བོད་ཡིག

e-texts based on the ACIP/ALL Input

/ //rtogs pa brjod pa sum cu pa bzhugs so// //rgya gar skad du/ tri shat+tya ba b+ho Sha/ bod skad du rtogs pa brjod pa sum cu pa/ jo bo spyan ras gzigs dbang phyug la phyag 'tshal lo/ /rdo rje 'dzin pa tshangs dbang gtsug /chu skyes che dbus 'jig rten mgon/ /'od zer rgyun gyis dbang bskur bas/ /e ma dri gsum dag mdzad rmad/ /bstan ba'i lus ni ri bo 'dra/ /spros dral sems ni nam mkha' ste/ /g.yo ba'i sems ni rlung rgyun bcings/ /tshul 'dis rnal 'byor bdag legs grol/ /yid ni khyab 'jug nam mkha' i ste/ /'khor lo lnga yi rang bzhin lus/ /srog rtsol nyi ma zla ba gnyis/ /bde chen rdo rje'i zhags pas 'ching/ /dri ma lnga ni lnga yis sbyang/ /lus ngag yid gsum sku gsung thugs/ /de dag ma bcos skye ba med/ /e ma 'di na bsgom bya gang/ /rgya mtsho'i snying po me 'bar bas/ /ri rab srog shing shing rta brgyud/ / tshangs dbang rtse nas char rgyun 'bab/ /thabs kyis thabs bral de la ltos/ /gang ma rig pa de stong nyid/ /kun nas dkris pa bde ba'i tshal/ /zhe sdang 'bar bas 'od gsal che/ /lha mchog mi de gang gis bcings/ /lte ba'i mar mes mun pa bsal/ /snying gar shes rab pad+ma rgyas/ /spyi gtsug ye shes bde chen 'dzag /de ni rang lus dngos grub 'gyur/ /rtsa gsum 'khor lo 'dus pa'i dbus/ /bde chen dangs ma'i thig le gnas/ /de dbus rnam pa mi rtog pa/ /ye shes mi gcig dri med nyid/ /gzung 'dzin mun par rtogs pa'i 'od/ /nam mkha' la ni nyi shar bzhin/ /der yang mi gnas gzhan du 'ang min/ /kye ho shin tu zab pa'i gnas/ /'jig rten thams cad nam mkhas bcings/ /nam mkha' de yi sprin gyis bsgribs/ /gang tshe rtog pa'i sbrin dag ba can? de tshe di la ci zhig snang/ /sgyu mas sgyu ma'i grong khyer bcom/ /sems kyis sems ni slu ba ste/ /'di nas bdag 'dras slu med rig /e ma'o e ma bla ma'i drin/ /'og ni las kyi 'khor los bsdams/ /bar ni rdo rje'i mdud pas bcings/ / steng du yi ge gyen du bsgyur/ /thabs ni bdag gis rang la rnyed/ /lus ni ri po 'dra byas la/ /ngag ni rlung rgyun lta bur bsdams/ /sems ni nam mkha' i ngo bo nyid/ /dbyer med chos nyid kun gyi dngos/ /brtan lus shing rta rab bcas pa/ /g.yo ba srog shing laM du gzhug / de ltar bcings pa'i ting 'dzin ni/ /'chi med nam mkha' i dngos grub thob/ /nam mkha' i rnal 'byor rnam mi rtog /yongs dag lha ni bdeb che/ /de yi zung 'jug 'od bsal nyid/ /gnas 'dir ngal bso mkhas pa dag /rdo rje 'dzin pa rdo rje 'chang/ /rdo rje rgyal po rdo rje bde/ /rdo rje sems dpa' sems dpas stong/ /e ma rdo rje kun rig pa'o/ /me tog mthing gi rtsi mi mthong/ /chab rom mthong gi chu ma yin/ /lus mthong bde ba blang par gyis/ /sems mthong mthong ba ma mchis so/ /chu nang skyes bu su yi bu/ /rmi lam grong khyer bdag po med/ /me long gzugs ni gang las 'ongs/ /'gro ba 'di kun de dang 'dra/ /gdan gnas dang skye ba dang/ /'gags 'gyur du?? rgyu dung med pa/ /nam mkha' i mtshan nyid chos 'di la/ /kye ho 'jigs pa gang zhig yod/ /'di dag snang ba snang bsnyan tsam/ /rig pa de yang rig pas dben/ /tham cad rig snyam shes snyam ste/ /tsam snyam de 'ang snyam nyid med/ /skyes bu don kun grub pa'ang/ /ne? sdang nyi ma 'od gsal lha/ /'dad chags zla ba bde bas spyod/ /gti mug sgra gcan mi rtog 'joms/ /nam mkha' i sprin dang rgya mtsho'i rlabs/ /me tog rtsi dang ga bur dri/ /me long gzugs dang shel dkar bzhin/ /rnam rtog mi rtog dngos dbyer med 'gro ba 'di dag las bas skyes/ las ni nyon mongs de yi rgyu/ /mtshan ma yin te de shes nas/ /skyes bu mtshan med rnam par grol/ /rtog pa'i glang chen lcags kyus dgug /sems kyi bung pa rtsi yis bsdu/ /ting 'dzin dang pa mtsho nang rtse/ / shis rab padmo nyi zer 'byed/ /yid kyi mar mes mun pa sel/ /bde ba'i me tog gung bas 'jib/ /'dzin pa'i rba rlabs rgya mtshor thim/ /bde sdug sprin de nam mkha' dngos/ /yi ge gsum gyi brdas mtshon pas/ /yi ge med pa dag gis rtogs/ /rnal 'byor rgyal po yi ge mchog /sems las gzhan ni ma mchis so/ /gang du 'gro med 'gro ba 'di/ /gnas shes bya bar ga la 'gyur/ /gang mi gnas pa chos kyi dbyings/ /nge la ji ltar 'gag 'gyur sems/ /rtag tu byed bral gti mug med/ /khong khro bag chags brtan bcos pa/ /zhi ba'i dam pa mya ngan 'das/ /gter chen rang la yod shes kyis/ /'jig rten sgyu ma'i las kyis bsgrubs/ /sgyu ma sgyu ma'i yid kyis te/ /'di kun sgyu ma nyid shes na/ /sgyu ma lta bur rnam par srol/ /sgyu mar rtogs pas bden rtogs 'joms/ /rtog med sgyu ma la mi gnas/ /mi gnas 'gro la phan brtson pas/ /e ma nor bu rin chen rnyed/ /rtag pa brjod pa sum cu pa zhes byi ba rdzogs so// //rnal 'byor gyi dbang phyug chen po mi tra rdo ki de nyid kyi spyan sngar/ gnu pas lo tsA ba byams pa'i dpal gyis bsgyur ba'o// //rgya gar skad du/ sh+rI kha sarbwA Na ma twI sA d+hA nAM/ bod skad du/ dpal kha sarbA Ni yab yum gyi sgrub thabs/ 'phags pa spyan ras gzigs la phyag 'tshal lo/

CLOSE WINDOW