བོད་ཡིག

e-texts based on the ACIP/ALL Input

/ */ /rgya gar skad du/ sh+ri badzra pA Ni sA d+ha nA ma/ bod skad du/ dpal phyag na rdo rje sgrub pa'i thabs zhes bya ba/ dpal phyag na rdo rje gtum po la phyag 'tshal lo/ / gsang ba'i bdag po bsgrub par 'dod pas/ dang por chos thams cad stong par bsam/ de nas snying rje chen po bskyed/ de'i steng du nyi ma'i dkyil 'khor/ de'i dkyil du hUM mthing nag 'bar ba bsam/ hUM gi 'phro 'du las rdo rje mthing nag 'bar ba hUM gis mtshan pa bsam/ aoM badzra pA Ni hUM phaT/ ces brjod pas/ de dag yongs su gyur pa las rdo rje gtum po shin tu khros pa/ 'jigs su rung ba/ sku mdog mthing nag /spyan gsum pa/ 'jigs su rung ba'i rgyan sprul gyis brgyan pa/ stag lpags kyi sham thabs can/ phyag g.yas rdo rje tho ba 'phyar ba/ g.yon mi rus kyi phur pa 'dril ba gcig tu bsams la/ aoM badzra rak+Sha rak+Sha hUM/ aoM hUM traM h+rila bstim/ aoM badzra tsan+d+ra mahA ro Sha Na hUM phaT/ sum 'bum nyi shu rtsa gcig tu bzlas so/ /sngags kyi rgyal po 'di cung zad bzlas pas sdig pa thams cad bsreg par byed do/ /thams cad bsung bar byed do/ /gnod pa'i log 'dren thams cad med par byed do/ / aoM badzra tsanDa mahA ro Sha Na hUM phaT/ ba li/ ai daM/ grih+Na grih+Na/ khA hi khA hi/ b+huny+dza ho'khor ji tsam dran pa cig bya/ rdo rje rgya gram bri/ rwa kun nag por bya/ re ga tshil dang thal chen bsres pas bri/ de'i dbus su e gru gsum thabs su mdzub gang pa cig drus la/ nang ro bsregs pa'i thal bas byug /gru gsum de yi phyi rol dmar por bya/ de ni dkyil 'khor bya ba'i thabs so/ /de nas lingka bca' ba'i thabs ni/ /pra tshil la sor bzhi pa byas la de'i snying khar shog bu la dmar chen gyis rdo rje rgya gram bris la/ bsgrub bya rang gi rten dang bral bar bsam/ gru gsum de yi dbus su ming bris la gzhug / de nas grugs su ma nar du bcug la/ ske nas skud pa sngon dmar gyis btags la/ de'i sna la mi'i rje dang gyi phung pa sor bzhi pa gcig btags la/ 'jig byed chen por mnga' gsol te/ sngags nam phyed bam nyi ma phyed na brdeg go/ phyi rol du 'gro ba la sogs pa byed na lingka la phur pa mi dbyug par btab la bzhag go / maN+Dal dbus su lha'i gdan du byas la/ sum 'bum du bzlas la gdab/ de'i dus su gtor ma dang mchod pa dus drug du dbul lo/ / de 'debs rtsa na rang nyid phyag na rdo rje sku mdog sngo nag / zhal gcig pa/ phyag gnyis pa/ spyan gsum pa/ sprul gyis brgyan pa/ stag lpags kyi sham thabs can/ bsgrub bya'i steng na 'dug pa/ phyag na phur bu dang sdigs mdzub mdzad ba cig tu bsgom zhing sngags bzlas la brdeg go / aoM badzra tsanDa mahA ro Sha Na hUM/ che ge mo shi ri kI la ye ha hUM phaT/ mu ga staM b+ha ya/ h+ri stwaM b+ha ya kI la ye ta hUM phaT/ ces bzlas la brdeg go /de ltar drag po'i las byed pa'i dus su gtor ma btang ba'i bsngags so/ /aoM badzra tsanDa mahA ro Sha hUM phaT/ ma ma sarba sha traM/ a mu ka ma tsa ye ta pra ya maM sa dzi bo bu ga ru ti ra bri yang bag kA? na ba liM ai daM grih+Na grih+Na/ khA hi khA hi/ g+hutwa? ho/ rak+ta pi pa to/ /Arya pra tsa grih+Na grih+Na/ khA hi khA hi/ rak+ta pi pa to/ a ti kra ma ti sa ma ye swAhA/ phur bu'i las rdzogs nas mtshon rnon pos lingka stong smad du btubs la/ smad lha'i zhal du sbyin sreg bya/ stong ming byang dang bcas pa mnan pa bya/ las kyi dus su rdo rje rgya gram gnyis kyi bar du gzugs brnyan de bcug la/ thod pa'i nang du skud pa sngon dmar gyis dkri'o/ /skud pa lag pa g.yon pas gzung la/ las kyi dus su gzugs brnyan la gnas lngar phur pas gdab/ de nas slar bcug la sngon dmar gyis dkris lam rgya gram du sba'o/ /de'i steng du phye dang sre mog gis rgya gram bris la bzhag go / las 'gor na skyar la bya'o/ /spra tshil la lingka sor bzhi pa byas la/ bsgrub bya'i ming dang bcas par bcug la tsher mas de'i kha la btsugs na/ phyir rgol ba'i kha tshums par 'gyur ro/ /lcags kyi phur bu dang mi'i rje dar la ming nas smos te/ yan lag gang dang gang la btab pa de rengs par 'gyur ro/ /mtsho lkugs par sbas na ngag rengs par 'gyur ro/ /sgo rtsar sbas na dbyer bar 'gyur ro/ /ral gri la sngags nas g.yul du zhugs na rgyal bar byed do/ /khros pas snying khar bsnan na 'chi bar 'gyur ro/ /me'i dur du sbas na rim gyis 'chi bar 'gyur ro/ /rabs chad kyi thong pa la ming dang sngags bris nas rabs chad kyi dur du sbas na rabs chad par 'gyur ro/ /mngon par bsngags pas dur khrod kyi thal ba'i steng du bzhag na 'byer bar byed do/ /khyi nag po'i thod pa la sngags dang ming bcas par bris nas klu'i gnas su sbas na mdzos 'dzin par 'gyur ro/ /dbang ma thob cing man ngag med/ /tshang dang mi ldan 'di mi bya/ /'di la nyes pa yod pas na/ /shin tu gsang zhing spel mi bya// slob dpon las kyi rdo rjes mdzan? pa'i gsang ba thugs kyi phur gcig ma'o/ / //paN+Di ta wa la tsan+d+ra dang/ lots+tsha ba dang ma tshul khrims kyis bsgyur ba'o// //aoM badzra tsanDa mahA ro Sha na ma g+ho mi sha hUM/ che ge mo shi raM ki la ye ta hUM phaT shi ri stwaM b+ha ya hUM phaT/

CLOSE WINDOW