བོད་ཡིག

e-texts based on the ACIP/ALL Input

/ // */ /lung bstan sbyor ba'i man ngag slob dpon chen po b+ha bas mdzad pa bzhugs so// //bcom ldan 'das rdo rje 'dzin pa la phyag 'tshal lo/ /lung bstan sbyor ba'i man ngag 'di/ /rgyud rnams kun las mi gsal ba'i/ /mkha' 'gro ma yi rgyas btab la/ /rnal 'byor blo dman don du ni/ /yang nas yang du gsol btab nas/ /yid ches brod pa bskyed pa'i phyir/ /man ngag rim pa bstan pa la/ /bla ma la ni mnyan par gyis/ /gsang sngags sgo ni dpag med nas/ /thabs kyi rim pa mang gsungs pa/ /sems can las ni sna tshogs pas/ /so so mos pa mi mthun phyir/ /dper na sman rnams nus pa yis/ /nad rnams so sor sel ba bzhin/ /man ngag thabs rnams so sos kyang/ /dug gi nad rnams 'joms par byed/ /dper na sman nus gcig gis kyang/ /phrad pa tsam gyis nad 'jom pa'o/ /yang na gnyis 'joms gsum 'joms dang/ /bzhi 'joms lnga 'joms la sogs dang/ /mang po 'dus nas 'joms pa dang/ /de dag kun gyis ma tshoms pa/ /sbyor ba gzhan log 'joms pa dang/ /gzhan pa kho nas 'joms pa dang/ /sman dang sbyor ba de dag kyang/ /mkhas pa yis ni 'joms par 'gyur/ /mi mkhas pas ni gnod par 'gyur/ /sman pa mkhas par gyur kyang ni/ /brtson 'grus nan tan ma byas na/ /nang rnams 'joms par mi 'gyur ro/ /de bzhin mthun pa'i dpe rnams kyang/ /mkha' 'gro ma yi lung bstan na/ /zhib pas 'di ru ma phye'o/ /bsgoms pa'i stobs kyi nyon mongs 'joms/ /bsgoms pa las byung dngos grub kyis/ /mchog gis dngos grub thob par 'gyur/ /ting 'dzin thob par ma gyur pas/ /tshogs 'khor tshogs mchod dngos grub po/ /de ma byung na sbyin sreg gis/ /dngos grub bsgrub par gsungs pa yin/ /de ma byung ba bzlas brjod do/ /de ni ma byung gtor mas bya/ /de rnams kun la ma byung na/ /las ni phran tshoT gzhan yang bstan/ /yang na de dag thams cad kyang/ /gcig 'dus gnyis 'dus gsum 'dus dang/ /bzhi 'dus lnga 'dus la sogs pas/ /'byung bar 'gyur ba gsungs pa yin/ /yang na mchog 'dod pa la ni/ /thams cad rdzogs par dgos par gsungs/ /thun mongs dngos grub sgrub pa la/ /che chung gis ni rim pas gsungs/ /sbyor ba re res kyang ni 'grub/ /gsang sngags la la'i bzhed kyis ni/ /dper na sbrul ni gshu bur zhugs/ /rtsa bar 'gro dang co tor 'gro de bzhin rnal 'byor sngags pa yang/ /rig 'dzin sa dang rdo rje dmyal/ /la la dag gi gzhung gis ni/ /bar ma do nas 'gro ba'o/ /la la skye ba phyi ma la/ /la la dag gi bzhed kyis ni/ /gnyis dang gsum pa dag la'o/ /bzhi pa 'am lnga par 'dod pa'ang yod/ /la la skye ba bdun pa la/ /phyag rgya'i dngos grub thob par 'dod/ /de ltar gzhung lugs mi 'dra ba/ /mang du gsungs pa de dag kyang/ /'gal ba med de kun kyang bden/ /gsang sngags kyi ni gzhung gis kyang/ /skye ba bdun las mi dma' bas/ /skye ba bdun gyi tha ma la/ /ma bsgoms kyang ni sangs rgyas so/ /zhes su rgyud las bstan pa yin/ /skye ba bdun zhes bya ba yang/ /sngags pa'i byang chub sems dpa' yin/ /sngags dang sman la sogs pa yi/ /stobs kyis lus sems las rung ba/ /sha dang thod pa la sogs pa/ /bsten cing zos pas dngos grub thob/ /de pas sngags mthu'i yon tan no/ /sa dang pha rol phyin pa la/ /skye ba bdun ba 'ong srid kyang/ / de ltar 'ong ba shin tu dkon/ /skye ba bdun pa zhes bya'i gnas/ /phal cher dur khrod ched po yi/ /mkha' 'gro ma yi gnas su skye/ /rig 'dzin sa zhes bya ba yang/ /gcig ni de la'ang bya ba yin/ /rig 'dzin sa la'ang gsum yod de/ /dur khrod rin chen sa dang ni/ /bar snang lha gnas lha rten sa/ /mkha' spyod 'og min stug po'i sa/ /gnas ni de gsum yin par gsungs/ /skye ba bdun pa'i gang zag ni/ /yul dang gnas ni khyad par can/ /sngags spyod pa yi gnas dag tu/ /'ga' tsam 'byung ba dag kyang yod/ /skye ba gcig sogs gzhan pa ni/ /de rnams gnas kyang de bzhin no/ /skye ba bdun pa'i gang zag ni/ /dad dang snying rje la sogs ldan/ / pha rol phyin bcu'i chos la spyod/ /mthun 'jug spyod pa kun la mkhas/ /bzo dang rig pa gnas la mkhas/ /lta ba ma nor gdeng du gyur/ /spyod pa la dor thabs la mkhas/ /man ngag mthong ba tsam gyis ni/ /the chom med par 'jug par byed/ /man ngag bsgoms pa dag tu ni/ /ting 'dzin skye 'gyur rang gis ni/ /khams dang dus kyi bye brag shes/ /rgyud lung mtshan gyi man ngag la/ /thos pa tsam gyis dbu zhabs kyi/ /man ngag rnams ni khong du chud? bshad pa'i rgyad dang 'grel pa dang/ /mngon rtags pa yi rim pa rnams/ /ma thos pa ru shes par 'gyur/ /dper na shing 'dzor stsal ba tsam/ /rgyud lung man ngag mdo mdo yi/ /mkhas pa la ni brten pa su/ /thams cad don rnams khong chud nas/ /skabs phyed spyi don shin tu rgyas/ /dka' 'grel mngon rtogs rim pa ni/ /rtsom nus don la shin tu mkhas/ mig ni yun rings mi 'dzums shing/ /yi dam lha bsgoms dus su ni/ /skye pa bdun pa'i grib ma snang skye ba gnyis sogs gzhan po la/ /grib ma'i rtags kyang de bzhin ne/ /bskoms pa'i stobs kyi khyad par gyis/ /zhag bdun zla gcig zla bdun du/ /mkha' 'gro mas ni lung ston zhing/ /chos bshad rtags rnams ston par mdzad/ /chos pa yi ni mdze skyed kyang/ /dngos su sprul nas ston pa dang/ /yang sprul sum sprul la sogs su/ /sprul nas ston dang yang na ni/ /sku ni mi snang sgra yis su/ /nam mkha' las su ston pa dang/ /yang na phyag mtshan la sogs la/ /sgra byung nas ni ston pa dang/ yang na rmi lam mtshan mas su/ /dus bzhi dus gsum dus gcig tu/ /yang nas yang du sten pa'o/ /ma thos pa yi man ngag rnams/ /ston mor byed na skye bdun sogs/ /sngags kyi dngos grub thob pa yi/ /rnal 'byor rig 'dzin byang chub sems/ /yang ni dang po bskyes nas ni/ /theg chen chos la mos nas yang/ /man ngag bsgom la shin tu dga' / /slob dpon la ni man ngag gi/ /rna rgyud gcig tsam thos pas su/ /bsgoms pas dngos grub thob par 'gyur/ /de nas gong bzhin byung nas su/ /gzhan la yang ni ston par nus/ /yang na skye bdun gang zag ste/ /skyes ma thag tu yi dam lhas/ /rmi lam na ni chos bstan nas/ /man ngag de bsgoms dngos grub ni/ /phra mo dag ni thob nas kyang/ /gzhan la chos ni ston pa 'dus/ /de nas rim gyis gzhan yang 'byung/ /yang na skye bdun gang zag de/ /rkyen ni gnyis lo 'dzoms pa las/ /bsgom pa la ni dga' bar 'gyur/ /sngon gyi bsgoms pa'i stobs kyis ni/ /'bad rtsol drag po ma byas par/ /thun gcig la ni sgom pa rnyed/ /de nas rims kyis bsgoms pas su/ /zhag bdun nas ni lung ston 'byung/ /de nas rim gsum gong ma bzhin/ /de nas mngon shes drug ldan nas/ /phyag rgya'i dngos grub thob par 'gyur/ / sngags pa'i dngos grub thams cad kun/ /skye ba 'di la phyag rgya thob/ /de ltar ma gyur rnal 'byor pa/ /gong ma bzhin du skye bdun du/ /len pa'i rtags ni gong bzhin 'byung/ /skye ba 'di thob tshul rnams kyang/ /theg chen snod du rung pa la dbang bskur man ngag thob pa yis/ /dam tshig ma nyams bshags la brtson/ /bskyed rims bsnyan par gyur pas ni/ /lus kyi rnam rtog bzlogs nas kyang/ /rdo rje bzlas la brten nas kyang/ /ngag gi rnam rtog bzlog nas ni/ /sems dben pa la brtan par bya/ /sems kyi 'khrul rtog bzlog nas kyang/ /sgyu ma'i ting 'dzin la gnas nas/ /'od gsal la ni 'jug par bya/ /de nas spros med man ngag la/ /lhun gyis 'grub 'gyur phyag rgya'i mchog /yang na bskyed rim la brten nas/ /che la dbang pa'i rig 'dzin sgrub/ /tshe la dbang sgrub rig 'dzin gyis/ /rdzogs pa'i man ngag bsgom par bya/ /des su phyag rgya'i dngos grub 'thob/ /yang na bskyed rim brtan pa yis/ /rdzogs pa'i man ngag gar bsgoms kyang/ /zla ba drug gis phyag rgya 'thob/ /rdzogs rims bskyed pa la brten nas/ /de nas rdzogs pas rdzogs pa'i ni/ /phyag rgya'i dngos grub thob par gsungs/ /de ni slob dpon chen po'i gzhung/ /spyir na lta ba gdeng 'gyur gtso/ /lan cig ldog bya'i tshul du ni/ /byas nas the tshom mi skye zhing/ /ldog par mi 'gyur 'byung pas kyang/ /tshugs par mi 'gyur 'bras bu myur/ /de ltar ma gyur rnal 'byor pas/ /man ngag nyams su yon par bya/ /man ngag bsgoms par stobs kyis ni/ /mkha' 'gro ma yis lung ston pas/ /lung ston pa'i dus su ni/ /lta ba man ngag zab mo ni/ /bstan pa bsgoms pas phyag rgya 'thob/ /yang na rnal 'byor rim pas ni/ /slo yi rab 'bring khyad par ni/ /bag chags rkyen la sogs pa yis/ /rab 'bring dgu dang gsum dang ni/ /dbye bar bya ba'i don shes bya/ /rgyu rkyen 'dzom pa'i gang zag ni/ /skye ba 'di la lung ston pas/ /phyag rgya'i dngos grub thob par 'gyur/ /rkyen ni rab tu mang gyur pa'i/ /rab kyi 'bring sogs ldan pa can/ /bar mdo la lung ston no/ /rab kyi tha ma ldan pa ni/ /skye ba phyi ma lung bston ni/ /'bring gi gsum po'i rigs ldan yang/ /gnyis dang gsum dang bzhi ru sbyar/ /tha ma'i rigs ldan gsum pa yang/ /lnga dang drug dang bdun du sbyar/ /yang na rkyen sogs ldan gyur kyang rgyal sogs pa'i nus pa rnams/ /drag zhan gyi ni rim pa yis/ /rkyen gyi tshul bzhin sbyor shes bya'o/ /rgyu rkyen gnyi ga 'bring sogs kyi/ /rim pa dang ni ldan pa rnams/ /gong ma gnyis mthun pas/ /gsum dang bdun du sbyar shes byar? gnyis gzhan par gyur pa na/ /gsang sngags song du mi rung bas/ /dbang bskur mi bya 'jug pa tsam/ /dge ba'i sa bon chung gyur kyang/ /smon lam btab pa'i dad ldan ni/ /gsang sngags la ni mos gyur nas/ /yang nas yang du gsol 'debs la/ /phyi yis dbang bskur tsam byas la/ /mi za ba dbyibs kyi man ngag bstan/ /de las bstan pa'i gang zag la/ /lhag ma rnams ni rims kyi bstan/ /yang na rnal 'byor rim pa ni/ /yi dam lha tshogs so so ru/ /so so bag chags bzhag pa dang/ /mos pa la sogs rim pa yis/ /the tshom la sogs med mod kyang/ /dngos grub 'grub par ma 'gyur na/ /sgyu ma lta bu'i 'du shes kyi/ /tha mi dad par bsgoms nas kyang/ /man ngag yang yar spos kyang ni/ /'gal bar? med de dngos grub 'grub/ /de ltar byas kyang ma byung na/ /sgrib pa shin tu che gsungs pas/ /sbyin sregs 'khor tshogs bzlas brjod dang/ /gtor ma la sogs cho ga yis/ /bdun nas stong gi bar du ni/ /mkhas pas? ci nus rgyud brtags la/ /tshogs sdig pa sbyad ba gsungs/ /lus kun la ni gnod pa yi/ /tsher ma'i phung pos lam rnams 'gags/ /me yi sbyor ba mkhas pa yis/ /bsregs pas thams cad med par byed/ /de nas lam ni rnyed nas ni/ /gang du phyin par 'gro bar byed/ /de bzhin sngags sogs mthun rnams kyis/ /sgrib pa la sogs bcom nas kyang/ /ting nge 'dzin gyi lam rnyed nas/ /dngos grub kyang ni thob par 'gyur/ /dngos grub khyad par ma thob kyang/ /phra mo la sogs thob par 'gyur/ /mtshan ma'i lung ston phra mo 'byung/ /gal te de ltar ma gyur par/ /tshe dbang mthob rnal 'byor pas/ /sgrib pa rnams ni byang gyur nas/ /skye ba phyi ma la sogs su/ /dngos grub kyang ni thob par 'gyur/ /yang na sngags kyi mthu rnams kyis/ /sdig sgrib rtsad nas ma chod kyang/ /che long rags pa mgo bcem nas/ /gzhan dag mi skye mgo gnon zhing/ /dam tshig ma nyams bshags la brtson/ /smon lam dge rtsa bsngo legs pas/ /skye ba 'di rjes gzhan dag tu/ /dus dang gnas dang slob dpon dang/ /grogs dang phyag rgya man ngag sogs/ /skyes ma thag tu rnyed par 'gyur/ /de ru dam tshig sngon sogs pas/ /rims kyis skye bdun rgyud nas su/ /'bad rtsol drag por byas par/ /sangs rgyas sal 'gro bar gsungs/ /de sogs lung bstan sbyor ba rnams/ /mkha' 'gro ma'i lung ston du/ /rnal 'byor mkhas par shes par bya/ /'di ni blo dman don ched du/ / cung zad bsdus te bstan pa yin/ /mkha' 'gro ma yi lung ston kyang/ /'jig rten 'das dang 'jig rten pa/ /'jig rten 'das la gnyis yod de/ /sa nas rig 'dzin mkha' 'gro dang/ /bde gshegs byin brlabs mkha' 'gro'o/ /mkha' 'gro de dag gnyi ga yang/ /mdzes pa'i gzugs dang mi mdzes pa'i/ /gzugs ni sna tshogs sprul nas ston/ /de la 'jig dang mi 'jigs dang/ /re dang dogs pa'i sems spangs te/ /phyag rgya brda la sogs pa yi/ /ston pa'i dus su las rnams ni/ /ston par shes par ma gyur na/ /dngos grub med de nyams par 'gyur/ /de bas nan tan cher skyed la/ /man ngag thos pa che ba gces/ /thos pa che bar ma gyur yang/ /gang sgrub rgyud skor la sogs la/ /slob dpon la ni yang nas yang/ /the tshom chod par mnyan par bya/ /rgyud rnams thos par mi nus pas/ /sgrub pa'i cha rkyen bcu bdun po/ /shes rab de ni ma byas na/ /dngos grub 'grub par mi 'gyur ro/ /slob dpon la ni brten pa yis/ /ma tshang yang ni 'grub par gsungs/ /'jig rten pa la gnyis yod do/ /rgyal bas bka' la brtags pa yis/ /sangs rgyas bstan pa bsrung pa dang/ /bdud ni nag po la sogs pa/ /dam lam thogs par tsheng mkhan/ /de ltar gnyis su ma shes na/ /dngos grub thob kyang slar la 'tshor/ /de gnyis gzugs dang rtags sogs pa/ /gong ma bzhin du ston pas na/ /de yi rim pa gong bzhin bya/ /de dag brtags par cho ga yang/ /zhag gsum zhag bdun rtsa gcig tu/ /ri dogs la sogs thams cad kun/ /spangs nas rnal 'byor ting 'dzin la/ /nan tan du ni brtson 'grus bya/ /tshogs 'khor la sogs yang dang yang/ /byed pa'i dus su rdo rje glu/ /lin? cing phyag rgya sogs bstan pas ting 'dzin phyag rgya gsal ba dang/ /mtshan ma la sogs gsal 'bar zhing/ /gzugs dang sgra dang dri la sogs/ /thams cad brtan zhing mi 'gyur na/ /lha yi mtshan mar shes par bya/ /de las bzlog pa thams cad kun/ /bdud kyi rtags su shes par bya/ /de la sogs pa mdza' yas mchog /mkha' 'gro'i lung du bstan pas na/ /'dir ni sgrub po'i don du bsdus/ /sgrub pa'i cha rkyen man ngag rnams/ /sgrub po nyams su len pa la/ /bstan shing? spel na bsod nams 'phel/ /nyams su mi len ser sna can/ /rdzas dang las srog la sogs pa/ /bla ma la ni 'bul mi nus/ /de la man ngag bstan mi bya/ /de la man ngag bstan pa na/ /dngos grub nyams te sdig pa 'phel/ /dam tshig nyams nas mkha' 'gros gseng/ /cha rkyen la sogs bcu bdun po/ /ston pa phyag na rdo rje yis/ /sems dpa' phyag na rdo rje la/ /rna ba brgyud pa'i gdams ngag de/ /rdo rje mkha' 'gro ma la bstan/ /des ni ro langs ma la bstan/ /gnod sbyin phyag na rdo rje dang/ /slob dpon phyag na rdo rje yis/ /brgyud pa'i gdams ngag rim pa rnams/ /nan tan gyis ni brtsal bar bya/ /de la brtsal bam shes na/ /dper na yid bzhin nor bu ni/ /klu rgyal gtsugs nas rnyed nas ni/ /'dam rdzab nang du stong ba bzhin/ /de bzhin man ngag rin chen 'di/ /lus ngag yid gsum dka' ba yi/ /sgo nas slob dpon la btsal nas/ /dam med rmongs pa'i lag shor na/ /dngos grub ni/ thob nyams par 'gyur/ /de bas nan tan bskyed de btsal/ /lung bstan pa'i rim pa'i sbyor ka'o/ /slob dpon chen po b+ha bas mdzad pa rdzogs/ //lotsA ba tshul khrims gzhon nus bsgyur zhing gtan la phab pa'o// // rdo rje las kyi cho gas rim par phye ba'i cho ga slob dpon b+ha bas mdzad pa bzhugs so/ //rgya gar skad du/ badzra sutra tsakra karma bid+hi/ bod skad du/ rdo rje las kyi tshogs rim par phye ba'i cho ga /bcom ldan 'das rdo rje bsnams pa la dad cing gus pas phyag 'tshal lo/

CLOSE WINDOW