བོད་ཡིག

e-texts based on the ACIP/ALL Input

/ //bal bo'i mkhan po paN+Di ta de ba pU r+Na ma ti dang/ /bod kyi lo tsA ba dge slong chos kyi bzang bos bsgyur cing zhus te gtan la phab pa'o// //rgya gar skad du/ ci rti rdzol lak+Sha Na mA ma/ bod skad du/ mdze nad kyi mtshan nyid ces bya ba dpal phyag na rdo rje la phyag 'tshal lo/ /'gro rnams rdul dang mun pa snying stobs kyis/ /'dam la gnas te rkyen kyi ri bos non/ /de gsal shes phyir rang gi rtogs pas bri/ /dam pa'i drin thob mgon la spyis btud bshad/ /de la 'dir nad kyi mtshan nyid dang/ /bzlas pa'i tshad dang/ de bzlog pa'i thabs so/ /de la mtshan nyid la bcu gnyis su shes par bya ste/ /gal te bcu gnyis kyis ma blogs na de 'phro bcad do/ /'bad pa dang bcad pas tshogs bsag go /thabs ni 'dod pa'i lha mnyes pas bzlog pa dang/ /rten cing 'brel pa'i nus pas bzlog pa'o/ /'dod pa'i lha mnyes pas bzlog pa ni sgrub thabs las shes par bya'o/ / rten cing 'brel pa'i nus pas bzlog par ni bla ma'i man ngag las shes par bya'o/ /mtshan nyid rnams ni 'di lta ste/ /rus dang sha dang lpags pa dang/ /rtsa dang khrag dang nang grol dang/ /bcud dang chu ste lus kyi stobs/ /lus kyi rtsa dang mdog dang dbyibs/ /rig pa chu ba chu ser dang/ /glang pa lha ba lus kun la/ /zhugs pa rnam pa bcwo brgyad yin/ /rigs kyis ma yin gcig gcig min/ /'on kyang gcig sogs rim gyis brtag/ rus pa la zhugs pa ni bzhi ste/ /lus skem pa dang/ gzer che ba dang/ na thang de ba dang thig ler na'o/ /sha la zhugs pa ni lnga ste/ lus bem me 'dug pa dang/ lus lci ba dang/ mdog gnag pa dang/ dri ngas pa snar 'od pa dang/ sha ro 'byung ba'o/ /lpags pa la zhugs pa ni gnyis te/ sha 'phrig pa dang/ mdog skya ba'o/ /rtsa la zhugs pa ni bcu ste/ /lus sgring ber ber ba brtag pa ni bzlog par dka' o/ /sgying lug pa dang/ sgying lcig lcig pa dang/ tsha ba 'dzag pa snyan pa dang/ tsha rab rab pa dang/ tsha ker kang ba dang/ cha breng breng ba dang/ lus la sogs pa tsha thang nge ba dang che pir bir ba dang/ yan lag bra ba'o/ /khrag la zhugs pa ni bzhi ste/ sna nas skabs skabs su yang yang 'dzag pa dang/ /tsha ber ber ba dang/ lus lci yor yor ba dang/ /gdong dmar ba la stag pa'i lo ma'i bris ma ltar 'ong ngo/ /nang grol la zhugs pa ni bzhi ste/ /glo snying mi bde ba dang/ skyur thib thib pa dang/ snying 'dar phril phril ba dang/ /snying mi dga' ba ste bzlog dka' o/ /bcung la zhuT pa ni bzhi ste/ khu ba mi 'byung ba dang/ dbang po ldang mi nus pa dang/ /khu ba skyo ma'i mdog tu 'ong ba dang/ /khu ba dangs snyigs bye nas 'ong pa'o/ /chu la zhugs pa ni gsum ste/ spubs kyi chu rgya gyags? kyi khu ba ltar 'ong ba dang/ sna'i chu rtag tu skyo mar 'dzag pa dang/ /mig chu rtag par 'jig ste/ du ba dang ser bu byung ba tsam gyis myur bar 'jig pa'o/ /lus kyi stobs la zhugs pa ni gsum ste/ lus sgying lug pa dang? lus bsgying khum pa dang/ lus myal myal ba yin no/ /lus kyi rtsal zhugs pa ni gnyis te/ sa rtsa la sogs pa lus kyi dri ma bya'i lpags pa bzhin sangs kyi 'gro'o/ /mdog la zhugs pa ni gcig ste/ /lca brtsod kyi mjog bzhin du song ba'o/ /dbyibs la zhugs pa ni gnyis te/ /lus gnyer chung gi khebs pa dang/ yan lag gi sor mo rnams byi ba'i mjug ma ltar song ba'o/ /reg pa la zhugs pa bzhi ste/ /sna ce la sogs pa yam yam 'ong ba dang/ /che ber per 'ong ba dang/ lus brtse ba dang/ g.ya' ber 'ong ba bzhin no/ /chu ba la zhugs pa ni bzhi ste/ yan lag rengs shing na ba dang/ /sha 'bur ba dang/ /grang sing sing ba dang/ tshig rnams 'khor nga yin no/ /chu ser la zhugs pa ni lnga ste/ lus za gol gol 'ong ba dang/ lus rba tsag tsag pa dang/ lus za tsag tsag pa dang/ lus chu rgang 'ong ba dang/ chu rgang byung na yun ring por mi thogs par 'ong ngo/ /lus la 'brum pa'i rjes sran chung lta bu byung na bzlog par yang bla'o/ /glang pa la zhugs pa ni bzhi ste/ mgo phying phying skrang ba dang/ /'thom pa dang/ bem me pa dang/ skra nur nur 'byi ba la sogs pa'o/ /lha ba la zhugs pa la ni gsum ste/ gdong ba la sogs pa tsha lam laM 'ong ba dang/ gdong pa la sogs pa grang seng seng 'ong ba dang/ de bzlog par bla'o/ /lus reng cing gdong thal skya'i mdog tu song ba ni bzlog par dka' o/ /lus kun la zhugs pa ni gsum ste/ /tshor ba med par gdod pa la sogs pa'i sha 'gyur ba yin no/ /shin tu yang bzlog par dka' / /klu shin tu khro bo dag gis kyang rtags mi ldang bar thugs gyis kyang 'gro'o/ /bzlog par dka' o/ /rma la sogs pa 'tshor mi 'dod pa'i rtags dang/ /mi ldan pa ni bzlog par bla'o/ /gzhan yang yan lag phra ba dang/ spom pa dang/ thung ba dang/ chums pa dang/ rengs pa la sogs pa la klu'i mtshan nyid du shes par bya'o/ /rtags de rnams las 'ga' 'ga' ni nad kyi gzhi las kyang shes par bya'o / 'ga' ni klu'i gdon ma yin pa las kyang 'byung bas/ /mtshan nyid so sor shes par bya ste/ /nad gzhi las byung ba'i sman la sogs pa dang/ 'phrod pa'i zas kyis phan pa'o/ /gzhan gyi ni yun mi rtags pa 'phro 'chad do/ /'di 'dra'i mtshan nyid mngon du shes/ /shes nas myur ba'i brtson 'grus kyi/ /sna tshogs thabs la ma rmongs pas/ /bzlog pa'i thabs la 'bad bar bya/ /chu rgyun yun ring 'bab pas ni/ rdo bdag kyang dus su 'phigs/ /gdug pa'i dbang byas zhe dngos yang/ /le lo dang bral rtse gcig sems/ /rgyan du bsdoms na bzlog sems kyis/ /gdug pa'i nad las thar bar nges/ /rtsol bcan gyi sem nyid bral/ /gang bsam de la mi 'grub med/ /nges ni 'khor ba gces pa ni/ /phung po srog ni dang ba la/ /mngon sum nyid du mthong 'gyur gyis/ /brtsol ba dong bar mi bya'o/ /'gro ba snying rje rang gis rtogs dang bka' drin gyis/ /bdag gis nad kyi mtshan nyid 'od sbyar yon tan gyis 'gro bas mngon du de rtogs brtson pas de bzlog bya/ /ci yong dge bas 'gro ba 'tsho dka' i nad las grol bar shog/ //mdze nang kyi mtshan nyid ces bya ba/ nam gru'i rigs las byung ba/ dngos grub brnyes pa dzA ba ri pas mdzad pa rdzogs so// //paN+Di ta de ba pu r+Na ma ti dang lo tsA ba chos kyis bzang pos bsgyur ba'o// //gnod sbyin gyi sde dpon chen po lag na rdo rje gos sngon po can 'khor lo chen po'i lha tshogs la bstod pa bzhugs so/ / //rgya gar skad du/ nI lAM ba ra d+ha ra badzra pa ni mahA yak+Sha tsakra a hA de ba ga na maN+Dal stod tra nAm/ bod skad du/ gnod sbyin gyi sde dpon chen po lag na rdo rje gos sngon po can 'khor lo chen po'i lha tshogs la bstod pa zhes bya ba/

CLOSE WINDOW