བོད་ཡིག

e-texts based on the ACIP/ALL Input

/ //'phags ba 'jam dpal gyi zab cing rgya che ba'i 'grel ba slob dpon dril bu pas mdzad pa bzhugs so// //'jam dpal ye shes sems dpa' la phyag 'tshal lo/ /rten ldan de nyid sgrub 'dod pas/ /bdag gzhan don 'gyur sdags tshul lam/ /ye shes lnga khyab la btung nas/ /zab cing rgya chen gsal bar dbye// //chos kun zhes bya ba la sogs pa'i dag dang po 'dis brjod par bya ba dang/ brjod dgos pa dang/ brjod bya'i dgos pa la sogs pa brjod pa yin no/ /byang chub sems bskyed ces bya ba nas/ tshul 'di yin zhes bya bas thabs brjed pa yin no/ /ji ltar mkha' la zhes bya ba nas/ chos kyi rgyal por 'gyur zhes bya bas lam dman pa dag ba/ bas? khyad par brjod pa yin no/ /thugs kyi gsang mdzod ces bya ba nas nye bar bsdus bshad ces bya bas brjod bya dang brjod pa'i khyab pa bstan pa yin no/ /de lta'i lam ni zhes bya ba nas/ byas pa yin zhes bya bas gzhung nye bar bsdus pa yin no/ / don gyi brjod bya 'jam dpal gyi ngo bo gsal bar bya ba'i phyir/ chos kun rang bzhin 'jam dpal ye shes sems zhes bya ba smos te/ chos ni phung po lnga la sogs pa rnams te/ rang gi mtshan nyid 'dzin pa rnams so/ /de dag gis shes bya bsdus par gyur pa'am/ yang na de dag la nyon mongs pa lnga dang spyi bsdus pa dang ldan pa'i chos kun ni rgyud 'dir 'dod do/ /de'i rang bzhin ni ngo bo nyid de stong pa nyid dang mtshan ma med pa dang/ smon pa med pa dang/ 'dus ma byas pa bzhi dang ldan pa'o/ / 'dis ni 'gro ba dbyings nyid du khyab pa blangs pa yin no/ /nges pa'i yul la byed pa po med pa dang rgyu nyid yin bas na 'di ni ngo bo nyid du rig pa'o/ /'di'i don yang/ dngos po kun gyi rang bzhin mchog /dngos po kun gyi rang bzhin 'dzin/ /skye med chos de sna tshogs don/ /chos kun ngo bo nyid 'chang ba/ /sems can kun gyi yid la gnas/ /phra zhing zag med sa bon bral/ /zhes gsungs pas grub pa yin no/ /de tsam yin yang nges pa'i yul la byed pa po med na 'gro ba dang sangs rgyas khyad par med pa de'i mngon du byed pa'i lam bsten pa ni/ sems zhes bya ba ni rgyun mi 'chad pa ste/ sems kyi gnas skabs 'dir ni lam shes la rgyun gyis 'jug pa mi mthun pa dang/ gnyen po gnyis su shes nyams su myong bar gyur pa'i lam 'chad ba rnams so/ / 'di'i don yang nyes pa spangs pa skyon med pa/ shin tu sad pa sad pa'i bdag ces gsungs pas bshad pa yin no/ /'di ni ngo bo nyid glo bur ba dang ldan pa dag la lam gyis 'byin par dgongs pa'o/ /yang spong ba dang sgyu mar gyur? 'chad par gyur pa ni/ 'jam dpal ye shes la bya ste/ /'bras bu nyid du bdag dgongs pa'i rgyud 'dir zug rngu lnga la sogs pa dang/ 'ching ba las grol zhing dbyings bzhi lus la ye shes rnams ro mnyam du 'dres pa de la 'jams zhes bya'o/ /'di nyid bdag dang gzhan gyi phun sum tshogs pa ma lus pa'i gzhi gyur pas dpal yin no/ /sems zhes bya ba ni rgyun dang nyid dang rang bzhin yin pas gsum par yang sbyar ro/ /de yang so so rang rig mi g.yo ba/ /mchog gi dang po sku gsum 'chang/ /sangs rgyas sku lnga'i bdag nyid can/ /khyab bdag ye shes lnga yi bdag /bdag rig gzhan rig thams cad la/ /kun la phan pa'i gang zag mchog /ces gsungs so/ /de ltar ston pas brjod bya dmigs pa'i yul du phrug? gas la bzhag nas/ de'i brjed pa bstan pa ni/ bde gshegs ma lus kun gyi mtshan gyur pa zhes bya ba smos te de bzhin nyid du gshegs pa dang/ de bzhin nyid du gshegs pa las byon zhing ston pa'o/ /ma lus pa zhes bya ba ni/ 'gro pa kun rdzob can gyi ngo bo byung ba dang/ kun rdzob kyi char gshegs shing ston pa ste/ dus dang phyogs ma lus pa'i ma lus pa la kun tu zhes bstan pa ni kha cig zad par gyi ming dang don la zer ro/ /'di ni kun nas nyon mongs pa'i mtshan rnams gsungs pa yin pas nge 'dzin pa'o/ /gi phyir ma dag pa mtshan du gyur pa ni/ ngo bos khyab pa dang/ de'i rnam par 'phrul pa dang/ de las 'byung ba'i phyir rgya lu gus pa'o/ /mtshan gyur zhes bya ba ni/ mtshan ngag sngags kyi spyad pa spyod pa la @152b lhag par 'gyur ba'o/ /de yang bcu phrag brgyad dang drug nyid dang/ /brgya phrag gcig dang brgyad cu gcig /bcu phrag bdun la gcig lhag pa/ /brgya phrag gnyis dang bdun cu lnga/ /brgya phrag gcig dang de la lnga/ /brgya phrag gcig la lnga med pa'o/ / lnga phrag bcu la gsum lhag dang/ /de bzhin du ni snga ma'i grangs zhes bya ba'i tshigs bcad kyis bstan pa'o/ /brjod pa de dag gis ji ltar brjod pa ni/ /rdo rje 'chang chen rnams kyi glu blangs don zhes bya ba la/ /stong pa nyid kyi bdag nyid ting nge 'dzin gyis? ba ni rdo rje 'chang ba ste/ bde ba chen po blo mnyam pa'i sku'o/ /de yang mi nyams shing kun la khyab pas de la de skad ces bya'o/ /rnams zhes bya ba ni/ khyab pa po'i sku nyid kun rdzob kyi dor dus med dus kyi rnam par snang ba ste/ dngos po'i cho 'dzin pa'i phyir ro/ /de dag gis sku nyams su bltar ba'i chos thams cad rang bzhin gyis rnam par dag pa de gsal bar gdul bya la dbye ba ni glur blangs pa'o/ /de skad du 'das pa'i sangs rgyas rnams kyis gsungs/ /ma byon rnams kyang gsung 'gyur la/ / ?? byung ba'i rdzogs sangs rgyas/ /yang dang yang du gsung ba gang/ /rgyu chen sgyu 'phrul dra ba las/ /rdo rje 'chang chen gsang sngags 'chad/ /dpag med rnams kyis dga' bzhin du/ /glur blangs gang lags bshad du gsol zhes pa'o/ /don dam par dus gsum dus med rtogs pa'o/ /sems can kun gyi gtso bo che zhes gsungs pas 'chang ba yin/ /de ltar brjod pa bstan pa de'i dgos pa ni/ /de bzhin bya bas bstan pa yin no/ /don ni gang gis ji ltar brjod pa'i don khong du chud pa'i byang chub sems dpa' i lam 'bras bu dang bcas pa'i dmigs pa'o/ /'di yang tshig gi bdag pos tshigs su bcad/ /gsang sngags rgyal po drug ldan zhing/ /gnyis su med par 'byung ba dang/ /mi skye'i chos @ 153a can 'di gsungs pa zhes bya'o/ /tshig gi bdag po ni brjod bya'i dgos pa mthong ba'o/ /tshig su bcad pa ni/ rjod byed mtshan don mthong ba'o/ /gsang sngags rgyal po ni brjod bya'i dgos pa las gyi khyad par ro/ /drug ldan ni lam de'i dmigs pa dang/ mi mthun pa drug tu gzigs pa ste/ de yang gsang sngags rigs chen thams cad dang/ /rigs chen gtsug tor cher gzigs nas zhes pa'i bar gyis bsdus so/ /'di dag gi 'brol pa gang gis rtogs pa ni/ skye bo blo bzang nyon zhes bya bar 'brel ba'o/ /blo bzang ba ni rdo rje 'dzin pa rang dang mtshungs pa ste/ skye bo zhes smos pas sgrub pa po mtshan zab pa dang/ rgya che bar gtogs par 'dra'i dbyibs dang cha byang kyang bum pa la sogs pas ni ma yin no/ /nyon zhes bya ba ni rtogs pa dang ldan pas dgos 'brel zhes nas nyams su blang bya la gus par gdams pa'o/ /zab cing rgya chen zhes bya ba ni/ brjod bya'i dgos pa ston te/ zab pa'i bdag gis bsdus pa'i sku'o/ /rgya che ba ni gzhan gyis bsdus pa'i sku'o/ /de yang longs spyod rdzogs sku kun gyi rgyal/ /sprul pa'i sku ste sku yi mchog /sangs rgyas sprul pa'i rgyud 'chang ba/ /phyogs bcur sprul pa sna tshogs 'gyed/ /ces gsungs pa yin no/ /de ltar dgos pa la sogs pas zhugs pa rnams ji ltar 'bras bu de ltar bsgrub par bya snyam pa la thabs bstan pa'i phyir/ byang chub sems bskyed lhag pas lhar dmigs la zhes bya ba smos te/ byang chub nam mkha' lta bu dang sems can la phan pa'i rnam pa'o/ /de nas de'i ched du spyod pa dri ma med pa sgrub par 'dod pa'o/ /thams cad mkhyen ba'i rgyu byang chub kyi sems yin no/ /de yang snying rje rtsa ba las pa yi/ /thabs kyi mthar ni son pa'o/ /zhes gsungs so/ /de yang rgya che ba dang snying rjes rgyun chags bya ba'i bsod tshogs so/ /chos thams cad don dam par lhag par mos pa ni ye shes de skad du yang/ byang chub sems dpa' i lam ni mdza' yas te/ mdor bsdu na bsod nams kyi tshogs zhes pa dang/ rgyud 'di nyid las kyang/ snying rje chen po shes rab thabs/ /rdzu 'phrul chen po 'jig rten 'das/ /tshogs gnyis tshogs ni bsags pa'o/ /rtag pa kun rgyal rnal 'byor can zhes gsungs pas/ 'khor gsum dmigs pa med pa byang chub dang sems can la dmigs pa ni sems bskyed de/ srid pa dang zhi ba las rnal 'byor bsrung ba'o/ /des bdag gi srung ba yang 'gyur te/ lhag pas lhang dmigs la zhes pa la bdag gi sems ji ltar sbyangs pa'i dag pa ni lhag pa'i don dang phrad par byed pas lhag pa'o/ /de nyid las kha dog dang dbyibs kyi dam tshig tu lta ba ni don gyis lus las byung bas lha zhes bya'o/ /dmigs pa ni de dag gnyis med par sbyor ba'o/ /'dis rnal 'byor pa khyad par can dang/ rgyud khyad par can gyis mchog gi rnal 'byor pa bla ma'i kha las brgyud par dgongs so/ /srung ba gnyis sngon du song bas ji ltar sgrub snyam pa la/ rten 'brel rnam gsum sgyu ma'i sbyor ba yis/ /ma lus gnyis med mkha' khyab sprul chogs dgu zhes bya ba la rten cing 'brel 'byung ni rang bzhin gyis ma bcos pa ste/ gang gi phyir mdza' gnyis rten 'brel la mi sring pa'i phyir/ /de la brten pa 'dus shing glo bur du rten cing 'byung ba ni ming tsam dang gdong ma nas mi skye ba dang 'brel pa'o/ /rang bzhin de'i byed pa ni sbyor ba ste/ 'dus pa la rten pa dang 'brel pa dang/ zhes bya ba ni ma skyes par gtogs pa'i rnam grangs so/ /'di nyid bya ba gsum gyis byed de/ dag pa yis byin gyis brlabs pa ni rnal 'byor pa'i kun rdzob bo/ /'di yang mi bden lta bur snang bas ngo bo ma yin pas sgyu ma'o/ /de yang rang bzhin med pa'i snang pa la sgyu ma zhes btags so/ /gnyis par gyur pa sgyu ma dang rten 'brel ni skyes bu rnams dbyer med pa la sgyu mar ma gtogs dag la 'dod pa bsgrubs pO/ /yid ces bya ba ni rnal 'byor gyi byed pa por dgongs pa'o/ /don dam pa ma skyes pas kun rdzob kyang ni rigs pa'i yul du gyur pa la rigs pa'i yul ma yin pas sgyu ma nyams pa'o/ /sgyu ma yang sgyu ma nyid la snang gi gzhan du skye ba dang 'gag pa la sel ba dang bsgrub par mi 'dod do/ /gang yang rnam par rig pa tsam la sogs pa rten 'brel don du khas blangs pa la ni rnam par bcad pa 'dod pa yin gyi/ phyogs gzhan gyi ngor mi snang ba dang yod par yang ma yin no/ /rigs pa'i shes pa'i yul la snang ba'i tha snyad/ 'gag pa dang ldan pa'i yul ma yin te/ rtog pa dang bral ba'i phyir ro/ /de nyid khong du chung par bya ba'i phyir/ ma lus pa ni sems dang sems las byung ba'i khyab pa'i chos rnams so/ /gnyis med pa ni de dag la gnyis med par dang de dag gnyis med de/ kun rdzob dang don dam pa'i 'jug pa gnyis ma grub pa'i phyir ro/ /gang gi phyir mi bden pa'i rnam par rtog pas 'jug pa dang/ bden pa la mi rtog pas 'jug pa gnyis yin no zhe na/ de bzhin nyid ma gtogs pa rnams la ni skyes bus 'dod pas kyang bzhag /de yang de nyid mthong ba ma yin te/ pha rol smra ba po'i dor rnam par gcad pa dang/ yongs su gcad pas bzhag pa'i phyir ro/ /'dir ni nyams su myong ba'i yul du gyur pa la de med pas rang la snang ba'i mkha' khyab bo/ /sprul pa ni rten 'brel las byung bas so/ /tshogs ni de'i bdag med pa'i lha tshogs rnams so/ /'di ji ltar mi 'gal zhe na/ ma skyes mi 'gag ces bya ba ni/ gang skye ba'i zlas drang ba 'gag pa yin/ 'di ma skyes pa'i chos rnams la 'gag pa 'byung ba ma yin te/ gang nas gang skye ba med pa la gang du gang gnas pa dang 'gag pa med pa'i phyir ro/ /bcom ldan 'das kyis kyang gzugs ni gang nas kyang ma byung gang du yang mi gnas/ gar yang gnas par 'gyur ba med do zhes gsungs so/ /de'i phyir ma skyes pa nyid mi 'gag pas 'byung ba de'i skye ba dang/ 'gag pa nyid ma yin pa'o/ /de bas na sgyu 'phrul dra ba ni sangs rgyas thams cad kyi gsang gsum bsdus pa'i tshig dgu yin no/ / de yang sems dang sems las byung ba sgyu ma nyid du 'phrul ba dang/ sgyu ma nyid du gtogs pa'i dra ba ni bdag nyid gcig pa'i 'brel ba'o/ /de ltar rnal 'byor bsgrubs nas/ /da ni bsgom pa dang bzlos pa'i rnal 'byor bstan pa'o/ /rdo rje mig gis gnang ba ma gsal bar du blta zhes bya ba la/ 'di lta bu'i rdo rje'i mig gi yul yin pas rdo rje'i mig ste/ ye shes kyi mig gis blta bar 'dod do/ /gzung ba'i chos rnams ni 'dir de bzhin gshegs pa'i phyag rgyar blta'o/ /de bzhin gshegs pa ni mi bskyod pa yongs su grub pa'i me long gi gzugs brnyan ltar blta'o/ /mi bskyod pa sems dang sems las byung ba ni rdo rje sems dpa' i mig gis blta ba'i phyir yul yin pas rdo rje sems dpa' ste/ de ltar blta ba'i yul can la yang ming de skad ces grags so/ /de yang ye shes mig gcig dri ma med/ /ye shes lus can de bzhin gshegs zhes bya ba las dang/ stong pa nyid la stong nyid mthong/ /mig ni mi 'gyur bstan pa'o/ /zhes bya'o/ snang gsal bar du blta zhes bya ba ni/ don de dag la dang po rnal 'byor bstan pas/ yid ches pa sngon du song bas/ zag pa med pa'i bdud rtsir gyur pas bdag 'dres pa'i bar de srid du shes rab kyis blta zhing bsgom par bya'o zhes bya ba don to/ /ji skad du/ mi 'gyur kun 'gro khyab pa po/ /ye shes gnyis med tshul 'chang ba/ /rnam par rtog med lhun gyis grub/ /cis gsungs so/ /de nas 'bang pa med pa'i mtshan brjod pa ni/ sgyu ma brag cha nam mkha' i rang bzhin du zhes bya ba la/ ji skad bshad pa'i dkyil 'khor na sgyu ma yin pas phyi dang nang dang bral ba'i snang bar mthong ba dang/ mtshan gyi sngags bzlas pa rnams ni/ byed pa po la sogs pa gsum med pas phyi dang nang du gsal ba'i brag cha'o/ /'di gnyis ni gzugs dang sgra'i rnam pa ste/ mtshan ma'i rang bzhin du gyur pa ste/ ji skad du/ sbyor ba'i sam pa ni/ sprul sku'i yul gsung gi longs spyod dang/ mi g.yo ba la gnas pa'i ni sku'i yul lo/ /de ltar na dbyibs dang sngags kyis ni 'di dag la thugs rje'i rang bzhin gyi ye shes dngos su skyed par byed pas/ spro ba dang bsdu ba'i bdag nyid can la sogs pa kun 'dir ldan pa'o/ /de bas na yongs su shes nas ni khong du chung par byas nas so/ /de yang sems kyis te/ ye shes las byung bas ye shes ye shes mtshon pa'i brnga'i mtshan gdags pas bya ba ni rlag ces pa'i don to/ /gang gi phyir sems dang sems las byung ba'i sku dang gsung dang thugs thams cad bshad can/ de'i phyir gsang sngags lam ni rnal 'byor tshul 'dis byed ces pa la/ gsang ba ni sngar bstan pa'i zab pa nyid kyi dkyil 'khor te/ nyan thos la sogs pa dang pha rol tu phyin pa la med pa'i phyir ro/ /'di nyid myur ba nyid du dman ba las skyob bas na sngags yin te/ gang gi phyir 'dir ni 'bras bu yan lag bdun dang ldan pa'i 'bras bu la sogs pa de yang phun sum tshogs pa bzhi dang ldan pa'i 'bras bus rlobs nas/ chos bdag med pa dang bsres nas tshogs bdud rtsi rdzogs par gyur pas/ 'jig rten pa'i zhen pa dang snang ba myur? du nyams yin no/ /de yang rgyun mi 'chad par 'byung bas rnal 'byor/ /'gor ba la dgongs pa'i ye shes khyad par can nges ldog pa yin pas/ /tshul 'dis bying pa yin par 'dod do/ /de yang gsang sngags rgyal po don chen byed ces bya bas ni/ gsang sngags kyi lam de gsungs so/ /rnal 'byor bsgom pa las byung pa zhes pas/ lam de'i rgyun gsungs pa yin no/ /byed pa sems can kun don byed ces bya bas 'bras bu gsungs pa yin no/ /'di skad ston te/ yid dang ba 'am/ mthun pa'i gnas su snga dro la sogs pa'i dus gsum dang dam tshig nyams pa med par gdong bkru ba la sogs pa byas la/ stan bde ba la 'dug ste/ byang chub dang sems can la dmigs pa blos rang nyid kyi rgyun bshags bya'o/ /'di nyid la 'khor gsum dmigs pa med par chos thams cad lhag par mos par bya'o/ /de nas rang nyid dam tshig dang dbyibs su langs la/ h+ri dang hUM las lce rdo rjer phyin gyis brlab par bya'o/ /aoM hUM a aoM Asu tshur gnyis bcings la/ mthe bo mthe'u chung rdo rjer sbrel/ /rdo rje 'khor lo'i ming brjod cing/ /dkyil 'khor thams cad slong pa'o/ /de'i mdza' nam mkha' i bdag po sna tshogs ston ces gsungs pas sems dang sems las byung ba'i dbyings dang rigs sdus pa'i des pa lnga dang/ ting nge 'dzin sum cu rtsa gnyis dang/ pha rol tu phyin pa brgyad dang/ mthong ba dang bsgom pa ni ngo bo nyid do/ /de nas rim pa phyi ma la/ dri ma dang dral ba'i sangs rgyas ral gri dang 'khor lo can/ /bdud 'dul bar ral gri dang rdo rje can dang/ 'dod chags la ral gri dang pad+ma can dang/ spel du yod par ral gri dang/ rin po che dang/ rin chen po che dang/ sna tshogs par ral gri dang/ sna tshogs rdo rje rtse mo bcu gnyis pa dang/ bla ma dang slob dpon rnams dang/ dam tshig gi phyag rgyas btab pa pos gdul bya gnas gsum po blta bar bya'o/ /de nas brda rnams ni sku rdo rjer blta'o/ /mtshon cha rnams ni gsung rdo rjer blta'o/ /bdag nyid ni thugs su blta bar bya'o/ /de la brda ni ngo bo nyid do/ /mtshon pa ni mtshan nyid do/ /bdag ni rang bzhin gyis snying bskul bar byed pas na skad cig ma dang por rnal 'byor rnal 'byor pa bdag nyid la de dag nges par bsgom mo/ /chos thams cad rtogs pa'i mchog skyes nas slob ma rnams la bdag gi khong du chud par bya ba'i phyir/ /dad pa dang mos pa dang/ nges par mchon pa brjod par bya'o/ /de nas bstod pa dang spro bsdu dang don rtogs pa rnams yin te/ de nas mthar yang rigs drug gi bdag nyid la rang la bsdus la ji skad bshad pa'i nang gi rnal 'byor ye shes gnas par byed pa rtag tu bsgom par bya'o/ /de yang chos kyi dbyings dang sems can gyi don gyi phyir ro/ /de ltar thabs brjod nas/ lam 'di'i sa'i ngo bo brjod pas dman pa dag pa ni/ mkha' la dngos rnams ji ltar gnas bzhin du zhes bya ba ni dpe brjod pa ste/ 'byung ba chen po rgyu gcig po zhes gsungs pas sa la dang de'i khyab pa ni/ nam mkhas khyab cing de las ma g.yos pa'i phyir ro/ /rten cing 'brel ba sems dang sems las byung ba'i dam tshig gi dkyil 'khor rnams ni 'od gsal ba'i ye shes las byung zhing ma g.yos pas bems po dngos por thad chad pas ma yin no/ /de skad du yang/ lus med lus te lus kyi mchog /lus kyi mdza' ni rtags pa po/ /gzugs rnams sna tshogs kun tu ston zhes gsungs so/ /'di nyid dam tshig gi dkyil 'khor yang yin la/ phyag rgya chen po yang yin pas na/ dam tshig gi dkyil 'khor te/ brnga dang mtshon pa'i phyir ro/ /de yang snying po len pa'i dkyil 'khor ni phyag rgya chen por gnas pas/ gzhan du mi 'byung gzhan la mi gnas te/ phyogs gzhan ni chad pa dang des pa po med pa'i phyir ro/ /ji skad du dpal mkha' 'gro ma gur las kyang/ thabs ni stong par ma bshad do/ /gal te stong yul thabs yin no/ /'bras bu rgyu las mi gzhan phyir/ /de ni sangs rgyas nyid mi 'gyur/ /des na dkyil 'khor 'khor lo dang/ /bde ba'i thabs su sdom pa'o/ /zhes gsungs so/ /nges pa med par yang 'byung ba ma yin te/ dpal dam tshig bkod pa las kyang/ sems ni dri med par rtags na/ /dkyil 'khor thams cad 'byung 'gyur gyi/ /mkha' la rtog pa'i dri mar bcas/ /de srid bar du de mi snang zhes gsungs so/ /de ltar na 'gyur gyi phyogs gzhan yang mi 'gog ste/ des 'byung sna tshogs las byung ba zhes gsungs pas dkyil 'khor bdag med pa la thang chang pa ma yin zhe na/ don do mi shes dka' ba'i lam g.yeng bas 'khor ba'i dri gsum dag las g.ya ba min zhes bya ba ni/ gang yang rgyu 'bras bu zhes bya ba ni rjes su mthun par 'jug pa las thabs su 'os na ni 'dir mthun pa'i phyir ro/ /de ltar ma yin na ni re zhig dbugs dbyung bar dgongs kyi/ bdag med pa la sogs pa las ldog pa ni nges pa'i lung dang rigs pas gnod pa'i phyir ro/ /gang 'di ltar snang ba ni bag chags kyi tshogs las byung gi /gang gi phyir sangs rgyas dang sems can 'dra ba nyid du thal zhes bya'o/ /ji skad du/ 'phags pa dri ma med par grags pa las kyang shes rab dang bral ba'i thabs kyi yul ni bcings pa'o/ /thabs dang bral ba'i shes rab kyang bcings pa'o/ /de yang yod pa dang med pa ni rtag pa dang chang par 'gyur bas/ mi gnas mya ngan 'das pa po zhes bya ba yang mi 'grub pas/ don de mi shes pa ni sngar bstan pa dag mi shes pa'o/ /dka' ba'i lam ni g.yeng bas na yun ring ba nyid 'dod pa brtags pa la zhen pa'i phyir/ 'phags pa dang mi mthun pa'i rnam par rtog pa 'byung ba'o/ /de nyid kyi phyir yul dman pa dang zhen pa'i tshogs kyis gnas gsum gyi 'khrul 'khor bcu gnyis las mi g.yo ba dag go /'dir ni de gnyis nyams pa'i thabs dang shes rab phul du phyin pa dang/ 'bras bu dang rjes su mthun pas lam chen po yin no/ /de yang snying rje yi ni ya lang bgos/ /shes rab ral gri mnga' gzhu thogs/ /nyon mongs mi shes g.yul ngo sel zhe'o/ /de'i phyir rtogs pa'i 'bras bu bstan pa ni/ de lta'i don shes rab rang bzhin nyes pa'i tshogs bcom spos kyi glang po ke ta ka zos bzhin bcom ldan 'das gzhung tshogs yon tan thob/ /'gag pa med pa'i chos kyi rgyal por 'gyur zhes bya ba la/ de lta'i don shes pa ni sngar bstan pa dang rtogs pa'o/ /rang bzhin nyes pa ni ma rig pa'i yul lo/ /de'i tshogs ni nyon mongs pa dang las dang srid pa'i cha'o/ /de 'joms pa na dpe'i brjod pa'o/ /de yang gzhi gcig la rtogs pas rdzas mi 'ching ba'o/ /'di ji ltar 'gyur zhe na/ rtog pa'i yul gyis stong pa nyid ni gnyen po bcom pa'o/ /gnyen po dang mi mthun pa ni nus pa mnyam du zin pas/ thog ma dang mthar yul yod pa dang med pas phyo bas yul can yang 'thad pa'o/ / de'i tshogs ni rgyu med pa'i phyir mi skye ba'o/ /gnyis pa ni de'i thabs med par mi rung ba'i phyir ro/ /'dir ni 'phags pa dang mi mthun pa'i rnam par rtog pa'i snang ba la grags pa dang sems las byung ba'i rnal 'byor pa'i kun rdzob 'joms pa'o/ /gzhung tshogs yon tan thob ces bya ba ni/ gdul bya 'jug pas gnas skabs pa'o/ /de'i mthar thug pa ni nyan thos dang rang rgyal ba'i nges pa la nam yang 'jug par mi 'gyur ro zhes pa nas/ 'gag pa med pa'i chos kyi rgyal por 'gyur pa mthar thug pa ste/ dpal mchog dang po'i ngo bo nyid ni thog ma dang tha ma med pa'i rang bzhin yin pa'i phyir ro/ /sangs rgyas zhes bya ba ni rang bzhin ma bcos pa nyid la bshad kyi/ gzhan du skye ba dang 'gag nga la sogs pa ni byas pa can nyid du 'gyur ro/ /de'i phyir 'di la rgya'i rim pas byas pa med pas mthar 'gag pa yang med do/ /de skad du yang/ sangs rgyas thog ma tha ma med/ /dang po'i sangs rgyas rgyu med pa/ /zhes gsungs pa yin no/ /gang yang dus kyi mthis? skad cig la chos thams cad khong du chud pa ni rgya yin la/ de'i rgyu ni sangs rgyas yin pas/ sangs rgyas thog ma dang ldan la mdza' ni med pa yin te/ de lta ma yin na lam la sogs pa'i 'bad pa bya mi dgos par 'gyur ro snyam na ni/ de yang 'di ltar shes par bya ste/ sangs rgyas ni dbyings dang ye shes bya ba yin gyi/ dbyings dang bral ba'i ye shes ni gang gi ye shes kyang ma yin pas/ dbyings ni sngar brjod pa yin te/ gnas skabs kyi ye shes ni rtogs pa'i nges pa ste/ de ni thog ma tha ma gnyis par yang gyur pas lam yang dgos par smra ba de'i mthong bar byas pa ni thog ma'o/ /de'i yul mdza' dang bral bas yul yang mdza' med par rigs pa yin no/ /de'i phyir 'dir tha snyad gnyis kyis 'jug ste/ rgyu'i tha snyad ni ngo bo nyid de rang bzhin stong pa nyid la sogs pa mi 'gyur ba'i rang bzhin no/ /de'i rkyen ni thos pa la sogs pa'i de dang mthun par rjes su zhugs pa yin no/ /de dang de'i bdag nyid phrad pa ni/ 'bras bur yang tha dad btags kyang de'i yul las ngas pa po gzhan na med pa'i phyir ro/ /gal te gzhan du gyur pa ni nam yang de bzhin gshegs pa ma yin te/ kun tu btags pa'i phyir ro/ /de bas na rgyu dang 'bras bu'i tha snyad ni rkyen gyis rnam par bzhag gi /nga la 'phel ba dang 'grib pa'i chos gang yang yong pa ma yin no/ /'di lta bu'i 'bras bu dang rjes su mthun pa'i lam de las byung ba gzhung tshogs du ma bshad pa'i mthar 'byung bas/ phyogs bcur dam pa'i chos kyi snang ba'i rgyun mi 'chad pa'i chos kyi rgyal por zhes bya ba dpal mchog dang po'i yul thog ma dang tha ma med pas yul can la dgongs pa'o/ /ma 'gags pa'i mi 'bad pa ni bral ba'i rang bzhin gyi dbang gis 'byung ba ni rgyun chad pa yin pas/ rang gi dag pa'i ye shes mi 'gags pas 'di'i snang ba dang mdzad pa de 'dra'o/ /'di ni mi gnas mya ngan 'das pa po/ /phyogs bcu chos kyi rnga bo che/ /mthag med dbul?? bzang dam pa ste/ /gzugs rnams thams cad snang ba'i dpal/ /gzugs brnyan ma lus 'chang ba po zhes gsungs pa yin no/ /de ltar lam gyi che ba brjod na/ brjod bya dang brjod pa'i khyab pa bstan pa'i phyir/ thugs kyi gsang mdzod gtsug na rin po che/ / 'gro kun sems kyi rang bzhin zhes bya bas rim pa bzhin du 'bras bu dang lam dang ngo bo nyid la khyab par bstan to/ /thugs ni chos kyi dbyings la nges pa'i bdag nyid du thugs rdo rje'o/ /de ni gsang ba nyan thos la sogs pas mi rtogs pa'i don to/ /'di las dkyil 'khor la sogs pa'i sgor gyur pas mdzod yin te/ ji skad du/ kun mkhyen ye shes mdzod 'dzin pa/ /rgyal po sgyu 'phrul sna tshogs 'chang/ /zhes gsungs so/ /de nyid gtsug na gnas pa'i rin po che ste/ lam gyi mthar thug pa'i stad? cig ma lus byung zhing de'i gdan la bzhugs pa'o/ /lam de ni byang chub sems dpa' rnams kyi nyams su myong ba ste/ ji skad du/ tshig gi bdag pos tshigs su bcad/ /gsang sngags rgyal po drug ldan zhing zhes gsungs pas rtogs so/ /lam de nyid gang gis 'grub pa ni/ 'gro kun zhes pa ste/ 'gro ba ni nyon mongs pas der 'gro ba ste/ gang gi phyir rang bzhin zhes bya bas/ ngo bo nyid du gyur pas 'di rgyu'i don du bstan to/ /rang bzhin de yang gnas skabs gsum du rgyun mi 'chad pas sems zhes bya'o/ /de yang dang po sangs rgyas rgyu med pa/ /sangs rgyas thog ma med ces gsungs so/ /de ltar brjod bya'i khyab pa bstan nas brjod pa'i khyab pa ni/ chos rnams lung zhes bya ba dang/ rgyud kun zhes bya'o/ /chos rnams ni rnam par bkod pa'i chos rnams te/ bstan pa'i chos rnams dang de las gzhan pa'o/ /de la bstan pa'i chos gsung rab yan lag rnams so/ /de las gzhan pa ni sngar bstan pa dang bsgrub pa la sogs pa'o/ /de skad du/ dam chos chos rgyal gsal bar ldan/ /'jig rten snang bar byed pa'i mchog / chos kyi dbang phyug chos kyi rgyal/ /legs pa'i lam ni ston pa po zhes pa dang/ 'phags lam shin tu mthol gnas/ /dar ba chen po chos kyi tog /ces bya ba dang/ pha rol phyin pa kun rdzogs pa/ /sa rnams kun gyi rgyan dang ldan/ /rnam par dag pa bdag med chos/ /zhes bshad pa'o/ /rgyud kun gyi ni bya ba dang/ spyod pa dang/ rnal 'byor dang/ bla ma'i rgyud do/ /ji skad du/ brtson chen sgyu 'phrul dra ba che/ /rgyud kun gyi ni bdag po mchog /ces bya bas/ bdag po ni de'i nges pa'i ye shes so/ /de bas de rnams kyi dbang po ni nges pa'o/ /rdo rje tshig tu bzhag ces bya ba ni/ gang mi gsal ba dang/ tshig rnams kyi dgos pa rgya che ba de la de skad ces bya'o/ /'o na de rnams gang las rtogs te bshad pa ni/ zab cing rgya che rgyud kyi dgongs 'grel dang/ /de'i man ngag nye bar bsdus nas bshad ces bya ba la/ zab cing rgya che'i rgyud ni gsung rab 'di nyid do/ /de'i dgongs pa'i don 'grel bzhi de'i man ngag las byung ba dang/ don nye bar bsdus te bshad pa ni 'dir nye bar bsdus pa'i bshad sbyar mdzad pa'o/ /tshul gang gis ched du gang mdzad pa ni/ /de lta'i lam ni mkhan pa'i rjes 'brangs pas nye bar spyod rnams la ni bsdus don byas pa yin zhes bya ba la/ de lta'i lam zhes pa ni/ sngar bstan pa'i zab pa dang rgya che ba'i don bsdus par gyur pa des so/ /de yang gang zhig 'grel pa rtsom pa por gyur pas de dang mthun par dbyings dang ming rnams so/ /rim par bkod nas byas pa ni/ mkhan po'i rjes 'brengs pa'o/ /nyer 'byor rnams la zhes bya ba ni/ rgyud 'di la nus pa'i sgo nas nyams pa med par tshig dang don 'chad pa dang/ bsam pa dang/ bklag par 'dod pa'i don du'o/ /bsdus te byas pa yin zhes bya ba ni/ de yang dam tshig mang po'i sgo nas spangs par gyur nas bsdus pa'am/ yang na dngos grub nye bar 'dod pa la sogs pa dang/ dam tshig dang ldan par sgrub pa'i las rnams thams cad 'dis 'grub par 'gyur bas/ zab pa dang rgya che ba ni theg pa chen po'i 'jug pa ste/ de dag bsdus pa'i dngos grub ni zab cing rgya che ba'i yul der bsdus pa'i don gyi sgrub thabs brtsams pa yin no/ /zab cing rgya che gang gis rtogs 'gyur ba/ /mgon po ri bo la gnas nye zer dbang/ /mkhan po'i rjes mthun nye bar bsdus pa sbyar/ /dgos don de yi man ngag shin tu bsdus/ shing rta chen po rgya mtsho chen po nas/ /blo yul man ngag chu yis snyim pa gang/ /rnyed pa cung zad rnam par bkrol ba yi/ /bzhad pa'i rdo rje'i don rtogs ldan par shog /dpal mi tri pas mdzad pa nye bar bsdus shing/ zab cing rgya che ba'i 'grel pa/ mkhas pa chen po dril bu pas mdzad pa rdzogs so// //rgya gar gyi mkhan po many+dzu sh+rI satwa dang/ dge slong blo ldan shes rab kyis bsgyur ba'o// //'phags pa 'jam dpal gyi mtshan yang dag par brjod pa'i sgrub thabs bzhug go/

CLOSE WINDOW