བོད་ཡིག

e-texts based on the ACIP/ALL Input

/sh+rI e ka dzA Ta b+ha ga wa na sto tra/ bod skad du/ dpal bcom ldan 'das ral pa gcig pa la bstod pa/ bcom ldan 'das ral pa gcig pa la phyag 'tshal lo/ /dpa' bo gang zhig dus gsum rgyal ba'i thugs rje thugs las sprul pa'i sku/ /mkha' ltar stong nyid ma ltar snying rjes byams sogs tshad med las byung ba/ /pad+ma nyid dbus bde chen thob pa de bzhin mi ro khros pa yi/ /sna tshogs gdan stongs ye shes yig bsru? TaM las yongs 'gyur thod pa dang/ /gri gug las grub hUM dang phyag mtshan 'gro ba'i don sgrub byed pa'i rgyu/ /'bar las bltam byas 'jigs pa'i sku chen shin tu mi bzang rngam pa'i sku/ /'gyin bag rab brtan gzi brjid dpal bar nyon mongs sgrib tshogs bsreg pa yi/ /ye shes me 'bar kun nas 'khyil ba'i 'od zer drag po dpung 'khrigs shing/ /sdig pa'i rngam stabs hUM sgra dang bcas dag po'i gad mo can/ phyogs bcur gar 'gyed mi thub gcig tu lha klu lha min dpung las rgyal/ /bde chen rgyal po gnyis med mchog ngags rtag tu sdug bsngal rnams gnon rtsal/ /rgyal ba dgra rgyal sdug bsngal sdig 'joms dpa' bo dpal chen la phyag 'tshal/ /gar dgur nyams ldan cung zad zhi zhing kho dang khro zhing zhi/ /brtul zhugs mchog 'dzin stobs bcu'i dbang phyug mi dang lha las rnam par rgyal/ /sa gsum bdag po lha yi lhar gyur pa bde gshegs ma lus 'phrin las bsgrubs/ /mi g.yo mi 'gyur rtag tu brtan nas de bzhin nyid yul zab mo'i lam/ /sgyu ma mkha' 'gro nyid kyi thugs chud ma lus 'gro la rjes chags nas/ /slar yang 'dir zhugs skal ldan srog chags snying gi padmo kha phye nas/ /chags med chags bral gti mug las grol rab tu sdang ba rnam par bshig / kun tu rtog spangs rab tu brtan gnas nges pa'i sar chud de nyid thugs rje khros pa yi/ /'jigs byed skur bstan 'bar ba'i zhal gsum dkar dang dmar po sngon po'i mdog /spyan gsum thogs med smar smin ser g.yo ba'i ba spu gyen du dgreng/ /dmar zlum spyan bzlog 'od 'bar las byung bgegs tshogs bsreg pa'i me stag 'phro/ /ye shes rnon po'i mche ba gnyis gtsigs rngam zhing bzhad pa'i zhal bgrang de/ /ha ha'i sgra sgrogs rta skang 'tsher ba'i nga ro ku ce gang rgyangs 'phyin stab cing rab brgyal 'khrugs pa'i skad gsar ngar ngar rab sar 'o dod 'bod/ /gdug pa'i snying 'byin ma rungs snang 'chod gcod sgra drag pos sa 'khrug pa/ /rnam rgyal khro bo bdud dgra dpung 'dul 'phrin las lha dbang khyod phyag 'tshal// dmar ser 'gying ba'i ral pa gcig bcas bde gshegs gtso bo mi bskyod pas/ /drags pa'i dbu brgyan sangs rgyas rnam lnga'i mi thod 'jigs pa'i phreng ba can/ /autpal padmo mo'i sgyu zhags sbrul gdugs khrod pa'i rna rgyan can/ /de bzhin mi rus rin chen sbrul rgyal shin tu 'od 'bar 'jigs pa yi/ /rgyan rnams kyis brgyan sil sil sgra sgrogs kun nas bsdigs pa'i stabs kyis 'gyed pa'i tshul/ /phyag g.yas gri gug rdo rje ral gri de bzhin g.yon phyag mgo byed dang/ /autpal sngon mdzes dri bsung yid 'phrogs phyogs bcur dang ldang thugs kar 'dzin/ /dpal ldan gtso bo'i thub pa thub mchog mi pham gcig pu rnam par gnon/ /stangs stabs bgrad pas phaT ces brjod cing lha yi brtan pa mi 'gul zhabs g.yas ni/ /dbugs bral gtso bo'i mgo bo nas brdzis g.yon pas gzhibs pa'i rkang gnyis mnan/ /dpa' bo stag pags spu rtse rab 'khrugs du ba 'khyil 'dra gson pa ni/ /bshus pa'i mod la da ltar khrag 'jog glo bur stabs pas blangs nas su/ /khros pas bskyod 'dra mi yi bskyob pa pha rol dpung rnams rnam bzlog cing/ /nyid kyi phyogs bsrung zhi rgyas dbang drag ma lus gsang sngags mngon par bsgrub/ /thog med rab ltar shin tu mi zlog kun gyis mi thub thub dka' ba/ /nam mkha' kun khyabs chen g.yos mdzad bde gshegs gtso bo khyod phyag 'tshal/ /gang gi snying ni gtso bo chu skyes gsang 'khrungs phyogs kyis mtshon 'dra'i kha dog can/ /dkar ser dmar ljang rab tu gsal rgyas de dbus rab tu 'bar ba'i hUM/ /ye shes 'od 'phros 'gro ba'i sdig bsregs phyogs bcur mkha' khyab 'gengs pa yi/ /me lce'i phrad dgrigs mkha' i la nyi ltar kun nas rtag tu lham me ba/ /de'i mthar ni dag gi yig 'bru skar ma'i 'od can rnam pa bzhi/ /gsal par ltas te mchod sogs sngon 'gro ji bzhin ji snyed tshogs bsgrubs nas/ /grub pa'i las ni rnam bzhi'i 'phrin las sa gsum lus can kun sgro mdzad/ / de las slar 'ongs dkar bsil lus ngag yid kyi dri ma rnam par dag / byas nas de rjes bla ma'i zhal blangs de nyid ye shes mnyam gzhag ste/ /sku gsung thugs dag de bzhin dag de 'ang dri med gang yin gang/ /de nyid ye shes shes dang shes bral mdza' rnams las dben kun spyod pa/ /rnal 'byor chen po bde chen de ni bla ma'i drin thob khyod kyis bsgrub/ /brtse ba'i rgyud bskyong byin rlabs ma ni rnam bdun rnam gsum ye shes snying po lce mdud bcas/ /sa gsum na khyab bdag med yod med dri ma ma lus las/ /rnam dben de ni rgyal ba'i sku zhes 'dren pa khyod kyis mthu ston cing/ /de rjes dri med sgyu 'dra mkha' 'dra rnam gsum rnam thar sgo spyod pa/ /so so rang rig snying gi dbus gnas bde gshegs snying po rtogs dka' ba/ /rtogs mdzad dam pa drang srong mi dbang lha yi dbang phyug ral pa gcig /kun rtog mi zad 'chi ba mi gnas shes rab pha rol phyin dbang gis/ /gcod pa'i mtshon cha shes rab ral gri chags med chags bral autpal mtshan/ /bzlas brjod dka' thub sbyin sreg gtod sogs sgrub pa'i mtshan ma brgya phrag gis/ /mnyes par mi nus gang zhig lam min de nyid de la ma gzhan min pa/ /shin tu zab mo gsang ba'i lam gyur yang dag spas pa mngon rnyed pa/ /dpal gyi dpal dbang srid gsum thibs po'i mun 'joms ral pa gcig 'chang khyod phyag 'tshal/ /dpal ldan 'jig rten gsum rgyal po/ /sku gsung thugs dag srid 'joms pa/ /zhi bas mi bsnyed 'phrin las sgrub/ / lha yi lha mchog ral pa gcig / dus gsum rgyal ba'i ye shes kyi/ /mkha' dbyings las byung lha mchog nyid/ /ye shes 'od zer stong 'bar ba/ /gzhan gyis mi thub ral pa gcig /sna tshogs pad nyid thod par ro/ /hUM dang bri gug las byung ba/ /ye shes sku mchog zhal gsum phyag /bzhi ldan bcom ldan khyod phyag 'tshal/ /gri gug ral gri thod pa dang/ /autpal 'dzin mdzad 'jigs pa'i sku/ /padmo yi ge rnam pa ldas/ /sa gsum sbyong mdzad khyod phyag 'tshal/ /ma dag pa dang dag pa dag /dri med de ni ye shes dngos/ /thogs med rtag tu bsgyur nas ni/ /'gro ba'i don bsgrub khyod phyag 'tshal/ /dran pa tsam gyi bdud 'dul zhing/ /dgra 'joms nyon mongs kun bsreg pa/ /bde chen snying rje stong pa nyid/ /ro myang mdzad la phyag 'tshal lo/ /bcom ldan dpa' mo khro mo'i sku/ /gzhon nus sgeg mo 'jigs ma yi/ /sku gsung thugs kyi dgyes rol cig /dam du 'khyud phyag bcas khyod 'dud/ /gdul bya'i rigs ni ji bzhin du/ /khyod kyis mdzad pa'i rim pa yang/ /de bzhin nyid de phun sum tshogs/ /ral pa gcig mnga' khyed phyag 'tshal/ /bcom ldan 'das dpal ral pa gcig pa la bstod pa/ kha che'i paN+Di ta chen po bud+d+ha sh+rI b+ha dra dang/ bod kyi lo chung gnubs byams pa'i dpal gyis bsgyur cing zhus te/ gtan la phab pa'o/ /rdzogs so// //rgya gar skad du/ swa tsit+ta bi sh+rA mo pany+tsi baM sha ti kA gA thA nA ma/ bod skad du/ rang gi sems ngal so pa'i man ngag tshigs su bcad pa nyi shu rtsa lnga pa zhes bya ba/

CLOSE WINDOW