བོད་ཡིག

e-texts based on the ACIP/ALL Input

'phags pa 'jam dpal ye shes sems dpa' la phyag 'tshal lo/ /bla ma dang ni lhag pa'i lha/ /tha dad med par mchod par bya/ 'gro ba rnams dang rang nyid la/ /bdag gzhan mi 'byed dus gsum gter/ /lus dang longs spyod srog rnams kyis/ /'gro ba'i mchog gtso brtsal bas rnyed/ /de yis dbang bskur rin po che/ /dus gsum du ni dran par byed/ /phyi dang nang gi chos spyod kun/ /gnyen po bsten pas ma yin zhing/ /dad pa'i stan las gang 'ongs pa/ /kha zas bzhin du bsten par bya/ /lha'i rnal 'byor 'byor pa can/ /yang na rigs gzung mchog gtso bor/ /byas pa'i gang yin de dag ni/ /thun bzhir bstan pas bsgom par bya/ /gal te rdzogs pa'i skal yong na/ /ye shes sku ste rang 'byung ba/ /'jam dpal ye shes sems dpa' yi/ /ming ni ya bdag brjod pa'i mchog /bzlas brjod don dang klog pa dang/ /bya ba'i rim pa la mos na/ /rigs gzhan du ma ma yin pa'i/ /rang gi rigs la bslab par bya/ /gang zag 'o mar ldan pa dang/ /de bzhin bza' dang 'thung ba'i dus nas? sangs rgyas rnams ni bsdus byas la/ /bdud rtsi myang ba bsgrub par bya/ /glu dang gang ni ji snyed dang/ /de bzhin yul la ro snyoms na/ /yul gyis bslang ba ma yin zhing/ /rang gi nyams kyis rol par bya/ /dben pa'i gnas la brten dus gtsang sbra ngo tsha spyod pas min/ /dogs pa kun las grol ba'i sems/ /bsnyung dang dka' thub gnas mi bya/ /skyo dub sdug bsngal ci byung yang/ /dam pa'i dran gyis gzengs bstod de/ /yid chang skyid lugs mi 'gyur bar/ /sems dge ba la gnas par bya/ /sngags kyi spyod pa la gnas pa'i/ /sngags pa mkha' spyod gnas su 'gro/ sngags la zhugs nas spyod pa spong/ /mkha' 'gro skrag cing mnar med 'gro/ /rang bzhin du gnas pa'i sngags kyi spyod pa bcu pa zhes bya ba/ dpal ldan gnyis med rdo rjes mdzad pa rdzogs so/ / //rnal 'byor pa bsod snyoms pa pradz+nyA sh+rI dz+nyA na kIrtis rang 'gyur du mdzad pa'o// //rgya gar skad du/ swa pa ne k+Sha/ bod skad du/ rmi lam brtag pa/ 'phags pa 'jam dpal ye shes sems dpa' chen po la phyag 'tshal lo/

CLOSE WINDOW