བོད་ཡིག

e-texts based on the ACIP/ALL Input

/ // */ /rgya gar skad du/ ma ri na ma rya mri ta nA ma/ bod skad du/ gsad pa bdud rtsi gso bzhes bya ba/ /dpal phyag na rdo rje la phyag 'tshal lo/ / gsang ba gso ba ma byas na/ /gang zhig la ni sdig pa dang/ /gang zhig shin tu khros 'gyur ba/ /de phyir gso ba'i cho ga dran/ /rin chen ga'u pad+ma can/ /de mtshungs ga'u steng 'gebs bya/ /phyogs bzhi pad+ma'i steng du ni/ /'bras phye'i rgyu las byung ba yi/ /tsan ngan chus bkrus bskus pa yis/ /rigs bzhi klu yi gzugs bzhag ste/ /gdong pa mtshal gyi byug par bya/ /gtso mo bzhi dang khyi'u bzhi/ /bu mo bzhi yi gzugs kyang bzhag /de dag mdzes pa'i gzugs bya'o/ /pad+ma'i lte bar rin chen lnga/ /mtshams kyi pad+ma bzhi po la/ /dkar ser dmar ser bud med kyi/ /'o ma bzhi ni mtsho bzhi ste/ /der ni klu gzugs sna tshogs bzhag /ljang khu dar gyis steng dgab po/ /de nas rang lha'i sa bon las/ /'od zer lcags kyu lta bu las/ /'ga' zhig rnam smin lus bor ba/ /bar do'i sems de bkug byas te/ /dri chu yis ni gnyis ka bsang/ /gzugs la stim zhing 'o mar bad ra/ /sna tshogs sman gyis gtor bar bya/ /de ltar dgug pa lan gsum bya/ /de ltar gas ba phyi nang gnyis/ /rang lha'i sa bon 'od 'phros pas/ /'ga' zhig sems kyi bag chags sbyangs/ /lce yi rdo rje lte bar a/ /a yi 'od zer phul btab pas/ /'ga' zhig sems kyi a la tham/ /bdud rtsi'i rgyun phab sems gso'o/ /sems dang shes pha dam gsal bsam/ /'chi med bdud rtsi'o rgyun 'dis/ /klu brgyang 'khor bcas khyed rnams kun/ /sems dang shes pa gsal gyur cig /lus dang dbang po rgyas gyur cig / drin lan dam tshig dran gyis la/ /bka' dang dam las ma 'da' bar/ /shin tu khros pa zhi gyur cig /de ltar rim pas lan gsum par/ /de ni nang gi gso ba yin/ /de nas mngar gsum 'bras chan mar/ /gser dang khyi yi 'o ma dang/ /na ga ge sar la sogs pa'i/ /gso ba'i sman ni sna tshogs bsags/ /bdud rtsi'i 'o rgyun byin brlabs te/ /de yi nyams pa rnams sos bsam/ /gso sman la sogs rim pa ni/ /mchod cing 'di skad brjod par bya/ /hUM nga ni thugs rje chen po yi/ /ba spu'i bu ga thams cad nas/ /gso ba'i bdud rtsi rgyun phab nas/ /klu brgyang 'khor bcas khyed rnams kun/ /drag po'i sngags kyi gzi brjid kyis/ / bsreg dang btso ba'i sdug bsngal dang/ /mtshon cha rnam pa sna tshogs kyis/ /bsnun cing gtubs pa'i sdug bsngal dang/ /sdug bsngal rnam pa sna tshogs myong/ /'chi med gso bar sman tshogs kyis/ /bsregs shing btsos pa sos gyur cig / bsnun cing gtubs pa sos gyur cig /lus dang dbang po rgyas gyur cig /mthu stobs ldan zhing bde gyur shog /sdug bsngal kun las thar bar shog /byang chub sems bskyed dga' sems ldan/ /dbang po rnams kyi spyod yul du/ /mkho dgu longs spyod thams cad ni/ /'dod pa thams cad ldan gyur cig /nyams pa'i lus sogs rgyas gyur cig /yan lag thams cad bde gyur cig /klu nang thams cad sos gyur nas/ /sdug bsngal nang las thar bar shog / ngan song gsum las thar nas ni/ /tshangs pa'i tshe dang ldan gyur te/ /chos sbyor dbang po thul nas ni/ /phyag na rdo rje'i zhal mthong shog /'jigs pa kun las skyabs ldan shog /longs spyod chen po thob gyur cig / sngags dang sman sogs byin brlabs kyis/ /nad dang nyer 'tshe kun sos pas/ /drin lan dam tshig dran par gyis/ /phyag na rdo rje'i bka' mi 'da' / /zhe sdang gdug pa zhi gyur la/ /de ring che ge mo la ni/ bsam ngan sbyor rtsub zhe gyur cig / glu byang bcings pa grol gyur cig /legs bsams thams cad 'grub pa dang/ /dar zhing rgyas pa'i dngos grub gsol/ /nA ga rA phu shA n+ti ku ru swAhA zhes pa'i tshig /rim pas kun nas gdags par bya/ /gdengs ka'i phyag rgya bcas nas ni/ /dam tshig 'di yis bsgrag par bya/ /de ni phyag na rdo rje ste/ /klu brgyad 'khor dang bcas pa nyon/ /chos bshad bden pa mi nyan dang/ /rig sngags rgyal po'i bka' bcag na/ /gso ba'i sman ni thams cad kun/ /mtshon cha'i char du gyur nas ni/ /lus kyi gnang la gzer bar byed/ /bcang cing bcang cing dum bur 'gyur/ /mngar gsum la sogs gtor ma yang/ /dug chen ha lar gyur nas ni/ /myos dang rmongs par gyur nas ni/ /tshe ba chen pos gzir bar byed/ /de pas dus rnams thams cad du/ /dam tshig 'di ni rtag tu srungs/ /aoM nI lAM ba ra d+ha ra sa ma ya nA ga yak+Sha yak+Sha hUM phaT/ /de 'dra'i mchod pa gsum byas te/ /dkar gsum mngar gsum gtor ma ni/ /cho ga'i rim pas btang bar bya/ /de ni phyi yi gso ba yin/ /nyams dga' ba yi gzhal yas khang/ /'dzam gling pho brang chen po ste/ /rten yong gnas su dam du spa/ /thams cad zhi bar 'gyur ba yin/ /gso ba'i de ni rim pa sten da chog 'di ni shin tu legs/ /bdag gis man ngag rim pa 'di/ /gang zhig 'ga' la phan phyir byas/ /zla ba lta bu gang thob des/ /'gro rnams rtog pa'i nang grol shog /gsang pa gso ba'i cho ga rdzogs so// //paN+Di ta re ba pu N+ya ma ti dang lo tsA pa chos kyi bzang pos bsgyur ba'o/ / //rgya gar skad du/ du sbya mri ta pU dza nA ma/ bod skad du/ bdud rtsi 'o ma'i chod pa zhes bya ba/ /rdo rje bsnams la phyag 'tshal lo/ / nyon mongs dug rnams 'joms mdzad pa'i/

CLOSE WINDOW