu thams cad las gsungs pa'i dngos grub ni 'gro ba 'dul ba'i dkyil 'khor chen po las gsungs pa'i phyag rgya bzhis rang gi lha'i rnal 'byor ji lta ba bzhin du byas nas bsgrub par bya'o zhes bya ba'i don 'di bstan par bya ba'i phyir/ de nas phyag rgya chen po la sogs pa phyag rgya bcing ba rnams bslab par bya'o/ /dngos grub rnams kyang de bzhin no zhes bya ba'i bar gyi gzhung gis bstan to/ /de bzhin du ras la sogs pa la yang bya'o zhes bya ba ni thams cad snga ma bzhin du shes par bya'o/ /'gro ba 'dul ba'i phyag rgya gcig pa'i dkyil 'khor gyis bsdus pa'i don bstan pa'o/ /rigs 'di dag thams cad ni shes rab kyi pha rol tu phyin pa'i rang bzhin gyi chos kyi phyag rgya'i ngo bo yin te de bas na chos kyi phyag rgya zhes bya'o/ /ser sna'i gnyen por gyur pa'i sems can thams cad kyi bsam pa thams cad yongs su rdzogs par byed pa las kyi phyag rgya bskyed par byed pa'i nor bu'i rigs kyi bsdus pa'i don brjod par bya ste/ 'dir dang po sbyor ba'i ting nge 'dzin ni rdo rje dbyings kyi dkyil 'khor chen po gsungs pa'i dang po sbyor ba byas las/ rdo rje sems dpa' dang/ rdo rje rin che dang/ rdo rje chos dang/ rdo rje las sprul pa'i thar thug pa yin par shes par bya'o/ /de nas yang de bzhin gshegs pa thams cad ces bya ba nas/ 'gro ba'i don du 'dir 'gyur ro zhes bya ba'i bar gyi gzhung gis n i don thams cad grub pa'i dkyil 'khor chen po'i dkyil 'khor gyi rgyal po mchog ces bya ba'i ting nge 'dzin gnyis pa ston to de nas bsdu ba dang byin gyis brlab pa la sogs pa ni snga ma bzhin du don thams cad grub pa'i dkyil 'khor chen po'i las kyi mchog ces bya ba'i ting nge 'dzin gsum pa yin par shes par bya'o/ /don thams cad grub pa'i dkyil 'khor chen po'i dbang bskur ba dang dam tshig thob pas de las gsungs pa'i phyag rgya chen po la sogs pa bsgrub pa la 'jug par bya'o/ zhes bya ba'i don 'di bstan par bya ba'i phyir ro/ /de nas byang chub sems dpa' sems dpa' chen po nam mkha' i snying po zhes bya ba nas/ dkyil 'khor chen por bstan par bya'o/ zhes bya ba'i bar gyi gzhung gis slob dpon gyi las kyi cho ga dang/ don thams cad grub pa'i dkyil 'khor chen por 'jug pa'i cho ga ston to/ /don thams cad grub pa'i dkyil 'khor chen por dam tshig dang dbang bskur ba thob pa rnams la slob dpon gyis ji ltar 'dod pa'i dngos grub kyi ye shes bslab par bya'o zhes bya ba'i don 'di bstan par bya ba ni phyir/ de nas ci 'byor bas mchod pa byas nas zhes bya ba nas brtsams te/ aoM sarbba spho Ta sa na yo ga ces bya ba'i bar gyi gzhung gis ston to/ /don thams cad grub pa'i dkyil 'khor chen po las gsungs pa'i dngos grub rnams ni don thams cad grub pa'i dkyil 'khor chen po las gsungs pa'i phyag rgya bzhis rang gi lha'i rnal 'byor ji lta ba bzhin byas la bsgrub par bya'o zhes bya ba dang/ sgrub pa pos spro ba bskyed pa'i phyir phyag rgya'i 'bras bu brjod par bya'o zhes bya ba'i don gnyis pa 'di dag bstan par bya ba'i phyir/ de nas nor bu chen po'i phyag rgya'i ye shes bslab po zhes bya ba nas/ rin chen khu tshur gnyis byas la/ las kyi phyag rgya bri bar bya ba zhes bya ba'i bar gyi gzhung gis ston to/ /don thams cad grub pa'i dkyil 'khor chen po'i bsdus pa'i don bstan pa'o/ /dam tshig gis phyag rgya gtso bor gyur pa don thams cad grub pa'i gzungs kyi dkyil 'khor gyi bsdus pa'i don brjod par bya ste/ 'dir dang po sbyor ba'i ting nge 'dzin ni don thams cad grub pa'i dkyil 'khor chen por bshad pa nyid yin no/ /de nas yang bcom ldan 'das zhes bya ba nas brtsams te/ aoM sarbba a b+hi She ka pU dza sa ma ye hUM zhes bya ba'i bar gyi gzhung gis dkyil 'khor rgyal po mchog ces bya ba'i ting nge 'dzin to/ /de nas bsdu ba dang byin gyis brlab pa sngon du 'gro ba 'dis las kyi rgyal po mchog ces bya ba'i ting nge 'dzin yin par shes par bya'o/ /don thams cad grub pa'i gzungs kyi dkyil 'khor las gsungs pa'i bsgrub pa ni de'i dkyil 'khor du dam tshig dang dbang bskur ba thob pas bya'o zhes bya ba'i don di bstan par bya ba'i phyir/ de nas bcom ldan 'das zhes bya ba nas/ khyod rab tu dbul ba'i dang/ dus byas sems can dmyal bar ltung nga re zhes bsgo la bya ba'i bar gyi gzhung gis ni slob dpon gyi las dang don thams cad grub pa'i gzungs kyi dkyil 'khor du 'jug pa'i cho ga ston to/ /dam tshig dang dbang b skur ba thob pa de rnams la slob dpon gyi don thams cad grub pa'i gzungs kyis dkyil 'khor las gsungs pa'i ji ltar 'dod pa'i dngos grub rnams bslab par bya'o zhes bya ba'i don bstan par bya ba'i phyir rang gi nor bu'i dam tshig gi ye shes bskyed par bya'o zhes bya ba nas/ aoM karma sid+d+hi zhes bya ba'i bar gyi gzhung gis ston to/ /don thams cad grub pa'i gzungs kyi dkyil 'khor las gsungs pa'i dngos grub ni don thams cad grub pa'i dkyil 'khor las gsungs pa'i phyag rgya bzhis rang gis lha'i rnal 'byor ji lta ba bzhin byas la bsgrub par bya'o zhes bya ba'i don bstan par bya ba'i phyir/ de nas dkyil 'khor chen po 'di'i phyag rgya chen po bcings pa bshad de zhes bya ba nas/ gsang ba gsang ba'i khu tshur mchog gnyis su byas na las kun byed ces bya ba'i bar gyi gzhung gis gsungs so/ /nor bu'i rigs kyi dkyil 'khor gyi bsdus pa'i don bstan pa'o/ /chos kyi phyag rgya gtso bor gyur pa nor bu'i rigs kyi chos kyi dkyil 'khor gyi bsdus pa'i don brjod par bya ste/ 'dir dang po sbyor ba'i ting nge 'dzin ni don thams cad grub pa'i dkyil 'khor chen por bshad pa nyid gzung bar bya'o/ /de nas yang bcom ldan 'das zhes bya ba nas brtsams te/ aom sarbba a b+hi She ka dz+nyA na hUM zhes bya ba'i bar gyi gzhung gis ni nor bu'i rigs kyi chos kyi dkyil 'khor rgyal po mchog ces bya ba'i ting nge 'dzin ston to/ /de nas bsdu ba dang byin gyis brlab pa sngon du 'gro ba ni las kyi rgyal po mchog gi ting nge 'dzin yin par snga ma bzhin du shes par bya'o/ /don thams cad grub pa'i chos kyi dkyil 'khor las gsungs pa'i grub pa ni chos kyi dkyil 'khor du dam tshig dang dbang bskur ba thob pas bya'o zhes bya ba'i don 'di bstan par bya ba'i phyir/ de nas byang chub sems dpa' sems dpa' chen po nam mkha' i snying pos zhes bya ba nas/ khyod kyis chos kyi dkyil 'khor ma mthong ba la ma brjod cig khyod dngos grub ma thob par myur du shi bar gyur ta re zhes bsgo ba zhes bya ba'i bar gyi gzhung gis ni slob dpon gyi las kyi cho ga dang/ don thams cad grub pa'i chos kyi dkyil 'khor du 'jug pa'i cho ga ston to/ /don thams cad grub pa'i chos kyi dkyil 'khor du dam tshig dang dbang bskur ba la slob dpon gyis de las gsungs pa'i dngos grub ji ltar 'dod pa bzhin du bslab par bya'o/ zhes bya ba'i don 'di bstan par bya ba'i phyir/ nor bu'i rigs kyi chos kyi ye shes bskyed par bya'o zhes bya ba nas/ sarbba gu hya dz+nyA nas sarbba sid+d+hi me pra yats+tsha hUM zhes bya ba'i bar gyi gzhung gis ston to/ /de na thams cad grub pa'i chos kyi dkyil 'khor las gsungs pa'i dngos grub rnams ni don thams cad grub pa'i dkyil 'khor chen po las gsungs pa'i phyag rgya bzhi rang gi lha'i rnal 'byor byas nas de'i rjes la don thams cad grub pa'i chos kyi dkyil 'khor las gsungs pa'i phyag rgya chen po la sogs pa bcings te bsgrub par bya'o zhes bya ba'i don 'di bstan par bya ba'i phyir/ de nas phyag rgya chen po ji lta ba bzhin du bcings par bya'o zhes bya ba nas/ gnas ji lta ba bzhin bzhag par bya'o/ /zhes bya ba'i bar gyi gzhung gis ston to/ /nor bu'i rigs kyi chos kyi dkyil 'khor gyi bsdus pa'i don bstan pa'o/ /las kyi phyag rgya gtso bor gyur pa nor bu'i rigs kyi dkyil 'khor gyi bsdus pa'i don brjod par bya ste/ 'dir dang po sbyor ba'i ting nge 'dzin ni don thams cad grub pa'i dkyil 'khor chen po bshad pa nyid yin no/ /de nas yang bcom ldan 'das kyi zhes bya ba nas brtsams te/ aoM badzra bi sha a b+hi She ke hUM zhes bya ba'i bar gyi gzhung gis ni nor bu'i rigs kyi las kyi dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa ston to/ /de nas bsdu ba dang byin gyis brlab pa nas brtsams te/ las kyi mchog ces bya ba'i ting nge 'dzin gsum pa yin par shes par bya'o/ /nor bu'i rigs kyi las kyi dkyil 'khor las gsungs pa'i bsgrub pa ni nor bu rigs kyi dkyil 'khor du dam tshig dang dbang bskur ba thob pas bya'o zhes bya ba'i don 'di bstan par bya ba'i phyir/ de nas byang chub sems dpa' sems dpa' chen po nam mkha' i snying pas zhes bya ba nas/ shi bar gyur te zhes bsgo la zhes bya ba'i bar gyi gzhung gis ni slob dpon gyi las kyi cho ga dang/ don thams cad grub pa'i las kyi dkyil 'khor du 'jug pa'i cho ga ston to/ /don thams cad grub pa'i las kyi dkyil 'khor las gsungs pa'i dngos grub kyi ye shes ni/ dkyil 'khor der dam tshig dang dbang bskur ba thob pa rnams la bshad par bya'o/ zhes bya ba'i don 'di bstan par bya ba'i phyir/ nor bu'i rigs kyi las kyi ye shes bslab par bya'o/ /zhes bya ba nas 'jig rten thams cad des mgur 'gyur zhes bya ba'i bar gyi gzhung gis ston to/ /don thams cad g rub pa'i las kyi dkyil 'khor las gsungs pa'i dngos grub rnams ni don thams cad grub pa'i phyag rgya bzhis rang gi lha'i rnal 'byor ji lta ba bzhin du byas pa'i rjes la las kyi dkyil 'khor gsungs pa'i phyag rgya chen po la sogs pa bcings la bsgrub par bya'o zhes bya ba'i don 'di bstan par bya ba'i phyir/ de nas phyag rgya chen po ye shes kyi dngos grub dam par 'gyur ro zhes bya ba nas las kyi phyag rgya de bsgrub po zhes bya ba'i bar gyi gzhung gis ston to/ /nor bu'i rigs kyi las kyi/ dkyil 'khor gyi bsdus pa'i don bstan pa'o/ /nor bu'i rigs kyi don thams cad grub pa'i dkyil 'khor gyi dngos grub bsdus par byung ba'i bar ma la dga' ba'i sems can rnams rjes su 'dzin par byed phyag rgya bzhi pa'i dkyil 'khor gyi bsdus pa'i don brjod par bya ste/ de la dang po'i sbyong ba ni don thams cad grub pa'i dkyil 'khor chen por bshad pa nyid yin no/ /de nas bcom ldan 'das zhes bya ba nas brtsams te/ aoM bi shwa driSh+Ti zhes bya ba'i bar gyi gzhung gis ni don thams cad grub pa'i phyag rgya bzhi pa'i dkyil 'khor gyi dkyil 'khor rgyal po mchog ces bya ba'i ting nge 'dzin lnga po gsungs pa yin no/ bsdu ba dang byin gyis brlab pa'i nas brtsams te/ snga ma bzhin du las kyi mchog gi ting nge 'dzin lnga po yin par shes par bya'o/ /don thams cad grub pa'i dum bu las gsungs pa'i dngos grub rnams ni don thams cad grub pa'i phyag rgya bzhi pa'i dkyil 'khor du dam tshig dang dbang bskur ba thob pas bya'o zhes bya ba'i don 'di bstan par bya ba'i phyir/ de nas byang chub sems dpa' nam mkha' i snying pos zhes bya ba nas/ khyod kyis su la yang ma smra zhig ces bsgo bar bya'o/ /zhes bya ba'i bar gyi gzhung gis slob dpon gyi las kyi cho ga dang/ nor bu'i rigs kyi phyag rgya bzhi pa'i dkyil 'khor du 'jug par cho ga ston to/ don thams cad grub pa'i phyag rgya bzhi pa'i dkyil 'khor du dam tshig dang dbang bskur ba thob pa rnams la slob dpon gyi don thams cad grub pa'i dum bu las gsungs pa'i dngos grub bslab par bya'o/ /zhes bya ba'i don 'di bstan par bya ba'i phyir/ de nas ye shes bskyed par bya ste/ zhes bya ba nas/ hi hi ha ha ha Ta zhes bya ba'i sngags kyi gzhung gis ston to/ /don thams cad grub pa'i dum bu las gsungs pa'i dngos grub ni don thams cad grub pa'i dkyil 'khor chen po las gsungs pa'i phyag rgya bzhis rang gi lha'i rnal 'byor ji lta ba bzhin bya ba la bsgrub par bya'o zhes bya ba'i don 'di bstan par bya ba'i phyir/ de nas phyag rgya bzhi ji lta ba bzhin bcing ba dang/ rnam pa bzhi de bzhin du bslab par bya'o/ /dngos grub kyang de bzhin no/ zhes bya ba'i gzhung gis ston to/ /nor bu'i rigs kyi phyag rgya bzhi pa'i dkyil 'khor gyis bsdus pa'i don bstan pa'o/ /don thams cad grub pa'i dum bu'i las gsungs pa'i dngos grub thams cad bsdus par gyur pa mdor bsdus pa la dga' ba'i sems can rnams rjes su 'dzin par byed pa don thams cad grub pa'i phyag rgya gcig pa'i dkyil 'khor gyi bsdus pa'i don brjod par bya ste/ de la dang po 'dir dang po sbyor ba'i ni 'phags pa nam mkha' i snying po'i dkyil 'khor chen por bshad pa'i rnal 'byor chen po yin no// de nas byang chub sems dpa' sems dpa' chen po nam mkha' i snying pos zhes bya ba nas brtsams te/ badzra ratna hUM zhes bya ba'i bar gyi gzhung gis ni/ 'phags pa nam mkha' i snying po'i phyag rgya gcig pa'i dkyil 'khor gyi dkyil 'khor rgyal po mchog ces bya ba'i ting nge 'dzin ston to/ /las kyi mchog gi ting nge 'dzin ni snga ma bzhin du bsdu ba dang byin gyis brlab pa sngon du 'gro ba nyid yin no/ /don thams cad grub pa'i dum bu las gsungs pa'i dngos grub rnams ni 'phags pa nam mkha' i snying po'i phyag rgya gcig pa'i dkyil 'khor du dam tshig dang dbang bskur ba thob pas bsgrub par bya'o/ /zhes bya ba'i don 'di bstan par bya ba'i phyir/ de nas dkyil 'khor ni 'di yin te zhes bya ba nas/ dngos grub kyi dkyil 'khor ni ji bzhin par ni bri bar bya'o zhes bya ba'i bar gyi gzhung gis ni 'phags pa nam mkha' i snying po'i phyag rgya gcig pa'i dkyil 'khor gyi slob dpon gyi las dang dkyil 'khor du 'jug pa'i cho ga ston to/ 'phags pa nam mkha' i snying po'i phyag rgya gcig pa'i dkyil 'khor du dam tshig dang dbang bskur ba thob pa rnams la slob dpon gyis bsgrub pa'i ye shes bslab par bya'o/ /zhes bya ba'i don 'di bstan par bya ba'i phyir/ de nas 'dir ye shes gsang ba'i zhes bya ba nas/ las kyi dngos grub thob par 'gyur zhes bya ba'i bar gyi gzhung gis ston to/ /don thams c ad grub pa'i dum bu las gsungs pa'i dngos grub rnams ni don thams cad grub pa'i dkyil 'khor chen po las gsungs pa'i phyag rgya bzhis rang gis lha'i rnal 'byor ji lta ba bzhin byas la bsgrub par bya'o zhes bya ba'i don 'di gsal bar bya ba'i phyir/ de nas phyag rgya bzhi'i ye shes bslab par bya'o/ /ras la sogs pa la yang sems dpa' dang phyag rgya'i dkyil 'khor bris te bsgrub par byas so zhes bya ba'i gzhung gis bstan to/ /don thams cad grub pa'i phyag rgya gcig pa'i dkyil 'khor gyi bsdus pa'i don bstan pa'o/ /nor bu'i rigs kyi tshig thams cad sems can thams cad kyi bsam pa thams cad rdzogs par byed pa'i las can yin te de bas na las kyi rigs kyi dam tshig ces bshad pa yin no/ /de ltar 'jig rten dang/ 'jig rten las 'das pa'i chos kyi de kho na nyid kyi ngo bo sems can thams cad kyi thun mong du gyur pa'i rtsa ba'i rgyud kyi bsdus pa'i don bshad pa yin no/ /da ni 'jig rten las 'das pa'i dngos grub bsgrub par byed pa'i sems can gong ma'i gong ma rjes su 'dzin par byed pa thog ma dang tha ma med pa'i dam tshig chen po'i de kho na nyid sangs rgyas dang byang chub sems dpa' i thob pa'i rgyur gyur pa/ rgyud phyi ma'i bsdus pa'i don brjod par bya'o/ /de la dang por re zhig sangs rgyas dang byang chub sems dpa' de nyid grub pa'i phyir/ de bzhin gshegs pa dang/ rdo rje dang/ pad+ma dang/ nor bu'i rigs rnams kyi dkyil 'khor chen po las gsungs pa'i phyag rgya chen po dang/ dam tshig dang/ chos dang/ las kyi phyag rgya rnams kyi bsgom pa bstan par bya ba'i phyir/ de nas byang chub sems dpa' sems dpa' chen po phyag na rdo rje zhes bya ba nas brtsams te/ sangs rgyas dang byang chub sems dpa' rnams kyi dngos grub dam pa thob pa'i cho ga rgyas pa'i rgyud do zhes bya ba'i bar gyi gzhung gis ston to/ /phyag rgya chen po la sogs pa'i bsgom pa ni dam tshig la gnas pas bya'o zhes bya ba'i don 'di bstan par bya ba'i phyir/ de nas byang chub sems dpa' sems dpa' chen po phyag na rdo rjes zhes bya ba dang/ dam tshig gi dngos grub kyi cho ga rgyas pa'i rgyud do zhes bya ba'i bar gyi gzhung gis bstan to/ /dngos po la mngon par zhen pa spang bar bya ba'i phyir gzugs brnyan dang 'dra bar phyag rgya chen po la sogs pa bsgom par bya'o zhes bya ba'i don 'di bstan par bya ba'i phyir/ de nas byang chub sems dpa' sems dpa' chen po phyag na rdo rjes zhes bya ba nas/ rigs thams cad kyi chos kyi dkyil 'khor dngos grub kyi cho ga rgyas pa'i rgyud do zhes bya ba'i bar gyi gzhung gis bstan to/ /phyag rgya chen po la sogs pa sgrub par byed pa pos las kyi dkyil 'khor las gsungs pa'i mchod pa rnam pa cu drug rab tu 'byed cing sems can thams cad kyi don bya pa'i mtshan nyid can dang/ de bzhin gshegs pa thams cad kyi mchod pa'i mtshan nyid can gyi las nam mkha' i khams thams cad du spro ba bsgom par bya'o zhes bya ba'i don 'di bstan par bya ba'i phyir/ de nas byang chub sems dpa' sems dpa' chen po phyag na rdo rjes zhes bya ba nas/ rigs thams cad kyi las kyi dngos grub kyi cho ga rgyas par rgyud do zhes bya ba'i bar gyi gzhung gis de bzhin gshegs pa la sogs pa rigs thams cad kyi las kyi dngos grub kyi rgyud ston to/ /de bzhin gshegs pa la sogs pa rigs thams cad kyi phyag rgya chen po dang/ dam tshig dang chos dang las kyi phyag rgya rnams kyi spyi'i bsgrub pa khyad par gyis 'grub par 'gyur ro/ /zhes bya ba'i don 'di bstan par bya ba'i phyir/ de nas byang chub sems dpa' sems dpa' chen po phyag na rdo rjes zhes bya ba nas/ rigs thams cad kyi chos nyid mkhyen pa'i cho ga rgyas pa'i rgyud do zhes bya ba'i bar gyi chos nyid kyi rgyud ston to/ /phyag rgya chen po la sogs pa phyag rgya thams cad bsgrub par bya ba'i phyir/ des pa bskyed nas 'jug par bya'o zhes bya ba'i don 'di bstan par bya ba'i phyir/ de nas byang chub sems dpa' sems dpa' chen po phyag na rdo rjes zhes bya ba nas/ rigs thams cad kyi mkhyen pa'i dngos grub kyi cho ga rgyas pa'i rgyud do zhes bya ba'i bar gyi gzhung gis de bzhin gshegs pa thams cad kyi rigs kyi ye shes kyi phyag rgya'i ye shes kyi dngos grub kyi rgyud ston to/ /phyag rgya chen po la sogs pa bsgom pa ni/ gang gi tshe mtshan ma thob par gyur pa'i de'i tshe 'grub par 'gyur ro/ /zhes bya ba'i don 'di shes par bya ba'i phyir/ de nas byang chub sems dpa' sems dpa' chen po phyag na rdo rjes zhes bya ba nas/ mdun mthong na'o zhes bya ba'i bar gyi gzhung gis de bzhin gshegs pa thams cad kyi rigs kyi dngos grub kyi ye shes kyi phyag rgya'i rgyud ston to/ /phyag rgya chen po la sogs pa bsgoms nas kyang mtshan ma thob par gyur pas mngon par shes pa bsgrub par bya'o zhes bya ba'i don 'di khong du chud par bya ba'i phyir/ de nas byang chub sems dpa' sems dpa' chen po phyag na rdo rjes zhes bya ba nas/ mngon shes lnga ni de thob po zhes bcom ldan 'das nam mkha' i snying pos gsungs so/ / zhes bya ba'i bar gyi gzhung gis de bzhin gshegs pa thams cad kyi rigs kyi mngon par shes pa'i bsgrub pa'i ye shes kyi rgyud ston to/ /mna'i dor ba'i brtul zhugs la rjes su 'jug pas phyag rgya chen po la sogs pa 'grub par 'gyur ro zhes bya ba'i don 'di bstan par bya ba'i phyir/ de nas zhes bya ba nas bcom ldan 'das sangs rgyas mchod pas gsungs so/ /zhes bya ba'i bar gyi gzhung gis de bzhin gshegs pa thams cad kyi rigs kyi bden pa'i dngos grub kyi rgyud ston to/ /sa ma ya stwaM zhes bya ba la sogs pas brjod de phyag rgya chen po la sogs pa'i phyag rgya thams cad bcings par bya'o zhes bya ba'i phyir/ de nas zhes bya ba nas/ rang byung nyid la mchod par 'gyur zhes bya ba'i bar gyis/ de bzhin gshegs pa thams cad kyi rigs kyi dam tshig gi de kho na nyid kyi dngos grub kyi rgyud ston to// rang gi lha'i rnal 'byor byas la ras ris la sogs pa la yang rang gi lha spyan drangs te sgom par byed cing rang gi lha'i rjes su dran pas phyag rgya chen po la sogs pa phyag rgya bzhi 'grub par 'gyur ro zhes bya ba'i don 'di bstan par bya ba'i phyir/ de nas phyag na rdo rjes zhes bya ba nas/ nyi rim du ni yang dag 'gyur zhes bya ba'i bar gyis gzhung gis de bzhin gshegs pa thams cad kyi rigs kyi phyag rgya'i dngos grub kyi rgyud ston to/ /phyag rgya chen po la sogs pa la rang gi lha'i phyag rgya chen po ni rang gi lha'i snying po brjod cing bsgrub par bya'o zhes bya ba'i nges pa bstan par bya ba'i phyir/ de nas zhes bya ba nas/ bcom ldan 'das nam mkha' i snying pos gsungs so zhes bya ba'i bar gyi gzhung gis ni de bzhin gshegs pa thams cad kyi rigs kyi dngos grub thams cad ston pa'i rgyud ston to/ /sgrub pa pos phyag rgya chen po la sogs pa rang rang gi lha'i phyag rgya bzhi la dang po kho nar byin gyis brlabs pa dang dbang bskur ba dang/ mchod pa byas la ting nge 'dzin gyis bzlas brjod dang bsgom pa bya'o zhes bya ba'i don 'di bstan par bya ba'i phyir/ de nas zhes bya ba dang/ dngos grub thams cad 'grub par 'gyur zhes bya ba'i bar gyi gzhung gis rigs thams cad byin gyis brlab pa dang dbang bskur ba dang/ ting nge 'dzin dang mchod pa'i rgyud ston to/ /gang gi tshe sngar bshad pa'i tshul gyis mngon par shes pa la sogs pa bskyed par ma gyur na/ de'i tshe dkyil 'khor la sogs pa rang gi lha'i phyag rgya bzhir mtshan thog thag bsgom par bsgrub par bya'o/ zhes bya ba'i don 'di bstan par bya ba'i phyir/ de nas zhes bya ba nas/ bcom ldan 'das rdo rje 'dzin pas gsungs so zhes bya ba'i bar gyi gzhung gis ni rigs thams cad kyi mngon par shes pa'i ye shes kyi dngos grub kyi cho ga rgyas par rgyud ston to/ /sngon du bsnyen pa la sogs pa'i dus su yang byang chub chen po'i ye shes kyi phyag rgya chen po la sogs pa bsgrub par bya'o/ /zhes bya ba'i don 'di bstan par bya ba'i phyir/ de nas zhes bya ba nas/ bsgoms na dngos grub thob par 'gyur zhes bya ba'i bar gyi gzhung gis rigs thams cad kyi byang chub chen po'i ye shes kyi cho ga rgyas pa'i rgyud bstan to/ /mtshan ma thob pas sngar bshad pa'i tshul gyis mngon par shes pa skyes par gyur na/ khams gsum rnam par rgyal ba'i rgyud las gsungs pa'i cho gas sangs rgyas la sogs pa'i cha lugs kyi brtul zhugs kyi de bzhin gshegs pa thams cad la sogs pa'i rigs thams cad mnyes par bya ba dang dbang du bya ba byas la de bzhin gshegs pa la sogs pa bsgrub par bya'o zhes bya ba'o don gnyis po 'di dag par bya ba'i phyir/ de nas byang chub sems dpa' sems dpa' chen po phyag na rdo rje zhes bya ba nas/ sangs rgyas thams cad dbang du 'gyur zhes bya ba'i bar gyi gzhung gis rigs thams cad mnyes par bya ba dang dbang du bya ba'i dngos grub kyi rgyud ston to/ /gang gi tshe ji skad bshad pa'i cho gas lan bdun bsgrub na yang dngos grub thob par ma gyur na/ de'i tshe rigs pa la sngon spyod bya ba'i cho gas rang gi lha'i sngon spyod byas na de nas 'grub par 'gyur ro zhes bya ba'i don 'di bstan par bya ba'i phyir/ de nas zhes bya ba nas/ kun tu bzang pos gsungs so zhes bya ba'i bar gyi gzhung gis rigs thams cad kyi gsang ba'i dngos grub kyi cho ga rgyas par rgyud ston to/ /de bzhin gshegs pa thams cad kyi rigs kyi rnal 'byor bas bdag nyid la sogs pa bsrung ba bya'o zhes bya ba'i don 'di bstan par bya ba'i phyir/ de nas bcom ldan 'das byang chub sems dpa' sems dpa' chen po phyag na rdo rje zhes bya ba nas/ bcom ldan rdo rje bsrung bas gsungs so zhes bya ba'i bar gyi gzhung gis rigs thams cad kyi bsrung ba'i dngos grub kyi cho ga rgyas pa'i rgyud ston pa yin no/ /rgyud phyi ma las rigs thams cad kyi dkyil 'khor chen po dang 'brel ba'i dngos grub bsgrub pa'i bsdus pa'i don bstan pa'o/ /de bzhin gshegs pa la sogs pa'i rigs thams cad kyi gzungs kyi dkyil 'khor las gsungs pa'i phyag rgya bzhi b sgom pa ni rang gi rigs kyi dkyil 'khor chen po las gsungs pa'i phyag rgya bzhis rang gi lha'i rnal 'byor mi lta ba bzhin byas pa'i rjes la gzungs kyi dkyil 'khor las gsungs pa'i phyag rgya chen po la sogs pa'i bcing ba rgyud phyi ma la yang bya'o zhes bya ba'i cho ga 'di bstan par bya ba'i phyir/ de nas byang chub sems dpa' sems dpa' chen po phyag na rdo rjes zhes bya ba nas brtsams te/ skad cig gis phab gang byed 'gyur/ zhes bya ba'i bar gyi gzhung gis ston to/ /de nas dkyil 'khor chen po'i dbang du byas nas/ gsungs pa'i rgyud phyi ma'i cho gas mtshan ma thob pa dang mngon par shes pa thob pas sgrub pa'i dkyil 'khor bris la gzungs bsgrub par bya'o zhes bya ba'i don 'di khong du chud par bya ba'i phyir/ de nas byang chub sems dpa' sems dpa' chen po phyag na rdo rjes zhes bya ba nas/ rdo rje sems dpas gsungs so zhes bya ba'i bar gyi gzhung gis rigs thams cad kyi dkyil 'khor dag pa'i dngos grub gsang ba'i rgyud ston to/ /sgrub pa pos ma grub na sgrub pa gnyis pa la yang de kho na nyid kyis bskul bar yang dag par bskul la/ gzungs bsgrub par bya'o zhes bya ba'i don 'di bstan par bya ba'i phyir/ de nas zhes bya ba nas brtsams te/ bcom ldan 'das nam mkha' i snying pos gsungs so zhes bya ba'i bar gyi gzhung gis ni rigs thams cad phyag rgya thams cad kyi gsang ba'i dngos grub kyi cho ga rgyas pa'i rgyud ston to/ /sngon du bsnyen pa la sogs pa'i dus su yang/ mu stegs rnams la phan gdags phyir/ /ri mo phyag rgya'i tshul du ni/ /sangs rgyas btsun mo rab sbyangs par/ /shes na rab tu 'grub par 'gyur zhes bya ba la sogs gsang ba'i ye shes gzungs kyi phyag rgyar bskyed gi bsgom par bya'o zhes bya ba'i don 'di bstan par bya ba'i phyir/ de nas byang chub sems dpa' sems dpa' chen po phyag na rdo rjes zhes bya ba nas bcom ldan 'das kyi bka' bzhin du mdzad pas gsungs so zhes bya ba'i bar gyi gzhung gis ni rigs thams cad kyi dam tshig gis gsang ba'i dngos grub kyi cho ga rgyas pa'i rgyud ston to/ /gzungs dang yang dag par sbyor bar bsgom pa las byung ba'i bde ba dbul ba'i yang dag par sbyor ba bsgom par bya'o zhes bya ba'i don 'di bstan par bya ba'i phyir/ de nas zhes bya ba nas/ bcom ldan 'das rdo rje rin chen gyi gsungs so/ zhes bya ba'i bar gyi gzhung gis/ de bzhin gshegs pa thams cad kyi rigs kyi gsang ba'i mchod pa'i dngos grub kyi rgyud ston to/ /bdag nyid rnal 'byor sgrub pa tsam du gzungs bsgrub par byed pas gzungs kyi dkyil 'khor las gsungs pa'i sgeg mo la sogs pa'i gsang ba'i mchod pa ba bzhis mchod par bya'o zhes bya ba'i don 'di bstan par bya ba'i phyir/ de nas zhes bya ba nas/ bcom ldan 'das rdo rje snying pos gsungs so/ /zhes bya ba'i bar gyi gzhung gis de bzhin gshegs pa thams cad rigs kyi gsang ba'i mchod pa'i dngos grub kyi rgyud ston to/ /de kho na nyid brjod pa dang mtshan ma mngon par brjod pa dang/ phyag rgya bcing bar skye ba'i ye shes kyi rgyud ni rang gi sems yongs su sbyang ba'i las bstan pa'i phyir rigs thams cad kyi dkyil 'khor chen po'i lha'i rnal 'byor gsungs pa yin no/ rigs thams cad kyi gzungs kyi dkyil 'khor las gsungs pa yin no/ /rigs thams cad kyi gzungs kyi dkyil 'khor las gsungs pa'i phyag rgya rnams kyi rgyud phyi ma sgrub pa'i cho ga bsdus pa'i don bstan pa'o/ /de bzhin gshegs pa la sogs pa'i rigs thams cad kyi chos kyi dkyil 'khor las gsungs pa'i phyag rgya bzhi po sgom pa ni rang gi rigs kyi dkyil 'khor las gsungs pa'i phyag rgya bzhi po bsgom pa na/ rang gi rigs kyi dkyil 'khor las gsungs pa'i phyag rgya bzhis rang gi lha'i rnal 'byor ji lta ba bzhin du byas la de'i rjes la chos kyi dkyil 'khor las gsungs pa'i phyag rgya bzhi po sgom pa na rang gi rigs kyi dkyil 'khor las rgyud phyi ma la yang bya'o zhes bya ba'i don 'di bstan par bya ba'i phyir/ de nas byang chub sems dpa' sems dpa' chen po phyag na rdo rjes zhes bya ba nas brtsams te/ bcom ldan 'das rin po che'i rgyal mtshan gyis gsungs so zhes bya ba'i bar gyi gzhung gi rigs thams cad kyi ting nge 'dzin las kyi dngos grub kyi cho ga rgyas par zhes bya ba'i bar gyi rgyud kyi ston to/ /chos kyi dkyil 'khor las gsungs pa'i phyag rgya chen po la sogs pa bsgom pas gang gi tshe mtshan ma thob par gyur pa de'i tsha rdo rje phra mo bsgoms pas mngon par shes pa lnga bskyed par bya'o zhes bya ba'i don 'di bstan par bya ba'i phyir/ /de nas zhes bya ba nas/ bcom ldan 'das rdo rje nor bu gsungs so/ /zhes bya ba'i bar gyi gzhung gis ni rigs thams cad kyi phra mo'i ye shes kyi dngos grub kyi cho ga rgyas pa'i rgyud ston to/ /chos kyi dkyil 'khor las gsungs pa'i phyag rgya chen po la sogs pa bsgom pa na mtshan ma 'di dag ? par 'gyur na mngon par shes pa bsgrub par bya'o zhes bya ba'i don 'di gsal bar bya ba'i phyir/ de nas byang chub sems dpa' sems dpa' chen po phyag na rdo rjes zhes bya ba nas/ bcom ldan 'das rdo rje snying pos gsungs so zhes bya ba'i bar gyi gzhung gis rigs thams cad kyi spyi'i ye shes kyi dngos grub kyi cho ga rgyas par rgyud ston pa yin no/ /rigs thams cad kyi chos kyi dkyil 'khor las gsungs pa'i rgyud phyi ma sgrub pa'i bsdus pa'i don bstan pa'o/ /de bzhin gshegs pa la sogs pa'i rigs thams cad kyi l as kyi dkyil 'khor las gsungs pa'i phyag rgya chen po la sogs pa ni rang gi rigs kyi chos kyi dkyil 'khor chen po las gsungs pa'i phyag rgya bzhis rang gi lha'i rnal 'byor ji lta ba bzhin du byas pa'i rjes la las kyi dkyil 'khor las gsungs pa'i phyag rgya chen po la sogs pa'i bcing ba rgyud phyi ma las kyang bya'o zhes bya ba'i don 'di bstan par bya ba'i phyir/ de nas byang chub sems dpa' sems dpa' chen po phyag na rdo rjes zhes bya ba nas/ brtsams te bcom ldan 'das rdo rje snying pos gsungs so zhes bya ba'i bar gyi gzhung gis rigs kyi las kyi dam tshig dang/ rigs thams cad kyi las kyi dam tshig gsang ba'i dngos grub dang rigs thams cad kyi las kyi chos nyid dang rigs thams cad kyi las kyi dgos pa'i dngos grub kyi cho ga rgyas pa rnams ston to/ /de bzhin gshegs pa la sogs pa'i rigs kyi dkyil 'khor chen po las gsungs pa'i lha'i rnal 'byor byas pa la yang de bzhin gshegs pa la sogs pa'i rigs thams cad byin gyis brlab pa'i rnal 'byor gyi rgyud kyis bya'o zhes bya ba'i don 'di bstan par bya ba'i phyir/ de nas bcom ldan 'das phyag na rdo rjes zhes bya ba nas bcom ldan 'das rdo rje las kyis gsungs so zhes bya ba'i gzhung gis rigs kyi phyag rgya sgom pa'i dngos grub kyi rgyud ston pa yin no/ /rigs thams cad kyi las kyi dkyil 'khor dang 'brel ba'i rgyud phyi ma'i cho ga rgyas pa'i bsdus pa'i don bstan pa'o/ /de bzhin gshegs pa thams cad kyi de kho na nyid bsdus pa las rtog pa thams cad kyi gsang ba'i rgyud phyi ma'i bsdus pa'i don rdzogs so// //bsgoms pas 'jigs skrag cing bya ba la mngon par zhen pa'i sems can rjes su 'dzin par byed pa rtog pa thams cad kyi rgyud kyi phyi ma'i phyi ma bsdus pa'i don brjod par bya ste/ 'dir yang rtog pa thams cad kyi phyi ma'i phyi ma'i rgyud du rang gi rigs kyi dkyil 'khor chen po mthong ba tsam gyis kyang rang gi rigs las gsungs pa'i snying po dang/ phyag rgya dang/ gsang sngags dang/ rig pa bsgrub pa ni rgya chen pos 'jigs shing skrag la gsod nams chung ba'i sems can rjes su gzung ba'i phyir bcom ldan 'das kyis rjes su gnang ba mdzad pa yin no/ /rang gi rigs kyi dkyil 'khor chen po las gsungs pa'i bsgrub par bya ba'i dngos po thams cad dang sgra ni snying po zhes bya'o/ /rang gi rigs kyi gzungs kyi dkyil 'khor las gsungs pa thams cad dang sgra ni phyag rgya'o/ /rang gi rigs kyi las kyi dkyil 'khor las gsungs pa thams cad dang sgra ni gsang sngags so/ /rang gi rigs kyi las kyi dkyil 'khor las gsungs pa'i bsgrub par bya ba thams cad dang/ rig pa'i sgra'i bdag nyid can ni bcom ldan 'das kyi rig pa zhes bya bar bstan to/ /de la dkyil 'khor chen po mthong ba'i dus kyi nges pa dang sngags bzlas pa'i grangs dang/ ras ris dang phyi'i mchod pa lnga la sogs pa'i mchod pa dang phyag rgya'i mchod pa dang skyil mo krung la sogs pa'i nges pa yo byad ste de la mngon par zhen pa rnams kyis dbul bar bya'o zhes bya ba'i don 'di rtogs par bya ba'i phyir/ de nas byang chub sems dpa' sems dpa' chen po phyag na rdo rje zhes bya ba nas brtsams te/ rdo rje 'dzin pas gsungs so zhes bya ba'i bar gyi gzhung gis ston to/ /rigs thams cad kyi zlos pa pos snying po yid la 'dod pa zhes bya ba la sogs pa rab tu shis pa'i sgra brjod la/ snying po dang/ phyag rgya dang/ sngags dang/ rig pa bzlas par bya'o zhes bya ba'i don 'di bstan par bya ba'i phyir/ de nas zhes bya ba nas/ rdo rje 'dzin pas gsungs so zhes bya ba'i bar gyi gzhung gis rigs thams cad kyi thun mong du sgrub pa'i yo byad kyi cho ga ston to/ /badzra satwa zhes bya ba la sogs pa'i sgra brjod la de'i don gyis bdag nyid rang gi lha'i skur sgom pa 'am/ mdun du bsgoms la snying po dang/ sngags dang/ rig pa bzlas ipar bya'o zhes bya ba'i don 'di bstan par bya ba'i phyir/ de nas zhes bya ba nas/ bcom ldan 'das rdo rje sems dpas gsungs so zhes bya ba'i bar gyi gzhung gis rigs thams cad kyi bzlas pa'i cho ga ston to/ /zlos pa pos rnams la spro ba bskyed par bya ba'i phyir bzlas brjod kyi 'bras bu brjod par bya'o zhes bstan par bya ba'i phyir/ de nas zhes bya ba nas/ de bzhin gshegs pa thams cad kyi rin po ches gsungs so/ /zhes bya ba'i bar gyi gzhung gis rigs thams cad thun mong gi dngos grub kyi cho ga ston to/ /thabs med par snying po dang/ phyag rgya dang/ sngags dang/ rigs pa rnams 'grub par 'gyur ro zhes bya ba'i don 'di bstan par bya ba'i phyir/ de nas rtog pa thams cad kyi thabs kyi rgyud ces bya ba nas/ dngos grub kun gyi mchog thob bo ces bya ba'i bar gyi gzhung gis rtog pa thams cad kyi thabs kyi dngos grub kyi rgyud ston to/ /de rnams nyid ni bsod nams med pa ma yin no zhes bya ba'i don 'di bstan par bya ba'i phyir/ de nas zhes bya ba nas/ myur du sangs rgyas nyid du 'grub ces bya ba'i bar gyi gzhung gis rtog pa thams cad kyi bsod nams kyi dngos grub kyi rgyud ston to/ /de rnams nyid ni shes rab med pa ma yin no zhes bya ba'i don 'di bstan par bya ba'i phyir/ de nas zhes bya ba nas/ de bzhin gshegs pa thams cad kyi shes rab dang/ ye shes kyis gsungs so zhes bya ba'i bar gyi gzhung gis rtogs pa thams cad kyi shes rab dang ye shes kyi dngos grub kyi rgyud ston to/ /de rnams nyid ni tshogs med par ma yin no zhes bya ba'i don 'di bstan par bya ba'i phyir/ de nas zhes bya ba nas/ myur du dngos grub thob par 'gyur zhes bya ba'i bar gyi gzhung gis rtog pa thams cad kyi tshogs kyi dngos grub kyi rgyud ston to/ /de rnams nyid ni mtshan ma 'byung ba'i ye shes med na ma yin no zhes bya ba'i don 'di bstan par bya ba'i phyir/ de nas byang chub sems dpa' sems dpa' chen po phyag na rdo rjes zhes bya ba nas/ rdo rje sems dpas gsungs so zhes bya ba'i bar gyi gzhung gis de bzhin gshegs pa thams cad kyi mtshan ma 'byung ba'i ye shes kyi cho ga rgyas pa'i rgyud ston to/ /de rnams nyid ni rtog pa 'byung ba'i ye shes med pa ma yin no/ zhes bya ba'i don 'di bstan par bya ba'i phyir/ de nas zhes bya ba nas/ rdo rje rin chen gyis gsungs so zhes bya ba'i bar gyi gzhung gis rigs thams cad kyi rtog pa 'byung ba'i ye shes kyi rgyud ston to/ /snying po dang phyag rgya dang sngags dang/ ye shes med par/ snying po dang/ phyag rgya dang/ sngags dang/ rigs pa'i dngos grub tu mi 'gyur ro zhes bya ba'i don 'di bstan par bya ba'i phyir/ de nas zhes bya ba nas brtsams te/ rdo rje 'dzin pas gsungs so zhes bya ba'i gzhung gis rigs thams cad kyi rtog pa'i snying po la sogs pa 'byung ba'i ye shes kyi rgyud ston to/ /rigs thams cad kyi zlos pa pos rang gi tshig las skal pa dang ldan pa dang/ skal ba dang mi ldan pa brtag par byas na 'jug par bya'o zhes bya ba'i don 'di bstan par bya ba'i phyir/ de nas zhes bya ba nas/ yid kyis de ni shes par 'gyur zhes bya pa'i bar gyi gzhung gis rtog pa thams cad kyi ye shes bskyed pa'i cho ga rgyas pa'i rgyud ston to/ /de nyid kyis na gdul bya de rnams rtog pa de sna tshogs kyi nye bar bcom pa'i phyir/ lta ba ngan pa dang zhen pa dang ma bral ba yin no zhes gsungs pas?/ de bzhin gshegs pa la sogs pa'i rigs thams cad kyi zlos pa pos thun mong dang khyad par gyi sku dang/ gsung dang/ thugs rdo rje'i phyag rgya bsgrub pa nyams su blang bar bya'o zhes pa'i don 'di rtogs par bya ba'i phyir/ de nas rigs thams cad kyi thun mong ba'i zhes bya ba nas/ rdo rje sems dpas gsungs so/ /zhes bya ba'i bar gyis rigs thams cad kyi gsang ba'i sku dang/ gsung dang/ thugs rdo rje'i phyag rgya'i rgyud ston pa yin no/ /rtog pa thams cad kyi rgyud phyi ma'i phyi ma'i bsdus pa'i don bstan par/ ji skad du gsungs pa'i dkyil 'khor rnams slob ma bcug nas dbang bskur ba thams cad kyi dbang bskur nas/ lha rnams ji lta ba bzhin du gshegs su gsol ba byas la/ sprul pa rnams rang gi lus su bcug ste mngon par rdzogs par 'tshang rgya ba'i rang gi thugs ka na gnas pa'i rdo rje sems dpa' la mtshan brgya rtsa brgyad pas yang dag par bstod nas ci ltar bde ba'i spyod lam gyis gnas par bya'o zhes bya ba'i don 'di bstan par bya ba'i phyir/ de nas byang chub sems dpa' sems dpa' chen po phyag na rdo rjes stan las langs nas zhes bya ba nas brtsams te/ de bzhin gshegs pa thams cad kyi gsang ba theg pa chen po mngon par bsdus pa zhes bya ba'i bar gyi gzhung gis ston to ji skad du bshad pa'i bsdus pa'i don thams cad bstan pas bcom ldan 'das shAkya thub pa rnam par snang mdzad dang rnam par snang bar mdzad chen por gyur pa'i rang bzhin ni brjod par bya ba bshad pa yin la/ de ston par byed pa'i sgra'i tshogs ni rgyud yin no/ rgyud dang brjod par bya ba gnyis kyi brjod par bya ba dang brjod par byed pa'i mtshan nyid du 'brel ba ni 'brel ba'o/ /thabs dang shes rab kyi ngo bo rnam par snang mdzad dang/ rnam par snang mdzad chen po brjod par bya ba bstan pas gdul bya rnams kyi mngon par 'dod pa skyes ba ni dgos pa'o/ /mngon par 'dod pa skyes pa de rnams dkyil 'khor du 'jug pa la sogs pas de'i rang bzhin mngon sum du byed pa ni dgos pa yin no/ /rgyud 'di ni de bzhin gshegs pa thams cad kyi de kho na nyid bsdus pa'i theg pa chen po mngon par rtogs pa zhes bya'o zhes gsungs so/ /de las 'das pa dang/ ma 'ongs pa dang/ da ltar 'byung ba'i sangs rgyas bcom ldan 'das 'jig rten gyi khams thams cad kyi rdul phra rab dang mnyam pa rnams kyi gnyis su med pa'i sems dang sems las byung ba rnams gnyis su med pa'i de bzhin gshegs pa thams cad do de rnams kyi de kho na nyid ni rnam pa bcu ste/ bcu gang zhe na/ 'di lta ste/ dkyil 'khor dang/ sngags dang/ phyag rgya dang/ bdag dang gnas la sogs pa bsrung ba dang/ lha rnams spyan drang ba'i cho ga dang/ bzlas brjod dang/ bsgom pa dang/ phyi dang nang gi bdag nyid can gyi sbyin sreg dang/ nye bar bsdu ba dang/ mchod nas gshegs su gsol ba'o/ de la dkyil 'khor gyi grangs brjod par bya ste/ rdo rje dbyings kyi dum bu la/ de bzhin gshegs pa'i rigs kyi dkyil 'khor ni bcu'o/ /khams gsum rnam par rgyal ba'i dum bu la/ rdo rje'i rigs kyi dkyil 'khor ni bcu bzhi'o/ /pad+ma'i rigs dang nor bu'i rigs gnyis la yang grangs de bzhin gshegs pa'i rigs dang 'dra'o/ /yang de bzhin gshegs pa'i rigs kyi rgyud phyi ma la sgrub pa'i dkyil 'khor sum cu rtsa bdun no/ /rdo rje'i rigs la lnga bcu rtsa brgyad do/ /pad+ma'i rigs dang/ nor bu'i rigs gnyis la yang grangs de bzhin gshegs pa'i rigs dang 'dra'o/ /sngags la sogs pa'i de kho na nyid ni 'di'i rgyud phyi ma'i bshad pa las khong du chud par bya'o/ /yang rgyu dang 'bras bu dang don dam pa'i de kho na nyid las bcu por gyur pa/ de dag nyid rnam pa gsum du yang 'gyur ro/ /gzhan yang shes rab kyi pha rol tu phyin pa dang/ thabs kyi pha rol tu phyin pa'i dbye bas de kho na nyid bcu po de dag nyid rnam pa gnyis su 'jog pa yang yin no/ /ji skad du bshad pa'i de bzhin gshegs pa thams cad kyi de kho na nyid bcu po de dag nyid thos pa dang bsam pa'i shes rab gnyis kyis yang dag par gzung bas na bsdus pa'o/ /de nyid ni theg pa chen po'o/ /de khong du chud pa ni mngon par rtogs pa ste/ /mngon sum du byed pa'o/ /de ston par byed pa'i sgra'i tshogs ni rgyud ces bya bar bshad do/ /yang rnam par snang mdzad dang/ /rnam par snang mdzad chen po bstan pa ni/ gling bzhi'o/ /'di nyid kyi mngon par byang chub lnga nas brtsams te/ /dum bu bzhir bstan pa rtsa ba'i rgyud do/ /yang 'di'i mchog gi dngos grub kyi khyad par brjod pa ni rgyud phyi ma'o/ /gzhan yang mchog gi dngos grub bsgrub pa'i khyad par la 'jug mi nus pa la dmigs pa dang bcas par rtog pa dang bcas pa'i rgyud phyi ma'i phyi ma bstan par mdzad pa yin no/ /de bzhin gshegs pa thams cad kyi de kho na nyid bsdus pa theg pa chen po mngon par rtogs pa'i mdo'i bsdus pa'i don bstan pa rdzogs so/ / //de lta bu'i de bzhin gshegs pa thams cad kyis de kho na nyid bsdus pa theg pa chen por mngon par rtogs pa'i mdo blo la gnas par byas nas/ sdud par byed pas/ /sa bcu'i dbang phyug lcang lo can gyi pho brang na bzhugs pa'i rdo rje 'dzin pas /'di skad ces bya ba la sogs pa smras pa yin te/ /de la 'di skad ces bya ba ni bshad ma thag pa'i yang dag par bsdus pa'i gzhung gi tshul zhes bya ba'i don to/ /bdag gis zhes bya ba ni bdag nyid yin par ston to/ /bdag nyid kyis thos kyis gzhan dag las rgyud pa ni ma yin no/ /zhes bya ba'i don to/ thos pa zhes bya ba'i 'dir thos pa'i rang bzhin gyi shes pas thos pa yin gyi /rtogs pa ni ma yin no// zhes bya ba'i don to/ /'dis ni bdag nyid kyis mngon sum du thos pa dang ma yengs pa nyid du ston pa yin no/ /khyed kyis de gang gi tshe thos zhe na/ dus gcig ni zhes bya ba smos te/ dus gcig ni dus gcig gi tshe ste/ gzhan dag gi tshe ni gzhan dag kyang bdag gi thos so zhes bya ba ste/ 'dis kyang bdag nyid thos pa mang bar ston pa yin no/ /yang na dus gcig na ni skad gcig ma gcig nyid la te/ 'dis kyang rnam par thar pa bsam gyis mi khyab pa thob pa nyid kyi skad cig ma gcig nyid la dus gsum gyi bskal pa so sor snang bas bdag nyid tshad ma'i skyes bu nyid yin par ston to/ /khyed kyis gang las gang du thos shes rtog pa 'di bsal ba'i phyir/ bcom ldan 'das zhes bya ba la sogs pa smos pa yin te/ 'dir bcom ldan 'das lha'i rgyal po'i gnas na bzhugs te/ zhes bya ba 'di dang sbyar bar bya'o/ /de bas na don 'di skad ston te/ bcom ldan 'das 'og min gyi lha'i rgyal po'i gnas na bzhugs te/ de las der bdag gis thos so zhes bya ba ste/ nyon mongs pa dang/ lha'i bu dang/ phung po dang/ 'chi bdag gi mtshan nyid can gyi bdud bzhi bcom pas na/ bcom ldan 'das so/ /khyad par ji lta bu'i bcom ldan 'das 'di las khyed kyis thos she na/ de bzhin gshegs pa zhes bya ba la sogs pa smos te/ de bzhin gshegs pa yang yin la thams cad kyang yin pas de bzhin gshegs pa thams cad de/ 'jig rten gyi khams thams cad kyi rdul phra rab dang mnyam pa'i sangs rgyas rnams kyi byang chub kyi sems dang gnyis su med pa'i rang bzhin gyi sems dang/ sems las byung ba rnams so/ /de nyid ni gzung ba dang 'dzin ba ba'i rnam par rtog pas bskyod par mi nus pas na rdo rje'o/ de rnams byin gyis brlab pa ni sngon gyi 'phen pa'i shugs so/ /de'i dam tshig ni de bzhin gshegs pa'i rigs de las skyes pa'o/ /'di gang las shes she na/ rtag tu dri med thugs rje'i shugs las byung/ smon lam 'grub pa mi 'gag chos nyid can/ 'gro ba'i don grub mdza' yas lhur mdzad pa/ thugs rjes bdag nyid rtag tu rnam par snang zhes gsungs pa'i phyir ro/ /dam tshig de dag gi ye shes ni der nges pa'o/ /de'i rnam pa sna tshogs kyi khyad par ni phyag rgya chen po la sogs par nges pa'i rang bzhin no/ /de rnams dang yang dag par ldan pa ni bcas pa'o/ / 'dis ni bcom ldan 'das de bzhin gshegs pa'i rigs thugs su chud pa dang dam tshig mkhyen pa nyid du ston to/ /gsang sngags kyi sgo'i spyad pa spyod pa 'dod pa rnams kyis kyang dam tshig shes par bya'o zhes bya bar ston te/ /de bzhin gshegs pa thams cad ni sbyin pa'i pha rol tu phyin pa ni ngo bo nyid du gnyis su med pa'i sems dang sems las byung ba ste/ de las byung ba'i rin po che'i dbu rgyan des/ 'dod pa dang gzugs dang/ gzugs med pa'i mtshan nyid can gyi khams gsum par chos kyi rgyal po'i rgyur dbang bskur ba ste/ des brnyes ba ni khams gsum na spyod pa'i sems can rnams 'jig rten las 'das pa'i lam la nges par sbyor ba'i chos kyi rgyal srid do/ /'dis ni bcom ldan 'das rin po che'i rigs thugs su chud pa dang dbang bskur bar brnyes par yang ston te/ gsang sngags kyi sgo'i spyad pa spyod par 'dod pa rnams kyis kyang dbang bskur ba thob par bya'o/ zhes bya bar ston to/ /de bzhin gshegs pa thams cad ni shes rab kyi pha rol tu phyin pa dang/ gnyis su med pa'i sems dang sems las byung ba rnams so/ /de nyid ni thams cad mkhyen pa'i ye shes so/ /de nyid ni rnal 'byor chen po ste de gar la mnga' ba de ni thams cad mkhyen pa'i ye shes rnal 'byor chen po'i/ /de dag kyang yin la dbang phyug kyang yin pas na/ de bzhin gshegs pa thams cad mkhyen pa'i ye shes rnal 'byor chen po'i dbang phyug go /'dis kyang bcom ldan 'das pad+ma'i rigs su chud pa dang/ shes rab kyi pha rol tu phyin pa bsnyen pas rnal 'byor chen po'i dbang phyug yin par ston la/ gsang sngags kyi sgo'i spyad par spyod par 'dod pas kyang rnal 'byor la dbang du gyur par bya'o/ /zhes ston to 'dis ji ltar thams cad mkhyen pa'i ye shes rnal 'byor chen po'i dbang phyug brnyes pas nyid kyi don phun sum tshogs pa brnyes pa de bzhin du gzhan gyi don kyang mdzad pa yin no zhes bstan pa'i phyir/ de bzhin gshegs pa zhes bya ba la sogs pa smos te/ de bzhin gshegs pa thams cad ni brtson 'grus kyi pha rol tu phyin pa'i rang bzhin no/ /de nyid ni phyag rgya thams cad de sems can gyi khams thams cad byang chub par brtson 'grus kyi gzugs brnyan bskyed par rgyas 'debs pa'i phyir ro/ /de nyid ni mnyam pa nyid do/ /de thugs su chud pa ni brnyes pa'o/ /thams cad ni sems can gyi khams sna tshogs pa'o/ /de'i dgos pa mdzad pa ni mngon par 'dod pa'i don rdzogs par mdzad pa'o/ /dgos pa mdzad pa nyid yin pas na/ dgos pa mdzad pa nyid de sems can gyi khams ma lus shing lus pa med pa thams cad kyi re ba thams cad de/ rnam pa thams cad du phyag rgya chen po la sogs pa thob par sred pa de yongs su bskong ba ni mngon par 'dod pa'i don thob par mdzad pa'o/ /de nyid ni 'phrin las te de mdzad pas na re ba thams cad skong ba'i 'phrin las mdzad pa'o/ /ma lus pa'i sgra zad par gyi ming la yang 'jug srid de/ des na lus pa med pa zhes bya ba'i sgra zad par gyi don ston par byed pa yin no/ /'dis kyang bcom ldan 'das kyi rigs thugs su chud pa dang gzhan gyi don phun sum tshogs par ston la/ gsang sngags kyi sgo'i spyad pa spyod par 'dod pas kyang sems can rnams rjes su gzung zhing/ rig pa grub pas dkyil 'khor bri ba la sogs pa'i las rnams la 'jug par bya'o zhes bya ba ston to/ /de lta bu de su zhig yin zhe na/ thugs rje che ba rnam par snang mdzad ces bya ba smos te/ dmigs su med pa'i thugs rjes chen po'i rang gi ngang gis 'jug pa 'di la mnga' bas na thugs rje che ba'o/ /de bzhin gshegs pa'i rigs la sogs pa'i rigs kyi tshul gyis rnam par snang zhing 'bar bar gyur pas na rnam par snang mdzad do/ /de nyid ni chos dang/ longs spyod rdzogs pa dang/ rnam par smin pa'i skus rtag pa yin zhing/ 'das pa dang/ ma 'ongs pa dang/ da ltar byung ba'i dus? ? ni dus gsum ste dus gsum po de dag tu kun rdzob tu sprul pa'i skus bzhugs pa'o/ /yang na dus gsum po rnams su ni kun rdzob kyi tshul gyis bzhugs la/ don dam par ni dus yod pa ma yin pas dus gsum du bzhugs pa'o/ /sku thams cad ni ngo bo nyid dang rnam par smin pa dang/ longs spyod rdzogs pa dang/ sprul pa'i sku'i dbye bas rnam pa bzhi'o/ /de la gang dag du ma rgya chen po/ /kha dog dang ni dbyibs dang gdan/ /phyag mtshan la sogs dbye ba 'di/ /sku yi gsang bar rig par bya/ /gsung thams cad ni rdo rje dang/ khro bo dang / chos dang/ gsal ba'i dbye bas phye ba'o/ /thugs thams cad ni thugs ka'i zla bar dang po'i rdo rje dang/ khro bo'i rdo rje dang/ rdo rje pad+ma dang/ rdo rje rin chen dang/ sna tshogs rdo rje ste 'di dag gang la mnga' ba de ni sku dang/ gsung dang/ thugs rdo rje'o/ /de nyid ni de bzhin gshegs pa yin pas sku dang gsung dang thugs rdo rje de bzhin gshegs pa ste/ dngos po thams cad ji ltar gnas pa de bzhin thugs su chud pa dang/ de bzhin du gzhan dag la yang ston par mdzad pas kyang sangs rgyas ni/ de bzhin gshegs pa zhes bya'o/ / 'dis kyang gang la thos pa'i ston pa po 'di ni sangs rgyas thams cad gcig tu bsdus pa rnam par snang mdzad yin no zhes bshad de/ dang po sbyor ba'i ting nge 'dzin gyi mdo las de bzhin gshegs pa lnga'i ngo bo yin par ston pa'i phyir ro/ /de ltar bcom ldan 'das kyi yon tan bshad pa sngon du 'gro bas bstan par byas nas/ yon tan de lta bu dang ldan pa'i bcom ldan 'das gang na bzhugs zhes rtogs pa la de bzhin gshegs pa thams cad bzhugs shing zhes bya ba la sogs pa smos te/ de bzhin gshegs pa thams cad bzhugs pa ni/ bzhugs par mdzad pa'o/ /de bas na bsngags pa yin la sngags pa nyid kyis ni bstod pa'o/ /der nor bu chen po ni yid bzhin gyi nor bu rnams so/ /rin po che ni rdo rje la sogs pa'o/ /de rnams kyis spras pas ni gang du mdzes par bya ba'i phyir/ spel zhing bkod pa'o/ / der kha dog sna tshogs shing dril bu btags pa dang/ dar dang/ 'phan dang/ me tog gi 'breng ba dang/ rnga ma dang/ dra ba dang/ dra ba phyed pa dang zla ba rlung gis bskyod pa rnams kyis mdzes par byas shing brgyan pa'o/ /'og min gyi lha'i rgyal po'i gnas na bzhugs pa ni gnas par mdzad pa'o/ /'og min kyang yin la lha'i rgyal po yang yin pas na 'og min lha'i rgyal po ste/ bcom ldan 'das rnam par snang mdzad dang de'i thu bor gyur pa'i phyir ro/ /gnas de ni de nyid kyi yin gyi gzhan gyis ma yin te/ de bas na rang gi gnas na bzhugs pa yin no zhes ston pa yin no/ /de yang dkyil 'khor gyi de kho na nyid du de bzhin gshegs pa'i yon tan gyi rang bzhin mi mnyam pa med pas zur bzhi pa zhes bya ba la sogs pas gzhal yas khang ston pa yin te/ 'di dag kyang 'di'i 'og nas bshad par bya'o/ /de yang gzhan dag la mi srid do/ /'dis ni gang du thos pa des ston pa yin no/ /de ltar bcom ldan 'das kyi bzhugs gnas kyi phun sum tshogs pa bstan nas/ 'khor phun sum tshogs pa bstan pa'i phyir/ byang chub sems dpa' zhes bya ba la sogs pa'i smos pa yin te/ 'di'i phyag na rdo rje mnga' bas na phyag na rdo rje'o/ /gzigs pas na kun tu spyan ras gzigs te/ chos thams cad rang bzhin gyis rnam par dag pa'o zhes so sor rtog pa mdzad pa dang/ sems can rnams bskyab pa'i phyir gzigs par mdzad pa'o/ /de'i dbang po ni gtso bo'o/ /nam mkha' ni mnyam pa nyid ye shes so/ /snying po skye ba'i gnas te/ de gang la yod pa de ni nam mkha' i snying po'o/ /chos rnams ni rang bzhin gyis 'od gsal ba'o zhes bya ba 'dis chos thams cad gcig tu byed pa'i mi phyed pa'i khu tshur gang la mnga' ba de ni rdo rje khu tshur te/ gang zhig mi bslu bden de nyid/ /rdo rje khu tshur de bshad do/ /zhes lung las gsungs pa yin no/ /'jam zhing mnyen pa'i dpal gang la mnga' ba de ni 'jam dpal te/ gnyis su med pa'i shes rab kyi pha rol tu phyin pa la gnas pa'i rgyu las nges par 'byung ba'i de kho na nyid kyis nyon mongs pa sra zhing/ rtsub pa dang bral la na tshed lo brgyad pa'i gzhon nu'i gzugs mnga' ba'i phyir ro/ /sems bskyed pa'i rjes thogs nyid la chos kyi 'khor lo dkyil 'khor du 'jug pa'i ngang tshul gang la mnga' ba de ni sems bskyed ma thag tu chos kyi 'khor lo bskor ba'o/ /nam mkha' ni go 'byed pa ste mnyam pa nyid kyi ye shes so/ /de nyid kyi mdzod la mnga' bas na nam mkha' i mdzod do/ /phung po dang/ nyon mongs pa dang/ 'chi bdag dang/ lha'i bu ni bdud thams cad de/ de'i stobs ni nus pa'o/ /der rab tu 'joms shing bzlog par mdzad pa'i ngang tshul gang la mnga' ba de ni bdud kyi stobs thams cad rab tu 'joms pa'o/ /byang chub sems dpa' 'di rnams ni sgrub pa'i yan lag tu gyur pa yin te/ lung las dam pa'i chos kyi grong khyer skyong bar byed pa'i byang chub sems dpa' rnams zhes gsungs pa rnams yin no/ /gang+gA klung gi bye ma snyed kyi de bzhin gshegs pa rnams dang zhes bya ba 'dis kyang sgrub pa'i yan lag tu gyur pa'i de bzhin gshegs pa rnams bstan pa yin te/ dzabcom ldan 'das dus de'i tshe 'og min gyi gnas na ji ltar de bzhin gshegs pa rnams kyi yongs su gang ba dang/ lhan cig bzhugs shes na/ de yang 'di ltar zhes bya ba la sogs pas dpe gsungs pa yin te/ lcang lo can na bzhugs pa'i sa bcu'i dbang p hyug gi tshul 'dzin pa'i rdo rje 'chang bas kun tu bzang po la sogs pa'i byang chub sems dpa' sems dpa' chen po rnams la ji ltar bdag ni rgyal po'i pho brang lcang lo can na yang dag par bsdus pa'i dus su 'dzam bu'i gling til gyi gang bu til gyis don? gyi yongs su gdab bzhin du/ 'dzam bu'i gling na de bzhin gshegs pa thams cad kyis kun tu gang bar bdag cag la snang la/ 'og min gyi gnas su ston par mdzad pa'i dus su yang bdag cag gis de bzhin du mthong ngo zhes gsungs pa yin no/ /ci de bzhin gshegs pa'i sku gcig tu bzhugs sam zhe na ma yin te/ de bzhin gshegs pa'i sku tshad med pa zhes bya ba smos te/ de ji lta bu zhe na/ de rnams dang zhes bya ba smos so/ /kyang zhes bya ba'i sgras ni gzhan dag kyang zhes ston te/ /'di nyid bshad pa na de bzhin gshegs pa re re'i sku las kyang zhes bya ba smos pa yin no/ /yang ni ji bzhin thun mong du gyur pas na/ thabs cig pa yin zhe na/ sangs rgyas kyi zhing zhes bya ba la sogs pa smos te/ de dag ni zhes bya ba byed pa por gyur pa de rnams kyi dbang las zhes bya ba'i bar du'o/ /ji ltar na de dag gi dbang las rag las pa yin zhe na/ de bzhin gshegs pa re re'i sku las kyang zhes pa la sogs pa dang chos kyi tshul 'di nyid 'chad do zhes bya ba la sogs pas de bzhin gshegs pa thams cad ces smos pas ni rgyud de de bzhin gshegs pa rnams dgongs pa gcig gis ston par mdzad pa yin no/ /gsang sngags kyi sgo'i spyad pa spyod par 'dod pa rnams kyis kyang man ngag phan tshun las nges pa bskyed de bsam pa gcig gis dkyil 'khor 'dri ba la sogs pa la 'jug par bya'o zhes ston to/ rang nyid dang gzhan gyi don phun sum tshogs pa dang ldan pa'i rnam par snang mdzad bstan nas/ /de nas bcom ldan 'das rnam par snang mdzad chen po/ de bzhin gshegs pa thams cad kyi thugs la gnas so zhes bya ba ni/ rnam par snang mdzad dang/ rnam par snang mdzad chen po smos pa yin no/ /'di gnyis kyi khyad par ci zhig yin zhe na/ 'og min gyi gnas su mngon par rdzogs par sangs rgyas pa de bzhin gshegs pa lnga'i sku'i ngo bo nyid ni rnam par snang mdzad yin la de nyid kyis gnyis su med pa'i sems dang sems las byung ba rnam par snang mdzad dang/ rdo rje sems dpa' la sogs pa'i tshul bskyed pa'i rgyur gyur pa/ chos kyi dbyings thogs ma dang tha ma med pa'i mtshan nyid can ni rnam par snang mdzad chen po yin no/ /de ni dmigs su med pa'i thugs rje chen po'i rang bzhin chos bdag med pa'i ye shes kyi mthus skal pa ji lta ba bzhin du sems can yongs su smin par bya ba'i phyir/ phyi ma'i mthar thug pa med pa'i bar gyi dus thams cad du rnam par snang mdzad la sogs pa'i skus bzhugs par mdzad pas de'i phyir nam mkha' i dbyings bzhin du rtag par bzhugs shing zhes bya ba la sogs pa smos pa yin te/ rtag tu dri med thugs rje'i shugs las 'byung zhes bya ba la sogs pas gsungs so/ /nam mkha' i dbyings kyang yin la thams cad kyang yin pas na/ nam mkha' i dbyings thams cad de/ der rtag par bzhugs shing sku dang gsung dang thugs rdo rje lta bur gyur pa gang yin pa de ni nam mkha' i dbyings thams cad bzhin du rtag par bzhugs shing sku dang gsung dang thugs rdo rje lta bu gyur pa zhes bya'o/ /ji ltar na 'di nam mkha' i dbyings bzhin du rtag tu bzhugs shing sku dang gsung dan thugs rdo rje lta bu yin zhe na/ de bzhin gshegs pa zhes bya ba la sogs pa smos te/ rnam par snang mdzad la sogs dang gdul bya rnams ni de bzhin gshegs pa thams cad ste/ de rnams phyogs bcu'i de bzhin gshegs pa thams cad kyi tshul gyis bzhugs par gyur pas/ de bzhin gshegs pa thams cad dang mnyam pa nyid du 'jug pa'o/ /de bzhin gshegs pa thams cad dang mnyam pa nyid du 'jug par gyur pa ni de bzhin gshegs pa thams cad dang mnyam pa nyid du 'jug pa nyid ste de rgyur gyur pas so/ /de bzhin gshegs pa tham cad dang rdo rje sems dpa' la sogs pa'i sku dang gsung dang thugs kyi gsang ba ni rdo rje'i dbyings so/ /rdo rje'i dbyings kyang yin pas na/ rdo rje'i dbyings thams cad de/ de rnams kyi thugs chud pa ni gdul bya rnams kyi rgyud rtogs pa'o/ /ye shes sems dpa' ni gang gi phyir rdo rje sems dpa' yin la/ de bas na bcom ldan 'das 'di ni nam mkha' i dbyings thams cad bzhin du rtag par bzhugs shing sku dang gsung dang thugs rdo rje yin/ /ji skad du bshad pa'i bcom ldan 'das 'di ni rdo rje sems dpa' i tshul 'ba' zhig tu ma zad kyi/ rdo rje rin chen gyi tshul gyis kyang bzhugs pas nam mkha' i dbyings zhes bya ba la sogs pa smos pa yin te/ nam mkha' i dbyings tham cad ni/ nam mkha' sngo ba dang dmar ba dang/ ser ba dang shel gyi mdog can gyi 'od zer rnams te/ de rnams kyi shin tu phra mo ni phra rab rnams so/ /de nyid ni rtul te de gcig tu byas nas rdo rje rin chen gyi gzugs bskyed pa ni rdo rje'i byin gyis brlabs so/ /de 'byung ba'i ye shes de ni nam mkha' i dbyings thams cad kyi rdul shin tu phra mo'i rdo rje'i byin gyis rlabs las byung ba'i ye shes so/ /de nyid ni snying po ste/ bskyed pa'i gnas su gyur pa gang yin pa de ni nam mkha' i dbyings thams cad kyi rdul phra mo rdo rje'i byin gyis brlabs las 'byung ba'i ye shes kyi snying po ste/ rdo rje rtse lnga pas mtshan pa'i yid bzhin gyi nor bu'i gzugs rdo rje rin chen gyi phyag rgya'i rang bzhin no/ /rdo rje rin chen las 'jig rten gyi khams thams cad kyi rdul phra rab dang mnyam pa'i de bzhin gshegs pa rnams 'byung bar 'gyur la des kyang sems can gyi don mdzad nas gcig tu gyur pa ste/ nam mkha' i skus rin po che'i rigs kyi 'khro los sgyur bar mdzad do zhes bstan pa'i phyir/ de bzhin gshegs pa thams cad ces bya ba la sog pa smos te/ de bzhin gshegs pa tham cad ni ji skad du bshad pa rnams so de rnams kyis mdza' yas pa nyid ni de bzhin gshegs pa tham cad mdza' yas a nyid de/ de rgyur gyur pa nyid kyis na/ rdo rje che po'i ye shes dbang bskur ba'i rin po che yin te/ rin po che'i rigs ni rdo rje rin po che'i ye shes kyi dbang bskur ro/ /de'i rgyu'i rin po che ni 'phags pa nam mkha' i snying po'i rigs kyi bdag po'i tshul te 'di dag tham cad yin par shes par bya'o/ /ji skad du bshad pa'i bcom ldan 'das 'di ni pad+ma'i rigs kyi bdag po'i rang bzhin yin no zhes bstan par bya ba'i phyir/ nam mkha' i dbyings thams cad ces bya ba la sogs pa smos pa yin te nam mkha' i dbyings thams cad du spros zhing khyab pa yang yin la/ de bzhin nyid kyang yin pas nam mkha' i dbyings thams cad du spros pa'i de bzhin nyid do/ /de'i ye shes ni nam mkha' i dbyings thams cad du spros pa'i de bzhin nyid kyi ye shes te pad+ma lta bu'i 'od zer gyi tshul gyis nam mkha' i dbyings thams cad du khyab cing dngos po thams cad nges par bskyed pa'o/ /de'i mngon par rdzogs par byang chub pa ni mngon sum du mdzad pa'o/ /des mngon par rdzogs par byang chub par gyur pa ni mngon par byang chub pa'i rang bzhin rdo rje pad+ma'i phyag rgya'i gzugs zhes bya ba'i don to/ /phyag rgya'i gzugs de las de bzhin gshegs pa mdza' yas pa byung nas 'gro ba'i don rnams mdzad de/ cig tu gyur pa las 'jig rten dbang phyug tu gyur te zhes bstan pa'i phyir/ de bzhin gshegs pa thams cad kyi zhes bya ba la sogs pa smos te/ de bzhin gshegs pa thams cad kyi ngo bo nyid ni 'jig rten bang phyug gi phyag rgya chen po'o/ /de'i dag pa ni bag chags dang bcas pa'i nyon mongs pa med pa'o/ /de'i ngo b nyid yin pas na de bzhin gshegs pa thams cad kyi ngo bo nyid dag pa nyid de/ ngo bo nyid dag pa des 'gro ba'i don gyi bya ba dang/ sangs rgyas la mchod pa'i mtshan nyid can gyi chos tham cad gang yin pa de la de skad ces bya ste/ 'dis ni chos kyi skur dbang bsur ba dang/ pad+ma'i rigs kyi bdag po'i rang bzhin yin par ston to/ /de ni pad+ma'i rigs kyi sprul pa'i ye shes kyi de kho na nyid kyi 'dul ba'i spyod pa'i gzhung gis sems can gyi don mdzad par ston pa ni nam mkha' i dbyings tham cad du khyab pa zhes bya ba la sogs pa smos pa yin te/ de ni nam mkha' i khams thams cad du khyab pa yang yin la/ gzugs thams cad du yang dag par bstan pa yang yin pas de skad ces bya ba ste/ de mkhyen pa ni der nges pa'o/ /des sems can gyi khams ma lus pa shing lus pa med pa rnams 'dul ba ni phan pa ma yin pa las bzlog nas phan pa la nges par sbyor ba'o/ /de nyid ni spyod pa'o/ /de'i mchog tu gyur pa ni zla med pa'o/ /'dis ni bcom ldan 'das pad+ma'i rigs kyi rang bzhin yin par ston to/ /las ky rigs kyi 'khor lo sgyur ba nyid du gyur pas kyang/ de nam mkha' thams cad bya bar bstan pa ni/ de bzhin gshegs pa zhes bya ba la sogs pa smos pa yin te/ de bzhin gshegs a tham cad kyi bka' don yod pa ni 'bras bu yod pa'i bka' ste/ sems can thams cad kyi don gyis shig/ mchod pa thams cad kyis kyang de bzhin gshegs pa thams cad la mchod cing ces bya ba'o/ /de mdzad pa'i ngang tshul gang la yod pa ni/ de bzhin gshegs pa thams cad kyi bka' don yod par mdzad pa ste/ de'i ngo bo nyid ni de bzhin gshegs pa thams cad kyi bka' don yod par mdzad pa nyid do/ /des thams cad nyam pa med pa yin la mnyam pa med pa nyid kyis na bla na med pa yang yin te/ rnam pa thams cad pa'i phrin las 'di la mnga' bas na thams cad dang mnyam pa med cing bla na med pa'i phrin las sna tshogs mdzad pa'o/ /'dis ni 'di na sna tshogs rdo rje bsnams shing las kyi rigs su las kyi dkyil 'khor lo sgyur ba yin par ston to/ /de bzhin du rdo sna tshogs rdo rje bsnams te der sems can sna tshogs kyi bya ba mdzad do zhes bya ba dang/ de bzhin gshegs pa thams cad kyi zhes bya ba la sogs pas rdo rje sems dpa' la sogs pa snying po'i don bstan pa'i sgo nas de'i snying po rnams bstan pas dang/ tshul des rnam par snang mdzad chen po yin par gsungs pa yin te/ de bzhin gshegs pa thams cad kyi zhes bya ba ni rnam par snang mdzad la sos pa'o/ /byang chub chen po ni mi bskyod pa'i rang bzhin du gnyis su med pa'i sems dang sems las byung ba rnams te/ de'i ngo bo nyid du sems dpa' bstan pa'i sems gang yin pa de ni de bzhin gshegs pa thams cad kyi byan chub chen por sems dpa' bstan pa ste/ rdo rje sems dpa' zhes bya ba'i tha tshig go yang na de nyid ni bstan zhing mi g.yo ba ste/ de las sprul ba'i sems dpa' ni bstan pa'i sems dpa' ste/ badzra satwa zhes bya ba'o/ /de bzhin gshegs pa tham cad spyan drang ba ni spyan 'dren pa'o/ /de'i dam tshig ni 'da' bar mi bya ba ste/ badzra rA dza zhes bya ba'o/ /de bzhin gshegs pa tham cad kyi sgom pa ni de'i rjes su mnyes par bya ba ste de'i ye shes ni nges pa'o/ /de'i dbang phyug ni gtso bo ste/ badzra rA ga ces bya ba'o/ /de bzhin gshegs pa thams cad kyi legs so/ /zhes bya ba ni phyin ci ma log cing yang dag pa'i byang chub kyi spyod pa'i tshul gyis te/ badzra sA d+hu zhes bya ba'o/ /de bzhin gshegs pa thams cad kyi sbyin pa'i pha rol tu phyin pa'i 'khor gsum yongs su dag pa'i ngo bo nyid rin chen 'byung ldan gyi tshul gyis ser sna'i dri ma spangs pa ni dbang bskur ba chen po'i de'i don gyis rin po che ni bcom ldan das badzra ratna zhes bya ba'o/ /de bzhin gshegs pa thams cad ni bshad ma thag pa'i de nyid yin no/ /de'i ye shes ni mun pa thams cad sel ba'i tshul gyi nyi ma'i 'od kyi dkyil 'khor du gyur pa gan gyin pa de ni de bzhin gshegs pa thams cad kyi nyi ma'i dkyil 'khor gyi 'od kyi dkyil 'khor te/ de na badzra te dza zhes bya ba'o/ /sgrib pa med pa'i ye shes de nyid ni de bzhin gshegs pa thams cad do/ /de rnams kyi bsam pa ni chos rtogs par byed par bzhed pa'o bsam pa de'i stobs dang/ mi 'jigs pa la sogs pa'i chos rnams brnyes pa ni 'bar zhing mdzes pas na bsam pa'i rgyal po'o/ /de las byung ba'i nor bu rin po che des nye bar mtshan pa'i dpal te/ rgyal mtshan gang la yod pa de la de skad ces bya ste/ badzra ke tu zhes bya ba'o/ /chos thams cad brnyes pa'i dgyes pa'i tshul skyes pas na de bzhin gshegs pa zhes bya ba la sogs pa smos pa yin te/ bzhad pa chen por ni dgyes pa las byung ba 'dzum pa gang yin pa de ni bzhad pa chen po'o'o/ /de bzhin gshegs pa thams cad kyang yin la bzhad pa chen po yang yin pas na/ de bzhin gshegs pa thams cad kyi bzhad pa chen po ste/ badzra hA sa zhes bya ba'o/ /shes rab kyi pha rol tu phyin pa'i rang bzhin gyi sems dang sems las byung ba'i 'od dpag tu med pa'i tshul ni de bzhin gshegs pa thams cad do/ /de bzhin gshegs pa thams cad kyi dag pa'i chos chen po gang yin pa de ni de bzhin gshegs pa thams cad kyi dag pa'i chos chen po ste/ badzra d+harmA zhes bya ba'o/ /gang gi ye shes de bzhin gshegs pa thams cad kyi shes rab chen po nyid gang yin pa de ni de bzhin gshegs pa thams cad kyi shes rab chen po'i ye shes te/ badzra tIk+Shu zhes bya ba'o/ /de bzhin gshegs pa thams cad kyi 'khor lo zhes bya ba'i dkyil 'khor chen po gang la yod pa de ni de bzhin gshegs pa thams cad kyi 'khor lo te badzra he tu zhes bya ba'o/ /de bzhin gshegs pa thams cad kyi dgongs pas drang ba'i don gyi gsung ston pa gang yin pa de ni de bzhin gshegs pa tham cad kyi dgongs pa 'chad pa ste/ badzra b+hA Sha zhes bya ba'o/ /don yod par grub pa'i rang bzhin 'khor gsum yongs su dag pa brtson 'grus kyi pha rol tu phyin pa'i tshul gyis sems la sogs pa ni de bzhin gshegs pa thams cad de/ de rnams kyi gdon mi za zhing thams cad de/ rnam pa sna tshogs pa'i sems can gyi don bya ba dang/ sangs rgyas la mchod pa'i mtshan nyid can gyi dgongs pa mdzad pa gang yin pa de ni de bzhin gshegs pa thams cad kyi gdon mi za bar tham cad kyi dgongs pa mdzad pa ste/ badzra karma zhes bya ba'o/ /bla na med pa yang dag par rdzogs pa'i byang chub tu 'jug pa'i sems bsrung bar spro ba ni/ de bzhin gshegs pa thams cad thams cad kyi brtson 'grus chen po'o/ /de nyid kyi cho ga shin tu brtan po gang yod pa de ni de bzhin gshegs pa thams cad kyi brtson 'grus chen po'i cho ga shin tu bstan po ste/ badzra rak+Sha zhes bya ba'o/ /de bzhin gshegs pa thams cad ni bshad ma thag pa'o/ /de rnams kyi bsrung ba ni gang chos thams cad rang bzhin gyi 'od gsal bar so sor rtogs pas yongs su skyong ba rdo rje ltar mi phyed pa gang yin pa de ni gnod sbyin te/ badzra yak+Sha zhes bya ba'o/ /de bzhin gshegs pa thams cad kyi sku dang gsung dang thugs ni ji skad du bshad pa ste/ de nyid mi phyed pas na rdo rje'o/ /de'i bcing ba ni ma skyes pa'i sbyor bas gcig tu byed pa'o/ /de nyid ni phyag rgya ste/ de'i ye shes gang la yod pa de ni de bzhin gshegs pa thams cad kyi sku dang gsung dang thugs rdo rje bcing ba'i ye shes rnams te/ badzra muSh+Ti zhes bya ba'o/ /'dis ni badzra satwa zhes bya ba la sog pa'i snying po'i don gyi sgoM rdo rje sems dpa' la sogs pa'i snying po'i tshul gang yin pa de bstan nas/ gzhan yang de nyid rdo rje sems dpa' la sog pI tshul gyis sku'i dbye ba bstan pa ni kun bzang zhes bya ba la sog pa smos pa yin te/ 'di la skun nas bzang zhing dge bar gyur pas na/ kun tu bzang po yin pa 'am rnam pa thams cad du bzang bas na kun tu bzang po ste/ snying stobs rdul dang mun pas kyang/ /gang phyir sems can don gyur pas/ /des na di ni kun u bzang/ /byang chub spyod pa'i rjes 'jug pa'o/ /zhes gsungs pa yin no/ /de bzhin gshegs pa tham dad kun nas rab tu spyan 'dren pa gdon mi za zhing don yod pas rab tu gdon mi za ba'o/ /gdul bya rnams nyan thos dang rang sangs rgyas su blos bsam pa rnams kyis bla na med pa yang dag par rdzogs pa'i byang chub bsgoms pas ngang du gcod cing gsod pas na bdud do/ /ra tu dgyes pa ni yid bde ba ste de brnyes pa'o/ /nam mkha' ni mnyam pa nyid kyi ye shes so/ /de las byung ba'i de bzhin gshegs pa tham cad ni nam mkha' ste/ nam mkha' zhes bya ba de nyid snying po ste gang gis bskyed pa'i gnas yin pa de ni nam mkha' ste/ de las skyes pa'i phyir ro/ /shin tu gzi brjid chen po dang ldan pas na shin tu gzi chen te/ nam mkha' thams cad khyab pa'i rdo rje nyi ma'i 'od kyis nam mkha' i khams tham cad du spros pa'i phyir ro// yid bzhin gyi nor bu rin po ches nye bar mtshon pa'i tog gi mtshan ma gang la yod pa de ni rin chen dpal lo/ /'dzum pa chen pos mnga' bas na 'dum pa che ste/ 'dzum zhing bzhad bas nam mkha' thams cad khyab pa'o/ /gti mug spang ba'i phyir chos thams cad rang bzhin gyis rnam par dag pa'o zhes de bzhin gshegs pa tham cad kyis gzigs pa'am sems can rnams spyan ras gzigs kyis 'tsho ba sna kun tu gzigs pa'o/ /de nyid ni nyes pa thams cad dang bral ba nyid kyis rang dbang mnga' bas na dbang chen no/ /kun tu gzigs pa yang yin la dbang chen yang yin pas kun tu gzigs pa'i dbang chen no/ /'jam dpal ni bshad zin to/ /rdo rje dbyings la sogs pa'i dkyil 'khor gyi tshul gyis bzhugs pas na/ dkyil 'khor tham cad do/ /tshig gi rnam par rtog pa mi mnga' bas na mi gsung ba ste/ de bzhin gshegs pa thams cad kyi rdo rje'i gsung gis spros pa med pa'i chos nyid la nges par sbyor ba'o zhes bstan pa'i phyir ro/ /ma lus shing lus pa med pa'i de bzhin gshegs pa'i mchod pa'i las mdzad pas na thams cad las so/ /bla na med pa yang dag par rdzogs pa'i byang chub par spro ba'i brtson 'grus chen po 'di la mnga' bas na brtson 'grus so/ /tum pas ma rungs pa'o/ /mi phyed pas na dam pa'o// de nyid ni sku dang gsung dang thugs gcig tu byas pa'i khu tshur gyi tshul can yin pas na dam du gzung ba ste rdo rje khu tshur zhes bya ba'i tha tshig go / tshig 'di dag gis ni go rim bzhin du rdo rje sems dpa' la sogs pa sems dpa' bcu drug po de dag gi sku'i gsang ba gsungs pa yin no/ /'di dag ni rdo rje la sog pa'i mtshan ma yang de dag nyid yin zhes bstan par bya ba'i phyir/ rdo re zhes bya ba la sogs pa smos te/ rdo rje rtse lnga pa ni bcom ldan 'das rdo rje sems dpa' i phyag mtshan nyid yin te gzhan dag kyang de bzhin du shes par bya'o/ /rgyud las 'di dag gis phyag smos pa ni 'og nas kyang ston to/ /sems dpa' chen po bcu drug po 'di dag ni rnam par snang mdzad chen po'i sku dang gsung dang thugs kyi gsang ba'i ngo bo nyid yin par ni ston to/ /thog ma tha ma med cing zhi zhes bya ba la sogs pas ston te/ de nyid chos kyi dbyings la sogs pa'i rang bzhin du gsungs so/ /de la thog ma ni dang por bskyed pa'o/ /tha ma ni nying mtshams sbyor ba med pa'i nyan thos dang rang sangs rgyas kyi mya ngan las 'das pa'o/ /gang la 'di dag mi mnga' ba de ni thog ma tha ma med pa ste/ de nyid de bzhin nyid du ro gcig pa sems dang sems las byung ba gnyis su med pa'i rang bzhin chos kyi dbyings zhes bya ba'i tha tshig go /rgyu 'di nyid kyis na zhing zhes bya ba dang/ zhi ba'i tshul gyis 'dul ba'i sems can rnams gdul bar bya ba'i phyir/ zhi ba'i sku ston par mdzad pas na zhi ba'o/ /gdug cing gtum pa'i sems can gdul bar bya ba'i phyir drag po'i skur ston par mdzad pas na ma rung ba ste/ 'di dag kyang khams gsum pa'i mchog las rnam par rgyal ba las ston to/ /sems can dang sems can ma yin pa dag 'joms shing khro bas 'dul ba rnams kyi phyir de'i rjes su 'jug pa'i tshul ston pa mdzad pas na khro bo'o/ /bzod par smra ba la sogs par sprul pas sems can 'dul bas na bzod pa che ba'o/ /gnod sbyin gyis 'dul ba rnams la ni gnod sbyin no/ /srin pos 'dul ba rnams la ni srin po dam pa'o/ /brtan pos gdul ba la ni brtan pa'o/ /gzi chen rnams las kyang gzi brjid che ba ni gzi chen no/ /dpa' bas mngon par rlom pa rnams la ni dpa' ba' o/ /khyab pa po thams cad pas kyang thams cad shin tu khyab pas na khyab bdag chen po'o/ /au ma'i bdag po'i tshul gyis sems can 'dul bar mdzad pas na au ma'i bdag po'o/ /sems can gyi khams rnams ni skye dgu ste/ de'i mgon po ni bsrung ba'o/ /khyab 'jug gis 'dul ba'i sems can rnams la khyab 'jug gi gzugs ston par mdzad pas na gtogs 'dod do/ /rgyal ba'i ngang tshul can ni rgyal 'dod ste nyi ma'o/ /thub pa rnams kya nang na shAkya thub ba'i tshul ston pas na thub pa chen po'o/ /'jig rten skyor ba bzhi'i gzugs kyis sems can gyi don mdzad pas na 'jig rten skyod do/ /nam mkha' ltar sgrib pa med pa'i ngo bo nyid kyis ni nam mkha' o/ /rgya mtsho chen po la sogs par ltung ba rnams la sa gzhi'i tshul gyis 'dzin par mdzad pas na sa'o/ /ming po gsum gyi gzugs kyis 'gro ba'i don mdzad pas na 'jig rten gsum mo/ /khams gsum pa rdo rje sems dpa' yin pa'i tshul gyis na khams gsum pa'o/ /sa dang chu dang me dang rlung ste 'byung ba chen po'i gzugs 'dzin par mdzad pa na 'byung chen no/ /nor 'grub pa la sogs pa'i tshul nyid kyis na/ sems can don rab mdzad do/ /dngos po thams cad kyi chos nyid du gyur pas na thams cad do/ /gu lang ste lha chen po'i gzugs 'dzin par mdzad pas na gu lang ngo/ /tshangs pa'i gzugs su bzhugs pas na tshangs pa'o/ /chags pa dang 'jig pa'i bskal ba'i tshul gyis sems can 'dul bar mdzad pa dang/ skye ba med pa'i sbyor bas 'khor ba'i chos nyid yin pas na 'khor ba'o/ /mi ga nas pa'i mya ngan las 'das pa yin pas na mya ngan las 'das pa'o/ mya ngan las 'das pa'i ngo bo nyid kyis bstan pa 'am rtags pas na rtag pa'o/ /pha rol tu phyin pa bcu'i spyod pa mnga' bas na yang dag mtsho'o/ /las kyi dkyil 'khor gyi rang bzhin gyis mchod pa chen po yin pas na mchod pa che'o/ /sangs rgyas sgom pa'i ngo bo nyid yin pas na sangs rgyas te/ rang nyid sangs rgyas rab bsgoms pas/ /sangs rgyas zhes ni bya ba yin zhes bstan pas so/ /pad+ma'i rigs kyi ngo bo nyid yin pa'i phyir so sor rtog pa'i ye shes kyi ngo bo yin pas na dag pa'o/ /byang chub sems dpa' i lam 'bras bu dang bcas pa'i ngo bo yin pas na theg pa che'o/ /'dod pa dang gzugs dang gzugs med pa'i khams su yang dag par ston pa dang/ de'i chos nyid kyis na srid gsum mo/ /rtag pa ni lha chen po'i gzugs te der ston pas na rtag pa'o/ /dpal khams gsum rnam pa rgyal ba'i dum bu'i sgo nas 'jig rten gsum rgyal lo/ /sham ni bde ba ste de la spyod pas na bde spyod do/ /bde spyod ni lha chen po ste de byang chub la bkod pas mgon po mdzad pa'i phyir/ bde spyod mgon po'o? yi ge hUM gcig pu tsam gyis 'jig rten gsum 'dul bar mdzad pas na rab tu 'dul mdzad do/ /bcom ldan 'das rdo rje hUM mdzad ni rdo rje rigs kyi bdag po yin pas na/ rdo rje gtso bo'o/ /sa rab ni mos pa spyod pa la sogs pa ste/ de rnams kyi mchog ni rdo rje 'chang ba'i sa yin la/ de'i rang bzhin yin pas na sa rab mchog go /chos kyi dkyil 'khor gyi tshul gyis na ye shes so/ /ye shes yin pa nyid kyis na pha rol tu byin pa bcu drug thob pa'i thabs su gyur pas na/ pha rol tu phyin pa'i tshul lo/ / ji ltar na ye shes nyid yin pas pha rol tu phyin pa'i tshul yin zhe na/ de nas brtsams te gang ci yang rung/ rab mnyam bzhag pas bsgoms nas ni/ /de dag thams cad brtan gyur to/ /ting 'dzin ye shes kyi brtags pa'o/ /zhes gsungs pa'i phyir ro/ / byang chub kyi rang bzhin yin pas na byang chub sems dpa' o/ /rdo rje sems dpa' la sogs pa bsgoms pas sems can thams cad rnam par grol bar mdzad pas na/ rnam par thar pa'o/ /gsang sngags kyi spyod pa'i ngo bo nyid yin pas na spyod pa'o/ /rnam bar snang mdzad dang/ mi bskyod pa dang/ rin chen dbang dang/ 'jig rten dbang phyug dang/ don yod grub pa'i mtshan nyid can yin pas na de bzhin gshegs pa kun no/ /nor bu'i rigs kyi rang bzhin yin pas na sangs rgyas don no/ /ting nge 'dzin sgrub par byed pas na sangs rgyas thugs te/ ting nge 'dzin sgrub pa snying la gnas te de nas snying po zhes bshad do/ zhes gsungs pa'i phyir ro/ /nyan thos dang/ rang byang chub dang/ yang dag par rdzogs pa'i byang chub kyi chos nyid yin pas na byang chub kun no/ /'di'i gang na yod pa la yin pas na bla na med pa'o/ /rnam par snang mdzad ni ji ltar grags pa nyid do/ /bdud las rgyal bas na rgyal ba'o/ /rigs bzhi'i bdag por gyur pas na mgon no/ /rang nyid mngon par rdzogs par byang chub pas na rang 'byung ngo/ /rigs bzhi'i 'dzin par mdzad pa'i rang bzhin yin pas na gzugs so/ /dmigs pa bsnyel ba med pa'i rang bzhin yin pas na dran pa'o/ /sems can gyi tshogs chen po'i don mdzad pas na/ sems dpa' che'o/ /phyag rgya chen po mnga' bas na phyag rgya che ste/ gang phyir sems can bcom ldan 'das 'dod chags chen po'i 'di'i lha zhes gsungs pa'i phyir ro/ /sems dpa' dang phyag rgya chen po de dang 'brel ba'i bdag med pa bsgoms pas sems rtse gcig pa'i ting nge 'dzin te/ mnyam par bzhag pas ting nge 'dzin yin zhes gsungs pa'i phyir ro/ /sangs rgyas rnams kyi phrin las ni sangs rgyas kyi phrin las te/ byang chub kyi sems la sogs pa'i mchod pa'i mtshan nyid do/ /de mdzad pas na sangs rgyas phrin las mdzad do/ /'di dag mdzad par ji ltar spyod pa yin zhe na/ de'i phyir yang dag sangs rgyas kun bdag nyid de zhes bya ba smos te/ de kho na nyid kyi rang bzhin yin pas na yang dag pa nyid do/ /sems can rnams kyi don la chags pas na sems can te/ sems can gyi don la chags pas na sems can no zhes gsungs pa'i phyir ro/ /thog ma dang tha ma med pa'i chos kyi dbyings ston par mdzad pas na/ rtag tu don rtogs mdzad pa'o/ /sdong po ni lha chen po'i gzugs su sems can gyi don du byin gyis brlabs pa'o/ /de'i gnyen por gyur pa'i sku chen po ni sdong po chen po'o/ /nag po chen po'i gzugs kyi sems can 'dul bar mdzad pas na nag po chen po'o/ / dpal mchog dang po las bshad pa'i lha mo bzhi yang dag par 'dus pa la sogs pa'i spyod pas tshul dang ldan pa'i rdo rje sems dpa' ni 'dod chags chen po'o/ /de nyid ni gnyis su med pa'i ye shes kyi rang bzhin yin pas bde ba che ste/ mi 'gyur bde ba kun grub pa bde ba chen po zhes bshad do zhes lung las bshad pa'i phyir ro/ /phyag rgya bzhi'i dkyil 'khor gyi tshul gyis dngos grub thams cad bsdus pa yin pas na thabs chen no/ /rgyu 'di nyid kyis na mchog chen mchog go /phyag rgya gcig pa'i dkyil 'khor gyi rang bzhin gyis na kun mchog go / de nyid kyi phyir gnas kyi dbang po'o/ /de lta bu de su zhig yin zhe na/ bcom ldan 'das zhes bya ba la sogs pa smos te/ nyan thos dang/ rang sangs rgyas kyi byang chub la bltos na 'di ni byang chub kyang yin la chen po yang yin pas na byang chub chen po ste/ bla na med pa yang dag par rdzogs pa'i byang chub po/ /de ni sems yang dag par ji lta ba bzhin du yongs su shes pa'i mtshan nyid do/ /de lta bu'i rang bzhin can gyis thugs 'di la mnga' bas na bcom ldan 'das byang chub chen po'i thugs shes bshad do/ /kun tu bzang po 'di bshad zin to/ de nyid ni byang chub chen po'i rang bzhin yin pas na byang chub sems dpa' chen po'o/ /rnam par snang mdzad la sogs pa de bzhin gshegs pa thams cad kyi thugs kar zla ba'i dkyil 'khor gyi gzugs la/ dang po'i rdo rje rtse lnga pa'i gzugs kyi gnas so zhes bya ba ni bzhugs pa'o/ /dang po'i rdo rje rtse lnga pa'i gzugs kyis ni sku dang ldan pa ma yin te/ 'di gang las shes she na/ gang gi phyir bcom ldan de nyid sems dpa' yi/ /rdo rje'i ngo bor thugs kar ni/ /rdo rje sems dpa' zhes bshad pa/ /rdo rje der ni rab tu gnas/ /de nyid ye shes sbyor ba yis/ /sangs rgyas zhes ni bshad pa ste/ /thugs las sna tshogs byung nas ni/ /sna tshogs gzugs su 'ang gyur pa yin/ /khams kun rdul gyi grangs rnyed dag /de nyid rgyal bar gyur pa yin rdo rje sku ni de rnams las/ /rdo rje sems dpa' ang 'byung ba yin/ /zhes bcom ldan 'das rdo rje 'chang bas gsungs pa yin no/ /'dis ni dkyil 'khor rgyal po mchog dang/ las kyi rgyal po mchog gi ting nge 'dzin gnyis kyi mdo 'dis rigs bzhi'i mdo bshad pa yin no/ /gleng gzhi'i rnam par 'grel pa rdzogs so// //de ltar rnam par snang mdzad dang/ rnam par snang mdzad chen po bstan pas bdag dang gzhan gyis don phun sum tshogs pa'i 'bras bu'i mtshan nyid can gyis de bzhin gshegs pas 'dul ba'i skye bo'i mngon par 'dod pa bskyed pa yin la/ mngon par 'dod pa skyes par gyur pa rnams bdag dang gzhan gyi don phun sum tshogs pa'i 'bras bu'i mtshan nyid can bcom ldan 'das de ji ltar 'thob par 'gyur zhes rnam par rtog par 'gyur ba la/ ngo bo nyid de mngon sum du bya ba'i phyir/ de nas zhes bya ba la sogs pas/ de thob par byed pa'i thabs su rgyud gsungs pa yin no/ /de nas zhes bya ba'i sgra ni 'das ma thag pa ste/ gdul bya rnams kyi rnam par rtogs pa'i rjes thogs pa'o/ /de bzhin gshegs pa thams cad ni 'jig rten gyi khams thams cad kyi rdul phra rab dang mnyam pa'i rnam par snang mdzad dang/ mi bskyod pa la sogs pa ste/ de bzhin gshegs pa thams cad kyis so/ /sangs rgyas kyis zhing 'di zhes bya ba ni mi mjed kyi 'jig rten gyi khams gling bzhi pa phrag brgya la sogs pa'i grangs yod pa'o/ /dper na zhes bya ba'i sgra ni dpe bstan pa'i don to/ /til gyi gang bu bzhin du yongs su gang bar gyur to/ /zhes bya ba ni snga ma bzhin du sangs rgyas rjes su dran pa ste/ des mngon sum du byas nas zhes ston par byed pa yin no/ /sngags kyi sgo'i spyad pa spyod pa rnams kyis kyang sangs rgyas rjes su dran pa bsgom par bya ste/ de bzhin gshegs pa thams cad kyi gzugs kyi sku dang chos nyid rjes su dran par bya'o zhes rtog par bya ba'i phyir ro/ /sangs rgyas kyi zhing thams cad khyab nas ci zhig mdzad ces na/ de nas zhes bya ba la sogs pa gsungs te/ de nas zhes bya ba'i sgra ni snga ma bzhin no/ /'dus te zhes bya ba ni bsdu ba'i tshul gyis rdzogs par mdzad pa ste/ de lta bu mdzad nas so/ /byang chub la dgongs shing sems dpa' i thugs 'di la mnga' bas na byang chub sems dpa' o/ /sems can gyi tshogs chen po'i don chen po mdzad pa la rab tu 'jug pas na sems dpa' chen po'o/ /don thams cad grub pa zhes bya ba ni bsod nams dang ye shes kyi chogs yongs su rdzogs pas don thams cad 'grub par bya ba bzhed pa tsam la rag las pa 'di la mnga' bas na don thams cad grub pa'o/ /byang chub kyi rgyu'i snying po ni byang chub kyi snying po ste/ mar gyi snying po dang 'dra bar gnas kyi snying por gyur pa'o/ /der bzhugs pa ni nye bar gnas par mdzad pa'o/ /gang na ba/ zhes bya ba'i rgyu gsum pa'o/ /de'i don 'di yin te gang gis bskal ba grangs med pa gsum du skye ba sna tshogs bzhes te/ bsod nams dang ye shes kyi tshogs yongs su rdzogs par mdzad nas/ bsam gtan dang gzugs med pa'i snyoms par 'jug pa bskyed de/ bsam gtan bzhi pa'i chen po'i yang chen po bskyed nas ting nge 'dzin gyi stobs kyis yid kyis rang bzhin gyi lus can gyi srid pa tha ma par mdzad nas/ de bzhin gshegs pa thams cad las cod pan dang/ dang dbyangs kyi dbang bskur ba thob nas sems can thams cad la phan pa dang bde ba'i phyir 'tshang rgya bar bya'o zhes dgongs nas dbugs rdzub pa dang/ dbugs dbyung ba dka' ste bcom ldan 'das don thams cad grub pa 'og min nas byang chub kyi snying po na bzhugs pa gang na ba der gshegs shing bzhung nas 'di skad ces gsungs pa yin no/ /bcom ldan 'das bskal ba bsam gyis mi khyab par mngon par rdzogs par sangs rgyas nas shAkya'i rigs su skye ba ston par mdzad do ces gsungs pas na/ shAkya'i rigs su skye ba bzhes nas zhes bya ba 'di la mi rigs so/ /gshegs nas kyang de rnams kyis de la ci zhig mdzad ce na/ ched du zhes bya ba la sogs pa gsungs te/ de la rdzogs longs spyod pa'i sku ni nyon mongs pa dang shes bya'i sgrib pa dang/ bral bas chen po la bzhugs pa'i byang chub sems dpa' kun tu bzang po la sogs pa rnams kyi chos kyi rdzogs longs spyod pa nyams su myong ba'i phyir/ chos kyi 'khor lo chen po bskor ba'i tshul gyis bzhugs pa gang yin pas de ni chos kyi rdzogs longs spyod pa'i sku dgos pa yin pas rdzogs longs spyod pa zhes bya'o/ /de rnams kyis rdzogs longs spyod pa'i sku bstan nas ji skad gsungs she na/ rigs kyi bu khyod kyis zhes bya ba la sogs pa smos te/ rigs kyi bu zhes bya ba ni bod pa'o/ /ci ltar zhes pa ni spong ba'o/ /'di'i gong na khyad par du gyur pa gzhan med pas na bla na med pa ste yang dag par rdzogs pa'i byang chub mngon par byang chub pa rnam pa lnga'o/ /gang gi phyir zhes bya ba la sogs pa la/ ji srid de kho na nyid bsgoms pa med par mi g.yo ba'i ting nge 'dzin 'dis ni khyod mngon par rdzogs par byang chub par mi 'gyur ro zhes bya bar dgongs so/ /de ci'i phyir zhe na/ de bzhin gshegs pa thams cad kyi de kho na nyid ma rtogs par zhes bya ba la sogs pa gsungs te/ gang de bzhin gshegs pa thams cad kyi de kho na nyid rtogs pa de ni mngon par rdzogs par 'tshang rgya bar 'gyur na/ yang khyed ni mi g.yo ba'i ting nge 'dzin la sbyor bas bdag nyid gzir cing dka' ba spyod pa la bzhugs pa yin la/ de bas na de kho na nyid med pas mngon par rdzogs par byang chub par mi 'gyur ro zhes/ de bzhin gshegs pa thams cad kyis bskul bas zhes bya bas/ ji skad gsungs pa'i tshig gis bskul bar gyur pa yin no/ /de nas mi g.yo ba'i ting nge 'dzin las bzhengs te/ zhes bya ba ni ting nge 'dzin de las ldang bar mdzad pa ste 'dis ni dbugs bkag pas gnas pa yin no/ / zhes don gyi shugs las shes te/ de yang bcom ldan 'das kyis/ de lta bu'i ting nge 'dzin la dregs pa 'chang bar gyur nas ni/ dbugs rdub pa dang 'byung ba bkag ces bya ba nas/ aoM badzra tiSh+Tha zhes bskul bar byas so zhes bya ba la sogs pa gsungs pa yin no/ /de bzhin gshegs pa thams cad la phyag byas nas zhes bya ba ni/ aoM sarbba ta thA ga ta pA da banda naM ka ro mi zhes bya bas so/ /'di skad ces gsol to/ /zhes bya ba ni ji skad du zhus nas ci zhig smras pa dag gi rang gi ngo bo bstan pa'i phyir/ bcom ldan 'das de bzhin gshegs pa rnams zhes bya ba la sogs pa gsungs pa yin te/ de kho na nyid ji lta bu lags zhes bya ba ni gang gis de bzhin gshegs pa thams cad kyi de kho na nyid mngon par ma rtogs par zhes khyed rnams kyi gsungs pa'i'o/ /ji ltar bsgrub par bgyi zhes bya ba ni ji lta bu'i de kho na nyid bsgoms pas so/ /gsung gcig tu 'di skad ces bka' stsal to zhes bya ba ni dgongs pa gcig gis de kho na nyid ston par mdzad pa yin no/ /bsgrub par gyis shig ces bya ba ni nyams su blang bar gyis shig pa'o/ /ji ltar zhe na/ rang gi sems la so sor rtog cing zhes bya ba la sogs pa gsungs te/ rang nyid kyis sems ni rang gi sems te/ de la so sor rtog pa ni rgyu dang bral ba'i phyir chos thams cad ni ngo bo nyid kyis dag pa'o zhes so sor rtog pa'o/ /de'i don du mnyam par 'jog pa ni rang gi sems la so sor rtog cing mnyam par zhog la zhes bya ba ste/ sems rtse gcig pa nyid du'o/ /mnyam par bzhag pas sgrub par gyis shig ces bya ba 'ba' zhig tu ma zin gyi gzhan yang/ rang bzhin gyis zhes bya ba'i ngo bo nyid kyis grub pa ni rang bzhin gyis grub pa ste/ rang bzhin gyis grub pa'i sngags ci dgar zlos shig ces bya ba'i grangs kyis nges pa med pa ste/ gang gi phyir 'tshang rgya ba thob par bya ba la ni bsgom par bya ba nyid gtso bor gyur pa yin pa'i phyir ro/ /ci dgang bzlas pa'i sngags 'di yang gang zhig yin zhe na/ aoM tsit+ta pra ti be d+haM ka ro mi zhes gsungs pa yin te/ sems zhes bya ba yid kyi rnam par shes pa la sogs pa'i rang bzhin so sor gzung ba rang 'dzin pa po med pa nyid du nges par bya ba ni/ tsit+ta pra ti bed+haM zhes pa so sor rtog pa'o/ /yang na bag chags dang bcas pa'i nyon mongs pa rab tu spangs pas shes pa'o/ /de ltar ji skad du bshad pa'i bzlas pa dang bsgoms pas chos kyi dbyings thog ma dang tha ma med pa mngon sum du byas pas na/ bdag gi snying ga na zla ba'i dkyil 'khor lta bur bdag gis mthong ngo zhes bya ba rang gi snying ga na nges pa'i ye shes so/ /gzung bar bya ba'i rang gi ngo bo zla ba ni dbyangs kyi yi ge bcu drug las byung ba nang la sogs pa stong pa nyid bcu drug ston par byed pa 'jig rten las 'das pa'i rjes las skyes pa'i ye shes kyi zla ba'i dkyil 'khor gyi rnam par mthong ngo zhes pa ste/ zla ba'i dkyil 'khor nyid mig yor tsam du so sor snang bas na zla ba'i dkyil 'khor lta bur sgom par bshad pa'i rgyud las bstan pas na son nyi mi bya'o/ /kha cig ni tshes gcig pa'i zla ba'i ri mo 'dra' ba ni zla ba'i dkyil 'khor lta bur zhes zer ro/ /gzhan dag na re mi rigs te/ de yang gang 'di zla ba rdzogs pa 'di/ /dag cing gsal la rnyog pa med/ /de bzhin tshogs ni rdzogs pa'i phyir/ /sems ni zla brgyas pa 'dra/ zhes gsungs pa'i phyir ro/ /'dis ni byang chub kyi sems kyi ngo bo mi bskyod pa'i rang bzhin du gsungs pa yin no/ /rang bzhin gyis zhes bya ba ni ngo bo nyid kyis so/ /'od gsal ba zhes bya ba ni dri ma med pa'i don te gzung ba dang 'dzin pa po'i bag chags kyi nag nog dang bral ba la blo bur ba'i dri mas dri ma can du gyur pa ma yin pa'i phyir ro/ /'di ni ji ltar sbyangs pa zhes bya ba ni/ de bzhin gshegs pa la sogs pa'i sgrub bsgoms pas gang dang gang dag gis so/ /de ltar 'gyur te/ zhes bya ba ni de dang des shin tu gsal bar 'gyur ba'o/ /ji lta bu'i zhe na/ dper na zhes bya ba la sogs pa gsungs te ji ltar na ras dkar po dri ma thams cad dang bral ba tshon gyis kha bsgyur ba ni/ pad+ma rA ga la sogs pa'i mdog tu mdog shin tu gsal bar de'i mdog can du 'gyur te/ de dang 'dra'o zhes bya ba'i tha tshig go / de bas na zhes bya ba la sogs pa la/ rang bzhin gyis 'od gsal ba ni ngo bo nyid kyis gzung ba dang 'dzin pa'i rnam par rtog pa dang bral ba'o/ /de gang zhig ce na sems so/ /de'i shes pa ni mngon par rtogs pa'o/ /de rgyas par bya ba ni thabs kyi pha rol tu phyin pa'i rang bzhin zla ba'i dkyil 'khor gyi steng na zla ba'i dkyil 'khor gnyis pa bskyed par bya ba ni rgyas par bya ba ste/ de'i rgyu de'i phyir byang chub kyi sems bskyed pa la 'jug par bya'o/ zhes pa ste/ rnam par snang mdzad la sogs pa'i rang bzhin ston par byed pa'i yi ge ka la sogs pas zla ba'i dkyil 'khor gnyis pa bskyed pa ni/ byang chub sems bskyed pa yin te/ yi ge ka la sogs pa skar ma lta bu'i gzugs can las zla ba'i dkyil 'khor gnyis pa bskyed par bsam mo/ zhes bshad pa'i rgyud las gsungs pa yin no/ /zla ba'i dkyil 'khor lta bur mthong ba gang lags pa de ni zla ba'i dkyil 'khor nyid du mthong ngo zhes bya ba ni/ 'di skad ston pa yin te/ sems so sor rtog pa'i ye shes gang yin pa de zla ba'i dkyil 'khor lta bur so sor snang ba gang yin pa de la byang chub kyi sems bskyed pa bsgom pas zla ba'i dkyil 'khor chen po'i gzugs can gnyis pa nyid du mthong ngo zhes pa'o/ /de yang zla ba'i dbus suAng zla ba'i dkyil 'khor gnyis pa mthong ba yin zhes gsungs pa yin no/ /'dis ni sbyin pa'i pha rol tu phyin pa'i bdag nyid can rin chen 'byung ldan gyis ngo bo nyid du gsungs pa yin no/ /de bzhin gshegs pa thams cad kyi snying po ni der nges pa'o/ /kun tu bzang po ni 'dod chags la sogs pa dang bral zhing sems can thams cad kyi bsam pa thams cad yongs su rdzogs pa'i rgyur gyur pa'o/ /de gang zhig yin zhe na/ sems bskyed pa zhes bya ba'o/ /ji ltar zhe na khyod kyi mngon sum du gyur gyis zhes bya ba gsungs te/ gang gi phyir de bzhin gshegs pa thams cad kyi thugs dang mnyam pa nyid thob pa des na/ 'di ni de bzhin gshegs pa thams cad kyi snying po'i gzugs su gyur pa'o/ /brtan par bya ba'i phyir zhes bya ba ni rang bzhin gyis rnam par dag pa so sor brtags pas dngos por gzung bar bya ba nye bar mi dmigs pa ni brtan par bya ba ste de'i phyir ro/ /rang gi snying ga'i zla ba'i dkyil 'khor la zhes bya ba ni/ dang po'i zla ba'i dkyil 'khor dang/ gzhi'i zla ba'i dkyil 'khor la rdo rje rtse lnga pa'i dbyibs su sems shig ces pa ni bsgoms shig pa'o/ /bsgoms pa 'ba' zhig tu zad dam zhe na ma yin te/ sngags 'dis zhes bya ba gsungs so/ /zla ba'i dkyil 'khor gnyis par rdo rje ra ba bsgoms pas kyang rnam par snang mdzad la sogs pa'i rang bzhin du dmigs par gsungs pa yin te/ stong pa nyid ni rdo rjer bshad ces 'byung bas na rdo rje'i phyag rgya ni stong pa nyid kyi rang bzhin du ston par byed pa yin no/ /'dis ni shes rab kyi pha rol tu phyin pa'i ngo bo nyid 'od dpag tu med pa'i rang bzhin gsungs pa yin no/ /zla ba'i dkyil 'khor gnyis par rdo rje rnam par bsgom par bya'o zhes bya ba 'di gang las shes she na/ gang gi phyir/ dkyil 'khor gnyis pa'i dbus su ni/ /rdo rje chen po rnam bsam la/ /yud tsam so sor brtags pa ni/ /theg pa chen po brtan pa yin/ zhes gsungs so/ /'di bstan par bya ste/ rang bzhin gyis 'od gsal bar bsgoms pas stong pa nyid rdo rje'i bdag nyid can du sbyor bas 'dzin pa po mi dmigs pa ni brtan par bya'o/ /de gsungs pa ni aoM badzra at+ma konyahaM zhes bya ba'o/ /nam mkha' i dbyings thams cad du zhes bya ba la sogs pa la/ nam mkha' i dbyings thams cad du yang dag par mnyam par 'jug cing khyab pa gang yin pa de ni nam mkha' i dbyings thams cad du mnyam par 'jug pa'o/ /de gang zhig yin zhe na/ de bzhin gshegs pa thams cad kyi sku dang gsung dang thugs rdo rje'i dbyings zhes bya ba ste/ de bzhin gshegs pa rtag pa dang/ mi bskyod pa dang/ rin chen 'byung ldan dang/ 'od dpag tu med pa dang/ don yod par grub pa'i rang bzhin can gyi rdul phra rab rnams rnam par snang mdzad kyi sku la sogs pa'i rgyur gyur pas na dbyings rnams to/ 'dir khams kyi don ni rgyu'i don yin par 'dod do/ /de la sku'i gsang ba ni sku'i dbyings so/ /gsung gi gsang ba ni gsung gi dbyings so/ /de rnams kyi thugs kar gnas pa'i sems dpa' rdo rje gang yin pa de ni thugs rdo rje'i dbyings so/ /de bzhin gshegs pa thams cad ni bcom ldan 'das rnam par snang mdzad dang/ mi bskyod pa la sogs pa ste/ de rnam kyi sems dang sems las byung ba yang/ de bzhin gshegs pa thams cad do/ /de rnams kyi byin gyi brlab ni khab long gis lcags 'dren pa dang 'dra bar nus pa bskyad pa'o// sems dpa' i rdo rje zhes bya ba ni zla ba'i dkyil 'khor la gnas pa'i rdo rje'o/ /der zhugs so zhes bya ba ni bye ma la bum pa'i chu blugs pa ltar de bzhin gshegs pa thams cad kyi sku dang gsung dang thugs rdo rje'i dbyings ji skad bshad pa nyid rnam par snang mdzad kyi sku mngon par grub pa'i rgyu yin pas na rdo rje'i dbyings te/ 'dis kyang rnam par thar pa'i sgo'i rang bzhin ni 'od gsal ba nyid yin pas na/ brtson 'grus kyi pha rol tu phyin pa'i rang bzhin nyid kyis don yod par grub pa'i ngo bo nyid ston to/ /kha cig ni gnas skabs 'dir rdo rje sems dpa' i phyag rgya chen po yin no zhes zer mod kyi gzhan dag na re de ni ma yin te/ khyad par gyi tshig med pa'i phyir dang/ 'og nas byang chub sems dpa' chen po de lta bas na/ sems dpa' i rdo rje de rnam pa thams cad kyi mchog dang ldan pa'i sangs rgyas kyi skur bdag nyid bsgoms shig ces gsungs pa'i phyir ro/ /sems dpa' i rdo rje'i sgras rdo rje sems dpa' i phyag rgya chen po yin par bshad do/ /zhes bshad par nus pa yang ma yin te/ yongs su 'chad par bshad pa med pa'i phyir ro/ / rdo rje sems dpa' i ting nge 'dzin ni/ sangs rgyas rnams kyi chos nyid dgongs zhes bya ba gtan tshigs yin no zhe na/ sngar bshad pa'i tshul gyis/ /bcom ldan sems dpa' de nyid ni/ /snying gar rdo rje bsgoms pa yis/ /rdo rje sems dpa' zhes bshad la/ /rdo rje sems dpa' der zhugs so zhes bya ba la sogs pa'i nges pas de bzhin gshegs pa thams cad kyi rdul phra rab 'dus pa las rdo rje rtse lnga pa'i gzugs ni/ de bzhin gshegs pa thams cad kyi sku ste/ de'i ngo bo nyid kyi bdag nyid do/ /de lta bas na zhes bya ba ni gang gi phyir rdo rje'i gzugs de nyid de bzhin gshegs pa thams cad kyi rdul phra rab las bsgrubs pa'i bdag nyid du mthong gi mtshan dang dpe byad yongs su rdzogs pa'i sangs rgyas kyi sku gcig bur ni ma yin te/ de bas na sems dpa' i rdo rje de ni rnam pa thams cad kyi mchog dang ldan pa'i sangs rgyas kyi sku de bzhin gshegs pa rnams kyi sku'i gsang ba'i bdag nyid can yin no/ /de bas na 'di ni sangs rgyas thams cad gcig tu bsdus par gyur pa rnam par snang mdzad du gyur pa yin no/ /mngon par byang chub pa lnga'i rim pa 'di la'ang/ mi bskyod pa'i phyag rgya chen po bcings la sems so sor rtog par bya'o/ /de bzhin du byang chub tu sems bskyed pa dang/ rdo rje'i bdag nyid can dang/ de bzhin gshegs pa thams cad sgom pa'i dus su/ mi bskyod pa dang/ rin chen 'byung ldan dang/ 'od dpag med pa dang/ don yang grub pa dang rnam par snang mdzad kyi phyag rgya chen po bcing bar bya'o/ zhes bshad pa'i rgyud las bstan pa yin no/ /byin gyis brlabs la zhes bya ba ni/ sems can gyi don bya bar nus pa brtan par mdzod cig ces bya ba'i tha tshig go/ /brtan par mdzod cig ces bya ba ni/ mi phyed bar bya ba ni/ rdo rje dbyings kyi dbang phyug mas byin gyis brlab pa dang/ yi ge brgya bas brtan par bya ba ni 'og nas 'chang ngo/ /de bzhin gshegs pa thams cad de bzhin gshegs pa rdo rje dbyings kyi sems dpa' i rdo rje der zhugs so zhes bya ba ni/ sa wa sarbwa ta thA ga ta sto thA a haM zhes bya ba'i bsgoms pa'i stobs las byung ba'i bcom ldan 'das rang gi snying gar gnas pa'i sems dpa' i rdo rje der zhugs so zhes bya ba'i don te/ gang gi phyir sku gsung thugs rdo rjes byin gyis brlabs pa'i dus de'i tshe nyid de bzhin gshegs par gyur pa yin no/ /de nas zhugs pa dang rgyud phyi ma las gsungs pa'i tshul gyis rdo rje dbyings kyi dbang phyug mas/ snying ga dang/ dpral ba dang/ lkog ma dang/ spyi bor/ rdo rje dang/ rin po che dang/ pad+ma dang/ sna tshogs rdo rjes des de la bskyed par bya'o/ /de nas yi ge brgya bas brtan par bya ba 'dis ni rang gi rgyud las gsungs pa'i cho ga yin la/ aoM sarbba ta thA ga ta a bi saM po di h+ri d+ha badzra tiSh+Tha zhes bya ba bshad pa'i rgyud las gsungs pas kyang byin gyis brlabs pa brtan par shes par bya'o/ /sems so sor rtog pa la sogs pa'i rims gyis mngon par byang chub pa dang byin gyis brlabs pa dang brtan par bya ba ni bcom ldan 'das kyis ma 'ongs pa'i gsang sngags kyi sgo la spyod pa spyad pa rnams kyi sgom pa'i lung dpog pa sbyin pa'i phyir ston par mdzad pa yin te/ ma 'ongs pa rnams kyis rim pa 'dis sgom pa la 'jug par bya'o zhes ston pa yin no/ /yang bcom ldan 'das skad cig ma gcig nyid la ldog pa'i dbye bas mi bskyod pa la sogs pa'i skus tha dad par snang bas sam chos thams cad bdag med pa'i ye shes so sor mngon du mdzad pa yin no/ /de yang gang gi phyir skad cig ma gcig de nyid kyi tshe na zhes bya ba gsungs te/ aoM tsit+ta pra ti be d+haM ka ro mi zhes bya ba ni skad cig ma de nyid kyi tshe na'o/ /'di gang las shes she na gang gi phyir yang rnam par rtog pa byung ba na ni byang chub las nyams par 'gyur na/ de ltar ni mi 'dod do/ /de bzhin gshegs pa thams cad ni rdo rje sems dpa' la sogs pa de bzhin gshegs pa'i rigs kyi rang bzhin can rnams te/ de rnams kyi mnyam pa nyid ni don dam par de bzhin nyid du tshul gcig pa nyid do/ /'di nyid kyi dkyil 'khor la sogs pa'i tshul yang dbye ba med pas phye ba nyid ni kun rdzob kyi mnyam pa nyid do/ /'dis nges pa ni ye shes te/ de mngon par rdzogs par sangs rgyas pa de thugs su chud pa'o/ /de bzhin gshegs pa thams cad nyid yin no/ /de nas bcom ldan 'das mchog ces bya ba'i ting nge 'dzin gsum pa yin par snga ma bzhin du shes par bya'o/ /'jig rten gsum gyi 'khor lo'i chos kyi dkyil 'khor las gsungs pa'i dngos grub ni 'jig rten gsum gyi 'khor lo'i chos kyi dkyil 'khor du dam tshig dang/ dbang bskur ba thob pas bya'o/ /zhes bya ba'i don 'di bstan par bya ba'i phyir/ de nas yang phyag na rdo rje'i rigs thams cad kyi zhes bya ba nas/ gdong g.yogs bkrol la dkyil 'khor bstan par bya'o zhes bya ba'i bar gyi gzhung gis 'jig rten gsum gyi 'khor lo'i chos kyi dkyil 'khor gyi slob dpon gyi las kyi cho ga dang/ der 'jug pa'i cho ga ston to/ /'jig rten gsum gyi 'khor lo'i chos kyi dkyil 'khor las gsungs pa'i dngos grub ni 'jig rten gsum gyi 'khor lo'i dkyil 'khor chen po las gsungs pa'i lha'i rnal 'byor byas la de'i rjes la 'jig rten gsum gyi 'khor lo'i chos kyi dkyil 'khor las gsungs pa'i phyag rgya bcings te/ bsgrub par bya'o zhes bya ba'i don 'di bstan par bya ba'i phyir/ chos kyi dam tshig gi phyag rgya'i ye shes slob ma shig ces bya ba nas chu las lhag pa'i ro gzhan med ces bya ba'i bar gyi gzhung gis ston to/ /'jig rten gsum gyi 'khor lo'i chos kyi dkyil 'khor gyi dkyil 'khor bsdus pa'i don bstan pa'o// // las kyi phyag rgya gtso bor gyur pa'i 'jig rten gsum gyi 'khor lo'i las kyi dkyil 'khor gyis bsdus pa'i don brjod par bya'o/ /'dir yang dang po sbyor ba'i ting nge 'dzin ni 'jig rten gsum gyi 'khor lo'i chos kyi dkyil 'khor chen por gsungs pa nyid yin no// de nas yang bcom ldan 'das de bzhin gshegs pa thams cad kyi dam tshig 'byung ba zhes bya ba nas/ rdo rje bran mo rnams kyi zhes bya ba'i bar gyi gzhung gis ni 'jig rten gsum gyi 'khor lo'i las kyi dkyil 'khor gyi dkyil 'khor gyi rgyal po mchog ces bya ba'i ting nge 'dzin gnyis pa gsungs pa yin no/ /de nas bsdu ba dang byin gyis brlabs pa nas brtsams te las kyi mchog ces bya ba'i ting nge 'dzin gsum pa yin par snga ma bzhin du shes par bya'o/ /'jig rten gsum gyi 'khor lo'i las kyi dkyil 'khor las gsungs pa'i bsgrub pa ni 'jig rten gsum gyi 'khor lo'i las kyi dkyil 'khor du dam tshig dang dbang skur ba thob par bya'o/ zhes bya ba'i don 'di bstan par bya ba'i phyir/ de nas phyag na rdo rjes yang zhes bya ba nas gdong g.yogs bkrol te zhes bya ba'i bar gyi gzhung gis slob dpon gyi las kyi cho ga dang/ 'jug pa'i cho ga rgyas par ston to/ /'jig rten gsum gyi 'khor lo'i las kyi dkyil 'khor las bshad pa'i dngos grub ni 'jig rten gsum gyi 'khor lo'i dkyil 'khor chen po las gsungs pa'i lha'i rnal 'byor byas nas de'i rjes la las kyi dkyil 'khor las bshad pa'i las kyi phyag rgya rnams kyis bsgrub par bya'o zhes bya ba'i don 'di bstan par bya ba'i phyir/ gar gyi mchod pa'i phyag rgya'i ye shes slobs shig ces bya ba nas brtsams te/ las grub par yang nges 'gyur zhes bya ba'i bar gyi gzhung gis ston to/ /'jig rten gsum gyi 'khor lo'i las kyi dkyil 'khor gyi bsdus pa'i don bstan pa'o// //gti mug gi gnyen por gyur pa pad+ma'i rigs kyi shes rab kyi pha rol tu phyin pa'i chos kyi phyag rgya'i ngo bo nyid kyi bsdus pa'i don brjod par bya'o/ /de la re shig phyag rgya chen por gtso bor gyur pa'i 'gro ba 'dul ba'i dkyil 'khor chen po'i bsdus pa'i don bshad par bya ste/ 'dir dang po sbyor ba'i ting nge 'dzin ni rdo rje dbyings kyi dkyil 'khor chen po las gsungs pa'i dang po sbyor ba byas la/ rdo rje sems dpa' dang/ rdo rje rin chen dang/ rdo rje chos dang/ rdo rje las sprul pa'i bar yin par shes par bya'o/ /de bzhin gshegs pa thams cad kyi rdo rje mnyam pa nyid ni rin po che'i rigs kyi ngo bo nyid kyis mnyam pa nyid kyang snga ma dang 'dra ste/ de'i ye shes so/ /de nyid ni phyag rgya'o/ /gsang ba yang de nyid do/ /de'i dam tshig ni dbang bskur ba la sogs pa'i sbyin pas sems can thams cad dga' bar byed pa'o/ /der zhugs pa ni thugs su chud pas de'i ngo bo nyid du bskyed par rdzogs pa'o/ /de bzhin gshegs pa thams cad kyi chos ni pad+ma'i rigs kyi rang bzhin no/ /de rnams kyi mnyam pa nyid kyang de bzhin no/ /de'i ye shes ni nges pa'o/ /de'i rtog pa ni mngon sum du mdzad pa'o/ / rtogs pas de rang bzhin gyis dag pa ni pad+ma'i rigs kyi ngo bor gyur pa'o/ /de bzhin gshegs pa thams cad ni las kyi rigs kyi ngo bo nyid do/ /de rnams kyi thams cad mnyam pa nyid ni/ 'khor gsum yongs su dag pa'i brtson 'grub kyi pha rol tu phyin pa'o/ / des rang bzhin gyis 'od gsal ba'i ye shes ni rang gi rgyud dang 'dul bya'i rgyud la gong nas gong du khyad par du gyur pa'o/ /de'i 'byung gnas su gyur pa ni rigs su gyur pa'i las kyi rigs kyi ngo bo nyid do/ /de bzhin gshegs pa dgra bcom pa yang dag par rdzogs pa'i sangs rgyas su gyur to/ zhes bya ba ni/ ye shes bzhi thugs su chud pa'i rjes thogs nyid kyi skad cig ma gcig la/ aoM ya thA sarbba ta thA ga tAsta thA a haM zhes bya ba'i sgom pa 'dis sngon gyi sangs rgyas rnams ji ltar bzhud pa de ltar gshegs shing sangs rgyas pas na de'i phyir de bzhin gshegs pa'o/ /bdud bzhi dgra bcom pas na dgra bcom pa'o/ /de nyid kyi phyir yang dag cing phyin ci ma log par kun nas thugs su chud cing sangs rgyas par gyur pa na yang dag par rdzogs pa'i sangs rgyas su gyur to zhes bya ba ni rdzogs pa'o/ /'dis ni sangs rgyas thams cad gcig tu bsdus par gyur pa rnam par snang mdzad kyi ngo bo nyid yin par ston to/ /gdul bya'i ngor mdzad nas byin gyis brlab pa ji ltar mdzad pa ltar dbang bskur ba la sogs pa yang de bzhin du bya'o zhes bstan pa'i phyir/ de nas zhes bya ba la sogs pa gsungs pa yin te/ de bzhin gshegs pa thams cad kyi sems dpa' rdo rje de las zhes bya ba ni rnam par snang mdzad kyi thugs kar gnas pa de las so/ /nam mkha' i snying po'i nor bu rin po che'i dbang bskur ba ni/ badzra ratna zhes bya ba'i snying po 'dis rdo rje rin chen gyi cod pan gyi dbang bskur ba'o/ /kun tu spyan ras gzigs kyi dbang po chos kyi ye shes ni bskyed ces bya ba la spyan ras gzigs dbang phyug ni bshad zin to/ /de'i chos ni ji skad du bshad pa'i rnam par snang mdzad dang/ rnam par snang mdzad chen po bstan pa dang rdo rje sems dpa' la sogs pa dkyil 'khor sprul pa'i yul lo/ /de'i ye shes ni nges pa ste de bskyed pa'o/ /'di skad ston te dbang bskur nas mdor na 'jig rten thams cad du zhes bya ba la sogs pa'i rjes su gnang ba lnga po dkyil 'khor la 'jug pa dang/ chos kyi 'khor lo la 'jug pa'i phyir byin pa'o/ /de bzhin gshegs pa thams cad kyi phrin las thams cad la rab tu bzhag nas zhes bya ba ni/ dkyil 'khor bri ba'i cho gas 'gro ba'i don bya ba ni/ de bzhin gshegs pa thams cad kyi phrin las thams cad de/ dbang bskur ba dang rjes su gnang ba byin nas dkyil 'khor bri ba'i las la 'jug par bya'o/ /zhes ston pa yin no/ /de ltar mdzad nas de rnams kyis ci zhig mdzad ces na/ ri rab kyi rtse mo zhes bya ba la sogs pa gsungs pa ste/ khang pa brtsegs pa ni gtso bo'i bzhugs gnas kyi gzhal yas khang ngo/ /rtse mo ni steng gi cha'o/ /rdo rje ni rdo rje rtse lnga pa'o/ /nor bu ni yid bzhin gyi nor bu ste/ de dag ni rtse mo rdo rje dang nor bu rin po che las byas pa ste/ des khang pa brtsegs pa'i rtse mo brgyan pa gang yin pa de ni khang pa brtsegs pa rtse mo rdo rje dang nor bu rin po che las byas pa zhes bya ba ste/ de gang na ba der gshegs te byon nas zhes bya bar sbyar ro/ /de bzhin gshegs pa thams cad du byin gyis brlabs te/ zhes bya ba ni mi bskyod pa la sogs pa de bzhin gshegs pa bzhi po'i skur byin gyis brlabs pas zhal bzhi bskyed pa'o/ /de bzhin gshegs pa thams cad kyi seng ge'i gdan la zhes bya ba ni de bzhin gshegs pa thams cad kyi sngon gyi smon lam gyi stobs kyis byang chub sems dpa' i lus seng ger gyur pa'i gdan de la'o/ /zhal kun tu bstan nas zhes bya ba ni zhal bzhi pa'o/ /bzhag par gyur to zhes bya ba ni so sor gnas par mdzad pa'o/ /zhal kun tu bstan pa zhes bya ba zhal mdza' yas pa yin no zhe na ma yin te/ rtsa ba'i rgyud las rnam par snang mdzad zhal bzhi par bri'o zhes gsungs pas/ zhal bzhi po 'di dag ni/ byang chub kyi sems dang/ sbyin pa dang/ shes rab dang/ brtson 'grus kyi pha rol tu phyin pa'i ngo bo mi bskyod pa la sogs par ston par byed pa ma yin no/ /de nas zhes bya ba la sogs pa la de bzhin gshegs pa thams cad du bdag nyid kyis byin gyis brlabs te/ bcom ldan 'das kyis phyogs bzhir bzhugs so/ /zhes bya bar sbyar ro/ /de nas zhes bya ba'i sgra ni de bzhin gshegs pa thams cad kyis bzhag par gyur pa'i rjes thogs la'o/ /sngar grub pa rnams kyis bcom ldan 'das byin gyis brlabs nas seng ge'i gdan gang yin pa la bzhag par gyur pa des na thun mong du sems can thams cad kyi don mdzad pa yin la/ mi bskyod pa la sogs pa yang de'i byang chub kyi sems la sogs pa'i ngo bo yin pas de'i yan lag tu gyur pa nyid yin te/ de med par de mi 'byung bas de rnams kyang rang la byin gyis brlab pa mdzad nas bzhugs so/ /gal te de rnams de'i ngo bo nyid yin na de rnams kyi byin gyis brlab pa yang rnam par snang mdzad nyid kyis yin no zhe na ma yin te/ byin gyis brlab pa nyid kyang de rnams kyi bya pa yin pa'i phyir ro/ /de lta bas na de rnams rang nyid gyi mdzad pa yin no zhe na/ slob dpon gyis byin gyis brlabs su zin kyang nyin re zhing rang la byin gyis brlabs pa la sogs pa byas nas bzlas pa dang bsgom par bya'o/ /de med par ni mi bya'o zhes bstan pa'i don nyid yin no/ /mi bskyod pa zhes bya ba ni gzung ba dang 'dzin pa'i rnam par rtog pas mi bskyod pas na mi bskyod pa ste/ byang chub kyi sems kyi mtshan nyid kyi rang bzhin no/ /'di yod na byang chub kyi yan lag bdun dang/ stobs dang mi 'jigs pa la sogs pa'i rin po che ? dang/ rin po che'i rigs 'byung bas na rin chen byung ba ste/ sbyin pa'i pha rol tu phyin pa'i mtshan nyid can no/ /'jig rten ni 'khor ba'o/ /dbang phyug ni dbang mdzad pas na 'jig rten dbang phyug ste/ gzugs thams cad yang dag par ston pas sems can thams cad kyi don mdzad pa'i phyir ro/ /de nyid kyi rgyal por gyur cing/ gzi brjid 'bar bas na 'jig rten dbang phyug gi rgyal po'o/ /yang na 'jig rten dbang po'i rgyal po ste/ 'phags pa spyan ras gzigs dbang phyug gi rgyal po ste/ de'i dbu la bzhugs pas 'jig rten dbang po'i rgyal po ni bcom ldan 'das 'od dpag tu med pa ste/ shes rab kyi pha rol tu phyin pa'i ngo bo nyid do/ /gdon mi za ba ni don yod pa ste/ don yod par nyid grub pas na gdon mi za ba grub pa ste/ brtson 'grus kyi pha rol tu phyin pa'i ngo bo nyid do/ /ma 'ongs pa'i dus na shAkya'i rigs su skye ba yongs su gzung nas 'di ltar bya'o/ /zhes thugs dam bcas pa na shAkya thub pa la zhes smos so/ /thams cad mnyam pa nyid du rtogs par bya ba'i phyir zhes bya ba ni/ byang chub kyi sems la sogs pa thams cad mnyam pa nyid de gnyis su med pa'i rang bzhin no/ /de rab tu rtogs pa ni khong du chud pa ste de kho na nyid de lta bu shin tu rtogs pa nyid kyis na rab tu rtogs pa'i phyir ro/ /phyogs thams cad mnyam pa nyid du dmigs nas zhes bya ba ni rang dag phyogs kyi dbye ba ni/ yang dag pa ma yin pa'i kun tu rtogs pa tsam nyid du zad pa'i phyir phyogs ni mnyam pa nyid yin no/ /de bas na sems dpa' 'byung ba thams cad de bzhin gshegs pa thams cad kyi de kho na nyid de dag med pa'i ye shes ni kun tu 'gro ba yin pa dang de'i 'bras bu yang kun tu 'gro bar gyur pa yin no/ /de la shar phyogs kyi tshar ni mi bskyod pa/ lho phyogs su ni rin chen 'byung ldan/ nub phyogs su ni 'od dpag tu med pa/ byang phyogs su ni don yod grub pa zhugs so/ /de yang gdugs pa kun gyi dbang phyug rgyal/ /thub pa'i skyes bu mi bskyod pa/ /sangs rgyas thams cad sra mdzad pa/ /shar phyogs su ni yang dag bzhugs/ /dbang bskur ba yi rgyal po che/ /thub pa'i skyes bu nam mkha' 'di/ /sangs rgyas thams cad sra mdzad pa/ /lho phyogs su yang dag bzhugs so/ /dag pa'i chos ni 'dzin pa'i rgyal/ /khyab bdag pad+ma tshe bsnams pa/ /sangs rgyas thams cad sra mdzad pa/ /nub phyogs su ni yang dag bzhugs/ /sangs rgyas mdzad pa 'dzin pa'i rgyal/ /don yod grub pa rnam par rgyal/ /sangs rgyas thams cad sra mdzad pa/ /byang phyogs su ni yang dag bzhugs/ /chos dbyings mkhregs pa gang yin pa/ /gang yang gsang ba shin tu mkhregs/ /de nyid mgon po rnam snang mdzad/ /sangs rgyas kun bdag yin par bshad ces gsungs pa yin no/ /de nas de bzhin gshegs pa thams cad kyis sangs rgyas kyi zhing 'di zhes bya ba nas brtsams te phyogs bzhir bzhugs so zhes bya ba'i bar gyis gzhung gis ni/ /dang po sbyor ba'i ting nge 'dzin ston cing rnam par snang mdzad ston par byed pa'i gleng gzhi'i mdo'i 'grel pa bshad pa yin no/ nga ni de nas bcom ldan 'das rnam par snang mdzad ces bya ba nas/ de bzhin gshegs pa thams cad kyi thugs la gnas so zhes bya ba'i bar du gang gsungs pa de ston par bzhed pas/ de nas bcom ldan 'das zhes bya ba la sogs pa smos pa yin te/ de bzhin gshegs pa thams cad kyi thugs kun tu bzang po zhes bya ba la de bzhin gshegs pa thams cad kyang yin la/ kun tu bzang po yang yin pas na de bzhin gshegs pa thams cad kyi kun tu bzang po ste/ bcom ldan 'das kyi byang chub kyi sems kyi rang bzhin rdo rje sems dpa' o/ /de nyid ni gang gi thugs yin pa de ni de bzhin gshegs pa thams cad kyi kun tu bzang po'i thugs te/ 'dis ni sems so sor rtogs pa'i ye shes gsungs pa yin no/ /de bzhin gshegs pa thams cad kyi nam mkha' dang mnyam pa'i ye shes las byung ba'i nor bu rin po che chen po ni rin po che'i cod pan te/ de'i dbang gis dbang bskur ba'o/ /de bzhin gshegs pa thams cad kyi kun tu spyan ras gzigs kyi dbang po zhes bya ba ni 'od dpag tu med pa'i chos rnams dang/ rnam par snang mdzad la sogs pa ston pa'i dkyil 'khor du 'jug pa la sogs pa la nges pa ni ye shes so/ /de'i mthar thug pa brnyes pa ni pha rol tu phyin pa brnyes pa'o/ /de bzhin gshegs pa thams cad kyi phrin las sna tshogs pa'i ngo bo nyid ni phrin las thams cad nyid de/ 'dod pa'i khams su dkyil 'khor la sogs pa sprul zhing bris pas sems can gyi don byed cing dga' ldan la sogs par rnam par 'phrul pa ston pa ni sprul pa'i skur yin no zhes bya ba bstan pas des gdon mi za ba'i don yod pa nyid dang/ thogs pa med par ston pa yin par shes pa gang yin pa de la de skad ces bya'o/ /gang gi phyir de ltar sngar bshad pa'i tshul gyis bcom ldan 'das rnam par snang mdzad 'di ye shes bzhi'i bdag nyid can yin pa des na/ dgongs pa yongs su rdzogs pa yin la/ dus yun ring por mngon par bzhed pa'i sems can gyi don yongs su rdzogs par mdzad par spyod pa'i phyir ro/ /yid la re ba yongs su rdzogs nas ci zhig mdzad par gyur zhe na/ de bzhin gshegs pa thams cad ces bya ba la sogs pa gsungs te/ de bzhin gshegs pa thams cad kyi snying po 'di rang gi thugs ka nas phyung ngo zhes bya bar sbyar ro/ /ci zhig mdzad nas na/ de bzhin gshegs pa thams cad du zhes bya ba la sogs pa gsungs te/ de bzhin gshegs pa yang yin la thams cad yin pas na/ de bzhin gshegs pa thams cad do/ /de bzhin gshegs pa thams cad kyi ngo bo nyid yin pas de bzhin gshegs pa thams cad du'o/ /rang nyid ces bya ba ni bdag nyid do/ /bdag nyid kyis zhes bya ba ni rang nyid kyi rgyud 'jig rten gyi khams thams cad kyi rdul phra rab dang mnyam pa'i rnam par snang mdzad dang/ mi bskyod pa la sogs pa'i de bzhin gshegs pa rnams dang/ tha mi dad par bdag nyid kyis mdzad do zhes bya ba'i tha tshig go /de bzhin gshegs zhes bya ba la sogs pa la/ de bzhin gshegs pa thams cad kyi kun tu bzang po yin pas/ de bzhin gshegs pa thams cad kyi kun tu bzang po zhes bya ba 'am/ de bzhin gshegs pa thams cad kyang yin la/ kun tu bzang po yang yin pas de skad ces bya'o/ /de nyid ni byang chub chen po'i rang bzhin yin pas/ byang chub sems dpa' chen po ste/ de bzhin gshegs pa thams cad kyi thugs ka na sems dpa' i rdo rje'i tshul gyis bzhugs so zhes bya ba'i tha tshig go /de'i dam tshig ni kun rdzob tu zla ba'i dkyil 'khor la sogs pa'i tshul lo/ /de las byung ba ni sems dpa' rdo rje ste thugs las byung nas sems dpa' i rdo rje'i rnam par gyur pa'o/ /de'i byin gyis brlab pa ni brtan par bya ba'i phyir zla ba'i dkyil 'khor la sogs pa sprul pa'i don du brtan par bya ba'i phyir rdo rje ltar mi phyed pa'i ting nge 'dzin gang yin pa de la snyoms par zhugs nas zla ba'i dkyil 'khor la sogs pa'i gzugs kyi rdo rje sems dpa' rnam par 'phrul pa lta bu thugs rtse gcig tu mdzad do zhes bya ba'i tha tshig go / de lta bu'i ting nge 'dzin la snyoms par zhugs nas de ci zhig mdzad ce na/ de bzhin gshegs pa zhes bya ba la sogs pa smos te/ de bzhin gshegs pa thams cad kyi theg pa chen po yin pas de bzhin gshegs pa thams cad kyi theg pa chen po'o/ /de'i mngon par rtogs pa ni thugs su chud pa yin la/ de'i rgyur gyur pa badzra satwa zhes bya ba'i sgra'i tshul la yang nye bar gdags pas theg pa chen po mngon par rtogs pa zhes bya ba'i sgrar bshad do/ /de nyid ni de bzhin gshegs pa thams cad kyi zhes bya ba la sogs pas ston te de bzhin gshegs pa thams cad kyi mngon par rtogs pa zhes bya ba'i de bzhin gshegs pa thams cad kyi snying po de nyid kyi thugs ka nas rang gis phyung bas na rang gi thugs ka nas phyung ste zhes bya ba ston par gyur pa'o/ /badzra satwa zhes bya ba 'di nyid rgyu la 'bras bu btags pa'i tshul gyis sgra la yang snying po zhes bshad do/ /bcom ldan 'das kun tu bzang po de nyid ces bya ba ni gang sngar bstan pa'i rdo rje sems dpa' i rdo rje'i gzugs so/ /sems can thams cad kyi zhes bya ba la sogs pa la gang phyogs bcu'i sems can thams cad rdo rje sems dpa' la sogs pa de bzhin gshegs pa thams cad kyi rigs su gyur pa la mngon par dga' ba de rnams la/ rdo rje sems dpa' i ye shes bskyed pa ni byang chub kyi sems chen po yang dag par sbyangs pa yin te/ byang chub chen po las phyir mi ldog par de rnams kyi sems mdzad nas/ de bzhin gshegs pa thams cad kyi phyogs phyogs su 'khor ro zhes bya ba rnam par snang mdzad la sogs pa de bzhin gshegs pa rnams kyi phyogs dang mtshams rnams na lha'i gnas rnams yod pa la gnas pa'o/ /de bzhin gshegs pa thams cad kyi ye shes kyi rdo rje zhes bya ba ni/ byang chub kyi sems sngon par byed pa'i rdo rje rtse lnga pa ni ye shes kyi rdo rje'o/ /de rnams kyang bcom ldan 'das rnam par snang mdzad kyi thugs kar zhugs te/ rdo rje rtse lnga pa'i gzugs su gyur to/ /ci'i phyir zhe na/ rdo rje sems dpa' zhes bya ba la sogs pa smos te/ rdo rje sems dpa' ting nge 'dzin ni rdo rje sems dpa' i ting nge 'dzin to/ /bcom ldan 'das sems dpa' de nyid ni/ /thugs kar rdo rje bsgoms pa yis/ /rdo rje sems dpa' zhes bshad do/ /rdo rje des ni rab tu gnas zhes lung las gsungs pa yin no/ /de shin tu brtan pa nyid ni mang po'i gzugs su gcig tu gyur par shin tu yang yongs su bsgoms pa nyid kyis rdo rje gcig gi gzugs su gyur pa'o/ /de bzhin gshegs pa thams cad kyi byin gyis brlabs kyis kyang gcig tu 'dres par gyur pa ste/ mi phyed pa'o/ /tshad ji tsam zhe na/ nam mkha' i zhes bya ba la sogs pa gsungs te/ nam mkha' i dbyings thams cad kun nas mnyam par 'jug par 'gro ba'i rdo rje'i gzugs kyis khyab par gyur to zhes bya ba'i bar du'o/ /gang la nam mkha' i dbyings thams cad dang mnyam par 'jug pa'i tshad yod pa de ni/ nam mkha' i dbyings thams cad kyi tshad dang mnyam par 'jug pa'o/ /'od zer gyi phreng ba can zhes bya ba la/ 'od zer rnams kyi phreng ba ni 'od zer gyi phreng ba ste/ de 'di la yod pas na 'od zer gyi phreng ba can no/ /rtse mo lnga pa zhes bya ba ni rtse mo lnga pa'o/ /de bzhin gshegs pa thams cad kyi sku dang gsung dang thugs rdo rje'i rang bzhin zhes bya ba ni/ de'i rgyu can nam de'i rang bzhin no/ /byung ste phyag gnyis su gnas so zhes bya ba ni/ bsdus pa'i tshul gyis tshad gzhal du rung bar gyur te rnam par snang mdzad kyi thugs ka nas phyung nas rnam par snang mdzad kyi phyag gnyis su gnas so/ /rdo rje lta bu zhes bya ba la sogs pa la/ rdo rje las rdo rje rtse lnga pa lta bu ni rdo rje'i rtse lnga pa'i gzugs can gyi 'od zer rnams byung bar gyur pa'o/ /dbyibs ji lta bu kha dog ji lta bu zhe na gzugs dang zhes bya ba la sogs pa gsungs te/ gzugs ni dbyibs so/ /sna tshogs ni dbyibs mdzes pa'o/ /kha dog sna tshogs pa ni sngon po la sogs pa ste/ de ltar gzugs sna tshogs pa dang kha dog sna tshogs pa gang yin pa de la de skad ces bya'o/ /'jig rten gyi khams thams cad du snang bas khyab par byed ces bya ba ni 'jig rten gyi khams thams cad du rang gi ngo bo yang dag par ston pa'i snang bas 'jig rten gyi khams thams cad khyab par spros pa'i snang ba gang la yod pa de ni/ /'jig rten gyi khams thams cad snang bas khyab par byed pa'o// rdo rje lta bu'i 'od zer de dag gi rtse mo las zhes bya ba la/ 'od zer rnams kyi sgo ni 'od zer gyi rtse mo ste/ de rnams kyi mdza' ma'i rtse mo'i cha'o/ /de rnams las 'jig rten gyi khams thams cad rdul shin tu phra mo snyed kyi de bzhin gshegs pa rnams kyi sku byung ste zhes bya ba la de bzhin gshegs pa'i sku ni rnam par snang mdzad la sogs pa'i phyag rgya chen po byung zhing mthong nas/ 'jig rten gyi khams rab 'byams rgya mtsho'i sprin thams cad du/ byang chub tu sems bskyed pa la sogs pa bstan nas gcig tu 'dres par gyur pa las/ byang chub sems dpa' chen po kun tu bzang po'i skur gyur te/ bcom ldan 'das rnam par snang mdzad kyi thugs la gnas nas ched du brjod pa 'dis ched du brjod do zhes bya ba dang sbyar/ 'jig rten gyi khams ji lta bu dag tu zhe na/ chos kyi dbyings zhes bya ba la sogs pa gsungs te/ phyogs bcu'i chos thams cad don dam par dngos po med pa'i tshul gyis ma lus par chos kyi dbyings yin pas chos kyi dbyings thams cad de/ des kun khyab pa ni de ltar 'jug pa gang yin pa de la de skad ces bya ste/ 'jig rten gyi khams rgya mtsho thams cad de de rnams dang/ nam mkha' i khams kyang yin la thams cad kyang yin pas na/ nam mkha' i khams thams cad de/ de nyid ni mthas gtugs pa ste/ yongs su mthar thug pa gang yin pa de ni nam mkha' i khams thams cad kyi mthas gtugs pa thams cad do/ /'jig rten gyi khams rab 'byam rgya mtsho'i sprin thams cad du zhes bya ba ni/ de la 'jig rten gyi khams rab 'byam ni rgyun rnams so/ /de rnams kyis bsdus pa nyid ni sprin no/ /de rnams kyi yang dag par bsdus pa ni rgya mtsho'o/ /'dis ni 'jig rten gyi khams rnams mdza' yas pa nyid du ston to/ /ji ltar na de byang chub kyi sems bskyed pa la sogs pa sems can rnams la ston par mdzad ce na/ de bzhin gshegs pa thams cad kyi zhes bya ba la sogs pa gsungs te/ de bzhin gshegs pa thams cad kyi mnyam pa nyid kyi ye shes ni/ thabs dang shes rab gnyis su med pa'i tshul chos kyi dbyings su ro gcig pa'i ye shes so/ /de bzhin gshegs pa thams cad kyi mngon par shes pa ni drug ste/ lha'i spyan dang/ lha'i snyan dang/ gzhan gyi sems mkhyen pa dang/ sngon gyi gnas rjes su dgongs pa dang/ rdzu 'phrul dang/ zag pa zad pa'i ye shes so/ /de bzhin gshegs pa thams cad kyi mnyem pa nyid kyi ye shes dang mngon par shes pa 'di dag nyid ni/ mngon par byang chub pa ste/ 'di dag thugs su chud pas de bzhin gshegs pa thams cad kyi/ byang chub kyi sems chen po'i rang bzhin gyi thugs ni dpal rdo rje sems dpa' o/ /de bskyed pa ni sgom pa la mngon par dga' ba'i sems can rnams la/ rdo rje sems dpa' i phyag rgya chen po mngon sum du byas pa'o/ /de yang rdo rje sems dpa' i phyag rgya chen po'i dbang du mdzad nas byang chub kyi sems can chen po zhes bshad pa yin no/ /kun tu bzang po'i spyod pa sna tshogs pa ni 'jig rten gsum gyi tshul gyis sems can gyi don mdzad pa ste grub pa'o/ /de yang ji ltar na bcom ldan 'das kun tu bzang po'i spyod pa yin zhe na/ snying stobs rdul dang mun pas kyang/ / gang phyir sems can don 'gyur bas/ /des na 'dis ni kun tu bzang/ /byang chub spyod pa'i rjes 'jug pa'o/ zhes gsungs pa yin no/ /de bzhin gshegs pa thams cad kyi rigs mnyes par mdzad pa dang zhes bya ba ni/ de bzhin gshegs pa thams cad kyang yin la/ rigs kyang yin pas na de bzhin gshegs pa thams cad kyi rigs so/ /de rnams mnyes par mdzad pa ni dbang du mdzad pa'o/ /byang chub kyi snying por gshegs pa dang bdud thams cad btul ba ni 'og min gyi gnas dang mi'i yul du'o/ /de bzhin gshegs pa thams cad kyi mnyam pa nyid ni/ sems dang sems las byung ba rnams kyi gzung ba dang 'dzin pa po dang bral ba nyid do/ /de nyid ni byang chub chen po'o/ /de'i mngon par byang chub pa ni mngon par byang chub pa rnam pa lnga'i rim gyis 'og min dang mi'i yul du brnyes pa'o/ / dam pa'i chos kyi 'khor lo skor ba zhes bya ba ni/ dam pa rnams kyi chos yin pas dam pa rnams kyi chos te/ lung dang rtogs pa'i bdag nyid can no/ /de nyid gdul bya'i rgyud la 'pho ba'i tshul gyis na 'khor lo'o/ /de bskor ba ni dkyil 'khor la sogs pa'i tshul gyis so// srid kyi sgras ni sa dang pha rol tu phyin pa la sogs pa gzhan dag kyang bsdu'o/ /sems can gyi khams ma lus shing lus pa med pa rnams yongs su skyob cing zhes bya ba ni/ sems can gyi khams thams cad ngan song la sogs pa'i sdug bsngal las bzlog pa kun nas yongs su skyob pa'o/ /thams cad la phan pa ni ma 'ongs pa'i bde bar smin pa'i las la sbyar ba'o/ /thams cad bde ba ni tshe 'di nyid la myong ba'i lus kyi bde ba'o/ /de bzhin gshegs pa thams cad kyi ye shes ni dpal rdo rje sems dpas nges par sbyar ba'o/ /de bzhin gshegs pa thams cad kyi mngon par shes pa ni gnas skabs 'dir dpal rdo rje sems dpa' mngon par shes pa nyid yin no/ /de nyid ni dam pa'i dngos grub po/ /de bzhin gshegs pa thams cad kyi ye shes dang/ mngon par shes pa dang/ dam pa'i dngos grub de rnams grub pa la sogs pa gang yin pa dang/ de bzhin gshegs pa thams cad kyi rdzu 'phrul dang/ cho 'phrul mdza' yas pa rnams rab tu bstan pas na de skad ces bya'o/ /sogs pa'i sgras ni rdo rje rgyal po la sogs pa'i de bzhin gshegs pa thams cad kyi ye shes dang mngon par shes pa rnams bsdu'o/ /rdzu 'phrul ni nam mkha' la 'gro ba la sogs pa'o/ /cho 'phrul ni mthu yang dag par ston pa ste/ long ba rnams kyis mig 'thob po zhes bya ba la sogs pa'o/ /rdo rje sems dpa' i ting nge 'dzin ni kun tu bzang po yin pa dang zhes bya ba ni/ 'di las kun nas bzang zhing dge ba 'di las 'tshe ba med pas ni kun tu bzang po'i skur gyur pa ste/ de bas na kun tu bzang po'o/ /de nyid kyi ngo bo ni kun tu bzang po nyid yin pa'o/ /su'i zhe na rdo rje sems dpa' i ting nge 'dzin ni zhes bya ba ste/ ji skad du bshad pa'i de bzhin gshegs pa thams cad gcig tu mdzad pa'i byang chub sems dpa' chen po kun tu bzang po'i sku ni rdo rje sems dpa' i sku ste/ de lta bu'i kun tu bzang por grub pa gang yin pa de ni rdo rje sems dpa' ting nge 'dzin te/ de grub par byed pa la thugs rtse gcig pa'o/ /shin tu brtan pa'i phyir zhes bya ba ni/ /sgyu ma dang 'dra zhing mig yor lta bur snang ba'i tshul gyis stong pa nyid kyis yongs su bsdus pa'i phyir dang/ dngos por 'dzin pas bskyod par mi nus pas na shin tu brtan pa ste/ de'i ngo bo nyid ni shin tu brtan pa nyid do/ /de ltar shin tu brtan zhing dngos por 'dzin pa dang bral ba de'i phyir de lta bu'i ting nge 'dzin gang yin pa de ni sangs rgyas kyi sku gcig tu gyur pa kun tu bzang po'i sku gcig pa'o/ /shin tu brtan pa dang gcig tu gyur pa nyid kyis gcig tu gyur pa'o/ /bcom ldan 'das rnam par snang mdzad las gzhan pa dga' ba nyid du bstan pa'i phyir/ bcom ldan 'das rnam par snang mdzad kyi zhes bya ba la sogs pa gsungs te/ bcom ldan 'das rnam par snang mdzad kyi thugs kyi dbang nyid kyis so/ /du ma'i tshul gyis bzhud pa dang byon par ston pa ni thugs la zhugs pa yin no/ /gzhan dag gis kyang sems dbang du bya bar 'dod na 'di lta bur bsgom par bya'o zhes ston to/ ched du brjod pa zhes bya ba ni/ ched kar nye bar brjod pas na chod du brjod pa ste/ gzhan gyis mi bskur bas rangs pa'i yid kyis brjod cing smras pa'o/ /e ma'o zhes bya ba ni ngo mtshar ba'o/ /bdag ces bya ba ni bdag nyid do/ /rang nyid byung bas na rang 'byung ste sangs rgyas bcom ldan 'das so/ /sems dpa' brtan zhes bya ba ni mi phyed pa'i sems dpa' o/ /gal te khyod sangs rgyas rnams kyi kun tu bzang po yin pas ngo mtshar ci zhig yod ce na/ de ni brtan phyir zhes bya ba la sogs pa gsungs te/ gang gi phyir ni rgyu gang gis so/ /brtan pas lus min kyang zhes bya ba ni/ gnyis su med pa'i sems kyi ngo bo nyid yin du zin kyang/ sems dpa' lus su zhes bya ba ni/ sems dpa' i sku'i ngo bo ni sems dpa' i lus nyid do/ /gyur pa yin zhes bya ba ni/ thob cing grub pa 'di ni ngo mtshar che'o/ /'di skad ston pa yin te/ bdag nyid med pa'i ye shes kyi rang bzhin gzugs med pa yin na/ sngon gyi 'phen pa'i shugs kyi mthus gdul byas bdag gzugs kyi skur mthong ba yin no/ de nas byang chub sems dpa' chen po kun tu bzang po'i sku zhes bya ba ni bshad ma thag pa'o/ /bcom ldan 'das kyi thugs ka nas zhes bya ba ni/ rnam par snang mdzad kyi thugs ka nas so/ /de bzhin gshegs pa thams cad kyi spyan snga na zhes bya ba ni/ bcom ldan 'das mi bskyod pa'i mdun na'o/ /bka' nod cing bzhugs par gyur to zhes bya ba ni/ bdag gis ci zhig bgyi zhes bka' nod par gyur pa'o/ / bcom ldan 'das rnam par snang mdzad kyi spyan snga na rnam par snang mdzad la mngon par phyogs na ni/ 'di zhal gcig pa dang phyag gnyis pa yin te/ zhal du ma'i tshig med do/ /yang gang du zhal du ma mnga' ba der ni khyad par nyid du gsung par 'gyur ro/ /de nas zhes bya ba la sogs pa la/ bcom ldan 'das ting nge 'dzin la snyoms par zhugs pa ste/ rdo rje de de'i lag tu byin no zhes bya bar sbyar ro/ /de nas zhes bya ba'i sgra ni/ de ma thag pa ston pa'i tshig ste gsol ba btab pa'i rjes thogs nyid la'o/ /bcom ldan 'das zhes bya ba ni rnam par snang mdzad do/ /de bzhin gshegs pa thams cad kyi ye shes ni bcom ldan 'das rnam par snang mdzad kyi phyag na gnas pa'i rdo rje rtse lnga pa'i rnam pa de nyid/ kun rdzob kyi rang bzhin yin pas na dam tshig rdo rje'o/ /de bzhin gshegs pa thams cad kyi ye shes kyi rgyu mthun pa las byung ba nyid kyis na kun rdzob kyi tshul gyis rdo rje de la de skad ces bya ste/ de la dmigs pa'i ting nge 'dzin la yang ming de skad ces bshad do/ /zhes bstan pa'i phyir ro/ /de bzhin gshegs pa thams cad kyi ye shes kyi dam tshig rdo rje zhes bya ba'i ting nge 'dzin la snyoms par zhugs nas zhes bya ba gsungs te/ rdo rje rtse lnga pa sbyin pa'i rnam par thugs rtse gcig tu mdzad ces bya ba'i tha tshig go /rdo rje de ji lta bu zhe na/ de bzhin gshegs pa thams cad kyi zhes bya ba la sogs pa gsungs te/ /de bzhin gshegs pa thams cad kyi tshul khrims ni/ ji ltar dus gsum mgon po rnams/ /byang chub tu ni nges mdzad pa/ zhes bya ba la sogs pa phas pham pa bcu bzhi las log pa'i mtshan nyid can no/ /de bzhin gshegs pa dang/ rdo rje sems dpa' la sogs pa'i rnam par sems rtse gcig pa nyid ni de bzhin gshegs pa thams cad kyi ting nge 'dzin to/ /so sor rtog pa'i ye shes ni shes rab bo/ /des lam gyi tshul gyis nyon mongs pa thams cad spangs shing/ de bzhin gshegs pa thams cad kyi mnyam pa 'di mngon par byang chub pa ni rnam par grol ba'o/ /rdo rje sems dpa' la sogs pa'i rigs thams cad kyi dkyil 'khor gyi ye shes ni/ rnam par grol ba'i ye shes mthong ba'o/ /de nas dkyil 'khor sprul pa ni dam pa'i chos kyi 'khor lo bskor ba'o/ /rdzu 'phrul dang cho 'phrul sna tshogs kyis sems can thams cad rnam par sbyong ba ni sems can gyi don no/ /bcos ma'i khro bo yang dag par ston pa ni thabs chen po ste/ thabs chen po'i ye shes kyi dam tshig rdo rje zhes bya ba'i ting nge 'dzin la snyoms par zhugs so zhes bstan pa'i phyir ro/ /de nyid gdug pa thams cad tshar gcod par sbyong bas stobs so/ /rta mchog la sogs pa'i gzugs can du gyur pas brtson 'grus so/ /tshig re rer thams cad bdag yin par bya ba'i ye shes chen po'o/ /de ltar na de bzhin gshegs pa thams cad kyi tshul khrims dang/ ting nge 'dzin dang/ shes rab dang/ rnam par grol ba dang/ rnam par grol ba'i ye shes mthong ba dang/ chos kyi 'khor lo skor ba dang/ sems can gyi don bya ba dang/ thabs chen po dang/ stobs dang/ brtson 'grus dang/ ye shes chen po ste/ de rnams bskyed pa'i rgyud gyur pas na/ rdo rje ni dam tshig go /de ci'i phyir zhe na/ sems can gyi khams zhes bya ba la sogs pa gsungs te/ sems can gyi khams ma lus shing lus pa med pa'i rnams yongs su skyab pa dang/ thams cad kyi dbang por bya ba ni 'jig rten dang 'jig rten las 'das pa'o/ /de yang bde ba thams cad ni 'jig rten dang 'jig rten las 'das pa rnams so/ /yid bde ba thams cad ni dga' ba ste de dag kyang de bzhin no/ /de rjes su myong bar bya ba ni mngon sum du bya ba ste/ de'i don du rjes su sbyin no/ /ji srid ces bya ba'i sgras ni sa dang pha rol tu phyin pa la sogs pa gzhan rnams kyang bsdu'o/ /de bzhin gshegs pa thams cad kyi mnyam pa nyid ni mi bskyod pa la sogs pa'i thugs te/ de'i ye shes ni mngon par rtogs pa'o/ /mngon par shes pa ji skad du bshad pa'i mngon par shes pa drug nyid do/ /ye shes dang mngon par shes pa drug nyid ni bla na med pa'i theg pa chen po'o/ /de mngon par rtogs pa ni thugs su chud pa'o/ /de nyid ni grub pa'i mchog ste/ dngos grub kyi mchog go /de thob pa ni brnyes pa'o/ /de nyid ni 'bras bu ste de dag gi rgyu'i phyir de bzhin gshegs pa thams cad kyi grub pa'i rdo rje byin pa ni stsal ba'o/ /'di skad ston te/ ji srid rdo rje sems dpa' i ye shes dang mngon par shes pa thob par bya ba'i phyir de'i lag par byin no/ /byang chub sems dpa' chen po zhes bya ba la sogs pa la/ de bzhin gshegs pa thams cad kyi 'khor lo ni rdo rje dbyings kyi dum bur gsungs pa'i dkyil 'khor rnams te/ 'khor lo ni dkyil 'khor zhes gsungs pa'i phyir ro/ /de sgyur ba'i ngang tshul 'di la mnga' ba ste sems can thams cad kyi rgyud la sprul pa dang bri ba'i cho gas thun mong du bya ba'i phyir de'i ngo bo nyid du yin pa na/ de bzhin gshegs pa thams cad 'khor lo sgyur ba nyid du'o/ /de bzhin gshegs pa thams cad kyi 'khor los sgyur ba nyid du bya ba des kyang ci zhig gis mdzad ce na/ sangs rgyas thams cad kyi zhes bya ba la sogs pa gsungs te/ rnam par snang mdzad dang/ mi bskyod pa dang/ rin chen 'byung ldan dang/ 'od dpag tu med pa dang/ don yod pa'i sku ni sangs rgyas thams cad kyi sku'o/ /de nyid ni sems can thams cad kyi bsam pa yongs su rdzogs pa'i rgyur gyur pas na rin po che'o/ /de dang ldan pa'i dbu rgyan ni sangs rgyas thams cad kyi sku rin po che'i dbu rgyan no/ /des dbang bskur ba ni de lta bu'i dbu rgyan/ de'i dbu la bzhag nas/ dar dkar bo zheng du khru gang la/ dkyus khru nyi shu pa bcings pa'i dbang gis dbang bskur nas rdo rje de de'i lag tu byin no/ /zhes bya ba la g.yon pa'i rdo rje khu tshur dril bu dang bcas pa ni g.yon pa'i rdo rje ste/ de kha nang du bstan par g.yon pa'i rked pa'i phyogs su bkan te bzhag pa ni g.yon pa'i rdo rje bsgyings pa'o/ /des bzhugs nas phyag g.yas pa 'degs c ing 'dzin par mdzad pas na sor ba nyid kyis te des rdo rje des zhes bya ba gang bcom ldan 'das rnam par snang mdzad kyis bka' stsal pa gang yin pa de thugs kar bstod pa'i tshul gyi zhes bya ba rang gi thugs ka'i gnas su sor mo gsum bsgreng ba'i gung mo la rdo rje de kha gyen du blta bar 'jog pa'i tshul gyis 'dzin cing 'chang ngo/ /'di zhes bya ba thugs la bzhag par mdzad nas 'di skad gsungs so/ /sangs rgyas kun gyi zhes bya ba ni rnam par snang mdzad la sogs pa'o/ /grub pa'i rdo rje zhes bya ba ni grub pa'i phyir dang dngos grub kyi rang bzhin yin pas so/ /bla na med pa zhes bya ba ni stong pa nyid ni rdo rjer bshad ces gsungs pa'i phyir ro/ /rigs lnga'i stong pa nyid kyi ye shes kyi ngo bo nyid kyis ni phul du byung ba yin pas so/ /'di zhes bya ba ni rnam par snang mdzad kyis brtsal ba gang yin pa'o/ /bdag ste zhes bya ba ni rdo rje gang yin pa de ni bdag yin pa'o/ /bdag gi lag tu byin zhes bya ba ni bdag gi rang bzhin can gyi rdo rje'i gzugs gang yin pa de bdag gi lag tu byin pa'o/ /de lta yin pa/ de na bdag rdo rje la ni rdo rje gnas zhes bya ba'o/ /de ltar bcom ldan 'das kyis dpal rdo rje sems dpa' i gdul bya rnams byang chub kyi sems la rab tu bzhag pa'i don du/ rdo rje sems dpa' bskul ba'i phyir ting nge 'dzin mngon du mdzad pa dang/ de'i ched du brjod pa'i phyir zla ba'i dkyil 'khor dang/ ye shes kyi rdo rje dang/ rdo rje chen po'i 'od zer gyi/ de bzhin gshegs pa rnams dang/ sems can gyi don dang/ kun tu bzang po dang/ de'i ched du brjod pa dang/ bka' nod pa dang/ dbang bskur ba dang/ rdzogs pa'i ched du brjod pa na bskyed pa dang/ spro ba dang/ bsdu ba dang/ gnas pa dang/ brtan par sgom pa gsungs pa yin no/ /de ltar 'dis dpal rdo rje sems dpa' dul ba'i rang bzhin la de bzhin gshegs pa thams cad kyi byang chub kyi sems su bzhag pa yin no/ /rdo rje rgyal pos 'gugs pa yin pas na/ de nas zhes bya ba la sogs pa gsungs pa yin te/ de nas bcom ldan 'das zhes bya ba ni rnam par snang mdzad do/ /yang zhes bya ba'i sgra ni gzhan yang zhes bya ba'i don to/ /byang chub sems dpa' chen po gdon mi za ba'i rgyal po zhes bya ba la/ gdon mi za ba yang yin la rgyal po yang yin pas na gdon mi za ba'i rgyal po'o/ /de nyid ni byang chub sems dpa' chen po ste byang chub chen po'i mtshan nyid can yin gyi zla ba'i dkyil 'khor gyi steng na rdo rje rtse lnga pa'i gzugs su/ de bzhin gshegs pa thams cad kyi thugs ka na gnas par gang sngar bshad pa'o/ /gdon mi za bar ni don yod pa'o/ /de bzhin gshegs pa thams cad spyan 'dren pa rdo rje rgyal po'i gzugs kyis de nyid mdzes shing 'bar ba'i gdon mi za ba'i rgyal po'o/ /de'i dam tshig ni rdo rje lcags kyu la ? pa'i gzugs thams cad yang dag par ston pa'o/ /gang gi phyir de las byung bas na zhes bya ba la sogs pa ni snga ma bzhin no/ /'di skad ston pa yin te/ rdo rje lcags kyu la sogs pa'i gzugs kyi rnam par sprul pa bskyed pa'i rnam par thugs rtse gcig tu mdzad pa'o/ /de bzhin gshegs pa thams cad spyan drang ba'i dam tshig ces bya ba la/ rnam par snang mdzad la sogs pa de bzhin gshegs pa thams cad spyan drang ba ni spyan 'dren pa'o/ /de nyid ni dam tshig ste rgyu'o/ /ming de skad ces bya ba'i de bzhin gshegs pa thams cad kyi snying por gyur pa de rang gi thugs ka nas rang nyid kyis byung bar gyur pa ni badzra rA zhes bya ba'o/ /de bzhin gshegs pa thams cad kyi thugs ka nas zhes bya ba ni/ de bzhin gshegs pa lnga'i thugs ka nas so/ /byung ma thag pa zhes bya ba ni sgra'i bzhugs so/ /bcom ldan 'das phyag na rdo rje de nyid ces bya ba ni/ gang sngar zla ba'i dkyil 'khor la sogs pa'i gzugs kyis byung ba de nyid/ da ni rdo rje lcags kyu lta bur byung bar gyur nas phyag gnyis su gnas so zhes bya bar sbyar ro/ /de bzhin gshegs pa thams cad kyi lcags kyu chen po zhes bya ba ni de bzhin gshegs pa thams cad kyi lcags kyu chen po ste/ lcags kyu tshad med pa'i gzugs su gyur cig grub pa ste/ de bzhin gshegs pa lnga'i thugs ka nas byung nas/ bcom ldan 'das rnam par snang mdzad kyi thugs su bzhugs te sngar bshad pa'i rgyud nyid kyis gcig tu 'bres nas/ rdo rje'i rang bzhin can gyi rdo rje lcags kyu chen po'i dbyibs su gyur cing byung nas/ bcom ldan 'das rnam par snang mdzad kyi thugs ka nas phyung ste/ de nyid kyi phyag gnyis su gnas so/ / de nas zhes bya ba la sogs pa'i/ de bzhin gshegs pa thams cad spyan drang ba la sogs pa byas nas/ thugs kar gnas te/ ched du brjod ba 'di ched du brjod do/ zhes bya bar sbyar ro/ /de nas lcags kyu'i dbyibs chen po de las zhes bya ba ni rnam par snang mdzad kyi phyag na gnas nas 'jig rten gyi khams thams cad kyi rdul shin tu phra mo dang mnyam pa'i de bzhin gshegs pa'i sku rnams zhes bya ba ni rnam par snang mdzad dang/ mi bskyod pa dang/ rin chen 'byung ldan dang/ 'od dpag tu med pa dang/ don yod grub pa'i sku rnams ? zhing 'thon par 'gyur pa'o/ /des ci zhig/ mdzad ce na/ de bzhin gshegs pa thams cad spyan drang ba la sogs pa zhes bya ba gsungs te/ de bzhin gshegs pa thams cad spyan 'dren pa ni 'di'i las kyi gtso bo yin par ston la de la sogs pa'i sangs rgyas thams cad kyi rdzu 'phrul dang cho 'phrul gang yin pa de ni de bzhin gshegs pa thams cad spyan drang ba la sogs pa sangs rgyas thams cad kyi rdzu 'phrul dang cho 'phrul rnams so/ /sogs pa'i sgras ni byang chub tu sems bskyed pa la sogs pa bsdus te/ de rnams byas nas so/ /rdo rje sems dpa' ting nge 'dzin ni shin tu gdon mi za ba'i rgyal po zhes bya ba la shin tu gdon mi za zhing don yod pa'i de bzhin gshegs pa thams cad spyan 'dren pa'i rang bzhin/ rdo rje rgyal po'i gzugs 'di las 'gyur bas na shin tu gdon mi za ba'o/ /de nyid kyis na rgyal po ste/ de'i ngo bo nyid yin pas na rgyal po nyid do/ /de ltar shin tu gdon mi za ba'i rgyal po nyid do/ /gang gi yin zhe na/ rdo rje sems dpa' i ting nge 'dzin ni zhes bya ba ste/ sngar ni rdo rje sems dpa' i ting nge 'dzin to/ /rgyu de las de bzhin gshegs pa'i sku de dag thams cad gcig tu gyur pa las rdo rje rgyal po'i lus gcig tu gyur to/ /shin tu brtan pa'i phyir yang rdo rje sems dpa' i ting nge 'dzin yin te/ gang gis rdo rje'i rang bzhin khong stong ma yin pa'o/ / byang chub sems dpa' chen po gdon mi za ba'i lus su gyur nas/ bcom ldan 'das rnam par snang mdzad kyi thugs su bzhugs nas de nyid du gnas te/ ched du brjod pa 'di ched du brjod par gyur to/ /e ma'o rdo rje las byung ba zhes bya ba la/ e ma'o zhes bya ba'i sgra ni snga ma bzhin no/ /rdo rje las byung ba'i lcags kyu zhes bya ba ni/ de bzhin gshegs pa thams cad kyi sku las byung bas na de'i phyir rdo rje las byung ba'o/ /yan lag gang las gzung ba ste 'dren pa'i don gyis na lcags kyu ste/ 'di yang de bzhin gshegs pa thams cad spyan 'dren pa'i tshul gyis na lcags kyu dang 'dra bas lcags kyu zhes smos pa yin no/ /nges pa'i rgyal po bdag ces smos pa ni/ gdon mi za ba'i rgyal po mi bdag yin pa'o/ /'dir ci zhig ngo mtshar che zhe na/ gang gi phyir kun tu sangs rgyas khyab ces bya ba la sogs pa gsungs te/ gang gi phyir te gtan tshig gang gis na sku dang gsung dang thugs rdo rje bdag med pa'i ye shes kyi mthus nam mkha' i dbyings thams cad du rtag tu bzhugs pa'i sangs rgyas bcom ldan 'das gang yin pa de dngos grub grub pa'i phyir/ kun nas spyan 'dren cing thams cad du khyab pa las 'gugs pa 'di ni ngo mtshar che'o/ /'di skad ston te bdag dang de rnams tha mi dad pas thams cad du khyab pa lta bu las de bzhin gshegs pa thams cad spyan 'dren pa yin no/ zhes gdul bya rnams kyis de ltar mthong gi /de'i rang bzhin bdag dang tha dad pa ni ma yin no/ /de nas byang chub sems dpa' chen po shin tu gdon mi za ba'i rgyal po'i sku zhes bya ba ni gang gis bshad ma thag pa'i ched du brjod pa gsungs so/ bcom ldan 'das kyi thugs ka nas byung ste zhes bya ba ni rnam par snang mdzad kyi thugs ka nas so/ /de bzhin gshegs pa thams cad kyi g.yas phyogs kyi zla ba'i dkyil 'khor la gnas nas zhes bya ba ni/ bcom ldan 'das mi bskyod pa'i g.yas logs su'o/ /yang na bka' nod cing bzhugs par gyur to/ zhes bya ba ni/ kun tu bzang po'i tshul gyis bka' nod pa ni byang chub ykyi sems yongs su rdzogs par bya ba'i phyir yin la/ de ni de bzhin gshegs pa thams cad spyan 'dren pa'i phyir yin pas zhes bya ba'i sgras ston to/ /de nas zhes bya ba la sogs pa la de bzhin gshegs pa thams cad ces bya ba rnam par snang mdzad la sogs pa spyan 'dren pa'i phyir dam tshig ste/ rdo rje lcags kyu'i sku la de la dmigs pa rdo rje ltar mi byed pa'i ting nge 'dzin gang la ming de skad ces bya ba de la snyoms par zhugs te/ rdo rje lcags kyu sbyin pa'i rtsam par thugs rtse gcig tu mdzad ces bya ba'i tha tshig go /des ci zhig mdzad ce na/ de bzhin gshegs pa thams cad ces bya ba la sogs pa gsungs te/ ?? bzhin gshegs pa thams cad spyan 'dren pa'i dam tshig rdo rje lcags kyu de de'i lag par de bzhin du byin no zhes bya bar sbyar te/ de bzhin gshegs pa thams cad spyan 'dren pa'i dam tshig ni rgyu'o/ /de ci'i phyir zhe na/ sems can thams cad kyi khams zhes bya ba la sogs pa gsungs to/ sems can gyi khams ma lus shing lus pa med pa'i sems can gyi khams thams cad do/ /thams cad 'gugs pa dang zhes bya ba ni/ de bzhin gshegs pa thams cad spyan drangs pa ?? yid bde ba thams cad sbyor bar bya ba'i phyir ro/ /de bzhin gshegs pa thams cad 'du ba'i byin gyis brlabs ni gcig tu 'dus par mdzad pa'o/ /de nyid ni dam pa'i dngos grub ste de'i phyir ro/ /bar gyi zhes bya ba'i sgras ni sa dang pha rol tu phyin pa la sogs pa bsdu'o/ /rdo rje lcags kyu'i rnams byang chub sems dpa' chen po gdon mi za ba'i rgyal po de'i zhes bya ba ni sngar grub pa'o/ /lag par de bzhin du byin no zhes bya ba ni/ de bzhin gshegs pa lnga'i rin po che'i cod pan dang/ dar dbyangs kyi dbang gis dbang bskur nas/ rdo rje 'gugs pa zhes bya ba/ rdo rje ltar mi phyed pa'i 'gugs pas spyan 'dren pa 'di la mnga' bas na rdo rje 'gugs pa'o/ /sangs rgyas kun gyi zhes bya ba ni/ de bzhin gshegs pa thams cad kyi'o/ /rdo rje'i ye shes bya ba ni stong pa nyid kyi ye shes so/ /de nyid kyis na bla na med pa ste mchog tu gyur pa'o/ /'di zhes bya ba ni bcom ldan 'das las rnyed pa gang yin pa'o/ /ci'i phyir bla na med pa yin zhe na/ sangs rgyas kun gyi don grub phyir/ /kun nas spyan drangs dam pa'o/ /zhes bya ba gsungs te/ gang gi phyir sangs rgyas thams cad kyi don ni de bzhin gshegs pa thams cad spyan 'dren pas sems can gyi don gang yin pa de grub cing rdzogs par gyur te/ de'i phyir kun nas te phyogs bcu nas spyan 'dren pa yin la/ de ltar kun nas spyan drang ba nyid kyis na dam pa'o/ /bskyed pa dang/ spro ba dang/ bsdu ba dang/ gnas pa dang/ brtan par bsgom pa la sogs pa ni thams cad snga ma bzhin du shes par bya'o/ /de ltar rdo rje rgyal pos de bzhin gshegs pa thams cad spyan drangs nas/ de rnams rdo rje chags pas ji ltar rjes su mnyes par bya ba de bstan pa ni/ de nas zhes bya ba la sogs pa yin te/ de nas zhes bya ba ni de ma thag pa ston pa'i tshig go /yang zhes bya ba ni rdo rje rgyal po la bltes nas yang gi sgra smos pa yin no/ /byang chub sems dpa' chen po bdud ces bya ba ni/ byang chub chen po la rgyab kyis phyogs pa'i sems ni chos bdag med pa'i chags pas gsod pas na bdud do/ /byang chub sems dpa' chen po yang yin la/ bdud kyang yin pas na byang chub sems dpa' chen po bdud do/ /de nyid ni rdo rje sems dpa' lta bu'o/ /de'i dam tshig ni me tog gi mtshon cha la sogs pa'i gzugs so/ /de gang las byung ba zhes bya ba la sogs pa ni snga ma bzhin no/ /de la snyoms par zhugs pa ni me tog gi mtshon cha la sogs pa'i gzugs kyi rnam par 'phrul pa bskyed pa'i rnam par thugs rtse gcig tu mdzad do/ zhes bya ba'i tha tshig go/ ci zhig mdzad ce na/ de bzhin gshegs pa thams cad ces bya ba la sogs pa gsungs te/ snying po 'di phyung ngo zhes bya bar sbyar ro/ /de bzhin gshegs pa thams cad mnyes par byed pa zhes pa ni yang dang yang du mngon du byed pa'o/ /de'i don gyi dam tshig ni de bzhin gshegs pa thams cad mnyes par byed pa'i dam tshig ste rgyu'o gang la ming de skad ces bya ba'i de bzhin gshegs pa thams cad kyi snying po gang yin pa de la de skad ces bya ste/ de bzhin gshegs pa thams cad kyi snying po de rang gi thugs ka'i nges pa'i ye shes las phyung ngo zhes pa/ phyung bar gyur pa ni badzra rA ga zhes bya ba yin no// de nas zhes bya ba la sogs pa la phyag gnyis su gnas so zhes bya bar sbyar ro/ /de bzhin gshegs pa thams cad kyi thugs las shes bya ba ni/ de bzhin gshegs pa lnga'i thugs las so/ /bcom ldan 'das rdo rje 'dzin pa nyid de zhes bya ba ni sems dpa' i rdo rje gzugs gang yin pa sngar rdo rje lcags kyu la sogs pa'i gzugs su byung ba gang yin pa de nyid do/ /de bzhin gshegs pa thams cad kyi me tog gi mdar gyur nas zhes bya ba ni me tog zhes bya ba ni me tog gi mda' dang bcas pa'i gzhu'i gzugs su gyur nas byung nas phyag gnyis su gnas so/ zhes bya ba'i bar du snga ma bzhin no/ /de nas zhes bya ba la sogs pa la bcom ldan 'das kyi thugs la gnas nas ched du brjod pa 'di ched du brjod do/ zhes bya bar sbyar ro/ /de bzhin gshegs pa thams cad rjes su mnyes par bya ba la sogs pa dang/ sangs rgyas thams cad kyi rdzu 'phrul cho 'phrul rnams byas nas zhes bya ba ni/ de bzhin gshegs pa thams cad rjes su mnyes pa ni sgom pa ste/ 'dod chags dam tshig ces bshad pa/ chos kyi 'dod pa yid du'o/ /de'i lam grub rnal 'byor ni/ /rjes su chags pa zhes bshad do/ /zhes gsungs pa yin no/ /de la sogs pa gang yin pa de ni de bzhin gshegs pa thams cad rjes su mnyes par bya ba la sogs pa ste/ sogs pa'i sgras ni rdo rje sems dpa' la sogs pa bsdu'o/ /rdo rje sems dpa' i ting nge 'dzin ni shin tu bdud byed pa nyid dang zhes bya ba ni/ rab tu bdud byed pas na shin tu bdud byed pa ste/ de'i ngo bo nyid ni shin tu bdud byed pa nyid do/ /de'i phyir shin tu bdud byed pa nyid kyis na/ 'di ni rdo rje sems dpa' i ting nge 'dzin yin te/ rdo rje chags pa ni byang chub sems dpa' rnams kyi nyan thos dang sangs rgyas kyi blo can sangs rgyas kyi byang chub sems dpa' ngo bo chos bdag med pa'i 'dod chags kyi shin tu gsod cing bar du gcod par byed pas shin tu bdud byed pa nyid de de rdzogs par byed pa'i sems rtse gcig pa ni shin tu bdud byed pa'i rdo rje ting nge 'dzin no/ /de bas na rdo rje sems dpa' i ting 'dzin gyis shin tu bdud byed pa las ni de de bzhin gshegs pa'i sku gcig tu gyur nas/ shes pa byang chub sems dpa' chen po bdud kyi skur gyur nas so/ /shin tu brtan pa'i phyir zhes bya ba ni snga ma bzhin no/ /gcig tu 'dres par gyur pa ni rdo rje'i rang bzhin khong stong ma yin pa'o/ /bdud ces bya ba ni bla na med pa yang dag par rdzogs pa'i byang chub kyi sgom pa'i lam gyi tshul gyis gzung ba dang/ 'dzin pa po'i rnam par rtog pa gsod pas na bdud ces bya ba ste/ sangs rgyas thams cad mnyes byed pa/ /rjes su chags pas zhes bshad do/ /rdo rje 'dod pa 'dod chags che/ /rdo rje chags pa zhes bshad do// zhes gsungs pa'i phyir ro/ /e ma'o zhes bya ba la sogs pa la/ e'o zhes bya ba ni ngo mtshar to/ /bdag gi rang bzhin dag ces bya ba ni/ rang bzhin gyis yang dag par lam bsgom pa'i tshul gyis nyon mongs pa'i dri ma thams cad bral ba'i phyir dag pa ste rjes su chags pa'i sgoM pa'o/ /gang gis sgoM pa yin zhe na/ rang byung bdag ces bya ba gsungs te/ sangs rgyas bcom ldan 'das kyi sku bsgom pas zhes bya ba'i don to/ /'dir ci zhig ngo mtshar che zhe na/ gang gi phyir 'dod chags bral rnams dag bya'i phyir zhes gsungs te/ 'dod chags dang bral ba ni nyon mongs pa bag chags dang bcas pa spangs pas khams gsum la rgyab kyis phyogs shing der 'dod chags dang bral ba'o/ /sangs rgyas bcom ldan 'das ni rnam par rtog pa mi mnga' bas/ de rnams la 'dod chags kyis zhes bya ba/ chos la bdag med pa'i 'dod chags rgyur gyur pas so/ /'dul bar byed ces bya ba sems can gyi khams rnams sangs rgyas kyi byang chub la rab tu 'jog par byed pa 'di ni ngo mtshar che'o/ /gang 'dod chags dang bral bar ji ltar 'dod chags can yin/ ji ltar 'dod chags can 'dod chags dang bral bar 'gyur zhes bya ba ni mi mthun pa'i rgyan no/ /bcom ldan 'das kyi thugs ka nas phyung ste zhes bya ba ni rnam par snang mdzad kyi'o/ /de bzhin gshegs pa thams cad kyi zhes bya ba ni/ mi skyong ba'i g.yon phyogs su'o/ /yang bka' nod cing bzhugs so/ zhes bya ba ni/ gdon mi za ba'i rgyal po'i gzugs kyis ni de bzhin gshegs pa rnams spyan 'dren pa'i phyir bka' nod pa yin la/ de lta ni de'i rjes su mnyes par bya ba'i phyir ro zhes bya ba ni/ /yang gi sgra'i don yin no/ /de nas zhes bya ba la sogs pa la bcom ldan 'das kyis rdo rje'i mda' de de'i lag tu byin no zhes bya bar sbyar ro/ /de de bzhin gshegs pa thams cad mnyes par bya ba ni snga ma bzhin no/ /de'i don du byin gyis brlabs pa ni/ de'i rgyu mnga' i gzugs su de la dmigs pa rdo rje ltar mi phyed pa'i ting nge 'dzin gang la ming de skad ces bya ba de la snyoms par zhugs pa ni mngon sum du mdzad pa ste/ rdo rje mda' sbyin pa'i rnam par thugs rtse gcig tu mdzad do/ zhes bya ba'i tha tshig go /de bzhin gshegs pa thabs kyi rdo rje'i dam tshig ces bya ba ni/ de bzhin gshegs pa thams cad kyi gdul bya dmigs pa la spyod pa de rnams kyi nye bar dmigs pa las nges par bzlog par byed pa ni bsod pa yin la/ de'i don ni mi phyed pa'i dam tshig gi rgyu mda'i gzugs ni de bzhin gshegs pa thams cad kyi bdud kyi rdo rje'i dam tshig go /de ci'i phyir btsal zhe na/ sems can gyi khams zhes bya ba la sogs pa gsungs te/ sems can gyi khams ma lus shing lus pa med pa rnams sangs rgyas kyi byang chub sgom pa ni mgu bar bya'o/ /nges bde ba dang yid bde ba myong bar bya ba'i don du'o/ /de bzhin gshegs pa thams cad kyi las yin pas na bdud kyi las te/ sangs rgyas kyi byang chub la rjes su chags pa'o/ /de nyid ni dngos grub kyi mchog ste/ de thob cing reg par bya ba de dag gis rgyu'i phyir te/ sems can gyi khams rnams kyi rdo rje chags pa'i ting nge 'dzin thob pa'i don du zhes bya ba'i tha tshig go / bar du zhes bya ba'i sgras ni rdo rje sems dpa' la sogs pa'i yang zhes ston to/ /rdo rje'i mnga' des de bzhin gshegs pa thams cad la bdud byed cing zhes bya ba ni bdag nyid dang mnyam par byed ces bya ba'i don to/ /'di zhes bya ba ni gang bcom ldan 'das kyis stsal ba gang yin pa'o/ /'di ci zhig yin zhe na/ sangs rgyas kun gyi 'dod chags kyi ye shes zhes bya ba ste/ byang chub kyi sems su nges pa ni 'dod chags kyi ye shes so/ /dri ma med ces bya ba ni nges pa'i tshul yin pa nyid kyis na 'dod chags la sogs pa'i dri ma dang bral bas dri ma med pa'o/ /'dis ci zhig byed ce na/ 'dod chags kyis ni chags bral bcom zhes bya ba gsungs te/ 'dod chags 'dis sangs rgyas kyi byang chub la rgyab kyi phyogs pa'i sems can bcom nas/ bde ba thams cad sbyin bar byed ces bya ba/ sems can rnams la bla na med pa yang dag par rdzogs pa'i byang chub kyi rang bzhin can gyi bde ba thams cad nges par sbyin par byed cing stsol bar mdzad pa'o/ /de ltar rdo rje chags pas de bzhin gshegs pa thams cad rjes su mnyes par bya ba gsungs nas/ de nas zhes bya ba la sogs pas rdo rje legs pas de bzhin gshegs pa thams cad dgyes par bya bar gsungs pa yin te/ bcom ldan 'das kyis snying po 'di rang gi thugs ka nas phyung ngo zhes bar sbyar ro/ /yang zhes bya ba ni rdo rje chags pa la bltos pa'o/ /rab tu dga' zhes bya ba ni yid bde ba ste/ zag pa med pa'i dga' ba'o/ /des ni mdzes shing 'bar bas na rgyal ba'o/ /byang chub sems dpa' chen po rab tu dga' ba'i rgyal po de nyid ni rdo rje sems dpa' i tshul lo/ /de'i dam tshig ni legs so zhes bya ba la sogs pa'i tshul lo/ /de byung ba ni sems dpa' ste rnam par snang mdzad la sogs pa'i thugs kar gnas pa'i sems dpa' gang las sems dpa' i rdo rjer gyur pa de byin gyis brlabs pa'i phyir/ rdo rje ltar mi phyed pa'i ting nge 'dzin gang yin pa de la ming de skad ces bya ba de la snyoms par zhugs te/ dga' ba'i phyag rgya la sogs pa'i rnam par 'phrul pa rdzogs par mdzad par thugs rtse gcig tu mdzad do/ zhes bya ba'i don to/ /de bzhin gshegs pa thams cad kyi rab tu dga' ba'i dam tshig ces bya ba ni/ de bzhin gshegs pa thams cad kyi rab tu dga' ba ni mgu ba'o/ /de'i dam tshig ni rgyu'o/ gang la ming de skad ces bya ba'i de bzhin gshegs pa'i snying po de rang gi thugs ka nas phyung bar gyur pa ni badzra sA d+hu zhes bya ba ste/ legs so zhes bya ba la sogs pa'i tshul gang bshad ma thag pa dang phyis ston pa ste/ /badzra sA d+hu zhes bya ba'i sgra'i tshul du phyung bar gyur to/ zhes bya ba'i tha tshig go /de nas zhes bya ba la sogs pa la/ bcom ldan 'das de nyid rdo rje dgyes pa'i dbyibs su gyur te/ phyag gnyis su gnas so zhes bya bar sbyar ro/ /badzra sA d+hu zhes bya ba'i sgra ni de bzhin gshegs pa thams cad kyi thugs las phyung ma thag pa zhes bya ba ni/ /de bzhin gshegs pa lnga'i thugs las so/ /bcom ldan 'das rdo rje 'dzin pa ni zla ba dang rdo rje'i rnam pa'o/ /legs so zhes bya bar gyur nas zhes bya ba ni mgu ba'i phyag rgya'i gzugs su gyur nas/ bcom ldan 'das rnam par snang mdzad kyi phyag gnyis su gnas so/ /de nas rnam par snang mdzad kyi phyag gnyis nas gnas pa'i rdo rje dgyes pa'i dbyibs phyag rgya'i gzugs las de bzhin gshegs pa'i sku rnams byung nas legs so zhes bya ba la sogs pa byas nas de bzhin gshegs pa'i thugs la gnas nas ched du brjod pa 'di ched du brjod do/ zhes bya bar sbyar ro/ /de bzhin gshegs pa thams cad kyis legs so zhes bya ba ni rdo rje legs so/ /sogs pa zhes bya ba'i sgras ni rdo rje sems dpa' la sogs pa gzhan rnams kyi yang bsdus te/ de la sogs pa byas nas sangs rgyas kyi sku de rnams las rdo rje legs pa'i sku gcig pur gyur to/ /ci'i phyir zhe na/ rdo rje sems dpa' i ting nge 'dzin ni shin tu dga' bar byed pa nyid dang zhes bya bar gsungs te/ shin tu rab tu dga' zhing yid bde ba gang yin pa de ni shin tu dga' bar byed pa ste/ byang chub sems dpa' chen po rab tu dga' ba'i rgyal po bskyed par byed pa'i rnam par mi rtogs pa'i yid bde ba'i rang bzhin nyid ni shin tu dga' bar byed pa'o/ /de'i ngo bo nyid ni shin tu dga' bar byed pa nyid de gang gi ngo bo yin zhe na/ rdo rje sems dpa' i ting nge 'dzin te/ rdo rje sems dpa' ni 'dir snga ma bzhin du sems dpa' i rdo rje'o/ /de nyid ni thams cad 'byin pa yin par shes par bya'o/ /rab tu dga' ba'i rgyal po'i skur gyur pa gcig tu ni stong pa nyid kyis na rab tu brtan pa'i phyir ro/ /de bas na 'dres shing sra bar gyur pa ste/ rab tu dga' ba'i rgyal po ni rdo rje'i rang bzhin no/ /e ma'o thams cad mkhyen kun gyi zhes bya ba ni thams cad mkhyen pa ste sangs rgyas rnams kyi'o/ /legs sbyin nang na bdag mchog pas zhes bya ba ni mchod pa med pa kun gyi legs par sbyin pa nyid ni bdag nyid yin te/ rnam par rtog pa med du zin kyang sngon gyi 'phen pa'i thugs kyis phyogs bcu'i sems can thams cad mgu bar byed pa yin pa'i phyir ro/ /ci zhig ngo mtshar che zhe na/ rnam rtog bral ba de dag gis nges par dgyes pa bskyed pa yin zhes gsungs te/ gang gi phyir rnam rtog dang bral zhing rnam par mi rtog pa'i ye shes kyi rang bzhin gyi sangs rgyas rnams kyang nges par dgyes pa ste/ dga' ba bskyed pa nus pa 'di ni ngo mtshar to/ /'di skad ston te/ sangs rgyas rnams kyi sngon gyi 'phen pa'i shugs kyis zag pa med pa'i mgu ba'i ngo bo ni bdag yin te/ bdag gis de rnams rnam par mi rtog par rang bzhin gyis dgyes pa bskyed do/ /zhes bya ba 'di gdul bya rnams kyis de ltar mthong ba yin no/ /de nas zhes bya ba la sogs pa la bka' nod cing bzhugs par gyur to/ zhes bya bar sbyar ro/ /de nas byang chub sems dpa' chen po rab tu dga' ba'i rgyal po'i sku de zhes bya ba ni gang gis 'das ma thag pa'i ched du brjod pa gsungs so/ /de bzhin gshegs pa thams cad kyi rgyab na zla ba'i dkyil 'khor la gnas par gyur nas zhes bya ba ni bcom ldan 'das mi bskyod pa'i rgyab na'o/ /yang bka' nod cing bzhugs par gyur to/ zhes bya ba ni sngar ni rdo rje chags pa'i gzugs kyis rjes su mnyes par bya ba'i phyir bka' nod pa yin la de ltar ni de bzhin gshegs pa thams cad kyi dgyes pa/ bskyed par bya ba'i phyir yin no/ zhes bya ba ni yang gi sgra'i don yin no/ /de nas zhes bya ba la sogs pa rdo rje dgyes pa de'i lag pa gnyis su de bzhin du byin no/ zhes bya bar sbyar ro/ /de bzhin gshegs pa thams cad kyi mnyes par byed pa ni dgyes pa bskyed pa ste don des ni rdo rje dgyes pa'i phyag rgya la de skad ces bya'o/ /de la dmigs pa'i ting nge 'dzin ni rdo rje ltar mi phyed pas ming de skad ces bya ste/ de la snyoms par 'jug pa ni rdo rje mgu ba sbyin pa'i rnam par thugs gcig tu mdzad ces bya ba'i don to/ /de bzhin gshegs pa zhes bya ba sogs pa la de bzhin gshegs pa thams cad kyi rab tu dgyes pa bla na med pa ni zag pa med pa'i dga' ba'o/ /de'i ye shes ni mngon sum du byas pa yin pas de bzhin gshegs pa thams cad kyi rab tu dgyis pa bla na med pa'i ye shes so/ /de'i dam tshig ni bskyed pa'i rgyu dgyes pa'i rdo rje phyag rgya'o/ /sems can gyi khams ma lus shing lus pa med pa thams cad mgu bar byas pas bde ba dang yid bde ba thams cad myong bar bya ba ni mngon sum du bya ba ste de'i don du dgyes pa'i phyag rgya byin pa yin no/ /de bzhin gshegs pa thams cad kyi dgyes pa'i re bla na med pa zhes bya ba la sogs pa la/ de bzhin gshegs pa thams cad kyi zag pa med pa'i dgyes pa ni/ de bzhin gshegs pa thams cad kyi dgyes pa bla na med pa ste yid bde ba yin la/ de ni dgyes pa'i nyams so/ /de nyid ni dngos grub kyi dam pa ste thob pa nyid 'bras bu yin te de'i phyir/ rdo rje legs pa nyid thob pa'i phyir ro/ /bar du zhes bya ba'i sgras ni sa dang pha rol tu phyin ba la sogs pa ma gsungs pa rnams kyang bsdu'o/ /rab tu dga' ba'i rgyal po de'i zhes bya ba ni rab tu dga' bas 'bar bar bya ba'i phyir ro/ /de bzhin du sangs rgyas lnga'i dbu brgyan dang dar dpyangs kyi dbang gis dbang bskur nas rdo rje dgyes pa zhes bya ba mi phyed pa'i dga' ba mnga' bas na rdo rje dgyes pa'o/ /de bzhin gshegs pa thams cad rab tu dgyes par byed pa'i rang bzhin du byed cing ched du brjod pa 'di gsungs pa yin te/ sangs rgyas kun gyi zhes bya ba ni/ bcom ldan 'das kyi thad kar bdag gis rnyed pa gang yin pa 'di'o/ /ci zhig las can zhe na/ legs sbyin pa/ rab tu 'jug byed pas zhes bya ba smos te/ dga' ba bskyed pa'o/ /de bas na rdo rje thams cad dgyes par byed ces bya ba ste mi phyed pa'o/ /lha rdzas zhes bya ba ni lha rnams kyi yin pas na? lha rdzas te/ de bzhin gshegs pa thams cad kyi rang bzhin can gyi lha rnams kyi yin gyi gzhan gyi ni ma yin no/ /de dgyes pa spel ba'o zhes bya ba ni zag pa med pa'i yid bde ba'i rgyu mngon par 'phel bar byed pa'o/ /de ltar na rdo rje legs pas de bzhin gshegs pa thams cad legs so zhes bya bas mnyes par byed pa yin no/ /byang chub kyi sems chen po dang/ zhes bya ba ni mi bskyod pa'i thugs te de las byung ba'i rdo rje sems dpa' yang dbyer med pa'i nye bar gdags pas byang chub kyi sems chen po zhes bshad ngo/ /de bzhin gshegs pa thams cad spyan 'dren pa'i dam tshig dang/ zhes bya ba ni de bzhin gshegs pa thams cad spyan 'dren pa ni spyan drang ba'o/ /de'i dam tshig ni rgyu ste bcom ldan 'das rdo rje rgyal po'o/ /de bzhin gshegs pa thams cad mnyes par byed pa'i ye shes ni/ de bzhin gshegs pa thams cad mnyes par byed pa'i don gyi ye shes te rdo rje chags pa'o/ /dgyes pa chen po ni dgyes pa che ba ste/ rdo rje legs pa'o/ /'di ni sdom pa gsungs pa yin no/ /de bzhin gshegs pa thams cad kyi dam tshig chen po'i sems dpa' o/ /zhes bya ba ni mi bskyod pa la sogs pa'i tshul can gyi de bzhin gshegs pa thams cad kyi dam tshig chen po'i sems dpa' yin pas na dam tshig chen po'i sems dpa' ste/ de rnams la skyes pa yin pa'i phyir/ /de yang thog ma dang tha ma med pa'i dam tshig chen po'i chos kyi dbyings kyi rang bzhin gyi sems dpa' ni dam tshig chen po'i sems dpa' ste/ gzugs stong pa'o stong pa nyid gzugs so zhes gsungs pa'i phyir ro/ /gzhan du yang bshad par bya ste/ byang chub kyi mtshan nyid can gyi sems bskyed pa ni mi bskyed pa'i rang bzhin yin no/ /de yang brtags pa las ldog pa'i dbye bas rnam pa bzhi'o/ /de la dbye ba ni 'di yin te rnam par rtog pa thams cad kyis mi g.yo ba'i mi bskyod pa'i thugs te de nyid rnam par rtog pa'i chu bo las brel bar byed pas grol ba'i sems so/ /sgrol bar byed pa nyid kyis grol bar byed pas na de'i phyir grol bar sems so/ /rnam par rtog pa med pas ni dbugs 'byin pa'i ngo bo ste/ dbugs 'byin pa'i tshul de nyid kyis mchog tu yid bde ba thob ? na las 'das pa'i tshul thams cad ni rdo rje sems dpa' dang/ rdo rje rgyal po dang rdo rje chags pa dang rdo rje legs pa'i tshul yin par bshad do/ /de bas na 'di dag nyid la dam tshig chen po'i sems dpa' zhes bshad do/ /byang chub chen por sems bskyed pa las byung ba'i phyir ro/ /de yang dam tshig kyang yin la chen po yang yin pas na dam tshig chen po zhes bshad do/ /dam tshig chen po zhes su zhig pa bshad ce na/ thog mdza' med pa'i sems dpa' ni rdo rje sems dpa' zhes gsungs pas chos bdag med pa'i tshul gyis thams cad du khyab pas/ de'i phyir dam tshig chen po'o/ /gzhan yang byang chub sems dpa' bzang gang yin te/ rdo rje sems dpa' yang dag 'byung/ /bsdu ba'i dngos po bzhi rnams na/ rdo rje rgyal por de byung ngo/ /sems can smin byed 'di chags pa/ /yang dag byang chub spyod legs pa/ /dam tshig che sems zhes bya ba/ /byang chub sems las yang dag 'byung/ zhes bshad pa yin no/ /de ltar rdo rje legs pa'i tshul gyi sems can yang dag pa'i byang chub kyi spyod pas dri ma thams cad dang bral bar gyur na/ dbang bskur bar bya'o zhes bstan par bya ba'i phyir/ de nas zhes bya ba la sogs pa gsungs pa yin te/ yang bcom ldan 'das kyis de bzhin gshegs pa thams cad snying po rang gi thugs ka nas phyung ngo zhes bya bar sbyar ro/ /legs so zhes bya ba'i tshul la bltos na yang zhes bya ba'i sgra smos so/ /nam mkha' ni mnyam pa nyid kyi ye shes so/ /snying po ni bskyed pa'i gnas te de lta bu'i sems dpa' i rdo rje gsal mnga' ba de ni nam mkha' i snying po'o/ /de'i dam tshig ni nam mkha' thams cad kyi 'od zer la sogs pa'i tshul lo/ /de 'byung ba ni sems dpa' i rdo rje gang las rin po che lta bur gyur pa'o/ /de byin gyis brlab pa ni brtan par bya ba'i phyir sprul pa'i don du rdo rje ltar mi byed pa'i ting nge 'dzin gang la ming de skad ces bya ba'i tshul nyid kyi ting nge 'dzin la snyoms par zhugs pa ste/ byang chub sems dpa' chen po nam mkha' i snying po'i 'od zer la sogs pas sprul pa rnams bskyed pa'i rnam par thugs rtse gcig par mdzad ces bya ba'i tha tshig go / de bzhin gshegs pa thams cad kyi dbang bskur ba'i dam tshig ces bya ba la/ de bzhin gshegs pa thams cad kyi dbang bskur ba ni nam mkha' i snying po'o/ /de nyid ni 'da' bar mi bya ba yin pas na dam tshig ste/ de las byung ba nyid kyis na ming de skad ces bya ba'i tha tshig go /de bzhin gshegs pa thams cad kyi thugs las zhes bya ba ni de'i rang gi thugs ka nas byung bar gyur pa ni/ badzra ratna zhes bya ba yin no/ /de nas zhes bya ba la sogs pa la/ de nyid bcom ldan 'das nam mkha' thams cad kyi 'od zer du gyur nas byung ngo zhes bya bar sbyar ro/ /de bzhin gshegs pa thams cad kyi thugs las zhes bya ba ni rnam par snang mdzad la sogs pa de bzhin gshegs pa lnga'i thugs las so/ /byung ma thag pa zhes bya ba ni/ badzra ratna zhes bya ba'i sgra'i tshul byung ma thag tu'o/ /thams cad nam mkha' dang mnyam pa zhes bya ba ni thams cad kyang yin la nam mkha' yang yin pas na thams cad nam mkha' o/ /de'i mnyam nyid ni phyogs bcu thams cad rdzas thams cad med par bsgom pa dang/ don dam par ni rin po che'i rigs sgom pa'o/ /de'i ye shes ni nam mkha' thams cad dang mnyam pa nyid kyi ye shes so/ /de gang gis shin tu rtogs pa de la de skad ces bya ste/ de'i ngo bo nyid yin pa'i phyir/ shin tu rtogs pa yin pa'i phyir zhes bya'o/ /de su zhig yin zhe na/ rdo rje sems dpa' i ting nge 'dzin ces gang gsungs pa yin te/ nam mkha' 'od zer bskyed par byed pa sems rtse gcig pa nyid ni rdo rje sems dpa' i ting nge 'dzin to/ /bcom ldan 'das rdo rje 'dzin pa de nyid/ zhes bya ba ni sems dpa' i rdo rje'i rang bzhin no/ /nam mkha' thams cad kyi 'od zer du gyur nas byung ngo zhes bya ba la/ nam mkha' thams cad kyi 'od zer ni/ sngon po dang/ dmar po dang/ ser po dang/ shel gyi mdog can ni nam mkha' thams cad kyi 'od zer te/ ri'i? rgyal po ri rab kyi grags pa nyid bshad pa yin no/ /rin po che sna bzhi'i rang bzhin de'i 'od zer gyis khyab pa yin te/ 'di lta ste/ 'dzam bu'i gling 'di ni nam mkha' gcig tu sngo bar snang ngo/ /de bzhin du shar gyi lus 'phags pa ni shel gyi mdog can no zhes bya ba'i bar du'o/ /nam mkha' thams cad kyi 'od zer de dag gis 'jig rten gyi khams thams cad snang bar byas pa ni gsal bar byas pa'o/ /thams cad nam mkha' dbyings lta bu nam mkha' i 'od zer gyi rang bzhin no/ / byung ba ni grub pa'o/ /de nas zhes bya ba la sogs pa la/ nam mkha' thams cad kyi 'od zer gyi tshogs bcom ldan 'das rnam par snang mdzad kyi thugs su zhugs nas rdo rje rin po che'i dbyibs su gyur nas bcom ldan 'das kyi phyag gnyis su gnas so zhes bya bar sbyar ro/ /rgyu gang gis zhe na/ rdo rje sems dpa' i ting nge 'dzin shin tu bsgoms pa'i phyir zhes bya ba gsungs te/ shin tu yongs su bsgoms pas na shin tu bsgoms pa ste/ de bas na shin tu bsgoms par gyur pa nyid kyi phyir ro// su zhig gi zhe na/ rdo rje sems dpa' i ting nge 'dzin ces bya ba ste nam mkha' i khams thams cad kyi 'od zer bsdus pa'i tshul gyis rdo rje rin po che gcig tu grub par byed par sems rtse gcig pa ni/ 'dir rdo rje sems dpa' i ting nge 'dzin te/ de shin tu bsgoms par gyur pa'i phyir ro/ /nam mkha' i khams thams cad kyi snying po'i rang bzhin zhes bya ba la nam mkha' i khams kyang yin la thams cad kyang yin pas na/ nam mkha' i khams thams cad de rdo rje rin po che bskyed pa'i rgyu'i 'od zer bsdus pa'i tshul gyis rdo rje rin po che bskyed pa'i rgyu'i 'od zer spros pa thams cad do/ /de nyid ni snying po ste bskyed pa'i gnas gang la yod pa'i rdo rje rin po che'i dbyibs de ni/ nam mkha' i khams thams cad kyi snying po'i rang bzhin te/ de'i ngo bo nyid ces bya ba'i tha tshig go / tshad ji tsam zhes na/ 'jig rten gyi khams thams cad kun tu khyab par song ba ni 'jig rten gyi khams thams cad du mnyam par 'jug pa'o/ /de nyid kyi tshad gang la yod par de ni 'jig rten gyi khams thams cad du mnyam par 'jug pa'i tshad tsam mo/ /de gang zhig yin zhe na/ rdo rje rin po che'i dbyibs zhes bya ba gsungs te/ rdo rje rin po che'i dbyibs kyang yin la chen po yang yin pas rdo rje rin po che chen po'i dbyibs te/ rdo rje rtse lnga pa'i rtse mo can gyi yid bzhin gyi nor bu rin po che 'di ni/ rdo rjes nye bar mtshan pas na rdo rje rin po che'i dbyibs zhes bya ba la nam mkha' thams cad khyab pas na chen po'o/ /bcom ldan 'das kyi phyag gnyis su gnas so/ zhes bya ba ni bsdu ba mdzad nas bcom ldan 'das rnam par snang mdzad kyi thugs ka nas byung ste de nyid kyi phyag gnyis su gnas pa'o/ /de nas rdo rje rin po che zhes bya ba la sogs pa la/ rdo rje rin po che'i dbyibs de las de bzhin gshegs pa rnams kyi sku dang/ byang chub sems dpa' i skur gyur nas thugs la gnas nas ched du brjod pa 'di ched du brjod do/ zhes bya bar sbyar ro/ /de nas rin po che'i dbyibs de las zhes bya ba ni/ rnam par snang mdzad kyi phyag na gnas pa las so/ /de bzhin gshegs pa thams cad kyi dbang bskur ba la sogs pa/ zhes bya ba ni rnam par snang mdzad la sogs pa de bzhin gshegs pa rnams dang/ gdul bya rnams la nam mkha' i snying po'i gzugs su gyur pa ni dbang bskur ba'o/ /de la sogs pa de bzhin gshegs pa thams cad kyi rdzu 'phrul dang cho 'phrul rnams gang yin pa de la de skad ces bya ste de dag 'jig rten gyi khams thams cad du byas nas so/ /sogs pa'i sgras ni byang chub tu sems bskyed pa la sogs pa bsdu'o/ /de bzhin gshegs pa de rnams kyis kyang 'jig rten gyi khams thams cad du cho 'phrul rnams mdzad nas gcig tu gyur te/ byang chub sems dpa' chen po nam mkha' i snying po'i skur gyur to/ rgyu ci zhig gi phyir zhe na/ rdo rje sems dpa' i ting nge 'dzin ni nam mkha' i khams thams cad kyi snying po las shin tu byung ba dang zhes bya ba gsungs te/ nam mkha' i khams kyang yin la thams cad kyang yin pas nam mkha' i khams thams cad de/ 'jig rten gyi khams thams cad kyi rdul phra rab dang mnyam pa'i ji skad du bshad pa'i de bzhin gshegs pa rnams so/ /de nyid ni gang gis bskyed pa'i rgyu yin pa de la nam mkha' thams cad kyi snying po zhes bya ba ste/ 'phags pa nam mkha' i snying po'o/ /de ting nge 'dzin gang las shin tu byung bar gyur pa de ni shin tu byung ba'o/ /de'i ngo bo nyid yin pas na byung ba nyid do/ /de ltar nam mkha' i khams thams cad kyi snying po las shin tu byung ba yin pa'i phyir sems dpa' i ting nge 'dzin te/ de bzhin gshegs pa thams cad gcig tu mdzad pa'i tshul gyis 'phags pa nam mkha' i snying po bskyed par byed par thugs rtse gcig tu mdzad pa'i tha tshig go /gcig pa'i rgyu bshad nas ci'i phyir 'dres par gyur ce na shin tu bstan pa'i phyir zhes bya ba gsungs te/ rnam par rtogs pa thams cad dang bral ba'i phyir zhes bya ba'i don to/ /a ma'o dbang bskur mchog ni bdag yin zhes bya ba nam mkha' dang mnyam pa'i ye shes kyi bdud rtsi la longs spyod pas de bzhin gshegs pa thams cad kyi bag chags dang bcas pa'i nyon mongs pa'i dri ma 'khrud pas na dbang bskur mchog ste/ dbang bskur bzang po'i dbang bskur mchog go /bdag nyid yin no/ zhes bya ba ni bdag nyid yin pa'i ston to/ /khyed ji lta bu yin zhes na/ rdo rje rin chen bla na med pa'i zhes bya ba gsungs te rdo rje ni stong pa nyid kyi ye shes so/ /de nyid ni sems can thams cad kyi bsam pa thams cad yongs su rdzogs pa'i rgyur gyur pas na rin po che dang 'dra ba'i phyir na rin chen no/ /de nyid bla na med pa ste/ 'di'i gong na dam pa gzhan med pa'i phyir/ ci zhig ngo mtshar che zhe na/ chags med rgyal ba yang/ khams gsum dbang pos dgongs pas na/ zhes bya ba gsungs te/ 'di ni ngo mtshar che'o/ /ji skad du bshad pa'i nyon mongs pa bag chags dang bcas pa spangs pa gang khams gsum par zhen pa mi mnga' zhing chags pa med pa'i rgyal ba ste/ de bzhin gshegs pa sems can thams cad kyi bsam pa thams cad yongs su rdzogs pa'i rgyu rin po che'i rigs su bskyed pa 'di ni khams gsum gyi dbang po'o/ /'di skad ston te de bzhin gshegs pa thams cad gang yin pa de ni bdag yin la/ bdag gang yin pa de ni de bzhin gshegs pa thams cad do/ /des na de rnams dang bdag tha mi dad pa'i tshul gyis dbang bskur bar gyur pas na khams gsum gyi bdag por gyur pa yin mod kyi/ kun rdzob tu de rnams las tha dad par gdul bya rnams kyis mthong ba 'di ni ngo mtshar che'o/ / de rnams kyang sngon gyi 'phen pa'i shugs kyis rnam par mi rtog pa'i sbyor bas bdag po mdzad pas gdul bya rnam par rtog pa dang bcas pas de ltar mthong ba 'di yang ngo mtshar che'o/ /de bzhin gshegs pa thams cad kyi spyan mnga' na zhes bya ba ni/ bcom ldan 'das rin chen 'byung ldan mdun na'o/ /yang bka' nod cing zhugs par gyur to/ zhes bya ba ni rdo rje legs pa'i gzugs kyis ni dgyes pa bskyed pa'i phyir bka' nod pa yin la/ da ltar ni rin po che'i rigs kyis 'khor los bsgyur ba nyid du yin pas na yang gi sgras smos so/ /de nas zhes bya ba la sogs pa la/ bcom ldan 'das kyis lag tu rdo rje nor bu byin no zhes bya bar sbyor ro/ /de bzhin gshegs pa thams cad kyi nor bu rin po che rdo rje zhes bya ba can gyi bcom ldan 'das rnam par snang mdzad kyi phyag na gnas pa'i rdo rje rin po che chen po ste/ de la dmigs pa'i ting nge 'dzin de la de skad ces bya'o/ /de la snyoms par zhugs pa ni rdo rje rin po che sbyin pa'i rnam par thugs rtse gcig tu mdzad pa yin zhes ston to/ / de ji lta bu yin zhe na/ de bzhin gshegs pa thams cad kyi zhes bya ba la sogs pa gsungs te/ de bzhin gshegs pa thams cad kyi rin po che'i rigs kyi tshul gyis sems can gyi don mdzad par bzhed pa'o/ /de yongs su rdzogs par bya ba ni sems can gyi don/ mngon par 'dod pa'i don rdzogs par bya ba'o/ /de'i dam tshig ni rgyu ste/ /de ni de bzhin gshegs pa thams cad kyi dgongs pa yongs su rdzogs pa'i dam tshig ces bya ba'o/ /ci'i phyir rjes su brtsal zhe na/ sems can gyi khams shes bya ba la sogs pa gsungs te/ sems can gyi khams ma lus shing lus pa med pa'i don thams cad yongs su grub par bya ba ni/ 'jig rten dang 'jig rten las 'das pa'i don rnams thob pa'o/ /des na 'di'i bde ba dang/ yid bde ba thams cad myong bar bya ba'i don du byin pa yin no/ /de bzhin gshegs pa thams cad kyi don phun sum tshogs pa ni 'phags pa nam mkha' i snying po'o/ /don phun sum tshogs pa nyid ni dngos grub dam pa'o/ /de'i mngon du byas pa ni thob pa'o/ /thob par bya ba'i phyir de thob par bya ba'i don du'o/ /rdo rje rin po che'i 'khor los sgyur ba nyid du zhes bya ba ma/ rdo rje rin po che ni rin po che'i rigs so/ /de rnams kyi 'khor ni dkyil 'khor sbrul pa dang bri ba dag go /de bskor ba'i ngang tshul gang la yod pa de ni 'khor lo bskor ba'o/ /de'i ngo bo yin pas na rin po che'i 'khor lo bskor ba nyid do/ /de la rdo rje rin po che'i 'khor lo skor ba nyid du ci zhig gis bya zhes na/ rdo rje rin po che'i myu gu'i dbang gis dbang bskur nas zhes bya ba yin te/ rdo rje rin po che'i myu gu ni dum bu bzhi las 'og nas bshad pa'i/ aoM badzra ratna ku ru hUM zhes bya ba/ rin po che'i myu gus dbang bskur ba ni rdo rje rin po che'i myu gu'i dbang bskur te/ des dbang bskur ba'o/ /'dis ni 'di skad ston te/ dum bu bzhi pa las 'khor los sgyur bar sprul pa yang/ 'og min du mngon par byang chub nas mi bskyod pa la sogs pa'i de bzhin gshegs pa bzhis yongs su bskor te babs nas/ de bzhin gshegs pa'i rigs su nam mkha' i snying po la yang de nyid kyis mi bya'o/ /khyad par ni 'di yod de/ 'di ltar 'dir ni sangs rgyas lnga'i rin po che'i dbu rgyan dang/ dar dbyangs kyi dbang bskur la/ nor bu'i rigs kyi 'khor los sgyur bar ni rdo rje rin po che'i myu gus/ rin po che'i dbu rgyan dang dar dpyangs kyis dbang bskur ba'o/ /gang gi phyir 'di'i rgyud phyi ma las/ de bzhin gshegs pa thams cad kyi rigs kyi dbang bskur ba la ni/ rdo rje dbyings kyi dbang phyug ma la sogs pa de bzhin gshegs pa lnga'i phyag rgya de bzhin gshegs pa lnga'i dbu rgyan gyi tshul gyis bya bar bstan la/ nor bu'i rigs kyi dbang bskur bar ni rdo rje rin po che'i myu gus so/ /gang rdo rje dbyings kyi dum bur mi bskyod pa'i rigs gang yin pa de ni/ de bzhin gshegs pa'i rigs yin la/ rin chen 'byung ldan gyis rigs gang yin pa de ni rin po che'i rigs so/ /de bzhin du don yod par grub pa'i rigs gang yin pa de ni las kyi rigs yin no zhes bya ba'i bar du de ltar ni smra bar nus pa yang ma yin te ci'i phyir zhe na/ rdo rje dbyings kyi dum bu thams cad ni de bzhin gshegs pa'i rigs so/ zhes bya ba nas/ don thams cad grub pa'i dum bu thams cad ni nor bu'i rigs so/ /zhes rgyud phyi ma las bshad pa dang/ bshad pa'i rgyud las kyang de bzhin gshegs pa'i rigs kyi dbang du mdzad nas/ rdo rje sems dpa' dang/ rdo rje rin chen dang/ rdo rje chos dang/ rdo rje las rnams sangs rgyas lnga'i dbu rgyan dang dar dpyangs kyis dbang bskur bar bya'o/ zhes gsungs pa yin no/ /rdo rje nor bu de zhes bya ba ni bcom ldan 'das kyi phyag na gnas pa'o/ /lag pa gnyis su byin no zhes bya ba ni lag pa gnyis kar yang ngo/ /'dis ni rin po che'i rigs kyi dkyil 'khor sprul pa'i dang po sbyor ba'i ting nge 'dzin bstan pa yin no/ /gzhung bsdus pas gzhung rgyas pa khong du chud par bya ba'i phyir te/ gzhan du na gzhan yang gleng gzhi dang bcas par brjod dgos par 'gyur ro/ /rdo rje dbyings kyi dkyil 'khor gyi rgyal po mchog bsgom pa pos ni sangs rgyas lnga'i dbu rgyan dang dar dpyangs kyi dbang gis bskur bar bya'o/ /don rdo rje rin po che'i myu gus ni ma yin te/ de ni don gzhan yin pa'i phyir ro/ /de nas zhes bya ba la sogs pa la g.yon pa bsnyems pas bzhugs nas g.yas pa'i khu tshur gyis rdo rje nor bu 'dzin pa dang/ dpral ba'i gnas su 'jog cing ched du brjod pa 'di ched du brjod pa yin te/ rdo rje sems dpa' dang/ rin po che dang/ chos dang/ las ni bsnyems pa'i tshul gyis bzhugs pa yin no/ /zhes bshad pa yin no/ /sangs rgyas kun gyi 'di zhes bya ba ni bcom ldan 'das rnam par snang mdzad las thob pa gang yin pa de'o/ /'di ci zhig yin zhe na/ sems can khams dbang bskur zhes bya ba gsungs te/ de bzhin gshegs pa la sogs pa'i rin po ches sems can gyi khams rnams nam mkha' i snying por byed pa ni dbang bskur ba'o/ /bdag yin te bdag gi lag tu byin bas na zhes bya ba ni rin po che'i phyag rgya gang yin pa ni bdag yin la/ bdag de rin po che'i phyag rgya yin no/ /da ltar yin pa de'i phyir/ rin chen la rin chen bzhag ces bya'o/ /de ltar rdo rje rin chen gyis de bzhin gshegs pa thams cad dbang bskur la dbang bskur bar gyur pas ni nyon mongs pa'i mun pa'i gnas med pas nyi mar gyur pa'i ye shes su 'gyur ba yin pas/ de nas zhes bya ba la sogs pas rdo rje nyi ma'i 'od kyis snang bar byas so zhes ston pa yin no/ /de nas bcom ldan 'das kyis de bzhin gshegs pa thams cad kyi snying po 'di rang gi thugs ka nas byung ngo zhes bya bar sbyar ro/ /de nas zhes bya ba'i sgras ni 'das ma thag pa'o/ /yang zhes bya ba'i sgras ni 'phags pa nam mkha' i snying po la bltos pas so/ /byang chub sems dpa' chen po yang yin la/ gzi brjid chen po yang yin pas byang chub sems dpa' chen po'i gzi brjid chen po'o/ /de nyid ni sems dpa' ste/ rdo rje lta bu'i rdo rje 'dzin pa chen po'o/ /de'i dam tshig ni nye ba'i dkyil 'khor la sogs pa'i gzugs so/ /de 'byung ba ni rin po che lta bu'i sems dpa' i rdo rje gang las de 'byung ba'o/ /de byin gyis brlabs pa ni bstan par bya ba'i phyir/ ting nge 'dzin gang yin pa de la snyoms par zhugs nas nyi ma'i dkyil 'khor la sogs pa sprul cing bskyed pa'i rnam par thugs rtse gcig tu mdzad ces bya ba'i don to/ /de bzhin gshegs pa thams cad kyi 'od zer rnams ni de bzhin gshegs pa thams cad kyi 'od zer te/ nyi ma'i dkyil 'khor la sogs pa'i rang bzhin no/ /de'i dam tshig ni rgyu'o/ /gang la ming de skad ces bya ba'i de bzhin gshegs pa thams cad kyi snying po gang yin pa de rang gi thugs ka nas byung ba ni rang nyid kyis ston par gyur pa ste/ badzra te dza zhes bya ba'o/ /de nas phyag gnyis su gnas so zhes bya bar sbyar ro/ /bcom ldan 'das phyag na rdo rje zhes bya ba ni sems dpa' i rdo rje gzugs so/ /nyi ma'i dkyil 'khor chen po zhes bya ba ni nam mkha' thams cad kyi tshad dang mnyam pa yin pas de'i phyir dkyil 'khor chen po zhes bya'o/ /de nas bsdu ba byas nas de bzhin du de bzhin gshegs pa thams cad kyi byin gyis brlabs kyis bcom ldan 'das rnam par snang mdzad kyi thugs su zhugs te/ nam mkha' thams cad khyab pa rnams rdo rje nyi ma'i dbyibs gcig tu gyur la/ de ltar gyur nas byung ste/ de nyid kyi phyag gnyis su gnas so/ /de nas zhes bya ba la sogs pa la thugs la gnas te ched du brjod do zhes bya bar sbyar ro/ /de bzhin gshegs pa thams cad kyi 'od zer 'gyed pa la sogs pa zhes bya ba ni sems can gyi khams ma lus par rdo rje nyi ma'i ting nge 'dzin bskyed pa ni de bzhin gshegs pa thams cad kyi 'od zer 'gyed pa'o/ /de ltar de la sogs pa'i de bzhin gshegs pa thams cad kyi rdzu 'phrul dang cho 'phrul gang yin pa de ni de bzhin gshegs pa thams cad kyi 'od zer 'gyed pa la sogs pa dang/ de bzhin gshegs pa thams cad kyi rdzu 'phrul dang cho 'phrul rnams te/ de rnams byas nas so/ /sogs pa'i sgras ni sems dpa' la sogs pa'i rnam par 'phrul pa rnams gzung ngo/ /rdo rje sems dpa' i ting nge 'dzin ni shin tu gzi brjid che ba nyid dang zhes bya ba ni 'di la rab tu che ba'i gzi brjid mnga' bas na shin tu gzi brjid che ba ste de'i ngo bo nyid shin tu gzi brjid che ba nyid do/ /shin tu gzi brjid che ba nyid gang yin zhe na/ sems dpa' i ting nge 'dzin ni zhes bya ba smos te/ de bzhin gshegs pa thams cad gcig tu mdzad nas byang chub sems dpa' rdo rje nyi ma'i gzugs kyi rang bzhin du gyur to zhes bya ba'i don te/ rab tu brtan pa'i phyir/ zhes bya ba ni rnam par rtog pa thams cad kyis g.yo bar mi nus pa'i phyir ro/ /gcig tu 'dres pa ni 'dus par gyur pa ste rdo rje'i rang bzhin no/ /e ma'o dpe med gzi brjid ni/ zhes bya ba ni 'di la mtshungs pa yod pa ma yin pas na dpe med gzi brjid do/ /sems can khams kun snang byed bdag ces bya ba ni/ nyon mongs pa'i mun nag thams cad sel bar byed pa'i ye shes kyi nyi ma sems dang sems las byung ba'i mtshan nyid can gyi sems can khams rnams kyi snang ba mdzad pas na kun tu snang byed de/ 'di'i phrin las bstan pa yin no/ /'dir ci zhig ngo mtshar che zhe na gang gi phyir zhes bya ba gsungs te/ gang gi phyir sbyong bar byed pa'i gzi brjid yin zhes bya bar sbyar ro/ /gang gi zhe na/ sangs rgyas dag pa'i zhes bya ba la sogs pa gsungs te/ bag chags dang bcas pa'i nyon mongs pa spangs pas dag par gyur pa'i sangs rgyas bcom ldan 'das de rnams kyi gzi brjid kyang sbyong bar byed pa'i ye shes kyi nyi ma 'bar ba yin pa de 'di ni ngo mtshar che'o/ /'di skad ston pa yin te/ ma dag pa dang tha dad pa'i tshul gyis de bzhin gshegs pa sbyong ba yin no/ /de rnams shin tu dag pa'i yin pa'i phyir bdag dang rang bzhin tha mi dad pa yin pas bdag nyid la byed pa por 'gyur ba ni 'gal ba yin pa'i phyir/ bdag de rnams sbyong bar byed pa ma yin mod kyi 'on kyang gdul bya rnams kyis da ltar mthong ba yin no/ /de nas zhes bya ba la sogs pa la/ byang chub sems dpa' chen po dri ma med pa'i gzi brjid de/ bka' nod cing bzhugs par gyur to zhes par sbyar ro/ /byang chub sems dpa' chen po yang yin la dri ma med pa'i gzi brjid kyang yin pas byang chub sems dpa' chen po dri ma med pa'i gzi brjid do/ /de bzhin gshegs pa thams cad kyi g.yas phyogs su gnas so zhes bya ba ni bcom ldan 'das rin chen 'byung ldan gyi g.yas phyogs su'o/ /yang zhes bya ba ni nam mkha' i snying po la bltos nas yang gi sgras gsungs pa yin no/ / de nas zhes bya ba la sogs pa la/ bcom ldan 'das kyis rdo rje nyi ma'i lag tu byin no zhes bya bar sbyar ro/ /de nas de bzhin gshegs pa thams cad kyi 'od kyi dkyil 'khor ni rdo rje nyi ma'i phyag rgya'o/ /de la dmigs pa'i ting nge 'dzin gang yin pa de bzhin gshegs pa thams cad kyi 'od kyi dkyil 'khor byin gyis brlab pa rdo rje zhes bya ste/ de la snyoms par zhugs pa ni rdo rje nyi ma sbyin pa'i rnam par ting nge 'dzin la snyoms par zhugs so zhes bya ba'i tha tshig go /de ji lta bu yin zhe na/ de bzhin gshegs pa thams cad kyi zhes bya ba la sogs pa gsungs te/ de bzhin gshegs pa thams cad kyi 'od zer rnams ni de bzhin gshegs pa thams cad kyi 'od zer te/ nyi ma'i 'od zer rnams so/ /de rnams kyi dam tshig ni rgyu ste/ rdo rje nyi ma'i dkyil 'khor ro/ /ci'i phyir zhe na sems can gyi khams ma lus shing lus pa med pa rnams kyi gzi brjid mtshungs pa med pa ste/ nyi ma'i dkyil 'khor gyi phyag rgya'i gzugs kyis bde ba dang yid bde pa thams cad myong bar bya ba'i phyir/ 'di la dpe yod pa ma yin pa na mtshungs pa med pa ste/ rgyur gyur pa de zhes bya ba'i tha tshig go /de bzhin gshegs pa thams cad kyi rang gi 'od 'bar ba'o/ /de thob pa ni thob par gyur pa'o/ /de nyid ni dngos grub dam pa ste/ de'i phyir ni de'i don du ste byang chub sems dpa' chen po rdo rje nyi ma grub pa'i phyir zhes bya ba'i tha tshig go /bar gyi zhes bya ba'i sgras ni byang chub tu sems bskyed pa la sogs pa bsdu'o/ /de bzhin du zhes bya ba ni sangs rgyas lnga'i dbu rgyan dang dar dpyangs kyi dbang gis dbang bskur nas so/ /rdo rje 'od ces bya ba ni 'di la mi phyed pa'i 'od mnga' bas na rdo rje'i 'od de/ gang gi phyir nyi ma'i phyag rgya de ni ngo bo yang brtol te snang bar byed pa yin pas des? 'bar bar byed pa'i phyir rdo rje'i 'od do/ /rdo rje nyi ma des/ zhes bya ba ni de bzhin gshegs pa thams cad snang bar byed cing sems rnams/ de bzhin gshegs pa la sogs pa'i rang bzhin du byed pa'o/ /sangs rgyas kun gyi snang ba 'di zhes bya ba ni/ bcom ldan 'das kyis bka' stsal pa gang yin pa de'o/ /'di ji lta bu yin na/ mi shes mun nag 'joms byed pa zhes bya ba gsungs te/ mi shes pa ni ma rig pa'o/ /mi shes pa de nyid ni mun pa mun nag go /de 'joms par byed pa ni 'jig par byed pa'o/ /shin tu rdul phran ji snyed pa zhes bya ba ni 'jig rten gyi khams thams cad kyi rdul phra rab kyi grangs dang mnyam pa'o/ /nyi ma'i 'od pas shin tu lhag ces bya ba ni 'jig rten gyi khams rdul phra rab kyi grangs snyed kyi nyi ma bas lhag pa yod pa'i rdo rje nyi ma'o/ /'di skad ston pa yin te/ rdo rje chos kyi dbyings stong pa nyid kyi rang bzhin gyi de bzhin gshegs pa thams cad kyi sku de las byung ba'i rdo rje nyi ma mdza' yas pa yin pas na/ shin tu rdul phran ji snyed pa'i/ / nyi ma'i 'od pas shin tu lhag ces bya'o/ /de ltar rdo rje nyi ma'i 'od kyis de bzhin gshegs pa thams cad snang bar byas nas/ sgrib pa thams cad dang bral ba'i byams pa'i bdag nyid can du gyur pa yin pas/ de nas zhes bya ba la sogs pas byams pa'i sbyin pa'i tshul gsungs pa yin no/ /bcom ldan 'das kyis de bzhin gshegs pa thams cad kyi snying po 'di rang gi thugs ka nas phyung ngo zhes bya bar sbyar ro/ /yang zhes bya ba ni rdo rje nyi ma las bltos pa'o/ /byang chub sems dpa' chen po rin po che'i dpal zhes bya ba ni rin po che rtog kun gyi rin po che yang dag par bsgreng zhing thams cad kyis bsam pa yongs su rdzogs par byed pa nyid kyis na thams cad las mchog tu gyur pa'i rin po che bsgreng ba'i bcom ldan 'das ni/ byang chub sems dpa' rin chen dpal te de nyid ni sems dpa' i rdo rje'o/ /de'i dam tshig ni rgyal mtshan la sogs pa'i gzugs so/ /de 'byung ba ni sems dpa' i rdo rje'i gzugs kyi rin po che gang las so/ /de byin gyis brlab pa'i phyir rdo rje ltar mi byed pa'i ting nge 'dzin gang la ming de skad ces bya ba de la snyoms par zhugs pa ni rgyal mtshan la sogs pa sprul cing bskyed pa'i rnam par thugs rtse gcig tu mdzad do zhes bya ba'i don to/ /de bzhin gshegs pa thams cad kyi dgongs pa ni byams pa'i byin pas sems can gyi khams mgu bar bya bar mngon par bzhed pa'o/ /de yongs su rdzogs par byed pa ni phyogs bcur mi dmigs pa'i byams pa'i mthus sems can rnams kyi phan pa dang bde bas bsdus pa grub par yongs su dga' ba'i byang chub sems dpa' i rdo rje dpal gyi rang bzhin no/ /de'i dam tshig ni rgyu ste ming de skad ces bya ba'i de bzhin gshegs pa thams cad kyi snying po gang yin pa'i snying po 'di rang gi thugs ka nas phyung bar gyur pa ni/ badzra ke tu zhes bya ba'o/ /bcom ldan 'das zhes bya ba la sogs pa la bcom ldan 'das rdo rje 'dzin pa sems dpa' i rdo rje'i gzugs kyis phyag gnyis su gnas so zhes bya bar sbyar ro/ /rgyal mtshan zhes bya ba la sogs pa la kha dog sna tshogs pa ni dkar po la sogs pa'o/ /de nyid na gzugs te rang bzhin no/ /rgyan ni dar dang mu tig chun 'phyang la sogs pa'i rgyan no/ /dbyibs sna tshogs pa ni ring po la sogs pa rnam pa brgyad do/ /de thams cad gang la yod pa de ni kha dog gzugs dang rgyan dang dbyibs sna tshogs pa ste/ de lta bu rgyal mtshan du gyur te byung zhing 'thong nas rnam par snang mdzad kyi thugs su zhugs te gcig tu 'dres par gyur nas rdo rje rgyal mtshan gyi dbyibs su gyur te/ bcom ldan 'das rnam par snang mdzad kyi phyag gnyis su gnas so/ /de nas zhes bya ba la sogs pa la byang chub sems dpa' chen po rin po che dpal gyi skur gyur nas/ thugs la gnas nas ched du brjod pa 'di ched du brjod do zhes bya bar sbyar ro/ /de bzhin gshegs pa thams cad kyi rin po che'i rgyal mtshan zhes bya ba la sogs pa la de bzhin gshegs pa thams cad kyi rin po che'i rgyal mtshan mngon par bsgreng ba ni byang chub sems dpa' chen po rdo rje dpal gyi rang bzhin rdzogs par byed pa la de bzhin gshegs pa thams cad kyi rin po che'i dpal bsgreng ba zhes bya'o/ /de la s ogs pa sangs rgyas thams cad kyi sgyu 'phrul dang cho 'phrul gang dag yin pa de ni de bzhin gshegs pa thams cad kyi rin po che'i rgyal mtshan bsgreng ba la sogs pa sangs rgyas thams cad kyi rdzu 'phrul dang cho 'phrul rnams te de byas nas so/ /sogs pa'i sgras ni sa dang pha rol tu phyin pa la sogs pa gzhan rnams kyang bsdu ste/ de bzhin du thams cad la yang shes par bya'o/ /rdo rje sems dpa' i ting nge 'dzin ni rin po che dpal nyid dang zhes bya ba ni byang chub sems dpa' rin po che'i dpal gyi ting nge 'dzin de la dmigs pa nyid kyis na rin po che chen po'i dpal gyi ting nge 'dzin te/ /de'i ngo bo nyid yin pas na rin po che chen po'i dpal nyid do/ /de nyid kyis na rdo rje sems dpa' i ting nge 'dzin ni zhes bya ba ste/ 'jig rten gyi khams kyi rdul phra rab dang mnyam pa'i de bzhin gshegs pa thams cad rnams gcig tu mdzad nas/ byang chub sems dpa' chen po rdo rje dpal gyi skur bskyed pa gang yin pa 'di ni/ 'dir rdo rje sems dpa' i ting nge 'dzin ni rin po che chen po'i dpal te/ 'dis ni gcig tu byas pa gsungs pa yin to/ /shin tu phyir zhes bya ba 'dis kyang rnam par rtog pa med pas mi phyed pa nyid dang/ 'dres shing gcig tu gyur pa'i rgyud gsungs pa yin no/ /e ma'o 'dra med dpal ni bdag min no/ zhes bya ba la/ 'dra ba med pa ni gnyis pa med pa'o/ /sangs rgyas thams cad kyi ngo bor gyur pa'i yid bzhin gyi nor bu'i rgyal mtshan gyis nye bar mtshon pa'i phyir dpal lo/ /bdag yin no zhes bya ba ni bdag nyid yin par ston to/ / khyod su zhig gi yin zhe na/ don kun grub pa ste zhes bya bar gsungs te/ don thams cad grub pa gang yin pa de ni don kun grub pa ste/ de rnams kyi 'dra ba med pa'i dpal bdag yin no/ /'di la ngo mtshar ci zhig yod ce na/ gang gi phyir dgongs pa thams cad yongs rdzogs shing/ don rnams thams cad rdzogs par byed pa zhes bya ba smos te/ 'di ni ngo mtshar che'o/ /'di skad ston pa yin te/ bdag gi rang bzhin du grub pa ni de bzhin gshegs pa thams cad kyi dgongs pa thams cad yongs su rdzogs par byed pa yin te/ de rnams bdag dang tha mi dad kyang byang chub sems dpa' chen po rin chen dpal gyi ting nge 'dzin grub pa'i rang bzhin ni don thams cad yongs su rdzogs par byed pa yin no/ /zhes gdul bya rnams kyis mthor ba 'di ni ngo mtshar che'o/ /de bzhin gshegs pa thams cad kyi zhes bya ba ni bcom ldan 'das rin chen 'byung ldan gyi'o/ /g.yon phyogs su zla ba'i dkyil 'khor la gnas pa ni g.yon logs kyi zla ba'i dkyil 'khor la bzhugs pa'o/ /yang bka' nod cir bzhugs par gyur to/ /zhes bya ba ni rdo rje gzi brjid kyi gzugs kyis de bzhin gshegs pa thams cad las rdo rje'i ma'i 'od kyis snang bar bya ba'i phyir/ rjes su snang ba nod pa yin la/ da ltar na byams pa'i bdag nyid can gyi sbyin pa'i pha rol tu phyin pa la nges par sbyor ba yin no/ /zhes bya ba ni yang gi sgra'i don yin no/ /de nas zhes bya ba la sogs pa la/ bcom ldan 'das kyi rdo rje rgyal mtshan te/ de'i lag pa gnyis su byin no zhes bya bar sbyar ro/ /de bzhin gshegs pa thams cad kyi rgyal mtshan bsgreng ba ni yid bzhin gyi nor bu'i rgyal mtshan no/ /de byin gyis brlabs pa la dmigs pa gang yin pa de ni de bzhin gshegs pa thams cad kyi rin po che'i byin gyis brlabs rdo rje zhes bya ba ste/ de la snyoms par zhugs pa ni yid bzhin nor bu'i rgyal mtshan sbyin pa'i rnam par thugs rtse gcig tu mdzad ces bya ba'i tha tshig go /de bzhin gshegs pa zhes bya ba la sogs pa la/ de bzhin gshegs pa thams cad kyi nor bu yid bzhin gyi rgyal po zhes bya la/ nor bu ni yid bzhin gyi nor bu'o/ /des nye bar mtshon pa'i byang chub gang yin pa de la yang de skad ces bya ste/ de bsgreng ba ni byang chub sems dpa' i nor bu yid bzhin gyi nor bu'i rgyal po'i rgyal mtshan bskyed pa'o/ /de'i dam tshig ni rgyu'o/ /ci'i phyir zhe na/ sems can gyi khams zhes bya ba la sogs pa gsungs te/ sems can gyi khams kyi re ba thams cad yongs su bskang ba ni 'jig rten dang 'jig rten las 'das pa'i don rnams thob pa'o/ /des bde ba dang yid bde ba thams cad myong bar bya ba nas/ zhes bya ba ni snga ma bzhin no/ /de bzhin gshegs pa thams cad kyi don chen po dang dngos grub dam pa thob pa ni/ byang chub sems dpa' chen po rin chen dpal du grub pa'o/ /de bzhin du zhes bya ba ni sangs rgyas thams cad kyi dbu rgyan dang dpyangs kyi dbang gis dbang bskur nas so/ /rdo rje rgyal mtshan zhes bya ba ni rdo rje dpal dang bcas ba'i rgyal mtshan 'dzin pas nye bar mtshan pa'i phyir rdo rje rgyal mtshan zhes gsungs so/ /sbyin pa'i pha rol tu phyin pa la sbyor du bcug nas zhes bya ba'i bar gyi ting nge 'dzin gyis rang gi rnam par thar pa la nges par sbyar bas/ de bzhin gshegs pa la sogs pa dang/ de bzhin gshegs pa dang sems can gyi khams rnams rang gi rang bzhin la sbyor bar byed ces bya ba'i don to/ /mgu bar gyur nas ched du brjod pa 'di gsungs pa yin te/ sangs rgyas kun gyi 'di zhes bya ba ni lag na gnas pa'i yid bzhin gyi nor bu'i rgyal mtshan gsungs pa yin no/ /las ci zhig byed pa yin zhe na dgongs pa kun yongs su rdzogs par byed pa yin zhes bya ba gsungs te/ rin chen dpal bskyed par bya'o/ /yang bzhin gyi nor bu'i rgyal mtshan zhes bya ba ni byams pa'i sbyin pa'i rang bzhin gyi sbyin pa'i pha rol tu phyin pa thos pa dang/ bsam pa dang bsgom pa'i rang bzhin thob par byed pa ni yid bzhin gyi nor bu'i rgyal mtshan no/ /de nyid kyis na sbyin pa'i pha rol tu phyin pa'i tshul zhes gsungs pa yin no/ /de ltar rdo rje dpal gyis de bzhin gshegs pa thams cad sbyin pa'i pha rol tu phyin pa la sbyar nas/ rdo rje bzhad pa chos smra ba'i tshul gyis ji ltar de rnams 'dzum par 'gyur ba la rab tu bzhag pa de ltar bstan pa ni/ de nas zhes bya ba la sogs pa yin te/ de nas bcom ldan 'das kyis snying po 'di rang gi thugs ka nas phyung ngo zhes bya bar sbyar ro/ /yang zhes bya ba ni rdo rje dpal la bltos pas so/ /rtag par dga' zhir mgu pa'i dbang po zhes bya ba ni dad pa la sogs pa'i dbang po rnams kyis rtag par dga' zhing mgu ba gang yin pa ste/ de ni byang chub sems dpa' chen po yang yin pa rtag par dga' zhing mgu ba'i dbang po yang yin pas byang chub sems dpa' chen po rtag par dga' zhing mgu ba'i dbang po'o/ /de nyid ni rdo rje sems dpa' i rang bzhin gyi rdo rje 'dzin pa chen po'o/ /de nyid ni dam tshig ste 'dum par gyur pa zhes bya ba'o/ /de las byung ba ni rin po che lta bu'i sems dpa' rdo rje gar las gyur pa'o/ /de byin gyis brlab pa ni bstan par bya ba'i phyir ting nge 'dzin gang la ming de skad ces bya ba de la snyoms par zhugs nas 'dzum par gyur pa la sogs pa sprul pa bskyed par byed pa'i rnam par thugs rtse gcig tu mdzad pa'o/ /'di zhes bya ba ni snying po thugs la gnas pa gsungs pa'o/ /de bzhin gshegs pa thams cad kyi dgyes pa ni rdo rje bzhad pa'o/ /de bskyed pa'i rgyun ni dgyes pa'i dam tshig go /ming de skad ces bya ba'i ting nge 'dzin pa thams cad kyi snying po gang yin pa de'i rang gi thugs ka nas phyung bar gyur pa ni/ badzra hU sa zhes bya ba'o/ /de nas zhes bya ba la sogs pa la/ bcom ldan 'das rdo rje 'dzin pa de nyid rdo rje 'dzum pa'i dbyibs su gyur te phyag gnyis su gnas so/ zhes bya bar sbyar ro/ /bcom ldan 'das rdo rje 'dzin pa de nyid ces bya ba ni sems dpa' rdo rje'i tshul lo/ /de bzhin gshegs pa thams dad kyi 'dzum par gyur te/ zhes bya ba ni rdo rje gnyis kyi bar du chud pa'i so'i phreng ba ni 'dzum pa'i phyag rgya'i mtshan nyid do/ /de lta bu'i gzugs su gyur te byung nas bcom ldan 'das rnam par snang mdzad kyi thugs su zhugs te gcig tu 'dres par gyur nas/ rdo rje 'dzum pa'i dbyibs nam mkha' thams cad khyab par yang dag par gyur nas bsdu ba mdzad de thugs las byung nas de nyid kyi na phyag gnyis su gnas so/ /de nas zhes bya ba la sogs pa la/ de bzhin gshegs pa'i sku ni byang chub sems dpa' chen po'i lus su gyur pa ste/ bcom ldan 'das kyi thugs la gnas te ched du brjod pa ni ched du brjod do zhes bya bar sbyar ro/ /de bzhin gshegs pa thams cad kyi rmad du byung ba zhes bya bar la sogs pa la/ de bzhin gshegs pa thams cad kyi rmad du byung ba yin pas na de bzhin gshegs pa thams cad kyi rmad du byung ba ste/ 'dzum pa zhes bya ba cung zad bzhad pa'i tshul lo/ /'dzum pa ni rnam par rtog pa las byung ba yin la/ rnam par rtog pa de yang sangs rgyas la mi mnga' ba las/ de med par de mi 'byung ba 'di ni rmad du byung ba yin te/ gdul bya rnams la rdo rje bzhad pa'i ting nge 'dzin bskyed pa la sogs pa sangs rgyas thams cad kyi rnam par 'phrul pa mdzad do zhes bya ba'i don to/ /sogs pa'i sgras ni gzhan dag kyang bsdu'o/ /rdo rje sems dpa' i ting nge 'dzin ni rtag tu dga' z hing rab tu mgu ba'i dbang po yin pa nyid dang zhes bya ba ni 'jig rten gyi khams thams cad rdul phra rab dang mnyam pa'i de bzhin gshegs pa rnams gcig tu mdzad nas rdo rje bzhad pa'i sku gcig pur bskyed pa gang yin pa de ni rtag tu dga' zhing rab tu mgu ba'i dbang po'o/ /de'i ngo bo nyid yin pas na der de la rtag tu dga' zhing rab tu mgu ba'i dbang po nyid dang zhes bya ba'o/ /su'i yin zhe na/ rdo rje sems dpa' i ting nge 'dzin ces bya ba gsungs te/ de ni byang chub sems dpa' chen po rtag tu dga' zhing rab tu mgu ba'i dbang po bskyed pa'i rnam par thugs rtse gcig tu mdzad pa yin pas na zhes bya ba'i tha tshig go / bdag ni zhes bya ba ni bdag nyid yin par ston to /khyed su'i yin zhe na/ kun mchog gi zhes bya ba gsungs te/ sangs rgyas rnams kyi'o/ /bzhad pa yang yin la chen po yang yin pas na bzhad chen te/ nam mkha' thams cad khyab pa'o/ /rmad du 'byung ba chen po yin zhes bya ba ni gzhan rnams la sngon ma byung ba yin pas na rmad du 'byung chen po'i 'dir ci zhig ngo mtshar che na/ gang phyir rtag tu mnyam gzhag rnams/ sangs rgyas don la rab tu sbyor/ zhes bya ba gsungs te gang gi phyir phyi ma'i mdza' i bar du rnam par mi rtog pa'i ting nge 'dzin la zhugs pa de rnams kyang/ sangs rgyas kyi sems can don bya ba'i bzhad pa mdzad par ston pa la rab tu sbyor zhing 'dzum pa nye bar ston par mdzad pa 'di ni ngo mtshar che'o/ /'di skad ston te/ sngon gyi 'phen pa'i shugs kyis gdul bya rnams kyis rnam par rtog pa'i dbang gis sangs rgyas rnams 'dzum pa mdzad do/ /zhes de ltar mthong ba 'di ni ngo mtshar che'o/ /de bzhin gshegs pa thams cad kyi rgyab kyi zla ba'i dkyil 'khor la gnas zhes bya ba ni/ bcom ldan 'das rin chen 'byung ldan gyi rgyab tu'o/ /de nas zhes bya ba la sogs pa la/ bcom ldan 'das kyis de'i lag pa gnyis su rdo rje 'dzum pa de byin no zhes bya bar sbyar ro/ /de bzhin gshegs pa thams cad kyi rmad du byung ba ni 'dzum pa'i phyag rgya'o/ /de byin gyis brlab pa la dmigs pa'i ting nge 'dzin rdo rje ltar mi phyed pa gang yin pa de ni de bzhin gshegs pa thams cad kyi rmad du byung ba'i byin gyis brlabs kyis rdo rje zhes bya ba'i ting nge 'dzin te/ de la snyoms par zhugs pa ni 'dzum pa'i phyag rgya sbyin pa'i rnam par thugs rtse gcig tu mdzad do/ /ji lta bu zhig de'i lag pa gnyis su byin zhe na/ de bzhin gshegs pa thams cad kyi rmad du 'byung ba'i bskyed pa'i dam tshig dang zhes bya ba gsungs te/ de bzhin gshegs pa thams cad kyi bzhad pa bskyed pa'i rgyur gyur pa'o/ /ci'i phyir brtsal ce na/ sems can gyi khams zhes bya ba la sogs pa gsungs te/ sems can gyi khams thams cad dad pa la sogs pa dang/ mig la sogs ba'i dbang po thams cad kyi bde ba dang yid bde ba bla na med pa thams cad myong bar bya ba'i phyir/ de bzhin gshegs pa thams cad kyi dbang po yongs su sbyong ba'i ye shes ni rdo rje bzhed pa'i ye shes so/ /mngon par shes pa yang de nyid kyi ste/ de dag thob pa nyid ni 'bras bu'o/ /de dag gi phyir zhes bya ba ni rdo rje bzhad pa grub pa'i rgyur zhes bya ba'i don to/ /bar du zhes bya ba'i sgra ni snga ma dang 'dra 'o/ /de bzhin du zhes bya ba'i sangs rgyas lnga'i rin po che'i dbu rgyan dang dar dpyangs kyi dbang gis dbang bskur nas/ rdo rje dga' ba zhes bya ba sngon gyi 'phen shugs kyi mthus rnam par rtog pa mi mnga' ba nyid kyi rdo rje ltar mi phyed pa'i dga' ba mnga' bas na rdo rje dga' ba'o/ /de bzhin gshegs pa thams cad kyi dgyes par byed cing zhes bya ba ni/ de bzhin gshegs pa la sogs pa dang sems can rnams rang gi rang bzhin thugs su chud cing rtogs pas dgyes par gyur pa'o/ /'di zhes bya ba ni thugs la gnas pa gsungs shing ched du brjod pa'o/ /rmad du 'byung skyed ston pa po zhes bya ba ni rdo rje bzhad pa bskyed par byed pa'o/ /rgyu 'di nyid kyis na dgyes chen byed pa'i ye shes so/ /bcom ldan 'das kyi ye shes 'di nyid thun mong ma yin par bstan par bya ba'i phyir/ gtsug lag gzhan gyis shes mi nus zhes bya ba gsungs te/ mu stegs pa gzhan gyis bstan cing rang gi sgo ba la sbyor ba ni gzhan gyi gtsug lag ste/ dbang phyug la sogs pa gzhan gyi gtsug lag de dag gis shes par mi nus so/ /de ltar rdo rje bzhad pas de bzhin gshegs pa thams cad 'dzum pa rmad du byung ba la bzhag rpa yin no/ /dbang bskur ba chen po dang zhes bya ba la sogs pas ni/ sdom gsungs pa yin te/ dbang bskur ba yang yin la chen po yang yin pas na dbang bskur ba chen po ste/ 'phags pa nam mkha' i snying po'o/ /'od kyi dkyil 'khor 'dom gang pa ni rdo rje nyi ma'i'o/ /byang chub sems dpa' chen po don ni rin chen dpal lo/ /bzhad pa chen po ni rdo rje bzhad pa'o/ /'di'i gzhi ni de bzhin gshegs pa thams cad kyi dbang bskur ba'i sems dpa' chen po'o zhes bya ba ni gzung ba dang/ 'dzin pa po'i don la 'dzin pa dang sems can rnams 'jig pa bskyed par byed pa dang/ sems can la rnam par sdang ba dang/ chos yongs su spong ba'i 'dzin pa po'i dri ma don dang/ mi 'jigs pa dang byams pa dang/ chos kyi sbyin pa'i rang bzhin gyi 'khrud par byed pas na 'di dag ni/ de bzhin gshegs pa thams cad kyi dbang bskur ba chen po'i sems dpa' o/ / de yang sngon chad sbyin pa'i spyod grub gang/ /rdo rje rin chen du bshad de/ /sems can kun la mi 'jigs sbyin/ /rdo rje gzi brjid du de bshad/ /'byung po kun la byams pa yi/ /rdo rje dpal te rgyal mtshan che/ /chos kyi sbyin pa bzhad pa che/ /bzhi po dbang bskur yin par bshad/ /ces gsungs pa yin no/ /'dir sbyin pa'i pha rol tu phyin pa ni rin chen 'byung ldan gyi thugs so/ /de yang ldog pa'i dbyibs rnam par gzhir bzhag ste/ sbyin par bya ba dang/ sbyin pa po dang/ /len pa po mi dmigs pa'i spyi nyid ni rin chen 'byung ldan gyi thugs so/ /de ltar na gang gi phyir gzung bar bya ba dang/ 'dzin pa po'i don la mngon par zhen pa spangs pa 'dis byed pas/ de'i phyir nor bu sbyin pa'i rang bzhin ni rdo rje rin chen gyi thugs so/ /des kyang gzung ba dang/ 'dzin pa po'i rnam par rtog pa'i 'jigs pa med pa ni mi 'jigs pa ste/ sems dang sems las byung ba dul ba zhes bya ba'i mi 'jigs pa sbyin pa ni rdo rje gzi brjid kyi rang bzhin no/ /des kyang sgrib pa'i mun pa thams cad dang bral bas mi dmigs pa'i byams pa grub pa yin la/ de'i phyir byams pa sbyin pa'i rang bzhin ni rdo rje dpal gyi thugs so/ /mi dmigs pa'i byams pa'i mthu dang sngon gyi 'phen pa'i shugs kyis stobs kyis ji ltar mngon par rtogs pa'i chos kyi sbyin pas sems can rnams mgu bar byed pa'i chos kyi sbyin pa'i rang bzhin na rdo rje bzhad pa'i thugs so/ /de yang sgrol dang grol dang dbugs 'byin pa/ /mya ngan 'das la 'jog pa na/ /rdo rje rin chen la sogs sems/ /zhes gsungs pa yin te/ sgrol ba ni ji skad du bshad pa'i don 'dzin pa ste rdo rje rin chen gyis so/ /grol ba ni ji skad du bshad pa'i mi 'jigs pas te nyi mas so/ /dbugs 'byin pa ni zhes sdang med pa ste rdo rje dpal gyis so// mi gnas pa'i mya ngan las 'das pa'i don ni rdo rje bzhad pa'i rang bzhin gyis chos kyi sbyin pa'i thugs kyis so/ /de ltar rdo rje bzhad pa'i tshul gyis sems rab tu dga' ba thob pas chos thams cad rang bzhin gyis rnam par dag pa'i ting nge 'dzin thob par bya ba yin pas/ de nas zhes bya ba la sogs pas rdo rje chos kyis de bzhin gshegs pa thams cad ting nge 'dzin la nges par sbyor ro/ /zhes ston pa yin no/ /de nas zhes bya ba la sogs pa la/ bcom ldan 'das kyi snying po 'di rang gi thugs ka nas phyung ngo zhes bya bar sbyar ro/ /yang zhes bya ba'i sgra ni rdo rje bzhad pa bltos pa'o/ /kun tu lta ba ni kun tu spyan ras gzigs pa ste/ chos thams cad rang bzhin gyis rnam par dag pa'o/ /zhes so sor rtogs pa dang/ sems can bskyab pa la gzigs pa'o/ /de'i dbang phyug ste gtso bo yin pas na kun tu spyan ras gzigs kyi dbang po'o/ /byang chub sems dpa' chen po yang yin la kun tu spyan ras gzigs kyi dbang po yang yin pas na/ byang chub sems dpa' chen po kun tu spyan ras gzigs kyi dbang po ste/ ji skad du bshad pa'i sems dpa' i rdo rje'o/ /de'i dam tshig ni dam pa'i chos kyi 'od zer la sogs pa'o/ /de 'byung ba ni sems dpa' i rdo rje'i tshul gyis chos las byung ba ste/ /de byin gyis brlabs pa'i phyir ting nge 'dzin gang yin pa de la snyoms par zhugs te/ dam pa'i chos kyi 'od zer bskyed pa'i rnam par thugs rtse gcig tu mdzad ces bya ba'i tha tshig go /de bzhin gshegs pa thams cad kyi chos ni 'phags pa spyan ras gzigs dbang phyug tu rnam par 'phrul ba'o/ /de'i dam tshig ni bskyed pa'i rgyu'o/ /ming de skad ces bya ba'i de bzhin gshegs pa thams cad snying po rang gi thugs ka nas phyung ba ni badzra d+harmmA zhes bya ba'o/ /de nas zhes bya ba la sogs pa la bcom ldan 'das de nyid pad+ma chen po'i dbyibs su gyur te phyag gnyis su gnas so zhes bya bar sbyar ro/ /bcom ldan 'das rdo rje 'dzin pa de nyid do/ /zhes bya ba ni/ sems dpa' i rdo rje rang bzhin gyis dag pa'i chos mnyam pa nyid kyi ye shes rab tu rtogs pa'i phyir sems dpa' rdo rje'i ting nge 'dzin ces bya ste/ de ni rang bzhin gyis dag pa yin la chos kyang yin pas na rang bzhin gyis dag pa'i chos te dam pa'i chos kyi 'od zer lta bu'i 'jig rten dbang phyug gi rnam par 'phrul pa'i tshul lo/ /de rnams kyi mnyam pa nyid ni don dam par dngos po med pa'i ngo bo nyid kyis stong pa nyid ces bya ba'i tha tshig go / de'i ye shes ni dus pa'o/ /de dag gi rab tu rtogs par gyur pa de ni rab tu rtogs par gyur pa nyid kyi phyir te/ rab tu rtogs par de nyid kyi phyir rdo rje sems dpa' i ting nge 'dzin las dam pa'i chos kyi 'od zer byung la/ de dag gis 'jig rten gyi khams thams cad kun tu snang bar byas shing gang las de'i rang bzhin du gyur pa de la de skad ces bya'o/ /nam mkha' thams cad khyab pa'i pad+ma lta bu'i dam pa'i chos kyi 'od zer chos kyi 'od zer bsdus nas pad+ma'i gzugs gcig lta bur gang gis mdzad pa de lta bur ni 'dir rdo rje sems dpa' i ting nge 'dzin ces bshad la/ pad+ma lta bur 'od zer rnams ni 'dir dam pa'i chos kyi 'od zer gyi sgrar bshad de/ pad+ma'i dbang du byas nas chos la chos ni gnas par 'gyur bya zhes pa yang/ 'dir chos kyi sgras ni pad+ma'i phyag rgya la bya bar bshad pa'i phyir ro/ /chos kyi dbyings kyi rang bzhin du gyur to/ zhes bya ba ni chos ni pad+ma'i dbyings zhes bya ba rgyu yin pas na chos kyi dbyings te pad+ma lta bu'i 'od zer ro/ /de'i rang bzhin ni de'i ngo bo nyid gyur pa ni grub pa'o/ /chos kyi dbyings de thams cad zhes bya ba ni pad+ma lta bu'i 'od zer gyi tshogs so/ /de nas rdo rje pad+ma zhes bya ba la sogs pa la/ byang chub sems dpa' chen po'i skus thugs la gnas nas ched du brjod pa 'dis ched du brjod do/ /zhes bya bar sbyar ro/ /de bzhin gshegs pa thams cad kyi ting nge 'dzin dang mngon par shes pa la sogs dang/ sangs rgyas thams cad kyi rdzu 'phrul dang/ cho 'phrul rnams byas nas zhes bya ba ni/ /gdul bya rnams la 'jig rten dbang phyug gi ye shes la sogs pa bskyed nas/ de thams cad sangs rgyas kyi sku gcig tu bsdus par gyur nas 'phags pa spyan ras gzigs dbang phyug gi skur gcig tu gyur to/ /ci'i phyir zhe na/ rdo rje sems dpa' i ting nge 'dzin ni kun tu spyan ras gzigs kyi dbang po yin pa nyid dang zhes bya ba gsungs te/ shin tu gzigs pa gang yin pa de la de skad ces bya'o/ /byang chub sems dpa' chen po yang yin la/ kun tu spyan ras gzigs kyi dbang po yang yin pas de bskyed pa nyid kyis na ba'i dbang phyug yin pa'i phyir/ shin tu kun tu spyan ras gzigs kyi dbang po yin pa'o/ /de'i ngo bo nyid ni shin tu spyan ras gzigs kyi dbang po yin pa nyid do/ /de bas na rdo rje sems dpa' i ting nge 'dzin ni shin tu kun tu spyan ras gzigs kyi dbang po de nyid dang zhes bya'o/ /e ma'o zhes bya ba la sogs pa la/ /dam pa yang yin la don yang yin pas na dam pa'i don de/ /zag pa med pa'i chos bdag med pa'i ting nge 'dzin to/ /de nyid ni rnam pa thams cad du gzung ba dang 'dzin pa'i rnam par rtog pa dang bral ba'i phyir gdod nas dag pa'o/ /su'i yin? zhen dang byung ste sangs rgyas rnams kyi'o/ /ci zhig ngo mtshar che zhe na/ gang phyir gzings 'dra'i chos rnams las/ rnam par dag pa dmigs par gyur zhes bya ba gsungs te/ gzings ni chu bo las brgal bar bya ba'i phyir sgrol bar thabs su byed de/ de las brgal nas ni de dor bar byed do/ /de bzhin du chos thams cad rang bzhin kyis rnam par dag par ston par byed pa'i thos pa dang/ bsam pa dang/ sgom pa'i mtshan nyid can gyi chos rnams ni gzung ba dang/ 'dzin pa'i rnam par rtog pa las rgal ba'i phyir gzings dang 'dra ba yin te/ log pa de rnam par dag nas/ thos pa dang/ bsam pa dang/ bsgom pa dang/ bral ba'i tshul gyis de dmigs par byed pa gang yin pa de ni gzings dang 'dra ba yin pas na gzings dang 'dra ba yang yin la chos kyang yin pas na gzings 'dra'i chos rnams so/ / de'i rnam par dag pa ni ji skad du bshad pa'i thos pa dang/ bsam pa dang/ sgom pa'i mtshan nyid can gyi chos de rnams kyang yang dag pa ma yin pa'i yongs su rtogs pa'i ngo bo nyid yin pa'i phyir don dam par skye ba med pa nyid yin na/ de rnams las rnam par dag par dmigs par ji ltar 'gyur ce na/ 'di skad ston pa yin te/ phyag dang zhabs la sogs pa dang ldan pa'i 'jig rten dbang phyug ni bdag yin no zhes/ thos pa dang/ bsam pa dang/ sgom pa'i rang bzhin ni zag pa med pa'i ting nge 'dzin thob bar byed pa'i phyir sgrol bar byed pa'i thabs lta bu yin la/ /rtag pa'i ngo bo gang yin pa bdag yin no zhes bya ba de ni/ don dam par skye ba med pa la bdag gi thos pa la sogs pa de ji ltar yod par 'gyur te/ chos med na chos can med pa'i phyir ro/ /de bas na bdag gi thos pa la sogs pa ni yod pa ma yin pa dang/ gdul bya rnams kyis rnam par dag pa mthong ba 'di ni ngo mtshar che'o/ /de bzhin gshegs pa thams cad kyi spyan snga na zhes bya ba ni/ bcom ldan 'das 'od dpag tu med pa'i mdun na'o/ /yang bka' nod cing zhes bya ba ni rdo rje bzhad pa la bltos na yang gi sgra smos so/ /de nas bcom ldan 'das zhes bya ba la sogs pa la/ bcom ldan 'das kyis de'i lag tu rdo rje pad+ma de byin na zhes bya bar sbyar ro/ /de bzhin gshegs pa thams cad kyi ting nge 'dzin ni ye shes te/ de'i dam tshig ni rgyu'o/ /de la dmigs pa ni rdo rje ltar mi phyed pa'i rnal 'byor ming 'di nyid ces bya ba'i ting nge 'dzin de la snyoms par zhugs pa ste/ pad+ma'i phyag rgya sbyin pa'i rnam par thugs rtse gcig tu mdzad ces bya ba'i tha tshig go /tshul ji lta bu yin zhe na/ de bzhin gshegs pa thams cad rnam par byang ba'i dam tshig ces bya ba gsungs te/ de bzhin gshegs pa thams cad rnam par byas ba ni 'jig rten dbang phyug gi ting 'dzin bskyed pa ste/ de'i don gyi dam tshig ni bskyed par byed pa'i rgyu'o/ /ci'i phyir zhe na/ sems can gyi khams zhes bya ba la sogs pa gsungs pas ston to/ /sems can gyi khams thams cad kyi bdag nyid yongs su dag pa ni gzung ba dang 'dzin pa'i don dang bral ba'i gnyis su med pa'i ye shes rtogs pa ste/ des bde ba dang yid bde ba thams cad myong bar bya ba'i phyir ro/ /de bzhin gshegs pa thams cad kyi chos kyi ye shes dang/ mngon par shes pa drug thob pa ni 'jig rten dbang phyug thob pa'o/ /bar du zhes bya ba'i sgras ni rdo rje sems dpa' la sogs pa bsdu'o/ /dam pa'i chos kyi 'khor lo bskor ba nyid dang zhes bya ba la/ dam pa ni sangs rgyas dang byang chub sems dpa' rnams kyi chos yin pas dam pa'i chos te/ 'gro ba 'dul ba'i dum bu las bshad pa'i pad+ma'i rigs so/ /de'i 'khor lo ni dkyil 'khor te sprul pa dang bri ba dag gis bskor ba'i ngang tshul gang yin pa de ni dam pa'i chos kyi 'khor lo bskor ba'o / de'i ngo bo nyid ni dam pa'i chos kyi 'khor lo bskor ba nyid do/ /ci zhig mdzad nas she na de bzhin gshegs pa thams cad kyi chos kyi sku'i dbang gis dbang bskur nas zhes bya ba ste/ de bzhin gshegs pa thams cad kyi chos kyi sku ni bcom ldan 'das 'od dpag tu med pa ste/ shes rab kyi pha rol tu phyin pa'i chos las byung ba'i phyir chos kyi sku'o/ /des nye ba mtshon pa'i dbu rgyan gyi dbang ste/ nges dbang skur ba ni dbu rgyan te de'i dbul bzhag ste/ chos kyi rdo rje bcings nas kyang/ /mgo por bzhag ste de dbang bskur/ /sangs rgyas kun gyis 'jig rten gyi/ /dbang phyug gis ni dbang bskur ro/ /zhes 'gro ba 'dul ba'i dum bu las bstan pa 'dis dbang bskur ba'o/ /de ni 'di skad ston pa yin te/ dam pa'i chos kyi 'khor lo bskor ba nyid dang/ chos kyi sku'i dbang gis dbang bskur ba dag gis 'di ni pad+ma'i rigs kyi bdag po'i ngo bo nyid du ston te/ /de bas na rdo rje nor bu dang/ rin po che'i rtse mo'i khang pa rtsegs mar 'gro ba 'dul ba'i dkyil 'khor ji lta ba bzhin du sprul nas mi bskyod pa la sogs pa'i de bzhin gshegs pa yongs su bskor ba yin gyi rnam par snang mdzad kyis ni ma yin no/ /rdo rje sems dpa' dang/ rdo rje rin chen dang/ rdo rje can dang/ rdo rje las rnams dang/ badzra d+harmmA zhes bya ba dang/ yang rdo rje spyan sprul la pad+ma'i rigs kyi bdag por 'phags pa spyan ras gzigs dbang 'od dpag med kyi dbang bskur pas dbang bskur nas/ /'gro ba 'dul ba'i dkyil 'khor sprul par bya ba'i phyir/ 'phags pa spyan ras gzigs dbang phyug la mtshan brgya rtsa brgyad pas gsol ba btab po zhes bya bas/ pad+ma'i rigs kyi dang po sbyor ba'i ting nge 'dzin bstan pa ni/ mdor bsdus pas rgya chen po'i don rtogs par bya ba'i phyir yin no/ /gzhan du na de bzhin gshegs pa thams cad kyi sangs rgyas kyi zhing 'di zhes bya ba la sogs pa yang brjod dgos par 'gyur ro/ /de bzhin gshegs pa'i rigs kyi rang bzhin du yang badzra ni par zhes bya ba snying po 'dis bskyed pa sangs rgyas lnga'i rin po che'i dbu rgyan dang dbyangs kyi dbang gis dbang bskur bas dbang bskur bar bya ba'i chos kyi sku tsam gyis rim? yin no/ /de'i don gzhan yin pa nyid du gsungs te/ de nas rdo rje dbyings kyi dkyil 'khor sgom pa pos de sprul par 'dod na/ rdo rje spyan de bzhin gshegs pa'i rigs kyi rang bzhin du bskyed par bya'o/ /pad+ma'i rigs kyi bdag po ni ma yin no/ /rdo rje spyan gyi de bzhin gshegs pa'i rigs ma yin no/ /zhes kyang brjod par mi bya ste/ gang gi phyir 'di nyid las rdo rje dbyings kyi dum bu thams cad ni de bzhin gshegs pa'i rigs yin la 'gro ba 'dul ba'i dum bu thams cad ni pad+ma'i rigs yin no/ de bshad ? ? rigs thams cad ni 'od dpag tu med pas dbang bskur la/ de bzhin gshegs pa'i rigs rnams ni sangs rgyas lnga'i dbu rgyan gyi dbang bskur ro/ /zhes 'di nyid la 'byung ste/ de bas na yid gnyis mi bya'o de'i lag pa gnyis su byin no zhes bya ba ni/ de bzhin gshegs pa'i rigs kyi tshul can dang/ pad+ma'i rigs kyi bdag por rdo rje spyan zhes bya ba/ de bzhin gshegs pa'i rigs dang pad+ma'i rigs kyi bdag por rdo rje spyan zhes bya ba'i rdo rje'i ming gi dbang gis dbang bskur te/ rdo rje lta bas pad+ma'i phyag rgya la gzigs pas de nyid kyis nye bar mtshon te rdo rje spyan zhes gsungs pa yin no/ /rdo rje pad+ma'i 'dab ma de zhes bya ba la sogs pa la/ g.yon pa bsnyems pa'i tshul gyis pad+ma gzung ste/ phyag g.yas pas thugs kar gnas pa'i pad+ma'i 'dab ma la 'byed cing rdo rje'i lta bas gzigs shing so sor rtogs pa'o/ /ji ltar gzigs she na/ 'dod chags rnam par dag cing ma chags pa'i ngo bo nyid du gzigs pas gzigs zhes bya ba ste/ chos bdag med pa'i ye shes ni bzung ba dang 'dzin pa'i dri ma dang bral bar so sor rtog cing sgom la sgom pa des ji ltar pad+ma dmar po 'dis/ /tshon gyi nyes pas mi gos bzhin/ /thams cad dag par bsgoms na ni/ /de bzhin sdig pa gos mi 'gyur/ /zhes ji skad gsungs pa lta bu'o/ /'di de sangs rgyas thams cad kyi zhes pa la/ bcom ldan 'das kyis bka' stsal pa gang yin pa 'di bdag gis lag tu gnas pa 'di de'o/ /'di su zhig yin zhe na sangs rgyas thams cad kyi'o/ /las ci zhig byed ce na/ 'dod chags de nyid rtogs byed pa zhes bya ba ste 'dod chags kyi de kho na nyid du bshad pa'o/ /de gdul bya rnams la ji skad bshad pa'i tshul gyis khong du chud par byed pas 'di ni 'dod chags kyi kho na nyid khong du chud par byed pa yin no/ /ci 'di bdag dang tha dad dam 'on te ma yin zhe na/ bdag ste zhes bya ba gsungs ste/ bdag gi lag tu byin pas na zhes bya ba ni/ bdag gi rang bzhin can gyi pad+ma bdag gi lag tu byin no/ /de bas na bdag ni chos la chos ni gnas par gyur ces bya'o/ /de ltar de bzhin gshegs pa thams cad kyi rdo rje chos kyi ting nge 'dzin la mnyam par bzhag pa yin la/ mnyam par bzhag pa'i sems kyis ni yang dag pa ji lta ba bzhin du shes par 'gyur ba yin la/ des kyang nyon mongs pa dang/ nye ba'i nyon mongs pa rnams gcod par 'gyur pa yin pas/ de'i phyir de bzhin gshegs pa thams cad kyi ye shes kyi ngo bo bcom ldan 'das rdo rje rnon pos sems dang sems las byung ba'i nyon mongs pa dang nye ba'i nyon mongs pa rnams gcod par 'gyur ro zhes bya ba ni/ de nas zhes bya ba la sogs pas ston pa yin te de nas bcom ldan 'das kyis snying po 'di rang gi thugs ka nas phyung zhes bya bar sbyar ro/ /byang chub sems dpa' chen po 'jam dpal zhes bya ba ni nyon mongs bsre ba mi mnga' bas 'jam zhing mnyen pa'i dpal te/ mdangs gar la mnga' ba de ni byang chub sems dpa' chen po yang yin la 'jam dpal yang yin pas byang chub sems dpa' chen po 'jam dpal lo/ /de bzhin gshegs pa thams cad kyi thugs ka na gnas pa'i rdo rje rtse lnga pa'i gzugs de ni rdo rje 'dzin pa chen po'o/ /de'i dam tshig ni shes rab kyi mtshon cha la sogs pa'i tshul lo/ /re 'byung ba ni de bzhin gshegs pa'i thugs ka na gnas pa'i sems dpa' i rdo rje'i gzugs kyi chos las byung ba'o/ /de byin gyis brlab cing brtan par bya ba'i phyir/ /sprul pa'i don rdo rje ltar mi phyed pa'i ting nge 'dzin gang la ming de skad ces bya ba de la snyoms par 'jug pa ste/ bcom ldan 'das rdo rje rnon po'i shes rab kyi mtshon cha la sogs pa sprul cing bskyed pa'i rnam par thugs rtse gcig tu mdzad ces bya ba'i tha tshig go / de bzhin gshegs pa thams cad kyi shes rab dang ye shes chen po'i dam tshig ces bya ba ni de bzhin gshegs pa thams cad kyi shes rab chen po'i mtshon cha la sogs pa'i ngo bo ni bcom ldan 'das 'jam dpal lo/ /de nyid ni ye shes te/ de'i dam tshig ni rgyu'o/ /ming de skad ces bya ba'i de bzhin gshegs pa thams cad kyi snying po rang gi thugs ka nas phyung nas ni/ badzra tik+Sh+Na zhes bya ba'o/ /de nas zhes bya ba la sogs pa la/ de nyid bcom ldan 'das kyi phyag gnyis su gnas so zhes bya bar sbyar ro/ /rdo rje 'dzin pa de nyid zhes bya ba ni de bzhin gshegs pa thams cad kyi thugs ka la gnas pa'i sems dpa' i rdo rje'o/ /shes rab dang ye shes kyi ral grir gyur te/ zhes bya ba ni ral gri phyag na bsnams par gyur pa'o/ /rdo rje nam mkha' i dbyibs su gyur te/ zhes bya ba ni shes rab kyi mtshon cha de thams cad rdo rje nam mkha' i gcig gi dbyibs te/ ral gri gcig tu gyur pa'o/ /'dir yang rten gyis rten pa po ston pa yin te/ shugs ni nyon mongs gcod byed yin zhes gsungs pa lta bu'o/ /de nas rdo rje ral gri'i dbyibs de las zhes bya ba la sogs pa la byang chub sems dpa' sems dpa' chen po 'jam dpal gzhon nu'i skur gyur to/ /ched du brjod pa 'dis ched du brjod do zhes bya bar sbyar ro/ /de bzhin gshegs pa thams cad kyi shes rab dang ye shes ni 'phags pa 'jam dpal lo/ /de bzhin gshegs pa thams cad kyi shes rab dang ye shes la sogs pa gang yin pa de ni de bzhin gshegs pa thams cad shes rab dang ye shes la sogs pa/ sangs rgyas thams cad kyi rdzu 'phrul dang cho 'phrul rnams la de skad ces bya ste/ de rnams byas nas de bzhin gshegs pa'i sku thams cad gcig tu gyur nas 'phags pa 'jam dpal gyi skur gyur to/ /rgyu gang gis zhe na/ rdo rje sems dpa' i ting nge 'dzin ni shin tu 'jam pa'i dpal yin pa nyid dang zhes bya ba gsungs te/ mdzes pa'i 'jam dpal gyi yul gang yin pa de ni shin tu 'jam pa'i dpal yin te/ de'i ngo bo nyid ni shin tu 'jam pa'i dpal yin pa nyid kyis so/ /don gang yin zhe na/ rdo rje sems dpa' i ting nge 'dzin te/ de bzhin gshegs pa thams cad gcig tu mdzad nas 'phags pa 'jam dpal gyi skur bskyed pa gang yin pa de ni/ rdo rje sems dpa' i ting nge 'dzin ni shin tu 'jam pa'i dpal nyid ces bya'o/ / e ma'o sangs rgyas thams cad kyi/ /'jam dbyangs bdag ni yin par dgongs zhes bya ba la/ e ma'o zhes bya ba la ni ngo mtshar ngo/ /bdag ni sangs rgyas thams cad nyid kyi yin gyi/ de las gzhan pa byis pa rnams kyi dbyangs kyi rjes su 'jug pa ni ma yin no/ /'jam dbyangs yin par dgongs zhes bya ba ni/ 'jam zhing snyam pa'i dbyangs yin par dgongs shing grags pa ni/ sangs rgyas kyi grub pa'i mdza' las bshad pa'o/ /ci zhig ngo mtshar che zhe na/ gar phyir shes rab gzugs med kyang/ /dbyangs nyid du ni dmigs pa yin/ zhes bya ba gsungs te/ bdag ni gnyis su med pa'i shes rab kyi pha rol tu phyin pa'i ngo bo yin pa las/ gdul bya rnams kyis ni/ bdag byang chub sems dpa' 'jam dpal gyi gzugs su mthong ba 'di ni ngo mtshar che'o/ /de bzhin gshegs pa thams cad kyi g.yas phyogs kyi zla ba'i dkyil 'khor la gnas nas zhes bya ba ni bcom ldan 'das 'od dpag tu med pa'i g.yas logs su'o/ /yang bka' nod cing zhes bya ba ni/ /rdo rje che ba la bldog? ba ste/ rang gi rnam par thar pa gdul bya bskyed par bya ba'i phyir/ bka' nod par gyur pa'o/ /de nas zhes bya ba la sogs pa la bcom ldan 'das kyis rdo rje ral gri de de'i lag pa gnyis su byin no zhes bya bar sbyar ro/ /de bzhin gshegs pa thams cad kyi shes rab dang ye shes rnams kyi ral gri ni phyag rgya'o/ /de la dmigs pa'i rdo rje ltar mi phyed pa'i shes rab dang/ ye shes rdo rje zhes bya ste/ de la snyoms par zhugs pa ni ral gri sbyin pa'i rnam par thugs rtse gcig tu mdzad ces bya ba'i tha tshig go / rang bzhin ji lta bu zhe na/ de bzhin gshegs pa thams cad kyi nyon mongs pa gcod pa'i dam tshig ces bya ba gsungs te/ de bzhin gshegs pa thams cad nyon mongs pa gcod pa ni bcom ldan 'das 'phags pa 'jam dpal lo/ /dam tshig ni de bskyed pa'i rgyu'o/ /ci'i phyir byin zhe na/ sems can gyi khams zhes bya ba la sogs pa gsungs te/ sems can gyi khams thams cad kyi sdug bsngal thams cad pa ni sdug bsngal thams cad spang bar mdzad pa ste/ sdug bsngal gcod pa des bde ba dang yid bde ba thams cad myong bar bya ba'i don du'o/ /de bzhin gshegs pa thams cad kyis gsung ni bcom ldan 'das 'phags pa 'jam dpal lo/ /de'i rjes su 'brang zhing 'gro bas na gsung gi rjes su 'brang ba'i shes rab ste/ 'jam pa'i dbyangs rtogs pa'i ngo bo zhes bya ba'i don to/ /des yongs su rdzogs pa ni yongs su grub pa ste de nyid ni dngos grub kyi mchog go /bar du zhes bya ba'i sgras ni yon tan gzhan dag kyang rdzogs par bya ba'i phyir ro/ /de dag gi phyir zhes bya ba ni 'jam pa'i dbyangs thob pa'i phyir ro/ /de bzhin du zhes bya ba ni sangs rgyas lnga'i rin po che'i dbu rgyan dang dar dpyangs kyi dbang gis dbang bskur ba'o/ /rdo rje blo zhes bya ba ni 'di la gnyis su med pa'i blo mnga' bas na rdo rje'i blo'o/ /de nyid kyis na 'di ni nges par 'byed pa'i shes rab kyi ngo bo yin pas na gsung gi rjes su 'brang ba'i shes rab dam pa'o/ /gsung gi rjes su 'brang ba'i shes rab kyi ngo bo ni rdo rje gsung yin par shes par bya ste/ gnyis su med pa'i shes rab kyi pha rol tu phyin pa la gnas pa'i tshul gyis phyag na gnas pa'o/ /ral gri nges de bzhin gshegs pa thams cad la 'debs pa ni mi snang bar mdzad pa'i ting nge 'dzin la nges par sbyor ba yin no/ zhes bstan pa yin no 'di de sangs rgyas thams cad kyi zhes bya ba ni/ rang gi phyag na gnas pa gsungs pa'o/ /'di ci zhig yin zhe na/ shes rab kyi pha rol tu phyin pa'i tshul zhes bya ba gsungs te/ ral gri'i ngo bos thos pa dang/ bsam pa dang/ bsgom pa'i rim gyis shes rab kyi pha rol tu phyin pa la gnas pa thob par byed pa yin la/ rgyu de nyid kyis na ral gri ni shes rab kyi pha rol tu phyin pa zhes bshad do/ /rgyu gar kho nas 'di shes rab kyi pha rol tu phyin pa'i tshul gyi ral gri'i gzugs yin pa des na gcod par byed pa yin no/ /su zhig gcod zhe na/ dgra rnams thams cad ces bya ba 'dod chags la sogs pa dang phyi rol gyi dngos po rnams so/ /'dod chags la sogs pa'i sdig pa rnams nges par sel ba'i ngo bo nyid kyis na/ shes rab kyi pha rol tu phyin pa'i tshul yin la/ de bas na 'di ni sdig pa thams cad 'joms pa'i mchog ces bya'o/ /de ltar rdo rje rnon pos de bzhin gshegs pa thams cad kyi nyon mongs pa dang nye ba'i n yon mongs pa bcad la nyon mongs pa dang nye ba'i nyon mongs dang bral ba'i sgrib pa med pa'i sems ni sngon gyi 'phen pa'i shugs kyi dbang gis mngon par shes pa la sogs pa'i mthus dkyil 'khor gyi 'khor lo'i tshul gyis rdo rje rgyus dkyil 'khor du 'jug par byed do zhes bstan pa'i phyir/ de nas zhes gsungs te/ de nas bcom ldan 'das kyi snying po 'di rang gi thugs ka nas phyung ngo zhes bya bar sbyar ro/ /sems bskyed pa'i rjes thogs nyid la/ chos kyi 'khor lo ste dkyil 'khor rab tu bskor zhes sprul ba'i ngang tshul 'di la mnga' bas na sems bskyed ma thag tu chos kyi 'khor lo bskor ba'o/ /byang chub sems dpa' chen po yang yin la/ sems bskyed ma thag tu chos kyi 'khor lo bskor ba yin pas na/ byang chub sems dpa' chen po sems bskyed ma thag tu chos kyi 'khor lo bskor ba'o/ /ji skad du bshad pa'i sems dpa' i rdo rje'i gzugs can ni kun tu bzang po'o/ /'di'i dam tshig ni dkyil 'khor chen po la sogs pa'i tshul lo/ /lhag ma ni snga ma bzhin te/ dkyil 'khor la sogs pa sprul pa bskyed pa'i rnam par thugs rtse gcig tu mdzad ces bya ba'i tha tshig go / de bzhin gshegs pa thams cad kyi 'khor lo'i dam tshig ces bya ba la/ de bzhin gshegs pa thams cad kyi 'khor lo ni dkyil 'khor dang rdo rje rgyu'i tshul lo/ /de'i dam tshig ni bskyed pa'i rgyu'o/ /bcom ldan 'das rdo rje 'dzin pa de nyid de zhes bya ba ni sems dpa' i rdo rje rnam pa rdo rje dbyings la sogs pa rdo rje dbyings kyi dum bu las gsungs pa'i dkyil 'khor thams cad du gyur te byung ngo/ /rdo rje 'khor lo'i dbyibs/ zhes bya ba ni rdo rje rtse gcig pa'i rtsibs brgyad pa can gyi 'khor lo'i gzugs so/ /de nas zhes bya ba la sogs pa la/ bcom ldan 'das kyi thugs la gnas nas/ ched du brjod pa 'dis ched du brjod do/ zhes bya bar sbyar ro/ /de bzhin gshegs pa thams cad kyi chos kyi 'khor lo ni bcom ldan 'das rdo rje rgyu'o/ /de bskor ba ni sems can gyi rgyud la bskyed pa'o/ /de nyid la sogs pa gang yin pa de ni/ de bzhin gshegs pa thams cad kyi sems bskyed ma thag tu chos kyi 'khor lo bskor ba la sogs pa sangs rgyas thams cad kyi rdzu 'phrul dang cho 'phrul rnams byas nas de bzhin gshegs pa thams cad gcig tu gyur nas/ byang chub sems dpa' sems dpa' chen po sems bskyed ma thag tu chos kyi 'khor lo bskor ba'i skur gyur to/ /rgyu gar yin zhe na/ sems bskyed ma thag tu chos kyi 'khor lo rab tu bskor ba nyid dang zhes bya ba gsungs te/ /sems bskyed pa tsam gyis chos kyi 'khor lo rab tu bskor ba'i rgyus na rab tu bskor ba'o/ /gang gis de'i ngo bo nyid yin pa des na rab tu bskor ba yin pa nyid do/ /gang gi zhe na/ rdo rje dam pa chos can gyi zhes bya ba ste/ de bzhin gshegs pa thams cad gcig tu mdzad pa'i tshul gyis na rdo rje rgyu bskyed par thugs rtse gcig tu mdzad pa na rdo rje sems dpa' i ting nge 'dzin to/ /e ma'o rdo rje 'khor lo bdag ces bya ba ni stong pa nyid kyi rang bzhin bdag yin pa'o/ /su zhig gi yin zhe na/ rdo rje dam pa chos can gyi zhes bya ba ste/ rdo rje nyid gang gi chos kyi mchog yin pa de ni/ rdo rje dam pa chos can gyi ste/ de bzhin gshegs pa ste/ de rnams kyi de kho na nyid kyi chos nyid ces bya ba'i tha tshig go /ci zhig ngo mtshar che zhe na/ gang phyir sems bskyed tsam gyis kyang/ zhes sems bskyed pa'i rjes thogs nyid la chos kyi 'khor lo ste/ dkyil 'khor rab skor gyur ces bya'o/ /'di skad ston pa yin te/ bdag ni gnyis su med pa'i ye shes kyi ngo bo yin pa las/ gdul bya rnams kyis dkyil 'khor sprul pas sems can gyi don byed par bdag mthong zhing rtogs pa 'di ngo mtshar che'o/ /de bzhin gshegs pa thams cad kyi g.yon phyogs kyi zla ba'i dkyil 'khor la gnas nas zhes bya ba ni/ bcom ldan 'das snang ba mdza' yas gyi g.yon logs su'o/ /yang zhes bya ba'i sgras ni sngar ni 'phags pa 'jam dpal gyi tshul gyis shes rab dang ye shes bskyed pa'i phyir bka' nod pa yin la/ da ltar dkyil 'khor bskor ba'i phyir yin pas yang zhes bya ba'i sgra smos so/ /de nas zhes bya ba la sogs pa la/ bcom ldan 'das kyi 'khor lo de de'i lag pa gnyis su byin no/ zhes bya bar sbyar ro/ /de bzhin gshegs pa thams cad kyi 'khor lo zhes bya ba'i ting nge 'dzin la snyoms par zhugs te zhes bya ba la/ de bzhin gshegs pa thams cad kyi 'khor lo ni rnam par snang mdzad kyi phyag na/ gnas pa'i rtsibs brgyad pa ste/ de la dmigs pa'i ting nge 'dzin ni de bzhin gshegs pa thams cad kyi 'khor lo rdo rje zhes bya ba'o/ /ting nge 'dzin de la snyoms par zhugs pa la ni 'khor lo sbyin pa'i rnam par thugs rtse gcig tu mdzad ces bya ba'i bar du'o/ /de bzhin gshegs pa thams cad kyi dkyil 'khor chen po ni rdo rje dbyings la sogs pa dang/ rdo rje rgyu ni dkyil 'khor chen po'o/ /de'i dam tshig ni rgyu'o/ /'khor lo de'i ci'i phyir byin zhe na/ /sems can gyi zhes bya ba la sogs pa gsungs te/ /sems can gyi khams ma lus shing lus pa med pa 'jug pa des phyir mi ldog pa thob pa'i don des/ /'khor lo gang yin pa de la de skad ces bya'o/ /des bde ba dang yid bde ba thams cad myong bar bya ba ni/ de la gnas pas byang chub sems dpa' chen po'i lam las mi ldog par gyur pas na phyir mi ldog pa ste/ ldog pa med pa ni mi ldog pa'o/ /de bzhin gshegs pa thams cad kyi dam pa'i chos kyi 'khor lo ni dkyil 'khor ro/ /de bskor ba ni gdul bya'i rgyud la bskor ba'o/ /de nyid ni dam pa grub pa ste/ de dag gi phyir zhes bya ba byang chub sems dpa' chen po sems bskyed ma thag tu chos kyi 'khor lo bskor ba gdul bya'i rgyud la bskyed pa'i rgyur ro/ /bar du zhes bya ba'i sgras ni gzhan dag kyang bsdu'o/ /de bzhin du zhes bya ba ni sangs rgyas lnga'i rin po che'i dbu rgyan dang dar dpyangs kyi dbang gis dbang bskur nas so/ /rdo rje snying po zhes bya ba la rdo rje ni stong pa nyid kyi ye shes so/ /snying po ni gces par bya bar bshad de/ /de grub pa'i rgyu yin pas na/ 'khor lo ni rdo rje snying po des nye bar mtshon pa'i sems dpa' ni rdo rje snying po'o/ /phyir mi ldog pa phyir mi ldog pa nyid du 'jog cing zhes pa ni/ phyir mi ldog pa'i ngo bo nyid ni phyir mi ldog pa nyid de/ phyir mi ldog pa de nyid du 'jog pa ni rang gi rang bzhin de bzhin gshegs pa thams cad du byed pa'o/ /'di de sangs rgyas thams cad kyis zhes bya ba ni bdag gi lag par byin pa gang yin pa 'di ni sangs rgyas thams cad kyi yin no/ /las ci zhig byed ce na/ chos rnams thams cad rnam par spyod zhes bya ba yin te/ chos thams cad ni byang chub tu sems bskyed pa la sogs pa'o/ /de rnams kyi dkyil 'khor du 'jug pas rnam par dag par 'gyur la/ de bas na 'khor lo ni chos thams cad rnam par spyod par byed pa yin no/ /phyir mi ldog pa rnams kyi 'khor lo ni phyir mi ldog pa'i 'khor lo'o/ ni zhes bya ba'i sgras ni nges par gzung ba ste/ 'dis ni phyir mi ldog pa rnams kyi yin gyi gzhan gyi na ma yin no/ /de bas na byang chub snying po yin par bshad ces bya ba ste/ nyan thos dang rang sangs rgyas kyi byang chub la bltos na/ bla na med pa yang dag par rdzogs pa'i byang chub ni/ mchog yin pas snying por gyur pa yin la/ de'i ngo bo nyid ni 'khor lo 'di yin pas byang chub snying po yin zhes bya'o/ /bshad ces bya ba ni rgyud 'dir gsungs pa'o/ /de ltar rdo rje rgyus de bzhin gshegs pa rnams dkyil 'khor du bcug nas/ de dkyil 'khor la sogs pa bshad pa'i tshul gyis rdo rje smra ba spros pa med pa'i chos nyid la ji ltar nges par sbyor ba de ni/ de nas zhes bya ba la sogs pas ston te/ de nas bcom ldan 'das kyis snying po 'di rang gi chags? gi? nas phyung ngo zhes bya bar sbyar ro/ /chos thams cad ni ngag gi lam dang bral zhing/ sgra rnams brag ca dang 'dra'o zhes thugs su chud pas 'di la tshig tu brjod pa mi mnga' bas na mi gsung pa'o/ /byang chub sems dpa' chen po yang yin la mi gsung bas? yin pas na byang chub sems? dpa' chen po mi gsung ba ste/ sems dpa' rdo rje'i tshul gyi kun tu bzang po'o/ /de'i dam tshig ni chos kyi yi ge'i gzugs so/ /de las byung ba ni sems dpa' i rdo rje'i tshul gyis chos gang las byung ba'o// de'i byin gyis brlabs ni brtan par byed pa'i ting nge 'dzin gang yin pa'i ting nge 'dzin de la snyoms par 'jug pa'i chos kyi yi ge la sogs pa sprul zhing bskyed pa'i rnam par thugs rtse gcig tu mdzad ces bya ba'i tha tshig go / de bzhin gshegs pa thams cad bzlas pa'i dam tshig ces bya ba ni/ rdo rje smra ba ni bzlas pa'o/ /de'i dam tshig ni bskyed pa'i rgyu ste/ badzra b+hA Sha zhes bya ba'i snying po'o/ /de nas zhes bya ba la sogs pa la/ bcom ldan 'das de nyid rdo rje bzlas pa'i dbyibs su gyur te phyag gnyis su gnas so zhes bya bar sbyar ro/ /bcom ldan 'das phyag na rdo rje nyid ces bya ba ni sems dpa' i rdo rje'i tshul lo/ /de bzhin gshegs pa thams cad kyi chos nyid kyi yi ge ni/ sgra 'byung ba yin pa'i phyir chos kyi yi ge zhes bya ste/ ljags kyi phyag rgya la bya bar bshad do/ /'di yang ci'i phyir zhe na/ rang gi phyag rgya las gzugs su sprul pa ni de las rang gi rnam par sprul ba thams cad 'dir 'dod de/ gang gi rdo rje bzlas pa'i dbyibs zhes bya ba lce'i phyag rgya yin no/ /de nas zhes bya ba la sogs pa la/ byang chub sems dpa' i skur gyur nas ched du brjod pa 'di ched du brjod do zhes bya bar sbyar ro/ /de bzhin gshegs pa thams cad kyi chos nyid ni chos thams cad spros pa med pa'o zhes bya ba'o/ /de la sogs pa gang yin pa de dag byas pa ste/ gdul bya rnams la rdo rje smra ba'i ting nge 'dzin bskyed pa la sogs pa la zhes bya ba'i bar du'o/ /rdo rje sems dpa' i ting nge 'dzin shin tu tshig ma yin pa nyid dang zhes bya ba ni gang la tshig med pa de ni tshig ma yin pa'o/ /mdzes pa yang yin la tshig ma yin pa yang yin pas na shin tu tshig ma yin pa ste/ de'i ngo bo nyid yin pas na tshig ma yin pa nyid do/ /de yang sangs rgyas thams cad gcig tu byas nas byang chub sems dpa' chen po rdo rje smra ba'i gzugs su shin tu yongs su bsgoms pa'i phyir ro/ zhes bya ba'i tshig go / e ma'o rang 'byung rnams kyi zhes bya ba ni sangs rgyas rnams kyi'o/ /gsang ba ni de'i snod ma yin pa'i 'gro ba la brtse bar bya ba yin pas so/ /de nyid kyis na ldem po dag tu bdag dgongs te zhes bya ba gsungs te/ dgongs pa can gyi tshig drang ba'i don du gsungs pa ni ldem po'i dag go / bdag ces bya ba ni bdag nyid yin par smra ba'o/ /dgongs zhes bya ba bshad ces pa'o/ /ci zhig ngo mtshar che zhe na/ gang gi phyir zhes bya ba la sogs gsungs te/ gang gi phyir ro/ /dkyil 'khor la sogs pa'i tshul gyis dam pa'i chos tshig gis brjod du med par 'chad cing ston pas/ tshig gi spros dang rnam bral bar zhes bya'o/ /'di skad ston pa yin te/ /don dam par ni chos ston par 'byung ba yang med na/ kun rdzob tu ston par mdzad pas gdul bya rnams kyi don dam par ston par mdzad do/ /snyam pa 'di ni ngo mtshar che'o/ /de bzhin gshegs pa thams cad kyi rgyab na zhes bya ba ni bcom ldan 'das 'od dpag tu med pa'i'o/ /de nas zhes bya ba la sogs pa la bcom ldan 'das kyis rdo rje bzlas pa de de'i lag tu byin no/ zhes bya bar sbyar ro/ /de bzhin gshegs pa thams cad kyi gsung ni lce'i phyag rgya ste/ de la dmigs pa ni gsung rdo rje zhes bya ba'i ting nge 'dzin te/ de la snyoms par zhugs pa ni lce sbyin pa'i rnam par thugs rtse gcig tu mdzad do zhes bya ba'i tha tshig go / de bzhin gshegs pa thams cad kyi gsung gi ye shes ni/ chos thams cad spros pa med pa zhes bya ba rdo rje smra ba'i tshul du nges pa'o/ /de'i dam tshig ni rgyu'o/ /sems can gyi khams ma lus shing lus pa med pa rnams kyi tshig grub pa ni so sor yang dag par rig pa bzhi thob pa'o/ /de bzhin gshegs pa thams cad kyi gsung gi gsang ba'i ngo bo nyid ni/ /de bzhin gshegs pa thams cad kyi gsung gi gsang ba ste/ rdo rje smra ba'i ngo bo nyid do de bzhin du zhes bya ba ni/ sangs rgyas lnga'i rin po che'i dbu rgyan dang dar dpyangs kyi dbang gis dbang bskur ba'o/ /rdo rje'i tshig ces bya ba ni chos thams cad spros pa dang bral ba 'dis sam/ rdo rje'i tshig ni sgra spangs pa'i zhes bya ba 'dis nye bar mtshon pa nyid kyis ni rdo rje'i tshig ces bya'o/ /rdo rje bzlas pa des zhes bya ba ni rang gi phyag na gnas pa'i ljags kyi phyag rgya'i tshul gyis so/ /de bzhin gshegs pa thams cad la yang dag par smra zhing zhes bya ba ni/ rnam par snang mdzad la sogs pa'i de bzhin gshegs pa phyogs bcu na bzhugs pa thams cad dang/ yang dag par smra ba'i rang bzhin can rdo rje'i tshig brjod pa la brtson par byed cing ched du brjod pa 'di ched du brjod do/ /'di zhes bya ba ni blo la gnas pa'o/ /'di de sangs rgyas thams cad kyi zhes bya ba ni rang gi lag na gnas pa gsungs pa'o/ /'di ci zhig yin zhe na/ rdo rje bzlas par brjod pa yin zhes bya ba gsungs te/ spros pa med par brjod pa ni rdo rje bzlas pa zhes brjod cing zhes bshad pa yin no/ /de bzhin gshegs pa thams cad kyi sngags 'di myur du sgrub byed yin zhes bya ba ni sgra spangs pa'i tshig gi spros pa med pa'i chos smra ba nyid/ de bzhin gshegs pa thams cad de/ rdo rje dbyings kyi dum bu las gsungs pa'i sngags rnams myur du sgrub par byed pa yin no/ /rdo rje chos nyid kyi ye shes dang zhes bya ba la sogs pas ni sdom gsung ba yin te/ rdo rje chos nyid ni gnyis su med pa'i ting nge 'dzin to/ /de'i ye shes ni rdo rje chos su nges pa'o/ /de bzhin gshegs pa thams cad kyi shes rab nyid ni ye shes te rdo rje rnon po'o/ /chos kyi 'khor lo chen po ni dkyil 'khor te/ de bskor ba'i ye shes ni rdo rje rgyu'o/ /de bzhin gshegs pa thams cad kyi gsung gi spros pa ni ngag gi rnam par rtog pa'o/ /de rnam par rtog pa'i ye shes ni rdo rje smra ba'o/ /de bzhin gshegs pa thams cad kyi ye shes chen po las byung ba'i sems dpa' ni/ ye shes sems dpa' chen po ste/ shes rab kyi pha rol tu phyin pa las byung ba'o/ zhes bya ba'i tha tshig go /de yang shes rab pha rol phyin rgyal po/ /thug pa'i dbang po 'od dpag med/ /ces gsungs pa yin no/ de dag kyang ldog pa'i dbyibs rnam pa bzhir bzhag par bya ste/ bsgral ba dang/ grol ba dang/ dbugs dbyung ba dang/ mya ngan las 'das pa la bzhag pa'i phyir yang log pa'i ting nge 'dzin gyi rgya mtsho las/ rdo rje chos kyi yang dag pa'i ting nge 'dzin gyi tshul gyis bsgral ba ni/ mnyam par bzhag pa'i sems kyi yang dag pa ji lta ba bzhin tu rab tu shes so zhes bya ba'i don to/ /rdo rje rnon pos ni nyon mongs pa dang nye ba'i nyon mongs pa rnams las grol bar mdzad do/ /rdo rje rgyus ni rdzu 'phrul dang rnam par 'phrul ba sna tshogs pa'i tshul gyis 'gro ba rnams dbugs 'byin to/ /rdo rje smra bas ni rnams par rtog pa'i tshig las spros pa med pa'i chos khong du chud pas mya ngan las 'das pa la 'jog par mdzad do/ /de ltar rdo rje smra bas de bzhin gshegs pa thams cad spros pa med pa'i chos la sbyang ba rnams mchod pa med par 'grub par mi 'gyur bas/ de'i phyir rdo rje las kyis de bzhin gshegs pa thams cad ma lus shing lus pa med pa'i mchod pas mchod pa yin pa ni/ de nas zhes bya ba la sogs pa gsungs te/ de nas bcom ldan 'das kyis snying po 'di rang gi thugs ka nas phyung ngo zhes bya bar sbyar ro/ /de bzhin gshegs pa thams cad kyi sangs rgyas kyi sprul pa dang/ ma lus shing lus pa med pa'i sems can gyi don gyi tshul gyi phrin las sna tshogs pa rnam pa tha dad pa mnga' ba/ gang yin pa de ni de bzhin gshegs pa thams cad kyi phrin las thams cad pa'o zhes bya'o/ /phrin las thams cad la'ang yin la byang chub sems dpa' chen po'ang yin pas/ byang chub sems dpa' chen po'i phrin las thams cad pa'o/ /ji skad du gsungs pa'i sems dpa' rdo rje ni de'i dam tshig go /de las byung ba ni phrin las thams cad kyi 'od zer la sogs pa'o/ /sems dpa' rdo rje'i tshul gang las phrin las byin gyis brlab pa'i phyir/ rdo rje ltar mi phyed pa'i ting nge 'dzin gang la ming de skad ces bya ba de la snyoms par 'jug pa ni/ phrin las kyi 'od zer la sogs pa bskyed pa'i rnam par thugs rtse gcig tu mdzad ces bya ba'i bar du'o/ /de bzhin gshegs pa thams cad kyi phrin las kyi dam tshig ni rgyu ste/ rdo rje las bskyed pa'i rgyur gyur pa'o/ /'di zhes bya ba ni thugs la gnas pa'o/ /de nas zhes bya ba la sogs pa la/ bcom ldan 'das de nyid las kyi rdo rje'i dbyibs su gyur nas phyag gnyis su gnas so/ zhes bya bar sbyar ro/ /las thams cad ni sna tshogs rdo rje'o/ /de'i las kyi mnyam pa nyid ni/ don dam par dngos po med pa'i ngo bo nyid rnam par mi rtog pa tsam las byung ba'o/ /de'i ye shes ni thugs su chud pa'o/ /de shin tu rtogs pa ni rnam par rtog pa ma lus par spangs pas thugs su chud pa gang yin pa de ni de bzhin du de'i ngo bo nyid yin pas shin tu rtogs pa nyid kyi phyir ro/ /shin tu rtogs pa nyid yin zhe na/ rdo rje sems dpa' i ting nge 'dzin ni zhes bya ba'o/ /phrin las kyi 'od zer la sogs pa'i tshul gyis 'byung ba la sogs pas sna tshogs rdo rje bskyed pa'i rnam par thugs rtse gcig tu mdzad ces bya ba'i tha tshig go / bcom ldan 'das rdo rje sems dpa' de nyid de zhes bya ba ni sems dpa' rdo rje'o/ /de bzhin gshegs pa thams cad kyi phrin las kyi 'od zer du gyur te/ byung nas zhes bya ba ni/ sna tshogs rdo rje lta bu'i 'od zer ni phrin las kyi 'od zer te der gyur pa'o/ /de bzhin gshegs pa thams cad kyi phrin las ni sna tshogs rdo rje'o/ /de'i las kyi dbyings ni sna tshogs rdo rje'i rgyu ste/ sna tshogs rdo rje lta bu'i 'od zer gyis khyab pa ni de bzhin gshegs pa thams cad kyi phrin las kyi dbyings so/ /de'i rang bzhin ni de'i ngo bo nyid do/ /gyur to zhes bya ba ni 'jig rten gyi khams rnams su'o/ /de nas zhes bya ba la sogs pa byang chub sems dpa' i skur gyur te/ bcom ldan 'das rnam par snang mdzad kyi thugs ka na gnas nas ched du brjod pa 'dis ched du brjod do zhes bya bar sbyar ro/ /de bzhin gshegs pa thams cad kyi phrin las la sogs pa'i sangs rgyas thams cad kyi rdzu 'phrul dang cho 'phrul rnams byas nas zhes bya ba la/ de bzhin gshegs pa thams cad kyi phrin las ni rdo rje las kyi ting nge 'dzin bskyed pa'i sems can gyi don to/ /de la sogs pa gang yin pa de rnams byas nas/ de bzhin gshegs pa de dag thams cad gcig tu gyur to/ /byang chub sems dpa' chen po rdo rje las kyi skur gyur to/ /rgyu gang gi phyir zhe na/ rdo rje sems dpa' i ting nge 'dzin ni de bzhin gshegs pa thams cad kyi phrin las mdza' yas pa nyid dang zhes bya ba gsungs te/ de bzhin gshegs pa thams cad kyi phrin las mdza' yas pa ni/ sangs rgyas kyi sprul pa dang/ sems can smin pa dang grol ba'i mtshan nyid can gang yin pa de ni de bzhin gshegs pa thams cad kyi phrin las mdza' yas pa ste/ de'i ngo bo nyid yin pas na de bzhin gshegs pa thams cad kyi phrin las mdza' yas pa nyid do/ /gang gi yin zhe na/ rdo rje sems dpa' i ting nge 'dzin ces bya smos te 'jig rten gyi khams thams cad kyi rdul phra rab dang mnyam pa'i de bzhin gshegs pa rnams gcig tu byas nas byang chub sems dpa' chen po rdo rje las kyi skur gang gis bskyed pa de ni 'dir rdo rje sems dpa' i ting nge 'dzin to/ /e ma'o sangs rgyas rnams kyi nges zhes bya ba la/ nges pa ni gdon mi za ba ste/ don yod pa'o/ /gang gi zhe na/ sangs rgyas rnams kyi'o/ /phrin las kun ni sems can gyi don gyi las dang/ sangs rgyas kyi sprul pa'i las so/ /nam mkha' i khams ma lus par khyab pas na mang ba'o/ /ci zhig ngo mtshar che zhe na/ sangs rgyas don ni zhes bya ba la sogs pa gsungs te/ sangs rgyas kyi don ni 'gro ba'i don gyi rgyur ro/ /lhun grub phyir ni rnam par mi rtog pa'i tshul gyis rdo rje las la 'jug pa ni ngo mtshar che'o/ /phyir mi ldog pa'i las ni rdo rje las te/ sngon gyi 'phen pa'i shugs kyi stobs kyis 'jug cing mi phyed pa'i rang bzhin can yin pa'i phyir ro/ /gal te lhun gyis grub pa la 'jug pa de ltar na yang ngo mtshar ci zhig che zhe na/ gang gi phyir lhun gyis grub pa'i stobs kyi las la 'jug par snang ba de'i phyir ro mtshar che'o/ /de bzhin gshegs pa thams cad kyi spyan sngar zhes bya ba ni bcom ldan 'das don yod pa grub pa'i mdun du'o/ /de nas zhes bya ba la sogs pa la/ bcom ldan 'das kyis las kyi rdo rje de bzhin du zhes bya bar sbyar ro/ /de bzhin gshegs pa thams cad kyi gdon mi za pa yang yin la rdo rje yang yin pas/ de bzhin gshegs pa thams cad kyi don yod pa'i rdo rje ste/ sna tshogs rdo rje'o/ /de la dmigs pa'i ting nge 'dzin ni gdon mi za ba'i rdo rje zhes bya ste/ de snyoms par zhugs pa ni sna tshogs rdo rje sbyin pa'i rnam par thugs rtse gcig tu mdzad ces bya ba'i bar du'o/ /de bzhin gshegs pa thams cad kyi mchod pa ni sems can gyi don bya ba dang/ sangs rgyas la mchod pa'o/ /de la 'jug pa ni de bzhin gshegs pa thams cad kyi mchod pa la 'jug pa'o/ /sogs pa'i sgras ni byang chub tu sems bskyed pa la sogs pa bsdu'o/ /de nyid la sogs pa'i gdon mi za ba dang/ tshad med pa'i las kyi cho ga rgyas pa thams cad gang yin pa de ni de bzhin gshegs pa thams cad kyi mchod pa la 'jug pa la sogs pa gdon mi za ba dang tshad med pa'i las kyi cho ga rgyas pa thams cad de gdon mi za ba yang yin la tshad med pa yang yin pas gdon mi za ba dang tshad med pa'o/ /las kyi cho ga rgyas pa thams cad ni byang chub tu sems bskyed pa la sogs pa'i cho ga rgyas par ni re re zhing yang mdza' yas pa'o/ /de'i dam tshig ni rgyu'o/ /sems can gyi khams ma lus shing lus pa med pa'i rnams kyi las thams cad ni sngar bshad pa rnams so/ /de grub pa ni rdzogs pa'o/ /des kyang bde ba dang yid bde ba thams cad myong bar bya ba'i phyir ro/ /de bzhin gshegs pa thams cad kyi rdo rje'i phrin las ni byang chub sems dpa' chen po'i tshul nyid do/ /rdo rje las kyi ngo bo nyid yin pas na/ rdo rje'i phrin las nyid de/ de'i ye shes dang mngon par shes pa drug ni/ de bzhin gshegs pa thams cad kyi rdo rje'i phrin las nyid dang/ ye shes dang mngon par shes pa rnams te/ de nyid ni dngos grub dam pa'i ye shes yin pas de'i rgyur ro/ /bar du zhes bya ba'i sgras ni sa dang pha rol tu phyin pa la sogs pa bsdu'o/ /phrin las thams cad kyi 'khor lo bskor ba zhes bya ba la/ phrin las thams cad kyi 'khor lo ni las kyi dkyil 'khor thams cad dang/ de'i rigs rnams so/ /phrin las thams cad kyi 'khor lo bskor ba nyid du de bzhin gshegs pa thams cad kyi rdo rje'i dbang gis dbang bskur nas zhes bya ba ni yi ge aoM dang nam mkha' mdzod kyi phyag rgyas sna tshogs rdo rje'i phreng ba'i dbang bskur ba yin la/ las kyi dkyil 'khor sprul par bya ba'i phyir dang po sbyor ba'i ting nge 'dzin gyi bar stan pa yin no/ /rdo rje dbyings kyi dkyil 'khor du ni sangs rgyas lnga'i dbu rgyan dang dar dpyangs kyi dbang gis dbang bskur bar bya'o zhes sngar bshad pa'i tshul bzhin du shes par bya'o/ /de yang slob dpon sna tshogs rdo rje thogs pa las kyi dkyil 'khor gyi cho ga bya la/ slob ma la yang sna tshogs rdo rje'i mtshan ma sbyin par bya'o/ /sna tshogs rdo rje sna tshogs rdo rje zhes bya ba ni kha dog sna tshogs pa'i phyir/ sna tshogs rdo rjes nye bar mtshan pa nyid yin pa'i phyir dang/ las sna tshogs byed pa'i phyir sna tshogs rdo rje zhes bshad do/ /rang gi snying khar zhugs te/ zhes bya ba ni g.yon bsnyems pas sna tshogs dril bu bsnams te/ phyag g.yas pas rang gi thugs kar bstod pa'i tshul gyis rdo rje bsnams shing phyogs bcu'i de bzhin gshegs pa thams cad rang gi rnam par thar pa'i phrin las la sbyor zhing ngo/ / 'di de sangs rgyas thams cad kyi zhes bya ba ni rang gi phyag na gnas pa'i sna tshogs rdo rje gsungs pa'o/ /las rnams thams cad byed pa'i mchog ces bya ba ni ji skad du gsungs pa'i las sna tshogs rdzogs par byed pa'o/ /bdag ste zhes bya ba ni bdag nyid yin par ston to/ /de ltar na gang gi spyir bdag sna tshogs la sna tshogs rdo rje sbyar ba yin no/ /de ltar rdo rje las kyi de bzhin gshegs pa thams cad ma lus shing lus pa med pa'i mchod pas mchod nas ji ltar de rdo rje bsrung bas sngon chad theg pa gzhan 'dod pa'i sems su lhung ba las bsrung bas bsrungs pa de bstan pa ni de nas zhes bya ba la sogs pa yin te/ bcom ldan 'das kyis snying po 'di rang gi thugs ka nas phyung ngo zhes bya bar sbyar ro/ /byang chub sems dpa' chen po yang yin la/ brtson 'grus thub pa dka' ba yang yin pas na/ byang chub sems dpa' brtson 'grus thub pa dka' ba ste/ gang gi brtson 'grus 'di thub par dka' ba de ni brtson 'grus thub par dka' ba ste/ phyir mi ldog pa'i brtson 'grus byang chub chen por spro ba'i brtson 'grus so/ /de bzhin gshegs pa thams cad kyi thugs ka na gnas pa'i rdo rje rtse lnga pa'i gzugs ni kun tu bzang po yin la/ de'i dam tshig ni go cha bstan pa la sogs pa'i tshul lo/ /de las byung ba de ni sems dpa' i rdo rje'i tshul gang las/ las su gyur pa de'i byin gyis brlabs pa ni brtan par byed pa'i phyir/ rdo rje ltar mi phyed pa'i ting nge 'dzin gang yin pa de la snyoms par zhugs pa ni go cha brtan pa sprul cing bskyed pa'i rnam par thugs rtse gcig tu mdzad ces bya ba'i bar du'o/ /ji lta bu zhe na/ de bzhin gshegs pa thams cad kyi bsrung ba zhes bya ba ste/ go cha brtan pa'o/ /de'i dam tshig ni rgyu'o/ /de'i ngo bo rang gi thugs kyi nges pa'i ye shes ni snying po ste/ badzra rak+Sha zhes bya'o/ /'di zhes bya ba ni thugs la gnas pa gsungs pa'o/ /bcom ldan 'das phyag na rdo rje de nyid de zhes bya ba ni sems dpa' i rdo rje'i gzugs te phyag na rdo rje bskyed pa'i rgyur gyur pas phyag na rdo rje zhes bshad do/ /go cha brtan por gyur te zhes bya ba ni/ rdo rje'i rang bzhin gyi go cha brtan pa ste/ der gyur nas bcom ldan 'das rnam par snang mdzad kyi thugs su zhugs te/ nam mkha' i khams kyi tshad tsam gyi go cha'i dbyibs su gyur nas/ bsdu ba byas pa las thugs ka nas phyung ste de nyid kyi phyag gnyis su gnas so/ /de nas zhes bya ba la sogs pa la/ byang chub sems dpa' i las su gyur nas ched du brjod pa 'di ched du brjod do zhes bya bar sbyar ro/ /de bzhin gshegs pa thams cad la/ srung ba'i cho ga rgyas pa'i la sogs pa dang/ sangs rgyas thams cad kyi rdzu 'phrul dang cho 'phrul rnams byas nas zhes bya ba ni gdul bya rnams la rdo rje srung ba'i ting nge 'dzin bskyed pa ni de bzhin gshegs pa thams cad la bsrung ba ste/ de'i cho ga rgyas pa'o/ /de nyid ni las so/ /de la sogs pa gang yin pa de la de skad ces bya ste/ de dang sangs rgyas thams cad kyi rdzu 'phrul dang cho 'phrul rnams byas nas/ de bzhin gshegs pa'i sku de dag thams cad gcig tu gyur nas/ brtson 'grus thub pa dka' ba'i lus gcig tu gyur to/ /rgyu gang gis zhe na/ rdo rje sems dpa' i ting nge 'dzin ni brtson 'grus dam pa thub par dka' ba nyid dang zhes bya ba gsungs te brtson 'grus brtan po shin tu thub par dka' ba gang yin pa de ni/ brtson 'grus dam pa thub par dka' ba ste/ de kho na nyid yin pas na thub par dka' ba nyid do/ /brtson 'grus dam pa thub par dka' ba nyid de gang yin zhe na/ rdo rje sems dpa' i ting nge 'dzin no zhes bya ba ste 'jig rten gyi khams thams cad kyi rdul phra rab dang mnyam pa'i sangs rgyas rnams gcig tu byas nas/ byang chub sems dpa' chen po rdo rje bsrung ba'i skur bskyed pa gang yin pa de ni 'dir rdo rje sems dpa' i ting nge 'dzin ni brtson 'grus chen po thub par dka' ba nyid ces bya'o/ /e ma'o brtson 'grus go cha ni zhes bya ba ni brtson 'grus kyi rang bzhin can gyi cho ga'o brtan pa'i bdag nyid can zhes bya ba'i brtan pa'i rang bzhin can gang yin pa de ni brtan pa'i bdag nyid do/ /de bzhin gshegs pa chos kyi sku zhes bya ba'i bdag nyid do/ /rab brtan bdag ces bya ba ni mi phyed pa'o/ /ci zhig ngo mtshar che zhe na/ gang gi phyir de ni brtan phyir lus min yang/ /rdo rje'i lus su byed pa'i mchog /ces bya ba gsungs te/ de bzhin gshegs pa rnams ni gzugs kyi sku ma yin te/ chos kyi skus mi snang ba'i rang bzhin yin no/ de rnams gzugs kyi rang bzhin du snang zhing rdo rje'i skur bdag byed pa ni ngo mtshar che'o/ /'di skad ston pa yin te de bzhin gshegs pa rnams ni don dam par chos kyi sku'i ngo bo nyid yin pas/ de rnams la gzugs kyi mi mnga' ba nyid yin na/ gdul bya rnams la 'di ltar rdo rje bsrung pas de bzhin gshegs pa rnams kyi gzugs kyi sku rdo rje dang mnyam byed do snyam du sems dpa' 'di ni ngo mtshar che'o/ /de bzhin gshegs pa thams cad kyi zhes bya ba ni bcom ldan 'das don yod par grub pa'i g.yas phyogs su'o/ /bka' dod cing zhes bya ba ni de bzhin gshegs pa thams cad bsrung ba'i don du'o/ /de nas zhes bya ba la sogs pa la/ bcom ldan 'das kyis cho ga de de'i lag tu byin no zhes bya bar sbyar ro/ /de bzhin gshegs pa thams cad kyi rdo rje'i go cha'i phyag rgya ni rdo rje brtan pa ste/ de la dmigs pa'i ting nge 'dzin de bzhin gshegs pa thams cad kyi rdo rje brtan pa zhes bya ba ste/ de la snyoms par zhugs pa ni go cha sbyin pa'i rnam par thugs rtse gcig tu mdzad ces bya ba'i tha tshig go /de bzhin gshegs pa thams cad kyi brtson 'grus kyi pha rol tu phyin pa ni bcom ldan 'das rdo rje bsrung ba'o/ /de'i dam tshig ni bskyed pa'i rgyu'o/ /ci'i phyir byin zhe na/ sems can gyi khams zhes bya ba la sogs pa gsungs te/ sems can gyi khams ma lus shing lus pa med pa rnams yongs su bskyad ba dang zhes bya ba ni rdo rje bsrung ba'i phyag rgyas theg pa gzhan 'dod pa las bzlog pa dang/ phyi rol gyi 'chi ba rnams bzlog pa'o/ /des kyang 'jig rten dang 'jig rten las 'das? pa'i bde ba dang yid bde ba thams cad myong ba'i don du'o/ /de bzhin gshegs pa thams cad kyi rdo rje'i sku thob pa'i mchog grub par bya ba zhes bya ba la de bzhin gshegs pa thams cad kyi rdo rje'i sku ni rdo rje srung ba'i sku'o/ /bar du zhes bya ba'i sgras ni ma smos pa rnams kyang bsdu'o/ /rdo rje grogs po zhes bya ba ni/ ji skad du bshad pa'i nyes pa bzlog pas mdza' bo'i don rdzogs par byed pa dang/ mi phyed pa nyid kyi na rdo rje grogs pa zhes bshad do/ /de bzhin gshegs pa thams cad la go cha bskon zhing zhes bya ba ni sems can gyi khams rnams rnam par snang mdzad la sogs pa'i ngo bor byed cing ngo/ /'di de sangs rgyas thams cad kyi zhes bya ba ni rang gi phyag na gnas pa'i go cha gsungs pa'o/ /byams pa'i go cha dam pa ste zhes bya ba ni/ byams pa'i don rdzogs par byed pas na/ byams pa'i go cha zhes gsungs so/ /de yang gang gi phyir brtson 'grus brtan pas bsrung pa zhes bya ba gsungs te/ 'khor gsum yongs su dag pa rnam par sbyangs pa'i brtson 'grus kyi ngo bo zhes bya ba'i tha tshig go / gang gi phyir de ltar yin pa des na grogs po chen por brjod pa yin zhes bya'o/ /de ltar rdo rje bsrung bas de bzhin gshegs pa thams cad bsrungs nas/ rdo rje gnod sbyin gyis bsrung ba'i yongs su bskyangs ba yongs su bsrung bar bya'o zhes bya ba'i don ni/ de nas bcom ldan 'das zhes bya ba la sogs pa gsungs pa yin te/ bcom ldan 'das kyis snying po 'di rang gi thugs ka nas phyung ngo zhes bya bar sbyar ro/ /byang chub sems dpa' chen po yang yin la/ bdud thams cad rab tu 'joms pa yang yin pas/ byang chub sems dpa' chen po bdud thams cad rab tu 'joms pa'o/ /bdud kyang yin la thams cad kyang yin pas na bdud thams cad de/ de rnams rab tu 'joms? pa ni shin tu mi snang bar mdzad pa'o/ /de gang la mnga' ba de ni bdud thams cad rab tu 'joms pa'o/ /ji skad du bshad pa'i rdo rje sems dpa' i tshul ni/ byang chub sems dpa' chen po'o/ /de'i dam tshig mche ba chen po la sogs pa'i gzugs so/ /de las byung ba ni sems dpa' rdo rje'i tshul gang las byung bar gyur pa'o/ /de byin gyis brlabs pa'i phyir rdo rje ltar mi phyed pa'i ting nge 'dzin gang la ming de skad ces bya ba gang yin pa de la snyoms par zhugs pa ni mche ba mtshon cha'i rnam par sprul cing bskyed pa'i rnam par thugs rtse gcig tu mdzad ces bya ba'i tha tshig go de bzhin gshegs pa thams cad kyi thabs yin pas na / de bzhin gshegs pa thams cad kyi thabs te 'dod chags la sogs pa za bar mdzad pa bcom ldan 'das rdo rje gnod sbyin no/ /de nas zhes bya ba la sogs pa la/ bcom ldan 'das de nyid rdo rje mche ba'i dbyibs su gyur te byung nas phyag gnyis su gnas so zhes bya bar sbyar ro/ /bcom ldan 'das rdo rje 'dzin pa de nyid ces bya ba ni sems dpa' rdo rje'i gzugs so/ /rdo rje mche ba'i mtshon cha chen por gyur te/ /zhes bya ba ni mche bas mtshon cha'i don rdzogs par byed pas mtshon cha zhes gsungs so/ /de nas zhes bya ba la sogs pa la/ byang chub sems dpa' chen po'i lus su gyur nas/ ched du brjod pa 'di ched du brjod do zhes bya bar sbyor ro/ /de bzhin gshegs ba thams cad kyi gdug pa 'dul ba la sogs pas sangs rgyas thams cad kyi rdzu 'phrul dang cho 'phrul rnams byas nas zhes bya ba ni de bzhin gshegs pa thams cad kyi gdug pa yang yin la/ gdul bya yang yin pas de bzhin gshegs pa thams cad kyi gdug pa 'dul ba ste/ bcom ldan 'das rdo rje gnod sbyin no/ /'dis gdug pa thams cad 'dul bas na 'dul ba'o/ /sogs pa'i sgras ni byang chub tu sems bskyed pa la sogs pa bsdu'o/ /de ltar gdug pa 'dul ba la sogs pa sangs rgyas thams cad kyi rdzu 'phrul dang cho 'phrul rnams des byas nas/ de bzhin gshegs pa thams cad kyi sku rdo rje gnod sbyin gyi lus gcig tu gyur to/ /rgyu gang gi zhe na/ rdo rje sems dpa' i ting nge 'dzin ni bdud thams cad rab tu 'joms pa nyid ces bya ba gsungs te/ bdud thams cad shin tu rab tu 'joms pa'i ngang tshul can gang yin pa de ni bdud thams cad rab tu 'joms pa'o/ /bdud thams cad rab tu 'joms pa'i ngo bo yin pas na/ bdud thams cad rab tu 'joms pa nyid do/ /gang gi zhe na/ rdo rje sems dpa' i ting nge 'dzin gyis te/ de bzhin gshegs pa thams cad gcig tu mdzad nas rdo rje gnod sbyin gyi gzugs su bskyed par byed pa gang yin pa 'di ni rdo rje sems dpa' i ting nge 'dzin ni bdud thams cad rab tu 'joms pa zhes bya'o/ /e ma'o bdag ni sangs rgyas rnams thugs rje can gyi thabs yin te zhes bya ba la/ bdag ni zhes bya ba ni bdag nyid yin par ston to/ /sangs rgyas rnams thugs rje can gyi zhes bya ba ni mi dmigs pa'i thugs rje'i rang bzhin can gyi sangs rgyas rnams kyi'o/ /thabs kyang yin la chen po yang yin pas na thabs chen no/ /ci zhig ngo mtshar che zhe na/ zhi yang zhes bya ba la sogs pa gsungs te/ gang gi phyir zhi ba ste/ bag chags dang bcas pa'i nyon mongs pa dang bral ba yang/ sems can gyi don bya ba nyid yin pa'i phyir/ ma rungs pa yang ston par gyur ces bya bas gdug pa 'dul pa rnams la drag cing gtum par yang ston par byed de/ gang zhig sreg dang gang zhig no/ /gang zhig gdug gang gnyer gdung ldan/ /sha dang khrag dang rkang za ba/ /gang yin ma rungs par de bshad/ /ces bya ste/ drag po'i rnam par 'gyur ba ni ma rungs pa nyid de/ de ni dmad pa yin du zin kyang sems can gyi sems ma rungs par ston pa ni ngo mtshar che'o/ /'di skad ston pa yin te/ 'di dag yod pa ma yin du zin kyang sngon gyi 'phen pa'i stobs kyis/ sems can rnams kyis de bzhin gshegs pa ma rungs shing gdug pa nyid du mthong bar zad do/ /de bzhin gshegs pa thams cad ces bya ba ni don yod par grub pa ste/ de'i g.yon phyogs su'o/ /de nas zhes bya ba la sogs pa la/ bcom ldan 'das kyis mche ba'i mtshon cha de de'i lag tu byin no zhes bya bar sbyar ro/ /de bzhin gshegs pa thams cad kyi rab tu gtum pa'i rdo rje ni mche ba phyag rgya'i gzugs so/ /de la dmigs pa'i ting nge 'dzin de bzhin gshegs pa thams cad kyi rab tu gtum? pa'i rdo rje zhes bya ste/ de la snyoms par zhugs pa ni rdo rje mche ba sbyin pa'i rnam par thugs rtse gcig tu mdzad ces bya ba'i tha tshig go /de bzhin gshegs pa thams cad kyi ma rungs pa 'dul ba'i dam tshig ces bya ba la/ de bzhin gshegs pa thams cad kyi ma rungs pa 'dul pa ni rdo rje gnod sbyin no/ /de'i dam tshig ni rgyu'o/ /sems can gyi khams zhes bya ba la sog pa la/ sems can gyi khams thams cad 'jig pa med par bya ba ni 'jig pa bral ba'o de nyid kyis kyang bde ba yid bde ba myong bar bya ba'i don du'o/ /de bzhin gshegs pa thams cad kyi thabs chen po ni/ rdo rje gnod sbyin dang de'i ye shes dang mngon par shes pa rnams thob cing dngos grub dam pa'i 'bras bu de dag thob pa'i phyir ro/ /bar du zhes bya ba'i sgras ni sa dang pha rol tu phyin pa la sogs pa bsdu'o/ /de bzhin du zhes bya ba ni/ /sangs rgyas lnga'i rin po che'i dbu rgyan dang dar dpyangs kyi dbang gis dbang bskur ba'o/ /rdo khro khro bo zhes bya ba ni/ mi phyed pa'i ye shes las byung bas na/ rdo rje yang yin la khro zhing gtum pa yang yin pas na rdo rje khro bo ste/ de bzhin gshegs pa thams cad la sdig cing zhes bya ba ni sems can gyi khams rnams rnam par snang mdzad la sogs pa'i rang bzhin du byed cing/ 'di de sangs rgyas thams cad kyis zhes bya ba ni/ rang gi phyag na gnas pa'i mche ba'i phyag rgya gsungs pa'o/ /ma rungs thams cad 'dul ba'i mchog ces bya ba ni ma rungs pa yang yin la thams cad kyang yin pas na ma rungs pa thams cad de/ lha'i bu'i bdud la sogs pa yin la/ de rnams 'dul ba'i mchog yin pas de skad ces bya'o/ /de gang zhig yin zhe na/ rdo rje mche ba'i mtshon rnam ste zhes bya ba gsungs te/ mtshon cha ni don rdzogs par byed pas na mtshon cha'o/ /rno zhes bya ba ni gzhig par dka' ba 'jigs pa nyid kyis so/ /gdug pa 'dul ba'i thabs su gyur pa nyid kyis na thabs so/ /de lta rdo rje gnod sbyin gyis de bzhin gshegs pa rnams kyi bsrung ba yongs su bskyad par byas pa yin la/ de nas de kho na nyid rtogs pa'i tshul gyis rdo rje khu tshur gyis bsgrub pas na/ de nas zhes bya ba la sogs pa gsungs so/ /de nas bcom ldan 'das kyis snying po 'di rang gi thugs ka nas phyung ngo zhes bya bar sbyar ro/ /de bzhin gshegs pa thams cad kyi sku dang gsung dang thugs rdo rje skye ba med pa'i de bzhin nyid du thugs su chud pas gcig tu mdzad pa ni khu tshur ro/ /de bzhin gshegs pa thams cad kyi khu tshur yang yin la byang chub sems dpa' chen po yang yin pas na/ de bzhin gshegs pa thams cad kyi byang chub sems dpa' chen po'i khu tshur ro/ /de nyid ni sems dpa' rdo rje'i gzugs can gyi rdo rje sems dpa' o/ /de'i dam tshig ni de bzhin gshegs pa thams cad kyi phyag rgya thams cad bcing ba la sogs pa'i tshul lo/ /de las byung ba ni sems dpa' i rdo rje'i tshul gang las las su gyur pa ste/ de byin gyis brlab cing brtan par bya ba'i phyir/ rdo rje ltar mi phyed pa'i ting nge 'dzin gang la ming de skad ces bya ba'i ting nge 'dzin de la snyoms par zhugs nas/ phyag rgya thams cad bcing ba la sogs pa'i sprul pa skye ba'i rnam par thugs rtse gcig tu mdzad ces bya ba'i bar du'o/ /de bzhin gshegs pa thams cad kyi sku dang gsung dang thugs rdo rje bcing ba ni/ bcom ldan 'das rdo rje khu tshur ro/ /de'i dam tshig gi bskyed pa'i rgyu'o/ /de nas zhes bya ba la sogs pa la/ /bcom ldan 'das de nyid rdo rje bcings pa'i dbyibs su gyur te phyag gnyis su gnas so zhes bya bar sbyar ro/ /bcom ldan 'das rdo rje 'dzin pa de nyid de zhes bya ba ni sems dpa' rdo rje'i gzugs so/ /de bzhin gshegs pa thams cad kyi phyag rgya bcings par gyur ro zhes bya ba la/ de bzhin gshegs pa thams cad kyi phyag rgya bcings pa ni dam tshig rdo rje khu tshur gyis rdo rje rtse lnga pa 'tshir ba lta bu'o/ /de dag thams cad kyang gcig tu gyur nas rdo rje bcings pa'i dbyibs gcig tu gyur te phyag gnyis su gnas pa ni/ dam tshig gi khu tshur gyis gzung ba'i rdo rje rtse lnga pa'i phyag rgya nyid 'dir bcings pa'i dbyibs yin no/ /de nas zhes bya ba la sogs pa la byang chub sems dpa' i skur gyur nas thugs la gnas nas ched du brjod pa 'di ched du brjod do zhes bya bar sbyar ro/ /de bzhin gshegs pa thams cad kyi phyag rgya dang ye shes la sogs pa dang/ sangs rgyas thams cad kyi rdzu 'phrul dang cho 'phrul rnams byas nas zhes bya ba la de bzhin gshegs pa thams cad kyi phyag rgya ni bcom ldan 'das rdo rje khu tshur te de nyid ni ye shes so/ /de la sogs pa gang yin pa de ni de bzhin gshegs pa thams cad kyi phyag gya dang ye shes la sogs pa/ sangs rgyas tham cad kyi rdzu 'phrul dang cho 'phrul rnams byas nas/ de thams cad cig tu gyur nas byang chub sems dpa' rdo rje khu tshur gyi skur gyur to/ /ci'i phyir zhe na/ rdo rje sems dpa' zhe bya b la sog pa gsung te/ de bzhin gshegs pa thams cad kyi khu tshur ni bcom ldan 'das rdo rje khu tshur ro/ /de nyid ni gcig shin tu bcings pa gang yin pa 'di ni/ de bzhin gshegs pa thams cad kyi khu tshur bcings pa ste de'i ngo b nyid yin pas na bcings pa nyid do/ /gang gis zhe na rdo rje sems dpa' i ting nge 'dzin ni zhes bya ba ste/ de bzhin gshegs pa tham cad gcig tu mdzad nas byang chub sems dpa' che po rdo rje khu tshur gyi skur bskyed par byed pa dang yin pa de ni 'dir rdo rje sems dpa' i ting nge 'dzin to/ /e ma'o rab tu brtan bcings pas zhes bya ba la/ rab tu brtan pa ni mi phyed pa'o/ /'di ni ci zhig yin zhe na bcings pa'o/ /ji lta bu zhe na dam tshig ces bya ba ste/ 'da' bar mi bya ba'i don to/ /ci zhig ngo mtshar che zhe na/ bsam pa thams cad ces bya ba la sogs pa gsungs te/ gang g phyir bsam pa thams cad rab grub phyir zhe bya ba/ sred pa'i rnam pa thams cad ni bsam pa thams cad de/ bdag gi de bzhin gshegs pa nyid rtogs par byas nas thams cad kyis sems can gyi thams cad rdzogs par bya'o zhes bya ba'i smon lam rdzogs par gyur pa ni rab tu grub pa ste/ don de'i phyir grol ba rnams zhes bya ba nyon mongs pa dang shes bya'i sgrib pa 'ching ba las thar ba rnams kyang/ mi gnas pa'i mya ngan las 'das pa'i tshul gyis 'khor bar zhugs par byed pa ni 'ching bar byed pa'o/ /de bzhin gshegs pa thams cad kyi rgyab na zhes bya ba ni bcom ldan 'das don yod par grub pa'i 'o/ /ded nas zhes bya ba la sogs pa la/ bcom ldan 'das kyis rdo rje bcings pa de de'i lag pa gnyis su byin no zhes bya bar sbyar ro/ /de bzhin gshegs pa thams cad kyi kun rdzob kyi rdo rje khu tshur gyi bdag nyid can ni 'ching ba'o/ /de nyid ni dam tshig tshig go /de nyid ni mi phyed pas na rdo rje ste/ de la dmigs pa'i ting nge 'dzin ni de bzhin gshegs pa tham cad kyi 'ching ba'i dam tshig do rje zhes bya ste/ de la snyoms par zhugs pa ni/ rdo rje bcings pa'i phyag rgya sbyin pa'i rnam par thugs rtse gcig tu mdzad ces bya ba'i tha tshig go /de bzhin gshegs pa thams cad kyi phyag rgya bcings pa'i dam tshig ces bya ba la/ de bzhin gshegs pa thams cad kyi phyag rgya ni rigs thams cad las byung ba'i sku gsung thugs kyi phyag rgya'o/ /de bcing ba ni bdag med pa'i tshul gyis gcig tu bya ba ste/ rdo rje khu tshur nyid la bya bar bshad do/ /de'i dam tshig ni rgyu ste/ rdo rje bcings pa'i phyag rgya'o/ /de bzhin gshegs pa thams cad dang/ lha rnams kyis dgongs par brtag pa zhes bya ba la/ de bzhin gshegs pa thams cad ni sems dang sems las byung bas gnyis su med pa'o/ de rnams kyi lha rnams ni de bzhin gshegs pa dang de bzhin gshegs pa'i rigs kyi sku gsung thugs kyi gsang ba'i phyag rgya'o/ /de'i dgongs pa brtag pa ni cho 'phrul gyi rnam pa brgya rtsa brgyad skyed pa'i ting nge 'dzin gyi dgongs par brtag pas sems can gyi khams thams cad bde ba dang yid bde ba thams cad myong bar bya ba nas/ de bzhin gshegs pa thams cad kyi thams cad mkhyen pa'i ye shes dang/ phyag rgya'i dbang dam pa grub pa'i bar du ste 'bras bu de dag gi phyir ro/ /de bzhin gshegs pa thams cad kyi thams cad mkhyen pa'i ye shes ni chos bdag med pa'i ye shes so/ /de nyid phyag rgya yin la de la dbang ba ni bdag por gyur pa'o/ /de nyid ni dam pa grub pa ste/ de kho na nyid ni 'bras bu yin te/ de dag gi phyir ni rgyur te/ byan chub sems dpa' chen po grub pa'i don du zhes bya ba'i tha tshig go /bar du zhes bya ba ni byang chub tu sems bskyed pa la sogs pa bsdu'o/ /de'i lag tu byin no zhes bya ba la sangs rgyas lnga'i dbu rgyan dag dpyangs kyi dbang gis dbang bskur nas so/ /rdo rje khu tshur zhe bya ba ni/ de bzhin gshegs pa khu tshur gyis nye bar mtshon pa'i phyir de bas na rdo rje khu tshur zhes bya'o/ /rdo rje bcing ba des zhes bya ba ni/ rang gi lag na gnas pa'i chos bdag med pa'i rdo rje khu tshur ni rdo rje bcings pa ste/ des rnam par snang mdzad la sogs pa'i de bzhin gshegs pa tham cad 'ching zhing zhes bya ba/ mi gnas pa'i mya ngan las 'das pa la 'jog cing sems can gyi don du 'khor ba ji srid par bzhugs par byed pa'o/ /'di de zhes bya ba ni gang bcom ldan 'das rnam par snang mdzad kyis bdag la stsal ba gang yin pa de ni sangs rgyas thams cad kyi phyag rgya bcings pa yin no/ /ji lta bu zhig ce na/ che zhing bstan zhes bya ba ni/ chos kyi dbyings gnyis su med pa'i tshul nyid kyis na mi byed pa yin pa'i phyir ro/ /ci'i phyir phyag rgya bcing ba che zhing brtan pa yin zhe na/ sangs rgyas kun ni myur grub phyir zhes bya ba ste/ de bzhin gshegs pa la sogs pa'i blos pa pos/ rdo rje 'bebs pa'i phyag rgya bcings nas badzra muSh+Ti zhes bya bas rdo rje khu tshur gyi dam tshig gi phyag rgya bcings la/ badzra san d+hi zhes brjod do/ /de nas de rnams phyag rgya bcings na/ des myur du 'grub par 'gyur ro/ /de badzra A be sha zhes bya bas/ rdo rje 'bebs pa'i dam tshig gi phyag rgya bcings la/ a zhes bya bas bdag nyid la dbab par bya'o/ /de nas badzra muSh+Ti zhes bya bas rdo rje khu tshur gyi dam tig gi phyag rgya bcing bar bya'o/ /des nas phyag rgya thams cad bcing ba 'grub par 'gyur ro/ /gal te de ltar mi byed na sa ma ya stwaM zhes bya bas phyag gya chen po la sogs pa phyag gya thams cad bcing ba rbya'o zhes bshad pa yin no/ /dam tshig shin tuAng 'da' bar dka' zhes bya ba ni 'da' bar bya ba ma yin pas na dam tshig ste/ 'di nyid kyis na 'da' bar dka' ba'o/ /des ni 'di skad ston pa yin te/ gang gis na sangs rgyas thams cad myu rdu grub pa'i phyir/ 'di ni 'da' bar mi bya ba'i dam tshig yin la/ de bas na bdag gi rdo rje khu tshur bcing ba'i tshul 'di ni che zhing brtan pa yin no/ /de nas zhes bya ba la sogs pas ni sdom gsungs pa yin te/ de bzhin gshegs pa thams cad kyi mchod pa'i cho ga rgyas pa'i las kyi rang bzhin ni rdo rje'i las so/ /brtson 'grus chen po ni bla na med pa yang dag par rdzogs pa'i byang chub par spro ba'o/ /de nyid ni go cha brtan pa ste go cha ni rdo rje bsrung ba'o/ /de bzhin gshegs pa thams cad kyi thabs chen po ni rdo rje gnod sbyin no/ /de bzhin gshegs pa tham cad kyi phyag gya tham cad bcing ba'i ye shes ni rdo rje khu tshur ro/ /de bzhin gshegs pa thams cad kyi phrin las chen po'i sems dpa' zhes bya ba ni/ de bzhin gshegs pa thams cad kyi brtson 'grus chen pI rang bzhin gyi phrin las las byung pa'i sems dpa' rnams so/ /de yang bcom ldan 'das kyi brtson 'grus kyi pha rol tu phyin pa'i phrin las ni don yod par grub pa'o/ /brtson 'grus kyi rang bzhin gyi las de yang rnam pa bzhir 'gyur ro/ /brtson pa dang/ yongs su sbyor ba dang/ so sor rtogs pa dang/ bsgrub pa lhur len pa'o/ /de la rtsom pa'i brtson 'grus ni dang po 'ju pa ste/ sangs rgyas kyi sprul pas 'gro ba'i don byed par spro ba'i rtson pa'i brtson 'grus ni rdo rje las so/ /de nyid gong nas gong du mngon par 'phel bar bya ba'i phyir/ ma zhum pa'i sbyor bas yongs su sbyong ba'i brtson 'grus ni rdo rje bsrung ba'o/ / 'khor gsum yogns su dag pa'i brtson grus kyi pha rol tu pyin pa sgom pa thams cad nye bar ma dmigs pa so sor rtog pa'i brtson 'grus ni rdo rje gnod sbyin no/ /rang bzhin med pa de mngon sum du byas pa sgrub pa lhur len pa'i brtson grus ni rdo rje khu tshur ro/ /de ltar rdo rje khu tshur gyis de bzhin gshegs pa thams cad kyi de bzhin nyid rtogs pas grub par gyur pa ni/ byang chub kyi sems dang/ sbyin pa'i pha rol tu phyin pa dang shes rab dang brtson 'grus kyi pha rol tu phyin pa'i ngo bo rnams ni/ rdo rje sems dpa' la sogs pa sur bar byed pa yin no/ /rnam par snang mdzad la sogs pa nas rdo rje 'bebs pa'i mthar thug pa'i bar gyi re re zhing gyur to zhes bya ba bstan pa'i phyir/ de nas zhes bya ba la sogs pa smos pa yin te de nas zhes bya ba la sogs pa la/ de bzhin gshegs pa mi bskyod pas rdo rje dam tshig byung ngo zhes bya bar sbyor ro/ /de nas zhes bya ba ni sgra ni de ma thag tu'o/ /bcom ldan 'das rnam par snang mdzad kyi de bzhin gshegs pa thams cad kyi ye shes bsgrubs te zhes bya ba ni/ sangs rgyas thams cad gcig tu bsdus pa la sogs pa nas rdo rje 'bebs pa'i bar gyi ye shes te de bzhin gshegs pa thams cad kyi ye shes so/ /de bzhin gshegs pa thams cad kyi ye shes la phyag rgyas gdab pa'i phyir zhes bya ba ni/ rnam par snang mdzad la sogs pa'i thugs kar rdo rje rtse lnga pa bzhag pa ni phyag rgyas gdab pa ste de'i phyir ro/ /rdo rje pha rol tu phyin pa zhes bya ba la/ rdo rje ni byang chub kyi mtshan nyid can gyi sems te/ de'i pha rol tu phyin cing 'gro bas na/ rdo rje'i pha rol tu phyin cing ste/ de bzhin gshegs pa thams cad kyi byang chub chen po'i ye shes kyi mtshan nyid rdo rje sems ma'o/ /de yang byang chub sems kyi mthu yis ni/ pha rol sangs rgyas nyid du 'gyur/ /de bas pha rol phyin ldan pa/ /rdo rje sems mar shes par bya zhes gsungs pa yin no/ /de'i dam tshig ni rgyu ste/ rdo rje 'od zer la sogs pa'i tshul lo/ /de 'byung ba ni rnam par snang mdzad la sogs pa'i thugs kar gnas pa'i sems dpa' rdo rje las byung ba'o/ /de byin gyis brlab pa'i ting nge 'dzin gang la ming 'di nyid ces bya ba'i ting nge 'dzin de la snyoms par zhugs pa ni/ rdo rje'i 'od zer la sogs pa sprul zhing bskyed pa'i rnam par thugs rtse gcig tu mdzad ces bya ba'i tha tshig go /de bzhin gshegs pa thams cad kyi rdo rje zhes bya ba ni sems dpa' i rdo rje'o/ /de'i dam tshig ni rgyur gyur pa'o/ /de bzhin gshegs pa thams cad kyi rdo rje'i dam tshig ni de bzhin gshegs pa thams cad kyi phyag rgya ste rdo rje sems ma'o/ /'di zhes bya ba ni thugs la gnas pa'i sgra'i tshul lo/ /rang gi thugs ka nas byung ba ni phyung bar gyur pa'o/ /de nas zhes bya ba la sogs pa la/ rdo rje chen po'i dbyibs su gyur te ched du brjod pa 'di yang ched du brjod do/ /zhes bya bar sbyar ro/ /de bzhin gshegs pa thams cad kyi thugs las zhes bya ba ni/ de bzhin gshegs pa lnga'i thugs las so/ /rdo rje'i 'od zer ni rdo rje'i rtse lnga pa lta bu'o/ /bcom ldan 'das rdo rje 'dzin pa de nyid do zhes bya ba ni/ sems dpa' rdo rje'i tshul lo/ /de bzhin gshegs pa thams cad kyi rdo rje'i pha rol tu phyin pa'i ye shes rnams la phyag rgyas btab nas zhes bya ba la/ rdo rje'i pha rol tu phyin pa ni bshad ma thag pa'i mtshan nyid do/ /de las byung ba'i rnam par snang mdzad la sogs pa'i sku'i gsang ba'i tshul ni ye shes so/ /sku'i gsang ba'i thugs ka'i zla ba de rnams su rdo rje rtse lnga pa'i gzugs su bskyed pa 'di ni phyag rgyas btab pa'o/ /e ma'o zhes bya ba la sogs pa la/ sems dpa' rdo rje zhes pa la zla ba'i dkyil 'khor ni sems dpa' o/ /de'i steng gi rdo rje rtse lnga pa ni sems dpa' i rdo rje'o/ /brtan pa bdag ces bya ba ni byang chub kyi mtshan nyid can ni thugs kyi tshul yin pa nyid kyis na brtan pa'o/ /ci zhig ngo mtshar che zhe na/ gang phyir zhes bya ba la sogs pa gsungs te/ gang phyir brtan pas zhes bya ba/ gnyis su med pa'i tshul gyis mi phyed pa nyid yin pas lus med kyang zhes bya ba gzugs med pa ste/ chos kyi dbyings kyi rang bzhin can yin pas lus med du zin kyang rdo rje'i lus su te/ rdo rje rtse lnga pa'i gzugs nyid du gyur pa yin zhing thob pa ste/ bdag ni gnyis su med pa'i ye shes kyi rang bzhin yin pa las/ gdul bya rnams kyis rdo rje rtse lnga pa'i gzugs su mthong ba 'di ni ngo mtshar che'o/ /de nas zhes bya ba la sogs pa la bcom ldan 'das de bzhin gshegs pa rin chen 'byung ldan gyis/ rin po che'i dam tshig ces bya ba'i rang gi phyag rgya 'di rang gi thugs ka nas phyung ngo zhes bya bar sbyar ro/ /de bzhin gshegs pa thams cad kyi ye shes la phyag rgyas btab pa'i phyir zhes bya ba la/ de bzhin gshegs pa thams cad kyi ye shes ni snga ma dang 'dra'o/ /rnam par snang mdzad la sogs pa'i dpral bar zla ba'i dkyil 'khor gyi steng du rdo rje rin po che bskyed pa ni/ de rnams la phyag rgyas btab pa'o/ /rin po che'i pha rol tu phyin pa'i dam tshig ces bya ba la/ rin po che'i pha rol tu phyin pa ni sbyin pa'i pha rol tu phyin par sbyin pa'i pha rol tu phyin pa'i tshul can gyi rdo rje rin chen ma'o/ /de yang sbyin pa la spyod mthu yis ni/ /pha rol sangs rgyas nyid du 'gyur/ /de bas pha rol phyin ldan pa/ /rdo rje rin chen mar shes bya/ zhes bshad pa yin no/ /rin po che'i pha rol tu phyin pa de'i dam tshig ni ste/ rin po che lta bu'i 'od zer dang de bzhin gshegs pa sprul ba la sogs pa'o/ /de las byung ba ni rin po che lta bu'i sems dpa' i rdo rje gang las byung ba ste/ de byin gyis brlab par bya ba'i phyir/ ting nge 'dzin gang yin pa de la snyoms par zhugs nas so/ /rdo rje rin po che'i dam tshig ces bya ba la/ rdo rje rin po che ni rdo rje rin chen ma'o/ /de'i dam tshig ni rgyur gyur pa'o/ /de nas zhes bya ba la sogs pa la/ rin po che'i dbyibs su gyur te ched du brjod pa 'di ched du brjod pa zhes bya bar sbyar ro/ /rin po che'i 'od zer zhes bya ba ni rin po che lta bu'i 'od zer ni rin po che'i 'od zer ro/ /bcom ldan 'das rdo rje 'dzin pa de nyid zhes bya ba ni sems dpa' i rdo rje'i rnam pa'o/ /de bzhin gshegs pa thams cad kyi ye shes la phyag rgyas btab nas zhes bya ba ni/ rnam par snang mdzad la sogs pa'i dpral bar zla ba'i dkyil 'khor gyi steng du rdo rje rin po che bskyed pa ni phyag rgyas btab pa'o/ /e ma'o sangs rgyas thams cad kyi/ rdo rje rin chen bdag nyid grags/ /zhes bya ba ni/ e ma'o ni ngo mtshar che ba ste/ rdo rje rtse lnga pas rtse mo mtshan pa'i yid bzhin gyi nor bu ni rdo rje rin chen no/ /ci zhig ngo mtshar che zhe na/ gang phyir phyag rgya thams cad ni/ /dbang gi tshul ni brtan pa'o/ /zhes smos te gang gi phyir rnam par snang mdzad la sogs pa'i phyag rgya chen po thams cad kyi dbang bskur ba'i tshul brtan po yin pa ste/ mnyam pa nyid kyi mtshan nyid can gyi rin po ches sems dri ma med par byed pa yin la/ de yang gnyis su med pa yin pas bstan pa ste/ de thob pa'i thabs kyi rdo rje rin po che'i tshul lo/ /'di skad ston pa yin te/ bdag ni nam mkha' dang mnyam pa nyid kyi ye shes kyi rang bzhin yin na gdul bya rnams kyi rdo rje rin chen gyi gzugs su mthong ba 'di ni ngo mtshar che'o/ /de nas zhes bya ba la sogs pa la/ /bcom ldan 'das kyis rang gi phyag rgya phyung ngo zhes bya bar sbyar ro/ /'jig rten dbang phyug ni rdo rje chos so/ /de mdzes par gyur pas na 'jig rten dbang phyug gi rgyal po ste/ bcom ldan 'das 'od dpag tu med pa ?? bzhugs pa'i phyir ro/ /de bzhin gshegs pa thams cad kyi ye shes ni rnam par snang mdzad la sogs pa'i'o/ /phyag rgyas gdab par bya ba'i phyir zhes bya ba ni de rnams kyi lkog mar zla ba'i dkyil 'khor gyi steng du rdo rje pad+ma bskyed pa'o/ / chos kyi yongs su byin pa'i tshul ni rdo rje chos ma ste/ de yang shes rab sbyod pa'i mthu yis ni/ /pha rol sangs rgyas nyid du 'gyur/ /de bas pha rol phyin ldan pa/ /rdo rje chos mar shes par bya/ /zhes gsungs pa'i phyir ro/ /chos kyi pha rol tu phyin pa'i dam tshig ni rgyu ste/ pad+ma'i 'od zer la sogs pa'o/ /de las byung ba ni sems dpa' i rdo rje gang las chos su gyur pa ste/ de byin gyis brlab pa'i phyir rdo rje ltar mi phyed pa'i ting nge 'dzin gang la ming 'di nyid ces bya ba la snyoms par zhugs nas chos kyi dam tshig ces bya ba pad+ma'i 'od zer la sogs pa ni chos so/ /de'i dam tshig ni d+harmmA? badzri zhes bya ba'i sgra'i tshul lo/ /de nas zhes bya ba la sogs pa la pad+ma chen po'i dbyibs su gyur nas ched du brjod pa 'di ched du brjod do zhes bya bar sbyar ro/ /pad+ma'i 'od zer zhes bya ba ni pad+ma lta bu'i 'od zer rnams so/ /bcom ldan 'das rdo rje 'dzin pa de nyid ces bya ba ni sems dpa' i rdo rje'o/ /de bzhin gshegs pa thams cad kyi ye shes la phyag rgyas btab po zhes bya ba ni rnam par snang mdzad la sogs pa lkog ma'i phyogs su zla ba'o dkyil 'khor gyi steng du pad+ma bskyed pa ni phyag rgyas btab pa'o/ /chos kyi rdo rje gtsang ma bdag ces bya ba ni/ shes rab kyi pha rol tu phyin pa'i tshul ni chos kyi rdo rje bdag yin no/ /de nyid kyis na rang bzhin gyis dag pa nyid yin pa'i phyir gtsang ma'o/ /ci zhig ngo mtshar che zhe na/ gang phyir rang bzhin rnam dag pas/ 'dod chags yin yang dri ma med ces bya ba ste/ gang gi phyir 'dod chags te/ zhen pa'i mtshan nyid yin yang dri ma thams cad dang bral bas shin tu dri ma med pa yin zhe na/ rang bzhin rnam par dag pas zhes bya ba smos te/ de bzhin nyid kyi ngo bo nyid yin no zhes bya ba'i tha tshig go /de nas zhes bya ba la sogs pa/ bcom ldan 'das de bzhin gshegs pa gdon mi za bar grub pas/ rang gi phyag rgya 'di rang gi thugs ka nas phyung ngo zhes bya bar sbyar ro/ /de bzhin gshegs pa thams cad kyi ye shes ni rnam par snang mdzad la sogs pa'o/ /de rnams kyi spyi bor sna tshogs rdo rje bzhag pa ni phyag rgyas btab pa ste de'i phyir ro/ /pha rol tu phyin pa thams cad kyi dam tshig ces bya ba la/ brtson 'grus kyi pha rol tu phyin pa'i ngo bo rdo rje las ma ni pha rol tu phyin pa thams cad do/ /de yang brtson 'grus spyod pa'i mthu yis ni/ /pha rol sangs rgyas nyid du 'gyur/ /de bas pha rol phyin ldan pa/ /rdo rje las mar shes par bya zhes gsungs pa yin no/ /pha rol tu phyin pa thams cad kyi dam tshig ni rgyu ste/ las kyi 'od zer la sogs pa'o/ /de la 'byung ba ni sems dpa' i rdo rje gang las byung ba de byin gyis brlab pa'i phyir/ mi phyed pa'i ting nge 'dzin gang la ming 'di nyid ces bya ba de la snyoms par zhugs pa ni las kyi rdo rje sprul cing bskyed pa'i rnam par thugs rtse gcig tu mdzad pa'o/ /de bzhin gshegs pa thams cad kyi las kyi dam tshig ces bya ba ni/ de bzhin gshegs pa thams cad kyi las ni sna tshogs rdo rje nye bar mtshon pa'i brtson 'grus kyi pha rol tu phyin pa'o/ /de bzhin gshegs pa thams cad kyi las kyi dam tshig ni rgyur gyur pa ste/ karmmA badzri zhes bya ba'i sgras tshul lo/ /las thams cad kyi 'od zer zhes bya ba ni sna tshogs rdo rje lta bu'o/ /bcom ldan 'das rdo rje 'dzin pa de nyid do zhes bya ba ni/ gang du de bzhin gshegs pa thams cad kyi thugs ka nas sems dpa' i rdo rje'i tshul gnas pa'o/ /de bzhin gshegs pa thams cad kyi ye shes la phyag dang? 'dra ba las khyad par du sbyar ba ni/ byang chub sems dpa' i byang chub sems la ji lta ba bzhin du dga' bas de bzhin gshegs pa'i rigs thams cad sdud par gyur pa ste/ de bas na bsdus par gyur par 'dod do/ /rdo rje sems dpa' i lha mo zhes bya ba ni sdug pa'o// ?? bdag 'dra gzhan med de/ zhes bya ba ni byang chub kyi sems kyi dga' ba'i rang bzhin can gzhan dag yod pa ma yin pa'o ci zhig ngo mtshar che zhe na/ gang phyir 'dod pas dga' mchod pas/ /mchod pa thams cad byas par 'gyur zhes bya ba gsungs te/ 'dod pa ni rdo rje sems dpa' o/ /de la dga' bas na 'dod pa la dga' ba'o/ /de nyid ni mchod pa ste bsgrub pa'i mchod pa'i tshul des byang chub kyi sems la sogs pa'i mchod pa la gdul bya'i sems can rnams 'jug par byas par 'gyur ba'o/ /'di zhing ston pa yin te/ 'dir 'dod pa ni rdo rje sems dpa' la sogs pa yin la/ bdag ni yul de la dga' ba'i bdag nyid can yin gyi 'jig rten na grags pa'i gzugs la sogs pa'i yul rnams la dga' ba ni ma yin no/ /de bas na byang chub kyi sems la sogs pa'i sgrub pa mchod pa la 'jug par byed na gdul bya rnams kyis byis pa ltar gzugs la dga' o snyam du sems dpa' 'di ni ngo mtshar che'o/ /chos dang gang zag tu 'dzin pa'i lta ba dang bral ba sbyin pa'i pha rol tu phyin pa'i mtshan nyid ni rin po che'i rigs su gyur gyi gzhan ni ma yin no/ /zhes yang dag pa'i lta ba'i tshul rin po che'i rigs thob par byed pa'i thabs su gyur pa rin po che'i phreng ba ni des na zhes bya ba la sogs pa gsungs pa yin te/ de nas bcom ldan 'das kyis lha mo chen mo rang gi thugs ka nas phyung ngo zhes bya bar sbyar ro/ /de bzhin gshegs pa thams cad kyi rin po che'i phreng ba ni zhes bya ba ni yang dag pa'i lta ba'o/ /des de brgyan pa'i phyir des dbang bskur ba ni gang chos dang gang zag tu lta ba'i dri ma 'khrud par byed pa'o/ /de'i dam dmigs pa rdo rje ltar mi phyed pa'i ting nge 'dzin gang la ming de nyid ces bya ba de la snyoms par zhugs pa'o/ /de bzhin gshegs pa thams cad kyi rigs kyi lha mo zhes bya ba ni/ de bzhin gshegs pa thams cad kyang yin la/ rigs thams cad kyang yin pas na de bzhin gshegs pa thams cad kyi rigs te/ rdo rje sems dpa' la sogs pa'o/ /de'i lha mo yang yin la chen po yang yin pas na lha mo chen mo ste/ de'i btsun mo zhes bya ba'i don to/ /de yang des gso bar bya zhing mngon par bskyed par bya ba nyid kyis na de la de skad ces bya'o/ /de nas zhes bya ba la lha mo chen mo rdo rje mo sgeg mos ched du brjod pa ched du brjod de/ /zhes bya bar sbyar ro/ /rdo rje'i phyag rgyar gyur nas byung ste/ zhes bya ba ni rdo rje rtse lnga par ro/ /bcom ldan 'das rdo rje 'dzin pa de nyid do/ /zhes bya ba ni snga ma dang 'dra'o/ /rang gi dngos po thams cad rdo rje sems dpa' dang 'dra zhing zhes bya ba ni bdag nyid kyi dngos po thams cad phal cher rdo rje sems dpa' dang 'dra zhing rjes su mthun pa gang yin pa de la de skad ces bya'o/ / bdag nyid kyi lus thams cad khyab par 'dra ba ni ma yin pa'i phyir/ thams cad ces bya ba'i sgras 'di'i don phal cher zhes bya ba'i tha tshig go /'di dag nyid bstan par bya ba'i phyir/ kha dog dang gzugs dang zhes bya ba la sogs pa gsungs te/ de la kha dog sna tshogs pa ni kha dog dkar zhing mdzes pa'o/ /gzugs sna tshogs pa ni yan lag gi dbyibs rnams so/ /mtshan ma sna tshogs pa ni nu ma dang skra la sogs pa'o/ /spyod pa sna tshogs pa ni gnas pa dang 'gro ba la sogs pa 'gying ba dang bcas pa'o/ /kha dog la sogs pa sna tshogs pa 'ba' zhig tu ma zad kyi/ de ni rgyan thams cad kyi klubs pa yin te/ sangs rgyas thams cad kyi rin po che'i dbu rgyan dang dar dpyangs kyi dbang gis dbang bskur ba la sogs pas brgyan pa'o/ /'dir rdo rje sems dpa' rgyas btab? ste? zhes bya ba ni rnam par snang mdzad la sogs pa'i spyi bor zla ba'i dkyil 'khor gyi steng du rdo rje rtse mo bcu gnyis pa'i las kyi rdo rje bskyed pa ni rgyas btab pa'o/ /thams cad du rtse mo bltas pa zhes bya ba ni/ rdo rje rtse gsum pa'i rtse mo re re zhing phyogs ?? bltas par gnas pa'i phyir ro/ /las kyi rdo rje mang po bdag ces bya ba ni nam mkha' thams cad khyab pa'i rnam par snang mdzad la sogs pa'i dbu la thams cad gnas pas ni mang po'o/ /ci zhig ngo mtshar che zhe na/ gang phyir zhes bya ba la sogs? pa smos te/ gang gi phyir bdag ni brtson 'grus kyi pha rol tu phyin pa bsdus pa'i tshul gyis na gcig yin yang bdag gsal ba'i dbye bas sems can gyi khams ma lus par gdul bya rnams kyis du mar mthong ba 'di ni ngo mtshar che'o/ /de nyid kyi ? gsungs pa ni/ de bzhin gshegs pa thams cad kyi zhes bya ba la sogs pa gsungs pa yin te/ de bzhin gshegs pa thams cad kyi byang chub kyi sems kyi mtshan nyid kyi ye shes kyi rang bzhin gyi dam tshig ni kun rdzob kyi tshul du sems dpa' i rdo rje'i tshul gyis na rdo rje sems ma'o/ /dbang bskur chen po ni rdo rje rin chen ma'o/ /rdo rje rdo rje chos nyid ni rdo rje chos ma'o/ /mchod pa thams cad ni rdo rje las ma'o/ /'di dag ni de bzhin gshegs pa'i rigs bsdus par gyur pa yin pas/ pha rol tu phyin pa chen po rnams so zhes bya'o/ /byang chub kyi sems la dga' bar 'gyur ro zhes bya ba la sogs pa bstan pa'i phyir/ /de nas zhes bya ba la sogs pa gsungs te/ de nas bcom ldan 'das kyis lha mo chen mo 'di phyung ngo zhes bya bar sbyar ro/ /de bzhin gshegs pa thams cad dgyes pa ni dga' ba'o/ /de nyid mchod pa ste sgrub pa'i mchod pa'i ngo bo'o/ /de'i dam tshig ni rdo rje'i phyag rgya la sogs pa'i tshul lo/ /da las byung ba ni sems dpa' i rdo rje gang las gyur pa ste/ de la tshig ni rin po che'i phyag rgya la sogs pa'o/ /de las byung ba ni sems dpa' rdo rje gang las zhes bya ba la sogs pa sngar bshad zin to/ /de bzhin gshegs pa thams cad kyi rigs kyi lha mo chen mo zhes bya ba ni rdo rje sems dpa' la sogs pa thams cad ni de bzhin gshegs pa'i rigs so/ /de'i lha mo chen mo ni yang dag pa'i lta ba'i ngo bo rin po che'i phreng ga ni sngar bshad pa'i tshul gyis btsun mo'o/ /rin po che'i phyag rgya zhes bya ba ni rdo rje rin po che'i phreng ba'i phyag rgya'o// bcom ldan 'das rdo rje 'dzin pa nyid do zhes bya ba ni snga ma dang 'dra'o/ /rin chen mchod pa zhes grags zhes bya ba ni ji skad du bshad pa'i tshul khrims 'chal pa dang bral ba'i rin po che'i mchod pa ste sgrub pa'i mchod pa yin te/ tshul khrims kyi pha rol tu phyin pa ni chos dang gang zag tu mngon par zhen pa'i tshul khrims 'tshal pa'i nor bu 'ching bu rnam par spong bas yang dag pa'i lta ba de'i tshul khrims yid bzhin gyi nor bu rin po che'i phreng ba yin par bstan te/ tshul khrims pha rol sbyin pa yis/ /brgyan pa'i yan lag yid du'ong/ /zhes gsungs pa'i phyir ro/ /ci zhig ngo mtshar che zhe na/ /gang zhig khams gsum rgyal mchog kyang/ /rab tu mchod par byed par 'gyur zhes bya ba ste/ 'dod pa dang gzugs dang/ gzugs med pa'i mtshan nyid gsum por bsdus pa khams gsum pa ste/ khams gsum po der chos kyi rgyal po ni nyon mongs pa dang shes bya'i sgrib pa bag chags dang bcas pa spangs pas sangs rgyas bcom ldan 'das so/ /de nyid kyis na mchog yin pa nyid kyis mchog ste/ khams gsum pa'i rgyal mchog de ni sangs rgyas bcom ldan 'das so/ /'dul mdzad pa ni gdul bya rnams 'dul ba mdzad cing rang gi sems dbang du mdzad par gyur pa mngon sum du mdzad ces bya ba'i don to/ /'di skad ston pa yin te/ gang bdag gis mched pa de bzhin gshegs pa nyid du gyur pa gang yin pa de dang bdag ni tha mi dad pa na/ gdul bya rnams ni bdag las tha dad par rtog pa 'di ni ngo mtshar che'o/ /shes rab kyi pha rol tu phyin pa thob pa'i thabs su gyur pa'i bzod pa'i pha rol tu phyin pa ni/ de nas zhes bya ba la sogs pa gsungs pa yin te/ bcom ldan 'das kyi lha mo chen mo rang gi thugs ka nas phyung ngo zhes bya bar sbyar ro/ /de bzhin gshegs pa thams cad kyi gnyis su med pa'i sems dang sems las byung ba'i mtshan nyid can gyi stobs dang mi 'jigs pa la sogs pa'i chos rnams ni/ chos thams cad rang bzhin gyi rnam par dag pa'o/ /zhes chos la dmigs pa'i bzod pa kun tu gzigs pas/ de bzhin gshegs pa thams cad kyis yang dag par glur blangs pa ni glu'i mchog go / de'i dam tshig ni de bzhin gshegs pa thams cad kyi phyag rgya la sogs pa'o/ /de las byung ba ni snga ma dang 'dra'o/ /de bzhin gshegs pa thams cad kyi rigs kyi lha mo chos la dmigs pa'i bzod pa bsgoms pa'o/ /de'i lha mo chen mo ni btsun mo'i don te/ snga ma bzhin du blta bar byas te lha mo chen mo de byung ba'o/ /de nas zhes bya ba la sogs pa la/ lha mo chen mos ched du brjod pa di ched du brjod do/ /zhes bya bar sbyar ro/ /de bzhin gshegs pa thams cad kyi chos kyi phyag rgya zhes bya ba ni rdo rje pi wang ni de bzhin gshegs pa thams cad kyi chos ston par brtson pas chos kyi phyag rgya'o/ /bcom ldan 'das rdo rje 'dzin pa de nyid do zhes bya ba ni snga ma dang 'dra'o/ /glu mchog rang zhes bya bya ba ni glur blangs pa'i ngo bo nyid do/ /ci zhig ngo mtshar che zhe na/ gang phyir zhes bya ba la sogs pa gsungs te/ gang phyir sgra brnyan 'dra ba yi zhes bya ba ni/ sgra thams cad ni don dam par ma skyes pa brag ca dang 'dra ba yin la/ mchod pa rnams kyi zhes bya ba theg pa gsum gyi bstan pa'i chos kyi mchod pa rnams kyis so/ /mnyes par byed pa ni de bzhin gshegs pa dang/ sems can gyi khams rnams so/ /de yang sgra rnams brag ca dang 'dra ba yin du zin kyang ngam pa'i chos ston pa bdag gi pi wang gi sgra la gnas pas de bzhin gshegs pa rnams dang/ sems can gyi khams rnams mnyes shing mgu bar byed pa 'di ni ngo mtshar che'o/ /don yod par grub pa thob pa'i thabs su gyur pa brtson 'grus kyi pha rol tu phyin pa ni/ de nas zhes bya ba la sogs pa gsungs pa yin te/ don yod par grub pa snga ma dang 'dra bar yang brtson 'grus kyi pha rol tu phyin pa'i rang bzhin yin na/ de dang 'di la khyad par ci zhig yod ce na/ rgyu dang 'bras bu'i ngo bo las 'dir ni rgyu'i rang bzhin yin pas khyad par ni 'di yod do/ /bcom ldan 'das kyis de bzhin gshegs pa thams cad pa'i rigs kyi lha phyung ngo zhes bya bar sbyar ro/ /de bzhin gshegs pa thams cad kyi gar gyi mchod pa zhes bya ba ni de bzhin gshegs pa thams cad kyi gsang ba thams cad kyi byang chub chen por spro ba ni 'dir gar zhes bya ba yin par 'dod de/ brtson 'grus pha rol phyin pa gar zhes gsungs pa'i phyir ro/ /de nyid ni mchod pa ste/ sgrub pa'i mchod pa'i ngo bo yin pa'i phyir ro/ /de'i dam tshig ni gar gyi mchod pa'i tshul lo/ /de las byung ba ni sems dpa' i rdo rje gar las zhes bya ba la sogs pa snga ma dang 'dra'o/ /de bzhin gshegs pa thams cad kyi rigs kyi lha mo chen mo zhes bya ba ni brtson 'grus kyi pha rol tu phyin pa nyid thams cad bskyed pa nyid yin pas na sngar bshad pa'i tshul gyis lha mo chen mo zhes bshad do/ /de bzhin gshegs pa thams cad kyi gar gyi mchod pas ces bya ba ni sngar bshad zin to/ /de'i cho ga rgyas pa ni rdo rje rtse gsum pa dang bcas pa'i gar byed pa'i phyag rgya gnyis kyis nam mkha' khyab pa'o/ / bcom ldan 'das rdo rje 'dzin pa de nyid ces bya bar la sogs pa ni sngar bshad zin to/ /mchod kun don mdzad pa zhes bya ba ni thams cad du khyab pa 'di nyid ni mchod pa kun te/ des sangs rgyas la sogs pa'i sprul pas sems can thams cad kyi don mdzad pas na/ mchod kun don mdzad pa ste/ de bzhin gshegs pa rnams so/ /de rnams kyi mchod pa rgya chen bdag yin te zhes/ 'khor gsum yongs su dag pa'i brtson 'grus kyi pha rol tu phyin pa'i tshul gyis sems can ma lus pa'i don byed pa'i phyir ro/ /ci zhig po mtshar che zhe na/ gang phyir rdo rje gar cho gas/ /sangs rgyas mchod pas rab rtogs byed/ ces bya ba gsungs te/ gang gi phyir rdo rje gar gyi tshul gyis sangs rgyas kyi sprul pas gdul bya rnams kyi don byed cing/ sangs rgyas kyi mchod par rab tu rtogs par byed do/ /'di skad ston pa yin te/ brtson 'grus kyi pha rol tu phyin pa'i rang bzhin gyis sangs rgyas rnams dang bdag tha mi dad pa yin na/ de rnams bdag dang tha dad par gyur nas mchod pa byed do snyam pa 'di ni ngo mtshar che'o/ /de bzhin gshegs pa thams cad kyi zhes bya ba la sogs pas/ 'di rnams kyi sdom gsungs pa yin te/ de bzhin gshegs pa thams cad kyi bde ba dang yid bde ba bla na med pa'i rgyun gang yin pa de'i dam tshig ni de'i rang bzhin te sgeg mo'o/ /de bzhin gshegs pa thams cad kyi dbang bskur ba pas chags dang bcas pa'i nyon mongs pa med pa de'i don gy phreng ba ni rdo rje phreng ma'o/ /de bzhin gshegs pa thams cad kyi shes rab kyi pha rol tu phyin pa'i tshul gyis tshigs su bcad pa ji skad gsungs pa bzhin yang dag par lhur len pa'i glu ni lha mo rdo rje ? ma'o/ /de bzhin gshegs pa thams cad kyi mchod pa'i las bla na med pa ni gar gyi mchod pa ste/ de nyid ni las su byed pa'i ngang tshul yin pas mchod pa'i las bla na med pa ste/ rdo rje gar ma'o/ /'di dag ni sems dang ldan pa'i ngo bo yin pas de'i phyir gsang ba'i mchod pa zhes bya ba'o/ /de ltar shes rab kyi pha rol tu phyin pa bsgoms pas byang chub kyi sems la dga' ba'i rang bzhin skye ba yin pas/ de nas zhes bya ba la sogs pas de ston to/ /rdo rje chos la sogs pa yang shes rab kyi pha rol tu phyin pa'i rang bzhin yin na/ de rnams las khyad par ci zhig yod ce na/ /de rnams ni 'bras bu'i ngo bo yin la/ 'di ni rgyu'i ngo bo yin pas 'di ni khyad par ro/ /de nas bcom ldan 'das kyis g.yog mo'i gtso bo mo phyung ngo zhes bya bar sbyar ro/ /mchod pa'i lam du slar mchod pa'i phyir zhes bya ba ni/ dga' ba'i rang bzhin lha mo sgeg mo ni mchod pa'o/ /de'i mchod pa ni sgyu ma'i mchod pa ste/ mchod pa de ni lan gyi mchod pa'o/ /byang chub kyi sems la dga' pa'i rang bzhin sgeg mo gang yin pa'i shes rab las byung ba'i phyir/ de bzhin gshegs pa thams cad rab tu tshim pa zhes bya ba ste/ /de bzhin gshegs pa thams cad mchog tu bde bar byed pas na de bzhin gshegs pa thams cad rab tu tshim pa ste shes rab kyi pha rol tu phyin pa'o/ /de yang bdug pa'i shes rab kyi pha rol tu phyin ces gsungs pa'i phyir ro/ /tshim par byed pa'i dam tshig ni tshim par dam tshig ste/ bdug pa'i mchod pa'i tshul lo/ /de las byung ba ni sems dpa' i rdo rje gang las gyur pa ste/ de la dmigs pa'i ting nge 'dzin la yang de bzhin gshegs pa thams cad rab tu tshim pa'i dam tshig las byung ba rdo rje zhes bya ba'i ting nge 'dzin zhes bya ba ste de la snyoms par zhugs pa'o/ /de bzhin gshegs pa thams cad kyi g.yog mo'i gtso bo zhes bya ba ni shes rab kyi pha rol tu phyin pa'i ngo bo ni/ ji ltar 'jig rten grags pa'i g.yog mos gang la brten pa'i dpon po de'i 'jig rten pa'i bde ba dang yid bde ba bskyed pa bzhin du shes rab kyi pha rol tu phyin pas kyang/ /'jig rten las 'das pa'i bde ba dang yid bde ba bskyed pas de'i phyir g.yog mo'i gtso mo zhes bshad do/ /de nas zhes bya ba la sogs pa la/ lha mo rdo rje gdug pa ma'i lus su gyur te ched du brjod pa ched du brjod ces bya bar sbyar ro/ /de nyid de zhes bya ba ni sems dpa' rdo rje'o/ /bdug pa'i mchog pa sprin gyis gsod pa zhes bya ba ni/ lha dang mi'i lhan cig skyes pa dang/ sbyar ba las byung ba dang/ yongs su gyur pa'i bdug pa'i tshogs rnams ni sprin no/ /de rnams kyi yang phung po ni bkod pa ste/ gzhal yas khang la sogs pa lta bu'o/ /rnam pa du ma ni rnam pa sna tshogs pa'o/ /rdo rje dbyings thams cad khyab par zhes bya ba la/ rdo rje'i dbyings thams cad ni chos kyi dbyings so/ /der khyab pa ni khyab par spros pa'o/ /de lta bu'i bdug pa'i mchod pa'i sprin gyi bkod pa du ma rdo rje dbyibs thams cad du khyab par gyur nas byung ngo/ /rab tu sim ldan dge ba yin zhes bya ba ni/ gang la tshim pa yod pa de ni sim ldan te gang las zag pa med pa'i bde ba mnga' ba zhes bya ba'i tha tshig go /zag pa med pa'i bde ba mnga' ba nyid kyis na dge ba'o/ /ci zhig ngo mtshar che zhe na/ gang phyir sems can dbang ldan pa/ /myur du byang chub thob par 'gyur/ /zhes bya ba gsungs te bdug spos kyis skyes bu la sogs pa'i lus kyi rgyud kyi nang du lha la sogs pa zhugs pa ni sems can dbab pa'o/ /des kyang rang dbang med par 'gyur te/ de rnams la chen po skye bar 'gyur ro/ /bdag kyang sems dpa' ste sems dpa' rdo rje babs pas myur du byang chub thob par 'gyur ba ni ngo mtshar che'o/ /'di skad ston pa yin te/ bdag ni shes rab kyi pha rol tu phyin pa'i rang bzhin yin la/ sems can la babs te zag pa med pa'i bde ba bskyed par byed na/ gdul bya rnams kyis ni bdag sdug pa'i gzugs su rtog par byed do/ /byang chub kyi yan lag gi bsam gtan las yang dag pa'i lta ba skye bar 'gyur bas na/ de nas zhes bya ba la sogs pa bsam gtan gyi pha rol tu phyin pa'i me tog gsungs pa yin te/ de nas bcom ldan das kyis gsol kha ma 'di rang gi thugs ka nas phyeng ngo zhes bya bar sbyar ro/ /mchod pa'i lan du slar mchod pa zhes bya ba ni bcom l dan 'das lha mo rdo rje phreng ba ni yang dag pa'i lta ba'i rang bzhin tshul khrims kyi pha rol tu phyin pa ji skad du bshad pa'i mchod pa yin la mchod ba 'dis mchod pa gang la slar mchod pa ni 'dir byang chub kyi yan lag gis bsam gtan gyi pha rol tu phyin pa gang las yang dag pa'i blta ba bskyed pa yin la/ de bas na de las byung ba yin no/ /rin po che'i rgyan gyis mchod pa zhes bya ba ni dran pa la sogs pa byang chub kyi yan lag bdun gyi bsam gtan rnams ni rin po che dang chos mthun pas rin po che'o/ / de nyid ni rgyan te de lta bu'i rang bzhin can gyi mchod pa ni rin po che'i rgyan gyi mchod pa ste/ sgrub pa'i mchod pa yang dag pa'i lta ba rdo rje phreng ba ma bskyed pa'i rgyu gang yin pa'o/ /de'i dam tshig ni rin po che rgyan gyi mchod pa'i dam tshig ste/ de bzhin gshegs pa thams cad kyi me tog la sogs pa'o/ /de las byung ba ni sems dpa' i rdo rje gang las byung ba'i rin po che rgyan gyis mchod pa'i dam tshig las byung ba rdo rje la dmigs pa'i ting nge 'dzin la yang/ rin po che'i rgyan gyi mchod pa'i dam tshig las byung ba'i rdo rje zhes bya ste/ ting nge 'dzin de la snyoms pa zhugs pa ni me tog la sogs pa sprul cing bskyed pa'i rnam par thugs rtse gcig tu mdzad pa'o/ /de bzhin gshegs pa thams cad kyi gsol ka ma zhes bya ba ni/ de bas na rgyal po'i mdun na gnas te ral gri thogs pa gang yin pa de ni 'jig rten na gsol ka ba zhes grags la/ bcom ldan 'das ma 'di yang bcom ldan 'das rnam par snang mdzad sgeg mo la sogs pa'i btsun mo'i dbus na bzhugs pa'i yang dag pa'i lta ba'i ral gri thogs pa yin te/ de bas na gsol ka ma zhes bya'o/ /de nas zhes bya ba la sogs pa la rdo rje me tog gi lha mor gyur nas ched du brjod do zhes bya bar sbyar ro/ /bcom ldan 'das rdo rje 'dzin pa de nyid do zhes bya ba ni sngar bshad pa'i sems dpa' i rdo rje'i rnam pa gang yin pa'o/ /me tog thams cad kyi mchod pa'i sprin gyi bkod pa zhes bya ba me tog thams cad ni lha dang mi dang yid kyi rang bzhin rnams te de nyid ni mchod pa'o/ /de rnams kyi sogs ni sprin no/ /de rnams kyi cho gas ni bkod pa ste/ me tog gi khang pa brtsegs ma la sogs pa'i tshul lo/ /tshad ji tsam zhe na/ nam mkha' i khams thams cad khyab par byed pa'i zhes bya ba smos te/ nam mkha' i dbyings thams cad du spros pa'o/ /rdo rje me tog gi lha mo'i skur gyur nas zhes bya ba ni rdo rje me tog gi char 'bebs pas nye bar mtshon pa'i lha mo'i sku'o/ /thams cad kyi ni rgyan byed de zhes bya ba ni byang chub kyi yan lag gi me tog gis byang chub kyi sems la sogs pa brgyan cing spud par byed/ de bas na thams cad kyi rgyan byed pa ste/ thams cad mdzes par byed do zhes bya ba'i tha tshig go /ci zhig ngo mtshar che zhe na/ gang phyir mchod nas de bzhin gshegs/ /rin chen nyid du myur du 'grub/ /ces bya ba gsungs te/ de'i don ni 'di yin te tha mi dad par gyur pa bdag gis/ de bzhin gshegs pa thams cad me tog gi mchod pa'i tshul gyis mchod pa ni de bzhin gshegs pa nyid du myur du grub pa thob pa 'di ngo mtshar che'o/ /bdag byang chub kyi yan lag gi ngo bo nyid yin pas na/ de bzhin gshegs pa thams cad kyi ngo bo dang tha mi dad kyang/ gdul bya rnams ni bdag dang tha dad par rtog par byed do zhes pa'o/ /chos kyi spyan gyis chos rnams mthong ba'i chos la dmigs pa'i bzod pa'i mtshan nyid las lha mo mar me 'byung bar 'gyur ro zhes bstan pa'i phyir/ de nas zhes bya ba la sogs pa gsungs pa yin te/ de nas bcom ldan 'das kyis pho nya mo 'di rang gi thugs ka nas phyung ngo zhes bya bar sbyar ro/ /mchod pa'i lan du mchod pa'i phyir zhes bya ba ni ji skad du bshad pa'i bzod pa'i pha rol tu phyin pa ni mchod pa'o/ /de'i mchod pa gang yin pa de'i lan du mchod pa ste/ des de la sgrub pa'i mchod pa'o/ /de bskyed pa'i rgyu nyid kyis na sgrub pa'i mchod pa'i rang bzhin nyid yin pa'i phyir ro/ /de bzhin gshegs pa thams cad kyi snang ba'i mchod pa'i zhes bya ba la de bzhin gshegs pa thams cad ni chos kyi spyan gyi snang ba'o/ /de nyid ni mchod pa yin pas de bzhin gshegs pa thams cad kyi snang ba'i mchod pa'o/ /de la bstan pa'i chos kyi yul la thogs pa med pa'i ye shes ni chos kyi spyan te de'i snang ba'i mchod pa'o/ /de'i dam tshig ni snang ba'i mchod pa la sogs pa thams cad do/ /de las byung ba ni sems dpa' i rdo rje gang las gyur pa de ni dam tshig las byung ba rdo rje ste de la dmigs pa'i ting nge 'dzin ni dam tshig las byung ba'i rdo rje zhes bya ba'i ting nge 'dzin te/ de la snyoms par zhugs pa ni snang ba'i mchod pa thams cad la sogs pa sprul cing bskyed pa'i rnam par thugs rtse gcig tu mdzad ces bya ba'i tha tshig go /de bzhin gshegs pa thams cad kyi pho nya mo zhes bya ba ni ji skad du bshad pa'i chos kyi spyan rdo rje snang ba mo ni de bzhin gshegs pa thams cad kyi pho nya mo ste/ ji ltar rgyal po ni shin tu yun ring du gnas pa la brtags pa pho nya'i bya ba yin la/ de bzhin du de bzhin gshegs pa rnams kyang chos kyi spyan gyis yul dang dus la sogs pa'i dbye bas thag ring du gyur pa'i chos su ma gzigs par byed pa'i tshul du gnas pas pho nya zhes brjod do/ /de nas zhes bya ba la sogs pa la/ lha mo rdo rje snang ba zhes bya ba'i skur gyur nas ched du brjod pa 'di ched du brjod do zhes bya bar sbyar ro/ /rdo rje 'dzin pa de nyid do zhes bya ba ni snga ma bzhin shes par bya'o/ /snang ba thams cad ces bya ba ni snang ba yang yin la thams cad kyang yin pas na snang ba thams cad de/ lha dang mi dang yid kyi rang bzhin can kyi rdo rje nyi ma la sogs pa'i tshul lo/ /? ji tsam zhe na chos kyi dbyings thams cad khyab par byed pa zhes bya ba gsungs te/ chos kyi dbyings rnams khyab par spros pa'o/ /lha mo rdo rje snang ba zhes bya ba'i skur gyur nas zhes bya ba ni rdo rje snang bas nye bar mtshon pa'i lha mo'i skur gyur pa'o/ /rgya chen zhes bya ba ni chos kyi dbyings khyab pa'o/ /mar me'i rang bzhin zhes bya ba ni chos kyi spyan ni mar me ste de'i rang bzhin no/ /de nyid kyis na dge ba'o/ /ci zhig ngo mtshar che zhe na/ gang phyir zhes bya ba la sogs pa gsungs te/ gang gi phyir snang ba dang bcas shing chos kyi spyan gyi rang bzhin gyi rgyu nyid yod pa gang yin pa de la de skad ces bya ste/ bzod pa'i pha rol tu phyin pa de myur zhing rings par 'thob par 'gyur ba ni/ gang gi phyir sangs rgyas thams cad kyi spyan thob bas na/ chos kyi spyan gyi ngo bo nyid de las thob cing rnyed par 'gyur ba'o/ /'di skad ston pa yin te/ bdag dang tha mi dad pa'i snang ba'i tshul gyis de bzhin gshegs pa rnams mchod na bzod par 'gyur ba 'di ni ngo mtshar che'o/ /gang gi phyir bdag chos so so yang dag par rig pa'i rang bzhin gyis de'i ngo bo nyid yin na/ gdul bya rnams kyis bdag las tha dad par mthong gi/ yang dag par na bdag ni de lta bu ma yin no/ /de ltar smon lam gyi pha rol tu phyin pa mar me bstan nas/ brtson 'grus kyi pha rol tu phyin pa thob pa'i rdo rje dri ni/ de nas zhes bya ba la sogs pa gsungs pas/ de nas bcom ldan 'das gdon mi za ba grub pas dran mo 'di rang gi thugs ka nas phyung ngo zhes bya bar sbyar ro/ /mchod pa'i lan du slar mchod pa'i phyir zhes bya ba ni ji skad du bshad pa'i gar gyi mchod pa'o/ /mchod pa de la lan du mchod pa gang yin pa de ni mchod pa'i lan te/ tshul khrims dang/ ting nge 'dzin dang/ shes rab dang/ rnam par grol ba dang/ rnam par grol ba'i ye shes mthong bas brtson 'grus bskyed la/ tshul khrims 'chal ba la sogs pas kyang le lo la sogs pa bskyed pas de'i phyir sgrub pa'i mchod pa ni brtson 'grus bskyed pa'i rgyu dri ni thabs kyi pha rol tu phyin pa'o/ /de bzhin gshegs pa thams cad kyi dri'i mchod pa ni/ ji skad du bshad pa'i dri'i sgrub pa'i mchod pa'o/ /de'i dam tshig ni de bzhin gshegs pa thams cad kyi dri'i bkod pa la sogs pa'o/ /de 'byung ba ni sems dpa' i rdo rje gang yin pa las gyur pa ste/ de ni dri'i mchod pa'i dam tshig las byung ba'i rdo rje'o/ /de la dmigs pa'i ting nge 'dzin kyang de bzhin gshegs pa thams cad kyi dris mchod pa'i dam tshig las byung ba rdo rje zhes bya ste/ de la snyoms par zhugs pa ni dri'i bkod pa la sogs pa bskyed pa'i rnam par thugs rtse gcig tu mdzad pa'o/ /de bzhin gshegs pa thams cad kyi bran mo zhes bya ba ni/ tshul khrims dang/ ting nge 'dzin dang/ shes rab dang/ rnam par grol ba dang/ rnam par grol ba'i ye shes mthong ba'i dris/ de bzhin gshegs pa rnams bde bar byed pa las byed pa'i rang bzhin nyid kyis na bran mo'o/ /de nas zhes bya ba la sogs pa la/ lha mo rdo rje dri zhes bya ba'i skur gyur nas ched du brjod pa 'di ched du brjod do/ zhes bya bar sbyar ro/ /bcom ldan 'das rdo rje 'dzin pa de nyid do/ /zhes bya ba ni sems dpa' i rdo rje'i rang bzhin no/ /dri thams cad kyi mchod pa'i bkod pa zhes bya ba ni/ lha dang/ mi'i dang/ lhan cig skyes pa dang/ sbyar ba dang/ yid kyi rang bzhin can dri thams cad kyi mchod pa ni dri thams cad kyi mchod pa'o/ /tshad ji tsam zhe na/ 'jig rten gyi khams thams cad du spros shing khyab pa ste/ de gang la yod pa de ni 'jig rten gyi khams thams cad khyab pa'o/ /lha mo rdo rje dri zhim zhes bya ba ni skur gyur nas zhes bya ba ni dris nye bar mtshon pa'o/ /dri'i rang bzhin zhes bya ba ni ji skad du bshad pa'i dri'i ngo bo nyid do/ /ji skad du bshad pa'i dri'i tshul yin pa nyid kyis na lha rdzas yin no/ /lha rdzas yin pa nyid kyi na yid du 'ong ba ste/ yid dang rjes su mthun pa'o/ /ci zhig ngo mtshar che zhes na/ gang phyir zhes bya ba la sogs pa gsungs te/ gang gi phyir de bzhin gshegs pa rnams kyi dri ni ji skad bshad pa'i tshul khrims la sogs pa'o/ /lus rnams kun la zhes bya ba ni phung po lnga'i mtshan nyid can la'o/ /'byin par 'gyur zhes bya ba ni sdom pa'i tshul khrims kyi dri 'di ni ngo mtshar che'o/ /'di skad ston pa yin te/ bdag ni tshul khrims dang/ ting nge 'dzin dang/ shes rab dang/ rnam par grol ba dang/ rnam par grol ba'i ye shes mthong ba ste/ zag pa med pa'i phung po'i rang bzhin pas/ de bzhin gshegs pa'i ngo bo nyid yin na/ gdul bya rnams kyis bdag tha dad par gyur pa'i dris de bzhin gshegs pa la mchod par mthong gi/ kho mo ni 'di lta bu ma yin no/ /de bzhin gshegs pa thams cad kyi ye shes dbab pa zhes bya ba la/ de bzhin gshegs pa thams cad kyi ye shes dbab pa ni bdug ma'o/ /byang chub chen po'i yan lag ni byang chub kyi yan lag bdun no/ /de rnams kyi bsags pa ni me tog ma'o/ /de bzhin gshegs pa thams cad kyi chos kyi spyan ni kun tu snang ba ste/ de'i rang bzhin ni mar me'o/ /tshul khrims la sogs pa dri'i rang bzhin ni rdo rje byug pa ma'o/ /'di dag ni ji skad du gsungs pa'i g.yog mo la sogs pa'i tshul du gyur pas/ de bzhin gshegs pa thams cad kyi bka' bzhin byed pa'o/ /byang chub kyi sems kyi lcags kyus thar pa'i grong khyer 'dir de bzhin gshegs pa la sogs pa 'gugs par byed pa ni/ de nas zhes bya ba la sogs pas ston to/ /bcom ldan 'das kyis phyag rgya'i tshogs thams cad kyi bdag po 'di rang gi thugs ka nas phyung ngo zhes bya bar sbyar ro/ /de bzhin gshegs pa thams cad dam tshig gi lcags kyus zhes bya ba ni de bzhin gshegs pa thams cad kyang yin la dam tshig gi lcags kyu yang yin pas de bzhin gshegs pa thams cad kyi dam tshig gi lcags kyu ste/ sems dpa' rdo rje lta bu'i rdo rje 'dzin pa chen po'o/ /de'i dam tshig ni de bzhin gshegs pa thams cad kyi phyag rgya'i tshul lo/ /de'i 'byung ba ni sems dpa' i rdo rje'i tshul gang las 'di byung ba'o/ /dam tshig las byung ba yang yin la sems dpa' i rdo rje yang yin pas shes bya bar sbyar ro/ /de la dmigs pa'i ting nge 'dzin kyang dam tshig las byung ba sems dpa' i rdo rje zhes bya ba ste ting nge 'dzin gang la ming de nyid ces bya ba de la snyoms par zhugs la ni rdo rje lcags kyu la sogs pa sprul cing bskyed pa'i rnam par thugs rtse gcig tu mdzad pa'o/ /de bzhin gshegs pa thams cad kyi phyag rgya thams cad ni phyag rgya chen po la sogs pa'o/ /de bzhin gshegs pa thams cad kyi phyag rgya'i tshogs ni mnga' ba ste/ de bzhin gshegs pa'i rigs rgyas btab par gyur to zhes bya ba'i don to/ /de'i bdag po ni de'i dbang gis de bzhin gshegs pa thams cad la sogs pa'i phyag rgya rnams byon pas de bas na de rnams kyi bdag po ste bdag po de phyung bar gyur to/ /de nas shes bya ba la sogs pa la byang chub sems dpa' chen po rdo rje lcags kyu zhes bya ba'i skur gyur nas ched du brjod pa 'di ched du brjod do zhes bya bar sbyar ro/ /de bzhin gshegs pa thams cad kyi phyag rgya'i tshig thams cad du gyur nas zhes bya ba ni de bzhin gshegs pa thams cad kyi phyag rgya thams cad kyi phyag rgya thams cad ni phyag rgya chen po la sogs pa'o/ /de rnams kyi tshogs ni 'gugs pa'i tshogs te/ de bzhin gshegs pa thams cad kyi phyag rgya thams cad spyan 'dren pa'i phyir tshad med pa'i rdo rje lcags kyu'i tshogs su gyur nas so/ /bcom ldan 'das rdo rje sems dpa' de nyid de zhes bya ba ni ji skad du bshad pa'i sems dpa' i rdo rje'o/ /de bzhin gshegs pa thams cad dam tshig gis spyan 'dren cing zhes bya ba ni rnam par snang mdzad la sogs pa ni shar la sogs pa'i sgo nye bar mdzad cing ngo/ /ched du brjod pa 'di ched du brjod do zhes bya ba ni blo la gnas pa gsungs pa'o/ /yang dag spyan 'dren brtan byed bdag ces bya ba ni phyogs bcu kun nas spyan 'dren pas na yang dag spyan 'dren pa'o/ /brtan pa ni mi phyed pa ste de ni bdag yin no/ /ci zhig ngo mtshar che zhe na/ gang phyir zhes bya ba la sogs pa gsungs te/ gang gi phyir bdag gis spyan drangs shing bkug pa ni sangs rgyas bcom ldan 'das rnams kyang byon te/ dkyil 'khor kun la brten par gyur pa yin no/ /'di skad ston to/ /de bzhin gshegs pa thams cad dang bdag ni tshul gcig cing thams cad du khyab pa lta bu yin na/ gang gis de rnams dang tha dad pa'i tshul du spyan drangs pa 'di ni ngo mtshar che'o/ /de ltar byang chub kyi sems kyi lcags kyus de bzhin gshegs pa thams cad spyan drangs nas/ byang chub kyi spyod pa'i zhugs pas dkyil 'khor du zhugs par mdzad do zhes bya ba ni/ de nas zhes bya ba la sogs pas ston to/ /bcom ldan 'das kyi gsol ka ba 'di rang gi thugs ka nas phyung ngo zhes bya bar sbyar ro/ /de bzhin gshegs pa thams cad kyi dam tshig ni pha rol tu phyin pa bcu'i spyod pa'i tshul lo/ /de nyid ni 'jug pa na 'jug pa zhes bya'o/ /de bzhin gshegs pa tham cad kyi dam tshig la 'jug pa yang yin la/ sems dpa' chen po yang yin pas na/ de bzhin gshegs pa thams cad kyi dam tshig la 'jug pa'i sems dpa' chen po ste/ ji skad du gsungs pa'i sems dpa' i rdo rje'o/ /de'i dam tshig ni dam tshig la 'jug pa'i phyag rgya'i tshogs kyi tshul lo/ /de'i byung ba ni sems dpa' i rdo rje gang las gyur pa de ni dam tshig las byung ba'i rdo rje'o/ /de la dmigs pa'i ting nge 'dzin la yang ming de skad ces bya'o/ /de la snyoms par zhugs pa ni dam tshig la 'jug pa'i phyag rgya'i tshogs la sogs pa sprul cing bskyed pa'i rnam par thugs rtse gcig tu mdzad ces bya ba'i don to/ /de bzhin gshegs pa thams cad kyi phyag rgya la 'jug pa'i gsol ka par zhes bya ba la/ de bzhin gshegs pa thams cad kyi phyag rgya ni de bzhin gshegs pa tham cad kyi phyag rgya chen po la sogs pa'o/ /de la 'jugs pa'i gsol ka ba yin pas de bzhin gshegs pa thams cad kyi phyag rgyar 'jug pa'i gsol ka ba ste/ de phyung bar gyur pa'o/ /de nas zhes bya ba la sogs pa la/ byang chub sems dpa' i rdo rje zhags pa zhes bya'i skur gyur nas ched du brjod do zhes bya bar sbyar ro/ /de bzhin gshegs pa thams cad kyi dam tshig la 'jug pa'i phyag rgya'i tshogs zhes bya ba ni de bzhin gshegs pa thams cad kyi dam tshig la 'jug par don gyi phyag rgya ste/ zhags pa'i phyag rgya'o/ /de'i tshogs ni mang po ste der gyur nas byung ba'o/ /bcom ldan 'das rdo rje 'dzin pa de nyid de zhes bya ba ni sems dpa' i rdo rje'i tshul lo/ /de bzhin gshegs pa thams cad 'jug ces bya ba ni rnam par snang mdzad la sogs pa rang gi sgo nas 'jug par mdzad cing ched du brjod pa 'di ched du brjod par 'gyur ro/ /rdo rje zhags pa dam po bdag ces bya ba ni rdo rje zhags pa'i phyag rgyas nye bar mchod pa nyid kyis na rdo rje zhags pa'o/ /dam pa ni brtan pa ste/ stong pa nyid kyi ngo bo nyid yin pa'i phyir mi phyed pa'o/ /ci zhig ngo mtshar che zhe na/ rdul phran bzhugs pa thams cad kyang/ /bdag gis slar yang drang bar bya/ /zhes bya ba gsungs te/ 'di skad ston pa yin te/ nam mkha' dang mnyam pa'i ye shes kyi tshul gyis de bzhin gshegs pa rnams ni thams cad du khyab pa yin la/ de las byung ba rnams kyang de'i ngo bo yin pas thams cad du khyab pa'o/ /de bas na de dag thams cad kyang rdul phran du zhugs pa yin la/ de rnams dang bdag tha mi dad na/ gdul bya rnams kyis de dang bdag tha dad par gyur nas/ thams cad la khyab pa lta bur 'jug par byed pa de ni 'di ltar mthong ba 'di ni ngo mtshar che'o/ /de ltar rdo rje zhags pas de bzhin gshegs pa thams cad gcug nas rdo rje lcags sgrog gis theg pa gzhan 'dod pa'i sems bral bar byed pa'i shes rab kyi pha rol tu phyin pa'i bsam gtan gyis 'ching bar byed do/ /zhes bya ba ni/ de nas zhes bya ba la sogs pas ston to/ /bcom ldan 'das kyis de bzhin gshegs pa thams cad kyi pho nya phyung ngo zhes bya bar sbyar ro/ /de bzhin gshegs pa thams cad kyi dam tshig gi lcags sgrog ces bya ba la de bzhin gshegs pa thams cad kyi dam tshig ni 'das bar mi bya'o/ /de nyid ni theg pa gzhan 'dod pa'i sems dral bas lcags sgrog go /sems dpa' chen po zhes bya ba ni/ shes rab kyi pha rol tu phyin pa'i bsam gtan gyis thams cad du khyab pas na sems dpa' chen no ste/ sems dpa' i rdo rje'i rang bzhin can gyi rdo rje 'dzin pa'o/ /de'i dam tshig ni de bzhin gshegs pa thams cad kyi dam tshig bsdams pa'i phyag rya la sogs pa'o/ /de'i dam tshig ni sems dpa' i rdo rje gang las gyur pa ste/ de ni de bzhin gshegs pa thams cad kyi dam tshig gi lcags sgrog sems dpa' chen po'i dam tshig las byung ba rdo rje ste/ ming 'di nyid ces bya ba'i ting nge 'dzin gang yin pa de la snyoms par zhugs shing mngon sum du mdzad nas/ de bzhin gshegs pa thams cad kyi pho nya phyung ngo/ /de bzhin gshegs pa thams cad kyi dam tshig bsdams pa zhes bya ba la/ de bzhin gshegs pa thams cad kyi dam tshig bsdams pa ni/ ji skad du bshad pa'i shes rab kyi pha rol tu phyin pa'i bsam gtan gyis theg pa chen por bcings pa'o/ /de bzhin gshegs pa thams cad kyi pho nya zhes bya ba la/ de bzhin gshegs pa thams cad kyi rang gi rnal 'byor gyi gnas na bzhugs pa rnams te/ shes rab kyi pha rol tu phyin pa'i bsam gtan gyi pho nya 'dis thag ring na gnas pa'i dngos po thams cad gzigs pas/ pho nya dang chos mthun pa'i phyir pho nya'o/ /de nas zhes bya ba la sogs pa la/ byang chub sems dpa' chen po rdo rje lcags sgrog gi skur gyur te ched du brjod pa 'di ched du brjod do zhes bya bar sbyar ro/ /de bzhin gshegs pa thams cad kyi dam tshig bsdams pa'i phyag rgya'i tshogs mang por gyur nas zhes bya ba la/ de bzhin gshegs pa thams cad kyi dam tshig ni 'da' bar mi bya ba'i bsdams pa'i phyag rgya ni lcags sgrog gi phyag rgya'o/ /de'i tshogs ni mang por gyur pa'o/ /bcom ldan 'das rdo rje 'dzin pa de nyid de zhes bya ba ni snga ma dang 'dra'o/ /rdo rje lcags sgrog dam po bdag ces bya ba ni rdo rje lcags sgrog gi phyag rgyas nye bar mtshon pa'i phyir/ byang chub sems dpa' rdo rje lcags sgrog gi sku ni bdag go / dam po ni mi phyed pa'o/ /gal te khyed de ltar gyur pa la ngo mtshar ci zhig yod ce na/ 'ching ba kun las grol ba na/ /sems can don du 'ching bar 'dod/ /ces bya ba gsungs so/ /de'i don ni 'di yin te/ nyon mongs pa bag chags dang bcas pa spangs pas 'ching ba las grol ba ni de bzhin gshegs pa rnams dang/ bdag tha mi dad pa yin yang/ de rnams dang tha dad pa lta bu de rnams bdag gis bcings par shes pa 'di ni ngo mtshar che'o/ /'di skad ston te/ gdul bya de ltar mthong gi bdag ni de ltar ma yin no zhes pa'o/ /'ching ba 'dis bcings pa'i de bzhin gshegs pa rnams rang bzhin gyis 'od gsal ba'i ye shes dbab pas rdo rje 'bebs pas dbang du byas pa yin no// zhes bya ba ni/ de nas zhes bya ba la sogs pas ston to/ /bcom ldan 'das kyis phyag rgya thams cad kyi bran 'di phyung ngo zhes bya bar sbyar ro/ /de bzhin gshegs pa thams cad dbab pa zhes bya ba'i sems dpa' chen po zhes bya ba la/ de bzhin gshegs pa thams cad kyi chos rnams rang bzhin gyis 'od gsal ba'o zhes bya ba'i nges pa'i de bzhin gshegs pa thams cad dbab pa'o/ /de bzhin gshegs pa thams cad dbab pa yang yin la/ sems dpa' chen po yang yin pas na/ de bzhin gshegs pa thams cad dbab pa zhes bya ba'i sems dpa' chen po'i ste/ thams cad du khyab pas de bzhin gshegs pa thams cad kyi thugs la zhugs pa'i sems dpa' i rdo rje'i rang bzhin rdo rje 'dzin pa chen po'o/ /de'i dam tshig ni de bzhin gshegs pa thams cad kyi dam tshig 'bebs pa'i phyag rgya'i tshogs la sogs pa'o/ /de'i 'gyur ba ni sems dpa' i rdo rje gang las gyur pa ste/ de la dmigs pa'i ting nge 'dzin la yang ming 'di nyid ces bya ste/ de la snyoms par zhugs pa'o/ /de bzhin gshegs pa thams cad kyi phyag rgya thams cad kyi bran zhes bya ba ni phyag rgya chen po la sogs pa'i ngo bo/ /de rnams mnyes par byed pa'i las byed pas bran dang chos mthun pa'i phyir bran zhes bya'o/ /de nas zhes bya ba la sogs pa la rdo rje dbab pa'i skur gyur te ched du brjod pa 'di ched du brjod do zhes bya bar sbyar ro/ /de bzhin gshegs pa thams cad kyi dam tshig gi phyag rgya'i tshogs su gyur nas zhes bya ba la/ de bzhin gshegs pa thams cad kyi dam tshig dbang du bya ba'i don gyi phyir phyag rgya ni dril bu'i phyag rgya'i tshogs der gyur pa'o/ bcom ldan 'das rdo rje 'dzin pa de nyid do zhes bya ba ni de bzhin gshegs pa thams cad kyi thugs la gnas pa'i sems dpa' i rdo rje'i ngo bo sngar bstan pa gang yin pa'o/ /de bzhin gshegs pa thams cad 'bebs shing zhes bya ba ni/ rang bzhin 'od gsal ba'o/ /ye shes bskyed pas dbang du byed cing ched du brjod pas ched du brjod par gyur pa'o/ /rdo rje dbab pa brtan pa bdag ces bya ba la/ rdo rje 'bebs pa ni rdo rje dril bu la bya la/ des nye bar mtshon pa'i byang chub sems dpa' ni rdo rje 'bebs pa'o/ /brtan pa ni mi phyed pa'o/ /gal te khyed de lta bu yin pa la 'dir ngo mtshar ci zhig yod ce na/ gang phyir kun gyi bdag gyur nas/ bran du yang ni gyur pa yin/ zhes bya ba gsungs so/ /'dis ni 'di skad ston te/ rang bzhin gyis 'od gsal ba'i ye shes thob cing sprul pas 'gro ba'i don bya ba la dbang ba nyid thob pas/ de bzhin gshegs pa thams cad kyi bdag po yin zhing de rnams bdag dang tha mi dad pa'i rang bzhin yin pa las gdul bya rnams kyi bdag de rnams kyi las byed par mthong ba 'di ni ngo mtshar che'o/ /de bzhin gshegs pa zhes bya ba la sogs pas ni sdom gsungs pa yin te/ de bzhin gshegs pa thams cad spyan drang ba ni spyan 'dren pa ste/ rdo rje lcags kyu'o/ /de rnams nyid bzhug pa ni rdo rje zhags pa'o/ /zhugs pa rnams 'ching ba ni rdo rje lcags sgrog go /bcings pa rnams dbang du bya ba ni rdo rje 'bebs pa'o/ /de bzhin gshegs pa thams cad kyi bka' bzhin byed pa zhes bya ba ni 'di dag thams cad ni ji skad du bshad pa'i spyan 'dren pa la sogs pa'i tshul gyis bka' bzhin byed pa'o/ /de ltar dkyil 'khor du de bzhin gshegs pa rnams rdo rje sems dpas byang chub kyi sems la rab tu bzhag /rgyal pos spyan drangs/ chags pas rjes su mnyes/ legs pas legs so zhes bya ba la dgyes par byas/ rdo rje rin chen gyis dbang bskur/ gzi brjid kyi 'od kyis snang bar byas/ dpal gyis sbyin pa'i pha rol tu phyin pa la sbyar/ bzhad pas 'dzum pa rmad du byung ba la rab tu bzhag / chos kyi ting 'dzin la sbyor/ rnon pos de rnams kyi nyon mongs pa dang nye ba'i nyon mongs pa bcad/ rdo rje rgyus dkyil 'khor du bcug /smra pas spros pa med pa'i chos la nges par sbyar/ rdo rje las kyi ma lus shing lus pa med pa'i mchod pas mchod/ /rdo rje bsrung bas bsrungs/ rdo rje gnod sbyin gyis bsrung ba yongs su bskyab pas bsrungs/ /rdo rje khu tshur gyis grub po/ /de nas mi bskyod pa dang/ rin chen 'byung ldan dang/ 'od dpag tu med pa dang/ don yod grub pa dang/ rnam par snang mdzad kyi rang bzhin du gyur te/ rdo rje sems ni byang chub kyi sems kyi tshul gyis so/ /rdo rje rin chen ma ni sbyin pa'i pha rol tu phyin pa'i tshul gyis so/ /rdo rje chos ma ni shes rab kyi pha rol tu phyin pa'i tshul gyis so/ /rdo rje las ma ni brtsun 'grus kyi pha rol tu phyin pa'i tshul gyis rigs thams cad bsdus pa yin par shes par bya'o/ /sgeg mo la sogs pa ni de bzhin gshegs pa rnams kyi sbyin pa dang/ tshul khrims dang/ bzod pa dang/ brtson 'grus dang/ shes rab dang/ bsam gtan dang/ smon lam dang/ thabs kyi pha rol tu phyin pa'i rang bzhin yin no/ /de rnams kyang byang chub kyi sems kyi lcags kyus thar pa chen po'i grong khyer du dgug pa dang/ byang chub kyi spyod pa'i zhags pas bcug pa dang/ bsam gtan gyis bcings pa dang/ byang chub kyi dbab pas dbang du mdzad pa yin no/ /re re zhing yang bskyed pa dang/ spro ba dang/ bsdu ba dang/ de nas rang gi gnas su zhugs te ched du brjod pa dang/ brtan par bsgom par shes par bya'o/ /rdo rje sems dpa' bskyed pa nas brtsams te/ rdo rje 'bebs pa'i bar gyi gzhung gis ni/ dkyil 'khor rgyal mchog ces bya ba'i ting nge 'dzin gnyis pa bstan pa yin no/ /'di dag kyang ri rab kyi steng du de bzhin gshegs pa thams cad rnam par 'phrul bar mdzad pa yin la/ bcom ldan 'das 'og min gyi gnas su mngon par rdzogs par sangs rgyas pa gang yin pa de ni/ kun tu bzang po la sogs pa las gzhan pa'i sems can rnams rjes su gzung ba'i phyir der zhugs pa nyid kyis dga' ldan la sogs pa'i rnam par 'phrul ba'i sprul pa ston par mdzad pa ni sprul pa'i sku yin no zhes bshad pa'i rgyud kyi don bstan pa'i phyir dang/ gzhung gzhan dag las 'og min gyi gnas las bskyod par mi mdzad do zhes gsungs pa yin no/ /de ltar bskyed pa dang/ spro ba dang/ bsdu ba dang/ gnas pa dang/ brtan par bsgom pas dkyil 'khor rgyal po mchog gi don bstan nas/ sprul pa byin gyis brlab pa'i phyir/ de nas zhes bya ba la sogs pa'i gzhung gsungs pa yin te/ de bzhin gshegs pa thams cad kyis bsdu ba ni/ 'dus par mdzad pa'o/ /de sngon du 'gro ba'i byin gyis brlab pa'i phyir/ zhes pa ni ye shes sems dpa' bzhugs pas so/ /de'i don du rdo rje se gol gyi mtshan ma mdzad nas zhes bya ba ni rdo rje khu tshur gnyis bcings la mdzub mo gnyis lcags kyu gnyis su byas la/ lag pa gnyis rdo rje bcing bar bsnol te/ rdo rje se gol brdabs pas/ sangs rgyas thams cad kyang gshegs par gyur na gzhan lta smos kyang ci dgos zhes bya ba 'di rdo rje se gol te/ ming de skad ces bya ba'i sgra mdzad pa'o/ /de nas skad cig de'i tshe zhes bya ba ni skad cig ma de nyid la te bskul ba'i rjes thogs nyid la zhes bya ba'i tha tshig go /thang cig yud tsam zhes bya ba'i tshig ni 'jig rten pa'i tshig gi tshul du cung zad gcig tu nye bar mtshon pa yin no/ / /skad cig tsam de'i tshe zhes bya ba ni 'di nyid la 'jug ste/ gang gi phyir skad cig ma gcig la byon pa'o/ /de yang de'i tshe sangs rgyas thams cad ni/ rdo rje sems dpa' la sogs bcas/ /dkyil 'khor thams cad gang ba rnams/ / dkyil 'khor rnams su 'dus par 'gyur zhes gsungs pa yin no/ /se gol gyi sgra'i mtshan mas bskul ba ni 'jig rten gyi khams thams cad na bzhugs pa'i 'jig rten gyi khams thams cad kyi rdul shin tu phra mo dang mnyam pa'i de bzhin gshegs pa byang chub sems dpa' i 'khor gyi dkyil 'khor mang po dang bcas te/ skad cig ma de nyid la 'dus par mdzad nas/ khang bu brtsegs pa gang na ba dang/ bcom ldan 'das gang na ba der gshegs shing byon la/ gshegs nas kyang ched du brjod pa 'di ched du brjod do/ /aoM sarbba ta thA ga ta pA da banda naM ka ro mi zhes bya ba 'dis zhabs la phyag 'tshal nas kyang ched du brjod pa 'di ched du brjod do/ /zhes bya ba ni de bzhin gshegs pa thams cad kyi zhabs la phyag 'tshal bas ni don 'di ston pa yin te/ ji ltar bdag cag rnam par snang mdzad la sogs pa'i ye shes sems dpa' 'og min gyi gnas na bzhugs pa nyid las sems can gyi don la gzigs te ri rab kyi steng du rdo rje dbyings kyi dkyil 'khor la sogs pa'i sprul pa mdzad pa de bzhin du/ bsdu bas byon pa rnams kyang thugs gcig pa'o/ /kun tu bzang po zhes bya ba ni sku gsung thugs gcig pa nyid la dgongs nas/ 'dir rnam par snang mdzad nyid la kun tu bzang po zhes bya bar 'dod/ yang na rnam par snang mdzad chen po nyid ni kun tu bzang po ste/ de'i spyod pa'i mchog ni mdzes pa'i spyod pa yin pas spyod pa'i mchog ste/ lha sum cu rtsa bdun du lhag par mos pa'i rnam par thar pa'i sgo nas sems can gyi don mdzad pa'o/ /'dir ci zhig ngo mtshar che zhe na/ de bzhin gshegs pa'i 'khor lo yi/ /dbus na de bzhin gshegs pa mdzes/ /zhes bya ba gsungs te/ de bzhin gshegs pa rnams kyi 'khor lo ni de bzhin gshegs pa'i 'khor lo te/ bsdus nas byon pa'i dkyil 'khor gyi 'khor lo'o/ /de bzhin gshegs pa de'i 'khor lo de'i dbus na bcom ldan 'das rnam par snang mdzad rdo rje dbyings kyi dkyil 'khor chen po'i tshul gyis mdzes shing 'bar gyur pa 'di ni ngo mtshar che'o/ /'dis ni 'di skad ston pa yin te/ dngos po thams cad kyi don ji lta ba bzhin/ thugs su chud pas 'di ni de bzhin gshegs pa yin la/ bdag cag gis kyang dngos po thams cad kyi don ji lta ba bzhin du rtogs pas de bzhin gshegs pa rnams yin te/ de rnam par snang mdzad la sogs pa gcig pu'i tshul gang yin pa de ni thams cad kyi yin pa/ thams cad kyi gang yin pa ni gcig gi yang de yin te/ thams cad kyang tshogs dang/ chos kyi sku dang/ 'gro ba'i don gyis bya bas mtshungs pa nyid yin pa'i phyir ro/ /de bas na kho bo cag thams cad tshul 'dis gnas mod kyi/ gdul bya rnams kyis kun tu bzang po nyid gcig pur mthong ba 'di ni ngo mtshar che'o/ /phyogs bcu'i 'jig rten gyi khams thams cad nas/ 'dus pa zhes bya ba ni 'jig rten gyi khams thams cad nas 'dus te/ byon pa rnams so/ /de bzhin gshegs pa thams cad kyi byin brlab kyi zhes bya ba ni mi bskyod pa la sogs pa'i mthus te/ mi bskyod pa la sogs pa'i tshul gyis sems dang sems las byung ba rnams sngon gyi 'phen pa'i shugs kyis stobs kyis shes rtogs pa yin no/ /rnam par snang mdzad kyi thugs kyi zhugs nas zhes bya ba ni dbus na bzhugs pa'i rnam par snang mdzad kyi'o/ /byang chub sems dpa' i 'khor gyi dkyil 'khor dang bcas pa zhes bya ba ni rang rang gi byang chub sems dpa' i 'khor gyi dkyil 'khor rang rang gi thugs kar zhugs shing chud par gyur te zhes bya ba'i tha tshig ste/ ci'i phyir zhe na/ de dag thams cad kyi thugs las zhes 'og nas bshad pa'i phyir ro/ /de bzhin gshegs pa thams cad kyi thugs las zhes bya ba ni rnam par snang mdzad kyi thugs kar zhugs nas/ rnam par snang mdzad dang/ mi bskyod pa la sogs pa'i thugs las/ rang rang gi byang chub sems dpa' i 'khor gyi dkyil 'khor dang bcas te/ byung nas zhes bya ba ni rnam par snang mdzad kyi thugs las sems ma rdo rje ma dang/ rin chen ma dang/ chos ma dang/ las ma rnams byung zhing sprul te/ sems ma rdo rje ma la sogs pa'i tshul gyis bzhugs pas bdag nyid kyi ting nge 'dzin gyi tshul gyis bzhugs so/ /mi bskyod pa'i thugs las mi bskyod pa dang/ rdo rje sems dpa' dang/ rgyal po dang/ chags pa dang/ legs pa dang/ sgeg mo dang/ bdug pa dang/ lcags kyu dang/ byams pa la sogs pa shar phyogs kyi cha la bzhugs pa rnams byung ste/ sbrul pa'i mi bskyod pa la sogs pa'i tshul gyis bzhugs pas rang rang gi ting nge 'dzin gyis bzhugs so/ /byams pa la sogs pa yang rang rang gi gnas nyid la'o/ /gzhan dag kyang de bzhin du shes par bya'o/ /ci'i phyir rnam par snang mdzad kyi thugs kar thams cad du zhe na/ rnam par snang mdzad ni sangs rgyas thams cad bsdus pa yin no/ /zhes shes par bya ba'i phyir ro/ /de'i thugs kar phyung nas de bzhin gshegs pa rnams kyi thugs nas phyung ste lhag ma gzhan dag kyang byin gyis brlab pa ni/ de'i yan lag gi khyad du rtogs par bya ba'i phyir yin no/ /gsang sngags kyi sgo'i spyad pa spyod pa rnams kyis kyang mngon par 'dod pa'i don 'grub par bya ba'i phyir/ dkyil 'khor sprul pa byas nas bcom ldan 'das kyis ji ltar mdzad pa de ltar rjes su spyad par bya'o/ /zhes ston pa yin no/ /rgya chen chen po thogs med skyes zhes bya ba ni rgya che ba yang yin la chen po yang yin pas na rgya chen po ste/ rnam par snang mdzad kyi thugs ka ni 'jig rten gsum gyi khams thams cad kyi rdul shin tu phra mo mnyam pa'i de bzhin gshegs pa rnams bzhugs pa yin no/ /thogs med skyes zhes bya ba ni/ 'di la thog ma yod pa ma yin pas na thog ma med pa ste/ bcom ldan 'das rnam par snang mdzad chen po'o/ /de nyid las skyes pa ni 'di ltar de bzhin gshegs pa gcig gi thugs ka na sangs rgyas thams cad bzhugs pa'i phyir ro/ /'dir ngo mtshar ci zhig che zhe na/ rdul phra rab thams cad ces bya ba la sogs pa gsungs te/ rnam par snang mdzad kyi thugs kar zhugs nas gcig tu gyur pa nyid thob pa ni ngo mtshar che'o/ /'di skad ston te/ gdul bya rnams kyis de ltar mthong gi chos kyi dbyings kyi rang bzhin gyi de bzhin gshegs pa rnams la ni don dam par gcig pa nyid dang du ma nyid mnga' ba yin no/ /bsdu ba dang byin gyis brlab pa la sogs pa nas/ ched du brjod pa'i bar gyi gzhung 'dis ni las kyi rgyal po mchog ces bya ba'i ting nge 'dzin gsum pa ston pa yin no/ /ting nge 'dzin gsum pa 'di dag kyang/ gsang ba sra zhing mtho ba las rnam par bye ste/ bstan pa yin pas som nyi mi bya'o/ /de ltar ting nge 'dzin gsum pa bstan pas/ rnam par snang mdzad dang/ rnam par snang mdzad chen po thob pa'i thabs bstan nas/ 'dir dkyil 'khor du 'jug cing dbang bskur ba'i thabs la 'jug par bya'o/ /zhes bstan pa'i phyir/ de nas zhes bya ba la sogs pa gsungs te/ de nas bcom ldan 'das de bzhin gshegs pa thams cad kyis rdo rje 'dzin pa chen po la ming brgya rtsa brgyad pa 'dis gsol ba btab po/ /zhes bya ba 'dir sbyar ro/ /ci'i phyir gsol ba btab ce na/ rdo rje dbyings kyi dkyil 'khor chen po 'di zhes bya ba gsungs te/ ji skad du bstan pa 'di'o/ /byin gyis brlab par zhes bya ba ni slob dpon gcig nas gcig tu brgyud pa'i bri ba'i cho gas yun ring du gnas pa des/ sems can gyi khams ma lus shing lus pa med pa rnams ji skad du bshad pa'i yongs su bskyab pa la sogs pa 'bras bu thob pa'i phyir/ de bzhin gshegs pa thams cad kyi zhes pa rnam par snang mdzad la sogs pa'i mnyam pa nyid kyi ye shes te/ chos kyi dbyings la dmigs pa'i sems dang/ mngon par shes pa ste/ de rnams nyid kyi mngon par shes pa ji skad du bshad pa'i drug ste/ de ltar na de bzhin gshegs pa thams cad kyi mnyam pa nyid kyis ye shes dang/ mngon par shes pa dang/ yang dag par rdzogs pa'i byang chub rtogs pa ste/ de nyid dngos grub dam pa zhes bya ba ste/ de dag gi phyir gsol ba 'debs pa yin no/ /de bzhin gshegs pa thams cad kyi bdag po zhes bya ba'i mi dmigs pa'i thugs rje chen po'i bdag nyid kun tu bzang po ni de bzhin gshegs pa thams cad kyi bdag po ste/ gang gi phyir 'di las sngon gyi 'phen pa'i shugs kyis nye bar skye zhing de dag kyang de'i dbang gis 'jug pa yin no/ /de bas na bcom ldan 'das de bzhin gshegs pa thams cad kyis bdag po zhes bya'o/ /de yang de rnams kyi bdag nyid ni rdo rje sems dpa' yin pas de'i phyir/ rang gi rdo rje sems dpa' zhes bya ba gsungs te/ de yang rang bzhin gyis 'od gsal ba nyid kyis/ rtag tu gnyis su med pa nyid la/ des na thog ma dang tha ma med pa zhes gsungs so/ /de nyid kyis na de bzhin gshegs pa'i rdo rje chen po 'dzin par mdzad de/ de'i phyir rdo rje chen po 'dzin pa la zhes spos so/ /'dis zhes bya ba ni 'og nas bshad pa thugs la bzhag ste gsungs pa'o// gsol ba btab po zhes bya ba ni gsol ba btab par gyur pa'o/ /de bstan pa ni rdo rje sems dpa' zhes bya ba la sogs pa ste/ rdo rje sems dpa' zhes bya ba ni 'dir badzra satwa zhes bya ba'i tshul ni snying por gsungs pa yin te/ khyed ni rdo rje sems dpa' zhes bya ba'i sgra'i rang bzhin yin no zhes bya ba'i tha tshig go / sems dpa' che zhes bya ba ni chos kyi dbyings kyi zla ba'i dkyil 'khor la sogs pa'i spro ba ni sems dpa' chen po'o/ /rdo rje ni 'dir rdo rje rtse lnga pa'o/ /de bzhin gshegs pa kun zhes bya ba ni 'jig rten gyi khams thams cad kyi rdul shin tu phra mo dang mnyam pa'i sangs rgyas rnams kyi tshul gyis na de bzhin gshegs pa kun no/ /rdo rje rgyal po la sogs pa rnams la thog ma kho nar 'khrungs pas na rdo rje dang po'o// de bzhin gshegs pa thams cad kyang gcig tu gyur pa las bskyed pa ni rdo rje sems dpa' i sku yin pas na kun tu bzang po'o/ /rdo rjes nye bar mtshon pa'i phyag mnga' bas na phyag na rdo rje'o/ /de ltar mtshan bdun no/ /badzra rA dza zhes bya ba ni rdo rje rgyal po'i snying po'o/ / sangs rgyas mchog ces bya ba ni de nyid de bzhin gshegs pa thams cad spyan 'dren pa'i las kyi shin tu sangs rgyas rnams kyi mchog go / rdo rje lcags kyu zhes bya ba ni de nyid kyi mtshan ma'i phyag rgya gang yin pa de ni lcags kyu yin no/ /de bzhin gshegs pa zhes bya ba ni ji skad du bshad pa'i de bzhin gshegs pa thams cad kyi ngo bo nyid yin pas de bzhin gshegs pa'o/ /don yod rgyal po zhes bya ba ni rdo rje rgyal po'i sku'i tshul gyis so/ /rdo rje mchog ces bya ba la/ rdo rje ni de bzhin gshegs pa rnams te/ bsdu ba'i dngos po bzhi'i tshul gyis de rnams kyi mchog tu gyur pa'o/ /de nyid gang gi tshe de bzhin gshegs pa rnams kyis rdo rje lcags kyu stsal nas ming gi dbang bskur nas dbang bskur ba de'i tshe/ rdo rje 'gugs pa zhes bya'o/ /de ltar mtshan bdun no/ /badzra rA ga zhes bya ba ni rdo rje chags pa'i snying po'o/ /bde ba chen po zhes bya ba ni bde ba yang yin la chen po yang yin pas bde ba chen po ste/ bde ba chen po nyid la bde chen po zhes bya'o/ /de yang kun grub mi 'gyur bde ba ni/ bde ba chen po zhes bshad do/ /zhes gsungs pas chos bdag gi med pa'i ye shes ni bde ba chen po'o/ /rdo rje mda' ni zhes bya ba ni de'i mtshan ma'i phyag rgya'o/ /dbang byed pa zhes bya ba ni thams cad mkhyen pa'i ye shes kyi skal pa ji lta ba bzhin du sems can rnams dbang du mdzad pas na dbang du byed pa'o/ /bdud kyi 'dod pa zhes bya ba ni/ bdud kyang yin la 'dod pa yang yin pas na bdud kyi 'dod pa ste/ nyan thos dang/ rang sangs rgyas kyi sems gsong pas na bdud do/ /de nyid ni byang chub kyi sems kyi ngo bo nyid yin pas na 'dod pa ste/ 'di ni mtshan gcig yin no 'dis ni rdo rje chags pa'i sku'i tshul bshad pa yin no/ /rdo rje che zhes bya ba ni spro ba'i tshul gyis so/ /rdo rje gzhu zhes bya ba ni mtshan ma'i sgo nas te/ de ltar na bdun no/ / badzra sA d+hu zhes bya ba'i mtshan 'di ni rdo rje legs pa'i snying po'i sgo nas so/ /sems dpa' mchog ces bya ba ni de bzhin gshegs pa thams cad kyi dgyes pa yang dag par bskyed pas na bla na med pa yin pas/ sems dpa' mchog go /rdo rje mgu ba zhes bya ba ni de nyid kyi mtshan ma'i phyag rgya ni rdo rje mgu ba'o/ /dga' ba che zhes bya ba ni mgu ba'i tshul gyis nam mkha' thams cad khyab par mdzad pas so/ /rab dgyes rgyal po rdo rje mchog ces bya ba ni/ rab dgyes rgyal po yang yin la/ rdo rje mchog kyang yin pas/ rab dgyes rgyal po rdo rje mchog ste/ rdo rje legs pa'i sku'o/ /de la rab dgyes ni yid bde ba'o/ /des mdzes shing 'bar bas nas rab dgyes rgyal po'o/ /de nyid ni rdo rje ste/ sangs rgyas dang byang chub sems dpa' rnams las mchog tu gyur pas/ rab dgyes rgyal po rdo rje mchog ces bya'o/ /rdo rje dgyes khyod ces bya ba ni mtshan 'di ni ming gi dbang bskur ba ste de ltar na lnga'o/ /badzra ratna zhes bya ba ni rdo rje rin chen gyi snying po'i sgo nas so/ /rdo rje'i don zhes bya ba ni de bzhin gshegs pa thams cad dbang bskur ba nyid kyis na mchog tu gyur pa'i phyir rdo rje bzang po'i don te/ rdo rje rnams kyi don mdzes pa'o/ /rdo rje nam mkha' zhes bya ba ni rdo rje rin chen gyi 'byung gnas yin pa dang/ nam mkha' dang mnyam pa'i 'od mnga' bas na rdo rje nam mkha' o/ /nor bu che zhes bya ba ni rdo rje rin chen gyi phyag rgyas nam mkha' khyab par spros pas na nor bu che'o/ /nam mkha' i snying po rdo rje phyug ces bya ba ni/ nam mkha' i snying po yang yin la/ rdo rjes phyug pa yang yin pas na/ nam mkha' i snying po rdo rje phyug ces bya ba ste/ nam mkha' i snying po'i sku'i nam mkha' i snying po nyid yin par yang dag par brnyes pa'o/ /rdo rje snying po zhes bya ba ni ming gi dbang bskur ba'i sgo nas rdo rje snying po zhes byas te/ de ltar na mtshan drug yin no/ /badzra te dza zhes bya ba ni snying po'i sgo nas so/ /ched 'bar ba zhes bya ba ni nam mkha' khyab pa'i 'od mnga' ba'o/ /rdo rje nyi ma zhes bya ba ni rdo rje nyi ma'i phyag rgya'i tshul gyi sgo nas so/ /rgyal ba'i 'od ces bya ba ni rgyal ba rnams kyi 'od kyi mdangs 'di la mnga' bas na rgyal ba'i 'od de/ nam mkha' dang mnyam pa nyid kyi ye shes las byung ba'i de bzhin gshegs pa phra rab bsdus pa nyid kyis na/ de'i mdangs brnyes pas rgyal ba'i 'od ces bya'o/ /rdo rje'i 'od zer zhes bya ba ni mi phyed pa'i 'od 'di la mnga' bas na rdo rje'i 'od zer ro/ /gzi brjid zhes bya ba ni 'jig rten gyi khams thams cad kyi rdul shin tu phra mo dang mnyam pa'i nyi ma rnams pas lhag pa'i 'od mnga' bas na gzi brjid che'o/ /rdo rje'i 'od ces bya ba ni ming gis dbang bskur ba'i mtshan te/ de ltar na mtshan bdun no/ /badzra ke tu zhes bya ba snying po'i sgo nas so/ /sems can don rab ces bya ba ni sems can rnams tshim par mdzad pas na/ sems can rnams kyi don mdzad pa 'di la mnga' bas na sems can don rab bo/ /rdo rje rgyal mtshan zhes bya ba ni mtshan ma'i phyag rgya'i tshul gyis na rdo rje rgyal mtshan zhes bya'o/ /rab dga' byed ces bya ba ni rdo rje rgyal mtshan de nyid kyis de bzhin gshegs pa thams cad kyi sbyin pa'i pha rol tu phyin pa la nges par sbyor bas na rab dga' byed do/ /rdo rje chen po zhes bya ba ni rdo rje rgyal mtshan gyi phyag rgyas nam mkha' thams cad khyab par mdzad pas na/ rdo rje chen po'o/ /rin chen dpal zhes bya ba ni byang chub sems dpa' rin chen dpal gyi sku la bya bar bshad do/ /rdo rje dpal zhes bya ba ni ming gi dbang bskur ba'i sgo nas te/ de ltar na mtshan bdun no/ /badzra hA sa zhes bya ba ni snying po'i sgo nas so/ /bzhad pa chen po zhes bya ba ni/ /bzhad pa'i phyag rgyas nam mkha' khyab par mdzad pas na/ bzhad pa che'o rdo rje 'dzum pa zhes bya ba ni rdo rje bzhad pa'i mtshan ma'i phyag rgya la de skad ces bya bar bshad do/ /phyag rgya de nyid kyis de bzhin gshegs pa thams cad 'dzum pa la nges par sbyor bar mdzad pas na ngo mtshar che zhes bya ste/ rnam par rtog pa mi mnga' ba rnams la ni bzhad pa mi mnga' ba'i phyir ro/ /dga' zhing rab dga' zhes bya ba ni sems can gyi khams dga' ba dang mgu ba gang la mnga' ba de ni dga' zhing rab dga' ste/ rdo rje bzhad pa'i sku'o/ /rdo rje ston zhes bya ba ni rdo rje ston pa 'di la mnga' bas na rdo rje ston te 'dzum pa'i khongs su gtogs pa mi dmigs pa'i chos kyi sbyin pa'i rdo rje nye bar ston pa'o/ /rdo rje dga' ba zhes bya ba'i ming gis dbang bskur ba nas de'i sgo nas 'di skad ces bya ste/ de ltar mtshan bdun no/ /rdo rje chos ni badzra d+harmmA zhes snying po'i sgo nas so/ /rab de nyid don ni mdzes pa'i de kho na nyid ni de nyid don te/ rang bzhin gyis dag pa'i don la de skad ces bya'o/ /rdo rje pad+ma zhes bya ba ni bcom ldan 'das kyis pad+ma'i phyag rgya la bya'o/ /rab dga' byed ces bya ba ni/ rang bzhin gyi rnam par dag pa'i chos nyid kyi ye shes kyis sems can rnams shin tu spyod bar mdzad pas na rab dga' byed do/ /'jig rten dbang phyug ces bya ba la 'jig rten ni sems can gyi khams rnams so/ /dbang phyug ni de'i gtso bo yin pas na rdo rje chos kyi sku'o/ /rdo rje spyan zhes bya ba ni rdo rje spyan gyi phyag rgya mdzes pa mnga' bas rdo rje spyan no/ /rdo rje spyan khyod ces bya ba ni ming gi dbang bskur ba'i sgo nas te/ de ltar na mtshan bdun no/ /rdo rje rnon po ni badzra tIk+Sh+Na zhes bya ba ste/ snying po'i sgo nas so/ /theg pa che zhes bya ba ni shes rab dang ye shes chen po'i ngo bo nyid yin pas na theg pa chen po nyid do/ /bcom ldan 'das 'phags pa 'jam dpal lo/ /rdo rje ral gri zhes bya ba ni ral gri'i phyag mtshan gyi sgo nas so/ /mtshon chen po zhes bya ba ni ral gris nam mkha' khyab par mdzad pa'o/ /'jam dpal zhes bya ba ni 'jam dpal gzhon nu'i sku mnga' bas so/ /rdo rje rab tu zab ces bya ba ni rdo rje dang 'dra ba'i shes rab zab mo 'di la mnga' bas na de skad ces bya'o/ /rdo rje blo zhes bya ba ni ming gi dbang bskur ba'i sgo nas te/ de ltar na mtshan bdun no/ /rdo rje rgyu ni badzra he hu zhes bya ba ste/ snying po'i sgo nas so/ /snying po che zhes bya ba ni 'khor lo'i phyag rgyas nam mkha' khyab par mdzad pa'o/ /rdo rje 'khor lo zhes bya ba ni 'khor lo'i phyag rgya'i sgo nas so/ /tshul chen po zhes bya ba ni rdo rje dbyings la sogs pa'i dkyil 'khor chen po'i tshul gyis nam mkha' khyab par spros? pas so/ / rab bskor zhes bya ba ni/ de nyid sems bskyed pa tsam gyis rab tu bskor bar mdzad pas na rab bskor ro/ /rdo rje las byung ba zhes bya ba ni shes rab kyi pha rol tu phyin pa'i rdo rje las byung ba'i phyir ro/ /rdo rje snying po zhes bya ba ni ming gis dbang bskur ba'i sgo nas te de ltar na mtshan bdun no/ /rdo rje gsungs pa zhes bya ba ni badzra b+ha Sha ste snying po'i sgo nas so/ /rab rig mchog ces bya ba ni mdzes pa'i rig pa yin pas na rab rig ste/ so so yang dag par rig pa bzhi'i rang bzhin gyi sgro'i rjes su 'gro ba'i shes rab bo/ /tshul de nyid kyis na mchog yin pas na rab rig mchog go / rdo rje zlos pa zhes bya ba ni ljags kyi phyag rgya'i sgo nas so/ /rab sgrub sbyin zhes bya ba ni ljags kyi phyag rgya des dngos grub bzang po stsol bar mdzad pas na rab sgrub sbyin no/ /mi gsung rdo rje zhes bya ba ni rdo rje gsung gi sku la'o/ /mchog grub pa zhes bya ba ni rdo rje ljags kyis de bzhin gshegs pa thams cad las rang gi dngos grub brnyes pas na mchog grub pa'o/ /rdo rje gsung zhes bya ba ni ming gi dbang bskur ba'i sgo nas te/ de ltar na mtshan bdun no/ /rdo rje las na badzra karmA zhes bya ba ste snying po'i sgo nas so/ /rab rdo rje'i bka' zhes bya ba ni shin tu bzang po'i rdo rje ni rab rdo rje ste/ de bzhin gshegs pa rnams so/ /de rnams kyis bka' ni bsgo ba ste/ sangs rgyas kyi sprul pa dang/ sems can rnams kyi don bya ba'o/ /de 'di la mnga' i bas na rab rdo rje'i bka' o/ /las kyi rdo rje zhes bya ba ni/ rtse mo bcu gnyis pa'i sna tshogs rdo rje'i phyag rgya'i sgo nas so/ /kun rab 'gro zhes bya ba ni sna tshogs rdo rjes nam mkha' khyab pa'o/ /rdo rje nges pa zhes bya ba ni byang chub sems dpa' sna tshogs rdo rje'i sku'i sgo nas so/ /rgya che ba zhes bya ba ni mchod pa ma lus shing? lus pa med pas de bzhin gshegs pa thams cad mchod pas na rgya che ba'o/ /rdo rje kun zhes bya ba ni ming gi dbang bskur ba'i sgo nas te/ de ltar na mtshan bdun no/ /rdo rje bsrung ba ni badzra rak+Sha ste snying po'i sgo nas so/ /brtan pa che zhes bya ba'i 'khor gsum yongs su dag pa'i las kyi brtson 'grus kyi tshul gyis so/ /rdo rje go cha zhes bya ba ni go cha'i phyag rgya'i sgo nas so/ /sra ba che zhes bya ba ni de nyid gzhig par dka' ba yin pa'i phyir ro/ /brtson 'grus mchog ni thub pa dka' zhes bya ba ni brtson 'grus kyi mchog kyang yin la thub par dka' ba yang yin pas na brtson 'grus mchog ni thub par dka' bar zhes bya ba ste/ byang chub sems dpa' chen po rdo rje srung ba'i sku'o/ /rdo rje brtson 'grus zhes bya ba ni ming gi dbang bskur ba'i sgo nas te/ de ltar na mtshan bdun no/ /rdo rje gnod sbyin ni badzra yak+Sha ste snying po'i sgo nas so/ /thabs chen po zhes bya ba ni 'khor gsum yongs su dag pa'i so sor rtogs pa'i brtson 'grus kyi bdud thams cad nye bar mi dmigs pa'i brtson 'grus chen po mnga' ba'i phyir ro/ /rdo rje mche ba zhes bya ba ni mche ba'i phyag rgya'i sgo nas so/ /'jigs pa che zhes bya ba ni mche ba'i phyag rgya de nyid kyis nam mkha' thams cad khyab par mdzad pas so/ /bdud 'joms zhes bya ba ni byang chub sems dpa' rdo rje gnod sbyin gyi sku la'o/ /rdo rje mi bzad pa zhes bya ba ni rdo rje mche ba'i phyag rgya de bzhin gshegs pa thams cad 'jigs par mdzad pas na rdo rje mi bzad pa'o/ /rdo rje drag po zhes bya ba ni ming gi dbang bskur ba'i sgo nas te/ de ltar na mtshan bdun no/ /rdo rje mtshams sbyor ba ni badzra san d+hi ste snying po'i sgo nas so/ /rab bsdus nyid ces bya ba ni shin tu bsdus pa'i byin gyis rlob pa'i las mdzad pas na rab bsdus nyid do/ /rdo rje 'ching ba zhes bya ba ni mtshan ma'i phyag rgya'i sgo nas so/ /rab grol byed ces bya ba ni de kho na nyid kyi sbyor bas sgrib pa thams cad las rab tu thar bar mdzad pas na rab grol byed do/ /rdo rje khu tshur dam tshig mchog ces bya ba ni byang chub sems dpa' chen po rdo rje khu tshur gyi sku'i sgo nas so/ /rdo rje khu tshur zhes bya ba ni ming gi dbang bskur ba'i sgo nas te/ 'di la mtshan drug go /de ltar na mtshan rgya rtsa brgyad du 'gyur ro/ /'ching ba ni zhes bya ba ni tshig dang don gyi sgo nas sam/ bzlas pa dang sgom pa'i sgo nas so/ /zhi ba zhes bya ba ni sdug bsngal thams cad zad par byed pa'i rgyur gyur pas na zhi ba'o/ /rdo rje ming dbang bskur la sogs zhes bya ba ni ji ltar rdo rje 'chang ba chen po la ming gi dbang bskur ba la sogs pa mtshan brgya rtsa brgyad mnga' ba de bzhin du/ sgrub pa po 'di yang de bzhin gshegs pa rnams kyi dbang bskur bar 'gyur ro/ /gang zhig ces bya ba ni gang la yod pa'o/ /yon tan zhes bya ba ni yon tan gyi rgyur gyur pas na yon tan/ ming rnams kyis zhes bya ba ni mtshan brgya rtsa brgyad pa'o/ /gang zhig la zhe na/ rdo rje 'chang chen po la'o/ /rtag tu zhes bya ba ni rgyun mi 'chad par ro/ /dbyangs kyis stod pas zhes bya ba ni rnal ma nyid yin pa'i phyir rdo rje 'chang chen po la de'i yang dag pa'i yon tan brjod par 'dod pas so/ /de yang rdo rje 'chang 'dra bar 'gyur zhes bya ba ni/ rdo rje 'dzin pa dang 'dra bar 'gyur ba'o// theg pa chen po rtogs pa'i zhes bya ba ni rdo rje dbyings kyi dkyil 'khor ro/ /tshul chen yang ni rgyas par mdzod ces bya ba ni byang chub sems dpa' i lam 'bras bu dang bcas pa thob pa'i rgyur gyur pa'i dkyil 'khor 'di ni tshul chen po yin te/ sems can skal ba ji lta ba bzhin du phyogs bcur rgyas shing bskor bar mdzod ces pa'o/ /sangs rgyas kun gyi 'khor lo che zhes bya ba ni rnam par snang mdzad la sogs pa sangs rgyas rnams kyi tshogs pa 'dir mdzad pas na de skad ces bya'o/ /cho ga mchog ni bshad par gsol zhes bya ba ni mdo sde'i spyod pa'i cho ga las bltos na sngags kyi tshul gyi cho ga khyad par du 'phags pa yin pas cho ga'i mchog ces bya ste/ gang gi phyir mdo sde la spyod pa rnams bskal ba grangs med gsum gyis mngon par 'tshang rgya ba yin la/ gsang sngags kyi sgo'i spyad pa spyod pa'i byang chub sems dpa' rnams ni tshe 'di nyid la rab tu dga' ba'i sa thob nas mngon par rdzogs par 'tshang rgya bar 'gyur ro zhes gsungs pa yin no/ /de bzhin gshegs pa thams cad kyi dam tshig ces bya ba ni/ rdo rje dbyings kyi dkyil 'khor chen po ni de bzhin gshegs pa thams cad kyi dam tshig go /de 'byung ba ni rdo rje gang las byung ba ste/ de byin gyis brlab pa'i phyir ting nge 'dzin gang la ming de skad ces bya ba'i ting nge 'dzin de la snyoms par zhugs pa ste/ rdo rje dbyings kyi dkyil 'khor chen po gsungs pa'i rnam par thugs rtse gcig tu mdzad do zhes bya ba'i tha tshig go /de nas zhes bya ba ni 'das ma thag pa'o/ /gang phyir zhes bya ba ni rgyu ste des na 'di 'byung ba ni gang gi phyir ming la sogs pa kha cig rdo rje dbyings kyi dkyil 'khor chen po de bzhin gshegs pas ri rab kyi rtse mor sprul pa blta ba'i bskal pa dang mi ldan pa yin la/ de bas na de rnams kyi mthong bas phyir mi ldog pa'i sa bon bskyed par bya ba'i phyir yang dag par bshad do zhes bya ba ste/ yang dag par rnam par phye nas rab tu bshad cing bstan pas na yang dag par bshad ces bya'o/ /dkyil 'khor chen po zhes bya ba ci/ rdo rje dbyings kyi dkyil 'khor chen po ni sku'i gsang ba gtso bor gyur pa yin gyi/ thugs la sogs pa gtso bor gyur pa gzungs kyi dkyil 'khor la sogs pa ni ma yin no/ /de nyid mchog tu gyur pas na dam pa ste/ gang gi phyir tshe 'di nyid las thob par sgrub pa byed pa yin no/ /rdo rje dbyings dang 'dra bas na zhes bya ba ni/ ri rab kyi steng gi rdo rje dbyings kyi dkyil 'khor chen po dang 'dra ba'o/ /ming ji skad ces bya zhe na/ rdo rje dbyings zhes bgyi bar grags zhes bya ba gsungs te/ bcom ldan 'das rnam par snang mdzad kyi de bzhin gshegs pa thams cad kyi sku dang gsung dang thugs rdo rje'i dbyings kyis nye bar mtshon pas na rdo rje dbyings zhes bgyi bar grags zhes bshad do/ /sems dpa' chen po'i phyag rgya cher zhes bya ba la sogs pa la/ langs nas bsgyings pa'i tshul gyi yongs su bskor ro zhes bya bar sbyar ro/ /ci rigs par ni mchis nas kyang zhes bya ba la/ de la ci rigs yin 'di yin te/ dam tshig dang dbang bskur ba thob pas zla ba gcig gam/ zla ba drug gam/ lo gcig gi bar du rigs pa'i brtul zhugs spyad par bya'o/ /de la yang dang pa re zhig rang gi sdom pa la gnas pa'i nang gi bdag nyid can gyi khrus dang/ phyi yang ci nus par bya'o/ /de la sdom pa gsum la rab tu gnas shing skyong ba ni khrus gcig go /bshags pa dang gsol ba 'debs pa la sogs pa ni gnyis pa'o/ /phyag rgya dgrol ba ni gsum pa'o/ /chu'i khrus ni bzhi pa ste/ 'di dag dang gos gsum brje bar yang bya'o/ /de la sdom pa rnams la gnas pa ni gos dang po'o/ /ngo tsha shes pa dang khrel yod pa ni gnyis pa'o/ /phyi gos gtsang ma ni gsum pa zhes bya bar bshad do/ /de nas phyag 'tshal ba la sogs pa sngon du 'gro bas/ nyin bzhin sdom pa gzung ba yang lan drug tu bya'o/ /de nas sdig pa bral ba dang phyag rgya thams cad dgrol ba ji lta ba bzhin du byas la rnal 'byor chen po bya'o/ /de nas snying gar dkyil 'khor ji lta ba bzhin du bsgoms par bya'o/ /yang na rnal 'byor chen po dang ldan pas dang po'i sbyor ba dang/ dkyil 'khor rgyal po mchog rnam par bsgoms nas bsdu ba byas la/ phyag 'tshal ba dang ched du brjod pa dang/ rang gi snying gar de bzhin gshegs pa thams cad bzhugs par lhag par mos pa yang byas nas/ de bzhin gshegs pa thams cad kyi thugs ka las byang chub sems dpa' rnams byung la rang rang gi ting nge 'dzin gyis gnas nas ched du brjod pa ched du brjod par bsam par bya'o/ /de nas dpal rdo rje sems dpa' dang lhan cig tu gyur pa'i rnal 'byor pas de bzhin gshegs pa thams cad las phreng ba'i dbang bskur ba la sogs pa dbang bskur ba thams cad blangs la/ de bzhin gshegs pa de dag thams cad rdo rje lcags kyu la sogs pa'i dgug pa dang/ gzhug pa dang/ bcing ba dang/ dbang du byas nas/ dam tshig gi phyag rgya rnams kyis bsgrub par bya'o/ /de nas chos dang las dang phyag rgya chen po rnams kyis rgyas btab la dbang bskur te/ phrin las rnams la nges par sbyar bar bya'o/ /de la dang po re zhig rnam par snang mdzad kyi phyag rgya chen po bcings la sangs rgyas thams cad gcig tu bsdus par mdzod cig ces rang gi las la nges par sbyar bar bya'o/ /de bzhin du sems ma dang/ rin po che dang/ chos dang/ las kyi rdo rje mas rigs thams cad bsdus par rgyas gdab par mdzod cig ces bya ba dang/ mi bskyod pa la de bzhin gshegs pa thams cad byang chub tu sems bskyed par mdzod cig /rin chen 'byung ldan la sbyin pa'i pha rol tu phyin pa dang/ 'od dpag tu med pa la shes rab kyi pha rol tu phyin pa/ don yod par grub pa la de bzhin gshegs pa thams cad brtson 'grus kyi pha rol tu phyin pa yongs su rdzogs par mdzod cig ces bya ba dang/ rdo rje sems dpa' la de bzhin gshegs pa thams cad byang chub kyi sems la rab tu bzhag par mdzod cig / rdo rje rgyal po la de bzhin gshegs pa thams cad spyan drang ba dang/ chags pas rjes su mnyes par mdzod cig /legs pas legs so zhes bya bas mnyes par mdzod cig /rin chen gyis dbang bskur bar mdzod cig / nyi mas nyi ma'i 'od kyis snang bar mdzod cig /rgyal mtshan gyis sbyin pa'i pha rol tu phyin pa la rab tu 'jog par mdzod cig /bzhad pas 'dzum pa rmad du byung ba la rab tu bzhag par mdzod cig /chos kyi shin tu rnam par dag pa'i ting nge 'dzin la rab tu 'jog par mdzod cig / rnon pos sems can gyi nyon mongs dang/ nye ba'i nyon mongs pa gcod par mdzod cig /'khor los de rnams dkyil 'khor du gzhug par mdzod cig /smra bas spros pa med pa'i chos nyid la nges par sbyor bar mdzod cig / rdo rje las kyis ma lus shing lus pa med pa'i mchod pas mchod par mdzod cig / srung bas theg pa gzhan la 'dod pa'i sems nyid las rjes su bsrungs shig /gnod sbyin bsrung ba yongs su bskyangs pas de rnams yongs su bsrungs shig /khu tshur gyis de bzhin gshegs pa'i khu tshur bsgrubs shig ces bya ba dang/ sgeg mo la sogs pa la/ sgyin pa dang/ tshul khrims dang/ bzod pa dang/ brtson 'grus dang/ shes rab dang/ bsam gtan dang/ smon lam dang/ thabs kyi pha rol tu phyin pa la de rnams nges par sbyor cig /rdo rje lcags kyus byang chub kyi lcags kyus de bzhin gshegs pa thams cad thar pa chen po'i grong khyer du dgug par mdzod cig / zhags pas byang chub kyi spyod pa'i zhags pas gzhug tu gsol/ lcags sgrog gi theg pa gzhan 'dod pa'i sems la de bzhin gshegs pa thams cad dral ba dang/ shes rab kyi pha rol tu phyin pa'i bsam gtan gyis de bzhin gshegs pa thams cad bcing du gsol/ 'bebs pas rang bzhin gyis 'od gsal zhing skye ba med par 'bebs pas de bzhin gshegs pa rnams 'bebs par mdzod cig ces bya ba dang/ byams pa la sogs pa la dam pa'i chos kyi grong khyer yongs su skyongs shig /ces bya'o/ /thams cad du thams cad kyi rang rang gi phyag rgya chen po bcings la/ rang gi phrin las la nges par sbyar ba yin par shes par bya'o// de ltar las kyi mchog rnam par bsgoms nas yang rdo rje sems dpa' i sbyor bas bsdu ba byas te/ mtshan brgya rtsa brgyad pas yang dag par bstod nas/ ji lta ba bzhin du dgug pa dang/ gzhug pa dang/ bcing ba dang/ dbang du bya ba byas la/ /rdo rje gnod sbyin gyis bgegs bsal ba dang/ phyogs bcing ba la sogs pa byas nas/ rdo rje khu tshur gyis sgo bcad de/ rdo rje go chas bsrung ba thams cad yang dag par bsrungs la/ mchod yon phul nas/ de bzhin gshegs pa thams cad la phyag rgya shis? rgyas btab la dbang bskur te/ mchod yon sngon du 'gro ba dang phyi'i yo byad thams cad kyis yang dag par mchod pa dang/ sgeg mo la sogs pa dang/ las kyi dkyil 'khor las gsungs pa'i mchod pa bcu drug dang/ yid kyi mchod pa dang/ mchod pa'i khyad par thams cad kyis yang legs par mchod la/ phyag bzhi byas nas/ badzra At+ma konyahaM/ swa b+hA ba shud+d+ho? haM/ /sarbba sa mo haM/ zhes rnam par bsgoms nas/ badzra satwa zhes brjod la/ thams cad kyang bdag kho na yin no zhes bsgom par bya'o/ /de nas mtshan brgya rtsa brgyad pas bstod pa/ de bzhin du yang dag par mchod de/ ji lta ba bzhin du phyag byas nas/ phyag rgya dgrol bar byas la dbang bskur te/ go cha bgos nas mnyam pa'i thal mos kyang mnyes par byas la/ badzra satwa zhes bya ba dang/ yi ge brgya pa yang brjod la/ mngon par 'dod pa'i dngos grub kyi phyir dge ba'i rtsa ba yongs su bsngos nas mchod yon phul lo/ /slar byon pa'i phyir bskul te gshegs su gsol bar bya'o/ /de nas rdo rje bsrung ba dang/ gnod sbyin dang/ khu tshur gyis bdag nyid bsrung ba byas nas/ mchod rten gyi la sogs pa'i bya'o/ /de ltar nyin re zhing thun bzhi'i sbyor bas rig pa'i brtul zhugs rdzogs par bya'o/ /de ltar rdzogs nas dkyil 'khor bri bar bya ba ni/ gtsug lag khang ngam/ kun dga' ra ba 'am/ grong ngam/ grong khyer gyi byang shar kyi phyogs kyi char yid dang rjes su mthun par/ shin tu mnyam zhing snum pa/ shar du gzhol ba shin tu tshad dang ldan pa/ tshwa sgo med pa'i sa'i cha der rgyal pos ni khru brgya 'am lnga bcu'o/ /blon po dang blon po chen pos ni khru lnga bcu 'am nyi shu rtsa lnga'o/ /tshong dpon nam ded dpon gyis ni khru nyi shu rtsa lnga 'am de'i phyed do/ /sgrub pa pos ni khru bcu gnyis sam drug pa bya'o/ /de la dang po re zhig mngon par 'dod pa'i dkyil 'khor gyi sa'i dbus su mi rus kyi phye ma khrag dang dug dang bcas pa dang/ mngon spyod kyi sbyin sreg gi cho gas dkyil 'khor gyi bgegs bzlog nas/ bdag dang/ slob ma dang/ sa bdag la sogs pa zhi bar byed pa'i zhi ba'i sbyin sreg bya'o/ /de nas sa sbyang du gzhug par bya'o/ /'dom gang tsam la lkog ma 'am/ lte ba 'am/ pus mos nub tsam du 'og tu brkos la/ spos chu dri zhim pos bran pa'i sas bkang nas/ rdo rje gnod sbyin yongs su bzlas pa'i spos chus chag chag btab ste/ 'thas par bcags la/ shin tu mnyam par byas la khang pa brtsegs ma'i nang du chud pa/ rta babs bzhis mdzes par byas la sgo bzhi dang ldan pa skar khung gis yongs su bskor ba/ mdza' ma dril bu btags pa'i rgyal mtshan dang/ bla re mchog sna tshogs bres pas nye bar mdzes par byas la/ sangs rgyas rin po che la sogs pa'i ras ris dang sku gzugs la sogs pa'i rgyan gyis brgyan pa grwa bzhir bzhag pa'i spos snod rnams las spos legs par 'thul ba/ me tog dang/ mar me dang/ gos la sogs pa'i yo byad rnams kyis mdzes par byas pa'i sa'i cha dris? nye bar byugs nas rdo rje gnod sbyin yongs su bzlas pa'i spos chus bsangs la/ sa la lag pa bzhag ste/ rdo rje sems dpa' dang yi ge brgya pa lan bdun bzlas par bya'o/ /sa sbyang ba dang yongs su gzung ba'i cho ga'o/ /de nas rang nyid khrus byas shing lus dri zhim? pos byugs la/ ji snyed pa'i gos dang rgyan gdags shing/ shin tu dmar ba'i ras gos bgo ba dang me tog gi phreng ba gdags shing gdong dri zhim par byas la/ yar gyi de'i tshes brgyad nas brtsams te/ tshes bcu 'am/ bcu gsum 'am/ bcu bzhi nas brtsams te/ bco lnga'i bar du 'am/ tshes lnga'i snga dro'i thun mtshams nas brtsams te/ dkyil 'khor gyi las bya'o/ /de la gnyug mar gnas pa'i sa'i char ni phyag dar dang brkyang nul la sogs pa byas la/ de bzhin du lag pa sa la reg par byas nas rdo rje sems dpa' dang/ yi ge brgya pa bzlas par bya'o/ /de nas dkyil 'khor gyi sa'i dbus su 'dug la/ bdag nyid bsrung ba dang/ bgegs gzhom pa la sogs pa bya'o/ /de nas rdo rje 'khor lo'i phyag rgyas rdo rje dbyings kyi dkyil 'khor chen po sprul la/ phyag 'tshal ba sngon du 'gro ba dang/ sdom pa gzung ba dang/ rnal 'byor chen po dang/ gzhal yas khang gdan dang bcas pa bskyed la/ sems dpa' i skyil mo krung du 'dug ste/ de dus bdag tshe 'bras bu yod ces bya ba nas/ deng bdag 'dus pa mchog yin no/ /zhes bya ba'i bar gyis bdag nyid spro ba bskyed par bya'o/ /de nas yan lag thams cad kyi phyag byas la/ spos snod lag tu thogs te/ ma lus phyogs na bzhugs pa yi/ /zhes bya ba nas dngos grub 'di ni stsal du gsol/ zhes bya ba'i bar gyis sangs rgyas thams cad spyan drang bar bya'o/ /de nas yang dang po sbyor ba dang/ dkyil 'khor gyi rgyal po mchog dang/ las kyi rgyal po mchog rnams bsgoms ba/ rdo rje sems dpa' i gnas na dpal rdo rje sems dpa' i phyag rgya chen po gnas shing/ aoM badzra satwa hUM zhes zlos pa la brtson pa la rdo rje dbyings kyi dkyil 'khor chen po bri ba'i phyir/ sgrub pa'i grogs mchog de bzhin gshegs pa'i nga rgyal dang ldan pas mtshan brgya rtsa brgyad pas gsol ba gdab par bya'o/ /de ltar na 'di ni ci rigs pa yin te/ tshul 'dis sems dpa' i skyil mo krung du 'dug pa las langs nas yongs su bskor bar bya'o/ /'on te spros par 'dod na spros pa dang bcas pa'i sbyor ba nyid bya bar shes par bya'o/ /sems dpa' ni phyag rgya cher bsgom zhing byin gyis rlob bgyid cing/ zhes bya ba ni de nas gsol ba btab pa'i rjes thogs nyid la/ de bzhin gshegs pa thams cad kyi nam mkha' gang bar bsams te/ de bzhin gshegs pa thams cad la dkyil 'khor lnga pas phyag byas la/ bcom ldan 'das rdo rje sems dpa' i phyag rgya chen po bcings te/ 'di skad ces brjod par bya ste/ bdag nyid rang nyid rdo rje can/ /rdo rje sems dpa' bdag rang nyid/ /bdag ni sangs rgyas rgyal po che/ /stobs chen rdo rje can bdag nyid/ /bdag ni rnal 'byor dbang phyug rgyal/ /phyag na rdo rje brtan bdag yin/ /bdag po rdo rje chen po bdag /byin gyis rlob pa mi 'dor ro/ /aoM badzra satwa hUM/ de nas rdo rje sems dpa' i dam tshig gi phyag rgyas ji ltar yongs su bsgom pa'i dkyil 'khor bteg ste nam mkhar bzhag la/ rdo rje sems dpa' i dam tshig gi phyag rgya de nyid kyis badzra satwa zhes zlos shing bdag nyid kyang byin gyis brlabs la/ rdo rje sems dpa' i nga rgyal bskyed de/ badzra driSh+Ti ma Ta zhes bya ba mig gnyis su bkod la/ a zhes bya bas rkang pa gnyis su sna tshogs rdo rje bskyed la/ yang bcom ldan 'das rdo rje sems dpa' i phyag rgya chen por bsam par bya'o/ /'di tsam gyis ni sems dpa' che'i phyag rgya cher/ sgom zhing byin gyis brlab bgyid cing/ /zhes bya ba ni 'di'i don ston pa yin no/ /phyag rgya la gnas de bzhin langs// zhes bya ba ni phyag rgya chen mo ma bkrol bas sems dpa' i skyil mo krung bshig la langs te/ phyag rgyas gnas pas na phyag rgya la gnas zhes bya ba ste/ phyag rgya chen po bcing ba nyid kyis gnas pa'o/ /kun tu rnam par bltas nas ni zhes bya ba ni/ dpal ldan gyi phyogs nas brtsams te/ g.yon phyogs nas bltas bgegs bskrad ba byas la/ yang de bzhin du g.yas phyogs nas bltas nas phyogs mtshams dang/ dkyil 'khor nam mkha' dang sa bcing ba dang rab dang 'dra ba byas la/ rkang mthil gyis yongs su gzung bas sa gzhi brtan pa nas brtsams te ri rab kyi steng gi bar du rdo rje'i rang bzhin du byed cing/ rdo rje sems dpa' i phyag rgya chen po bcings la/ de'i nga rgyal dang ldan pas badzra satwa hUM zhes zlos shing g.yas phyogs nas yongs su bskor nas/ yang dkyil 'khor gyi cho ga las bshad pa'i tshul gyis bgegs gzhom pa la sogs pa bya ba nas/ lhag par gnas pa'i cho ga rnams rjes su spyad par bya'o/ /de nas nyi ma 'char ba'i dus su dkyil 'khor de dam tshig gi phyag rgya de nyid kyis nam mkhar bzhag la thig gis thig gdab par bya'o/ /sar ya zhes bya ba ni dkyil 'khor gzhan du yongs su ma spyad pa'o/ /legs par bkal nas kyang zhes bya ba ni dris byug pa'i gser la sogs pa'i snod du bzhag pa'o/ /tshad dang ldan pa zhes bya ba ni dkyil 'khor khru drug pa la sboms su mthe'u chung gi tshad la chung dkyil 'khor nyis 'gyur gyi tshad kyis so/ /mdzes pa'i thig gis zhes bya ba ni tshon sna lnga pos lta na sdug pa'i thig gis thig gdab pa'o/ /mkhas pas zhes bya ba ni dkyil 'khor gyi mdog dang dbyibs dang bya ba la sbyar ba'o/ /ci nus kyis zhes bya ba ni tshad dpag ched nas brtsams te/ khru drug pa'i tshang gyi mthar thug pa'i bar du nus pa'i tshad las spags te/ dkyil 'khor gyi thig gi gdab par bya'o/ /gru bzhir bgyi zhing sgo bzhi dang zhes bya ba ni shar dang nub dang byang dang lho'i ngos kyi ri mos zur bzhir byas pa'i phyir gru bzhi'o/ /sgo bzhi dang zhes bya ba ni shar dang lho dang nub dang byang gi ngos kyi dbus su re re zhing sgo gdod pa yod de des na sgo bzhi'o/ /rta babs bzhis ni mdzes bgyis la zhes bya ba ni go bar chad do/ /thig bzhi dang ni ldan gyur pa zhes bya ba ni tshangs pa'i thig gnyis dang mtshams kyi thig gnyis te/ de dag dang yang dag par ldan par gyur pa ni mnyam por bya ba'i phyir zhes bya ba'i bar du'o/ /dar dang me tog phreng bas brgyan zhes bya ba ni dar gyi phreng ba dang/ me tog gi phreng bas brgyan pa'o/ /grwa yi phyogs ni thams cad dang/ sgo khyud kyi ni mtshams rnams su/ /rdo rje rin chen spras par ni/ /dkyil 'khor phyi rim thig gdab bo/ /zhes bya ba ni dkyil 'khor grwa'i phyogs bzhi'i char du yang zla ba phyed pa/ de'i steng du rdo rje rin chen yod par thig gdab par bya'o/ /sgo rnams kyi sgo khyud ni sgo khyud ste/ de rnams kyi mtshams ni ri mo gnyis phrad pa'i tshul te/ de rnams su yang zla ba phyed pa'i steng du rdo rje rin po che yod par thig gdab par bya'o/ /de'i rim pa'i nang zhugs la 'khor lo 'dra bar zhes bya ba ni phyi'i dkyil 'khor de'i rim pa'i nang du zhugs la/ 'khor lo 'dra bar dkyil 'khor gyi gnas gru bzhi dang sgo bzhi la sogs pa ji skad du bshad pa'i phyir dkyil 'khor dang 'dra ba la rta babs med par thig gdab par bya'o/ /rdo rje thig gis yongs sgor bar zhes bya ba ni rtse gsum pa'i rdo rje phreng bas bskor ba'o/ /ka ba brgyad kyis mdzes bgyis pa/ zhes bya ba ni phyogs kyi cha re re zhing rtsig pa la brten pa'i rdo rje ka ba gnyis gnyis yod pa de'i phyir/ ka ba brgyad kyi nye bar mdzes par byas pa yin no/ /rdo rje ka ba'i nang logs su pad zla ba'i dkyil 'khor lngas brgyan pa zhes bya ba ni/ rdo rje ka ba rnams kyi mchog ste gnas dam pa yin pas na rdo rje ka pa'i mchog gi gnas su'o/ /rdo rje ka ba'i mchog gi gnas de rnams su/ bcom ldan 'das rnam par snang mdzad dang/ mi bskyod pa dang/ rin chen 'byung ldan dang/ 'od dpag tu med pa dang/ don yod par grub pa'i gnas rnams su ni nyi ma'i dkyil 'khor zlum po lngar thig btab la/ yang de re zhing zla ba'i dkyil 'khor lnga lnga yod pa'i rdo rje ri mos yongs su bskor bar thig btab la/ zur bzhi pa la sgo bzhi pa/ /ka ba brgyad kyis mdzes byas shing/ /rdo rje phreng bas yongs bskor bar/ /dkyil 'khor dbus ma bri bar bya/ zhes bya ba la sogs pa la/ bcom ldan 'das kyis rdo rje rtse mo las rdo rje dbyings kyi dkyil 'khor chen po'i cha bgo ba mdzad pa yin pas the tshom mi bya'o/ /'dir yang de'i 'khor lo 'dra bar zhes bstan pa ni 'khor lo ltar zlum po yin te/ 'dir zlum po kho na yin no zhes bstan par nus pa ni ma yin te/ dkyil 'khor 'khor lo yin par bshad/ /ces bya ba la sogs pa la/ sbyir dkyil 'khor 'khor lo yin par bshad pas nges pa med la/ rdo rje thig gi yongs bskor bas zhes bya ba gsungs pa 'dis kyang/ 'di tha dad par gyur pa yin par shes par bya'o/ /de yang gru bzhir bgyi zhing sgo bzhi dang/ rta babs bzhis ni mdzes bgyis la/ rdo rje thig gis yongs bskor bar/ rdo rje pho brang chen po dri/ zhes gsungs so/ /yang thig gi cho ga gsal bar byas te/ de la dang po ras bal rin la mi brtsigs? par nyos la/ bu mo gtsang mas bkal ba'i srad bu tshon rtsi dri zhim po/ sngon po dang/ ser po dang/ dmar po dang/ ljang gu dang/ dkar pos so sor kha bsgyur la go rim 'di nyid kyis bzhag pa la/ hUM traM h+ri a A zhes bya ba'i rang gi sa bon gyis mi bskyod pa la sogs pa srad bu la bkod de/ dIpta driSh+Ti aoM ku sha dza zhes bya ba/ mig gnyis su bkod la/ rab tu g.yo zhing 'bar ba'i mig/ mig gi rdzi ma 'dren pa ni zhes bya ba 'bar ba'i lta ba dang/ bcom ldan 'das dkyil 'khor chen po'i thig gdab par bya ba'i phyir rdo rje'i thig gdab la stsol cig ces brjod pas mi bskyod pa la sogs pa yang dag par bkul bar bya'o/ /de nas mi skyod pa la sogs pa rang rang gis sa bon gyi 'od kyis srad bu btang ba 'bar ba'i lta bas bkug la rang gi lag na gnas pa'i srad bu bkang nas/ a n+yo n+ya a nu ga ta sarbba d+harmmA pa ra sba ra a nu pra biSh+Ta sarbba d+harmmA atyan+ta a nu pra biSh+Ta sarbba d+harmmA/ aoM badzra satwa hUM zhes zlos shing bsgril bar bya'o/ /ma dang Ta gnyis kyis mig g.yas pa dang/ g.yon par zla ba dang nyi ma bskyed la/ badzra diSh+Ti maT zhes bya bas bstan par byas nas/ thig de gser la sogs pa'i snod dris byug par bzhag la/ dri dang me tog dang spos kyis legs par mchod nas rdo rje bsdams pa gzung la aoM badzra sa ma ya pra sU traM ma ti kra ma hUM zhes lan brgya rtsa brgyad bzlas par bya'o/ /de nas sems dpa' bcu drug bzlas pa'i dris dkyil 'khor gyis yang byugs la/ me tog gis kun nas mdzes par byas nas bar snang na bzhugs pa'i rigs thams cad la mchod yon phul te/ me tog ma la sogs pa dang/ sgeg mo la sogs pas thams cad yang dag par mchod la phyag byas nas mig g.yas dang g.yon du yi ge dza gnyis la nyi ma dang zla ba mdog gser por snang ba skyed la/ glu dang rol mo'i mchod pa dang bcas pas dkyil 'khor brtag par bya'o/ /de la re zhig tshon kha dog dkar po dri zhim pa la/ sngags bzlas la thig spang bar bya'o/ /de nas yid kyis badzra d+ha tu zhes rdo rje'i tshig tu brjod la/ rnam par snang mdzad du gyur na/ badzra karmmA hUM zhes zlas shig rang gi snying ga nas rdo rje las su sgrub pa'i grogs mchog sprul par bya'o/ /de nas badzra sa ta zhes zlos shing bdag nyid rdo rje sems dpar bsams la/ thig de g.yon pa'i khu tshur gyis bzung la dza zhes bya bas de rdo rje las kyis gzugs can sgrub pa'i grogs mchog lag par thig gtad la/ phyogs thams cad mnyam pa nyid du sgom zhing shar du bltas la tshangs pa'i thig gdab par bya'o/ /de nas yang slob dpon lho phyogs su 'dug la/ byang phyogs su bltas te gnyis pa gdab par bya'o/ /yang me'i phyogs su 'dug ste/ byang phyogs su bltas te phyi'i dkyil 'khor gyi shar gyi thig gdab par bya'o/ /rlung gi phyogs su 'dug la lho'i phyogs su bltas te/ nub kyi thig gdab par bya'o/ /de nyid du 'dug la shar du bltas te byang gi thig gdab par bya'o/ /yang me'i phyogs su 'dug ste nub tu bltas la lho'i phyogs kyi thig gdab bo/ /de bzhin du kha khyer gyi thig kyang gdab par bya'o/ /de ltar na phyi'i dkyil 'khor dang nang gi dkyil 'khor kun tu thig btab nas byang du bltas te shar gyi ka ba'i thig gdab bo/ /lhor bltas te nub kyi ka ba'i thig gdab bo/ /shar du bltas te byang gi ka pa'i thig gdab bo/ nub tu bltas te lho'i ka ba'i thig gdab po/ yang phyi'i dkyil 'khor gyi me'i mtshams su 'dug ste rlung gi mtshams kyi bar dang/ bden bral gyi mtshams su 'dug ste dbang ldan gyi mtshams kyi bar du thig gdab par bya'o/ /slob dpon dang sgrub pa'i grogs mchog ni thams cad du bskor phyogs su 'gro bar bya'o/ / de la thig gdab pa'i sngags ni 'di yin te/ aoM badzra sa ma ya sU traM ma ti kra ma hUM zhes slob dpon gyis bzlas par bya'o/ /dza dza dza zhes bya ba dza gsum gyi sgrub pa'i mchog gis drang bar bya'o/ /sgo ni dbus kyi brgyad cha'o/ /sgo khyud ni sgo'i tshad do/ /kha khyer ni sgo'i phyed kyi tshad do/ /sgo 'gram ni kha khyer gyi tshad do/ /tshon sna lnga'i sa ni kha khyer gyi phyed kyi tshad yin par shes par bya'o/ /rta babs ni sgo'i sum 'gyur ro/ /nang gi dkyil 'khor ni phyi'i dkyil 'khor gyi phyed kyi tshad la sgo bzhi ba zur bzhi pa la khyer gyis yongs su bskor ba'i ka ba brgya dang ldan par legs par thig btab nas seng ldeng gi phur bu smad rdo rje rtse gcig pa lta bu/ stong rdo rje rtse lnga pa lta bu la/ rdo rje phur bu'i sngags yongs su bzlas te/ rdo rjes brdungs la/ de la bstod pa'i srad bus nang gi dkyil 'khor gyi phyir mi du/ rdo rje phreng ba dbang ldan nas brtsams te/ bskor phyogs su thig gdab par bya'o/ /de nas dkyil 'khor gyi lte ba na gnas pa'i phur bu yi ge hUM bzhis bton la/ 'og nas bshad pa'i tshon sna lngas phur bu'i bu ga bkang la mnyam pa'o byas nas/ hI zhes bya bas mig g.yas pa dang g.yon du nyi ma dang zla ba bskyed la/ khro bo'i lta bas kun tu bltas la sgo rnams bya'o/ /thig gdab pa'i cho ga'o/ /thig de tshon gyis dgang ba dang/ tshon gyi rim pa ni 'di'i 'og nas dum bu gnyis pa la shes par bya'o/ /dbus kyi dkyil 'khor dbus su ni/ sangs rgyas kyis ni gzugs bzhag cing/ /zhes bya ba ni bcom ldan 'das rnam par snang mdzad de/ de'i shar gyi phyogs kyi che ra rdo rje sems ma/ lhor rin chen sems ma/ nub tu chos kyi sems ma/ byang du las kyi sems ma bri bar bya'o/ /rdo rje shugs kyis song nas ni/ zhes bya ba ni de la rdo rje shugs ni 'di yin no yid kyis ri mo bteg nas ni/ /rdo rje srad bu 'am gzhan yang rung/ /phyir byung nang du zhugs kyang ni/ /dam tshig 'gal bar de mi 'gyur/ de nas 'di'i snying po ni 'di yin te/ aoM badzra be gA kra ma hUM/ mi g.yo ba'i dkyil 'khor du/ rdo rje 'dzin sogs mnyam par bzhag /ces bya ba ni bcom ldan 'das mi bskyod pa rdo rje sems dpa' dang/ rdo rje rgyal po dang/ rdo rje chags pa dang / rdo rje legs pa dang/ bcas pa bri bar bya'o/ /de ltar na de dang mnyam par gyur te/ thugs kyi ngo bo nyid kyi rang bzhin nyid kyis na mi mnyam pa med pas mnyam pa'o/ /rin chen 'byung ba'i dkyil 'khor du/ rdo rje snying sogs rdzogs par bzhag /ces bya ba ni bcom ldan 'das rin chen 'byung ldan/ rdo rje rin chen dang/ rdo rje nyi ma dang/ rdo rje rgyal mtshan dang/ rdo rje bzhad pa dang bcas pa bri bar bya'o/ /de ltar na dkyil 'khor de rdo rje snying po la sogs pas gang bar 'gyur ro/ /tshe dpag med kyi dkyil 'khor du / rdo rje spyan sogs dag par bzhag / ces bya ba ni bcom ldan 'das 'od dpag tu med pa rdo rje chos dang/ rdo rje rnon po dang/ rdo rje rgyu dang/ rdo rje smra ba dang bcas pa bri bar bya'o/ /de ltar na dkyil 'khor de dag par 'gyur te/ rang bzhin gyis dag pa'i chos nyid kyi ngo bo nyid yin pas kyang de dag yin no/ /gdon mi za ba'i dkyil 'khor du/ /rdo rje rgya gram la sogs bzhag/ ces bya ba la rdo rje rgya gram ni rdo rje las te/ gang du de nyid la sogs pa yod pa de ni rdo rje rgya gram la sogs pa'i dkyil 'khor te/ bcom ldan 'das don yod par grub pa sna tshogs rdo rje dang/ rdo rje srung ba dang/ rdo rje gnod sbyin dang/ rdo rje khu tshur dang bcas pa bri bar bya'o/ /'khor lo ai ni gra rnams su/ rdo rje lha mo rnams kyang bzhag /ces bya ba ni nang gi dkyil 'khor gyi mtshams me'i phyogs nas brtsams te/ sgeg mo dang/ phreng ba ma dang/ glu ma dang/ gar ma rnams bri bar ba'o/ /dkyil 'khor phyi'i grwa rnams su/ /sangs rgyas mchod pa rnams kyang bzhag /ces bya ba ni phyi'i dkyil 'khor gyi lha'i snam bu'i me'i phyogs nas brtsams te/ /bskor phyogs su bdug pa ma dang/ me tog ma dang/ mar me ma dang/ byug pa ma bri bar bya'o/ /sgo rnams kun gyi nang du ni/ /sgo bsrungs bzhi yang bzhag par bgyi/ /zhes bya ba ni kun gyi zhes bya ba'i tshig gis phyi dang nang thams cad kyi shar phyogs kyi sgor rdo rje lcags kyu/ lhor zhags pa/ nub tu lcags sgrog /byang du rdo rje 'bebs pa bri bar bya'o/ /'khor lo phyi rim phyogs su na/ /sems dpa' chen po rnams kyang bzhag ces bya ba ni khyams kyi nang du byams pa la sogs pa bskal pa bzang po'i byang chub sems dpa' rnams bri bar bya'o/ /de la bcom ldan 'das rnam par snang mdzad ni sku mdog dkar po/ /byang chub mchog gi phyag rgyas rdo rje rtse lnga pa bsnams pa/ seng ge'i gdan la pad+ma dang zla ba'i dkyil 'khor gyi steng du rdo rje skyil mo krung gis bzhugs pa nyi ma'i 'od mnga' ba/ dar la'i stod g.yogs dang smad g.yogs bsnams pa/ rin po che'i cod pan dang dar dpyangs kyi dbang bskur ba dang ldan pa/ zhal bzhi pa/ zhal dang po shar du gzigs pa'o/ /de bzhin du mi bskyod pa la sogs pa yang go rim ji lta ba bzhin du/ sku mdog sngon po dang/ ser po dang/ dmar po dang/ ljang gu dang/ glang po che dang/ rta dang rma bya dang/ nam mkha' lding gi khri la pad+ma dang zla ba'i steng na rdo rje'i skyil mo krung gis bzhugs pa/ sa gnon dang/ mchog sbyin dang/ ting nge 'dzin mchog dang/ mi 'jigs pa'i phyag rgya dang/ rdo rje dang/ rdo rje rin po che dang/ rdo rje pad+ma dang/ sna tshogs rdo rje bsnams pa/ nyi ma'i 'od kyi dkyil 'khor can/ /rin po che'i cod pan dang dar dpyangs kyis dbang bskur ba dang ldan pa/ zhal gcig pa rnam par snang mdzad la mngon par phyogs pa ste/ de bzhin gshegs pa lnga po 'di dag badzra d+hA tu zhes bya ba'i de bzhin gshegs pa lnga'i spyi'i snying po zlos shing bri ba 'am bzhag la/ bar snang la bzhugs pa phab ste gcig tu bya'o/ /de bzhin du satwa badzri zhes bya ba nas/ badzra A be sha zhes bya ba'i bar zlos shing rdo rje sems ma la sogs pa nas/ rdo rje 'bebs pa'i bar du bri ba 'am bzhag la/ bar snang la bzhugs pa phab ste/ gzugs brnyan dang lhan cig tu bya'o/ /rdo rje sems ma ni pad+ma dang zla ba'i gdan gyi steng na rdo rje rtse lnga pa dmar po/ rdo rje rin chen ma la sogs pa'i gdan yang de lta bu nyid yin par shes par bya ste/ der rdo rje rin chen ma ni yid bzhin gyi nor bu rin po che ni rtse mo rdo rje rtse lnga pas mtshan pa'o/ /rdo rje chos ma ni pad+ma 'dab ma bcu drug pa/ mdog dkar dmar 'dab ma brgyad thur du dgyes pa/ 'dab ma brgyad gyen du gyes pa kha ma bye ba'i nang na rdo rje rtse lnga pa chud pa'o/ /rdo rje las ni sna tshogs rdo rje rtse mo bcu gnyis pa kha dog lnga pa ste/ de la dbus na dkar po/ mdun sngon po/ g.yas logs ser po/ rgyab dmar po/ g.yon mar gang mdog can no/ /rdo rje sems dpa' la sogs pa nas bskal pa bzang po'i byang chub sems dpa' i bar dag kyang pad+ma dang zla ba'i steng na sems dpa' i skyil mo krung gis bzhugs pa yin te/ rdo rje sems sogs dang po'i mgo na/ /rdo rje phyed pa'i gdan la bzhugs zhes bshad pa'i phyir ro/ /de la rdo rje sems dpa' ni sku mdog dkar po g.yon pa'i rdo rje khu tshur dril bu dang bcas pa bsnyems pa'i chul du skur brten pa/ phyag g.yas pa kha TwAM ga'i phyag rgyar bzhag pa'i gung mo la dang po'i rdo rje rtse lnga pa rang gi thugs kar sted pa'i tshul gyis bsnams pa'o/ /rdo rje rgyal po ni gser gyi mdog can rdo rje lcags kyus de bzhin gshegs pa thams cad sdud par mdzad cing bzhugs pa'o/ /rdo rje chags pa ni sku mdog dmar po mda' dang gzhus de bzhin gshegs pa thams cad la 'bigs pa'i tshul du mdzad pa'o/ /rdo rje legs pa ni mar gar? gyi mdog can phyag gnyis rdo rje khu tshur dang bcas pas legs so zhes bya ba sbyin pa'i tshul gyis de bzhin gshegs pa thams cad mnyes par byed cing bzhugs pa'o/ /rdo rje rin chen sku mdog ser po g.yon pa'i rdo rje khu tshur gyis rin po che'i dril bu bsnams shing bsnyems pa'i tshul gyis bzhugs pa/ g.yas pa'i khu tshur gyis yid bzhin gyi nor bu rin po che'i rtse mo rdo rje rtse lnga pas/ mtshan pas dpral ba'i? steng na bsnams pa'o/ /rdo rje nyi ma nyi ma'i mdog can phyag g.yas na rdo rje nyi ma'i dkyil 'khor bsnams te/ de bzhin gshegs pa rnams kyi snang ba mdzad pa/ phyag g.yon pa gdan la brten nas bzhugs pa'o/ /rdo rje rgyal mtshan nam mkha' i mdog can phyag g.yas na yid bzhin gyi nor bu'i rgyal mtshan phyag g.yon gdan la brten par bzhugs pa'o/ /rdo rje bzhad pa dung dang pad+ma'i rtsa ba ltar dkar ba/ phyag g.yas kyis so'i phreng ba gnyis kyis rtse mo na rdo rje yod pa bsnams te/ de bzhin gshegs pa rnams 'dzum pa la nges par sbyor ba/ phyag g.yon gdan la brten pas bzhugs pa'o/ /rdo rje chos ma sku mdog dkar dmar phyag g.yon pa dkur brten pas rdo rje pad+ma bzung ste/ phyag g.yas pas de'i 'dab ma rang gi thugs kar 'byed pa'o/ /rdo rje rnon po nam mkha' ltar sngo bsangs phyag g.yon gyis rang gi thugs kar shes rab kyi pha rol tu phyin pa'i glegs bam bsnams pa/ g.yas kyi ral gri bsnams pa de bzhin gshegs pa thams cad la 'debs pa'i tshul gyis yang dag par bzhugs pa'o/ /rdo rje rgyu gser gyis mdog can phyag g.yas kyis gung mo'i rtse mo na 'khor lo rtsibs brgyad pa bskor bar mdzad pa/ g.yon pa gdan la brten nas bzhugs pa'o/ /rdo rje smra ba zangs kyi mdog can phyag g.yas kyis rdo rje lce bsnams nas/ de bzhin gshegs pa rnams dang/ smra bar mdzad cing g.yon gdan la brten pa'i tshul gyis bzhugs pa'o/ /rdo rje las zhal dkar po/ rked pa'i bar dang phyag gnyis sngo skya/ lhag ma mdog sngo/ zhal gyi 'og logs nas rked pa'i bar du dmar skya/ brla gnyis ser skya lhag ma byin pa gnyis nas zhabs kyi bar du dkar po/ phyag g.yon gyi rdo rje khu tshur gyis sna tshogs rdo rje dril bu dang bcas pa bsnyems pa'i tshul gyis 'jog pa/ phyag g.yas kyi gung mo la sna tshogs rdo rje rang gi thugs kar bstod pa'i tshul gyis bsnams pa'o/ rdo rje srung ba gser gyi mdog can phyag gnyis kyi rdo rje go cha bsnams te/ de bzhin gshegs pa thams cad go bskon pa'i tshul gyi bzhugs pa'o/ /rdo rje gnod sbyin sku mdog nag po lto ba yangs pa/ zhal gyis che ba gtsigs pa rdo rje khu tshur gnyis kyis zhal gyi mdza' gnyis su mche ba gnyis 'dzin cing bzhugs pa'o/ /rdo rje khu tshur sku mdog ser po dam tshig gi khu tshur gnyis kyi nang du rdo rje chud pa/ dam tshig gi khu tshur gyis 'tshir zhing bzhugs pa'o/ /sgeg mo sku mdog dkar ba/ rdo rje khu tshur gnyis kyis rdo rje rtse lnga pa gnyis bsnams te/ rdo rje 'gying ba'i tshul gnyis kyis sgeg pas g.yon du cung zad 'dud pa'o/ /phreng ba ma sku mdog ser ba/ rin po che'i phreng bas de bzhin gshegs pa rnams dbang bskur ba'o/ /glu ma sku mdog dmar skya pi wang brdung ba'o/ /gar ma sku mdog rdo rje las lta bu rdo rje rtse gsum pa bsnams te/ phyag gnyis kyis gar mdzad cing bzhugs pa'o/ /bdug pa ma sku mdog dkar mo rdo rje spos snod kyis de bzhin gshegs pa rnams tshim par mdzad pa'o/ /me tog ma ser mo phyag g.yon gyis rdo rje me tog gi snod thogs te/ phyag g.yas kyis me tog gi char 'bebs par mdzad pa'o/ /mar me ma sku mdog dmar skya mar me'i sdong bu bsnams te/ snang ba'i tshogs kyis mchod par mdzad pa'o/ /byug pa ma gar ma ltar sna tshogs pa'i mdog can phyag g.yon na dri'i dung chos bsnams te/ phyag g.yas kyis dri'i sprin gyis de bzhin gshegs pa rnams la mchod cing bzhugs pa'o/ /rdo rje lcags kyu sku mdog dkar po rdo rje lcags kyus de bzhin gshegs pa rnams spyan 'dren par mdzad pa'o/ /rdo rje zhags pa sku mdog ser po rdo rje zhags pas de bzhin gshegs pa rnams gzhug par mdzad pa'o/ /rdo rje lcags sgrog sku mdog dmar skya rdo rje lcags sgrog gis de bzhin gshegs pa rnams 'ching bar mdzad pa'o/ /rdo rje 'bebs pa sna tshogs pa'i mdog can phyag g.yas kyis rdo rje dril bu bsnams te/ de bzhin gshegs pa rnams 'bebs par mdzad pa/ phyag g.yon gdan la brten te bzhugs pa'o/ /de la de bzhin gshegs pa rnams ni zhi ba'i nyams dang ldan pa/ rgyan thams cad kyis brgyan pa/ zhi ba'i gzigs stangs dang/ 'dzum pa dang bcas pa'o/ /rdo rje sems dpa' la sogs pa ni rab tu dgyes pas spyan gdangs pa/ sgeg pa'i nyams dang 'dzum pa'i dang/ bcas pa sangs rgyas lnga'i cod pan dang dar dpyangs kyis dbang bskur ba dang ldan pa/ rgyan thams cad kyis brgyan pa'o/ byams pa la sogs pa shar gyi cha la ni rdo rje sems dpa' dang 'dra bar rdo rje bsnams pa'o/ /lhor ni rdo rje rin chen dang 'dra bar rin po che bsnams pa'o/ /nub tu ni rdo rje chos dang 'dra bar rdo rje pad+ma bsnams pa'o/ /byang du ni rdo rje las dang 'dra bar sna tshogs rdo rje bsnams pa'o/ /khyad par ni 'di yin te/ 'di ltar rin po che'i con pan gyis dbang bskur ba mnga' ba yin no// aoM sarbba saM ka ri pa ri shud+d+he/ d+harmmA te mahA na ya pa ri bA re swAhA zhes bya ba ni/ bskal pa bzang po pa rnams kyi spyi'i rig pa yin no/ /de nas rdo rje slob dpon gyis zhes bya ba la sogs pa la/ de ltar dkyil 'khor legs par bkod nas/ phyi rol kun tu spos chus byug cig me tog sil ma bkram la dgongs ka'i dus su/ badzra satwa zhes zlos shing rdo rje sems dpa' i dam tshig gi phyag rgyas me tog gi phreng ba bzung ba/ rdo rje shugs kyi dkyil 'khor du zhugs la/ yang rdo rje dril bu krol zhing dkyil 'khor lan bdun bskor ba byas la/ dkyil 'khor thams cad kyi lhag pa dang ma tshang ba'i nyes pa zhi bar bya ba'i phyir bltas la/ bcom ldan 'das rdo rje sems dpa' la phreng ba de phul te/ rdo rje'i gar byas te/ blangs la rang gi mgo la bcing bar bya'o/ badzra satwa hUM zhes bya bar ma chad par bzlas par bya'o/ /de yang rdo rje dril bu rab bskul bas/ mkhas pas ma tshang yongs su skong/ lhag pa gang yin 'dor bar byed/ 'grub 'gyur smad par mi bya'o/ /zhes gsungs pa yin no/ /de'i rjes la yi ge hUM las bdag nyid rdo rje hUM mdzad du bsam par bya'o/ /de nas dbus su 'dug nas ni/ rdo rje slob dpon mnyam gzhag pas/ rdo rje sgo ni rnam bzhi po/ /yid kyis su ni dbye bar bya/ aoM badzrod g+ha Ta sa ma ya pra be sha ya hUM zhes bya ba phyag rgya dang ldan pas dkyil 'khor gyi sgo thams cad dbye bar bya'o/ /de nas rdo rje sems dpa' i sbyor ba dang ldan pa'i rnal 'byor chen po byas nas/ rnam par rgyal ba'i bum pa ji skad du bshad pa'i mtshan nyid dang ldan pa la/ rdo rje dang bcas pa'i me tog gis lcug ma rdo rje sems mas yongs su bzung bas aoM badzra satwa hUM zhes bya ba 'di lan brgya rtsa brgyad bzlas la/ yang badzrod ka hUM zhes stong rtsa brgyad mngon par bzlas te/ bcom ldan 'das rdo rje sems dpa' i spyan sngar legs par bzhag go /bum pa lhag ma rnams la ni de bzhin gshegs pa la sogs pa'i sngags brgya rtsa brgyad bzlas te dkyil 'khor gyi phyi rol tu bzhag par bya'o/ /de'i rjes la bum pa gang ba la rnam par snang mdzad la sogs pa'i sngags bzlas la bzhag par bya'o/ /yang bum pa gcig la rdo rje sems dpa' lan brgya rtsa brgyad bzlas te 'jug pa'i sgor mngon par phyogs par bzhag go / ma 'byor na dpal rdo rje sems dpa' dang de bzhin gshegs pa lnga la bum pa dbul bar bya ste/ aoM badzra satwa muSh+Ti a zhes bya ba ni mi bskyod pa'i rigs kyi bum pa la'o/ /aoM badzra ratna muSh+Ti traM zhes bya ba ni rin chen 'byung ldan gyi rigs kyi bum pa la'o/ /aoM badzra d+harmmA muSh+Ti khaM zhes bya ba ni 'od dpag tu med pa'i rigs kyi bum pa la'o/ /aoM badzra karmmA muSh+Ti haM zhes bya ba ni don yod par grub pa'i rigs kyi bum pa la lan brgya rtsa brgyad mngon par bzlas la rigs de la dbul bar bya'o/ /de bzhin du bum pa gang ba yang dbul bar bya'o/ /bcu las nyung bar mi bya'o zhes nges pa gsungs pa yin pa'i phyir ro/ /de nas dkyil 'khor gyi lha yid kyis mngon sum lta bur mngon du byas la mchod pa lnga dar kha zas kyi bye brag rnams kyis ci nus par yang dag par mchod nas/ rang gi gdong ji lta ba bzhin du g.yogs te phyag bzhi dang sdom pa gzung ba'i bar du byas nas phyi rol na gnas pa'i bum pa'i chus bdag nyid dbang bskur la/ mchod pa lnga mchod de/ sa ma ya stwaM zhes brtod nas sems ma rdo rje ma bcings la/ slob ma 'jug pa'i cho gas zhugs te/ g.yon pa'i khro bo'i khu tshur gyis sems ma rdo rje ma dral zhing a zhes bya bas bdag nyid la dbab par bya'o/ /ji lta bar ni bka' nod do zhes bya ba la/ de la ji ltar zhes bya ba'i sgra'i don ni 'di yin te/ de ltar bdag nyid la dbab pa dang/ me tog dor ba dang/ phreng ba bcing ba dang/ gdong g.yogs dgrol ba dang/ dkyil 'khor bstan pa dang/ yang sems ma rdo rje ma bcings te/ rang gi snying gar dkrol bas kyang dbab pa nye bar bsdu ba dang/ dbang bskur ba thams cad blang ba byas nas dam tshig gsum gzung ba'i dngos grub kyi rdo rje'i brtul zhugs gzung bar bya'o/ /de nas yang bcom ldan 'das las sngags mnos la byin gyis brlab pa dang/ dbang bskur ba dang/ bdag nyid la mchod pa byas nas/ bdag kun tu bzang po rdo rje zhes bya ba la sogs pa rang gi dbang bskur ba'i ming nas brjod par bya'o/ /de nas rdo rje sgrub bgyi ba zhes bya ba ni rnam par snang mdzad kyi phyag rgya chen po bcings la rnam par snang mdzad kyi gnas su/ badzra d+hA tu a zhes bya bas de bzhin gshegs pa'i rdo rjer bdag nyid bsam la/ rdo rje de badzra haM zhes bsgoms la/ de nyid la ya thA sarbba ta thA ga ta ta thA a haM zhes bsgoms te/ rnam par snang mdzad du bdag nyid bsgoms par bya ba nas de bzhin du rdo rje 'bebs pa'i bar gyis phyag rgya chen po bcings la/ rdo rje 'bebs pa'i gnas su badzra A be sha a zhes bya bas rdo rje dril bur bdag nyid bsam la/ badzra g+haN+Ta haM zhes bya bas dril bu'i rnam par bsgoms te/ de nyid badzra a be sha haM zhes bya bas rdo rje 'bebs par bdag nyid bsgom par bya ste/ de ltar na dkyil 'khor de rdo rje sgrub par 'gyur ro/ /gnas skabs 'dir mtshan ma'i phyag rgya nyid la rdo rje sgrar bshad pa yin no/ /gang gi phyir rgyud 'dir mtshan ma'i phyag rgya ni rdo rje'i dkyil 'khor du bshad la/ de bas na mtshan ma'i phyag rgya thams cad la rdo rje zhes bya bar the tshom med do/ /sems dpa' i rdo rje lcags kyu bcings nas ni zhes bya ba la sogs pa la sngar bshad pa'i bsdu ba'i phyag rgya bcings la rdo rje se gol brdabs pa'i sgra byed cing/ aoM badzra dzathams cad bsdu bar bya'o/ /de tshe sangs rgyas thams cad ni zhes bya ba la sogs pa la/ dkyil 'khor thams cad ni rnam par snang mdzad la sogs pa'i dkyil 'khor te/ de rnams kyis de yang dag par gang bas na de skad ces bya'o/ /'di skad ston te/ rdo rje sems dpa' la sogs pa nas bskal ba bzang po'i bar gyi rdo rje dbyings kyi khang pa brtsegs ma na bzhugs pa'i sangs rgyas thams cad 'dus par mdzad de/ rdo rje slob dpon gyis rtags pa'i dkyil 'khor dbye ba mdza' yas pa'i gzhal yas khang du bzhugs te/ kun nas yongs su bskor ba'i tshul gyis 'dus par gyur cing/ tshogs par mdzad do/ /zhes bya ba'i bar du'o/ /de nas rdo rje sems dpa' i zhes bya ba la sogs pa la/ bsdus par gyur pa'i rjes thogs nyid la phyag bya ba la sogs pa byas nas/ bcom ldan 'das rdo rje sems dpa' 'dus par gyur pa'i sku'i gsang ba phyag rgya chen po'i tshul sgom par byed cing 'dus nas byon pa la pus mo gnyis kyis lha nga sa la gtsugs la rdo rje thal mo bskor nas shis pa brjod pa'i tshul du snying gar 'jog pa dang/ rdo rje sems dpa' sems dpa' che zhes bya ba la sogs pa'i mtshan brgya rtsa brgyad pa'i brjod par bya'o/ /de nas dgyes par gyur pas na/ 'dus pa'i de bzhin gshegs pa rnams bstan par gyur cing mi phyed par 'gyur ro/ /grogs po nyid du nye bar gnas zhes bya ba ni grogs po ltar sgrub pa po la dkyil 'khor gyi dngos grub stsol bar mdzad do/ /zhes bya ba tha tshig go /de nas zhes bya ba la sogs pa la/ dam tshig rnams ni bzhag par bgyi zhes bya bar sbyar te/ de nas mtshan brgya rtsa brgyad pas bstod pa'i rjes thogs la snga ma bzhin du sgo dbye ba byas nas/ rdo rje lcags kyu'i las kyi phyag rgyas rnam par snang mdzad dang/ mi bskyod pa'i rigs bkug la shar sgor bzhag par bya'o/ /rin chen 'byung ldan gyi rigs ni lho sgo dang nye bar ro/ /'od dpag tu med pa'i rigs ni nub sgo dang nye bar ro/ /don yod par grub pa'i rigs ni byang sgo dang nye bar bzhag par bya'o/ /rdo rje zhags pa'i las kyi phyag rgya rang rang gi gnas su bzhugs par bya'o/ /rdo rje lcags sgrog gi las kyi phyag rgya thams cad bcing bar bya'o/ /rdo rje 'bebs pa'i las kyi phyag rgyas rnam par snang mdzad la sogs pa thams cad dbang du bya'o/ /las chen mchog gi phyag rgya yis/ /dam tshig rnams ni bzhag par bgyi/ zhes bya ba ni las kyang de yin la chen po yang de yin pas las chen te/ chos dang las dang/ phyag rgya chen po rnams kyi las su bshad pa gang yin pa de ni las chen te de rnams la de'i mtshan ma mchog ste/ dam pa'o las chen mchog kyang yin la phyag rgya yang yin pas las chen mchog gi phyag rgya ste/ rdo rje rtse mo la sogs pa las gsungs pa legs par drangs pa yin no/ /de las sgrub pa'i yan lag bcu drug tu bstan pa ni/ phyag rgya chen po dang dam tshig dang chos dang/ las kyi phyag rgya dang/ dgug pa dang/ gzhug pa dang/ bcing ba dang/ byin gyis brlab pa dang/ dbang bskur ba dang/ ting nge 'dzin dang/ mchod pa dang/ snying po dang/ phyag rgya dang/ sngags dang/ rig pa'o/ /'di dag ni/ rnam par snang mdzad la sogs pa re re zhing so sor bsgrub par bya ba'i phyir gsungs pa/ dkyil 'khor gyi lha rnams bsgrub pa ni phyag rgya bzhir bstan pa nyid ni dkyil 'khor gyi phyag rgya zhes bya'o/ /zhes rgyud gzhan las gsungs pas na dam tshig dang/ chos dang las dang/ phyag rgya chen po'i tshul nyid las rnam par snang mdzad la sogs pa'i de bzhin gshegs pas 'da' bar bya ba ma yin pas de'i phyir dam tshig rnams ni zhes bya'o/ /ni zhes bya ba'i sgra ni nges pa gzung ba ste/ dam tshig dang/ chos dang las dang/ phyag rgya chen po nyid kyis de rnams gzhag par bya ste/ dkyil 'khor du bris pa'i rnam par snang mdzad la sogs pa'i sku la/ rnam par snang mdzad la sogs pa'i ye shes sems dpa' rnams kyi chos dang las dang/ phyag rgya chen po'i tshul du rab tu gnas par bya ba ni bzhag pa'o/ /dam tshig mchog gi phyag rgya dang/ sems dpa' i rdo rje la sogs pas/ de ltar sems dpa' chen po bsgrub/ /dzaphyag rgya chen pos bzhag pa de bzhin du/ /sems ma rdo rje ma la sogs pa byed pa bor gyur pa rnams kyang bsgrub par bya zhing bdag nyid dbang du bya'o/ /mi smra zhing zhe na/ dzargya rnams kyi spyi'i yi ge bzhi po bsgrub pa'i snying po gsungs pa yin no/ /la la dag dza hUMpa'i don gsal bar byed pa yin pa'i phyir ro/ /gzhan dag ni/ dzayin par khas blangs nas ni/ a zhes bya ba dbab pa'i snying po yin pa'i phyir dang/ ho zhes bya ba rdo rje chags pa'i snying po yin pa'i phyir ro/ /bcom ldan 'das nyid kyis don 'di bshad par mdzad pa yin te/ de nas kun mchog la sogs pa? ? par bris nas yang dag bsgrub/ /dam tshig mchog ni bcings nas kyang/ /dza hUM baM hobas sgo rnams su las byas nas/ rdo rje gnod sbyin gyis bgegs bsal ba dang/ ra ba dang dra ba byas nas rdo rje khu tshur gyis sgo bcad la rdo rje go chas bsrung bar bya ba thams cad yang dag par bsrungs nas/ rdo rje sems dpas mchod yon phul la/ dam tshig gi phyag rgya rnams kyis rnam par snang mdzad la sogs pa blta ba byas nas/ rim pa 'dis bsgrub par bya'o/ /bcom ldan 'das rnam par snang mdzad kyi dam tshig gi phyag rgya bcings la 'di skad ces brjod par bya'o/ /badzra d+hA tu dri s h+ya dzaphyag rgya chen pos bzhag par bgyi zhes bya ba dam tshig gi phyag rgya rnam par snang mdzad la sogs pa yang dag par bsgrubs la/ de'i 'og tu chos dang/ las dang/ phyag rgya chen pos bzhag par bya'o/ /'di gang las shes she na/ bshad pa'i rgyud las ston te/ dpal mchog dang po las/ dam tshig chen po'i sems dpa' la sogs pa rnams la yang rnal 'byor gyi tshul thams cad las/ dam tshig gi phyag rgya yang dag par bsgrubs nas/ de'i rjes la phyag rgya gzhan sbyar bar bya'o/ /zhes don 'di ston la/ rgyud 'di nyid las kyang rdo rje dbab pa byas nas ni/ phyag rgya chen po cho ga bzhin/ bcings nas de yi mdun phyogs su/ /sems dpa' chen po de sgom mo/ /ye shes sems dpa' de mthong nas/ /rang gi lus su bsgom par bya/ /bkug cing bcug la bcing ba dang/ /dbang du byas te sgrub par bya/ zhes gsungs pas/ dang po kho nar dam tshig gi phyag rgya bcing bar gsungs la/ gang gi phyir cho ga bzhin zhes bya ba 'di'i don ni 'di yin te rdo rje thal mo dang/ rdo rje bsdams pa snying gar bral bar bya'o/ /de nas rdo rje 'bebs pa'i phyag rgyas bdag nyid la dbab pa byas nas badzra satwa zhes bya ba la sogs pa yid la zlos shing chos bdag med pa sgom mo/ de nas ni zla ba'i dkyil 'khor gyi rnam par ro/ /de'i steng du zla ba'i dkyil 'khor gnyis pa de dag kyang badzra satwa zhes bya ba la sogs pa'i sgra dang bcas pa las rdo rje ste gang las de byung ba'o/ /gzhan dag ni rdo rje las byung ba'i rang gi mtshan ma bsam par bya'o/ /de nas mtshan ma'i nga rgyal te rdo rje sems dpa' i rnal 'byor pas ni de nyid rdo rje sems dpar byin gyis brlab pa'i sbyor bas/ bdag nyid rdo rje sems dpar bsgom par bya'o/ /rdo rje rgyal po la sogs pa rnal 'byor pa ni rdo rje sems dpa' las byung ba'i rang gi lha'i nga rgyal lo/ /de nas mahA sa ma yastwaM haM zhes byang chub kyi sems kyi nga rgyal bskyed la/ rang gi dam tshig gi phyag rgya bcings te/ sa ma ya haM zhes bya bas sku dang gsung dang thugs kyi gsang ba'i nga rgyal bskyed nas/ rang gi lha'i dam tshig gi phyag rgya de nyid dang/ sa ma ya satwa a d+hI tiSh+Tha swa mAM zhes bya ba 'dis bdag nyid byin gyis brlabs nas rang gi lha'i phyag rgya chen po bcings te/ de'i mdun du rang gi lha'i cho ga ji lta ba bzhin du bskyed nas/ rdo rje lcags kyu la sogs pa'i las kyi phyag rgyas mdun na bzhugs pa'i gzugs brnyan la ye shes sems dpa' dgug pa dang/ gzhug pa dang/ bcing ba dang/ dbang du byas la/ yang rang gi lha'i dam tshig gi phyag rgya bcings te/ badzra satwa dri sh+ya zhes bya ba la sogs pas blta ba byas nas/ dam tshig gi phyag rgya de nyid dang/ dzazlos shing gzhug par bya'o/ /de nas dam tshig gi phyag rgya de nyid dang/ sa ma yastwaM zhes brjod pas/ rgyab tu zla ba grub nas ni/ sa ma yastwaM a haM brjod/ der bdag sems dpa' i lus su bsgom/ badzra satwa zhes bya ba la sogs pa rang gi lha'i snying po yang brjod par bya'o/ /zhes de kho na nyid gsal bar phyag rgya thams cad bcing ba'i cho ga ni phyag rgya thams cad kyi dngos grub kyi spyi'i bsgrub pa'i cho ga rgyas pa'i rgyud las gsungs pa yin no/ /de bas na dam tshig gi phyag rgyas lha rnams bsgrub pa byas la/ chos dang las dang phyag rgya chen pos lha rnams bzhag par bya'o/ /sku'i gsang ba phyag rgya chen po'i tshul du mthar thug pas lha dang lha mo rnams bzhugs pa yin te/ rgyud des kyang phyag rgya chen po phyis brtan par bya ba'i las kyi phyag rgya ni ma yin no/ /de nas sangs rgyas la sogs pa zhes bya ba la sogs pa la/ de nas zhes bya ba ni sgo rnams su lcags kyu la sogs pas las byas nas/ sangs rgyas la sogs te rnam par snang mdzad la sogs pa nas/ bskal pa bzang po'i mthar thug pa'i bar gyi sems dpa' chen po kun bsdus shing tshogs par mdzad par 'gyur ba rnams ji lta bu yin zhe na/ spyan drangs nas ni zhes bya ba la sogs pa smos te/ spyan drangs pas ni rdo rje lcags kyus so/ /rab tu gzhug pa ni zhags pas so/ /bcing ba ni lcags sgrog gis so/ /de'i dbang du gyur pa ces bya ba ni sgrub pa po de'i rdo rje 'bebs pas babs par 'gyur zhing/ rnam par snang mdzad la sogs pa rang dbang du gyur pa'o/ /gang gi phyir de ltar yin pa de bas na/ sgo rnams thams cad du/ lcags kyu la sogs pa las bgyis nas zhes bya'o/ /de nas badzra ratna zhes brjod cing/ rdo rje rin chen dam tshig gi phyag rgya gang yin pa des de bzhin gshegs pa rnams dbang bskur ba dang byams pa la sogs pa yang de nyid kyis dbang bskur bar bya'o/ /rdo rje sems dpa' la sogs pa ni/ rdo rje dbyings kyi dbang phyug ma la sogs pa sangs rgyas lnga'i phyag rgyas dbang bskur bar bya'o/ /de nas rdo rje sems dpa' i dkyil 'khor gyi lha thams cad la mchod yon phul la/ ras gzung 'bum 'am/ khri 'am ras zung stong dam/ rnam par snang mdzad la sogs pa re re zhing ras zung re 'am/ so sor ma 'byor na thams cad kyi sbyir ras zung cig dang/ bla re rnam pa sna tshogs pa dang/ grwa bzhir ba dan sna tshogs gdags pa dang/ gdugs dang/ rgyal mtshan dang/ ba dan rnams kyang/ rdo rje gnod sbyin dang/ rdo rje sems dpa' dang/ yi ge aoM lan bdun bzlas te/ lha thams cad la dbul bar bya'o/ /badzra spha ra Na khaM zhes bya bas me tog gi shing brgya 'am/ me tog gi shing bzhi 'am/ me tog thams cad la yang rdo rje me dang/ me tog gi rim pa mngon par bzlas nas/ dri zhim po thams cad dang/ kha la bsgo ba'i dri rnams la yang rdo rje me dang/ dri'i rig pa dag bzlas pa dang/ ga pur dang/ a ka ru dang/ du ru ka dang/ tsan dan la sogs pa dang bcas pa bdug spos kyi don du sbyar ba btul ba'i spos snod 'bum 'am/ khri 'am/ spos snod stong ngam/ brgya 'am/ ma 'byor na spos snod bcu la/ rdo rje me dang/ bdug pa'i rigs pa mngon par bzlas te lha thams cad la dbul bar bya'o/ /swa ti ka la sogs pa dang yon tan 'bum dang ldan pa shin tu legs par sbyar ba'i kha zas bza' ba dang/ bca' ba'i bye brag rnam pa sna tshogs pas gang ba'i snod 'bum 'am/ khri 'am/ stong ngam/ brgya 'am/ bcu la rdo rje ma mngon par bzlas shing/ a kA ro mu khaM sarbba d+harmmA NAM/ arya nutpan+na twAta/ ces bya ba bzlas la dbul bar bya'o/ /mar la sogs pa mar me grangs stong dam tha na snod chen po bzhi bltam pa la/ rdo rje me dang/ mar me'i rig pa bzlas pa dang/ badzra spha ra Na khaM zhes zlos shing lha'o/ khyad par thams cad la dbul bar bya'o/ /rol mo'i cha byad stong ngam/ rol mo'i cha spyad bcu la dpal 'jig rten gsum las rnam par rgyal ba'i gzungs kyi dkyil 'khor las gsungs pa'i rol mo'i rig pa mngon par bzlas pa la/ badzra spha ra Na khaM zhes bya bas dbul bar bya'o/ /gar mkhan dang rol mo la sogs pas mchod pa rnams kyang/ aoM dang hUM mngon par bzlas la dbul bar bya'o/ /gdu bu dang/ rna cha dang/ dbu rgyan dang/ cod pan la sogs pa yang rdo rje rin chen gyis dar dpyangs dbul bar bya'o/ /me tog gi chun 'phyang spras shing brgyan pa/ dra ba dang dra ba phyed pas brgyan pa dang/ zla ba phyed pas nye bar mtshan par byas pa'i rta babs yid du 'ong ba dril bu la sogs pa dang bcas pa dang/ rta dang glang po che dang/ ba lang gi khyu shin tu brtags pa rnams kyang/ yi ge hUM dang/ aoM mngon par bzlas shing badzra spha ra Na khaM zhes bya ba dang/ de bzhin gshegs pa thams cad la dbul bar bya'o/ /de nas mchod pa brgyad dang/ las kyi dkyil 'khor gsungs pa'i mchod pa bcu drug gis yang dag par mchod la/ sgeg mo la sogs pa gsang ba'i mchod pa bzhis dkyil 'khor gyi lha rnams mnyes par byas nas/ de bzhin gshegs pa thams cad la slob dpon gyi dngos grub thams cad bsgrub pa'i phyir/ sems can gyi don mdzod cig ces gsol ba gdab par bya'o/ /de nas rgyud gzhan las gsungs pa'i cho gas phyi rol du gtor ma sbyin no/ /de nas sbyin sreg gi cho gas dpal rdo rje sems dpa' i sngags kyis zhi ba'i sbyin sreg brgya rtsa brgyad byas la/ dpal rnam par snang mdzad la sogs pa'i snying pos kyang bsreg blugs bdun bdun dbul bar bya'o/ /de'i rjes la ji srid dkyil 'khor mngon sum du mthong bar gyur pa 'am/ sgra 'am gzugs la sogs pa'i mtshan ma thob par gyur pa de srid kyi bar du bzlas brjod dang bsgom par bya'o/ /dkyil 'khor thams cad du rdo rje slob dpon gyis de bzhin du las bgyi'o/ /zhes bya ba ni/ dum bu bzhi pa las gsungs pa'i gzungs kyi dkyil 'khor la sogs pa'i dkyil 'khor thams cad du/ sems dpa' thams cad kyi rnal 'byor gyi bdag nyid can gyi rdo rjes nye bar mtshon pa'i slob dpon ni rdo rje slob dpon de 'di ni nye bar mtshon pa'i don tsam du zad kyi/ rin chen pad+ma'i slob dpon la sogs pas kyang de bzhin du las bgyi'o/ zhes bya ba'i tha tshig go / de nas zhes bya ba ni de'i rjes thogs la'o/ /rdo rje sems dpa' byin gyis brlabs pa'i slob ma ni rdo rje slob ma ste/ de rnams gzhug pa la sogs pa byas nas/ dbab pa'i dam tshig la sogs pa'i cho ga rgyas pa yin pas rdo rje slob ma'i dkyil 'khor du gzhug pa la sogs pa'i cho ga rgyas pa ste/ de mchis so zhes so bya ba ni rtsom mo zhes bya ba'i don te/ de la dang por ni zhes bya ba la/ de la gzhug pa la sogs pa de rnams kyi nang nas/ dang por re zhig gzhug pa bshad pa yin no/ /dgos pa ci zhig gi phyir zhe na/ 'jig rten gyi khams ma lus pa rnams na/ sems can khams lus pa mi dge ba bcu las ldog par bya ba ni yongs su bskyab pa ste/ des 'jig rten pa'i bde ba dang 'jig rten las 'das pa'i dngos grub kyi mchog ste/ de nyid ni rgyu ste dgos pa yin la/ dgos pa de yongs su rdzogs pa ni 'bras bu yin pas na rgyu dang 'bras bu nyid de/ de'i slad du gang gi phyir dkyil 'khor chen po 'dir zhugs pa'i phyir dgos pa yod pa yin no/ /gang gi phyir dgos pa yod pa de na/ dkyil 'khor chen po 'dir bzhugs pa la snod du gyur pa dang/ snod du ma gyur pa brtag mi 'chal lo zhes bya ba ste/ 'di ni snod yin no/ /'di ni snod ma yin no zhes bya ba 'di mi bgyi'o/ zhes rnal 'byor pas de bzhin gshegs pa thams cad la zhu bar bya ste/ ji ltar bya ba'i rgyud la sogs pa de ltar 'dir ci'i phyir mi bya ba'i gtan tshigs ci zhig yod ces na/ 'dir rgyu ni de ci'i phyir zhe na zhes bya ba la sogs pa smos te/ sdig pa chen po bgyid pa yang mchis te/ zhes bya ba ni mtshams med pa la sogs pa byed pa'o/ /zhugs te mthong na zhes bya ba ni dkyil 'khor mthong ba dang zhugs pa ni phyi dang gsang ba'i bye brag gis rnam pa gnyis yod de/ phyi'i mthong ba ni rdo rje lcags kyu nas brtsams te lha thams cad kyi sku mthong ba ni phyi'i zhugs pa yin la/ sems ma rdo rje ma la sogs pa'i phyag rgyas rdul tshon gyi dkyil 'khor du yid kyi ye shes babs pa ni gsang ba'i mthong ba dang zhugs pa yin no/ /ngan song thams cad dang bral bar 'gyur ro/ zhes bya ba ni dmyal ba dang yi dwags dang/ dud 'gro zhes bya ba ni ngan song dang bral ba ste/ dkyil 'khor mthong ba dang zhugs pa dag gis ngan song thams cad dang bral bar 'gyur te/ de dag gang du 'gro ba'i las zad par byas pa'i phyir ro/ /bcom ldan 'das nor dang zhes bya ba la sogs pa ni/ rgyu'i rnam pa gzhan gnyis pa smos pa yin te nor dang/ bza' ba dang/ btung ba dang/ 'dod pa'i yon tan thams cad la chags pa dang zhes bya ba ni nor kyang yin pas nor thams cad de/ rgyal srid la sogs pa'o/ /kha zas ro brgya pa la sogs pa ni bza' ba'o/ /btung ba zhim po la sogs pa'i btung ba rnams ni btung ba'o/ /'dod par bya ba yin pas na 'dod pa ste gzugs dang sgra dang dri dang ro dang/ reg bya mngon par 'dod pa zhes bya ba'i tha tshig go / de nyid ni goms shing 'dris par byed pas na yon tan no/ /'dod pa yang yin la yon tan yang yin pas 'dod yon no/ /nor rnams dang/ bza' ba rnams dang/ btung ba rnams dang/ 'dod pa'i yon tan rnams ni nor dang/ bza' ba dang/ btung ba dang/ 'dod pa'i yon tan thams cad de de rnams la chags pa ni mngon par zhen pa'o/ /dam tshig la ni dga' ba dang zhes bya ba ni khyod kyis nga la brnyas par ma byed cig ces bya ba la sogs pa sdom pa yongs su srung bar mi nus pas de rnams la mi dga' zhing sdang ba'o/ /sngar spyad pa la sogs pa mi nus pa zhes bya ba ni/ lci ba dang/ tshod ma dang/ nas thugs dang/ slongs mo rgyu zhing za ba la sogs pa sngar spyang pa bco brgyad byed par mi nus pa ste/ de ltar de rnams dang/ nor dang bza' ba dang/ btung ba dang/ 'dod pa'i yon tan thams cad la chags pa rnams ji ltar 'tshal ba bzhin du bgyid pa ni nges par srung ba med pa nyid du de la gnas pa de dag kyang dkyil 'khor du zhugs pa dang mthong ba gnyis kyis/ de bzhin gshegs pa thams cad kyi bag chags bskyed pas/ dus gzhan du bsam pa thams cad yongs su rdzogs par gyur pa dag kyang mchis so zhes pa'o/ /rgyu gsum pa gsungs pa ni/ lha gzhan gyi rigs kyi dkyil 'khor du 'jug gi zhes bya ba dang sbyar ro/ /rgyu gang gis she na/ gar dang/ glu dang/ gad mo dang/ rtsed mo dang/ kha zas dang/ spyod pa la dga' ba rnams zhes bya ba smos te/ 'dir rtsed mo ni gar gyi khyad par gyis gnas pa'o/ /don bzhi po 'di dag lha gzhan gyi rigs kyi dkyil 'khor de rnams la/ gar la sogs pa'i cho ga'i tshul gyis bya ba yin par ston la/ /de bas na de dag la dga' ba rnams der 'jug par 'gyur ro/ /de bzhin du gar la sogs pa zhugs pa rnams chos bdag med pa'i sbyor bas mi 'gal lo zhes rtogs par ma gyur pas/ de bzhin gshegs pa thams cad kyi theg pa chen po mngon par rtog pa'i chos nyid gnyis su med pa'i mtshan nyid can khong du ma chud pas/ lha gzhan gyi rigs kyi dkyil 'khor du 'jug ste/ de bzhin gshegs pa thams cad kyi rigs kyi dkyil 'khor spangs nas/ lha chen po la sogs pa'i 'jig rten pa'i lha rnams kyi dkyil 'khor gang yin pa de ni lha gzhan gyi rigs kyi dkyil 'khor te/ lha gzhan gyi rigs kyi dkyil 'khor de rnams su 'jug cing/ de bzhin gshegs pa thams cad kyi rigs kyi dkyil 'khor du bslab pa'i gzhis 'jigs shing skrag pas mi 'jug go /ji lta bu der zhe na/ re ba thams cad ces bya ba la sogs pa smos te/ re ba thams cad ni sred pa'i rnam pa thams cad de yongs su rdzogs pa ni mngon par 'dod pa'i don rnams grub pa ste/ de yang dag par bsdus par gyur pa ni de bzhin gshegs pa thams cad kyi rigs kyi dkyil 'khor yin no/ /de lta bur gyur pa 'ba' zhig tu ma zad kyi bla na med pa'i dga' ba dang/ mgu ba dang/ rangs pa rnams 'byung bar byed pa yang yin no/ /de las gong na med pa'i na bla na med pa yin no/ a dang po la sogs pa thob pas na skad cig ma dang po la skyed pa ni dga' ba zhes bya'o/ /skad cig ma gnyis pa la skyes pa'i dga' ba de nyid mgu ba'o/ /de nyid kyi skad cig ma gsum par la sogs par skyes pa ni rangs pa ste/ yid bde ba zhes bya ba'i tha tshig go /de dag ni bla na med pa yang yin la/ dga' ba dang/ mgu ba dang/ dangs pa yang yin pas/ bla na med pa'i dga' ba dang mgu ba dang rangs pa'o/ /de rnams 'byung ba ni bskyed pa'o/ /de byed pas na/ bla na med pa'i dga' ba dang mgu ba dang rangs pa rnams 'byung bar byed ba'o/ /de ltar gyur pa'i de bzhin gshegs pa thams cad kyi rigs kyi dkyil 'khor der ni zhes bya ba ste/ de bzhin gshegs pa thams cad ni rigs lnga'i de bzhin gshegs pa rnams so/ /rigs ni rdo rje sems dpa' la sogs pa'i rang bzhin no/ /de bzhin gshegs pa thams cad kyang yin la rigs kyang yin pas/ de bzhin gshegs pa thams cad kyi rigs so/ /de rnams kyi dkyil 'khor yin pas de bzhin gshegs pa thams cad kyi rigs kyi dkyil 'khor te/ der mi 'jug pa'o/ /ci'i phyir der mi 'jug ce na/ bslab pa'i gzhis 'jigs shing skrag nas zhes bya ba smos te/ bslab pa ni bslab pa'i gzhi lnga po dang/ dge sbyor dang/ dge slong ma la sogs pa'i sdom pa'o/ /de 'jigs pa ni sdang ba ste/ yongs su bsrung bar mi nus par gyur pas rnal 'byor gyis 'jigs pa'o/ /de ltar gyur pa de dag kyang ngan song gi dkyil 'khor gyi lam du 'jug par kha bltas shing gnas pa rnams kyang/ rdo rje dbyings kyi dkyil 'khor 'dir 'jug tu rung ngo zhes pa'o/ /de la dmyal ba dang yi dags dang dud 'gro ni ngan song ste/ de rnams kyi dkyil 'khor ni skye ba'i gnas so/ /der 'jug pa ni skye ba'o/ /de'i lan ni mi dge ba bcu'i las kyi lam ste/ der mi dge ba bcu'i las kyi lam la gnas pa ni kha bltas shing gnas pa'o/ /de lta bu de dag kyang rdo rje dbyings kyi dkyil 'khor chen por 'jug tu rung ngo/ /de la lha gzhan gyi rigs kyi dkyil 'khor la ni mi dge ba bcu cho gar bya ba'i tshul gyis bsten par 'chad la 'dir ni gang du yang bstan pa med do/ /de la de rnams rim gyis ldog par byed par 'gyur bas/ rgyu de'i phyir 'jug pa'i cho ga 'dis kyang ldog par 'gyur du rung ba yin no/ /bcom ldan 'das zhes bya ba la sogs pa ni tshul khrims kyi sdom pa rigs bdun dang ldan pa/ byang chub sems dpa' i sdom pa la gnas pa'i skyes bu dam pa dag ston pa yin te/ chos la spyod pas na chos can te/ pha rol tu phyin pa bcu dang/ byang chub sems dpa' i sa bcu dang/ sangs rgyas kyi sa'i spyod pa zhes bya ba'i don to/ /de bzhin gshegs pa thams cad kyi tshul khrims ni sdom pa'i tshul khrims dang/ dge ba'i chos sdud pa'i tshul khrims dang/ sems can gyi don byed pa'i tshul khrims so/ /de bzhin gshegs pa thams cad kyi ting nge 'dzin ni mthar gyis gnas pa'i snyoms par 'jug pa dgu'o/ /de bzhin gshegs pa thams cad kyi shes rab ni shes rab kyi pha rol tu phyin pa'o/ /de bzhin gshegs pa thams cad kyi tshul khrims dang/ ting nge 'dzin dang/ shes rab nyid ni dngos grub dam pa'i thabs te/ yang dag par rdzogs pa'i byang chub sgrub pa'i thabs kyi khyad par ro/ /de lta bu'i thabs de dag gis bskal pa grangs med pa gsum gyis 'tshang rgya bar 'gyur ba yin la/ de bas na de rnams sangs rgyas rnams kyi byang chub tshol zhing mngon 'dod pas na/ bsam gtan dang/ rnam par thar pa la sogs pa dang/ sa rnams kyis 'bad pa'i nyon mongs pa dag kyang chos nyid de zhes pa la/ bsam gtan ni bsam gtan dang po dang/ gnyis pa dang/ gsum pa dang/ bzhi pa'o/ rnam par thar pa ni gzugs can gyi gzugs rnams la lta ba 'di ni rnam par thar pa dang po'o/ /nang gzugs med par 'du shes pas phyi rol gyi gzugs rnams la lta ba 'di ni/ rnam par thar pa gnyis pa'o/ /sdug par lhag par mos pa 'di ni rnam par thar pa gsum pa'o/ /gzugs med pa'i snyoms par 'jug pa bzhi dang/ 'gog pa'i snyoms par 'jug pa 'di dag ni rnam par thar pa brgyad do/ /sogs pa'i sgras mi mngon par shes pa la sogs pa bsdu'o/ /sa ni rab tu dga' ba la sogs pa byang chub sems dpa' i sa bcu'o/ /de rnams kyi 'bad cing stsol bas nyon mongs par gyur pa'o/ /tshul khrims rnam par dag pa la sogs pa dang ldan pas sngon chad dang bral ba yin pa'i phyir tshul khrims yongs su dag pa ste/ de rnams ni 'jug pa tsam nyid kyis ye shes babs par 'gyur ro/ /de nas ye shes babs pa des rab tu dga' ba la sogs pa'i sa thob par 'gyur ro/ /de'i phyir de bzhin gshegs pa thams cad du grub pa yang rnyed par dka' ba ma lags na/ dngos grub gzhan rnams lta smos kyang ci 'tshal zhes smos pa yin no/ /'di ni dge slong dang/ dge slong ma la sogs pa'i sdom pa la gnas pa nyid kyis na shin tu myur bar dngos grub thob par 'gyur la/ gzhan dag ni dus phyis ldog pa'i sdom pa blangs nas 'gyur ro/ /zhes ston pa yin no/ /de ltar sems can rnam pa bzhi gzhug par bya ba'i phyir/ de bzhin gshegs pa thams cad la gsol ba btab pa byas nas/ yang slob dpon gyis de bzhin gshegs de thams cad la phyag byas la/ bdag ming 'di zhes bgyi pa yis rdo rje slob dpon dka' thub ches/ /sems can kun la sman slad du/ slob ma rnams ni gzhug par bgyi/ /zhes bya bas rjes su gnang ba nod par bya'o/ /da ni de nas zhes bya ba la sogs pas slob ma gzhug pa'i cho ga gsungs pa yin te/ dang po kho nar zhes bya ba ni thog mar kho nar ro/ /re zhig ces bya ba'i sgras ni go rim la bltos pa'o/ /de bzhin gshegs pa thams cad la phyag bzhi zhes bya ba la/ de bzhin gshegs pa thams cad ni 'jig rten gyi khams rdul phra rab dang mnyam pa'i rnam par snang mdzad dang/ rdo rje sems dpa' la sogs pa ste/ de rnams la phyag byed du gzhug go /de ni 'di ltar zhes bya ba ni nye bar bstan pa'i don no/ /lus thams cad kyis zhes bya ba la sogs pa la/ shar gyi sgor mngon par bltas te/ rdo rje thal mo bcings la lag dar brkyang ste/ lus thams cad sa la phab ste kun nas rab tu phyag bya'o/ /de bzhin gshegs pa thams cad la mchod pa ni thabs dang shes rab kyi byang chub kyi sems bskyed pa'o/ /de yang rdo rje sems dpa' la zhugs te snying ga'i zla ba la rdo rje rtse lnga ba'i gzugs kyis bzhugs pa la lta ba'i yid do/ /de nyid ni bsnyen bskur yin pas/ sarbba ta thA ga ta pU dza pas+thA te/ de bzhin gshegs pa thams cad la mchod cing bsnyen bkur ba'o/ /de lta bu'i phyis A ta ma naM ni rya ta yA mi zhes bya ba ste/ bdag nyid dbul bar bya'o zhes pa'o/ /sarbba ta thA gra ta zhes bya ba la sogs pa la/ de bzhin gshegs pa thams cad kyang yin la/ badzra satwa ste rdo rje sems dpa' yang yin pas/ sarbba ta thA ga ta badzra satwa ste/ bcom ldan 'das rdo rje dang dril bu bsnams pa de la bod pa'o/ /sarbba ta thA ga ta badzra satwa a d+hi tiSh+Ta swa maM zhes pa rdo rje sems dpa' de bzhin gshegs pa thams cad bdag byin gyis brlabs shig pa ste/ bdag gi snying gar zhugs par mdzod la rdo rje rtse lnga pa'i gzugs kyis bzhugs shig pa'i tha tshig go / de skad ces brjod nas rnal 'byor pa'i snying ga'i zla ba la rdo rje rtse lnga pa gnas pa lhag par mos par bya'o/ /de bzhin du 'dug ste zhes bya ba ni lho phyogs kyi sgor mngon par bltas la/ rdo rje thal mo snying gar bzhag ste/ yan lag thams cad sa la phab la dpral ba sa la reg par bya'o/ /sarbba ta thA ga ta zhes bya ba don ni snga ma bzhin no/ /de rnams kyi pU dza a d+hi she ka ni mchod cing dbang bskur ba ste/ 'phags pa nam mkha' i snying po mdzod spu'i phyogs su bzhugs te/ dbral bar zla ba'i dkyil 'khor gyi steng du rdo rje rin chen gyi gzugs su bzhugs pa la lta ba la sogs pa ni snga ma bzhin no/ /de'i don du At+ma naM ni ryA ta yA mi zhes bya'o/ /sarbba zhes bya ba la sogs pa la/ sarbba ta thA ga ta badzra ratna ni bcom ldan 'das nam mkha' i snying po ste de la bod pa'o/ /sarbba ta thA ga ta badzra ratna a b+hi Shiny+tsa maM zhes bya ba ni/ bdag gi dpral ba'i phyogs su bzhugs la rdo rje rin chen gyi gzugs kyis bzhugs par mdzod cig ces bya'o/ /de nas dpral bar rdo rje rin chen gnas par lhag par mos par bya'o/ /de nas de bzhin du zhes bya ba ni/ nub phyogs kyi sgor mngon par bltas la lus thams cad sa la phab ste/ rdo rje thal mo spyi bor bzhag la kha sa la rag par bya'o/ /sarbba ta thA ga ta zhes bya ba la sogs pa la/ de bzhin gshegs pa thams cad la mchod pa ni lkog ma'i phyogs su zla ba'i dkyil 'khor gyi steng du rdo rje chos bzhugs te/ rdo rje pad+ma'i gzugs kyis bzhugs pa la blta ba'o/ /de rab tu bskor ba ni pra brtan te rdzogs par bya'o/ /de'i don du At+ma naM ni ryA ta yA mi zhes pa'o/ /sarbba ta thA ga ta badzra d+harmmA zhes bya ba ni bcom ldan 'das rdo rje chos la bod pa'o/ /pra barta yA maM zhes pa ni bskor bar bgyi'o zhes pa ste/ bdag gi lkog ma'i phyogs su rdo rje pad+ma'i gzugs kyis bzhugs la pad+ma'i rigs kyi ting nge 'dzin gyi tshul bdag la bskyed par mdzod cig ces gsol ba btab pa yin no/ /de nas de bzhin du 'dug ste zhes bya ba ni byang phyogs kyi sgor mngon par bltas te lus thams cad sa la phab la/ rdo rje thal mo snying gar bzhag ste spyi bos phyag bya'o/ /sarbba ta thA ga ta pU dza karma ce zhes bya ba ni de bzhin gshegs pa thams cad la mchod pa'i las te/ rdo rje las spyi bor bzhugs ste zla ba'i dkyil 'khor gyi steng du sna tshogs rdo rje'i gzugs su bzhugs par bsgom pa'o/ /de'i rgyur ? ? naM nirya ta ya mi zhes pa'o/ /sarbba ta thA ga ta badzra karmmA zhes bya ba ni bcom ldan 'das rdo rje las la bod pa'o/ /ku ru mi zhes bya ba ni bdag la mdzod cig ces pa ste/ bdag gi spyi bor zhugs la sna tshogs rdo rje'i gzugs su bdag nyid sprul par mdzod cig ces bya ba'i tha tshig go / de nas stod g.yogs gos dmar po gyon la/ gdong g.yogs ras dmar pos dkris nas sems ma rdo rje ma'i phyag rgya bcings la zhes bya ba ni/ le brgyan rtsi'i kha dog ltar dmar po yin gyi/ sngon po la sogs pa ni ma yin no/ /rigs kyi dam tshig gi phyag rgya la 'dir sems ma rdo rje ma'i phyag rgya zhes bya ba'i rdo rje sems dpa' i phyag rgya ni ma yin no/ /de nas sa ma yastwaM zhes bya bas bcing ngo/ /de nas gung mo gnyis kyis me tog gi phreng ba 'dzin du bcug la dang zhing zhes bya ba ni sems ma rdo rje ma'i phyag rgya de nyid gung mo'i sor mo gnyis phreng ba 'dzin du gzhug pa'o/ /deng khyed de bzhin gshegs pa thams cad kyi rigs su zhugs kyis zhes bya ba la/ de bzhin gshegs pa thams cad ni rnam par snang mdzad dang/ mi bskyod pa dang/ rin chen 'byung ldan dang/ 'od dpag tu med pa dang/ don yod par grub pa'o/ /de rnams kyi rigs kyi de bskyed par byed pa'i rang bzhin can yin pas/ sems ma rdo rje ma la sogs pa'i tshul te/ /de las bskyed pa ni rigs so zhes gsungs pa'i phyir ro/ /de bzhin gshegs pa'i rigs 'di dag tu khyed phyi dang gsang ba'i 'jug pa dag gis zhugs pa ste/ de la sa ma ya hUM zhes bya ba 'dis thul? tshon gyi dkyil 'khor du 'jug pa ni phyi'i'o/ /de bzhin du sa ma ya hUM zhes bya ba ni 'di nyid kyis de bzhin gshegs pa thams cad kyi ye shes babs pa ni gsang ba'i 'jug pa yin te/ de skad du yang sa ma ya hUM zhes bya bas de bzhin gshegs pa thams cad kyi ye shes dbab par bya'o/ /zhes rtse mo las gsungs pa yin no/ / ngas khyod la zhes bya ba la sogs pa la/ ngas khyod la rdo rje ye shes bskyed par bya yis zhes bya ba ni 'das ma thag tu bzhugs pa gang yin pa de ngas khyod la rdo rje ye shes te sa dang po la sogs pa'i rang bzhin can gyi mi phyed pa'i ye shes bskyed par bya zhing mngon sum du bya ba yin zhes bod pa'o/ /de nyid kyi khyad par ni ye shes gang gis zhes bya ba la sogs pas ston to/ /khyed kyi dkyil 'khor chen po ma mthong ba rnams la ma smra zhig /dam tshig nyams par gyur ta re zhes bya ba ni phyi dang gsang ba'i l ta bas rdo rje dbyings kyi dkyil 'khor chen po mthong ba gang yin pa de nyid la smra bar bya zhing bshad par bya'o rdo rje dbyings kyi dkyil 'khor chen po ni 'di lta bu yin no zhes 'dir ma zhugs shing dkyil 'khor ma mthong ba gzhan dag la yang rdo rje dbyings kyi dkyil 'khor ni 'di lta bu yin no zhes gtam tsam yang mi bya'o/ /gang gi phyir rnal 'byor dang bya ba dang/ gnyis ka'i rgyud rnams las rdo rje dbyings kyi dkyil 'khor chen po ni 'di nyid gtso bo yin no/ /de skad du yang thams cad gsang ba'i rgyud las/ rdo rje dbyings ni dga' chen por/ /mkhas pa gang zhig dbang bskur zhing/ /rtag tu gsang ba'i nor ldan pa/ /de la mkhas pas bstan par bya/ /zhes gsungs pa dang/ 'phags pa rdo rje'i dam tshig mngon par 'byung ba las kyang 'khor los bsgyur ba la sogs pa'i dkyil 'khor du dbang bskur ba gang yin pa de yang rigs pa'i dbang bskur ba dang ldan pa zhes bya'o/ /'dir dpal rdo rje sems dpa' i dbang bskur ba dang ldan pa nyid kyi dkyil 'khor thams cad kyi slob dpon nyid yin no/ /de bzhin gshegs pa dang/ rdo rje dang/ chos la sogs par dbang bskur ba yang rang gi dkyil 'khor tsam gyi slob dpon nyid yin no/ /dkyil 'khor gzhan du dbang bskur ba de dag kyang rig pa'i dbang bskur ba dang ldan pa yin no/ /zhes bcom ldan 'das kyis gsungs pa yin no/ /de bas na rdo rje dbyings kyi dkyil 'khor chen por zhugs pa dang dbang bskur bas ni gsang sngags kyi tshul thams cad nye bar ston par rung ba yin gyi/ gzhan dag tu ni rang gi tshul kho na ston pa tsam yin no// dam tshig nyams par gyur ta re zhes bya ba dang/ 'di ni khyod kyi rdo rje dam tshig yin gyis gal te 'ga' zhig la smras nas klad pa 'gas par 'gyur ro zhes 'og nas bshad pa ni/ khyod dam tshig las 'da' bar ma byed cig ces sgo ba'o/ /kha nang du bltas ba dang phyir bstan pa zhes bya ba ni kha thur du bstan la/ rdo rje sems dpa' nyid ni deng/ khyod kyi snying la yang dag zhugs/ zhes bya ba ni/ sems ma rdo rje ma'i phyag rgya bcings la sa ma ya hUM zhes zlos shing/ bcom ldan 'das rdo rje sems dpa' rang nyid de khyod kyi snying la yang dag par zhugs te zla ba'i rdo rje'i tshul gyis bzhugs pa'o/ /gal te tshul 'di smras nas ni/ de ma thag tu dral nas gshegs/ shes bya ba ni sems rdo rje'i gzugs snying la zhugs pa'i rdo rje sems dpa' de khyed kyi snying dral nas gshegs par 'gyur ro zhes pod pa'o/ /deng phyin cad khyod kyi phyag na rdo rje ba yin gyis shes bya ba la/ deng zhes bya ba ni dus 'di nas gzung ste khyod ces bya ba khyod nyid kyi'o/ /nga yin zhes bya ba ni bdag nyid do/ /phyag na rdo rje zhes bya ba ni dpal rdo rje sems dpa' ji lta ba yang de 'dra'o/ /de bas na khyod kyis nga'i bsgo ba bya dgos so/ /khyod kyis nga la tshul khrims 'chal ba'o/ /zhes bya ba la sogs pas smod cing brnyas par ma byed cig pa'o/ /gar gi phyir brnyas par byed na mi bde ba ma spangs pas khyod dus byas nas sems can dmyal bar ltung bar gyur ta re zhes bsgo bar bya'o/ /de bzhin gshegs pa thams cad kyi byin gyis brlabs la rdo rje sems dpa' bdag la babs par gyur cig ces smros shig par bsgo'o zhes bya ba ni slob dpon gyis smras pa dang/ slob mas de bzhin gshegs pa thams cad kyis byin gyis brlabs la rdo rje sems dpa' bdag la bab par gyur cig ces brjod par bya'o/ /de'i don ni 'di yin te/ tha mal pa'i gzugs gsal la/ rdo rje sems dpa' i skur de bzhin gshegs pa rnams kyis byin gyis rlobs par mdzod cig / de bzhin du rdo rje sems dpa' bdag la babs par gyur cig bzhugs par gyur cig ces bya ba yin no/ /de nas rdo rje slob dpon gyis myur du zhes bya ba ni/ bya ba gzhan bkag pa yin no/ /sems dpa' i rdo rje ma'i phyag rgya bcing la zhes bya ba ni/ rdo rje sems dpa' i gung mo gnyis myu gur bsgreng ba ni sems dpa' rdo rje ste de bcing ba'o/ /'di de rdo rje'i dam tshig ste zhes bya ba ni/ gang bcom ldan 'das rdo rje sems dpa' i rdo rje rtse lnga pa'i dam tshig gang yin pa de ni nga'i lag pa de'i tshul du byas pa 'di yin no/ /rdo rje sems dpa' yin par grags zhes bya ba ni gang 'di nga'i lag pas de'i tshul du byas ba 'di nyid rdo rje sems dpa' zhes grags shing bshad do/ /rdo rje ye shes ni sar nges pa'o/ /'di nyid mchog tu gyur pa yin pas na/ bla med ni zhes bya'o/ /di ring nyid du zhes bya ba ni da lta kho na'o/ /'bab par shog ces bya ba ni 'di nyid 'bab cing zhugs par gyur cig ces pa'o/ /khro bo'i khu tshur bcings la zhes bya ba ni g.yon pa'i rdo rje khu tshur gyi mdzub mo brkyang la steng du sdig mdzub kyi tshul du gzhag pa ni 'dir khro bo'i khu tshur zhes bya ste/ de bcings la lag pa g.yas pas khu tshur bcangs te/ mthe bo'i 'og tu mdzub mo gtad la/ gung mo tshigs par mar mnan te/ gung mo brkyang la gyen du bsgreng nas bzhag pa 'di ni 'dir sems dpa' rdo rje ma'o/ /'di la sngar bshad pa'i khro bo'i khu chur de drangs shing dral bar bya'o/ /theg pa chen po mngon par rtogs pa zhes bya ba ni/ badzra satwa a a a zhes rdo rje'i tshig gis lan brgya brjod pa'o/ /gzhan dag ni yi ge brgya ba yin no zhes zer mod kyi/ de ni mi rigs te gang gi phyir de ni brtan par byed pa'i snying po yin no zhes kha cig zer ro/ /de nas babs te zhes bya ba ni bcom ldan 'das rdo rje sems dpa' zhugs par mdzad pa'o/ /lha'i ye shes skye bar 'gyur te zhes bya ba ni rdo rje sems dpa' i de bzhugs pas babs pas de la mngon par shes pa lnga la sogs pa'i ye shes khyad par can nye bar skye bar 'gyur ro/ /ye shes des zhes bya ba la sogs pas ni/ lha'i ye shes nyid rnam par dbye ba yin no/ /de bzhin gshegs pa'i bstan pa thams cad la 'di'i sems kyang bstan par 'gyur ro zhes bya ba ni/ de bzhin gshegs pa thams cad kyi bstan pa ni bka' ste/ phyag rgya chen po la sogs pa 'di dag bsgoms par bya'o/ /'di dag bsgoms na mi g.yo bar 'gyur ro/ /zhes bya ba la sogs pa'i tshul de la de'i sems the tshom med par 'gyur ro/ /'di'i sdug bsngal thams cad ni gzhan gyi gnod pas gzir ba dang/ nad la sogs pa las byung ba'o/ /'jigs pa thams cad dang bral nas zhes bya ba ni/ ngan 'gro la sogs pa'i 'jigs pa thams cad dang bral ba'o/ /gnod pa med par 'gyur ro zhes bya ba ni sems can thams cad kyi'o// byin gyis brlab par 'gyur ro zhes bya ba ni dgongs par 'gyur ba'o/ /dngos grub thams cad ni phyag rgya chen po la sogs pa'i dngos grub rnams so/ /rgyu med par mngon ma byung ba'i zhes bya ba la sogs pa la/ yul gyi bde ba gang dag sngon chad ma myong ba de ni sngon ma byung ba ste/ snga na med pas na sngon ma byung ba'o/ /de lta bur gyur pa'i rgyu med par sngon ma byung ba'i dga' ba dang/ mgu ba dang/ rangs par byed pa'i bde ba thams cad 'di las skye bar 'gyur ba ste/ sngon nyams su myong ba'i yul ni dran pa'i rgyu yin pa las/ de med pas na rgyu med pa'o/ /rgyu med pa yang yin la/ dga' ba dang/ mgu ba dang/ rangs par byed pa'i bde ba yang yin pas na/ rgyu med pa'i dga' ba dang/ mgu ba dang rangs par byed pa ste/ de lta bu bde ba 'di la skye bar 'gyur ba'o/ /de bde ba de dag ces bya ba la sogs pa la ting nge 'dzin ni rab tu dga' ba la sogs pa'i sa thob pa'i rang bzhin can no/ /gzungs ni tshig la sogs pa 'dzin pa'o/ /dran pa ni shes rab dang ldan pa'i sems kyi rang bzhin no/ /de nas phyag rgya de bcings la rang gi snying gar dgrol du gzhug go ces bya ba ni sems ma rdo rje ma'i phyag rgya bcings par gyur pa dang/ yang bcings la sems dpa' byin gyis rlobs par mdzad pa'i phyir slob ma'i snying gar dgrol du gzhug go /de nas me tog gi phreng ba der zhing zhes bya ba ni phreng ba phul bas lha rnams kyi so sor yongs su gzung bar gyur na/ de'i dngos grub rab 'bring tha ma rdzogs par 'gyur ba'i phyir te/ yongs su gzung ba de nyid gsungs pa ni/ aoM pra ti grih+Na swa mi moM sa twa mahA ba la zhes bya ba yin no/ /de ltar babs bzhin du zhes bya ba ni/ de ltar rnam pa gnyis kyis bab pa ste/ sems ma rdo rje dang/ khro bo'i khu tshur gnyis kyis babs par gyur nas rdo rje lcags kyu nas brtsams te rnam par snang mdzad kyi bar du dkyil 'khor rim pa bzhin du bstan par bya'o/ /dbab ba nye bar bsdu ba na 'dir slob dpon gyis dbang du bsdus pa lta bur shes par bya'o/ /dkyil 'khor mthong ba'i phan yon bstan par bya ba ni/ dkyil 'khor chen po mthong ma thag tu zhes bya ba la sogs pa gsungs pa yin no/ /'od zer sna tshogs zhes bya ba ni/ sngon po dang/ ser po la sogs pa'i gzugs can no/ /'od kyi dkyil 'khor ni 'od zer gyi tshogs te mthong bas zhes bya bar mtshams sbyar ro/ /yang slob ma gzhug pa'i cho ga 'di'i don bcom ldan 'das kyis ji skad du gsungs pa de ltar brjod par bya ste/ ji lta ba bzhin du dbang bskur bar 'os pa'i slob ma bslab pa lnga yongs su gzung ba 'am dge sbyong ngam/ dge slong gi sdom pa yongs su gzung ba lhag par gnas pa'i cho ga ji lta ba bzhin du byas pas/ slob dpon gyis zhabs la mngon par phyag byas nas/ sems can ma lus pa rnams kyi phan pa dang/ bde ba dam pa ma lus pa 'grub par bya ba'i rgyur/ bdag de bzhin gshegs pa thams cad kyi rigs dang/ rdo rje'i rigs kyi bdag po dang/ rdo rje'i rigs dang/ pad+ma'i rigs kyi bdag po dang/ pad+ma'i rigs dang nor bu'i rigs dang las kyi rigs kyi bdag po dang/ las kyi rigs kyi ngo bo rnam par snang mdzad dang/ rnam par snang mdzad chen por gyur par bya'o zhes bya ba'i bsam pa mngon du byas la/ slob dpon gyi zhabs gnyis la phyag byas la/ 'di skad ces brjod par bya'o/ /dga' chen khyod bdag ston pa bas/ /slob dpon khyod ni dgongs su gsol/ /byang chub sems dpa' i tshul bstan pa/ mgon po chen po bdag 'tshal lo/ /dam tshig de nyid stsal du gsol/ /sdom pa rnams kyang bdag la stsol/ /de nas yol ba'i mthar slob ma la rdo rje srung ba yongs su bzlas pa'i ras shin tu dmar bas steng g.yogs dang smad g.yogs bskon zhing/ yang der sgo bsrungs rnams kyi sngags bzlas pa'i dang gyis gdong g.yogs ji lta ba bzhin du bcings nas slob ma phyag bzhi byed du gzhug go/ phyag bzhi byas zin pa dang/ lag na me tog thogs pas slob dpon la phyag byas nas/ lag na me tog thogs pa nyid kyis/ /sdig pa bshags pa dang/ rjes su yi rang ba dang/ bskul ba dang/ gsol ba byas la/ 'di skad ces brjod par bya'o/ /gtso bo bdag la sdom pa stsol/ /thub pa nyid ma ma lus pa/ /sangs rgyas bdag la dgongs su gsol/ /bdag ming 'di zhes bya ba ni/ /slob dpon dbang du gnas pa la/ /sangs rgyas rol mo las byung ba/ /mi ldog 'khor lo 'byor par ldan/ /thar pa chen po'i grong khyer mchog /gsang ba chen po 'jug par bgyi/ /gsang ba'i rigs mchog thams cad du/ / slob dpon chen po bdag 'jug mdzod/ /mi ldog pa yi dbang bskur ba/ /skal pa chen po bdag la stsol/ /mtshan rnams kun gyi rgyas btab cing/ /dpe byad rnams dang yang dag ldan/ /sangs rgyas sku ni yid 'ong ba/ /slob dpon chen po bdag la stsol/ /dbang bskur chen po rmad 'byung ba/ /sems can kun gyi don bgyid phyir/ /bdag ni rtag tu slob mar 'gyur/ /slob dpon chen po bdag la stsol/ /de nas slob dpon gyis rigs thams cad la gsol ba gdab par bya ste/ che ge zhes bya ba 'di nyid ni/ /byang chub sems ni yongs 'dzin pa/ /dam tshig mchog dang gsang ba yis/ /'khor lo 'dir yang 'jug par 'tshal/ /de nas yang slob dpon gyis yang 'di skad brjod par bya ste/ gsang ba chen po'i rigs dag pa/ /gsang ba yongs su 'dzin par ni/ /bdag nyid chen po khyod 'dod dam/ /des kyang 'tshal zhes brjod par bya/ /sangs rgyas chos dang dge 'dun te/ dkon mchog gsum la skyabs su song/ /'di ni sangs rgyas rigs dag pa'i/ /dam tshig brtan par gyur pa'o/ /rdo rje dril bu'i phyag rgya yang/ /blo chen khyod kyis gzung bar gyis/ /byang chub sems gang de rdo rje/ /shes rab dril bu zhes bshad do/ /slob dpon dag kyang gzung bar bya/ /'di ni rdo rje'i rigs dag pa'i/ /sdom pa dam tshig yin par gsungs/ rin chen rigs mchog chen po la/ /nyin dang mtshan mo lan gsum du/ /zang zing mi 'jigs chos dang byams/ /sbyin pa rnam bzhi rtag tu sbyin/ /phyi dang gsang ba'i theg pa gsum/ /dam chos khyod kyis gzung bar bya/ /'di ni pad+ma'i rigs dag pa'i/ dam tshig brtan par gyur pa'o/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar gyis/ /mchod pa'i las kyang ci nus bya/ /de las gzhan pa bcu bzhi ni/ /phas pham par ni rab tu bshad/ /spang zhing dor bar mi bya ste/ /rtsa ba'i ltung bar shes par bya/ /nyin dang mtshan mo lan gsum du/ /nyin re bzhin ni bzlas par bya/ /gang tshe nyams 'gyur rnal 'byor pa/ /kha na ma tho spom por 'gyur/ /khyod kyis srog chags bsad mi bya/ /ma byin par yang mi slang ngo/ /'dod pas log par mi spyad cing/ /rdzun du smra bar mi bya'o/ /phung 'khrol kun gyi rtsa ba ni/ /chang ni rnam par spang bar bya/ /sems can gdul phyir ma rtogs pa/ /bya ba ma yin thams cad spang/ /dam pa nye bar bsten bya zhing/ /rnal 'byor la rnams bsnyen bskur bya/ /lus kyi las ni rnam gsum dang/ /dag gi rnam pa bzhi rnams dang/ /yid kyi rnam pa gsum dag ni/ /ci nus par ni rjes su spong/ /theg pa sman la 'dod mi bya/ /sems can don la rgyab phyogs min/ /'khor ba dag kyang yongs mi spang/ /rtag tu mya ngan 'das mi chags/ /lha dang lha min gsang ba la/ /khyod kyis brnyas par mi bya zhing/ /phyag rgya bzhin pa mtshon cha dang/ /mtshan ma 'gom par mi bya'o/ /'di dag dam tshig yin par bshad/ /khyod kyis rtag tu bsrung bar bya/ /des kyang 'di skad brjod bya ste/ /slob dpon 'dir ni bdag la gson/ /gtso bos ji ltar bka' stsal pa/ /de ltar bdag ni bgyid par 'tshal/ /ji ltar dus gsum mgon po rnams/ /byang chub tu ni nges mdzad pa/ /zhes bya ba la sogs pa nas/ /sems can mya ngan 'das la dgod ces bya ba'i bar du lan gsum brjod par bya'o/ /gang zhig sdom pa 'dzin par mi byed pa de la/ deng khyod ces bya ba la sogs pa brjod par mi bya ste/ slob dpon du rjes su gnang pa dang/ dbang bskur bar mi bya'o/ /'jug pa tsam zhig byed du gzhug go /de nas aoM sarbba yo ga tsit+ta autpA da ya mi zhes bya ba 'dis/ byang chub sems ni bla med pa/ /dam pa bdag gis bskyed nas su/ /de yi snying gar snying pos ni/ /rdo rje rab tu bzhag par bya/ /su ra te sa ma ya stwaM ho badzra sid+d+hi badzra sid+d+hi badzra ya thA su khaM/ de nas badzra satwa zhes zlos shing rdo rje sems dpa' i dam tshig gi phyag rgyas de rdo rje sems dpar bskyed la/ rigs kyi dam tshig bzhis snying ga dang/ dpral ba dang/ lkog ma dang/ spyi bor rdo rje dang/ rin po che dang/ pad+ma dang/ sna tshogs rdo rje bskyed la dri dang me tog la sogs pas mchod nas/ slob ma las yon gyi mchog blangs te/ de la phyi rol na gnas pa'i bum pa'i chus dbang bskur la/ sa ma ya stwaM zhes bya ba 'dis rdo rje sems ma'i phyag rgya 'chid du bcug la/ gung mo gnyis kyis phreng ba 'dzin du bcug ste/ sa ma ya hUM zhes bya ba 'dis gzhug par bya zhing badzra aM ku sha dzaphyogs nas bcug la/ badzra pA sha hUM zhes bya ba dang/ rdo rje zhags pa'i las kyi phyag rgyas gzhug par bya'o/ /yang de bzhin du nub phyogs kyi sgo nas bcug la/ badzra spho Ta baM zhes bya ba dang/ rdo rje lcags sgrog gi phyag rgyas bcing bar bya'o/ /de nas de bzhin du byang phyogs kyi sgo nas bcug la/ badzra A be sha zhes bya ba dang/ rdo rje 'bebs pa'i phyag rgya dbab par bya'o/ /de nas yang shar phyogs kyi sgo nas de bzhin du bcug la 'di skad du/ deng khyod de bzhin gshegs pa thams cad kyi rigs su zhugs kyis zhes bya ba la sogs pa brjod par bya'o/ /de nas sgo dbye ba'i phyag rgyas rang gi snying ga phyed la/ rang gi snying ga na gnas pa'i rdo rje'i dbus na/ yi ge a rdo rje dmar po 'od zer gyi phreng ba dang ldan pa bsams nas/ de las slob ma'i snying ga na gnas pa'i rdo rje'i dbus blos bcug la/ de'i lus thams cad kun tu gang bar bsam zhing/ 'di skad du de bzhin gshegs pa thams cad kyis zhes bya ba la sogs pa smros shig ces brjod do/ /de nas sems ma rdo rje ma'i phyag rgya bcings la/ 'di ni rdo rje'i dam tshig ste/ bya ba la sogs pa brjod du bcug la/ badzra A be sha a zhes bya bas lan brgya'i bar du zlos shing dbab par bya'o/ /gal te thabs par ma gyur na/ khro bo'i khu tshur gyis sems dpa' rdo rje ma'i phyag rgya dral bar byed cing/ badzra satwa a a a a lan brgya'i bar du zlos shing/ bcom ldan 'das rdo rje sems dpa' 'od zer dmar po 'bar bas kun tu khyab pas kun nas gang bar bsams na nges par 'babs par 'gyur ro/ /dbab pa'i cho ga de lta bu dang/ gzhan dag kyang shes par bya'o/ /de nas de la babs pa shes pa dang/ slob dpon gyis dpal rdo rje sems dpa' i dam tshig gi phyag rgya bcings te/ he badzra sata/ he badzra ratna/ he badzra d+harmma/ he badzra karmmA nri ti satwa nri tya badzra zhes brjod par bya'o/ /gal te babs pa dang/ dpal rdo rje sems dpa' i phyag rgya 'ching na/ slob dpon gyis rdo rje khu tshur gyi phyag rgya bcing bar bya'o/ /gang gi tshe rdo rje rgyal po'i phyag rgya bcing ba de'i tshe/ rdo rje gnod sbyin gyi phyag rgya'o/ /gang gi tshe rdo rje chags pa'i phyag rgya bcing ba de'i tshe/ rdo rje srung ba'i phyag rgya'o/ /gang gi tshe rdo rje lags pa'i phyag rgya 'ching ba de'i tshe rdo rje las kyi phyag rgya'o/ /gang gi tshe rdo rje rin chen gyi phyag rgya 'ching ba de'i tshe rdo rje smra ba'i phyag rgya'o/ /gang gi tshe rdo rje nyi ma'i phyag rgya 'ching ba de'i tshe/ rdo rje sgyu'i phyag rgya'o/ /gang gi tshe rdo rje rgyal mtshan gyi phyag rgya 'ching ba de'i tshe/ rdo rje rnon po'i phyag rgya'o/ /gang gi tshe rdo rje bzhad pa'i phyag rgya 'ching ba de'i tshe/ slob dpon gyis rdo rje chos kyis phyag rgya bcing bar bya'o/ /de lta bus ni rdo rje sems dpa' la sogs pa'i sems dpa' rnams dgongs par mdzad par 'gyur ro/ /de nas babs pa de'i lce la hUM las rdo rje rtse lnga pa dkar po bsams la/ smros shig rdo rje zhes brjod par bya'o/ /de nas mngon par 'dod pa thams cad smra bar 'gyur ro/ /de nas phreng ba dor ba de blangs nas mgo bo la bcing ngo/ /de nas gdong g.yogs bkrol la dkyil 'khor bstan nas/ sems ma rdo rje ma'i phyag rgya bcing du bcug la tiSh+Tha badzra zhes bya ba la sogs pas de'i snying gar dkrol du gzhug go /rdo rje'i byin gyis brlabs pa'i bum pa'i nang gi dri chu dang zhes bya ba la sogs pa dang/ phyi'i dkyil 'khor gyi phyi rol du zla ba'i dkyil 'khor bris la/ /slob ma rdo rje sems dpar bskyed nas byin gyis brlabs la/ zla ba'i dkyil 'khor de'i steng du rdo rje sems dpa' i phyag rgya chen po'i rdo rje dang dril bu 'dzin pa de bzhag la/ dril bu dkrol zhing/ dri dang bdug pa dang/ me tog dang/ lha bshos dang/ mar mes yang dag par mchod do/ gtor ma byin nas bkra shis kyi tshigs su bcad pa 'don zhing/ rnam par rgyal ba'i bum pa las rdo rje khu tshur gyis chu blangs la de dang/ aoM badzra a b+hiShiny+tsa zhes bya ba'i sngags 'dis spyi bo nas dbang bskur bar bya'o/ /de nas phyag rgya dang phreng ba gang yang rung ba cig bcings la zhes bya ba la/ dbang bskur ba thams cad kyi spyi'i cho ga brjod par bya ste/ de bzhin gshegs pa thams cad kyi rdo rje rin chen gyi phyag rgya phreng ba'i dbang bskur ba yin no/ /dpal rdo rje sems dpa' la sogs pa de bzhin gshegs pa'i rigs rnams kyi ni rdo rje dbyings kyi dbang phyug ma la sogs pa sangs rgyas kyi phyag rgya rnams kyi phreng bas dbang bskur ba'o/ /rdo rje'i rigs la ni sangs rgyas kyi phreng bas te de'i phreng ba dang/ rdo rje'i phreng bas so/ /de yang rdo rje ti rin ti ri phyag rgya dang/ dpal he ru ka'i dam tshig gi phyag rgyas dbang bskur ro/ /'gro ba 'dul ba'i dum bu la ni/ rdo rje chos ma'i phyag rgyas 'od dpag tu med pas dbang bskur ro/ /don thams cad grub pa'i dum bu la ni/ rdo rje rin po che'i myu gus rdo rje rin chen gyis dbang bskur ro/ /las kyi rigs la ni rdo rje las kyi dam tshig gi phyag rgyas sna tshogs rdo rje'i phreng bas dbang bskur ro/ / aoM gyis rang gi mtshan ma lag par bzhag la zhes bya ba ni phreng bas dbang bskur ba'i rjes thogs la/ de bzhin gshegs pa'i dbang bskur ba la ni/ de bzhin gshegs pa'i rdo rje dang/ rdo rje dril bu'o/ /de bzhin gshegs pa'i rigs kyi dbang bskur ba ni/ dang po'i rdo rje dang/ dang po'i rdo rje dril bu'o/ /rdo rje hUM mdzad kyi rigs la ni/ /rdo rje gnod sbyin gyi rdo rje 'bar ba dang/ rdo rje dril bu 'bar ba'o/ /pad+ma'i rigs 'gro ba 'dul ba'i dum bu la ni/ rdo rje pad+ma dang/ rdo rje pad+ma'i dril bu'o/ /nor bu'i rigs don thams cad grub pa'i dum bu la ni/ rdo rje rin po che dang/ dril bu rdo rje rin po che'o/ /las kyi rigs la ni rtse mo bcu gnyis pa sna tshogs rdo rje dang/ de'i dril bu'o/ /phyi'i rdo rje'i rigs rnams kyi rdo rje rtse gsum pa dang/ des mtshan pa'i rdo rje dril bu ste/ 'di dag ni rang gi mtshan ma ste/ de dag sangs rgyas rnams kyi rdo rje'i dbang/ /di ring khyod la bskur bar 'gyur/ /sangs rgyas kun gyis rab grub phyir/ /rdo rje 'di ni khyod kyis long/ aoM badzra a ti ba ti aoM a b+hiShiny+tsa mi tiSh+yA badzra sa ma ya stwaM zhes bya ba 'dis lag par sbyin par bya'o/ /byang chub sems gang de rdo rje/ /shes rab dril bu zhes bshad do/ /zhes gsungs pas na/ /rdo rje'i dbang bskur bas ni rdo rje ye shes kyi dbang bskur ba gsungs pa yin no/ /sangs rgyas kun tu ces bya ba ni/ rdo rje dbang bskur ba 'di ni byang chub kyi sems kyi rang bzhin yin pas/ /rdo rje 'di ni sangs rgyas thams cad nyid yin no/ /rab grub phyir rdo rje 'di ni khyod kyis long zhes bya ba ni gang gi phyir rdo rje 'di ni sangs rgyas thams cad kyi ngo bo nyid yin pa de'i phyir rang grub phyir te sangs rgyas nyid bud rdo rje sems dpa' nyid la sogs pa thob cing bskyed par bya ba'i phyir/ rdo rje 'di ni khyod kyis long zhig ces pa ste/ gzung zhes pa'o/ /badzra a ti pa ti zhes bya ba ni bdag por gyur pa ste/ bag chags dang bcas pa'i nyon mongs pa thams cad spangs pas khams gsum gyi chos kyi rgyal por thob par gyur pa thob pa'o/ /tiSh+Tha badzra zhes bya ba ni sgrub pa po'i rgyud 'dir dbang bskur ba'i tshul gyis bzhugs shig ces bya ba sngon du 'gro bas rdo rje la ? pa'o/ /sa ma ya stwaM zhes bya ba ni khyod ni de bzhin gshegs pa thams cad kyis kyang 'dod? par? mi mdzad pa yin pas de'i phyir rdo rje la bzhugs shing ces pa'o/ /rdo rje ming gi dbang gis dbang bskur bar bya'o/ zhes bya ba ni me tog gi phreng ba'i dbang bskur ba dang/ phyag rgya'i phreng ba'i dbang bskur ba dang/ rdo rje'i dbang bskur ba dang/ bdag po'i dbang bskur ba dang/ ming gi dbang bskur ba la sogs pa 'di dag thams cad kyis kyang phyir mi ldog pa'i sa bon bskyed pa'i phyir yin pas sdom pa gzung ba dang/ sdom pa ma gzung ba'i spyi'i dbang bskur ba yin no/ /slob dpon tu dbang bskur bar 'os pa rnams kyis ni khyad par yod par bshad de/ slob dpon du dbang bskur bar 'os pa dkyil 'khor chen por bcug la/ dkyil 'khor gyi de kho na nyid dang/ lha'i de kho na nyid dang/ slob dpon gyi las thams cad bslab par bya ste/ 'di tsam gyis ni gsang ba'i dbang bskur bas dbang bskur ba yin no/ /zhes bcom ldan 'das rdo rje 'dzin pas gsungs so/ /de la dkyil 'khor gyi de kho na nyid ni 'di yin te/ mi mnyam med pas zur bzhi ste/ /dran dang dbang po'i sgo bzhi yin/ /bsam gtan rnams kyis rta babs bzhi/ /ting 'dzin khyams su bshad pa yin/ /kha khyer la brten rdo rje'i mchog /lha mos mchod pa gzungs rnams yin/ /sna tshogs pa yi rgyan rnams kun/ /bsam pa thams cad rdzogs byed pa'o/ /gdul bya bskyod pa sna tshogs mchog /dam chos mchog ni kun tu 'gro/ /rlung gis bskyod pa sna tshogs mchog /dar 'phan dril bu sgra sgrogs yin/ /me long ye shes rtag med rtog /byang chub yan lag me tog phreng/ /dra ba dra phyed rin chen mchog/ nyi ma zla bar yang dag ldan/ /kun grub mi zad bde ba ste/ /bde ba chen po zhes bshad pa'o/ /phyi'i dkyil 'khor gyi de kho na nyid do/ /de yi nang rim dag gi thig /dkyil 'khor brgyad pa 'dra ba ni/ /'di ni rnam par thar pa brgyad/ /dngos grub kun gyis bde ba ster/ /theg pa chen po byang chub sems/ /mdo sde'i 'khor lo bskor bas na/ /rdo rje'i thig gis yongs bskor bar/ /rdo rje'i 'khor lo yang dag bri/ /rnam par snang mdzad dang/ mi bskyod pa dang/ rin chen 'byung ldan dang/ 'od dpag tu med pa dang/ don yod par grub pa'i dkyil 'khor ni/ /thabs rnam pa lnga bstan pa'i phyir/ shel dang/ bai DUrya dang/ gser dang/ pad+ma rA ga dang/ margad dang lta bu ste zlum pa'o/ /de la dbus ma shel lta bu'i mdog can ni/ bcom ldan 'das rnam par snang mdzad kyi dkyil 'khor te/ byang chub kyi sems rnam par dag pa ston pa yin no/ /gnyis pa bai DUrya'i mdog can ni mi bskyod pa'i dkyil 'khor te/ bsdu ba'i dngos po bzhi ston par byed pa yin no/ /gsum pa gser gyi mdog can ni rin chen 'byung ldan gyi dkyil 'khor te/ bsod nams dang ye shes kyi tshogs ston par byed pa yin no/ /bzhi pa pad+ma rA ga'i mdog can ni 'od dpag tu med pa'i dkyil 'khor te/ mi dmigs pa'i thugs rje chen po dang/ ting nge 'dzin dang/ gzugs dang/ rnam par thar pa la sogs pa ston par byed pa yin no/ /lnga pa mar gang kyi mdog can ni don yod par grub pa'i dkyil 'khor te/ sems can smin pa dar grol bar byed pa'i byang chub sems dpa' i lam 'bras bu dang bcas pa thos pa'i las byung ba'i theg pa gzhan gyi lta ba dang bral ba yin no/ zhes bya ba ni dkyil 'khor zhes bya ba'i mdos ston pa yin no/ /kha dog lnga po ni de bzhin gshegs pa rnams sems can gyi khams la pha rol tu phyin pa bcu drug gis chags par mdzad pa yin no/ zhes ston par byed pa'o/ /bum pa ni gang gi tshe bcom ldan 'das de bzhin gshegs pa thams cad las gnyis su med pa'i ye shes kyi bdud rtsi gsol ba de ston par byed pa yin la/ dum pa gang ba ni 'di ni byang chub thob par byed pa'i bsod nams dang ye shes kyi tshogs yongs su rdzogs pa yin no/ /zhes ston pa yin no/ /gang du bzlas par yang dag bshad/ de nyid brtson par yang dag bshad/ /gang phyir drir ni yang dag bshad/ /grags pa'i dri ni bla na med/ /rdzu 'phrul byug pa gang yin pa/ /tshul khrims dri ni bla med pa'o/ /bza' ba rnam pa sna tshogs ni/ /chos kyi zas ni bla med yin/ /lha yi gar bshad sna tshogs pa/ /rtog pa thams cad rnam 'phel ba'o/ /grong khyer du ni gang bshad pa/ /de nyid thar pa'i grong khyer bzang/ /dkyil 'khor du ni gang bshad pa/ /chos kyi rang bzhin grong khyer yin/ /zhes bcom ldan 'das kyis gsungs so/ /yang mi'u thung lta bu zhal bzhi pa gsus khyim che ba/ /ral pa can dkyil 'khor gyi bdag po'i yon tan dang ldan pa/ tshogs lta bu zhal bzhi tpa de dkyil 'khor gyi sgor yongs su gyur pas gdul bya rnams rang gi skur bzhugs par mdzad pa'i phyir de rnams kyang sdig pa sel zhing sangs rgyas kyi yon tan bskyed par mdzad pas gzhug par gsang ba'i dkyil 'khor gyi gzugs can bsgom par bya'o/ /de la lha rnams kyi de kho na nyid sum cu rtsa bdun te/ /de brjod par bya'o/ /dkyil 'khor thams cad kyi dbus su bzhugs pa ni bcom ldan 'das rnam par snang mdzad de/ sangs rgyas thams cad gcig tu bsdus par gyur pa mi bskyod pa la sogs pa'i tshul gyis mdzes par snang ba yin no/ /bcom ldan 'das rnam par snang mdzad kyi byang chub kyi mtshan nyid can thugs gang yin pa de ni de bzhin gshegs pa mi bskyed pa'o/ /bcom ldan 'das mi bskyod pa de nyid rnam pa bzhir 'dod de/ de'i rgyu'i gnas skabs kyi byang chub kyi thugs dang/ 'bras bur gyur pa'i thugs gang yin pa de ni rdo rje sems dpa' o de nyid kyi bsdu ba'i dngos po bzhi'i spyod pa dang/ 'bras bu'i thugs ni rdo rje rgyal po'o/ /de nyid kyi sems can smin pa dang/ grol bar mdzad pa'i thugs gang yin pa dang/ de bzhin du lam bsgom pa dang/ /'bras bu'i rang bzhin can gyi thugs gang yin pa de ni rdo rje chags pa'o/ /de nyid kyi pha rol tu phyin pa drug gi spyod pa dang 'bras bu'i thugs gang yin pa de ni rdo rje legs pa'o/ /bcom ldan 'das rnam par snang mdzad kyi sbyin pa'i pha rol tu phyin pa gang yin pa de ni de bzhin gshegs pa rin chen 'byung ldan no/ /rin chen 'byung ldan de yang nor dang/ mi 'jigs pa dang/ byams pa dang/ chos kyi sbyin pa'i tshul gyis rnam pa bzhir 'gyur ro/ /de la nor sbyin pa'i spyod pa dang/ nor sbyin pa'i spyod pa'i 'bras bu gang yin pa de ni rdo rje rin chen no/ mi 'jigs pa sbyin pa dang/ mi 'jigs pa sbyin pa'i 'bras bu gang yin pa de ni rdo rje nyi ma'o/ /byams pa'i sbyin pa'i spyod pa dang/ byams pa'i sbyin pa'i 'bras bu gang yin pa de ni rdo rje dpal lo/ /chos kyi sbyin pa dang/ chos kyi sbyin pa'i 'bras bu gang la yin pa de ni rdo rje bzhad pa'o/ / bcom ldan 'das rnam par snang mdzad kyi shes rab kyi pha rol tu phyin pa gang yin pa de ni de bzhin gshegs pa 'od dpag tu med pa'o/ /bcom ldan 'das 'od dpag tu med pa'i chos thams cad rang bzhin gyis rnam par dag pa'o/ zhes thugs rtse gcig pa nyid kyi rnam pa'i shes rab kyi spyod pa dang de'i 'bras bu gang yin pa de ni rdo rje chos so/ /nyon mongs pa dang shes bya'i sgrib pa spong bar byed pa'i phyir shes rab bsgom pa dang/ de'i 'bras bu gang yin pa de ni rdo rje rnon po'o/ /rdo rje dbyings la sogs pa'i dkyil 'khor sprul pa'i rnam pa'i shes rab dang/ de'i 'bras bu gang yin pa de ni rdo rje rgyu'o/ /'od dpag tu med pa nyid kyi so sor yang dag par rig pa bzhi'i rang bzhin gyi shes rab kyi spyod pa gang yin pa dang/ de'i 'bras bu gang yin pa de ni rdo rje smra ba'o/ /bcom ldan 'das rnam par snang mdzad kyi brtson 'grus kyi pha rol tu phyin pa gang yin pa de ni de bzhin gshegs pa don yod grub pa'o/ /bcom ldan 'das don yod par grub pa de yang rnam pa bzhi ste/ don yod par grub pa des sangs rgyas sprul pa'i phyir brtson 'grus gang sgom pa'i sbyod pa 'am/ sems can yongs su smin par bya ba'i spyod pa dang/ de dag gi 'bras bu gang yin pa de ni rdo rje las so/ /theg pa gzhan 'dod pa'i sems kyi 'jig pa las sems srung ba'i brtson 'grus gang yin pa dang/ de'i 'bras bu gang yin pa de ni rdo rje srung ba'o/ /chos rnams rang bzhin gyi 'od gsal ba gdong nas dag pa/ nam mkha' dang mnyam pa zhes bya bar so sor rtog pa'i brtson 'grus bsgom pa 'dis/ /'dod chags la sogs pa'i nyon mongs pa dang/ nye ba'i nyon mongs pa dang/ gdug pa thams cad dang/ de'i 'bras bu gang yin pa de ni rdo rje gnod sbyin no/ /de bzhin gshegs pa thams cad kyi sku dang/ gsung dang/ thugs rdo rje'i rang bzhin du bsgom pa'i brtson 'grus dang/ de'i 'bras bu gang yin pa de ni rdo rje khu tshur ro/ /bcom ldan 'das rnam par snang mdzad kyi byang chub kyi thugs bsdus par gyur pa gang yin pa de ni rdo rje sems ma'o/ /sbyin pa'i pha rol tu phyin pa bsdus par gyur pa gang yin pa de ni rdo rje rin chen ma'o/ /shes rab kyi pha rol tu phyin pa bsdus par gyur pa gang yin pa de ni rdo rje chos ma'o/ /brtson 'grus kyi pha rol tu phyin pa bsdus par gyur pa gang yin pa de ni rdo rje las ma'o/ /de nyid kyi sbyin pa dang/ tshul khrims dang/ bzod pa dang/ brtson 'grus dang/ shes rab dang/ bsam gtan dang/ smon lam dang/ thabs kyi pha rol tu phyin pa gang yin pa de ni/ lha mo sgeg mo dang/ phreng ba ma dang/ glu ma dang/ gar ma dang/ bdug pa ma dang/ me tog ma dang/ mar e ma dang/ byug pa ma yin no/ /bcom ldan 'das rnam par snang mdzad kyi byang chub kyi thugs bskyed nas thar pa'i grong khyer chen por sems can 'dren par mdzad pa'i phrin las gang yin pa de ni rdo rje lcags kyu'o/ /byang chub kyi spyod pa'i zhags pas sems can gzhug par mdzad pa gang yin pa de ni rdo rje zhags pa'o/ /byang chub kyi bsam gtan gyis theg pa gzhan 'dod pa las sems rab tu dral te 'ching bar mdzad pa gang yin pa de ni rdo rje lcags sgrog go /byang chub 'bebs pas rjes su chags par mdzad pa gang yin pa de ni rdo rje 'bebs pa yin no/ /de skad du yang rdo rje lcags kyu la sogs pa dbang du mdzad nas/ byang chub sems dang de bzhin sbyin/ /bsam gtan sangs rgyas rjes snyes byed/ /ces gsungs pa yin no/ /byams pa la sogs pa'i byang chub sems dpa' rnams ni/ dam pa'i chos kyi grong khyer yongs su skyong ba'o/ /de la 'di dag thams cad slob dpon gyi las yin te/ sems dpa' cha mi phyag rgya cher/ /bsgom zhing byin gyis brlab bgyid cing/ /dkyil 'khor gyi ni dbus nyid du/ mi rigs par ni mchis nas kyang/ /phyag rgya la gnas de bzhin langs/ /kun tu rnam par bltas nas ni/ /rdo rje sems dpa' zhes brjod nas/ /bsgyings pa'i tshul gyis yongs su bskor/ zhes bya ba nas/ /bdag ming 'di zhes bgyi ba yis/ /rdo rje slob dpon dka' thub ches/ /sems can kun la sman slad du/ /slob ma rnams ni gzhug par bgyi/ /zhes gang bshad pa 'di dag thams cad ni slob dpon gyis las yin no/ /dbang bskur ba'i cho ga rgyas par brjod par bya ste/ rtsa ba'i dkyil 'khor las khru gnyis tsam dor bar shar sgor bltas pa/ dkyil 'khor dbus ma'i phyed kyi tshad tsam du zur bzhi pa sgo nub tu bstod pa'i dkyil 'khor tshon sna lngas bris pa/ /de'i dbus su pad+ma 'dab ma brgyad pa/ de'i steng du dpal rdo rje sems dpa' i rdo rje rtse lnga pa kha dog dmar po 'od zer gyi phreng ba dang ldan pa bri bar bya'o/ /de bzhin du lho dang nub dang/ byang gi sgor bltas pa/ kun nas zlum por dkyil 'khor gzhan dag bris la/ de'i dbus su pad+ma 'dab ma brgyad pa'i steng du rdo rje rin po che dang/ rdo rje pad+ma dang/ sna tshogs rdo rje go rim ji lta ba bzhin bris la/ dkyil 'khor de rnams rtsa ba'i dkyil 'khor bzhin yang dag par mchod nas/ de rnams la rdo rje'i gnod sbyin yongs su bzlas pa'i seng ge'i gdan na mkhri la zla ba'i dkyil 'khor dar gyis g.yogs pa bzhag par bya'o/ /de nas slob ma rnam par snang mdzad la sogs pa'i de bzhin gshegs par byin gyis brlabs la/ shar phyogs kyi sgo'i dbang bskur ba'i dkyil 'khor du rnam par snang mdzad la sogs pa'i phyag rgya chen po'i seng ge'i gdan la bzhag la/ seng ge'i gdan gyi steng du bla re bre ba dang/ g.yas logs su dar dang me tog gi phreng bas brgyan pa dang/ gdugs mdog dkar po rin po che'i tog can la aoM mngon par bzlas pa bzhag pa dang/ g.yon logs su dar sna tshogs pa'i rgyal mtshan dang ba dan sna tshogs pa nam mkha' mdzod kyi sngags bzlas pa bzhag par bya'o/ /de nas slob ma la mchod yon byin la/ mchod pa lngas kyang mchod de/ dung dang/ rda rings dang/ rnga bo che dang/ zangs dung la sogs pa rol mo'i phyag rgyas byin gyis brlabs pa dang/ gar dang glu dang/ rol mo la sogs pas kyang de yang dag par mchod la bkra shis kyi tshigs su bcad pa brjod par bya'o/ /de nas sbyor ba 'dis mi bskyod pa la sogs pa'i bum pa bzhis dbang bskur bar bya'o/ /aoM badzra satwa hUM/ aoM badzra a b+hi Shiny+tsa/ aoM badzra ratna hUM/ aoM badzra a b+hi Shiny+tsa/ aoM badzra d+harmmA hUM/ aoM badzra a b+hi Shiny+tsa/ aoM badzra karmmA hUM/ aoM badzra a b+hi Shiny+tsa/ de nas badzra bir swAhA/ zhes bya ba dam tshig gi phyag rgyas yongs su gzung ba'i me tog gi lcug ma la stong rtsa brgyad bzlas pa'i rnam par snang mdzad kyi bum pa de dang/ aoM badzra bid swAhA/ aoM badzra a b+hi Shiny+tsa/ zhes bya bas dbang bskur ro/ /de la dam tshig gi phyag rgya ni 'di yin te/ mthe bo gnyis ni bsnol byas la/ mdzub mo rtse mo bkug nas ni/ gung mo bsnyams pa'i tshigs su bcad/ rdo rje thal mo'i 'od kyis brgyan zhes bya ba'o/ /de nas badzra sa twa/ badzra sna/ badzra d+harmmA badzra ba/ rmmA che ge mo zhes bya ba 'di/ a d+hi tiSh+Tha sarbba ta thA ga ta A tsaryaM bA swAhA/ zhes bya ba phyag rgya dang bcas pas slob ma'i snying ga dang/ dpral ba dang/ lkog ma dang/ spyi bor byin gyis brlabs la/ yang phyag rgya spyi bor bzhag ste/ lan brgya bzla bar bya'o/ /de nas 'di ni phyag rgya bshad de/ rdo rje bsdams pas legs gzung la/ snying ga dbus kyi bar na gnas/ mtheb bsnyems tha ma rdo rjer bya/ /rdo rje chen pos yongs su 'phang/ /de nas rdo rje khu tshur gyis rnam par rgyal ba'i bum pa las chu blangs la/ dbang bskur bar bya zhing btung ba'i phyir yang sbyin par bya'o/ /aoM sarbba ta thA ga ta mahA yo gI shwa ra hUM/ aoM badzra a b+hi Shiny+tsa/ de'i rjes la rdo rje rin chen yongs su bzlas pa'i chos gos dang/ pos dang brgyan thams cad slob ma la byin la/ dri la sogs pas kyang mchod de/ badzra ratna a b+hi Shiny+tsa zhes bya ba dang/ rdo rje rin chen gyi dam tshig gi phyag rgyas dbang bskur la rin po che las byas pa'i rdo rje rin chen gyi cod pan dang dar dbyangs dang/ rdo rje rin chen gyi sngags mngon par bzlas pas dbang bskur la/ de bzhin gshegs pa'i rdo rje dang/ bdag po dang ming gi dbang bskur bar bya'o/ /lhag ma ni rdo rje sems dpa' i dbang bskur ba'i cho gas rjes su spyad par bya'o/ /yang de nyid du rdo rje sems dpar byin gyis brlabs la rnal 'byor chen por bshad pa'i tshul gyis rnam par snang mdzad la sogs pa'i dam tshig gi phyag rgyas/ rnam par snang mdzad la sogs pa de'i lus la bkod de/ rdo rje sems dpa' i phyag rgya chen pos seng ge'i khri'i steng du de bzhin du bzhag la/ seng ge'i khri'i steng du bla re bre ba dang/ g.yas logs su dar dang/ me tog gi phreng bas brgyan pa dang/ gdugs dkar po rin po che'i tog can la yi ge hUM bzlas pa dang/ g.yon logs su dar sna tshogs pa'i rgyal mtshan dang/ ba dan sna tshogs la nam mkha' mdzod yongs su bzlas pa bzhag par bya'o/ /de nas slob ma la mchod yon byin nas mchod pa rnam pa lngas kyang mchod de/ dung dang/ rda rings dang/ rnga bo che dang/ zangs dung la sogs pa'i rol mo rnams rol mo'i phyag rgyas byin gyis brlab pa dang/ gar dang glu dang/ rtsed mo la sogs pas kyang de la mchod nas/ slob ma la yon gyi mchog blangs nas rdo rje sems dpa' i sku gzugs spyi bor bzhag ste bkra shis kyi tshigs su bcad pa gdon par bya'o/ /de nas shar sgo'i bum pa dang/ bum pa gang bas kyang dbang bskur bar bya'o/ / de'i rjes la sbyor ba 'di sa rdo rje khu tshur gyis rnam par rgyal ba'i bum pa las chu blangs la/ dbang bskur zhing btud ba'i phyir yang blud bar bya'o/ /badzra aM ku sha/ aoM badzra a b+hi Shiny+tsa zhes bya ba nas/ badzra satwa/ aoM badzra a b+hi Shiny+tsa/ zhes bya ba'i bar dang/ a oM mahA su kha badzra satwa dzabyin la/ rdo rje dbyings kyi dbang phyug ma la sogs pa sangs rgyas rnams kyi phyag rgya dbang bskur nas/ sangs rgyas lnga'i rin po che'i cod pan lugs ma 'am brkos pa 'am/ bris pa rin po che 'am/ de las gzhan pa'i rgyu las byas pa'i dang/ dar dbyangs la rdo rje dbyings kyi dbang phyug ma la sogs pa bzlas pa dang/ rdo rje rin chen kyang bzlas pas dbang bskur ro/ /de nas rdo rje dang/ bdag po dang/ ming gi dbang bskur la/ me tog la sogs pa dang/ sgeg mo la sogs pas slob ma mchad la/ rin po che'i thur ma'am/ gser gyi thur ma spras te byin gyis brlabs pa'i thogs la/ mdun du 'dug ste de'i mig g.yas pa 'byed pa ltar byed cing 'di skad ces brjod par bya'o/ /ji ltar mig mkhan rgyal po yis/ /'jig rten ling tog bsal ba ltar/ /bu khyod kyis ni mi shes pa/ /rab rib rgyal ba rnams kyis bsal/ /aoM badzra ne tra a pa ha ra pa Ta laM h+ri/ de nas me long la/ aM badzra satwa zhes bya ba'i sngags mngon par bzlas la bstan cing chos kyi mtshan nyid bshad par bya'o/ /chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las kun tu byung/ /ngo bo nyid med gnas med par/ /de ltar chos ni shes nas su/ /sems can don la mnyam med byos/ /'on te sangs rgyas sras su skye/ /yi ge chos mnga' drug dang ldan pa'i gzhu byin la/ 'di skad ces brjod par bya ste/ 'dis de bzhin gshegs pa thams cad mnyes par gyis shig ces bsgo la/ ho zhes bya ba'i snying po 'dis phyogs bzhi dang/ steng dang 'og tu mnga' 'phen pa'i tshul du byed du gzhug go / de nas a badzra satwa zhes bya ba me long la bzlas pa nye bar bstan cing 'di skad ces brjod par bya'o/ /rdo rje sems dpa' me long sbyin/ /dag cing gsal la rnyog pa med/ /sangs rgyas kun bdag rang nyid ni/ bu khyod kyi ni snying la zhugs/ /gang 'di de bzhin gshegs pa thams cad kyi bdag po/ byang chub sems ni 'di yin par shes par bya'o/ zhes kyang brjod par bya'o/ /badzra he tu maM zhes bya bas de'i rkang pa gnyis kyi bar du 'khor lo bzhag pa dang/ badzra b+hA Sha raM zhes bya bas de'i lag pa g.yas par dung byin la 'di skad ces brjod par bya'o/ /deng nas brtsams te sems bskyed pa tsam gyis chos kyi 'khor lo bskor cing/ de ring phan chad 'jig rten la/ /skyabs pa rnams kyi 'khor lo bskor/ /chos kyi dung ni bla med pas/ /kun du ma lus gang bar gyis/ som nyi yid gnyis mi bya zhing/ /dogs pa med pa'i sems kyis su/ /gsang sngags spyod pa'i tshul gyis mchog /'jig rten 'di la rab tu sgrogs/ /de ltar byas nas sangs rgyas la/ /phan 'dogs drin du gzo zhes bya/ /rdo rje 'dzin pa de kun kyang/ /kun tu khyod la srung bar byed/ /de nas 'jig rten kun la thams cad du/ /sems can kun la phan pa'i phyir/ /ji ltar sna tshogs 'dul 'gyur ba/ /chos kyi 'khor lo rab tu bskor/ /'jig rten kun la thams cad du/ /sems can kun la phan pa'i phyir/ /ji ltar sna tshogs 'dul 'gyur ba/ /rdo rje'i 'khor lo rab tu bskor/ /yang 'phags pa nam mkha' i snying por byin gyis brlabs la/ /de'i phyag rgya chen pos lho'i phyogs kyi dbang bskur ba'i dkyil 'khor du bzhag la/ rin chen 'byung ldan gyi rigs kyi bum pas de bzhin du dbang bskur bar bya'o/ /badzra pA sha/ aoM badzra a b+hi Shiny+tsa zhes bya ba nas badzra ratna/ aoM badzra a b+hi Shiny+tsa zhes bya ba'i bar gyis so/ /de nas rnam par rgyal ba'i bum pa'i chus de bzhin du dbang bskur ro/ /de nas rdo rje rin chen gyi dam tshig gi phyag rgya bcings slob ma de dbang bskur ba'i gnas su bzhag la/ snying po 'di lan stong rtsa brgyad bzla bar bya'o/ /aoM badzra ratna a b+hi Shiny+tsa/ ratna a ti pa ti b+ha ba tA TA/ de nas der gos ser po dang rgyan thams cad la badzra ratna zhes bzlas pa byin la/ rdo rje rin chen gyi myu gu'i phyag rgyas/ phyag rgya'i dbang bskur ba byin nas/ rin po che la sogs pa las byas pa'i rin po che'i cod pan la/ rdo rje rin chen myu gu bzlas pa des rin po che'i cod pan dang/ dar dpyangs kyi dbang bskur la/ rdo rje nor bu rin po che'i rdo rje dang/ bdag po dang/ ming gi dbang bskur bas kyang dbang bskur bar bya'o/ /yang de bzhin du mchod pa rnam pa lnga dang/ sgeg mo la sogs pas yang dag par mchod la/ rdo rje sems dpa' i dbang bskur ba'i cho ga thams cad 'dir rjes su spyad nas/ 'jig rten kun la thams cad du/ /sems can kun la phan pa'i phyir/ /ji ltar sna tshogs 'dul 'gyur pa/ /nor bu'i 'khor lo rab tu bskor/ /zhes de la rjes su gnas pa sbyin par bya'o/ /de nas rdo rje chos su byin gyis brlabs la/ phyag rgya chen po de nub phyogs kyi dbang bskur ba'i dkyil 'khor du ji lta ba bzhin du bzhag la/ 'od dpag tu med pa'i rigs kyi bum pas/ de bzhin du dbang bskur bar bya ste/ badzra spho Ta aoM badzra a b+hi Shiny+tsa zhes bya ba nas/ de bzhin badzra d+harmmA/ aoM badzra a b+hi Shiny+tsa zhes bya ba'i bar gyis so/ /de nas rnam par rgyal ba'i bum pa'i chus de bzhin du dbang bskur ro/ /de nas rdo rje rin chen yongs su bzlas pa'i gos dkar po dang/ rgyan thams cad de la byin la/ dri la sogs bas mchod de/ rdo rje chos kyi dam tshig gi phyag rgya bcings la 'od dpag tu med pa'i dbang bskur bas dbang bskur bar bya'o/ /de nas yang de bzhin gshegs pa 'od dpag tu med pa dang ldan zhing pad+ma'i phreng ba dang bcas pa'i cod pan dang/ dar dpyangs kyi dbang gis dbang bskur la/ rdo rje rdo rje chos ma dang/ /rdo rje rin chen bzlas pa yis/ /rdo rje pad+ma'i phyag rgya yis/ /dbang bskur ba dang/ bdag po'i dbang bskur ba yang byin la/ aoM pad+ma mA le a b+hi Shiny+tsa/ lo ke shwa raM saM ba da hi zhes bya ba la lan stong rtsa brgyad bzlas pa'i pad+ma'i phreng ba de'i mgo la bcings par bya'o/ /de nas ming gi dbang bskur bas de dbang bskur la/ /mchod pa rnam pa lnga dang/ sgeg mo la sogs pa mchod pa rnam pa brgyad kyis yang dag par mchod la/ rin po che'i thur ma la sogs pa'i cho ga thams cad rjes su spyad par bya'o/ /'jig rten kun la thams cad du/ /sems can kun la phan pa'i phyir/ /ji ltar sna tshogs 'dul 'gyur ba/ /pad+ma'i 'khor lo rab tu bskor/ /zhes de la rjes su gnang ba sbyin par bya'o/ /de rdo rje las su byin gyis brlabs nas/ /phyag rgya chen po de dang byang phyogs kyi dbang bskur ba'i dkyil 'khor ji ltar bzhin bzhag la/ don yod par grub pa'i rigs kyi bum pas/ badzra A be sha/ aoM badzra a b+hi Shiny+tsa zhes bya bas nas/ de bzhin du badzra karmma/ aoM badzra a b+hi Shiny+tsa zhes bya ba'i bar gyis dbang bskur ro/ /yang rnam par rgyal ba'i bum pa chus de bzhin du dbang bskur nas/ rdo rje las kyi dam tshig gi phyag rgyas sna tshogs rdo rje'i phreng ba'i dbang gis dbang bskur la/ rin po che thams cad las byas pa'i sna tshogs rdo rje'i phreng ba'i cod pan dang dar dpyangs kyi dbang aoM maM/ rdo rje rin chen mngon par bzlas la de'i mgo bor bzhag ste/ sna tshogs rdo rje'i dbang bskur ba dang/ bdag po'i dbang bskur ba dang/ ming gi dbang bskur ba de la sbyin par bya'o/ /de nas mchod pa rnam pa lnga dang/ sgeg mo la sogs pas yang dag par mchod de/ dpal rdo rje sems dpa' i cho ga thams cad rjes su spyad par bya'o/ /'jig rten kun la thams cad du/ /sems can kun la phan pa'i phyir/ /ji ltar sna tshogs 'dul 'gyur ba/ /sna tshogs 'khor lo rab tu bskor/ /zhes de la rjes su gnang ba sbyin par bya'o/ /de nas de nyid kyis ni rdo rje gzung/ /chos kyi dril bu dkrol bar bya/ /dam tshig gis ni phyag rgya cher byin gyis brlabs nas snying po bzla/ /zhes bya bas bslab par bya'o/ /de la 'di ni de bzhin gshegs pa'i rdo rje gzung ba'i de kho na nyid te/ de nyid kyis na bcom ldan 'das/ byang chub sems dpa' de bzhin gshegs/ /lta ngan rnams la phan pa'i phyir/ /mya ngan 'das ni ston par mdzad/ /ma lus 'dul ba la brtson pa/ /brtan zhing nges pa'i go cha bgos/ /shin tu srid pa gnas kyi mchog /go cha la sogs bgos pas na/ /sangs rgyas chos dang tshogs shes pa'i/ /dkon mchog gsum po nyid du 'gyur// srid pa shin tu yang dag grub/ /rnam dag dpal ni byed pa'i mchog /ces bya ba de kho na nyid 'dis de bzhin gshegs pa'i rdo rje gzung bar bya'o/ /thams cad nam mkha' i mtshan nyid de/ nam mkha' la yang mtshan nyid med/ /nam mkha' dang mnyam sbyor ba yis/ /kun mchog mnyam pa nyid du gsal/ zhes bya ba 'dis chos kyi dril bu dkrol bar bya'o/ /longs spyod thams cad nyer spyod par/ /bdag nyid kho na ston byed cing/ /dkon mchog gsum mchod dam pa ni/ /bgyi'o zhes ni brjod de mchod/ /ces bya ba 'dis de bzhin gshegs pa'i sku'i gsang ba byin gyis brlab par bya'o/ /de nas dngos grub kyi rdo rje brtul zhugs sbyin par bya ste/ de la 'di ni rdo rje sems dpa' la sogs pa de bzhin gshegs pa'i rigs kyi rdo rje gzung ba'i de kho na nyid yin te/ thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje bsnyems tshul bdag po'i bdag /bcom ldan 'das dpal mchog dang po'i skyes bu'o/ zhes bya ba de kho na nyid 'dis rdo rje gzung ngo/ /bcom ldan 'das de bzhin gshegs pa srid pa'i bdag po/ /dam pa kun gyi dbang phyug dam pa de nyid chos kyi mchog gi bka' yang dag par stsol bar mdzad pa ni/ srid pa ngo bo nyid kyis dag /ngo bo nyid kyis srid bral byas/ /rang bzhin dag pa'i sems dpa' mchog /srid pa'i mchog ni byed pa yin/ /mchog tu gsang ba'i chos nyid 'bebs pa'i dril bus de bzhin gshegs pa thams cad mchod pa byas la/ lha rnams yang dag par bsgrub ste dril bu dkrol lo/ /de nas chos thams cad kyi de kho na nyid rab tu rtogs pa 'bebs pas sgrib pa thams cad rnam par dag par byed do/ /rdo rje thams cad 'bebs pa dang rab tu bsgrub pa dang/ dbang du bya ba dang yang rab tu sgrub par byed pa 'grub ste/ chos 'dis dril bu dkrol bar bya'o/ /srid pa'i bde ba shin tu chud/ /sdug bsngal chen po dag bya'i phyir// shin tu bde ba dam pa'i thabs/ /dam tshig 'di ni rtag tu bskyed/ /'dod pa'i longs spyod thams cad ni/ /ci 'dod par ni brten bzhin du/ /rang gi lha yi sbyor ba yis/ /bdag dang gzhan la mchod par bya/ /de bzhin gshegs pa thams cad kyi bla na med pa'i mchog tu gsang ba'i theg pa chen po'i dam tshig gi sbyor ba ni bcom ldan 'das kyi dam tshig go / de ci'i phyir zhe na 'di ltar/ de bzhin gshegs pa thams cad kyis/ /'da' ba ru ni mi mdzad pa/ /phyag rgya dam tshig ces su bsgrags/ /yid kyi gzugs ni brtan phyir ro/ /de la 'di skad ces kyang brjod par bya ste/ ji srid 'khor ba'i gnas su ni/ /mkhas mchog 'dug par gyur pa'i tshe/ /de srid mtshungs med sems can don/ /mya ngan mi 'da' byed par nus/ /shes rab pha rol phyin thabs dang/ /ye shes gnas su bsgrub pas na/ /chos kun rnam par dag pa'i phyir/ /'khor ba yongs su dag par 'gyur/ zhes bya ba 'dis dam tshig gis de bzhin gshegs pa'i rigs kyi sku'i gsang ba byin gyis brlab par bya'o/ /de la 'di ni rin po che'i rigs kyi 'khor los sgyur ba dang/ de'i rigs kyi rdo rje rin chen gzung ba'i de kho na nyid do/ /nyi ma 'di ni dam pa ste/ kun gzigs de bzhin gshegs pa yin/ /nam mkha' i snying po bcom ldan 'das/ /bsam pa thams cad rdzogs mdzad pa'o/ /zhes bya ba de kho na nyid 'dis rdo rje rin chen gzung bar bya'o/ /bsam pa thams cad grub rnams kyi/ /bsam pa grub pa dam pa yin/ /de yang 'dod pa rab grub phyir/ /'dod dang thar pa bde ba che/ /zhes bya ba'i chos kyis rin po che'i dril bu dkrol bar bya'o/ /mi phan pa yang sbyin bya zhing/ /'dod dang bde ba thams cad kyis/ /bdag nyid dang ni gzhan rnams kyis/ /bsam pa thams cad rdzogs par bya/ /zhes bya ba ni dam tshig gi mchog ste/ /'dis rin po che'i rigs kyi sku'i gsang ba byin gyis brlab par bya'o/ /de nas dngos grub kyi rdo rje'i brtul zhugs sbyin par bya'o/ /de la 'di ni pad+ma rigs kyis 'khor los sgyur ba dang/ de'i rigs kyis rdo rje pad+ma gzung ba'i de kho na nyid do/ /de nyid kyis ni bcom ldan 'das/ /sangs rgyas spyan ras gzigs dbang phyug / 'dul ba yi ni thabs mdzad pa/ dag pa'i rol mos gar mdzad do/ /zhes bya ba'i de kho na nyid 'dis rdo rje pad+ma gzung bar bya'o/ /ji ltar pad+ma dmar po 'di/ /tshon gyi nyes pas mi gos pa/ /de bzhin srid gsum dag pa ni/ /gnas kyi nyes pas mi gos so/ /zhes bya ba'i chos 'dis pad+ma'i dril bu dkrol bar bya'o/ /bya ba gang dang gang gis ni/ /'gro ba rnams ni 'dul 'gyur ba/ /pad+ma rigs mchog sbyor ba'i bdag /de dang des ni sbyang bar bya/ zhes bya ba ni dam tshig ste/ 'dis pad+ma'i rigs kyi sku'i gsang ba byin gyis brlab par bya'o/ /de nas brtul zhugs sbyin par bya ste/ aoM pad+ma hasta badzra d+harmmA taM pa la ya/ des kyang 'di skad du/ rdo rje'i chos nyid ji lta bu lags zhes 'dri bar bya'o/ /de nas 'di la 'di skad ces brjod par bya ste/ ji ltar pad+ma dmar po 'di/ /rigs kyi nyes pas mi gos bzhin/ /thams cad dag par bsgoms na ni/ /de bzhin sdig pas chags mi 'gyur/ /de la 'di chos nyid ni de yin no/ /rdo rje las kyi de kho na nyid dang/ chos dang/ dam tshig dang/ dngos grub kyi rdo rje brtul zhugs ni de bzhin gshegs pa'i rigs su bshad pa yin no/ /de nas slob ma mtshan brgya rtsa brgyad pas bstod la mchod pa thams cad kyis yang dag par mchod par bya'o/ /de nas rin chen 'byung ldan gyi nga rgyal dang/ gzengs bstod pa'i phyag rgyas slob ma thams cad lung bstan par bya'o/ /aoM 'di ni ngas khyod lung bstan yin/ /rdo rje sems dpa' de bzhin gshegs/ /srid pa kun tu grub pa'i phyir/ /srid pa'i ngan 'gro rnams las bton/ /kye rdo rje de bzhin gshegs pa che ge mo/ /sid+d+hi sa ma ya stoM b+hu b+hu? baswa/ de bzhin gshegs pa'i khu tshur bcings te/ g.yon pas chos gos 'dzin pa'i tshul du byas la/ g.yas pa mchog sbyin pa'i chul du bya'o/ /'di ni gzengs bstod pa'i phyag rgya'o/ /dbugs byung ba'i cho ga ni dpal mchog dang po la sogs pa'i cho ga las shes par bya'o/ /dkyil 'khor thams cad du 'jug pa'i cho gas rgyas pa'o/ /zhes bya ba ni rigs thams cad kyi dkyil 'khor du 'jug pas nye bar mtshon pa'i cho ga rgyas pa yin pas dkyil 'khor thams cad 'jug pa'i cho ga rgyas pa zhes bya'o/ /rim pa 'di nyid kyis dkyil 'khor thams cad du 'jug pa la sogs pa'i cho ga sbyang ba byas nas/ don gyi dngos grub la sogs pa bsgrub pa la sbyar bar bya'o/ /zhes bstan pa'i phyir/ de nas zhes bya ba la sogs pa gsungs te/ de nas zhes bya ba ni/ spyad ba byas pa rjes thogs la dngos grub bsgrub cing bskyed pa'i phyag rgya'i ye shes bslab par bya'o/ /de la don ni gser la sogs pa'o/ /de bskyed pa'i dngos grub ni thob pa ste de nyid grub pa'o/ /de'i phyag rgya ni rdo rje gter gyi tshul la sogs pa'o/ /de'i ye shes ni nges pa'o/ /de bslab par bya ste zhes bya ba ni bstan par bya ba'o/ /'di skad ston te/ man ngag gis de'i phyag rgya shes par 'gyur ba'i phyag rgya bsgom pa bslab pa de de la bstan par bya ste/ de lta bu yi thams cad du yang phyag rgya'i ye shes kyi sgra'i don yin no/ /rdo rje'i dbyibs ni gter gnas pa/ /snying gar yongs su bsgom par bya/ /zhes bya ba ni dang por re zhig /rang gi lha'i sbyor ba bya'o/ /de nas rang gi snying ga'i zla ba'i steng du yi ge aoM gser gyi mdog can las gser gyi bum pa rin po ches yongs su gang ba de'i steng du yi ge hUM las rdo rje gser gyi mdog can bsams la zla ba gcig gam/ zla ba drug gam/ lo gcig gi bar du bsgom par bya'o/ /de nas gsal ba nyid du gyur pa dang/ mtshan thog thag bsgom pa'i rjes la gang du gter yod par re ba'i skas la sogs pa mthong ba dang/ der song la 'byor ba ci yod pas mchod pa la sogs pa bya ba dang/ phyi rol tu gtor ma byin la rdo rje lcags sgrog gis gter bcing ba dang/ gnas dang zhing spyod bcing ba dang/ bden pa'i byin rlabs kyang byas la bzlas pa dang bsgom pa byas na bsgoms na gnas pa'i gter ni de'i sa mthong bar 'gyur zhes pa'o/ /rdo rje'i dbyibs ni bsres nas kyang/ /nam mkha' i ngos la bsgom par bya/ /zhes bya ba la sogs pa la/ snga ma bzhin du rang gi lha'i rnal 'byor byas la dpral ba'i yi ge khaM las me tog dmar po lta bu'i gter/ de'i steng du yi ge traM las rdo rje de dang 'dra bar bskyed la sngags zlos shing yid kyi dpral ba las phyung ste/ nam mkha' yongs su bsgom par bya'o/ /de nas snga ma bzhin du cho ga thams cad byas la yod par re ba'i gnas su de bzhin du rdo rje'i gzugs bris la nam mkhar yongs bsgom par byas nas/ gang du ltung bar mthong ba der/ /gter yod par ni rnam par bshad/ /blo ldan mi yi rdo rje'i dbyibs/ /zhes bya ba la sogs pa la/ de bzhin du rang gi lha'i rnal 'byor byas la/ rang gi lce la yi ge ba gur kum gyi mdog can de'i steng du sh+rI mdog ser po las rdo rje bsam par bya'o/ /de nas snga ma bzhin du bsgoms pa dang bsgrub pa byas la gang du yod par re ba der song ste/ de bzhin du bden pa'i tshig byas nas/ blo ldan mi yis rdo rje'i dbyibs/ /lce yi steng du bsgoms na ni/ /'di na yod ces bdag nyid kyis/ /bden pa nyid du smra bar 'gyur/ /zhes pas byin gyis brlabs pa'i lces rtog pa med pa'i tshul gyis smra bar byed do/ /bdag gi lus ni thams cad la zhes bya ba la sogs pa la/ de bzhin du bdag la byin gyis brlabs pa la sogs pa byas nas/ yi ge a mdog ser po las sna tshogs rdo rjer bdag nyid bsam la bsgom pa de byas nas bsgrub par bya ba'i gter gyi gnas su bden pa'i byin gyi brlab byas te/ yang de bzhin du bsgoms la gang gi tshe/ babs bar gyur nas gang gnas pa/ /gter ni de na yod par bshad ces bya'o/ /de nas dang por brkos la de'i rjes la blangs nas su yang bgegs byed par mi 'gyur ro/ /zhes bcom ldan 'das kyis gsungs so/ /de nas rdo rje rdzu 'phrul te/ sems kyi 'byor pa nyid gang yin pa'o/ /de'i dngos grub ste de nyid grub pa'o/ /de'i phyag rgya ni 'og nas bshad pa'i rdo rje dbab pa zhes bya ba la sogs pa'o/ /de'i ye shes ni nges pa ste/ de bslab par bya ste/ zhes bya ba ni bstan par bya ba ste/ rang gi lha'i rnal 'byor byas nas rdo rje phra mo bsgom pa zla ba gnyis kyi bar du bya'o/ /de nas spros pa dang bsdu ba'i sbyor ba zla ba gcig gi bar du bsgoms nas brtan par gyur pa dang/ mtshan thog thag rdo rje phra mo spro ba'i sbyor ba bsgom par bya'o/ /de nas rdo rje phra mo spro ba'i sbyor bas/ chu rdo rje phra mo'i rang bzhin du ji srid mngon sum du mthong bar 'gyur ba de srid kyi bar du bsgom par bya'o// de nas rdo rje'i tshig gis badzra dza la zhes zlos shing chu'i steng du bcag par bya'o/ /de ltar dbab par byas nas kyang zhes bya ba ni de bzhin du rang gi lha'i rnal 'byor sngon du 'gro bas/ rdo rje phra mo bsgom par byas nas des de 'du kho/ /gang gi gzugs su bdag gi lus zhes bya ba ni/ 'dul ba'i dbang gis lha gang dang gang gi gzugs su bdag nyid ston par 'dod pa dang/ de dang de nyid du rang gi lus bsgom zhing badzra rU pa zhes bzlas nas sangs rgyas kyi skur yang bdag nyid kyis rang mthong zhing gzhan rnams la yang ston nus par ro/ /de ltar bdag la phan nas kyang zhes bya ba ni/ rang gi lha'i rnal 'byor byas nas de bzhin du rdo rje phra mo bsgom pa rdzogs par byas la/ bdag ni nam mkha' 'o zhes rang gi bdag nyid bsgoms te/ badzra A ka sha zhes bzlas shing bsgoms na ji srid 'dod pa de srid kyi bar du mi snang bar 'gyur ro/ /rdo rje dbab pa bdag gyur nas zhes bya ba ni snga ma bzhin du rdo rje phra mo bsgom pa byas la zhes bya ba'i tha tshig go /rdo rje yin par bdag bsgoms na zhes bya ba ni bdag nyid rdo rje rtse lnga pa'i gzugs su bsam pa'o/ /gnas nas ji srid 'dzeg 'dod pa/ /de srid mkha' la 'gro bar 'gyur/ zhes bya ba ni rang gi gnas nas brtsams te ri rab kyi rtse mo'i bar du rdo rje'i skas kyis phreng bas khyab par bsams la/ badzra ma haM zhes zlos shing ched du bsams pa'i skas kyis phreng ba nas ji tsam mngon par 'dod pa'i gnas su 'gro bar bya'o/ /de yang rdo rje'i skas ni nam mkha' la/ bsgoms te mngon par 'dzegs na ni/ ji srid du yang 'dzeg pa'i gnas/ de srid nam mkha' 'gyur ba yin zhes gsungs pa yin no/ /rdo rje rigs 'dzin gyi zhes bya ba la sogs pa la/ rdo rjes nye bar mtshan pa'i rig pa 'dzin pa ni/ rdo rje rigs 'dzin pa'o de'i dngos grub ni rdo rje rig pa 'dzin pa'i dngos grub ste/ de nyid grub pa'o/ /de'i phyag rgya ni zla ba'i dbyibs shig bris nas ni/ steng gi mkha' la 'phags byas te/ zhes bya ba la sogs pa'o/ /de'i ye shes ni nges pa ste de bslab par bya'o/ /zla ba'i dbyibs shig bris nas ni/ zhes bya ba la sogs pa la/ rang gi lha'i rnal 'byor byas nas/ badzra d+hA ra zhes brjod de/ bdag nyid rdo rje sems dpa' i sku zla ba'i dkyil 'khor la gnas par bsam la/ de nyid zlos shing zla ba gcig gam zla ba drug gam/ lo gcig gi bar du bsgom par bya'o/ /de nas mtshan ma thor ba dang mtshan thog thag bsgoms na/ rdo rje'i rig pa 'dzin par 'gyur ro/ /rdo rje rin chen rab bsgoms na zhes bya ba ni rang gi lha'i rnal 'byor byas nas/ ratna d+ha ra zhes bzlos shing bdag nyid nam mkha' i snying po/ zla ba'i dkyil 'khor la gnas pa/ rdo rje rin chen 'dzin pa/ bsgom par bya'o/ /bdag nyid dag pa ji srid 'dod ces bya ba ni/ bsgom pa 'dis gang gi tshe nam mkha' i snying po'i gzugs su bdag nyid nyin re zhing mthong bar gyur pa de'i tshe/ dag pa'i bdag nyid can du 'gyur ro/ /de nam mkha' la 'gro ba'i bsam pas mtshan thog thag bsgom par bya'o/ /de nas de'i mod la nam mkha' i spyod yul ji srid 'gro bar 'dod pa de srid kyi bar du nam mkha' la 'gro ba'i rin po che'i rig pa 'dzin par 'gyur ro/ /rdo rje pad+ma lag gnas par zhes bya ba ni rang gi lha'i sbyor ba byas la/ d+harmma d+ha ra zhes brjod de bdag nyid rdo rje chos kyi sku zla ba'i dkyil 'khor la gnas par bsam par bya'o/ /de nas de bzhin du de nyid bsgom par bya'o/ /de nas mtshan ma byung ba dang/ mtshan thog thag bsgoms nas chos kyi rigs pa 'dzin par 'gyur ro zhes bya ba lhag ma'o/ /bsgoms na rdo rje spyan gyis ni zhes bya bar sbyar te/ gang gi phyir bsgoms na rdo rje spyan zhes pa rdo rje chos kyis so/ /rigs 'dzin go 'phang sbyin par byed/ ces bya ba ni rig pa 'dzin pa'i go 'phang pad+ma'i rig pa 'dzin pa'i dngos grub sbyin par byed ces bya ba'i don te/ de bsgoms pas go 'phang de thob pa la de sbyin par byed do zhes bshad do/ /las kyi rdo rje bsgoms nas ni/ zhes bya ba ni de bzhin du rang gi lha'i rnal 'byor byas nas karmma d+ha ra zhes brjod de bdag nyid rdo rje las sna tshogs rdo rje bsnams pa'i rdo rje las kyi skur bdag nyid bsam par bya zhing de bzhin du bdag nyid bsgom par bya'o/ /de nas mtshan thog thag bsgom par bya'o/ /rdo rje sna tshogs 'dzin pa la/ rigs 'dzin kun tu myur du 'gyur zhes bya ba ni de ltar bdag nyid sngar bshad pa'i tshul gyis bsgoms na/ rdo rje sna tshogs 'dzin pa ste/ rdo rje las kyi rigs 'dzin kun tu myur tu 'gyur zhes bya ba sna tshogs rdo rje 'dzin pa'i rig pa 'dzin par de'i mod kho na la 'gyur ro/ /zhes bya ba'i tha tshig go / de bzhin gshegs pa thams cad kyi zhes bya ba la sogs pa la/ de bzhin gshegs pa thams cad kyi dngos grub dam pa de bsgrub par bya ba'i phyir/ /phyag rgya ni rdo rje kun gyi ting nge 'dzin la sogs pa de'i ye shes bslab par bya'o/ /rdo rje kun gyi ting nge 'dzin zhes bya ba la rdo rje kun ni rtse mo bcu gnyis pa'i sna tshogs rdo rje ste des nye bar mtshon pa'i byang chub sems dpa' sems dpa' chen po las ni rdo rje kun te/ de la dmigs pa'i ting nge 'dzin ni rdo rje kun gyi ting nge 'dzin ta/ /nam mkha' i dbyings su bsams nas ni/ zhes bya ba ni 'dod pa'i lha'i rnal 'byor byas nas/ badzra badzra zhes zlos shing/ byang chub sems dpa' chen po rdo rje las kyi sku zla ba'i dkyil 'khor la gnas par bdag nyid bsam par bya'o/ /de nas ji srid brtan par ma gyur gyi bar du bsgom par bya'o/ de nas ni spros par bya ste brten par gyur nas spro bar bya/ brtan par ma gyur spro mi bya/ zhes gsungs pa'i phyir ro/ /bsgom pa nye bar bsdu ba'i dus su yang yid nyid kyis gzhug par bya'o/ /de ltar ji srid mngon sum du mthong bar gyur pa de srid kyi bde du bsgoms par bya'o/ /de nas mtshan thog thag bsgom par bya ste/ bsgoms na 'grub par 'gyur zhes gsungs pa yin no/ /rdo rje'i bdag nyid ji srid 'dod/ /de srid par du lding bar 'gyur/ zhes bya ba ni thams cad du 'gro ba'i sna tshogs rdo rje'i ting nge 'dzin thob pas/ /rdo rje'i bdag nyid ces bya ba byang chub sems dpa' rdo rje las kyi skur gyur nas nam mkha' i spyod yul ji srid 'gro bar 'dod pa'i de srid kyi nam mkha' i khams thams cad du 'gro bar 'gyur ro/ /thams cad dag pa ni rdo rjes so/ /de la dmigs pa'i ting nge 'dzin ni thams cad dag pa'i ting nge 'dzin te/ de bsgoms shing bslabs na bla na med cing mchog tu gyur pa'i mngon par shes pa lnga myur zhing rings par thob par 'gyur ro/ /su zhig gis thob ce na/ ye shes bsgrubs pa ste/ rdo rje chos sgrub pa pas so/ /'di skad ston te/ rang gi lha'i rnal 'byor byas nas/ shud+d+ha shud+d+ha zhes rdo rje'i tshig gis zlos shing/ rdo rje chos su bdag nyid ji srid mtshan ma thob pa de srid kyi bar du bsgom mo/ /de nas mtshan thog thag bsgoms na 'jig rten dbang phyug ltar mngon par shes pa lnga thob par 'gyur ro/ /rdo rje sems dpa' 'dra bar ni/ zhes bya ba la sogs pa la/ rang gi lha'i rnal 'byor byas nas satwa satwa zhes zlos shing/ /rdo rje sems dpa' i skur bdag nyid bsam par bya'o/ /de nas ji srid bdag nyid de'i skur mthong ba de srid kyi bar du bsgom par bya'o/ /de nas rdo rje sems dpa' dang 'dra bar nam mkha' thams cad dran par bya'o/ /yang dag par spro ba bsgoms pas cing 'gyur zhe na bdag nyid dran pa brtan ldan zhing/ /rdo rje 'dzin par myur du 'gyur/ zhes gsungs so/ /'di skad ston te/ gang gi tshe bsgom pa'i stobs kyis phyogs bcu'i nam mkha' rdo rje sems dpas mtshams med par yongs su gang ba nyid du mthong ba de'i tshe dran pa brtan pa dang ldan par 'gyur ba yin no/ /de nas mtshan thog thag bsgoms pas rdo rje 'dzin par myur ba nyid du 'gyur ro/ /nam mkha' i dbyings ni zhes bya ba la sogs pa la/ sangs rgyas gzugs su bsams nas ni/ zhes bya ba ni rnams par snang mdzad la sogs pa de bzhin gshegs pa bsgrub par 'dod pas/ rang gi 'dod pa'i lha'i rnal 'byor byas nas/ bud+d+ha bu d+d+ha zhes zlos shing rnam par snang mdzad la sogs pa de bzhin gshegs pa'i skur bdag nyid bsam mo/ /de nas ji srid sku nger bdag nyid rgyun mi 'chad ba kho na mthong bar gyur pa de srid kyi bar du bsgoms par bya'o/ /de nas sangs rgyas kyi gzugs su de sangs rgyas kyi sku'i rang bzhin du phyogs bcu'i nam mkha' i khams rnams su khams gsum thams cad lhag par mos pas bsgom par bya'o/ /de ltar rnam par bsgoms pas sgrub pa po de cir 'gyur zhe na/ sangs rgyas kun gyi ting nge 'dzin las sangs rgyas nyid du 'grub par 'gyur zhes bya ba gsungs so/ / de la sangs rgyas thams cad kyi rnam par sems rtse gcig pa ni sangs rgyas kun gyi ting nge 'dzin to/ /ni zhes bya ba ni nges par gzung ba 'am/ /tha mi dad pa'i rim pa ste sangs rgyas nyid du 'grub par 'gyur ba'o/ /de nas gsang ba 'dzin nus par bshad de/ zhes bya ba ni rang nyid rdo rje sems dpa' la sogs pa'i sbyor bas rdo rje sems ma la sogs pa rigs kyi dam tshig gi rdo rje'i phyag rgya bzhi po 'am/ rang gi mtshan ma'i phyag rgya mdun du bzhag la/ de zla ba'i dkyil 'khor gyi steng du bsams nas bsdu ba'i phyag rgyas spyan drangs te mtshan rgya rtsa brgyad pas bstod la/ lcags kyu la sogs pas dgug pa dang/ gzhug pa dang/ bcing ba dang/ dbang du byas nas/ dam tshig rgyas rab tu bsgrub ste/ chos dang/ las dang phyag rgya chen pos rgyas btab nas/ dbang bskur ba'i phyag rgya rnams kyis dbang bskur ba la mchod pa brgyad kyis yang dag par mchod la/ ji srid mngon sum bzhin du rgyun mi 'chad par mthong bar gyur pa de srid kyi bar du bsgoms par bya'o/ /mnyam par bzhag pa'i gnas skabs 'di ni 'dir gsang ba'i sgrar bshad de/ rang gi phyag rgya lha mor gyur ba de la bltas la log nas bshad pa'i tshul gyis/ de dang lhan cig tu gyur par lhag par mos par gyur ba ni/ gsang bar gyur pa yin pas gsang ba'o/ /de lta bu'i gsang bar gyur pas sangs rgyas kyi byang chub sgrub par gyur ba de/ gsang thub cing mi smra ba'i tshul dang bsgom pa'i sbyor bas 'dzin par byed la/ gal te sems can dam pa yang dag pa'i don du gter bar gyur nas de'i tshe de la ji nas kyang gsang thub par bya ba'i sbyor bas byin par bya'o/ /de yang ji ltar sbyin par bya zhe na ma gus pa yongs su spang bar bya ba'i phyir de re zhig mna''dor bar byed du bcug la de nas bshad par bya ste/ gang gi phyir sbyor ba 'dis ni 'dod chags can rnams nges pa nyid du sangs rgyas nyid du bsgrub bar byed pa yin no/ /snying ga kun tu gnas pa ni zhes bya ba ni sngar bshad pa'i tshul gyis so/ /de nas gsang ba'i phyag rgya'i ye shes bslab par bya'o zhes bya ba la gsang ba ni bshad zin to/ /de nyid rnal 'byor gyi rgyud las rgyas 'bebs pas na phyag rgya'o/ /de'i ye shes ni de la nges pa ste/ de bslab par bya zhing bstan par bya'o/ /rdo rje dbab pa bskyed nas ni/ zhes bya ba ni ji skad du bshad pa'i gsang ba'i sbyor ba bskyed pa ni 'dir rdo rje dbab pa ste/ de bskyed la mdun du rang gi phyag rgya'i lha mo 'am sems dpa' rdo rje ma la sogs pa rigs kyi lha mo'i phyag rgya de/ rnal 'byor gyi stobs kyis rgyun mi chad par bsam mo/ /gang gi phyir mnyam par bzhag pas rdo rje thal mo'i ngos ni sa la brdabs nas/ zhes bya ba gsungs te/ mnyam par bzhag pa nyid kyis 'di las gzhan du ma yin te de yang 'di ltar yin par gyur gyi/ sems g.yengs shing mnyam par ma bzhag pa ni ma yin no/ /gang gis thal mo brdab ce na/ rdo rje thal mo ngos kyis zhes bya ba gsungs te/ rdo rje thal mo'i mtshan nyid ni 'og nas 'chad de de bcings la de'i lag mthil gi nang gi ngos kyi thal mo brdab po/ /dal zhes bya ba ni ngos de nyid kyi khyad par mi 'dra ba ston pa yin no/ /'di skad ston te rdo rje thal mo bcings la de'i lag pa'i ngos gnyis nas yang dang yang du dal gyis brdab par bya'o/ /ri bo yang ni dbang du 'gyur zhes bya ba ni/ thal mo'i ngos kyi sbyor ba 'dis sems med pa'i ri bo yang dbang du 'gyur zhing sgrub pa po'i dbang du byed na/ gzhan lta ci zhig smos pa 'am/ gal te sgrub pa po sems dang ldan pas ri bo yang sems dang bcas pa ltar 'gyur zhing/ /de yang sgrub pa po ci dgar dbang du byed par 'gyur na sems dang ldan pa lta smos kyang ci dgos zhes phul du byung bar gsungs pa yin no/ /rdo rje dbab pa'i cho ga yis zhes bya ba ni snga ma bzhin no/ /rdo rje bsdams pa'i ngos kyis ni/ zhes bya ba ni rdo rje bsgoms pa bcings la de bzhin du lag mthil gyi ngos gnyis phan tshun dal gyi dal gyi yang dang yang du brdab par bya'o/ /de yang gang gi phyir/ dal gyis brdab pa'i sbyor ba yis zhes gsungs pa yi mo? ngo bo yang ni kun nas 'bebs zhes bya ba ni/ sgrub pa pos 'bebs pa'i sbyor ba 'di rab tu sbyor na/ bsgrub par bya ba'i lus la sems med pa'i ri bo yang kun nas 'bebs shing rab tu 'jug par byed na/ sems dang ldan pa'i de bzhin gshegs pa la sogs pa lta smos kyang ci dgos zhes bya ba tha tshig go / de bzhin dbab pa'i cho ga yis/ zhes bya ba ni snga ma bzhin du mtshan ma thob par gyur pas so/ /rdo rje bsdams pa brkyang nas ni zhes bya ba ni rdo rje bsdams pa bcing la brkyang ba'o/ /de gang zhig ce na/ sor mo'i rtse mo ste mdzub mo gnyis so/ /mnyam brdabs na/ zhes bya ba ni de nyid yang dag par brdabs pa ni mnyam par dral te mnyam par brdabs pa ste/ mnyam par brdabs pa des/ rigs brgya yud kyi bslab par 'gyur zhes bya ba ni/ 'dod chags dang zhe? bya? ??gti mug dang/ nga rgyal dang/ ma rig pa dang/ lta ba dang/ the tshom la sogs pa nyon mongs dang nye ba'i nyon mongs pa skyes pa rnams rang bzhin gyis/ rnam par dag par lhag par mos pas/ sor mo'i rtse mo gnyis brdabs pas gzhom par bya'o zhes bya ba'i don to/ /sra mo dbab pa'i cho ga byas zhes bya bar snga ma bzhin no/ /sor mo thams cad mnyam gzhag cing zhes bya ba ni rdo rje bsdams pa bcing la sor mo thams cad brkyang nas thal mo sbyar ba'i tshul gyis mnyam por bzhag pa ste/ de ltar na sor mo thams cad mnyam por bzhag par 'gyur te/ de yang chos thams cad rang bzhin gyis 'od gsal bar ston par byed pa yin no/ /de'i phyir rdo rje bsdams pas bkrol ba ni/ sdug bsngal thams cad sel ba'i mchog ces gsung ba yin no/ /gang gi tshe chos thams cad rang bzhin gyis gsal bar bsgoms pas sor mo thams cad mnyam par 'jog pa de'i tshe sgrib pa med pa'i ye shes skye zhing bde ba dang/ yid bde ba thams cad thab pas sdug bsngal thams cad zhi bar 'gyur ba yin no/ /de nas de dag gi gsang ba'i sgrub pa 'di yin te zhes bya ba ni 'dis gang de ba'i phyag rgya 'di dag bsgrubs pas na sgrub pa'o /gsang ba yang yin la bsgrub pa yang yin pas gsang ba'o bsgrub pa ste/ lha mo'i lus su rdo rje sems dpa' la sogs pa'i gzugs kyis yid kyis zhugs la/ de'i lus thams cad khyab pa 'di ni gsang ba'i sgrub pa'o/ /'di yin te zhes bya ba ni/ de ston par brtsom pa'i/ /dud med dam zhes bya ba la sogs pa la/ bu ga'i nang nas 'jug par bya/ zhes bya ba ni lus kyi bu ga ste/ mtshan ma'i bu ga'i nang nas 'jug par bya'o/ /gang gi lus kyi zhe na/ bud med dam ni skyes pa yi/ zhes bya ba gsungs so/ /yid kyis de ltar zhugs nas kyang/ nga yi lus kun khyab par spra/ zhes bya ba ni/ yid kyis zhes bya ba sems kyis sgom pa'i stobs kyis skyes pa 'am bud med de'i lus su zhugs nas kun zhes bya ba ma lus par khyab par spro zhing thams cad du khyab par bya'o/ /'di skad ston te/ dpal rdo rje sems dpa' la sogs pa'i rnal 'byor byas nas/ sems ma rdo rje ma la sogs pa'i phyag rgya mdun du zla ba'i dkyil 'khor gyi steng du yid kyis bsam la/ de'i rigs pa'i lha mo'i gzugs su bsams nas/ bsdu ba la sogs pa byas la/ satwa? badzri zhes bya ba la sogs pa rdo rje tshig gis zlos shing/ ji srid mngon sum du mthong bar gyur pa de srid kyi bar du nyin re zhing bsgom par bya'o/ /de nas zla ba nya la rdo rje sems dpa' la sogs pa rang lha'i rnal 'byor byas nas/ de bzhin du ge? mdun du bzhug pa ste/ mchod pa thams cad kyis yang dag par mchod la/ badzra pA sha hordo rje nyal ma'i ngos kyi dal bus gdab par bya'o/ /de nas de'i dbang du 'gyur ro/ /yang rdo rje sems dpa' la sogs pa'i rnal 'byor byas nas/ de'i mdun du 'dug la/ badzra A be sha a zhes zlos shing/ de bzhin du de'i lus su 'jug par bya'o/ /de bas de'i snying gar gnas la lus thams cad khyab par byas nas/ badzra A be sha A zhes blos shing dal gyis brdab pa'i sbyor bas rdo rje bsdams pa'i ngos kyi brdab par bya ste/ 'dis lha'i ye shes pa skye bar 'gyur ro/ /de nas sgrib pa rnams zad par bya ba'i phyir yang de'i mdun du dpal rdo rje sems dpa' la sogs pa'i rnal 'byor gyis 'dug la/ badzra ha na hUM zhes zlos shing dal yang de'i lus la de bzhin du 'jug par bya'o/ /de nas de'i snying gar gnas la lus thams cad khyab par byas nas/ badzra ha na hUM zlos shing rdo rje bsdams pa brkyang nas sor mo'i mnyam par brdabs pas rigs brgya yud kyi brlag par 'gyur ro/ /'dir chos thams cad ni rang bzhin gyis rnam par dag pa'o zhes lhag par mos pas/ 'dod chags la sogs pa'i rigs brgya yud kyis brlag cing bcom par 'gyur ro/ /yang de'i mdun du dpal rdo rje sems dpa' la sogs pa'i rnal 'byor gyis 'dug la/ rang bzhin gyi 'od gsal ba'i ye shes dbab pas sdug bsngal thams cad gsal bar bya ba'i phyir/ badzra ha ra hUM zhes zlos shing de bzhin du zhugs la/ de'i snying gar gnas nas lus thams cad khyab par byas la/ badzra ha ra hoM zhes brjod de/ sor mo thams cad mnyam par bzhag pa'i rdo rje bsdams pa dkrol bar bya'o/ /de nas rdo rje sems dpa' la sogs pa'i phyag rgya chen po bcings la sems ma la sogs pa dang/ bdag nyid gcig tu gyur par byas nas/ satwa badzri zhes bya ba la sogs pa mtshan thog thag zlos shing/ ji srid de'i gzugs su bdag nyid mngon sum du mthong bar gyur pa de srid kyi bar du bsgom par bya'o/ /de nas skad cig ma de nyid la dpal rdo rje sems dpa' la sogs pa'i dngos grub 'grub par 'gyur ro/ /'dis ni gang gi tshe gsang ba'i lha mo rtogs par gyur pa/ de'i rigs kyi lha mo yin no zhes don 'dis ston to/ yang gang gi tshe bsgrub par bya ba rnam par snang mdzad la sogs pa lha mo yin par gyur na/ sems brtags pa nas brtsams nas ni/ rdo rje dbyings zhes rjod byed cing/ zhes bya ba la sogs pas/ rnam par snang mdzad la sogs pa'i rnal 'byor byas nas/ ji srid rgyud phyi ma las gsungs pa'i mtshan ma thob par gyur pa de srid kyi bar du bsgom par bya'o/ /de nas rdo rje dbyings kyi dkyil 'khor chen po nyid kyi lta ba bzhin du mdun du bzhag la mchod pa thams cad kyi yang dag par mchod de/ zla ba nya la nyi ma nub pa'i dus su rdo rje dbyings kyi dbang phyug ma'i phyag rgya chen po bcings la/ badzra pA sha hordo rje dbyings kyi dbang phyug ma'i skur bdag nyid bsgom par bya'o/ /de nas tshul de nyid kyis mi bskyod pa'i thugs kar nas phyung la sngar bshad pa'i dbang du bya ba'i phyag rgya bcings te badzra pA sha hopar snang mdzad kyi sku la zhugs la/ rnam par snang mdzad kyi thugs kar gnas te tshul de nyid kyis rnam par snang mdzad kyi sku thams cad khyab par byas nas/ chu dang 'o ma ltar gcig tu gyur par bsam par bya'o/ /de nas yid kyi rin chen 'byung ldan gyi thugs kar rdo rje dbyings kyi dbang phyug ma'i gzugs kyi gnas la de bzhin du de'i thugs ka nas phyung ste badzra A be sha a zhes zlos shing de bzhin du rnam par snang mdzad kyi sku la 'jug par bya'o/ /de nas rnam par snang mdzad kyi thugs kar gnas la/ de bzhin du de'i sku thams cad khyab par byas nas/ snga ma bzhin dbab pa'i phyag rgya bcings te/ badzra A be sha zhes bzlas par bya'o/ /yang yid kyi 'od dpag tu med pa'i thugs kar rdo rje dbyings kyi dbang phyug ma'i gzugs kyis gnas la/ de bzhin du de'i thugs ka nas phyung ste/ badzra ha na hUM zhes zlos shing/ de bzhin du rnam par snang mdzad kyi sku la zhugs te de'i thugs kar gnas la/ de'i sku thams cad la khyab par byas nas sngar bshad pa'i rigs brgya brlag par byed pa'i phyag rgya bcings la/ badzra ha na hUM zhes brjod par bya'o/ /yang yid kyis don yod par grub pa'i thugs kar rdo rje dbyings kyi dbang phyug ma'i gzugs kyi gnas la/ de bzhin du de'i thugs ka nas phyung ste/ badzra ha ra haM zhes zlos shing snga ma bzhin du rnam par snang mdzad kyi sku la zhugs te de'i thugs kar gnas la/ de sku thams cad khyab pa byas nas/ sngar bshad pa'i sdug bsngal thams cad sel ba'i phyag rgya bcings la/ badzra ha ra hoM zhes yang bzlas brjod bya'o/ /de ltar myong ba 'di dag gi sangs rgyas kyi byang chub dbang du byas la/ byang chub mcho gi phyag rgya bcings las/ badzra d+hA tu zhes zlos shing thog thag bdag nyid rnam par snang mdzad du bsgoms na nang par de bzhin gshegs par nges par 'gyur ro/ /rnam par snang mdzad chen po bsgrub pa la dbang du bya bar bshad par de bzhin du mi bskyod pa la sogs pa nas rdo rje 'bebs pa'i bar gyi lha mo sgrub pa thams cad rang gi phyag rgya'i lha mos shes par bya'o/ /gsang ba'i phyag rgya bzhi'i sgrub pa'o/ /de nas snying po byin pa zhes bya ba ni dbang bskur nas khyod don gyi dngos grub la sogs pa'i nang nas gang 'dod ces dris la gang zhig gang mngon par 'dod pa de de la bstan nas/ don gyi dngos grub la sogs pa bsgrub pa'i phyir/ de'i snying po dang/ sgrub pa po'i ma tog lha'i sku gang la rab? pa de'i snying po sbyin na/ /gang yang rdo rje sems dpa' la sogs pa nyid 'dod kyi/ de ni dngos grub la sogs pa ma yin pa de la ni badzra satwa zhes bya ba la sogs pa'i snying po sbyin par bya'o/ /'dis ni 'di skad ston pa yin te/ gang don gyi dngos grub la sogs pa sgrub par 'dod pa de la snying po gnyis sbyin par bya'o/ /yang gar zhig dpal rdo rje sems dpa' la sogs pa'i phyag rgya chen po 'am/ dam tshig dar las kyi phyag rgya sgrub pa 'dod pa de la badzra satwa zhes bya ba la sogs pa rang gi lha'i snying po nyid sbyin no/ /gang zhig chos kyi phyag rgya sgrub par 'dod pa de la chos kyi phyag rgya 'ba' zhig sbyin par bya'o/ /snying po byin la ci zhig bya zhe na/ rang gi rigs kyi lha'i phyag rgya bzhi'i ye shes bslab par bya'o/ zhes bya ba gsungs te rang gi yang yin la rigs kyi yang yin pas na rang gi rigs te/ gang gi me tog rigs gang du bab pa de/ de bzhin gshegs pa dang/ rdo rje dang/ pad+ma dang/ nor bu'i rigs kyi dbye bas rnam pa bzhi ste/ 'dis ni rigs thams cad kyi thun mong gyi cho ga ston to/ /de la rang rigs kyi lha de bzhin gshegs pa la sogs pa'i phyag rgya bzhi ni/ phyag rgya chen po dang/ dam tshig dang/ chos dang/ las kyi phyag rgya ste/ rnam pa bzhi'o/ de rnams kyi ye shes ni phyag rgya chen po la sogs pa'i nges pa ste/ de bslab par bya zhing nye bar bstan par bya'o/ /'dis kyang 'di skad ston pa yin te/ sgrub pa thams cad la rang gi lha'i sku la mdun du phyag rgya bzhis rgyas gdab par bya'o/ /phyag rgya 'di la mi mkhas pa/ zhes bya pa ni phyag rgya chen po la sogs pa phyag rgya bzhi po 'di dag la mi mkhas shing mi shes pa de la'o/ /gzhan yang rung ba la zhes bya ba ni gang rdo rje dbyings kyi dkyil 'khor chen por m bzhugs pa de ni gzhan te/ de ltar na gzhan pa nyid dang mi mkhas shing mi shes pa de la'o/ /phyag rgya gang yang rung bar bstan par ma byed/ ces bya ba ni dam tshig mi shes shing dkyil 'khor du ma zhugs pa la phyag rgya rnam pa bzhi spyir bsdus pa'i phyag rgya bstan par mi bya bar ma zad kyi/ tha na gcig tsam yang bstan par mi bya'o/ zhes gang yang rung ba'i sgras ston to/ /ci'i phyir phyag rgya gang yang rung ba gcig kyang bstan par mi bya zhe na/ de ni 'di ltar bya ba la sogs pa gsungs te/ 'di ni rgyu gsungs pa yin no/ /dkyil 'khor chen po mthong ba zhes bya ba ni dam tshig mi shes pa'o/ /phyag rgya ba cing ba byas na/ zhes bya ba ni phyag rgya chen po la sogs pa'i phyag rgya chen po la sogs pa grub par bya ba'i phyir/ phyag rgya chen po la sogs pa 'ching ba la rab tu sbyor bar byed pa'o/ /de'i che de dag de ltar grub par mi 'gyur ro/ /zhes bya ba ni phyag rgya chen po la sogs pa las kyi dngos grub gsungs pa gang yin pa de la rab tu sbyar tu zin kyang de rnams kyis dkyil 'khor chen po ma mthong ba'i phyir de de la 'grub par mi 'gyur ro/ /de nas de dag the tshom du gyur to/ /zhes bya ba ni da nas phyag rgya bcing ba la sbyor ba de rnams 'bras bu thob par ma gyur pas the tshom du gyur te/ ji 'di de bzhin gshegs pas gsungs pa ma yin nam snyam dur yid gnyis kyis sems su 'gyur ro/ /gcod pa ma spangs pa zhes bya ba la gnod pa ni bcom ldan 'das kyi bka' las 'das pa'o/ /bka' de yang 'di yin te/ dkyil 'khor chen po ma mthong bas phyag rgya gang yang rung ba gcig tsam yang bcing bar mi bya zhing rab tu sbyar bar mi bya'o zhes bya ba 'di ma spangs pa ni gnod pa ma spangs pa'o/ /yang na de bzhin gshegs pa'i gsung la som nyir gyur pa ni gnod pa ste/ de ma spangs pa ni gnod pa ma spangs pa'o/ /gnod pa ma spangs pa des na myur ba nyid du dus byas nas zhes bya ba gang tshe lo brgya thub par gnas pa'i las yod pa de yang phyag rgyas bcings pa'i dus su de nyid du 'am/ tshe yongs su ma rdzogs par myur ba nyid du dus byed par 'gyur ro/ /dus byed pa'i bya ba byas nas kyang/ dmyal ba chen po mnar med par ltung bar 'gyur te/ dam pa'i chos spong ba'i las byas pa'i phyir zhes bya bar dgongs so/ /khyod nyid kyang ngan song du 'gro bar 'gyur ro zhes bya ba ni/ de'i bka' las 'das pa dang/ sems can bslus pa'i phyir ro/ /de nas de bzhin gshegs pa thams cad kyi zhes bya ba la sogs pa la de nas zhes bya ba'i sgra ni de ma thag pa'o/ /de bzhin gshegs pa thams cad kyang yin la sems dpa' yang yin pas na de bzhin gshegs pa thams cad kyi sems dpa' ste/ /de bzhin gshegs pa rnams dang/ rdo rje sems dpa' la sogs pa nas rdo rje 'bebs pa'i bar gyi sems dpa' rnams so/ /de rnams kyi bsgrub pa ni phyag rgya chen po yin pa de de rnams kyi sku'i phyag rgya la de bzhin gshegs pa thams cad kyi sems dpa' bsgrub pa'i phyag rgya chen po'o zhes bya'o/ /de'i ye shes ni nges pa ste bshad par bya'o/ /sems rtogs pa nas brtsams nas ni/ zhes bya ba ni rdo rje thal mo dang rdo rje bsdams pa bcings la rdo rje bsdams pa'i snying gar dral bar bya'o/ /de nas rdo rje dbab pa bskyed la brtan par byas nas rdo rje skyil mo krung bcas par rdo rje bsdams pa bkan te skyil mo krung la bzhag la/ rang gi snying gar rdo rje rtse lnga pa bsams la/ bsam gtan dang gzugs med pa'i snyoms par 'jug par mngon du byas nas/ yid kyi rang bzhin gyi lus kyi srid pa tha ma pa'i byang chub sems dpa' chen po don thams cad 'grub pa'i sku dar dpyangs dang cod pan gyis dbang bskur ba thob pa 'og min gyi gnas byang chub kyi snying po seng ge'i gdan la bdag nyid bzhugs par bsams par bya'o/ /de nas rnam par snang mdzad dang/ mi bskyod pa la sogs pa'i phyag rgya ji lta ba bzhin du bcing ba'i sbyor bas/ aoM tsit+ta pra ti be d+haM ka ro mi zhes bya ba nas brtsams te/ ya thA sarbba ta thA ga ta tha a haM zhes bya ba'i bar gyis mngon par rdzogs par sangs rgyas la/ de ltar mngon par rdzogs par sangs rgyas nas/ dzapa lnga po mdza' yas pa lus la bcug ste/ bdag la byin gyis brlab pa la sogs pa byas nas/ rdo rje nyi ma bsgom par bya/ /zhes bya ba rdo rje nyi ma'i 'od kyi nye bar mtshon pa ni bcom ldan 'das de bzhin gshegs pa rdo rje nyi ma ste/ rdo rje nyi ma bsgom par bya'o/ /de nyid bstan pa ni sangs rgyas gzugs su bdag sgyur la/ zhes bya ba yin no/ /de'i don 'di ston te/ rdo rje nyi ma'i 'od kyis dkyil 'khor gyis nye bar mtshan pa'i sangs rgyas kyi gzugs su zhes bya ba/ rnam par snang mdzad la sogs pa'i de bzhin gshegs pa'i skur bsgom par bya'o/ /de ltar bsgom pa ni rang nyid dam mdun du bya ba yang srid pas/ de las dgar bar bya ba'i phyir bdag sgyur la zhes bya ba gsungs so/ /ci zhig zlos shing bsgom par bya zhe na/ rdo rje dbyings zhes brjod cing zhes bya ba gsungs te/ de bzhin gshegs pa lnga'i spyi'i snying po badzra d+hA tu zhes bya ba rjod par byed cing yongs su zlos bzhin du'o/ 'di skad ston te/ bdag la byin gyis brlab pa la sogs pa thams cad byas nas/ byang chub mchog tu dang/ sa gnon gyi phyag rgya dang/ mchog sbyin dang ting nge 'dzin mchog dang/ mi 'jigs pa la sogs pa'i phyag rgya bcings la/ rnam par snang mdzad la sogs pa'i skur bdag nyid bsgom par bya'o/ /'di yis zhes bya ba ni rnam par snang mdzad la sogs pa'i phyag rgya chen pos so/ /grub ma thag tu ni zhes bya ba ni de'i skur bskyed cing grub pa tsam gyis so/ /ye shes ni dus gsum la bsgrib pa med cing thags pa med pa'o/ /tshe 'di de bzhin gshegs pa ltar phyi ni mthar thug pa med par 'tsho ba'o stobs ni lus stobs dang/ gnas dang gnas ma yin pa mkhyen pa'i stobs bcu la sogs pa'o/ /na tshod ni lo bcu drug pa'i cha lugs can gyi gzugs te/ de dag thams cad thob par 'gyur ro/ /kun tu 'gro ba nyid ni phyogs bcud 'gro ba dang sangs rgyas pa nyid de 'di dag lus de nyid kyis 'thob par 'gyur ro/ /de nas rdo rje sems dpa' bsgrub pa'i phyag rgya chen po bcing ba yin te/ zhes bya ba la/ de nas zhes bya ba'i sgra ni bshad zin to/ mi phyed pa'i sems dpa' ni rdo rje sems dpa' o/ /de'i bsgrub pa ni mngon sum du bya'o/ /de'i don gyi phyag rgya chen po ni rdo rje sems dpa' i sku'i phyag rgya chen po ste de bcing ba yin te/ zhes bya ba ni de bcing ba'i mtshan nyid bshad do zhes pa'o/ /bsgyings bcas rdo rje gsor byed ni/ zhes bya ba ni bsnyems pas bstod pa'i g.yon pa'i rdo rje khu tshur dril bu dang bcas pa/ kha nang du bltas pa g.yon gyi dgu'i char bzhag pa des bsnyems pa dang bcas pas na/ bsgyings bcas so/ /phyag g.yas pas rdo rje gsor zhing 'degs pas yang dag par 'dzin par mdzad pas na bsgyings bcas rdo rje gsor byed ni zhes bya'o/ /de ltar bsgyings pa dang bcas pas rdo rje gsor bar mdzad cing rdo rje de rang gi thugs kar bstod pa'i tshul gyis 'jog par mdzad pa ni/ rdo rje sems dpa' i sku'i phyag rgya'i tshul te/ bdag nyid nga rgyal gyi sbyor bas gnas shing bsgom par bya'o/ /ci'i sku'i phyag rgya 'ba' zhig gis bcom ldan 'das rdo rje bsnyems pa'i phyag rgya chen po bskyed par bya 'am/ zhe na/ sku gsung thugs kyi rdo rje yis/ /rdo rje sems dpa' bdag nyid 'gyur zhes bya ba gsungs te/ sems dpa' i skyil mo krung gis dpal rdo rje sems dpa' i dbyings kyis gnas pa 'di ni sku'i rdo rje'o/ /yi ge hUM las lce rdo rje rtse lnga pa dkar po bsams te/ badzra satwa zhes zlos pa 'di ni gsung gi rdo rje'o/ /de ltar bsgoms pa 'di ni thugs rdo rje'o/ /sku gsung thugs kyi rdo rje 'di dag gis dpal rdo rje sems dpa' rang nyid 'gyur ro/ /ni zhes bya ba ni nges par gzung ba ste/ de dag nyid kyis bskyed la/ de nyid kyi bdag nyid de'i tshul du bsgom mo zhes bya ba'i tha tshig go /de skad du yang kha dog dbyibs dang gdan dang ni/ /mtshan ma phyag mtshan sogs dbye bas/ /rnam pa du ma rgya che gang/ /sku yi gsang ba 'di shes bya/ /rdo rje tshig gi sbyor bas yis/ /chos kyi phyag rgya'i rang bzhin smra/ /rdo rje'i tshig ni sgra spangs pa/ /'di ni gsal bar gsungs gsang ba/ /rang sems so sor rtogs pa yis/ /zla ba rdo rjer rnam bsgom pa/ /sgom zhing gsum po tshul gcig pa/ /thugs kyi gsang ba 'di shes bya/ zhes gsungs pa yin no/ /'di skad ston pa yin te/ rdo rje dbab pa ji lta ba bzhin du bskyed nas/ badzra satwa zhes yid la zlos shing chos thams cad bdag med par bsgom par bya'o/ /de nas zla ba'i dkyil 'khor gyi rnam pa de'i steng du zla ba'i dkyil 'khor gnyis pa ste/ zla ba'i dkyil 'khor gnyis po de badzra satwa zhes bya ba'i snying po dang bcas pa las rdo rje rtse lnga pa'o/ /rdo rje'i dbus su badzra satwa zhes bya ba bkod la/ badzro haM zhes bya ba'i rdo rje'i nga rgyal bskyed nas rdo rje de nyid sems dpa' byin gyis brlabs pa'i sbyor bas rdo rje sems dpa' bdag nyid nges par bsams la/ mahA sa ma ya satwa haM zhes bya bas nga rgyal bskyed la/ rdo rje sems dpa' i dam tshig gi phyag rgya bcings te/ sa ma yo haM zhes bya bas dam tshig gi sems dpar bsgoms la/ dam tshig gi phyag rgya de nyid dang/ sa ma ya satwa a d+hi tiSh+Tha swa maM/ zhes bya bas bdag nyid byin gyis brlabs la phyag rgya chen por bsam par bya'o/ /de nas ye shes sems dpar ji lta ba bzhin du bcug la/ bdag la byin gyis brlabs pa la sogs pa byas nas yang dag par mchod la phyag rgya byas nas phyag rgya chen po bcings la/ badzra satwa zhes zlos shing rdo rje sems dpar bdag nyid bsgom par bya'o/ /'dis ni zhes bya ba la sogs pa la/ dpal rdo rje sems dpa' i phyag rgya chen po grub pa 'dis/ kun tu 'gre ba dang/ zhes bya ba 'jig rten gyi khams thams cad du skad cig ma gcig gis 'gro zhing phyin par gyur pa dang/ 'dod pa kun bdag ces bya ba ni 'jig rten gyi khams thams cad na gnas pa'i 'dod pa'i gzugs dang/ sgra dang dri dang ro dang reg bya rnams kyi bdag po ste/ nye bar spyod par byed la de rnams gtso bor gyur pa dang/ bde ba can dang/ zhes bya ba 'di la sdug bsngal thams cad mi 'byung zhing bde ba thams cad skye bar 'gyur te/ gang gi phyir bde ba dang ldan par 'gyur ro/ /zhes bshad pa yin no/ /rdzu 'phrul che stobs gzugs mchog rnams/ /rdo rje sems dpa' 'dra bar 'gyur/ /zhes bya ba ni gang gi phyir rdzu 'phrul dang/ tshe dang stobs dang/ gzugs kyi mchog rnams rdo rje sems dpa' dang mnyam par 'gyur la/ phyis ni rdo rje sems dpa' nyid du 'gyur ro/ /da ni sku gsung thugs ni rdo rje yis/ zhes bya ba la sogs pas/ rdo rje rgyal po la sogs pa'i phyag rgya bcing ba'i mtshan ma sgreng ba ston te/ de nas sku gsung thugs ni rdo rje yis/ zhes bya ba ni snga ma bzhin no/ /ji ltar ri mo'i rjes mthun zhes bya ba ni/ bri bar bya ba yin pas na ri mo ste rdo rje rgyal po la sogs pas nas rdo rje 'bebs po'i bar ro/ /de rnams kyi rjes su 'bras pa ni rjes su mthun pa ste/ rdo rje lcags kyus de bzhin gshegs pa thams cad bsdu ba mdzad cing bzhugs so zhes bya ba nas/ rdo rje dril bus de bzhin gshegs pa thams cad 'bebs par mdzad cing bzhugs so zhes bya ba'i bar las shes par bya ba ni/ ji ltar bris pa de'i rjes su mthun pa ste/ ji ltar ri mo bris pa bzhin du shes par bya ba des na/ ji ltar bris pa'i rjes su 'brangs nas ji ltar ri mo'i rjes su mthun zhing zhes bya'o/ /mtshan ma'i phyag rgya rnams ldan par zhes bya ba ni lcags kyu la sogs pa ni de rnams kyi mtshan ma'i phyag rgya ste/ de rnams dang yang dag par ldan zhing de dang bcas par rdo rje rgyal po la sogs pa'i sems dpa' chen po rnams bsgom par bya'o/ /'di skad ston te dpal rdo rje sems dpa' sgrub pa dang/ 'dra bar cho ga thams cad rjes su spyad la/ ji ltar ri mo bris pa'i cho gar 'di rnams kyi phyag rgya chen po bri bar gsungs pa de dang rjes su mthun par rdo rje rgyal po la sogs pa 'di rnams kyis mtshan ma/ rdo rje lcags kyu la sogs pa lag pas bzung la/ rdo rje rgyal po la sogs pa bsgom par bya'o/ /gzhung 'di tsam gyis ni rnal 'byor gsungs pa yin te/ sems tsam du ni snyoms 'jug pa/ /rnal 'byor zhes ni bya ba yin/ zhes gsungs pa'i phyir ro/ /rnam par snang mdzad la sogs pa 'di dag bdag la byin gyis brlabs pa la sogs pa byas nas sgrub par bya'o/ zhes bstan pa'i phyir ro/ /de nas zhes bya ba la sogs pa gsungs pa yin te/ 'dir ni zhes bya ba ni rnal 'byor gyi rgyud du'o/ /rtog kun gyi zhes bya ba ni ji skad du bshad pa'i phyag rgya chen po'i'o/ /bsgrub pa dang zhes bya ba ni rang gi lus la ye shes sems dpa' ji lta ba bzhin du bcug ste/ gcig tu gyur pa lhag par mos pa ste/ bsgrub pa des phyag rgya chen po la sogs pa 'grub pa yin no/ /dngos grub dang/ grub pa rnams kyi las chen rnams zhes bya ba ni dngos grub rnams grub cing rdzogs pa rnams kyi phyag rgya chen po'i las chen po ste/ las dam pa ni/ sangs rgyas rjes su dran grub na/ /sangs rgyas nyid du myur du 'gyur zhes bya ba la sogs pa'o/ /go rim bzhin du bshad par bya zhes bya ba ni rtog pa thams cad kyi bsgrub pa dang/ dngos grub dang/ grub pa rnams kyi las chen po 'di dag thams cad go rim ji lta ba bzhin du bshad par bya ba phan tshun 'tshol bar ni ma yin no/ /dang por zhes bya ba ni bzlas pa dang/ bsgom pa'i thog mar ro/ nyi re zhing zhes bya ba ni nyi ma re re zhing ngo/ /dus bzhin du zhes bya ba ni snga dro dang nyi ma phyed dang/ phyi dro dang/ mchan phyed na'o/ /rang la byin brlabs sogs de bzhin zhes bya ba ni/ 'di'i 'og dang rgyud gzhan las ji skad bshad pa lta bus rang la byin gyis brlabs pa la sogs pa byas nas bya ba nyid yin gyis/ ma byas pa ni ma yin no/ /thams cad bsgrub par bya ste/ zhes bya ba ni bzlas pa dang bsgom pas phyag rgya chen po la sogs pa bskyed par bya ba'o/ /de'i 'og tu ci dgar bya zhes bya ba ni phyag rgya chen po la sogs pa bsgom pa dang/ bzlas pas dub na ngal so zhing phyag rgya ma bcings par yang bzlas pa dang bsgom pa bya ba'o/ /de nas skyo zhing dub pa dang bral ba na yang phyag rgya bcings la bzlas pa dang bsgom pa bya ba'o/ /'dis ni 'di skad ston pa yin te/ gal te dkyil 'khor gyi brtul zhugs rdzogs par byed par 'dod na de'i tshe bdag nyid srung ba byas nas/ khrus la sogs pa'i cho ga thams cad rjes su spyad nas/ sdig pa bral ba'i phyag rgyas sdig pa bral bar bya'o// de nas de bzhin gshegs pa'i rnal 'byor pas rnam par snang mdzad la sogs pa'i skur bskyed de/ de'i rigs kyi rnal 'byor pas ni rdo rje sems dpa' la sogs pa'i skur te/ sems so sor rtog pa la sogs pa'i rim g yis rang gi rnal 'byor bsgoms te bdag nyid rdzogs par byas na de rnams kyi phyag rgya chen po ji lta ba bzhin du bcings nas nam mkha' dang mnyam pa'i sbyor bas rang gi snying gar stong gsum pa'i sangs rgyas kyi zhing dang mnyam pa'i zla ba'i dkyil 'khor bsams la/ rdo rje rgyu'i phyag rgyas rdo rje dbyings kyi dkyil 'khor chen po sprul nas/ bdag nyid rdo rje sems dpar bsams te/ 'jug pa'i cho gas zhugs la dngos grub kyi rdo rje brtul zhugs kyi bar gyi cho ga bya'o/ /'di ni 'dir bdag la byin gyis brlab pa la sogs pa byas la/ de nas de'i rjes la rang gis lus la lha thams cad bcug ste/ rang gi gnas su bkod la/ phyag rgya bzhis rgyas gdab pa byas nas byin gyis brlabs la dbang bskur nas/ mchod pa thams cad kyis yang dag par mchod de thams cad kyis sngags re re zhing yang bzlas brjod 'bum bya'o/ /gal te bsgom par 'dod na de bzhin du lha thams cad rang gi lus la bcug ste/ cho ga thams cad rjes su spyad la/ yang nam mkha' dang mnyam pa'i sbyor bas rang gi snying gar zhugs te/ de bzhin du rdo rje rgyu'i las kyi phyag rgyas rdo rje dbyings kyi dkyil 'khor chen po sprul nas/ phyag rgya bzhi'i dkyil 'khor las gsungs pa'i snying po lngas lha thams cad kyi gzugs su sprul la/ rang rang gi gnas su bzhag par bya'o/ /aoM badzra d+hA tu/ satwa badzrI/ ratna badzrI/ d+harmma badzrI/ aoM badzra satwa hUM/ badzra satwa/ badzra satwa/ badzra rA dzA/ badzra rA ga /badzra sA d+hu/ badzra ratna hUM/ badzra ratna/ badzra te dzo/ badzra ke tubadzra gaM d+he/ badzra aM ku sha /badzra pA sha /badzra spho Ta/ badzra A be sha zhes bya ba'i tshig tsam gyis thams cad rang gi gnas su bkod la/ aoM badzra at+ma ko haM zhes brjod cing bdag nyid mi phyed par bsgom mo/ /aoM swa b+hA ba shud d+honyahaM zhes bya bas ni chos thams cad bdag med par ro/ /aoM sarbba sa mo haM zhes zlos shing bdag med pa'i mnyam pa nyid kyis rdo rje dbyings kyi dkyil 'khor chen po'i lha thams cad dang bdag nyid mnyam par bsam par bya'o/ /de nas bdag ni rang nyid rdo rje dbyings yin no zhes rdo rje dbyings kyi dkyil 'khor chen po'i nga rgyal bskyed par bya'o/ /de nas badzra satwa zhes zlos shing rnam par snang mdzad la sogs pa'i rang bzhin du bdag nyid bsgoms la/ lha thams cad kyi zhal nas badzra satwa zhes bya ba'i sgra 'byung bar lhag par mos par bya ste/ de lta bus ni thams cad zlas par 'gyur ro/ /de ltar ji srid rdo rje dbyings kyi dkyil 'khor chen po mngon sum du mthong bar gyur pa de srid kyi bar du nyin re zhing bsgom par bya'o/ / yang na ting nge 'dzin gsum sngon du 'gro bas zla ba drug gam/ lo gcig gi bar du bsgom par bya'o/ /slob dpon gyi dbang du byas pa'o/ /slob ma'i dbang du byas pa la ni/ bdag la byin gyis brlab pa la sogs pa 'di ltar shes par bya ste/ bdag srung ba dang/ chu'i khrus dang/ yang bdag srung ba dang/ gnas bsrung ba yang byas la/ rang gi lha mdun du bzhugs su gsol te/ phyag bya ba dang sdig pa bshags pa dang/ bsod nams la rjes su yi rang ba dang bskul ba dang gsol ba dang/ / yongs su bsngo ba dang/ byang chub tu sems bskyed pa dang/ gsum la skyabs su 'gro ba la sogs pa rjes su spyad la/ rdo rje thal mo dang/ rdo rje bsdams pa bcings te/ rdo rje thal mo snying gar dral bas/ rdo rje dbab pa bskyed de/ bstan par byas nas bdag med par sgom pa dang/ zla ba'i dkyil 'khor la sogs pa snga ma bzhin du sgom te/ rang gi lha'i phyag rgya chen po ji lta ba bzhin du bcing bar bya'o/ /de nas ye shes sems dpa' ji lta ba bzhin du bcug ste/ phyag rgya chen po bsgrub par byas nas/ dzachos dang las dang phyag rgya chen pos rgyas btab la/ rigs kyi dam tshig gis phyag rgya bdag nyid byin gyis rlabs te/ rang gi rigs kyi dbang bskur bas dbang bskur nas/ sgeg mo la sogs pa/ gsang ba'i mchod pa bzhis yang dag par mchod la de bzhin gshegs pa thams cad la phyag byas te/ rang gi phyag rgya chen pos legs par bsgoms la/ badzra satwa zhes bya ba la sogs pas rang gi lha'i sngags zlos shing lo gcig gi bar du nyin re zhing thun bzhir bsgom par bya'o/ /slob ma'i dbang du byas pa'o/ /da ni de la zhes bya ba la sogs pas rtog pa thams cad kyi sgrub pa dang grub pa'i las rnam par 'grel te/ phyag rgya chen po bsgrub pa'i cho ga rgyas pa zhes bya ba ni/ phyag rgya chen po rnams kyi bsgrub pa ni ye shes sems dpa' dang lhan cig tu gyur par lhag par mos pa'o/ /de'i don gyi cho ga rgyas pa ni/ rdo rje thal mo nas brtsams te/ sa ma yastwaM sa ma ya a haM zhes brjod ces bya ba'i bar du'o/ /rdo rje dbab pa byas nas ni zhes bya ba ni badzra A be sha zhes bya bas rdo rje 'bebs pa'i phyag rgya bcings la/ a zhes bya bas rdo rje rang gi snying gar gzhug go /phyag rgya chen po'i cho ga bzhin zhes bya ba ni/ cho ga bzhin zhes bya ba'i sgras gnas gsum du blta bar bya ste/ cho ga bzhin du rdo rje dbab pa byas nas/ cho ga bzhin du phyag rgya chen po bcings te/ cho ga bzhin du mdun du sems dpa' chen po de bsgom mo/ /de yang gang gi phyir dang po kho nar rdo rje dbab pa bskyed par 'dod pa'i rdo rje thal mo dang/ rdo rje bsdams pa bcings la/ rang gi snying gar rdo rje bsdams pa las sor mo dral bar byas nas rdo rje 'bebs pa'i dam tshig gi phyag rgya bcings la bdag nyid la dbab par bya'o zhes bshad do/ /de bas na rim pa 'dis rdo rje dbab pa cho ga bzhin du bskyed pa yin no/ /des na chos bdag med pa'i sbyor ba nas brtsams te/ sems dpar byin gyis brlabs pa'i sbyor ba'i mthar thug cho ga rjes su spyang par bya'o/ /de nas dam tshig gi phyag rgya dang/ sems dpa' i chen po rjes su dran pa'i snying po 'di brjod par bya ste/ ma hA sa ma ya satwa haM sa ma yo haM/ sa ma ya satwa a d+hi tiSh+Tha swa maM/ zhes bya bas byin gyis brlabs la phyag rgya chen po bcing bar bya ste/ de ltar na 'dir ni cho ga bzhin phyag rgya chen po bcing ba yin no/ de nas phyag rgya chen po bcing ba la/ badzra satwa a zhes bya bas mdun du zla ba la rdo rje rtse lnga pa dbab par bya'o/ /badzro haM zhes bya bas nga rgyal bskyed la rdo rje de nyid badzra satwa haM zhes bya bas/ rdo rje sems dpar bdag nyid bsgom par bya ba ste/ 'di ni cho ga bzhin zhes bya ba'i sgra gsum pa'i don yin no// cho ga 'di yang ji ltar gnas pa de bzhin du 'di'i 'og nas bshad par bya'o/ /de ltar ji skad du bshad pa'i tshul gyis rdo rje las byung ba'i rdo rje sems dpa' bdag nyid kyi mdun du bsgoms la de nyid du ye shes sems dpa' rdo rje lcags kyu la sogs pas dgug pa dang/ gzhug pa dang bcing ba dang/ dbang du byas te/ rdo rje sems dpa' i dam tshig gi phyag rgya bcings te/ badzra satwa dri sh+ya zhes bya bas bskul bar bya'o/ de nas bskul ba'i rjes thog nyid la sgrub pa po 'di la mthong ba stsol bar 'gyur te/ gang gi phyir ye shes sems dpa' de mthong nas zhes gsungs pa yin no/ /ye shes kyi rang bzhin gyi sems dpa' ni ye shes sems dpa' yin pa 'am/ ye shes dang ldan pa'i sems dpa' i ni ye shes sems dpa' yin gyi ye shes kyis bzhag pa'i sems dpa' ni shin tu thal ches pas ye shes sems dpa' ma yin te/ bdag nyid kyi rgyud las kyang bsgoms pa'i ye shes kyis bzhag tu rung ba'i phyir/ ye shes sems dpa' ma yin pa 'ga' yang mi 'gyur ro/ /rang gi lus su bsgom par bya/ zhes bya ba ni rang gi lus su rab tu bsgom par bya'o/ /'di skad ston te/ bltas pas mdun na bzhugs pa'i rdo rje sems dpa' bdag nyid gzugs brnyan gyi bdag nyid kyis rdo rje sems dpa' 'gyur bar bsams la/ de rang gi lus la dgug pa dang gzhug pa dang/ bcing pa dang/ dbang du byas nas bsgrub par bya'o/ /dgug pa la sogs pa 'di dag mdun gyi lha yang rdo rje lcags kyu la sogs pa sbyar bar bya'o/ /de yang rang gi lus la yang rdo rje sems dpa' la sogs pa'i dam tshig gi phyag rgyas/ dza'khor bskyed la/ yang sa ma ya stwaM a haM badzra satwa zhes kyang zlos shing/ dam tshig gi phyag rgya de nyid kyis gnas la 'og nas bshad pa'i tshul gyis gcig tu gyur par lhag par mos par bya'o/ /de la de dag gi snying po ni 'di dag yin no zhes bya ba ni rdo rje dbab pa la sogs pa'i'o/ /badzra satwa a zhes bya ba'i rdo rje dbab pa'i snying po'o/ badzra satwa dri sh+ya zhes bya ba ni sems dpa' chen po rjes su dran pa'i snying po'o dzadbang du bya ba rnams kyi snying po'o/ /zhes bya ba dang/ sa ma ya stwaM zhes brjod pas/ rgyab du zla ba grub nas ni zhes bya ba ni/ rdo rje sems dpa' i dam tshig gi phyag rgya bcings la/ dza hUM baM hola/ sa ma ya stwaM zhes bya ba bskur bar bya ste/ 'da' bar mi bya ba'i don ni sa ma ya zhes bya ba'i sgras bshad kyi/ 'dir bcom ldan rdo rje sems dpa' i phyag rgya chen po'i tshul la bya bar mi 'dod do/ /de yang bcom ldan 'das kyis phyag rgya chen po'i dbang du mdzad nas/ de bzhin gshegs pa kun gyis kyang/ /'da' ba ru ni mi mdzad pas/ /phyag rgya dam tshig yin par bshad/ /yid kyis gzugs ni brtan phyir ro/ /zhes gsungs pa yin no/ /des na 'di skad ston pa yin te/ bcom ldan 'das rdo rje sems dpa' byang chub kyi mtshan nyid can gyi sku'i rang bzhin khyad ni dam tshig yin gyis 'khor ba la gnas pa gzhan dag ni ma yin no/ /de skad du yang bcom ldan 'das sems ni 'dod chags chen po ste/ 'di ni lha yin no zhes gsungs pas so/ /rgyab tu zla ba bsgrub nas ni/ zhes bya ba ni 'od kyi dkyil 'khor du gyur pa'i zla ba'i dkyil 'khor bskyed pa 'am dgod par bya'o zhes bya ba'i don te/ skad kyi dbyings ni don du ma dang ldan pa yin no zhes bshad pa'i phyir ro// der bdag sems dpa' i lus su bsgom zhes bya ba ni rang gi lus kyi nang du chud pa'i sems dpa' der bdag nyid bsgom pa ni de dang lhan cig tu chu dang 'o ma ltar gcig tu gyur par bsgom par bya ste/ /sems dpa' ni rdo rje sems dpa' o/ ji skad brjod cing zhe na/ sa ma ya stwaM a haM brjod ces bya ba ste/ /sa ma ya stwaM ni bshad zin to/ /des na 'di skad ston pa yin te/ ji skad du bshad pa'i dam tshig gi tshul khyed gang yin pa de ni bdag yin la/ bdag gang yin pa de ni sems dpa' yin no zhes bya ba ste/ 'dis ni bcom ldan 'das dang lhan cig gcig tu gyur par lhag par mos par sgrub pas bsgom pa'i rab kyi mthar thug pa las byung ba phyag rgya chen po grub pa yin no/ zhes bya ba 'di yang ston pa yin no/ /da ni rdo rje rgyal po la sogs pa'i sgrub pa bstan par bya ba'i phyir/ sems dpa' gang gi /zhes bya ba la sogs pa gsungs pa yin te/ sems dpa' gang gis zhes bya ba ni rdo rje rgyal po la sogs pa nas rdo rje 'bebs pa'i bar gyi'o// phyag rgya gang zhes bya ba ni rdo rje lcags kyu'i mtshan ma'i phyag rgya ni rdo rje rgyal po'i'o/ /zhes bya ba nas/ rdo rje dril bu ni rdo rje 'bebs pa'i'o/ /zhes bya ba'i bar du'o/ /de ni bdag tu bsgom nas kyang zhes bya ba ni badzra aM ku sho haM zhes bya ba nas/ badzha gand+ho haM zhes bya ba'i bar du'o/ yang mtshan ma'i phyag rgya de dag kyang badzra ra dzo haM zhes bya ba nas/ badzra A be sho haM zhes bya ba'i bar du bsgom par bya ste/ 'di dag gi bsgrub par bya ba dang/ /dngos grub ni snga ma bzhin no/ /'dir phyag rgya chen po bsgom pa ni sngags bzlas pa dang bcas pas bya'o zhes bstan pa'i phyir/ rdo rje bzlas pa bsgrub par bya zhes bya ba gsungs pa yin te/ 'dir 'og nas bshad pa'i mtshan nyid can gyi rdo rje bzlas pas sngags thams cad bzlas par bya zhing gzhan du ma gyur pas bsgom par bya'o zhes ston to/ /'di skad ston pa yin te/ snga ma bzhin du cho ga thams cad rjes su spyad la/ badzra rA dza zhes zlos shing chos bdag med par bsgom par bya'o/ /de nas zla ba'i dkyil 'khor gyi rnam par ro/ /de'i steng du zla ba'i dkyil 'khor gnyis pa ste/ de dag kyang rdo rje rgyal po'i snying po dang bcas pa las rdo rje rtse lnga pa de nyid/ badzra rA dza zhes brjod de/ rdo rje lcags kyu de'i dbus su badzra rA dza zhes bya ba bkod la badzra aM ku sho haM zhes nga rgyal bskyed de/ rdo rje lcags kyu de sems dpa' byin gyis brlab pa'i sbyor bas rdo rje sems dpar bdag nyid bsgoms nas/ rdo rje sems dpa' de nyid badzra rA dza zhes bya bas rdo rje rgyal por bdag nyid bsgoms nas/ mahA sa ma satwa haM zhes brjod la/ sa ma yo haM zhes bya bas rdo rje rgyal po'i dam tshig gi phyag rgya bcing bar bya'o/ /de nas dam tshig gi phyag rgya de nyid pa sa ma ya satwa a d+hi tiSh+Tha maM zhes bya bas/ bdag nyid byin gyis brlabs nas/ rdo rje lcags kyu thogs la de bzhin gshegs pa thams cad 'gugs shing sku gsung thugs rdo rje rgyal por bdag nyid bskyed nas/ /badzra rA dza a zhes bya bas mdun du zla ba'i dkyil 'khor de'i steng du rdo rje lcags kyu sprul la/ badzra ao ku sha hi zhes bya bas nga rgyal bskyed de/ de nyid badzra rA dza haM zhes bya bas rdo rje rgyal por rnam par bsams te/ de nyid du rdo rje lcags kyu la sogs pas de dgug pa dang/ gzhug pa dang/ bcing ba dang/ dbang du byas la/ de'i dam tshig gi phyag rgya dang/ badzra rA dza dri sh+ya zhes bya bas blta bar byas la p hyag rgya de nyid dang dza hUM baM holus su bsgom/ /sa ma yastwaM a haM brjod/ /badzra rA dza zhes kyang brjod do/ /de bzhin du rdo rje 'bebs pa'i bar du bsgrub par bya'o/ /dzap a'i tshul gyis rdo rje sems dpa' la sogs pa'i phyag rgya chen po rab tu bsgrubs la rdo rje bsdu ba'i phyag rgya bcings la dzabya'o/ /ji ltar gzhug par bya zhe na/ legs pa'i cho ga yid kyis na/ zhes bya ba gsungs pa yin te/ de bzhin gshegs pa thams cad rang gi lus la gzhug pa'i rnam par legs par mnyam par bzhag pa'i sbyor bas yid kyis dza: h UM baM hoche ba'i sgrub pa gnyis pa yin no/ /de bzhin gshegs pa'i zlos pa pos ni mngon par byang chub pa lnga'i rim pas de bzhin gshegs pa'i phyag rgya chen po bcings la bsgrub pa chen po kho na bya'i cig shos ni ma yin no/ /de nas de bzhin gshegs pa thams cad bcug la rdo rje dbyings la sogs pa'i dam tshig gi phyag rgya yang bcings te/ re re zhing 'di skad ces brjod do/ /badzra d+hA tu dri sh+ya dzartse lnga pa dkar po bsams te/ badzra dzi hA zhes bya bas byin gyis brlabs la/ rnam par snang mdzad la sogs pa nas rdo rje 'bebs pa'i bar gyi ljags la rang rang gi chos kyi phyag rgya bsam par bya'o/ /de nas go rim ji lta ba bzhin du las kyi phyag rgya dang/ phyag rgya chen po bcings la yang de rnams la/ de bzhin gshegs pa rnams dang/ rdo rje sems dpa' la sogs pa rnams la/ rang rang gis byin gyis brlabs pa'i phyag rgya rnams kyis byin gyis brlabs la/ rang rang gi dbang bskur bas dbang bskur te/ rang gi mchod pa rnams kyis yang dag par mchod la/ bzlas pa'i don gyis bsgoms pa byas te/ 'di ni rjes su rnal 'byor ro/ /de ltar rang gi slob ma rnams kyis rnal 'byor dang/ rjes su rnal 'byor bshad nas slob dpon rnams kyis dkyil 'khor bsgrub pa dang/ rang gi lha bsgrub pa'i rnal 'byor chen po'i cho ga brjod par bya ste/ dpal rdo rje sems dpa' i sbyor ba ji lta ba bzhin du byas la/ de'i phyag rgya chen po bcings te/ de nyid kyi thugs kar dkyil 'khor chen po sprul la dngos grub kyi rdo rje brtul zhugs kyi bar du rjes su spyad nas/ yang rdo rje sems dpa' i phyag rgya chen po bcings te/ rang gi lus la lha thams cad kyi gnas su/ sa ma ya a zhes brjod cing zla ba'i dkyil 'khor bskyed nas rang gi gnas na gnas pa'i zla ba'i dkyil 'khor gyi steng du dpal rdo rje sems dpa' i phyag rgya chen po bsams la/ yid kyis 'dug ste/ rang gi lus las phyi rol tu badzra satwa a zhes bya bas mdun du zla ba'i dkyil 'khor gyi steng du rdo rje sprul la/ badzro haM zhes bya bas rdo rje'i nga rgyal bsgoms te/ rdo rje de nyid badzra satwa haM zhes bya bas rdo rje sems dpa' bdag nyid bsgom par bya'o/ /de bzhin du rang gi gnas na gnas pa'i zla ba'i dkyil 'khor gyi steng du rdo rje 'bebs pa'i phyag rgya chen po bsam la/ yid kyis 'dug ste/ rang gi lus la phyi rol tu badzra A be sha a zhes bya bas mdun du zla ba'i dkyil 'khor gyi steng du rdo rje dril bu sprul la badzra gan d+ho haM zhes bya bas rdo rje dril bu'i nga rgyal bsgom ste/ badzra A be sho haM zhes bya bas rdo rje 'bebs par bdag nyid skyed pa'o/ /de nas dpal rdo rje sems dpa' la sogs pa'i ye shes sems dpa' ji lta ba bzhin du mdun du bsam la/ rdo rje sems dpa' la sogs pa'i sku la rdo rje lcags kyu la sogs pas dgug pa dang/ gzhug pa dang/ bcing ba dang/ dbang du byas la/ de rnams kyi dam tshig gi phyag rgya rnams kyis dang por blta ba byas nas/ dza'khor bskyed de/ sa ma yastwaM a haM/ badzra satwa zhes brjod pa nas/ ji srid sa ma yastwaM a haM badzra A be sha zhes bya ba'i bar du brjod la/ de rnams dang lhan cig tu chu dang 'o ma ltar tha mi dad par bdag nyid bsgom par bya'o/ /de nas de rnams la chos dang las dang/ phyag rgya chen po rnams kyis rgyas btab la/ yid kyi legs pa'i sbyor ba rten pa dang rten pa'i lha thams cad kyi sku la de bzhin gshegs pa rnams bcug ste/ snga ma bzhin du rab tu bsgrubs la/ chos dang/ las dang/ phyag rgya chen po rnams kyis rgyas btab ste/ yang rdo rje sems dpa' la sogs pa la rigs kyi phyag rgya bzhis byin gyis brlabs la/ de bzhin gshegs pa rnams rang gi byin gyis brlabs bas byin gyis brlabs te snga ma bzhin du dbang bskur la/ mchod pa thams cad kyis yang dag par mchod nas/ phyag bzhi byas la/ de bzhin du bzlas brjod dang bsgom par bya'o/ /de bzhin du rnam par snang mdzad kyi rnal 'byor pas kyang rnal 'byor chen po byas la cho ga thams cad rjes su spyad par bya'o/ /de la gnas kyi nges pa ni 'di yin te/ rnal 'byor pa'i snying ga'i zla bar mdun du rdo rje sems dpa' / g.yas logs su rdo rje rgyal po/ g.yon logs su rdo rje chags pa/ rgyab tu rdo rje legs pa/ dpral bar rdo rje rin chen/ mgo bo'i rgyab tu nyi ma/ phrag pa gnyis su dpal/ so'i phreng ba gnyis su bzhad pa/ lkog mar chos nu ma gnyis kyi bar du rnon po/ lte bar rgyu/ lce la smra ba/ spyi bor las/ nam tshoms gnyis su rdo rje srung ba/ khar gnod sbyin/ dkur khu tshur ro/ /snying ga dang/ smin mtshams dang/ lkog ma dang/ spyi bor sems ma rdo rje la sogs pa'o/ /rdo rje sems dpa' la sogs pa'i g.yon logs su sgeg mo la sogs pa'o/ /yang rnal 'byor pa'i mdoms kyi gsang bar bdug pa 'am/ mgor me tog ma/ mig gnyis su mar me ma/ nu ma dang brang dang snying gar byug pa ma/ brla g.yas par rdo rje lcags kyu/ brla g.yon par rdo rje zhags pa/ byin pa g.yas par lcags sgrog byin g.yon par 'bebs pa'o/ /de bzhin gshegs pa rnams ni lus thams cad la khyab par bzhugs pa yin no rigs rigs su nges pa kho nar dkyil 'khor 'bri ba na/ rang gi 'khor los sgyur ba'i sbyor ba byas la/ rnal 'byor chen po dang ldan pas bya'o/ /gzhan du na dkyil 'khor 'grub par mi 'gyur te/ bcom ldan 'das kyis de bas 'bad pa thams cad kyis/ rnal 'byor chen po brtsams par bya zhes gsungs pa yin no/ /de nas 'di dag gi las bshad de/ zhes bya ba ni rnam par snang mdzad la sogs pa phyag rgya chen po ji skad du bshad pa'i bsgrubs pas grub pa rnams kyi gang gi gang 'grub pa ste/ sangs rgyas nyid la sogs pa'i tshul 'bras bu yin la/ de'i phyag rgya'i las te bshad pa'o/ /de ji lta bur zhe na/ rdo rje'i las zhes bya ba gsungs te/ mi phyed pa'i las ni rdo rje'i las so/ /de nyid kyis na gong na gzhan med cing mchog tu gyur pas na bla na med pa'o/ /sangs rgyas kyi rjes su dran par gyur na/ sangs rgyas nyid du myur du 'gyur/ /zhes bya ba ni de bzhin gshegs pa lnga'i phyag rgya chen po bsgoms pa ni/ sangs rgyas rjes su dran pa ste/ des gang gi tshe de bzhin gshegs pa dang 'dra bar 'grub par gyur pa de'i tshe/ sangs rgyas rjes su dran pa grub pa zhes bya'o/ /des de yang dag par grub na sangs rgyas nyid du 'gyur ba ste/ tshe de nyid la sangs rgyas nyid thob par 'gyur ro/ /sems dpa' i rdo rje ma grub na/ phyag rgya kun gyi bdag por gyur/ /zhes bya ba ni rdo rje sems dpa' i gzugs su sems dpa' rdo rje ma'i phyag rgya chen po rdo rje bsnyems pa dang 'dra bar bsgoms pa des/ de dang 'dra zhing gang gi tshe 'grub par 'gyur ba de'i tshe/ lus de nyid kyis phyag rgya kun gyi bdag po rdo rje sems dpar 'gyur ro/ /rin chen rdo rje ma phyag rgyas de ni rdo rje kun dbang 'gyur zhes bya ba ni rin chen rdo rje ma ni 'phags pa nam mkha' i snying po'i gzugs can ma ste/ de bcings la de bsgom pas de dang 'dra bar grub cing rdo rje rin chen ma'i phyag rgya de grub pas/ de bden par rin po che kun la dbang ba ste/ rin po che'i rigs thams cad kyi bdag po nam mkha' i snying por rnal 'byor de de 'gyur ro/ /chos kyi rdo rje ma grub na/ sangs rgyas chos ni 'dzin par 'gyur/ /zhes bya ba ni rdo rje chos kyi phyag rgya chen po nyid las dang ldan pa ni chos kyi rdo rje ma'i phyag rgya chen po ste/ de bcings la rdo rje chos ma'i gzugs can bsgoms nas/ gang gi tshe de'i gzugs grub pa 'grub par 'gyur ba de'i tshe/ 'di chos kyi rdo rje ma grub pas sangs rgyas kyi chos 'dzin pa'i 'jig rten dbang phyug tu 'gyur ro/ /las kyi rdo rje ma'i phyag rgyas/ rdo rje las ni byed par 'gyur/ zhes bya ba ni bcom ldan 'das rdo rje las kyi phyag rgya chen po ni rdo rje las ma'i gzugs can de bcings la las kyi rdo rje ma bsgoms pas de dang 'dra ba'i dngos grub grub pas phyag rgya des nges par rdo rje las byed par 'gyur te/ rdo rje'i ste sangs rgyas rnams kyi las/ sangs rgyas mchod pa dang/ sems can gyi don gyi tshul de byed pas na/ rdo rje'i las ni byed par 'gyur zhes bya'o/ /sems dpa' i phyag rgya bcings pa yi/ rdo rje sems dpar 'grub par 'gyur zhes bya ba ni bcom ldan 'das rdo rje sems dpa' i phyag rgya chen po ni sems dpa' i phyag rgya de/ de rnam par bsgom nas gang gi tshe 'grub par gyur na yang de bcings nas bsgoms pa de'i tshe/ rdo rje sems dpa' de 'grub par 'gyur ro/ /'di'i 'og nas bshad pa'i spyan 'dren pa la sogs pa'i mtshan nyid thams cad la yang de dang 'dra ba'i dngos grub grub pa nyid yin par phyis bshad pa'i thams cad la sbyar bar bya'o/ /rdo rje 'dren pa'i cho ga yis/ zhes bya ba'i rdo rje rgyal po'i phyag rgya chen po'i sbyor ba ste/ des rdo rje 'dzin pa'i las zhes bya ba sangs rgyas 'dren zhing 'gugs par 'gyur ro/ /rdo rje chags pa'i phyag rgya chen po grub pas ni sangs rgyas thams cad de de bzhin gshegs pa thams cad chos bdag med pa'i chags pas mnyes shing dbang du byed do/ /rdo rje legs pa'i cho ga yis/ zhes bya ba rdo rje legs pa'i phyag rgya chen po grub pas ni/ sangs rgyas thams cad dgyes par byed do/ /rin chen phyag rgya ni 'phags pa nam mkha' i snying po'i phyag rgya chen po'o/ /de'i cho ga ni bya ba rnams rdzogs par byed pa'o/ /rin po che'i phyag rgya'i cho ga 'phags pa nam mkha' i snying po'i phyag rgya chen po de grub na/ sangs rgyas rnams dbang bskur ba byin par byed do/ /de'i rang bzhin can gzi brjid 'di la mnga' bas na/ rdo rje gzi brjid ste/ de myur du 'gyur ba'o/ /ji ltar 'gyur zhe na/ rdo rje gzi brjid cho ga yin/ zhes bya ba gsungs te/ rdo rje nyi ma'i phyag rgya chen po bsgoms pas zhes bya ba'i tha tshig go /rdo rjes nye bar mtshon pa'i tog ni rdo rje dpal te/ de 'dzin par mdzad pas na rdo rje dpal 'dzin te/ de brten cing goms par gyur na/ re ba rnams ni yongs su bskong zhes bya ba/ rdo rje dpal gyi phyag rgya chen po bcings la bsgoms te grub par gyur nas/ yang de nyid bsten na re ba thams cad yongs su rdzogs par 'gyur ro zhes bya ba'i tha tshig gi / rdo rje bzhad pas zhes bya ba la sogs pa la/ rdo rje bzhad pa'i cho ga de bsgom pa byas nas/ rdo rje bzhad pa'i phyag rgya chen po grub nas de'i rjes la de bcings nas/ de bzhin gshegs pa thams cad kyi 'dzum pa thob par 'gyur la/ 'dzum pa des sangs rgyas kun dang mnyam zhing mtshungs par bzhed de/ sangs rgyas thams cad kyi bzhad pas sems can gyi don byed par 'gyur ro/ /rdo rje chos ni gnyis su med pa'i ting nge 'dzin te de 'dzin par mdzad pas na/ rdo rje chos ni 'dzin par 'gyur zhes bya ba'o/ /de ga las 'gyur zhe na/ rdo rje chos kyi cho ga yis/ zhes gsungs te/ rdo rje chos kyi phyag rgya chen po bsgoms pas so/ /rdo rje rnon po bsgoms pa yis/ zhes bya ba ni bcom ldan 'das rdo rje rnon po'i phyag rgya chen po bcings la/ de bsgoms pas sangs rgyas kun gyi shes rab kyi mchog tu 'gyur te/ shes rab kyi nyon mongs pa dang/ shes bya'i sgrib pa thams cad 'joms pa'i mchog yin pas na/ shes rab mchog go/ rdo rje 'khor lo brten pas/ zhes bya ba ni rnam par bsgoms pas so/ /chos kyi 'khor lo bskor bar 'gyur/ zhes bya ba ni dkyil 'khor sprul par byed pa'o/ /rdo rje gsung gi cho ga yis/ zhes bya ba ni rdo rje smra ba'i phyag rgya chen po'i sbyor bas so/ / sangs rgyas gsung gi grub pa thob/ ces bya ba ni rdo rje smra ba nyid du grub pa'o/ /rdo rje las mchog bsgrubs pas na/ zhes bya ba ni rdo rje las mchog gi phyag rgya chen po yang dag par bsgrubs pas so/ /rdo rje las su myur du 'gyur/ zhes bya ba ni rdo rje las kyi dngos grub myur ba nyid du thob pas so/ /rdo rje go cha bskon pas ni/ zhes bya ba ni rdo rje go cha'i phyag rgya chen po bsgoms pa'o/ /rdo rje sku nyid thob par 'gyur zhes bya ba ni rdo rje sku'i rang bzhin nyid thob pa ste/ rdo rje bsrungs pa thob par 'gyur ro zhes bya ba'i tha tshig go / rdo rje gnod sbyin zhes bya ba la sogs pa/ rdo rje gnod sbyin gyi phyag rgya chen po bsgrubs pas rdo rje gnod sbyin dang mnyam zhing mtshungs par 'gyur ro/ /phyag rgya yang yin la thams cad kyang yin pas na sangs rgyas thams cad de sangs rgyas dang byang chub sems dpa' thams cad kyi phyag rgya thams cad do/ /de shin tu grub pa 'di la yod pas na phyag rgya thams cad 'grub pa ste/ de lta bur 'gyur ro zhes bya bar sbyar ro/ /gang gis she na/ rdo rje khu tshur bcings pas ni/ zhes bya ba gsungs te/ rdo rje khu tshur gyi phyag rgya chen po bcings so/ /rdo rje 'dzin pa bsgrubs pas na/ zhes bya ba ni rdo rje sgeg mo'i phyag rgya gang chen po gang yin pa de bsgrubs so/ /rdo rje chen po 'di dga' ba thob ces bya ba ni byang chub chen po'i mtshan nyid can gyi sems ni rdo rje chen po ste/ de la dga' zhing mgu ba gang yin pa des thob par 'gyur ba'o/ /rdo rje phreng ba ni rdo rje phreng ba ma'i phyag rgya chen po gang yin pa'o/ /de bcings pa ni gang gis bcings shing bsdams pa zhes bya ba'i don to/ de cir 'gyur zhe na/ sangs rgyas kun gyi dbang bskur 'gyur/ zhes bya ba gsungs te/ de bzhin gshegs pa thams cad rdo rje phreng bas dbang bskur ba stsol bar 'gyur ro/ /rdo rje glu na'i cho ga yis zhes bya ba /rdo rje glu ma'i phyag rgya chen po'i sbyor bas so// rdo rje'i glu ni len par 'gyur zhes bya ba ni bzod pa'i pha rol tu phyin pa'i bdag nyid can rdo rje bdag nyid can rdo rje glu len cing bskyed par byed do/ /rdo rje gar ni brtson 'grus kyi pha rol tu phyin pa'o/ /de sbyor ba yi zhes bya ba yang dag par bsgoms shing bskyed pas so/ /sangs rgyas kun gyi de mchod do/ /zhes bya ba ni brtson 'grus kyi pha rol tu phyin pa'i mtshan nyid can gyi bsgrub pa'i mchod pa de nyid kyis so/ /rdo rje bdug pa'i cho ga yis/ /'gro ba thams cad tshim par byed/ /ces bya ba ni rdo rje bdug pa mar rab tu sbyor ba ni rdo rje bdug pa ma'i cho ga ste/ de'i phyag rgya chen po bsgoms pa'o/ /rdo rje me tog spyod byed pa zhes bya ba ni/ /rdo rje me tog ma'i phyag rgya chen po bsgom pa'o/ /rdo rje snang ba'i phyag rgya ches zhes bya ba ni mar me ma'i phyag rgya chen po gang yin pa des na/ rab mchog mig ni sbyin par byed ces pa de mchod par 'os pa'i mig thob par 'gyur ro/ /rdo rje dri'i cho ga yis/ zhes bya ba ni rdo rje dri'i phyag rgya chen po bsgoms pa ste/ sbyor ba des mchod pa byed na bdag dang gzhan gyi bsdug bsngal thams cad sel bar byed do/ /rdo rje lcags kyus drangs pas na/ zhes bya ba ni rdo rje lcags kyus yang dag par 'dren pa ste/ rdo rje lcags kyus phyag rgya chen po bsgoms pa yang dang yang du mngon du byed pa'o/ /'dren pa kun gyi mchog tu 'gyur zhes bya ba ni/ spyan 'dren pa kun gyi dam par 'gyur ba'o/ /rdo rje zhags pa'i cho ga yis/ zhes bya ba ni rdo rje zhags pa'i phyag rgya chen po bsgom pa'o// rdo rje lcags sgrog sbyor ba yis/ zhes bya ba ni rdo rje lcags sgrog gi phyag rgya chen por yang dag par bsgom pas so/ /rdo rje dbab pa'i cho ga yis/ zhes bya ba ni rdo rje 'bebs pa'i phyag rgya chen po bsgom pa de la yang dag par sbyor bas so/ /thams cad dbab pa rab tu grub/ ces bya ba ni dbab pa phul du byung ba rdzogs par byed pa'o/ /phyag rgya chen po 'di dag gi rang gi ngo bo ni dkyil 'khor chen po bri ba'i cho ga bstan pa yin no/ /de nas zhes bya ba la sogs pa la/ de nas zhes bya ba'i sgra ni de ma thag pa'o/ /de bzhin gshegs pa thams cad ni/ zhes bya ba ni rnam par snang mdzad la sogs pa nas/ rdo rje 'bebs pa'i bar gyi'o/ /rdo rje ni de bzhin gshegs pa thams cad kyi rdo rje'o/ /de'i dam tshig ni kun rdzob ste de ston par byed pa'i tshul te de nyid phyag rgya'o/ /de'i ye shes bshad do/ zhes bya ba ni rtsom pa'o/ /thal mo dam du sbyar ba las/ zhes bya ba ni thal mo khong stong du dam du byas pa'o/ sor mo thams cad bsnol ba ni zhes bya ba ni sor mo thams cad tshig gsum pa phan tshun bsnol ba ni rdo rje thal mo'i'o/ /rab tu bsdams phyir rdo rje bsdams/ zhes bya ba ni mi lhod par bsdams pa ni rdo rje bsdams pa'o/ /ji ltar zhe na/ rab tu bsdams phyir/ zhes bya ba gsungs te/ shin tu bsdams pas na rab tu bsdams pa'o/ /de bas na 'di skad ston te/ rdo rje thal mo de nyid kyi sor mo thams cad gcig la gcig gi lag pa'i rgyab tu bcar bar ro/ /a n+yo n+ya a nu ga ta sarbba d+harmmA zhes bya ba ni rdo rje thal mo sbyar ba'i sngags so/ /pa ras pA ra a nu pra biSh+Ta sarbba d+harmmA badzra any+tsa li/ zhes bya ba ni rdo rje thal mo'o/ /a tyan+ta a nu pra biSh+Ta sarbba d+harmmA badzra band+ha zhes bya ba ni rdo rje bsdams pa'i'o/ /dam tshig gi phyag rgya thams cad ces bya ba ni/ sems ma rdo rje ma la sogs pa'i'o/ rdo rje bsdams pa las byung ba na zhes bya ba ni/ gang du khyad par du dag pa med pa'o/ /de dag ces bya ba ni sems ma rdo rje ma la sogs pa'i'o/ /bsdams pa zhes bya ba ni bsdams pa'i mtshan nyid do/ ji lta bu zhe na/ rdo rje bsdams pa zhes bya ba gsungs te/ mi phyed pa'i bsdams par bshad pa'i phyag rgya de la de skad ces bya'o/ /de nyid kyi phyir bla na med pa ste de bshad par bya'o/ /sems ma rdo rje zhes bya ba ni mtshan gnyis ston to/ gung mo myu gu ltar mnyam bsgreng zhes bya bas ni mtshan nyid ston to/ /'di skad ston te/ rdo rje bsdams pa las gung mo gnyis brkyang ste sbyar la rtse mor byas pa ni sems la rdo rje ma'i rigs kyi dam tshig gi phyag rgya ste/ de brtan par byas pa ni bcing ba'o/ /cir 'gyur zhe na sangs rgyas dang po yin par bshad do zhes shes par bya ste/ sangs rgyas gnyis pa'i yin par bshad/ ces bstan pa las ni 'di ni bcom ldan 'das rnam par snang mdzad kyi phyag rgya yin no// gung mo zhes bya ba la sogs pa la/ sems ma rdo rje ma'i gung mo gnyis rdo rje bsdams pa nang du bkug pa gang yin pa de ni/ gung mo nang du gshibs pa ni/ sangs rgyas gnyis pa yin par bshad ces bya ba ste/ sangs rgyas gnyis pa mi bskyod pa yin no/ /gung mo rin chen 'dra ba dang/ zhes bya ba ni/ sems ma rdo rje ma de nyid kyi gung mo rin po che lta bur rgyab tu bkug pa'i mtshan nyid kyis gnas pa gang yin pa de ni rin chen 'dra ba ste/ sangs rgyas gsum pa rin chen 'byung ldan dang/ rdo rje rin chen ma yin par bshad do/ /gung mo dang pad+ma 'dra bar dgug ces bya ba ni sems ma rdo rje ma de nyid kyi gung mo lto ba phan tshun pad+ma lta bur bkug pa gang yin pa de la de skad ces bya ste/ 'od dpag tu med pa dang/ rdo rje chos ma yin no/ /sangs rgyas lnga pa'i phyag rgya ni/ zhes bya ba ni don yod par grub pa dang rdo rje las ma'o/ /de bzhin zhes bya ba la sogs pa la/ sems ma rdo rje ma de nyid de bzhin du gnas pa la mdzub mo gnyis bkug ste/ rdo rje lta bur bya ba gang yin pa de la de skad ces ste/ de bzhin zhes bya ba ni snga ma dang sbyar ba yin no/ /de nas zhes bya ba ni spyir tshig gi phrad yin pa las de ma thag pa la 'jug ste/ de nas 'di bshad do zhes pa'o/ /da ni de bzhin gshegs pa'i rigs kyi dam tshig 'dzin pa'i phyag rgya bshad par bya'o zhes bya ba la/ de bzhin gshegs pa'i rigs kyi zhes bya ba ni/ lha mo sems ma rdo rje ma nas rdo rje 'bebs pa'i bar gyi'o/ /dam tshig 'dzin pa'i phyag rgya zhes bya ba ni/ dam tshig 'dzin par byed pas nas dam tshig 'dzin par ste/ sems ma rdo rje ma la sogs pa'i phyag rgya rnams so/ /gang gi phyir de rnams kyi dpal rdo rje sems dpa' la sogs pa'i ye shes sems dpa' rnams dkyil 'khor dang sngon tu bsnyen pa la sogs pa'i dus su sgrub pa pos spyan drangs nas/ dam tshig 'dzin du btsug cing thugs su chud par byas te/ 'dzin pa ni khong du chud pa'i don yin pa'i phyir/ /dzabyang chub kyi sems las dgug pa dang/ sbyin pa'i pha rol tu phyin pa la gzhug pa dang/ shes rab kyi pha rol tu phyin par bcings pa dang/ brtson 'grus kyi pha rol tu phyin par dbang du byas la 'da' bar mi bya ba'i mtshan nyid/ sa ma ya staM sa ma ya stwaM a haM zhes kyang brjod la/ phyag rgya de dag nyid kyi bcing ba'i mtshan nyid dang/ dngos grub 'grub cing rdzogs par byed pa dang/ de rnams kyi 'bras bu gang zhig sgrub pa de'i las rnams yang dag par bshad par bya'o/ /zla ba lta bu'i lag pa gnyis kyis/ zhes bya ba ni lag pa gnyis gcig tu gyur pa'i rang bzhin can gyi za ba'o/ /ji lta bu zhe na/ gung mo btang bar gyur pa'i zhes bya ba ste/ dbu mar gyur pas na gung mo'o/ /gung ma yang yin la sor mo yang yin pas gung mo'i sor mo ste/ de btang bar gyur pa ni/ rdo rje bsdams pa byas pa'i lag pa gnyis kyis zla ba'i gung mo gnyis btang bar gyur pa'o/ /ji ltar gtang zhe na/ mthe'u chung so sor bsgreng zhes bya ba smos so/ /'di skad ston te/ gang gi phyir mthe bong dang mthe'u chung so sor bsgreng ste bzhag pa ste ma 'byar ba'i de nyid kyis na bsgrang ba'i sbyor ba btang bas na btang ba zhes bshad do/ /de dag gi sor mo yang yin la tha ma yang yin pas na sor mo tha ma ste/ mthe bong gnyis dang mthe'u chung gnyis so/ /de rnams kyi lto ba ma 'byar bar bzhag pas na so sor bsgreng ba ste/ so sor gyur pa de las gyur pa de'o/ /ci de dag tsam nyi tsher 'gyur zhe na/ sems dpa' i rdo rje zhes bya ba gsungs te/ rdo rje bsdams pa las gung mo gnyis rtse mor byas pa'i mtshan nyid kyis so/ /'di skad ston te/ gung mo gnyis gzhibs la bsgreng ste/ mdzub mo gnyis dang srin lag gnyis rdo rje bsdams par bzhag pa dang bcas pa nyid du byas pa yin pas na/ sems dpa' i rdo rje de nyid dang bcas pa ste/ 'di ni rdo rje sems dpa' i 'o/ /mdzub mo lcags kyu zhes bya ba ni/ rdo rje bsdams pa las mdzub mo gnyis lcags kyu lta bur byas pa gang yin pa de ni mdzub mo lcags kyu ste/ rdo rje rgyal po'i 'o/ mdzub mo sbyar ba ni rdo rje bsdams pa las mdzub mo gnyis gshibs te phan tshun lto sbyar ba ni rdo rje chags pa'i 'o/ /rdo rje bsdams pa las mdzub mo gnyis bsgreng zhing mthe bo gnyis kyang bsgreng ba byas nas/ des se gol gtogs pa gang yin pa de ni legs so zhes bya ba sbyin pa 'dra ba ste rdo rje legs pa'i 'o/ rdo rje sems dpa' i bzhi pa yi/ phyag rgya mang po'i dngos grub 'di'o/ /zhes bya ba'i rdo rje sems dpa' i las nye bar mtshan pa'i sems dpa' bzhi'i dngos grub grub pa'i don gyi phyag rgya'i tshogs ni 'di dag yin no/ /'dis ni 'di skad ston te/ dkyil 'khor dang phyag rgya chen po bsgrub pa 'am/ gzhan dag tu dam tshig gi phyag rgyas rang gi lha bsgrub par bya'o/ / 'phags pa nam mkha' i snying po'i rin chen rdo rjer ji ltar der 'gyur zhe na/ mthe bo gshibs la mdzub mo gnyis bcag rtse sprad ces bya ba gsungs te/ rdo rje bsdams pa las mthe bo gnyis gshibs te bsgreng la mdzub gnyis bkug ste/ mthe bo gnyis kyi rtse mar spyad pa mdzub mo gnyis rin po che 'dra bar byas pa ni rdo rje rin chen gyi phyag rgya'o/ /'di nyid ces bya ba ni nam mkha' i snying po'i phyag rgya ste/ de las gung mo dang srin lag dang mthe'u chung shin tu ste/ mchog tu bsnol la brkyang ste nyi ma'i 'od zer gtong ba'i tshul du bya ba gang yin pa de la de skad ces bya ste/ rdo rje gzi brjid kyi'o/ /nam mkha' i snying po'i phyag rgya de nyid las rdo rje rgyal mtshan gyi phyag rgyar ji ltar 'gyur zhe na/ srin lag ces bya ba ni la sogs pa gsungs te/ srin lag dang/ mthe'u chung gnyis mnyam par gshibs pa dang ldan pa de ni rdo rje dpal gyi'o/ /kha'i phyogs su bzhag pa'o/ /zhes bya ba ni bzhad pa'i gnas khang dang/ nye bar bzhag pas na de skad ces bya'o/ kha'i gnas su gang zhig bzhag ce na/ de nyid ces bya ba gsungs te/ rdo rje dpal gyi phyag rgya de nyid do/ /ji ltar bzhag ce na/ bskor nas kyang zhes bya ba gsungs te/ bzhad pa'i tshul gyis yongs su bskor nas bzhag go zhes bya ba'i tha tshig go /'di ni bzhad pa'i 'o/ /mthe'o gnyis zhes bya ba la sogs pa la/ rdo rje bsdams pa las mthe bo gnyis mnyam par brkyang ste/ gshibs la mdzub mo gnyis phan tshun rtse sprad de pad+ma'i 'dab ma 'dra bar bkug ste bzhag pa gang yin pa de la de skad ces bya ste rdo rje chos kyi'o/ /de nyid ces bya ba ni rdo rje chos kyi dam tshig gi phyag rgya ste de las ral grir 'gyur ro/ /ji ltar 'gyur zhe na/ gung mo bsgreng rtse mo bkug pa zhes bya ba gsungs te/ gung mo gnyis gshibs te/ bsgreng la cho ga gsum par bzhag nas rtse mo phan tshun bkug pa phan tshun lto sbyar te/ ral gri 'dra bar bya ba 'di ni rdo rje rnon po'i 'o/ /de las zhes bya ba ni rdo rje rnon po'i phyag rgya las srin lag dang mthe'u chung gzhibs la rdo rje thal mo lta bur byas pa gang yin pa de ni 'khor lo zhes bya ba yin par bshad de/ rdo rje rgyu'i 'o/ /rdo rje bsdams pa las mthe bo gnyis brkyang ba gang yin pa de ni bsdams pa mthe bong gnyis dkrol ba zhes bya'o/ /bkan te kha'i phyogs su bzhag pa'o/ zhes bya ba ni brkyeng? ba de nyid so sor byas la kha nas tshig 'byin pa'i tshul du bteg pa de la de skad ces bya ste/ rdo rje smra ba'i 'o/ /rdo rje bsdams pa las mthe bong dang mthe'u chung gnyis phan tshun rtse sprad de bskyed pa gang yin pa de ni las kyi yin par bshad de/ rdo rje las kyi phyag rgya de nyid las mdzub mo gnyis phan tshun sbyar te gshibs la/ snying gar bzhag go /ji ltar bzhag ce na/ brkyang ste bzhag ces pa ste/ lag mthil gnyis phar brkyang ba ni rdo rje bsrung ba'i 'o/ /rdo rje bsdams pa'i mdzub mo gnyis legs par brkyang ba las/ lcags kyu lta bur dkug la mche ba 'dra bar byas la gang yin pa de la de skad ces bya ste/ ci de tsam 'ba' zhig la bya 'am zhe na/ mthe'u chung zhes bya ba la sogs pa gsungs te/ mthe bo chung gnyis gshibs te brkyang la rtse mor byas pa gang yin pa 'di ni rdo rje gnod sbyin gyi'o/ rdo rje bsdams pa las lag pa gnyis ka'i srin lag mthe'u chung gi tshigs kyi rtsa gshibs pa'i nang du mthe bo'i rtse mo gnyis bzhag la/ mdzub mo gnyis bkug ste rang rang gi mthe bo'i rgyab rang rang gi mdzub mo'i lto btsir ba 'di ni rdo rje khu tshur gyi'o/ snying ga'i phyogs su rdo rje bsdams pa las mthe bong gnyis bsnyams te/ gshibs la bzhag pa gang yin pa de ni de bzhin du rdo rje sgeg mo'i'o/ /rdo rje bsdams pa rab tu brkyang ba phreng ba 'ching ba'i tshul du bya ba phreng ba can zhes bya ba ni rdo rje phreng ba ma'i 'o/ rdo rje bsdams pa las byung ba'i rdo rje thal mo ni rdo rje thal mo'i mchog ste dam pa'o/ /de'i tshig 'byin pa'i tshul du kha nas gyen du 'byung ba ltar bya ba ltar yin pa de ni thal mo'i mchog ni kha nas 'byung zhes bya ba ste/ glu ma'i'o/ /rdo rje bsdams pa las byung ba'i gar byas la thal mo sbyar ba spyi por bzhag pa ni gar ma'i 'o/ /rdo rje bcings pa thur du blugs/ zhes bya ba ni rdo rje bsdams pa bdug spos 'bul ba'i tshul du thur du lcags pa ni bdug pa ma'i'o/ /rang gi thal mo sbyar te gyen du gtor/ zhes bya ba ni rdo rje bsdams pa las byung ba'i me tog gi thal mo byas pa'i thal mo de me tog 'bul ba'i tshul du gyen du 'thor ba ni me tog ma'i 'o/ /mthe bo bsnyams te rab tu bsdams zhes bya ba ni rdo rje bsdams pa la mthe bo gnyis gshibs la legs par bsdams te mar me'i tshul du bzhag pa 'di ni mar me'i 'o rab tu brkyang nas byug pa'o/ /zhes bya ba ni rdo rje bsdams pa shin tu brkyang la rang gi snying gar dris byugs pa'i tshul du byed pa ni byug pa ma'i 'o/ /mdzub mo gcig tu bkug pa dang/ zhes bya ba ni rdo rje bsdams pa las g.yas pa'i mdzub mo bsgreng la lcags kyu lta bur bkug pa 'di ni rdo rje lcags kyu'i'o/ /mthe bo gnyis ni mdud pa dor zhes bya ba ni rdo rje bsdams pa las mthe bong gnyis phan tshun mdud par bya ba ni rdo rje zhags pa'i'o/ /mthe bong mdzub mo gdub bur bcings/ zhes bya ba ni rdo rje bsdams pa'i mthe bong dang mdzub mo gnyis lcags sgrog bcing ba ltar bya ba ni rdo rje lcags sgrog gi'o/ /rdo rje bcings pa mdzub mo bsdams zhes bya ba ni rdo rje khu tshur gyi dam tshig gi phyag rgya las mdzub mo gnyis rdo rje mtshams sbyor du byas pa ni rdo rje 'bebs pa'i dam tshig gi phyag rgya'o/ /de nas 'di rnams zhes bya ba ni rdo rje dbyings la sogs pa'i dam tshig gi phyag rgya rnams 'dis bsgrub par bya ba yin pas na sgrub pa ste/ thugs ka'i zla bar rdo rje rtse lnga par lhag par mos pas phyag rgya rnams snying gar bzhag pa bsgrub par 'gyur ro/ /de nyid ni dngos grub stsol ba la mi phyed pas na rdo rje bsgrub pa ste/ de nyid kyis na dam pa'o// de nyid bstan pa ni rang gi phyag rgya zhes bya ba ste/ rdo rje dbyings la sogs pa'i dam tshig gi phyag rgya snying gar gnas pa'i snying gar bzhag pa'o/ yang ji ltar bsgrub par 'gyur zhe na/ sems dpa' i rdo rje ting nge 'dzin gyis/ zhes bya ba gsungs te/ / sems dpa' i rdo rje ni bshad zin to/ /de la dmigs pa'i ting nge 'dzin ni/ sems dpa' i rdo rje'i ting nge 'dzin te/ sems dpa' i ting nge 'dzin rgyur gyur pa des zhes bya ba'i tha tshig go /de yang rang gi snying gar zla ba la rdo rje rtse lnga pa rnam par bsam la/ de nyid sgom zhing snying gar bzhag pa'i sbyor bas rang gi lha'i tshig gi phyag rgya bcings la bsgom par bya'o/ /zhes bya ba'i don to/ rdo rje dbyings sogs phyag rgya ni/ zhes bya ba ni rdo rje dbyings ni rnam par snang mdzad do/ /de la sogs pa gang yin pa de ni rdo rje dbyibs la sogs te/ don yod par grub pa'i mthar thug pa'o/ /de rnams kyi phyag rgya gang yin pa de ni/ rdo rje dbyings sogs phyag rgya ste/ rnam par snang mdzad dang/ rdo rje dang/ rin chen dang/ chos dang/ las kyi rdo rje ma'i phyag rgya rnams dang/ de bzhin du mi bskyod pa dang/ rin chen 'byung ldan dang/ 'od dpag tu med pa dang/ don yod par grub pa'i phyag rgya rnams so/ /de rnams bcings pas rnam par snang mdzad la sogs pa'i de bzhin gshegs pa rnams ma lus pa yis/ zhes bya ba ni gcig tu tshogs par mdzad pas dkyil 'khor du byin gyis rlob par 'gyur ro/ /su zhig byin gyis rlob par mdzad ce na/ dkyil 'khor slob dpon slob mar bcas zhes bya ba ste/ slob dpon gyi don dang slob ma'i don du dkyil 'khor gang zhig 'bri bar dkyil 'khor te/ de ma thag tu byin gyis brlab par mdzad pa 'am/ dkyil 'khor slob dpon slob ma rnams/ zhes bya ba dkyil 'khor dang slob dpon dang slob mar bcas pa byin gyis rlob par 'gyur ro/ /sems dpa' i rdo rje zhes bya ba rdo rje sems dpa' i phyag rgya gang yin pa de ni sems ma rdo rje ma'i phyag rgya ste de bcings pas ni/ rdo rje 'dzin pa 'dra bar 'gyur/ zhes bya ba rdo rje sems dpa' dang 'dra bar 'gyur ro/ /rdo rje lcags kyu ni rdo rje rgyal po ste/ de'i phyag rgya gang yin pa de ni rdo rje lcags kyu'o/ /rdo rje lcags kyu de bcings pa'i sangs rgyas thams cad kun nas 'gugs zhes bya ba thams cad spyan 'dren to/ /'dod pa'i rdo rje ni 'dod chags pa'i phyag rgya'i 'dod pa'i 'o/ /de'i sbyor ba ni phyag rgya bcing ba ste/ des ni rdzogs sangs rgyas kyang mnyes par byed ces bya ba dbang du byed do/ /kyang zhes bya ba'i sgras ni sems dpa' gzhan dag kyang zhes bya ba ston to/ /legs so bas ni bstod par byed ces bya ba ni/ sngags pa des lag pa gnyis kyis legs so zhes bya ba'i phyag rgya bcings na/ de bzhin gshegs pa rnams kyis bstod par byed cing sngags pa gsungs par 'gyur ro/ /rdo rje rin chen ni rdo rje rin chen no/ /de'i phyag rgya rin chen dang/ rdo rje dang ldan pa gang yin pa ste/ de bcings par gyur pa ni sangs rgyas kun gyi de dbang 'gyur zhes bya ba/ de bzhin gshegs pa rnams kyis kun nas dbang bskur bar 'gyur ro/ /rdo rje nyi ma'i phyag rgya gang yin pa de ni rdo rje nyi ma ste/ de bcings pas cir 'gyur zhe na/ sangs rgyas kun gyi thod 'dra 'gyur zhes bya ba ste/ sangs rgyas kyi gzi brjid 'di la yod pas na sangs rgyas kyi 'od do rdo rje nyi ma'i 'o// de dang 'dra bar 'gyur ba ni sngags pa de dang mtshungs par 'gyur ba'o/ /rdo rje rgyal mtshan 'chang bar 'gyur ba zhes bya ba ni rin chen dpal ste/ de'i phyag rgya la de skad ces bshad do/ /rdo rje 'chang bar gyur pa ni rin chen dpal gyi dam tshig gi phyag rgya bcings la/ rdo rje dpal ni bdag go zhes bsgom na sngags pa de nyid kyis re ba kun yang rdzogs par byed ces bya ba sems can thams cad kyi sred pa thams cad yongs su rdzogs par byed par 'gyur ro/ /rdo rje bzhad pa'i tshul gyis ni zhes bya ba ni rdo rje bzhad pa'i sbyor ba ste/ de'i dam tshig gi phyag bcings pas so/ /des cir 'gyur zhe na/ sangs rgyas kun dang lhan cig bzhad ces bya ba gsungs te/ rdo rje bzhad pa dang 'dra bar 'gyur zhes bya ba'i don to/ /chos kyi rdo rje ni rdo rje chos so/ /de'i phyag rgya gang yin pa de yang chos kyi rdo rje ste/ chos kyi rdo rje de bcings pas rdo rje chos dang 'dra bar 'gyur ro/ /rdo rje ral gri ni rdo rje rnon po ste de'i phyag rgya yang rdo rje ral gri'o/ /de thogs pa ni yang dag par bcings pas nyon mongs pa thams cad des gcod do zhes pa'o/ /rdo rje 'khor lo ni rdo rje rgyu'o/ /de bstan par byas pa ni/ de'i dam tshig gi phyag rgya dam por bcings nas bsgoms pa bstan por bskyed pa'o/ de ni dkyil 'khor gyi bdag por 'gyur zhes bya ba dkyil 'khor gyi bdag po rdo rje 'khor lor 'gyur ro/ /rdo rje smra pa'i dam tshig gi phyag rgya bcings la de'i ngo bor bsgoms pa ni rdo rje smra ba'i sbyor ba'o/ /de nas rdo rje'i dag mchog 'grub par 'gyur ro/ zhes bya ba rdo rje smra ba'i dngos grub dam pa thob par 'gyur pa'o/ /rdo rje las kyi dam tshig gis phyag rgya ni rdo rje las so/ /de bcings pa ni rdo rje las dang 'dra bar 'gyur zhes bya ba las kyi rdo rje dang 'dra bar 'gyur ba'o/ /rdo rje go cha'i dam tshig gi phyag rgya ni rdo rje go cha ste/ de bstan par byas pas bcings na lus rdo rje dang 'dra bar 'gyur ro/ /rdo rje gnod sbyin gyi dam tshig gi phyag rgya ni rdo rje mche ba mchog gi phyag rgya ste/ de bcings pa ma rungs pa'i bdud des 'joms par 'gyur ro/ /bcom ldan 'das rdo rje khu tshur gyi dam tshig gi rgya ni rdo rje khu tshur ro/ /rdo rje khu tshur de dam zhing mi phyed pas bcings pas phyag rgya kun zhes bya ba rnam par snang mdzad la sogs pa'i phyag rgya rnams dbang du 'gyur zhes bya ba rang dbang du byed pa'o/ /'di skad ston te rdo rje 'bebs pa'i dam tshig gi phyag rgyas bdag nyid la dbab pa byas la/ rdo rje khu tshur gyi dam tshig gi phyag rgyas bcings te/ sems so sor rtogs pa la sogs pa byas nas/ dam tshig gi phyag rgya la sogs pa'i phyag rgya thams cad bcings par bya'o/ /de yang badzra A be sha a zhes byas pas rdo rje 'bebs pa'i dam tshig gi phyag rgya bcings la a zhes bya bas bdag nyid la dbab par bya'o/ /de nas badzra muSh+Ti zhes bya bas rdo rje khu tshur gyi dam tshig gi phyag rgya bcings par bya ste/ de ltar na phyag rgya thams cad 'grub par 'gyur ro/ /gal te de ltar mi phyed na sa ma ya stwaM zhes zlos shing phyag rgya chen po la sogs pa'i phyag rgya thams cad bcing bar bya'o/ zhes gsungs pa yin no/ /'dzin ma zhes bya ba sgeg mo'i dam tshig gi phyag rgya'i rang bzhin gang yin pa des ni lha'i dga' ba rnams te/ byang chub kyi sems kyi dga' ba thob par 'gyur ro/ /zhes bya ba'i don to/ phreng ba yis ni zhes bya ba phreng ba ma'i dam tshig gi phyag rgya yis ni rgyan rnams thob par 'gyur ro/ /glu ma'i sa zhes bya ba glu ma'i dam tshig gi phyag rgyas ni rtag tu skad gsal bar 'gyur ro/ gar gyis zhes bya ba gar ma'i dam tshig gi phyag rgya ni mchod pa rnams rnyed par 'gyur ro/ /bdug pas zhes bya ba ni bdug pa ma'i dam tshig gi phyag rgyas ni 'jig rten tshig par byed par 'gyur ro/ me tog gis ni zhes bya ba me tog ma'i dam tshig gi phyag rgyas ni mdzes pa'i gzugs thob par 'gyur ro/ /mar me'i phyag rgyas zhes bya ba mar me'i dam tshig gi phyag rgya ni mig lnga thob par phyir snang ba dag pa nyid du 'gyur ro/ /dri yis zhes bya ba ni byug pa ma'i dam tshig gi phyag rgyas ni lha rdzas kyi dri rnyed par 'gyur ro/ /rdo rje lcags kyu ni rdo rje lcags kyu'i dam tshig phyag rgya ste/ des ni yang dag par 'gugs par 'gyur ro/ /rdo rje zhags pas ni rdo rje zhags pa'i dam tshig gi phyag rgya ste/ des ni 'jug par byed do/ /rdo rje lcags sgrog ni rdo rje lcags sgrog gi dam tshig gi phyag rgya des ni 'ching bar byed do/ /rdo rje dril bu ni rdo rje 'bebs pa'i dam tshig gi phyag rgya ste/ des ni yang dag par 'bebs shing mnyes par byed do/ /des ni chos kyi phyag rgya rnams bshad do/ zhes bya ba ni chos thams cad rang bzhin gyi rnam par dag pa'o zhes rtogs pa ni chos so/ /de nyid ni sems can thams cad kyi rgyud la rgyas 'debs pas na phyag rgya'o/ /de ston par byed pa'i sgra la yang nye bar gdags pas de skad ces bya'o/ /badzra dz+nyA na sangs rgyas rnams zhes bya ba ni/ de bzhin nyid ni rdo rje ste/ de ye shes ni rdo rje'i ye shes so/ /de ston par byed pa badzra dz+nyA na zhes bya ba'i sgra'i tshul 'di ni de bzhin gshegs pa lnga po'i chos kyi phyag rgya yin no/ /rdo rje dbyings ni bstan par byed ces bya ba ni de'i las de bzhin gshegs pa thams cad kyi sku dang gsung dang thugs rdo rje ni rdo rje dbyings te/ de brtan par byed pas na/ rdo rje dbyings ni brtan par byed ces bya'o/ /'di skad ston te/ de bzhin gshegs pa'i zlos pa pos rang bzhin gyis dag par mos pas lce la rdo rje dkar po bsam par gang gi tshe badzra dz+nyA na zhes bya ba dgod par byas pa de'i tshe/ de'i sku dang gsung dang thugs rdo rjer 'gyur ro/ /rdo rje sems dpa' la sogs pa'i chos kyi phyag rgya'i dbang du byas nas/ de nas zhes bya ba la sogs pa gsungs te/ cho ga bzhin du zhes bya ba ni lha rnams dam tshig gi phyag rgyas bsgrubs nas/ ljags la chos kyi yi ge ji lta ba bzhin du bkod pa 'di ni cho ga bzhin zhes bya'o/ /sa ma ya stwaM zhes bya ba ni rang bzhin gyis dag pa'i tshul nyid kyis na 'da' bar mi bya ba ni khyed yin no/ zhes bya ba'i tha tshig go /phyag rgya kun gyi dbang por 'gyur/ zhes bya ba ni phyag rgya yang yin la kun kyang yin pas na/ phyag rgya kun te/ rnam par snang mdzad la sogs pa'i dam tshig dang/ chos dang/ las dang/ phyag rgya chen po'o/ /phyag rgya de thams cad kyi bdag po yin pas na/ phyag rgya kun gyi dbang po ste/ chos kyi dbyings kyi rang bzhin rnam par snang mdzad chen po ni rdo rje sems dpa' ste de 'gyur ro/ /'di ni rdo rje sems dpa' i chos kyi phyag rgya'o/ A na ya swa zhes bya ba ni khug cig ces bya ba ste rdo rje rgyal po'i'o/ a ho su khaM zhes bya ba ni thog ma dang tha ma med pa'i chos bdag med pa'i chags pa zhes bya ba'i tha tshig ste/ rdo rje chags pa'i'o/ sA d+hu sA d+hu zhes bya ba'i ni legs pa ni rdzogs pa'i byang chub kyi spyod pa zhes gsungs pas so/ /pha rol tu phyin pa drug gi spyod pa'i ngo bo ste rdo rje legs pa'i'o/ /su ma ha ta twaM zhes bya ba ni mdzes pa'i mchod pa ni mchod pa bzang po ste bsgrub pa'i mchod pa'i ngo bor sbyin pa ni khyod yin no/ /zhes bde pa ste rdo rje rin chen gyi'o/ /ru pa byo ta zhes bya ba ni gzugs nye bar gsal bar byed pas na gzugs snang ba ste/ nam mkha' dang mnyam pa nyid kyi ye shes kyi chos thams cad rang bzhin rab tu gsal bar mdzad pa zhes bya ba'i tha tshig go / chos kyi gzi brjid nyid du 'gyur/ zhes bya ba rang bzhin gyis dag ba rtogs pa'i chos kyi rang bzhin can gyi gzi brjid 'di la mnga' bas na chos kyi gzi brjid de/ rdo rje nyi ma nyid du de 'gyur ro/ zhes bya ba'i don to/ rdo rje gzi brjid kyi'i'o/ /artha prAbti zhes bya bas ni don du gnyer bar bya ba yin pas na don te/ de bzhin gshegs pa'i stobs dang mi 'jigs pa la sogs pa'o/ des rnams rtogs pa ni nor thob pa ste rdo rje dpal gyi'o/ / ha ha hu? he zhes bya ba ni rgyu dang bral ba la dmigs pa'i chos kyi sbyin pa chen po rtogs pa'i tshul gyis ni/ sangs rgyas 'dzum pa cung zad bzhad pa thob cing rnyed par 'gyur ba ste/ rdo rje bzhad pa nyid thob par 'gyur ro/ zhes bya ba'i tha tshig go /rdo rje bzhad pa'i'o/ /sarbba ka ri zhes bya ba'i chos rnams rang bzhin gyis rnam par dag par thugs su chud nas sngon gyi 'phen pa'i stobs kyi shugs kyi gzugs thams cad yang dag par ston pa'i ting nge 'dzin gyis sems can thams cad kyi don rdzogs par mdzad pas na thams cad mdzad pa ste/ rdo rje chos kyi'o dugyi rkang pa thugs su chud pas rdo rje dbyings la sogs pa'i dkyil 'khor chen po rdzogs par mdzad de/ sangs rgyas dang byang chub sems dpa' i dkyil 'khor kun gyi bdag por 'gyur ba ste/ sems bskyed pa tsam gyis chos kyi 'khor lo bskor bar 'gyur ro zhes bya ba'i tha tshig go rdo rje'i rgyu'i'o/ /pra ti shapta zhes bya ba ni brag ca ste/ so sor yang dag par rig pa bzhi'i rang bzhin gyi shes rab spros pa med pa'i sgra ni ma skyes pa yin pa'i phyir sgra brnyan lta bu ste/ de lta bu gang yin pa de ni khyod yin no/ zhes bya ba'i tha tshig go /sangs rgyas rnams dang lhan cig smra zhes bya ba ni/ rnam par snang mdzad la sogs pa'i sangs rgyas rnams dang lhan cig tu smra ba ste/ rdo rje smra bar 'gyur ro zhes bya ba'i tha tshig go /rdo rje smra ba'i 'o/ /su b+hA Shi twaM zhes bya ba ni rab tu dbang du byed pa nyid yin pas na shin tu dbang po nyid de/ ma lus shing lus pa med pa'i mchod pa rnams kyis de bzhin gshegs pa thams cad mchod pa la dbang pa'o/ /kun gyi dbang dang ldan par 'gyur zhes bya ba ni rigs kun nas kun tu sangs rgyas kyi sprul pa'i phrin las rnams dang/ sems can gyi don bya ba rnams la dbang ba nyid dang/ gtso bo nyid du de 'gyur ro zhes bya ba'i tha tshig ste/ rdo rje las kyi'o/ /nir b+ha ya stwaM zhes bya ba ni phyir mi ldog pa'i brtson 'grus kyis nyan thos dang rang sangs rgyas kyi sar ltung ba'i 'jigs pa med pas na 'jigs med nyid do/ /'jigs med 'gyur zhes bya ba ni rdo rje bsrung bar 'gyur ro/ rdo rje bsrung ba'i 'o/ /sha truM b+hak+Sha zhes bya ba ni 'dod chags pa'i nyon mongs pa dang nye ba'i nyon mongs pa rnams dang/ lha'i bu'i bdud la sogs pa ni dgra rnams so/ /de so sor rtogs pa'i brtson 'grus dang rnam par thar pa'i sgo rang bzhin gyis 'od gsal bas za zhing mi snang bar mdzad pas na dgra rnams za ba'o/ /rdo rje gnod sbyin gyi'o/ /sarbba sid+hi zhes bya ba ni dam tshig dang/ chos dang/ las dang phyag rgya chen po rnams kyi dngos grub rnams grub pa ste/ de ston par byed pa'i sgra la yang de skad ces bya'o/ /de smras zhes thams cad 'grub par 'gyur zhes bya ba phyag rgya thams cad 'grub par 'gyur ro/ /rdo rje khu tshur gyi'o/ /mahA ra ti zhes bya ba ni dga' ba yang yin la chen po yang yin pas dga' ba chen po ste/ mgu ba'o/ sgeg mo'i chos kyi phyag rgya des ni lha'i mgu ba thob par 'gyur ro/ ? sho de? zhes bya bas phreng ba ma'i chos kyi phyag rgya gang yin pa des gzugs bzang nyid ces bya ba gzugs bzang ba nyid du gyur pa'i gzugs bzang ba nyid thob bo/ /sho tra aau khya zhes bya ba lha mo glu ma'i chos kyi phyag rgya gang yin pa des ni bde ba sbyin par byed do/ /sarbba pU dze zhes bya bas gar ma'i chos kyi phyag rgya gang yin pa des ni legs par mchod pa nyid sbyin par byed pa'o/ pra hlA da ni zhes bya ba bdug pa ma'i chos kyi gang yin pa de ni yid bde ba'i bde ba sbyin par 'gyur ro/ / pha lA gA mi zhes bya ba ni me tog ma'i chos kyi phyag rgya gang yin pa des 'bras bu rnams te bsam gtan gyi 'bras bu dang/ 'jig rten pa'i don gyi dngos grub la sogs pa'i 'bras bu thob par 'gyur ro/ /su te dzA gri zhes bya ba mar me ma'i gang yin pa de ni gzi brjid chen po sbyin par byed do/ /su gand+ha dgi zhes bya ba phyug ma'i gang yin pa des ni dri'i mchog nyid sbyin par byed do/ /sgeg mo la sogs pa'i chos kyi phyag rgya brgyad po 'di dag ni bod pa'i tshig gi brjod pa yin no/ /A ya hi dza rdo rje lcags kyu'i 'o/ /A ya hi hUM hUM zhags pa'i 'o/ /he sphoT baM lcags sgrog gi'o/ /g+haN+Ta a A zhes bya ba ni rdo rje 'bebs pa'i chos kyi phyag rgya'o/ /sems ma rdo rje ma la sogs pa'i chos kyi phyag rgya ni rang gi snying po nyid yin no/ /dge ba zhes bya ba ni dkar po'o/ /lce la zhes bya bas ni gzugs brnyan gyi sbyor bas lce kun tu gang bar gnas par bsam par bya'o rdo rje zhes bya ba ni rdo rje rtse lnga pa'o/ /de nas las kyi phyag rgya bcing ba bshad ces bya ba ni brtson 'grus kyi rang bzhin gyi bya ba ni las so/ /de ston par phyed pa lag pa'i tshul 'dra ba ni phyag rgya'o/ /de bcing ba bshad de zhes bya ba ni bcing ba'i mtshan nyid brtsam par bya'o/ /rdo rje khu tshur zhes bya ba dam tshig gi rdo rje khu tshur ro/ /dam bcings te zhes bya ba ni dam du bcing ba'o/ /mnyam par bzhag pas/ zhes bya ba ni rang gi lha la dmigs pa'i sems kyis so/ /gnyis su bya ba ni so sor bya ba'o/ /rdo rje'i phyag rgya gnyis bcings te zhes bya ba ni rdo rje khu tshur gyi phyag rgya gnyis su byas pa ni/ rdo rje'i phyag rgya gnyis rdo rje khu tshur gyi phyag rgya gnyis su 'gyur ro/ /de nas bcings pa rab tu bshad ces bya ba ni las kyi phyag rgya rnams kyi bcing ba mtshan nyid so sor phye ste rab tu bshad par bya'o/ /g.yon pa'i rdo rje zhes bya ba la sogs pa la/ snying ga na gnas pa'i g.yon pa'i rdo rje khu tshur gyi sor mo ni g.yon pa'i rdo rje mdzub mo ste/ de gzung bar bya'o/ /gang gis gzung zhe na/ g.yas pa'i zhes bya ba gsungs te/ g.yas pa'i rdo rje khu tshur gyis so/ /de ji lta bur gyur pa gzung zhe na/ bsgreng pa ste kha gyen du bltas te gnas pa zhes bya ba'i tha tshig go / byang chub mchog gi phyag rgya 'di zhes bya ba la/ byang chub ni bla na med pa yang dag par rdzogs pa'i byang chub pa'o/ /de nyid ni mchog ste dam pa gang yin pa des gsal par byed pas na/ phyag rgya de ni byang chub mchog ste/ de ston par byed pa bcom ldan 'das rnam par snang mdzad las kyi phyag rgya'o/ /mi g.yo ba'i sa reg pa/ zhes bya ba ni g.yon pa'i rdo rje khu tshur chos gos kyis tha ma 'dzin pa'i tshud du bzhag la/ g.yas pa'i rdo rje khu tshur gyi sor mo thams cad brkyangs pas sa la reg pa'i tshul du bya ba ni sa la reg pa'o/ /de bzhin rin chen mchog sbyin pa'o/ /zhes bya ba la de bzhin zhes bya ba rnam pa de nyid kyis te/ ji ltar mi bskyod pa'i khu tshur g.yon pas chos gos 'dzin par mdzad pa'i tshul de bzhin du rin chen 'byung ldan gyi yang bya'o/ /rin chen 'byung ldan gyi de yang mchog sbyin pa ni g.yas pa'i rdo rje khu tshur bkan te/ sor mo thams cad brkyang la mchog sbyin pa'i tshul du bya'o/ /dpag med pa zhes bya ba ni/ tshe dpag tu med pa'o/ /ting nge 'dzin mchog ces bya ba ni ting nge 'dzin gyi dam pa'o/ /de ston par byed pa'i phyag rgya ni/ ting nge 'dzin mchog ste/ rdo rje khu tshur gnyis kyis mor mo thams cad brgyad la lhung bzed 'dzin pa'i tshul du phan tshun mthe bo'i rtse la phrad par bzhag pa'o/ /gdon mi za ba zhes bya ba ni don yod par grub pa ste/ de'i las kyi phyag rgya ni mi 'jigs pa sbyin pa'o/ /'di skad ston te/ g.yon pa'i rdo rje khu tshur gyis chos gos 'dzin pa'i tshul du byas la/ g.yas pa'i sor mo thams cad brkyang la mi 'jigs pa sbyin pa'i tshul du bya'o/ /rdo rje'i las rnams ni dam tshig mi phyed pa'i las te/ de byed pa ni rdzogs par byed pa'o/ /bsgyings bcas gsor ba zhes bya ba ni sngar bshad pa'o/ /gnyis ka yis zhes bya ba ni g.yon dang g.yas kyi rdo rje khu tshur gnyis kyis te/ g.yon pa'i rdo rje khu tshur kha nang du bltas pa dkur bzhag la/ g.yas pa bkan te/ snying gar gyen du stong pa'i tshul gyis bzhag pa 'di ni rdo rje sems dpa' i las kyi phyag rgya'o/ lcags kyu 'dzin ltar gnas pa dang/ zhes bya ba ni g.yas pa ni rdo rje khu tshur mdun du bzhag la de'i yang mdun du g.yon pa'i rdo rje khu tshur lcags kyu 'dzin par ltar bya ba ni rdo rje rgyal po'i 'o/ /mda''phang ba'i tshul dang ni/ zhes bya ba ni g.yon pa'i rdo rje khu tshur snying gar bkan te gzhag la/ de'i steng du g.yas pa kha spug ste bzhag nas yang g.yas pa'i rdo rje khu tshur gyis mda''dren pa'i tshul du byas la/ rna ba la thug gi bar du gzhu 'dren pa'i tshul du byas nas mda' bkang nas 'phen pa ltar byed pa 'di ni rdo rje chags pa'i 'o/ /legs so zhes pas snying gar bzhag ces bya ba ni rdo rje khu tshur gnyis snying gar bzhag la mdzub mo dang mthe pos se gol brdebs pa 'di ni legs pa'o/ / dbang bskur ba ni rdo rje gnyis zhes bya ba ni rdo rje khu tshur gnyis mdzod spu'i gnas su bzhag pa 'di ni dbang bskur ba 'di ni rdo rje gnyis zhes bya bar 'gyur ro/ /'di ni rin chen gyi'o/ /snying gar nyi ma bstan par bya/ zhes bya ba ni rdo rje khu tshur gnyis snying gar g.yas nas bskor te/ bskor bar bya ba ni rdo rje gzi brjid kyi'o/ /g.yon pa la ni gru mo gzugs/ /zhes bya ba ni g.yon pa'i rdo rje khu tshur la g.yas pa'i rdo rje khu tshur gyi gru mo gzugs pa ni rdo rje / dpal gyi'o/ /de bzhin kha phyogs bskor bar bya/ zhes bya ba ni rdo rje khu tshur gnyis dgod pa'i tshul du sgeg mo dang bcas yongs su bskor la kha'i grwa gnyis su bzhag pa ni bzhad pa'i 'o/ /g.yas pa yis ni g.yon par dbye/ zhes bya ba ni g.yas pa'i rdo rje khu tshur gyis g.yon pa'i rdo rje khu tshur snying gar 'byed pa'i tshul du 'byed pa 'di ni rdo rje chos kyi'o/ /snying gar g.yon pa ral gri mdud ces bya ba ni g.yon pa'i rdo rje khu tshur snying gar bzhag la/ g.yas pa'i rdo rje khu tshur gyis ral gri 'debs pa'i tshul du bya ba ni snying gar g.yon pa ral gri gsod ces bya ba ste rdo rje rnon po'i 'o/ /mgal me'i 'khor lo bskor ba dang/ zhes bya ba ni rdo rje khu tshur gnyis mgal me'i 'khor lo lta bur g.yas phyogs nas lus kyi phyi rol tu bskor ba ni rdo rje rgyu'i 'o/ rdo rje gnyis ka kha nas dbyung zhes bya ba ni rdo rje khu tshur gnyis kha nas gyen du bteg pa 'di ni rdo rje smra ba'i 'o/ /rdo rje gar bskor zhes bya ba la sogs pa la rdo rje khu tshur gnyis bcings te/ sgeg bcas mdza' nas dgrol ba yis/ /glog 'gyur ltar 'bebs bskor ba ni/ rdo rje'i gar ces de bshad do/ /de nyid ni gar bskor ba ste/ des rdo rje gnyis bskor ba de las byung ba'i thal mo sbyar ba spyi bor yang dag par bzhag na/ rdo rje las kyi phyag rgyar 'gyur ro/ /go cha zhes bya ba ni rdo rje khu tshur gnyis snying gar mdud pa'i tshul gyis yongs su bskor la/ yang mgrin pa dang/ ltag par yang snying gar/ de nas nu ma'i bar du slar yang snying gar de nas mgrin pa dang/ rgyab dang dbang bskur ba'i gnas su mdud pa bya ba'i tshul gyis yongs su bskor la/ phreng ba bcings pa ji lta ba bzhin byas la/ mthar thal mo rting ba brdabs pas mnyes par byas la/ yang rdo rje khu tshur gnyis bcings te/ go dgo ba'i tshul gnyis rab tu sbyar ba ni rdo rje bsrung ba'o/ /mthe'u chung mche ba'i mchog ces bya ba ni rdo rje khu tshur gnyis kyi mthe'u chung brkyang la bkug pa'i mthe bo'i mchog gang yin pa de ni bde ba'i mchog ces bya te de kha'i grwa gnyis su bzhag pa ni rdo rje gnod sbyin gyi phyag rgya'o/ /khu tshur gnyis ni mnan pa'o/ /zhes bya ba'i rdo rje khu tshur gnyis phan tshun btsir ba 'di ni rdo rje khu tshur gyi'o/ /rdo rje 'gying ba zhes bya ba la sogs pa la/ rdo rje khu tshur gnyis bkug nyis su bzhag la/ bsam pa g.yos pas zhes bya ba smos pa'i khyad par gyis mdud par bya ba ni sgeg mo'i phyag rgya'o/ /phreng ba bcings dang/ zhes bya ba ni rdo rje khu tshur gnyis kyis phreng ba bcings pa'i tshul du byed ba ni phreng ba ma'i 'o/ /kha nas dbyung zhes bya ba ni/ rdo rje khu tshur gnyis kyis tshig 'byin pa'i tshul du byed pa 'di ni glu ma'i ? rdo rje gar ni bskor ba yin/ zhes bya ba ni rdo rje las kyi phyag rgya ltar gar bya ba nyid ces bya ba'i tha tshig ste/ rdo rje gar ma'i 'o/ /rdo rje khu tshur gyis ni/ zhes bya ba ni rdo rje khu tshur gnyis kyis so/ /bdug pa la sogs de bzhin sbyin zhes bya ba ni de bzhin te sngar bshad pa'i bdug pa ma la sogs pa'i phyag rgya'i tshul de las rdo rje khu tshur gnyis bdug pa 'bul ba'i tshul du thur du blugs pa ni bdug pa ma'i 'o/ /rdo rje khu tshur gnyis me tog 'bul ba'i tshul du gyen du 'thor ba ni me tog ma'i'o/ rdo rje khu tshur gnyis kyi mthe bong gnyis gshibs te/ bsgreng la mar me 'bul ba'i tshul bzhag pa ni mar me'i'o/ /rdo rje khu tshur gnyis brkyang la rang gi snying gar dris byug pa'i tshul du byed pa ni byug pa ma'i 'o/ /sangs rgyas kun la mchod pa yi/ / phyag rgya'i mchod pa byed pa'o/ zhes bya ba ni mchod pa'i rgyur bdug pa ma la sogs pa'i mchod pa phyag rgya 'di dag brtag pa 'di yin no/ /mdzub mo lcags kyu bcing ba ni zhes bya ba ni rdo rje khu tshur gnyis bcings la g.yas pa'i rdo rje khu tshur gyi mdzub mo lcags kyu bya'o/ /de bcing pa ni mthe'u chung la ste/ zhes bya ba ni g.yon pa'i rdo rje khu tshur gyis the'u chung lcags kyur byas pa'i lcags kyu g.yas pa'i mdzub mo'i lcags kyu'i rtsa ba dgug par bcings te/ bcings pa des mthe'u chung ste lcags kyu tshe/ zhes bya ba rdo rje lcags kyu'i las kyi phyag rgya'o/ /mkhrig ma mdud pa zhes bya ba ni rdo rje khu tshur gnyis bcings la gcig la gcig gi mkhrig ma'i gnas kyi rgyab kyi cha sbyar ba de lta bu ni mkhrig ma mdud par 'gyur te/ rdo rje zhags pa'i'o/ /mdzub mo gnyis gdug ces bya ba ni rdo rje khu tshur gnyis bcings la de gnyis kyi mdzub mo gnyis lcags kyu 'dra bar bya ba nang du thad kar bzhag ste/ phan tshun lcags sgrog bcing pa'i tshul du bya ba 'di ni mdzub mo gnyis gdu bur 'gyur te/ rdo rje lcags sgrog gi'o/ /rgyab gnyis kyang ni bsnyams te bzhag ces bya ba ni rdo rje khu tshur gnyis bcings la phan tshun rgyab skyar nas btsir ba 'di ni rdo rje 'bebs pa'i las kyi phyag rgya'o/ /de mos ma rdo rje sogs pa'i phyag rgya ni rdo rje sems ma dang/ rin chen dang/ chos dang/ las kyi phyag rgya de nyid de dag gi phyag rgya yin par blta par bya'o/ /de nas 'di rnams zhes bya ba ni las kyi phyag rnams kyi'o/ /sgrub pa zhes bya ba ni 'dis sgrub khang nas bsgrub pa ste/ rang gi snying gar sna tshogs rdo rje bsam pa'o/ /rdo rje las ni byad dang mnyam zhes bya ba ni rdo rje zhes bya ba de bzhin gshegs pa rnams kyi phrin las ni/ sangs rgyas rnams kyi sprul pa dang/ sems can gyi don bya ba rnams so/ /de byed pas na/ rdo rje las ni byed pa ste/ rdo rje las so/ de dang mnyam pa ni mtshungs pa'o/ /de bstan pa'i phyir/ rdo rje kun dngos rdo rje ni/ snying gar yongs su bsgom par bya zhes bya ba gsungs te/ rdo rje thams cad rang bzhin no/ /rdo rje kun dngos rdo rje ste sna tshogs rdo rje zhes bya ba'i tha tshig go / de snying gar bsgom zhing bsam pa 'di ni de bsgrub pa yin no/ /ye shes phyag rgya bcings pas ni/ sangs rgyas ye shes 'jug par 'gyur/ zhes bya ba la/ byang chub mchog ni ye shes kyi phyag rgya ste/ byang chub kyi sems dang/ sbyin pa dang/ shes rab dang/ brtson 'grus kyi pha rol tu byin pa'i shes rab ye shes bsdus pa'i khu tshur de bcings par gyur na/ sangs rgyas kyi ye shes bzhi po yang dag par 'jug par 'gyur zhing rab tu zhugs la rnal 'byor ba la skye bar 'gyur ro/ /zhes bya ba'i tha tshig go /mi g.yo ba'i zhes bya ba ni/ bcom ldan 'das mi bskyod pa'i las kyi phyag rgya ste/ de bcings pa ni g.yo ba med cing 'khrug pa med par 'gyur te/ bcom ldan 'das rin chen 'byung ldan gyi phyag rgya bcings pas ni gzhan la phan par byed de/ pha rol gzhan rnams la rjes su gzung ba'i phan 'dogs pa 'di la yod pas na gzhan la phan byed ldan pa ste de lta bur 'gyur ro/ /dam chos 'khor lo'i phyag rgyas ni/ chos kyi 'khor lo'i bskor par 'gyur/ zhes bya ba ni bcom ldan 'das 'od dpag tu med pa'i phyag rgya bcings na/ chos ston par sems can gyi don byed par 'gyur ro/ /mi 'jigs zhes bya ba la sogs pa la/ mi 'jigs pa rab tu stsol ba'i mchog yin pas / mi 'jigs mchog ste bcom ldan 'das don yod par grub pa'o/ /de'i phyag rgyas ni mi 'jigs pa sbyin par 'gyur ro/ /rdo rje sems dpa' la sogs pa ni go sla'o/ /gdul bya'i skye bo spro ba bskyed pa'i phan yon gsungs pa yin no/ /de nas phyag rgya thams cad kyi/ zhes bya ba rdo rje 'bebs pa'i dam tshig gi khu tshur ni/ dam tshig dang/ chos dang/ las dang/ phyag rgya chen po rnams kyi'o/ /spyi'i phyag rgya bcings pa'i cho ga rgyas pa bshad de zhes bya ba ni/ spyi zhes bya ba thun mong du gyur pa'i bcing ba'i cho ga rgyas pa yin pas phyag rgya bcings pa'i cho ga rgyas pa zhes bya ste/ snying gar rdo rje bsdams pa dral ba'i mtshan nyid do/ /de bshad par bya'o/ de nyid gsungs pa ni/ de la thog pa nyid du zhes bya ba ste/ rdo rje dbab pa'i dam tshig gi khu tshur gyi phyag rgya bcings pa nyid kyis/ dngos grub kyi cho ga rgyas pa'i dam tshig dang/ chos dang/ las dang/ phyag rgya chen po rnams las/ thog ma nyid du rdo rje bcings pa'i sor mo'i snying gar gdab par bya ste/ zhes bya ba ni/ rdo rje thal mo sbyar ba dang/ rdo rje thal mo dang/ rdo rje bsdams pa bcings la/ rang gi snying gar badzra band+ha tra Ta/ zhes bya ba 'dis lan gsum dral ba ni/ khams gsum pa'i 'dod chags la sogs pa bag chags kyis 'ching ba gzhig dka' ba ste/ rang bzhin gyi 'od gsal bar bsgoms pas gcod par ston pa yin pas phyag rgya bcing ba kun ni/ rdo rje 'bebs pa la sogs pa'o/ /rang rang gi lus dang ngag dang sems rdo rje ni rnal 'byor pa'i 'o/ /dbang du 'gyur ro/ zhes bya ba ni sgrub pa pos phyag rgya gang dang gang bcings pa de dag de rang gi las byed do zhes bya ba'i tha tshig go / de ltar phyag rgya thams cad bcings pa'i don gyi sngon du bya ba'i cho ga bstan nas da ni de rnams nyid grub pa'i don gyi cho ga gsungs pa ni/ de nas zhes bya ba la sogs pa gsungs pa yin ste/ rdo rje dbab pa'i dam tshig gi phyag rgyas bshad pa/ badzra A le shA zhes zlos shing bcings la/ a zhes bya bas bdag nyid la dbab par bya zhing rang gi snying gar zla ba la rdo rje yang zhugs par bsam par bya'o/ /rdo rje zhes bya ba ni rang gi rigs kyi mtshan ma'i nye bar mtshon pa tsam yin par shes par bya'o/ /de nas babs nas grogs po nyid du nye bar gnas par 'gyur ro/ zhes bya ba ni rang gi rigs kyi mtshan ma'i khyad par gyi gzugs kyis babs shing yang dag par kun tu zhugs nas grogs po nyid du nye bar gnas par 'gyur te/ grogs po dang 'dra bar dgos pa thams cad byed cing sgrub pa po gang 'dod pa de rdzogs par byed do/ zhes bya ba'i tha tshig go /de nas tiSh+Tha badzra zhes bya ba la sogs pas dbab pa brtan par byas nas/ badzra muSh+Ti zhes bya bas rdo rje khu tshur gyi dam tshig gi phyag rgya bcing nas/ badzra sand+hi zhes brjod par bya'o/ /de nas phyag rgya bcings pa thams cad 'grub par 'gyur te/ gang gi phyir rgyud 'di nyid las/ rdo rje khu tshur bcings pas/ phyag rgya thams cad dbang du 'gyur ro/ /zhes bstan pa yin no/ /de nas sdig pa dral ba'i phyag rgyas sdig pa zad par byas nas/ de bzhin gshegs pa'i zlos pa pos ni sems so sor rtog pa la sogs pa'i tshul gyis mngon par byang chub lnga'i rim pa bsgom par bya'o/ /rdo rje sems dpa' la sogs pa'i zlos pa pos sdig pa zad pa'i rjes thogs la phyag rgya'i dam tshig sems dpa' chen po bsgom par bya'o/ zhes bstan par bya ba'i phyir/ de nas phyag rgya'i dam tshig gi sems dpa' chen po rjes su dran par bya ste/ zhes bya ba gsungs te/ phyag rgya rnams kyi dam tshig yin pas na/ phyag rgya'i dam tshig ste dam tshig gi phyag rgya dang las kyi phyag rgya rnams bskyed pa'i rgyu zhes bya ba'i tha tshig go / dam tshig kyang yin la sems dpa' yang yin pas na/ phyag rgya'i dam tshig gi sems dpa' chen po ste/ chos kyi dbyings kyi mtshan nyid rnam par snang mdzad chen po'o/ /da rjes su dran pa ni bsgom pa'o/ /de rnam par bsgom pa ni 'di yin te/ thog mdza' med pa'i sems dpa' ni/ /nam mkha' skye ba'i mtshan nyid yin/ /kun tu bzang po kun bdag nyid/ /'dod pa kun dang 'gro ba'i bdag /sems can kun gyi sems gang yin/ brten phyir sems dpa' zhes bshad do/ /mnyam par bzhag pas ting nge 'dzin/ /nges pa las ni rdo rjer gyur/ /sems dpa' byin brlabs sbyor ba yis/ /sems dpa' i nyid duAng de 'gyur ro/ /bcom ldan sems dpa' de nyid de/ rdo rje 'dod pa'i de bzhin gshegs/ /rang sems rab tu rtogs la sogs/ /sangs rgyas byang chub cho ga bzhin/ /de nyid de bzhin gshegs pa'i rigs/ /de nyid rdo rje'i rigs chen po/ /de nyid pad+ma'i rigs dag pa/ /de nyid nor bu'i rigs mchog go / zhes gsungs pa yin no/ /de ltar rdo rje sems dpa' dang/ rdo rje sems dpa' las byung ba'i rigs thams cad rnam par bsgoms nas/ mahA sa ma ya satwa haM zhes brjod par bya'o/ /de la dam tshig kyang yin la chen po yang yin pas na/ dam tshig chen po'i sems dpa' ste/ thog ma dang tha ma med pa'i chos kyi dbyings kyi ngo bo rnam par snang mdzad chen po'o/ /de las byung ba 'am de'i ngo bo'i sems dpa' la sogs pa'i sku dang gsung dang thugs rdo rje'i mtshan nyid can ni dam tshig chen po'i sems dpa' chen po ste/ de'i ngo bo nyid bdag yin no/ /zhes nga rgyal bskyed par bya'o/ /'dis ni 'di skad ston te/ bdag ni sems dpa' i sku dang gsung dang thugs rdo rje'i ngo bo mig yor tsam yin gyis/ don dam par thams cad du gzugs can ma yin te/ de bas na thog ma dang tha ma med pa'i dam tshig chen po'i sems dpa' ni bdag yin no zhes pa'o/ /de bzhin gshegs pa'i rnal 'byor pa'i ni/ aoM tsit+ta pra ti be daM ka ro mi zhes bya ba nas/ yA tha sarbba ta thA ga ta stwa tha a haM / zhes bya ba'i bar 'di tsam zhig brjod par bya'o/ /mahA sa ma ya satwa haM/ zhes bya ba ni ma yin te/ de bzhin gshegs pa dang/ rdo rje dang/ pad+ma dang/ nor bu'i rigs nyid ni/ rnam par snang mdzad chen po'i ngo bo nyid kyis na/ dam tshig chen po'i sems dpa' rang bzhin yin pa'i phyir ro/ badzra satwa zhes bya ba la sogs pa zlos pas kyang rigs kyi bsgom pa pos rang gi lha'i rnal 'byor bya ba yin te/ bzlas pa'i don du bdag nyid ni/ bsgoms nas 'grub par 'gyur ba yin zhes gsung ba'i phyir ro/ /de ltar phyag rgya thams cad 'grub par bya ba'i phyir/ rang gi bsgom pa'i cho ga rgyas par bshad nas de bzhin gshegs pa'i rnal 'byor pa dang de'i rigs kyi rnal 'byor pas rnam par snang mdzad la sogs pa'i rang gi phyag rgya chen po bsgom pa gsungs pa ni/ de la zhes bya ba la sogs pa gsungs pa yin te/ thog ma kho na zhes bya ba ni chos dang las dang/ phyag rgya chen po bcing ba'i sngon du zhes bya ba'i tha tshig go /rang gi phyag rgya bcings nas zhes bya ba ni rang gi lha'i dam tshig gi phyag rgya ni rang gi phyag rgya ste/ de bcing ba ni rang gi phyag rgya bcing ba'o/ /rang gi phyag rgya'i sems dpa' ni rnam par snang mdzad la sogs pa'i sku dang gsung dang thugs rdo rje'i ngo bo ste/ rang gi phyag rgya'i sems dpa' der sa ma ya hi zhes bya ba zlos shing bsgom pa bya'o/ /de las sa ma ya zhes bya ba ni kun rdzob ste/ kun rdzob kyi gzugs can ni bdag go /zhes bya ba'i tha tshig go /'di dag kyang bshad zin pas ma smras so/ de ltar rang gi dam tshig gi phyag rgya bcings la rang gi lha'i ngo bor bdag rnam par bsgoms nas rang gi lha'i rnal 'byor brtan par bya ba'i phyir/ rang gi lha'i dam tshig gi phyag rgya nyid kyis/ snying ga dang/ dbral ba dang/ lkog ma dang/ spyi bor rdo rje dang/ rin po che dang/ pad+ma dang/ sna tshogs rdo rje bskyed par bya'o/ /de brten par bya ba'i phyir/ de nas zhes bya ba la sogs pa gsungs so/ /byin gyis brlabs pa'i sngags gsungs pa ni/ sa ma ya satwa a d+hi tiSh+Tha swa maM/ zhes bya ba yin te/ sa ma ya satwa zhes bya ba ni dam tshig gi sems dpa' zhes bod pa'o/ /a d+hi tiSh+Tha swa maM zhes bya ba ni bdag la byin gyis brlobs shig ces gsol ba 'debs pa'o/ /de ltar bdag byin gyis brlabs nas de bzhin gshegs pa'i zlos pa pos ni/ badzra d+hA tu zhes zlos shing rang gi phyag rgya chen po bcing bar bya'o/ /rdo rje sems dpa' i zlos pa pos ni badzra satwa zhes bya ba rang gi snying po zlos shing/ sku gsung thugs kyi rdo rjes ni/ /rdo rje bsgyings par sems bskyed de/ /bsgyings bcas rdo rje gsor byed na/ /rdo rje sems dpar bdag nyid 'gyur/ zhes bsam par bya'o/ /de bzhin du rdo rje rgyal po la sogs pa'i phyag rgya chen po bcing ba yang de bzhin du shes par bya'o/ /de bas na 'dis dam tshig gi phyag rgya bcings la/ phyag rgya chen po sbyar bar bya'o zhes bcom ldan 'das kyis gsungs pa yin no// de nas bsgrub par bya'o/ zhes bya ba ni de ltar cho ga 'dis phyag rgya bcings la de bzhin gshegs pa'i zlos pa pos ni/ dzasems dpa' rdo rje la sogs pas/ de ltar sems dpa' chen po bsgrub/ dzardo rje dbab pa ji lta ba bzhin du byas la/ rang gi dam tshig gi phyag rgya dang/ badzra satwa dri sh+ya zhes bya ba la sogs pas blta ba byas la/ de nyid rang gi lus la dgug pa dang/ gzhug pa dang/ bcings pa dang/ dbang du byas la bsgrub par bya'o/ / 'dis ni rdo rje dbab pa byas nas ni/ /phyag rgya chen po cho ga bzhin/ /bcings nas de yi mdun phyogs su/ /sems dpa' chen po de bsgom mo/ /ye shes sems dpa' de mthong nas/ /rang gi lus la bsgom par bya/ /bkug cing bcug la bcing ba dang/ / dbang du byas te sgrub pa po/ /zhes gang gsungs pa de bshad pa yin no/ /de nas dngos grub kyi cho ga rgyas pa bshad de/ zhes bya ba ni dngos grub kyi don gyi cho ga rgyas pa yin pas na/ dngos grub kyi cho ga rgyas pa'o/ /nor bsgrub pa 'dod pas rang gi lha'i sbyor ba rjes su spyad nas ji skad gsungs pa tshul gyis rdo rje'i dngos grub la sogs pa bsam pa nyid dang/ shis pa'i sgra brjod par bya ba yin/ artha sid+d+hi zhes bya ba ste gang gi phyir snying po 'dis nor gyi dngos grub tu 'gyur ba yin no/ /de nas rdo rje zhes bya pa la sogs pa la badzra sid+d+hi zhes zlos pa pos rdzu 'phrul gyi dngos grub bsgrub par 'dod pas kyang de bzhin du cho ga thams cad rjes su spyad la badzra sid+d+hi zhes lan gsum brjod par bya'o/ /de nas badzra dzwa la zhes bya ba la sogs pa brjod par bya'o/ /de bzhin du rang gi lha'i rnal 'byor sngon du 'gro ba dang/ cho ga thams cad rjes su spyad la/ rig 'dzin gyi dngos grub bsgrub par 'dod pas/ dang po kho nar 'di ltar badzra bi d+hA ra zhes lan gsum brjod par bya'o/ /de nas ni badzra d+hA ra zhes bya ba la sogs pa bzlas pa bya'o/ /de nas dam pa bsgrub par 'dod na zhes bya ba ni de bzhin gshegs pa dang/ rdo rje sems dpa' dang/ 'jig rten dbang phyug dang/ rdo rje las kyi dngos grub ji skad du bshad pa ni dam pa ste/ de grub par 'dod cing don du gnyer na'o/ /rang gi phyag rgya'i snying pos bsgrub po zhes bya bas ni rnal 'byor pa gang gi lha'i khyad par gang yin pa de'i snying po blangs la/ lha'i khyad par byas nas/ badzra satwa zhes bya ba la sogs pa la de nyid kyi snying po lan gsum bzlas par bya'o/ /de nas badzra badzra zhes bya ba la sogs pa bzlas par bya'o/ /rnam par snang mdzad la sogs pa'i sgrub pa pos kyang badzra d+hA tu zhes bya ba nas badzra A be sha a zhes bya ba'i bar gyi rang gi phyag rgya'i snying po zlos pa pos rnam par snang mdzad la sogs pa bsgrub par bya ste/ rang gi phyag rgya grub par bya ba'i phyir bzlas pa bya ba'i nges pa bshad pa yin no/ /de nas phyag rgya thams cad kyi zhes bya ba ni rdo rje 'bebs pa'i bar gyi don gyi dngos grub la sogs pa'i phyag rgya'o/ spyi'i zhes bya ba ni de bzhin gshegs pa dang/ rigs thams cad kyi rnal 'byor pa rnams kyi thun mong du gyur pa'o/ /rdo rje bya ba zhes bya ba ni brtan par bya ba'i cho ga'o/ /gang zhig la brtan par bya zhe na/ rang gi lus dang/ ngag dang/ sems rdo rje la'o/ /gang gi tshe brtan par bya zhe na/ nam phyag rgya'i byin brlabs lhod par 'gyur te/ zhes bya ba la sogs pa gsungs te/ nam zhes bya ba dus gang gi tshe phyag rgya chen po la sogs pa bsgom pa la 'jug pa'i sgrub pa po rnams de la dmigs pa'i sems gzhan du 'phyo ba dang/ yul phyogs gzhan du 'gro ba la sogs pa'i rnam par rtog pa'i tshul gyis bcom par gyur pa de'i tshe/ phyag rgya'i ting nge 'dzin gyi mthu nyams par gyur pas na 'di ni phyag rgya'i byin brlabs ltong par gyur pa zhes bya ba ste/ de'i tshe 'am bdag gtong par 'dod na/ zhes bya ba ni gang gi tshe bsgoms pas yongs su dub par gyur na phyag rgya 'di dgrol bar 'dod pa yin te/ de'i tshe yang brtan par bya'o/ zhes dus kyi nges pha gsungs pa yin no/ / 'dis zhes bya ba ni aoM badzra satwa zhes bya ba la sogs pa yi ge brgya pa gsungs pas so/ 'dis ni mtshams med pa byas pa dang/ zhes bya ba la sogs pa la dngos grub thob par 'gyur ro zhes bya bar sbyar te/ mtshams med pa byas pa yang/ zhes bya ba ni lo zla ba gsungs pa yin te/ nges pa myong bar 'gyur ba'i sdig pa chen po byas pa yang 'grub par gyur na/ sdig pa chung ngu byed pa dang rgyud yongs su dag pa de dag ni lta smos kyang ci dgos kyi shin tu 'grub par 'gyur ro/ /de bzhin gshegs pa thams cad bslus pa dang/ zhes bya ba ni de bzhin gshegs pas gsungs pa gang yin pa 'di ni nges byas kyi/ bstan bcos 'di ni sangs rgyas kyis gsungs pa ma yin no zhes smra ba'i de bzhin gshegs pa thams cad bslus par byed pa de dag kyang ngo/ /dam pa'i chos la smos pa ni dam pa'i chos rku ba'i sdig pa chen po byed pa ste/ 'di dag ni sangs rgyas kyis gsungs pa ma yin gyi/ 'di ni snyan ngag mkhan gyis byas pa yin no/ /zhes de bzhin gshegs pas gsungs pa'i tshig gam de spong bar byed pa de yang ngo/ /nyes pa thams cad byas pa dang/ zhes bya ba ni/ tshul khrims dang/ kun tu spyod pa dang/ 'tsho ba log pa dang ldan pa de dag kyang rdo rje sems dpa' brtan par gyur pas 'grub par 'gyur zhing/ de bzhin gshegs pa thams cad kyi phyag rgya ni/ sku dang gsung dang/ thugs rdo rje lta bu'i ting nge 'dzin thob pa ni rdo rje sems dpa' brtan par gyur pa ste/ de las tshe 'di nyid ji ltar 'dod pa/ zhes bya ba dngos grub dam pa la sogs pa'i dngos grub dang/ nor chen po grub pa dang/ dbang du bya ba dang dbab pa dang/ skrad pa dang/ dgug pa dang/ bcing ba dang/ rmongs par bya ba dang/ smyo bar bya ba la sogs pa ni dngos grub thams cad ces bya ba'i sgrar bshad do/ /dngos grub dam pa zhes bya ba ni/ de bzhin gshegs pa dang/ rdo rje sems dpa' dang/ rdo rje chos dang/ rdo rje las dang ting nge 'dzin gyi dngos grub ni dngos grub dam pa'o/ /rdo rje'i dngos grub ces bya ba ni rdzu 'phrul rnam pa zhi'i dngos grub po/ rdo rje sems dpa' i dngos grub ces bya ba ni sems dpa' bcu drug gi dngos grub la rdo rje sems dpa' i dngos grub ces bya'o/ /de bzhin gshegs pa'i dngos grub ces bya ba ni/ de bzhin gshegs pa lnga'i dngos grub po/ /bar du zhes bya ba'i sgra ni sgeg mo la sogs pa'i dngos grub nas/ rdo rje 'bebs pa'i bar gyi dngos grub ston te/ 'di lta ba'i dngos grub rnams nges thob par 'gyur ba'o/ /de nas phyag rgya thams cad ces bya ba ni de bzhin gshegs pa dang/ rigs thams cad kyi dam tshig dang/ chos dang/ las dang/ phyag rgya chen po rnams so/ de rnams kyi dgrol ba'i don gyi cho ga rgyas pa ni phyag rgya dgrol ba'i spyi'i cho ga rgyas pa ste/ dam tshig bcing bas bcings pa rnams dam tshig gi 'ching ba dang bral ba ni/ dgrol ba'o/ de la thog ma nyid du zhes bya ba ni gshegs su gsol ba'i dus kyi sngon du ste/ phyag rgya dgrol bar byas pa'i rjes la/ lha rnams gshegs su gsol zhes bya ba'i tha tshig go /gad dang gang nas zhes bya ba ni bzlas te gsungs pa'o/ /'di skad ston te phyag rgya gang snying ga'i phyogs nas byung ba de de nyid du dgrol bar bya'o zhes bya ba nas/ gang spyi gtsug nas byung ba ni de nyid nas so zhes bya ba'i bar du'o/ /de la rdo rje sems dpa' la sogs pa'i gnas kyi nges pa ni smras zin to/ de bzhin gshegs pa rnams kyis brjod par bya ste/ rdo rje sems dpa' ni mi bskyod pa'i 'o/ /rdo rje rin chen gyi gnas ni rin chen 'byung ldan gyi'o/ /rdo rje chos kyi gnas ni 'od dpag tu med pa'o/ /rdo rje las kyi gnas ni don yod par grub pa'i 'o/ /spyi gtsug gi gnas ni rnam par snang mdzad kyi'o/ /'dir sbyar ba ni 'di lta bu yin te/ rnam par snang m dzad kyi gnas su badzra d+hA tu zhes zlos shing dam tshig gi phyag rgya bcings la badzra mup hyag rgya bcings la badzra A be sha zhes zlos shing badzra munam mkha' i snying po'i dam tshig gi phyag rgya snying gar bcings la/ de nas bteg ste rang gi dbang bskur ba'i gnas mdzod spu'i phyogs su bzhag la/ badzra ratna/ a b+hi Shiny+tsa zhes bya bas phyag rgya thams cad dbang bskur ba byas nas/ phyag rgya thams cad rnam par snang mdzad la sogs pa'i rang bzhin can gyi rin po che'i cod pan gyis dbang bskur bar 'gyur ro/ /mdzub mo gnyis kyi zhes bya ba la sogs pa la yang 'phags pa nam mkha' i snying po'i dam tshig gi phyag rgya gnyis su byas la/ sarbba mu tra ma dri Sh+Ti ku ru bar ka ba be tso na? baM/ zhes bya ba 'di dang/ de bzhin du mdzub mo gnyis kyis de rnams la go cha bcing bar bya zhing/ de nyid kyi dar dpyangs dang phreng ba dkri zhing bcing bar bya'o/ /de nas dar dpyangs dpyad ba byas na/ badzra tu Sh+ya ho zhes bya ba dang/ mnyam pa'i thal mos mthar mnyes par bya'o/ /rdo rje lta bur 'gyur ro/ zhes bya ba ni/ de la go cha bgo ba dang phreng ba bcing ba dag gi sngags pa lus dang/ sems rdo rje ltar mi phyed pa nyid du 'gyur ro/ zhes bya ba'i tha tshig go /yang na rdo rje sems dpas kyang bya'o zhes bya ba ni badzra satwa zhes rdo rje sems dpa' bzlas pas kyang bshad ma thag pa de thams cad du 'gyur ro/ /zhes bya ba'i tha tshig go /yang ji ltar 'gyur zhe na/ rdo rje sems dpa' zhes bya ba la sogs pa gsungs te/ gang gi phyir rdo rje sems dpa' lhan cig ces bya ba gsungs te/ lan cig bzlas na 'grub par 'gyur/ ji ltar 'dod pa zhes bya ba ni/ bsam pa gang kho nas bzlas pa zhes bya ba'i tha tshig go /gang zhig 'grub par 'gyur zhe na/ bdag bde bar zhes bya ba gsungs te/ gang zhig sems bde ba'i bdag nyid can de ni bde bdag ste/ dpal rdo rje sems dpa' bsgoms pas sems bde ba rnams 'grub par 'gyur ro/ /ji ltar zhe na/ bzlas pa tsam gyis so/ /phyag na rdo rjes gsungs pa bzhin zhes bya ba ni ji ltar bcom ldan 'das phyag na rdo rjes bde ba'i bdag nyid can dag 'grub par 'gyur gyi/ bde ba ma yin pa'i bdag nyid can sems rnam pa g.yengs pa rnams ni ma yin no/ /zhes gsungs pa bzhin du'o/ /rdo rje sems dpa' la sogs pa yang yin la sems dpa' rnams kyang yin pas na/ rdo rje sems sogs sems dpa' rnams te/ rdo rje rgyal po la sogs pa nas rdo rje 'bebs pa'i bar rnams so/ /de rnams kyi bsgrub pa dang las kun ni/ phyag rgya chen po la sogs pa sgrub pa dang las rnams te/ bsgrub pa dang las de dag thams cad la 'dir ni ci dgar 'das nas zhes bya ba/ 'dir zhes bya ba rgyud 'dir ni bsgoms pa gtso bo yin gyi grangs kyi bzlas pa gtso bor mi bya'o/ /'dis ni 'di skad ston te/ rgyud 'dir ni bsgom pa gtso bor gyur pa yin gyis de bas na ji tsam 'dod pa tsam gyi sngags bzlas par bya yi grangs kyi bzlas pa mi bya'o/ /de ltar rang gi rgyud kyi cho ga gsungs nas/ snying po phyag rgya sngags rig rnams shes bya ba la sogs par? des 'dul ba'i skye bo rnams kyi phyir rgyud gzhan gyi cho ga yang gsungs pa yin te/ de la snying po'i sgras ni rigs thams cad kyi dkyil 'khor chen po las gsungs pa'i snying po rnams la bya bar bshad/ phyag rgya ni gzungs kyi dkyil 'khor las gsungs pa'o/ /sngags ni chos kyi dkyil 'khor las gsungs pa rnams so/ /rig pa rnams ni rigs thams cad kyi las kyi dkyil 'khor las gsungs pa las bya bar bshad do/ /de rnams kyang ji ltar 'dod pa'i tshul gyis ni zhes bya ba ni rnal 'byor dang/ bya ba dang/ spyod pa dang/ gnyi ga'i rgyud la sogs pa'i cho ga'i tshul gyis so/ /rtog pa la bshad pa ni rang gi lhas gsungs pa'i rtog pa la sogs pa dang/ rtog pa gzhan gyi cho ga de ni rtog pa las bshad pa ste/ rtog pa las bshad pa des so/ /rang byas pa 'am zhes bya ba ni/ rang gi lhas rang gi bsgrub pa gsungs pa gang yin pa de ni/ rang byas pa zhes bya ste/ rang gis byas pa des kyang ngo/ /bsgrub pa 'dir ni thams cad do/ /zhes bya ba ni sngar bshad pa thams cad kyis zhes bya ba'i tha tshig go / gsang ba'i mchod pa ni mchod pa gsang ba ste/ sgeg mo la sogs pa'o/ /brjod pa mi badzra lA sye zhes bya ba la sogs pa zlos shing sgeg mo la sogs pa gsang ba'i mchod pa bzhi bya'o/ /rdo rje bstod pa ni rdo rje rnams kyi bstod pa yin pa'am/ rdo rje bstod pa'i glu yin pas na rdo rje bstod pa'i glu ste/ de blangs pa ni glur len pa'o/ /'dis zhes bya ba ni 'og nas bshad pa'o/ /aoM rdo rje sems dpa' bsdus pas na zhes bya ba ni byang chub kyi mtshan nyid can gyis sems dang mi bskyod pa'i rigs ni rdo rje sems dpa' o/ /de bsdus pa ni bsgom pa'i stobs kyis nye bar blangs pa'o/ /rdo rje rin chen bla na med ces bya ba ni sbyin pa'i pha rol tu phyin pa dang/ de'i 'bras bu rin po che'i rigs ni rdo rje rin chen no/ / de nyid bla na med pa'o/ /de bas na rdo rje sems dpa' bsdus pas ni zhes bya ba mi bskyod pa'i rigs rtogs pa na/ rdo rje rin chen bla na med ces bya ba nyon mongs pa bag chags bcas pa dang bral ba'i rin po che'i rigs dang mnyam par gyur cig ces rnal 'byor ba la gsol ba 'debs pa'o/ /rdo rje chos ni glur blangs bas zhes bya ba ni shes rab kyi pha rol tu phyin pa'i ngo bo'i sems dang sems las byung ba dang pad+ma'i rigs ni rdo rje chos so/ /de glu blangs pa ni chos thams cad rang bzhin gyis rnam par dag pa'o zhes so sor rtog pa ste/ de yang gsal ba'i dbye bas rnam pa sna tshogs par so sor rtog pa yin te/ de bas na glu blangs pa zhes gsungs pa yin no/ /de ltar gyur pas rdo rje las ni byed par 'gyur zhes bya ba ste/ brtson 'grus kyi pha rol tu phyin pa dang/ las kyi rigs ni rdo rje ste/ de la bod pa'o/ /sangs rgyas kyi sprul pa dang/ 'gro ba'i don byed pa ni 'di las yin te/ rdzogs par byed par 'gyur ba na/ rdo rje'i las ni byed par 'gyur zhes gsol ba 'debs pa'o/ /'dis ni 'di skad ston te/ rdo rje glu len cing re re zhing khu tshur gnyis las byung ba'i gar byas la/ rdo rje sgeg mo la sogs pa'i las kyi phyag rgya bcings la mchod pa bya'o/ /de ltar gsang ba'i mchod pa bzhi phyi dang nang du bcas pa'i dkyil 'khor yang dag par mchod la/ de bzhin du gar dang glu len cing gar las byung ba'i rdo rje bdug pa la sogs pa'i las kyi phyag rgya bzhi dang/ phyi'i bdug pa la lag pa gshibs pa blangs la/ nang gi dkyil 'khor yang dag par mchod nas phyi'i dkyil 'khor mchod par bya'o zhes bstan pa'i phyir/ de nas dbus kyi dkyil 'khor du rdo rje bstod pa'i glu 'di nyid kyis zhes bya ba la sogs pa gsungs so/ /mchod pa de dag rang rang gi gnas su bzhag go / zhes bya ba ni sgeg mo la sogs pa'i phyag rgya bcings na/ sgeg mo la sogs pa'i tshul du rnal 'byor pas bsgoms pa gang yin pa de/ sgeg mo la sogs pa'i gnas su yid kyis bzhag pa la gzhan gyis phyag rgya bcing bar bya'o/ /de nas zhes bya ba la sogs pa la/ de ltar slob dpon gyis dkyil 'khor gyis de bzhin gshegs pa thams cad la mchod pa byas nas/ dkyil 'khor thams cad ci nus par mchod cig ces slob ma la bsgo ste/ de bzhin gshegs pa'i rigs thams cad la gsol zhing zhu bar bya'o/ /de nas mchod pa byed du bcug la/ ji ltar zhugs pa'i rnams zhes bya ba bsam pa gang zhig gis zhugs pa'i ste/ de rnams ci 'byor pa'i zhes bya ba rdzas ci yod pas so/ /de nyid bshad pa ni ro dang/ zhes bya ba la sogs pa yin te/ de la thams cad ni/ mngar ba dang sgyur ba dang/ lan tshwa ba la sogs pa'i dbye bas phye ba dang ldan pa'i kha zas ni ro dang kha zas thams cad do/ /gnas pas na gnas pa ste/ spyod lam gar la sogs pa'i tshul dang/ glu ma la sogs pa yang gzung ngo/ /ro dang kha zas dang spyod lam la sogs pa'i yo byad thams cad dkyil 'khor chen por dbul bar bya ste/ de thams cad kyis ji ltar zhugs pa rnams mgu zhing tshim par bya'o/ /de ltar tshim par byas ba ni ci zhig bya zhe na/ de bzhin gshegs pa thams cad kyi zhes bya ba la sogs pa gsungs te/ de bzhin gshegs pa thams cad kyi dngos grub yin pas/ de bzhin gshegs pa thams cad kyi dngos grub ste/ rnam par snang mdzad la sogs pa nas rdo rje 'bebs pa'i bar gyi phyag rgya chen po la sogs pa grub pa'o/ /de'i don gyi rdo rje brtul zhugs ni nges par bya ba ste/ rdo rje yongs su mi 'dor ba de sbyin par bya'o/ /'di zhes bya ba ni rang gi lag na gnas par gsungs pa'o/ /de zhes bya ba ni byang chub sems gang de rdo rje/ zhes bcom ldan 'das kyis gang gsungs pa'o/ /'di ci zhig yin zhe na/ sangs rgyas thams cad nyid ces bya ba gsungs te/ sangs rgyas thams cad kyi ngo bo nyid yin pas na sangs rgyas nyid do/ rdo rje 'di ni sangs rgyas lnga'i rang bzhin nyid yin no/ /zhes bya ba'i tha tshig go /rdo rje sems dpa' i lag na 'dug /khyod kyis kyang ni rtag tu bcang/ zhes bya ba ni gang gi phyir sangs rgyas thams cad kyi rdo rje 'di rdo rje sems dpa' i lag na 'dug pa yin la/ de bas na de'i go 'phang thob par bya ba'i phyir khyod kyis kyang rtag tu bcang bar bya'o/ /'di gang gi brtul zhugs yin zhe na/ phyag na rdo rje brtul zhugs brtan zhes bya ba gsungs te/ 'di ni phyag na rdo rje'i brtul zhugs mi phyed cing brtan pa yin no/ /de nas slob mas rang gi mgor rdo rje bzhag la/ aoM sarbba ta thA ga ta zhes bya ba la sogs pa'i sngags bzlas par bya'o/ /de bzhin gshegs pa thams cad la gsol ba btab la zhes bya ba ni bcom ldan 'das de bzhin gshegs pa thams cad bdag ni so so'i skye bor gyur pas/ cho ga lhag pa dang ma tshang ba gang ci bgyis pa de dag thams cad bdag la bzod par mdzod cig ces brjod par bya'o/ /de ltar gsol ba btab ste/ sems ma rdo rje ma'i phyag rgya bcings nas 'gyen du bstan te dkrol la/ aoM khyed kyis zhes bya ba la sogs pa yang brjod par bya'o/ /aoM khyed kyis sems can don kun mdzad ces bya ba ni khyed kyis sems can don skal ba ji lta ba bzhin mdzad pas na/ sems can don kun mdzad de/ bag chags bsgo ba la sogs pa mtshan nyid can no/ /rjes su mthun par dngos grub stsol/ ces bya ba ni bag chags ji ltar bsgo ba'i tshul dang mthun pa ni rjes su mthun par dngos grub stsol ces bya ba ni bag chags ji ltar bsgo ba'i tshul dang/ mthun pa'i rjes su mthun pa ste/ gang gi phyir skal ba ji lta ba bzhin du bag chags bsgo ba la sogs pa dang/ rjes su mthun pa'i dngos grub stsal ba 'dis/ khyed kyis sems can gyi don kun mdzad pa'o/ /sangs rgyas yul du bzhud par mdzod ces bya ba ni/ sangs rgyas rnams kyi yul ni sangs rgyas kyi yul te/ sems can gyi don dang chos kyi dbyings so/ /de nas slar yang gshegs par gsol zhes bya ba ni gang gis bdag spyan 'dren par bgyid pa de'i tshe/ khyed gshegs par mdzad du gsol zhes pa'o/ /de ltar dkyil 'khor thams cad la bya'o/ zhes bya ba ni gzungs kyi dkyil 'khor nas brtsams te/ rigs thams cad kyi dkyil 'khor du ji skad gsungs pa'i cho ga 'di thams cad bya'o/ /dam tshig mchog gi phyag rgya ni rnam par snang mdzad la sogs pa'i phyag rgya rnams so/ /de rnams bcing par 'gyur ba las dgrol bar bya ste/ phyag rgya thams cad gang dang gang nas byung ba de dang de nas dgrol lo zhes sngar bshad pa'i dam tshig gi phyag rgya rnams kyis dgrol bar bya'o/ /'di skad ston te/ dkyil 'khor gyi ni dbus nyid du/ ci rigs par ni mchis nas kyang zhes bya ba nas brtsams te/ dkyil 'khor phyi rim phyogs su ni/ sems dpa' chen po rnams kyang bzhag / ces bya ba 'dis dkyil 'khor dang/ sngags dang/ phyag rgya dang/ bsrung ba dang/ dgug pa dang/ bzlas pa dang/ bsgom pa dang/ sbyin sreg gi de kho na nyid bstan pa las/ gang gi phyir dkyil 'khor gzugs can dang gzugs can ma yin pa 'dir bstan la/ sngags kyi de kho na nyid ni rgyud phyi ma las ston to/ /dam tshig gsum bsgom par byed pa na lha rnams phyag rgya bzhis nges par rgyas gdab par bya ba ni phyag rgya'i de kho na nyid do/ /bdag bsrung ba la sogs pa ni/ bsrung ba'i de kho na nyid do/ /bsdu ba la sogs pa ni spyan drang ba ni de kho na nyid do/ /bzlas pa dang bsgom pa ni sngon du bsnyen pa la sogs pa thams cad bya ba yin pas na/ de dag gi de kho na nyid do/ /dkyil 'khor la sogs par sbyin sreg bya ba ni/ sbyin sreg gi de kho na nyid yin par bstan to/ /de nas phyag rgya thams cad dgrol ba'i spyi'i cho ga rgyas par bshad do zhes bya ba nas phyag na rdo rje gsungs pa bzhin/ zhes bya ba'i gzhung gis ni/ phyag rgya thams cad nye bar bsdus pa'i de kho na nyid ston to/ de nas gsang ba'i mchod pa brjod cing rdo rje bstod pa'i glu blangs te/ gsang ba'i mchod pa bzhi bya'o/ /zhes bya ba nas brtsams te/ blugs pa la sogs pas mchod pa byed du bcug la zhes bya ba'i bar gyis gzhung dang/ de bzhin du de bzhin gshegs pa thams cad la gsol ba btab la zhes bya ba nas brtsams te/ badzra satwa muto/ /gzhan dag ni de kho na nyid dgu po 'di dag gi yul dang bral ba'i gzhung gis cho ga'i de kho na nyid ston pa yin no/ /la la ni rnam par snang mdzad la sogs pa nas rdo rje 'bebs pa'i bar gyi ngo bo de kho na nyid sum cu rtsa bdun ni kho na nyid bcu dang tha dad par 'dod do/ /kha cig ni mi rigs te/ gang gi phyir 'di dag kyang phyag rgya chen po la sogs pa'i tshul gyis na/ phyag rgya chen po'i khongs su gtogs pa yin pas logs gcig tu ma bzhag go zhes zer ro/ /yang de kho na nyid bcu po 'di dag 'bras bu dang rgyu dang/ don dam pa'i de kho na nyid dbye bas rnam pa gsum du 'gyur ro/ /de la don gyi dngos grub la sogs pa ni 'bras bu'i de kho na nyid do/ /de thob pa'i thabs ni rgyu'i de kho na nyid do/ /don dam par rgyu dang 'bras bu dngos po med pa'i ngo bo nyid yin pas na/ don dam pa'i de kho na nyid yin par bshad pa yin no/ /yang shes rab dang thabs kyi dbye bas de kho na nyid rnam pa gnyis su 'gyur ro/ /don dam pa dang kun rdzob kyi de kho na nyid do/ /de la de kho na nyid bcu po 'di dag don dam par bsgom pa yin pas na don dam pa de kho na nyid du gsungs pa yin la/ kun rdzob du yang ji skad du gsungs pa'i dbye bas phye pa 'di dag yod pa nyid de/ de bas na kun rdzob kyi de kho na nyid gsungs pa yin no/ /rdo rje dbyings kyi dkyil 'khor chen po 'dir de kho na nyid ji ltar bstan par byas pa de bzhin du/ gzungs kyi dkyil 'khor nas brtsams te rigs thams cad la yang shes par bya'o zhes bya ba'i tha tshig go /de bzhin gshegs pa thams cad kyi theg pa chen po ni rnam par snang mdzad dang/ rnam par snang mdzad chen po'i mtshan nyid do/ /de mngon par rtogs pa ni khong du chud cing mngon sum du byas pa'i don to/ /de ni rtog pa ste/ 'di ni rnam par snang mdzad kyi phyag rgya chen po'o zhes bya ba nas/ 'di ni rdo rje 'bebs pa'i phyag rgya chen po'o zhes bya ba la sogs pa'o/ /phyag rgya chen po la sogs pa brtag pa'i tshul de nyid kyis gzhan du rtog pa zil gyis mnan nas/ mdzes shing 'bar ba ni rtog pa'i rgyal po'o/ /rtog pa'i rgyal po de las rdo rje dbyings kyi dkyil 'khor chen po'i cho ga rgyas pa rdzogs so zhes bya ba ni mthar thug pa nyid do/ /zhes bya ba'i tha tshig go /rdo rje dbyings kyi dkyil 'khor chen po'i rnam par 'grel ba'o// //de ltar phyag rgya chen po gtso bor gyur pa rdo rje dbyings kyi dkyil 'khor chen po bstan nas/ da ni dam tshig gi phyag rgya chen po gtso bor gyur pa gzugs kyi dkyil 'khor ston par bzhed pas de nas zhes bya ba la sogs pa gsungs pa yin te/ de na zhes bya ba ni de ma thag pa'i sgra ste/ dang po sbyor ba'i rjes thog la'o/ /'dir dang po sbyor ba'i ting nge 'dzin ni rdo rje dbyings kyi dkyil 'khor chen po las gsungs pa'i rdo rje sems dpa' i sprul pa la sogs pa'o de bzhin gshegs pa thams cad ni rnam par snang mdzad la sogs pa nas rdo rje 'bebs pa'i bar ro/ /de rnams kyi gnyis su med pa'i dran pa dang shes rab dang yang dag par ldan pa'i thugs ni rdo rje'i gsungs so/ /de'i dam tshig ni gzugs kyi lha mo la sogs pa'i sku'o/ /de'i 'byung ba ni de bzhin gshegs pa thams cad kyi thugs kar gnas pa'i sems dpa' rdo rje las byung ba gang yin pa 'di ni de bzhin gshegs pa thams cad kyi rdo rje'i gzungs kyi dam tshig 'byung ba rdo rje'i 'o/ /de la dmigs pa'i ting nge 'dzin gang yin pa de la yang ming de skad ces bya ste/ ting nge 'dzin la snyoms par zhugs pa ni/ gzungs kyi lha mo sprul pa'i rnam par thugs rtse gcig tu mdzad ces bya ba'i tha tshig go / bcom ldan 'das phyag na rdo rje de nyid ces bya ba ni/ de bzhin gshegs pa thams cad kyi thugs la gnas pa'i sems dpa' rdo rje'i gzugs kyis ched du brjod pa 'di ched du brjod do zhes bya bar sbyar ro/ /rdo rje 'dzin pa ni 'dir rdo rje sems dpa' la sogs pa nas rdo rje 'bebs pa'i bar la bya ste/ de rnams kyi gzugs 'dzin pa'i ngang tshul 'di la mnga' pas rdo rje 'dzin pa'o/ /rdo rje 'dzin pa'i gzugs 'dzin pa'i 'ba' zhig tu ma zad kyi/ kun tu 'bar ba'i snying po yang yin te/ kun nas 'bar ba'i snying por byas pa ni kun tu 'bar pa'i snying po'o/ /de lta bu de su zhig yin zhe na/ rdo rje gzugs kyi dam tshig gi lha mo rnams zhes bya ba gsungs te/ rdo rje'i gzungs ni bshad zin to/ de rnams kyi dam tshig gi phyag rgya rdo rje rtse lnga pa la sogs pa nas rdo rje dril bu'i bar gyi gzugs te/ nges nye bar mtshon pa'i lha mo rnams ni/ rdo rje gzungs kyi dam tshig gi phyag rgya'i lha mo rnams so/ /de rnams su gyur pa ni kun tu bzang po la sogs pa nas rdo rje 'bebs pa'i bar gyi gzugs rigs pa'i lha mo rnams su gyur to zhes bya ba'i tha tshig go / de lta bu'i rdo rje'i gzungs kyi lha mo dam tshig gi phyag rgya'i lha mo rnams su gyur nas de bzhin gshegs pa thams cad kyi thugs las byung ste'o/ /'jig rten gyi khams thams cad kyi zhes bya ba la sogs pas ni spras ba ston pa'o/ /'jig rten gyi khams thams cad na sangs rgyas rnams kyi gdul bya ste/ de bzhin gshegs pa'i snying po can gyi sems can gang yin pa de rnams kyi ye shes bsgrubs te zhes bya bar sbyar te/ rnam par snang mdzad la sogs pa'i de bzhin gshegs pa thams cad kyi rdo rje'i gzungs so/ /de nyid ni ye shes te/ ji skad du bshad pa'i dran pa dang shes rab dang/ yang dag par ldan pa'i thugs so/ /de bsgrub pa ni gdul bya rnams kyi rgyud la rdo rje gzungs kyi ye shes bskyed ces bya ba'i don to/ de bzhin gshegs pa thams cad kyi tshig gi phyag rgya'i gzugs su gyur nas zhes bya ba ni/ kun tu bzang po la sogs pa'i lha mo'i gzugs sprul te/ de bzhin gshegs pa thams cad dang 'brel ba'i rdo rje dbyings kyi dkyil 'khor chen po ji skad bshad pa'i bkod pa'i tshul gyi rim pas zla ba'i dkyil 'khor rnams la bkod de/ ched du brjod pa 'di ched du brjod do/ /e ma'o zhes bya ba ni ngo mtshar du gyur pa'o/ /byang chub sems can kun la phan bzhed pa zhes bya ba ni phan par 'dod pa nyid do/ /ci zhig ngo mtshar che zhe na/ 'dul ba'i dbang gis zhes bya ba la sogs pa gsungs te gang gi phyir 'dul ba'i dbang gis te/ sems can yongs su smin par bya ba'i dbang gis dpa' bo zhes bya ba/ nyon mongs pa bag chags dang bcas pa spangs pa nyid kyi rnam par rtog pa rnams bcad kyis mi bskyod pa yin na/ bud med gzugs su mdzad par 'gyur/ zhes bya ba don yod pa ma yin zhing nyon mongs pa spangs su zin kyang/ 'di lta bu mdzad pa 'di ni ngo mtshar che'o/ /de ltar gzungs kyi dkyil 'khor sprul nas/ de nas zhes bya ba la sogs pa gzungs kyi rig pa gsungs par ston to/ /de bzhin gshegs pa thams cad kyi ye shes ni rnam par snang mdzad dang/ rdo rje sems ma dang/ rin chen ma dang/ chos ma dang/ las ma rnams kyi ji skad du bshad pa'i gzungs rnams ni ye shes so/ /de rnams las byung nas kyang zhes bya ba la sogs pa ni phyag rgya'o/ /de'i dam tshig ni rdo rje dbyings kyi dbang phyug ma'i dkyil 'khor ro/ /de nyid rdo rje dbyings so/ /de'i ting nge 'dzin gang gis byin gyis rlob cing brtan par byed pa de ni byin gyis brlab pa zhes bya ba ni ting nge 'dzin de la snyoms par zhugs pa ni/ rdo rje dbyings kyi dbang phyug ma'i dkyil 'khor brtan pa'i rnam par thugs rtse gcig tu mdzad ces bya ba'i tha tshig go / de bzhin gshegs pa thams cad kyang yin la/ rdo rje sems dpa' yang yin pas de bzhin gshegs pa thams cad kyi rdo rje sems dpa' ste/ mi bskyod dang de'i rigs rnams so/ /de rnams kyi dam tshig gi ye shes ni mi bskyod pa'i rigs ni phyag rgya bskyed pa'i rgyu'i rang bzhin te/ ji skad du bshad pa'i gzungs ni ye shes so/ /de rnams las skyes pa'i rdo rje rtse lnga pa la sogs pa'i gzugs ni phyag rgya yin pas de skad ces bya'o/ /de'i dkyil 'khor ni rdo rje thugs kyi dkyil 'khor ro de gang byin gyis rlob pa de ni byin gyis rlob pa zhes bya ba'i ting nge 'dzin to/ /de la snyoms par zhugs pa ni rdo rje thugs kyi dkyil 'khor brtan par byed pa'i rnam par thugs rtse gcig tu mdzad ces bya ba'i bar du'o/ /de bzhin gshegs pa thams cad kyang yin la rdo rje rin po che yang yin pas/ de bzhin gshegs pa thams cad kyi rin po che ste/ rin chen 'byung ldan la sogs pa'i rigs rnams so/ /de'i dam tshig ni ye shes te/ rin chen 'byung ldan gyi rigs bskyed pa'i rgyu'o/ /ji skad du bshad pa'i gzungs ni ye shes so/ /de las byung ba'i rdo rje rin po che'i phyag rgya ni/ de bzhin gshegs pa thams cad kyi rdo rje rin po che'i dam tshig gi ye shes kyi phyag rgya'o/ /de rnams kyi dkyil 'khor ni rang gi dbang bskur ba'i dkyil 'khor ro/ /de gang gi byin gyis brlab pa ni de byin gyis brlab pa'i ting nge 'dzin to/ /de la snyoms par zhugs ni rang gi dbang bskur ba'i dkyil 'khor brtan par bya ba'i phyir thugs rtse gcig tu mdzod ces bya ba'i bar du'o/ /de bzhin gshegs pa thams cad cad kyi rdo rje chos ni 'od dpag tu med pa'i la sogs pa'i rigs rnams so/ /de rnams kyis dam tshig gi ye shes ni snga ma bzhin du shes par bya'o/ /de rnams las byung ba'i rdo rje pad+ma la sogs pa'i phyag rgya rnams ni de bzhin gshegs pa thams cad kyi rdo rje chos kyi dam tshig gi ye shes kyi phyag rgya'o/ /de'i dkyil 'khor ni tshe tshad med pa'i chos kyi dkyil 'khor te/ de ting nge 'dzin gang gi byin gyis rlob pa de ni/ de byin gyis brlab pa zhes bya ba'i ting nge 'dzin te/ ting nge 'dzin de la snyoms par zhugs pa'o// de bzhin gshegs pa thams cad kyi rdo rje las ni gdon mi za bar grub pa la sogs pa'i sna tshogs rdo rje bskyed pa'i rgyu'i ye shes ni/ de bzhin gshegs pa thams cad kyi las kyi dam tshig ye shes so/ /de rnams las byung ba'i sna tshogs rdo rje la sogs pa'i phyag rgya rnams ni de bzhin gshegs pa thams cad kyi las kyi dam tshig gi phyag rgya'o/ /de'i dkyil 'khor ni rdo rje thams cad kyi dkyil 'khor ro/ /de ting nge 'dzin gang gis byin gyis brlab pa de ni de byin gyis brlab pa zhes bya ba ste/ ting nge 'dzin de la snyoms par zhugs nas rang gi rig pa'i mchog 'di smras so/ /zhes re re zhing kun la yang sbyar ro/ /de bzhin gshegs pa thams cad kyi gzungs chen po ni kun tu bzang po la sogs pa ste/ de rnams kyi dam tshig gi phyag rgya bzhi po bshad do/ /kun tu bzang po zhes bya ba'i kun nas bzang ba ste/ byang chub kyi mtshan nyid can gyi tshul gyis sam/ de'i rgyu mthun pa las byung bas so/ /de bzhin gshegs pa thams cad bsdus pa'i rgyu nyid kyis na/ de bzhin gshegs pa'i lcags kyu ma'o/ /dga' ba ni mgu ba ste/ byang chub kyi sems sgom pa'i stobs kyis byang chub kyi sems kyi dga' ba gang yin pa'o/ /de'i chags pa ni dga' ba la chags pa ste shin tu zhen pa yin la/ de'i ngo bo nyid yin pa 'am/ de las byung ba nyid kyis ni/ de la yang dga' ba la chags pa zhes bya'o/ /rdzogs pa'i byang chub la spyod pa'i mtshan nyid can gyi legs pa nyid yin pas sam/ de'i rgyu mthun pa las byung bas legs ldan na'o/ /byang chub kyi mtshan nyid can gyi sems las byung ba yin pas na 'di dag ni gzungs chen mo rnams so/ /nor gyi sbyin pa ni rin po che'o/ /des mchog tu gyur pas na rin po che'i gtso mo'o/ /de bzhin du mi 'jigs pa sbyin pa'i rin po che'o/ /de nyid ni 'jigs pa'i mun pa sel ba nyid kyis sgron ma dang/ chos mthun pa'i phyir ro/ de las byung zhing de'i rgyu mthun pa yin pas rin po che'i sgron ma'o/ /byams pa'i sbyin pa ston par byed pa'i rgyal mtshan gyi phyag rgya ni rgyal mtshan gyi rtse mo'o/ /de'i dpung rgyan gyis nye bar mtshon pa gang yin pa de ni rgyal mtshan gyi rtse mo'i dpung rgyan ma'o/ / de bzhin gshegs pa thams cad kyi chos kyi sbyin pa ston par byed pa'i cung zad 'dzum pa ni bzhad pa ste/ de 'di la mnga' bas na bzhad pa dang ldan ma'o/ /nor dang/ mi 'jigs pa dang/ byams pa dang/ chos kyi sbyin pa'i rin po che ni rin po che'o/ /de ston par byed pa dag la yang rin po che'i gzungs zhes bya'o/ /rdo rje pad+ma ni chu skyes kyi mtshan ma gang la mnga' ba de ni rdo rje pad+ma'o/ /kun nas 'dzin cing de bzhin du nyon mongs pa dang shes bya'i sgrib pa 'joms par byed pa'i gzungs shes rab kyi pha rol tu phyin pa'i rang bzhin kun tu 'dzin pas na kun 'dzin ma'o/ /'khor lo thams cad ni dkyil 'khor thams cad de/ de gang la mnga' ba de ni 'khor lo thams cad ma'o/ /chos thams cad ni ngag gi spros pa dang bral ba ste/ brag ca dang 'dra'o zhes bya ba'i sgra rnams stong du zlos shing mngon du byed pa gang yin pa de ni stong du zlos ma'o/ /shes rab kyi pha rol tu phyin pa'i chos kyi rang bzhin de las byung ba'i gzungs ni chos kyi gzungs rnams so/ /sangs rgyas kyi sprul pa dang sems can gyi bya ba rnams 'grub pa'i mchog yin pas na/ dngos grub kyi gtso bo'o/ /sangs rgyas nyid 'dod pa thams cad la phyir mi ldog pa'i brtson 'grus kyi srung ba 'am/ de'i gzugs kyi bsrung bas na thams cad srung ma'o/ /bgegs dang log 'dren thams cad la re re zhing drag po'i gzugs bstan nas mdangs dang gzi brjid 'phrog mar mdzad pas na mdangs slar 'phrog ma'o/ /de bzhin nyid kyi khu tshur gyis gzungs thams cad rgyas 'debs pas na gzungs kyi phyag rgya'o/ /brtson 'grus kyi pha rol tu phyin pas byang chub kyi sems la sogs pa rdzogs par byed pa nyid kyis sam/ thams cad du khyab pa nyid kyis na thams cad ces bya ba la/ de'i ngo bo nyid yin pa 'am/ de las byung ba yin pas thams cad kyi gzungs rnams so/ /rdo rje gsang pa ni gzungs kyi dkyil 'khor te/ de'i dam tshig gi phyag rgya bzhi po bshad do/ /phyag rgya 'di dag ni rdo rje sems ma la sogs pa yin te/ gang gi phyir rjes thogs nyid la pha rol tu phyin pa de dag nyid las zhes gsungs la/ de dag nyid las zhes bya ba ni dkyil 'khor chen po las gsungs pa'i rdo rje sems ma la sogs pa yin la/ rdo rje'i pha rol tu phyin pa la sogs pa zhes bya ba la sogs pa'i sgras ni/ rin po che dang/ chos dang/ las kyi pha rol tu phyin pa bsdu'o/ /de bzhin gshegs pa thams cad kyi rdo rje gsang ba ni gzungs kyi dkyil 'khor ro/ /de nyid ni dam tshig yin la/ de dag tu gzungs sdud pa'i dam tshig gi phyag rgya rnams te/ gang gi phyir de rnams re re'i phyag rgyas gzungs thams cad yang dag par bsdu ba'o/ / de rnams gang du bzhag par bya zhe na/ rdo rje dbyings kyi dbang phyug ma'i dkyil 'khor chen po zhes bya ba gsungs so/ /rdo rje gsang ba'i mchod pa ni sgeg mo la sogs pa ste/ de rnams kyi dam tshig gi phyag rgya bzhi po bshad do/ /de dag nyid de zhes bya ba ni rdo rje dbyings kyi dkyil 'khor chen por gsungs pa'i sgeg mo la sogs pa'i mtshan ma'i phyag rgya rnams dgod do/ /bdug pa ma la sogs pa dang/ rdo rje 'bebs pa'i bar gyi snying po rnams ni 'dir rdo rje dbyings kyi dkyil 'khor chen por gsungs pa nyid yin par shes par bya'o/ /de nas 'dir rdo rje 'bebs pa'i bar gyi mtshan ma'i phyag rgya yang de rnams nyid dgod par bya'o/ /'dis ni de nas zhes bya ba nas/ dgod do zhes bya ba'i bar gyi gzhung gis ni gzungs kyi dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa bstan pa yin no/ /de nas las kyi rgyal po mchog ces bya ba'i ting nge 'dzin gsum pa ni snga ma kho na bzhin du shes par bya'o/ /gzungs kyi dkyil 'khor las gsungs pa'i dngos grub rnams ni/ gzugs kyi dkyil 'khor du dam tshig dang dbang bskur ba thob pa rnams kyi bsgrub par bya ba yin pas/ de rnams kyis phyag rgya chen po la sogs pa bsgrub par bya ba'i phyir dang/ slob dpon gyi las kyi cho ga dang/ slob ma gzhug pa la sogs pa'i cho ga rgyas pa ni/ de nas zhes bya ba la sogs pa gsungs pa yin no/ /de nas zhes bya ba'i sgra ni rje thogs nyid la te/ gang gi zhe na/ rdo rje dbyings kyi dkyil 'khor chen po las gsungs pa'i rnal 'byor chen po byas la/ gzungs kyi rigs pa thams cad kyang re re zhing bzlas brjod khri byas la/ zhag bdun gyi bar du gzungs kyi dkyil 'khor las gsungs pa'i ting nge 'dzin gsum sgom pas so/ /rdo rje gsang ba zhes bya ba la/ rdo rje ni gnyis su med pa'i ye shes sems dpa' sems las byung ba'o/ /gzungs kyi rang bzhin can gyi gsang ba ni rdo rje gsang ba ste/ ming de skad ces bya ba'i dkyil 'khor chen po gang yin pa de bshad pa'i gsungs pa'o/ /de la rdo rje yang yin la chen po yang yin pas na rdo rje chen po ste/ rnam par snang mdzad la sogs pa nas rdo rje 'bebs pa'i/ bar gyi gzungs kyi tshul gyis sems dang sems las byung ba'i mchod rten la sogs pa nas/ rdo rje dril bu'i phyag rgya ni rdo rje chen po ste/ rdo rje chen po de rnams kyi dkyil 'khor 'di bshad pa'o/ /'di ni 'di skad ston pa yin te/ rdo rje dbyings kyi dbang phyug ma la sogs pa'i lha mo'i gzugs sba bar bya ba'i phyir/ mchod rten la sogs pa nas rdo rje dril bu'i bar gyi phyag rgya sprul pa gang yin pa de ni rdo rje gsang ba'o/ /de nyid ni rdo rje chen po'o/ /de rnams kyi dkyil 'khor gang yin pa de ni rdo rje gsang ba zhes pa'i rdo rje chen po'i dkyil 'khor ro/ /rdo rje'i dkyil 'khor zhes bya ba la rdo rjes ni mtshan ma'i phyag rgya rnams so/ /dkyil 'khor dam pa ni mchog ste/ de rab tu bshad par bya'o/ / ji lta bu zhe na/ rdo rje dbyings dang 'dra bas na/ zhes bya ba gsungs te/ sprul pa'i gzungs kyi dkyil 'khor ni 'dir rdo rje dbyings te de dang 'dra'o/ /ming de skad bya zhe na/ rdo rje gsang ba zhes bshad do/ /zhes bya ba'o/ /dkyil 'khor chen po'i tshul du ni zhes bya ba ni/ rdo rje dbyings kyi dkyil 'khor chen po'i dbyibs dang 'dra ba'o/ /dkyil 'khor thams cad bri bar bya'o/ /zhes bya ba ni phyi dang nang du bcas pa bri bar bya'o/ /dkyil 'khor kun gyi dbus su ni zhes bya ba ni rdo rje dbyings kyi dbang phyug ma rdo rje thugs kyi rang gi dbang bskur ba'i ming bri ba ni/ dkyil 'khor kun gyi dbus su ni zhes bya ba'i don to/ /sangs rgyas phyag rgya zhes bya ba ni/ rdo rje dbyings kyi dbang phyug ma la sogs pa ste/ de rnams kyi mtshan ma bri bar bya'o/ /ji ltar bri bar bya zhe na/ mchod rten khri la legs 'dug pa/ rdo rje dbyings kyi dbang mar bshad ces bya ba gsungs te/ de la khri ni rigs pa'i rten te/ de'i steng du ji ltar grags pa'i mchod rten bri ba 'di ni rdo rje dbyings kyi dbang mo zhes bya ba bcom ldan 'das rnam par snang mdzad mchod rten gyi phyag rgya'o/ /'di skad ston te/ khyer? gsum pa'i rigs pa'i gnas kyis khri bris la/ de'i steng du pad+ma dang/ de'i yang steng du zla ba'i dkyil 'khor de'i steng du mchod rten dbu nub tu bltas pa bre bar bya'o/ /rdo rje sems ma nas brtsams te/ rdo rje 'bebs pa'i bar gyi mtshan ma yang re re zhing rig pa'i khri'i steng du bri bar bya'o/ /rdo rje brtsegs zhes bya ba ni rdo rje rtse lnga pa chung gnas pa bris la/ de'i steng du rdo rje rtse lnga pa gnyis pa mgo shar du bltas par rdo rje la rdo rje bri ba ni rdo rje brtsegs zhes bya'o/ /rdo rje thugs kyi bshad pa'o zhes bya ba ni/ byang chub kyi mtshan nyid can mi bskyod pa'i thugs ni rdo rje'i gzugs so/ /de ston par byed pa'i phyag rgya la rdo rje thugs zhes brtags pa yin te/ 'di ni mi bskyod pa'i gnas su bya'o/ /rdo rje rin chen khri'i steng zhes bya ba ni/ rdo rje rtse lnga pas rtse mo mtshan pa'i yid bzhin gyi nor bu rin po che mgo lho phyogs su bltas pa/ rin chen 'byung ldan gyi gnas su rang gi dbang bskur ba'i ming gis phyag rgya bri bar bya'o/ /rdo rje pad+ma zhes bya ba la sogs pa la/ pad+ma dmar skya 'dab ma bcu drug pa la/ 'di'i dbus na pad+ma 'dab ma brgyad kha legs par bye ba/ steng gi brgyad kha ma bye ba/ de'i lte ba na rdo rje rtse lnga pa gnas pa 'di ni rdo rje pad+ma zhes bya ba ste/ 'od dpag tu med pa'i gnas su mgo nub tu bltas bar bri ba 'di na mtshon cha zhes bya ba'i phyag rgya ste/ shes rab kyi pha rol tu phyin pa'i ral gri'i gzugs kyi mtshon chas gzung ba dang 'dzin pa'i rnam par rtog pa 'joms pas na mtshon cha zhes bya bar bshad ces bya ba yin no/ /las kyi rdo rje ni rtse mo bcu gnyis pa'i ji skad pa'i rdo rje las ma'i gzugs mgo byang du bltas pa'i sna tshogs rdo rje 'di ni don yod par grub pa'i gnas su bya bas na rdo rje kun ces bya bar bshad ces bya'o/ /rdo rje bri bar bya zhes bya ba ni rdo rje sems dpa' i gnas su rdo rje rtse lnga pa 'greng ba bri'o/ /rdo rje rgyal po'i gnas su lcags kyu gnyis so/ /rdo rje chags pa'i gnas su rdo rje gnyis 'khyud pa chung ngu bri'o/ /rdo rje legs pa'i gnas su mkhrig ma'i bar du yod pa rdo rje dang bcas pa'i lag pa gnyis kyis legs so zhes sbyin pa'i tshul du bya'o/ /rdo rje rin chen gyi gnas su yid bzhin gyi nor bu rin po che ji skad du bshad pa'i mtshan nyid can no/ /rdo rje nyi ma'i gnas su ni nyi ma'i dkyil 'khor lte ba na rdo rje rtse lnga pa yod pa 'di ni rdo rje nyi ma'i phyag rgya'o/ /dpal gyi gnas su ni yid bzhin gyi nor bu'i rgyal mtshan gyi phyag rgya'o/ /bzhad pa'i gnas su ni rdo rje gnyis kyi bar du so'i phreng ba gnyis bris pa ni bzhad pa'i phyag rgya'o/ /rdo rje chos kyi gnas su ni sngar bshad pa'i mtshan nyid can gyi rdo rje pad+ma'i dbus su rdo rje rtse lnga pa yod pa bri'o/ /rdo rje rnon po'i gnas su ni rdo rje ral gri'o/ /rdo rje rgyu'i gnas su ni 'khor lo rtsibs brgyad pa rtsibs rnams rdo rje rtse gcig pa lta bur bya'o/ /rdo rje smra ba'i gnas su ni rdo rje rtse lnga pas mtshan ma'i lce'o/ /rdo rje las kyi gnas su ni ji skad du bshad pa'i mtshan nyid can gyi sna tshogs rdo rje kun tu rtse mo zhes bya ba'o/ /rdo rje bsrung ba'i gnas su ni go cha'i phyag rgya mdza' gnyis su rdo rje rtse lnga pa gnyis dang ldan pa'o/ /rdo rje gnod sbyin gyi gnas su ni mche ba gnyis rtsa ba'i cha na rdo rje rtse lnga yod pa'o/ / rdo rje khu tshur gyi gnas su ni dam tshig gi khu tshur gyis yongs su gzung ba'i rdo rje rtse lnga pa bri bar bya'o/ /rdo rje sems ma la sogs pa ni rdo rje dbyings su gsungs pa bri ba yin no/ /sgeg mo'i gnas su rdo rje rtse lnga pa gnyis so/ /phreng ba ma'i gnas su rdo rje rin po che'i phreng ba'o/ /glu ma'i gnas su ni rdo rje pi wang ngo/ /gar ma'i gnas su ni mkhrig ma'i bar dang bcas pa'i lag pa gnyis/ rdo rje rtse gsum dang bcas pas gar byed pa'o/ /gdug pa ma'i gnas su ni spos snod do/ /me tog ma'i gnas su ni me tog gi snod rdo rje me tog gis gang ba'o/ /mar me'i gnas su ni rdo rje mar me'i sdong bu'o/ /byug pa'i gnas su ni rdo rje dri'i dung chos so/ /rdo rje lcags kyu'i gnas su ni rdo rje lcags kyu'i phyag rgya'o/ /zhags pa'i gnas su ni rdo rje zhags pa'o/ /lcags sgrog gi gnas su ni rdo rje lcags sgrog go /rdo rje 'bebs pa'i gnas su ni rdo rje dril bu bri bar bya'o/ /phyag rgya thams cad rdo rje 'bar bas bskor ba'o/ /mi bskyod pa'i rigs las byung ba rnams ni mgo shar du bltas pa'o/ gzhan dag ni mgo lho dang/ nub dang/ byang du bltas pa'o/ mtshams su gnas pa rnams ni mgo mtshams su bltas par bya'o/ /phyi rol du yang zhes bya ba'i phyi'i dkyil 'khor gyi khyams la ji ltar rigs pa'i tshul dang mi 'gal bar byams pa la sogs pa rang gi mtshan ma yang dag par bri bar bya ste/ de nyid bshad pa ni byams pa la sogs pa rang gi mtshan/ ji ltar grags pa bzhin du bri/ zhes bya ba gsungs pa yin no/ /ji ltar dga' ba zhes bya ba ni 'di yin te/ shar phyogs kyi khyams kyi nang du rdo rje rtse lnga pa nyis brgya lnga bcur gcig gis ma tshang ba bri'o/ /de bzhin du lho phyogs su ni rdo rje rin po che'o/ /nub tu ni rdo rje pad+ma'o/ /byang du ni sna tshogs rdo rje'o/ /yang na byams pa dang/ mthong ba don yod dang/ ngan song kun 'dren dang/ mya ngan dang mun pa thams cad nges par 'joms pa'i blo gros kyi mtshan ma shar phyogs kyi khyams kyi nang du snga ma bzhin du rdo rje bzhi bri'o/ /spos kyi glang po dang/ dpa' bar 'gro ba dang/ nam mkha' i mdzod dang/ ye shes rtog ni lho phyogs su rin po che bzhi'o/ /'od dpag tu med pa dang/ zla 'od dang/ bzang bskyod dang/ dra ba can gyi 'od ni nub du rdo rje pad+ma bzhi'o/ /rdo rje snying po dang/ blo gros mi zad pa dang/ spobs pa brtsegs pa dang/ kun tu bzang po ni byang phyogs su sna tshogs rdo rje bzhi bri bar bya'o/ /aoM sarbba saM skA ri pa ri shud+d+ha d+harmA te ma hA na ya pa ri ba re swAhA/ zhes bya ba ni byang chub sems dpa' 'di dag thams cad sgrub par byed pa'i rig pa ste/ 'di dag gis ni byams pa la sogs pa'i phyag rgya bri ba bya'o/ /gnas de nyid du 'jug pa la sogs pa'i cho ga rgyas pa yin te/ zhes bya ba ni 'jug pa la sogs pa'i cho ga rgyas pa gang yin pa de ni 'jug pa la sogs pa'i cho ga rgyas pa ste/ sogs pa'i sgras ni rdo rje chu btung ba dang/ dbang ba dang/ me tog dor ba dang/ phreng ba'i dbang dang/ gdong g.yogs dgrol ba dang/ dkyil 'khor blta ba dang/ dbab pa nye bar bsdu ba dang/ dbang bskur ba dang/ sngags blang ba dang/ bdag la byin gyis brlab pa la sogs pa'i cho ga dang/ rang gi ming nas brjod pa dang/ rdo rjes dkyil 'khor bsgrub pa dang/ bsdu ba bya ba dang/ mtshan brgya rtsa brgyad pas bstod pa la sogs pa rdo rje dbyings kyi dkyil 'khor chen por gsungs pa'i cho ga thams cad bya bar ston to/ /de nyid ni de la thog ma zhes bya ba la sogs pas 'grel te/ de la re zhig thog ma rdo rje slob dpon gyis 'og nas bshad pa'i sems dpa' rdo rje ma'i dam tshig gi phyag rgya sa ma ya stwaM hUM badzra ban d+ha zhes bya bas rang gis bcing bar bya'o/ /de nas sa ma ya hUM zhes zlos shing 'jug par bya'o/ /zhugs nas lan cig bskor te/ zhes bya ba ni nang gi dkyil 'khor du'o/ /phyag rgya de bcom ldan 'das phyag na rdo rje la phul nas zhes bya ba ni/ sems ma rdo rje ma'i phyag rgya rdo rje snyems pa'i gzugs su 'dzin par bsams la/ bcom ldan 'das la phyag rgyas nas/ bcom ldan 'das rdo rje sems dpa' dang lhan cig tu gyur par bsams par bya ste/ de lta bus ni de phul ba yin no/ /rang gi snying gar tshul bzhin du bkrol te/ zhes bya ba ni rdo rje dbyings kyi dkyil 'khor chen por gsungs pa'i cho gas bdag nyid la dbab pa la sogs byas la/ tiSh+Tha badzra zhes bya ba la sogs pas dbab pa nye bar bsdu bar bya'o/ zhes bya ba'i tha tshig go /de nas me tog dor ba la sogs pa'i cho ga rdo rje dbyings kyi dkyil 'khor chen po las ji skad du gsungs pa'i tshul du spyad par bya'o/ /'jug pa la sogs pa'i cho ga 'di dag thams cad ni bcom ldan 'das rdo rje sems dpa' slob dpon du gyur pas mdzad par bsam zhing rang nyid kyi rjes su spyad par bya'o/ /'dir gsang ba'i rdo rje ni dang po'i rdo rje sor bzhi ba'i tshad kyis rdo rje dang bdag po'i dbang bskur ba bya bar 'dod do/ /de nas rdo rje dbyings kyi dkyil 'khor chen po las gsungs pa'i cho ga snga ma bzhin du byas la/ bdag nyid dpal rdo rje sems dpa' i sbyor ba dang ldan pas rdo rje dbyings kyi dbang phyug ma la sogs pa nas rdo rje 'bebs pa'i bar gyi tshul 'dzin ba'i gzungs kyi lha mo thams cad bsdu bar bya'o/ /de nas mtshan rgya rtsa brgyad pas bstod par bya'o/ /sgo bzhir rdo rje lcags kyu la sogs pas zhes bya ba la gzungs k yi dkyil 'khor las gsungs pa'i rdo rje lcags kyu'i las kyi phyag rgya dang badzra aoM gu sha dzala/ shar phyogs kyi sgo dang nye bar rigs pa'i lha mo'i gzugs su bzhag par bya'o/ /de bzhin du rin chen 'byung ldan dang/ 'od dpag tu med pa dang/ don yod par grub pa dang/ de'i rigs kyi tshul gyis gzungs rnams rang rang gi sgo dang nye bar bzhag par bya'o/ /de nas badzra pA sha hUM zhes zlos shing/ /gzungs kyi dkyil 'khor las gsungs pa'i las kyi phyag rgyas rang rang gi sgo nas mchod rten la sogs par bcug nas/ badzra pho Ta baM zhes bya ba dang/ rdo rje lcags sgrog gis las kyi phyag rgya de dag thams cad bcings la/ badzra A be sha athams cad bsgrub la/ chos dang las dang phyag rgya chen po rnams kyis rgyas btab nas/ dbang bskur la mchod yon phul te/ mchod pa thams cad kyis yang dag par mchod pa la sogs pa byas nas/ phyir phyung la rdo rje slob ma sngar bshad pa'i cho ga nyid kyis gzhug par bya'o/ /de yang gang gi phyir/ rdo rje dbyings kyi dkyil 'khor chen po gzung ba'i tshul du gzung ngo/ zhes bya ba gsungs pa yin no/ /dngos grub kyi gsang ba'i rdo rje'i mtshan ma 'chad pas g.yogs pa byin te/ zhes bya ba ni gzungs kyi dkyil 'khor la sogs pa rnams 'grub pa'i phyir dang/ gsang ba'i rdo rje sor bzhi pa ji nas kyang sus kyang mi mthong bar byos shig ces bsgo la/ slob dpon gyis slob ma la sbyin par bya ba yin pas na de'i phyir/ chad pas g.yogs la zhes bya ba smos pa yin no/ /de ltar slob dpon gyi las kyi cho ga dang/ slob ma gzhug pa'i cho ga rgyas pa bstan nas/ da ni dam tshig dang/ dbang bskur ba thob pa rnams la/ mngon par 'dod pa'i don gyis dngos grub kyi man ngag bstan par bya ba yin pas/ rdo rje gsang ba'i zhes bya ba la sogs pa gsungs so/ /rdo rje gsang ba ni gzungs kyi dkyil 'khor ro/ /de'i phyag rgya ni der 'dod pa'i don sgrub par byed pa gang yin pa'o/ /de'i ye shes ni nges pa ste bslab bo zhes bya ba ni de bstan par bya'o/ /phyag rgya de rnams kyang rnam pa mang po yod pas de'i phyir/ dang por re shig ces bya ba gsungs pa'o/ /rdo rje gsang ba ni gzungs kyi dkyil 'khor ro/ /de'i lus kyi phyag rgya'i ye shes bslab po zhes pa'o/ /ji lta bu zhe na/ zla ba'i dkyil 'khor dbus su ni zhes bya ba la sogs pa gsungs te/ rkang pa dang lag pas thal mo sbyar ba gang yin pa de ni/ rkang lag thal mo sbyar zhing zhes bya ste rnal 'byor pa'o/ /de lag pa'i thal mo ste khong stong ngo/ /rkang pa'i thal mo ni sems dpa' i dkyil mo krung ngo/ /de skad du yang sems dpa' i skyil krung gi gnas la/ de'i steng du thal mo sbyin byed pa zhes gsungs pa yin no/ /'dis ni lus kyi phyag rgyas bdag nyid yang dag par gnas pa yin no/ /'di de ltar gyur pa dang/ kha slang bar byed pa dang ldan zhing rdo rje bsgom par byas nas zhes pa'o/ /rdo rje sems dpar bdag nyid bsgom nas bsgom pa 'dis rdo rje ma yang zhes pa/ rdo rje sems dpa' i btsun mo yang chags par byed cing dbang du byed do/ zhes bya ba'i bar du'o/ /'di skad du ston te/ rdo rje dbyings kyi dkyil 'khor chen po las gsungs pa'i rdo rje sems dpa' i rnal 'byor byas la/ de'i 'og tu gzungs kyi dkyil 'khor las gsungs pa'i bcom ldan 'das kyi phyag rgya chen po bcings nas/ badzra satwa gu hya sa ma ye hUM zhes brjod par bya'o/ /de nas badzra rA ga ya ho zhes zlos shing/ stong gsum gyi stong chen po'i sangs rgyas kyi zhing 'di thams cad nam mkha' dang 'dra bar bsgom la de'i tshad tsam gyis zla ba'i dkyil 'khor de'i steng du bdag nyid dpal rdo rje sems dpa' sku mdog dmar ba/ 'od zer dmar po shin tu 'khrugs pa/ rdo rje dang dril bu bsnams pa bsgoms la/ mdun du yang badzra satwa gu hya sa ma ye hUM zhes bya bas zla ba'i dkyil 'khor de nyid la kun tu bzang po sprul la/ bsdu bas spyan drangs nas mtshan brgya rtsa brgyad pas ston nas/ rdo rje lcags kyu la sogs pa las kyi phyag rgya rnams kyis dgug pa dang gzhug pa dang/ bcing ba dang/ dbang du byas nas/ rang gi dam tshig gi phyag rgya rab tu bsgrubs la/ chos dang las dang phyag rgya chen po rnams kyis rgyas btab la dbang bskur ba'i phyag rgya rnams kyis dbang bskur nas/ sgeg mo la sogs pa mchod pa brgyad kyi yang dag par mchod nas phyag byas la/ badzra rA ga ya ho zhes yang zlos shing bdag ni rdo rje can gyi lha mo kun tu bzang mo'i zhes nga rgyal bskyed de/ 'di dag dang 'og nas bshad pa'i sbyor ba la yang phyag rgya bzhis rgyas gdab par bya'o/ /de bas na der mdun du brtan par byas la/ de'i rjes la yang badzra rA ga ya ho zhes bya bas bdag nyid rdo rje sems dpa' bsam la/ sems dpa' i dkyil mo krung bcas te/ rdo rje thal mo bcings nas/ badzra rA ga ya ho a ti tiSh+Tha swa ma zhes bya bas byin gyis brlabs la/ badzra rA ga ya ho zhes bya ba rdo rje'i tshig gis zlos shing bcom ldan 'das yum mdun du bsgom pa ni/ thun bzhi'i sbyor bas zla ba gcig gam/ zla ba drug gam/ lo gcig gam ji srid de mngon sum du mthong ba'i bar du bsgom par bya'o/ /de nas zla ba nya la cho ga thams cad rjes su spyad de nyi ma nub pa'i dus su de bzhin du rdo rje thal mo bdag nyid byin gyis brlabs la dal gyis 'gro bas de chags par byas la/ kha glal ba dang bcas pas chags shing chags pas 'dzum pas 'khyud cing bzlas nas/ de 'di'i dbang du 'gyur zhing 'khyud par 'gyur ba dang/ de'i lus mi snang bar 'gyur ro/ /de nas rdo rje 'dzin pa chen por 'gyur ro/ /dpung pa bskum lcags kyu dang/ mgo la rdo rje bsgom par bya ba yin/ zhes bya ba dpung ba g.yon pa bskum pa'i lag pas lcags kyu dang mgo la rdo rje rtse lnga pa bsgom par bya'o/ /lag pa yis ni 'bod byed cing/ zhes bya ba ni lag pa g.yas pas se gol gyi sgra byed cing ngo/ /lcags kyu ma yang 'gugs par byed ces bya ba ni rdo rje rgyal po'i btsun mo'ang bsgoms pa 'dis 'gugs par byed do/ /'di'i cho ga ni 'di yin par shes par bya ste/ rdo rje dbyings kyi dkyil 'khor chen po las gsungs pa'i cho gas rdo rje rgyal po'i sbyor ba ji lta ba bzhin du byas la/ de'i 'og tu gzungs kyi dkyil 'khor las gsungs pa'i rdo rje rgyal po'i phyag rgya chen po ji lta ba bzhin du bcings la/ badzra aoM gu sha dzasangs rgyas kyi zhing thams cad nam mkha' dang mnyam par bsam par bya'o/ /de nas de'i tshad tsam gyi zla ba'i dkyil 'khor de'i steng du bdag nyid de nyid kyi mdun du/ aoM badzra gu hye badzra aoM gu sha hUM zhes bya bas rdo rje rgyal po btsun mo rdo rje lcags kyu ma sprul la/ de bzhin du bsdu ba la sogs pa rjes su spyad na/ badzra aoM ku sha dzabskum pa'i lcags kyu dang/ mgo la rdo rje bsgom par bya/ lag pa yis ni 'bod byed cing/ lcags kyu ma yang dgug byed par/ ces bya ba bdag nyid dmar ba/ de yang dmar ba/ dpung ba bskum pa'i lcags kyu 'od dmar po 'bar ba/ kun tu 'khrugs pas snying ga'i pad+ma nas bzung bar 'gug par bya'o/ /mda''phen pa'i tshul gyis ni/ glal zhing snying gar 'phangs nas ni/ nyid kyi rdo rje dga' ma yang/ bdud kyi tshul gyis mnyes par byed/ ces bya ba ni mda''phen pa'i rdo rje chags pa'i las kyi phyag rgya ste/ des mda''phen pa'i tshul gyis kha glal ba dang ldan par byed cing bsgrub par bya ba'i lha mo snying gar te/ snying la mda' bsnun par bya'o/ /de bzhin du de rgyab kyis phyogs par sems dpa' bsad pas bdud kyi tshul gyis mnyes par byed cing mngon du phyogs par dbang du bya'o/ /ji srid gang dang gang rdo rje chags pa'i sbyor bas/ rdo rje gar ma rang nyid kyang zhes bya ba rdo rje chags pa'i btsun mo rang nyid kyang rnal 'byor pa'i dbang du 'gyur ba'o/ /'di'i don ni 'di yin te/ rdo rje dbyings kyi dkyil 'khor chen po las gsungs pa'i cho gas rdo rje chags pa'i rnal 'byor byas la/ de'i 'og tu gzungs kyi dkyil 'khor las gsungs pa'i rdo rje chags pa'i las kyi phyag rgya bcings te/ aoM badzra gu hya rA gi rA gA ya hUM zhes byas la/ ma ra ya ma ra ya phaT zhes zlos shing/ snga ma bzhin du sangs rgyas kyi zhing thams cad nam mkha' dang mnyam par bsam mo/ /de nas de'i tshe nam mkha' i tshad tsam gyi zla ba'i dkyil 'khor la de'i steng du rdo rje chags pa sku mdog dmar po rgyan thams cad kyis brgyan par bdag nyid bsam nas/ aoM badzra gu hya rA gA ya hUM zhes bya bas rdo rje chags pa'i btsun mo rdo rje dga' ma zla ba'i dkyil 'khor gcig nyid kyi mdun du sprul la/ bsdu ba la sogs pa'i cho ga rjes su spyad nas/ ma ra ya ma ra ya phaT ces zlos shing snga ma bzhin du de dang de bsgom par bya'o/ /de nas zla ba gcig gam zla ba drug gam lo gcig gis de mngon du byas nas rdo rje chags pa'i las kyi phyag rgya bcings la/ mtshan thog thag de'i las kyi phyag rgya'i sbyor bas mda' dmar po snying ga ru 'phen cing kha glal ba dang ldan par byas la mda' nges bsnun nas bug la bsgrub par bya ba dmar zhing sgrub pa po la gcig tu chags par bsam par bya'o/ /bdag gi lus kyi snying ga ru/ / rdo rje go cha'i tshul gyis ni/ /dpung ba bsnol ba bcings na ni/ /sangs rgyas nyid kyang bsrung bar byed/ ces bya ba ni rdo rje khu tshur gnyis bcings te/ dpung ba bsnol ba'i tshul gyis rang gi snying gar bdag nyid 'khyud la/ rdo rje go chas yan lag thams cad go bskon par bsam par bya'o/ /rdo rje go cha'i sbyor ba 'dis de bzhin gshegs pa thams cad kyang mi phyed par gal te gnod par byed pa rtsom pa na de yang bsrung bar 'gyur na gzhan dag lta smos kyang ci dgos 'dir yang sangs rgyas nyid kyang zhes bya ba'i tshig 'dis/ rnal 'byor pa gnod pa'i khyad par chen po las srung nus par ston to/ /'di skad ston pa yin te/ rdo rje dbyings kyi dkyil 'khor chen po las gsungs pa'i rdo rje legs pa'i sbyor ba byas nas/ phyis gzungs kyi dkyil 'khor las gsungs pa'i rdo rje legs pa'i las kyi phyag rgya bcings la/ aoM badzra gu hya swi d+hi shwa ri hUM zhes brjod la badzra band+ha rak+Sha hoM zhes zlos shing snga ma bzhin du sangs rgyas kyi zhing thams cad nam mkhar gyur par bsam par bya'o/ /de nas nam mkha' i phyogs der stong gsum gyi sangs rgyas kyi zhing gi tshad tsam gyi zla ba'i dkyil 'khor de'i steng du bdag nyid rdo rje legs par rnam par bsam la stan de nyid la mdun du/ aoM badzra gu hya san d+hI sha ri hUM zhes bya bas rdo rje legs pa'i gzugs 'dzin pa'i legs ldan ma sprul la/ bsdu ba la sogs pa'i cho ga rjes su spyad nas/ band+ha rak+Sha hoM zhes zlos shing snga ma bzhin du bsgom par bya'o/ /de nas zla ba gcig gam zla ba drug gam lo gcig gi mdza' nyi ma nub pa'i dus su rang gi lus kyi dpung pa bsnol bas/ bzung la zhugs de gcig tu gyur par bsgoms te/ ji srid sgrub pa po'i lus su zhugs te gcig tu gyur pa de srid kyi bar du zla bar bya'o/ /de nas rdo rje legs pa nyid du 'gyur zhing legs pa ma yin pa'i tshul gyis rnam par rtog pa rnams las bdag nyid bsrung bar byas par 'gyur ro/ /gzhan srung bar byed par 'dod na zla ba gcig tsam bsnyen pa byas la mthar mtshan thog thag bzlas pa bya'o/ /de nas gang gi tshe mi la sogs pa'i 'jigs skrag pa cung zad 'byung bar mthong na/ de'i tshe rdo rje legs pa'i rnal 'byor pas de bzhin du zla ba'i dkyil 'khor gyi steng du gnas la sems can de lcags kyu la sogs pas bkug cing bcug la bcings te/ zla ba'i dkyil 'khor de nyid kyi steng du 'dug pa bsams la snga ma bzhin du bdag nyid kyi snying gar dpung pa bsnol la bcings nas/ rdo rje go cha'i sbyor bas bsrung bar 'gyur na sangs rgyas nyid kyang bsrung bar 'gyur ro/ /de ltar lus kyi phyag rgya bstan nas / blta ba'i phyag rgya bstan pa'i phyir/ de nas zhes bya ba la sogs pa gsungs te/ lta ba nyid phyag rgya yin pas na blta ba'i phyag rgya'o/ /de'i ye shes ni nges pa ste de bslab bo/ /rdo rje lta ba chags pas ni dga' bas mgon rab tu dgrang/ ces bya ba la/ chags pa ni mngon par 'dod pa ste/ de las byung ba'i rab tu dga' ba ni kun tu chags pas rab tu dga' ba'i yod do/ /des mig rab tu bgrang cing gdangs pa'i lta ba'i phyag rgya gang yin pa de ni chags pas ni/ dga' bas mig ni rab tu bgrad ces bya ba lta ba'i phyag rgya ni rdo rje'i blta ba'o/ /'di dang badzra driSh+Ta ma Ta zhes bya ba mig gnyis su bkod la/ rdo rje'i lta ba bskyed de/ des bltas na bud med rnams nges par dbang du 'gyur ro/ /blta ba 'di la sgeg pa'i nyams thams cad sbyang bar bya'o/ zhes bcom ldan 'das kyi gsungs so/ /rab tu myur bar zhes bya ba la sogs pa la/ rab tu dga' bas myur ba ni rab tu myur ba ste/ rings par zhes bya ba'i tha tshig go /rab tu bskul bas na rab bskul te/ de gang zhen mig gnyis te/ 'dis mig gi rdzi mas dgugs shing 'dren par byed pa yin pa na/ rab tu myur bar mig rab bskul/ mig gi rdzi mi dgugs byed pa'i/ zhes bya ste de lta bu'i blta ba gang yod pa de la de skad ces bya'o/ /blta ba yang yin la gzi can yin pas na lta ba gzi can te/ gzi brjid can no/ /yin par bshad ces bya ba ni bsten pa'o/ /dApte driSh+Ti aoM gu sha dzazhes bya ba la sogs pa la/ gang gis khro gnyer gyi gnyer ma bsdus shing/ gsal ba gang yin pa de ni gnyer ma rab tu bsdus pa'o/ /de nas khro bo'i mig btsums pas blta ba gang yin pa de ni khro bo'i lta ba yin pas de la/ khro gnyer gnyer ma rab bsdus pa/ khro bo'i mig ni btsum pa ste zhes bya'o/ /de lta bu'i khro bo'i lta ba byas shing mnyam par bzhag na ni/ khams gsum yang ni 'jig par byed ces bya ba ste/ kro ta driSh+Ti h+ri zhes bya ba mig gnyis su bkod la/ khro bo'i nyams thams cad kyis khro bo'i lta bas bskyed par bya'o/ /ri rab ces bya ba la sogs pa la ri rab ni ri'i rgyal po'o/ /ri rab de dag go /brag ni rdo rje'o/ /de dang 'dra bar brtan pa ni mi phyed pa'o/ /'dzum pa med pa ni mi g.yo ba ste/ rdzi ma dang mig mi 'gyur ba'i blta ba'i phyag rgya gang yin pa de ni ri rab ri'i brag ca 'dra bar/ brtan pas 'dzum pa med pa'i mig /byams pa'i blta ba yin par bshad/ ces bya ste/ dIpta tiSh+Ta tra ces bya bas mig gnyis bkod la/ brtan pa'i blta ba bskyed nas/ de'i 'og tu bsrung ba la sogs pa'i las la 'jug par bya'o/ /de la gang gi tshe blta ba'i phyag rgya rnams kyis las byed pa de'i tshe/ rang gi lha'i sbyor bas lta ba'i phyag rgya 'di dag zla ba gcig tsam gyi bar du goms par bya'o// de la re zhig yi ge ma las nyi ma'i dkyil 'khor/ Ta a med pa las mig g.yon pa zla ba'i dkyil 'khor/ yi ge hUM las rdo rje rtse lnga pa dkar po mig gnyis mig gi 'bras bur bsam la badzra driSh+Ti ma Ta zhes bya bas byin gyis brlabs la/ ji skad du gsungs pa'i mtshan nyid can gyi rdo rje blta ba/ badzra driSh+Ti ma Ta zhes zlos shing bsgoms la/ zla ba tshang pa'i mthar ni mtshan thog thag bya'o/ /de nas dbang du byas la/ rdo rje lta ba dang bcas pa'i 'od zer rnams spro bar bya'o/ /de bzhin du r ang gi lha'i rnal 'byor byas la yi ge dzapar bya'o/ /de nas zla ba'i mthar de bzhin du bsgrubs pas ji skad du bshad pa'i mtshan nyid can gyi 'bar ba'i lta ba'i lcags kyu lta bu'i 'od zer rnams kyi bsgrub par bya ba de bzhin du rang gi lha'i rnal 'byor byas la/ yi ge hi zhes bya bas mig gnyis su rdo rje nyi ma bsam yi ge hUM thur du las mig 'bras khro bo'i rdo rjer bsam la kro d+ha driSh+Ti h+ri zhes bya bas byin gyis brlabs nas/ ji skad bshad pa'i mtshan nyid can gyi khro bo'i blta ba dang/ kro d+ha driSh+Ti dri zhes zlos shing bsgom par bya'o/ /de nas de bzhin du rab tu bsgrub la/ rang gi mig las byung ba'i khro bo'i rdo rje rnams kyis bsgrub par bya ba thal bar bya'o/ /de bzhin du rang gi lha'i rnal 'byor byas la/ sems can gyi khams rnams su byams pa spros te/ yi ge ma las mig g.yas dang nyi ma'i dkyil 'khor zhi ba/ Ta a med pa las mig g.yas par zla ba'i dkyil 'khor bsam la dri d+ha driSh+Ti tra Ta zhes bya ba byin gyis brlabs nas/ dri d+ha driSh+Ti tra Ta zhes zlos shing ji skad du bshad pa'i bstan pa'i blta ba bsgom par bya'o/ /de nas de bzhin du zla ba gcig gi mthar bsgrub par bya'o/ /de nas tsha ba'i rims la zla ba rdo rje lta bu'i 'od zer rnams kyis bsgrub par bya ba la bltas la bya ba cing tsha ba bsal bar bya'o/ /grang ba'i rims la ni nyi ma'i 'od zer rnams kyis grang ba bsal bar bya'o// gdon gyis zin pa la ni 'bar ba'i blta ba'i 'od zer rnams kyis gzhom par bya'o/ /tshig gi phyag rgya'i ye shes bslab po/ zhes bya ba ni rdo rje dbyings kyi dkyil 'khor las ji skad gsungs pa'i sbyor bas lha'i rnal 'byor ni thams cad du bya bar shes par bya'o/ /de nas rang gi lha'i rnal 'byor byas la/ phyis gzugs kyi dkyil 'khor las gsungs pa'i rang gi las kyi phyag rgya bcings te/ ho ho ho ho zhes bdag nyid zlos shing kha dog dmar por bsams la/ badzra ho zhes zlos shing zla ba gcig gi bar du thun bzhir bsgom par bya'o/ /de nas zla ba'i mthar mtshan thog thag bsgom mo/ /de nas de bzhin du las kyi dus su yang lha'i rnal 'byor byas la bsgrub pa bya ba dang lhan gcig zla ba'i dkyil 'khor gcig nyid la gnas blos bsams la/ ho ho ho ho zhes zlos shing bsgrub pa'i lus la yi ge ho bzhi bcug la de de'i lus thams cad dmar por byas nas badzra ho zhes zlos shing rang gi lus las byung ba'i 'od zer dmar po 'bar ba 'khrug bzhin bar bsams na nges par dbang du 'gyur ro/ /gang gi phyir sgra dang bral bas zhes gsungs pas lkog ma'i phyogs su cung zad tsam 'don pas 'dir bzlas par bya'o/ /dzdza zhes bya ba la sogs pa la/ de bzhin du rang gi lha'i rnal 'byor byas la/ phyis gzungs kyi dkyil 'khor las gsungs pa'i las kyi phyag rgya bcings te/ yi ge dzdza obzhi lan gsum bzlas la/ badzra dza zhes bya ba snga ma bzhin du zla ba gcig tsam bsgoms nas mthar mtshan thog thag bya'o/ /de nas de bzhin du rang gi lha'i rnal 'byor byas la / bsgrub par bya ba lcags kyu la sogs pas dgug pa dang/ gzhug pa dang/ bcing ba dang/ dbang du byas la yi ge dza bzhis khro bo'i tshig gi zlos shing bsgrub par bya ba'i lus la zhugs la/ rdo rje lcags kyu'i gzugs g.yas su bskyed par bya'o// de nas badzra dza zhes bya bas rang gi lag par lcags kyu bskyed la des bsgrub par bya ba'i snying phug nas badzra dza zhes zlos shing bkug na nges bar 'gug par byed do/ /snga ma bzhin du rang gi lha'i rnal 'byor byas la/ de'i 'og tu gzungs kyi dkyil 'khor las gsungs pa'i las kyi phyag rgya bcings nas yi ge hUM bzhi zlos shing khro bo'i gzugs su bdag nyid bsgom par bya'o/ /de nas badzra hUM zhes zlos shing thun bzhi'i sbyor bas bsgom par bya'o/ /de nas zla ba'i mthar mtshan thog thag bya'o/ / yang las kyi dus su de bzhin du yang rang gi lha'i rnal 'byor byas la/ yi ge hUM bzhi rang dang gzhan gyi rna ba'i rnam par shes pas gzung du rung ba'i sgra'i tshig tu brjod pa gsal bar brjod cing bsgrub par bya ba'i lus 'jigs pa'i dus kyis rlung dang 'dra ba des/ rnam par gtor bar gyur par bsam zhing/ /badzra hUM zhes bzlas na ri rab kyang ltung bar byed do/ /snga ma bzhin du rang gi lha'i rnal 'byor byas la/ gzungs kyi dkyil 'khor las gsungs pa'i las kyi phyag rgya bcings te/ yi ge hUM bzhi'i rdo rje'i gi chas bdag nyid go bsgos pa bsam par bya'o/ /de nas badzra ho zhes bya ba'i phra ba'i tshig yongs su zlos shing snga ma bzhin du bsgom par bya'o/ /de nas zla ba gcig gi mthar mtshan thog thag bsgom bar bya'o/ /yang las kyi dus su de bzhin du rang gi lha'i rnal 'byor byas la/ bsgrub par bya ba lcags kyu la sogs pas dgug pa dang/ gzhug pa dang/ bcing ba dang/ dbang du byas nas rang gi stan zla ba'i dkyil 'khor la bzhag ste/ hoM hoM hoM hoM zhes yongs su zlos shing lha mor gyur par bsam la badzra hoM zhes bzlas na 'jig rten gsum yang bsrung bar byed do/ /de nas rdo rje gsang ba'i ye shes kyi zhes bya ba la sogs pa rnam pa yang yin la thams cad kyang yin pas na rnam pa thams cad do/ /de nyid mchog ste dam pa'o/ /de dang ldan pa ni bcas pa ste/ skyes bu chen po mtshan sum cu rtsa gnyis dang/ dpe byad bzang po brgyad cu dang ldan pa zhes bya ba'i tha tshig go /rnam pa thams cad kyi mchog ste dang ldan pa ni phyag na rdo rje ste/ rdo rje sems dpa' bdag nyid bsgom par byas na de yang sangs rgyas thams cad dbang du byed ces pa rang dbang du byed pa'o/ /'di skad ston pa yin te/ dkyil 'khor chen po las gsungs pa'i tshul gyis rdo rje sems dpa' i rnal 'byor byas la/ de'i 'og tu gzungs kyi dkyil 'khor chen po las gsungs pa'i rdo rje sems dpa' i phyag rgya chen po bcings te/ sarba ta thA ga ta sa ma dzdza ma d+ha sta badzra pA Ni ma sha ma na ya/ sarbba bud+d+ha na ho/ zhes zlos shing ji skad sangs rgyas thams cad 'dus dbus na gnas pa'i rdo rje sems dpa' bdag nyid mngon sum du mthong bar gyur pa de srid kyi bar du rdo rje sems dpa' bdag nyid bsgom par bya'o/ /de nas mtshan thog thag bzlas pas sangs rgyas thams cad dbang du 'gyur zhing rdo rje chen po nyid stsol bar 'gyur ro/ /snga ma bzhin du rdo rje rin chen gyi rnal 'byor byas la de'i 'og tu gzungs kyi dkyil 'khor las gsungs pa'i 'phags pa'i nam mkha' i snying po'i phyag rgya chen po bcings te/ badzra garb+ha badzra pA NiM shI g+h+raM A karSha ya hUM dzagam zla ba drug gam/ lo gcig gi bar du bsgom par bya'o/ /de nas stan gcig po nyid la bcom ldan 'das rdo rje sems dpa' rdo rje lcags kyu la sogs par dgug pa dang/ gzhug pa dang/ bcing ba dang/ dbang du byas la/ phyag rgya bzhi la rgyas gdab pa byas nas dbang bskur la yang dag par mchod do/ mtshan thog thag bzlas shing 'bar ba'i blta ba'i lcags kyus thugs ka phug ste bkug na dbang du 'gyur ro/ /rdo rje spyan zhes bya ba ni/ rdo rje chos ni sngar bshad pa'i tshul nyid kyis rdo rje chos kyi rnal 'byor byas la/ de 'og gzungs kyi dkyil 'khor las gsungs pa'i rdo rje chos kyi phyag rgya chen po bcings te/ badzra nai tra sarbba d+harmA ma ra ya phaT ces sangs rgyas thams cad 'dus pa'i dbus na gnas te/ zlos pa'i rdo rje spyan du bdag nyid snga ma bzhin du bsgom par bya'o/ /de nas mtshan thog thag rang bzhin gyi rnams par dag par mos par byed cing bsgom na shes rab kyi pha rol tu phyin pa la gnas pa thob pas/ nye bar dmigs pa'i rang bzhin can gyis chos thams cad bdud byed cing gsod par 'gyur te/ rgyud phyi ma las bsad na dngos grub thob par 'gyur zhes ji skad gsungs pa lta bu'o/ /ting nge 'dzin 'di nyid kyis de bzhin gshegs pa rnams der yang gzhom mo zhes bya ba yin no/ /rdo rjes thams cad ces bya ba la rdo rje dbyings kyi dkyil 'khor chen po las gsungs pa'i rdo rje las kyi rnal 'byor byas la/ yang gzungs kyi dkyil 'khor las gsungs pa'i rdo rje las kyi phyag rgya chen po bcings te/ badzra bi shwa rak+Sha sarbba badzra ho zhes zlos shing snga ma bzhin du thun bzhi'i sbyor bas zla ba gcig gi bar du bsgom par bya'o/ /de nas mtshan thog thag bsgom mo/ /de nas ni bsgrub par bya ba'i sems can nam lha gang yin pa bsrung bar 'gyur ro/ /rdo rje sna tshogs kyi sbyor ba de dang des badzra bi shwa ra sarbba badzra Na ta zhes bya bas spyi bor sna tshogs rdo rje bsams la/ de'i 'od zer gyi nang du bsgrub par bya ba chud par bsam mo/ /dkyil 'khor 'bri ba'i dus su yang de ltar gnas srung ba byas na rlung dang char la sogs pa'i 'jigs pa mi 'byung ngo/ /de nas zhes bya ba la sogs pa la rdo rje gsang ba ni gzungs kyi dkyil 'khor ro/ /de'i phyag rgya ni sems ma rdo rje ma la sogs pa'o/ /de'i ye shes ni nges pa ste/ de bslab po zhes pa ni nye bar bstan pa'o/ /sems dpa' i rdo rje mnyam gzhag pa zhes bya ba ni rang snying po a ba'i dkyil 'khor du rdo rje rtse lnga pa bsgom pa'i stobs k is bstan par bya ba ste/ gang gi phyir bdag gis bdag gi s ying gar ni zhes gsungs pa'i phyir ro/ /'di skad ston pa yin t / rdo rje dbyings kyi dkyil 'khor chen po las gsungs pa'i rdo rje sems dpa' i rnal 'byor byas la/ de'i 'og tu gzungs kyi dkyil 'khor las gsungs pa'i sems dpa' rdo rje ma bcings te/ badzra gu hya sa ma ya a zhes zlos shing rang gi snying gar zla ba'i dkyil 'khor gyi steng du rdo rje rtse lnga pa kha dog dmar po 'od zer dmar po 'bar ba kun tu 'khrugs pa bskyed la zla ba gnyis kyi bar du bsgom par bya'o/ /de nas yang zla ba gcig gi bar du spro ba dang bsdu ba'i sbyor bas bsgoms la mthar mtshan gcig thog thag bsgom par bya'o/ / de ltar sems dpa' i rdo rje mnyam par bzhag pa/ bdag gis bdag nyid kyis snying gar rdo rje'i blta bas ji skad du bshad pa bzhin du nges par lta zhing rang gi snying ga nas ji skad gsungs pa'i sems dpa' i rdo rje lta bu'i 'od zer gyi tshogs sprul la des dbab par bya ba'i lus kun tu bkang na/ nges par 'bab par 'gyur ro/ /de bzhin du rdo rje rin chen gyi rnal 'byor gyi gzungs kyi dkyil 'khor las gsungs pa'i rdo rje rin chen ma bcings la rin chen rdo rje bsgrub par bya'o/ /rdo rje chos kyi rnal 'byor gyis gzungs kyi dkyil 'khor las gsungs pa'i rdo rje chos ma bcings la/ chos kyi rdo rje bsgrub par bya'o/ /las kyi rdo rje'i rnal 'byor gyi gzungs kyis dkyil 'khor las gsungs pa'i rdo rje las ma bcings la/ las kyi rdo rje bsgrub par bya'o/ /de ltar rin chen rdo rje la sogs pa'i bsgrub pa byas nas/ phyis las kyi dus su yang de bzhin du rdo rje rin chen gyi rnal 'byor byas la rdo rje rin chen ma bcings te bsgrub par bya ba la 'bar ba'i lta bas blta zhing rang gi snying ga nas nor bu pad+ma rA ga'i 'di lta bu sprul la/ des de'i lus kyi nyi ma nub pa lta bur bya bas dgug par bya'o/ /rdo rje chos kyi sbyor bas rdo rje chos ma bcings la/ snying ga nas pad+ma'i 'od zer gyi tshogs gdug pa sprul la/ khro bo'i lta bas blta zhing des sems can gdug pa rnams gzhom par bya'o/ /rdo rje las kyi sbyor bas rdo rje las ma bcings la/ rang gi snying ga nas sna tshogs rdo rje lta bu 'od zer gyi tshogs sprul la/ byams pa'i lta bas blta zhing bsgrub par bya ba de'i nang du chud par bsams na// yang dag par srungs par 'gyur ro/ /de nas zhes bya ba la sogs pas ni gzungs kyi dkyil 'khor las gsungs pa'i dngos grub rnams ni rdo rje dbyings kyi dkyil 'khor chen po las gsungs pa'i rang gi lha'i rnal 'byor byas la/ rdo rje sems dpa' i sbyor bas kyang rnal 'byor chen po bsgrub la/ gzungs kyi dkyil 'khor dang gzhan du yang lha rnams gzungs kyi dkyil 'khor las gsungs pa'i phyag rgya bzhis rgyas btab la ji lta ba bzhin du bsgrub par bya'o/ /zhes ston te/ gzungs kyi dkyil 'khor gyi phyag rgya chen po ni rdo rje gsang ba'i phyag rgya chen po ste/ 'dir lag pa'i phyag rgya nyid kyi khyad par ni phyag rgya chen po yin te/ gang gi phyir bris pa'i rjes su mthun par bcings pa yin la/ de rnams kyi mtshan ma'i phyag rgya'i tshul gyis lha thams cad bri ba'i cho gar gnas kyi sku'i tshul gyis ni ma yin no/ /'on kyang sku ston par byed pas phyag rgya chen po zhes bshad do/ /bcing ba bslab po zhes bya ba ni de rnams kyi bcing ba'i mtshan nyid ces bya ba'i don to/ rdo rje thal mo las byung ba gsang ba chen po rab tu bshad/ ces bya ba ni shin tu spa bar bya ba nyid yin pa'i phyir gsang ba chen po'o/ /'dis ni gang du khyad par gyi dgag pa med pa der rdo rje thal mo phyag rgya chen po thams cad bskyed pa'i rgyu yin par ston to/ /mthe bong gnyis ni bsnol byas la/ zhes bya ba ni mthe 'ong gnyis skyil krung gi tshul du byas pa gang yin pa de ni mthe bong gnyis bsnol ba zhes bya'o/ /mdzub mo'i rtse mo bkug pas ni/ zhes bya ba ni mdzub mo yang yin la rtse mo yang dag pa yang yin pas de skad ces bya'o/ /mdzub mo bkug pa de yang gung mo gnyis bsnyams pa'i tshigs bar mar spyang bar bya ba yin pas na gung mo bsnyams pa'i tshigs su sbyar zhes bya'o/ /'di'i ming ji skad ces bya zhe na/ rdo rje dbyings kyi dbang phyug mor bshad/ ces bya ba gsungs te/ rdo rje dbyings rnams kyi dbang mo ste/ gtso bo ni rdo rje dbyings kyi dbang po rnam par snang mdzad yin la de'i phyag rgya gang yin pa de ni rdo rje dbyings kyi dbang mo zhes bya'o/ /'di'i don ni 'di yin te/ rdo rje thal mo'i mthe bo g.yon pas g.yas pa mnan la/ mdzub mo g.yas pa'i rtsa ba g.yon par mnan te/ mdzub mo gnyis lcags kyu lta bur byas la gung mo'i tshigs par ma'i steng du bzhag go /gung mo ral gri lta bur tshigs gsum par dgug par bya'o/ /dbyings rnams kyi dbang phyug ni gtso bo yin pas na rdo rje dbyings kyi dbang phyug ma ni rnam par snang mdzad yin la/ 'di de'i phyag rgya yin pas na/ rdo rje dbyings kyi dbang phyug ma'o/ /de nyid gung mo rdo rjer bya/ zhes bya ba ni rdo rje dbyings kyi dbang phyug ma nyid kyi gung mo gnyis sbyar la rtse mor byas pa yin gyi/ rdo rje thal mo ni ma yin no/ /rdo rje thal mor khas blangs par gyur na de nyid ces brjod par mi bya ste/ de'i dbang du byas pa dang 'brel pa ma yin pa'i phyir ro/ /'dis ni mi bskyod pa'i gnas su rdo rje thugs rdo rje ma dang/ sems dpa' rdo rje ma'i phyag rgya'o/ /gung mo gnyis ni nor bu bya zhes bya ba ni/ zhes bya ba'i sgras ni khyad par du bya ba'i don to/ /rdo rje dbyings kyi dbang mo de nyid las gung mo gnyis rgyab tu bskums la/ rin po che dang 'dra ba byas pa ni/ rin chen 'byung ldan gyi gnas su rang gi dbang bskur ba dang rdo rje rin chen ma'i'o/ /pad+ma srin lag mthe'u chung gung/ zhes bya ba ni rdo rje dbyings kyi dbang phyug ma de nyid las gung mo dang srin lag dang/ mthe'u chung pad+ma'i 'dab ma 'dra bar byas pa ni/ mtshon cha zhes bya ba dang/ rdo rje chos ma'i'o/ /lag pa'i sor mo rab tu brkyang/ zhes bya ba ni rdo rje dbyings kyi dbang phyug ma de nyid kyi lag mthil phan tshun sprad la sor mo thams cad brkyang ba ni/ rdo rje kun rjes bya ba dang/ rdo rje las ma'i'o/ /de ltar rdo rje dbyings kyi dbang phyug ma las byung ba'i phyag rgya rnams bstan nas/ da ni mdzub mo rdo rje zhes bya ba la sogs pas rdo rje thal mo las byung ba'i phyag rgya rnams ston te/ rdo rje thal mo'i mdzub mo gnyis phan tshun sbyar te rtse mor byas pa 'di ni mdzub mo rdo rje ste kun tu bzang po'i phyag rgya'o/ /mdzub mo gnyis zhes bya ba rdo rje thal mo'i mdzub mo gnyis lcags kyu gnyis su byas pa 'di ni de bzhin gshegs pa lcags kyu ma'i'o/ /de nyid mthe bo gnyis kyis sbas zhes bya ba ni bshad ma thag pa'i de bzhin gshegs pa'i lcags kyu'i mthe bor gnyis bsgreng bas mdzub mo gnyis kyi lcags kyu tshigs gsum pa'i sor mo la bka' ba ni dga' ba la chags ma'i'o/ /legs pa sbyin dang zhes bya ba ni rdo rje thal mo'i mdzub mo dang mthe bor se gol brdabs pa ni legs ldan ma'i 'o/ /mdzub mo rin chen zhes bya ba ni rdo rje thal mo'i mdzub mo gnyis rgyab bkug nas rin po che 'dra bar byas pa ni rin po che'i gtso mo'i'o/ /mdzub mo rin chen can 'od 'bar zhes bya ba ni rin po che'i gtso mo'i phyag rgya de nyid las mdzub mo rin chen can bya ba ni rdo rje thal mo'i mdzub mo rin po che lta bur byas la sor mo gzhan thams cad brkyang ste/ 'od zer 'bar ba lta bur bya ba 'di ni rin po che'i sgron ma'i'o/ /srin lag gshibs la mthe'u rin chen zhes bya ba ni rdo rje thal mo las srin lag gnyis gshibs shing sbyar la/ mthe'u chung gnyis rgyab bskums te rin po che ltar byas pa 'di ni rgyal mtshan gyi rtse mo'i dpung rgyan ma'i'o/ /de nyid yongs su bskor ba'o zhes bya ba ni rgyal mtshan rtse mo'i dpung rgyan ma'i phyag rgya de nyid bzhad pa'i tshul gyis yongs su bskor ba ni bzhad ma dang ldan ma'i'o/ /kun gyi rtse mo rab tu 'gyed ces bya ba ni rdo rje thal mo las sor mo thams cad brkyang ste pad+ma thams cad kha 'byed pa lta bur bzhag pa 'di ni rdo rje pad+ma'i 'o/ /mthe bong mthe'u chung bar du gzhug /ces bya ba ni mthe bong mnyam pa nang du gnas pa gang yin pa de la de skad ces bya'o/ /de'i don ni 'di yin te/ rdo rje thal mo las mthe bong gnyis mnyam la nang du bcug nas bzhag pa 'di kun 'dzin ma'i'o/ /sor mo rab tu 'khor lo brkyang zhes bya ba ni rdo rje thal mo dbyibs las de dag cung zad kha phye ba ni 'khor lo thams cad ma'i'o/ /de nyid kyang ni kha nas dbyung zhes bya ba ni 'khor lo thams cad ma'i'o/ /phyag rgya nyid kha nas steng du tshig 'byin pa'i tshul gyis kha nas dbyung ba ni stong du zlos ma'i phyag rgya'o/ /mthe bo brkyang ste rdo rje dgab ces bya ba ni rdo rje thal mo las mdzub mo gnyis kyi rtsa ba mthe bo gnyis gshibs pas yang dga' pa 'di ni dngos grub kyi gtso mo'i'o/ /mdzub mo bsnyams nas nang du gzhug /ces bya ba ni rdo rje thal mo las mdzub mo gnyis bsnyams la nang du ste mthe bo gnyis kyi rtsa bar bcug la rdo rje thal mor byas pa'i mthe bong gnyis kyis bkab pa 'di ni thams cad bsrung ma'i'o/ /mthe bo gnyis dbye ba de nyid las zhes bya ba ni thams cad srung ma'i phyag rgya de nyid las mthe bo gnyis bye la khar bzhag pa ni mdangs slar 'brog ma'i'o/ /de nas nang du rdo rjer bya zhes bya ba ni mdangs slar 'phrog ma'i phyag rgya nyid las mthe bo gnyis nang du bcug la/ rang rang gi mthe'u chung dang srin lag gnyis kyi bar du gtang/ mdzub mo sbyar te rgyab tu bzhag pa 'di ni gzungs kyi phyag rgya chen po yin no/ /rdo rje sgeg mo la sogs pa nas rdo rje 'phags pa'i bar gyi ni rdo rje dbyings kyi dkyil 'khor chen po las gsungs pa'i dam tshig gi phyag rgya nyid gzungs kyi dkyil 'khor du phyag rgya chen po nyid yin par 'dod do/ /rdo rje gsang ba de rnams ni/ rdo rje bcings las byung ba yin/ zhes bya ba la/ rdo rje ni 'dir mi bskyod pa'i rigs rnams so/ /de'i gsang ba ni gsang ba'i dam tshig gi phyag rgya rnams zhes bya ba'i tha tshig go /phyag rgya chen po rnams ni rdo rje thal mo las byung ba 'di rnams ni rdo rje bsdams pa las byung bas de rnams kyi gsang ba'i dam tshig phyag rgyar 'gyur ba yin no/ /'di rnams kyi mtshan nyid ni 'di ltar shes bya bar bya ste/ rdo rje bcing ba bcings pa'i mdzub mo rdo rje ni kun tu bzang mo'i 'o/ /mdzub mo gnyis rtse ni de bzhin gshegs pa lcags kyu ma'i'o/ /mthe bong gnyis kyis sbas pa ni dga' ba la chags ma'i'o/ /legs pa sbyin pa ni legs ldan ma'i dam tshig gi phyag rgya'o/ /chos kyi gsang ba'ang mtshan rnams ni/ thal mo nang du bkug pas so/ zhes bya ba la/ chos ni 'od dpag tu med pa'i rigs te de gsang ba ni gsang ba rnams kyi dam tshig gi phyag rgya'o/ /thal mo ni thal mo khong stong ngo/ /de'i nang ni nang nyid du ste/ nang der tshul 'dra bar byas shing bsgoms pas bsgrub par gyur pa gang yin pa de la de skad ces bya ste/ thal mo nang du bkug pa'i mtshams rnams kyis chos kyi gsang ba de nyid rdo rje thal mo las byung ba'i gsang ba rnams kyi phyag rgyar gyur pa yin no/ /'di skad ston te thal mo sbyar ba'i nang du sor mo thams cad brkyang la cung zad dang bya ba'i pad+ma lta bur bzhag pa ni/ rdo rje pad+ma'i 'o/ /thal mo sbyar la mthe bong gnyis bar du bcug nas bzhag pa ni kun 'dzin ma'i'o/ /thal mo sbyar ba bcings la nang du rdo rje thal mor byas te/ sor mo'i rtse mo phan tshun ma 'byar bar bzhag pa ni 'khor lo thams cad ma'i'o/ /'di nyid kha nas dbyung ba ni stong du zlos pa'i gsang ba'i dam tshig gi phyag rgya'o/ /las kyi gsang ba na gnas pa'i mtshan ma las su bstan pa'o/ zhes bya ba ni 'dir don yod par grub pa'i rigs ni las so/ /de'i gsang ba ni gsang ba'i dam tshig gi phyag rgya'i gsang ba rnams te/ rdo rje thal mo nang du bcings pa'i nang du mdzub mo gnyis kyi rtsa ba'i tshigs su mthe bong gnyis sbyar bas dgag pa 'di ni dngos grub kyi gtso mo'i 'o/ /rdo rje thal mo nang du bcings pa'i nang du mdzub mo bsnyams la mthe bo'i rtsa bar bzhag nas mthe bo gnyis kyis bkab pa 'di ni thams cad bsrung ma'i'o/ /thams cad bsrung ma'i phyag rgya nyid las gang gi mthe bo gnyis phye la khang? bzhag pa ni mdangs slar 'phrog ma'i 'o/ /mdangs slar 'phrog ma'i phyag rgya nyid de ltar bzhag la mdzub mo gnyis kyis rtse mo rgyab sprad la mthe bo gnyis sbyar nas rang rang gi mthe chung dang srin lag gi bar du bzhag pa 'di ni gzungs kyi phyag rgya'i gsang ba'i dam tshig gi phyag rgya gsang ba'o/ /de ltar na nang na gnas pa'i mtshan ma rnams las la rab tu bstan pas/ las kyi gsang bar 'gyur ba yin no/ /rdo rje dbyings kyi dbang phyug ma la sogs pa'i ni phyag rgya chen po nyid dam tshig gi phyag rgya bsgrub pa'i sbyor bas gsang ba'i dam tshig gi phyag rgya gsang bar 'gyur bar shes par bya ste/ gzhan du na dam tshig gi phyag rgya las byung ba'i rdo rje dbyings kyi dbang phyug ma la sogs pa'i bsgrub pa med par 'gyur ro/ /yi ge a la sogs pa'i chos kyi yi ge rnams ni kun tu bzang mo nas brtsams te/ gzungs kyi phyag rgya'i bar kyi chos kyi phyag rgya yin no/ /lhag ma rnams kyi ni rdo rje dbyings kyi dkyil 'khor chen por gsungs pa nyid yin par shes par bya'o/ / gsang ba'i phyag rgya gnyis byas nas/ las kyi phyag rgya rnams su bya/ zhes bya ba ni rdo rje dbyings kyi dbang phyug ma la sogs pa nas rdo rje 'bebs pa'i bar gyi sku'i gsang ba ston par byed pa'i phyag rgya chen po ni gsang ba'i phyag rgya ste/ de gnyis su byas nas rdo rje dbyings las gsungs pa'i tshul du las kyi phyag rgya bcing bar bya'o/ /de la tshul ni 'di yin te/ g.yon pa'i rdo rje sor mo ni/ g.yas pa'i nang du bsgreng bar bya'o/ /byang chub mchog gi phyag rgya ste/ sangs rgyas byang chub sbyin byed pa'o/ /mi g.yo ba yis? reg pa ste/ de bzhin rin chen mchog sbyin pa'o/ /tshe dpag med pa'i ting 'dzin mchog /gdon mi za ba'i mi 'jigs sbyin/ /de nas las kyi phyag rgya rnams/ /mdor bsdus pa ni bshad par bya/ /rdo rje sems sogs sems dpa' rnams/ /rdo rje las rnams byed pa ste/ bsgyings bcas gsor pa gnyi ga yis/ lcags kyu 'dzin ltar gnas pa dang/ mda''phang ba yi tshul dang ni/ /legs so zhes pas snying gar bzhag /dbang bskur ba ni rdo rje gnyis/ /snying gar nyi ma bstan par bya/ /g.yon pa la ni gung mo gzugs/ /de bzhin kha phyogs bskor bar bya/ /g.yas pa yis ni g.yon par dbye/ /snying gar g.yon pa ral gri 'dud/ /mgal me'i 'khor lo bskor ba dang/ rdo rje gnyis ka kha nas dbyung/ /rdo rje gar bskor dkrol ba yin/ /thal mo 'gram pa spyi bor bzhag / go cha mthe'u chung mche ba mchog/ khu tshur gnyis ni mnan pa'o/ /rdo rje 'gying pa tshul gyis su/ /bsam pa g.yas pas 'dud par bya/ /phreng ba bcing dang kha nas dbyung/ rdo rje gar ni bskor ba yin/ /rdo rje khu tshur tshul gyis ni/ bdug pa la sogs de bzhin sbyin/ /sangs rgyas kun la mchod pa yi/ /phyag rgya'i mchod pa byed pa'o/ /mdzub mo lcags kyu bcing ba ni/ /mthe chung la te lcags kyu che/ /mkhrig ma mdud pa mdzub gnyis gdub/ /rgyab gnyis kyang ni bsnyams te mnan zhes bya'o/ /dam tshig mchog ni ji snyed pa/ /gnyis su phral nas de bzhin no/ zhes bya ba ni ji ltar phyag rgya chen po gnyis su byas nas byang chub mchog la sogs pa las kyi phyag rgya bcing ba de bzhin du/ dam tshig gi phyag rgya gnyis su byas nas sngar bshad pa'i tshul gyis bcings pa ni las kyi phyag rgyar 'gyur ro zhes pa'o/ /dam tshig gi phyag rgya las byung ba'i las kyi phyag rgya 'di rnams kyi bsgrub pa ni grub pa'i rgyu'o/ /sa ma yastwaM zhes bya ba ni sngags te/ 'di brjod cing bcing bar bya'o/ /de'i 'og tu rang rang gi gzugs kyi rigs pas las rnams la sbyar bar bgyi'o/ /de ltar byas pas cir 'gyur zhe na/ bdag gis bcings pa grub pa ni zhes bya ba gsungs te bdag nyid kyis bdag nyid bcings pas bsgrub pa po'i 'dod pa'i don brtsol bar 'gyur/ ji lta bu zhe na/ 'dod la chags pa'i bde ba'i bdag /ces bya ba gsungs te/ 'dod par bya ba yin pas na 'dod pa ste/ byang chub kyi mtshan nyid can rdo rje sems dpa' ni mngon par 'dod par bya ba nyid yin no zhes bya ba'i tha tshig go / der chags pa ni 'dod pa'i 'dod chags te/ des bde ba'i bdag nyid can gyi rang gi rgyud 'di la yod pa nyid du 'gyur ro/ zhes ston to/ /gang gi phyir de ltar mtshan ma thob pa'i sems kyis las kyi phyag rgya rnams 'grub par 'gyur gyi gzhan dag la ni ma yin no/ /de bas na dam tshig gi phyag rgya las byung ba'i las kyi phyag rgya 'di rnams lhag par cig kyang ni 'di lta ste/ dus kun tu ni bcing mi bya zhes gsungs pa yin no/ /'o na 'di dag dus gang gi tshe bcing zhe na/ gsang ba 'am ni don che la/ /mkhas pa yis ni sbyar bar bya/ zhes bya ba gsungs te/ de la gsang ba'i bya ba ni ji ltar rgyud phyi ma las bsgrub pa'i dkyil 'khor ji lta ba bzhin du bris la/ gzungs kyi lha mo rnams mchod pa thams cad kyi yang dag par mchod la las kyi phyag rgya bcings te/ rdo rje sems dpa' i ting 'dzin gyis/ /sangs rgyas rjes su dran bsgoms la/ /bud med rnams ni bu gar bzhugs/ /bud med rnams ni dbang du 'gyur/ zhes bya ba la sogs pa don chen po dang/ dam tshig gi dbang bskur ba'i phyir/ gzungs kyi dkyil 'khor 'bri ba gang yin pa ste/ der yang dam tshig gi phyag rgya 'di dag sbyor ba la mkhas pas sbyar bar bya ba yin pas de bas na mkhas pa yi ni sbyar bar bya zhes bya ba gsungs pa yin te/ mkhas pa ni dam tshig gi phyag rgya rgyu las byung ba'i las kyi phyag rgya'i de kho na nyid shes pa'i zhes bya ba'i don to/ /sngon du bsnyen pa la sogs pa'i dus su yang bsgrub pa pos 'di rnams ci'i phyir sbyar bar mi bya zhe na/ de'i phyir 'di dag kun la bdag nyid gnas/ zhes bya ba gsungs te/ gang gi phyir kun gyi bdag nyid byang chub kyi mtshan nyid can de bzhin gshegs pa rnams kyi dran pa dang/ shes rab dang yang dag par ldan pa'i thugs la gnas shing de'i bdag nyid du? rjes su zhugs pas 'di rnams de las byung ba'i yin la/ de bas na las kyi phyag rgya 'di dag ni/ rang 'byung sangs rgyas bcom ldan 'das rnams kyi gsang ba'i btsun mo lha mo brtan pa yin pas skye bo de thams cad kyi mngon sum du gyur par mi bya'o/ /de ltar yin mod kyi 'on kyang ci'i phyir bsgrub pa pos dus thams cad du sbyar bar mi bya zhe na/ sgrub pa rnams la'ang chags na/ zhes bya ba gsungs te/ nyin re zhing las kyi phyag rgya bsgoms pa dang rab tu ldan pa'i rnal 'byor pa rnams la rab tu chags shing zhen pas na/ rang gi bdag po btang da re zhes bya ba/ bdag po de bzhin gshegs pa'o/ /ji lta bu zhe na/ rang gi ste phyi ma'i mdza' thug par brtan par gnas pa'o/ /'di skad ston pa yin te/ rang gi bdag po de bzhin gshegs pa rnams thams cad nas thams cad du yongs su spangs nas bsgrub pa po nyid la dga' bar 'dod pa yin la/ de bas na bsgrub pa pos de bzhin gshegs pa rnams la mchog tu gus pa bskyed la/ bla ma'i btsun mo rtag tu rang gi las la sbyar bar mi bya'o zhes bya ba de lta bu'i 'jig rten gyi tha snyad khas blangs la so sor nges pa'i dus su sbyar bar bya'o/ /de ltar na nges pa'i dus su mtshan ma thob nas sbyar bar gyur na/ de rnams nges par dgyes par mngon par 'dod pa'i dngos grub bsgrub par byed do/ /de bas na dus gzhan du sbyar na/ 'di dag log par sbyar bas bka' las 'das pa'i phyir dngos grub nyams par 'gyur ro/ /de ltar dam tshig gi phyag rgya las byung ba'i las kyi phyag rgya bsgrub pa'i khyad par gsungs nas/ de nas phyag rgya 'di rnams zhes bya ba la sogs pas phyag rgya chen po la sogs pa spyi'i bcing ba las rnams ston to/ /sogs pa'i sgra ni dgrol ba dang/ brtan par bya ba dang/ go cha dang mnyes par bya ba rnams bsngo'o/ /de la badzra A be sha zhes bya bas rdo rje dbab pa'i phyag rgya bcing la/ a zhes bya bas dbab pa bskyed la ji skad du gsungs pa'i tshul gyis phyag rgya chen po la sogs pa phyag rgya thams cad bcing ba ni/ bdag 'ching ngo/ /gzhan ni badzra hUM band+ha zhes zlos shing ngo/ /de ni 'di skad ston pa yin te/ rdo rje dbyings kyi dkyil 'khor chen po las gsungs pa'i tshul gyis/ rang gi lha'i rnal 'byor byas la/ phyis gzungs kyi dkyil 'khor las gsungs pa'i phyag rgya chen po dang/ dam tshig dang/ chos dang las kyi phyag rgya bcing ba badzra hUM band+ha zhes zlos shing bcing bar bya ba 'am/ mdun du rang gi gzungs kyi lha mo rang gi phyag rgya bzhis rgyas gdab par bya'o/ /de ltar phyag rgya bcing ba'i cho ga thams cad bstan nas/ da ni de dgrol ba yin no/ zhes bya ba la sogs pa dgrol ba'i cho ga gsungs pa yin te/ rdo rje dbyings kyi dbang phyug ma'i dam tshig gi phyag rgya bcings la/ aoM badzra d+ha twI shwa ri hUM badzra Ni zhes lan gsum brjod la/ aoM badzra mude spyi gtsug tu bkrol la/ rdo rje dbyings kyi dbang phyug ma'i phyag rgya thams cad dar grol par bsam par bya'o/ /de bzhin du badzra A be sha zhes bya ba'i bar gyis rdo rje 'bebs pa'i dam tshig gi phyag rgya bcings la/ aoM badzra mude rang gi byin pa g.yon pa'i gnas nas bkrol la/ rdo rje 'bebs pa'i rang gi phyag rgya thams cad de nas grol bar bsam par bya'o/ /de ltar na phyag rgya thams cad gang dang gang nas byung ba de dang de nas grol bar 'gyur ro/ /rin chen rdo rje zhes bya ba la sogs pa la/ sngar bshad pa'i 'phags pa nam mkha' i snying po dam tshig gi phyag rgya brtan par byas te/ bcings la rang gi snying ga'i phyogs nas bteg la/ bcing bar ji skad bshad pa'i phyag rgya thams cad dbang bskur ba'i bsam pas rang gi dbang bskur ba'i gnas su de bzhag la 'di skad brjod do/ /aoM badzra ratna ao b+hi Shiny+tsa de nas phyag rgya de gnyis su byas la/ aoM dri d+ha badzra karma tsa tri d+ha zhes zlos shing mdzub mo gnyis kyis go cha bcing bar bya'o/ /de nas go cha'i mthar snga ma bzhin du dar dpyangs 'phyang ba byas la mnyam pa'i thal mo mnyes par bya'o/ zhes bstan par bya ba'i phyir 'di nyid do zhes gsungs pa yin no/ /bcing ba'i dam tshig gi 'da' bar mi bya ba'i bcing ba'o/ /mnyam pa'i thal mo mnyes par bya ba nyid gsungs pa ni thal mo brdabs pas zhes bya ba yin no/ /sngags gang gis bya zhe na/ aoM gu hya sa mA ta las zhes gsungs pa yin te/ lan gsum bya'o/ /gang gis de ltar cho ga rgya cher byed mi nus pa des bcings pa la sogs pa'i las rnams badzra satwa zhes zlos shing brtan par bya ba'i phyir/ de nas rdo rje sems dpa' ci dga' bzlas zhes gsungs pa yin te/ dgrol ba la sogs pa'i dkyil 'khor las gsungs pa'i las thams cad la rdo rje sems dpa' ci dgar bzlas la sbyar bar bya'o/ /zhes bya ba'i tha tshig go /cho ga lhag ma rnams ni rdo rje dbyings kyi dkyil 'khor chen po las gsungs pa gzung bar bya ste/ rdo rje dbyings kyi dkyil 'khor chen po las gsungs pa'i rnal 'byor chen po byas la/ rdo rje sems dpa' i sbyor bas de bzhin gshegs pa'i rigs kyi gzungs la sogs pa'i dkyil 'khor bri bar bya'o/ /'di ni gzungs kyi 'dul ba'i sems can gyi phyir gsungs pa yin pas gzungs kyi dkyil 'khor ro/ /gzungs kyi dkyil 'khor gyi 'grel pa'o/ /de ltar gzungs kyi dkyil 'khor bstan nas/ da ni de nas zhes bya ba la sogs pas de 'dul ba'i 'gro ba las brtsams te/ chos kyi phyag rgya gtso bor gyur pa'i chos kyi dkyil 'khor las gsungs pa yin no/ /de nas zhes bya ba'i sgra ni 'das ma thag pa ste/ dang po sbyor ba'i ting nge 'dzin gyi rjes thogs pa'o/ /der dang por sbyor ba'i ting nge 'dzin ni gzungs kyi dkyil 'khor du bshad pa las shes par bya'o/ /yang zhes bya ba ni gzungs kyi dkyil 'khor las bltos nas yang gi sgra smos so/ /bcom ldan 'das zhes bya ba ni rnam par snang mdzad do/ /de bzhin gshegs pa thams cad ces bya ba la sogs pa la/ rdo rje yang yin la phra mo yang yin pas na rdo rje phra mo ste/ nas 'bru'i tshad tsam gyi rdo rje rtse lnga pa kha dog dkar po'o/ /der de nyid ni ye shes te/ nges pa'o/ de las byung ba'am de nyid ni phyag rgya ste rdo rje phra mo'i rang bzhin ni rdo rje phra mo'i ye shes kyi phyag rgya'o/ /de gzhin gshegs pa thams cad kyi rdo rje phra mo'i ye shes kyi phyag rgya de'i dam tshig ni/ dam tshig gi don gyi dkyil 'khor yin pas dam tshig gi dkyil 'khor de byin gyis brlab pa'i phyir/ ting nge 'dzin gang des byin gyis brlab pa zhes bya ba de la snyoms par zhugs nas rang gi rig pa mchog 'di smras pa ni gsungs pa'o/ /de ni don 'di skad ston pa yin te/ bcom ldan 'das rnam par snang mdzad rang gi dkyil 'khor gyi rnam par thugs gcig tu mdzad nas rang gi sngags gsungs pa yin no/ /gsang sngags kyi sgo'i spyad pa spyod pa rnams kyis kyang 'dir bcom ldan 'das rnam par snang mdzad kyi chos kyi dkyil 'khor gyi dkyil 'khor rgyal po mchog bsgoms pas de'i nga rgyal gyis blo la gnas par byas la/ sngags 'dis brtan par bya'o/ /mi bskyod pa la sogs pa'i rigs kyi dkyil 'khor la yang de bzhin du shes par bya'o/ /de bzhin gshegs pa thams cad kyang yin la/ rdo rje sems dpa' yang yin pas/ de bzhin gshegs pa thams cad kyi rdo rje sems dpa' ste/ mi bskyod pa la sogs pa la mi ? pa'i rigs rnams so/ /de rnams kyi rdo rje phra mo'i ye shes kyi phyag rgya'i dam tshig gi dkyil 'khor byin gyis rlob pa zhes bya ba ni snga ma dang 'dra'o/ /de bzhin gshegs pa thams cad kyang yin la/ rdo rje rin chen yang yin pas na/ de bzhin gshegs pa thams cad kyi rdo rje rin chen te/ rin chen 'byung ldan la sogs pa rin chen 'byung ldan gyi rigs rnams so/ /de rnams kyi rdo rje phra mo'i ye shes kyi phyag rgya la sogs pa ni snga ma dang 'dra'o/ /de bzhin gshegs pa thams cad kyang yin la rdo rje chos kyang yin pas na/ de bzhin gshegs pa thams cad kyi rdo rje chos te/ 'od dpag tu med pa la sogs pa 'od dpag tu med pa'i rigs rnams so/ /de rnams kyi rdo rje phra mo'i ye shes kyi phyag rgya zhes bya ba la sogs pa yang de bzhin du shes par bya'o/ /de bzhin gshegs pa thams cad kyang yin la/ rdo rje las kyang yin pas na/ de bzhin gshegs pa thams cad kyi rdo rje las te/ don yod par grub pa la sogs pa dang de'i rigs rnams so// de rnams kyi rdo rje phra mo ye shes kyi phyag rgya ste/ de'i dam tshig gi dkyil 'khor yin pas na dam tshig gi dkyil 'khor te/ de byin gyis brlab pa'i phyir des byin gyis brlab pa zhes bya ba'i ting nge 'dzin gang yin pa de la snyoms par zhugs shing mngon sum du mdzad nas/ rang gi rig pa mchog thugs la gnas pa 'di smras pa ni bka' stsal pa'o/ /'ga' zhig 'di skad du dkyil 'khor byin gyis brlab pa'i phyir sngags 'di lnga gsungs pa yin no snyam du sems na/ de ltar mi rigs te/ dkyil 'khor gyi rgyal po mchog gi ting nge 'dzin gyi dbang du mdzad pas de'i skabs ni ma yin te/ gang gi phyir bcom ldan 'das kyis ting nge 'dzin gsum bsgoms pa'i rjes las byin gyis brlab par bya'o zhes gsungs pa'i phyir ro/ /de nas zhes bya ba la sogs pa la bcom ldan 'das rnam par snang mdzad ting nge 'dzin la snyoms par zhugs so zhes bya bar sbyar ro/ /de bzhin gshegs pa thams cad kyi ye shes phra mo'i rdo rje ni ji skad du gsungs pa'i mtshan nyid can te/ de la dmigs pa'i ting nge 'dzin ni/ ye shes phra mo'i rdo rje zhes bya ste/ de la snyoms par zhugs pa'o/ /'di ston pa yin te/ bcom ldan 'das rnam par snang mdzad rdo rje phra mo'i 'od zer la sogs pa sprul ba'i rnam par thugs rtse gcig tu mdzad pa'o/ /de yang gang gi phyir bcom ldan 'das snyoms par zhugs ma thag tu zhes bya ba la sogs pa'i phyir ro/ /de nyid kyi tshe na zhes bya ba ni skad cig ma de nyid la rnam par snang mdzad la sogs pa de bzhin gshegs pa thams cad kyi thugs ka nas gang de bzhin gshegs pa thams cad kyi thugs la gnas pa'i sems dpa' i rdo rje'i tshul de nyid bcom ldan 'das rdo rje 'dzin pa de nyid de rdo rje'i ye shes phra mo'i 'od zer rnams su byung ba ste/ rdo rje'i ye shes phra mo lta bu'i 'od zer rnams su gyur te byung ngo/ /zhes bya ba'i tha tshig go /'jig rten gyi khams thams cad snang bar byas te/ zhes bya ba ni rdo rje yis phra mo'i 'od zer de rnams kyis 'jig rten gyi khams thams cad kyi snang ba la sogs pa zil gyis mnan te snang bar byas so zhes bya ba'i tha tshig go / snang bar byas pa des ci zhig mdzad ce na sems can thams cad ces bya ba la sogs pa gsungs te/ sems can thams cad la de bzhin gshegs pa thams cad dang 'brel pa'i rdo rje ye shes phra mo'i ting nge 'dzin du snyoms par zhugs pa brtan par byas pa ni rdo rje phra mo la dmigs pa'i sems rtse gcig tu ting nge 'dzin brtan por byas pa'o/ /snyoms par zhugs pa de nyid gsal ba'i dbye bas kyang de'i rjes thogs nyid la yin pas ting nge 'dzin la snyoms par zhugs te zhes gsungs pa yin la/ de brtan par byas na brtan par byas pa rdzogs par 'gyur te zhes bya ba'i don te/ yang gcig tu gyur nas zhes bya ba 'dis ni/ 'od zer rnams kyi bsdu ba gsungs pa yin no/ /ting nge 'dzin gyi ye shes kyi rdo rje'i bskur dmigs te zhes bya ba ni ting nge 'dzin gyi ye shes yin pas ting nge 'dzin gyi ye shes te/ ting nge 'dzin gyi rgyus rdo rje phra mor nges pa'o/ /der des na rdo rje phra mo'i ting nge 'dzin gyi ye shes kyi rdo rje de'i lus yin pas na/ ting nge 'dzin gyi ye shes kyi rdo rje'i sku ste/ ting nge 'dzin gyi ye shes kyi rdo rje'i sku nyid la ting nge 'dzin gyi sku zhes bya'o/ /de la dmigs pa ni rdo rje phra mo lta bu'i 'od zer gcig tu byas te/ rdo rje phra mo'i sku gcig po de rdzogs par byas shing mngon sum du mdzad ces bya ba'i tha tshig go / de la dmigs nas bcom ldan 'das rdo rje 'dzin par cir 'gyur zhe na/ gcig tu 'dus nas zhes bya ba la sogs pa gsungs te/ rdo rje phra mo lta bu'i 'od zer de rnams gcig tu 'dus nas de bzhin gshegs pa rnams kyi ye shes kyi sku mi phyed pa'i rdo rje phra mo'i gzugs su sems dpa' i rdo rje'i skabs su gyur pa nas/ bcom ldan 'das rnam par snang mdzad kyi thugs su zhugs so zhes bya ba rnam par snang mdzad kyi thugs su zhugs pas kyang de bzhin gshegs pa thams cad kyi thugs su zhugs par blta bar bya ste/ thugs su zhugs nas zhes 'og nas bshad pa'i phyir ro/ /de nas zhes bya ba'i sgra'i ni bar chad pa'o/ /des na don 'di skad ston te/ de ltar bshad ma thag pa'i tshul gyis de bzhin gshegs pa thams cad kyi thugs las/ de bzhin gshegs pa rnams kyi thugs su zhugs pa'i rjes thogs nyid la/ rdo rje phra mo'i gzugs kyi gnas nas 'di smras pa zhes bya bar sbyar ro/ /ci zhig gsungs zhe na/ de bzhin gshegs pa thams cad kyi ye shes phra mo ste/ spros pa thams cad dang bral ba'i gnyis su med pa'i ye shes so/ /de nyid ni dam tshig kyang yin la chen po yang yin pas dam tshig chen po ste/ chos kyis dbyings so/ /de'i rdo rje ni sug Sh+ma badzra zhes bya ba'i sngags 'di'o/ /de smras pa ni gsungs pa'o/ /de nas 'di zhes bya ba la sogs pa la/ phyag na rdo rjes ched du brjod pa 'di ched du brjod do zhes bya bar sbyar ro/ /de bzhin gshegs pa thams cad kyi thugs ka nas? zhes bya ba ni rdo rje phra mo'i gzugs rnams so/ /phyag na rdo rje de nyid byung nas zhes bya ba ni ji skad du bshad pa'i rdo rje sems dpa' i rdo rje dang dril bu bsnams par byung ba'o/ /de byung nas bdag nyid rdo rje phra mo'i gzugs byin gyis brlabs shing bskyed de/ de bzhin gshegs pa thams cad kyi shangs kyi rtse mo'i phyogs su gnas nas/ ched du brjod pa 'di ched du brjod do/ /e ma'o/ zhes bya ba'i sgra ni ngo mtshar gyi don to/ sangs rgyas thams cad kyi zhes bya ba ni sangs rgyas thams cad dang 'brel ba'o/ /rdo rje phra mo bdag ste/ che zhes bya ba ni chos kyi dbyings kyi rang bzhin yin pa'i phyir ro/ /ci zhig ngo mtshar che zhes/ /gang phyir phra yang che ba'i phyir/ khams gsum yang ni rgyas par byed ces bya ba gsungs te/ yang zhes bya ba'i ?I don ni re zhig gzhan lta zhog gi zhes bya ba'o/ /gang gi phyir chos kyi dbyings kyi rang bzhin yin pas che ba'i phyir khams gsum kun tu spros par byed pa 'di ni ngo mtshar che'o/ /de nas zhes bya ba la sogs pa la/ de skad ces smras pa dang/ zhes bya ba ni de bzhin gshegs pa thams cad kyi shangs kyi rtse mor rdo rje phra mo'i gzugs kyi gnas nas/ rdo rje sems dpa' ched du brjod pa ched du brjod nas so/ /de bzhin gshegs pa thams cad kyi shangs kyi rtse mo'i phyogs nas zhes bya ba ni shangs kyi rtse mor phyin nas rab tu phra ba'i rdo rje ye shes kyi mtshan ma rgyas par bya ba ni khyab pa ste/ de ltar spros pa nyid ni phra ba yang yin la rdo rje yang yin pas phra ba'i rdo rje ste/ de nyid ni ye shes so/ /de'i mtshan ma ni gzugs kyi mtshan ma dang/ reg pa'i mtshan ma'o/ /de la gzugs kyi mtshan ma ni mig gi rnam par shes pa dang yid kyi rnam par shes pa gnyis kyis gzung du rung ba'o/ /reg pa'i mtshan ma ni lus dang/ yid kyi rnam par shes pa gnyis kyis gzung du rung ba'o/ /de yang gzugs kyi mtshan ma ni sna'i rtse mos nas 'bru tsam gyi rdo rje rtse lnga pa dkar po bsgoms pa na mig dang yid kyi rnam par shes pas gzung du rung bar 'gyur ro/ /mthong nas kyang der lus dang yid bde zhing tshim par byed pa'i reg pa de bskyed pa 'di ni reg pa'i mtshan ma'o/ /rdo rje phra mo'i ye shes kyi mtshan ma gnyis po 'di dag mthong nas rgyas par bya ba'i sbyor bas spro bar bya ba yin pas/ de bzhin gshegs pa thams cad kyi sku des khyab par byas nas zhes bya ba smos te/ de bzhin gshegs pa thams cad kyang skus khyab par spros pa'o/ /de nas nam mkha' i dbyings thams cad kyi stong pa'i mtshan nyid can gyis chos kyis dbyings thams cad du khyab cing spros par byas pa nyid kyi tshul te/ tshul dang rnam pa des nam mkha' i dbyings thams cad ces pa/ go 'byed pa ma lus par thams cad du phra ba'i ye shes kyi mtshan ma rnams kyis khyab par ji skad du bshad pa bzhin spros pa yang/ de rnams nam mkha' i khams thams cad khyab par byas nas/ de bzhin gshegs pa thams cad kyi ye shes kyi rdo rje'i dbyibs su bdag nyid byin gyis brlabs te 'dug go zhes bya ba ni/ nam mkha' i dbyings kyang yin la thams cad kyang yin pas na nam mkha' i dbyings thams cad de/ der khyab par spros pas na khyab par byas pa yin la/ de ltar spros nas kyang de bzhin gshegs pa thams cad kyi ye shes kyi rdo rje'i dbyings su zhes bya bar sbyar te/ der bdag nyid byin gyis brlabs shing bstan par byas nas gnas pa ni bcom ldan 'das rdo rje sems dpa' na mkha' ma lus pa'i tshad tsam gyis rdo rje rtse lnga par bdag nyid byin gyis brlabs nas/ de bzhin gshegs pa thams cad nang du chud par mdzad de bzhugs so/ /zhes bya ba'i tha tshig go /de nas zhes bya ba la sogs pa la/ bshad ma thag pa'i nam mkha' i dbyings khyab pa'i de bzhin gshegs pa thams cad kyi ye shes kyi rdo rje'i dbus so/ /rdo rje chos nyid rnam par rtog pa'i dbang gis 'jug pa dang ldog pa med pa'i tshul lo/ /de la dmigs pa ni dang po mngon du byed pa'o/ /de nas de bzhin gshegs pa thams cad kyi rdo rje'i ye shes phra mo ji skad du gsungs pa de ting nge 'dzin gang gis byin gyis brlabs cing bskyed par byed pa 'di ni byin gyis brlab pa zhes bya ste de la snyoms par zhugs te bzhugs pa ni/ de bzhin gshegs pa thams cad kyi rdo rje phra mo bskyed pa'i rnam par thugs rtse gcig tu mdzad nas ye shes kyi rdo rje'i dbus su bzhugs so zhes bya ba'i tha tshig go / ye shes kyi rdo rje de las/ zhes bya bas ni nam mkha' ma lus pa'i tshad dang mnyam pa las/ de bzhin g shegs pa thams cad kyi rdo rje ye shes phra mo bskyed pa'i ting nge 'dzin bskul ba'i mthus te bzhin gshegs pa thams cad kyi ting nge 'dzin gyi ye shes kyi snying po 'byung ba ni rdo rje phra mo'i ting nge 'dzin gyi ye shes de bskyed par byed pa'i snying po bcom ldan 'das rdo rje sems dpas phyung bar gyur pa'o/ /bcom ldan 'das phyag na rdo rje'i ye shes phra mor 'jug pa'i tshul gyis rdo rje'i dbyings su gyur te/ gnas so zhes bya bar sbyar ro/ /ye shes kyang yin la phra mo yang yin pas ye shes phra mo ste rdo rje phra mo'o/ /der 'jug pa'i tshul gyis ting nge 'dzin ye shes phra mor 'jug pa'i tshul lo/ /ye shes phra mor 'jug pa'i tshul des de bzhin gshegs pa thams cad ces bya ba rnam par snang mdzad la sogs pa de bzhin gshegs pa lnga'i sku la zhugs pa'i rjes la/ de'i thugs kar rdo rje'i dbyibs su gyur te gnas so/ /rdo rje'i ye shes phra mor 'jug pa'i tshul gyis de bzhin gshegs pa thams cad kyi skur zhugs nas thugs kar rdo rjer dbyibs su gyur nas gnas so/ zhes bya ba 'dis ni don 'di skad ston pa yin te/ bcom ldan 'das phyag na rdo rjes phra mo bskyed par byed pa'i snying po gsungs nas/ bdag nyid rdo rje phra mor byin gyis brlab ste/ de bzhin gshegs pa thams cad kyi lte ba'i gnas su bzhugs pa'o/ /de nas badzra nA b+hi ta thA ga ta hUM zhes zlos shing lte ba'i phyogs de nas rim gyis byung ste/ de bzhin gshegs pa thams cad kyi shangs kyi rtse mor bzhugs so/ /de nas yang de bzhin gshegs pa thams cad kyi shangs kyi phyogs nas de bzhin gshegs pa thams cad kyi shangs khung nas zhugs te/ de rnams kyi thugs kar zla ba'i dkyil 'khor gyi steng na rdo rje phra mo'i gzugs su gyur nas gnas pa yin no/ /de nas de bzhin gshegs pa thams cad kyi sems dpa' i rdo rje de las/ zhes bya ba ni rnam par snang mdzad la sogs pa'i thugs kar chung pa'i rdo rje phra mo rnams la'o/ /ye shes kyang yin la chen po yang yin pas na/ ye shes chen po ste/ rdo rje sems dpa' la sogs pa nas rdo rje legs pa'i bar gyi'o/ /de rnams kyi snying po bzhi po ni ston par byed pa'i sgra bzhi po ste/ thugs la gnas pa 'di phyung bar gyur pa'o/ /rdo rje sems dpa' i ye shes ni chos kyi dkyil 'khor las gsungs pa'i bcom ldan 'das rdo rje sems dpa' i phyag rgya chen po'i nges pa'o/ /de nyid gang gi phyag rgya yin pa de ni rdo rje sems dpa' i ye shes kya phyag rgya ste/ badzra at+ma ka zhes bya ba'i sngags 'di'o/ /de bzhin gshegs pa thams cad bsdus pa'i byin gyis brlabs kyi ye shes ni chos kyi dkyil 'khor las gsungs pa'i rdo rje rgyal po'i phyag rgya chen po'i nges pa'o/ /de nyid gang gi phyag rgya yin pa de ni de bzhin gshegs pa thams cad bsdu ba'i byin gyis brlabs kyi sems kyis phyag rgya sde h+ri da badzra aoM ga sha zhes bya pa'i sngags so/ /de bzhin gshegs pa thams cad kyi mnyes par byed pa'i ye shes ni rdo rje chags pa'i phyag rgya chen po'i nges pa'o/ /de nyid gang gi phyag rgya yin pa de na de bzhin gshegs pa thams cad kyi mnyes par byed pa'i ye shes kyi phyag rgya ste/ tiSh+Tha rA ga badzra pra bi sha h+ri da yaM zhes bya ba'i sngags so/ /dga' ba chen po'i ye shes ni chos kyi dkyil 'khor las gsungs pa'i rdo rje legs pa'i phyag rgya chen po'i nges pa'o/ /de nyid gang gi phyag rgya yin pa de ni dga' ba chen po'i ye shes kyi phyag rgya ste/ a ho badzra tuSh+Ti zhes bya ba'i sngags so/ /de bzhin gshegs pa thams cad kyang yin la ting nge 'dzin chen po yang yin pas na/ de bzhin gshegs pa thams cad kyi ting nge 'dzin chen po rnams te/ byang chub kyi sems dang/ de bzhin gshegs pa rnams spyan 'drin pa dang/ rjes su mnyes par bya ba dang/ legs so zhes bya ba'i rnam par thugs rtse gcig pa nyid do/ /ye shes phra mo thugs su zhugs pa'i tshul bshad zin to/ /rang gi thugs su zhugs te/ zhes bya ba rin chen 'byung ldan gyi thugs su te/ bcom ldan 'das rdo rje sems dpa' i snying po'i sngags mi bskyod pa'i thugs las byung ste/ badzra nA b+hi ta thA ga ta hUM zhes zlos shing/ rin chen 'byung ldan gyi lte ba'i phyogs su gnas nas/ de nas rim gyi byung ste rin chen 'byung ldan gyi shangs kyi rtse mor gnas nas de las de'i shangs kyi bu ga nas thugs kar zhugs te thugs kar rdo rje'i dbyings su bdag nyid byin gyis brlabs nas zhugs te/ rin chen 'byung ldan gyi thugs ka de nyid du rdo rje phra mo'i gzugs su bdag nyid bstan par byas nas gnas so zhes bya ba'i don to/ de nas zhes bya ba ni rin chen 'byung ldan gyi thugs kar gnas pa'i rdo rje phra mo las so/ /de bzhin gshegs pa thams cad kyi rdo rje dbang bskur ba'i ye shes ni chos kyi dkyil 'khor las gsungs pa'i 'phags pa nam mkha' i snying po'i phyag rgya chen po'i nges pa'o/ /de nyid gang gi phyag rgya yin pa de ni/ de bzhin gshegs pa thams cad kyi rdo rje dbang bskur ba'i ye shes te/ badzra ratna At+ma ka zhes bya ba'i sngags so/ 'od kyi dkyil 'khor yang yin la chen po yang yin pas/ 'od kyi dkyil 'khor chen po ste/ de bkod pa chen po ni chos kyi dkyil 'khor las gsungs pa'i rdo rje nyi ma'i phyag rgya chen po'o/ /de'i ye shes ni nges pa'o/ / de nyid gang gi phyag rgya yin pa de la de skad ces bya ste/ h+ri da ya badzra sUrya zhes bya ba'i sngags so/ /de bzhin gshegs pa thams cad kyi re ba rdzogs par byed pa'i ye shes ni rdo rje dpal gyi phyag rgya chen po'i nges pa'o/ /de nyid gang gi phyag rgya yin pa de la de skad ces bya ste/ tiSh+Tha badzra d+hwa dza gra baM zhes bya ba'i sngags so/ /dga' ba yang yin la chen po yang yin pas dga' ba chen po ste/ yid bde ba'o/ /de'i shugs ni lhun gyis grub par 'jug pa'o/ /de'i 'byung ba ni skye ba ste/ rdo rje bzhad pa'i phyag rgya chen po 'grub pa zhes bya ba'i tha tshig go / de'i ye shes ni nges pa'o/ /de nyid gang gi phyag rgya yin pa de ni dga' ba chen po shugs 'byung ba'i ye shes kyi phyag rgya zhes bya ste/ h+ri da ya badzra hA sa zhes bya ba'i sngags so/ / de bzhin gshegs pa thams cad kyi ting nge 'dzin te zhes bya ba ni de bzhin gshegs pa thams cad kyi nor dang/ mi 'jigs pa dang/ /byams pa dang/ chos kyi sbyin pa rin po che'i rnam par thugs rtse gcig tu mdzad pa'o/ /rang gi snying ga'i yang yin la snying po yang yin pas na/ rang gi snying ga rdo rje snying po ste bcom ldan 'das 'od dpag tu med pa'i rang gi snying ga'i zla ba'i gang yin pa de ni bcom ldan 'das rdo rje sems dpa' i rdo rje phra mo'i snying po'o/ /de la rin chen 'byung ldan gyi thugs ka nas sngar bshad pa'i tshul gyis byung nas 'od dpag tu med pa'i thugs kar rdo rje'i dbyings zhes ba rdo rje phra mo'i bdag nyid byin gyis brlabs shing brtan par byas nas bzhugs so/ /chos thams cad kyi mnyam pa nyid ni stong pa nyid du mtshungs pa nyid do/ /de'i ye shes nyid kyi dkyil 'khor las gsungs pa'i rdo rje chos kyi phyag rgya chen po'i nges pa'o/ /de nyid gang gi phyag rgya yin pa de la de skad ces bya ste/ badzra pad+ma At+ma ko zhes bya ba'i sngags so/ /de bzhin gshegs pa thams cad kyi ye shes ni rdo rje rnon po'i phyag rgya chen po'i nges pa'o/ /de nyid gang gi phyag rgya zhes bya ba la sogs pa ni snga ma dang 'dra ste/ h+ri da badzra ko Sha zhes bya ba'i sngags yin par shes par bya'o/ /'khor lo yang yin la chen po yang yin pas 'khor lo ste rdo rje dbyings la sogs pa'i dkyil 'khor rnams so/ /de rnams su 'jug pa ni 'khor lo chen po las 'jug pa ste/ rdo rje rgyu'i phyag rgya chen po'i de'i ye shes so/ /de nyid gang gi phyag rgya yin pa de la de skad ces bya ba ste/ tiSh+Tha badzra tsakra h+ri da yaM pra be sha zhes bya ba'i sngags so/ /de bzhin gshegs pa thams cad kyang yin la chos kyi tshig kyang yin pas na de bzhin gshegs pa thams cad kyi chos kyi tshig ste bcom ldan 'das rdo rje smra ba'o/ /de nyid ni spros pa med pa ste rnam par mi rtog pa'o/ /de'i ye shes ni nges pa'o/ /de nyid gang gi phyag rgya yin pa de la de skad ces bya ste/ badzra dzi hwA gra h+ri da ya zhes bya ba'i sngags so/ /de bzhin gshegs pa thams cad kyi chos kyi ting nge 'dzin to zhes bya ba ni de bzhin gshegs pa thams cad kyi zag pa med pa'i ting nge 'dzin dang/ shes rab kyi pha rol tu phyin pa dang/ rdzu 'phrul gyi rkang pa dang/ so so yang dag par rig pa bzhi'i chos kyi rnam par thugs rtse gcig tu mdzad pa'o/ /rang gi snying gar rdo rje snying po zhes bya ba ni rang gi snying ga yang yin la rdo rje snying po yang yin pas na/ rang gi snying gar rdo rje snying po ste/ bcom ldan 'das 'od dpag tu med pa'i rang gi thugs kar zla ba'i der rdo rje phra mo gang yin pa de ni rang gi thugs ka rdo rje snying po ste/ rdo rje de las byung nas rdo rje snying po der zhugs zhes bya ba don yod par grub pa'i thugs ka'i zla ba'i dkyil 'khor gang yin pa de las rdo rje phra mo snying po yin pas na de'i phyir rdo rje snying po zhes bya'o/ /der zhugs pa ni sngar bshad pa'i tshul gyis 'od dpag tu med pa'i thugs ka nas byung ste/ zhugs pa de yang rdo rje phra mo'i dbyibs su bdag nyid brtan par byas te/ zhugs pa'o/ /de bzhin gshegs pa thams cad kyang yin la las sna tshogs pa yang yin pas na de bzhin gshegs pa thams cad kyi las sna tshogs pa ste/ chos kyi dkyil 'khor las gsungs pa'i rdo rje las kyi phyag rgya chen po'i rang bzhin de ye shes so/ /de nyid gang phyag rgya yin pa de ni de bzhin gshegs pa thams cad kyis las sna tshogs pa'i ye shes phyag rgya ste/ sarba badzra At+ma ko zhes bya ba'i sngags so/ /thub par dka' ba'i brtson 'grus ni rdo rje bsrung ba'i phyag rgya chen po ste/ de'i ye shes so/ /de nyid gang gi phyag rgya yin pa de ni thub par dka' ba'i brtson 'grus kyi ye shes kyi phyag rgya ste/ h+ri da ya badzra ka pa rtse zhes bya ba'i sngags so/ /bdud kyang yin la thams cad kyang yin pas na bdud thams cad do// de rnams kyi dkyil 'khor ni yan lag bzhi'i dpung gi tshogs so/ /de rnams 'joms par mdzad pas na bdud thams cad kyi dkyil 'khor 'joms pa ste/ rdo rje gnod sbyin gyi phyag rgya chen po'i sku ste/ de'i ye shes so/ /de nyid gang gi phyag rgya yin pa de la de skad ces bya ste/ tiSh+Tha badzra yak+Sha h+ri da ya zhes bya ba'i sngags so/ /de bzhin gshegs pa thams cad kyi 'ching ba ni rdo rje khu tshur gyi phyag rgya chen po yin pa de'i ye shes so/ /de nyid gang gi phyag rgya yin pa de ni de bzhin gshegs pa thams cad kyi ye shes 'ching ba'i ye shes zhes bya ste/ badzra muSh+Ti h+ri da ya zhes bya ba'i sngags so/ /de bzhin gshegs pa thams cad kyi las ting nge 'dzin zhes bya ba ni de bzhin gshegs pa thams cad kyi 'phrin las la so sor rtog pa'i nan tan nyams su len pa'i brtson 'grus kyi rnam par thugs rtse gcig tu mdzad pa'o/ /de nas zhes bya ba'i sgra ni de ma thag pa ste/ sngags bcu drug sprul pa'i rjes thog nyid la'o/ /bcom ldan 'das phyag na rdo rje ni rdo rje sems dpa' o/ /rdo rje rab tu phra ba'i ye shes kyi mtshan ma khyab pa'i tshul gyis zhes bya ba ni bshad zin to/ /tshul des de bzhin gshegs pa thams cad kyi thugs ka nas byung ba'o/ /byang chub sems dpa' chen po yang la/ phyag na rdo rje yang yin pas byang chub sems dpa' chen po phyag na rdo rje ste/ rdo rje sems dpa' o/ /de'i sku ni byang chub sems dpa' chen po phyag rgya rdo rje'i sku ste der gyur pa'o/ /'di skad ston te sngags bcu drug gis bdag nyid la bdag nyid kyis bskul nas rdo rje phra mo'i mtshan ma'i de bzhin gshegs pa thams cad kyi sku kun tu bkang la/ de nas de bzhin gshegs pa thams cad kyi sku las rdo rje phra mo'i gzugs nyid kyis byung ste/ de rnams rnam pa gcig tu gyur pa las bdag nyid rdo rje sems dpar bskyed par gyur to/ /de ltar bdag nyid bskyed nas yang rang gi snying po'i ting nge 'dzin la mnyam par bzhag nas bzhugs so zhes bya bar sbyar ro/ /yang zhes bya ba'i sgra ni slar yang zhes bya ba'i don to/ /dang por phyag na rdo rjer gyur nas yang sems dpa' thams cad la sogs tshul du gyur pa'o/ /rdo rje sems dpa' la sogs pa yin la byang chub sems dpa' chen po rnams kyang yin pas/ rdo rje sems dpa' la sogs pa byang chub chen po rnams te de rnams kyi sku zhes bya ba lus su gyur pa'o/ /rang rang gi mtshan ma zhes bya ba'i rdo rje dang rdo rje lcags kyu dang/ mda' dang mgu ba dang/ rin po che dang/ nyi ma dang/ rgyal mtshan dang/ 'dzum pa dang/ pad+ma dang ral gri dang/ 'khor lo dang/ lce dang/ sna tshogs rdo rje dang/ go cha dang/ mche ba dang/ khu tshur gyi gzugs nas 'bras tsam phyi rol gyi thugs kar bzhag nas/ rdo rje dbyings kyi dkyil 'khor chen po dgod pa'i dbyibs su bya ste/ dgod pa'i tshul des bkod nas / rim gyis rang gi snying po'i ting nge 'dzin la mnyam par bzhag pa ni rang gi snying po'i don dang rjes su 'thun par mnyam par 'jog pas rang gi snying po'i ting nge 'dzin la mnyam par bzhag pa ste/ de mngon sum du mdzad nas bzhugs pa'o/ /ji ltar rdo rje sems dpa' la sogs sems dpa' bcu drug gi tshul gyis rang gi mtshan ma rang gi thugs kar bzhag nas rang gi snying po'i ting nge 'dzin la mnyam par bzhag ste bzhugs pa yin la/ de bzhin du rnam par snang mdzad la sogs pa nas rdo rje 'bebs pa'i bar gyi tshul gyis kyang bzhugs pa yin par shes par bya'o/ /de ltar na de nas bcom ldan 'das zhes bya ba nas brtsams te/ rang gi snying po'i ting nge 'dzin la mnyam par bzhag ste bzhugs so zhes bya ba'i bar gyi gzhung gis ni/ dkyil 'khor gyi rgyal po mchog ces ting nge 'dzin ston pa yin no/ /de yang rdo rje sems dpa' i rnal 'byor gyis rdo rje dbyings kyi dkyil 'khor chen po las gsungs pa'i rnal 'byor chen po byas la ji skad du bshad pa'i dang po sbyor ba'i ting nge 'dzin la mnyam par bzhag ste/ de bzhin gshegs pa lnga'i nga rgyal la gnas pa'i rnal 'byor pas chos kyi dkyil 'khor blo la bzhag ste/ sngags lngas brtan par byas nas rnam par snang mdzad kyi nga rgyal dang ldan pa dang/ yang bdag nyid rdo rje sems dpa' i ting nge 'dzin gyis rdo rje phra mo mdzod cig ces bskul bar bya'o/ /de nas bskul ba'i rjes thogs nyid la rdo rje phra mo'i 'od zer gyi gzugs kyis byung la 'jig rten gyi khams thams cad snang bar byas nas skal ba ji lta ba bzhin du sems can gyi khams rnams la rdo rje phra mo'i ting nge 'dzin bskyed de slar log nas slar 'dus pa'i rdo rje phra mo gcig tu bdag nyid bskyed la rnam par snang mdzad kyi thugs kar zhugs nas suk+Sh+ma badzra zhes zlos pa nyid dang/ rnam par snang mdzad kyi thugs ka na rdo rje phra mo'i gzugs nyid kyi byung ste/ de bzhin gshegs pa'i shangs kyi rtse mor gnas nas ched du brjod pa 'di ched du brjod la/ de bzhin gshegs pa de dag thams cad kyi shangs kyi rtse mo nas rdo rje phra mo'i mtshan mas de bzhin gshegs pa thams cad kyi sku thob ste/ de bzhin gshegs pa'i sku de rnams las yang rdo rje phra mo'i mtshan mas nam mkha' i dbyings su kun tu bkang la/ de thams cad nam mkha' i khams kyi tshad tsam gyi de bzhin gshegs pa thams cad kyi ye shes kyi rdo rje rtse gcig tu bdag nyid bskyed la gnas par bya'o/ /de nas de bzhin gshegs pa thams cad kyi nga rgyal gyis de bzhin gshegs pa thams cad kyi ye shes kyi rdo rje'i dbus su rdo rje phra mo bskyed pa'i rnam par sems rtse gcig pa nyid du byas pa rdo rje chen po de las badzra Na bi ta thA ga ta hUM zhes zlos shing rdo rje sems dpa' i gzugs kyi sngags thob nas/ de bzhin gshegs pa thams cad kyi lte ba'i phyogs su rdo rje phra mor gyur nas/ lte ba'i phyogs nas byung ste/ de bzhin gshegs pa'i shangs kyi rtse mor gnas nas shangs kyi bu ga nas rdo rje phra mo'i gzugs kyis de bzhin gshegs pa de rnams kyi thugs kar zhugs nas gnas par bya'o/ /de nas de bzhin gshegs pa'i thugs ka nas sngags rnams ji lta ba bzhin du byung ba dang/ de bzhin gshegs pa thams cad kyi sku las rdo rje phra mo'i tshul gyis byung ba dang/ de rnams gcig tu gyur nas bdag nyid rdo rje sems dpar sprul la/ rdo rje sems dpa' rang gi sku la lha sum cu rtsa bdun gyi gzugs su sprul la/ rang gi sngags zlos pa nyid dang/ rdo rje dbyings kyi dkyil 'khor gyi tshul gyis bzhag par bya ba ni/ dkyil 'khor gyi rgyal po mchog gi ting nge 'dzin yin par bstan to/ /de nas bsdu ba sngon du 'gro ba'i las kyi rgyal po mchog gi ting nge 'dzin gsum pa ni rdo rje dbyings kyi dkyil 'khor chen po las gsungs pa'i tshul du rjes su spyad par bya'o/ /chos kyi dkyil 'khor las gsungs pa'i phyag rgya chen po la sogs pa bsgrub pa'i phyir/ de nas zhes bya ba la sogs pa slob dpon gyi las kyi cho ga dang chos kyi dkyil 'khor du 'jug pa la sogs pa'i cho ga rgyas pa gsungs so/ /de nas zhes bya ba'i sgra ni 'das ma thag pa ste/ sngon du bsnyen pa'i rjes thogs la'o/ /de yang 'dir 'og nas bshad pa'i phyag rgya bzhi'i dkyil 'khor gyi cho gas sna'i rtse mor dkyil 'khor bsgoms nas/ rdo rje dkyil 'khor chen po las gsungs pa'i rnal 'byor dang de bzhin du rnal 'byor chen po bya ba nas/ chos kyi dkyil 'khor las gsungs pa'i sngags thams cad bzlas brjod 'bum bya ba 'am/ mtshan ma byung ba'i bar du ting nge 'dzin gsum sngon du 'gro bas chos kyi dkyil 'khor bsgoms par gyur pa yin no/ /de bzhin gshegs pa thams cad kyi ting nge 'dzin gyi ye shes ni ting nge 'dzin sum cu rtsa bdun gyi des pa dang/ rdo rje phra mo la sogs pa'i nges pa'o/ /de bzhin gshegs pa thams cad kyi mngon par shes pa ni drug ste/ de dag ni de bzhin gshegs pa de dag thams cad kyi ting nge 'dzin gyi ye shes kyi mngon par shes pa'i/ /? pa ni mngon du bya ba ste de'i phyir ro/ /'di zhes bya ba ni thugs la gnas pa'o/ /rdo rje phra mo'i ye shes ni rdo rje phra mo ste/ des nye bar mtshan pa'i dkyil 'khor de bshad do zhes bya ba ni gsungs pa'o/ /de nyid bstan pa ni de nas zhes bya ba la sogs pa gsungs pa yin te/ de nas zhes bya ba'i sgra ni gnas skabs te 'di brtsam par bya'o zhes bya ba'i don to/ /de yang gang gi phyir ye shes kyi dkyil 'khor du 'jug pa med par phra mo'i dkyil 'khor las gsungs pa'i dngos grub thob par mi 'gyur te/ de bas na yang dag par bshad par bya'o/ /chos kyi dkyil 'khor dam pa ste/ zhes bya ba ni chos kyi phyag rgya gtso bor gyur pa'i dkyil 'khor te/ dam pa ni mchog go /rdo rje dbyings dang 'dra bas na zhes bya ba ni sprul pa'i chos kyi dkyil 'khor dang 'dra ba zhes bya ba'i don to/ ming ji skad zhes bya zhe na rdo rje phra mo zhes bshad do/ zhes bya ba gsungs so/ /dkyil 'khor chen po'i tshul du ni/ /sems dpa' chen po rnams kyang bzhag ces bya ba ni/ rdo rje dbyings kyi dkyil 'khor chen po dang 'dra bar dkyil 'khor thams cad bris la/ rnam par snang mdzad la sogs pa sems dpa' chen po rnams go rim de nyid kyis bzhag par bya ste/ chos kyi dkyil 'khor las gsungs pa'i sngags zlos shing yang dag par bri bar bya'o/ /ji ltar bri bar bya zhe na/ rdo rje'i dbus su sangs rgyas bri zhes bya ba gsungs te/ de bzhin gshegs pa lnga ni ji skad du bshad pa'i gdan la/ rdo rje rtse lnga pa legs par bris la/ de dag gi char bzung la rnam par snang mdzad la sogs pa de bzhin gshegs pa lnga bri bar bya'o/ /sangs rgyas dkyil 'khor rnams su yang/ zhes bya ba ni rdo rje sems dpa' la sogs pa'i dkyil 'khor ni sangs rgyas kyi dkyil 'khor rnams te de rnams kyang sangs rgyas kyi rang bzhin yin pa'i phyir ro/ /sems dpa' chen po rnams bri zhes bya ba ni/ de rnams su rdo rje sems dpa' la sogs pa sems dpa' chen po rnams yang dag par bri bar bya'o/ /de bzhin du thugs ka nyid phyag rgya zhes bya ba la 'di rnams kyi thugs kar de nyid de rang gi phyag rgya rdo rje la sogs pa'i phyag rgya/ ji ltar de'i dbus su sangs rgyas bri ba de bzhin du sems dpa' chen po rnams kyang bri bar bya'o/ /bzhugs tshul ji lta bus sangs rgyas la sogs pa bri bar bya zhe na/ ting nge 'dzin du bzhugs pa dang/ zhes bya ba gsungs te/ rdo rje'i skyil krung bcas la mnyam par bzhag pa'i tshul gyi spyod lam gyis bzhugs par bya'o/ zhes bya ba'i tha tshig go /phyag gnyis rdo rje bcing bar bcings zhes bya ba ni rnam par snang mdzad la sogs pa nas bskal pa bzang po'i bar 'di rnams ni phyag gnyis rdo rje bsdams pas rang gi mtshan ma nas 'bras kyi tshad tsam rang gi thugs kar bzhag nas/ rdo rje bsdams pa bkan te/ 'phreng ba'i tshul du bzhag nas bzhugs so/ /zhes bya ba'i tha tshig go /de nas zhes bya ba la sogs pa la de ltar dkyil 'khor dris nas rdo rje dbyings kyi dkyil 'khor chen po'i tshul du bdag nyid 'jug pa la sogs pa'i cho ga rnams rjes su spyad de/ bdag la byin gyis brlab la sogs/ ji lta bar ni bka' nod do/ /de ltar bgyis nas bdag mi brjod/ /de nas rdo rje bsgrub bgyi ba/ /rdo rje slob dpon sems dpa' yi/ /rdo rje lcags kyu bcings nas ni/ /se gol mang po brdab bgyis la/ /sangs rgyas thams cad bsdu bar bgyi/ /de tshe sangs rgyas thams cad ni/ /rdo rje sems dpa' pa sogs bcas/ /dkyil 'khor thams cad gang ba rnams/ /dkyil 'khor rnams su 'dus par gyur/ /de nas rdo rje sems dpa' yi/ /phyag rgya chen po sgom byed cing/ /ming brgya rtsa brgyad dam pa ni/ /cung zad rab tu brjod par bgyi/ /de nas 'dus pa dgyes pa na/ /de bzhin gshegs rnams brtan par gyur/ /rdo rje sems dpa' rang grub pa/ /grogs po nyid du nye bar gnas/ /zhes gang gsungs pa 'di dag gi rjes thogs nyid la zhes de nas bya ba'i sgras ston to/ /dgug pa la sogs pa'i cho ga rgyas pa yin te/ zhes bya ba ni dgug pa la sogs pa'i cho ga rgyas pa ste/ de bshad pa'o/ /de ji ltar de bzhin gshegs pa thams cad dgug pa ni rdo rje lcags kyu'i las kyi phyag rgya byas la zhags pa'i las kyi phyag rgya de rnams bcug la lcags sgrog gis de rnams bcings te rdo rje 'bebs pas dbang du byas/ rdo rje gnod sbyin gyis bgegs bsal ba la sogs pa bya'o/ /de nas rdo rje khu tshur gyi dam tshig gi phyag rgya dang/ aoM badzra san ti baM zhes bya bas dkyil 'khor gyi sgo bcad la/ aoM badzra rak+Sha haM zhes bya bas rdo rje bsrung ba'i las kyi phyag rgya bsrung ba thams cad yang dag par bsrungs nas/ chos kyi dkyil 'khor las gsungs pa'i rdo rje sems dpa' i sngags kyis dkyil 'khor gyi lha thams cad la mchod yon phul te chos kyi dkyil 'khor las gsungs pa'i dam tshig gi phyag rgya rnams kyis de bzhin gshegs pa la sogs pa lha thams cad bsgrub par bya'o/ /de nas chos dang/ las dang/ phyag rgya chen po rnams kyis rgyas btab la/ dbang bskur ba'i phyag rgya rnams kyis dbang bskur nas/ mchod yon phul la/ /de bzhin gshegs pa thams cad la sogs pa mchod pa thams cad kyis ji lta ba bzhin du yang dag par mchod de phyag byas nas/ nas 'bras tsam gyi rdo rje phra mo thogs la/ rdo rje slob ma gzhug par bya ba'i phyir/ snga ma bzhin du rjes su gnang ba nod par bya ste/ 'di ni dgug pa la sogs pa'i cho ga rgyas pa yin no/ /dkyil 'khor chen po'i tshul du gzhug pa la sogs pa'i cho ga rgyas par byas nas zhes bya ba ni rdo rje dbyings kyi dkyil 'khor chen por gsungs pa'i rdo rje slob ma gzhug pa la sogs pa'i cho ga 'dir yang de bzhin du byas nas so/ /ye shes kyi mtshan ma zhes bya ba ni nas 'bras tsam gyi rdo rje phra mo ste lag tu byin no/ /de las slob dpon gyi las kyi cho ga dang/ slob ma yang chos kyi dkyil 'khor du gzhug pa'i cho ga rgyas pa bshad nas/ da ni dam tshig dang dbang bskur ba thob pa rnams la mngon par 'dod pa'i dngos grub kyi man ngag sbyin par bya ba yin pas na rang gi sems las su rung bar bya ba'i phyag rgya chen po'i ye shes bslab po zhes bya ba gsungs te/ rang nyid kyi sems ni rang gi sems te/ yid kyi rnam par shes pa la sogs pa'o/ /de'i las su bya ba ni ting nge 'dzin du bya ba'i phyir/ rdo rje phra mo bsgom pa ni 'di rang gi sems las su bya ba'o/ /de'i don gyi phyag rgya yin la chen po yang yin pas na/ phyag rgya chen po ste/ ji skad du bshad pa'i rdo rje phra mo'i phyag rgya'o/ /de'i ye shes bslab po zhes bya ba ni bstan par bya'o/ /lce ni rkan la bzhag bya zhing/ /sna yi rtse mor bsam par bya/ /zhes bya ba ni lce'i rtsa ba nas so'i rtse mo'i bar dang/ lce'i steng gi cha sbyar la/ sna rtse zhes bya ba sna'i rtse mor rdo rje phra mo gnas pa gang yin pa de ni sna'i rtse mo ste/ de bsam par bya zhing bsgom par bya'o/ /des cir 'gyur zhe na/ rdo rje phra mo bde reg pas/ sems ni mnyam par bzhag par 'gyur/ zhes bya ba gsungs te/ sna'i rtse mor rdo rje phra mo bsams par des bde ba'i rang bzhin gi reg pa ni/ bde ba reg pa ste/ rdo rje phra mo'i bde bar reg par 'gyur la/ rdo rje phra mo bde ba reg par 'gyur ba de las/ sems mnyam par bzhag cing rtse gcig par 'gyur zhes bya ba'i tha tshig go / rdo rje phra mo bde reg pa'i/ /mtshan ma gal te byung ba na/ zhes bya ba ni sems la gang gi tshe rdo rje phra mo'i bde ba'i reg pa mtshan ma lus dang sems kyis 'byung bar? gyur pa de'i tshe de brtan par byas nas/ mtshan ma de ni khyab bya ba/ sems des kun tu khyab par bya/ zhes bya ba ste/ khyab par zhes bya ba ni rgya cher bya ba'o/ /de la mtshan ma ni gzugs dang/ reg pa'i mtshan ma gnyis so/ /ji skad du bshad pa'i mtshan ma gnyis po de nyid kyi sems de phyogs bcur spro bar bya bas na/ sems de kun tu khyab par bya zhes bya ba'o/ /ji ltar thams cad du khyab cing spro bar bya zhe na/ ji tsam 'dod par khyab ces bya ba gsungs te/ ji tsam 'dod par spro ba ni ji tsam 'dod par khyab pa'o/ /ci'i phyir zhe na/ sems de khams gsum du yang khyab par bya zhes bya ba'o/ /'di skad ston pa yin te/ zla ba gnyis sna'i rtse mor rdo rje phra mo bsgoms pa na/ gang gi tshe nyin re zhing de mthong ba de'i tshe rnal 'byor pa de'i lus thams cad rdo rje phra mo'i reg pa'i bde bas tshim par 'gyur ro/ /rdo rje phra mo'i gzugs bsgoms pa'i stobs des gang gi tshe rang gi lus thams cad khyab par mthong ba de'i tshe de bzhin gcig tu 'phel bar 'dod na rdo rje phra mo bsam par bya'o/ /de nas grong la sogs par ro/ /de nas yang khams gsum pa'i bar du spro bar bya'o/ /de nas yang bsdu pa ni/ sna'i rtse mo'i bar du gnas zhes bya ba ni gzugs kyi mtshan ma de yang rdo rje phra mo bcu gang gis khams gsum khyab pa de bsdus la/ sna'i rtse mor gnas pa'i rdo rje phra mor bsgoms pa'i stobs kyis gzhug par bya'o/ zhes bya ba'i tha tshig go /de ltar spro ba dang bsdu ba'i tshul gyis rdo rje phra mo zla ba gsum gyi bar du bsgoms na cir 'gyur zhe na/ de nas brtsams te/ zhes bya ba gsungs te/ de nas brtsams te phyag rgya chen po la sogs pa gang ci yang rung ba shin tu mnyam par bzhag cing rtse gcig pas bsgoms pas phyag rgya chen po la sogs pa de kun te/ de dag thams cad brtan pa nyid du byed par 'gyur te/ mngon sum du byed par 'gyur ro/ /nyid kyi sgra ni nges par gzungs dang tha dad pa'i rim pa yin par bya ste/ brtan par byed pa nyid yin no/ /ting nge 'dzin ye shes ni rdo rje phra mo'i ting nge 'dzin gyis nges pa'o/ /des brtags pa ni / bsgrub pa zhes bya ba'i tha tshig go / de nas de rnams kyi snying po ni 'di yin no/ /sna'i rtse mor rdo rje phra mo bsgoms pa dang/ spro ba dang/ bsdu ba dang/ brtan par bya ba rnams kyi'o/ /'di skad ston pa yin te/ rdo rje dbyings kyi dkyil 'khor las bshad pa'i cho ga rang gi lha'i rnal 'byor byas pa'i rjes la/ chos kyi dkyil 'khor las bshad pa'o/ /rang gi lha'i phyag rgya chen po bcings la/ lce rkan la sbyar bar byas nas/ badzra nA bi ta thA ga ta hUM zhes bya ba 'dis rang gi lte ba'i phyogs su rdo rje phra mo bskyed la yang badzra rA bi ta thA ga ta hUM zhes bya zlos shing lte ba'i phyogs rdo rje phra mo bteg la/ sna khung nas sna'i rtse mor bsgreng ste gnas par bsam par bya'o/ /de nas suk+Sh+Ta badzra zhes zlos shing bsgom par bya'o/ /bsdu ba'i dus su sna khung nas bcug la rang gi snying ga'i zla ba la/ badzra dri Dha tiSh+Tha zhes bya bas gzhug par bya'o/ /de ltar nyin re zhing thun bzhi'i sbyor bas zla ba gnyis kyi bar du bsgoms na/ nges par mtshan ma thob par 'gyur ro/ /de nas mtshan ma thob cing brtan par 'gyur nas/ spha ra Na badzra zhes zlos shing sna'i rtse mor gnas pa'i rdo rje phra mo las byung ba'i rdo rje phra mo khams gsum ma lus pa med par khyab par bsam mo/ bsgom pas dub par 'gyur na saM ha ra Na badzra zhes bya bas de rnams bsdus la/ rang gi sna'i rtse mor gnas pa'i rdo rje phra mo la gzhug par bya zhing yang de bzhin du rang gi snying gar gzhug par bya'o/ /tshul 'dis zla ba gcig tsam gyi bar du bsgom par bya'o/ de nas ni rdo rje phra mo'i ting nge 'dzin rdzogs par gyur pa yin no/ zhes bcom ldan 'das kyis gsungs te/ de nas gang ci bsgoms pa thams cad mngon sum byed do/ /sems dpa' gang gis byams pa ni/ zhes bya ba ni gang la la zhig la rgyu med par phan pa dang bde bas nye bar sdud par byed pa de ni mdza' bo zhes bya la/ mdza' bos dngos po nyid dam las ni byams pa ste phan pa dang bde bas nye bar bsdus pa'i mtshan nyid do/ /de sems can gang dang rnal 'byor mnyam par 'gyur zhes bya ba/ gang gis mnyam par 'gyur bar dmigs par 'gyur ba gang yin pa zhes bya ba'i tha tshig go /ji lta bu zhe na/ brtan pa chen po yis zhes bya ba'o/ /sems kyis khyab pa'i tshul gyis na zhes bya ba ni/ ji ltar rdo rje phra mos nye bar mtshon pa'i sems spro ba dang/ brtan par bya ba gsungs pa de bzhin du sems kyis khyab pa'i tshul de lta bus sems can thams cad kyi yul la byams pa des khyab par bya'o/ /'di skad ston pa yin te/ mdza' bo dang/ dgra bo dang/ tha mal pa'i dbye bas sems can gyi khams gsum du byas la/ yang re re zhing chung ngu dang/ 'bring dang/ chen po'i dbye bas gsum gsum du byas nas/ dang po re zhig mdza' bo chen po la bde bas bsdus pa'i sems bskyed do/ /de nas ni bar ma la'o/ /de nas ni chung ngu la'o/ /de nas ni tha mal ba chung ngu la'o/ /de nas bar ma la'o/ /de nas chen po la'o/ /de nas dgra bo chung ngu la'o/ /de nas bar ma la'o/ /gang gi dgra bo chen po de la bde bas bsdus pa'i bsam pa mdza' bo chen po dang 'dra bar skye bar byed pa de'i tshe/ des byams pa thob par gyur pa yin no/ /de nas de'i rjes la ji skad du gsungs pa bzhin du khyab cing sgro bar bya'o/ /byams pas khyab pa'i tshul gyis de zhes bya ba ni sems can dang phyogs kyi cha la sogs pa la byams pa spro ba'i tshul gyis so/ /snying rje can ni gang yin pa zhes bya ba la ka ni bsod nyams la bya la/ bsod nyams de 'gog pas na snying rjes ste/ sems can gzhan gyi rgyud du gtogs pa'i sdug bsngal mthong na/ de'i sdug bsngal gyis gzir cing de las gdon bar 'dod pas/ rang gi rgyud du gtogs pa'i bde ba 'gog cing spro bar byed ces bya ba'i don du'o/ /snying rjes ngo bo nyid ni snying rje can ni gang yin pa zhes bya ba ni rnal 'byor pa'o/ /sems can kun don ldan pa yis/ zhes bya ba ni sems can thams cad kyi don sgrub par byed pa'i bsam pas so/ /bsgrub pa yis ni khyab par bya/ zhes bya ba ni bsam pa 'ba' zhig tsam ma yin gyi rim pa de nyid kyis khyab cing spro bar bya ste/ de ltar bsgrub pa nyams su len pa yin no/ /'di ni 'di skad ston te/ snying rje'i sems bskyed pa 'ba' zhig tsam du zad pa ma yin gyi/ gzhan du ci nus par sdug bsngal bsal ba la 'bad par bya'o zhes pa'o/ /kun kyang rang bzhin 'od gsal ba zhes bya ba ni/ dngos po thams cad rang bzhin te/ ngo bo nyid kyis 'od gsal ba yin pas rang bzhin 'od gsal ba'o/ /de yang gang gi phyir gdod nas dag pa zhes bya ba ste/ dang po nyid nas dag pas na gdod nas dag pa'o/ /ci'i phyir gdod nas dag pa yin zhe na/ nam mkha' bzhin zhes bya ba gsungs te/ nam mkha' dang mtshungs pas nam mkha' bzhin te/ gang gi phyir nam mkha' ltar gos pa med pa zhes bya ba'i don to/ /nam mkha' 'dra ba'i dngos po de dag gang zhig yin zhe na/ de'i phyir chos sam yang na chos ma yin zhes bya ba gsungs te/ de la chos ni ma chags pa la sogs pa'o/ /chos ma yin pa ni chags pa la sogs pa'o/ /de dag kyang don dam par stong pa nyid yin pas chos thams cad bdag med par khyab cing spros pa'i bsam pa ste/ lhag pa'i bsam pas dga' bar 'gyur zhing mgu ba'o/ zhes bya ba'i tha tshig go /de ltar dga' ba bsgom pa'i man ngag gsungs nas da ni btang snyoms bsgom pa'i man ngag gsungs pa yin te / gdul dka' ba yang mtshungs 'dra ba zhes bya ba la/ gdul dka' ba ni log par lta ba rnams so/ /de dang mtshungs pa ni yod par lta ba yin yang mi dge ba la mngon par dga' ba rnams so/ /de dang 'dra bar ni dge ba la mngon par dga' bar zin kyang theg pa chen po la mi 'jug pa'o/ /gdul dka' ba yang yin la gdul ba dka' ba dang mtshungs pa yang yin la de dag 'dra ba yang yin pas/ gdul dka' ba dang mtshungs 'dra ba/ sangs rgyas byang chub snod ma yin/ zhes bya ba ste/ sangs rgyas kyi byang chub ni sangs rgyas kyi byang chub ste/ bla na med pa yang dag par rdzogs pa'i byang chub pa'o/ /de'i snod ma yin pa 'di lta bu yang yin pas de dag rtogs par bya ba'i phyir zhes pa dus gzhan du snod du rung bar bya ba'i phyir/ btang snyoms chen po bsgom par bya zhes bya ba ste/ de ltar btang snyoms su bya ba btang snyoms su bzhag ste dus gzhan du de bskyab pa'i phyir da ltar tha mal par bzhag cing/ btang snyoms kyang yin la chen po yang yin pas btang snyoms chen po zhes bya ba de bsgom par bya ste/ da ltar ni sems can 'di dag snod du rung ba ma yin pas/ dus phyis bdag gis bla na med pa yang dag par rdzogs pa'i byang chub la bzhag par bya'i/ rgyab kyi phyogs bar ni mi bya'o/ zhes rnam par bsam zhing/ skal pa med pa'i sems can gyi khams ma lus pa la nyin re zhing lan drug du spro zhing khyab par bya'o zhes bya ba'i tha tshig go / 'dir sbyor ba thams cad du yang bsgom pa'i rim pa ni 'di yin te/ rdo rje dbyings kyi dkyil 'khor chen po las gsungs pa'i cho gas rang gi lha'i rnal 'byor ji lta ba bzhin du byas pa'i rjes la/ chos kyi dkyil 'khor las gsungs pa'i rang gi lha'i phyag rgya chen po bcings te ma hA me tri spha ra zhes zlos shing/ rig pa'i lha mo byams pa chen mo'i gzugs sku mdog dkar ba bsam la/ 'das ma thag smras pa'i sngags 'di zlos shing/ des bsgrub par bya ba'i lus la khyab ste/ phan pa dang bde ba dang ldan par ji srid du sems brtan par gyur pa de srid du bsam par bya'o/ /de nas sngar bshad pa'i tshul gyis bcom ldan 'das yul thams cad du khyab par bya'o/ /rang gi lha'i rnal 'byor de bzhin du byas la/ mahA ka ru Na spha ra Na zhes zlos shing/ yum thugs rje chen mo sku mdog dmar ba bsams la/ sngags 'di nyid bzlas la/ des bsgrub par bya ba'i sems can gyi khams sdug bsngal dang bral bar bsam par bya'o/ /de bzhin du rang gi lha'i rnal 'byor byas la/ sarbba shud+d+ha pra marta pa ra na zhes yid la zlos shing bcom ldan 'das yum dga' ba me dga' zhing mgu ba sku mdog ser mo bsams la/ sngags 'di nyid bzlas na sems can gyi khams khyab par bya'o/ /de bzhin du rang gi lha'i rnal 'byor byas la/ sarbba satwa ni saM bo ta ya zhes yid la zlos shing bcom ldan 'das yum btang snyoms chen po sku mdog ljang gu bsams la sngags 'di nyid zlos pa dang/ des bsgrub par bya ba'i sems can gyi khams khyab par bya'o/ /de nas zhes bya ba la sogs pa la/ de bzhin gshegs pa yang yin la thams cad kyang yin pas na de bzhin gshegs pa thams cad ste/ rdo rje rtse lnga pa dang/ snying gar rdo rje byang chub sems dpa' dang/ rdo rje sems dpa' dang/ rnam par snang mdzad la sogs pa'i ngo bo'o/ /de rnams rjes su dran pa ni rjes su dran pa ste/ yang dang yang du mngon du bya zhing bsgom pa zhes bya ba'i tha tshig go /de'i ye shes la bslab po zhes pa'o/ /nam mkha' ma ni phyogs gzhan du zhes bya ba la/ de la nam mkha' ni grags par zad do/ /phyogs gzhan ni ras dang rtsig pa la sogs pa'o/ /rdo rje phra mo'i tshul gyis ni zhes bya ba ni lce ni rkan la sbyar bya zhing zhes bya ba la sogs pa sngar bshad pa'o/ /de'i sbyor ba ni badzra mu khaM b+ha ba zhes zlos shing nam mkha' la rdo rje rtse lnga pa bskyed pa/ 'greng ngam yang na 'dug kyang rung bas ji srid skyo bar ma gyur pa de srid kyi bar du bsgom par bya'o/ /skyo bar gyur na rang gi snying gar bcug la badzra dri Dha tiSh+Tha zhes brtan par byas la ldang bar bya'o/ /de ltar nyin re zhing ji srid zla ba gnyis yod pa de srid kyi bar du bsgom par bya'o/ /de nas ni nges par mngon du mthong bar 'gyur ro/ /de nas sangs rgyas kyi zhing 'di dag thams cad rdo rje'i gzugs kyis khyab par bya'o/ /yang de bzhin du de bsdus la rang gi snying gar brtan par bya'o/ / de ltar nyin re zhing ji srid zla ba gcig lon pa de srid kyi bar du bsgom par bya'o/ /zla ba'i mthar mtshan thog thag bsgoms na grub par 'gyur te/ nam mkha' thams cad rdo rjer gyur par mthong la/ de nas ni las de nyid kyis sangs rgyas nyid myur du mthong bar 'gyur ro/ /de bzhin du yang gnas kun tu zhes bya ba ni snga ma bzhin du'o/ /snying gar ni rdo rje sems dpa' zhes bya ba ni/ snying gar nas 'bras tsam gyi rdo rje ni snying gar rdo rje ste chos kyi dkyil 'khor las gsungs pa'i phyag rgya chen po'i tshul gyis rdo rje sems dpa' o/ /de lta bu'i snying ga'i rdo rje byang chub kyi mtshan nyid can gyi sems dpa' o/ /rab mnyam bzhag pas bsgom par bya zhes bya ba ma yengs par bsam par bya'o/ /'di'i don ni 'di yin te/ rang gi lha'i rnal 'byor ji lta ba bzhin du byas pa'i rjes la chos kyi dkyil 'khor las gsungs pa'i phyag rgya chen po'i tshul chen po bcing bar bya'o/ /de nas mahA bo d+hi satwa a b+hi sha zhes zlos shing bcom ldan 'das rdo rje sems dpa' ji skad gsungs pa bzhin du bskyed la/ ji srid skyo bar ma gyur pa de srid kyi bar du bsgom par bya'o/ /skyo bar gyur na snga ma bzhin du rang gi lus la bcug nas brtan par byas nas ldang bar bya'o/ /de ltar nyin re zhing zla ba gnyis tsam gyi bar du bsgom par bya ste/ de nas mngon sum bzhin du mthong bar du gyur ro/ /de nas sangs rgyas kyi zhing ma lus pa snying ga'i rdo rje byang chub sems dpa' khyab par bsam par bya'o/ /skyo bar gyur nas bsdus nas snga ma bzhin du brtan par byas la ldang bar bya'o/ /de ltar nyin re zhing zla ba gcig tsam gyi bar du bsgoms la/ zla ba mthar mtshan thog thag bsgoms na rdo rje sems dpa' dang 'dra bar 'grub par 'gyur ro/ /ji ltar 'dir rang gi lha'i rnal 'byor bya bar bshad pa de bzhin du/ 'og nas bshad pa'i sbyor ba thams cad la yang shes par bya'o/ /phyag na rdo rje'i dbyibs chen po zhes bya ba ni rdo rje dbyings kyi dkyil 'khor chen po las gsungs pa'i phyag rgya chen po'i tshul can gyi rdo rje sems dpa' i rdo rje phra mo'i bsnams pa zhes bya ba'i tha tshig go /'dir badzra pA Ni dar sha ya swa ru paM zhes bya ba 'dis ni phyag na rdo rje bskyed pa'i snying po 'di nyid zlos shing snying gar rdo rje sems dpa' i tshul du rim gyis bsgom pa dang bsgom pa bya'o/ /rnam pa thams cad mchog ldan pa'i zhes bya ba'i skyes bu chen po'i mtshan sum cu rtsa gnyis dang/ dpe byad bzang po brgyad cu dang ldan pa'i rnam par snang mdzad dam mi bskyod pa la sogs pa'i de bzhin gshegs pa bud+d+ha a nu smri tA bi sha zhes zlos shing bsgom par bya'o/ /de na nga ma bzhin du thams cad byas pa nyid dang bsgrub pra bya'o/ /rdo rje phra mo'i tshul gyis ni zhes bya ba ni de bzhin du rang gi lha'i rnal 'byor byas la/ sa man+ta b+ha dra a b+hi shwa zhes bya bas/ bdag nyid snga ma bzhin du zla ba'i dkyil 'khor gyi gzugs su bsgom par bya'o/ /de nas zla ba gnyis kyi mthar zla ba gcig tsam zla ba'i dkyil 'khor gyis de bzhin du nam mkha' khyab par bsgoms la/ zla ba'i mthar mtshan thog thag bsgoms na/ nam mkha' ma lus par zla ba'i dkyil 'khor gyis yongs su gang bar mthong ste/ de nas de bsdus la gong bu gcig tu byas na zla ba'i gzugs gcig tu bdag nyid snga ma bzhin du brtan par bya'o/ /de bzhin du satwa badzra a b+hi sha zhes bya bas bdag nyid zla ba'i dkyil 'khor du bsgrubs nas zla ba'i dkyil 'khor der rdo rje rtse mo lnga pa bsams la/ yang satwa badzra a b+hi sha zhes zlos shing ji srid de mthong zhing brtan par gyur pa de srid kyi bar du sems dpa' i rdo rje bdag nyid bsgom par bya'o/ /de nas de bzhin du spro ba dang/ bsdu ba'i sbyor bas de rdzogs par bya'o/ /rdo rje phra mo'i tshul sbyar la zhes bya ba ni bdag nyid sems dpa' i rdo rjer gyur pa de nyid/ badzra satwa sa ma d+hi dz+nyA na a b+hi sha zhes zlos shing rdo rje dbyings las gsungs pa'i rdo rje sems dpa' i phyag rgya chen po'i gzugs su bsams la/ ji srid bdag nyid kyi snying ga'i zla bar rdo rje rtse lnga pa dang ldan par mngon sum du mthong zhing brtan par gyur pa de srid kyi bar du bsgom par bya'o/ de nas spro ba dang bsdu ba'i tshul gyis bsgom zhing bdag nyid rdo rje sems dpa' i tshul gyis rdzogs par bya'o/ /rnam pa kun gyi mchog ldan pa/ /sangs rgyas gzugs su bdag nyid bsam/ zhes bya ba ni rdo rje sems dpa' i gzugs de nyid ta thA ga to haM zhes zlas shing/ rnam par snang mdzad la sogs pa de bzhin gshegs pa'i skur bdag nyid bsam par bya'o/ /de ltar zla ba'i dkyil 'khor la sogs pa bzhi bsgom pas/ cho ga gzhan dag gis kyang sangs rgyas dang sems dpa' bsgrub pa bstan nas/ de nas zhes bya ba la sogs pas de bzhin gshegs pa thams cad kyis chags par bya ba dang/ dgug par bya ba dang/ gdul bar bya ba'i bar dang/ las thams cad bsgrub pa gsungs pa yin te/ de bzhin gshegs pa thams cad kyi chos nyid ni chos kyi dkyil 'khor te/ de'i gsang ba'i phyag rgya ni bsgrub pa bya ba'i lha dang gcig tu mos par gyur pa ste/ de'i ye shes bslab po/ /bdag ni de bzhin gshegs pa dang mnyam zhes bya'o/ rnam par snang mdzad la sogs pa'i de bzhin gshegs pa'i rnal 'byor snga ma bzhin du byas la/ de yang ras ris la sogs pa dgug pa dang/ /gzhug pa dang/ bcing ba dang/ dbang du byas la phyag rgya bzhis btab nas/ mchod pa thams cad kyis yang dag par mchod la/ de bzhin gshegs pa'i phyag gyi chen po bcings te/ sangs rgyas kyi zhing stong gsum pa 'di rdo rje gcig gis khyab par bsams la/ de'i dbus su de bzhin gshegs pa dang bdag zhugs par nges par byas la/ ta thA ga ta sa maM hi hi zhes bya bas ji skad bshad pa'i rdo rje tshig gis yang dang yang du zlos shing lan du mar brjod do/ /dbang po gnyis ni zhes bya ba ni gnyis kyi dbang po ste/ bsgrub pa po dang/ de bzhin gshegs pa'i 'o/ /de'i mnyam par sbyor ba ni mnyam par gyur pa ste gcig tu gyur par lhag par mos par zhes bya ba'i tha tshig go / dbang po gnyis mnyam par sbyor ba des de bzhin gshegs pa'i sku dang/ sgrub pa po lhan cig gcig tu gyur par mos pa ci zhig byed ce na/ sems can thams cad chags par byed/ ces bya ba gsungs te/ rnam par snang mdzad la sogs pa'o/ /de bzhin gshegs pa rnams rnal 'byor pa des mnyes par byed do zhes bya ba'i tha tshig go /'di skad ston pa yin te/ ta thA ga ta sa mo haM hi zhes bya ba ji skad du bshad pa'i lhag par mos pa dang/ lan gsum bzlas nas/ aoM sarbba ta thA ga ta sa mo haM zhes rgyun mi chad par zlos shing bsgom par bya'o/ /de yang sangs rgyas ci 'dra de bzhin bdag /bdag ces rtag tu bsgoms pa yis/ /gang 'dis sangs rgyas de nyid bdag / dbang po gnyis la yang dag rten/ /ta thA ga ta sa mo haM hi/ rdo rje tshig gis yang dag brjod/ /dbang po gnyis ni mnyam sbyar bas/ /sangs rgyas thams cad de mnyes byed/ /aoM sarbba ta thA ga ta sa mo haM hi/ zhes bzla'o zhes gsungs pa dang/ gzhan yang dbang po gnyis ni zhes bya ba ni/ rnam pa gnyis kyi gnas skabs kyis/ gang yang bdag gis lus dang ni/ /gang yang sangs rgyas sku dag ni/ /bsres par gyur pa dbang po gnyis/ /mnyam par bzhag ces bshad pa yin/ /stong gsum pa yi zhing 'di ni/ /rdo rje gcig tu yongs su gzung/ /sangs rgyas gzugs dang 'dra bar ni/ /dbus su bdag nyid bsgom par bya zhes gsungs pa yin no/ /de ltar rim pa 'dis ji srid bcom ldan 'das byon nas/ de'i lus la zhugs la de nas de bzhin gshegs pa dang 'dra bar gyur pa de srid kyi bar du bsgom par bya'o/ /rdo rje sems dpa' sgrub pa yang de bzhin gshegs pa bsgrub pa dang 'dra bar shes par bya ste/ de yang bcom ldan 'das kyis/ rdo rje sems dpa' rgyal po che/ /kha dog ji bzhin cho ga bzhin/ de ltar bdag ni rtag bsgom pa/ /dbang po gnyis la yang dag brten/ /badzra satwa sa mo haM zhes bzla'o/ /zhes gsungs pa yin no/ /bdag ni rdo rje chen por mnyam zhes bya ba ni/ 'phags pa nam mkha' i snying po ni/ rdo rje chen po ste/ de dang mnyam mo zhes nga rgyal bskyed la/ de'i 'og tu aoM badzra ratna sa mo haM zhes zlos shing bcom ldan 'das nam mkha' i snying po dang/ bdag nyid lan cig gcig tu gyur par snga ma bzhin du bsam par bya'o/ /de yang sangs rgyas kyi dbang bskur ba/ rdo rje rin chen bdag nyid ces/ /bdag nyid rtag tu bsgoms na ni/ /rdo rje rin chen 'dra bar 'gyur/ /aoM badzra ratna sa mo haM zhes gsungs pa yin no/ /gdon mi za bar 'jig rten 'gugs zhes bya ba la/ 'jig rten ni 'phags pa nam mkha' i snying po ste/ de 'bar ba'i lta bas dgug par bya'o/ zhes bya ba'i don to/ /bdag ni rdo rje chos dang mnyam zhes bya ba ni snga ma bzhin du thams cad byas la/ aoM badzra d+harmmA sa mo haM zhes zlos shing bsgom par bya'o/ /de yis 'jig rten thams cad 'jig ces bya ba ni 'dod chags la sogs pa gzung ba dang 'dzin pa'i rnam par rtog pa 'di ni 'dir 'jig rten yin te/ 'jig rten de thams cad chos thams cad rang bzhin gyis dag pa'o/ zhes bsgoms shing bzlas pas 'jig par byed do/ /bdag ni sna tshogs rdo rjer mnyam zhes bya ba la/ sna tshogs ni rdo rje las te/ de dang bdag mnyam mo zhes nga rgyal bskyed pa'i rjes la/ aoM bi shwa badzra sa mo haM zhes zlos shing snga ma bzhin du bsgom par bya'o/ /sgom pa 'dis de ci zhig byed ce na/ las rnams thams cad des 'grub po zhes bya ba gsungs te/ sangs rgyas kyi sprul pa dang/ sems can gyis don gyi mtshan nyid can gyi las ni las rnams thams cad de/ de sgrub cing rdzogs par byed do/ /rdo rje rgyal po la sogs pa nas/ rdo rje 'bebs pa'i bar gyi sgrub pa rnams ni/ /rdo rje sems dpa' i sgrub pa dang 'dra bar shes par bya'o/ /gang dang gang las rab dang 'gyur/ /ji bzhin 'dod dang ci 'dod pas/ /bdag nyid rtog tu bsgoms nas ni/ /sems dpa' de nyid thob par 'gyur/ zhes gsungs pa'i phyir ro/ /ji skad du bshad pa'i dngos grub rnams ni rdo rje dbyings su gsungs pa'i phyag rgya bzhi pa la sogs pa rang gi lha'i rnal 'byor ji lta ba bzhin du byas nas/ de'i rjes la chos kyi dkyil 'khor las gsungs pa'i phyag rgya chen po la sogs pa bzhi bcings te/ bsgrub par bya ba 'am/ chos kyi dkyil 'khor du mngon du bsnyen pa la sogs pa'i dus su lha mdun du spyan drang ba byas nas/ phyag rgya bzhis ji lta ba bzhin du rgyas gdab par bya ba yin pas/ de nas zhes bya ba la sogs pas phyag rgya bzhi po gsungs pa yin no/ /de bzhin gshegs pa thams cad kyi ye shes ni chos kyi dkyil 'khor las gsungs pa'i rnam par snang mdzad la sogs pa nges pa'i tshul lo/ /de nyid ni rdo rje ste de rnams byin gyis brlab cing brtan par bya ba'i phyir ting nge 'dzin gyi phyag rgya ste/ chos kyi dkyil 'khor gyi phyag rgya de brlab par bya'o/ /rdo rje phra mo'i tshul gyis ni/ rdo rje skyil mo krung bcas la lce rkan la sbyar bar byas nas/ lus drang por bzhag ste mgrin pa cung zad bkug la/ sna'i rtse mo blta ba 'di dang/ spro ba dang bsdu ba'i sbyor ba ni rdo rje phra mo'i tshul te/ rdo rje phra mo'i tshul te/ rdo rje phra mo'i tshul des bsgoms par bya'o/ /gang du ci zhig bsgom par bya zhe na/ rdo rje'i dbus su zhes bya ba gsungs te/ seng ge'i gdan gyi steng na rdo rje rtse lnga pa'i dbus su sangs rgyas sku ste/ rnam par snang mdzad la sogs pa de bzhin gshegs pa'i sku/ phyag gnyis rdo rje bcing ba bcings zhes bya ba ji skad du gsungs par rdo rje la sogs pa'i mtshan mar bdag nyid bsgom par bya'o/ /rdo rje sems dpa' la sogs pa ni/ rdo rje sems dpa' nas brtsams te/ rdo rje 'bebs pa'i bar te/ de rnams kyi ting nge 'dzin ni chos kyi dkyil 'khor las gsungs pa'i phyag rgya chen po rnams te/ de rnams kyi ye shes bslab bo/ /rdo rje phra mo'i tshul ni snga ma dang 'dra ste/ de la sbyang ba de bya'o/ /snying gar rdo rje la sogs tshogs zhes bya ba ni mang po'i tshogs so/ /de bsgom pa ni yang dang yang du sngon du bya'o/ /de gang zhig yin zhe na/ rdo rje sems dpa' la sogs zhes bya ba ste/ rdo rje 'bebs pa'i bar de dag bsgoms na'o/ /ci zhig mdzad ce na/ rang gi dngos grub sbyin par byed ces bya ba gsungs te/ rang rang gi dngos grub sgrub pa po la stsol bar 'gyur ba'o/ /sangs rgyas rdo rje 'dzin la sogs/ /kun kyang snyoms par zhugs pa yis/ /ting nge 'dzin du bzhugs pa dang/ /phyag gnyis rdo rje bcing ba bcings/ zhes bya ba dang/ rdo rje dbus su zhes bya ba ni thams cad las shes par bya'o/ /de ltar phyag rgya chen po'i mtshan nyid bsgom pa bstan nas/ da ni de nas zhes bya ba la sogs pa dam tshig gi phyag rgya'i mtshan nyid gsungs pa yin te/ de bzhin gshegs pa thams cad kyang yin la rigs kyang yin pas na/ de bzhin gshegs pa thams cad kyi rigs so/ /de'i ting nge 'dzin gyi dam tshig gi phyag rgya ni chos kyi dkyil 'khor gyi ting 'dzin gyi dam tshig gi phyag rgya ste/ de'i ye shes bslab par bya'o/ /ting nge 'dzin ni chos kyi dkyil 'khor ro/ /dam tshig mchog ni dam tshig gi phyag rgya'o/ /de rnams kyi bcing ba bshad ces bya ba ni bcing ba'i mtshan nyid so so'i chas phyed pa rab tu bshad pa nas bshad pa'o/ /rdo rje bcing las legs byung ba zhes gsungs pas na rdo rje bsdams pa bcings la/ ces bya ba skyil mo krung la gnas pa'o/ /skyil mo krung la ji ltar 'dug ce na/ gan rkyal du zhes bya ba gsungs te/ ting nge 'dzin gyi tshul gyis rdo rje bcing bar skyil mo krung gi steng du bkan te bzhag pa 'di ni rdo rje sems dpa' i dam tshig gi phyag rgya'o/ /g.yas gcus zhes bya ba ni rdo rje bcing ba bcings la g.yas logs su gcus la pa 'di ni rdo rje rgyal po'i'o/ /slar gcus pa zhes bya ba ni rdo rje bcing ba bcings pa de nyid g.yon logs su bzhag pa 'di ni slar gcus pa ste chags pa'i 'o/ /snying gar gnas pa zhes bya ba ni rdo rje bcing ba'i phyag rgya nyid snying gar bzhag pa ni bzhi ste rdo rje legs pa'i 'o/ /rdo rje sems dpa' la sogs pa gang yin pa de ni rdo rje sems sogs te legs pa'i bar gyi'o/ /de rnams kyi dkyil 'khor ni de nyid kyi phyag rgya'o/ /dpral bar bzhag pa dang zhes bya ba la sogs pa la/ rdo rje bsdams pa'i phyag rgya de nyid dpral bar bzhag cing gnas pa ni rdo rje rin chen gyi'o/ /ltag par zhes bya ba ni rdo rje bsdams pa bcings la rgyab tu bzhag pa ni rdo rje gzi brjid kyi'o/ rdo rje bsdams pa phrag pa g.yon logs su bzhag pa ni rdo rje dpal gyi'o/ /rgod par sbyar zhes bya ba ni rdo rje bsdams pa'i phyag rgya nyid bzhad pa'i tshul gyis khar bskor ba ni bzhad pa'i'o/ /khar bzhag ces bya ba rdo rje bsdams pa'i phyag rgya nyid khar bzhag pa ni rdo rje chos kyi'o/ /snying gar ral gri zhes pa rdo rje bsdams pa'i phyag rgya nyid snying gar ral gri 'dzin pa'i tshul gyis bzhag pa ni rdo rje rnon po'i 'o/ /rdo rje bsdams pa'i phyag rgya nyid snying gar brkyang la bzhag pa ni kha rgyas pa ste/ rdo rje rgyu'i 'o/ /rdo rje bsdams pa'i phyag rgya nyid tshig 'byin pa'i tshul gyis kha nas 'dren pa ni kha nas dbyung ba ste smra ba'i 'o/ /rdo rje bsdams pa'i phyag rgya nyid spyi bor bzhag pa ni las kyi'o/ /rdo rje bsdams pa'i phyag rgya nyid tho kha ste nam tshong du bzhag pa ni bsrung ba'i 'o/ /rdo rje bsdams pa'i phyag rgya snying ga'i phyogs su bzhag pas na khar bzhag pa'o/ /ji ltar zhe na mtheb gnas zhes bya ba gsungs te/ mthe bong dang mdzub mo gnyis bkug pa dang bcas pas khar bzhag pa ni do rje gnod sbyin gyi'o/ /rdo rje bsdams pa'i phyag rgya nyid mdun du bzhag pa ni/ rdo rje khu tshur gyi dam tshig gi phyag rgyar 'gyur ro/ /rnam par snang mdzad la sogs pa nas rdo rje 'bebs pa'i bar gyi dam tshig gi phyag rgya dang chos kyi phyag rgya ni rdo rje dbyings kyi dkyil 'khor drin po las gsungs pa nyid gzung bar bya'o/ /de nas zhes bya ba la sogs pa la chos zhes bya ba ni chos kyi dkyil 'khor gyi'o/ /las mchog ces bya ba ni las kyi phyag rgya'o/ /phra mo'i rdo rje can rnams ni rnam par snang mdzad la sogs pa'o/ /ye shes khu tshur dam tshig las zhes bya ba la/ ye shes ni chos kyi dkyil 'khor te/ de'i khu tshur yin pas na/ ye shes khu tshur te chos kyi dkyil 'khor gyi khu tshur ro/ /de'i dam tshig gi phyag rgya ni ye shes khu tshur dam tshig ste/ de las gnyis su byas nas g.yon pa'i rdo rje sor mo gzur la/ g.yas pa bgrong bar bya zhes bya ba la sogs pa la rnam par snang mdzad la sogs pa nas/ rdo rje 'bebs pa'i bar gyi las kyi phyag rgya bcing bar bya'o/ /chos kyi dkyil 'khor gyi 'grel pa'o/ /de ltar chos kyi phyag rgya gtso bor gyur pa'i chos kyi dkyil 'khor bstan nas/ da ni de nas zhes bya ba la sogs pas des 'dul ba'i skye bo rnams kyi phyir/ las kyi phyag rgya gtso bor gyur pa'i las kyi dkyil 'khor gsungs pa yin te/ de nas zhes bya ba'i spra ni de ma thag pa ste/ dang po'i sbyor ba'i rjes thogs nyid la'o/ /de la dang po sbyor ba'i ting nge 'dzin bshad ma thag pa'i chos kyi dkyil 'khor las bstan pa yin par shes par bya'o/ /yang zhes bya ba'i sgras ni chos kyi dkyil 'khor sprul pa la bltos na slar yang zhes bya ba'i tha tshig go / de bzhin gshegs pa thams cad kyi zhes bya ba la sogs pa la/ de bzhin gshegs pa thams cad kyi bla na med pa'i mchod pa ni mchod pa chen po dang/ dbang bskur ba'i mchod pa dang/ chos kyi mchod pa dang/ las kyi mchod pa'i rang bzhin no/ /de'i cho ga rgyas pa ni rnam par rgyas pa ste/ re re zhing yang sna tshogs pa'i tshul nyid do/ /des khyab pa ni rnam pa sna tshogs pa'i tshul te/ de rnams kyis nam mkha' khyab pa'o/ /de nyid ni las so/ /de'i dam tshig ni rgyu'o/ /'di'i 'og nas bshad pa'i dam tshig gi don rnams kyang de bzhin no/ /de nas yang bcom ldan 'das rnam par snang mdzad kyi las kyi dkyil 'khor te/ de nyid ni rdo rje'o byin gyis brlab pa ni ting nge 'dzin gang gis brtan par byed pa ste/ de skad ces bya ba'i ting nge 'dzin de la snyoms par zhugs nas rang gi rig pa'i mchog 'di smras pa ni bka' stsal ba ste/ rang gi las kyi dkyil 'khor brten par byed pa'i rnam par thugs rtse gcig tu mdzad nas rig pa gsungs so zhes bya ba'i tha tshig go / de bzhin gshegs pa thams cad kyang yin la/ rdo rje sems dpa' yang yin pas na/ de bzhin gshegs pa thams cad ni rdo rje sems dpa' ste/ mi bskyod pa la sogs pa dang de'i rigs rnams so de rnams kyi mchod pa bla na med pa ni mchod pa chen po'o/ /de'i cho ga rgyas pa ni rab tu dga' zhing bde ba la sogs pa'i dbye bas so/ /de'i khyab pas ni spros pas nam mkha' khyab pa ste/ de nyid ni las so/ /de'i dam tshig ni mi bskyod pa'i rigs kyi las kyi dkyil 'khor ro/ /de nyid ni rdo rje ste/ de byin gyis brlab pa ni brtan par bya'o/ /de ting nge 'dzin gang gis byed pa de la de skad ces bya'o/ /de la snyoms par 'jug pa nas rang gi rig pa mchog smras so/ /de bzhin gshegs pa thams cad kyi rdo rje'i rin po che ni rin chen 'byung ldan la sogs pa de dang de'i rigs rnams so/ /de rnams kyi mchod pa bla na med pa ni dbang bskur ba'i mchod pa'o/ /de'i cho ga rgyas pa ni dbang mo chen mo la sogs pa'i dbye bas phye ba'i rnam par rgyas pa'o/ /des khyab pa zhes bya ba ni snga ma dang 'dra'o/ /de bzhin gshegs pa thams cad kyi rdo rje chos ni 'od dpag tu med pa la sogs pa dang/ de'i rigs rnams so/ /de rnams kyi mchod pa bla na med pa ni chos kyi mchod pa'o/ /de'i cho ga rgyas pa ni ye shes chen mo'i glu la sogs pa'i dbye bas phye ba'i rnam par rgyas pa'o/ /de'i khyab par ni snga ma bzhin no/ /de bzhin gshegs pa thams cad kyi rdo rje las ni/ don yod par grub pa la sogs pa dang/ de'i rigs rnams so/ /de rnams kyi mchod pa bla na med pa ni las kyi mchod pa'o/ /de'i cho ga rgyas pa ni sems ma chen mo la sogs pa'i dbye bas so/ /de'i khyab par ni des khyab pa'o/ /de nyid ni las yin pas na de bzhin gshegs pa thams cad kyi rdo rje las kyi mchod pa bla na med pa'i cho ga rgyas pa'i khyab pa'i las so/ /de'i dam tshig ni don yod par grub pa'o/ /las kyi dkyil 'khor de nyid ni rdo rje'o/ /de byin gyis brlab pa ni sems brtan par byed pa ste/ de ting nge 'dzin gang gis byed pa de la de skad ces bya ste de la snyoms par 'jug pa ni mngon du mdzad nas/ rang gi rig pa'i mchog ces pa rang gi rigs byin gyis brlob par byed pa ste/ rang gi rig pa thams cad kyi nang nas dam pa yin pas rang gi rig pa'i mchog ste/ de thugs la gnas pa 'di smras pa ni bka' stsal ba ste/ rang gi rigs kyi las dkyil 'khor brtan par byed pa'i rnam par thugs rtse gcig tu mdzad nas rig pa'i mchog gsungs so zhes bya ba'i don to/ /bcom ldan 'das ting nge 'dzin de la snyoms par zhugs so zhes bya bar sbyar ro/ /de nas zhes bya ba'i sgra ni 'das ma thag pa ston par byed pa ste/ rigs pa rnams kyis dkyil 'khor byin gyis brlabs pa'i rjes thogs nyid la zhes bya ba'i don to/ /de bzhin gshegs pa thams cad ni rnam par snang mdzad la sogs pa ste/ de rnams kyi mchod pa ni mchod pa chen po la sogs pa'i tshul lo/ /de'i cho ga rgyas pa ni rab tu dga' zhing bde ba ma dang/ dbang mo chen mo la sogs pa'i dbye bas phye ba'i rnam pa rgyas pa'o/ /des chos kyi dbyings thams cad du khyab pa ni stong pa thams cad du spros pa'o/ /khyab pa nyid las yin pas chos kyi dbyings thams cad du khyab pa'i las so/ /de'i dam tshig ni rgyu gang yin pa'i ting nge 'dzin rdo rje ltar mi phyed pas na dam tshig rdo rje zhes bya ba'i ting nge 'dzin te/ ting nge 'dzin la snyoms par zhugs pa ni las kyi dkyil 'khor gyi tshul du rnam par sprul ba'i rnam par thugs rtse gcig tu mdzad do zhes bya ba'i tha tshig go / snyoms par 'jug ma thag tu/ zhes bya ba ni snyoms par zhugs pa'i rjes thogs nyid la'o/ /de bzhin gshegs pa thams cad kyi thugs las/ zhes bya ba ni rnam par snang mdzad la sogs pa'i de bzhin gshegs pa lnga'i thugs la'o/ /bcom ldan 'das phyag na rdo rje nyid ni sems dpa' rdo rje'i gzugs can no/ /rnam pa sna tshogs pa'i mchod pa thams cad kyi bkod pa'i cho ga rgyas pa ni rab 'byam gyi sprin gyi rgya mtsho'i lha mo rnams su gyur te/ byung nas/ sangs rgyas kyi rdzu 'phrul dang cho 'phrul thams cad bstan nas bzhugs zhes bya bar sbyar ro/ /mchod pa'i sprin gyi rgya mtsho'i lha mo de rnams kyang khyad par ji lta bu zhig ce na/ chos kyi dbyings thams cad du khyab pa zhes bya ba gsungs te chos kyi dbyings thams cad ni stong pa nyid do/ /der khyab pa ni spros pa khyab par gyur ba'o/ /de bzhin du nam mkha' i dbyings kun tu rgyas pa zhes bya ba'i/ 'di nam mkha' i dbyings thams cad du kun nas rgyas shing khyab pas nam mkha' i dbyings kun tu rgyas pa zhes bya ste/ 'di ni 'jig rten du grags pas bshad pa yin no/ /de lta bu de su zhig yin zhe na/ rnam pa sna tshogs pa'i mchod pa thams cad ces bya ba gsungs te/ rab tu dga' zhing bde ba ma la sogs pa'i rang bzhin no/ /de rnams kyi bkod pa ni tshogs rnams so/ /de rnams kyi cho ga rgyas pa ni rnam par rgyas pa'o/ /de'i rab 'byam ni rgyun no/ /de'i sprin de rnams kyi phung po'o/ /de'i rgya mtsho ni de rnams kyi yang tshogs te/ de lta bu'i tshad kyi lha mo rnams su gyur te byung ba ni mthon po'o/ /byung nas ci zhig mdzad ce na/ 'jig rten gyi khams thams cad kyi rab 'byam gyi sprin gyi rgya mtsho rnams su zhes bya ba gsungs te/ 'jig rten gyi khams ni stong gsum la sogs pa'o// de rnams kyi rab 'byam gyi sprin gyi rgya mtsho de dag ni de bzhin gshegs pa de dag thams cad kyi dkyil 'khor gang dag bzhugs pa'i de bzhin gshegs pa thams cad kyi dkyil 'khor gyi dkyil 'khor du de thams cad bstan nas bzhugs so/ ci zhig bstan zhe na/ de bzhin gshegs pa thams cad kyi zhes bya ba la sogs pa gsungs te/ de bzhin gshegs pa thams cad kyi bla na med pa'i byang chub kyi sems chen po bskyed pa ni bla na med pa yang dag par rdzogs pa'i byang chub tu sems bskyed pa'o/ /de bzhin gshegs pa thams cad kyi rigs mnyes par bya ba ni bsgom pa'o/ /kun tu bzang po'i spyod pa ni gzugs thams cad yang dag par ston pas sems can gyi don mdzad pa'o/ /de bsgrub pa ni rdzogs pa'o// bsod nams dang ye shes kyi tshogs yongs su rdzogs nas 'og min gyi gnas dang mi'i yul du byang chub kyi snying por bzhud pa'i phyir snying po ste gces par gyur pa'i gnas der nye bar 'gro ba ni byang chub kyi snying por nye bar 'gro ba'o/ /bdud bzhi po ni bdud thams cad de/ de rnams 'dul ba ni tshar bcad cing gzhan gyis mi thub pa'o/ /de bzhin gshegs pa thams cad kyi mnyam pa nyid ni bla na med pa yang dag par rdzogs pa'i byang chub pa'o/ /de'i mngon par rdzogs par byang chub pa ni mngon par thugs su chud pa'o/ /de bzhin gshegs pa thams cad kyi dkyil 'khor chen po ni rdo rje dbyings la sogs pa de bzhin gshegs pa thams cad kyi rigs kyi dkyil 'khor rnams te/ de rnams bskyed pa'o khams gsum thams cad las rnam par rgyal bar byas pa ni dbang phyug chen po la sogs pa khams gsum pa'i 'khor lo ma lus pa bran gyi bar du mdzad cing rnam par rgyal ba'o/ /dam pa'i chos kyi 'khor lo bskor ba ni 'gro ba 'dul ba'i dum bu las gsungs pa'i dkyil 'khor gyi dam pa chos kyi 'khor lo 'jug pa'o/ /sems can gyi khams ma lus shing lus pa med pa rnams kyi don bya ba ni don thams cad grub pa'i rigs su sprul nas bsam pa thams cad rdzogs par bya'o/ /de nyid la sogs pa sangs rgyas kyi sprul pa dang rdzu 'phrul dang cho 'phrul thams cad gang yin pa de ston cing bcom ldan 'das phyag na rdo rje bzhugs so/ /bcom ldan 'das phyag na rdo rje de ltar bzhugs nas mchod pa'i sprin gyi rgya mtsho'i lha mo rab tu dga' zhing bde ma la sogs pa de dag kyang/ ched du brjod pa 'di ched du brjod do zhes bya bar sbyar ro/ /khyab par ji lta bu zhen rang gi phyag rgya lag pa gnyis kyis 'dzin cing zhes bya ba smos te/ rdo rje la sogs pa rang gi phyag rgya lag pa gnyis kyis bsnams pa ni rang gi phyag rgya lag pa gnyis kyis 'dzin pa'o/ /de bzhin gshegs pa thams cad ni rnam par snang mdzad la sogs pa nas rdo rje 'bebs pa'i bar ro/ /cho ga bzhin du zhes bya ba ni phyag rgya dang/ sngags dang/ gar gyi cho ga rnams dang/ phyi'i me tog dang/ gzhal yas khang la sogs pas yang dag par mchod pa'o/ /rdo rje dbyings kyi dkyil 'khor chen po'i tshul du zhes bya ba ni de'i dbyibs kyis rdo rje sems dpa' la sogs pa'i cha lugs 'dzin pa'i lha mo rnams/ zla ba'i dkyil 'khor la gnas nas ched du brjod pa 'di ched du brjod do/ /e ma'o/ zhes bya ba ni ngo mtshar che ba'o/ /sangs rgyas rnams kyi mchod pa yang yin pas na sangs rgyas mchod pa ste/ mchod pa chen po la sogs pa'i tshul lo/ /bdag ces bya ba ni bdag nyid yin par ston to/ /mchod pa kun ni zhes bya ba ni mchod pa chen po la sogs pa'i rang bzhin te/ de dag byed pa yin no/ /gal te khyed de lta bu'i sangs rgyas bcom ldan 'das kyi mchod pa yin pa la/ ngo mtshar ci zhig yod ce na/ gang phyir sangs rgyas nyid ched du/ /sangs rgyas kun gyis grub par mdzad/ ces bya ba gsungs te/ sangs rgyas kyi ngo bo nyid ni sangs rgyas nyid do/ /des che ba nyid du gyur pas na chen po ste/ nam mkha' i khams thams cad du rtag tu bzhugs pa'i sku dang gsung dang thugs rdo rje nyid do/ /de lta bu'i chen por gyur pa nyid bdag gis tha mi dad par gyur ba nyid kyis mchod nas/ sangs rgyas thams cad grub par mdzad cing rnal 'byor pas gdul bya'i sems can rnams la stsol bar mdzad do/ /'di skad ston pa yin te/ de bzhin gshegs pa thams cad gang yin pa ni bdag yin la bdag ni de bzhin gshegs pa thams cad yin na gdul bya'i rnal 'byor pa rnams kyis tha dad par mthong ba 'di ni ngo mtshar che'o/ /de nas zhes bya ba'i sgra ni 'das ma thag pa ste/ lha mo rnams su sprul pa'i rjes thogs nyid la zhes bya ba'i tha tshig go /de bzhin gshegs pa thams cad kyi mchod pa ni/ mchod pa chen po la sogs pa'i mchod pa rnams so/ /de nyid la sogs pa ni kun tu bzang po'i skyod pa la sogs pa las kyi cho ga rgyas pa gang yin pa de la de skad ces bya'o/ /de bzhin gshegs pa thams cad kyi mchod pa la sogs pa las kyi cho ga rgyas pa gang yin pa de ni mchod pa'i las kyi cho ga rgyas pa'o/ / rdo rje rnams kyi bya ba yin pas na rdo rje'i bya ba ste/ mchod pa chen po la sogs pa rdzogs par byed pa'i las so/ /des nye bar mchod pas na rdo rje zhes bya ba'i las kyi dkyil 'khor te/ las gtso bor gyur pa'i dkyil 'khor ni las kyi dkyil 'khor ro// de bshad pa ni bka' stsal pa ste/ dkyil 'khor gyi lha mo rnams bskyed par byed pa'i rig pa rnams su gsungs so/ zhes bya ba'i tha tshig go /de ni de bzhin gshegs pa thams cad kyi zhes bya ba la sogs pa'i lha mo de rnams gsungs pa yin te/ shin tu dga' bas na rab tu dga' zhing ste/ sems can yongs su smin pa dang/ chos kyi dbyings zag pa med pa'i bde ba dang/ yid bde ba'i ngo bo bcom ldan 'das rdo rje sems dpa' o/ /de yang/ kun mchog dngos grub chen po ste/ dbang phyug chen po dbang phyug che/ /rdo rje chen po 'dzin rgyal po/ /rab dga' mchog tu mi 'gyur ba/ zhes gsungs pa yin no/ /de bzhin gshegs pa thams cad kyang yin la rab tu dga' ba yang yin pas/ de bzhin gshegs pa thams cad kyi rab tu dga' zhing ngo/ /de nyid kyi rang bzhin can gyi bde ba gang yin pa de ni de bzhin gshegs pa thams cad kyis rab tu dga' zhing bde ma ste/ rdo rje sems dpa' i rang bzhin no/ /de bzhin gshegs pa thams cad bsdu bar byed pa ni spyan 'dren pa ste/ de gang gis mdzad pa de ni de bzhin gshegs pa thams cad spyan 'dren ma ste/ rdo rje rgyal po'i rang bzhin no/ /de bzhin gshegs pa thams cad rjes su mnyes par byed cing bsgom par byed pa gang yin pa de ni de bzhin gshegs pa thams cad mnyes par byed pa ste/ rdo rje chags pa'i rang bzhin no/ /de bzhin gshegs pa thams cad yang dag par dgyes par byang chub kyi spyod pa'i tshul gang zhig byed pa de ni de bzhin gshegs pa thams cad dgyes par byed pa mo ste/ legs pa'i rang bzhin no/ /de bzhin gshegs pa thams cad kyi mchod pa chen po zhes bya ba na 'di rnams de bzhin gshegs pa thams cad kyi byang chub kyi sems kyi byang chub kyis de bzhin gshegs pa thams cad mnyes par byed pa yin pas de skad ces bya'o/ /dbang mo yang yin la chen mo yang yin pas na dbang mo chen mo ste/ bcom ldan 'das nam mkha' i snying po ste/ de'i tshul gyi lha mo ni dbang mo chen mo zhes bya'o/ /snang ba chen mo zhes bya ba ni nam mkha' i khyab pa'i snang ba mnga' ba rdo rje nyi ma'i mtshan ma'i phyag rgya mnga' bas na snang ba chen mo ste/ rdo rje nyi ma'i tshul 'dzin pa'i lha mo'o/ /rin po che chen po'i char 'bebs pa ni rdo rje dpal te/ de'i gzugs 'dzin pa'i rig pa'i lha mo'o/ /rab tu dga' zhing mgu ma ni dga' ba chen mo nyid kyi mgu zhib yid bde ba mnga' bas rab tu dga' zhing mgu ba chen po ste/ rdo rje bzhad pa'i gzugs 'dzin gyi rigs pa'i lha mo chen mo'o/ /de bzhin gshegs pa thams cad kyi dbang bskur ba'i mchod pa zhes bya ba ni/ de bzhin gshegs pa thams cad kyi dbang bskur ba'i mchod pa'i rang bzhin no/ /ye shes chen mo'i glu zhes bya ba ni chos thams cad rang bzhin gyis rnam par dag pa'o/ zhes bya ba'i chos la nges pa'o/ /rdo rje chos de'i gzugs 'dzin pa'i glu rab tu len pa'i lha mo gang yin pa de ni ye shes chen po'i glu'o/ /dbyangs chen po ni 'jam pa'i dbyangs so/ /de'i rjes su 'gro ba gang yin pa de ni dbyangs chen mo'i rjes su 'brang ma'o/ /dkyil 'khor thams cad du 'jug pa ni lha mo 'di yod na dkyil 'khor thams cad du 'jug par 'gyur bas/ dkyil 'khor thams cad du 'jug pa ma ste/ rdo rje gzugs can gyi rig pa gang yin pa de'o/ /sngags kyi spyod pa ni rdo rje smra ba ste/ de'i gzugs can gyi rig pa gang yin pa ni sngags kyi spyod pa ma'o/ /de bzhin gshegs pa thams cad kyi chos kyi mchod pa ni shes rab kyi pha rol tu phyin pa'i chos kyi rang bzhin gyi mchod pa'o/ /sems ma can ni zhes bya ba la sems dpa' i rdo rje las so/ /de'i gzugs gang la mnga' ba de ni sems ma can no/ /byang chub kyi yan lag chen mo ni byang chub kyi yan lag bdun te/ de gang la mnga' ba de ni byang chub chen po'i yan lag can te/ rdo rje bsrung ba'i gzugs can no/ /mig ldan zhes bya ba ni gang la spyan mnga' ba gang yin pa de ni mig ldan ma ste/ rdo rje gnod sbyin gyi gzugs can no/ /dri ldan ma ni tshul khrims dang ting nge 'dzin dang/ shes rab dang/ rnam par grol ba dang/ rnam par grol ba'i ye shes mthong ba'i dri gang la mnga' ba de ni dri ldan ma ste/ rdo rje khu tshur gyi gzugs can no/ /de bzhin gshegs pa thams cad kyi las kyi mchod pa'o zhes bya ba ni/ de bzhin gshegs pa thams cad kyi brtson 'grus las kyi rang bzhin gyi mchod pa'o/ /rdo rje sems dpa' la sogs pa/ sgeg mo la sogs pa nas rdo rje 'bebs pa'i bar gyi rig pa ni gzungs kyi dkyil 'khor las gsungs pa yin par shes par bya'o/ /rnam par snang mdzad nas brtsams te/ rdo rje 'bebs pa'i bar du rang rang gi rig pa 'di rnams kyi sprul pa'i rjes thogs nyid la rang rang gi gnas su bkod pa ni las kyi dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa yin te/ 'dir de nas bcom ldan 'das zhes bya ba nas brtsams te/ de bzhin gshegs pa thams cad kyi las kyi mchod pa'i zhes bya ba'i gzhung gis ting nge 'dzin gnyis pa gsungs pa yin no// de nas bsdu ba dang byin gyis brlab pa nas brtsams te las kyi rgyal po mchog ces bya ba'i ting nge 'dzin gsum pa ni snga ma bzhin du blta bar bya'o/ /las kyi dkyil 'khor las gsungs pa'i sgrub pa rnams ni las kyi dkyil 'khor du dam tshig dang dbang bskur ba thob pas bya'o zhes bya brtan par bya ba'i phyir ro/ /de nas zhes pa las gsungs pa'i slob dpon gyi las kyi cho ga dang/ slob ma gzhug pa la sogs pa'i cho ga rgyas pa gsungs pa yin no/ /de nas zhes bya ba'i sgra ni de ma thag pa ste/ sngon du bsnyen pa'i rjes thogs la zhes bya ba'i tha tshig go / de yang rdo rje dbyings kyi dkyil 'khor chen po las gsungs pa'i cho gas dpal rdo rje sems dpa' i rnal 'byor gyis rnal 'byor chen po sngar bshad pa nyid byas pa'i rjes la/ sna tshogs rdo rje dang/ sna tshogs dril bu thogs la phyag rgya bzhi'i dkyil 'khor las gsungs pa'i cho gas rang gi snying gar las kyi dkyil 'khor sprul la/ rig pa thams cad re re zhing bzlas brjod khri bya ba ni 'dir sngon du bsnyen pa yin no/ /rdo rje rnams kyi bya ba ni rdo rje'i bya ba ste/ byang chub kyi sems bskyed pa la sogs pas sems can gyi don bya ba de'i phyir las kyi dkyil 'khor bshad do/ /de'i las ci zhig yin zhe na/ de bzhin gshegs pa ma lus shing lus pa med pa thams cad la mchod pa'i zhes bya ba gsungs te/ las de rdzogs par byed pa'o/ /de nas zhes bya ba la sogs pa la/ gang gi phyir las kyi dkyil 'khor las gsungs pa'i cho ga nyid kyis dam tshig dang dbang bskur ba thob pas las kyi dkyil 'khor las gsungs pa'i dngos grub rnams bsgrub par bya'o/ /gzhan dag gis ni ma yin te/ rgyu des rab tu bshad bya ba/ /las kyi dkyil 'khor dam pa ste bya ba'o/ /rdo rje dbyings dang 'dra bas na zhes bya ba ni sprul pa'i las kyi dkyil 'khor dang 'dra bar bya'o ming ji skad ces bya zhe na/ rdo rje'i bya ba zhes kyang grags zhes bya ba gsungs te/ grags zhes bya ba ni bshad pa'o/ /dkyil 'khor chen po'i tshul du ni/ /sangs rgyas sku rnams bzhag par bya/ zhes bya ba ni rdo rje dbyings kyi dkyil 'khor chen po bris la 'dir gsungs pa'i rig pa rnams kyis de bzhin gshegs pa lnga po snga ma bzhin du dkyil 'khor chen po las gsungs pa'i phyag rgya chen po nyid du bri bar bya'o/ zhes bya ba'i tha tshig go /rdo rje sems dpa' sogs tshul du/ /lha mo phyag rgya bcas pa bri/ /zhes bya ba ni rdo rje dbyings kyi dkyil 'khor chen po las gsungs pa'i rdo rje sems dpa' la sogs pa'i ting nge 'dzin nyid dang/ rdo rje dril bu la sogs pa'i phyag rgya rnams kyis rab tu dga' zhing bde ba nas brtsams te/ rdo rje 'babs pa'i bar gyi lha mo de rnams phyag rgya dang bcas pa bri bar bya'o/ /'di skad ston pa yin te/ 'dir rab tu dga' zhing bde ba ma le sogs pa ni rdo rje sems dpa' la sogs pa'i tshul dang/ dbyibs dang/ phyag mtshan bsnams pa bri bar bya'o/ /zhes bya ba'i tha tshig go /de nas zhes bya ba ni rdo rje dbyings kyi dkyil 'khor chen por 'jug pa'i tshul gyis las kyi dkyil 'khor las gsungs pa'i sems ma rdo rje ma bcings la/ slob dpon ji lta ba bzhin du 'jug par bya'o/ /de nas cho ga thams cad rjes su spyad la/ sna tshogs rdo rje dang sna tshogs dril bu thogs te bsdu bar byas nas/ slob ma gzhug pa'i gnad ba mnod pa'i rjes thogs nyid la zhes bya ba ni/ de nas zhes bya ba'i sgra'i don yin no/ /gzhug pa la sogs pa'i cho ga rgyas pa bshad ces bya ba ni/ gzhug pa la sogs pa'i cho ga rgyas pa/ gang yin pa de ni gzhug pa la sogs pa'i cho ga rgyas pa ste/ sogs pa'i sgra ni mna'i snying po dang/ dbang ba dang/ dbab pa nye bar bsdu ba la sogs pa bsdu'o/ /gzhug pa la sogs pa'i cho ga de yang rdo rje dbyings kyi dkyil 'khor chen por gsungs te 'dir khyad par ni 'di yin te/ las kyi dkyil 'khor las gsungs pa'i sems ma rdo rje ma bcings par bya'o/ /de la dang por zhes bya ba ni mna' la sogs pa'i mngon du zhes bya ba'i tha tshig go /rdo rje dbyings kyi dkyil 'khor du 'jug pa'i tshul gyis zhes bya ba ni rdo rje dbyings kyi dkyil 'khor du 'jug pa'i tshul gyis bcug nas kyang 'di skad ces brjod par bya'o/ /ci zhig brjod zhe na/ 'di ni zhes bya ba la sogs pa smos te/ de bzhin gshegs pa thams cad kyi mchod pa ni chen po la sogs pa'i mchod pa byed pa'o/ /dam tshig ni rgya'o/ gang zhig yin zhe na/ mchod pa bcu drug po 'di rnams zhes bya ba la/ las kyi dkyil 'khor gyi de bzhin gshegs pa thams cad kyi mchod pa 'di rnams ni dam tshig yin pas na/ de'i phyir der zhugs nas/ khyed kyi nyin re zhing zhes bya ba ni nyin re rer thun bzhi rab tu dga' zhing bde ma la sogs pa mchod pa bcu drug po 'di rnams ci nus su bya zhing sems kyis bsgom mo/ /ci nus su gyis shig ces bya ba ni rnam pa thams cad du bsgom mi nus na yang zhes ston pa yin no/ /thams cad kyi mtshan ma zhes bya ba ni sna tshogs kyi mtshan ma yin pas na thams cad kyi mtshan ma ste/ rdo rje las kyi mtshan ma zhes bya ba'i tha tshig go /de sbyin no/ /'dis ni 'di skad ston pa yin te/ sangs rgyas thams cad kyi sku rin po che'i dbu rgyan dang cod pan gyis dbang bskur la/ snga ma bzhin du rdo rje dpal gyi dam tshig gi phyag rgyas kyang sna tshogs rdo rje phreng ba'i dbang bskur ba byin la sna tshogs rdo rje lag par sbyin par bya'o/ /de ltar slob dpon gyi las kyi cho ga dang/ slob ma gzhug pa la sogs pa'i cho ga rgyas par bstan nas/ da ni dam tshig dang dbang bskur ba thob pa rnams la slob dpon gyis dngos grub kyi ye shes bslab par bya'o/ /zhes bstan pa lta ba'i phyir/ de nas zhes bya ba la sogs pa gsungs te/ de nas zhes bya ba ni de ltar gzhug pa la sogs pa'i cho ga rgyas pa'i rjes thogs bya ba'i don to/ byang chub kyang yin la chen po yan gyin pas na byang chub chen po ste/ bla na med pa yang dag par rdzogs pa'i byang chub po/ / de nyid ni sems te/ de la dmigs pa'i smon pa dang 'jug pa'i sems so/ /de bsgrub pa ni byang chub chen po'i sems sgrub pa ste/ rnal 'byor pas kyang de mngon sum du byed pa'o/ /de'i don gyi mchod pa'i phyag rgya dang/ de'i don gyi ye shes bstan cing bslab par bya'o/ /byang chub sems ni brtan bskyed pas zhes bya ba ni byang chub ste rnam par snang mdzad la sogs pa'i ngo bor sems dpa' ni byang chub kyi sems te/ de la dmigs pa'i sems zhes bya ba'i don to/ /de brtan par bskyed pa ni dbang por bdag ni rnam par snang mdzad do/ zhes pa'am/ bdag ni don yon par grub pa nyid do/ zhes bya bas mchog tu dad pas nga rgyal bskyed pa yin te/ de bas na bdag ni sangs rgyas yin bsam zhing zhes bya ba dang/ bdag ni rnam par snang mdzad do? zhes bya ba 'am/ bdag ni don yod par grub pa nyid do zhes bya ba'i bar du bsam zhing bsgoms la/ dga' bas zhes sgeg mos so/ /'di skad ston pa yin te/ bdag la byin gyis brlab pa la sogs pas de bzhin gshegs par bdag nyid ji lta ba bzhin du bskyed la/ de'i phyag rgya chen po bcings te/ rang gi snying gnas byang chub kyi sems kyi dga' ba sgeg mo'i gzugs su bton la/ gzugs brnyan dang 'dra ba des bdag nyid gzugs brnyan dang 'dra bar bsam zhing yang dag par sbyor bas zag pa med pa'i bde ba bskyed par bya'o/ /de lta bu'i tshul dang ldan pa'i dga' ba'i mchod pas bdag nyid mchod par byed na bdag nyid kyis thob cing rnyed par 'gyur ro/ /ci zhig thob par 'gyur zhe na/ sangs rgyas kyi ni bde ba'ang thob ces bya ba gsungs te/ sangs rgyas kyi bde ba ni byang chub pa'i bde ba ste/ de yang thob par 'gyur ro/ /yang zhes bya ba'i sgra ni 'jig rten pa'i bde ba rnams lta smos kyang ci dgos zhes ston to/ /de yang rdo rje rig pa yang dag sbyor/ /dga' ba'i rdo rje sems dga' yis/ /dga' ba'i 'dod chags bskyed nas ni/ /dga' ba'i mchog la 'jug par bya/ /bdag nyid sangs rgyas yin bsam la/ /bsgoms nas rab tu mchod byed cing/ /dga' ba chen po bde don du/ /rigs pa'i lha mor rab sbyor? bas/ /bdag nyid sangs rgyas nyid du 'gyur zhes gsungs pa yin no/ /byang chub sems ni brtan bskyed pas/ zhes bya ba la sogs pa ni snga ma dang 'dra'o/ /phreng ba la sogs rab mchod pas zhes bya ba la de la phreng ba ni rdo rje rin po che'i phreng ba'i sogs pa'i sgras ni gdu bu dang/ rna rgyan dang/ dbu rgyan la sogs pa bsdu ste/ phreng ba la sogs pa'i mchod pa khyad par can de rnams kyis yang dag par mchod na bdag nyid de bzhin gshegs pa rnams kyis sangs rgyas kyi skur dbang bskur bar 'gyur ro/ /'di skad ston pa yin te/ dga' ba'i gnas skabs de nyid du dpral ba'i phyogs su lha mo rin chen phreng ma sprul la/ des bdag nyid mchod par bya'o zhes bya ba'i tha tshig go /de yang mi 'jigs pa dang stobs sogs kyis/ /bdag nyid rang la dbang bskur na/ /sangs rgyas su ni dbang bskur 'gyur zhes gsungs pa yin no/ /byang chub sems ni brtan bskyed la zhes bya ba la sogs pa snga ma dang 'dra'o/ /snyam pa'i glu ni glu'i bde ba so so rang gi rig pa'i rnam pas chos la dmigs pa'i bzod pas mngon du byed pa las skyes pa gang yin pa de ni snyan pa'i glu'o/ /snyan pa'i glu'i bde ba de yang rnam pa du ma'i tshul gyis bskyed par bya ba yin pas glu'i rab tu mchod pas so/ /'di skad ston pa yin te/ rang gi lkog ma'i phyogs su rdo rje glu ma'i pi wang brdung ba la sogs pa sprul la/ dga' ba de nyid kyi dus su bdag nyid tshad med pa'i gzugs kyis bskur bar bsam zhing chos la dmigs pa'i bzod pa mngon sum du byed pas chos bdag med pa'i 'dod chags kyis dga' zhing rol bar byang chub sems ni brtan bskyed pas zhes bya ba la sogs pa ni snga ma dang 'dra'o/ /'dir yang don ni 'di yin te/ rang gi spyi bo'i phyogs su lha mo gar ma sprul la/ dga' ba'i dus nyid kyi tshe byang chub chen por spro ba bskyed pa rnam par 'phel bar bya zhing/ gar gyi phyag rgya bcings la des bdag nyid mchod par bsam par bya'o/ /de ltar byas pas rnal 'byor pa de sangs rgyas thams cad kyis kyang de mchod par 'gyur ro/ /de ltar byang chub kyi sems kyi mchod pa'i bsgrub pa bstan nas/ da ni de nas sangs rgyas thams cad mchod pa'i phyag rgya'i ye shes bslab par bya'o/ zhes bya ba la sogs pas tshogs kyi mchod pa gsungs pa yin te/ sangs rgyas thams cad la rnam pa bzhi'i phyag la sogs pa'i mchod pa ni phyag rgya ste/ de'i ye shes bslab par bya'o/ /lus dang zhes bya ba la sogs pa dang/ lus dang ngag dang sems ni lus dang ngag sems so/ /de nyid ni mi phyed pas na rdo rje'o/ /de rnams kyi mchog gi tshul gyis phyag 'tshal ba'o/ /'di skad ston la yin te/ bdag nyid kyi dngos po 'jig rten gyi khams thams cad kyi rdul phra rab dang mnyam pa'i byang chub sems dpa' chen po las sna tshogs pa'i gzugs kyis/ 'jig rten gyi khams rdul phra rab mnyam pa'i de bzhin gshegs pa thams cad la phyag 'tshal ba dang/ de bzhin du mchod pa'i tshogs thams cad kyis mchod na sems can thams cad kyi phyag bya bar 'os pa dang/ mchod par 'os par 'gyur ro/ /sangs rgyas thams cad bsod nams che/ zhes bya ba ni sangs rgyas thams cad kyi bsod nams kyang yin la/ chen po yang yin pas sangs rgyas thams cad bsod nams che zhes bya'o/ /de rnams kyang ji lta bu yin zhe na/ sku gsung thugs ni rdo rje skyes zhes bya ba ste sku dang gsung dang thugs rdo rje las byung ba de la rjes su yi rang ba de nyid ni mchod pa yin zhing de nyid kyis rang gi ngo bo gang yin pa de ni rjes su yi rang mchod pa'i bdag go / de lta bus ni myur du sangs rgyas thob par 'gyur zhes bya ba yin no/ /bdag dbul ba zhes bya ba na/ phyogs bcur byang chub sems dpa' kun tu bzang po'i gzugs kyis de bzhin gshegs pa thams cad kyi zhabs kyi drung du phyin to/ /de bzhin gshegs pa thams cad bsnyen bkur ba'i gzugs su bdag nyid dbul bar bya'o/ /de bas na lus dang ngag sems rdo rje yis/ /lha rdzas kyi ni zhes bya ba gsungs pa yin no/ /'di skad ston pa yin te/ bdag nyid de bzhin gshegs pa thams cad kyi bsnyen bkur ba byang chub sems dpa' chen po kun tu bzang po'i gzugs su bsams la/ /'jig rten dang 'jig rten las 'das pa'i mchod pa kun kyis sangs rgyas rnams te de bzhin gshegs pa thams cad mchod par bya'o/ zhes sems kyis bsams te/ mchod na de bzhin gshegs pa thams cad kyis kyang mchod par 'gyur ro/ /dge ba'i tshogs rnams thams cad ni zhes bya ba ni 'jig rten dang 'jig rten las 'das pa rnams so/ /ji lta bu zhe na/ lus dang ngag sems rdo rje yi/ /yongs su bsngo ba'i mchod pa yis/ zhes bya ba yin te/ 'dis ni sgrub pa'i mchod par 'gyur ba yin te yongs su bsngo ba'i mchod pa de rnams kyis cir 'gyur zhe na/ sangs rgyas kun dang mnyam par 'gyur zhes gsungs pa yin no/ /de ltar tshogs kyi mchod pa gsungs nas/ de nas zhes bya ba la sogs pas chos kyi mchod pa gsungs pa yin te/ chos kyi mchod pa'i phyag rgya ni shes rab kyi pha rol tu phyin pa'i chos bsgoms pa ste de'i ye shes bslab par bya'o/ /chos rnams rang bzhin 'od gsal ba zhes bya ba ni rang bzhin te/ ngo bo nyid kyis dri ma med pas rang bzhin 'od gsal ba'o/ /de dag kyang gang yin zhe na / chos rnams te pad+ma'i rigs kyi tshul rnams so/ /ci'i phyir de rang bzhin gyis 'od gsal ba yin zhe na/ gang gi phyir gzod nas dag ces bya ba gsungs te/ chu khams gser dang nam mkha' bzhin/ dag pa bzhin du dag par 'dod ces bya ba ste/ de bas na gdong ma nas dag pa yin no/ /de rnams kyi gzod ma nas dag pa de yang gang gis kyang byas pa ma yin no zhes bstan par bya ba'i phyir ro/ /ngo bo nyid kyis zhes bya ba gsungs te/ chos de rnams rang bzhin gyis gdong ma nas dag pa yin gyi/ de rnams gzhan gyis dag par byas pa ni ma yin no/ /de ltar rnal 'byor pas chos 'di dag bdag med par bsgoms pa'i de bzhin gshegs pa'i sgrub pa'i mchod pa des de bzhin gshegs pa rnams la mchod pa byas pa de ni chos rnams ngo bo nyid kyis dag par bsnyoms pas chos bdag med pa'i ngo bo las byung ba'i bde ba thob cing nyams su myong bar 'gyur ro/ /a zhes bya ba sgo zhes brjod ces bya ba ni a ni gdong ma nas ma skyes pa'i phyir/ chos thams cad kyi sgo'o zhes de ltar brjod cing bsgoms zhing smra ba'o/ /de la yi ge ? skyes pa'i don ston pa yin la/ de ni sgo de sgo des chos bdag med pa mngon sum du byed pas chos bdag med pa rtogs pa'i sgo yin no/ /de'i phyir chos rnams kun ni 'dus pa'i zhes bya ba la sogs pa gsungs pa yin te/ 'dus pa zhes bya ba ni phan tshun tha dad par gnas pa rnams bdag med pa'i lag pas tshul gcig tu sdud pa ste/ dngos po med pa'i ngo bo nyid du yongs su gcod pa zhes bya ba'i tha tshig go /chos kyi phyag rgya 'di yis ni zhes bya ba ni bshad ma thag pa ste/ ma skyes par bsgoms pa'i mtshan nyid kyis so/ /de yis sdug bsngal thams cad gcod ces bya ba ni shes rab kyi pha rol tu phyin pa'i ral gris chos bdag med pa bsgom pa de'i 'jig rten dang 'jig rten las 'das pa'i rgud pa'i sdug bsngal mang po gcod cing med par byed do/ /'dir ni zhes bya ba la sogs pa la chos rnams kyang yin la thams cad kyang yin pas na chos rnams thams cad de byang chub kyi sems bskyed pa la sogs pa'o/ /rdo rje sems dpa' la sogs pa de thams cad dang 'jig rten pa rnams bskyed pa'i rgyu ni de bzhin gshegs pa rnams kyi dmigs su med pa'i thugs rje chen po'i mtshan nyid rdo rje rgya'o/ /yang dag pa'i bsgom pa'i dam pa'i chos kyi 'khor lo'i mchod pa bsgrub pa'i mchod pa'i rang bzhin 'di yis mchod cing mnyes par byas pas rnal 'byor pa chos ni 'dzin par 'gyur zhes bya ba rdo rje rgyur 'gyur ro/ /chos rnams thams cad rang bzhin gyis zhes bya ba ni ji skad du bshad pa'i chos thams cad rang bzhin te ngo bo nyid kyis so/ /sgra brnyan dag dang 'dra bar bshad de zhes bya ba la/ de la sgra brnyan ni brag ca ste/ ji ltar 'khrul pa tsam ni rnam par dpyad na ma skyes pa yin pa de bzhin du snying po dang/ phyag rgya dang/ sngags dang/ rig pa rnams kyi sgra'i tshul ni ma skyes pa yin no zhes bsgoms la/ chos kyi mchod pa 'di dag gis zhes bya ba bshad ma thag pa bsgoms pa'i mtshan nyid kyis mchod na/ sangs rgyas gsung yang thob ces bya ba ste/ chos thams cad sgra brnyan dang 'dra bar ston pa'i de bzhin gshegs pa'i ljags thob par 'gyur ba ste/ rdo rje smra bar 'gyur ro zhes bya ba'i tha tshig go /de ltar chos kyi mchod pa bstan nas/ da ni de nas zhes bya ba la sogs pas ting nge 'dzin gyi mchod pa gsungs pa yin te/ de nas zhes bya ba rjes thogs nyid la ting nge 'dzin gyi rang bzhin can gyi mchod pa'i phyag rgya ni ting nge 'dzin gyi mchod pa'i phyag rgya ste/ de'i ye shes bstan cing bslab par bya'o/ lus dang ngag sems rdo rje la/ rang gi rdul ni phra mo rnams zhes bya ba ni rdo rje dbyings kyi dkyil 'khor chen po las gsungs pa'i cho gas rang gi lha'i rnal 'byor byas la/ rang gi lha'i rnal 'byor gyis lus rdo rje dang rang gi lce rdo rje dang rang gi snying gar gnas pa'i zla ba dang/ rdo rje'i rang bzhin gyi sems kyi rdo rje de rnams la rang gi lce bdag nyid kyi rdul ni phra mo rnams te/ rdul phra rab ji snyed gcig lus dang/ ngag dang/ sems rdo rje la yod pa de rnams tshad med pa'i rdo rje'i dbyibs su bsgoms nas ni zhes bya ba de rnams rdo rje rtse lnga pa lta bur bsgoms na/ rnal 'byor pa rdo rjer bskyed pas rdo rje'i bdag nyid du myur zhing rings par thob par 'gyur ro/ /'di skad ston pa yin te/ bdag la byin gyis brlab pa la sogs pa byas pa'i rjes la/ las kyi dkyil 'khor las gsungs pa'i phyag rgya chen po dang/ dam tshig gi phyag rgya dang/ chos kyi phyag rgya dang/ las kyi phyag rgya bcing bar bya'o/ /de nas lus dang ngag dang sems kyi rdo rje phra mo'i dbyibs lta bur nyin de zhing bsgom pa'i dus su de'i gzugs su dus ji srid kyis sa mthong bar gyur pa de srid kyi bar du bsgom par bya'o/ /de nas mtshan thog thag bsgoms na rang lha'i sku mi chod pa dang/ mi shigs pa rdo rje'i bdag nyid can 'grub par 'gyur zhing/ lus de nyid kyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /lus dang ngag sems rdo rje yi zhes bya ba ni snga ma dang 'dra ba'o/ /sangs rgyas kun zhes bya ba ni de bzhin gshegs pa rnam par snang mdzad dang/ mi bskyod pa dang/ rin chen 'byung ldan dang/ 'od dpag tu med pa dang/ don yod grub pa rnams so/ /'di dag thams cad kyang nges pa can gyi dus su bsgom par bya ba yin la/ 'on kyang gang la lhag par mos par bya ba gcig po de nyid kyi skus/ lus dang ngag dang sems kyi rdo rje thams cad kyis phra rab kyis gsal bar khyab pa'i dbye bas phye ba tshad med pa'i gzugs brnyan dang 'dra bar rang gi ngo bo byas par ji srid mngon sum du mthong zhing brtan par gyur pa de srid kyi bar du bsgom par bya'o/ /de nas sangs rgyas kyi sku de rnams kyi nam mkha' i dbyings thams cad khyab par bsam mo/ /bsgoms pas dub par gyur na snga ma bzhin du bsdus la sangs rgyas kyi sku brtan par byas te/ ldang bar bya'o ji srid sangs rgyas kyi sku rnams kyis nam mkha' khyab par mthong ba de srid kyi bar du bsgoms par bya'o/ /de na mtshan thog thag bsgoms na sangs rgyas rjes su dran pa'i ting nge 'dzin thob par 'gyur ro/ /de nas lus de nyid kyis bla na med pa yang dag par rdzogs pa'i byang chub mngon du byed do/ /de bas na chos kyi skur ni myur du 'gyur zhes gsungs pa yin no/ /lus dang ngag sems rdo rje yi/ /rang gi rdul ni phra mo rnams zhes bya ba ni snga ma dang 'dra ste/ rang gi lus kyi phra rab rdo rje dang/ dril bu bsnams pa'i rdo rje sems dpa' i skur bsam par bya'o/ /de nas snga ma bzhin du brtan par byas la/ mtshan thog thag bsgoms na rdo rje sems dpa' dang mnyam par 'gyur ro/ /lus dang ngag dang sems zhes bya ba ni snga ma dang 'dra'o/ /sangs rgyas kyi ni skur bsgoms na/ /rdzogs pa'i sangs rgyas nyid du 'gyur zhes bya ba ni/ de bzhin du cho ga thams cad rjes su spyad la mtshan thog thag bzlas na rdzogs pa'i sangs rgyas nyid thob par 'gyur ro/ /rdzogs pa'i sangs rgyas nyid du 'gyur/ zhes bya ba snga ma dang 'di la khyad par ci zhig yod ce na/ snga ma ni gzugs brnyan dang 'dra ba sangs rgyas bsgom pa'i sgo nas chos kyi sku bsgom pa gsungs pa yin no/ /'dir gzugs kyi sku bsgom pa nyid yin pas khyad par 'di yod do/ /de nas zhes bya ba ni gsang ba gzung bar 'os par shes nas so/ /gsang ba'i mchod pa'i phyag rgya'i ye shes bya ba la/ de la gsang ba'i sgras ni lus kyi 'khyud pa la sogs pa'i bsgom pa bzhi po la bya bar bshad de/ de las byung ba'i bde ba ni gsang bar gyur pa yin pas na gsang ba'o/ /de nyid ni mchod pa'i phyag rgya de sgrub pa'i tshul yin la/ de'i ye shes brtag cing brtan par bya'o/ /lus kyang yin la kun kyang yin pas na lus kun te/ bcom ldan 'das rdo rje sems dpa' i chos kyi sku dang gzugs kyi sku'o/ /de yongs su 'khyud pa ni gcig tu gyur par lhag par mos pa ste/ de bsam gtan las byung ba'i bde ba gang zhig skyes pa de thams cad ni lus kun gyi ? ba'i bde ba'o/ /de nyid ni mchod pa ste/ sgrub pa'i mchod pa'o/ /su zhig la mchod ce na/ rab 'byung la ni ste/ sangs rgyas bcom ldan 'das la phul zhing bstabs par bsgoms pas myur du 'gyur ro/ /cir 'gyur zhe na/ rdo rje sems dpa' dang 'dra bar rnal 'byor pa de 'gyur te/ rdo rje sems dpa' dang mnyam pa nyid du 'gyur ro/ /'di skad ston pa yin te/ rdo rje dbyings kyi dkyil 'khor chen po las gsungs pa'i rdo rje sems dpa' i rnal 'byor byas pa'i rjes la las kyi dkyil 'khor las gsungs pa'i bcom ldan 'das kyi phyag rgya chen po bcing bar bya'o/ /de nas mdun du bcom ldan 'das rdo rje sems dpa' bsdus pa ras ris la sogs pa spyan drangs la/ las kyi dkyil 'khor las gsungs pa'i rdo rje lcags kyu la sogs pa'i las kyi phyag rgya rnams kyis dgug pa dang/ gzhug pa dang bcing ba dang/ dbang du bya ba la/ las kyi dkyil 'khor las gsungs pa'i phyag rgya bzhis rgyas btab nas dbang bskur la mchod pa thams cad kyi yang dag par mchod la/ phyag byas nas de bzhin gshegs pa thams cad kyi dbus na gnas pa'i yid dang/ de las 'khyud par bya zhing chos kyi sku'i tshul dang gzugs kyi sku'i tshul gyis de dang lhan cig bdag nyid tha mi dad cing dbyer med par ji srid mngon sum du rang nyid mthong ba de srid kyi bar du bsgom par bya'o/ /de nas 'jig rten gyi khams thams cad kyi rdul phra rab dang mnyam pa'i de bzhin gshegs pa thams cad kyi gzugs dang/ chos kyi sku la rang rang gi ngo bo rdo rje sems dpa' i sku dang 'khyud pa'i sbyor ba nyid dbul zhing de bzhin gshegs pa thams cad rdo rje sems dpar gyur pa ji srid skyo bar ma gyur pa de srid kyi bar du bsgom par bya'o/ /dub par gyur na snga ma bzhin du bsdu bar bya zhing brtan par byas la ldang bar bya'o/ /de ltar nyin re zhing ji srid nam mkha' thams cad rdo rje sems dpa' i rang bzhin du mthong ba de srid kyi bar du bsgom par bya'o/ /de nas mtshan thog thag bsgoms na rdo rje sems dpa' dang 'dra bar 'gyur ro/ /shin tu chags par zhes bya ba la sogs pa la/ shin tu chags pa yang yin la rjes su chags pa yang yin pas na shin tu chags pa ste/ byang chub sems dpa' chen po rdo rje rig tshan bsgoms pas de'i rang bzhin du 'gyur ba'o/ /sbyor ba des 'phags pa nam mkha' i snying po dang lhan cig tu 'gyur bar nges pa ste/ de nyid skra nas dam du bzung ba dang 'dra bar rnam par rtog pas phyed par mi nus par dam du gzung ba'i sgras ston to/ /shin tu chags par sbyor ba de skra nas bzung ba las bde ba gang zhig skyes pa de ni shin tu chags pa'i sbyor ba yis/ dam du bzung ba ni zhes bya ba ste/ de ltar bshad pa'i rdo rje sems dpa' bsgrub pa'i tshul gyis sangs rgyas rnams kyi sku phul bar 'gyur na rdo rje rin chen dang 'dra bar 'gyur ro/ /shin tu dga' ba mnga' bas na shin tu dga' zhing ste/ bcom ldan 'das rdo rje chos so/ /de'i chos thams cad rang bzhin gyis rnam par dag pa zhes bya ba'i ting nge 'dzin thob pas/ gzung ba dang 'dzin pa'i rnam par rtog pas bskyod par mi nus pa'i phyir zag pa med pa'i dga' ba'i rang bzhin skye ba yin la de bas na shin tu brtan par gyur pa yin no/ /shin tu brtan pa'i dga' ba des rdo rje chos dang lhan cig yang dag par sbyor bar bsgoms pa las rnal 'byor pa rnams la bde ba gang zhig skye ba de ni shin tu dga' zhing bde ba'o/ / der chags pas na shin tu dga' zhing bde ba la chags pa ste/ des bstan par gyur pas/ chos thams cad rang bzhin gyis rnam par dag pa'o/ zhes bya ba'i ting nge 'dzin gyis rdo rje chos kyi sku'i rang bzhin dang gzugs kyi sku'i rang bzhin mngon du byed pa'o/ /de nyid ni mchog ste dam pa'o/ /de las byung ba'i bde ba'i bde ba sngar bshad pa'i tshul gyis sangs rgyas rnams la phul na ni rdo rje chos dang 'dra bar 'gyur ro/ /dbang po gnyis zhes bya ba la sogs pa gnyis kyis dbang po ni dbang po gnyis te/ sgrub pa po dang rdo rje las kyi'o/ /de'i dbang po gnyis mnyam par sbyor ba ni snyoms par 'jug pas gcig tu bya'o/ /de'i sgom pa ni dbang po gnyis ni mnyam par sbyor ba'i kun nas sbyor ba zhes bya ba ste/ de las byung ba'i dbang po gnyis mnyam par kun tu sbyor ba'i bde ba ste/ de thams cad du ste phyogs bcur mchod phyir zhes mchod pa'i don du phul bar gyur na/ byang chub sems dpa' rdo rje las kyi ngo bo dang 'dra bar dngos po thams cad rdzogs pa'i rgyur 'gyur ro/ zhes bya ba'i tha tshig go / mchod pa'i rnam pa nyi shu po 'di dag gi nang nas byang chub kyi sems dang/ tshogs dang/ chos dang/ ting nge 'dzin gyis mchod pas bdag nyid yang dag par mchod la gang yang rung ba gcig bsgoms te bsgrub par bya'o/ /de ltar dngos grub kyi ye shes bstan nas/ las kyi dkyil 'khor las gsungs pa'i dngos grub rnams ni rdo rje dbyings kyi dkyil 'khor las gsungs pa'i lha'i rnal 'byor byas la/ de nyid las gsungs pa'i cho ga byas nas/ de'i rjes la las kyi dkyil 'khor las gsungs pa'i phyag rgya chen po dang/ dam tshig dang/ chos dang/ las kyi phyag rgya bcing ste bsgrub par bya ba dang/ las kyi dkyil 'khor gyi ras ris la sogs pas lha rnams spyan drangs nas/ las kyi dkyil 'khor las gsungs pa'i phyag rgya bzhis rgyas gdab par bya'o zhes bstan par bya ba'i phyir/ de nas zhes bya ba la sogs pa gsungs te/ de bzhin gshegs pa thams cad kyi mchod pa'i sprin las ni las kyi dkyil 'khor ro/ /de'i phyag rgya chen po ni sku ston par byed pas lag pas byed pa'i tshul te/ de'i ye shes bslab par bya'o/ /snying ga'i rtsib logs rgyab sbyar ba zhes bya ba ni rdo rje de dang/ bcas pa'i lag pa gnyis rang gi snying ga'i phyogs su 'dzin pa ni rab tu dga' zhing pad ma'i phyag rgya chen po'o/ /rtsib logs g.yas par lcags kyu bya ba ni de bzhin gshegs pa thams cad spyan 'dren ma'i 'o/ /rtsib logs g.yon par mda' dang gzhur bcas pa ni de bzhin gshegs pa thams cad mnyes par byed ma'i 'o/ /rgyab tu legs so zhes bya ba ni de bzhin gshegs pa thams cad dgyes par byed ma'i'o/ /dpral ba la sogs pa de bzhin du zhes bya ba ni rdo rje rin po che dang bcas pa'i lag pa gnyis dpral ba'i phyogs su bzhag pa ni dbang mo che'i phyag rgya chen po'o/ /rdo rje dang bcas pa'i nyi ma'i mgo'i rgyab tu bzhag pa ni snang ba chen mo'i'o/ /yid bzhin gyi nor bu dang bcas pa'i rgyal mtshan phrag par bzhag pa ni rin po che'i char 'bebs ma'i'o/ /rdo rje gnyis kyi nang du chud pa'i so'i phreng ba dang ldan pa rgod pa'i tshul du yongs su bzlog nas kha'i thad kar bzhag pa 'di ni dga' zhing mgu ma'i 'o/ /kha dang rna mgo ltag pa zhes bya ba ni/ rdo rje dang bcas pa'i pad+ma'i lag pa gnyis khar bzhag pa ni ye shes chen mo glu ma'i 'o/ /rdo rje dang bcas pa'i ral gri rna ba g.yas par bzhag pa ni dbyangs chen mo'i rjes su 'brang ma'i 'o/ /rdo rje dang bcas pa'i 'khor lo rna ba g.yon par bzhag pa ni dkyil 'khor thams cad du 'jug pa ma'i'o/ /rdo rje dang bcas pa'i lce ltag pa ste mgo bo'i rgyab tu bzhag pa ni sngags kyi spyod pa ma'i'o/ / spyi bo kha gyed bzhag ces bya ba ni sna tshogs rdo rje lag pa gnyis spyi bor bzhag pa ni sems can gyi phyag rgya chen po'o/ /rdo rje dang bcas pa'i go cha phrag par bzhag pa ni byang chub chen po'i yan lag can ma'i 'o/ /rdo rje dang bcas pa'i mche ba khar bzhag pa ni mig ldan ma'i 'o/ /dam tshig gi khu tshur dang bcas pa'i lag pa gnyis rked par bzhag pa ni dri ldan ma'i phyag rgya chen mo yin no/ /phyag rgya chen po ma gsungs pa rnams ni rdo rje dbyings kyi dum bu dang/ gzungs kyi dkyil 'khor las gsungs pa nyid yin par shes par bya'o/ /de nas zhes bya ba ni phyag rgya chen po'i ye shes kyi rjes thogs nyid la'o/ /de bzhin gshegs pa thams cad kyi mchod pa'i dam tshig gi phyag rgya'i ye shes bslab par bya'o/ /zhes bya ba ni mchod pa'i las kyi rgyu'i dkyil 'khor ni mchod pa'i las te/ de'i dam tshig gi phyag rgya ni thugs kyi gsang ba ston par byed pa ste/ de'i ye shes ni nges pa ste/ de bstan cing bslab par bya'o/ zhes bya ba ni mchod pa'i las te/ phyag rgya chen po'i tshul gyis ni/ /rdo rje bcing ba dam byas la/ /snying ga la sogs gnas rnams su/ /bzhag nas rgyal ba rnams mchod do/ zhes bya ba ni rdo rje bsdams pa bcings te/ snying gar bzhag pa ni de bzhin gshegs pa thams cad kyi rab tu dga' zhing bde ba ma'i dam tshig gi phyag rgya'o/ / g.yas logs su bzhag pa ni de bzhin gshegs pa thams cad spyan 'dren ma'i 'o/ /g.yon logs su bzhag pa ni de bzhin gshegs pa thams cad mnyes par byed ma'i 'o/ /ltag par bzhag pa ni de bzhin gshegs pa thams cad dgyes par byed ma'i 'o/ /dpral bar bzhag pa ni dbang mo chen mo'o/ /mgo bo'i rgyab tu bzhag pa ni snang ba chen po'i 'o/ /phrag pa g.yon par bzhag pa ni rin po che chen po'i char 'bebs ma'i'o/ /khar rgod pa'i tshul gyis rab tu sbyar ba ni rab tu dga' zhing mgu ma'i 'o/ /khar bzhag pa ni dbyangs chen ma'i 'o/ /rna ba g.yas par bzhag pa ni dbyangs chen mo'i rjes su 'brang ma'i 'o/ /rna ba g.yon par bzhag pa ni dkyil 'khor thams cad du 'jug ma'i'o/ /mgo bo'i ltag tu bzhag pa ni sngags kyi spyod ma'i 'o/ /spyi bor bzhag pa ni sems ma can gyi'o/ /phrag pa gnyis su bzhag pa ni byang chub chen po'i yan lag can gyi'o/ /khar bzhag pa ni mig ldan ma'i'o/ /rdo rje bsdams pa bcings la rked pa'i phyogs su bzhag pa ni dri ldan ma'i'o/ /dam tshig gi phyag rgya'o/ /gzhan dag ni rdo rje dbyings kyi dum bu dang/ gzungs kyi dkyil 'khor las gsungs pa nyid dam tshig phyag rgya yin no/ /de nas zhes bya ba la sogs pa ni snga ma dang 'dra'o/ /de bzhin gshegs pa thams cad kyi mchod pa ni las kyi dkyil 'khor ro/ /de'i chos ni chos kyi phyag rgya ste/ de'i ye shes bslab par bya'o/ /aoM g+hya spya sa ti raM kaM na khaM shaM hUM ti sha ho shi ho zhes bya ba'i bar 'di dag ni rab tu dga' zhing bde ba ma nas brtsams te/ lha mo dri ldan ma'i bar chos kyi phyag rgya yin te/ lce la bkod nas bsgrub par bya'o/ /rnam par snang mdzad la sogs pa'i ni gzungs kyi dkyil 'khor las gsungs pa nyid bzung la bsgrub par bya'o/ /las kyi phyag rgya mdor bsdus nas/ las kyi phyag rgya gnyis su bya/ zhes bya ba ni brtson 'grus kyi las ston par byed pa'i phyag rgya rnams ni las kyi phyag rgya'o/ /mdor bsdus na zhes bya ba ni mdo nyid du bsdus pa'o/ /las zhes bya ba ni las kyi dkyil 'khor ro/ /de'i phyag rgya ni dri ldan ma'i dam tshig gi phyag rgya'o/ /de gnyis su bya ba ni rdo rje dbyings kyi dkyil 'khor las gsungs pa'i tshul du sbyar na/ thams cad kyi las kyi phyag rgyar 'gyur ro/ /de'i mtshan ma ni 'di yin te/ 'di ltar rked par bzhag pa'i rdo rje bcing ba zhes bya ba de gnyis su byas la/ g.yon pa'i rdo rje mdzub mo ni/ /g.yas pa'i nang du bsgreng bar bya/ /byang chub mchog gi phyag rgya ni/ /sangs rgyas byang chub sbyin byed pa'o/ /mi g.yo ba yis reg pa/ /de bzhin rin chen mchog sbyin pa'o/ /tshe dpag med pa'i ting 'dzin mchog /gdon mi za ba'i mi 'jigs sbyin/ /de nas las kyi phyag rgya rnams/ /mdor bsdus rab tu bshad par bya'o/ /rdo rje sems sogs sems dpa' rnams/ /rdo rje'i las rnams byed pa ste/ bsgyings bcas gsor ba gnyis ka yis/ /lcags kyu 'dzin ltar gnas pa dang/ /mda' phang ba yi tshul dang ni/ /legs so zhes ni snying gar bzhag /dbang bskur ba ni rdo rje gnyis/ /snying gar nyi ma brtan par bya/ g.yon pa la ni gru mo gzugs/ /de bzhin kha phyogs bskor bar bya/ /g.yas pa yis ni g.yon par dbye/ /snying gar g.yon par ral gri mdud/ /mgal me'i 'khor lo bskor ba dang/ /rdo rje gnyis ka kha nas dbyung/ /rdo rje gar bskor bkrol ba yis/ / thal mo 'gram pa spyi bor bzhag / go cha mthe chung mche ba mchog /khu tshur gnyis kyis mnan pa'o/ /rdo rje 'gying ba'i tshul gyis su/ /bsam pa g.yos pas 'dud par bya/ /phreng ba bcing dang kha nas dbyung/ /rdo rje gar ni bskor ba yin/ /rdo rje khu tshur tshul gyis ni/ /bdug pa la sogs de bzhin sbyin/ /sangs rgyas kun la mchod pa yin/ /phyag rgya'i mchod pa byed pa'o/ /mdzub mo lcags kyu bcing ba ni/ /mthe chung la steng lcags kyu che/ /'khrig ma mdud pa mdzub gnyis gdub// rgyab gnyis kyang ni bsnyams te mnan/ zhes bya ba'o/ /las kyi dkyil 'khor gyi 'grel pa'o/ /de ltar rgya chen po la dga' ba'i sems can rnams las brtsams te/ dkyil 'khor gsungs nas/ nga ni de nas zhes bya ba la sogs pas rgya chen pos 'jigs shing smrag pa bar ma la dga' ba'i sems can rnams las brtsams te/ de bzhin gshegs pa'i rigs bsdus par gyur ba phyag rgya bzhi'i dkyil 'khor gsungs pa yin no/ /de nas zhes bya ba'i sgras ni de ma thag pa ste/ dang po sbyor ba'i rjes thogs nyid la zhes bya ba'i tha tshig go / 'dir dang po sbyor ba'i ting nge 'dzin ni rdo rje dbyings kyi dkyil 'khor chen po las gsungs pa'i rdo rje sems dpa' sprul pa yin par gzung ngo/ /de bzhin gshegs pa thams cad de mi bskyod pa la sogs pa'i byin gyis brlabs kyis shes pa'i mthus so/ /de bzhin gshegs pa thams cad kyi rigs bskyed nas zhes bya ba ni/ bshad ma thag pa'i rdo rje dbyings la sogs pa'i dkyil 'khor bzhi bskyod nas/ de ltar gsungs pa'i de bzhin gshegs pa thams cad dang/ de bzhin gshegs pa'i rigs rdo rje sems dpa' la sogs pa 'di dang 'brel pa'i rtog pa chen po'i cho ga rgyas pa'i dkyil 'khor bzhi por bstan pa'i dngos grub thams cad bsdus pa'i don du ji skad bshad pa'i don gyi dngos grub la sogs pa nye bar bsdu zhing yang dag par bsdus pa de'i don du/ de bzhin gshegs pa thams cad kyi phyag rgya zhes bya ba phyag rgya bzhi'i dkyil 'khor de/ gang gi phyir des de bzhin gshegs pa rnams kyi dngos grub thams cad bsdus par gyur pas sems can gyi khams ma lus pa rgyas 'debs shing dngos grub thams cad bsgrub par nus par gzugs brnyan bskyed la phyag rgya de'i snying po thugs la gnas par 'di smras pa ni gsungs pa'o/ /de ltar re zhig bcom ldan 'das rnam par snang mdzad kyis rang gi phyag rgya bzhi'i dkyil 'khor sprul nas/ da ni mi bskyod pa dang rin chen 'byung ldan dang/ 'od dpag tu med pa dang don yod par grub pa rang rang gi phyag rgya bzhi'i dkyil 'khor sprul pa brtan pa'i phyir/ de nas zhes bya ba la sogs pa gsungs pa yin te/ thams cad rang gi phyag rgya bzhi'i dkyil 'khor rang nyid kyis sprul cing/ de bzhin gshegs pa thams cad kyi byin gyis brlabs te/ bzhugs so zhes bya bar shes par bya'o/ /'dir yang de bzhin gshegs pa lnga dang rdo rje sems dpa' i phyag rgya bzhi'i dkyil 'khor gyi dang po sbyor ba'i dus su nges par bya dgos te/ de bzhin gshegs pa rnams gcig tu byon pa med pa'i phyir dang/ rdo rje sems dpa' med par dkyil 'khor gyi 'khor lor 'jug pa yod pa ma yin pa dang/ de bzhin gshegs pa thams cad kyi rigs kyi 'khor los sgyur ba de nyid du dbang bskur ba yin pa'i phyir ro/ /yang na 'og min du mngon par byang chub pa tsam na dang po sbyor ba nyid du bshad pa der yang rang gi rigs sprul pa bkod pa byin gyis brlab pa dkyil 'khor gyi rgyal po mchog ni ri rab kyi steng du rdo rje sems dpa' dang bcas pas phyag rgya bzhi'i dkyil 'khor sprul par 'dod pa yin no/ /de bas na phyag rgya bzhi'i dkyil 'khor re re sprul pa la/ de bzhin gshegs pa lnga dang/ rdo rje sems dpa' bya dgos so/ /phyag rgya bzhi'i dkyil 'khor sprul pa'i dkyil 'khor lnga las kyang thams cad gcig tu gyur nas phyag rgya bzhi'i dkyil 'khor rgyal po mchog gi ting nge 'dzin la snyoms par zhugs te gnas par bya'o zhes bshad pa yin no/ /gzhung 'di tsam gyis ni phyag rgya'i dkyil 'khor gyi dkyil 'khor rgyal po mchog gi ting nge 'dzin lnga gsungs pa yin no/ /de nas bsdu ba dang byin gyis brlabs pa nas brtsams te/ rdo rje dbyings kyi dkyil 'khor chen por gsungs pa'i cho gas las kyi rgyal po mchog gi ting nge 'dzin lnga po shes par bya'o/ /de ltar ting nge 'dzin gsum bsgom pa byas pas mtshan ma thob pas rdo rje dbyings kyi dkyil 'khor chen po las gsungs pa'i cho gas rdo rje sems dpa' i rnal 'byor dang ldan pa'i rnam 'byor chen po byas la/ phyag rgya bzhi'i dkyil 'khor bris te/ rdo rje dbyings kyi dum bu las gsungs pa'i dngos grub thams cad phyag rgya bzhi'i dkyil 'khor du dam tshig dang dbang bskur ba thob par bsgrub par bya ba yin pas na/ de nas zhes bya ba la sogs pa slob dpon gyi las kyi cho ga dang/ slob ma gzhug pa la sogs pa'i cho ga rgyas par gsungs pa yin no/ /rang gi byin gyis brlab kyis/ zhes bya ba ni dmigs su med pa'i thugs rje chen po'i mtshan nyid can gyi rang gi nus pas so/ /de bzhin gshegs pa thams cad kyi rigs bskyed nas zhes bya ba ni ji skad du bshad pa'i dkyil 'khor chen po la sogs pa bzhi bskyed do/ /dngos grub thams cad bsdus pa ni sngar bshad pa ste de'i phyir ro/ /rdo rje dngos grub ces bya ba ni/ sems dpa' rdo rje rtse lnga pa las dngos grub pa 'di la mda' bas na rdo rje dngos grub ste/ bcom ldan 'das rnam par snang mdzad do/ /des nye bar mtshon pa'i dkyil 'khor ni rdo rje dngos grub ces bya ba ste/ dkyil 'khor de bshad do/ /zhes bya ba ni bka' bka' stsal ba ste/ bcom ldan 'das rnam par snang mdzad kyi phyag rgya bzhi pa'i dkyil 'khor gsungs so/ zhes bya ba'i don to/ /de nas zhes bya ba la gang gi phyir bar ma la dga' ba rnams phyag rgya bzhi'i dkyil 'khor du ji srid dam tshig ma thob cing dbang? ma bskur ba de srid kyi bar du rdo rje dbyings kyi dum bu las gsungs pa'i dngos grub rnams bsgrub pa'i bskal pa dang ldan par gyur pa ma yin pas/ rgyu des na des rjes su gzung bar bya ba'i phyir/ yang dag par rab tu phye ste bshad par bya'o/ /ci zhig bshad par bya zhe na/ phyag rgya'i dkyil 'khor dam pa ste/ zhes bya ba gsungs te/ phyag rgya rnams kyi dkyil 'khor ni phyag rgya'i dkyil 'khor te/ phyag rgya bzhi'i dkyil 'khor dam pa ste/ dam mchog ste/ dngos grub thams cad bsdus pa'i tshul gyis dam par gyur pa zhes bya ba'i tha tshig go / dbyibs ji lta bu zhe na/ rdo rje dbyings dang 'dra bar na zhes bya bas gsungs te/ sprul ba'i phyag rgya bzhi'i dkyil 'khor dang 'dra bar zhes bya ba'i tha tshig go /ming ji skad ces bya ba zhe na/ rdo rje dngos grub ces kyang grags shing bya ba gsungs te/ grags pa ni bshad pa'o/ /dkyil 'khor chen po'i tshul du zhes bya ba ni rdo rje dbyings kyi dkyil 'khor chen po'i dbyibs su mkhas pa srad bu bri bar bya ba'o/ /thog mar sangs rgyas thugs bzhag ste/ phyag rgya bzhi ni bri bar bya/ zhes bya ba ni dang por bcom ldan 'das rnam par snang mdzad sngar bshad pa'i mtshan nyid can dbus su bzhag la/ mi bskyod pa'i gnas su satwa badzri zhes zlos shing rdo rje sems ma rin chen 'byung ldan gyi gnas su ratna badzri zhes bya bas rin chen sems ma/ 'od dpag tu med pa'i gnas su ni d+harmmA badzri zhes bya bas rdo rje chos ma/ don yod par grub pa'i gnas su karmma badzri zhes bya bas rdo rje las mar bshad pa'i mtshan nyid can legs par bri bar bya'o/ /'di nyid bstan pa ni phyag rgya bzhi ni bri bar bya zhes bya ba bstan pa yin no/ /zla ba'i dkyil 'khor dbus su ni/ rdo rje phyag rgya la sogs bri zhes pa yin no/ /de nas zhes bya ba'i sgra ni de ma thag pa'o/ /gang gi zhe na slob dpon rang nyid de rdo rje dbyings kyi dkyil 'khor chen por 'jug pa'i tshul du sems ma rdo rje ma'i phyag rgya bcings la ji lta ba bzhin du 'jug par bya'o/ /de nas cho ga thams cad rjes su spyad la/ bdag la byin gyis brlab pa la sogs/ ji lta bar ni dka' nod do/ /de ltar bgyid nas bdag mi brjod/ /de nas rdo rje bsgrub bgyi ba/ /rdo rje slob dpon sems dpa' yi/ /rdo rje lcags kyu bcings nas ni/ se gol mang po brdabs bgyis la/ sangs rgyas thams cad bsdus par bgyi/ /de'i tshe sangs rgyas thams cad ni/ rdo rje sems dpa' la sogs bcas/ /dkyil 'khor thams cad gang ba rnams/ /dkyil 'khor rnams su 'dus par 'gyur/ /de nas rdo rje sems dpa' yi/ /phyag rgya chen po sgom byed cing/ /ming brgya rtsa brgyad dam pa ni/ /lan gcig rab tu brjod par bgyi'o/ / zhes bya ba'o/ /rdo rje dngos grub kyi phyag rgya bzhi pa'i dkyil 'khor 'dir/ /dgug pa la sogs pa'i cho ga rgyas pa byas nas/ de bzhin du bcug de zhes bya ba ni phyag bzhi byed du bcug la/ sems ma rdo rje ma ji lta ba bzhin du 'ching du bcug ste/ de nas gzhug par bya'o/ /zhugs nas 'di skad du smra'o/ /khyod kyi gsang ba'i le'u 'di su la'ang ma bstan cing ces bya ba ni gsang ba ni sngags te/ de bzhin gshegs pa thams cad kyi rigs kyi dam tshig gi dngos grub bsdus pa de ni gsang ba yin te/ rgya chen po la dga' ba dang/ mdor bsdus pa la dga' ba'i dkyil 'khor du 'jug pa la khyed kyis brjod par mi bya'o/ /ci'i phyir zhen bya ba ni/ ci'i phyir 'di bdag gis bstan par mi bya zhe na/ log par lta ba dang/ zhes bya ba la sogs pa gsungs te/ sems can 'di lta bu dag kyang yod do/ /ji lta bu zhe na/ log par lta ba ste/ rnam par snang mdzad chen po'i rnam par sprul pa la mi mos pa'o/ /ci'i phyir de log par lta ba yin zhe na/ gang gi phyir sdig pa'i las byed pa'i zhes bya ba gsungs te/ dam pa'i chos spong ba la sogs pa las kyi sgrib pas bsgribs pa'i rgyu des na brtson 'grus chung ba'o/ /brtson 'grus chung pa nyid kyis na/ de bzhin gshegs pa'i gsung thos pa dang/ bsam pa dang/ bsgom pa la mngon par brtson pa med pa nyid kyis na/ rdo rje sems dpa' la sogs pa'i dkyil 'khor gyi cho ga rgyas pa yongs su mi shes pas de'i sbyor ba med pa yin no/ /sbyor ba la mkhas kyang ri mo'i las mi shes pa yod de/ de lta bu de dag ni rdo rje dbyings la sogs pa'i dkyil 'khor bzhi mi 'jug ste/ de dag gi don du 'di byin gyis brlabs so zhes bya bar sbyar ro/ /de bas na gzhan dag la bstan par mi bya'o/ /de bzhin gshegs pa thams cad kyi rigs kyi dkyil 'khor zhes bya ba ni de bzhin gshegs pa thams cad rdo rje sems dpa' la sogs pa ni de bzhin gshegs pa thams cad kyi rigs kyi dkyil 'khor ro/ /de rnams kyi dam tshig tu gyur pa ni mi 'da' ba' i don to/ dam tshig ces bya ba ste dkyil 'khor 'di ni mi 'da' ba yin zhing de rnams 'di'i nang du 'dus pa de rnams kyi dam tshig tu gyur ba'o/ /'di skad ston pa yin no/ /'di bris pas rdo rje dbyings la sogs pa'i dkyil 'khor bzhi bris par gyur pa yin te/ gang gi phyir 'di ltar 'dir zhugs na dkyil 'khor thams cad du zhugs par gyur cing/ 'dir dbang bskur na thams cad du dbang bskur ba yin zhes bya ba nas de bzhin gshegs pa thams cad kyi rdo rje dam pa dngos grub kyi bar du byin brlab zhes bya ba la/ rdo rje sangs rgyas dang byang chub sems dpa' rnams kyi dam pa yin pas na/ rdo rje dam pa'i bcom ldan 'das rnam par snang mdzad do/ /de'i dngos grub grub cing rdzogs pa de'i rgyur byin gyis brlabs so zhes pa'o/ /bar du zhes bya ba'i sgras ni rdo rje sems dpa' la sogs pa bsdu'o/ /gang gi phyir de ltar min pa des na dngos grub thams cad kyi rgyu bshad ma thag pa dang/ 'brel ba'i don 'di byin gyis brlabs shing/ de bzhin gshegs pa thams cad kyi rigs kyi dkyil 'khor bsdu ba'i tshul gyis bstan par bya ba'i y in pas de bas na khyed kyis rgya che bas 'jigs shing skrag pas de bzhin gshegs pa thams cad kyi rigs kyi dam tshig gi phyag rgya gsang ba 'di rnams la zhes bya ba de bzhin gshegs pa thams cad kyang yin la rigs kyang yin pas de bzhin gshegs pa thams cad kyi rigs so/ /de rnams kyi dam tshig gi phyag rgya ni rdo rje sems ma la sogs pa'o/ /de rnams kyi gsang ba ni rig thams cad kyi dngos grub gcig tu bsdus pa yin pas 'di ni de bzhin gshegs pa thams cad kyi dngos grub bsdus pa ste/ gang gi phyir 'di dag dang ldan pa'i gsang ba la yid mi ches par mi bya zhing ma dad par ma byed cig gzhan du na dad par bya ba nyid yin no/ zhes brjod do/ /ma dang na nyes pa cir 'gyur zhe na/ khyod sems can dmyal ba dang/ byol song dang/ yi dags kyi khams su ltung bar 'gyur ba zhes bya ba/ ma dad par gyur na dam pa'i chos spong bar 'gyur la/ de nas kyang dmyal ba la sogs par ltung zhing bde ba las nyams par 'gyur ro zhes ston pa yin no/ /mi bde ba ma spangs pas dus byas nas shi bar gyur ta re zhes bya ba ni mi bde ba ni 'dir de bzhin gshegs pa'i bka' las 'das pa ste/ des rigs thams cad bsdus pa'i phyag rgya cig kyang khas blang bar bya'o zhes bya ba 'di khas len par mi byed pa ni mi bde ba 'am yang ba ma spangs pa'o/ khas ma blang pa des tshe'i lhag ma yod du zin kyang 'chi bar 'gyur ro/ /dkyil 'khor 'dir dam tshig dang/ dbang bskur ba thob pa rnams la slob dpon gyis de bzhin gshegs pa'i rigs su gsungs pa'i dngos grub thams cad bslab par bya'o/ /zhes bstan par bya ba'i phyir/ de nas zhes bya ba la sogs pa gsungs te/ de bzhin gshegs pa yang yin la thams cad kyang yin pas/ de bzhin gshegs pa thams cad de/ rnam par snang mdzad la sogs pa nas rdo rje 'bebs pa'i bar ro/ /de rnams kyi phyag rgya ni dkyil 'khor bzhi las gsungs pa'i phyag rgya chen po'o/ /de rnams kyi dam tshig ni gzhung lugs su bzhag pa 'da' bar mi bya ba'i don to/ /smros shig ces bya ba ni brjod par bya'o/ /bdag nyid chen po gang gis zhes bya ba ni rnam par snang mdzad la sogs pa gang dang gang gi'o/ /phyag rgya gang dang gang bcings pa zhes bya ba ni ji skad du bshad pa'i dkyil 'khor bzhi las gsungs pa'i phyag rgya chen po gang dang gang bcings pa de/ de'i bzlas pa badzra d+hA tu zhes bya ba nas badzra a be sha zhes bya ba'i snying po zlos shing don gyi ni zhes bya bar bshad ma thag pa'i badzra d+hA tu zhes bya ba la sogs pa'i sgra'i don ni snying po'i don te/ snying po'i don des snying po'i don la lhag par mos pas badzra d+hA tu zhes bya ba la sogs pa'i snying po zlos shing phyag rgya bcing bar bya'o/ zhes bya ba'i tha tshig go /rnam par snang mdzad la sogs pa bsgrub par bya ba de dag kyang rang gi bdag nyid yin par bsgom gyi mdun du ni ma yin no/ zhes bstan par bya ba'i phyir/ der ni bdag nyid bsgom par bya zhes bya ba gsungs so/ /de ltar byas pas cir 'gyur zhe na/ ye shes 'di yi tshul gyis ni zhes bya ba gsungs te bzlas pa'i don bsgom pa'i nges pa'i tshul 'dis dngos grub 'grub cing rdzogs par 'gyur ro/ /gang gi zhe na/ bdag nyid chen po thams cad kyi ste sangs rgyas dang byang chub sems dpa' rnams kyi'o/ /phyag rgya thams cad ni dkyil 'khor chen po dang/ gzungs dang/ chos dang las kyi dkyil 'khor las gsungs pa'i phyag rgya chen po rnams so/ de nas phyag rgya thams cad kyi gsang ba brjod par bya'o/ /zhes bya ba ni phyag rgya yang yin la thams cad kyang yin pas na phyag rgya thams cad de rigs thams cad kyi dam tshig gi phyag rgya'o/ /de'i gsang ba ni chos kyi dbyings las byung ba'i ngo bo ste de brjod par bya'o/ /rang gi dbang po bshig nas bzung/ zhes bya ba ni chos bdag med par bsgoms pas chos thams cad bsdus pa gsal la rang gi dbang po rang gi lha'i sku de gzung bar bya ste/ bdag ni rnam par snang mdzad do zhes bya ba nas bdag ni rdo rje 'bebs pa'o/ /zhes bya ba'i bar gyi rang gi lha'i nga rgyal bsgoms pa'i tshul gyis so/ /don 'di nyid bstan pa ni/ rdo rje khu tshur 'dzin pas na zhes bya ba yin te yang dag de nyid bden gang yin/ rdo rje khu tshur de bshad do zhes gsungs pas/ rdo rje khu tshur bzung ba'i sgras ni de kho na nyid bsgom pa la bya bar bshad de de bzhin nyid kyi sbyor ba de yis rigs de yis de'i phyag rgya gang la reg cing bzung ba de ma thag tu dbang du 'gyur zhes bya ba'o/ /de nas phyag rgya thams cad kyi chos nyid brjod par bya'o/ zhes bya ba ni phyag rgya thams cad kyang yin pas phyag rgya thams cad de/ dkyil 'khor bzhi las gsungs pa'i chos kyi phyag rgya thams cad do/ /de rnams kyi chos nyid ni dngos grub kyi rgyu ste/ brjod par bya zhing brtan par bya'o/ /rdo rje phra mo'i tshul la mchog ni bshad zin to/ /de nas sbyar ba ni rdo rje phra mo bsgom par byas pa'o/ /ye shes phyag ni dkyil 'khor chen po dang/ gzungs dang chos dang/ las kyi dkyil 'khor gsungs pa'i chos kyi phyag rgya thams cad de/ de rnams kyi cho ga 'di tshul gyis bcings nas 'phral du dbang du 'gyur zhing 'grub par 'gyur ro zhes bya ba'i tha tshig go / de nas phyag rgya thams cad kyi las brjod par bya'o/ /zhes bya ba ni rdo rje dbyings la sogs pa'i dkyil 'khor bzhi las gsungs pa'i las kyi phyag rgya thams cad ni phyag rgya kun no/ /de rnams kyi las ni bya ba ste/ de rnams kyi mngon par 'dod pa'i don grub par 'gyur ro zhes bya ba'i tha tshig ste de brjod par bya'o/ /glu dang zhes bya ba la sogs pa la glu dang/ gar dang po dang zas dang spyod lam ni glu dang gar dang ro dang/ zas dang spyod lam zhes bya ste/ de la sogs pa las bde ba gang zhig skyes pa de la de skad ces bya ste/ de rnams sangs rgyas te/ de bzhin gshegs pa rnams la phul na/ las kyi phyag rgya dbang du 'gyur ro/ /de la glu ni rdo rje glu ma la sogs pa'o/ /gar ni rdo rje gar la sogs pa'o/ /ro ni lha dang lhan cig tu gyur pa'i zhi ba dang sgeg mo la sogs pa rang bzhin can gyi nyams so/ /zas ni kha zas ro brgya pa la sogs pa'o/ /spyod lam ni 'dug pa dang/ 'chag pa dang/ sdod pa dang/ nyal ba'i mtshan nyid can nam sems kyi spyod pa snying rje chen po la sogs pa la gnas pa'o/ /'di skad ston pa yin te/ las kyi phyag rgya'i bsgrub pa pos/ rdo rje glu la sogs pa de bzhin gshegs pa thams cad la mchod pa byas la/ 'tshang rgya ba nyid la sogs pa'i sbyin pas sems can gyi khams thams cad tshim par byas la bzlas brjod bya'o/ /de yang 'gro kun sangs rgyas nyid dang ni/ byang chub sems dpa' nyid kho nar/ ji bzhin du ni btul ba nyid las kyi don kun bsgrub byed pa'o/ zhes gsungs pa yin no/ /de ltar dkyil 'khor bzhi las gsungs pa'i phyag rgya thams cad kyi dam tshig dang/ gsang ba dang/ chos nyid dang/ las gsungs nas de nas zhes bya ba la sogs pas rdo rje dbyings la sogs pa'i dkyil 'khor bzhi bsgrub par bya ba'i phyir/ gsang ba'i phyag rgya gsungs pa yin te/ dkyil 'khor yang yin la thams cad kyang yin pas dkyil 'khor thams cad de/ de rdo rje dbyings kyi dkyil 'khor chen po dang/ gzungs dang chos dang/ las kyi dkyil 'khor ro/ /de rnams bsgrub pa ni rdzogs par byed pa'o/ /gsang ba'i phyag rgya gang yin pa de ni/ dkyil 'khor thams cad bsgrub pa'i gsang ba'i phyag rgya'i ye shes bslab cing bstan par bya'o/ mtshan ma brtan par gyur nas zhes bya ba la/ mtshan ma ste byang chub kyi sems dang/ pha rol tu phyin pa drug gi spyod pa'i tshul brtan zhing yongs su rdzogs pa ni gang yin pa de ni mtshan ma brtan pa ste/ srid pa tha ma pa'i byang chub sems dpa' o/ /de gzugs su rang ste bdag nyid gyur nas/ dkar por 'gyur ba'i ras la gnas zhes bya ba aoM tsit+ta pra ti be di ka ro mi zhes zlos shing/ chos thams cad bdag med par bsgoms pas gzung ba dang 'dzin pa'i rnam par rtog pa la mi bskyod pa'i mtshan nyid can gyi byang chub kyi sems chen po bag chags dang bcas pa'i dri ma nag nog dang bral ba'i ras dkar po de'i rang bzhin rtog pas gnas shing rnal 'byor gyi bdag nyid byas nas zhes bya ba'i tha tshig go / de ltar dkar por gyur pa'i ras la gnas pa'i rjes la/ mtshan ma mchod rten byin brlabs te/ zhes bya ba mtshan ma brtan pa de mchod rten du byin gyis brlabs pa ni bdag nyid ni rdo rje dbyings so zhes nga rgyal bskyed par bya'o/ /'di skad ston pa yin te/ byang chub kyi sems dang/ shes rab la sogs pa'i sbyor ba ni byang chub sems dpa' rnams kyi mtshan ma ste/ rtags yin par bshad la mtshan ma der bdag nyid kyi yongs su rdzogs pa'i lhag par mos pa'i rjes su mi bskyod pa la sogs pa'i rang bzhin du rnam par bsgom pa zla ba'i dkyil 'khor la sogs pa'i tshul du bsgoms pas de bzhin gshegs pa'i sku 'am rdo rje sems dpa' la sogs pa'i skur bdag nyid brtan pa'i mchod rten du bsgom par bya'o/ /de nas de bzhin gshegs pa'i ye shes kyi sems dpa' gzhug pas byin gyis brlab par bya'o/ /de ltar mtshan ma de mchod rten du byin gyis brlabs nas rdo rje dbyings kyi dkyil 'khor chen po ni bdag go /zhes nga rgyal bskyed pa ni bdag nyid rdo rje dbyings su bsgom pa'o/ /de yang mtshan ma mchod rten bshad do/ /brtan pa ting 'dzin can 'gyur yin/ /pha rol phyin drug spyod pa ni/ /mtshan ma 'di ni yin par bshad/ /byang chub sems gang rdo rje de/ /rdo rje mtshan mar 'di bshad do/ /byang chub sems kyi sbyor ba yis/ /mtshan ma brtan par shes par bya/ /shes rab pha rol phyin pad+ma/ dkar por gyur pa'i ras la gnas/ /shes rab phar phyin rnal 'byor pas/ /yang dang yang du mnyam bzhag bya/ /byang chub sems dang shes rab ni/ /yang dang yang du brten 'gyur na/ /byang chub nges par 'byung bar 'gyur/ /shes rab pha rol phyin tshul bas/ /mchod rten 'gyur ba'i chos 'di ni/ /lus can kun gyis rnyed par dka' / /byang chub sems dang shes rab che'i/ /mtshan ma mchod rten byin brlab po/ zhes gsungs pa yin no/ /de ltar thabs kyi pha rol tu phyin pa'i tshul rang gi lha'i rnal 'byor mchod rten du gyur par byin gyis brlabs la/ de'i 'og tu badzra d+hA tu ra haM sa yaM zhes bya bas rang gi snying ga'i zla ba la/ rdo rje dbyings kyi dkyil 'khor chen po bsgrubs te/ nga rgyal bskyed la bsgom par bya ste/ bsgom pa gnyis pa 'di ni bcom ldan 'das kyis rdo rje rtse mo las gsungs pas som nyi mi bya'o 'di ni re zhig don mdor bsdus pa yin no/ /yang don rgyas pa ni rgya che bas 'jigs shing skrag pa ting nge 'dzin gsum bsgom pas/ rdo rje dbyings kyi dkyil 'khor chen po'i brtul zhugs spyod par spro ba med pa de ni re zhig nyin re zhing bdag bsrung ba la sogs pa sngon du 'gro ba'i bsdu ba byas la/ phyag rgya ji lta ba bzhin du bkrol nas sdig pa dral ba yang bya'o/ /de nas mngon par byang chub pa rnam pa lnga'i rim pas mngon par sangs rgyas nas/ rang gi snying gar rdo rje rgyu'i las kyi phyag rgyas rdo rje dbyings kyi dkyil 'khor ji lta ba bzhin du sprul la/ bdag nyid rdo rje sems dpar byin gyis brlabs te/ sems ma rdo rje ma'i phyag rgya bcings nas/ rang gi snying gar rtogs pa'i dkyil 'khor der yid kyis zhugs la dngos grub kyi rdo rje brtul zhugs kyi bar du slob dpon gyi las kyi cho ga rnams ji lta ba bzhin du rjes su spyad nas/ rnal 'byor chen po byas la rang gi snying gar zla ba'i dkyil 'khor stong gsum pa'i sangs rgyas kyi zhing gi tshad tsam bsams te/ de'i steng du aoM sarbba ta thA ga ta muSh+Ti baM/ aoM badzra satwa muSh+Ti aoM/ aoM badzra ratna muSh+Ti traM/ aoM badzra d+hArmmA muSh+Ti khaM/ aoM badzra karmma muSh+Ti haM/ zhes bya ba'i de bzhin gshegs pa'i rigs kyi snying po 'dis rnam par snang mdzad la sogs pa'i de bzhin gshegs pa lnga'i phyag rgya chen po dang bcas pas rdo rje dbyings kyi dkyil 'khor chen po go rim ji lta ba bzhin du sprul la/ aoM badzra d+hA tu/ aoM badzra satwa badzri/ aoM ratna badzri/ aoM d+hArmmA badzri/ aoM karmma badzri/ aoM badzra satwa/ aoM badzra rA ga/ aoM badzra sA d+hu/ zhes bya ba nas aoM badzra A be sha zhes bya ba'i snying po zlos shing/ rdo rje sems dpa' i nga rgyal gyis rnam par snang mdzad la sogs pa nas rdo rje 'bebs pa'i bar gyis rang rang gi gnas su bkod nas/ aoM badzra At+ma ko haM zhes lan gsum zlos shing rnam par snang mdzad la sogs pa'i sku dang gsung dang thugs rdo rje'i rang bzhin du bdag nyid bsgom par bya'o/ /de nas swa b+hA ba shud+d+ho haM zhes lan gsum zlos shing bdag nyid rang bzhin gyis rnam par dag pa bsgom par bya'o/ de nas sarbba sa mo haM zhes bya ba 'di lan gsum zlos shing bdag med pa'i mnyam pa nyid kyis rnam par snang mdzad la sogs pa'i de bzhin gshegs pa dang sems dpa' thams cad bdag nyid mnyam par bsgom par bya'o/ /de nas rdo rje dbyings kyi dkyil 'khor chen po'i rang bzhin ni bdag yin no/ zhes nga rgyal bskyed la/ rdo rje'i tshig gi nga? badzra satwa zhes zlos shing rdo rje dbyings kyi dkyil 'khor chen po'i rang bzhin bdag yin no/ zhes thun bzhi'i sbyor bas zla ba gcig gam zla ba drug gam/ lo gcig gam/ dus ji srid kyis rdo rje dbyings kyi dkyil 'khor chen po'i gzugs su bdag nyid mthong ba de srid kyi bar du bsgom par bya'o/ zhes bcom ldan 'das kyis gsungs te/ rnal 'byor chen po nyin re zhing lan gcig byas pa des 'jig rten dang 'jig rten las 'das pa'i sngags kyi bzlas pa byas la dkyil 'khor chen po dang/ gzungs dang chos dang/ las dang/ phyag rgya bzhi dang/ phyag rgya gcig pa'i dkyil 'khor rnams bri bar bya'o/ zhes bcom ldan 'das kyis gsungs te/ rnal 'byor chen po snying po che/ /med na dngos grub med pas na/ /de bas 'bad pa thams cad kyis/ /rnal 'byor chen po brtsam par bya/ zhes bya ba 'di yang gsungs pa yin no/ /yang na rdo rje sems dpa' la sogs pa sems dpa' chen po thams cad kyi rnal 'byor byas la rnal 'byor chen po bsgrub par bya'o/ /de nas rang gi snying gar dkyil 'khor ji lta ba bzhin du bsgom par bya'o/ /dkyil 'khor bri ba'i dus su yang zhag bdun gyi bar du rdo rje sems dpa' i sbyor bas rnal 'byor chen po byas la ting nge 'dzin gsum bsgom nas de nas dkyil 'khor bri bar bya'o/ /de ltar rdo rje dbyings kyi dkyil 'khor chen po bsgrub par byed pa'i gsang ba'i phyag rgya bstan nas/ da ni rdo rje bcing ba dam byas te zhes bya ba la sogs pas gzugs kyi dkyil 'khor bsgrub par byed pa gsungs pa yin te/ rdo rje bcing ba dam byas te/ zhes bya ba la sogs pa bshad zin to/ /mthe chung dang ni mdzub rtse bsgreng zhes bya ba ni ji skad du bshad pa'i mtshan nyid can gyi rdo rje bsdams pa bcings la/ mthe chung gnyis gshibs la sbyar mdzub mo gnyis kyang bshibs la sbyar bar bya'o/ /'di ni gzungs kyi dkyil 'khor sgrub par byed pa'i gsang ba'i phyag rgya'o/ /dam tshig ces bya ba ni dam tshig gi phyag rgya'o/ /dam tshig mchog ces bya ba'i de bzhin gshegs pa lnga'i zhes bya ba'i tha tshig go /'di skad ston pa yin te/ de bzhin du rnal 'byor chen po byas la/ dam tshig gi phyag rgya 'di nyid bcings te sngar bshad pa'i rigs kyi snying po rnams kyis snying gar gzungs kyi dkyil 'khor sprul la/ gzungs kyi rig pa rnams kyis rdo rje dbyings kyi dbang phyug ma nas brtsams te/ rdo rje 'bebs pa'i bar gyi gzungs rnams gnas ji lta ba bzhin du bkod de/ aoM badzra At+ma ko haM/ aoM swa b+hA ba shud+d+ho haM/ aoM sarbba sa mo haM/ zhes bya ba gzungs kyi dkyil 'khor gyi rang bzhin du bdag nyid bsams nas/ bdag nyid gzungs kyi dkyil 'khor gyi rang bzhin yin no zhes nga rgyal bskyed la/ nyin re zhing thun bzhi'i sbyor bas gzungs kyi rig pa re re zhing khri khri bzlas par bya'o/ /de lta bu ni gzungs kyi dkyil 'khor 'grub par 'gyur ro/ /de ltar gzungs kyi dkyil 'khor sgrub par byed pa'i gsang ba'i phyag rgya bshad nas/ da ni chos kyi dkyil 'khor bsgrub par byed pa'i phyag rgya bstan par bya ba'i phyir/ rdo rje phra mo'i tshul du ni/ /rab tu mnyam par bzhag pas bsgom/ rdo rje phra mo'i dkyil 'khor ni/ ting 'dzin dbang du 'gyur ba'i tshul/ zhes bya ba gsungs te/ de la rdo rje phra mo'i tshul ni/ lce ni rkan la gzhar bya zhing zhes bya ba la sogs pa spro ba dang bsdu ba sgom pa dang/ brtan par byas pa ni rdo rje phra mo'i zhes bshad de/ rdo rje phra mo'i tshul des rab tu mnyam par bzhag pas sems rtse gcig tu bsdus te bsgom par bya'o/ /ci zhig bsgom par bya zhe na/ rdo rje phra mo'i dkyil 'khor ni zhes bya ba ste/ rdo rje phra mo ni chos kyi dkyil 'khor zhes bya ba'i tha tshig go /gang zhig byed cing bsgom zhe na/ rdo rje phra mo'i dkyil 'khor ni zhes bya ba gsungs te/ ting nge 'dzin dbang du byed cing zhes bya ba'i tha tshig go/ 'dis ni don 'di skad ston pa yin te/ snga ma bzhin du rnal 'byor chen po byas la sngar bshad pa'i rigs kyi snying po rnams kyis rang gi snying gar chos kyi dkyil 'khor bskyed la rdo rje phra mo'i tshul gyi rang gi snying gar bton te/ sna'i rtse mor brtsam par bya'o/ /de nas chos kyi dkyil 'khor las gsungs pa'i sngags kyis rnam par snang mdzad la sogs pa bkod la/ snga ma bzhin du bdag nyid chos kyi dkyil 'khor yin no/ /zhes chos kyi dkyil 'khor gyi nga rgyal ji lta ba bzhin du bskyed la chos kyi dkyil 'khor las gsungs pa'i rdo rje sems dpa' i sngags zlos shing zla ba gnyis kyi bar du nyin re zhing chos kyi 'khor lo sna rtser bsgom par bya'o/ /bsgoms pas dus na sna bug nas rang gi snying gar bcug la/ badzri dri Dha tiSh+Tha zhes bya bas brtan par bya'o/ /de yang zla ba gcig tsam spro ba dang bsdu ba'i tshul gyis bsgom par bya'o/ /de lta bus ni chos kyi dkyil 'khor 'grub par 'gyur ro/ /de ltar chos kyi dkyil 'khor sgrub par byed pa'i gsang ba'i phyag rgya gsungs nas/ da ni las kyi dkyil 'khor sgrub par byed pa yang brtan par bya ba'i phyir ro/ /rdo rje'i phyag rgya gnyis bcings la/ de gnyis rdo rje dam du gzung/ mdzub mo mthe chung bsnol ba ni// rdo rje dgos mchog dkyil 'khor ro/ /zhes bya ba gsungs te/ de la rdo rje'i phyag gnyis ni rdo rje khu tshur gnyis te de bcings la gzung bar bya'o/ /ci zhig bzung bar bya zhe na/ rdo rje ste sna tshogs rdo rje'o/ /de yang de gnyis dang 'brel ba'i mdzub mo dang mthe'u chung bsnol ba ste/ mdzub mo gnyis bcings pa dang/ mthe'u chung gnyis bcings pas dam du gzung par bya'o/ /'dis ni 'di skad ston pa yin te/ rdo rje khu tshur gnyis bcings la mdun du phyogs par sbyar te/ rang rang gi mdzub mo dang mthe'u chung mdud pas sna tshogs rdo rje gzung bar bya zhing dkyil 'khor chen po las gsungs pa'i rdo rje'i dbang bskur ba'i sngags rnam pa sna tshogs rdo rje gzung bar bya'o/ /de ltar sna tshogs rdo rje thogs pa ni rdo rje dgos mchog gi dkyil du las kyi dkyil 'khor bsgrub pa'i mtshan ma yin no/ zhes bya ba'i don to/ /'dir yang snga ma bzhin du rnal 'byor chen po bskyed la/ sngar bshad pa'i rigs kyi snying po lngas rang gi snying gar las kyi dkyil 'khor sprul la/ las kyi dkyil 'khor las gsungs pa'i rig pa rnams kyis lha rnams ji lta ba bzhin du dgod pa byas na cho ga thams cad rjes su spyad de bdag nyid la ni las kyi dkyil 'khor gyi rang bzhin yin no/ zhes nga rgyal bskyed la nyin re zhing thun bzhi'i sbyor bas rig pa thams cad khri khri bzla bar bya ba ste/ de lta bus ni las kyi dkyil 'khor 'grub par 'gyur ro/ /da ni de nas zhes bya ba la sogs pas rdo rje dbyings kyi dum bu las gsungs pa'i dngos grub rnams ni rdo rje dbyings kyi dkyil 'khor chen po'i phyag rgya bzhis rang gi lha'i rnal 'byor rdo rje dbyings kyi dkyil 'khor chen po las gsungs pa nyid kyis byas la bsgrub par bya'o/ zhes gsungs te/ ji lta ba bzhin du zhes bya ba ni rdo rje dbyings kyi dkyil 'khor chen po las gsungs pa'i tshul gyis rdo rje sems dpa' la sogs pa gang yin pa ste/ rdo rje rgyal po la sogs pa nas rdo rje 'bebs pa'i bar de rnams ni rdo rje sems dpa' la sogs pa ste/ de rnams kyi phyag rgya chen po ni rdo rje sems dpa' la sogs pa'i phyag rgya chen po ste dam tshig dang chos dang las kyi phyag rgya chen po ni don chen po yin pas/ phyag rgya yang yin la chen po yang yin pa'i phyir phyag rgya chen po zhes bya'o/ /de rnams kyi bcing ba bzhi po bslab pa ni brtan pa ste/ rdo rje sems dpa' la sogs pa'i phyag rgya bcing ba'i mtshan nyid rdo rje dbyings kyi dkyil 'khor chen po las gsungs pa 'di brtan par bya ba'i tha tshig go / rdo rje dbyings kyi dkyil 'khor chen po'i cho ga rgyas pa ji lta ba bzhin du zhes bya ba ni/ de nas gsang ba'i mchod pa brjod cing rdo rje bstong pa'i glu blangs nas/ gsang ba'i mchod pa bzhi bya'o/ zhes bya ba nas brtsam te b adzra satwa mudu ste/ de bzhin du mi g.yo ba'i dkyil 'khor la sogs pa zhes bya ba de bzhin du rdo rje dbyings kyi dkyil 'khor chen po'i tshul du dkyil 'khor bris la/ dbus su rnam par snang mdzad kyi gnas su glang po che'i gdan la badzra b+ha tu zhes bya ba'i ming ? pa dgod par bya'o/ /mi bskyod pa'i gnas su zla ba'i dkyil 'khor gyi gnas su bcom ldan 'das rdo rje sems dpa' rdo rje rtse lnga pa rin chen 'byung ldan gyi gnas su rdo rje rgyal po'i lcags kyu/ don yod par grub pa'i gnas su rdo rje chags pa'i mda' gzhu/ 'od dpag tu med pa'i gnas su bcom ldan 'das rdo rje legs par mgu ba'i phyag rgya badzra satwa zhes bya ba'i snying po 'am/ phyag rgya bzhi'i dkyil 'khor las gsungs pa'i rigs kyi snying po zlos shing bri bar bya'o/ /mi bskyod pa'i dkyil 'khor bzhin du dkyil 'khor bris la/ dbus su rta'i khri la rin chen 'byung ldan/ mi bskyod pa'i gnas su zla ba'i dkyil 'khor gyi steng du bcom ldan 'das rdo rje rin chen gyi rin po che rin chen 'byung ldan gyi gnas su rdo rje gzi brjid kyi nyi ma'i phyag rgya/ don yod par grub pa'i gnas su dpal gyi rdo rje rgyal mtshan gyi phyag rgya/ 'od dpag tu med pa'i gnas su bzhad pa'i so'i phreng ba rdo rje gnyis kyi bar du tshud pa rdo rje dbyings kyi dkyil 'khor las gsungs pa'i rang gi snying po 'am rigs kyi snying pos bri bar bya'o/ /rin chen 'byung ldan gyi dkyil 'khor dang 'dra bar dkyil 'khor bris la/ dbus su rma bya'i gdan la bcom ldan 'das 'od dpag tu med pa mi bskyod pa'i gnas su rdo rje chos kyi pad+ma'i phyag rgya/ rin chen 'byung ldan gyi gnas su rnon po'i phyag rgya don yod par grub pa'i gnas su rgyu'i 'khor lo'i phyag rgya/ 'od dpag tu med pa'i gnas su smra ba lce'i phyag rgya rang gi snying po 'am rigs kyi snying po bri bar bya'o/ /'od dpag tu med pa'i dkyil 'khor dang 'dra bar dkyil 'khor bris la/ dbus su nam mkha' lding gi gdan gyi steng du bcom ldan 'das don yod par grub pa'o/ /mi bskyod pa'i gnas su zla ba'i dkyil 'khor gyi steng du sna tshogs rdo rje/ rin chen 'byung ldan gyi gnas su go cha/ don yod par grub pa'i gnas su che ba gnyis/ /'od dpag tu med pa'i gnas su khu tshur gyi phyag rgya sngar bshad pa'i rang gi snying po'i rigs kyi snying pos bri bar bya ste/ 'di ni don yod par grub pa'i dkyil 'khor ro/ /'di dag kyang rang rang gi phyag rgya rnams su bris na zhes gsungs pa yin no/ /dngos grub thams cad kyang 'grub ba zhes bya ba ni rnam par snang mdzad kyi phyag rgya bzhi'i dkyil 'khor du dngos grub gang gsungs pa de thams cad mi bskyod pa dang/ rin chen 'byung ldan dang/ 'od dpag tu med pa dang/ don yod par grub pa'i phyag rgya bzhi'i dkyil 'khor du yang 'grub par 'gyur ro/ zhes bya ba'i tha tshig go /de ltar zhes bya ba la sogs pas ni phyi yo byad med par shin tu sbyangs pa gsungs pa yin te/ de ltar zhes bya ba ni sa la ji lta ba bzhin du ras dang rtsig pa dang/ nam mkha' dang gnas thams cad du mngon par bris pa rnams so/ /dngos grub thams cad 'grub po zhes bya ba ni/ bsgrub pa po spro ba bskyed par bya ba'i phyir ro/ /dus nges pa'i 'bras bu gsungs pa ni dkyil 'khor brtag pa nas brtsams te/ zhes bya ba la sogs pa yin te/ de la dkyil 'khor brtag pa ni kun tu bris pa ste/ dkyil 'khor bris pa de nas brtsams shing de nas mgo gzung nas so/ /la la ni dkyil 'khor zhugs pa nyid kyi tshe zhes bya ba la 'jug pa'i rjes thogs nyid kyi mtshan ma'o// la la ni nyin zhag gcig gis zhes bya ba ni nyin mtshan gcig gis so/ /mtshams med pa lnga byas pa yang zhes bya ba pha dang ma dang dgra bcom pa gsod pa dang/ dge 'dun gyi dbyen byed pa dang/ de bzhin gshegs pa la ngan sems kyi khrag byung ba byas pa yang ngo/ /'dis ni 'di skad ston pa yin te/ sdig pa chen po byed pa rnams kyang 'grub par 'gyur na gzhan lta smos kyang ci dgos/ de bas na thams cad bsgrub pa la 'bad par bya'i/ bdag ni sdig pa byed pa'o/ / bdag ni bsod nams chung ba'o/ /zhes bya ba la sogs pas bdag nyid la brnyas par mi bya'o/ /ji ltar 'dod par zhes bya ba ni dus ji tsam bsgom par nus par gyur pa'i dus de srid du byed pa'o/ /bde blag tu zhes bya ba mi bya ba'i rgyud las gsungs pa'i gdams pa'i sdug bsngal yongs su spangs la/ rnal 'byor dang rjes su mthun pa'i bza' ba dang btung ba la sogs pa bstan pas so/ /de yang/ dka' thub dka' spyad mi bzad pas/ /lus skabs 'gyur zhing sdug bsngal la/ /sdug pa'i sems ni rnam g.yeng ba/ /rnal 'byor la ni 'byor mi 'gyur zhes bya ba la sogs pa gsungs pa yin no/ /don thams cad byed cing zhes bya ba ni bsgrub pa'i yan lag thams cad ni/ don thams cad de/ de rnams rgyun mi 'chad par nyams su len pa'o/ /de yang gang gi phyir bcom ldan 'das kyis gang zhig tu ji skad du gsungs pa'i cho ga mi byed pa'i de ni dngos grub thob par mi 'gyur ro zhes gsungs pa yin no/ /thams cad rjes su dga' ba dang/ zhes bya ba ni thams cad kyang yin la rjes su dga' ba yin pas na thams cad rjes su dga' ba ste/ dkyil 'khor thams cad bsgrub par byed pa'i gsung ba'i phyag rgya bsgom pa'am/ rdo rje sems dpa' la sogs pa thams cad bsgom pa ni thams cad du dga' ba'o/ /re ba thams cad de sgeg pa la sogs pa'o/ thams cad rjes su dga' ba'i ro dang zas dang spyod lam thams cad las bde ba gang zhig skyes pa de ni thams cad rjes su dga' ba dang ro dang zas dang spyod lam thams cad kyi bde ba'o/ /de rnams nyams su myong ba ni nyams su tshor ba'o/ /lo gcig gis ni mchog grub bo zhes bya ba ni sangs rgyas dang byang chub sems dpa' i gnas rdzogs par 'gyur ro/ zhes bcom ldan 'das kyis gsungs so// //phyag rgya bzhi pa'i dkyil 'khor gyi 'grel pa rdzogs so// // de nas bcom ldan 'das zhes bya ba la sogs pas ni/ sems can mdor bsdus pa la dga' ba rnams rjes su gzung bar bya ba'i phyir rdo rje dbyings kyi dum bu las gsungs pa'i dngos grub thams cad bsdus par gyur pa/ phyag rgya gcig pa'i dkyil 'khor gsungs pa yin no/ /de nas zhes bya ba'i sgra ni de ma thag pa ste/ dang po sbyor ba'i rjes thogs nyid la zhes bya ba'i tha tshig go /de la dang po sbyor ba'i ting nge 'dzin ni rdo rje dbyings kyi dkyil 'khor chen po las gsungs pa nyid yin par gzung ngo/ /yang zhes bya ba'i sgra ni phyag bzhi pa'i dkyil 'khor la bltos nas yang zhes bya ba'i don to/ /de bzhin gshegs pa yang yin la thams cad kyi yin pas/ de bzhin gshegs pa thams cad ste/ 'jig rten khams thams cad kyi rdul phra rab dang mnyam pa'i sangs rgyas dang byang chub sems dpa' rnams so/ /de rnams kyi dngos grub dam pa rnams rdo rje sems dpa' la sogs pa'o/ /de'i dam tshig ni dkyil 'khor te/ de la dmigs pa de ltar mi byed pa'i ting nge 'dzin gang la ming 'di nyid ces bya ba'i ting nge 'dzin de la snyoms par zhugs pa ni rdo rje sems dpa' i dkyil 'khor sprul pa'i rnam par thugs rtse gcig tu mdzad ces bya bar tha tshig go / 'di zhes bya ba ni thugs la gnas pa ste/ phung po zhes bya bar sbyar ro/ /de bzhin gshegs pa thams cad kyi theg pa chen po de'i mngon par rtogs pa ni thugs su chud pa ste/ /ming de skad ces bya ba'i de bzhin gshegs pa thams cad kyi theg pa chen po mngon par rtogs pa ston par byed pa'i de bzhin gshegs pa thams cad kyi snying po gang yin pa der rang gi thugs ka nas phyung ba ni badzra satwa zhes bya ba ston pa'o/ /gzhung 'di tsam gyis ni rdo rje sems dpa' i phyag rgya gcig pa'i dkyil 'khor gyi rgyal po mchog ces bya ba'i ting nge 'dzin gnyis par bstan pa yin no/ de nas bsdu ba byas nas las kyi mchog de bzhin du bsgom par bya'o/ /zhes bya ba ni las kyi mchog ces bya ba'i ting nge 'dzin gsum pa yin no/ /rdo rje dbyings kyi dum bu las gsungs pa'i dngos grub rnams ni phyag rgya gcig pa'i dkyil 'khor du dam tshig dang dbang bskur ba thob pas bya'o/ zhes bstan pa'i phyir de nas zhes bya ba la sogs pa gsungs te/ de bas zhes bya ba'i sgra ni de ma thag pa'i ston pa'i tshig ste/ rdo rje sems dpa' i rnal 'byor chen po byas nas badzra satwa zhes bya ba bzlas brjod bye ba byas pa'am/ phyag rgya gcig pa'i dkyil 'khor bsgoms pas mtshan ma thob pa'i rjes thogs la phyag rgya gcig pa'i dkyil 'khor bri bar bya'o/ /de bzhin gshegs pa thams cad kyi dngos grub dam pa 'grub par bya ba'i bar du zhes bya ba la/ de bzhin gshegs pa thams cad kyi dngos grub dam pa ni rdo rje sems dpa' i dngos grub ste/ sems can gyi khams thams cad rdo rje sems dpa' i ting nge 'dzin rdzogs par bya ba grub par bya ba'i phyir zhes bya ba'i tha tshig go / bar du zhes bya ba'i sgras ni de bzhin gshegs pa'i rigs kyi dngos grub rnams bsdu'o/ /de nas zhes bya ba ni gang gi phyir mdor bsdus pa la dga' ba'i gdul bya rnams kyang phyag rgya gcig pa'i dkyil 'khor du zhugs pas rdo rje dbyings kyi dum bu las gsungs pa'i dngos grub 'grub par 'gyur bas/ /de bas na rdo rje sems dpa' i phyag rgya gcig pa'i dkyil 'khor du 'jug pa des de'i dngos grub 'grub pa'i skal ba can du bya ba'i phyir/ yang dag cing phyin ci ma log par rab tu phye ste bshad par bya ba'o/ /sems dpa' i dkyil 'khor ni rdo rje sems dpa' i dkyil 'khor ro/ /rdo rje sems dpa' i dkyil 'khor yin pa nyid kyis ni mchog yin pas dkyil 'khor dam pa ste/ gang gi phyir 'dir zhugs pa dang/ dbang bskur bas 'jig rten dang 'jig rten las 'das pa'i dkyil 'khor thams cad kyi slob dpon du 'gyur zhing rang nyid kyis kyang 'jig rten pa dang 'jig rten las 'das pa'i dkyil 'khor thams cad bris nas bdag nyid 'jug pa la sogs pa'i cho ga thams cad rjes su spyad par bya'o/ / de bzhin gshegs pa la sogs pa'i slob dpon gzhan dag ni/ rang gi rigs 'ba' zhig gi slob dpon yin no/ /zhes bstan par bya ba'i phyir ro/ /rdo rje dbyings kyi 'dra bas na/ zhes bya ba ni rdo rje sems dpa' sprul pa'i dkyil 'khor dang 'dra'o/ /ming ji skad ces bya zhe na/ rdo rje sems dpa' zhes kyang bshad ces bya bar gsungs so/ /dkyil 'khor chen po'i tshul du/ dkyil 'khor phyi rim thig gdab po/ zhes bya ba 'i ni phyi'i dkyil 'khor gyi dbyibs rdo rje dbyings kyi dkyil 'khor chen po dang 'dra'o/ /de ltar rdo rje dbyings kyi dkyil 'khor dang 'dra bar dkyil 'khor 'di bris la dkyil 'khor de'i steng du zla ba'i dkyil 'khor bri bar bya ste/ gang gi phyir zla ba'i dkyil 'khor dbus su ni/ rdo rje sems dpa' bzhag par bya/ zhes gsungs pas/ zla ba'i dkyil 'khor gyi steng du/ rdo rje sems dpa' i lugs ma 'am/ 'bur du brkos pa'am/ gzugs su byas pa'am/ ris su bris pa la badzra satwa zhes zlos shing bzhag par bya'o/ /de nas dgug pa dang gzhug pa la sogs pa ji lta ba bzhin du byas te/ zhes bya ba ni rdo rje sems dpa' i rnal 'byor nyid kyis rnal 'byor chen po byas la/ rdo rje dbyings kyi dkyil 'khor chen po las gsungs pa'i 'jug pa'i cho ga dngos grub kyi rdo rje'i brtul zhugs kyi bar du ji lta ba bzhin du byas bdag la byin gyis brlabs pa la sogs pa byas la de las rang gi ming nas brjod la phyag rgya gcig pa'i dkyil 'khor bsgrubs nas/ rdo rje slob dpon sems dpa' yi/ /rdo rje lcags kyu bcings nas ni/ se gol mang po brdabs gyis la/ sangs rgyas thams cad bsdu bar bya/ zhes bya ba la sogs pa sngar bshad pa'i cho ga rjes su spyad par bya'o/ zhes bya ba ni ji lta ba bzhin du byas te/ zhes bya ba'i sgra'i don yin no/ /de la dgug pa ni rdo rje lcags kyu ni las kyi phyag rgya'o/ /gzhug pa ni rdo rje zhags pa'i las kyi phyag rgyas so/ /dgug pa dar gzhug pa la sogs pa gang yin pa de ni dgug pa dang gzhug pa la sogs pa ste/ rdo rje lcags sgrog gis bcing ba dang/ 'bebs pa dang dbang du bya ba nas brtsams te/ dkyil 'khor thams cad du 'jug pa'i cho gar rgyas pa'o/ zhes bya ba'i bar gyis bstan pa'i cho ga rgyas pa gsungs pa gang yin pa de thams cad do/ /de ltar byas nas ji ltar zhugs pa de rnams la dngos grub kyi ye shes kyi man ngag bstan pa'i phyir/ de bzhin gshegs pa thams cad kyi zhes bya ba la sogs pa gsungs te/ de bzhin gshegs pa thams cad kyi dngos grub ni rdo rje sems dpa' grub pa ste/ de'i ye shes ni phyag rgya chen por nges pa'i tshul te/ de bskyed par bya ba ni bslab par bya zhing nye bar bstan par bya'o/ zhes bya ba'i tha tshig go /dam tshig ma mthong ba zhes bya ba ni phyag rgya cig pa'i dkyil 'khor ma mthong ba'o/ /khong du chud pa zhes bya ba ni mngon par mi mkhas pa ste/ gsang ba de rnams kyi skal pa dang mi ldan cing phyag rgya gcig pa'i dkyil 'khor du dam tshig dang dbang bskur ba mthob pa'i bar du'o/ /gsang ba 'di zhes bya ba ni zla rgyas dkyil 'khor la 'dug pa ste/ zhes 'og nas bshad pa gang yin pa de lta bu de ni skye bo thams cad la bstan du mi rung bas gsar ba yin no/ /de la gsal ba 'di smras te nyes pa cir 'gyur zhe na/ khyod ngan song thams cad du ltung ba 'am/ zhes bya ba la sogs pa gsungs te/ khyed shi nas ngan song du 'gro bar 'gyur ba dang/ tshe'i lhag ma yod du zin kyang de bzhin gshegs pa'i bka' las 'das par gyur pas lus ma yin par 'chi bar 'gyur ro/ /de nas zhes bya ba ni mna' bsgags pa'i rjes thogs la'o/ /rdo rje sems dpa' i dngos grub dam pa zhes bya ba la sogs pa la/ rdo rje sems dpa' i dngos grub dam pa ni rdo rje sems dpa' i dngos grub dam pa de'i bsgrub pa ni 'dis bsgrubs pas na sgrub pa ste/ zla rgyas dkyil 'khor la 'dug ste zhes bya ba la sogs pa bsgom pa de'i ye shes bslab bo/ /zla ba yang yin la rgyas pa yang yin pas na zla rgyas pa'o/ /de'i dkyil 'khor ni zla rgyas dkyil 'khor de la gnas pas ni/ zla rgyas dkyil 'khor la 'dug ste zhes bya'o/ /ji ltar 'dug ce na/ phyag rgya chen po yongs su bzung nas/ zhes bya ba gsungs te/ phyag rgya yang yin la chen po yang yin pas phyag rgya chen po ste/ byang chub kyi sems kyi rang bzhin bcom ldan 'das rdo rje sems dpa' i dam tshig dang/ chos dang las dang phyag rgya chen po yin gyis phyag rgya chen po 'ba' zhig tsam ni ma yin te/ gang gi phyir de bzhin gshegs pa thams cad kyi dngos grub kyi ye shes rnams bskyed par bya'o/ zhes tshig mang po ltar bstan par bya ba'i phyir ro/ /de rnams gang gis yongs su bzung zhing bcings pa de ni phyag rgya chen po yongs su bzung bas zhes bya ba ste/ de rnams kyi nang nas phyag rgya gang yang rung ba gcig la/ bdag nyid ste rang nyid rdo rje sems dpa' bsgoms nas/ myur zhing ring po mi thogs par 'grub par 'gyur ro/ /'di'i don ni 'di skad ston pa yin te/ rdo rje dbyings kyi dkyil 'khor chen po las gsungs pa'i tshul gyis rdo rje sems dpa' i rnal 'byor byas la/ de'i phyag rgya chen po dang/ dam tshig dang/ tshes dang/ las kyi phyag rgya bcings te/ de'i snying po rdo rje'i tshig gis zlos shing bzlas pa'i don gyis zla ba'i dkyil 'khor la gnas pa'i rdo rje sems dpa' bdag nyid bsgoms na/ shin tu myur ba nyid du rdo rje sems dpa' 'gyur ro/ /dam tshig yongs su bsrungs pas mngon par 'dod pa'i don 'grub par 'gyur ro/ zhes rab tu bstan pa'i phyir/ de nas dkyil 'khor thams cad kyi gsang ba'i dam tshig gi ye shes pa slab po zhes bya ba gsungs te/ de bzhin gshegs pa la sogs pa rigs kyi dkyil 'khor rnams ni dkyil 'khor thams cad de/ de rnams kyi dam tshig ni dkyil 'khor thams cad kyi gsang ba'i dam tshig ste/ bla na med pa yang dag par rdzogs pa'i byang chub la rjes su chags shing shin tu zhen pa de'i ye shes bslab par bya'o/ /'dod chags bral ba lta bu'i sdig zhes bya ba ni bla na med pa yang dag par rdzogs pa'i byang chub la rgyab kyis phyogs pa'i sems ni 'dod chags dang bral ba ste/ de dang 'dra ba'i sdig pa gzhan ni med do/ /gang na med ces na khams gsum na zhes bya ba ste/ 'dod pa dang gzugs dang/ gzugs med pa'i mtshan nyid can gyi khams gsum pa ni'o/ /gang gi phyir de ltar bshad pa yin pas/ de bas na 'dod chags dang bral ba khyod kyis kyang ni ma byed cig /ces bya ba yin te/ bla na med pa yang dag par rdzogs pa'i byang chub kyi mtshan nyid can/ bcom ldan 'das rdo rje sems dpa' ni/ gdul bya rnams kyis 'dod cing mngon par dga' bar bya ba yin pas na 'dod pa zhes bya ste/ de la khyod kyis kyang chags pa dang bral bar ma byed cig ces pa ste de spangs pa ni nyin thos dang rang sangs rgyas kyi sar ltung ba ma yin no/ /zhes ston pa yin no/ /mahA sa ma ya ha na phaT/ ces bya ba ni de ltar dkyil 'khor thams cad kyi dam tshig byin nas/ slob dpon gyi slob ma rnams kyis nyan thos dang rang sangs rgyas kyi byang chub mngon par 'dod pa'i sems dang bral ba'i bsam pas sngags 'di gdon par bya'o/ /de nas mna'i snying po byin no zhes bya ba ni khyed kyis dkyil 'khor chen po ma mthong ba la smra bar ma byed cig dam tshig nyams par gyur te/ rdo rje sems dpa' ded khyod kyi/ snying la yang dag zhugs par gyur/ /gal te tshul 'di smras na ni/ /de ma thag tu dral nas gshegs/ zhes bya ba'o/ /de ltar rdo rje rigs la sogs pa'i thams cad kyi dkyil 'khor du byang chub kyi sems yongs su mi spang ba'i mtshan nyid kyi dam tshig dang sdom pa sbyin par bya ste/ gang gi phyir dngos grub thams cad ni byang chub kyi sems dang 'brel pa yin no/ /de nas zhes bya ba la sogs pas ni ji skad du bshad pa'i dngos grub rnams ni rdo rje dbyings kyi dkyil 'khor chen po las gsungs pa'i rang gi lha'i rnal 'byor du byin gyis brlabs nas/ bsgrub par bya'o zhes ston pa yin te/ rdo rje sems dpa' i phyag rgya chen po la sogs pa bzhi bcing ba bslab par bya'o/ zhes bya ba ni phyag rgya chen po dang/ dam tshig dang/ chos dang las kyi phyag rgya rnams kyi mtshan nyid bstan par bya ba'o/ /dngos grub kyang de bzhin no/ zhes bya ba ni ji ltar rdo rje dbyings kyi dkyil 'khor chen por phyag rgya bzhin 'grub par 'gyur ba 'dir yang/ re bzhin no zhes bya ba'i tha tshig go /ri mo la sogs pa dang zhes bya ba ni ji ltar sa la bris pa'i dkyil 'khor du ji skad bshad pa'i dngos grub 'di rnams 'grub par 'gyur ba de bzhin du ras ris la sogs pa brtags pa rnams la yang 'grub par 'gyur ro/ /zhes brtan par bya ba'i phyir gsungs so/ /ji ltar 'dod pa'i cho ga bzhin byas na zhes bya ba ni/ ji skad du bstan pa'i cho ga 'di rnams kyi nang nas/ gang zhig gang la srid pa de la cho ga de nyid kyis byas na dngos grub thams cad 'grub par 'gyur ro/ /rdo rje dbyings kyi dkyil 'khor chen po'i cho ga rgyas pa ji lta ba bzhin bya'o/ /zhes bya ba ni/ de na ci khyod don 'byung ba'i dngos grub kyi ye shes dang/ rdzu 'phrul gyi don dngos grub kyi ye shes dang zhes bya ba nas brtsams te/ gshegs su gsol ba'i bar gyi cho ga rdo rje dbyings dkyil 'khor chen po ji lta ba bzhin 'dir yang de bzhin du bya'o/ /rdo rje sems dpas gsungs pa'i rtogs pa sangs rgyas kyi gsungs nyid yin par bstan pa'i phyir dang/ dkyil 'khor gshegs su gsol zhing nye bar bsdu bar byas nas/ slob dpon gyis rang gi snying gar gnas pa'i rdo rje sems dpa' i legs so/ /zhes bya bas mnyes par bya'o/ zhes bstan par bya ba'i phyir de nas zhes bya ba la sogs pa gsungs te/ yang de bzhin gshegs pa thams cad 'dus nas zhes bya ba la/ yang zhes bya ba'i sgra ni slar yang zhes bya ba'i don to/ /dkyil 'khor bri ba'i phyir gsol ba btab cing 'dus par mdzad nas/ da ni de skad du bshad pa'i don gnyis po rdzogs par bya ba'i phyir ro/ /de bzhin gshegs pa thams cad kyi gtso bo ni rnam par snang mdzad chen po'i rang bzhin yin pa'i phyir ro/ /de nyid kyis na byang chub kyi sems chen po rdo rje sems dpa' o/ /stong pa nyid ston par byed pa'i rdo rje rtse lnga de'i phyag na mnga' bas na phyag na rdo rje chen po/ de la rdo rje dgyes pa'i legs so / zhes bya ba'i phyag rgya snying po 'di zhes bya ba thugs la gnas pas so/ /da ni snying po ston te legs so rdo rje sems dpa' khyod/ ces bya ba ni ni gang rdo rje sems dpa' i tshul gyis bstan pa de ni khyed legs so/ /de bzhin du gang rdo rje rin chen dang/ chos dang las kyi tshul gyis bshad pa de khyed legs so/ /gang gi phyir thams cad legs shing mdzes pa nyid yin pas na/ mdo sde 'di ni legs par bshad pa yin te/ sgro btags pa dang/ skur ba 'debs pa'i nyes pa dang bral ba yin no/ /rdo rje theg pa zhes bya ba ni rdo rje theg pa yin pas na/ rdo rje theg pa ste/ de yang bcom ldan 'das rnam par snang mdzad kyi sems dpa' i rdo rje las byung ba de bzhin gshegs pa thams cad kyi thugs ka nas gnas pa'i sems dpa' i rdo rje rnam par snang mdzad chen po'i rang bzhin las/ rdo rje sems dpa' la sogs pa thams cad byung bas/ de'i phyir rdo rje theg pa zhes bya'o/ /'di ni de bzhin gshegs pa thams cad kyi yin pas de bzhin gshegs pa kun gyi gsang ba zhes bya ba ste theg pa chen po ni skye bo thams cad kyi thun mong ma yin par ston to/ /de gtso bor gyur pa 'dir mdor bsdus pas na mdor bsdus pa ste/ de bas na theg pa chen po mngon par bsdus pa zhes bya'o/ /rdo rje sems dpa' i mtshan gyis kyang/ / dngos grub kun gyi mchog tu 'gyur/ zhes bya ba ni gang gi rdo rje theg pa ston par mdzad pa ni bcom ldan 'das rdo rje sems dpa' nam mkha' dang mnyam pa dang mi mnyam pa thams cad du rtogs pa'i sku dang gsung dang thugs rdo rje'i rnam par 'phrul pa bsam gyis mi khyab pa nam mkha' thams cad du spros pas/ sems can gyi khams ma lus shing lus pa med pa'i bsam pa thams cad yongs su rdzogs par mdzad pa yin te/ de lta bu'i rdo rje sems dpa' i mtshan nyid kyis kyang zhes/ mtshan tsam zhig rjod pa dngos grub thams cad byed pa'i mchog yin te/ 'jig rten dang 'jig rten las 'das pa'i dngos grub thams cad bskyed par mdzad pa'i mchog ste/ dam pa yin pas mtshan tsam 'dzin pa yang 'bras bu don yod par stsol ba yin no/ zhes ston to/ kyang zhes bya ba'i sgras ni sgom par byed pa lta smos kyang ci dgos/ de ni nges pa kho nar thams cad 'grub par 'gyur ro/ kyang zhes bya ba'i sgra 'di nyid kyi don bstan pa ni/ dag par byas nas bsgrubs na ni/ sangs rgyas nyid kyang bde ba thob/ ces bya ba yin te/ chos thams cad rang bzhin gyis rnam par dag pa'o/ zhes bya ba'i 'dis sgrib pa rnam par dag pas na dag par byas pa'o/ /rdo rje sems dpa' 'ba' zhig bsgrubs shing bsgoms na/ sangs rgyas nyid bde zhing dka' pa spyod pa med par tshe 'di nyid kyis bde ba mi bzad cing med par mi 'grub par 'gyur ro/ /de yang bsgrub pa pos rdo rje sems dpa' bde ba bsgrubs pas na bsgrub pa po'i tshe 'di nyid la bri ba med pas mi zad pa dang/ rgyun chad pa'i 'jigs pa med pas med cing gong par mi 'gyur ba'i zag pa med pa'i bde ba 'grub par 'gyur ro/ /yang ci'i phyir bsgrub pa pos dga' ba dang bde ba bsgrub pas na ji skad du bshad pa'i rdo rje sems dpa' i bde ba bsgrub pa po la 'grub par 'gyur zhe na/ rdo rje chos kyi sbyor ba ni zhes bya ba gsungs te/ gang gi phyir ji skad du bshad pa'i rang bzhin gyi rnam par dag pa'i bsgom pa'i mtshan nyid can gyi rdo rje chos kyi sbyor ba 'dis 'dod pa kun gyis bde bas bde ba yis sangs rgyas nyid thob par 'gyur ro zhes bya ba'i tha tshig go /de la 'dod pa yang yin la kun kyang yin pas 'dod pa kun te/ mchod pa chen po dang/ dbang bskur ba'i mchod pa dang/ chos kyi mchod pa dang/ las kyi mchod pa dang/ rnal 'byor dang rjes su mthun pa'i ro la sogs pa ste/ de rnams las skyes pa'i bde ba rnams ni 'dod pa kun gyi bde ba'o/ /'dod pa kun gyi bde ba de dang/ rdo rje chos kyi sbyor ba dang bcas pas 'grub par gyur gyi/ /dngos po la mngon par zhen pa'i bde bas bsgrub pa pos sangs rgyas thob cing bcom ldan 'das kyis rjes su bzung ba ni ma yin no/ zhes bya bar shes par bya'o/ /de bzhin gshegs pa thams cad kyi de kho na nyid bsdus pa bshad zin to/ /de bzhin gshegs pa thams cad kyi theg pa chen po mngon par rtogs pa ston par byed pa'i sgra'i tshogs dang po sbyor ba la sogs pa ston par byed pa ni brtags pa las byung ba yin pa'i phyir rtog pa zhes bya'o/ /de yang rtog pa gzhan las shin tu mchog tu gyur pa yin pas rgyal po'o/ /rdzogs pa ni rtsa ba'i rgyud kyi rang bzhin gyis mthar thug pa'o/ /rdo rje dbyings kyi dum bu 'di thams cad brjod par bya ste/ de bzhin gshegs pa thams cad kyi sku dang gsung dang thugs rdo rje'i dbyibs ni rnam par snang mdzad la sogs pa nas/ rdo rje 'bebs pa'i bar re re zhing 'dir skyes pas na/ de rnams ni de bzhin gshegs pa thams cad kyi sku dang gsung dang thugs rdo rje'i dbyings kyi rang bzhin du bskyed pas 'grub pa'i phyir rdo rje'i dbyings so/ /de bas na rdo rje'i dbyibs kyi dum bu ni ma lus pa de las phyogs gcig ces bya ba'i tha tshig go /'di ni rgyud phyi ma las phyag rgya chen po zhes bya bar yang ston te/ de la phyag rgya yang yin la chen po yin pas phyag rgya chen po ste/ mi bskyod pa'i rang bzhin byang chub kyi sems chen po'i phyag rgya ni/ chos bdag med pa'i ye shes kyi rang bzhin gyis 'di ni thams cad du khyab pa'i phyir che ba nyid do/ /de las byung ba rnam par snang mdzad la sogs pa nas/ rdo rje 'bebs pa'i bar la nye bar gdags pas phyag rgya chen po zhes bya'o/ /rnam par snang mdzad la sogs pa de bzhin gshegs pa rnams las byung ba na/ 'di ni de bzhin gshegs pa'i rigs te/ skyes pas rigs zhes bshad pa yin zhes gsungs pa dang/ sgeg pa rdo rje sems dpa' zhes bshad pas/ 'di ni 'dod chags kyis 'dod chags spang ba'i phyir gsungs so// //de yang 'dir shes rab thabs kyi de nyid che/ /byang chub chen po rab grub phyir/ /blo ldan rdo rje sems dpa' yis/ /rtog pa'i rgyal po 'di gsungs so/ /zhes gsungs pa yin no/ /lus can byang chub grub bya'i phyir/ dri ma med pa de nyid ni/ snang byed dge ba 'di bshad pas/ /bdag gis bsod nams gang bsags pa/ /de yi 'jig rten ma lus pa/ /sangs rgyas kun gyis kun dga' che/ /snying po bsam mi khyab gtso che/ /rdo rje 'dzin chen rgyal gyur cig /rdo rje dbyings kyi dum bu'i bshad pa/ de kho na nyid snang bar byed pa zhes bya ba slob dpon kun dga' snying po'i zhal snga nas mdzad pa rdzogs so// //*/ (/de bzhin gshegs pa thams cad kyi de kho na nyid bsdus pa rdo rje dbyings kyi dum bu'i bshad pa slob dpon kun dga' snying pos mdzad pa bzhugs/) de ltar de bzhin gshegs pa thams cad kyi de kho na nyid bsdus pa las/ de bzhin gshegs pa thams cad dang/ mnyam par 'jug pa nyid kyi sbyor bas/ de bzhin gshegs pa thams cad kyi rang bzhin rdo rje dbyings thams cad du thugs su chud pa'i ye shes sems dpa' i tshul de bzhin gshegs pa'i rigs kyi ngo bo/ /de bzhin gshegs pa thams cad kyi de kho na nyid bsdus pa theg pa chen po mngon par rtogs pa zhes bya ba/ rnam par snang mdzad chen po'i rang bzhin gyi rtog pa'i rgyal po bstan nas/ da ni de bzhin gshegs pa thams cad kyi bka' i rjes su 'jug pa'i rang bzhin dam tshig gi phyag rgya'i ngo bo/ rdo rje'i rigs chen po khro bas khro ba spangs pa'i phyir ston par bzhed pas/ de nas zhes bya ba la sogs pa gsungs te/ de nas zhes bya ba'i sgra ni de ma thag pa ston par byed pa ste/ dang po sbyor ba'i rjes thogs la zhes bya ba'i tha tshig go /'dir dang po sbyor ba'i ting nge 'dzin ni rdo rje dbyings kyi dkyil 'khor chen po gsungs pa nyid yin la/ khyad par ni 'di yod de/ 'di ltar rdo rje sems dpa' sprul pa dang lhan cig ces bya'o/ /yang gcig tu 'dus par gyur te/ zhes bya ba la yang zhes bya ba'i sgra'i legs so zhes bya ba'i sbyin par mdzad pa la bltos nas yang tshogs par mdzad pas na/ yang gcig tu 'dus par 'gyur te zhes bya'o/ /de bzhin gshegs pa thams cad kyi 'khor lo chen po bskor ba la zhes bya ba la/ de bzhin gshegs pa thams cad kyi 'khor lo chen po ni rigs thams cad kyi dkyil 'khor te/ de rnams dpag tu med pa sprul pa dang/ bri ba dag gis bskor zhing rab tu 'jug pa'i ngang tshul 'di la 'da' bas na/

CLOSE WINDOW