བོད་ཡིག

e-texts based on the ACIP/ALL Input

mi zad pa'i gter mdzod yongs su gang ba'i glu zhes bya ba gnyug ma'i de nyid rab tu ston pa'i rgya cher bshad pa bzhugs so// //rgya gar skad du/ do ha ni d+hi ko Sha gI ti nAM pa ri pUr pa shastra min ti yo TIkA/ bod skad du/ mi zad pa'i gter mdzod yongs su gang ba'i glu zhes bya ba gnyug ma'i de nyid rab tu ston pa'i rgya cher bshad pa/ bcom ldan 'das 'jam dpal smra ba'i skyes mchog la phyag 'tshal lo/ /bla ma dam pa rnams la phyag 'tshal lo/ /skyes bu mchog rnams de nyid thugs su chud pa'i ngo bo dang/ /shes rab ral gris nyon mongs gcod par byed pa'i rje btsun pa/ /dam pa'i skyes mchog de nyid ston par byed pa'i bla ma la/ /bsam gyis mi khyab don gyi yang dag bstod byas te/ /sangs rgyas nyid las sangs rgyas rtogs pa'i ngo bo dpal/ /mi shes gnyug ma'i ngo bo tha mal shes pa de dag ni/ /dam pa rnams kyi gdams ngag ji lta bu'i don nyid du/ /tha dad rtog pa dpyad phyir mnyam 'di me tres bshad// de la chos kyi sku dang de'i dgongs pa tha mi dad pa dag rje btsun pa dpal gyi ri bo pa bdag gi rtog pa'i don glur blangs te bsam gyis mi khyab pa'i don de dag bdag gis rab tu rnyed do/ /de yang mkha' 'gro ma dag gis rjes su dpag pas nye bar mi rnyed pa'i phyir lkugs pa'i skad brjod de/ du ma me li'o/ /de'i don ni/ mu stegs sgra dang tshad ma dang/ /mngon sum rjes dpag rig pa'i mdung/ /blo rab mngon shes phra mos kyang/ /rtogs par mi nus man ngag yin/ /zhes bya'o/ /de bas na 'di ni tug kan tsa ma na zhes bya'o/ /de'i don ni 'byung pa 'byung/ /min 'byung ba 'byin/ /len pa len med len long ba/ /smra ba smra min smra med brda/ /don min med don med min no zhes bya ste/ bla ma dag las nges par rnyed pa'i don to/ /de bas na hi ma hUM mangs ra hUM ho zhes bya ste/ de dag gi don ni/ mgo bcad nam mkha' dag la 'phangs/ /nang grol tshogs kyi ston mo byas/ /rkang mthil spyi gtsug dag tu bkur/ /lte ba'i 'khor lo bskor bar bya/ /de ni nges par sbyar ba'i cha'o/ /de bas na rtag la a ri ta zhes te/ de dag gi don ni/ grub pa med phyir rmi lam ston/ /brgyud pa yin phyir glu len te/ /gsang ba yin phyir mkha' 'gro'i skad/ /gdams ngag yin phyir nyams su blang/ /zhes bya ba ni gnas par bya ba'i yan lag go / de bas na e ka na zhes bya ste/ skye ba med pa de dag gi don ni/ /skye med mkha' las thig le shar/ /rgyud gzhan 'bras bu'i thigs pa ste/ /sgra ni dus chen 'gyur dus ston/ /mu rig tshal du bram zes so/ /zhes pas ni thos pa can la sbyar bar bya'o/ /de bas na ha hi ha ma ni zhes bya ste de dag gi don ni/ gzhan gsal snying po'i khyad par dang/ /bla ma bzang las de rtogs te/ /gnyug mar sbyangs pa'i spyod pa yin/ /'dir ni nyams su blang ba ste/ /'bras bu de las 'byung ba'o/ /de dag go bar bya ba'i don nyid du sbyar ro/ /de bas na ma ki'u k+Sha na re zhes bya ste de dag gi don ni/ /g.yas pa gzhan dang gzhan der min/ /g.yon pa gsal ba brtags phyir min/ /de nyid de nyid rtog pa min/ /min pa rgyal po'i shes pa min/ zhes bya ba ni khyad par gyi don brjod pa'o/ /de bas na do ha zhes bya ste/ de dag don ni rang la med pa a ai'o/ /rang dang ldan pa ni e au'o/ /phan tshun gnyis la mi smra ba ni a ai e'o/ /ngo bo ni li ra a'o/ /gzhan gcod par byed pa ni aau la'o/ /mtshan nyid kyi don ni ai aM ra'o/ /gnas brtan par bya ba ni ao li ai'o/ /nyams su myong ba ni a ra'o/ /de nyid kyi brjod pa ni a aM ai'o/ /de ni mkha' 'gro ma'i sgra'i don dang po'o/ /sgra'i tshig mang po bzang po'o can la sbyar ba ni/ khur chen khyer dang 'gro ba mgyogs/ /phyin pa med de dang po'i sa/ /gshog pa spar bas nam mkha' i mtsho/ ri rab nor bu gling na bde/ /zhes bya ba'i don to/ /sgra'i tshig bka' la sbyar ba'i ni/ /chu srin gdug pa'i khang 'gro dang/ /rus sbal rgyab na gnas pa dang/ /nyi mad chen po'i lto ba ni/ /nyi ma'i dkyil na mdzes pa che zhes 'byung ba'i phyir ro/ /bstan pa'i sgra sbyar ba ni/ /me yis skams pa'i bdud rtsi dang/ /dur khrod tshogs kyi rus pa btung/ /rgya mtsho'i steng na gzhon nu mo// rgyal pos sa 'dzin gdol pa'i mchog / ces 'byung ba'i phyir ro/ /sgra mkhas pas sbyar ba ni/ /rkang mthil spyi gtsug snying du bsnyam/ /kha rkub brgyud pa khyi yi zas/ /srin bu me khyer chu bo'i rgyun/ /thal mo brdabs pa nam mkha' i sgra/ /zhes 'byung ba'i phyir ro/ /bstan pa thun mong pa'i sbyar ba ni/ /bar su ne gi ha ta ko sha bu ha sa na gi ta na ma'o/ /de dag gi don ni/ ma zad mi zad zad pa med/ /mthar thug rdo rje nyid kyi rang/ /sangs rgyas sangs rgyas rtogs pa min/ /lag pa'i nor bu mthong ba'o/ /bde gshegs snang ba sems kyi rang/ /nges pa'i don smra nga yi snying/ /rtogs par byed pa nor bu rten/ /de yang sa bon chu yi skyed/ /gdol pa lta bu'i smyon pa las/ /nor bu chen po lag tu 'ongs/ /sangs rgyas dam pa rnam kyis gsungs/ /mkha' la mi smra smra ru med/ /thams cad chos kyi 'khor lo che/ /phyag rgya chen po gnyug ma'i dang/ /bde dang bral ba chos kyi sku/ /gsal dang mi rtog longs spyod rdzogs/ /snang dang stong pa sprul pa ste/ /rang bzhin lam la shin tu gnas/ /smras kyang grub pa med pa ni/ /rmi lam gyis ni nor bzhin du/ /mtshan nyid bral ba rdo rje'i glu/ /bla ma'i zhal las nges par blangs/ /de bas na a ai au e ra li ao zhes bya ste/ de dag gi don ni/ dang po bzang po mchog gi stobs so/ /gnyis pa glu blang bar bya ba nyid do/ /gsum pa ni mtshungs pa'o/ /bzhi pa ni longs spyod do/ /lnga pa ni grub par byed pa'o/ /drug pa ni de bzhin nyid do/ /bdun pa ni gnas pa'o/ /brgyad pa ni spros pa'o/ /de bas na brda'i don 'di dag ni rje btsun dpal gyi ri bo dang/ bdag dang bdag gi cha las sbyar ba dag gis rtogs par bya ba nyid du zad do/ /de ci'i phyir zhe na/ mkha' 'gro ma lam dang du ma di ri ni ni de bzhin gshegs pa'o/ /kang ka dang gtum mo dang phag mo dang ro langs ma dang 'jig pa'i gdong can ma ni 'phags pa chen po dag gi yum mo/ /yaN Da ro hi dang/ pi ta li ni rje btsun pa'i yum mo/ /rdo rje dpal mo su kha mahA sid+d+hi ni bdag byin gyis rlob pa'i mar gyur pa ste/ 'di dag ni gzhan dang ma 'brel ba'i phyir ro// der yang ma zad de/ gnas pa chen po na bdag nyid gnas pa de'i tshe tsin da ma dang stobs mchog ma dang dkar mo ma dang bshan pa mo dag gis ro'i brda bstan par gyur to/ /de bzhin gshegs pa'i 'byung gnas dam pa dag tu yang he ru ka ni dang dur khrod ma dang rnal 'byor ma chen mo sna chen ma dag gis/ bsod nams kyi 'khor lo'i brda bstan par 'gyur ro/ /rdo rje rje btsun mo'i spyan sngar yang sa 'og ma dang 'phar ma dang/ brtul zhugs ma dang spyod pas rgyu ba dag gis kyang byis pa'i brda bstan par 'gyur ro/ /de bas na rnal 'byor pa dag gis brda'i don la mkhas par bya ste/ 'di dag gi don ni bdag gis kla klo'i skad du brjod do/ /ho sa ra na a sa ra na/ e ta a sa ra/ he dus dbul/ a ta ka ta/ mu lu sa/ la hi mus ras tris/ tra sa ra/ aM tsa ba ma/ a tsa pa ma/ a tsa pa ma/ a a ti ma/ a ai su mig /po li/ ka'i snig /sha ho sa ra/ ki pi tsa ta/ yo pi/ tsan he tran/ he ho ma he/ hi ma ri/ ta ma be/ a sig /ma la po yi ha/ bo yi na la/ ha hi ho/ /e na sa sug do yi la/ do pa na/ ru mig sa ra ha hi ho/ ai pa ta na/ ha hi/ ai pa na ha/ bo tsa na to yi la/ du ma hau la/ tsan do/ /smi ri su pa ri/ smi ri ka'i la/ tsan do pa yi la/ da ki sa/ pheM pheM pheM ha ha ho zhes pa ste/ 'dir ni srid pa'i 'khor lo'i brdar gyur pa thams cad de/ rje btsun ni pa mnyam pa la bzhugs pa ste/ bdag 'ba' zhig gi shes pa kho nar zad do/ /de yang mdor bstan pa'i tshul ni/ dang po pa nyid rnam par zhi ba'o/ /de dag ni can no/ /'byung ba chen po'o/ /byin gyis brlabs pa'o/ /gter ro/ /bzhi'o/ /dag pa'o/ /bzang po'i spyod pa'o/ /yang dag par spyod pa'o/ /chen po'o/ /stobs so/ /rnam par rgyal ba'o// phyag rgya'o/ /snyom par zhugs pa'o/ /'od gsal ba'o/ /bde ba chen po'o/ /sbyor ba bzlog pa'o/ /sngon du gyur pa'o/ /lnga'o/ /gsum mo/ /gcig go /thams cad pa'o/ /thams cad pa med pa'o/ /gzung ba'o/ /gzung ba med pa'o// thams cad pa'o/ /dus mtshungs pa'o/ /stegs so/ /dge ba'o/ /rnam par dge ba'o/ /smra ba'o/ /tha snyad do/ /'khor lo'o/ /ce spyang ngo/ /rgyan no/ /sku'i 'khor lo'o/ /gsung gi 'khor lo'o/ /thugs kyi 'khor lo'o/ /mnyam pa nyid kyi 'khor lo'o/ /'dis ni brda'i don rnam par phye ba'o/ /de yang rje btsun pa dpal gyi ri bo bdag gis snying rje chen po dag gi blang ba'i sangs rgyas kyi ye shes kyi spyod yul rnam par phye ba'i don de dag bdag gis dgrol zhing gsal ba'i bdag nyid du bshad par bya ste/ de yang dang po snying po'i don dngos kyi mtshan nyid la tha dad kyis yang dag pa'i don gtan la phab cing de bzhin nyid ji lta ba de dag la bsam gyis mi khyab pa'i mchod pa brjod nas /bshad par dam bca' bya ste/ 'di dag ni spros pa dang bcas pa'i tha snyad kyi dben pa yin te/ de ci'i phyir zhe na/ 'di dag ni rnal 'byor gyi dbang phyug chen pos rtogs pa'i don yin no/ /de yang rab tu mi gnas pa'i rgyud las/ dbang phyug chen po dag gis nyams su myong ba 'di ni dam pa rnams kyi gdams ngag go / zhes 'byung ba'i phyir 'di dag gi don nges par shes par byed pa yang gnyis med brjod bya dang bral ba ston pa'i lung dang/ dam pa rnams kyi rtogs pa las byung ba'i zhal gyi bdud rtsi dang/ sems nyid bsam mi khyab pa chen por rtogs pa'i lus te/ glegs bam tha dad pa la ltos pa ni ma yin no/ /de yang rgyud de nyid las/ /'di ni gnyis med rab tu sbyor ba'i lung/ /dam pa rnams kyis rnam par sprel ba'i ngag / bsam gyis mi khyab sems kyi klong rnams ni/ /dbang phyug chen po rnams kyi dbang po'o/ /zhes 'byung ba'i phyir/ /don de nyid nyams su myong bar byas la thams cad bde ba chen po'i rig par sbyar bar bya'o/ /yang rgyud de nyid las rnal 'byor rnams ba rig pa che/ /dbang phyug rig pa bla na med/ /nyams su myong ba don gyi gtso/ /thams cad bde ba chen por sbyor/ /zhes 'byung ba'i phyir/ /man ngag gi thogs pa de nyid snying gi padmo ze 'bru la thim pas rang bzhin gyis 'od 'byung bar 'gyur te/ 'dis ni rtog pa'i 'ching ba thams cad grol bar 'gyur ro/ /de yang bsam gyis mi khyab pa'i rgyud las/ snying gi pad+ma'i tha mal shes pa dag /mnyam nyid rtsi yis kun nas khyab pa ste/ /sems kyi bung ba dag gis 'jigs gyur na/ /? nyid ma bcos bde ba chen po'i sku/ /zhes 'byung ba'i phyir dang/ yang de nyid las/ tha mal shes pa nang nas sgro 'dogs gcod/ /gcad du med de chos dbyings 'khor lo che zhes 'byung ba'i phyir/ snang ba thams cad chos kyi sku/ /gnyug ma'i ngo bo nyid du shes par bya zhing dus thams cad du phyag rgya chen po 'ba' zhig tu blta'o/ /de yang rab tu mi gnas pa'i rgyud las/ snang srid phyag rgya chen po ste/ /bde ba chen po kun tu bzang/ /'di ni sems kyi 'khor lo ste/ /rnal 'byor dbang phyug lta bar byos zhes 'byung ba'i phyir dus thams cad du lhan cig skyes pa gnyis su med pa ye shes kyi tshul du spyad par bya'o/ /de yang rgyud de nyid las/ bdag tu mi rtag gzhan du min/ /gnyis ka dag tu brtag mi bya/ /lhan cig skyes pa'i ye shes ni/ /gnyis med sbyod pa chen po'o zhes 'byung ba'i phyir/ chos kyi sku de dag ni gzhan du brtag par mi bya ste rang gi sems ji bzhin pa la bya'o/ /yang de nyid las/ sangs rgyas grub pa med cing gzhan mi rtag /grub med sems ni rdo rje lta bu ste/ /sems can kun gyi rgyud la de gnas shing/ /gnas pa med pa rdo rje'i snying po che/ /zhes 'byung ba'i phyir de dag ni 'bad rtsol gyi bsgrub pa dang 'grub pa yang ma yin te/ gnyug ma'i don phyin ci ma log pa de dag goms pa mthar phyin pa las ni skye ba 'di las sangs rgyas zhes bya ba 'byung bar 'gyur ro/ /de yang bsam gyis mi khyab pa'i rgyud las/ 'bad dang rtsol bas de nyid 'grub pa min/ /rtog pa'i don la goms par gyur pa na/ skye ba 'di yis sangs rgyas 'bras bu thob/ /bzang po he ru ka sna rnam par smras/ /zhes 'byung ba'i phyir dus de dag kyang thun mong du rnam par bshad par bya'o/ /khyad par gyi don tha mal gyi shes pa 'di dag ni bla ma dam pa'i drin gyi bdud rtsi khu ba 'thungs pas rang gi de kho na nyid rtogs te/ skad cig la mngon par rdzogs par 'tshang rgya bar 'gyur ro/ /de yang bsam gyis mi khyab pa'i rgyud las rtogs dang goms pa mthar phyin pa/ /'di la yod pa ma yin te/ /rtogs pa'i skad cig de nyid la/ /bcu bzhi sa la nges par gnas/ /zhes 'byung ba'i phyir de nyid kyi don gsal bar bya ba ni/ /kun ldan kun min ldan pa yi/ /lhan cig skyes pa'i ngo bo dpal/ /bde dang stong pa dbye med sku/ /gnyug ma'i don la phyag 'tshal te/ /bdag gi de nyid bdag 'dra ba/ /bdag 'dra gzhan la de nyid gzhan la ston/ /brda las shes shing myong ba nyid/ /smrar med don ni der bshad bya zhes bya ba'i don ni/ bla ma rnams kyi gdams pa'i don de dag smos par bya ste/ de yang kun ldan zhes pa ni snang grags kyi chos thams cad do// de dag gang dang ldan zhe na/ sems sangs rgyas kyi bdag nyid la ldan pa'o/ /kun min zhes bya ba ni de la zhen shes kyi rtog pa ji snyed pa de dag min no/ /ldan pa'i zhes bya ba ni sems gnyug ma'i ngo bo phyin ci log pa dag la dus gsum gyi sangs rgyas thams cad kyi sku gsum dang ye shes lnga'i bdag nyid ldan pa'o/ /lhan cig skyes pa zhes bya ba ni chos kyi sku la bya ste/ snang ba lhan cig skyes pa dang/ sems nyid lhan cig skyes pa'o/ /de bas na de dag glo bur ba ma yin te/ /thog ma nyid nas chos kyi sku'i ngo bo rtogs pa dpal du gyur pa dag go / de dag ni bde ba chen po'i rang bzhin yin te/ zag pa dang bcas pa'i bde ba dang zeg pa med pa'i bde ba'o/ /de dag kyang lus dang sems dag las 'byung ba ste/ de la brtags pa'i 'khrul pa med pa ni stong pa'o/ /de ltar bde ba dang stong pa dbyer med pa ni chos sku yin te/ de nyid tha mal gyi shes pa'i ngo bo 'gyur ba med pa ni mchog ste sku/ de ni sems ma bcos pa gnyug ma'i don nyid yin te/ de yang mar la mar bzhag pa dang chu la chu bzhag pa'i tshul du sems la snang ba bzhag pa 'di dag ni chos kyi dbyings kyi ye shes te/ kun la gnas shing don dang ldan pa yin pa'i phyir phyag 'tshal zhing btud par rigs so zhes bya ba ni lhag ma dang bcas pa'i don te/ gang gi mchod par brjod pa'i gnas bsam gyis mi khyab pa'i don ji bzhin par gsal bar bya ba'i tshig go / de yang bdag gi zhe bya ba ni tha snyad kyi blo la brjod par bya ste/ rje btsun pa nyid do/ /de nyid ces bya ba ni thugs gnyis su med pa'i ye shes so// bdag 'dra zhes bya ba ni snang grags kyi chos thams cad la bya ste/ de dag tha mal gyi shes pa bdag nyid kyi dbang du gyur cing de dus thams cad du mtshungs par de las mi g.yeng ba'o/ /de ltar don de nyid kyang su la ston zhe na/ bdag 'dra zhes bya ste/ rje btsun ba de dang mtshungs pa'am/ gang zag skal ba dang ldan pa dbang po rab tu gyur ba don gnyis su med pa 'di dag la mos shing gzhol ba 'tshogs pa'i mthu las nges par grub pa'o/ /gzhan la de kho na nyid bstan pa 'am ston pa'o/ /de dag kyang bstan du yid dam zhen ma yin te/ e du ba ka dang/ ka la mu su da dang/ tsi trid ka ni ka dang/ ni ba lo bi ka dang/ /hasta ni ma da ra la sogs pa'i brda las shes shing slob pa po la myong du med pa'i myong ba nyid ston to/ /de dag nyams su myong ba dang smrar med de med pa'i don de nyid ni rtog ge bsnams la gsal bar bya ba'i phyir sgro btags te bshad par bya ba'i don to/ /de yang ji ltar bshad par bya zhe na/ log par rtogs pa gsal ba dang// snying po'i don gyi khyad par dang/ /bla ma bstan la rtogs par bya zhing/ gnyug ma la sbyangs pa'i gang zag gi spyod yul yin pa dang/ de nyid nyams su blang ba dang/ 'bras bu 'byung ba'i rim pa bstan pa'o/ /de yang dang por mi mthun zhing log pa'i gang zag dang mi 'grogs par ston te/ dug sbrul lta bu'i skal med kyi/ /nges pa'i skye bo dam pa la/ /skyon gyi dri mas gos byed cing/ /sman tshig mngon par sgrub pa la/ /ro snyoms ldan pa'i skyes bu yis/ /mthong ba tsam gyis 'jigs par byos/ /zhes bya ba'i don ni log par rtog pa'i sems can thams cad kyi bag chags 'thug pos non pa dag la bya ste/ dug sbrul zhes bya ba ni sbrul dug can la bya ste/ de dag mthong bas ni skyes pa dang bud med dag 'jigs par 'gyur la/ reg pas ni sdangs par 'gyur te/ bsngags shing sos btab pas ni skrangs pa dang 'chi bar 'gyur/ de lta bu'i gang zag skal pa med pa dag gis rnal 'byor gyi dbang phyug chen po dag la skur par gyur te/ mthong ba'i dus su yang khong khro ba dang b cas pas blta bar byed cing lhan cig tu gnas pa na yang de dag gis sangs rgyas kyi gnyug ma nyams su myong ba'i slu ba med pa'i don nges par sbyar ba'i skye bo dam pa dag la rnam par rtog pa'i skyon gyis de kho na nyid la mi 'jug ci zhugs pa dag kyang phyir zlog par byed la the tshom skyed pa ste/ de la sogs pa dri mas gos par byed cing 'di sangs rgyas kyi chos ma yin no/ /'di ni ston pa'i bstan pa ma yin no/ /'di la dam pa rnams kyis gdams pa ma yin no zhes pa'i smad pa'i tshig mngon par sgrub pa rnams la bde ba dang stong pa dbyer mi phyed pa'i ro snyoms dang ldan pa'i skyes bu dam pa de yis mi mthun pa'i gang zag de dag mthong ba na de tsam gyis 'jigs par bya ba nyid yin te/ rnal 'byor gyi dbang phyug chen po rnams kyis ni sems nyid gnyug ma'i rang bzhin du blta ba dang/ de ma yin pa don gyi gzhi nyams su myong ba'i rnal 'byor pa rnams kyis ni gzhan dang gzhan du 'gro bar byos shig /de ci'i phyir zhe na/ sems la gnod pa'i phyir te/ de nyid rnam par smin pa ma yin pa myong zhing skyed par byed do/ /da ni bram ze'i brtul zhugs kyis mi grol bar ston te/ de nyid la 'khrul mu stegs ni/ /bram ze'i spyod pa la gnas shig/ /sgyu ma'i rig byed bzhi dang ni/ /thun bzhis rnam par gnas shing 'don/ /sgyu ma'i dngos po gcod par byed/ /lta ba skye nyid rnam par 'dzin/ /zhes bya ba'i don ni gnyug ma dang bral ba'i tshangs par spyod pas mi grol bar ston te/ de yang de nyid ces bya ba ni chos nyid ma bcos pa'i rnal ma ji lta ba la bya'o/ /de nyid la 'khrul pa ni mu stegs lo ma can rnams te/ de dag ni bram ze lta bu'i spyod pa la gnas par byed cing rtag tu gtsang sbra dang khrus la brtson par byed pa ste tshangs pa'i skud pa dang 'gu ste 'chang ba yang byed do/ /de dag gis bya ba'i rim pa ni nus pa mi 'byin cing yid brtan du mi rung ba ste sgyu ma'o/ /rig pa ni thun mong gi dngos grub skyed par byed do/ /de la yang pho'i rig byed dang mo'i rig byed dang mtshungs pa'i rig byed dang las kyi rig byed de dag ni 'ba' ri ha dang/ ru na ha ta dang ki haM na dang/ pu ru ha na'o/ /de dag gis ni sa 'og gi dngos grub dang mkha' spyod kyi dngos grub dang mig sman gyi dngos grub dang rkang mgyogs kyi dngos grub 'grub par byed do/ /de yang snga dro dang phyi 'phreng dang sod dang tho rangs dang thun bzhi'i rnam par rig pa dang ldan pa'i lo mang ba bcu gcig gi rdo rje'i skyil mo krung la gnas shing 'don par byed do/ /de yang sgyu ma'i dngos po skyes pa dang bud med dang byol song gi tshogs ji snyed pa byung na 'phro gcod par byed do/ /lta ba ni dbang phyug tu 'dzin pa ste/ de dag gi 'dod pa yang dang po nam mkha' la rlung gi rdul phra rab lha dbang phyug chen po'i thugs rje dang sems can gyi las kyi mthul byung bar gyur te/ de gnyis phrad cing 'dus pa las rlung gi dkyil 'khor chen po sra zhing rngams 'thug la 'byung bar 'gyur ro/ /de'i steng du sa'i rdul phra rab gnyis 'grub par 'gyur te/ de gnyis phrad cing 'dus pa las gser gyi sa gzhi chen po 'byung bar 'gyur ro/ /de'i steng du chu'i rdul phra rab gnyis 'grub par 'gyur ro/ /de gnyis phrad cing 'dus pa'i skad cig ma de nyid las chu'i dkyil 'khor chen po 'byung bar 'gyur ro/ /de'i steng du me'i rdul phra rab gnyis 'grub par 'gyur te/ de gnyis phrad cing 'dus pa'i skad cig ma de nyid la me'i sgo nga chen por 'gyur ro/ /de dag gin dang nas mes po ral pa can zhes bya ba tshangs pa gdod bzhi pa byung ste/ de dag gi gdong bzhi las mngal nas skyes pa dang/ drod gsher las skyes pa dang/ sgo nga las skyes pa dang rdzus te skyes pa 'byung bar 'gyur ro/ /de la mchod pas mnyes shing mgu bar gyur pa las ni legs pa dang dngos grub thams cad skye ba nyid du byed do/ /de dag mnyes par ma byas pa dag gis ni 'bad pa dang rtsol ba ji snyed cig byas kyang 'grub par mi 'gyur ro zhes mngon par log pa'i lta ba 'dzin par byed do/ /de dag gi 'khrul gzhi gang las 'khrul zhe na/ yul bA ra Na se'i grong khyer chen po lig tan zhes b ya ba na bram ze'i rigs su skye ba bzhes pa'i tshangs par spyod pa'i rnal 'byor pa sing ha pa na ha zhes bya ba zhig gis 'jam dpal dpa' bo rig pa'i rgyal mtshan gyi rgyud la brten nas bya ba'i rgyud dang kri ya'i brtul zhugs nye bar spyod pa la gnas pa tshul nye bar spyod pa ni rgyud de dag dang mi 'gal bar sgrub pa ste/ de yang lung de nyid las/ rtag tu tshangs par spyod par bya/ /khrus dang gtsang spras gnas byas te/ /sha chang sgog btsong rnam par spangs/ /rtag tu bram ze'i spyod pa ni/ /mu tig shel skud dang ldan pa/ /de bzhin mgo bo rkang pa rked/ /lus kyi rnam par dkri bya'o/ /lha dang lha mo'i rig pa dang/ /mchod dang rig pa'i bzlas pa ni/ /tshangs par spyod pa dang ldan pa'i/ /bcu gcig dag ni thun bzhir bzlas/ /rdo rje skyil krung gnas byas te/ /lha yi nga rgyal ldan par bya/ /smra dang rgod dang g.yeng ba dang/ /bar du gcod pa'i mi rnams ni/ /spangs nas nges par 'grub par 'gyur/ /zhes bya ba'i don de dag la brten te bsgrubs pas las khyim bdag rgyal mtshan gyi dbang por skyes te/ der longs spyod thams cad dang ldan te de nas skye ba 'phos nas sum cu rtsa gsum gyi lha 'od kyi rgyal mtshan 'bar ba bya bar skye ba mthong ngo/ /de dag las 'khrul nas mu stegs lo ma pa ste/ lo tan ta zhes bya bas brtul zhugs de la nye bar zhugs te de dang mtshungs par spyod pa ni de'i rjes su 'dzin pa rnams so/ /da ni ri khrod kyi mu stegs rnal 'byor pa rnams kyi spyod pas mi grol ba bstan te/ sbrang bu la la'i brtul zhugs ni/ /sa chu ku sha pa yu yis/ /gdan dang zas dang 'khrud par byed/ /tsan dan shing la me sbar te/ /rlangs pa yin zhes lus la gdung/ /don med sbyin sreg byed pa ni/ /du bas mig la gnod par zad/ /ces bya ba'i don ni 'khrul pa'i brtul zhugs pa dag ston te/ de yang sbra zhes bya ba'i don ni ri khrod kyi 'jigs pa'i gnas la bya'o/ /bu zhes bya ba ni mu stegs kyi mkha' 'gro ma tshogs pa'i sa'o/ la la zhes bya ba ni log pa'i bsam gtan don du gnyer ba la bya ste/ brtul zhugs ni tha mal gyi spyod pa la brtul nas drag po'i brtul zhugs la 'jug pa ste de dag ni bye ma dag pa'i sa'i tshom bu gsum gyi lus kyi stod dang smad dang rked pa 'khru bar byed do/ /mtsho dag gi nang du song ste/ spyi gtsug nas brtsams te khrus la rtsan par byed pa pa dang/ ba yu rnam pa lngas maN+Dal byas pa'i steng du rtswa ku sha dag legs par bting ste 'dug pa dang/ ba spos kyi rtswa yid du 'ong ba dag zos pa'i ba yu rnam pa lngas zas byed pa dang/ de yang rus pa'i khad pa dag tu gnas te yang dang yang du ku sha'i gdan dang/ ba yu za ba dang sa dang chu'i 'khrud pa la brtson par byed do/ /nyi ma phyed kyi dus dag na yang tsan dan gyi shing la gu gul gyi dud pas bdugs pa dag la me sbar te/ ras kyi kha tshar mang po dag gis g.yabs pa'i dud pa lho phyogs su 'bud par byed do/ /de dag la brtul zhugs pa dag gis lus nye bar bsnyen te 'di ni lha dang dbang phyug chen po'i kha'i rlangs pa yin no zhes lus la bdug par byed cing de yang lus kyi phyi nag por nam song ba na bdag sgrib pa thams cad 'dag par byed pa ste/ chos nyid mi 'gyur ba'i rtags thob pa yin no zhes don med par sbyin sreg byed pa de ni du bas mig la gnod pa kho nar zad do/ /grong khyer ba rnams kyi me dang khyad med par 'gyur ro/ /de yang 'khrul gzhi gang las 'khrul zhe na/ rnal 'byor pa chen po te lo pa zhes bya ba dpal he ru ka bzang po'i brtul zhugs la zhugs te ri khrod dag na nye bar gnas pa de yang rgyud de dag na gnas pa'i spyod pa la gnas te de yang ci zhe na/ he ru ka mchog sangs rgyas grub 'dod pas/ /dur khrod sgom pa'i phyogs nyid dam pa ru/ /phyi nang zang zing g.yeng ba rnam spangs te/ /ku sha sngon po'i gdan la 'dug nas kyang/ /ba yu rnam lnga zas su bza' bya la/ /tho rangs dus su sa dang chu yi bkru/ /maN+Dal bzang po yid du 'ong ba'i steng/ /me tog chal pa legs par bkram nas kyang/ /tsan dan dkar po'i shing ni legs brtsigs te/ /bde gshegs mnyes phyir rtag tu sbyin sreg dbul/ /haM ti ta dang byil pa'i snying po dang/ /asma ka dang kre ya a karU/ sbyar ba'i khu bas lus la byug phar bya/ /des ni thun mong mchog gi dngos grub rnams/ /myur du ster zhing dam par 'gyur ba'o/ /zhes 'byung ba'i phyir/ tshul de bzhin du gnas pa dag skye ba 'phos nas rgyal po chen po stobs kyi glang por skye bar 'gyur ro/ /der tshogs gnyis yongs su bsags pa dag gis phung po lhag ma med pa'i rig 'dzin gyi sar tshogs kyi 'khor la song ba mthong ngo/ /de dag la mu stegs pa la kin ti zhes bya ba 'khrul nas ri khrod kyi brtul zhugs de dag la zhugs te/ de dag gi tshul 'dzin pa ni de dag gis rjes su 'brang ba dang bcas pa'o/ /da ni mu stegs rgyang pan pas mi grol ba ston te/ spre'u brtul zhugs 'dzin pa ni/ /gtsugs dang dbyu gu gnyis la gnas/ /sos ka'i rtsal shing rtse la btab/ /zags pas nyon mongs bcom zer te/ legs ldan dag gis nga rgyal gnas/ /mngon pa'i nga rgyal tha dad med/ ces bya ba'i don ni mu stegs nags khrod pa'i brtul zhugs 'dzin pa ste/ spre'u zhes bya ba ni shing kha na gnas pa dag gi tshul la gdags pa'o/ /brtul zhugs zhes bya ba ni bag yangs pa la brtul nas sdug bsngal gyi bag la brten pa la zhugs pa'o/ /de yang nags tshal dag tu sa gzhi legs par snyoms par byas te/ de dag gi steng du shing stag sha na'i sdong po chen po btsugs te/ shing kha te ra'i rgya sprel ba 'khor lo'i tshul du dbyu gu gnyis bres pa'i sna la spre'u bzhi gnas par byas te de dag gi stengs su gnas nas gsal shing shin tu rno ba dag la snum byugs nas legs par brdar bas rno bar byas pa dag gis rtse mos khrag rgyu ba'i phyir rtsa thams cad la btab ste/ /khrag dang chu ser zags pas bdag gi nyon mongs pa bcom pa yin no zhes zer te/ seng ldeng gi brgya ma dag la nyi ma re re zhing 'jal bar byed do/ /de yang ji bzhin du yang du song ba ltar bdag ni lha legs ldan chen po dag dang khyad med pa yin no zhes nga rgyal gnas pa'o/ /bdag ni 'bras bu thams cad kyi bdag nyid yin no zhes mngon pa'i nga rgyal byed cing/ sangs rgyas dang tha dad med par smra'o/ /de dag kyang 'khrul gzhi gang las 'khrul zhe na/ lho phyogs kyang kyi yul ngag na slob dpon DoM bi he ru ka'i slob ma shes rab kyi rgyud la blo gnas par byed pa'i rnal 'byor pa 'da' snya ru ba zhes bya ba zhig gis rgyal po chen po dpa' bas byin pa la 'di skad ces smras so/ /rgyal po chen po khyod gsang sngags kyi theg pa la rab tu gzhol bar gyis shig / de ci'i phyir zhe na/ skye ba 'di nyid la dngos grub chen po dang ldan par 'gyur ro zhes pa dang/ rgyal pos smras pa/ ri khrod pa khyod la nus pa ci yod bdag la ston cig dang bdag dang par 'gyur ram mi 'gyur blta bar bya'o zhes pa dang/ rnal 'byor pas smras pa/ kye rgyal po bdag gis ni gsang sngags kyi theg pa 'di dag la zhugs nas ring po ma lon te/ de ltar yin yang lus kyi khrag dang chu ser thams cad ni 'o mar 'gyur ro zhes pa dang/ rgyal pos smras pa/ de bdag gis blta bar bya'o/ / rnal 'byor pas smras pa/ zhag nyi shu snyed na sbyon cig ces nas dur khrod du phyin te/ lus kyi khrag dang chu ser la srog chags mi 'jug pa'i phyir shing gi skong bu legs par byas pa'i steng du 'dug ste/ gsal shing gi rtse mos lus phug nas khrag dang chu ser zags nas 'o ma 'thungs so/ /de nas rigs bzhi'i mkha' 'gro ma bzhis rnal 'byor pa de dag la bsrung ba byed pa dang/ 'jig rten pa'i mi rnams kyis spre'u bzhir mthong bar gyur to/ /de nas rgyal ba de dag gis phyir te rnal 'byor pa'i lus dum bu dum bur gcod do/ /bcad kyang de dag la khrag dang chu ser ma byung ste 'o ma 'dzag par gyur to/ /de nas rgyal po dag ngo mtshar nas rnal 'byor pa dag la skyabs su song ste/ rgyal srid thams cad bor nas ting nge 'dzin la zhugs so/ /de nas skye ba de nyid la thun mong gi dngos grub dpag tu med pa 'byung bar 'gyur nas mu stegs ha la bkag go zhes bya bas de dag gi tshul du spyod de/ de dag nye bar 'dzin pa ni de'i rjes su 'brang ba dang bcas pa rnams so/ /da ni spyod pa'i brtul zhugs kyis mi grol ba ston te/ rgyu ba dur gyi ngang pa'i skad/ /bstan pas gzhan 'dul chos ston pa/ /snying po'i don dang gzhan ma sel/ /de ltar mngon par zhen pa yis/ /'gro ba brdzun pa nyid du gol/ /zhes bya ba'i don ni mu stegs ro langs pa dag gi spyod pa ste/ grong khyer du bsod snyoms la rgyu ba'i dus su dur khrod na gnas pa'i dad pa dag gi skad kyis rgyu bar byed do/ /kang ka dang zhes bya'o/ /de yang mngon par 'dod pa'i sgras phye ba ni/ kang brtul zhugs so/ /ka ra dbang phyug gi nga rgyal lo/ /nga de dag gi mchod pa'o/ /zhes li ka ru'i mchod pa chen po la gtogs pa'i mi rnams la don de bstan pas mu stegs kyi bstan pa la 'jug cing gzhan 'dul bar byed pa de gong ma lta bu'i chos ston pa'o/ /gzhan dag ni chos ma yin ston pa'i bstan pa ma yin no zhes snying po'i don 'di dag dang nang pa sangs rgyas kyi chos gzhan ma sel bar byed do/ /de ltar bdag dang bdag gir 'dzin pa la mngon par zhen pa'i mu stegs kyi 'gro ba de dag ni don gyi 'bras bu 'byin par mi nus te/ slu bar byed pa'i phyir brdzun pa nyid du gol ba'o/ /nga ni phyi rol pa'i bsam gtan gyi brtul zhugs kyi mi grol bar ston te/ bsam gtan tshul byed mu stegs ni/ /gun te e re thal bas bkang/ /nyal dus thal byugs ral pa 'grol/ /bsod snyoms thig le spyi bor sdud/ /gtsang ma la ba'i stong nyid du/ /bdugs nas tshangs pa'i nga rgyal byed/ /e ran mar mes dbang phyug mchod/ /mtshams su gtor gtong dril bu dkrol/ /skyil krung bcas nas mig btsum ste/ /brda me tshig gi g.yo sgyu byed/ /skra med rgyan bral rig ma ston/ /thod pas dur khrod dbang bskur byed/ /bla ma'i nga rgyal yon tan len/ /zhes bya ba ni phyi rol gyi brtul zhugs kyi spyir mi 'grol ba ston te/ de yang bsam gtan zhes bya ba ni sangs rgyas kyi dgongs pa dngos gzhi'o/ /de dag pa rtogs pa'i bsam gtan ni bsam gtan gyi tshul du byed pa ste log par rtogs pa'o/ /de dag la gnas pa'i mu stegs ni 'gun de 'phrag par bkal te/ bram ze'i ro bsregs pa'i thal ba ni e ri'o/ /mu stegs de dag 'gun de'i nad thal bas bkang ste nyal ba'i dus su yang lus po la thal ba byugs te ral ba spyi gtsug nas bkol nas lus la gon par byed do/ /grong gseb dang dur khrod thams cad du bsod snyoms la rgyu ste/ /khrag dang zhag gi thig le dag gi lus thams cad la 'god par byed do/ /sbrul gyi chun po dang bcas pa'i ral pa'i spyi bor bsdus te/ spa dang snyug ma las btags pa'i stan la rta'i gzugs bris te shin tu gtsang bar byas pa la tsandan dang gur gum la sogs pa dris bsgos pa'i steng du 'dug nas kha shar phyogs su bltas te/ tshangs pa gdong bzhi pa'i nga rgyal byed do/ /e ran zhes bya ba ni sbrul gdug pa can la bya ste/ de dag gi tshil bus thod pa'i nang du mar me btang ste des dbang phyug chen po'i rten rdo las byas pa lha srid pa'i gdong can la mchod par byed do/ /shar phyogs mtshams su nyi ma re re la gtor ma bcu bcu gtong ste/ dur khrod kyi ka pA la rnying po la kha ti ri'i khu bas pad+ma brgyad pa bris pas dbus su srid pa'i mes po btags te dril bu dkrol bar byed do/ /rdo rje skyil mo krung bcas nas mig btsums te shes pa'i tshogs drug ma 'gags pa dag la ting nge 'dzin med do zhes rna ba yang 'gegs par byed do/ /da ri ha zhes brda med pa'i tshig de dag gis yon bdag rnams la 'debs par byed cing g.yo sgyur byed do/ /chung ma skra med rgyan dang bral ba srid pa'i mes po sbral bar bris nas 'di dag gsang sngags kyi rigs ma yin no zhes ston cing bdag ni chags pa dang bral ba ste/ de ci'i phyir zhe na/ rig ma 'di dag la blta bar bya'o zhes so/ /dur khrod kyi thod pa dag la dbang phyug chen pI gzugs bris te skra shad kyi dra bar bcug nas dur khrod du song ste/ skyes pa dang bud med gzhon nu dag gi ro bshas nas za bar byed cing thod pa de dag mgo bo la gzhag nas dbang bskur byed do/ /'di dag ni lha chen po dag gis snang ba'i dngos grub yin no zhes zer ro/ /de nas stan mthon po la 'dug cing nga ni khyed rnams kyi bla ma chen po yin no zhes nga rgyal bas slob mas phul ba'i yon rnams len par byed do/ /'di dag gis 'khrul gzhi ni rnal 'byor pa dan ta ko la zhes bya ba sgyu 'phrul chen mo la nye bar gnas pa dag gis de'i tshul du sgrub par byed do/ /de yang rgyud de nyid nas/ rtag tu dur khrod dag tu gnas/ /he ru ka yi nga rgyal dang/ /mkha' 'gro rnams la gtor ma sbyin/ /kang rag ra dang 'bod par bya/ /dpa' bo chen po'i nga rgyal bas/ /dur khrod chas dang thig le mgo /ral pa spyi gtsug dag tu bkur/ /gdug pa'i mar me rtag tu mchod/ /dur khrod gnas su gtor ma skyal/ /gcer bu rgyan bral skra grol ba'i/ /mtshan dang ldan pa'i rig ma la/ /dbang bskur bde ba bskyed par bya/ /de ni srid gsum dag pa'i don/ /mi zad rgyan gyi 'khor lo'o/ /zhes 'byung ba'i phyir de dang 'thun par spyad de/ de dag skye ba 'phos pa las/ /rnal 'byor pa shA ting dar ma kar skyes par gyur te/ de la mkha' 'gro ma thams cad kyis dbang bskur nas srid pa gsum gyi 'khor lo thams cad sgyur bar nus so/ /de dag mu stegs gcer bu pa legs srung zhes bya bas mthong nas brtul zhugs la zhugs so/ /de dang nye bar mtshungs pa ni de'i rjes su 'brang ba rang bcas pa rnams so/ /da ni phyi rol ba brtul zhugs kyi cha dang 'thun pa dag gis kyang grol bar mi 'gyur te/ skra sen ring zhing dri ma bsku/ /gos bral skra ni rnam par 'bral zhes bya ba'i don ni/ gsang sngags kyi tshul dag dang cha 'thun par spyod pa ste/ skra shin tu ring ba la rtsa ba klu shing gi me tog chus byugs te/ ser skyar byas pas de dag spyi gtsug tu sbrul gyis 'ching bar byed do/ /sen mo 'ang shin tu ring bzhin lus po la thang chu dang bdud rtsi bsres pa'i dri mas skud par byed do/ /gcer bu'i tshul gyis gnas par byed de dus rtag tu gos dang bral ba'o/ /skra'i mdza' thams cad kyang 'bal bar byed de/ nga ni chags pa dang bral ba yin no zhes smra bar byed do/ /de dag ci las 'khrul zhe na/ byang phyogs 'dam bu'i tshal rnal 'byor pa dpal gyi zhabs chen po zhes bya ba bcom ldan 'das dga' ba'i rdo rje'i nga rgyal du zhugs nas/ lo bcu dgu'i bar du shing lo'i stan cig gi steng nas ma langs te/ bza' ba dang btung ba ni dri chen dang dri chu'i rgyun log pas 'tsho bar byas so/ /de yang gcer bu'i tshul gyi gnas par byas te/ skra dang sen mo thams cad kyang ring bar gyur to/ /de nas lha'i bu rnams kyi nam mkha' la tshigs su bcad de smras pa/ skyes bu mchog ldan dpa' bo he ru ka /rje btsun bzhes shing bsam gtan la bzhengs la/ /lhung ba'i las can rnams kyi tshogs bsags phyir/ /sum cu rtsa gsum 'khor los sgyur bar gshegs/ /zhes nas nam mkha' la rol mo'i tshogs dpag tu med pas bsu ba dang blta ba byas nas song ngo/ /de dag gdol pa au ri ta na zhes bya bas mthong nas de'i rjes su brtul zhugs spyad do/ /de dang nye bar mtshungs pa ni de'i rjes su 'brangs pa dang bcas pa rnams so/ /de dag thams cad kyang tshul 'di lta bu dag yin te/ yid ni nam mkha' i khams la rtog / bstan la gnod byed lam gzugs ston/ /bdag ni grol 'dod thar la mngon par dga' / /gnas min bzod pa can la gnas/ /theg chen rnams kyi gzha'i sa/ /zhes bya ba'i don ni/ de thams cad 'thun pa'i bdag nyid ston par byed pa ste/ de yang de dag gis yid kyi rnam par shes pa nam mkha' i khams la ston cing nam mkha' bsgom par byed do/ /sangs rgyas kyi bstan pa la gnod par byed de bdag ni sangs rgyas kyi bstan pa 'dzin pa'o zhes brjod pas so so'i skye bo blo chung ba thos su rig par bya'o/ /de dag gi bdag nyid nye bar spyod pa rnams ni slob pa po dgul zhugs pa rnams te/ theg pa chung dun gyi rgyas par gnas pa 'od kyi mdo dang 'phags pa las brgya pa'i mdo dang ston kau dI n+ya'i mdo la sogs pa la slob par byed cing/ sdug bsngal dang kun 'byung dang 'gog pa dang lam gyi bden pa bzhi la brtags pa nyid kyi 'khrul pa ste/ mngon sum du rmongs pa kho nar zad do/ /de dag ni rtog bcas 'ba' zhig la spyod pa kho na yin no/ sde pa zhes bya ba ni dge slong dang dge tshul gyi bdag nyid 'dzin pa bzhir tshogs pa dang de las lhag pa'o/ /de yang bye brag tu phye nas bstan pa ni bco brgyad/ de yang rtsa ba'i sde bzhi ni dang po dge 'dun phal chen sde dang/ thams cad yod par smra ba'i sde dang/ gnas brtan pa'i sde dang/ mang pos bskur ba'i sde'o/ /dang po la yang shar gyi ri bo'i sde dang/ nub kyi ri bo'i sde dang/ gsang ri ba'i sde dang/ 'jig rten las 'das par smra ba'i sde dang/ rtag par smra ba'i sde rnams su gyes so/ /gnyis pa la yang gzhi thams cad yod pa smra ba'i sde dang/ 'od srungs sde dang/ mang du thos pa'i sde dang/ gos dmar ba'i sde dang/ rnam par phye sde smra ba'i sde rnams su gyes so/ /gsum pa la yang rgyal byed che la gnas sde dang/ 'jigs med na gnas sde dang/ gtsug lag khang chen sde rnams su gyes so/ /bzhi pa la yang sa sgrogs rigs pa'i sde dang/ bsrung ba'i sde dang/ gnas ma bu'i sde rnams su gyes so/ /de thams cad kyang spyod pa'i sgo? mi mthun te sun 'byin cing gzhan du dor bar byed do/ /lta ba ni nyan thos bye brag tu smra ba dang/ mdo sde pa gnyis su gzhi mthun no/ /de yang gzung ba rang bzhin med par shes pas gang zag la bdag med par rtogs la/ 'dzin pa rang bzhin du gnas pas chos la bdag tu 'dzin par gnas so/ /shes pa yang 'das pa dang ma 'ongs pa dang/ da ltar gyi dus gsum du bsags pa'i rdzas rdul phra rab tu grub par 'dod de/ de yang ne gsing dang g.yag rda'i tshul du sil bu phrag can sdud byed kyi rlung gis bsdus pa go 'gegs pa'i ngo bor 'dug pa 'am gong po bar mtshams med cing ma 'byar bar smra bar byed cing yang snang ba gzugs kyi gzhi dang/ gtso bo sems kyi gzhi dang/ 'khor sems las byung ba'i gzhi ni kun rdzob kyi bden par smra la/ gnas skabs dang mi ldan pa'i gzhi dang/ chos nyid 'dus ma byas kyi gzhi ni so sor brtags min gyi 'gog par smra ste/ de bzhin nyid dang nam mkha' zhes mthar thug byed do/ /de la nyan thos mdo sde ba blo rab tu gyur pa ni rang sangs rgyas nyid yin te/ de yang rten cing 'brel par 'byung ba bcu gnyis kyi rgyu las 'khor ba 'byung ba dang/ lugs de dag la bkag cing bzlog pas ni thar pa'i 'bras bu thun mong ma yin pa thob par 'dod do/ /dbus pa bye brag tu smra ba dag ni theg pa chen po la rgyu byas pas 'bras bu dag nyid 'di lta bu dag 'thob par 'gyur ro smra bar byed cing/ gzhi dang gzhi yongs su grub par byed pa dang/ mngon sum dang rjes su dpag pa dang tshig gi mtshon cha dang smra ba'i mtshon cha dang/ dbang por gyur pa'i tshad ma dang/ tshad ma phan pas grub cing rjes su phan pa'i sgras khas len par 'dod pa ste/ de dag gis mngon par brtags pa'o/ /shes pa phra rab kyi rdul du rang nyid kyi 'dod pa'i blos grub pa la des shing 'bad kyang dgra bcom pa'i 'bras bu rdol bskos pa'i ri mo lnga bu ma yin te chu la bris pa bzhin no/ /de las gzhan ma yin no/ /de ci'i phyir zhe na/ bde ba chen po bsam gyis mi khyab pa nyid dang bral ba'i phyir ro/ /de ni sngags kyi rnal 'byor pa rnams kyis thar pa mi thob pa bstan par bya ste/ rtog ge blo chung gang zag dag / brtags nas lha yi dkyil 'khor bsgom/ /mu stegs bdag bzhin 'grub par rtog /bum gsang shes rab ye shes dang/ /mthar thug man ngag tshig tu 'don/ /don gyi rnam pa de dang bral/ /'bad cing 'khor la rnam par zhe na/ /stong pa mkha' bzhin gzhan du rtog /ces bya ba'i don ni/ kun tu brtags pa 'ba' zhig la zhen pa'i shes pa'i rnam pa mtshan ma'i rtog gis yid dkrugs pa'i phyir blo chung ba ste/ de dag ni shin tu sgrub par byed pa'i gang zag dag ni bdag nyid rten dang brten pa'i ngo bor brtags te lha'i dkyil 'khor bsgom pa dang/ de yang nga rgyal dang ldan pas grub par smra ste/ de dag ni mu stegs kyi bdag dag dang khyad med pa ste/ de bzhin du grub pa rtogs pa'o/ /de yang dbang gi rang bzhin ji ltar ma shes pa las byung ste/ de yang bum pa'i dbang ni ma rig pa'i nyon mongs pa las log nas/ /rig pa'i ye shes lnga skyed par byed pa ste chos kyi dbyings so/ /de nyid las spros pa'i rnam par rtog par 'dzin pa'o/ /gsang ba'i dbang ni zag pa med pa'i ye shes skyed par byed pa ste byang chub kyi sems so/ /de la 'jug pa'i rnam par rtog par 'dzin pa'o/ /shes rab ye shes dang zhes bya ba ni shes rab las kyi phyag rgya la brten nas/ /lhan cig skyes ba'i ye shes nyams su myong bar byed pa ste chos kyi sku'o/ /de dag la 'dod pa'i zhen par rtog pa'o/ /mthar thug pa'i don ni pradz+nyA a mu sni'o/ /de dag gi don ni shes rab chen po ste/ gsal ba dang mi rtog pa dang bde ba'i rang bzhin dang ldan pa ste gnyug ma'i de kho na nyid do/ /de dag ni man ngag ste tshig tsam du 'don par byed do/ /de pas na don sems gnyug ma'i rang bzhin dang de nyams su myong bar byed pa'i tshul gyis rnam par de dang bral ba ste/ tshogs ma bsags shing dam pa dang nye bar mi ldan pa dag gis bcad cing rtul phong la gnas kyang tha dad kyi rtog pa dang bral ba'i phyir 'khor ba dang 'khor zhing rnam par zhen pa'o/ /de dag gi stong nyid ni 'jig rten pa dag gis bltas lta bu ste/ nam mkha' bzhin gzhan du rtogs par byed de/ de yang ci'i phyir zhe na/ rnal ma la bde ba chen po'i ros tshim par ma byas pa'i phyir ro/ /nga ni dbu ma pas thar pa mi thob par bstan par bya ste/ kha cig stong nyid la lta 'ching zhes bya ba ni stong pa nyid mi rtog pa'i cha la gnas pa dag la mngon par zhen pa ste/ de dag la dam pa nyid du lta bas 'ching ba nyid du zad do/ /de ci'i phyir zhe na bltar med pa'i phyir ro/ /de nyid kyi don ni lhan cig skyes pa'i ngo bo ni/ /rtogs pas mngon par gyur pa ste/ /rang nyid mngon grub ces bya ba smos te/ de dag gi don ni la ha ra na ka ste sems so/ /de ni lhan gyi rnam pa'o/ /pa na sa ka ri ste gcig go /de ni sems kyi rnam pa'o/ /a na as bu ta ste bla ma'i gdams dag las skyes pa'o/ /de ni thog ma nyid nas sangs rgyas pa'i ngo bo'o/ /e ai thar te rtogs pa'o/ /de ni tha mal gyi shes pa nyid do/ /e bud tog ka'o de ni nyams su myong bas mngon par grub pa ste/ de thog ma nyid nas sangs rgyas pa'i ngo bo'o/ /e ai ad ma ki ti ste rang nyid la mngon par grub pa'o/ /de ni kun tu bzang po nyid/ de bas na don khyad par du gyur pa nyid do/ /gzhan dag ni 'di dang mi ldan pa dag yin te/ ji ltar zhe na/ gzhan la lta rgyu 'bad pa legs byas bas/ mya ngan 'das pa thob gyur smra zhes bya ba'i don ni 'bras bu gzhan du rtog cing lta ba lta ba la re ba'i phyir rtog pa'o/ /rtog pa de yang rtog pas grub par 'dod de/ rgyu bsod nams kyi tshogs la 'bad pa legs par byas pas rnam par rtog pa rdang nas mya ngan las 'das pa'i don 'thob par 'gyur par smra ste rtog pa'o/ /rtog pas rtog pa nyid slu ba kho nar byed de 'khor ba'o/ /'khor ba nyid kyi rtog pa mi slu bar byed de sdug bsngal lo/ /de yang ci las byung bar brtag par bya zhe na/ tshig dang lus kyi rnam pa la/ shin tu mkhas pa ltar snang yang/ /ci shos de la rnam med phyir/ /nus bar 'gyur ba ma yin no/ /zhes bya ba ni/ tshig gi tha snyad kyis rnam par rtog pa bslang ste/ de nyid mdza' med pa la rtog go /snang ba dang grags pa'i lus kyis rnam pa gtan la phab nas don med pa la rtog go /de dag cha shas kyi rnam pa la bdag ni shin tu mkhas pa yin no/ /zhes nga rgyal bar byed de 'khor ba'o/ /de ci'i phyir zhe na/ mkhas pa ltar snang yang mkhas pa ni ma yin no/ /rgyal po'i bar mdzod dang 'dra bas rang bzhin gyi nor du rin po che'o/ /cig shos de la med cing de'i rnam pa yang med pa'i phyir ka ka ra ste/ nub par mi 'gyur pa'i don to/ /de dag ni 'khrul par brtags pa'i phyir de kho na nyid ma yin no/ /'di nyid kyi don ni/ gdams ngag bzhi ru grub pa'i phyir/ gong mas smra tshul mi rigs min zhes bya ba'i don ni au ba ha ra ste/ de ni myong bas don skye bar byed pa'i don to/ /de yang 'gu re au pir ste gdams ngag go /de ni bla ma dam pa'i gdams ngag bzhin nyams su myong bas chos kyi sku'o/ /de dag kyang ci zhe na/ rgyu med pa dang ma ning gi spyod yul du rung ba dang/ so sor rtog pa'i shes rab yang ba dang/ rgyu 'bras dus mtshungs shing chu bo ltar gnas pa ste/ de yang thog ma nyid nas sangs rgyas pa yin pa dang/ thams cad la chos kyi sku gnyug ma'i rang bzhin gnas pa dang/ thams cad bde ba'i phyag rgyar re gcig pa dang/ rgyu 'bras dus mtshungs shing dus thams cad bzhin du grub pa'i phyir/ ais a ra ste gong ma ste nga yis so/ /'og ma rnams la thar pa mi thob pa smra ba'i tshul mi rigs pa min te rig pa'o/ /de bas na de thams cad thabs dang yang bral shes rab dang yang bral ba ste/ tha mal gyi shes pa dang/ de'i rang bzhin med pa'i phyir thar pa mi 'thob pa bshad par bya ste/ gang zhig don la mos 'gyur na/ /spyad pas 'bras bu thob par 'dod ces bya ba'i don ni rigs gang zhig go / don dam pa'i lta ba zhes de la mos shing gzhol bar 'gyur te zhen nas de 'grub par byed pa yang tshangs pa'i spyod pa la spyad pas 'bras bu dam pa thob par 'dod pa'i phyir/ dgag sgrub dang bcas pa nyid du zad de de nyid ma yin no/ /gang zhig gnyis med myong brel na/ /rkang dang dman pa'i bsam gtan ni/ /dgos pa med phyir phyir bsal te/ snying po'i don mchog rtogs pa na/ /mar me lha bshos de ci dgos/ /gnyis med ldang dang mjug med na/ /spyod pa ci byed sngags ma smra/ /las dang bya ba gtsor gyur pa'i/ /'bab stegs chu la khrus byed cing/ /bsnyung ba'i dka' thub ci dgos te/ /de nyid don dang ma 'brel na/ /khrus la sogs pas grol mi 'gyur zhes bya ba'i don ni snying po'i don rtogs pa'i gnyis med la gnas shing ldang 'jug med pa na sprod pa 'di dag shugs kyis dgag cing rtogs pas 'ching ba'i phyir mi dgos pa ston pa dang spyod na yang de nyid dang 'brel bar shugs kyis ston pa ste/ de yang gang zhig ces bya ba ni rten gyi gang zag khyad par du gyur pa rnams so/ /gnyis med ces bya ba ni tha mal gyi shes pa nyid do/ /myong zhes bya ba ni gsal ba dang mi rtog pa dang bde ba'o/ /bral zhes bya ba ni myong du med pa'i myong ba ste ci yang ma yin pa nyid do/ /de nyid kyi bdag nyid can bdag la dka' ba'i mu stegs kyi brtul zhugs dang/ dman pa'i nyan thos kyi sbyod pa dang ldan pa lta ba dang sgom pa dang/ rnam par rig pa dang dbu ma'i dgag sgrub dang bcas pa'i bsam gtan ni dgos pa med pa'i phyir bsal ba ste snying po'i don mchog tu gyur pa 'di rtogs pa na sogs nas sangs rgyas grub pa med pa'i phyir/ mar me dang me tog dang bdug pa dang dri dang lta bshos la sogs pa de ci dgos bsgrub tu med pa'i phyir ro/ /gnyis su med pa'i ngang de las mi g.yo zhing ldang ba dang 'jug pa la khyad med na/ sbyin pa btang ba la sogs pa'i spyod pas ci byed pa de don med pa'i phyir ro/ sngags kyang mi smra ste 'bras bu grub tu med pa'i phyir ro/ /bla ma gnyes par bya ba la sogs pa'i las dang/ tshogs bsog pa'i bya ba gtsor gyur pa'i chu 'bab pa'i stegs su 'dug ste/ chu la khrus byed cing gtsang bar spyod pa dang/ smyung ba'i dka' thub dang dka' spyad rnams ci dgos te de dag nyid kyis 'ching ba'i phyir ro/ /de yang rnam par gcad pa lta bu ni ma yin te/ shugs kyis 'gags pa yin pa'i phyir ched du sgrub pa lta bu ni ma yin no/ /de bas na de kho na nyid kyi don dang ma 'drel na khrus la sogs pa gong du smos pa'i spyod pas grol bar mi 'gyur ro/ /'brel na don dang ldan par 'gyur ba ni shugs las shes par bya'o/ /ma rtogs pa dang ldang 'jug yod pa dang don dang ma 'brel ba rnams kyis kyang de ltar bya ba yin nam zhe na/ las dang po pa'i skyes bu yis/ /de nyid nyams su myong 'gyur te/ /ma rtogs bar du de mi gtang/ /rtogs na gnyug ma'i lam yin no zhes bya ba'i don ni las dang po pa'i gang zag skal pa rab tu gyur pa de dag la skyes bu dam pa'i gdams ngag gis nye bar 'gyur te/ de kho na nyid nyams su myong ba'i rnam pa de kho na nyid dang mi 'bral yang gnyis su med pa glong du ma gyur gyi bar du de bzhin nyid ma yin te/ ma rtogs bar du mi btang de/ /rtogs na bsod nams kyi tshogs de dag kyang sems gnyug ma'i ngo bo nyid kyi mnyam pa'i lam chen po yin no/ /de dag kyang man ngag gi stobs gang las skye zhe na/ shes rab dang snying rje zung du 'jug pa la skye ste/ de dag bye brag tu gnas pa las mi 'grub cing dbyer mi phyed pa'i ngo bo bstan par bya ste/ snying rje bral ba'i stong nyid ni/ /snying po rtogs par mi 'gyur te/ /laM mchog mngon par bor nas kyang/ /nyan thos sa la nges par gnas/ /snying rje 'ba' zhig bsgoms na yang/ /lus dang sems ni gdung 'gyur bas/ /mu stegs dag dang khyad med de/ /bdud kyi las su rig par bya/ /skyes bu mchog ldan gang zhig gis/ /gang yang gnyis po sbyor nus pa/ /'khor dang mya ngan 'das spangs te/ /mi gnas mdza' la mngon par gnas/ /zhes bya ba'i don ni/ snying rje dang bral ba'i stong nyid kyang bdud kyi las su rig par bya'o/ /stong nyid dang bral ba'i snying rje yang bdud kyi las su rig par bya'o/ /gnyis su med pa'i don 'di ni sangs rgyas kyi dgongs par rig par bya'o/ /de dag gsal bar bya ba ni rnal 'byor ba thams cad kyi las nges par bstan pa'i rgyud las bcom ldan 'das kyis gsungs te/ lho phyogs ai sha na'i yul grong khyer mchod rten brtsegs pa zhes bya ba nas yod de/ des yul gzhan gyi bram ze mo legs sbyin me tog ces bya ba zhig khyim thab tu blangs par gyur to/ /gzhon nu de yang bzhin mdzes pa blta na sdug pa yid du 'ong ba skye bo thams cad kyi blo mos par gyur pa zhig ste/ de yang tshangs par spyod pa'i sgom pa la gnas pa dam pa'i chos dkar po la gzhol ba pha ma la sri zhu che ba/ 'khor 'bangs rnams yongs su skyong ba/ bran dang g.yog rnams la byams pa'i snying rje chen pos dge slong bzhin du tshangs par sbyor ba zhig ste/ de nas zla ba bzang po'i tshes bcu bzhi la gtsug lag khang du mchod pa la phyin te/ dag pa'i dge slong dam pa rnams mthong ste / shin tu yid dang bar gyur te/ bdag la yang bu dam pa dag bcas par gyur te/ de nas rab tu byung ste bstan pa'i lam dang mthun par gyur cig ces smon lam btab po/ /de nas de'i nub mo bram ze mo nyal ba'i rmi lam na ral gri gsum spyi gtsug tu skyes par gyur te/ ral gri gcig ni g.yang sa chen po la ltung bar gyur to/ /gcig snum du btsos nas dar shi bar gyur to/ /gcig nas 'od dpag tu med pa byung ste/ nam mkha' i khams thams cad khyab pas me tog tu gyur nas char gyi rgyun chen po phab pas sems can thams cad tshim par byas shing 'bras bu gcig tu smin par rmis so/ /de nas nang bar langs nas khrus byas te bram ze la 'di skad ces smras so/ /kye khyim bdag bdag la dgongs su gsol/ /bdag gi nyal ba'i rmi lam na/ /spyi gtsug ral gri gsum skyes te/ /g.yon pa g.yang sa chen por lhung/ /g.yas pa snum btsos dar dang bral/ /dbus ma'i gri las 'od byung ste/ /nam mkha' i khams kun me tog rgyas/ /char gyi rgyun babs sems can tshim// 'bras bu gcig tu smin par gyur/ /'di dag bzang dang ngan pa'i ltas/ /gang yin kho mos mi shes te/ /'di dag ci rigs smra bar gyis/ /zhes smras pa dang/ de nas bram zes btsun mo dam pa de la 'di skad ces smras so/ /kye kye btsun mo dam pa khyod rtag tu tshangs par spyod la gnas/ /rmi lam dam pa 'di dag ni/ /ngan par mi 'gyur gzhan la dris/ /zhes nas yul ba Na se nas bram ze a sha ta na zhes bya ba'i mtshan mkhan bkug go /bram zes smras pa/ kye gtsang ma yab yum bdag la gson cig / ltas de dag ni sras gsum btsas par 'gyur ba lags te de yang gcig stong pa la mngon par zhen pas chad pa'i gnas sa la lhung bar 'gyur ro/ /gcig snying rje la mngon par zhen pas snying rje'i snum gyi shin tu gdung bar gyur te/ bdud kyi byin gyis rlob par 'gyur ro/ /gcig shes rab dang snying rje dbyer med pa'i dang las 'od gsal chen po ngang gis skye bar 'gyur te/ longs spyod rdzogs pa'i sku'i me tog dang sprul pa'i sku'i char gyi rgyun phab ste/ chos kyi sku 'bras bu gcig tu 'grub par 'gyur ba'i rtags so/ /'di gsum yang 'thun par sangs rgyas kyi chos la gzhol ba ste/ smon lam dang dge ba'i bshes gnyen gyi stobs kyis de ltar 'gyur te/ de dag gi ming yang chen po'i stobs dang snying rje stobs dang bla med stobs zhes bya bar gdags par bya'o zhes so/ /de nas go rims kyi tshul gyi mtshan dang ldan pa'i bu gsum btsas par gyur to/ /de nas phu po 'phags pa ga ya te zhes bya ba la rnal 'byor gyi lam la yun ring du brten nas gsol ba btab pa las bdag tu lta ba las mngon par zhen nas stong pa nyid kyi de bzhin nyid bstan pas khyad par du zhen par gyur to/ /de dag gis 'khor ba'i bde ba ma yin par mya ngan las 'das pa'i bde ba mi 'thob cing 'thob pa'i rgyur yang mi 'gyur ro/ /de nas 'od ma'i tshal na gnas pa'i tshe rnal 'byor pa 'dus pa'i dus su mkha' 'gro ma blo gros ma dang legs sbyin ma gnyis kyis tshigs su bcad de smras pa/ stong pa nyid la zhen pa ni/ /mya ngan mi 'da' 'da' mi 'gyur/ /gzugs med khams su skyes nas kyang/ /'gro ba'i don bral 'khor bar lhung zhes so/ /de nas de dag tshe 'phos nas kyang gzugs med kyi khams su skyes so/ /nu bo rnal 'byor pa 'dus pa rang na zhes bya ba la lo dpag tu med par brten cing gsol ba btab pa las zhe sdang che bar mthong nas snying rje bsgom du bcug pa las snying rjes khyad par du gdungs te sems can rnams mthong ba'i dus su du zhing 'dre log par gyur to/ /de nas rnal 'byor pa 'dus pa'i dus su mkha' 'gro ma tsin da ma dang lam gnyis kyi nam mkha' la tshigs su bcad de smras pa/ snying rje che bas yid gdungs te/ /sems ni ngal gso'i gnas dang bral/ /bdud kyis byin gyis brlabs pa'i phyir/ /shi 'phos dga' rab dbang phyug go zhes pa dang/ de nas shi 'phos nas bdud dga' rab dbang phyug dag tu skyes par gyur to/ /de nas bu bar ba de dag rnal 'byor pa srid ra zhes bya ba la lo dpag tu med par bsten cing gsol ba btab pa las/ shes rab snying rje zung du 'jug pa'i ye shes de kho na nyid bstan pas nyams su myong bas zla ba tshes gcig pa dang nya gang ba'i tshul du 'phel bar gyur te/ bla ma dam pa de dag gis kyang ci yang ma yin pa'i stong pa nyid dang/ gdung ba dang bral ba'i snying rje'i rnam pa blo la mngon par sbyangs shing nyams su myong bar byas so/ /de nas rnal 'byor pa 'dus pa'i dus su mkha' 'gro ma sin da hi dang nye ba can gnyis kyis tshigs su bcad de smras pa/ shes rab snying rje zung 'jug pas/ /rtogs pas mya ngan 'das pa ste/ /'khor dang mya ngan 'das spangs nas/ /mi gnas sa la mngon 'tshang rgya/ /zhes phung po lhag ma med pa'i mya ngan las 'das par gyur to/ /de bas na rigs kyi bu rnams kyis dge ba'i bshes gnyen dam pa yun ring du bsten cing thabs dang shes rab gnyis su med pa'i don ston par bya bar rigs so zhes 'byung ba'i phyir bshad par bya ste/ snying rje zhes bya ba ni phrag dog med pa'i dge ba'i rtsa ba ste/ ngo bo sems can thams cad sdug bsngal dang bral bar 'dod pa'o/ /de yang rang gi klad nad dang bral bar dga' ba bzhin du ste/ bde ba dang bral ba stong pa nyid kyis ni theg pa chen po dge ba'i rtsa bar yang mi 'gyur la/ snying po'i chos kyi sku rtogs par yang mi 'gyur te/ lam gnyis su med pa mchog tu gyur pa mngon par bor nas kyang zhi ba phyogs gcig tu bgrod pa'i nyan thos kyis la nges par gnas so/ /stong pa dang bral ba'i snying rje 'ba' zhig bsgom na yang kyi bung zhes byed pa dang ba spu ldang ba dang skra rtsa zing zhes byed pa la sogs pas mi bzod pa'i phyir/ lus gdung bar 'gyur te/ lus sems ni brten pa'i tshul du gnas pas sems gdungs par 'gyur ro/ /de bas na phyi rol gyi mu stegs pa dag dang khyad med de/ sems sangs rgyas kyi bdag nyid zad par byas pa'i phyir bdud kyi las su rig par bya'o/ /skyes bu bsod nams kyi rgyu las grub pa bla ma mchog dam pa dang ldan pa gang zhig gis/ gang yang stong pa dang snying rje dbyer mi phyed pa gnyis po yid la mi byed pa'i tshul du sbyor bar byed de 'khor ba la chags pa dang mya ngan las 'das pa la zhen pa yang spangs te/ shes rab kyis 'khor ba la mi gnas shing snying rjes mya ngan las 'das pa la mi gnas pa ste/ tha mal gyi shes pa'i mdza' sangs rgyas kyi dgongs pa la mngon par gnas so/ /de bas na de lta bu'i don de dag la gdams par bya ste/ kye ho bdag tu 'dzin pa thong/ /log par zhen pa brdzun du smros/ /brdzun la nges par chags ma byed/ /zhen pa'i rnam rtog ma byed par/ /re dogs rtsol ba'i sems de thong/ /zhes bya ba'i don ni khams gsum pa thams cad la kye ho zhes bos nas yin pa'i don la gdams par bya ba'i tha tshig go / de dag kyang ci zhe na/ bdag ces bya ba ni tha dad kyi rtog pas rtags pa'i bdag nyid la zhen pa'o/ /de bdag tu 'dzin pa las 'khor bar snang zhing sdug bsngal 'byung ba'i phyir thong zhes pa'o/ /de'i mdza' la rtogs pa ni log par zhen pa ste/ des ni slu ba dang bcas pa yin pa'i phyir yid brtan du mi rung ste/ chags pa dang bral ba nyid kyis brdzun du smros zhes bya'o/ /bdag ni chags pa dang bral ba yin no zhes brdzun pa bzlog pa'i don de nyid la yang nges par chags par ma byed cig ces gdams so// ji ltar gnas par bya zhe na/ tha dad du zhen pa'i rnam par rtog pa mi byed par gnyug ma'i de kho na nyid la gnas par ste/ 'bras bu re ba dang 'khor ba la dogs pa dang mnyam pa'i don la rtsol bar byas pa'i sems de dag thong la cir yang ma yin pa'i sems rang dga' rnal ma 'di nyid dam pa'o/ /de ltar gnyis med kyi don bstan nas/ da ni rtogs na thams cad de'i ngo bo yin pa bshad par bya ste/ rtogs par gyur nas thams cad de yin te/ de las gzhan zhig sus kyang shes mi 'gyur/ /klog 'dzin bsam dang bsgom pa de nyid yin/ /bstan bcos sems la bshad cing go bar nges/ /yin min mtshon pa'i lta ba yod min te zhes bya ba'i don ni/ gnyug ma'i don rtogs par gyur na snang zhing grags pa thams cad de'i ngo bo nyid yin te/ de las gzhan pa'i mdza' zhig ni thams cad mkhyen pa nyid dang rje btsun pa la sogs pa sus kyang shes par mi 'gyur ro/ /de yang rab tu mi gnas pa'i rgyud las/ sems nyid klong du gyur pa kun tu bzang/ /tha mal shes pa de nyid nyams su myong/ /dam pa dag gis de nyid rtogs pa na/ /'di ni he ru ka ste kun gyi bar?/ /zhes 'byung ba'i phyir ro/ /de bas na klog pa dang 'dzin pa dang bsam pa dang sgom pa thams cad kyang de nyid kyi bye brag gis 'dod pa yin te/ de'i ngo bo las ma 'das pa'i phyir ro/ /de yang rgyud de nyid las/ nam mkha' ngo bo dag pa'i rang bzhin las/ sprin sogs glo bur du ma byung gyur yang/ /de nyid yin te nam mkha' nyid kyi dang/ / sems nyid gnas pa rdo rje ye shes ni/ /sna tshogs snang yang gnyug ma'i ngo bo nyid/ /byed sgo tha dad rnam pa'i tshul snang yang/ /de nyid don las gzhan pa yod ma yin/ 'di ni rang bzhin nyid de bde ba che zhes 'byung ba'i phyir thams cad de bzhin nyid kyi rang bzhin du shes par bya'o/ /de bas na brda dang tha snyad kyis 'di dag gzhan las bstan par mi nus te/ bstan pa'i chos dam pa rnams kyi zhal gyi bdud rtsi las 'byung ba 'di dag /sems ci yang min pa sems ci yin pa la bshad cing de nyid du go bar byas te 'di ni nges pa'o/ /de'i ngo bo de yang yin pa dang min par mi rtog ste/ mtshon par nus pa'i lta ba yang yod pa ma yin no/ /de bas na 'di dag la gzhal bar bya ba ni ma yin te/ rtogs na rtogs su med pa nyid do/ /de ltar snying po'i don gyi khyad par bstan nas/ de yang bla ma dam pa las rtogs par bya ba ston te/ bdag gi de nyid rtogs pa'i man ngag de/ /nya gcig bla ma'i zhal la ltos pa yin/ /bla mas smras pa gang zhig snying zhugs pa// lag mthil dag tu skyu ru rlon bzhag dang/ /nor bu rin chen mi rtog gsal lta 'dra zhes bya ba'i don ni sems can thams cad kyi bdag tu 'dzin pa'i shes pa de nyid kyang chos kyi sku dag las mi gzhan te/ de nyid rtogs par bya ba'i man ngag de dag kyang srid ta sna e ga ri ste bla ma nyag gcig gi zhal la bltos par bya ba yin no/ /de dag kyang ci zhe na/ a smi ra ga tra na zhes bya ste/ de dag gi don ni mgon po gang gi lung bstan nus/ /ring ba'i bla ma nyid yin no/ /de nyid nyams su myong ba ni/ /nye ba'i bla ma nyid yin te/ /dus gsum sangs rgyas skye ba'i phyir/ /bla na med pa'i ma yin no/ /dam pa'i zhal la gus pa dang/ /sgra la nges par byed pa ste/ /ltos pa spangs na the tshom med/ /bsgrub dang bde bral de yin no/ /zhes sgra'i don du nges par 'byung ngo/ /de bas na bla ma dag gis smras pa'i rnal ma'i shes pa de dag shugs kyis go ba ste de nyid kyi ngo bos bde ba lus la 'gyel ba dang/ sems la 'gyel ba dag gi tshul gyi gang bar 'gyur la/ de la yang zhen pa med pa'i phyag rgya chen pos bde ba zhig cing snying po gnyug ma'i ngo bo nyid la goms pas mnyam pa nyid kyi don snying la zhugs par gyur te/ ji bzhin pa'i don de bzhin par rtogs so/ /de dag kyang dper na lag pa'i mthil dag tu skyu ru ra dang a 'bras la sogs pa rlon pa bzhag pa na de dag phyi nang bar med par gsal ba'i ngo bor shes par 'gyur ba bzhin dang/ nor bu rin po che a smri sar me long steng du bzhag ste bltas na 'od mi rtog cing gsal ba'i ngo bor lta ba dang/ ltos pa med par 'byung ba dang 'dra bar gnyug ma'i don 'di dag rtogs na snang grags kyi chos thams cad sems kyi ngo bo nyid du rtogs shing bde ba chen po'i ris thams cad nga bdag med pa'i mnyam pa'i don la shugs kyi 'jog /don de nyid kyang rtag par mi nus shing brtag par yang dka' gzhan la ltos par bya ba yang ma yin te/ mi rtog cing gsal la rang bzhin grub par med pa ni dpe gong ma lta bu dang mtshungs so/ /don de nyid kyang dbu ma la sogs pa gzhan gyis mi rtogs pas de dag la smra bar bya ba ni gnyug ma'i rang bzhin byis pas mtshor bas/ 'khrul bas byis pas bslus zhes snying pos smras/ /zhes pa'i don ni/ gnyug ma'i rang bzhin de kho na nyid byis pa lta bu'i rtog pa dang ldan pa rnams kyis mtshor te/ de kho na nyid las log par 'khrul pas byis pa de dag bslus te sdug bsngal bar gyur to/ /zhes snying pos smras so/ /de nyid tshul ji lta bu yin zhe na/ bsam gtan med cing rab tu byung ba med ces bya ste/ de dag gi don ni bsgom bya dang sgom byed du rtogs pas bsam par bya ba ldan te/ de dag ni zug rngu'o/ /de ci'i phyir zhe na/ bsam gtan la zhen cing chags pa dang de las gzhan pa la zhe sdang ba'o/ /de bas na chags sdang mngon par 'phel ba ni 'khor ba 'ba' zhig tu zad do/ /'di ni bza' gtad dang bral ba'i phyir bsam gtan med cing rtogs pas tshang rgya ba'i phyir rtsol ba'i bdag nyid thams cad kyi gzhir gyur pa'i brtul zhugs rab tu byung ba la sogs pa yang med do/ /'o na khyim na gnas shing 'jig rten pa phal pa dang 'thun pa'i spyod pa las 'grub bam zhe na/ ma yin pa'i phyir bshad par bya ste/ khyim gnas chung ma 'khor dang lhan cig tu/ /gang zhig yul chags dga' bcings mi grol na/ /snying po'i don mchog ldan pa ngas smras pas/ /de nyid don la reg pa ma yin no zhes bya ba'i don ni/ ri k hrod dang dgon pa dang chu 'gram dang phug stong dang nags la sogs pa dben pa'i gnas dor nas khyim na gnas shing yo byad dang chung ma dang 'khor rnams dang lhan cig tu mtshungs par spyod pa gang zhig bdag ni bsam gtan pa yin no zhes de de bzhin nyid sgom yang yul la chags pa dang/ 'dod pa'i yon tan la dga' ba'i bcings pas grol bas na de'i rgyus chags sdang mngon par 'phel bar 'gyur te/ snying po'i don mchog dam pa dang ldan pas smras pa/ de kho na nyid kyi don la reg pa ma yin no zhes so/ /da ni de nyid kyi don de dag brtags pas mi 'thob pa bshad par bya ste/ gal te mngon du gyur na bsam gtan gang/ /gal te lkog na yod na mu tshod dpog /ces bya ba'i don ni kho bos dbu ma pa dag la smras pa ste/ shes bya nang du 'dod pa dag ni snang ba sems las byung ba yin no zhes smras pa dag la gal te sems las byung ba yin na sems sangs rgyas yin pa'i phyir mngon du gyur pa thams cad kyang chos kyi sku ste/ bsgom du med pa'i phyir bsgom par bya ba'i don khyod kyi bsam gtan ni gang yin smros shig / gal te phyi rol na snang pa de dag ni lkog na skyed par byed pa yod pa ste/ shes pa'i rnam pa yin par smra na tha dad pa'i phyir khyod kyi gzhal bar yang mi nus te/ mun pa la tshod dpogs pa dang 'dra ba'i phyir bsgoms kyang don med par 'gyur ro/ /da ni de kho na nyid kyi rang bzhin bstan par bya ste/ lhan cig skyes pa'i 'gro ba'i ye shes de/ /rang bzhin nyid kyi dngos dar dngos med par/ /snying po'i don ni 'o dod rtag tu 'bod/ /ces bya ba'i don ni lhan cig skyes pa'i ye shes 'gro ba thams cad kyi rgyud la yod pa'i gnyug ma'i ye shes de dag thog ma dag nas rang bzhin nyid kyi dngos por rtog pa dang dngos po med par rtog pa dang bral bas snying po'i don 'di ni tha mal gyi shes pa yin/ rtogs pas sangs rgyas pa yin no/ /thams cad bde ba chen po'i rang bzhin no zhes snyam pa'i 'o dod dang bde ba'i 'o dod dang/ grags pa'i 'o dod rtag tu 'bod/ 'di dag gis nges par 'tshang rgya bar ji tsam na nus she na/ lta ba'i khyad par bstan par bya ste/ gang zhig blangs nas skye 'chi gnas gyur pa/ /de nyid blangs nas bde chen mchog grub ces/ /skad snyan grags pas snying po smra byed kyang/ /byol song 'jig rten mi go ji ltar byas zhes bya ba'i don ni/ bla ma'i gdams ngag de nyid nyams su myang ba las gang zhig gis rgyas gdab ste/ tha mal gyi shes pa blangs nas rtag chad kyi skye 'chi gnas gyur pas/ de kho na nyid 'bras bu thams cad kyi mchog bdag nyid kyis bdag nyid la blangs te/ de nas skad cig ma de nyid la bde ba chen po de kho na nyid kyi mchog grub ste mngon par rdzogs par sangs rgyas so zhes skad snyan par bsgrags pas snying po'i don gyis smra bar byed kyang tshogs ma bsags pa'i gang zag rtog pas rmongs pas byol song gi 'jig rten dang 'dra ba rnams kyis mi go ba'i phyir da ji ltar bya zhes pa'i don to/ /da ni phyin ci ma log pa'i don bstan par bya ste/ bsam gtan bral bas ji zhig bsam byar yod/ / brjod du med la gang zhig bshad du yod do/ /srid pa'i phyag rgyar 'gro ba ma lus zhugs/ /rang bzhin gnyug ma sus kyang rtogs pa med/ /rang bzhin snying po nyams su myong dus su/ /rgyud med sngags med sems dang bsam gtan med/ /mnyam dus de kun rang bzhin 'khrul pa'i rgyu/ /rang bzhin shes pas 'khrul pa snying po'i don/ /rang bzhin dag pa'i sems kyi padmo la/ /rtog ge bsam gtan dag gis mi bslad de/ /bdag nyid bde la gnas kyang ma zhen cig /ces bya ba'i don ni de kho na nyid gnyug ma'i don de dag la sgom du med pa'i phyir bsgom par bya ba ma yin te/ gnyis 'dzin gyi bsam gtan dang bral bas ci zhig bsam du yod de med do/ /bsam gtan gyi ngo bo sgrub par byed pa'i tshig dag kyang yul grub pa med pa'i phyir gang zhig gis bshad du yod pa ma yin te med do/ /de ltar ma rtogs pa'i sems can rnams kyis bsgom par bya ba'i yul dang de nyams su blangs pa'i thabs kyi tha snyad kyi thig brjod du yod pa'i phyir srid pa ste khams gsum pa'o/ /de ni rtogs pa las byung ba yin pa'i phyir dam pa rnams kyi gdams ngag dang nye bar ma 'brel bas rnam rtog gi phyag rgyar 'gro ba ma lus pa thams cad zhugs so/ /rang bzhin gnyug ma'i de kho na nyid ni sus kyang rtogs pa med de rang bzhin gnyug ma'i snying po'i don de nyams su myong ba'i dus su rgyud med de de bzhin gshegs pa'i bkar grub pa med do/ /sngags med de de la brten pa'i bstan bcos su grub pa med do/ /de dag gis bsgrub pa'i sems nyid dang nyams su myong ba'i bsam gtan du grub pa med do/ /de kho na nyid nyams su myong ba'i mnyam pa nyid kyi ye shes kyi dus su gong du bshad pa de kun thams cad chos nyid kyi don rnal ma'i rang bzhin 'khrul ba'i rgyu'o/ /de dag kyang 'khrul du yod dam zhe na/ snang srid chos kyi sku phyag rgya chen po'i ngo bo nyid du rtogs shing tha mal gyi shes pa'i don ci yang med pa'o/ /rang bzhin shes pa rnams kyis ni/ /'khrul pa'i logs su mi rtog ste/ /de nyid snying po'i don yin pa'i phyir ro/ /de ltar rang bzhin gyis dag pa'i sems kyi rang bzhin rtog pa'i dri mas ma gos pa'i padmo la rtog ge ba'i bsam gtan dag gis bslad par mi bya ste/ rang bzhin gang dga' ba'i tshul du gzhag pa de nyid nyams su myong ba'i bde ba lus dang sems la gnas kyang de la ma zhen cig / ces dam pa rnams kyis gdams pa'i don to/ /da ni rang bzhin de kho na nyid kyi gnas lugs bstan par bya ste/ bdag nyid bde yid dag la 'dug mi bya/ /bdag nyid za zhing 'thung la gnyis sbyor te/ /dga' ba'i yid kyis sprod par byed pa ni/ /rtag tu yang dang yang du 'khor lo 'gengs/ /chos 'dis 'jig rten pha rol 'grub 'gyur te/ /rmongs pas 'jig rten 'gror rtog gzhag nas so/ /zhes pa'i don ni rnal ma'i don gnyug ma'i de nyid nyams su myong ba ni rnal 'byor pa bdag nyid la bde ba skyes kyang yid de dag la 'dug par mi bya'o/ /'o na bsgom par bya ba ma yin nam zhe na/ rnal 'byor pa bdag nyid gnyug ma'i ting nge 'dzin de dag gi zas za zhing bla ma'i gdams ngag dam pa'i skom 'thung la bde ba dang stong pa gnyis de nyid du sbyor bar byed pa ni rang dga' i tshul gyis te/ dran pa rgyun chags kyi yid kyi sems sems su sprod par byed pa ni snang ba sems la ma thim par du rtag tu yang goms par bya ste/ lus bde ba chen po'i 'khor lo la sems sangs rgyas kyi bdag nyid kyis 'gengs shes bya'o/ /de bas na rang bzhin gyi chos 'dis ni yang dag par rdzogs pa'i sangs rgyas su 'tshon pa'i 'jig rten pha rol 'grub par 'gyur te/ de ni sems nyid du 'grub cing rtogs pa'o/ /tha dad kyi sgribs pa'i rmongs pas 'jig rten gyi khams rnam par rtog pas brtags pa'i mgor sems rnam rtog tu brtags gzhag nas song ngo/ /de dag gis ni 'bras bu la nye bar byed pa yang ma yin no/ /da ni dman pa'i bsam gtan dag gis don med par 'gyur ba bshad par bya ste/ gang du rlung dang sems ni mi rgyu zhing/ /thabs dang shes rab 'jug pa med gyur pa/ /skyes bu mi shes pa dag gnas dor ni/ gnas shing gnas skabs sems ni dbugs dbyung zhing/ /zhes bya ba'i don ni rmongs pa'i bsam gtan pa dag gi steng 'og gi rlung bsdams shing mnan pa dang/ rtsa'i nA da thig le'i rnam pa la blo zhen du 'jug pa dang/ shes pa kha nang du bltas pa'i zhi gnas bsgom pa dang/ phyi rol gyi yul sku dang phyag rgya la sogs pa la dmigs pa nye bar 'dzin pa ste/ de dag gi dus su yul gang du yang rlung dang sems mi rgyu ba ste/ 'phros par gyur na yid kyi zhing de dag la rang ldog par 'gyur ro zhes smra bar byed kyang shes pa khugs su bcug nas shes pa de dag nan gyis sdud par 'gyur te/ sdug bsngal 'ba' zhig kho na skyed par zad do/ /de ci'i phyir zhe na/ thabs tha mal gyi shes pa dang/ shes rab gsal ba dang mi rtog pa dang bde ba dang 'jug pa'i chos kyi sku bde ba chen po'i rang bzhin dang bral te med par 'gyur bas thabs zhi gnas la nan tan byas pas 'bras bu lhag mthong gi shes rab skyed par 'dod de/ de dag kyang bsgom bya dang sgom byed du brtags pas skyes bu mi shes pa dag gnyis 'dzin gyi shes pa'i gnas der ni mnyam par gzhag pa la shing rjes la thob pa'i gnas skabs su sems kyi ngo bo ni dbugs dbyung zhing gnas par byed pa ste/ 'di dag la ni bye ma la mar brtsir ba bzhin no/ /slob dpon chen po dag gi zhal gyi bdud rtsi gnyis pa rje btsun pa las thos pa ni man ngag tu gnas pa ste zhal las shes par bya'o/ /da ni ji ltar bsgom par bya ba yin zhe na/ snying po'i don gyi ye shes de kho na/ /bdag med mas ni man ngag bstan nas song/ /gnyis su mi bya gcig tu rtog na rnal 'byor spros pa'i lam zhes bya ba'i don ni sems gnyug ma'i rang bzhin snying po'i don de nyid kyi ye shes kyi cho 'phrul dpag tu med par snang ste/ de thams cad kyang rnal ma'i de kho na nyid kyis nyams su myong bar byed de/ de nyid kyang sems nyid kyi ngo bo ste nga bdag gi cha dang bral ba'i phyir bdag med ma yin la 'bras bu thams cad skyed par byed pas na ma yin ste/ des de nyid la ni ci yang min pa'i man ngag bstan nas song de 'dzin par byed pa'i man ngag gis bsgom bya dang sgom byed gnyis su mi bya zhing ngo bo gcig tu bya ba ste/ bdag nyid kyi ngo bo yin no zhes gcig tu rtogs na rnal 'byor pa'i rtog pa dang spros pa'i lam ste/ 'brs bu zad pa byed pa nyid do/ 'di dag gi byed pa'i tshul ni 'di lta bu yin te/ rigs la bye brag bzang ngan ma 'byed par/ /khams gsum ma lus 'di dag thams cad ni/ /'dod chags rnam spangs 'dod chags nyid yin te/ /'dod chags chen pos gcig tu kha dog bsgyur zhes bya ba'i don ni snang grags kyi chos 'di dag thams cad de bzhin gshegs pa'i rigs te nam mkha' dang 'dra'o/ /de la bye brag dang bzang ngan ma 'byed par chos kyi skur blta bar bya'o/ /de nyid la rigs gsum du snang ste/ 'dod pa'i khams ni rin po che'i rigs so/ /gzugs khams pad+ma'i rigs so/ /gzugs med pa'i khams ni rdo rje'i rigs te/ de yang rab tu mi gnas pa'i rgyud las/ khams gsum sems can bde gshegs rigs/ /thams cad chos kyi sku ru blta/ / 'dod khams rin chen rigs yin te/ /'dod pa'i yon tan rnam par 'byung/ /gzugs khams pad+ma'i rigs yin te/ /lus rnam dag cing dri ma med/ /gzugs med rdo rje'i rigs yin te/ /mtshon gyis bcad kyang bsnyad mi nus/ / rigs gsum sku yi 'khor lo 'di/ /rigs gcig dag las nges par 'byung zhes 'byung ba'i phyir khams gsum pa ma lus 'di dag thams cad ni tha dad kyi 'dod chags rnam par spangs te/ spang du med pa'i don sems nyid gnyug ma'i ngo bo nyid yin pa'i phyir ro/ /de bas na 'dod chags spang du med de tha mal gyi shes pa'i 'dod chags chen po nyid yin te/ de yang nges pa'i 'dod pa dang ci yang ma yin pa'i chags pa chen pos chos kyi sku nyag gcig tu kha dog bsgyur bar bya'o/ /da ni mtshan nyid kyi rnam pa brjod par bya ste/ de la thog mdza' dbus ni yod min te/ /srid dang mya ngan 'das pa gnyis mi rtog /ma bcos bde ba chen po mchog 'di la/ /bdag dang gzhan du grub pa yang ma yin/ /mdun dang rgyab dang g.yas g.yon phyogs bcu ru/ /gang du rtog dang myong ba de dag ni/ /de ni 'khrul pa'i lam la mngon par gnas/ /rang bzhin mtshon cha chen po rtogs pa na/ /da ni su lang dri bar mi bya'o zhes bya ba'i don ni gong du smos pa'i gnyug ma'i ngo bo de dag la thog ma dang mdza' yod pa ma yin te nam mkha' dang 'dra'o/ /dbus ni ci yang ma yin pa'i phyir yod pa min te bdag gis smra bar mi nus so/ /de ltar nyams su myong ba'i don de nyid la srid pa dang mya ngan las 'das pa gnyis su mi rtog ste dbyer mi phyed pa'i phyir ro/ /de ltar rang bzhin ngo bo ni sems ma bcos pa yin te/ de nyid kyi khyad par ni thams cad bde ba chen po'i rang bzhin pas rtog pa mchog tu gyur pa 'di la bdag dang gzhan du grub pa yod pa ni ma yin te/ /de'i phyir rnal 'byor pa rnams kyi sems nyid rtogs pa dang/ bskyed pa'i rim pa brtags pa'i thob cing de nyid la 'byung ba dang/ rtsa ba'i rgyal po dang/ blon po dang dmangs rnams dang steng du rgyu ba'i rlung dang thur la rgyu ba'i rlung dang 'phred la gnas pa'i rlung dang gnas pa'i byang chub kyi sems dang 'pho ba byang chub kyi sems dang 'gyur ba byang chub kyi sems la bde ba bskyed cing blo gnas shing brtan pa dang shes pa mi rtog pa 'ba' zhig la gnas pa dang/ bum pa'i dbang me long lta bu'i ye shes su blta ba dang/ gsang ba'i dbang mnyam pa nyid kyi ye shes su blta ba dang/ shes rab ye shes kyi dbang so sor rtog pa'i ye shes su blta ba dang/ mdza' i dbang bya ba nan tan gyi ye shes su blta ba rnams dang/ de thams cad rten par byed pa yang dam tshig las 'byung ba yin pa dang/ de thams cad kyang chos kyi dbyings kyi ye shes las ma 'das so/ /zhes mdun dang rgyab dang g.yas g.yon phyogs bcu ru brtags dpyad de gang du rtogs pa dang nyams su myong ba de dag gi zug rngu ste/ skyes bu de ni 'khrul pa'i lam las mngon par gnas pa kho na'o/ /gnyug ma'i don phyin ci ma log pa mi mthun pa'i phyogs skad cig ma de nyid la zhi bar byed pa'i rang bzhin gyis mtshon cha chen po 'di rtogs na da ni bdag gi su la yang dri bar mi bya'o/ /de ci'i phyir zhe na/ brtags pa thams cad sdug bsngal yin pa'i phyir ro/ /da ni rtogs pa'i tshad bstan par bya ste/ snang ba'i dbang po gang du nub 'gyur zhing/ /rang gi ngo ma nyams dngos nyams 'gyur/ /zhes bya ba'i don ni gnyug ma'i ngo bor bzhag pa la khyad med kyang rnam pa la yod pa'i phyir dang por myong du med pa'i myong ba dang/ goms dang mthar phyin pa'i dus su snang ba dang dbang po yul du gyur ba thams cad gnyug ma'i ngo bo nyid du nub par 'gyur zhing/ de yang rang bzhin gyi ngo bo ma nyams te ji bzhin par rtogs pa'o/ /byis pa rnams kyis brtags pa'i dngos po nyams par mi 'gyur ro/ /da ni de nyid kyi don de dag bla ma ma yin pa gzhan las mi rtogs par bya ste/ kye he grogs dag lhan cig skyes pa ste/ /gzhan nas mi rnyed bla ma'i zhal las dris/ /don dam zhal gyi ngo bo de rtogs na// yid ni 'ching med rlung yang 'chad pa med/ /khams gsum 'di ni thams cad de yi bdag /de ma rtogs pas 'ching dang 'chad par 'gyur zhes bya ba'i don ni kye ho zhes bya ba ste bla ma la brten pa la gdams pa yin pa'i don te/ grogs dag ces bya ba'i don ni blo shin tu chen por 'gyur ba'i gang zag rje btsun pa rnams dang mtshungs par spyod nus pa rnams la'o/ /de dag sbyangs pa'i don ni lhan cig skyes pa'i ye shes de dag gzhan nas rnyed pa ma yin te mi rnyed pa'i phyir ro/ / de bas na bla ma'i zhal gyi bdud rtsi la dris nas don dang ldan par 'gyur ro/ /de bas na dam pa'i gdams ngag de dag rtogs na yon tan dang ldan par 'gyur la/ ma rtogs na dug tu 'gyur ba'i phyir gnyis med kyi don dam pa de dag bla ma'i zhal gyi ngo bo de las rtogs na yid 'ching ba med de/ shes pa rnal ma chos kyi sku yin pa'i phyir ro/ /rtog pa yang chad pa med pa ste snang grags kyi chos sku phyag rgya chen po yin pa'i phyir ro/ /de bas na khams gsum pa 'di dag thams cad ni bde ba chen po'i bdag yin te/ de nyid kyi ngo bo la rtogs pas rtogs par 'dod pa'i phyir yid 'ching ba dang rlung bzlog cig 'chad par 'gyur te/ sems bsad cing dgag sgrub byas pa'i phyir ro/ /da ni rtogs pa'i don las snying po logs na med par bshad par bya ste/ khams gsum 'di na yan lag dngos po gnas/ /de ni rmongs pas rab tu shes par gyis/ /ma rig mi rig gti mug rgya mtsho che/ /chad pa'i tshul snang de la ma zhen pa'i/ /'di ni snying po bde chen mchog yin no/ /'di ni sangs rgyas dgongs pa sangs rgyas nyid/ /gzhan gyi spyod min sa ra pa yi bstan/ /rjes su 'gro ba glu yi gang blang bya/ /zhes bya ba'i don ni khams gsum pa 'di na gsal ba dang mi rtog pa'i yan lag dang/ bde ba chen po'i dngos po gnas te de ni shes pa med pa'i phyir rmongs pa yin pas don de nyid rab tu shes par gyis shig ces bya ba'i don dang khams gsum pa 'di dag yan lag can gyi rdzas dang bsags pa dang 'dus pa'i dngos po dang/ sems las byung ba dang rnam pa yin par 'dod pa smra ste/ de ni kun nas dkris pa'i phyir rmongs pas 'khor ba'i bdag nyid la gnas pa kho na ste/ de ni g.yang sa yin pa'i phyir rab tu shes par gyis shig pa'i don to/ /de ni nyon mongs pa dang de kho na nyid tha mi dad pa yin te/ khams gsum pa thams cad kyi ma rig pa ni ye shes nyid yin te rig tu med pa'i phyir ro/ /de bas na mi rig pa'i don de nyid gti mug chen po ste mi shes shing shes pa med pa'i phyir ro/ /de ni zab cing dpag dka' ba'i phyir rgya mtsho chen po dang 'dra'o/ /de bas na ci yang ma yin pa'i phyir chad pa'i tshul du snang ste/ ma yin zhes de la ma zhen pa'i bdag nyid du bya'o/ /don 'di ni snying po yin te de rtogs pa na bde ba chen po mchog gis rab tu non pa yin no/ /'di ni phyogs bcu dus gsum gyi sangs rgyas kyi dgongs pa yin te/ tha mi dad pa'i phyir sangs rgyas nyid kyang de nyid yin no/ /don 'di dag gang zag gzhan gyi spyod pa 'am smra bar nus pa ma yin te/ rje btsun pa'i sprul ba'i sku sa ra ba'i bstan pa kho na'o/ /skal ba dang ldan pa gang zag de'i rjes su 'gro ba rnams kyis ni rang bzhin thams cad 'grub pa med pa'i phyir glu'i tshul du shes par bya ba dang/ nyams su myong ba brtag tu med pa'i phyir gang gyi tshul du blang bar bya'o/ /nga ni rnal 'byor pa rnams kyi rang gi blo la gdams par bya ste/ kye ho 'di ni rang rig ye shes de/ /'di la the tshom rtog par ma 'khrul cig / dngos dang dngos med bde gshegs 'ching ba ste/ /gnyug ma'i yid la ltos dang rnal 'byor ba/ mar la mar gzhag chu la chu bzhag bzhin/ /dpes mtshon don de de bzhin shes par gyis/ /bsam gtan gzhan rtags dman la de med de/ /dngos gzhi 'khrul pas thar pa mi rnyed do/ /sgyu 'phrul dra bas ji ltar nyams su len/ /rang gi blo la bos nas gdams pa'i don 'di yin no zhes pa ni/ kye ho de ltar gong du bstan pa'i don 'di ni rang rig pa'i ye shes rang byung ba ste/ 'di la ni ma yin no/ /de'i phyir rnal 'byor pa rnams kyi sems nyid du rtogs pa dang bskyed pa'i rim pa brtan pa thob cing de nyid las byung ba dang/ rtsa'i rgyal po dang blon po dang/ 'bangs rnams steng du rgyu ba'i rlung dang/ thung du rgyu ba'i rlung dang/ 'phreng la gnas pa'i rlung dang gnas pa byang chub kyi sems dang/ 'pho ba byang chub kyi sems/ 'gyur ba byang chub kyi sems la bde ba bskyed cing blo gnas shing brtan pa dang/ shes pa mi rtogs pa 'ba' zhig la gnas pa dang/ bum pa'i dbang me long lta bu'i ye shes su lta ba dang gsang ba'i dbang mnyam pa nyid kyi ye shes su blta ba dang/ shes rab ye shes kyi dbang so sor rtog pa'i ye shes su blta ba dang/ mdza' i dbang bya ba nan tan gyi ye shes su blta ba rnams dang/ de thams cad brten par byed pa yang dam tshig las byung ba yin pa dang/ de thams cad kyang chos kyi dbyings kyi ye shes las ma 'das so/ /zhes mdun dang/ rgyab dang/ g.yas dang g.yon dang/ phyogs bcu ru brtags shing dpyad de gang du rtogs pa dang/ nyams su myong ba de dag gis zug rngu ste/ skyes bu de ni 'khrul pa'i lam la mngon par gnas pa kho na'o/ /gnyug ma'i don phyin ci log pa mi mthun pa'i phyogs skad cig ma de nyid la zhi bar byed pa'i rang bzhin mtshon cha chen po 'di rtogs pa na/ de ni bdag gis su la'ang dri bar mi bya'o/ /de ci'i phyir zhe na/ brtag pa thams cad du sdug bsngal yin pa'i phyir ro/ /da ni rtogs pa'i tshad bstan par bya'o/ /snang ba'i dbang po gang du nub gyur cing/ /rang gis ngo bo ma nyams dngos nyams gyur zhes bya ba'i don ni gnyug ma'i ngo bo la bzhag pa la khyad med kyang/ rnam pa la yod pa'i phyir/ dang po myong du med pa'i myong ba dang/ goms pa dang/ mthar phyin pa'i dus su snang ba dbang po'i phul du gyur pa thams cad gnyug ma'i ngo bo nyid du nub par gyur zhing/ de yang rang gi ngo bo ma nyams te/ ci bzhin par rtogs pa'o/ /byis pa rnams kyis brtags pa 'di dngos po thams cad nyams par 'gyur ro/ /da ni de nyid de dag bla ma ma yin pa gzhan las mi rtogs par bstan par bya ste/ kye ho grogs dag lhan cig skyes pa de/ /gzhan las mi rnyed bla ma'i zhal las dris/ /don dam zhal gyi ngo bo de rtogs na/ / yid ni 'chi med rlung dang 'chad pa med/ /khams gsum 'di na thams cad de yi bdag /de ma rtogs par 'ching dang 'chad par 'gyur/ /zhes bya ba'i don ni/ kye ho zhes bya ste/ bla ma la bsten pa la gdams pa yin pa'i don to/ /grogs dag zhes bya ba ni blo shin tu chen por gyur pa'i gang zag rje btsun pa rnams dang mtshungs par spyod nus pa rnams la'o/ /de dag la spyad pa'i don de ni lhan cig skyes pa'i ye shes de dag gzhan nas rnyed pa ma yin te/ mi rnyed pa'i phyir ro/ /de bas na bla ma'i zhal gyi bdud rtsi la dris nas don dang ldan par 'gyur ro/ /de bas na dam pa'i gdams ngag de dag rtogs na yon tan dang ldan par 'gyur la ma rtogs na bdug tu 'gyur ba'i phyir gnyis med don dam pa de dag bla ma'i zhal gyi ngo bo de rtogs na yid ni 'chi ba med de/ shes pa rnal ma chos kyi sku yin pa'i phyir ro/ /'di la the tshom dang tha dad kyi rtog pa 'khrul par ma byed cig /rnam par rtog pa ni 'khor ba thams cad kyi rtsa ba ste/ de bas na sems dngos po yod par rtogs pa dang/ dngos po med par rtogs kyang/ bde bar gshegs pa chos kyi sku'i 'ching ba ste/ sngon gyi 'bras bus bskyed par mi nus so/ /de bas na sems gnyug ma'i rang bzhin ci yang ma yin pa yid la de nyid kyis tshul gyi ltos pa dang/ rnal 'byor pa kun gyis so/ /de yang ji ltar zhe na/ mar gyi khu ba la mar gyi khu ba bzhag pa dang/ chu la chu bzhag pa bzhin dpes mtshon pa'i don dag kyang sems la sems bzhag pa ste/ de bzhin du gnyis su med par shes par gyis shig / rtog pa dang ldan pa'i gang zag gis ni bsam gtan bsgom byar gzhan du rtogs pa'i phyir de'i phyir blo dman pa ste/ de la de kho na nyid med de/ /de ci'i phyir zhe na/ bde ba chen po dngos gzhi yis/ /'khrul pas thar pa mi rnyed do/ /snang ba 'di thams cad sems nyid snang ba ste/ ci yang ma yin bzhin du snang bas sgyu ma dang 'phrul gyi rnam pa lta bu ste/ de la tha dad du brtags pa ni sdug bsngal gyi rnam pa ste/ de ji ltar nyams su len zhes gdams pa'o da ni bde ba chen po bla ma'i zhal las rtogs su med pa'i rtog pa bshad par bya ste/ bla ma dam pa'i bka' las yid ches pa'i/ /nyams myong myong med ye shes snying po ste/ /nga yis brjod du yod pa ma yin zhes/ /snying po don mchog dag ni de skad smra/ /zhes bya ba'i don ni bla ma dam pa'i bka' dag las slong pa pos yid ches par bya ba'i tha mal gyi shes pa nyams su myong ba de dag ni myong du med do/ /de ci'i phyir zhe na/ snying po sku gsum dang ye shes rnam pa lnga'i bdag nyid de/ de dag ni brtag par mi nus pa'i phyir nga'i zhes bya ste/ rje btsun pa dag gis kyang brjod par nus pa'am brjod du nus pa ma yin no zhes snying po gnyug ma'i don gyi mchog de dag gi shugs kyis de skyad smra bar 'gyur ro/ /da ni dpe khyad par can gyi sgo nas bstan par bya ste/ gdod nas dag pa'i rang bzhin nam mkha' la/ /bltas shing brtags kyang mthong bar mi 'gyur te/ /lhan cig skyes pa'i ngo bo de dag la/ /skyes 'gags mthong med smra ba'i brda dang bral/ /zhes bya ba'i don ni gdod ma nas dag pa'i rang bzhin gyis cir yang ma yin pa'i nam mkha' de dag la rtog ge dang ldan pa dag gis 'bad pa dang brtsol bas bltas shing brtags kyang mthong bar mi 'gyur te/ sdug bsngal lo/ /mkhas pa shes rab can dag gis ni nam mkha' i ngo bo ye nas dag pa yin pa de dag la bltas nas mi rnyed pa yin pa'i phyir 'bad pa dang rtsol bas ma brtags he bde ba dang ldan no/ /de'i rang bzhin du lhan cig skyes pa'i ngo bor rang byung gi ye shes de dag dang/ dang por skye ba dang/ bar du gnas pa dang/ tha mar 'gag par yod pa ma yin te/ nyams su myong ba'i de nyid rnam rtog gi blos mthong ba yang med do/ /de'i phyir de brjod par bya ba'i smra ba'i brda dang tha snyad gdags pa dang bral ba'o/ /de ni bde ba chen po'i rang bzhin te de dag la rtsol zhing bsgrubs pa ni sdug bsngal lo/ /da ni chos kyi sku la 'khrul pa mi rig pa bstan par bya ste/ gnyug ma'i ngo bo sna tshogs par snang yang/ /gcig tu ma shes tha dad yul la brtags/ /ma rtog nga rgyal skyon gyis skye bo bslus/ /tshig gi mtshon chas gzhan dag sun 'byin kyang/ /rnam rtog skyon gyis de nyid mtshon mi nus/ /zhes bya ba'i don ni thams cad sems gnyug ma'i rang bzhin chos kyi sku nyid yin te/ de dag gi cho 'phrul snang grogs sna tshogs par snang ba la so so'i skye bo rtog pa dang ldan pa rnams kyis dus thams cad bde ba chen po'i ro gcig tu ma shes pas tha dad kyi yul la brtags pa'i phyir rnam par rtog pa'i nga rgyal gyis skyon de dag gis so so'i skye bo rnams bslus so/ /mngon sum dang rjes su dpag pa'i tshig gi mtshon chas gzhan dag sun 'byin par byed kyang rnam par rtog pa'i skyon de dag gi de kho na nyid mtshon par mi nus so/ /da ni de kho na nyid gzhan gyis mi rtogs pa bstan par bya ste/ 'jig rten log pa'i bsam gtan gyis rmongs te/ /rang bzhin gnyug ma sus kyang mtshon ma yin/ /sems kyi rtsa ba rang bzhin 'bras mi mthong/ /skye 'gag gnas par shes pa ma yin no/ /lhan cig skyes pa'i ngo bo de nyid ni/ /bstan du med kyi rang bzhin chos su khyer// zhes bya ba'i don ni 'khor ba mi rtag pa'i mtshan nyid 'jig cing rten pa'i ngo bo la gnas pa'i sems can de dag de bzhin nyid kyi don las log pa'i bsam gtan gyis rmongs te/ de ci'i phyir zhe na/ bla ma dam pa dang bral baM ste/ rang bzhin gnyug ma'i de kho na nyid sus kyang mtshon pa ma yin no/ /de bas na rang gis brtags pas kyang mi rnyed de/ sems kyi rtsa ba de dang po gang nas byung ba dang gnas pa dang rang bzhin ji lta bu yin pa dang/ de bsgoms pa'i 'bras bu thob pa'i don ma mthong ste/ skye ba dang 'gag pa dang gnas pa med par 'byung ba'i ngo bo nyid yin kyang de nyid shes pa ma yin no/ /de ltar rtogs pa rnams kyis ni sems de kho na nyid du khyer bar bya ste/ lhan cig skyes pa'i gnyis su med pa'i ngo bo de nyid ni bla ma dam pa rnams kyis kyang bstan du med cing/ slob pa pos kyang nyams su myong du med kyis de bas na shes pa rnal ma rang bzhin gyis chos su khyer bar bya'o/ /da ni de ltar shes nas rtogs pa brtan par bya ste/ rtsa ba bral ba'i de nyid gang sems pa/ /bla ma'i man ngag de yi thob pa ste/ /rgyu med sems la bral ba mchog tu gsungs/ /'khor ba snang ba sems kyi ngo bo ste/ /de ltar shes nas rnal 'byor snying po che/ /rmongs rnams mda' snun ngas smras shes par byos/ /rang bzhin gnyug ma brjod bya ma yin te/ /slob dpon man ngag mig gi de mthong 'gyur/ /de la chos dang chos min rtog pa dang/ /lam dang gnyen pos bcos pa ma yin no/ /'di la nyes pa rdul tsam yod ma yin/ /gnyug ma'i yid ni gang tshe sbyangs gyur pa/ /de'i tshe bla ma'i yon tan snying la 'jug /ces bya ba'i don ni gnyug ma'i yid la yun ring du sbyangs pa'i gang zag gi spyod pa yin pa ston te/ rtsa ba zhes bya ba ni rnam par rtog pa ste/ de dang bral ba ni sems so/ /de nyid nyams su myong bar bya ba ni shes pa rnal ma ste/ de'i mthus zag pa dang bcas pa'i bde ba dang zag pa med pa'i bde bas lus dang sems gang bar 'gyur te/ de dag thams cad la zhen pa med pa'i sems de ni dran pa rgyun chags nyid do/ / de ltar rtogs pa de ni bla ma dam pa'i zhal gyi man ngag de yis thob pa ste/ de ci'i phyir zhe na/ lhan cig skyes pa'i ye shes tha mal gyi shes pas nyams su myong bar byas pa la nges pa'i shes pas brgyan te dran pa'i grogs dag gis mnyam pa nyid thob pa'o/ /de dag kyang ci'i phyir zhe na/ de nyid kyi ngo bo la rgyu med pa dang/ sems mdza' dang dbus su mi gnas pa dang/ de la sems can thams cad kyi sems kyi ngo bo de ltar gnas shing rgyu dang 'bras bur dbyer mi phyed pa'i mchog tu dam pa rnams kyis gsungs pa'o/ /de srid du 'khor ba'i rnam par snang ba de srid thams cad ni sems kyi ngo bo ste/ de ltar shes nas rnal 'byor pa rnams kyis snying po'i de kho na nyid kyi ngo bo chen po rtogs pa'o/ /de ltar ma rtogs pa'i rmongs pa rnams la mda' snun ngas smras pa de dag shes par byos shig / de dag kyang shes su med pa ste/ rang bzhin gnyug ma de dag gi don ni brjod bya thams cad kyi mdza' las 'das pa'i phyir shes par bya ba'ang ma yin te/ mi shes pa nyams su myong ba'i slob pa po de nyid kyis ni slob dpon gyis man ngag dam pa mig gis des mthong bar 'gyur ro/ /de ltar nyams su myong ba'i don de dag la mdza' gnyis kyi chos dang mtshan ma'i chos min par rtogs pa dang/ bgrod par bya ba'i lam dang/ nyon mongs pa'i gnyen pos go rims kyi tshul du blo bcos par bya ba ma yin no/ /de ci'i phyir zhe na/ gnyug ma'i ngo bo 'di dag la rtogs pa'i nyes pa rdul tsam yang yod pa ma yin no/ /gnyug ma'i ngo bo de dag slob pa po'i yid la de nyid kyi don ni gang gi tshe myong zhing sbyangs par gyur pa de'i tshe bla ma'i yon tan dam pa snying la 'jug cing zhugs pa'o/ /de lta bu'i don de nyid kyang rtogs pas 'grub pa yin pa bstan par bya ste/ de ltar rtogs na snying po glu len te/ sngags dang rgyud rnams kun la 'bad byas kyang/ rtog ge de bral gcig la mthong lam med/ /'gro rnams las kyis so sor 'ching 'gyur te/ /las dang sdig las grol nas yid mthong ste/ /rang yid rtogs nas grol ba gzhan med do/ /mya ngan 'das pa mchog ni thob par 'gyur/ /thob ces mtshon kyang rtogs pa'i dus nyid yin/ /zhes bya ba'i don ni gong du bstan pa'i ngo bo de ltar rtogs na rnal 'byor pa chen po dag byang chub kyi snying por 'khor ba'i sems can thams cad la gdams pa'i don glur len te/ 'phags pa'i gang zag rnams kyis bstan bcos kyi rig pa dang/ de bzhin gshegs pa'i bka' dang rgyud rnams la rigs pa dang 'brel pa kun la 'bad par byas kyang tha dad kyi rtog ge'i de dag dang ma bral na gang zag gcig la yang mthong ba'i lam skye ba'i skal ba med do/ /de ci'i phyir zhe na/ 'khor ba pa'i 'gro ba rnams tha dad du brtags pa'i dge ba dang sdig pa'i las kyi rnam par smin pa'i don mi slu bas so sor 'ching bar gyur te/ gang dag gis dge ba dang sdig pa'i las dang tha dad kyi rtog pa'i zug rngu'i sdug las tha mal gyi shes pas rang grol bar 'gyur te/ de ltar na rang gi yid sangs rgyas kyi bdag nyid du mthong ste/ de ltar rang gi yid rtogs na grol ba'i 'bras bu gzhan med do/ /de bas na de nyid la goms shing ? phyin pas ni mya ngan las 'das pa'i mchog gnyis su med pa ni thob par 'gyur ro/ /de dag kyang thob du yod dam zhe na/ thob po zhes slob pa po'i blo las mtshon du zad kyang rtogs pa'i dus de nyid kyi ngo bo mtshon pa yin no/ /da ni chos thams cad sems nyid yin pa bstan par bya ba ste/ sems nyid gcig bu kun gyi sa bon te/ /de las 'khor dang mya ngan 'das snang ngo/ /srid pa sna tshogs de las 'phros pa yin/ /'phros pa de nyid chos kyi sku yin te/ /chos kyi sku las snang ba gzhan med do/ / rtogs pas mya ngan 'das pa nyid yin te/ /zhes bya ba'i don ni sems chos kyi sku rnam par dag pa'i ngo bo de las thams cad kyi bdag nyid rnam par 'phel te skyed par byed pa'i sa bon gzhan grub pa med pa'i phyir de bas na sems nyid gcig tu snang grags kyi chos kun gyi sa bon yin te/ de bas na de las 'khor ba rnam par rtog pa'i bdag nyid dang zhi ba mya ngan las 'das pa'i ngo bor snang ste/ khams gsum gyi srid pa'i mya ngan sna tshogs kyi rnam pa thams cad nyi ma'i 'od zer bzhin ngo bo de lam 'phros pa yin no/ /nyi ma dang zer gnyis tha mi dad pa ltar 'phros pas snang grags kyi chos de nyid dang/ sems nyid dang chos kyi sku gnyis tha mi dad pa yin te/ chos sku'i rnam pa de nyid las snang ba gzhan zhig grub pa med do/ /de nyid rtogs pas mya ngan las 'das pa nyid yin pa ste/ gzhan du brtag par mi bya'o/ /de ltar rtogs pa'i don de nyid la bstod par bya ste/ 'dod pa'i 'bras bu ster bar byed pa yi/ /yid bzhin nor bu mchod legs 'byung ba bzhin/ /man ngag mchod 'bul sems la nor bu'i tshul/ /rnal 'byor khyad par sems la phyag 'tshal lo/ /zhes bya ba'i don ni dper na sems can gyi 'dod pa'i don mi slu bar mkho ba'i yo byad kyi 'bras bu ster bar byed pa ni yid bzhin gyi nor bu rin po che ste/ de la mchod pa dag legs par phul nas gsol ba btab na/ mchod pa'i don 'dod pa legs par 'byung ba bzhin du khams gsum gyi sems can thams cad kyi dbul ba sel bar byed pa ni sems nyid de kho na nyid yin te/ de dag la rten gyi gang zag skyes pa dang bud med kyi tha mal gyi shes pa'i mchod pa'i rdzas dag bla ma'i gdams ngag gi mchod pa phul nas sems nyid kyi don la nges pa'i shes pas gsol ba btab nas nor bu'i tshul du sangs rgyas kyi 'bras bu 'byung ngo/ de ltar rtogs pa'i rnal 'byor pa'i sems la phyag 'tshal lo zhes bya ba'i don to/ /de nyid kyi ngo bo de sems rang dga' i tshul gyis sgrub par bstan par bya ste/ sems bcings nas ni 'khor bar 'ching 'gyur te/ /de ma bcings na grol zhing thar par 'gyur/ /blun po gdams pa bral bas bcings 'gyur bas/ /bla ma mkhas pa dag gis myur du grol zhes bya ba'i don ni rnal 'byor pa'i sems nyid de dag bcings na ni 'khor bar 'chings bar 'gyur te/ sems ma bcings pa'i tshul gyis rang dgar glong de gzhag na grol cing thams cad mkhyen pa'i sangs rgyas su thar bar 'gyur ro/ /blun po gang zhig bla ma dam pa'i gdams ngag dang bral bas yid 'ching bar 'gyur te/ de dag las bde bar byed pa ni bla ma mkhas pa dag gi zhal gyi bdud rtsi dag gi shes pa glang po che smyon pa'i tshul du gar dgar btang bas myur du grol bar 'gyur ro/ /da ni sems yangs par gzhag par bstan par bya ste/ sems ni nam mkha' 'dra bar blta bya ste/ /lus ni de nyid yin pas chags mi bya/ /chos rnams kun dang sems nyid mnyam pa ste/ /sems de bsam gyis mi khyab bsam byas nas/ /des ni bla na med pa thob par 'gyur/ /zhes bya ba'i don ni rnal 'byor pa'i sems kyi ngo bo nyid nam mkha' dang 'dra bar blta bar bya ste/ de ni mi shes shing mnyam la smrar med de ci yang ma yin pa'i phyir de dang mtshungs pa'o/ /de bas na lus kyi ngo bo nyid ni de kho na nyid kyi ngo bo las ma 'das pa ma yin pas chags par mi bya ba kho na'o/ /de bas na lus sems thams cad dogs pa med pa'i rnam pas bag yangs pa'i tshul du bzhag ste/ de ci'i phyir zhe na/ snang grags kyi chos kun dang sems nyid kyi ngo bo mnyam pa ste/ sems de chos kyi sku yin pa'i phyir bsam gyis mi khyab pa'i ngo bo ste/ de nyid ci yang ma yin pa'i tshul du bsam par byas na des ni bla na med pa'i 'bras bu thob par 'gyur ro/ /da ni thams cad sems su shes par bstan par bya ste/ nam mkha' la sprin byung rlung gis thim/ /sems kyi de nyid rtog bya brtags pas thim/ /snying pos smras pa nam zhig nus ldan na/ /mi rtag g.yo ba myur du spong bar 'gyur zhes bya ba'i don ni/ nam mkha' i rang bzhin dag pa las glo bur gyi sprin byung ste/ de dag rlung gi g.yo bas thim pa bzhin du sems nyid kyi ngo bo rnam par dag pa nyid la phyi nang gi rnam par rtog pa du ma phyung ste bla ma'i gdams ngag gis sems skye med rtogs par byas nas brtags pa'i bdag nyid rtog pa thams cad rang zhi zhing thim par 'gyur ro/ /de nyid du shes pa'i phan yon ni snying po gnyug ma'i ngo bo sems la smras pa ni tha mal gyi shes pa de nyid la goms nas nam zhig nus pa dang ldan pa na rtog pa de 'khor ba mi rtag pa'i rnam pa dang mtshan ma'i g.yo ba thams cad myur du shugs kyis spong bar 'gyur ro/ /da ni sangs rgyas pa'i dus bstan par bya ste/ rlung dang me chu dbang chen 'gags pa na/ /bdud rtsi'i dwangs ma rlung chen la zhugs pas/ /d+hU tI rlangs pa sems la 'jug 'gyur te/ /srid pa'i sa ru rdzogs pa'i sangs rgyas nas/ /sbyor ba bzang po 'di la snang ba thim/ /nam zhig sbyor bzhi gnas 'gyur tshul gyis ni/ /sems zhugs dus su bde ba che rgyas te/ /nam mkha' i khams su shong min myong ba'i tshul/ /zhes bya ba'i don ni rnal 'byor pa de nyid goms par bya ba la brtson pa rab dang 'bring du gnas pa'o/ /da dag gis ni gnyug ma'i de kho na nyid la goms pas mda' ka ma'i ye shes de kho na nyid bsgoms te/ de yang dang por sa chu la zhugs pa dang chu me la zhugs pa dang me rlung la zhugs pa dang rlung rnam par shes pa la zhugs pa dang/ rnam par shes pa 'od gsal bde ba chen po la zhugs pa de chos kyi sku'o/ /de ltar g.yo ba dang bcas pa'i rlung dang smin par byed pa'i me chu sra ba'i bdag nyid kyi dbang chen de dag rtogs pa'i dri ma ste/ shugs kyis 'gags pa na/ bdud rtsi rnam pa lnga'i dangs ma de dag g.yas g.yon gyi la la dang ra sa'i rlung chen po la zhugs pas de nyid kyi rtsa ba dbu mar rims kyis 'jug par 'gyur te/ shes pa bar ma do'i sa ru mngon par rdzogs par sangs rgyas nas/ bde ba chen po dang ldan par 'gyur ro/ /brtson pa'i sbyor ba dang ldan pa bzang pos ni skye ba de nyid la snang ba sems la thim par 'gyur ro/ /bde ba 'di lus la brten pa ste bar ma do'i shes pa de dag lus dang bral ba'i phyir bde ba dang ldan par mi 'gyur bas chos kyi sku phyag rgya chen po gnyug ma'i ngo bo nyid rtogs pa ma yin no zhe na/ de kho na nyid gnyug ma la goms pa'i shugs kyis nam zhig 'pho ba'i dus kyi tshe/ sa chu la zhugs pa dang chu me la zhugs pa dang me rlung la zhugs pa dang/ rlung rnam par shes pa la zhugs pa dang/ rnam par shes pa 'od gsal bde ba chen po la zhugs pa'i sbyor ba bzhi gnas 'gyur ba'i tshul gyis sems 'od gsal gyi bde ba la zhugs pa'i dus su zag pa med pa'i bde ba chen por rgyas te/ gzugs shig yod na ni nam mkha' i khams su yang shor ba med de/ myong ba'i yul du yang rung ngo/ /gong ma'i tshul de dag bden na ni chos kyi sku bde ba chen po dang mi ldan par 'gyur ba'i phyir bsgrub par yang mi rigs la/ rang bzhin can dang de nyid kyi ngo bo yang tha mi dad par thal to chos lhag go /da ni rtogs pas khyad par du gyur pa bstan par bya ste/ gnas dang khyim na de yi gtam smra yang/ /bde chen gnas ni yongs su shes pa min/ /'gro kun bsam pas sun 'byin mda' bsnun smras/ /bsam gyis mi khyab sgrub pa 'ga' yang med/ /ces bya ba'i don ni sems can thams cad rang gi de kho na nyid la brtags pas 'khrul pa'i dri mas bsgribs pa'i phyir/ de bzhin gshegs pa'i bka' dag gi gnas dang mkhas pa'i gang zag rnams kyi khyim na brjod du med pa'i de kho na nyid kyi gtam smra yang snang srid bde ba chen po'i phyag rgya'i gnas ni yongs su shes pa min te/ 'gro kun rang gi bsam pa las byung ba'i rtog pas rang nyid sun 'byin to zhes mda' bsnun gyis smras so/ /bsam gyis mi khyab pa'i don bde ba chen po gnyis su med cing ci yang ma yin pa'i zhal gyi bdud rtsi tha mi dad pa'i tshul du bsgrub pa ni gcig kyang med do/ /da ni thams cad la khyab pa'i bdag nyid bstan par bya ste/ srog chags thams cad kun la yang/ /de nyid yod de rtogs pa med/ /thams cad ro mnyam rang bzhin pas/ /bsam yas ye shes bla med pa'i/ /dpa' bo rnams kyis brtags pa'i rigs/ /zhes bya ba'i don ni ta ka hi han ste srog chags so/ /de dag gi don gyi khyad par ni snang ba'i ngo bo gsal ba'i rnam pa dang gnas skabs kyi mi rtogs pa'i rang bzhin dang 'dod pa nyams su myong ba'i bde ba ste de ltar sangs rgyas kyi dgongs pa de dag rang bzhin gyis ldan pa'i don to/ /de bas na sems can thams cad la de kho na nyid kyi ye shes rang khyab tu gnas su ste snang grags kyi chos kun la yang til dang mar gyi tshul du de nyid kyi ngo bo yod de gyad kyi nor bu dang 'dra bar rtogs pa med do/ /de bas na thams cad chos kyi skur ro mnyam pa'i rang bzhin yin pas bsam yas pa'i nam mkha' dang 'dra ba'i ye shes bla ma'i gdams ngag gis nyams su myong bar byas pa'i rnal 'byor pa'i dpa' bo rnams kyis brtag cing mnyam pa la bzhag pa'i rigs so/ /da ni brtson 'grus kyi stobs bskyed pa bstan par bya ste/ di ring sang tsam las 'di snyam/ /skyes bu phun sum tshogs 'dod pas/ /kye ho snyim pa chus bkang bzhin/ /'dzags pa mthong ngam skyes bu rnams/ /zhes bya ba'i don ni/ snying po'i don 'di dag rtogs pas 'tshang rgya ba yin no zhes ming la zhen pa'i skyes bu dag gi brtson 'grus kyi stobs bskyed cing bsgom par bya ba kho na ste/ tshe 'di yun thung zhing bya ba'i rnam pa mang pos 'di nyid la goms par 'gyur pa yang shin tu dka' ba'i phyir rnal 'byor pa rnams kyis di ring sang tsam las 'di byas la de nas bde ba bsgrub par brtag par mi bya ste/ da lta nyid nas brtun te bsgrub par bya'o/ /phyi ma'i dus la bde bar 'dod pa'i skyes bu le lo dang ldan pa phun sum tshogs par 'dod pas de dag la skye ho zhes gdams par bya ste/ snyim pa chu sa bkang ba de dag gi dus de nyid nas zas la thug gi bar du 'grib pa bzhin te 'dzags pa dang mtshungs par khyed kyi tshe 'di dag kyang rtag tu 'grib pa mthong ngam skyes bu rnams mthong ngo zhes rtogs pa rnams ni 'bad de bsgrub par rigs so/ /de la rtogs pa med pa'i skyes bu rnams ni blun pa ste rtag tu sdug bsngal zhing 'khor ba na gnas pa kho nar zad do/ /de nyid kyi phyir mnyam la bzhag par bya ba bstan te/ bya ba byed dang bya min mi byed pa/ /nges par rtogs na 'gro rnams 'ching mi 'gyur/ /yi ge med la chad pa'i yid 'jug pa/ /gang zhig rnal 'byor brgya la 'ga' yis mthong/ /zhes bya ba'i don ni bya ba byed pa'i rtog pa'i rnam par snang ba thams cad dang/ bya ba mi byed pa sems kyi ngo bo gnas pa thams cad gnyug ma'i ngo bo ste de nyid nges par rtogs na 'gro ba rnams rang grol bar 'gyur te 'ching bar mi 'gyur ro/ de bas na 'di dag ni thun mong ma yin pa ste/ ta ya shTa ni zhes pa ste/ yi ge med pa'i tha tshig go /de dag gi don ni brjod bya dang rjod byed kyi ngo bo dang bral ba ste bems rig rnam pa gnyis las grol ba'o/ /de dag nyams su blang bar bya ba ni chad pa ste tha mal gyi shes pa'o/ /de dag kyang dran pa rgyun chags kyi yid la 'jug par 'gyur te/ don de dag kyang bla ma gang zhig gis nye bar gdams kyang skal ba dang ldan pa dag la mtshungs pa'i phyir/ /brtags pa'i ming tsam du sbyar ba'i rnal 'byor pa dpag tu med pa ji snyed cig gnas kyang don 'di dag ni gcig tsam gyis mtshon pa'i don nyams su myong ba las mi srid do/ /da ni de nyid kyi grogs bstan par bya ste/ shin tu bsdams pa'i sems de ni/ /klod de gzhag na grol bar 'gyur/ /rmongs pa gang gis bcings pa'i ngos/ /mkhas rnams de yi rnam par grol/ /bcings pa dag ni phyogs bcu yis/ /grol bar brtsol ba byed pa rnams/ /mthong bar 'gyur ba'i dus nyid du/ /mi g.yo mi 'gyur brtan par gnas/ /go bzlog pa dag bdag gis rtags/ /bu khyod snying po len pa rnams/ /de ltar rang la mtshon te ltos/ /zhes bya ba'i don ni khams gsum pa rnams kyi blo ni rtsa'i bon lta bu ste/ rnam par rtog pas rnam par rtog pa shin tu bsdams shing bcings pa ste/ de lta bu'i sems 'di ni bla ma dam pa'i zhal gyi bdud rtsis klod de bzhag na rang grol bar 'gyur ro/ /tha dad kyi rmongs pa la gnas pa'i sems can gang gis yid bcings pa'i dngos po de dag bla ma mkhas pa de nyid nyams su myong ba rnams kyis rnam par grol bar 'gyur ro/ /tha dad kyi rtog pas bcings pa dag ni ye shes lnga dang rigs lnga'i ngo bos bdag nyid rnam pa bcu blo la gnas par bya ste/ de yis spang bya dang spong byed kyi tshul gyis bcings pa las grol bar brtsol ba byed pa rnams de nyid kyi nyams su myong bas mthong bar 'gyur ba'i dus nyid du sems mi g.yo ste/ mtshan ma la 'pho bar mi byed do/ /mi 'gyur te glo bur gyi rkyen gyis gnod par mi 'gyur ro/ /brtan par gnas shes bya ste/ shes pa shin tu yun ring zhing gzhan du bsgyur bar mi nus pa'o/ /de nyid ni blo chung ba ste 'ching ba dang bcas par zad do/ /de la go bzlog pa dag ni bdag ste rje btsun pa dag gis rtogs so/ /de dag kyang ci zhe na/ zhen pa bzlog par bya ba ni ma yin te/ snang srid chos kyi sku phyag rgya chen po yin pa'i phyir ni mi g.yo bar 'gyur ro/ /de nyid la brten par bsgom pa ma yin te/ bsgom du med par tha mal gyi shes pa rnal mar bzhag pas phyi nang gi g.yeng pas gnod pa mi 'gyur ro/ /de ltar shes pa phyir zhing yun ring ba dag la yon tan du lta bar mi bya ste/ gar yang 'gyur zhing de la zhen pa med pa ni dran pa yang dang yang du bsten pa ste brtan par gnas so/ /de bas na rje btsun pa dag gi zhal nas bu zhes bos te/ khyed snying po chos kyi sku len par 'dod pa rnams de ltar rang la mtshon te ltos shig ces bya ba'i don to/ /da ni dpe nye bar bsgrub par bya ba bstan par bya ste/ kye lags dpa' bo ltos shig dang/ /'di la nga ni mi rtogs so/ /las zin pa yi skyes bu yis/ /drung du sems thag gcad par byos/ /zhes bya ba'i don ni rnal 'byor pa rnams la kye zhes bos te ci yang ma yin pa'i don de dag lags so zhes bya ba'i don to/ /dpa' bo zhes bya ba ni de nyid don du gnyer ba'i rnal 'byor pa'o/ /ltos shig don zhes bya ba ni gong gi ngo bo nyid la'o/ /sdug bsngal thams cad ni nga bdag gi rnam pa las skyes pa'o/ /de dag la gnas pa rnal 'byor pas de nyid kyi drung du rtog pa'i sems kyi thag shugs kyis gcod par byos shig ces bya ba'i don to/ /da ni gnyis med kyi don de dag la gdams par bya ste/ rlung bcings pa la rang nyid ma sems kye/ /shing gi rnal 'byor sna rtser ma sems shig /kye ma ho ma yin lhan cig skyes pa yin/ /gnyis med dang du mnyam pa'i 'dod chags byos/ /zhes bya ba'i don ni rnam rtog gi rta rlung gi rnam pa de dag bcings pa'i don mi rtogs pa 'ba' zhig la zhen na ma sems kye zhes gdams so/ /de bas na shing zhes bya ba ni zag pa med pa'i ye shes gnyug ma'i rang bzhin te de dag ni 'phel zhing skye ba'i 'di nyid kyi 'bras bu smin par byed pa ste/ dang po'i cha ma yin pa'i rnal 'byor gyi shes pa mnyam pa nyid de dag sna rtse la sogs pa rnams su rnam par rtog pa gtad de ma sems shig / de bas na de ltar rtog pa rnams kyi ting nge 'dzin gyi kye ma'o ma yin zhes bya'o/ /lhan cig skyes pa'i ye shes de dag ni bde ba chen po'i ngang du mnyam pa nyid kyi 'dod chags byos zhes bya'o/ /da ni bzung ba'i skyon bstan par bya ste/ srid pa'i sna rtser 'ching ba yongs su spangs/ /'di ni yid 'dus pa la rlung gi rlabs/ /g.yo zhing 'bar bas shin tu mi bsrun 'gyur/ /zhes bya ba'i don ni yid bcings pa dag ni srid pa ste 'khor ba'i rnam pa yin no/ /de'i phyir sna rtser 'ching ba la sogs pa yongs su spang ngo/ /de'i mi rtogs pa 'di ni yid 'dus pa ste 'phred la gnas pa'i rlung zin pa'o/ /de la steng 'og gi rlung gis brlabs na sems g.yo zhing lus 'phar bas shin tu mi bsrun bar 'gyur te/ smyon pa dang mtshungs pa'i phyir don med par 'gyur ro/ /de ltar ma bcings pa'i phan yon bstan pa'i phyir/ lhan cig skyes pa'i ye shes gnas gyur na/ /de yi bdag nyid brtan par 'gyur ba ste/ /gang zhig yid ni nye bar 'gags gyur na/ /lus ni 'ching ba rnam par 'chad par 'gyur/ /zhes bya ba'i don ni snang ba dang sems lhan cig skyes pa'i rang bzhin ci yang ma yin pa'i ngo bor gnas gyur na/ chos kyi sku de'i bdag nyid brtan par 'gyur ba'i phyir/ gang gi tshe gnyug ma la goms par 'gyur ba de'i phyir yid kyi rtog pa ni nye bar 'gags par 'gyur bas na/ lus kyi 'ching ba 'phyar bar 'gyur ba dang/ /bde ba la zhen pa la sogs pa rnam par 'chad par 'gyur ro/ /da ni nyams myong gi rtags bstan par bya ste /dbus su lhan cig skyes dang ro mnyam pas/ /de tshe dmangs rigs dag dang bram ze med/ /ces bya ba'i don ni sems dang snang ba gnyis kyi dbus su lhan cig s kyes pa'i ye shes kyi de kho na nyid ro mnyam par 'gyur bas ro dogs med pa'i don de nyid rtogs shing gnyis 'dzin med cing gza' btad dang bral pa'i ngo bo nyams su myong ba las blang dor med pa'i spyod pa dag 'byung bar 'gyur te/ de'i tshe nyams bar 'gyur ba med pa'i phyir tha dad kyi rtog pa dang bral bas dmangs rigs dang bram ze med do zhes bya'o/ /da ni grags pa'i dpe'i sgo nas don mtshon par bya ste/ 'di nas zla ba'i rgya mtsho nyid dang ni/ /'di nas gang+ga'i'i rgya mtshor bar dag dang/ ba ra Na se 'khor yug par dag ni/ /'di ni zla ba rgyas pa gsal byed nyid/ /byang chub sems kyi ri bong gis/ /sems can rgya mtsho gsal bar byed/ /dran pa gang gis mtsho dag gis/ /yul chen ba ra Na ser gsal/ /zla ba 'grib dang rgyas pa dang/ /zla bar 'gyur ba ma yin te/ /nyi ma'i rkyen gyis 'phel 'grib snang/ /zla ba lta bu'i sems nyid la/ /'phel dang 'grib pa yod med de/ /rtog pa'i dbang gis de ltar snang/ /de phyir rtog pa gsal ba'i phyir/ /gnyug ma'i grogs dang bcas pa 'bad/ /'bad pa ra la med 'gyur te/ /kye ho dang po'i rten la smos zhes bya ba'i don ni dpe dag gis nye bar mtshon pa'ang/ gnyug ma'i de kho na nyid brjod par bya ste/ 'di nas zhes bya ba ni de bzhin gshegs pa thams cad kyi 'byung gnas so/ /zla ba'i rgya mtsho zhe bya ba ni lho phyogs kyi ngos dpag tshad bcu gnyis pa dag na'o/ /de dag ni chu zheng du dpag tshad bcu gnyis yod pa khor yug tu dpag tshad bzhi bcu rtsa brgyad yod pa ste/ de dag gi nang na nor bu rin po che hu lu ain+d+ra zhe bya ba chu las dpag tshad gcig gyen du 'phags pa yod de/ de dag la zla ba'i 'od kyis phog pa'i dus su chu'i rgyun 'byung bar 'gyur zhing 'od kyang phyogs bcur 'phro'o/ /'di nas gang ga'i rgya mtshor dpag tshad bcu gnyis te/ de dag gi bar dag tu rin po che'i 'od kyis khyab cing khyad par du chu de dag gsal bar byed do/ /'od de dag dang 'brel ba'i gangA'i chu'i nad na rin po che a smra gar pa zhes bya pa yod de de'i 'od kyis yul ba ra na se'i grong khyer gyi dbus na mchod rten dag shaka zhes bya ba yod de/ de dag gi rtse mo la nor bu rin po che mu sa la gar pa zhes bya ba gnas te/ de dag la khyab par byed do/ /de'i 'od kyis ba ra Na se'i 'khor yug gi bar thams cad 'od kyis gang bar byed cing khyad par du yo byad thams cad kyi mdog kyang gsal bar byed do/ /de bas na grong khyer 'di ni zla ba rgyas pa gsal bar byed pa ste zla ba nyid kyi mthu yin pa'i phyir ro/ /de bzhin du don dam pa'i byang chub kyi sems chos kyi sku'i ri bong gis sems can gyi rgya mtsho thams cad la gsal bar byed do/ /de dag la ye shes kyi nor bu rin po che rang 'byung du gnas so/ /de'i 'od len par byed pa yang dran pa rgyun chags te gang gA'i mtsho lta bu'o/ /de dag gi nang na chos kyi sku rtogs par byed pa'i nor bu gnas te/ skal ba dang ldan pa'i yul tshogs chen po bsags pa'i gang zag ba ra Na ser gsal lo/ /de dag ni tha mal gyi shes pa'i mchod rten gyi rtse mo la nyams su myong ba'i nor bu rin po che gnas so/ /snang srid bde ba chen po'i 'od 'byin par byed do/ /de'i 'od kyi khyad par du sna tshogs du ma'i yo byad thams cad ro gcig tu mdog 'byin to/ /de yang rtog pa dang ldan pa'i gang zag rnams la mi snang ba'i phyir dper brjod par bya ste/ zla ba nyid la 'grib pa dang rgyas pa ni yod pa ma yin te zla ba 'gyur ba ma yin pa'i phyir ro/ /de ltar 'phel 'grib kyi rnam par snang ba yang nyi ma dang nye ba'i rkyen gyis 'phel ba dang 'grib par snang ngo/ /dpe de bzhin du zla ba lta b u'i don dam pa byang chub kyi sems de nyid la ni thog ma nyid nas ma bcos pa rnal ma'i rang bzhin yin pa'i phyir skal pa dang ldan pa rnams 'phel ba dang skal pa med pa rnams la 'grib pa ni yod med de/ blo chung ba'i gang zag rnams kyi tha dad kyi rtog pa'i ngo bor brtags pa'i dbang gis de ltar snang ba dang/ chos thams cad ci yang ma yin pa'i ngo bo tha mal gyi shes pas nyams su myong bar bya ba rtogs pas 'phel 'grib kyi tshul du snang ste/ de ltar ma rtogs pa rnams kyis ni rtogs par bya ba'i phyir rtogs pa gsal bar bya ste/ de nyid kyi phyir gnyug ma'i de bzhin nyid bsgom zhing de'i grogs bsod nams kyi tshogs dang snying rje dang bcas pa la 'bad par bya'o/ /brtsol sgrub dang bcas par thal lo zhe na/ byis pa'i ngang tshul can rnams la rtogs par bya ba'i yan lag tu smras pa ste chen po pa rnams la ni 'bad pa nga la med 'gyur te zhes bya ba ste rtsol bar bya ba ma yin pa'i tha tshig go /de bas na thabs khyad par can la gdams pa'i phyir kye ho zhes bya'o/ /dang po'i rten zhes bya ba ni tha mal gyi shes pa ste de dag nyams su myong bar bya ba la smos zhes bya'o/ /da ni grogs dang bcas pas de kho na nyid mthong bar 'gyur bar bya ba bstan par bya ste/ zhing kun gnas dang nye ba'i gnas tshogs su/ /phyin te bltas pas rtogs par ngas smras pa/ /lung dang dran pa'i mu nas bzung ba'i tshe/ /dge ba nga yi yan dag nges par mthong/ /nga yi rmi lam du yang mthong ba te/ /ri bo'i khrod du gnas te bag yod byos/ /zhes bya ba'i don ni ta na ta ha ra zhes bya ba ste de dag ni zhing dang nye ba'i zhing ngo/ /de'i don bsnyad par bya ste/ rab tu mi gnas pa'i rgyud las/ slob ma skal ldan mtshungs pa dang po zhing/ /bla ma nyams myong gnyis med zhi zhes 'byung ba'i phyir skal pa nye bar mtshungs pa dang ldan pa'i slob ma dang/ de kho na nyid nyams su myong bar byed pa'i bla ma ste de dag la sbyar bar bya'o/ /de la ji ltar zhe na/ keng ri pa ha na tsa na ra zhes bya ste/ dur khrod dang nye ba'i dur khrod do/ /de dag gi don ni rgyud de nyid las/ slob ma'i dur khrod nges pas gsol ba 'debs/ /rdzogs pa'i sangs rgyas 'byung ba lus kyi khrod/ /bla ma de yi nye bar smin par byed/ /dag pa'i gdams ngag dag gis nye bar ston zhes 'byung ba'i phyir slob pa po dag gis gus pa dang ldan pas bla ma la gsol ba btab ste/ btab pa'i don de nyid mi slu ba'i don du zhal gyi bdud rtsi dag gi rgyud yongs su smin par byas te dag la sbyar bar bya'o/ /de yang ji ltar bsgrub par bya zhe na/ 'gi swa ra na sU ha zhes bya ste/ tshan do ha dang nye ba'i tshan do ha'o/ /de dag gi don ni yang rgyud de nyid las/ tha mal shes pas brgyan pa mtshan do ha/ /de nyid goms par gyur pa nya ba'i mchog ces 'byung ba'i phyir / bla ma las thos pa'i don de dag tha mal gyi shes pa nyams su myong bar byas shing dus thams cad du goms par byed pa ste de dag tu sbyan par bya'o/ /de dag kyang gang dang ldan par 'grub ce na/ au Ni laM mahA po hi ha ra Ni zhes bya ste/ gnas dang nye bar gnas so/ /de nyid gsal bar bya ba ni yang rgyud de nyid las/ snang srid bde chen bla ma dran pa dang/ /sems nyid bla ma mchog ste gnod mi byed/ /gnas dang nye ba'i gnas la rnyed nas kyang/ /skad cig gcig la rdo rje chos kyi sku/ /zhes 'byung ba'i phyir dus rtag tu bla ma mi brjed par bya ba dang/ snang srid thams cad chos ste gnyug ma'i ngo bo nyid du rtogs par bya ba ni gnas so/ /dus rtag tu sems nyid bla ma la dam pa'i tshul du bskur bar byed cing sems la mo gnod pa las kyi dus thams cad du chu bo lta bur sems chos kyi skur gzhag pa ni nye ba'i gnas so de dag kyang ji lta ba'i tshul du bcas par bya zhe na/ ka na to bi ha'i na ra ste 'du ba dang nye ba'i 'du ba'o/ /de yang rgyud de nyid las gsal dang mi rtogs bde ba dang/ /dpyer mi phyed kyi de nyid ni/ /spyod lam bzhi la khyad med ba/ goms pa'i gnas te 'du ba'o/ /dur khrod grong khyer tshogs rnams su/ /'jigs pa med par rgyu byed cing/ /tshigs pa med par slongs ma byed/ /kha TwAM 'dzin cing mu cor smra/ /'di ni nye ba'i 'du ba ste/ /dam pa rnams kyi lam yin no zhe bya ba'i don ni zhing kun gnas dang nye ba'i gnas dang chags su zhes sbyar ro/ /phyin nye zhes bya ba ni go rims de nyid kyi tshul lo/ /bltas pas zhes bya ba ni/ de dag gi tshul nyams su blangs pa'o/ /de nyid kyi chos kyi sku gnyis su med pa'i ye shes kyi de kho na nyid rtogs par 'gyur ro zhes rje btsun pa dag gis gsungs so/ /de nyid kyis kyang bla ma dam pa'i lung dang dran pa rgyun chags kyis gnyug ma'i mu nas bzung ste/ ci snang chos kyi sku phyag rgya chen po'i ngo bor snang ba'i tshe de ni thun mong ma yin pa'i dag par yang dag pa'i mngon par shes pas nges par gzigs so/ /de dag la rgyu 'bras kyi tshul du 'thob par 'gyur ba yod dam zhe na/ nga yis zhes bya ste/ rje btsun pa dag gis kyang de nyid mi srid pa'i phyir ro/ /rmi lam du yang mtho ba med do/ /dngos su rgyu 'bras kyi tshul du 'byung bar lta smos kyang ci dgos/ 'o na 'bras bu de dag 'thob par 'gyur ba ma yin nam zhe na/ lus kyi ri bo'i khrod du thal gyi shes pa'i rnal 'byor pa gnas te/ dran pa rgyun chags kyi bag yod par byos shig ces pa'am/ las dang po pa rnams kyi ri bo dang dgon pa dang chu 'gram dang dur khrod du gnas te spyod lam thams cad du de kho na nyid las mi g.yeng bar bag yod par byos shig dan rtog pa'i skad cig de nyid la sangs rgyas par 'gyur ro/ /da ni gnyug ma'i don de nyid kyi rten mtshon par bya ste/ 'dab ldan par sdong ge sar gyi dbus na/ /shin tu phra ba'i rnal ma'i kha dog ldan/ /bya brag bor cig rmongs pa mya ngan gyis/ /gdungs pa 'bras bu med par ma byed cig ces bya ba'i don ni/ 'dab ces bya ba ni shing brtsegs pa'i 'dabs ma ste de dang ldan pa ni keng rus kyi rus pa'i tshogs so/ /pad+ma'i ces bya ba ni mdangs nye bar 'dzin pa ste/ /khrag go/ sdong zhes bya ba ni lus brtan par byed pa ste/ rtsa'i rgyal po a ba d+hU tI la sogs pa'i nang na gnas pa'i byang chub kyi sems so/ /ge sar zhes bya ba ni 'khor lo rnam pa drug gi pad+ma'o/ /de dag gi dbus na gnas pa'i thig le ste/ snying ga chos kyi 'khor lo'i dbus na gnas pa na rtog pa med pa'i thig le'o/ /de yang bsam gyis mi khyab pa'i rgyud las/ sha yi 'dab ma yongs su rdzogs pa'i nang/ /keng rus tshogs kyis yongs su gang bar byas/ /pad+ma khrag gi mdangs kyis drod 'dzin te/ /rtsa rtsegs sdong po'i tshul du nges par gnas/ /ge sar 'khor lo drug gi rnam par bkram/ /sdong po byang chub sems kyi lung bstan te/ /chos kyi 'khor lo'i dbus na thig le mchog /shin tu phra ba rnal ma'i kha dog ldan/ /zhes 'byung ba'i phyir rtog pa med pa'i thig le de dag ni gnyug ma'i de kho na nyid skye bar byed de/ de dag ni shin tu brtag dka' ba'i phyir zab cing phra ba'i rnam ba ste rgya mtsho lta bu'o/ /de yang tha mal gyi shes pas gsal ba dang mi rtog pa dang bde ba dang nyams su myong bar byed pa ste chos kyi sku nyid yin pa'i phyir rnal ma'i kha dog dang ldan zhes bya'o/ /de nyid kyi ngo bo nyams su myong ba la ni re dogs gnyis 'dzin blang dor gyi rnam pa yod pa ma yin te/ 'bras bu thams cad kyi mchog go /de bas na de ci'i phyir zhe na/ tha dad kyi rtog pas sgribs pa'i rmongs pa de dag la 'khor ba'i mya ngan gyis gdungs pas sdug bsngal bar 'gyur te/ de kho na nyid kyi 'bras bu med par ma byed cig ces bya ba'i don to/ /da ni spyi dang mtshungs pa'i dpe brjod par bya ste/ gang du tshangs pa khyab 'jug mig gsum pa/ /'jig rten ma lus zhi bar 'gyur zhes pa/ /rig med dag la mchod gnas las kyi mdza' / /rtog pa de nyid yang dag zad par 'gyur/ /zhes bya ba'i don ni/ gnyug ma'i de kho na nyid ma yin pa'i phyi rol pa dag gis kyang 'di dag nye bar mtshungs par gyur kyang don med par 'gyur ro/ /de dag kyang ci zhe na/ gang du zhes bya ba ni phyi rol pa rnams kyi rigs so/ /tshangs pa khyab 'jug mig gsum pa zhes bya ba ni lha dbang phyug chen po'i rten la bya'o/ /de dag gi smra ba'i tshul ni lha chen po dag la mchod pa phul nas de dag mnyes par gyur pas/ 'jig rten ma lus thams cad zhi ba mya ngan las 'das par 'gyur ro zhes bya ba ste/ 'bras bu rdzogs par sangs rgyas kyi rigs med pa de dag la mchod pa la/ lus kyi mdza' i rtog pa de nyid zad par 'gyur zhes te 'gyur ba ma yin te don med do/ /de bas na bdag dang gzhan du 'dzin pa thams cad kyang tha dad du rtog pa'i phyir de dang mtshungs pa nyid do/ /de ni mi thun pa de nyid dper bsgrub par bya ste/ gang du zhes bya ba ni rnal 'byor pa gang gis so/ /tshangs pa zhes bya ba ni tha mal gyi shes pa ste/ de dag la rtog pa'i skyon gyis ma gos pa'o/ /snang grags kyi chos thams cad la de'i ngo bor khyab pa'o/ /bla ma dam pa dag gis bstan pa'i de nyid la 'jug par nus pa na gsal ba rang mi rtog pa dang bde ba'i mig gsum dang ldan pa ste de ltar rtog pa ni 'jig rten gyi rnam par rtog pa thams cad ma lus par zhi bar 'gyur ro zhes pa ni bla ma dam pas gdams pa'o/ /de dag la rigs med de ci yang ma yin pa'i phyir ro/ /de dag la snang grags kyi chos thams cad la mchod pa phul te/ gnyug ma'i ngo bo nyid la gnas na las kyi mdza' i rtog pa thams cad de nyid du yang dag par zad par 'gyur ro/ /da ni rtogs par dka' bas gdams ngag la rag las pa bstan par bya ste/ kye ho bu nyon mchod pa'i cho gas dang bya ba ma smra dang/ /yang dag gnas shes pa zhes zer ba ste/ 'gro la mchod cing 'don pa la sogs pas/ /de ni shes par nus pa ma yin no zhes bya ba'i don ni/ dam pa rnams kyi gdams ngag la gdams par bya zhing tha snyad tsam du don du gnyer bar mi bya ste/ de dag la gdams pa'i don ni/ bu zhes pa ni khams gsum pa rnams la bos nas yang dag pa'i don la gzhol ba la 'dod pa'i phyir nyon zhes bya'o/ /mchod pa'i tshogs dang zhes bya ba ni bdun rnam par dag pa'i bsod nams kyi tshogs bsags pa la sogs pa'o/ /bya ba mang smra dang zhes bya ba ni don chung du don med pa'i bstan bcos 'chad pa dag go /yang dag gnas zhes bya ba ni rmongs pa'i bsam gtan pa dag ste/ 'gro ba tha dad kyi brjod pa dag 'chad cing pha rol po 'don pa la sogs pas bla ma dam pa'i gdams ngag dang bral ba'i phyir/ de kho na nyid kyi don ni shes nus pa ma yin no/ /de bas na yang dag pa'i don las ma yengs shing ji bzhin pa'i don de nyid la bsgom par bya'o/ /da ni snying po'i don de shin tu rtogs par dka' ba bstan par bya ste/ kye ho bu nyon de nyid sna tshogs kyi/ /ro 'di brtan par brjod pa ma yin te/ /bde ba'i gnas mchog rtogs pa spangs pa ni/ /'gro ba nye bar skye ba ji bzhin no/ /blo ni rnam 'gags yid ni rang zhi bas/ /gang du mngon pa'i nga rgyal 'chad pa ni/ /sgyu ma'i rang bzhin mchog tu rtogs pa ste/ /de bas bsam gtan 'ching ba des ci bya/ / dngos por skyes pa mkha' ltar rab zhi na/ /dngos po spangs na phyi nas ci zhig bya/ /de ring dpal ldan mgon pos bstan pa yis/ /dbye ba rnam spangs de la gnas par byos/ /zhes bya ba'i don ni/ brjod par dka' ba'i don de nyid la gdams pa'i phyir kye ho zhes bya'o/ /bu nyon zhes bya ba ni smos pa kho nar zad do/ /de nyid ces bya ba ni rang bzhin gnyug ma ji lta ba la bya'o/ /de nyid sna tshogs kyi ngo bor snang ste bde ba chen por gyur pa'i ro 'di cir yang grub pa med pa'i phyir rje btsun pa rnams kyis kyang brtan par brjod pa ma yin te/ bde ba chen po rang bzhin gyis rtog pa dang bral ba'i gnas ni tha mal gyi shes pa nyid do/ /de nyid goms shing mchog tu gyur pas ni rtog pa ma lus pa thams cad spangs pa'o/ /de dag ni 'gro ba dag nye bar skye ba ji bzhin pa ste byis pa dang/ gzhon nu dang lang tsho la babs pas stobs yongs su rdzogs par 'gyur ba bzhin du de nyid kyi don 'di dag kyang mthong ba dang myong ba dang rtogs pa dang mthar phyin pa las chos kyi sku'i stobs yongs su rdzogs nas sprul pa'i sku dang longs spyod rdzogs par 'gyur ro/ /skyes bu dag gi rtog pa la blo gtad de spros pa'i g.yeng ba ni rnam par 'gags nas yid ni mi rtog pa 'ba' zhig la rab tu zhi bar 'gyur bas 'jig rten pa'i gnas gang du gnas shin 'dug pa de dag tu bdag ni bsam gtan pa yin no zhes mngon pa'i nga rgyal 'chad pa de ni sgyu ma'i rang bzhin snang yang med pa tsam mchog tu rtogs pa ste/ de dag la gnyis 'dzin gyi rnam pas zhen pas 'khor bar 'khor zhing sdug bsngal 'ba' zhig gi rgyu byed pa ste/ de bas na bsam gtan gyi 'ching ba des ci zhig bya'o/ /de dag gi don ji ltar yin zhe na/ dngos por snang zhing skyes pa de thams cad sems nyid nam mkha' i ngo bo lta bu las ma 'das pa yin te/ de ltar ngo bo gcig pa de dag lhan cig skyes pa'i ye shes kyi rab tu zhi na dngos po thams cad bde ba chen po'i chos kyi sku ste de dag spangs nas gzhan zhig nas de bzhin nyid 'thob pa ma yin pa'i phyir dngos po'i rnam par 'khrul par brtags nas phyi nas de ma yin pa'i ye shes skye zhes pa ni don med de log pa yin pa'i phyir des ci zhig bya'o/ /bdag nyid skal ba dang ldan pa'i dus de ring yin pa'i tshe/ dpal ldan sangs rgyas dang bla ma dam pa'i mgon pos bstan pa'i don yid la byar med pa de dag la nges pa'i sgo sgo nas nyams su myong na dbye ba ni rnam pa thams cad ro gcig ste/ shugs kyis spangs pa'i don de la gnas par byos shig ces bya ba'i don to/ /nga ni rnal 'byor gyi spyod lam bstan par bya ste/ mthong dang thos dang reg dang dran pa dang/ /zas rnam pa dang mchan na gnas pa dang/ /cal col gtam dang lan smrar gyur pa la/ /sems so zhes ni gcig gi ngo bo dang/ /rnal ma de bzhin rnam pa la mi 'da' / zhes bya ba'i don ni rnal 'byor pa dag gis 'dod pa'i yon tan mi dgag cing longs spyod par bya ste/ de dag kyang ma zhen pa'i tshul du chos kyi sku gnyug ma'i rang bzhin du shes par bya'o/ /de yang mig dang rna ba dang lus dang yid dang lce dang sna la sogs pas mthong ba dang thos pa dang reg pa dang dran pa dang zos pa dang snom pa thams cad la chos kyi sku bde ba chen po'i rang bzhin dang de bzhin nyid kyi sgra dang/ ci yang ma yin pa'i reg bya dang dbyer mi phyed pa'i dran pa dang/ gnyis su med pa'i ro dang/ tha mal gyi shes pa'i dri dang/ de dag thams cad kyang sems nyid du longs spyad par bya'o/ /mchan na gnas pa dang zhes bya ba ni rnam par rtog pa ste phyi nang gi byung tshor thams cad la dran pa de bzhin nyid du shes par bya'o/ /gzhan dag chags pa dang zhe sdang ba dang btang snyoms kyi cal col gyi gtam dang bya ba dag la yang de bzhin du shes par bya'o/ /bdag nyid kyi lan smra bar gyur ba la yang sems so zhes mi gcig gi ngo bo dang rnal ma'i de bzhin gyi rnam pa las mi 'da' bar bya'o/ /da ni bla mas bstan pa'i don la 'bad par bya ba bshad de/ gang zhig bla ma'i man ngag bdud rtsi'i chu/ /gdung sel bsil ldan ngoms par mi 'thung na/ /de ni bstan bcos don med mya ngan gyi/ /thang la skom pas gdungs te shi bar zad/ /ces bya ba'i ngan ni skal ba dang ldan pa'i gang zag skyes pa dang bud med kyi ngo bor snang ba gang zhig gis 'bras bu khyad par can thob par byed pa'i bla ma dam pa dag gi don nye bar 'dzin pa de man a sa ra zhes bya'o/ /de dag gi don ni shes rab dang snying rje'i bdag nyid 'brel ba ste/ gnyis med kyi ye shes de kho na nyid do/ /de dag ni dam pa'i dag las shes par bya ba nyid de/ /de dag gis mi mthun pa'i phyogs sangs rgyas kyi ye shes bdud rtsi ma rungs par byed pa'i rtsir gyur ba ste/ dper na chu lta bu'o/ /de dag gis ni nyon mongs pa'i than pas gdungs pa'i gdung ba sel cing bde ba chen po'i bsil dang/ ma bcos pa dang ba'i don gnyis su med pa'i tshul gyis ngoms par mi 'thung b a de 'jig rten pa'i bstan bcos don med pa sdug bsngal gyi khang bu de dag la gnas pas 'khor ba'i mya ngan gyi thang la bde ba chen po'i skom gyis shin tu gdungs te rnam par rtog pa la sogs pas bskyed pa'i gnas su de kho na nyid shi bar zad do/ /nga ni don de kho na nyid bstan par bya ba'i thabs bshad par bya ste/ bla mas bstan pa mi shes na/ /slob mas go bar yong min te/ /lhan cig skyes pa bdud rtsi'i ro/ /gang zhig ji ltar bstan par bya/ /zhes bya ba'i don ni bla ma dam pas bstan pa'i thabs ni tha mal gyi shes pa ste/ mi shes pa bstan pas na mchog go /slob mas rtogs pa'i bdag kyang go bar bya ba yod pa ma yin te/ min pa nyid ni yongs su dag pa'o/ /de nyid yin nam zhe na/ yin du med pa yin te/ lhan cig skyes pa'i bdud rtsi'i ro ni sems nyid ma bcos pa rnal ma ste gang zhig yin te min na/ /min pa'i don de nyid ji ltar bstan par bya ste bstan du med do/ /dam pa dag gi gdams ngag pas 'byung ba ni bla ma dag gi tha snyad dpag tu med pa brjod cing de kho na nyid go phang ma nus na bstan par mi shes pa nyid do/ /de lta bu'i zug rngus slob mas go ba dang rtogs pa yod pa min te/ de bas na lhan cig skyes pa'i ye shes kyi bdud rtsi'i ro 'di dag ni gang zhig ji ltar bstan par bya zhe na/ nges par byas shing tha mal ba nyid do/ /nga ni de ltar ma rtogs pa dag gi skyon bstan par bya ste/ gal te tshang mar 'dzin pa'i dbang gis su/ /blun pos bye brag rnam par 'byed pa ste/ /de tshe de ni gdol ba'i khyim du rol/ /'ongs kyang de la dri mas mi gos so/ /zhes bya ba'i don ni/ gal te 'am brgya lam na rtog ge pa'i gang zag dag gis rjes su dpag pa tshad mar 'dzin pa'i dbang gis su rtog pa de dag gis gnyis med kyi ye shes dkrug pa'i phyir blun pa ste/ ci'i phyir zhe na/ bdag gzhan gyi bye brag rnam par 'byed pa ste/ dper na bram zes gang gi tshe gtsang ma dang bcas pa de'i tshe gdol ba'i khyim du rol bas skyon dang bcas pa bzhin/ rnal 'byor pa brtul zhugs kyi spyod pa la zhugs pa dag gam gdol pa dag gis de nyid kyi khyim du 'ongs kyang de la skyen gyis dri mas mi gos so/ /nga ni nan tan dang bcas pas the tshom med par bsgrub pa bstan pa ni/ gang tshe slong ba srang kha'i kham phor gyis/ /bdag nyid rgyal po slar yang ci byar yod// mya ngan 'das pa la gnas srid par mdzes/ /nad gzhan dag la sman gzhan btang mi bya/ /bsam dang bsam bya rab tu spangs nas su/ /ji lta bu yi tshul la gnas byas shing/ /bla ma'i lung la bsgrims te gus 'bad na/ /lhan cig skyes pa 'byung bar the tshom med/ /ces bya ba'i don ni gang gi tshe grong khyer ba dag gi rigs ngan gyi spyod pas rgyu pa na slong ba'i zas kyi bya ba byed pa'i srang khar bor ba'i kham phor gyi dum bu dgos pa yin gyi de dag gis bdag nyid rgyal por gyur pa'i ma lus bsod nams kyi bdag nyid yongs su dag pa dag rnyed pa'i phyir zas kyi bya ba byas zin pa de bar ba'i kham phor gyi dum bu de dag gis bdag nyid rgyal po la slar ci byar yod de med do/ /de bzhin du tha dad kyi rtog pa'i bdag nyid kyis brtags pa'i las dang bya ba dag gis bde ba chen po'i rol dang bral ba'i phyir rmongs pa'i sbyor bas rgyu ba dag la 'khor ba'i bde ba cung zad tsam bskyed pas dgos pa ste/ bdag nyid re ba dang dgos pa dang bral ba'i don de kho na nyid rtogs nas tha snyad kyi rnam par bzhag pa ni mi dgos te/ de ni zug rngu yin pa'i phyir de ltar rtogs pa de dag ni mya ngan las 'das pa la gnas pa ste/ de nyid gzhan du brjod cing srid par mdzes pa'o/ /de la gzhan du brjod par ni mi bya ste/ dper na nang gzhan te tshe ba lta bu dag la sman gzhan te tsha ba btang bar mi bya rnam par rtog pa'i nang dag la thad kyi rtog pa bzhag par mi bya ba nyid do/ /de dag ji ltar gzhag par byed ce na/ bsam pa dang bsam bya'i gnyis 'dzin gyi rtog pa rab tu spangs nas su/ sems rnal ma ji lta ba'i tshul du gnas par bya zhing sems ma bcos pa bla ma'i mchog dang snang srid bde ba chen po'i lus la dran pas sgrims te spyod lam rnam bzhi'i tshul lam yengs pa'i rnam pas gus par 'bad na lhan cig skyes pa'i ye shes 'byung bar the tshom med do/ /da ni ji ltar mtshon par mi nus pa bstan te/ kha dog yon tan yi ge dpe spangs nas/ /smra ru mi btub de ni gang gis mtshon/ /gzhon nu bde ba snying la zhen pa bzhin/ /dbang phyug bde ba rang bzhin med pa ste/ /de ni su la bstan par bya nus sam/ /zhes bya ba'i don ni tha mal gyi shes pa dngos kyi mtshan nyid de dag kha dog med de mtshan ma dang bral ba'o/ /yon tan med de re ba dang bral ba'o/ /yi ge med de brjod pa dang bral ba'o// dpes mtshon par mi nus te bsgrub bya dang bral ba'o/ /de dag thams cad shugs kyis spangs nas don chen po de dag smrar mi btub ste/ de ni gang gis kyang mtshon par nus pa ma yin no/ /nyams su myong du yang yod pa ma yin nam zhe na/ bu mo lo bcu drug lon pa'i bde ba snying la zhen pa bzhin du myong du yod kyang brjod pa'i tha snyad kyi gtan la dbab pa yod pa ma yin no/ /de ltar rtogs pa de ni sa bcu'i dbang phyug dam pa ste/ de'i ngo bo ni rang bzhin med pa'o/ /de'i phyir de ni su la yang bstan par bya bar nus sam ste mi nus pa nyid do/ /nga ni brtags pas brtag bya thim zhing dang bral ba bstan pa ste/ /dngos po dngos med yongs su bcad pa gang/ /des ni 'gro ba ma lus zab? thim 'gyur/ /gang tshe yid ni bcos pa med pa yi/ /mi g.yo brtan pa dran zhing gnas pa der/ /de ni 'khor ba'i dngos po rang grol 'gyur/ /gang tshe bdag gzhan yongs su shes med na/ /de tshe bla ma'i lus su 'grub pa nyid/ /de ltar brtan pa nyid la nges rtogs par/ /ma 'khrul pa yi ngo bor rdzogs sangs rgyas/ /rang gi rang la legs par shes par bya/ /dngos dang zhes bya ba'i don ni bems po'i rnam pa dag go /dngos po med pa ni rig pa'i rnam pa'o/ /bems rig rnam pa gnyis yongs su bcad pa gang yin pa de nyid do/ /de ltar rtogs pa'i bar? der ni rnam par rtog pa las 'byung ba'i 'gro ba ma lus pa rab tu thim par 'gyur ro/ /gang gi tshe rnal 'byor pa'i yid ni bcos pa med pa'i bdag nyid yongs su rdzogs pa med pa de'i tshe phyi nang gi rnam par rtog pas mi g.yo ba dang/ de kho na nyid klong du gyur pa brtan pa dang spyod lam rnam pa bzhi khyad med pa rang bzhin gyi gnas pa der de'i tshe 'khor ba'i dngos po thams cad rang grol bar 'gyur ro/ /de ltar nyams su myong ba'i rtags ni bdag dang gzhan du rtogs pa yongs su shes pa med pa ste/ de ltar rtogs na bla ma chen po'i lus su grub pa nyid do/ /de ltar bla ma dam pas bstan pa nges par rtogs na ma 'khrul pa'i ngo bor mngon par rdzogs par sangs rgyas pa nyid do/ de yang gzhan la rag las pas go ba ma yin te/ rang gi sems nyid kyis rang gi sems nyid la bstan la legs par shes par bya ba nyid do/ /da ni ji ltar yang ma yin pa bstan par bya ba ste/ rdul bde? rdul bral ma yin sems kyang min/ / dngos po de dag gdod nas zhen pa med/ /mda' bsnun gyis smras de tsam zhig tu zad/ /kye ho ma lus dri med don dam shes pa byos zhes pa'i don ni de kho na nyid gnyug ma'i ngo bo la rnam par rtog pa'i rdul med do/ /rdul de dang bral ba ma yin no/ /snang ba dang sems kyang ma yin no/ /'di ltar snang ba'i dngos po'o/ /'di dag ni gdod ma nas zhen pa med pa nyid do/ /de ni ci yang ma yin pa'i don nyams su myong bar nus su/ bdag ni rang bzhin gyis mtshon cha can te mda' bsnun gyis smras te tsam zhig tu zad/ de bas ngo mtshar ba'i don te kye ho zhes bya'o/ /de dag kyang ci zhe na/ snang ba ma lus pa ni lhan cig skyes pa'o/ /sems la dri ma med de de nyid do/ /lhan cig skyes pa'i ye shes ni don dam pa ste de dag shes par byos shig / da ni brtags pas mi rtogs pa bstan par bya ste/ khyim na yod pa phyi ru song nas tshol/ /khyim bdag mthong nas khyim tshes dag la 'dri/ /mda' bsnun gyis smras bdag gis legs par byos/ /blun po'i bsam gtan bsam bya brjod pa min/ /gal te bla mas bstan cing rtogs pas brtags/ /bden par thams cad shes par byas gyur kyang/ /bdag gis yongs su brtags pas de ma rtogs/ /ma rtogs rtogs pas thar pa thob bam ci?/ /yul nas bgrod cing gdung bas nyen byas kyang/ /lhan cig skyes pa mi rnyed sdig par 'dzin zhes bya ba'i don ni snang srid thams cad kyi khyim gyi bdag po ni gnyug ma'i sems te/ de ni rang gi khyim na yod pa'o/ /de ltar ma rtogs pa'i phyir phyi rol tu song nas tshol lo/ /de ston par byed pa'i bla ma dam pa ni khyim bdag ste/ des bstan pa'i zhal gyi bdud rtsi de dag mthong zhing myong nas 'bras bu dang don chen por 'gyur bar bor te/ khyim tshes pa lta bu'i phyi rol pa dang de dang mtshungs pa dag la 'dra'o/ /mda' bsnun gyis smras pa ni gzhan la drir yod pa ma yin te/ bdag nyid kyis bdag nyid las shes par byos shig /'di dag ni gti mug chen po yin pas blun po'i bsam gtan te/ bsam bya dang brjod bya min pas don de ston par byed pa'i tshig gis gtan la mi 'bebs shing ma 'brel ba'i phyir mi shes so/ /gal te blo dman pa dag gis bla mas bstan du yod pa bstan cing slob pa pos brtag tu yod pa'i rtog pas brtags pas gtan tshigs kyi sgo nas rnam par rtog pa'i bsam gtan bden pa dang thams cad shes par byas gyur kyang de ni bdag dang gzhan du 'dzin pa dang ma bral ba ste/ de dag gis yongs su brtags pas de ma rtogs so/ /ma rtogs pa'i don ni de nyid rtogs pa chen po ste/ de dag yongs su dor nas gzhan zhig rtogs pas thar pa bde ba 'thor pa 'am ci ste mi 'thob bo/ /de ci'i phyir zhe na/ rnam par rtogs pas yul nas rtog pa nyid du 'khor te spang bya dang spong byed kyi sgo nas bgrod cing tshul khrims dang brtul zhugs kyi sgo nas gdung ba dang gnyen por byas kyang lhan cig skyes pa'i ye shes mi rnyed de/ de ci'i phyir zhe na/ rnam rtog gi sdig par 'dzin pa'i phyir ro/ /de ni dpe khyad par can gyis bstan par bya ste/ yul rnams bsten pas yul gyis mi gos te/ autpal blangs kyang chu yis mi 'chags bzhin/ /'di ltar rtsa ba rlung gi skyabs su 'gro /rlung rnams de nyid yin pas zhi bar nus/ /zhi ba med de de nyid rtogs pas 'grub/ /rtogs dus grub pa med de tshig tu zad/ /dug gi sngags can dug gis ga la tshugs/ lha las mchod pa khri phrag sbyin byas kyang/ /brtags te 'bras bu gzhan du 'grub 'dod pas/ /de nyid bdag la 'bras bu de med de/ /bdag nyid 'ching 'gyur des ni ci zhig bya/ /de la goms pas grol bar mi 'gyur zhing/ /de 'dras 'khor ba 'di 'dra 'chad min te/ /'dir goms ma rtogs ma lus rgal ma yin/ /mig ni mi 'dzum sems ni 'gags pa dang/ /rnam shes rlung 'gog pa ni bla mas rtogs/ /zhes bya ba'i don ni dper na 'jig rten pa dag gi shes pa ni chags sdang la mngon par zhen pa ste/ dbang po rnam pa lnga yul rnams la brten cing bltas pas yul gyi gos par 'gyur te/ khyad par du zhen cing chags pas mi gos te mi 'bral bar 'gyur ba bzhin du snang srid thams cad bde ba chen po'i ros khyab pa'i phyir/ de dag la tha mal gyi shes pas bltas shing brtags na khros par mi 'gyur te shin tu spro ba'o/ /de dag 'khor ba la chags pa'i skyon du mi 'gyur ram zhe na/ dper na autpal chu'i nang na blangs kyang chu'i nyes pas mi chags pa bzhin du de nyid kyang de'i ngo bo dang mtshungs so/ /rmongs pa dag gi rtsa byang chub kyi sems 'di dag rtogs pa'i rta rlung bcings te de dag gi skyabs su 'gro bar byed do/ /de ni ma yin te 'di dag gi tshul ni rtog pa dang rlung rnams kyi tha mal gyi shes pa de nyid kyi ngo bo yin pas de la gnas na dang gis zhi bar nus so/ /zhi bar bya ba ni 'di skyon dang bcas pa'o zhe na/ zhi ba ni med de/ de kho na nyid rtogs pas 'grub pa'o/ /de dag kyang grub tu yod pa ma yin te/ gnyis med kyi ye shes rtogs pa'i dus nyid la smras pa ste/ dngos po rang gi mtshan nyid la ni grub pa med de slob pa po'i blo la brjod par bya ba'i phyir tshig tsam du zad do/ de dag la rtsod de 'khor ba ni zas dug can gyi rnam pa lta bu ste/ gnod pa 'ba' zhig byed pa'i phyir rtogs pa tsam gyis grub pa ni mi rigs so/ /de lta yin na ni sems can thams cad kyis kyang skad cig ma tsam rtogs su rung ba'i phyir sangs rgyas par thal lo/ /de ltar ma yin na ni chos kyi sku gnyug ma'i sems can gyi rgyud la yod ces pa dang 'gal lo/ /med na ni ma thong bar byed pa yin pa'i phyir 'khor ba yongs su dor ba las mya ngan las 'das pa thob par rigs so/ /de lta yin na ni dka' thub dang dka' spyad kyi 'grub par 'gyur ro/ /de dag ni ngo bo gcig ba ni mi rigs te mun pa dang snang ba bzhin no/ /de bas na 'di dag skyon dang bcas par 'gyur ro/ /zhe na ma yin te/ dper na dug gis sems can 'chi bar gyur pa nga dug gis sngags can de dag dug gis ga la tshugs te de nyid sman du 'gyur ro/ /de bas na ngo bo gcig pa la 'gal ba med de/ dug logs su song ba'am sman gzhan nas byung ba med de/ de nyid de'i ngo bor gyur pa bzhin rnam par rtog pa logs su dor zhing bde ba chen po gzhan nas thob pa ma yin te/ bla ma dam pa'i gdams ngag gis tha mal gyi shes pa nyams su myong bas de nyid de'i ngo bor gyur te/ de bas na sems can thams cad kyi rgyud la ye shes de kho na nyid du gnas te de dag gi mthus skad cig ma nyams su myong srid kyang ji bzhin pa'i myong bas grol bar mi nus pa dag go /de nyid nyams su myang bas na/ /skad cig ma de nyid la sangs rgyas par nus so/ /de ltar ma rtogs pa rnams kyi brtags pa'i lha la mchod pa la phrag 'bum rnams su mchod cing sems can thams cad la sbyin par byas kyang rnam par rtog pas brtags te 'bras bu logs su 'grub par 'dod pa'i phyir ro/ /de nyid dang bral te brtags pa'i bdag la mngon par zhen pas chos kyi sku'i 'bras bu de med de mi 'byung ngo/ /de bas na gnyis 'dzin dang bral ba de kho na nyid rtogs pa ste/ gnyis 'dzin dang bcas pa ni bdag nyid 'ching bar 'gyur ba'i phyir de'i ci zhig bya'o/ /de bas na de la goms pas grol bar yang mi 'gyur zhing de dang 'dra ba'i spyod lam 'khor ba'i sdug bsngal 'di 'dra bar 'chad pa med do/ /'di la 'dis 'di nyid 'dir goms par byas bas ma rtogs pa'i rnam par rtog pa'i 'khor ba pa ma rtogs pa'i bdag nyid ma lus pa rgal dka' ba 'di dag rgal bar 'gyur ba ma yin no/ /ji ltar spyad par 'gyur zhe na/ ming ni mi 'dzums te cir snang phyag rgya chen po'i bdag nyid dang/ tha mal gyi shes pa nyams su myong bas sems ni ngang gis 'phags pa dang phyi nang gi byung tshor zhi bar 'gyur te/ skad cig ma de nyid la rnam par shes pa'i rta rlung gi bdag nyid kyis 'gog par byed pa'i bla mas bstan pa'i bla ma chen po dag las rtogs so/ /da ni 'du shes bcings pas mi grol bar 'gyur bar bstan par bya ste/ gang gi tshe rlung rgyu ba de mi g.yo ste/ gang gi tshe na 'ching bar ci byar yod ces bya ba'i don ni dus gang gi tshe bla ma dam pa de nyid bral ba'i tshe rnam par rtog pa de dag ste/ steng 'og gi rlung rgyu ba bkag ste/ de rtog pa la mi g.yo ste mi rtog pa 'ba' zhig la gnas pa'i phyir sgom bya dang sgom byed du rtog cing thabs dang 'bras bu thob par 'dod pa gang gi tshe na 'ching bar 'gyur te/ de dag gi tshe ci byar yod do/ /da ni de nyid du shes pas grol bar 'gyur ba bstan par bya ste/ /ji srid dbang po yul la lhung ba dang/ /de srid rang nyid las ni rab tu rgyas/ /khyed pa cag ci byed da lta sems la ltos/ /gang 'gro sems dang kye hod pa'o rnams/ /de ni shin tu dga' ba'i dgongs pas gzhug / gang zhig gang na gnas pa'i mi rnams ni/ /de srid rang nyid de yi ma mthong ste/ /mkhas pa thams cad bstan bcos 'chad pa yis/ /lus la sangs rgyas yod pa ma rtogs so/ /zhes bya ba'i don ni rnal 'byor pa dag gis ji srid dbang po yul la lhung zhing zhen pa na de srid du snang ba la sogs pa'i de thams cad rang bzhin gyi sems nyid las ni rab tu rgyas par shes par bya'o/ /de ltar snang grags thams cad sems gnyug ma yin pa'i phyir/ khyed cig gi sems rang bzhin gyis gnas pa de dag da lta ci byed de mi byed do/ /byed na sems la ltos shig dang ngo/ /de dag gar 'gro sems dang steng 'grongs med do/ /de ci'i phyir zhe na/ de nyid kyi ro yin pa'i phyir de bas kye ho rnal 'byor pa'i dpa' o rnams rang bzhin gyi sems dag pa de ni shin tu dga' ba'i dgongs pas de nyid la zhugs par bya'o/ /skyes pa dang bud med gang zhig rnam par rtog pa'i gnas gang na gnas pa'i mi rnams ni de kho na nyid rang la gnas pa de'i mthong ste de thams cad ni rmongs pa nyid du zad do/ /de bas na tshig dang tha snyad la mkhas pa thams cad bstan pa'i chos kyi bye brag ma lus pa 'chad pa'i rang bzhin gyi lus la chos kyi sku'i sangs rgyas yod pa ma rtogs so/ /da ni ngal ba dang bde ba'i dpe'i sgo nas bstan par bya'o/ /glang chen lam nas sems tshags tshud pa ni/ /de ni 'gro 'ong bcad nas ngal ba ste/ /de ni 'di ltar rtogs so chos ci dgos/ /zhes bya ba'i don ni lumpi'i tshal na khyim bdag ag sho da na la glang po che bas tro ta zhes bya ba shin tu myo ba zhig yod pa las de dag btul ba las bya ba la dge ba dang ldan par bya ba'i phyir zhi bar 'dod pa las de ltar ma gyur te/ de dag 'ong ba dang 'gro ba dang gnas pa dang rtsa za ba dang chu 'thung ba dang 'tsho gnyer byed pa'i dus su shin du sdug bsngal bar gyur te/ 'tsho ba'i stobs zil gyis mnan par ma nus shing bdag nyid shin tu ngal bar gyur te 'tsho ba dang bral ba'i sdug bsngal gyis gdungs par gyur to/ /de nas pad sa'i bu ga ya mgo zhes bya bas smras pa/ kye stobs chen glang po 'di dag btsongs na bde/ /bya ba'i las dang la ba rnams las bral/ /'chi bar byed pa'i rkyen gyis gnod pa min/ /dge ldan zhi bar 'dod pas de mi thul/ /de ltar ma gyur ku sha'i rtsa nyid la/ /re ba ma skyed yangs pa nyid du thong/ /zhes nas glang po che de dag tshong 'dus su btsongs so/ /de lom par gyur nas sems tshigs su chud pa na de ni 'gro bar yang mi byed 'ong bar yang mi byed ngal zhing dub par ang mi 'gyur 'cho ba dang bral ba'i sdug bsngal gyis rnam par bcad nas ngang gis ngal ba ste bde ba dang ldan no/ /de nas smras pa/ kye kye bdag ni shin tu bde dang ldan/ /bde 'dod glang chen bdag gis sdug bsngal 'gyur/ /glang chen btang bas ngal ba'i mchog dang ldan/ /kun kyang bya ba btang na bde bar 'gyur zhes bya ba ni khyim bdag ma ga ta na zhes bya bas thos nas rang gi rang nyid la bsams pa ni bdag gi sems ni glang po che smyon pa lta bu ste/ 'di dag btul ba la sogs dang ldan par yang 'gyur te thul ba yang ma yin pa'i phyir/ btsong bar bya ba'i yul ni bdag gis mi rnyed de 'di na gar dgar btang bar bya'o zhes lhod de bsdad pas sems de dag 'gro bar yang mi byed/ 'ong bar yang mi byed/ gnas par yang mi byed/ 'dzin rtog byung tshor gyi rnam par dang gis 'gags te bde ba chen po ci yang ma yin pa'i rang bzhin shin tu rtogs so/ /de nas de dag gis dur khrod chen po keng ri ya na zhes bya bar phyin te/ rnal 'byor pa'i tshogs la smras pa/ dpa' bo rnams kyis gdams ngag stsal du gsol/ /bdag la byin gyis brlabs shing gnang bar mdzod/ /khyed ni chos sku'i bdag nyid stobs dang ldan/ /rmongs pa dag gi sgrib pa dag par mdzod/ /ces pa dang/ rnal 'byor pa rnams kyis de la smras pa/ chos nyid dam pa'i ye shes de dag ni/ /'di ltar khyod nyid kyis ni shin tu rtogs/ /rtogs so zhes ni smra ru med pa'i don/ /'di dag nyams su myong bas chos ci dgos zhes nges pa'i shes pa skyes pas skad cig ma de nyid la grol bar gyur to/ /de bas na blo dang ldan pa dag gis de bzhin nyid shes par bya'o/ /da ni chags pa dang bral bas 'bras bu mi 'gyur ba bstan par bya ste/ de ltar ngo tsha med smra mkhas pa de/ /gson po gang zhig rnam pa ma gyur pa/ /des ni rgas shing 'khogs par 'gyur ram ci/ /bla mas bstan pa'i dri med blo gros ni/ /de nyid gter yin gzhan yang gang yin lo/ /yul nyid rnam par dag par brten yang min/ /ston pa 'bar zhig gis ni bshad par bya zhes bya ba'i don ni de ltar gong du smros pa'i tha mal pa'i shes pa rang gi mtshan nyid de dag dogs pa dang 'jigs pa dang ngo tsha ba med de smra ba ni mkhas pa nga zhes bya ba ste rje btsun pa ri bo pa nyid do/ /de dag kyang ci zhe na/ shes pa som ma bcos pa gson po'i tshul de dag nyams su myong bas lus dang sems bde bas gang zhig stong pa rgyas de nyid zhi bar byed de/ bde ba stong pa dbyer med pa'i rnam pas mnyam pa nyid kyi don las ma gyur pa de ni rtog pa mi ldang bas rgas par yang mi 'gyur te/ 'khor bar yang mi ltung ba nyid kyi 'khogs par yang ma yin te sdug bsngal gyis rnam pas 'gyur ram ci ste mi 'gyur ro/ /de ltar bla mas bstan pa'i don de bzhin nyid la ni dri ma med de/ de dag ni blo gros kyi mthar thug pa'i shes rab kyi de bzhin nyid do/ /de nyid zad mi shes pa'i gter yin te de las gzhan pa'i gter gang yin lo ste med do/ /yul dang yul can du brtags pa dag ni de nyid rnam par dag pa'i ye shes yin no zhes brjod kyang de kho na nyid kyi rten tsam du yang mi rung ste min no/ /de dag kyang ci zhe na/ stong pa nyid la stong pa nyid 'ba' zhig gis de nyid ni bshad du med pa'i tshul gyis bshad par bya'o/ /da ni rtog pa'i sems pha rol tu phyin pa drug gi ngo bor snang ba bshad par bya ste/ dngos po ma chags sems su shes pa dang/ /shes pa brda ru grags kyi de nyid tshul/ /tshul khrims de nyid ngo bor bsrung byed cing/ /ngo bo tsam du rtogs med snying po che/ /sems kyi rdo rje nang du khro 'joms te/ /rlom med rdo rje mkha' la gnad mi 'gyur/ /sems nyid rang bzhin dal dang myur min yang/ /rtog pa bsam phyir cho 'phrul myur du brtsam/ /rang bzhin sangs rgyas lhan cig skyes pa ste/ /rtog par byed pa mnyam gzhag tshul du bya/ /bla ma'i man ngag mtshon cha shes rab ste/ /rtogs nas rnal mar sbyor ba rdzogs sangs rgyas/ /zhes bya ba'i don ni dngos po snang grags kyi chos thams cad lam chags pa ni sbyin pa ste/ de nyid sems su shes pa ni pha rol tu phyin pa'o/ /de dag gi shes su yod dam zhe na/ shes pa de dag slob pa po'i blo la brda' tsam du zad kyi / don la sems ma bcos pa de kho na nyid kyi tshul lo/ /sbyin pa rnam pa de nyid la tshul khrims su brjod par bya ste/ de yang sems can la gnod pa'i las mi byed pa dang/ de yang de nyid kyi ngo bor srung bar byed cing ngo bo tsam du yang rtog pa min te/ don la ni snying po'i don che ba'i bdag nyid do/ /de nyid ngo bo de dag bzod par bsgom par bya ste/ sems chos kyi sku rdo rje gnyug ma de dag gi dang du bdag gzhan gyi 'khor ba rnam par 'joms te/ de la yang rlom sems med pa'i rdo rje ste/ nam mkha' dang 'dra ba'i phyir de la gnod pa mi 'byung ngo/ /de nyid kyi ngo bor brtson 'grus brtsam pa bya ste/ sems nyid kyi rang bzhin ni dal ba dang myur ba gnyis kar rtag tu mi 'dod pa yin yang ma rtogs rnams kyis rtogs pas bsal bar bya ba'i phyir dang rtogs pa gdeng du gyur par bya ba'i phyir bsod nams kyi tshogs nyi ma'i 'od zer lta bu'i cho 'phrul myur du brtsams par bya'o/ /de nyid ngo bor bsam gtan la mnyam par bzhag par bya ste/ sems nyid rang bzhin gyi sangs rgyas lhan cig skyes pa'i ye shes ye nas gnas te de dag la sangs rgyas su med kyang bla ma'i gdams ngag nye bar bstan pa'i don rtogs par byed pa'i bdag nyid la mnyam gzhag gi tshul du bya'o/ /de nyid ngo bor shes rab bsgom par bya ste/ bla ma'i gdams ngag mtshon cha dam pa de dag gis bdag gi rnam pa yongs su gcod par byed pas na shes rab ste/ slob pa po'i blo de dag rtogs nas don dang rtags rnal mar sbyor ba ni mngon par rdzogs par sangs rgya ba ste chos kyi sku'o/ /de ltar sbyin pa dang tshul khrims dang bzod pa dang/ brtson 'grus dang bsam gtan dang shes rab mthar thug pa'i ngo bo de dag chos thams cad 'dus pa'i tshul du bshad par bya ste/ ji ltar gzings la 'phur ba'i bya rog ni/ /bskor zhing bskor zhing slar yang de ru 'bab zhes bya ba'i don ni rin po che len par 'dod pa'i phyir rgya mtsho'i steng du gzings bcas te/ rig pa'i ltas brtags pa'i phyir bya rog dag bzung ste 'o ma la bring nas 'jim bam gyi rnga yab phyar te bya rog de dag spur ba las gzhan du 'gro bar mi 'gyur te/ bskor zhing bskor zhing slar la gzings kyi gnas de nyid du 'bab pa bzhin du/ bla ma dam pa'i gdams ngag rgya mtsho lta bu ni steng du chos kyi sku'i nor bu thob par bya ba'i phyir/ tha mal gyi shes pa'i gzings bcas nas snang srid phyag rgya chen po'i skur brtag pa'i phyir dran pa rgyun chags kyi don lo ma lta bu la blo brid de shes pa'i bya rog gar dgar yan du bcug pa las slar la bskor zhing de nyid kyi ngo bor babs so/ /da ni 'dod pa'i yon tan la chags pa de bzhin nyid kyi dper sbyar ba bstan par bya ste/ yul la zhen pas 'ching bar ma byed cing/ /kye ho rmongs pa mda' bsnun gyis smras pa/ /nya dang phye leb glang chen bung ba dang/ /'di ni ri dags bzhin du lta bar byos/ /mchil ba ro la chags bzhin myang ba dang/ /reg bya bde la dang por gnas pa'i tshul/ /stong pa dri yi khyab par bya ba ste/ /snang ba'i me tog rab tu dang ba dang/ /dbyer med glu la myur du rgyug pa'i rigs/ /shes bya ba'i don ni rnal 'byor pa 'dod pa'i yon tan gyi yul zhen pa dang tha dad kyi rtog pa bcings par ma byed cig / de bas na ngo mtshar ba'i don te 'khor ba'i sems can thams cad la kye ho rmongs pa zhes bos te/ de dag gi ci byed ce na/ mda' bsnun gyi smras pa la nyon ces bya ba'i tha tshig go / de dag kyang ci zhe na/ nya ro la chags pa dang phye ma leb reg bya la chags pa dang glang po che a ka ru nag po'i dri la chags pa dang/ bung ba me tog gi kha dog la chags pa dang/ ri dags e Ne ya glu snyan la chags pa bzhin du de nyid kyi don la lta par byos shig / de dag ni skyon dang bcas pa ste/ chags pa mngon par 'phel ba'i phyir 'khor ba'i rgyur 'gyur ro zhe na ma yin te/ nya 'chil ma'i ro la chags pa bzhin du rnal 'byor pa de bzhin nyid kyi ro myong ba dang/ phye ma leb reg bya'i bde ba la chags pa bzhin du rnal 'byor pas dang por lus dang sems kyi bde ba la gnas pa'i tshul dang/ glang po che dri la chags pa bzhin du rnal 'byor pa bde ba la chags shing stong pa'i dri yis khyab par bya ba dang/ bung ba kha dog la chags bzhin du rnal 'byor pas snang srid chos kyi sku phyag rgya chen po'i me tog rab tu dang bar shes pa dang/ ri dags glu la rgyug pa bzhin du rnal 'byor pas bde ba dang stong pa dbyer med pa'i glu la myur du rgyug pa'i rigs so/ /da ni snang stong dbyer med pa bstan par bya ste/ gang zhig sems la rnam par 'phro bar snang/ /de srid mgon po la ni rang bzhin te/ /chu dang rlabs dag kyang ni gzhan yin nam/ /srid dang mnyam nyid nam mkha' i rang bzhin no/ /zhes bya ba'i don ni rnal 'byor pa gang zhig gi sems ni sems la rnam par 'phro bar snang ste ji srid du 'phro ba de srid du bla ma dam pa'i mgon po dang phrad pa yin te/ de las ni rang bzhin gzhan du mi rtog pa'i de kho na nyid do/ /de bas na rang bzhin rnal ma de las gzhan du 'gyur ba lta bu ni ma yin no/ /dper na chu'i rgya mtsho chen po dag la chu dang rlabs dag dpag tu med pa cig yod kyang de nyid las gzhan yin nam ste ma yin no/ /de bas na ngo bo tha mi dad pa'i phyir srid pa'i ngo bo dang mya ngan las 'das pa'i mnyam pa nyid nam mkha' i ngo bo ltar rang bzhin gyi dang ba yin no/ /da ni khyad par gyi nus pa bstan par bya ste/ gang zhig ston te gang gis thos pa yi/ /dgos pa gang yin dam pa skyong ba na/ /gdug pa'i skugs sa rdul bzhin rlag par byed/ /snying ga nyid du nub par gyur pa yin/ / zhes bya ba'i don no/ /bla ma dam pa gang zhig gis ston pa yang dag pa'i don de dag slob pa po gang gis thos pa'i dgos pa de dag gang yin zhe na/ tha mal gyi shes pa'i dam pa'i ste /de dag dran pa rgyun chags kyis skor ba na rnam par rtog pa'i gdug pa skugs sa de dag rdul bzhin rlog par byed do/ /rtog pa'i bye brag dpag tu med pa dag ni snying ga thal gyi shes pa nyid du nub par gyur pa yin no/ /nub pa de yang mtshon cha tsam du zad de/ don la ji bzhin pa de kho na nyid rtogs pa la bya'o/ /da ni de kho na nyid kyi ngo bo'i tshul du mtshon par bya ste/ ji ltar chu la chu bzhag na/ /de nyid chu ? ro mnyam 'gyur/ /ji lta mar la mar gzhag mtshungs/ /sems dang snang ba de bzhin smra/ /skyon dang yon tan rnams dang ldan pa'i sems/ /mgon po sus kyang mtshon par mi 'gyur ro/ /zhes bya ba'i don ni dper na chu'i thigs pa la chu'i thigs pa gzhag na ji snyed du gzhag pa de snyed du chu ru ro mnyam par 'gyur ro/ /ji srid mar gyi khu ba la mar gzhag pa de dang mtshungs pa ste mar du ro mnyam par 'gyur ro/ /sems snang ba la gzhag pa dang snang ba sems la gzhag pa'i ngo bos lhan cig skyes pa'i ye shes kyi de kho na nyid rtogs par byed pa ste/ de dag ni gnyis su med par ro mnyam pa ste bde ba chen po'i ngang du yongs su rdzogs par 'gyur ro/ /de bas na rje btsun pa ri bo pa'i zhal snga nas de bzhin du smra bar 'gyur ro/ /de bas na sems nyid kyi ngo bo ni cir yang ma yin pa'i don la cir yang snang ba ste/ snang ba la rtog na skyon du 'gyur ba dang/ de nyid ma bcos par gzhag na sangs rgyas kyi yon tan rnams rtogs par byed pa dang/ de dang ldan pa'i sems 'di ni mgon po sangs rgyas bcom ldan 'das la sogs pa sus kyang mtshon par mi nus shing mtshon par yang mi 'gyur ro/ da ni de nyid kyi mdza' la gdams pa bstan par bya ste/ rmongs pa dag la gnyen po gang yang med/ /khyod ni stong pa nyid la zhen tam ci/ /nags la mched pa'i me lce ji bzhin du/ /gong du bab pa 'di ltar snang ba kun/ /ji ltar snang dang grags pa'i dngos po rnams/ /rtsa ba stong pa nyid dang lhan cig byos/ /zhes bya ba'i don ni tha mal gyi shes pa ni rmongs pa chen po ste/ de dag la ni gnyen po gang yang med do/ /de bas na sems khyod ni sems nyid stong pa nyid cir yang ma yin pa la zhen tam ci/ dbang po'i spyod yul du 'gyur ba thams cad kyang nags la me mched de bzhin du gong du bstan pa'i don ci yang ma yin pa la 'bab pa'o/ /ji ltar snang ba kun kyang de bzhin ni ji ltar snang ba dang grags pa'i dngos po ma lus pa rnams rtsa ba chos kyi sku yin pa'i phyir stong pa nyid dang lhan cig tu byos shig pa'o/ /da ni mnyam pa'i don la zug rngu'i tsher mas gnod pas de gsal ba bstan par bya ste/ gal te yid du 'ong ba mnyam pa'i sems/ /snying la gces spas byams pa'i sems nyid la/ /til gyi shun pa tsam gyi zug rngus kyang/ /nam yang sdug bsngal 'ba' zhig byed par zad/ /ces bya ba'i don ni rnal 'byor pa dag ni gal te 'am brgya lam na gsal ba dang mi rtogs pa dang bde ba dang yid du 'ong ba'i ngo bo ci yang ma yin pa'i mnyam pa'i sems dang ldan te de ltar rtogs pa de ni rnal 'byor pa rnams kyi bla ma'i mchog ste/ snying de la gces spras dang byams pa'i sems nyid bya bar rigs la g.yeng ba dang gnod pa'i zug rngu dang bral bar bya'o/ /de ci'i phyir zhe na/ til gyi shun pa tsam gyi zug rngu yang rnal 'byor pa de dag gi sems la gnod pa'i phyir nams kyang sdug bsngal 'ba' zhig skyed par byed par zad do/ /da ni dpe lta ba'i spyod pa bstan par bya ste/ grogs po phag dang glang po smyon pa ltos/ /de ltar yin pa de ni ma yin no/ /rtog bral brtan dang chags pa'i gza' gtad bral/ /rnam rtog klong dang dmag bzlog sdig par bral/ /zhes bya ba'i don ni rnal 'byor pa rnams la grogs po zhes bos te/ grong khyer gyi phag dang rgyal po'i glang po che dang gnod sbyin gyis zin ba'i smyon pas ltos shig pa'i don to/ /de dag gis ci byed ce na/ rnal 'byor pa dang chos 'thun pa'i spyod pa de ltar yin te mi mthun pa'i phyogs dgag par bya ba'i phyir de dang mi mthun no/ /de dag kyang ci zhe na/ phag pa rtog pa dang bral ba bzhin rnal 'byor pa dag kyang zas la gtsang rtog med cing rtog pa dang bral ba'o/ /glang po che yid bkur bar mi nus shing brtan pa bzhin du rnal 'byor pa dag la yang bdud dang mu stegs dang phyir rgol ba dang phyi nang gi g.yeng ba dag gis bslad par mi nus shing brtan pa'o/ /smyon pa ni chags pa'i gza' gtang dang bral ba ste/ rnal 'byor pa dag gis kyang su la yang chags par mi bya zhing spyod pa gza' gtad dang bral bar spyod pa'o/ /de dag dang mtshungs pa'i phyir mthun pa'i dpe nye bar bsgrub pa'o/ /rnal 'byor pa dag gis rnam par rtog pa'i sa klong ba dang pha rol pa'i dmag bzlog pa dang srog gcod pa la sogs pa'i sdig ba dang ni bral bar bya'o/ /de ci'i phyir zhe na/ tha dad kyi rtog pa dang bcas kyi bar du rnam par smin pa mi slu bar 'byung ba'i phyir ro/ /da ni nor bu'i dpe'i sgo nas sems can la phan par bya ba bstan par bya ste/ ji ltar yid bzhin nor bu'i dgos pa bzhin/ /'khrul pa zhig pa'i mkhas pa ngo mtshar che/ /ngang las rang rig bde chen bag chags gzugs/ /thams cad de tshe mkha' mnyam de ltar gyur/ /ka la ku ta smos su mi rung ste/ /rang bzhin mkha' mnyam yid kyis 'dzin pa yin/ /yid de yid ma yin par byed 'gyur te zhes bya ba'i don ni ji ltar yid bzhin gyi nor bu rin po che la snod bzang po'i nang du gzhag nas mchod pa phul te gsol ba btab pas dgos pa'i don ji lta bar 'byung ba bzhin du bla ma'i gdams ngag gis nor bu rin po che de dag rten gang zag gi snod bzang po'i blo la bcug ste/ tha mal gyi shes pa'i mchod pa phul nas nges pa'i shes pa'i gsol ba btab na skad cig ma de nyid la 'khrul pa ma lus pa zhi bar 'gyur ro/ /de dag gi don la mkhas pa ste ngo mtshar che'o/ /de dag kyang gzhan las 'thob pa ma yin te/ rang la rang rig pa'i bde ba chen po 'di ni snang ba dang sems kyi tshul du bag chags kyi gzugs su snang ngo/ /tha mal gyi shes pa rtogs pa na brtags pa thams cad de'i tshe nam mkha' dang mnyam par 'gyur ro/ /ka la ku ta zhes bya ba ni/ ka ka ba a ai ta dang/ la pa ni ha ri ha dang/ ku ku pa ra na te dang/ ta ta pa shi na ke dang ste brda'i don to/ /de dag gsal bar bya ba ni/ nyams su myong ba tha mal nyid/ /nam mkha' lta bu'i ngo bor gsal/ /re dogs gnyis 'dzin blang dor med/ /'di rtogs kun tu bzang po'o/ /ma rtogs nang dang phyi ru lta/ /nges pa skyes nas go rims nyid/ /bsod nams tshogs sog la brtson ba/ /'di ni dam pa'i lam yin no/ /snang srid thams cad chos kyi sku/ /chu bo lta bu'i ngo bo nyid/ /dbang po yul phrang bde ba'i mchog / dran pa brten pa mchog yin no/ /spyod lam bzhi la sngon 'gro ba'o/ /dran pa de bzhin nyid du bsten/ /sems nyid bla ma dam par bkur/ /dgag par dor zhing ci bder spyad/ /ces bya ba ni thun mong gi tshul lo/ /sems nyid ma bcos chos kyi sku/ / snang ba bde chen longs spyod rdzogs/ /'gro 'ong sems can sprul pa'i bdag /dam pa dag las rtogs pa'o/ /'di dag ni khyad par gyi tshul lo/ /sems nyid rnal ma'i ngang gnas na/ /spyod pa drug gis ci byar yod/ /bde ba chen po'i ro myong nas/ /dag dang sdig pa'i bye brag med/ /'di ni bla na med pa'i tshul lo/ /rnal ma rtogs pa rdzogs sangs rgyas/ /sdig pa'i rnam par smin mi myong/ /dge bas bde ba'i 'bras bu min/ /rmi lam bzhin lta ci bder spyod/ /'di dag ni de kho na nyid kyi tshul lo/ /ka ni rtsol sgrub bral pa ste/ /la ni ma bcos don gyi gtso/ /ku ni rnam rtog mdza' dang bral/ /mi shes smrar med mnyam nyid te/ /zhes bya ba 'di ni bsam gyis mi khyab pa'i tshul du bshad pa'o/ /de bas na smos su mi rung ba ste rang bzhin rnal mi 'di dag nam mkha' dang mnyam pa'i phyir dran pa'i yid kyi 'dzin par byed pa yin no/ /yin pa de yang rtog pa'i zug rngu yin te/ yid de dag dang dran pa rtog pa ma yin par shugs kyis byed par 'gyur te 'di ni dam pa'i/ /da ni bsam gyis mi khyab pa'i rang bzhin bstan par bya ste/ rang bzhin gyis mdzes skyes pa'i mchog tu mdzes/ /khyim dang khyim na de ni brjod pa ste/ /bde chen gnas ni yongs su shes pa min/ /'gro kun sems kyi sprul par mda' bsnun smras/ / de ni bsam med rtogs pa ma yin no/ /kye ma rnal 'byor bsgom pa rang la dris/ /snying po rang bzhin dag pa'i rtogs pa la/ /rang bzhin gnas pa'i sems kyis blta bar rigs/ /zhes bya ba'i don ni sems kyi rang bzhin bla ma dam pa'i g dams ngag gis mdzes par byas pa'i sems rnal ma gnyis su med pa skyes pa'i bde ba dang stong pa dbyer med pa las mchog tu gyur pa'i dag nyid dran pa rgyun chags kyis mdzes par byas pa'i don 'di dag theg pa 'og ma rnams kyi khyim dang tshig dang tha snyad kyi khyim na de nyid brjod pa ste/ lo khri phrag dpag tu med pa dag tu bshad zin nas kyang dam pa rnams kyi gdams ngag la rag las pa'i bde ba chen po'i gnas yongs su shes pa min na/ /'gro ba kun gyi shes pa na snang ba thams cad sems kyi 'khrul par 'dod pa'am/ de la rnam pa gzhan du yod par 'dod pa ste/ de dag ni ma yin par mda' bsnun smras/ de dag kyang ci zhe na/ snang grags kyi chos thams cad bde ba chen po gnyug ma'i rang bzhin yin pa'i phyir de ni bsam du yang med de/ rtogs pa yang ma yin no/ /kye ma rnal 'byor pa kun de kho na nyid kyi sgom pa ni rang la dri par bya'o/ /de ci'i phyir zhe na/ rang ma yin pa gzhan mi snang ba'i phyir ro/ /rang de dag kyang ci zhe na/ ye nas rnam par dag pa'i phyir snying po'o/ /de yang rang bzhin gdod ma nas dag pa'i rnal 'byor pa las rtog pa'i cir yang snang ngo/ /de dag ni sems tha mal gyi shes pa rang bzhin du gnas pa'i sems kyi blta ba'i rigs so/ /da ni don de nyid la gdams pa bstan par bya ste/ de nas phyi nang mnyam par shes pa dang/ /shes byed de 'gog par ni bla ma'i lung/ /mgo snying lte gsang rkang lag spangs pa ste/ /ngas mthong bsam pa'i yul ni mchod par byed/ /gzhan dag bsam pa'i yul ni 'gags par 'gyur/ /gal te sems la sems kyis mtshon du 'gro /rlung dang yid ni mi g.yo brtan par 'gyur zhes bya ba'i don ni rnal 'byor pa de dag gis nyams su myong nas mthong ba'i rtags ni phyi dang mnyam par shes shing yang ci yang mi lan pa nyid du mthong bas se ci yang ma yin pa'o/ /de ltar shes par byed pa de shugs kyis 'gog pa la ni bla ma dam pa'i lung bstan te de nyid do/ /de nyid mngon sum du rtogs pas ni dge ba thams cad kyi sngon du 'gro ba sbyor ba snying rje chen po nyid dang bsod nams dang ye shes kyi tshogs kyi dngos gzhi dang sems can thams cad yongs su smin par bya ba'i phyir 'jug bsngo zhing smon lam rgya chen po gdab pa dang/ de dag kyang dbang rnam pa bzhi go rims kyi tshul du gnas par byed dam tshig srung ba dang/ de bsten par byed pa'i bsod nams tshogs yan lag shugs kyis spang ba ste de dag la gnas kyang don med par 'gyur ro/ /don dang ldan pa ni gang zhig yin ce na/ nga mthong zhes pa ste tha mal gyi nga'o/ /de dag bsam pa'i yul ni don dam pa'o/ / bsod nams kyi tshogs khyad par can rdzogs par byed pa ni mchod par byed pa'i nges shes so/ /de dag ni nyams su myong ba dang gzhan dang gzhan du brtags pa'i bdag nyid dag bsam pa'i yul rtog pa can de dag ni dang gis 'gags par 'gyur ro/ /gal te slob pa po dag gi blo la brjod par bya ba'i phyir sems kyis sems ni mtshon du 'gro ste/ de tsam du zad pa nyid yin te/ gzhan ni skyon dang bcas pa'o/ /mtshon pa'i don la rtogs pa ni yin na rlung dang yid kyi rnam par shes pa ni 'gags par 'gyur te/ mtshan ma la mi yongs shing mi rtogs pa la brtan pa kho nar 'gyur ro/ /da ni rnal ma'i don phyin ci ma log pa bstan par bya ste/ ji ltar lan tshwa chu la thim pa ltar/ /de ltar sems ni rang bzhin nyid dag la/ /dngos por rtogs pa'i mtshan nyid thim par 'gyur/ /de tshe bdag dang gzhan ni mnyam par mthong/ /'bad de bsam gtan byas pas ci byar yod/ /rtags gcig la ni lugs rnams mang po mthong/ /'ongs pa ma mthong phyis kyang de mthong med/ /rang 'dod pa yis rang rig gsal bar smra/ /rang bzhin 'jig cing gzhan dang 'gal ba yin/ /mgon po bdag nyid gcig pu bzhin dang ldan/ /khyim dang khyim nas grub mdza' de grub pa'i/ /gcig zos pas ni gzhan kun tshim par 'gyur/ /nang gzhag phyi rol song nas khyim bdag tshol/ /btsal kyang ma mthong phyis kyang de med de/ /'dug par gyur kyang de yis ma shes so zhes bya ba'i don ni ji ltar lan tshwa chu dag gi nang du bcug na de la thim zhing lan tshwa'i ror 'gyur ba ltar sems rang bzhin nyid nas dag pa'i tshul dag la dngos por rtogs pa'i tshul dag la lan tshwa dag gzhag na dngos po thim zhing bde ba chen po'i ror 'gyur ro/ /de'i tshe bdag dang gzhan du mnyam par mthong ste tha mi dad do/ /de dag ma rtogs pa'i rtsol sgrub dang bcas pa'i don de nyid la 'bad de bsam gtan byas pas 'ching ba'i phyir ci byar yod do/ /gnyug ma'i don de kho na nyid kyi rtags gcig la ni tha dad kyi rtog pas brtags pa'i lus rnams mang por mthong ngo/ /mthong du yod dam zhe na/ byis pa'i tshul can nam mkha' la tshad byed pa dang 'dra ba rnams kyis brtags par zad kyi don de kho na nyid la 'ongs par yang ma mthong phyis kyang de mthong ba med do/ /sems tsam dag gi 'dod pa ni rang gi 'dod pa'i shugs kyis rang rig rang gsal ba'i ngo bo grub par smras te de ni mu stegs kyi bdag dang 'dra/ de'i phyir rang bzhin 'jig cing dbu ma la sogs pa'i gzhan dang yang 'gal bar 'gyur ba yin no/ /dgag sgrub dang bral ba'i don ni chos kyi sku'i mgon po bde ba chen po'i bdag nyid tha mal gyi shes pa gcig pu rang bzhin gyi bzhin dang ldan no/ /de dag kyang bla ma dam pa'i gdams ngag gi khyim dang bdag nyid kyis nyams su myong ba'i khyim nas grub pa'i mdza' 'gag sgrub dang bral ba de grub pa'o/ /de ni ma bcos pa'i don te/ de gcig pu rnal ma nyams su myong ba'i tshul gyis zos pa ni grub pa'i mdza' ma lus pa gzhan kun yang tshim par 'gyur ro/ /de ni rang byung gi ye shes te khyim gyi bdag po de dag bdag nyid kyi blo'i gting gi nang du gzhag ste/ phyi rol tu song nas tha snyad la rnam par brten pa'i mthus khyim bdag tshol lo/ /btsal ba'i don de dag kyang rnyed pa ma yin no/ /ci yang ma yin pa'i phyir ma mthong ngo/ /phyis kyang de dag la mthong ba med de rang nyid la ngang gis 'dug par gyur kyang rnam par rtog pa'i rtog ges bslad pa'i phyir de yis ma shes so/ /de bas na rab tu mi gnas pa'i rgyud las/ bla ma'i gdams ngag khyim mchog dam pa dang/ /nyams myong khyim nas dgag sgrub med par rtogs/ /ma bcos rnal ma'i zas shig za 'gyur bas/ /grub mdza' ma lus kun kyang tshim par 'gyur/ /rmongs pa ma rtogs tha snyad tshig la brten/ /btsal kyang ma rnyed 'dug kyang de ma shes/ /da ni bde stong dbyer med bstan par bya/ /rba rlabs med pa'i dbang phyug chen po mchog /rnyog pa med pa'i bsam gtan ci ma gzhag /chu dang mar me rang gsal gcig bu zhog /'gro dang 'ong ba ro gcig mi dor ro/ /snga na med pa'i sgeg mo dang phrad na/ /nyal ba'i sems ni gzhi med pa la brten/ /rang rig gzugs dang tha dad med lta cig /'di ltar sangs rgyas lag tu gtod pa yin zhes bya ba'i don ni sems nyid gnyug ma'i ngo bo de dag la sems bcos pa'i rba dang rnam par rtog pa'i rlabs dag gis gnod pa med pa'i don de nyid ni sa bcu'i dbang phyug chen po ste mchog go / de bas na don de nyid ni rnyog pa med pa ste/ khyad par gyi bsam gtan yin pa'i phyir mnyam pa'i don de la sems ci'i phyir mi bzhag ste gzhag go /chu ma rnyogs pa'i rnal ma dangs pa dang mar me ma bslang pa dang gsal ba bzhin du sems ma bcos pa gcig pu kho na nyid du zhog cig / khams gsum gyi sems can thams cad kyi 'gro ba dang grub pa'i mdza' dbu ma la sogs pa thams cad kyi 'ong ba thams cad kyang 'di nyid du ro gcig pa'i phyir mi dor ro/ /de dag ched du sgrub pa yang med de/ sri pA paM li bri zhes bya'o/ /de dag gi don ni bla ma dam pa las snga na med pa'i don rtogs te/ chos thams cad bde ba chen po ror bgegs pa'i tshul dang/ shes rab chen po'i rang bzhin yin pa'i phyir ngo bo de dag dang phrad nas mthar phyin pa dag go /de dag gi don yang snga na med pa yin nam zhen/ ma yin te/ paM li praM pa pri zhes bya ste/ chos sku gnyug ma'i ngo bo dag /bdag nyid la ni yod pa ste/ /dgag sgrub med pa sgeg pa la/ /dus gsum sangs rgyas 'byung ba'i mo/ /zhes bya ba'i don ni de dag kyang praM li praM pri ba zhes bya ste/ /nyams myong bde ba chen po'i ru/ /nyams su myong bar shin tu bde/ /bdag gis smra bar ma nus kyis/ /'di la smras na skyon du 'gyur zhes byung ba dang/ de nyid kyi phyir pA baM li praM pri zhes bya ste/ de dag gi don ni chos su bde chen smra ru med/ /zab cing tshad dang rgya tshad med/ /de nyid ngo bo shes mi nus/ /rtogs par gyur pa ma yin no/ /nyams myong bde ba chen po'i ro/ /shes rab chen po'i rang bzhin yin/ /zhes 'byung ba'i phyir dang/ de nyid gsal bar bya ba'i phyir/ pA praM la paM praM lam zhes pa ste de dag gi don ni bde stong dbyer med mnyam pa nyid/ mnyam pa phyogs cha cha dang bral/ /nam mkha' i ngo bo nyid mtshungs phyir brjod pa tha snyad mdza' las 'das/ /zhes 'byung ba'i phyir snga na med pa dang yod pa dang snga na smrar med pa dang mi shes pa dang mnyam pa nyid kyi sgeg mo ste/ 'di dag ni zhi bzhin pa'i shes pa 'ba' zhig la brjod pa'o/ /de yang shes pa bag yangs kyi spyod pa rnal mas 'grub pa'i phyir nyal ba'i sems ni gzhi med pa la brten zhes pa'o/ /de bas na sems rang rig pa'i ye shes dang snang ba yul gyi gzugs dang de sgrub par byed pa'i tshad ma dang/ des brtags pa'i don rnams su tha dad pa'i rtogs par ma lta zhig / 'di ltar rtogs pa de ni chos kyi sku sangs rgyas lag tu gtod pa yin no/ /da ni dran pa rgyun chags kyi bdag nyid bstan par bya ste/ lhan cig skyes pa'i rang bzhin de tshe mdzes/ /gang tshe lus dang ngag yid dbyer med pa/ /de tshe thams cad mkhyen pa thob pa ste/ /dbyer med dpal gzhag pa thob med kyang/ /brda ru mtshon nas gzhag dang thob par smras/ /smras pa'i tshig tu zhog la de don bsgoms/ /bsgom par bya ba rdul tsam med pa ste/ /med pa'i dang la gzhag tu med pa'i ngang/ /de la gnas na rnal 'byor snying po'i lam/ /snying po med du brjod pa ma yin gyi/ /dngos dang sems su shes shing shes pa med/ /med pa'i rdo rje de la 'jug par bya/ /zhes bya ba'i don ni lhan cig skyes pa'i ye shes kyi rang bzhin ni gang gi tshe don rnal ma nyams su myong ba'i tshe chos kyi sku mdzes pa'o/ /gang gi tshe rnal 'byor pa dag gi lus dang ngag dang yid dbyer med cing mnyam pa nyid kyi dang la gnas pa de'i tshe thams cad mkhyen pa'i sangs rgyas thob pa ste/ /de ni bde ba dang stong pa dbyer med pa'i dang la gnas pa'o/ /de ltar rtogs pa'i don la mnyam par gzhag pa dang rjes la thob pa med do/ /de ltar med kyang ma rtogs pa'i slob pa po'i blo la brda' ru mtshon nas mnyam par bzhag pa dang rjes las thob par smras so// brjod bya de tshig tsam du shugs kyis zhog la de'i don brjod bya dang bral ba sgoms shig pa'o/ /bsgom du yod dam zhe na bsgom par bya ba ni rdul phra rab tsam yang med pa ste/ de dag gi ngang la ni gzhag tu med pa'o/ /gzhag tu med pa'i dang? la gzhag na mchog go / don de dang gnas na rnal 'byor pa snying po'i lam mo/ /snying po'i lam la brtags shing gnas pa'o/ /snying po zhes bya ba'i ngo bo nyid kyang gzhan du brjod du yod pa ma yin gyi dngos por snang ba thams cad sems su shes shing shes pa med pa'o/ /med pa'i don de ni ye shes rnam pa lnga ste/ de nyid kyang tha mal shes pa'i ngo bo yin pa'i phyir rdo rje ste de la r'jug par bya'o/ /da ni gnyis su med pa'i mtshan nyid bstan par bya ste/ /de phyir snying po brtags dka' dang bral/ /khyim bdag dang ni khyim bdag mo longs spyod/ /yul ni gang mthong dang? bshad par bya'o zhes bya ba'i don ni chos nyid ma bcos pa rnal ma'i de kho na nyid la tshad gzung bar mi nus pa'i phyir snying po de brtag dka' o/ /bskal ba dang ldan pa'i gang zag gis tha mal gyi shes pas nyams su myong ba nyid yin pa'i phyir dka' ba dang bral ba'o/ /de nyid kyi dus na kun gzhi byang chub kyi sems kyi khyim bdag dang chos nyid ma bcos pa rnal ma'i khyim bdag mo gnyis longs spyod de de yang 'dod pa'i yon tan mi 'gogs shing rang dga' i tshul du'o/ /yul gang mthong ba de chos sku'i ngo bor bshad par bya'o/ /da ni ngo mtshar gyi glu bstan par bya ste/ nga yi rtsed mo byas pa la/ /byis pa rnams ni sha thang chad/ /me byung ba ni spra ba ste/ /me ni spra ba nyid la 'bar/ /zhes bya ba'i don ni sems nyid kyi don gyi glur blangs pa na nga yis zhes pa ni sems nyid do/ /rtsed mo byas pa la zhes bya ba ni nyi ma'i zer bzhin du snang ba'i snang srid kyi tshogs kun la bya'o/ /nus pa rnams shes bya ba ni bde ba chen po'i ro ma myangs pa rnams so/ /sha thang chad ces bya ba ni dgag sgrub dang bral ba'i don gyis bslus pa'o/ /de dag kyang ji ltar spyang bar bya zhe na/ dpes mtshon par bya ste/ me 'byung ba'i rgyu ni spra ba ste byung ba'i me de nyid kyis ni spra ba nyid la 'bar zhing bsreg go /de bzhin du sems la snang ba'i chos de dag byung ste/ 'byung ba'i sems nyid de dag snang ba la rab tu thim mo/ /da ni dngos po rang gi mtshan nyid la gdams pa bstan par bya ste/ kye ma ho gzhan yid ma yin gzhan ma yin/ /rnal 'byor spyod pa skye dang bral ba ste/ /bdag po bzang zhing rang bzhin mdzes chags pa/ / yus kyis gang ba'i sems de rnal ma nyid/ /chags dang chags bral med pas gnyug mar bzhugs/ /sems nyams pas na rnal 'byor ngas ma mthong/ /za zhing 'thung la bsam pa gang yang med/ /grogs mo de ni sems pa gang gnas pa/ /phyi rol par sems sdug bsngal dag gis 'dzin/ /sgyu ma'i rnam pa dang ni dpe dang bral/ /bya ba 'di tsam zhig tu ma sems kye/ /brtsol ba gang la dbyer med pa yi klong/ /klong ni sgo gsum gang duAng dri ma med/ /zla ba chu 'dzag nor bu rang bang min/ / thabs kyis rgyal srid kun la dbang sgyur ba/ /sems nyid de ni grub pa'i rnal 'byor pa/ /lhan cig skyes pa'i sdom pa shes par bya/ /yi ge pa yis 'gro ba ma lus khyab/ /kun la yi ge med pa gcig kyang med/ /ji srid yi ge med par gyur pa na/ / de srid yi ge dam pa rab tu shes/ /yi ge dag par shes pas snag tsha yal/ /gtsol med rig byed 'don pa don de nyams/ /dang po sems dang cig shos mi shes na/ /gang nas shar ba gang du nub par byed/ /ji ltar phyi rol de ltar rab shes na/ /bcu bzhi pa yis sa la rgyun tu gnas zhes bya ba'i don ni 'khor ba'i sems can thams cad la snying rje chen po'i tshig pos te/ de kho na nyid ni gzhan gyi yid ma yin te/ gzhan gyi yid ma yin na mtshungs pas tha dad par yang mi 'gyur te/ gzhan yin na thob par yang mi 'gyur ro/ /don rnal ma de nyid ni thog ma nyid nas 'byor pa ste/ 'di nyid kyi spyod pa ni rnam par dag pa'i de kho na nyid do/ /'di dag skye ba dang bral ba ste 'gags pa de bzhin no/ /don de'i bdag po ni ma bcos pa ste bzang po yin zhing chos kyi sku rang bzhin dang ldan no/ /de dag kyang bsod nams kyi tshogs kyis mdzes par bya zhing snying rje chen po chags pa la gnas par bya'o/ /tha dad kyi rnam par rtog pas brtags pa'i sems ni lus kyis gang ba ste/ sems de dag gdungs shing sdug bsngal ba'i phyir ro/ /sdug bsngal thams cad skad cig gis gcod par byed pa ni rnal ma nyid do/ /de dag gi ngo bo nyid ni chags pa dang bcas pa dang chags pa dang bral ba gnyis su med pas de kho na nyid kyi don gnyug mar bzhugs shig pa'i tha tshig go / gang gi sems nyams pas na chos kyi sku'i mthu zad par byas pa ste/ de dag la de kho na nyid kyi rnal 'byor pas ma mthong ngo/ /de yang bsam gtan la rab tu gzhol ba'i rgyud las sems nyams pas ni 'bras bu thams cad nyams/ nyams pa med de chos sku zad par byas/ /skad cig gcig la nus pa'i mthu phrogs te/ /dbyer med bsam gtan 'byung ba ma yin no zhes 'byung ba'i phyir de bas na sems nyams par mi bya'o/ /las kyi phyag rgya tsam gyis chog par byed par ni za zhing ste/ de'i bde ba la zhen pa'i shes par 'thung la lhag par zhen pa ni 'khor ba'i bde ba skyed par byed pa ste/ mya ngan las 'das pa'i bsam pa gang skad cig kyang med do/ /grogs mo zhes bya ba ni rang bzhin bdag med ma'o/ /de dang bral ba'i shes pa 'di dang 'di na rtog cing shes pa gang gnas pa de ni phyi rol mu stegs pa dang khyad med de/ /de kho na nyid kyi sems sdug bsngal dag gis 'dzin par nges pa'o/ /'di dag ni sgyu ma tsam du yang mtshon par mi bya'o/ /rnal ma nyid dang de nyid kyi ngo bor gdams par mi bya'o/ /dpes mtshon par yang mi bya'o/ /de dang bral bar yang mi brtag go /de yang bya ba btang ba ste bya ba 'di yin no zhes tshig tsam du yang ma sems kye zhes gdams so/ /de dag ni rtsol bas btsal te zag pa med pa'i bde bas gang zag pa dang bcas pa'i bde ba dang stong pa dbyer med pa'i klong ngo/ /'di dag ni lus dang ngag dang yid gsum gyi brtags pa dang bral ba ste dri ma med pa'o/ /de dag kyang rtsa dang rlung dang thig les nyams su myong bar byas pa ni ma yin no/ /de dag thams cad kyang 'di nyid kyi ngang yin te dri ma med do/ /tha mal gyi shes pa nyid kyi phyir 'dod chags chen po dang ma bcos pa'i don zhe sdang gi bdag nyid dang/ chos thams cad mi shes pa'i gti mug chen po ste 'di dag gi ngo bo nyid yin te dri ma med do/ /de dag nyams su myong bar bya ba ni dang po shes pa rtsol sgrub dang bral bar bya ba dang/ de nas ma bcos pa'i bdag nyid yongs su shes par bya ba dang/ tha mar nyams dang rtogs pa dang bral ba ste/ 'di dag thams cad ni gnyug ma'i ngo bo la brjod pa yin pa'i phyir 'jug pa'i sgo tsam du zad kyi gang du yang dri ma med do/ /de dag rtogs pa las sgrib pa rnam pa gnyis skad cig mi gcig pa gcod par 'gyur te/ dper na zla ba'i rgya mtsho dag gi nang na chu'i nor bu gnas pa de dag la zla ba'i 'od kyi phog pa'i dus su chu 'byung ste rang dbang yod pa ni ma yin no/ /dper na rgyal po dag gi stan la thabs kyis de dag gi steng du phyin na rgyal po'i srid k un la dbang sgyur ba bzhin du sems de kho na nyid de ni bla ma'i gdams ngag gis grub par byas pa'i rnal 'byor pa dag gis lhan cig skyes pa'i ye shes kyi sdom pa ci yang ma yin par shes par byas nas sku gsum gyi 'khor lo thams cad la dbang sgyur bar 'gyur ro/ /de dag rtogs par 'gyur ba yin nam zhe na/ pa ta ra te yi ge'o/ /de dag gi don ni nus pa dang ldan pa'i tha tshig go /de dag ni chags pa dang bral zhing ma 'dres pa'i don rnam par dag pa'i phyir de dag gis 'gro ba ma lus pa thams cad la khyab bo/ /de bas na snang grags kyi chos kun la yi ge med pa gcig kyang med do/ /yi ge de nyid kyang yod pa ma yin nam zhe na/ ji srid du yi ge yod par gyur pa de nyid du gnas pa ji srid yi ge med par gyur te/ med pa ni yod pa yin pa'i phyir de srid yi ge dam par rab tu shes so/ /de'i brda' tha snyad dang bal ba la ni yi ge dag par shes pa ste nyams su myong du med pa'i phyir snag tsha yal lo/ /gzhan dag ni gcol med pa'i phyir mu stegs kyi rig byed dang mtshungs te/ 'gro ba 'don par 'dod pa des rang nyid kyi don de nyid kyang nyams par 'gyur ro/ /de bas na sangs rgyas thams cad kyi dgongs pa dam pa tha mal gyi shes pa 'di dag soms dang/ cig shos bde ba chen po'i rang bzhin de kho na nyid mi shes na snang ba'i chos 'di dag thams cad gang nas shar ba yin la gang du nub par byed do/ /de bas na ji ltar phyi rol gyi snang grags kyi chos de dag thams cad sems nyid gnyug ma'i ngo bo de ltar rab tu shes nas phung po lnga la rigs lnga'i rgya dang/ de la mi bskyod pa'i rgya dang/ de la rdo rje 'dzin pa'i rgya dang/ de la bde ba chen po'i rgya dang/ ci yang ma yin par rtogs pa ste bcu bzhi pa'i sa la rgyun tu gnas so/ /de ni bdag nyid rnam par dag pa bstan par bya ste/ lus med lus la sbar med spas pa ste/ gang gis shes pa de grol grol bar 'gyur/ /nga yis grub pa'i yi ge nag po ston/ /khu ba 'thungs pas ngan brjod par 'gyur/ /gang gis bltar med yi ge gcig shes na/ /de yis ming gi bdag gis mi shes so/ /zhes bya ba'i don ni gnyug ma'i de kho na nyid la snang ba 'grub pa med pas lus med do/ /sems nyid du grub pa med pas lus la sbar med do/ /de yang dam pa'i gdams ngag la rag las pas sbas pa ste/ skal ba dang ldan pa dag gis bla ma'i zhal gyi bdud rtsi 'thungs te/ gnyug ma'i de kho na nyid shes na bdag nyid grol zhing gzhan grol bar 'gyur ro/ /gang gi tshe bdag tu gnas pa de ni chos sku ste/ nga'i tha mal gyi shes pa grub pa'i yi ge mi 'gyur ba'i phyir nag pa ste/ de dag khyad par du 'gyur ba'i gang zag la ston pa'i phyir khu ba'o/ /de dag ni ci yang ma yin pa'i tshul du 'thungs pas nga bdag ni brjed par 'gyur ro/ /yi ge nag po de nyid kyang sangs rgyas la sogs pa gang gis kyang bltar med do/ rang bzhin gyi kha dog can gyi yi ge gcig shes na de'i ming ni bdag gis mi shes pas dngos por grub pa lta ga la yod de med do zhes rje btsun pa dag gis gsungs so/ /da ni de kho na nyid rab tu gsal ba bstan par bya ste/ nags khrod gsum na yi ge nag po gcig / yi ge gsum gyi dbus nas blta bar bya/ /gang zhig gsum la bab pa'i ngo bo ni/ /gdol ba'i rig byed bzhi yang de yin no/ /zhes bya ba'i don ni/ /nags shes bya ba'i don ni sha'o/ /khrod ni rus pa'i tshig ma lus pa'o/ /gsum na zhes bya ba ni rtsa rlung thig le'o/ /yi ge ni bde stong dbyer med do/ /nag po ni mi 'gyur ba'i don to/ /gcig ces bya ba ni sangs rgyas nyag gcig go /de dag la yi ge gsum du gnas te/ 'dod pa'i khams dang/ gzugs kyi khams dang/ gzugs med pa'i khams so/ /de dag kyang sna tshogs gsum du brjod de/ lus dang ngag dang yid gsum mo/ /de dag kyang gti mug chen po dang sems nyid kyi ngo bo yin pa'i phyir dbus so/ /de yang tha mal gyi shes par gzhag nas mnyam pa dang mi shes pa dang bltar med pa'i ngo bo gsum du blta bar bya'o/ /skal ba dang ldan pa gang zhig gis yi ge gsum la gnas pa'i rang bzhin de dag la bab pa na de'i ngo bo ni kyi ha ra ta'o/ /de dag gi don ni thams cad dang ldan zhing khams len pa ste/ de dag gi gdol pa'i rig byed dur khrod kyi bltas dang ro'i mtshan nyid dang 'degs pa'i go rims dang/ 'degs pa'i dus bzhi yang de nyid yin te/ gzhan dag la lta spros ci dgos so/ /da ni bde ba las byung ba'i lam bstan par bya ste/ kun tu ru skabs bde chen grub pa ni/ /ji ltar skoms pas smig rgyu snyegs pa bzhin/ /skom nas 'chi ste nam mkha' i chu rnyed dag /rdo rje pad+ma gnyis kyi dbus gnas pa/ /bde ba gang gis rnam par bskyed pa ni/ /ci ste de bstan nus pa med pas na/ /sa gsum gang du rdzogs su re ba legs/ /yang na thabs kyi bde ba skad cig ma/ /yang na de nyid gnyis su 'gyur ba ste/ /bla ma'i drin gyi slar yang nyid la ni/ /brgya lam 'ga' yis shes par gal 'gyur/ /zhes bya ba'i don ni kun tu ru ste sems can thams cad kyi sems chos kyi sku yin pa'i phyir dbang po'i sgo mnyan par sbyar ba las lhan cig skyes pa'i dga' ba skyes pa de dag bla ma'i man ngag gis skabs phye ste/ bde ba chen po rgyas btab nas de kho na nyid grub pa ni nyams su myong du yod kyang thob du med pa ste/ ji ltar skom pa dag gis smig rgyu mthong zhing snyegs pa bzhin du chu'i don byed ma nus te thob tu med pas skom nas mchi'o/ /de dag rnyed par yang mi rigs te nam mkha' i chu dang 'dra ste/ rnyed dam ste mi rnyed do/ /man ngag las byung ba gzhan dag ni 'bras bu rnyed par yang mi 'gyur ro/ /kun tu ru zhes bya ba ni drag po'i sbyor ba'o/ /de dag gis skad cig ma gcig gi skabs la nyams su myong srid kyang phyag rgya chen po'i bde ba grub pa'i rnal ma ni mi 'byung ste/ dper na skom pa dag gis smig rgyu'i snyegs pa bzhin du don byed par mi nus te skom nas mchi'o/ /de dag kyang bde ba chen po nam mkha' lta bu'i bla ma'i gdams ngag gi chu mi rnyed do/ /'dod pa dag la zhen pa'i phyir bla ma dag gi bstan par bya ba yang ma yin no/ /de bas na 'bras bu chen por mi 'gyur ro/ /de bas na stong pa dang bde ba dbyer med pa'i 'byung gnas sam rdo rje dang pad+ma snyoms par zhugs pa'i dbus dag na lhan cig skyes pa'i ye shes kyi thig le gnas te/ de dag lam du khyer ba'i bde ba de dag la zhen pas bde ba las kyi phyag rgya gang gis gnas nas bskyed pa de ni ci ste de dag la de kho na nyid kyi don bstan du yod dam/ rnyog pa 'ba' zhig la longs spyod pa'i phyir med pas na'o/ /de'i phyir nyan thos dang rang rgyal ba dang? theg pa chen po'i sa gsum gang du rdzogs su re ba lags so/ /de dag ni bslab pa dang mi ldan zhing bye brag gi cha ma rtogs pa dang/ 'khor ba mi rtag pa'i rnam pa la yid byung ba med pa dang/ bden pa rnam pa gnyis zung du 'jug pa med pa dang/ bde ba chen po'i don ma rtogs pas 'bras bu sku gsum gyi bdag nyid thob pa ma yin no/ /de bas na thams cad kyi rten byed pa ma yin nam zhe na/ yang na lhan cig skyes pa'i ye shes ngos 'dzin pa'i thabs su lhan cig skyes pa'i ye shes kyi bde ba skad cig ma de dag la brten nas zag pa med pa'i bde ba de yang na 'am phyis kyi dus su de dag la zhen pa med pas zag pa med pa'i bde ba dang/ stong pa chen po bsam gyis mi khyab pa gnyis su med par 'gyur b as stong pa dang bde ba dbyer mi phyed pa de dang bla ma dam pa'i bka' drin gyi zhal gyi bdud rtsi gdams ngag dam pa de dag nyams su myang ba slar yang bstan pa'i don de nyid la ni brjod par bya ba gang zag brgya 'am gcig gis kyang shes par ga la 'gyur ro/ /de ltar nyams su myong bas rnam par bstan nas/ da ni 'bras bu phun sum tshogs pa'i bdag nyid bshad par bya ste/ grogs dag zab mo dang ni rgya che ba/ /gzhan gyi bdag nyid rtogs pa ma yin te/ /lhan cig skyes pas zhi ba'i dus kyi tshe/ /gnyug ma nyams su myong ba'i rab tu shes/ /mun nag chen por zla ba'i nor bu ni/ /ji ltar 'char bar byed pa bzhin du mdzes/ /mchog tu bde chen skad cig gcig la ni/ /sdug bsngal ma lus pham par byed pa'o/ /sdug bsngal snang byed sems la nub pa na/ /sgrol ba'i bdag po bzang dang mnyam du shar/ /'di ltar sprul ba'i bdag nyid sprul pa ni/ /de ni dkyil 'khor lo dam pa'o/ /zhes bya ba'i don ni skal ba dad ldan pa'i gang zag la grogs dag ces bos te/ don zab mo rgya mtsho lta bu dang/ nam mkha' lta bu'i rgya che ba'i rnam pa de dag bdag tu 'dzin pa dang bcas pa'i shes pa gzhan dag gis de kho na nyid kyi bdag nyid rtogs pa ma yin te/ lhan cig skyes pa'i ye shes kyi de kho na nyid skyes bas nyon mongs pa rnam par rtogs pa zhi ba'i dus de nyid kyi tshe na gnyug ma'i de kho na nyid myong bas rab tu shes so/ /dper na mun nag chen po'i gnas su chu shel gyi zla ba'i nor bu'i 'od ni ji ltar 'char bar byed pa de nyid kyi dus na mun pa thams cad nges par bcom ste/ bsil zhing dang la 'od kyi rgyun gsal bar byed pa bzhin du de kho na nyid de yang de ltar mdzes pa'o/ /de ltar yon tan thams cad kyi mchog tu gyur pa'i bde ba chen po skad cig ma gcig la ni sdug bsngal ma lus pa bam par byed pa'o/ /sdug bsngal 'byung ba'i rgyu snang ba'i rnam pa byed pa'i ngo bo thams cad sems la nub par 'gyur te de ni chos kyi sku'o/ /sa la gnas pa'i byang chub sems dpa' rnams grol ba'i bdag po ni longs spyod rdzogs pa'i sku'o/ /gza' skar gyi rnam pa lta bu sprul pa'i sku ste de dag dang mnyam du shar bar 'gyur ro/ /der yang ma zad de khams gsum thams cad ni sku gsum pa'o/ /de ltar sprul pa'i bdag nyid ci yang ma yin pa dang/ sprul pa'i sku 'gro 'ong gi rnam pa can dang de thams cad ni bde ba chen po'i 'khor lor ro/ /dkyil 'khor gyi sku dang bcas pa ste 'khor lo dam pa'o/ /de'i phyir chos kyi sku ni rtog pas grub pa yin te/ gzug sku rnam pa gnyis ni shugs kyis grub pa yin no/ /de bas na yongs su rdzogs pa'i 'khor lo 'di ni skad cig ma gcig dang skye ba 'di dang bar do'i gnas su thob par byed pa'o/ /da ni 'bras bu khyad par can du grub pa bstan par bya ste/ kye ho rmongs pas sems kyi sems rtogs na/ /lta ba ngan pa thams cad rang grol te/ /mchog tu bde chen de tsam zhig tu bas/ /de yi dbang gis dngos grub dam pa'o/ /zhes bya ba'i don ni/ kye ho zhes khams gsum pa rnams la gdams pas de tha dad kyi rtog pas bsgribs pa'i rmongs pa rnams kyis rang gi sems kyi rang gi de kho na nyid rtogs nas bdag tu lta ba la sogs pa'i lta ba ngan pa thams cad rang grol bar gyur te/ mchog tu bde ba chen po'i rang bzhin chos kyi sku de dag ni thob tu med pa ste grol ba'i de tsam zhig tu bas so/ /dper na skyes bu nad sos pa tsam la nad med pa thob po zhes pa dang 'dra'o/ /grol ba tsam gyi thob pa dang dngos grub yin nam zhe na/ de nyid thob pa'i dbang gis dngos grub mchog tu gyur pa ste dam pa'o/ /da ni de kho na nyid kyi skyon bsal bar bya ste/ rdo rje sems dpa' yod dang med mi rtog /rtog dang rtog byed 'phags dang sangs rgyas min/ /ma rtags rang dgar bzhag pa kun tu bzang/ /bcos dang bsgrims pas de nyid de ma rtogs/ /gzhag dang ma sgrims de med rtog med mthong/ /gal te nyams myong dang po'i dus skyes kyang/ /de la myong bar 'dzin pa de med de/ /sangs rgyas ye shes de dag dag la yang/ /'phags pa rnams dang sangs rgyas bdag nyid ni/ /grub pa med de dgos pa'i don du brtags zhes bya ba'i don ni badzra satwa ste rdo rje sems dpa' o/ /de ni kun tu bzang po'i ngo bo nyid yin pa'i phyir sems nyid ma bcos pa gnyug ma'i ngo bo nyid ji lta ba la bya'o/ /de la yod pa dang med pa yang mi rtog go / gang la rtog pa dang gang gis rtog par byed pa ste/ de dag thams cad ni 'phags pa yang ma yin la sangs rgyas kyang min no/ /rang gi shes pas ma brtags shing rang dgar bzhag pa 'di ni kun tu bzang po'o bcos dang bsgribs pas ni mdza' ngan pa la bdags pa ste/ de nyid de yis mi rtogs so/ /de yang shes pa rnal ma la bzhag pa dang glod cing ma bsgrims pa de nyid kyis rtogs su med pa'i don mthong bar 'gyur ro/ /gal te rnal 'byor pa dag gi shes pa la nyams su myong ba'i bde ba dang po'i dus su skyes kyang de la myong ba dang zhen par 'dzin pa de min te/ sangs rgyas kyi ye shes de kho na nyid la yang sems can du grub pa yod pa ma yin no/ /'phags pa rnams su grub pa dang/ sangs rgyas kyi bdag nyid du grub pa ni med de/ ci'i phyir zhe na/ yid la byar med cing ci yang ma yin pa'i phyir ro/ /de dag gis ci byed ce na/ ma rtogs pa'i sems can rtogs par bya ba'i phyir dgos pas don de dag tu brtags shing khas blangs pa ste/ de bzhin nyid la na zug rngu kho nar zad/ /da ni dpes mtshon pa bstan par bya ste/ /gyad kyi gtsug na nor bu de yod kyang/ /nor bu ma mthong mchog ston skyes bu de/ /bdag las gzhan na rdzogs sangs rgyas med kyang/ /rtog pa gsal phyir 'phags pa bstan te bsgrub/ /de bsal dus na rdzogs pa'i sangs rgyas te/ /'bras bu de nyid bdag las thob pa'o/ /'khrul pas brtags nas logs nas grub pa 'bra/ /nga phyir sems dang 'khrul rtog der shes dang/ /shes pa med pa mnyam pa de dang bral/ /de ni bla ma dag las mngon par rtogs/ /rtogs pas mtshon dang gong dang ldan pa min/ /sems kyi glang po gar dgar yan du chug /de'i mtshan nyid bdag gis bdag la dris/ /dris pa'i don de rjes su dran pa na/ /de ni de la rtogs pas ma dris shig /ces bya ba'i don ni dper na gyad kyi stobs po che'i spyi gtsug na nor bu rin po che de dag yod kyang nor bu de dag ma mthong ste gyad sdug bsngal bar 'gyur ro/ /nor bu rin po che mchog ston par byed pa ni me long dang ldan pa'i skyes bu ste/ skad cig ma de nyid la phongs pa'i sdug bsngal dang bral lo/ /de bzhin du chos kyi sku'i nor bu dam pa dag rang nyid la yod de/ bdag las gzhan na rdzogs pa'i sangs rgyas de lta bu med kyang rnam par rtog pa'i bag chags mthug po bsal ba'i phyir bla ma dam pa dang 'phags pa la sogs pa'i yul la brten te/ me long lta bu'i gdams ngag las sangs rgyas kyi de kho na nyid rab tu bsgrub par bya'o/ /de lta bus rnam rtog de dag bsal zhing grol ba'i dus na rdzogs pa'i sangs rgyas yin te sdug bsngal ma lus pa dang bral lo/ /de ltar phun sum tshogs pa'i 'bras bu de nyid bdag las thob pa ste/ tha dad kyi 'khrul pas logs nas grub pa kho na 'dra'o/ /de'i phyir sems dang 'khrul par rtog pa thams cad gnyug ma'i ngo bo nyid der shes pa dang de yang shes pa med pa'i don gyis mnyam par bzhag go / de yang nyams su myong ba dang tha snyad kyi rnam pa dag dang bral lo/ /de ni bla ma dam pa dag gi zhal gyi bdud rtsi las mngon par rtogs so rtogs pa de dag slob pa po'i blo las mtshon du zad kyang mtshon pa dang gong gi tha snyad kyi rnam pa dang ldan pa yin no/ /ji ltar zhe na/ sems kyi glang po che gar dgar yan chug gcig pa'o/ /de dag gi mtshan nyid ni brjod pa dang tha snyad kyi gtan la 'bab par mi nus te/ bdag nyid kyi blo yis bdag nyid la dris shig pa'o/ /dris pa'i don de dag ci yang ma yin par 'dug pa dang don de nyid dus thams cad du rjes su dran pa na bla na med pa'i rtog pa yin pa'i phyir/ de la de kho na nyid kyi don de dag rtogs pas zug rngu gyur pa'i phyir ma 'dri zhig pa'o/ /da ni sems grub pa med pa'i tshul gyis mtshon pa de nyid bstan par bya ste/ nam mkha' i ri bo chu 'thung ba dang 'dra ba'i sems/ /de'i 'gram du zhog cig rang dga' bar/ /yul gyi dbang po lag pas blangs nas su/ /de ni ji ltar gsod par snang par 'gyur/ /rnal 'byor pa ni glang po skyong ba bzhin/ /de nyid las ni ldog par 'gyur yid bzhin/ /'khor ba de nyid mya ngan 'das par nges/ /dbye bas gzhan du sems pa ma yin te/ /rang bzhin gcig gis dbye ba rnam par spangs/ /dri med nga yis rab tu rtogs yid kyi/ /de nyid dmigs bcas dmigs med stong nyid yin/ /gnyis las skyon ni yod pa ma yin te/ rnal 'byor pa ni gang zhig bsgom pa yin// bsgom pa dmigs dang bcas par dmigs med de/ /bde ba'i rnam pa'i rang bzhin de yin no/ /rab tu bla med ye shes rang 'byung ba/ /bla ma'i man ngag dus thabs bsten par shes/ /shes bya'i don ni nam mkha' i chos kyi sku'i rnam par brjod pa'o/ /de bas na thams cad de nyid yin pa'i phyir ri bo nam mkha' la bzhag pa bzhin rnal 'byor pa'i sems rten med par bya ba kho na'o/ /dam pa dag gi gdams ngag gi chu 'thungs shing goms par bya ba dang/ de 'dra ba'i sems de dag dran pa rgyun chags kyis dus rtag tu khyed pa'i phyir/ gsal ba'i rnam pas dran pa'i 'gram du zhog cig pa'o/ /de yang rang dga' i tshul gyis so/ /de yang dbang po dang yul thug pa'i dus yul gyi bdag nyid dbang po'i rnam pa thams cad kyang dran pa'i lag pas blangs nas su yul dang dbang po de ni rang bzhin gnyug ma'i ji lta bar gsod par snang bar 'gyur ro/ /rnal 'byor pa dag gis ni shes pa glang po che lta bu dag bde ba chen po'i rtsal gar dgar brkyang bar bya ba ste/ rgyal po'i glang po che bzhin no/ /yang snang srid thams cad gnyug ma'i ngo bo nyid yin pa'i phyir shes pa de dag de nas ni dang gis ldog par 'gyur ro/ /de yang ched du brtul ba lta bu ni ma yin te/ yid bzhin du ldog par 'gyur ro/ /de bas na 'khor ba de nyid mya ngan las 'das par skye ba'i phyir rnam par rtog pa'i tha dad kyi dbye bas gzhan du shes pa ni ma yin te/ bde ba chen po'i rang bzhin gcig gis rtogs pa'i dbye ba rnam par spangs par bya ste/ 'di dag ni shugs kyis 'gyur ba kho na'o/ /snying po'i don dri ma med pa yis rab tu rtogs te de ni yid kyi ye shes de kho na nyid do/ /de nyid ni dmigs bcas so/ /dmigs med do/ /stong pa nyid yin no/ / de dag skyon dang bcas pa ma yin nam zhe na/ lta ba de kho na nyid rab tu mi sgrub pa'i phyir dgag bya rnam par mi gcod do/ /gnyis las gzhan pa gcig khas blangs kyang skyon ni yod pa ma yin te/ rnal 'byor bdag gi de nyid ni thams cad dang ldan zhing gang du yang khas mi len pa'i phyir gang du yang bsgom pa yin te min no/ /de'i phyir bsgom par bya ba ni dmigs pa dang bcas pa dang/ dmigs pa med pa ni ma yin te/ bde ba chen po'i rnam pa'i rang bzhin de dag gzhan du brjod pa yang ma yin no/ /de nyid kyi ngo bo de ni chos kyi sku ste rab tu gyur pa bla na med pa'o/ /de yang gdod ma nas gnas pa'i phyir ye shes te/ bcos ma ma yin pa na rang 'byung ba'o/ /de yang bla ma'i man ngag de dag nyams su myong ba'i dus kyi goms par bya ste thabs dran pa rgyun chags kyi dus thams cad du brten pas rab tu shes so/ /da ni sgrub par byed pa'i glu bstan par bya ste/ nags su ma 'gro khyim du ma 'dug cig /bde ba la gnas gnas dag nyon mongs rgyu/ /dang po'i dus su btsal phyir de 'grub bya/ /btsal bas ma rnyed rnyed pas de 'dug min/ /'khor los 'khor ba'i nags khrod dag tu rgyus/ /khyim du gnas na chags sdang 'phel 'gyur te/ /de phyir khyim spangs bde dang sdug bsngal dor/ /sems kyi khyim du lta ba 'jug mi bya/ /bcug nas bde chags stong la zhen pas ldang/ /de spang dbyer med mnyam pa'i rang bzhin gnas/ /gang yang de ru yid kyis yongs shes nas/ /ma lus rgyun tu rtogs pa de ni gnas/ / zhes bya ba'i don ni rab tu mi gnas pa'i rgyud las bshad pa lta bu ste/ kye rnal 'byor stobs chen glang po seng ge yul/ /nags khrod dgon pa dag tu mi gnas par/ /grong khyer khyim gyi gnas su ma 'dug cig /chags pa'i nags la mngon par ma zhen par/ /khyim gyi zhe sdang dag la ma 'dug cig /gzung ba'i nags tshal dag tu ma 'gro bar/ /'dzin pa'i khyim gyi rtags la ma 'dug cig /phyi rol nags kyi yul la ma lta bar/ /rang rig 'dzin pa'i khyim la ma rtog cig / ces 'byung ba lta bu la bya'o/ /de dag nyams su myong ba'i bdag nyid kyis lus dang sems kyi bde ba la gnas na gnas pa de dag nyon mongs pa'i rgyu yin no/ /las dang po'i dus su de kho na nyid btsal ba'i phyir bde ba dam pa 'grub par bya'o/ /bde ba de dag gi rang bzhin btsal bas ma rnyed de ma rnyed pa de dag rnyed pa'i mchog yin pas de dang ldan pa dag la ni der 'dug pa yang yin no/ /ji ltar gnas shing 'grub par bya zhe na/ sems grub pa med par rtogs pa dang/ lus chags pa med par 'gro ba'i rnam pas chos kyi sku 'khor los 'khor ba'i nags khrod dag tu bde ba chen po'i blos rgyu bar bya'o/ /khyim dag tu gnas na chags pa dang zhe sdang 'phel bar 'gyur te/ de'i phyir khyim spangs te bde ba la mngon par zhen pa dang/ sdug bsngal dor bar 'dod pas sems kyi khyim du bdag tu lta bar mngon par gnas pas de dag thams cad dor la lta ba la mi 'jug par bya'o/ /bcug nas bde ba la chags shing stong pa la zhen pas zhe sdang 'phel bar 'gyur te/ de dag thams cad shugs kyis spangs la bde ba stong pa dbyer med pa la mnyam par gzhag cing/ sems rnal ma rang bzhin gyis gnas par bya'o/ /gang yang de kho na nyid dag ni blo yi gting de ru yid kyi ye shes kyis yongs shes na/ phyi nang gi g.yeng ba ma lus pa rgyun tu chos kyi sku'i rtogs pa nyag gcig las mi mthun pa de'i gnas so/ /da ni mnyam pa'i don gyi sku? bstan par bya ste/ 'khor ba gang yin mya ngan 'das pa gang/ /yid ni dri med lhan cig skyes pa yi/ /gnas skabs dgra bo'i rigs la 'jug pa med/ /de tsam zhig la nges par gnas pa ni/ /de'i rgyal po yin te bye brag med/ /rtogs pa nags dang khyim na gnas pa min/ /'di ltar bya ba de nyid shes gyur na/ /dri ma med pa'i de sems rang bzhin gyis/ /ma lus mi rtogs par ni shes par byos/ /de ni bdag yin gzhan yang de nyid do/ /yang bsgoms yongs su bsgoms pa'ang de nyid yin/ /bde ba'i de nyid dang ni bral bar byas/ /'on kyang bdag nyid rnam par grol ba'o/ /zhes bya ba'i don ni dam pa'i don de dag nyams su myong ba na 'khor ba gang yin mya ngan 'das pa gang yin te gnyis su med do/ /'di dag gi yid ni dri ma med pa ste/ lhan cig skyes pa'i ye shes kyi ngo bo nyid do/ /de dag nyams su myong ba'i rnal 'byor pa de dag la ni gnas skabs kyi dgra bo chags sdang gi rigs la skye ba med do/ /de tsam zhig la nges par gnas pa ni de ni chos kyi sku'i rgyal po yin te/ mi gnas pa'i phyir bye brag med do/ /de ltar rtogs pa de ni mnyam par gzhag pa dang rjes las thob pa med de nags dang khyim na gnas pa yang min no/ /ji ltar spyad par bya zhe na/ gnas skabs kyi spyod yul gyi mtshan nyid dag la gnas skabs kyi rnal 'byor pas 'jug par byas par aut pa la sngon po rtsa ba gcig pa dag gi kha phye ba'i tshul dang btsum pa'i tshul dang bdud rtsi thigs pa nam mkha' la dor ba'i tshul dang/ rtsa ba gcad pa'i tshul du bya'o/ /de dag kyang gang zhe na/ don mthong ba'i dus su sems can la gsal ba'i de kho na nyid ston pa dang/ lkugs pa'i spyod pas 'jig rten thams cad du rgyu ba dang/ skal ba dang ldan pa la don nyung ngu tsam ston cing gnas pa dang/ rnam par shes pa mthong ba'i tshul gyis sa nas sa la gnas shing sangs rgyas kyi don de kho na nyid du gnas pa'i bde ba chen po'i yang dag pa la gnas pa'o/ /'di ltar gong du bstan pa'i bya ba de nyid rab tu shes par gyur na dri ma med pa'i de sems rang bzhin gyis rnam par dag pa'o/ /de bas na snang grags kyi chos ma lus pa thams cad mi rtog pa'i de kho na nyid yin par ni shes par byos shig /de bas na thams cad tha mi dad pa yin te/ bdag nyid rnam pa de nyid gzhan la/ gzhan gyi rnam pa de yang bdag gi de nyid do/ /gang dang gang gi gang bsgoms pa de nyid chos kyi sku yongs su bsgoms pa las ma 'das pa yin te/ de yang de kho na nyid kyi don la logs gcig pa ma yin yang/ tha dad pa la zhen pa'i bde ba chen po'i de kho na nyid dang ni bral bar byas so/ /'on kyang de dag gis kyang bdag nyid cung zad tsam rnam par grol bar nus pa'o/ /da ni dri ma med pa'i glu bstan par bya ste/ /ji ltar rgya mtsho yi ni mthong byed bzhin/ /bdag dang gzhan du 'phrul bar ma byed cig / thams cad snga na med pa'i sangs rgyas te/ /de nyid dri med mchog gi go 'phang ngo/ /sems ni ngo bo nyid kyis dag pa yi/ /gnyis med sems kyi sdong po dam pa dang/ /sa gsum ma lus thams cad khyab par gnas/ /grags pa'i sa dang gdams dang gsang ba yi/ /snying po'i sa ni ngo bo kun dang mtshungs/ /de phyir khyab pa snying po de nyid de/ /dper na ri rab gling sogs nyi zla gsal/ /rtogs dang ma rtogs nyi zla mthong long ste/ /ma bstan par du blo chung shar nub 'gro /mkhas pa rnams la shar dang nub med de/ /snang grags sems su shes shing der mi 'dzin/ /mtshan nyid shes med shes pas 'ching mi dgos/ /de phyir blo ldan rnams la ngang gis 'byung/ /de rtogs de ma rtogs shes brtag tu med/ ces bya ba'i don ni/ ji ltar rgya mtsho dag gi nad na gzugs brnyan gyi rnam pa ji snyed cig snang yang rgya mtsho'i ngo bo las mi 'das pa'i mthong byed bzhin du/ phyi rol snang ba'i tshogs dpag tu med pa cig snang yang gzugs brnyan dang 'dra ba nyid de dag gzhan du 'khrul bar ma byed cig / thams cad kyang log par rtogs pa'i bag chags kyis bsgribs pa'i phyir/ sngon chad ma rtogs te rtogs pa tsam la snga na med pa'i sangs rgyas te zhes bya'o/ /de nyid ni dri ma med pa mchog tu gyur pa dag gi go 'phang ste 'byung gnas so/ /de lta bu'i sems ni ngo bo nyid kyi dag pa yin te chos kyi sku'o/ /gnyis med kyi sems de dag las mtshan gyi me tog gis brgyan pa'i sdong po lta bu gzugs sku dam pa gnyis 'byung ba yin no/ /sa gsum pa ma lus pa thams cad chos kyi skus khyab par gnas so/ /de dag kyang gang zhe na/ grags pa'i sa dang bsdams pa'i sa dang gsang ba'i sa'o/ /de yang nyan thos dang rang rgyal ba dang theg pa chen po pa'o/ /de nyid la yang mthong ba'i sa dang rtogs pa'i sa dang khong du chud pa'i sa'o/ / de nyid kyang gong du smos pa'i rgyas gdab pa'i tshul gyis bcu gsum pa dang bcu bzhi pa'i sa ste/ snying po de kho na nyid kyis ni ngo bo kun dang mtshungs so/ /de'i phyir bde ba chen po ni khyab pa'i bdag nyid dang snying po chos kyi sku de nyid kyi thugs so/ /de dag kyang kun gyis rtogs pa ma yin te/ dper na ri rab dang gling la sogs pa ni nyi zla gsal bar byed pa ste/ de las yang 'od rtogs pa dang ma rtogs pa gnyis so/ /de yang nyi zla la khyad dang bye brag tu gyur pa med kyang mig ma long ba rnams kyis mthong zhing long ba rnams kyis ma mthong ste/ mthong ba yang blo chung ba byis pa'i ngang tshul can dag la mtshan nyid ma bstan gyi bar du sa 'og dag nas shar zhing sa 'og dag tu nub par rtogs pa dang 'dra'o/ /de kho na nyid kyi don snying po gnyug ma de dag thams cad la khyab kyang rtogs pa dang ma rtogs pa'i rim pas mthong ba dang long ba lta bu gnas shing blo chung ba dag la ting nge 'dzin 'phel 'grib tu snang ngo/ /don de kho na nyid la mkhas pa rnams la ni nyams su myong ba la shar ba dang nub pa med snang grags thams cad sems su shes shing sems ci yang ma yin pa'i ngo bos der mi 'dzin pa'o/ /de bas na dngos po rang gi mtshan nyid ni shes pa ste shes pa dang bcas pa'i rnam pa 'ching mi dgos so/ /de'i phyir blo dang ldan pa'i gang zag rnams la gnyug ma'i don de dag ngang gis 'byung ngo/ /de dag gi mtshan nyid kyang de ni rtogs pa yin te de ni ma rtogs pa yin no zhes brtag tu med do/ /da ni thugs rjes gnang ba mi 'gog pa'i glu bstan par bya ste/ snying rje me tog gzhan phan 'bras bu 'dzin/ /de yi ming ni gzhan la phan pa'o/ /snying po nyid kyi sdong po yal 'dab rgyas/ /snying rje rnam pa sna tshogs du mar ldan/ /lhun gyis grub pa phyi ma'i 'bras bu ste/ /bde ba 'di ni gzhan pa'i sems yin no/ /stong pa'i sdong po dam pa'i snying rje min/ /gang la slar yang rtsa ba'i lo 'dab med/ /de la dmigs par byed pa gang yin pa/ /der lhung bas ni yan lag chag par 'gyur/ /sa bon gcig las snying po gnyis 'byung ba/ /rgyu mtshan de las 'bras bu gcig tu 'byung/ /de yang dbyer med don mchog gang sems pa/ /de ni 'khor dang mya ngan 'das rnams grol/ zhes bya ba'i don ni ma rtogs pa'i sems can la snying rje chen po bskyed pas de'i me tog gzhan la phan par byed pa'i 'bras bu gzugs sku rnam pa gnyis 'byung bar 'gyur te de ni snying rjes 'dzin pa'o/ /nges sems can smin par byed pa'i phyir de'i ming ni gzhan la phan pa zhes bya bar brjod de/ de yang snying po de kho na nyid nyams su myong ba nyid kyis longs spyod rdzogs pa'i sku'i sdong po la mtshan gyi yal ga dang dpe byad bzang po brgyad cu'i 'dab mas rgyas pa dag 'byung bar 'gyur ro/ /sprul pa'i sku ni snying rje'i yul la rnam pa sna tshogs pa'i thabs du mar ldan pa dag gis smin par byed do/ lhun gyis grub pa chos kyi sku'i 'bras bu ni 'jig rten pa la ltos nas phyi ma'i 'bras bus gzhag pa ste de ni gnyug ma'i 'ba' zhig skyed par byed do/ /'khor ba'i bde ba 'di dag ni snying po las gzhan pa'i sems de dag las dge ba rnams kyis kyang bskyed nus pa yin no/ /chos kyi sku de dag la mnyam par gzhag pa dang rjes las thob pa yin nam zhe na/ sdong po chos kyi sku gnyug ma'i de kho na nyid nyams su myong bas dam pa rnam pa gnyis me long gi gzugs brnyan ltar shugs kyis 'byung bar 'gyur ro/ /longs spyod rdzogs pa'i sku'i sdong pa dang sprul pa'i sku dam pa rnam pa gnyis gzhan gyi don smin par bya ba'i phyir btang ngo zhes snying rjes kun nas slang ba 'am ye shes kyi rgyun las btang ba ni min no/ /de'i phyir rjes las thob ni mi mnga' bar nges te/ gal te rjes las thob pa yod par 'dod na ni mthar thug pa'i 'bras bu rang rig rang gsal bar 'dod pa ste 'bras bu chos kyi sku mi 'byung ngo/ /de dag las slar yang 'bad pa ji snyed cig byas kyang rtsa ba chos kyi sku mi 'byung zhing gzugs sku rnam pa gnyis kyi lo 'dab kyang med do/ /de lta bu'i don la dmigs par byed pa gang yin pa de ni mdza' i rnam par rtog pa der lhung ba yin pas des ni chos kyi sku mi thob la gzugs sku rnam pa gnyis kyi yan lag kyang chag par 'gyur ro/ /'di dag ni shugs kyis 'byung ba yin te/ sa bon chos kyi sku gnyug ma'i ngo bo nyid kyi sa bon gcig nyams su myong ba la stong pa dang snying rje gnyis po'i rnam pa lta bur gnas la/ de'i don la gzugs sku gnyis 'byung ba'o/ /de dag thams cad kyang bde ba chen po'i rang bzhin gyi rgyu mtshan yin pas 'bras bu chos kyi sku gcig tu 'byung ngo/ /de yang ma 'ongs pa'i dus su 'thob pa lta bu ni ma yin no/ /'di nyid kyi rnam pa la bde ba dang stong pa dbyer med pa'i don rnal ma mchog tu gyur pa zag pa med pa'i bde bas gang ba rdo rje sems dpa' chen po de dag rtogs pas ni 'khor ba dang mya ngan las 'das pa rnams grol te mi gnas so/ /da ni cha dang mthun pa'i don bsten par bya ste/ gang zhig 'dod pa can ni 'ong ba'i tshe/ /de ni gal te 'gro na re ba med/ /zas phyir phong pas bdungs pa'i skyes bu zhig /kha phor dum bus slong bar 'dod pa la/ /phyi sgor bor ba'i kham phor blangs nas su/ /gzhan la ster ba'i don ni mi byed pa/ /'dod pa po la de dag mi ster ba/ /'dis ni 'khor ba'i 'bras bu gang yin pa/ /nges par skyed pas rnal 'byor sman pa'i lam/ /de dag bzlog ste rang bzhin lam khyer na/ /de bas rnam rtog por ba byas na'ang rung/ /zhes bya ba'i don ni rnal 'byor pa dag gi snang ba sems la ma thim zhing tha mi dang ma grub kyi bar du rnam par smin pa la mdzem par bya ste/ gang zhig ces bya ba ni rigs kyi bu skal pa dang ldan pa gang zhig go /de dag gnyis su med pa'i don khyad par can 'dod pa blo bzang po can ngag 'ongs pa'i che rnal 'byor pa dag de ni gal te phan mi 'dogs shing 'gro na pha rol gyi sems bsad pa yin te rdzogs sangs rgyas kyi re ba med do/ /de bas na gzhan mi dga' bar 'gyur ba'i sbyor ba phra mo tsam yang mi bya ste/ /tha na za 'dod pa'i phyir phor pas gdungs pa'i gdol ba zhig gis skyes bu zhig la kham phor gyi dum bu 'am kham phor nyid slong bar 'dod pa la kham phor ji bzhin pa nyid dam/ phyi rol gyi sgo rtsar bor ba'i kham phor gyi dum bu blangs nas su gzhan la ster ba'i don mi byed dam/ 'dod pa po de dag la mi snyan par brjod cing mi ster ba 'di dag ni 'khor ba'i rnam par smin pa'i 'bras bu gang yin pa nges par skyed par byed pas rnal 'byor pa'i blo dman pa yin zhing lam log par rig par bya'o/ /de dag las bzlog ste rang bzhin lam du khyer nas dus thams cad du spyod lam rnam pa bzhi la khyad med par 'jug pa na mtshan ma'i rnam par rtog pa bor bar byas na'ang rung ste/ rnam par smin pa phra mo dag gis ldang bar mi nus so/ /da ni don gyi glu bdun pa bstan par bya ste/ e ma 'o DA kI gu hya kaM /e yi d+harma d+hA tu yo yin/ a yi ko /d+hi ka pa sa ri/ khre dan aM pa ko yi la /dza ha pa ka /si ran tran tra/ a yi ka yi ra po lis/ g+hu hye tan tra khe ma la kang/ ri sa naM/ su zhes bya ba ste 'di dag ni rje btsun pa dag gis rtogs pa brjod pa ste de dag gi don ni/ /e ma'o mkha' 'gro gsang ba'i skad/ e ni chos kyi dbyings yin te/ /ma ni de nyid kyis bskyed do// dper gzhag pa yi nam mkha' ste/ /'gro ba tshogs bsags rgyud la ngos/ /ma ni dor 'dzin de las skye/ /gsang ba rgyud las rag las gsal/ /skad ni mchon pa tsam du zad/ /ces bya ba'i don ni a ai ho zhes bya ste de dag gsal bar bya ba ni/ chos kyi dbyings ni rnam pa gsum/ /bde dang gsal dang mi rtogs pa'o/ /skyed pa'i ma ni de bzhin te/ ma bcos rnal ma dran pa'o/ /mtshon pa'i dpe ni nam mkha' ste/ /slar med mnyam dang ma shes so/ /tshogs bsags gang zag rten yin te/ / spyangs dang tshogs med bla ma bsten/ /shugs kyi ma ni nyams myong ste/ /tha mal goms dang rgyun du'o/ /gsang pa'i don ni brgyud pa ste/ /byin rlabs nyams te ldan pa'o/ /thams cad brda yi rnam pa ste/ /nga yi smra bar mi nus pa'o/ /zhes bya ba ni bsdus pa'i don no/ /da ni dge ba'i rtsa ba bsngo bar bya ste/ /gnyis su med pa rdo rje'i glu/ /de nyid ye shes mtshon byed pa'i/ /don dam gnyis med yi ge yi/ /'gro rnams rang la glur len shog /ces bya ba'i snang ba dang sems gnyis med pa bde ba chen po rdo rje'i glu 'di dag gis sems can gyi rgyud la de kho na nyid kyi ye shes yod pa de dag mtshon par byed pa ste/ 'di dag ni don dam gnyis su med pa'i ye shes te/ de yi skal ba dang ldan pa'i 'gro ba rnams rang la glur len cing rtogs par shog cig pa'i don to/ /nga ni rje btsun pa dpal gyi ri bo pa'i dgongs pas bdag gis rnam par phye zhing gsal bar byas pa'i don bsngo bar bya ste/ sems nyid lhan cig skyes pa chos kyi sku/ /snang ba lhan cig skyes pa chos sku'i 'od/ /? stong dbyer med lhan cig skyes pa ste/ /de nyid chos sku'i dgos pa chos sku nyid/ /bdag nyid nyams myong mthu las byung ba yi/ /rtogs pas rje btsun dgongs pa gsal bar byas/ /dri ldan mgon po khyod la phyag 'tshal te/ /drin mchog glang phyir 'di byas dgyes par mdzod/ /'di las byung ba'i bsod nams tshogs dag gis/ /sems can thams cad bde ba che rtogs shog /rnam gsum slob ma dag pa'i phyir/ /de nyid gsal bar byed pa'i don /gnyis med rtogs pa mai tris bshad/ /'di la gzhol ba don ldan shog / mi bzad pa'i gter mdzod yongs su gang ba'i glu zhes bya ba'i rgya cher bshad pa rnal 'byor gyi dbang phyug chen po dpal sa ra ha pa'i dgongs pa mkhas par grags pa dpal ldan gnyis su med pa'i rdo rjes mdzad pa rdzogs so/ / //rnal 'byor pa bsod snyoms pa pradz+nyA sh+rIdz+nyA na kIrt+tis rang 'gyur du mdzad la'o// (//do ha mdzod kyi dga' 'grel zhes bya ba thar pa'i 'byung gnas spas pas mdzad pa bzhugs/

CLOSE WINDOW