བོད་ཡིག

e-texts based on the ACIP/ALL Input

/ //rgya gar skad du/ ti la ka sid+d+hi/ bod skad du/ thig le grub pa/ 'phags pa 'jam dpal ye shes sems dpa' chen po la phyag 'tshal lo/ /gang blo dri ma'i rgyun 'dzag gang/ /nges par byed pa'i thig le rim/ gang gis gang la de bstan na/ /bde ba chen po'i rgyun 'dzag 'gyur/ /mchog bzang bla ma'i zhabs pad la/ /dkon mchog gsum du mtshungs btud de/ /ye shes rdo rje 'chang bla ma/ /gsang ba'i thigs pa bshad par bya/ /bdag nyid lha'i rnal 'byor gyis/ /sa bon zo 'phrul kun bsdus te/ /de nyid la ni dmigs pa yis/ /yi ge dran pa rdzogs par 'gyur/ /skad cig la ni rnam grangs brgyad/ /go rim bzlas pa bstan pa dang/ /thig le chen por yang bsdus te/ /reg bya'i dran pa rdzogs par 'gyur/ / de nyid bcu drug gyur pa gang/ /yi ge'i phreng bas bgrang byas te/ /'pho dang 'jug pa'i rnal 'byor gyis/ /rlung gi dran pa rdzogs par 'gyur/ /rnam shes ye shes mthong ba gang/ /yul min shes pa'i mtshan nyid las/ /'gro dang lor ba mi dmigs pa/ /thig la dran pa rdzogs par 'gyur/ /steng dang 'og la dmigs pa'i yid/ /thig le stong pa yi ge brgya/ /yid gnas ldang 'jug med pa dang/ /stong pa chen po yi ge lnga/ /'og gi gnas la dmigs nas kyang/ /thig le chen po yi ge med/ /phyed pa? lhag pa zla ba'i gnas/ /gsang sngags chen po rigs gsum pa/ /'byung dang 'jug dang dran par bzlas/ /gsang sngags las byung yi ge med/ /gnas med gnas la gnas pa gang/ /sangs rgyas kun gyis rtogs bya ba/ /sangs rgyas byang chub bla na med/ /sbyor ba rdzogs dang sbyor ba gcig pa dang/ /dran pas gnas dang longs spyod chen po dang/ /bsam mi khyab dang lnga yis thig le grub/ /dam pa'i zhal gyi tshig gi 'ching ba grol/ /ri khrod mgon po las rnyed pa'i/ /man ngag gzhung gi dbu ma lnga/ / nang gi nang la 'jug pa'i rim/ /kun kyang bde gshegs gnas thob shog /thig le grub pa rgya gar gyi mkhan po dpal ldan gnyis su med pa'i rdo rjes mdzad pa rdzogs so// //rnal 'byor pa bsod snyoms pa pradz+nyA sh+rI dz+nyA na kI rtis rang 'gyur du mdzad pa'o/ / //rgya gar skad du/ ti la kai ka nA ma/ bod skad du/ thig le gcig pa zhes bya ba/ 'phags pa 'jam dpal ye shes sems dpa' chen po la phyag 'tshal lo/ /rang bzhin bde ba brnyed pa yis/

CLOSE WINDOW