བོད་ཡིག

e-texts based on the ACIP/ALL Input

/ //slob dpon bi ma la mi tras mdzad nas thugs kyi sras nyid ting nge 'dzin gyis zhus pa'o/ /gnyegs gnya' nas bsgyur ba'o// //'phags pa 'jam dpal gri mtshan yang dag par brjod pa'i don gsal bar byed pa slob dpon dga' rab rdos mdzad pa bzhugs so/ / //rgya gar skad du/ yArya ma ny+dzu Sh+nyA nA ma siM gA tyadtha lo ka ra nA ma/ bod skad du/ 'phags pa 'jam dpal gyi mtshan yang dag par brjod pa'i don gsal bar byed pa zhes bya ba/ 'jam dpal ye shes sems dpa' la phyag 'tshal lo/ / mi g.yo 'gog med dag pa'i dang/ /rang 'byung ye shes 'od gsal ba/ 'jam dpal zhi ba'i ye shes sems/ /mi rtog gzugs sku dang byung ba'i/ /mgon po de la gus btud de/ /rgya cher rab zab dag pa'i rgyud/ /rin chen lta bu'i dgongs pa la/ /'gro ba thams cad thabs bsam mi khyab kyang/ /bde gshegs ston pa'i byin brlabs gdams pa yis/ /des don phyogs gcig bdag gis gsal bar dgrol/ /'jam dpal gyi mtshan yang dag par rjod pa 'di la spyi don rnam par gus bstan te/ /le'u dang po zhus pa dang/ zhus lan du phun sum tshogs pa lnga dang sbyar te bstan pa dang/ le'u gnyis pa mi gnas pa'i ye shes chen po drug pa rdo rje 'chang gi don bstan pa dang/ le'u gsum pa shes bya ngo bos stong pa chos kyi dbyings kyi don bstan pa dang/ le'u bzhi/ pa gzhi 'gag pa med pa me long lta bu'i ye shes kyi don bstan pa dang/ le'u lnga pa gzhi'i rtsal so sor dpyod pa so sor rtogs pa ye shes gyi don bstan pa dang/ le'u drug pa gzhi'i ngo bo skye 'gag med pa na nyam pa nyid kyi ye shes dang sbyar te bstan pa dang/ le'u bdun pa shes bya thogs pa med pa bya ba grub pa'i ye shes kyi don bstan pa dang/ le'u brgyad pa che ba brjod pa sngags kyi sgra dang bcas pa bstan pa dang/ le'u dgu pa rjes su yi rang ba'i sgo nas bdag dang gzhan gyi don mthar phyin par bstan pa'o/ /de nas le'u dang po bshad de/ de nas zhes pa ston pa la sogs pa phun sum tshogs pa gnas so/ /'dis dus phun sum tshogs pa bstan pa'o/ /de nas dpal ldan rdo rje 'chang/ /zhes pa zhu ba pos te/ de yang rtogs pa bdag gi dpal dang/ thugs rje gzhan gyi dpal lo/ /don gyi rdo rje chos kyi rgyud dang ldan zhing/ yon tan gyi snang ba rgyu gnyis dang gis gsal de mi 'bral ba'i/ /gdul dka' 'dul ba rnams kyi mchog ces pa/ ston pa'i sprul pa gong ma'i 'phrin las te/ thabs ma 'gags pa'o/ /dpa' bo 'jig rten gsum las rgyal zhes pa/ 'jig rten gsum gyi nyon mongs pa dang sdug bsngal 'jems shing/ rang la de'i skyon gyi ma gos shing/ 'khrul snang gi ye shes su snang ba'o/ /de ltar 'khor ba 'joms nus pa ji lta zhe na/ rdo rje yin pa dang/ dbang phyug yin pa dang/ gsang ba'i bdag po yin pas gong ma las rgyal zhes pa'o/ /pad+ma dkar po rgyas 'dra'i spyan zhes pa zhu ba pos don mdzad pa ni/ gang la gang 'dul mkhyen te/ /spyan lnga dang ldan pas don mdzad kyang skyon gyis ma gos pa? pad+ma lta bu'o/ /pad+ma rgyas pa'i gdan la bzhugs zhes pa 'dis gnas phun sum tshogs pa ston to/ /bya rgod 'phung po'i ri la skyon med pa'i dgongs pa la gnas zhes bya'o/ /rang gi lag gi rdo rjes chog ces pa/ /don gyi rdo rje yong ba'i rtags su phyag mtshan rdo rje bsnams pa'o/ /yang dang yang du gsor byed pa/ zhes pa ni khams gsum gyi nyon mongs pa dang/ nyon mongs pa thams cad zil gyis gnon pa'o/ /khro gnyer rim pa ldan la sogs zhes pa de dang/ tshul mthun pa 'khor phun sum tshogs pa'o/ /lag na rdo rje mdza' yas pa/ zhes pa de'i 'khor rigs 'dzin pa sprul pa'i 'khor bgrang ba las 'das pa'o/ /dpa' bo gdul dka' 'dul ba po zhes pa 'khor de rnams kyang ma rig pa dang log rtog 'joms nus pa'o/ /'jigs su rung ba'i dpa' byed can/ zhes pa bdud dang srin po zil gyis gnon pa'i mdangs dang ldan pa'o/ /rdo rje zhes pa rig pa'o/ /rtse mo zhes pa ye shes so/ /'phro zhes pa ma 'gags pa'o/ /rang gi zhes pa rig pa'o/ /lag gi zhes pa yon tan gyi rtsal lo/ /gsor byed pa zhes pa thugs rjes 'gro don mdzad pa'i/ /snying rje che dang zhes pa mdzad pa dang bcas pa'i snying rje ma yin te/ mdzad pa med pa'i thugs rje chen po'o/ /de yang gang las 'byung zhe na/ shes rab dang zhes bya ste/ phyogs lhung med pa'i shes rab bo/ /thabs kyi 'gro don byed pa'i mchog ces pa bya btsal mi mnga' ba'i ye shes lnga byung nas sku gnyis su gyur te/ 'gro ba'i don mdzad pa'o/ /de yang gzhan las spags pa'i don bya btsal las 'das pa'i sku dang ye shes mtshon pa'o/ /dga' mgu rangs pa'i bsam pa can zhes pa nyon mongs pa mi mnga' bar dgyes pa'o/ /khro po'i lus kyi gzugs ldan pa zhes pa ni/ thabs ma 'gag pa'i skur de ltar yang snang ba'o/ /sangs rgyas phrin las byed pa'i mgon zhes pa ste/ tshad med pa bzhi 'am phrin las bzhis sems can skyed pa'o/ /lus btud rnams bang ldan cig pa zhes pa/ de'i 'khor dang bcas pa sten pa la bstod cing/ mos pa bskyed pa'o/ /de bzhin gshegs pa bcom ldan 'das zhes pa dang/ rdzogs sangs rgyas la phyag 'tshal nas/ zhes pa ston pa la 'khor rnams kyis so/ /thal mo sbyar ba byas nas ni/ zhes pa zhu ba po'i lus kyi 'dug tshul lo/ /spyan sngar 'dug ste 'di skad gsol zhes pa ston pa'i drung du zhu ba po 'dug ste/ zhu ba dbul ba'o/ /ji skad 'bul zhe na/ khyab bdag ces pa ston pa bdag la phan pa dang zhes zhu ba po la'o/ /bdag don zhes pa bdag la mi dgos kyang gzhan mos pa skyed pa'i ched du tshul bstan pa'o/ /bdag la thugs brtse'i phyir/ zhes pa ston pa de zhu ba po la byams thugs dang ldan pa'o/ /sgyu 'phrul zhes pa ma rig pa dang sems so/ /dra ba zhes pa gnyis su med pa'o/ /mngon zhes pa da ltar gsal ba'o/ /rdzogs zhes pa sku la che ba rdzogs pa'o/ /yang na rig pa la ye shes rdzogs pa'o/ /byang chub ces pa rig pa'i ye shes so/ /ci nas bdag thib mdzad ces pa/ ston pa'i thugs rje dang thabs kyis bdag gi don rang la yod pas de rtogs shing thob par mdzad du gsol zhes pa'o/ /nyon mongs pas ni sems dkrugs shing/ /mi shes 'dam du bying ba yi/ /sems can kun la sman pa dang/ /bla med 'bras bu thob bya'i phyir/ /zhes pa 'gro drug dug lnga dug gsum gyis zin pa la ye shes kyi skyabs dam pa mdzad du gsol zhes pa ste/ gzhan don du zhus pa'o/ /gang la zhus she na/ rdzogs pa'i sangs rgyas bcom ldan 'das la'o/ /de'i phyir na 'gro ba'i bla ma ston pa po zhes pa ci ste zhe na/ dam tshig chen po de nyid mkhyen/ /dbang po bsam pa mkhyen mchog gi zhes pa'o/ /de yang don spyod yin zhes pa'o/ /bcom ldan 'das kyi ye shes sku/ /gtsug tor chen po tshig gi bdag /ye shes sku ste rang byung ba zhes pa/ ston pa'i sku bag chags kyi dngos pa can min te 'od kyi sku yin la/ sku de la nub pa dang 'gyur pa med de/ tshig gi tshigs thams cad kyi mnga' bdag go /ci'i phyir zhe na/ ye shes sku ste rang 'byung ba zhes ba'o/ /de ni ston pa phun sum tshogs pa'i bdag nyid do/ /'jam zhes pa rig pa'o/ /dpal zhes pa rig 'dzin gyi sa'o/ /ye shes zhes pa longs sku'o/ /sems dpa' i zhes pa sprul pa'i sku'o/ /ming ni yang dag brjod pa'i mchog ces pa/ de'i don mtshan tshig la brten te/ gcod cing mtshon pa'o/ /don zab pa zhes pa sgro 'dog mi nus shing/ skur pa gdab mi nus te/ gzhan gyi blos dpag par dka' bas so/ /don ni rgya che zhing zhes pa dang po'i gnas lugs/ bar du 'khrul lugs/ tha ma grol lugs la sogs pa ston pa'o/ /don chen mtshungs med rab zhi ba zhes pa/ gzhi dag pa chos kyi sku la 'bras bu dag pa shes rab rig pa'i sku lngas brgyan pa de'i gong na gzhan med pa gzhan gyis mgran zla med pa'o/ /thog ma bar dang mthar dge ba zhes pa/ dus gsum du bzang por gnas pa'o/ /ci ste zhe na/ 'das pa'i sangs rgyas rnams kyis gsungs/ /ma 'ongs rnams kyang gsung 'gyur la/ /da ltar byung ba'i rdzogs sangs rgyas/ /yang dang yang du gsungs pa gang/ zhes pa'o/ /rgyud chen sgyu 'phrul dra ba las/ zhes pa/ ngon gyi rgyud chen po rig pa'i ye shes gnyis su med pa las so/ /rdo rje 'chang chen gsang sngags 'chang zhes pa dang la rdo rje sems dpa' sku gsung thugs kyi bdag nyid don gzhan las khyad par 'phags pa gong bzhin rig pas skal pa dang ldan pos/ dpag med rnams kyi dga' bzhin du/ zhes sangs rgyas bsam gyis mi khyab pas gsungs so/ /glur blangs gang lags bshad du gsol/ zhes zhus pa/ thugs las ni bkrol/ mgur gyi dur par dril te/ ljags kyi dbang po la bkram nas gsungs pa gang lags par ston bas bdag la gsungs zhes pa'o/ /mgon po rdzogs sangs rgyas kun gyi/ /gsang 'dzin can nas bdag 'gyur phyir zhes pa bshad pa'i dgos pa'o/ /de yang dus gsum bud+d+ha'i don gyi mtshan nyid sems la 'dzin te/ ci ste bdag kyang de ltar 'gyur ba'i phyir na'o/ /nges par 'byung gi bar du 'di zhes pa/ don ci tsam gsung gi bar du'o/ /bdag gi bsam pa brtan por gzung/ zhes pa zhu ba bos gsungs pa'i don thugs la 'chang pa'o/ /nyon mongs ma lus bsal ba dang/ /mi shes ma lus spang ba'i phyir zhes pa gzhan gyi don gyi dgos pa'o/ /de'i phyir na/ bsam pa'i khyad par ji bzhin du/ sems can rnams la bshad par 'tshal zhes gsungs te/ 'gro ba'i blo dang mos pa'i khyad par dang sbyar nas don mdzad ces pa'o/ /gsang dbang lag na rdo rje yis zhes pa zhu ba pos so/ /de bzhin gshegs la de skad du/ zhes ston pa po la'o/ /gsol nas zhes pa dgongs skad de/ /thal mo sbyar ba byas te zhes pa/ zhu ba'i tshul gyi spyod pa'o/ /de nas zhes pa dgongs skad zhus nas so/ /bcom zhes pa bdud bzhi bcom pa'o/ / ldan zhes pa sku dang ye shes su/ shA zhes pa ston pa rdo rje sems dpa' i sprul pa thub pa drug gdul bya so so la snang ba'o/ /kya zhes pa sprul sku re res don re re mdzad pa'o/ /thub ces pa/ thugs rjes 'gro ba'i ma rig pa dang log rtog 'joms pa'o/ /rdzogs pa'i sangs rgyas rkang gnyis mchog ces pa/ gong ma'i ston pa de 'khor rnams kyi nang na mchog tu byung pa'o/ /nyid kyi zhal nas ljags bzang ba zhes pa thugs la dkrol/ /mgur gyi dum par bril/ /ljags kyi pad+ma bkram/ tshems kyi bar nas bshar te don gsungs pa'o/ de yang smra ba'i seng ger gyur pa'o/ /'jig rten gsum po snang byed cing/ /bdud bzhi'i dgra rnams sel byed pa/ zhes pa gong ma'i dgos pa'o/ /sems can rnams kyi ngan song gsum/ /zhes pa sems can las kyi bye brag gis dmyal ba yi dags kyi tshul dang byol song du snang ba'o/ /sbyong bar byed pa'i 'dzum bstan nas/ zhes ston pa'i thugs rjes gong ma bzhin no/ /tshangs pa'i gsung ni snyan pa yis/ zhes pa lha tshangs pa'i gsung lta bur 'gyur ba'i gsung blo rab 'bring la 'tsham pa zhig gsungs pa'o/ /'jig rten gsum po kun bkang nas/ zhes chos thams cad 'chad pa'i ston pa sprul pa'i skus gang ba 'am/ yang na gsung de nyid mi'i gnas su bsgrags pas gzhan du yang de la mi che mi chung bar snang ba'o/ /lag na rdo rje stobs po che zhes pa gang 'dul dka' ba 'dul ba la gzhan yi ges kyi stobs kyis dug lnga 'joms pa'i thugs rje'i stobs kyis 'gro ba sgrol ba'i lhag pa'i mthu can no/ /gsang dbang la ni slar gsungs pa zhes pa thun mong ma yin pa'i dgongs pa la mda' mdzad cing dbang sgyur ba'o/ de la ston pas zhus lan gsungs pa'o/ /snying rje che dang ldan gyur pas zhes pa lag na rdo rje de la'o/ /'gro la phan pa'i don du khyod ces zhu ba pos gzhan don du zhus pa'o/ /ye shes lus can 'jam dpal gyi'o/ /dgos pa ci yod ce na/ ming brjod pas ni don che'o/ /don ji tsam du che zhi na/ dag par byed cing sdig sel ba/ /pa las nyan par brtson pa ni zhes pa/ ston pa pos zhus pa po la'o/ /legs so dpal ldan rdo rje 'chang/ zhes pa rang don du mi dgos kyang gzhan don mthar phyin pas so/ /lag na rdo rje khyod legs so/ /zhes pas khyod kyis zhus pa ma nor zhes pa'o/ /gsang ba'i bdag po de phyir ngas zhes pa bstan pa'i dgongs pa ma yin pa mkhyen cing mnga' bas bdag por 'gyur ba'o/ /de'i phyir khyod la mi dgos kyang gzhan don du bstan zhes pa'o/ /khyod la legs par bstan par bya/ zhes pa lag na rdo rje la shAkya thub kyi mtshan brjod bstan pa'o/ /dngos chos phun sum tshogs pa 'byung ba'o/ /khyod ni rtse gcig yid kyis nyon zhes pa/ ston pa'i gsung la lag na rdo rje nyon cig pa ste ma yengs ma 'phros pa'o/ /bcom ldan de ni legs zhes gsol zhes pa ston pas gsungs pa'i don la zhu ba pos 'khor dang bcas pa dgyes pa'o/ /de nas bco ldan shAkya thub ces pa ston pa'o/ / gsang sngags rigs chen thams cad dang zhes pa sten ba'i rigs 'dzin cing gsang sngags 'dzin 'chang mas pa'i 'khor ro/ /gsang sngags rig sngags 'chang ba'i rigs zhes pa gong ma'i 'khor gyi dbye ba'o/ /rigs gsum la ni rnam par gzigs zhes pa ston pas 'khor gsum la gzigs nas don gsungs zhes pa'o/ /'jig rten 'jig rten 'das pa'i rigs zhes pa 'khor de dag kyang gnyis su 'dus te/ 'jig rten pa dang lha dang mi la sogs pa dang/ 'jig rten las 'das pa phyag na rdo rje la sogs pa'o/ /'jig rten snang byed rags chen dang/ zhes pa don byed nus pa'o/ /phyag rgya chen po'i rigs mchog dang zhes pa/ /de'i nang nas don mchog tu gyur pa'i dgongs pa bya btsal dang bral ba la mos pa'o/ /rigs chen gtsug tor cher gzigs nas zhes pa dang/ 'khor? gyi nang nas shes rab kyi snying stobs dang ldan par rig pa'i ye shes kyi don rtogs nus pa'o/ /'khor gyi nas dbu'i gtsug tor ltar gong du 'gyur ba'i dgongs pa nub pa med pa'o/ /de'i don du nges pa'i don du gsungs pa'o/ /ji ltar gsungs na/ tshig gi bdag por gyur pa'i ston pas tshigs su bcad pa'o/ /de yan chad du le'u dang po'i dgos pa bstan pa'o/ /da ni le'u gnyis pa mi gnas pa'i ye shes chen po rdo rje 'chang gi don bstan te/ gsang zhes pa/ rig pa dngos med kyi ye shes kun gyi thun mong ma yin no/ / sngags shes pa de las lhag pa med de/ don mchog tu gyur pa'o/ /rgyal po zhes pa rtog ma rtogs kyi bye brag gam yon tan gyi snang ba 'khor 'das su shar la/ de 'dus kyang de nyid du 'dus shing grol bas na thams cad kyi bdag po lta bu'o/ /de ci'i phyir zhe na/ drug ldan zhing zhes 'byung ste/ gzhi de sku lnga ngo bo nyid kyi sku dang drug du ldan/ rigs lnga a'i rigs dang drug du ldan/ /yum lnga bdag tu med pa'i yum dang drug du ldan/ dug lnga khong khro dang drug du ldan/ rigs drug dang ldan pa'o/ /gnyis su med par 'byung ba dang/ zhes pa de yang dru pa de rnams dngos su mtshan ma dang bcas par yod pa ma yin te/ yon tan gyi char yod ces bya'o/ /dngos su med pas skyon du mi 'gyur yon tan char yod pas phyir snod nus te/ mi skye chos can zhes 'byung ste/ rang 'byung gnyis med la yon tan 'gag med du gnas pa'o/ /de yang ji ltar gnas na chos nyid chos sku dbyer med pa'i dad na rig pa'i rang gdangs 'byung ba lnga'i bum na shes rab rig pa'i sku lnga sa bon du smin la/ 'bras bur ma smin te/ stong pa ye shes kyi snying po can du gnas pa'o/ /'di gsungs pa zhe na/ de mtshon pa'i thabs sngags kyi sgra ji bzhin pa'o/ /a zhes pa dag pa skyon med de chos nyid yangs pa chen po'o/ /A zhes pa chos nyid de'i glong na chos sku ye nas gnas te/ rgyun gyis rtag pa'o/ /ai zhes ba thugs rje chen po can/ / a'i zhes pa thugs rje rgyun sas rtag pa'o/ /au a'u zhes pa thugs rjes dang po'i rang sar gnyis su med par bsdus pa'o/ /e ai zhes pa mkhyen pa'i ye shes stobs dang ldan pa'o/ /ao aau zhes pa ngo bo skye med mi rtog kyang rtsal dpyod kyi ye shes mi 'gag par phyis 'char nus pa'o/ /aoM adz+nyA na mU rti zhes pa thun mong gi ye shes mnyam pa'i thugs rje dang bcas pa mi 'gyur ba'o/ /nga haM zhes pa thugs rje 'gag med kun la snyoms pa'o/ /de bzhin du sgra'i don khong nas brda'o/ /bud+d+ho bud+d+ha nAM trya d+hwa brti nAM aoM badzra ti k+Shu duna kA ya bA bI shwa ra/ a ra ba tsa na ya te na maste/ rang gi ngo bo skyon gyi mdza' las grol ba'o/ /rdzogs pa'i sangs rgyas a las byung/ zhes pa gzhi skye ba med pa dang bzhin 'gag pa med pa las yon tan gyi snang ba ye shes su 'char te/ rig pa shes rab kyi sku lnga rin po che 'od 'bar ba'o/ / a ni yig 'bru kun gyi mchog ces pa/ dper na a ni yig 'bru thams cad kyi ngo bo yin pa dang 'dra ba rig pa ye shes lnga dang 'byung ba las mchog tu 'gyur pa'o/ /don chen yi ge dam pa yin zhe na/ yi ge a lta bu 'am de la brten pa'i tshig dang ming lta bu ma yin te/ rig pa chos kyi sku rang bzhin gyis rnam par dag pa/ rang 'byung dbyer med kyi don zhes pa'o/ /dper na yi ge a khong nas 'byung ste sgra gzhan gyi gnas lta bu yin pas sgra rang 'byung ngo/ /rang byung yin pas skye ba med do/ /de bzhin du 'khor 'das kyi chos ni gzhi las 'byung la/ gzhi de la rgya rkyen med par rang 'byung ba'o/ /de bas skye ba med do/ /tshig tu brjod pa spangs pa ste/ zhes pa brjod pa las 'das pa'o/ /brjod pa kun gyi rgyu yi mchog ces pa/ de'i yon tan nam rtsal du sgra dang tha snyad thams cad shar ba'o/ /thams cad kyi gzhi rtsa yin zhes pa'o/ /tshig kun rab tu gsal bar byed ces pa/ mtshon bya don gyi gzhi mo de/ /mtshon byed tshig gi sgron ma la brten nas mtshon cing brjod pas na tshig gsal bar ston pa'o/ /mchod pa chen po 'dod chags che/ zhes pa 'di ni ye shes kyi mtshan nyid ston te/ sems can gyi 'dod chags rang rgyud las log ste/ de'i gnyen por rig pa'i shes rab dpyang byed ma 'gag pas so sor rtog pa'i ye shes so/ /sems can thams cad dga' bar byed ces pa thugs rje chen pos rtsol pa byed mi dgos par 'dod chags ye shes su bstan pas gnyis su med de dga' ba'o/ /mchod pa chen po zhe sdang che zhes pa 'gro ba'i nyon mongs pa sel te/ rig pa 'gag pa med de me long ye shes so/ / nyon mongs kun gyi sgra che ba zhes pa nyon mongs pa mi gnas te ye shes ma 'gags pa yin pas so/ /mchod pa chen po gti mug che zhes pa/ rig pa 'byed pa med pa'i shes rab ste/ chos kyi dbyings kyi ye shes so/ /gti mug blo ste zhes pa/ mi rtog pa'i shes rab gcod pa'o/ /gti mug sel zhes pa mi gnas pa'o/ /mchod pa chen po khro pa che/ zhes pa gnyis 'dzin dang bcas pa'i nyon mongs pa mi gnas te/ rang 'byung gi ye shes 'od du gsal ba'o/ /khro ba chen po sgra che ba zhes pa/ ma rig pa'i khong khro 'joms pa'o? mchod pa chen po chags pa che/ /zhes bzag pa med pa'i bde ba'o/ /chags pa thams cad sel bar byed ces pa rtog bcas/ 'dod pa chen po bde ba che zhes ba rang gis rang gi sku dang ye shes rtogs par 'dod pa de rtogs pas bya brtsal las grol ba'o/ / yang na chags pa med pa'i bde ba'o/ /gnyis med kyi don la dgyes shing nyon mongs pa med pa'o/ /gzugs chen zhes pa ye shes kyi spyan lngas kun tu khyab gdal pa'o/ /lus kyang che ba ste zhes pa rin po che'i lus nam mkha' lta bu'o/ /kha rog che zhing zhes pa gzugs yin te/ de nyid kha dog rnam pa lnga dang ldan pa'o/ /lus bod che ba ni gzugs kyi brten nas rin po che'i dbugs so/ /che ba ni lus dang gzugs can las grol ba'o/ /ming yang che zhing zhes pa de'i mtshan no/ /rgya che zhes pa 'dogs shing brjod pa'i lugs mar ba'o/ /dkyil 'khor chen po yangs pa yin zhes pa rig pa'i ye shes dbyings rnam par dag pa'i dang na 'gag pa med par dang gis gnas so/ /shes rab mtshon chen 'chad ba ste zhes pa rtsal dpyod nus bas rang rig rang gsal du rtogs pa'o/ / nyon mongs lcags kyu che ba'i mchog / ces pa gong mas nyon mongs pa ye shes su sgrol zhing gsal ba'o/ /grags chen zhes pa stobs cir yang snang zhing grags pa'o/ /snyan grags chen po ste zhes pa ma byas par mthun par snang ba'o/ /snang ba chen po gsal ba che zhes pa chos nyid rang snang gsal ba/ ma 'gags pa/ yangs/ khyab/ dag/ gsal/ mi 'gyur ba/ stong pa/ chos nyid mtshan nyid drug ldan no/ /mkhas pa sgyu 'phrul chen po 'chang/ zhes pa rig pa dang ye shes don gnyis su med de/ dbyings kyi dang du 'du 'bul 'bral med pa'o/ /sgyu 'phrul chen po zhes pa bzhi'o/ don grub zhes pa ji bzhin ?? rang gi don rtogs pa'o/ /sgyu 'phrul chen po dga' bas dga' zhes pa/ rang la gnas pa'i thig le chen po rtogs pa'i don nyams su myong bste/ mngon du 'gyur bas na'o/ /sgyu 'phrul chen po mig 'phrul can zhes pa shes rab zab mo nyid thabs kyi bye brag ma 'gags pa cir yang snang ba'o/ /sbyin bdag chen po gtso bo ste zhes pa/ thams cad de las 'byung zhing snang ba'o/ /tshul khrims chen po 'chang ba'i mchog ces pa gsung mtshams med pas mi nyams pa'o/ /bzod chen 'chad ba bstan pa po zhes pa/ dgongs pa nyag gcig la nyon mongs pa skye ba'i yul med de mi rtog pa'o/ /brtson 'grus chen po brtul pa yin zhes pa ye nas /byas zin pa'i chos la dgong byar med pa'o/ /bsam gtan chen po'i ting 'dzin gnas zhes pa rig pa rang gi ngo bo mi g.yo ba'i dgongs pa phun chen po gcig go / shes rab chen po'i lus 'chad ba zhes pa/ phyogs lhung med pa'i shes rab rig pa rkyang bar byung ba/ ye shes gzugs kyi sku gnyis kyi rten rin po che'i sbubs so/ /stobs po che la zhes pa 'khor 'das thams cad snang nus pa'o/ /thabs shes rab bya brtsal mi mnga' bar grol nus pa'o/ /smon lam zhes pa/ gzhan la smon du med de/ sku dang ye shes chen po'i yon tan thams cad rang la rdzogs pa'o ye shes zhes pa gzhi gnas kyi ye shes chos kyi sku la mtshan nyid 'dzin pa'i ye shes 'od lngar rang chas so/ /rgya mtsho zhes pa de'i bzhugs gnas dbyings kyi thig le'o/ /byams chen zhes ba byin brlabs kyi sku gnyis 'byung ste 'gro la phan 'dogs pa'o/ /rang bzhin zhes pa rig pa'i snang ba ye shes dang sku mi 'dra ba'i bye brag tu snang ba'o/ /dpag tu med ces pa yon tan stobs la tshad gzung du med pa'o/ /snying rje chen po zlo'i mchog ces pa/ thugs rje 'gag pa med pa'o/ /shes rab chen po zhes pa gzhi'i dgongs pa'o/ / blo cher ldan zhes pa brtsal lo/ /de yang ston pa de dang ldan pa'o/ /mkhas pa chen po thabs che ba/ zhes pa/ shes rab rig pa'i sku'o/ /de yang bya brtsal mi mnga' ba'o/ /rdzu 'phrul chen po stobs dang ldan zhes pa/ shes rab rig pa'i sku las nyid las mi zhen pa'i 'khor 'byin cing/ de las tshom bu lnga sprul pa dang/ yang sprul la soT pa thoT pa med par 'byung nus pa'o/ /shugs chen zhes pa rig pa'i yon tan no/ /mgyogs pa ni skad cig ma la bskyod pa'o/ /chen po ste zhes pa rtsol ba dang bcas pas bgrod du med pa'i/ /de yang rdzu 'phrul chen po cher grags pa zhes pa thabs ma 'gags pa'o/ /stobs chen pha rol gnon pa po ces pa skad cig ma gcig la 'khrul snang ye shes su bsgyur ba'o/ /sprul sku'i sa nas longs skur grol nus la de las mya ngan las 'das pa'i sa non pa'o/ /dngos gad zhe na/ srid pa'i ri bo chen po 'joms zhes bya ste/ srid pa'i ri bo chen po rtogs pas skad cig ma la grol pa'o/ /mkhregs shing rdo rje chen po 'chang/ /zhes pa chos nyid 'gyur ba med pa'i ngad na mi 'bral bar gnas pa'o/ /drag po chen po zhes pa gzhi'o/ /drag shul che zhes pa 'khor ba'i chos can mtshan ma 'joms pa'o/ /'jigs chen 'jigs par byed pa'i mchog /ces pa sprul pa'i sku thub po drug gis 'jig rten drug gi gdug pa can 'dul zhing gzugs 'dzin 'joms pa'o/ /mgon po zhes pa rdo rje sems dpa' o/ /rigs mchog chen po ste zhes pa sprul pa'i sku drug ston pa'i rigs 'dzin pa'o/ /mchog ni 'dul byed kyi thabs de las lhag pa med do/ /yang na mthun pa'i sems can las snang ba'o/ /bla ma gsang sngags tshe ba'i mchog ces ba gong ma'i sku drug pa de 'gro ba drug gi don du chos 'chad de/ de yang nges pa'i don gtso cher sngags 'chang par 'gyur ba'o/ /des na 'gro ba'i bla ma'o/ /theg pa chen po'i tshul la gnas zhes ba bya ba rtsal bar sku dang ye shes kyi don la gnas pa'o/ /theg pa chen po tshul gyi mchog ces pa theg pa chen po'i nang nas mchog tu gyur pa'o/ /de yan chad le'u gnyis pa'i don bshad pa'o// //da ni ngo bo stong pa nyid kyi don 'chad de/ sangs rgyas rnam par snang mdzad che zhes pa shes bya ngo bos stong pa nyid chos kyi dbyings kyi ye shes te/ de'i mtshan nyid 'dzin pa'i 'od mthing ka'o/ /de'i don gyi sku rnam par snang mdzad rig pa'i sku lnga zhal phyogs bcur gzigs pa gcig tu shar te/ de'i snang ba longs sku'i dkyil 'khor gsal ba nas de longs sku'i gtso bor gyur pa'o/ /thub pa chen po thub chen ldan/ zhes ba 'khor gyi sprul pa'i sku drug gis don byed nus pa'i thugs rje'o/ /gsang sngags tshul chen las byung ba zhes pa don gong ma de sngags kyi tshul yin gzhan gyis rtogs par dka' zhes pa'o/ /gsang sngags tshul chen bdag nyid can zhes pa gsang sngags don gyi ngo bo'i bdag por gyur pa'o/ /pha rol phyin bcu thob pa ste zhes pa/ rtsol ba dang bces pa'i pha rol tu phyin pa ni ma yin te/ 'o na gang zhe na/ khams gsum gyi chos la mi gnas pa dang/ 'jug sgo med pa dang/ brjed pa med pa dang/ 'gran zla med pa dang/ g.yo ba med pa dang/ shes rab chen po yin pa dang/ bya brtsal mi mnga' ba dang/ skad cig ma la 'char bskyod nus pa dang/ yon tan thams cad rang la rdzogs pa dang/ ye nas ye shes chen po'i don la 'du 'bral med pas 'thob cing gnas pa'o/ /pha rol phyin pa bcu la gnas zhes bya'o/ /pha rol phyin bcu dag pa ste zhes pa/ 'og ma pa'i pha rol tu phyin pa bcu re dogs dang rtsol ba dang bcas pa de mi gnas pa'o/ /pha rol phyin pa bcu yi tshul zhes pa don gyi gnas lugs yon tan de ltar snang ba'o/ /mgon po zhes pa sgrul pa'i sku rnams so/ /sa bcu'i 'bar phyug ni sangs rgyas kyi sa nas thugs rje ye shes shar te/ 'gro ba'i don du byang chub sems dpa' sa la gnas pa don gzhan la sems pa'i sems dpa' o/ /dbang phyug ces pa thams cad kyi mda' bdag go /sa bcu la ni gnas pa po zhes pa sprul pa'i sku bag chags kyi lus can de ji ltar gnas na/ rtog pa rgyud la skyes pa'i dus na mes pa spyod pa'i sa pa yin no/ /bla mas? ji bzhin pa rnam pa bzhi'o/ /ngo sprod bzhi dang bcas pas bsngams pa bsgrags pa'i cho sku dang ye shes dang bcas gnas pa de mthong bas rab tu dga' ba'o/ /gdeng dang ldan bas the tsom med de dri ma med pa'o/ /sems dang ye shes phyed de sems rig dbang du 'dus pas mtshan ma zil gyis non nas de gzhan la ston pa rag ma lus tsam na 'od gsal ba'o/ /gzhan don mthar phyin pa ni 'od 'phro ba'o/ /de yang ma rtogs pa drug lnga dug gsum spyang dka' yang rtogs pa khyad par can rgyud la skyes pa ni dug lnga dug gsum ye shes lngar grol ba'o/ /de ni sbyang dka' ba'o/ /drug pa mngon du gyur pa ni sbubs gsum dang sku gsum gyi don ji lta ba bzhin du shes pa'i/ /bdun pa ring du song ba ni zag bcas kyi 'bras bu can las grol ba'o/ /brgyad pa mi g.yo pa ni 'byung ba dangs snyigs phyed pa'o/ /dgu ba legs pa'i blo gros ni dgos pa dang las 'byung ba'o/ /bcu pa chos kyi sprin ces pa chos la dbang thob pa'o/ /sa ni gces ste man chad shes pa'i nyams la brtsis pa'o/ /bcu gcig yan chad de'i snang ba'i rtsal lo/ /don de la gnas pa ni/ sa bcu la ni gnas pa po zhes bya'o/ /shes bcu ni sa bcu ngar?? pha rol tu phyin pa bcu dang gong bzhin shes pa'o/ /rnam dag ni de rnams kyi mtshan ma la mi gnas pa'o/ /bdag nyid chen po zhes pa ni/ rig pa thams cad kyi mdza' bdag tu 'dug pa'o/ /shes bcu'i rnam dag 'chad ba po ni don do dang mi 'bral zhes pa ste/ sa dang pha rol phyin pa nges pa'i don du bstan pa gong ma'o/ /rnam pa bcu po don bcu'i don zhes pa 'byung ba'i dangs ma lnga dang/ snyigs ma lnga'i don rig pa'i mtshan nyid dang ye shes kyi rang gdangs dang lnga lnga snang ba'i don to/ /thub ces pa drug ste sprul pa'i sku'o/ /dbang zhes pha zhing drug la so sor mnga' mdzad pa'o/ /stobs bcu zhes pa shes rab kyi stobs lnga lnga yab yum du snang ba'o/ /khyab ces pa chos skus so/ /bdag ces pa rig pa'i ye shes sku gsum du snang ba'o/ /kun gyi don ni ma 'dus? byed ces pa sprul pa'i sku drug gis so/ /rnam bcu dbang ldan che ba'i mchog ces pa rigs lnga yab yum rig pa'i sku lnga la yod la/ de'i dbang dang rig pa lan de de'i gong na gzhan med pas so/ /thog ma med pa zhes pa chos nyid dang ye shes la dus mad nge nas gnas pa'o/ /spros med bdag ces pa gzhil sbros pa'i chos mi gnas pa'o/ /'o na ji ltar gnas she na/ de bzhin nyid dag dag pa'i bdag ces pa 'dis ston te/ chos kyi phyi nang med pa'i ye shes zhi ba ngo bos stong pa dang/ ye shes 'gag pa med par gsal ba'i bum pa ldan rig pa shes rab kyi sku lnga ma 'dres par yongs su rdzogs par gnas so/ /ma rig pa dang log rtog dang gis bcom nas bdag med pI bdag nyid chen po lhun gyis grub bO/ /bden par smra zhing tshig mi 'gyur zhes pa la nyes pa zad pas brdzun mi smra ste/ rgyu med pas so/ / 'gag ma nor bar gsal zhing gsungs pa'i don mi 'gyur ba'o/ /ji skad smras pa de bzhin byed ces pa gsungs pa'i don dang mthun par spyod pa'o/ /ji skad gsungs she na/ gnyis med gnyis su med par stan pa ste/ de yang gnyis pa na bzhi'o/ /gnyis su med par ston pa'o/ /yang dag mdza' la rnam par gnas zhes pa rin po che'i sA? bas na sku gnyis nang gsal du gnas pa'o/ /bdag med ces pa rin po che'i sku la bag chags kyi bdag med pa'o/ /seng ge'i sgra dang ldan zhes pa de ltar ma rtogs pa'i log lta can zil gyis gnon pa'o/ /log lta can gang zhe na/ mu stegs ri dags ngan 'jigs byed ces pa ste/ mu stegs ni rtag chad gnyis so/ /ri dags ni nyan thos la sogs pa'o/ /'jigs pa ni don gong ma la'o/ /kun tu 'gro ba don yod stobs zhes pa/ chos kyi dbyings kyi ye shes te/ shar yang de nyid du shar la/ grol yang de nyid du grol ba'o/ /de yang don ni rig pa'o/ /yod mi rig pa las yon tan du snang ba'o/ /stobs zhes pa nad ka de des 'byung ba'o/ /de bzhin gshegs pa'i yid ltar mgyogs pa ni ma 'gags pa'i shes rab dbugs med pa'i rgyu ba dang ngo/ /rgyal ba zhes pa longs sku'o/ /rnam rgyal zhes pa tsom bu'o/ /dgra las rgyal zhes pa dug lnga dug gsum la sogs pa mi mnga' ste/ 'khor ba las grol ba'o/ /'khor los sgyur pa zhes pa yi ge drug pa'i ngo bo/ stobs po che zhes pa sprul pa'i sku drug skyes na 'gro drug gi nyon mongs pa las grol zhing mtshan ma bril gyis gnon pa'o/ /tshogs kyi slob dpon tshogs kyi bag ces pa 'gro drug gi slob dpon thub pa drug /thub pa drug ni rig drug gi nang na mchog tu gnas pa'o/ /tshogs rje zhes pa ni rig pa'o/ /tshogs bdag ni 'khor 'das kyi gtso bo ste rig pa dang ye shes so/ /dbang dang ldan pa ni de las thos thams cad spros shing sdud pa ste/ mthu chen ces pa 'dzin pa ste ces pa rig pa dngos med kyi ye shes gdos pa can gyi chos yin te/ yon tan gyi sgo yangs pa thams cad kyi mda' bdag tu gyur pa'o/ /tshul chen gzhan gyi drid mi 'jog ces pa/ rig pa rang 'byung gi ye shes rgyu rkyen gzhan la rag ma lus pa'o/ /tshig rje tshig bdag smra mkhas pa zhes pa/ chos thams cad kyi bdag po tshig thams cad kyi 'byung gnas rig pa yin pas de'i don ma nor bar gsungs pa la mkhas pa zhes bya'o/ /tshig la dbang ba ni 'khor gyi bye brag dang sbyar nas chos stan pa'o/ /tshig mdza' yas pa ni theg pa sna tshogs so/ /tshig bden bden par smra ba ni ston pa'o/ /bden pa bzhi ni ston pa po zhes pa/ chos sku longs sku sprul sku dang/ thugs rje 'od zer gyi sku dang bzhi'o/ /de bzhin sku mi brdzun te nges pa'o/ /phyir mi ldog pa phyir mi 'ong zhes pa/ dang po bzhi'i dus na sa bon gzhi rdzogs su bzhugs pa las sbyi rtsal gyi dus su 'bras bu sku smin te/ phyir 'bras bu rgyud mi ldog pa'o/ /'dren pa rang rgyal bse ru'i tshul/ zhes pa thugs rje dang thabs ma 'gags pa sna tshogs su bstan pa yang don thig le nyag gcig go /nges 'byung sna tshogs las byung ba/ zhes pa rig pa las ye shes shar te/ rtogs ma rtogs kyis sna tshogs su snang ba'o/ /'byung ba chen po sgyu gcig po zhes pa ye shes kyi 'byung ba lnga rig pa'i yon tan las shang ba'o/ /dge slong dgra bcom zag bzang ces pa rnam par mi rtog pa'i ye shes rang bzhin gyis dag pa'o/ /'dod chags bral bas dbang po thul zhes pa/ sems can gyi nyon mongs pa mi mnga' ba ste/ rdo rje dang pad+ma mi gnas pa'o/ /bde ba rnyed pas 'jigs med thob ces pa chos sku bya brtsal las 'das ba rang bcas su rtogs pas 'khor ba la nyam ming ba'o/ /bsil bar gyur pas rnyog pa med ces pa sku gsum rnam par dag pa'o/ /rig pa dang ni rkang par ldan zhes pa rang snang rtogs shing thabs ma 'gags bas skad cig mal? grol nus pa'o/ /bde gshegs 'jig rten rig pa'i mchog / ces pa lus bar pa nas chos kyi spyan nam mkha' las nyi ma shar ba lta bur gyur pa'o/ /bdag gir mi 'dzin dang mi 'dzin ces pa gong bzhin rnam pa thams cad mkhyen yang/ gnyis 'dzin med de dbugs can min pas so/ /bden pa gnyis kyi tshul la gnas zhes pa yang chos sku rin po che'i spubs bden/ mang sprul sku bag chags kyi sbubs bden te/ gnyis snang yod la gnyis 'dzin med pa'o/ /dngos longs sku'o/ /'khor ba'i pha rol mthar son pa zhes pa lus bad pa'o/ /mthar son pa zhes pa mya ngan las pa'o/ /bya ba byas pa skam sar gnas zhes pa/ lus bar pa nas sangs rgyas kyi mdzad pa mdzad de/ de nas mya ngan las 'das pa'o/ /ye shes 'ba' zhig las byung ba zhes pa 'khor 'das thams cad ye shes kyi rtsal lo/ shes rab mchog chen rnam 'joms pa zhes pa shes rab can gyis de ltar rtogs pa'i dus na/ 'khor 'das gnyis sam gzung 'dzin gnyis mi gnas pa'o/ /dam chos chos rgyal gsal bar ldan zhes pa sprul pa'i sku drug go /yang na gzhi la 'khor 'das kyi tshogs gnyis yon tan du snang ba'o/ /'jig rten snang bar byed pa'i mchog ces pa rtsal 'jig rten du snang ba 'am 'jig rten gyi 'gro ba la sku dang ye shes snang bar byed pa'i mchog go /chos kyi dbang phyug chos kyi rgyal zhes pa/ sangs rgyas kyi sprul pas chos la dbang thob ste mdza' mdzod pa'o/ /legs pa'i lam ni ston pa bo zhes pa sprul skus 'gro ba la dbang bo rab 'bring tha ma la grol thabs bstan pa'o/ /don grub bsam pa grub pa ste zhes pa/ sprul pa'i skus sems can gyi don grub pa ste/ ma nu'i sems la sogs pa shes pas bsam pa bsgrub nus pa'o/ /kun tu rtog pa thams cad spangs zhes pa thugs kyi dgongs pa mi g.yo ba'o/ /rnam par mi rtog dbyings mi zad ces pa dbyings mi g.yo mi 'gyur pas na'o/ /chos dbyings dam pa zad mi shes zhes pa de'i ngang nas yon tan 'byung ba rin po che'i sku las/ snang grags thams cad shar yang chos nyid las skye ba dang 'gag pa med pa'o/ /bsod nams ldan pa bsod nams tshogs zhes pa bzhi chos kyi sku la ma bsags pa tshogs gnyis rdzogs te/ yon tan gyi rtsal 'byung ba lnga ye shes su gsal zhing de ltang grub pa ni yis kyi tshoT mis bsod nams kyi tshogs so/ /ye shes ye shes khyad par che zhes pa zhi gnas kyi ye shes dang mtshan nyid 'dzin pa'i ye shes kyi khyad par bstan pa'o/ /de yang zhi gnas las mtshan nyid 'dzin par shar la/ de las de drung pa'o/ /de las de 'phaT ba'o/ /ye shes ldan pa yong med zhes pa/ yon tan gyi snang ba gzhi la grub tshul brtsi ba'o/ /tshogs gnyis tshogs ni bsags pa po zhes chos sku dang gzugs sku gnyis 'du 'bral med par rtogs pa'o/ /rtag pa kun rgyal rnal 'byor can zhes pa 'gyur ba med pa'i dgongs pa'o/ /bsam gtan bsam bya blo ldan mchog ces pa/ bsgom bya sku dang ye shes sgom byed rig pa'i rgyal po gnyis kyi 'brel so brtsis pa'o/ /so so rang rig gi g.yo ba zhes pa rig pa'i rtsal so song rdzogs pa'i dus na/ so sor rig ste grol ba'i dus ma yang rin chen sbubs na dgongs pa so sor gnas pa'o/ /deng shes pa gnas 'gyur gyi ye shes med de/ rig pa zang thal yin pas na'o/ /mchog gi dang po sku gsum 'chang zhes pa rin po che'i sbubs la sku gsum nang na gsal lo/ /sangs rgyas sku lnga'i bdag nyid can zhes pa chos kyi sku'i sprul sku'o/ /khyab bdag ye shes lnga yi bdag ces pa longs sku'i lus so/ /de yang yum lnga'i nang nas so/ /sangs rgyas mnga' bdag cod pan can zhes pa gzhi la grub ste/ lha dan gyi ngo bo la snang tsam na/ he ru ka lnga dbu rgyan du gnas pa'o/ /'gro ba 'dul pa'i skabs na/ he ru ka'i dbu rgyan rigs lnga'o/ /spyan lnga chags pa med pa 'chang zhes pa 'chang zhes pa longs sku spyan lnga dang ldan te mi gnas pa'o/ / sangs rgyas thams cad bskyed pa po zhes pa rig pa las rnam snang la sogs pa shar te/ de dag la sogs pa thams cad rig pa las 'byung zhes pa'o/ /sangs rgyas sras po dam pa'i mchog ces pa gzugs sku'i sangs rgyas thams cad chos sku'i sras te/ dbyer mi phyed pa'o/ /de las gzhan po mi gnas so/ /zhes pas srid 'byung skye gnas med ces pa/ gong ma'i don rtogs pas srid pa gsum dang skye ba bzhi'i rgyu ma rig med pa'o/ /chos las 'byung ba srid pa sel ces pa/ mtshan ma phra rags rtog pa rtsing zhib las snang ba'o/ /srid pa rtogs pas mi gnas pa'o/ /gcig pu sra mkhregs rdo rje'i bdag ces pa chos las grol nas chos 'gyur pa med pa'i gdan la sku zang thal chen pa'i dang na rin po che'i 'od 'bar lnga'i rang bzhin rig pa'i bdag nyid chen por gnas te phyir 'gyur mi srid do/ /skyes ma thag par 'gro ba'i bdag ces pa/ shes rab ye shes me bo che zhes pa phyogs lhung med pa'i shes rab las rtsal ye shes kyi me chen po lngar gsal pa'o/ /skyes ma thag pa'i 'grel pa 'di yin thams cad rang snang yin zhing rang shar bas slar yang grol ba'o/ /nam mkha' las byung rang byung ba zhes pa/ rig pa nam mkha' lta bu las ye shes kyi snang ba lnga chos nyid nam mkha' lta bu la shar pa'o/ /shes rab ye shes gong du bshad/ 'od chen rnam par snang bar byed ces pa/ ye shes kyi me de ye shes rang 'byung yin la/ kha dog kyang mthing kha la sogs pa lngar gsal zhing de'i snang ba la rtogs ma rtogs kyis 'khor 'das su shar ba'o/ /ye shes snang ba lam me ba zhes ba ye shes lnga'i snang ba ma 'gags pa'o/ /'gro ba'i mar me ye shes sgron zhes pa/ gong ma'i ye shes kyi snang ba de/ 'gro ba'i rtags kyi ye shes kho na yin zhes pa/ phyogs gcig ni sprul pa'i sku drug gis 'gro ba'i don byed pa la zer ro/ /gzi brjid chen po 'od gsal pa/ zhes pa rig pa'i ye shes kyi 'khor 'das zil gyi gnon cing nge po mi 'gag pa'o/ /sngags mchog mnga' bdag rig sngags rgyal zhes pa/ sngags kyi nang nas kyang gzhan las lhag pa'i don no/ /rang gi snang ba ma 'gags cir yang snang bas/ rig pa ni thams cad kyi bdag po ste mnga' mdzad pa'o/ /gsang sngags rgyal po don chen byed ces pa rig pa'i ye shes de yon tan gyi snang ba mi 'gag pa'o/ /gtsug tor chen po rmad byung gtsug ces pa rig pa'i ye shes thams cad kyi bdag po nub pa med pa rgyal mtshan gyi rtse mo lta bu'o/ /nam mkha' i bdag po sna tshogs ston zhes pa rig pa'i ye shes kyi stobs ma 'gags pa'o/ /sangs rgyas kun gyi sku'i mchog ces pa gzugs thams cad kyi sku ni ye shes phung po lnga yin la/ de'i sku rin po che'i sku'o/ /'gra cun dga' ba'i mig dang ldan zhes pa ye shes kyi spyan ma 'gags pa chos kyi spyan du shar la/ chos kyi spyan ma 'gags pa/ chos kyi spyan du shar la/ chos kyi spyan ma 'gags pa/ shes rab kyi spyan du shar nas/ 'gro ba'i gcong byed ma 'gags pa'o/ /sna tshogs gzugs can skyed pa po zhes pa'i ba'i rtsal ye shes kyi sku rin po che 'od 'bar ba ldang snang la snang ba ma rtogs pa 'gro drug gi lus du mang snang bar/ drang srong che dgus mchod cing brjod ces pa dus gsum gyi sangs rgyas kyi de'i don gyi che ba dang yon tan ji ltar snang ba ltar gsungs pa'o/ /rag gsum 'chang ba gsang sngags 'chang zhes pa sku bzhi sku gsum thugs dang ldan pa'o/ /de yang mchan ma'i yi ge gsum mo/ /dam tshig chen po gsang sngags 'dzin ces pa rig pa'i ye shes gsang sngags thams cad kyi rtsa bar gyur pa'o/ /de yang sku dang ye shes las mi 'da' zhing/ de'i gsang sngags aoM Apa gtso po de 'khor rnams la'o/ /don yong zhags pa rnam pa brgyal zhes pa thugs rjes 'gro don mdzad cing rang mtshan ma'i chos las grol ba'o/ /'dzin pa chen po rdo rjes zhabs zhes pa chos sku dang gzugs sku gnyis ma bzung ba ste/ 'du 'bral med pa'i dgongs pa'o/ /rdo rje lcags kyu zhags pa che zhes pa/ /thugs rje 'gyur ba med pas zhing dag pa nges pa'i sa la 'dzin cing thugs rjes chos nyid kyi don la sbyor ba'o/ /de yan chad du le'u gsum pa'o// //shes bya ngo bos tong ba chos kyi dbyings kyi ye shes kyi don bstan pa'o/ /da ni le'u bzhi pa gzhi 'gags pa med pa'i me long ye shes kyi don bstan pa'o/ /rdo rje 'jigs byed 'jigs par byed ces pa chos kyi sku rdo rje lta bu ni dang bo rgyu med pa/ tha ma rkyen med de mi 'gyur ba nam mkha' lta bur gnas te mtshan ma zil gyis gnon te gzung 'dzin gyi rtog pa 'joms pa'o/ /khro bo'i rgyal po gdong drug 'jigs zhes pa gzugs kyi sku khro bo ltar bcos pa ni min te chos kyi sku dang dang gis khro bas gzung 'dzin 'joms pa'o/ /de yang zhal phyogs jug gam bcung zad thal bar gzigs pas phyogs drug dang bcu'i mtshan mar mi gnas te/ yum gyi b+ha ga la bde ba klong gcig tu 'khyil cing zad thal ba'o/ /mig drug lag drug stobs dang ldan zhes pa phyogs drug drang thal du gsal zhing/ ye shes lnga mi gnas pa'i ye shes dang drug ma 'gags pa'o/ /keng rus mche ba gtsigs pa po zhes pa rig pa 'gag pa med pa'i ye shes kyis ma rig pa dang log rtog gzung 'dzin la sogs pa dang gis bcom zhing 'tshal ba'o/ /ha la ha la zhes pa mtshan ma tshogs nas ma lus 'dzems pa lta bu ni ma yin te/ rig pa'i stobs kyis 'joms ba'o/ /gdong brgya pa zhes pa rig pa'i ye shes kyi yon tan cir yang snang ba'o/ /gshin rje gshed pa bgegs kyi rgyal zhes pa chos kyi sku rig pa dngos med kyi ye shes kyi 'khro ba'i chos bcom ste/ ma dag pa ka nas dag gzung 'dzin ka nas dag / thams cad la mda' mdzad pa'o/ /de ci'i phyir zhe na/ rdo rje shugs 'chang 'jiT byed pa zhes pa 'byung ste/ chos sku ngam ngam shugs kyis mtshan ma dang bral ba'o/ /rdo rje grags pa rdo rje'i snying zhes ba chos sku 'gag pa med pa'i me ler? nyur dbur? gnas pas 'khor 'das su snang zhing grags pa ste/ don rdo rje lta bu'i chos sku 'gyur ba medpar gnas pa'o/ /sgyu 'phrul chen po gsus po che zhes pa thabs 'gag pa med pa'i ye shes dang/ shes rab 'gyur pa med pa'i chos nyid gnyis dbyer mi phyed do/ thams cad yon tan du gzhi la byung ba'i de las byung ste/ thim yang de la thim pa'o/ /thams cad kyi 'byung gnas so/ /rdo rje las skyes rdo rje'i bdag ces pa/ sku gnyis chos sku las byung zhing chos sku dang dbyer med pa'o/ /rdo rje snying bo mkhas 'dra ba zhes pa 'gyur ba med pa'i snying po 'gag pa med par gsal te dper na nam mkha' ltar gnas pa'o/ /mi g.yo ral pa gcig gis bsgyings zhes pa chos nyid 'gyur ba med pa las/ ye shes 'gag pa med par gsal te/ cir snang cing gsal yang don thig le nyag gcig tu gnas pa'o/ /glang chen ko rlon gos su gyon zhes pa chos nyid 'gyur ba med pa'i ngang la gnas pa'o/ /grags chen ha ha zhes sgrogs pa zhes pa/ rang byung gi ye shes la gsung 'gag pa med pa'o/ /hi hi zhes sgrogs 'jigs par byed ces pa 'gag pa med pa'i thugs rjes mtshan ma zil gyis gnon pa'o/ /gang mo chen po gang rgyangs can zhes pa 'jig rten pa'i gad mo ni ma yin te/ chos nyid kyi don la gnyis su med par bzhang cing rang 'byung ma 'gags pa'o/ /rdo rje gad mo cher sgrogs pa zhes pa/ don ma bya rtsal las 'das par gsungs pa'o/ /de sus gsungs she na/ rdo rje sems dpa' sems dpa' chen zhes 'byung ste ston pa de lta bus so/ /rdo rje rgyal po bde ba che zhes pa chos sku bya rtsal las 'das pa'o/ /rdo rje drag po dga' ba che zhes pa mtshan ma dang gis dag ste/ don gnyis med pa'o/ /rdo rje hUM sde hUM chen sgrogs zhes pa/ chos yis lnga dang ldan la thing dang ldan pa'i rtsal gyis mi 'gags ces pa'o/ /mtshon du rdo rje mnga' thogs pa zhes pa rig pa 'gag pa med pas mtshan ma'i gzung 'dzin 'bigs pa'o/ /rdo rje ral gri ma lus gcong ces pa ma rigs la sogs pa chos nyid la dang gis mi gnas pa'o/ /rdo rje kun 'chang rdo rje can zhes pa rig pa yon tan thams cad kyi mda' bdag ste/ don dbyer med pa'o/ /rdo rje gcig pu g.yul sel ba zhes pa chos sku nyag gcig la bzung 'dzin mi mnga' ste 'khro ba med pa'o/ /rdo rje 'bar ba mig mi zang ces pa chos sku la ye shes kyi spyan ma 'gag pa'o/ /skra yang rdo rje 'bar ba ste zhes pa/ spros pa thams cad ye shes kyi snang ba yin zhes pa'o/ /rdo rje 'bebs pa 'bebs pa che zhes pa chos sku'i rtsal bya rtsal min mda' bar gzugs sku gnyis kyi snang bar 'char zhes pa'o/ /mig brgya pa ste rdo rje'i mig ces pa/ chos sku'i spyan ma 'gags par cir yang snang ba'o/ /de yang don chos sku thal 'byung ngo/ /lus ni rdo rje'i ba spu can zhes pa skye 'gag med pa rin po che'i sbubs so/ /rdo rje'i spu ni gcig bu'i lus zhes pa gong ma de nyag gcig tu bzhugs pa'o/ /sen mo skyes pa rdo rje'i rtse zhes pa chos sku'i rtsal lo/ /rdo rje snying po zhes pa chos sku 'gyur ba med pa 'gag med do/ /lpags pa mkhregs zhes pa chos nyid mi 'gyur ba'o/ /rdo rje phreng thogs dpal dang ldan zhes pa chos nyid la rig pas brgyan/ rig pa la ye shes kyis brgyan/ ye shes la thugs rjes brgyan pa'o/ /de yang thugs rje skyob pa ma 'gag pa'o/ /rdo rje'i rgyan gyis brgyan pa ste zhes pa chos sku la 'bras bu sku dang ye shes kyis brgyan pa'o/ /rtsal ni rgyan bzhir shar ba'o/ gang rgyangs ha ha nges par sgrogs zhes pa rang 'byung ye shes kyi gsung ma 'gags pa'o/ /yang dag pa'i don la dgyes pa'o/ /gang zhe na/ ye ge drug pa rdo rje'i sgra zhes pa lag gnyis te/ sgra'i yi ge drug pa dang/ chos nyid don gyi yi ge drug ste badzra pra tI ts+tsha hUM zhes pa a ha sha sa ma/ de yang gzhi'i gnas lugs su shes par bya'o/ /de yang zhal gyi spyor ba'i chos nyid kyi gsung ngo/ /'jam dbyangs chen po sgra chen po zhes pa chos kyi sku'i sgra las lhag pa gzhan med pa'o/ /de yang gong ma'o/ /'jig rten gsum ma sgra gcig pa zhes pa gnyis med brjod bas rang byung ye shes 'gag bar gcig pa'o/ /nam mkha' i mdza' las sgra sgrogs pa zhes pa/ zab mo'i don nam mkha' i mdza' dang mnyam par ston pa'o/ /sgra dang ldan pa rnams kyi mchog ces pa chos sku'i rtsal sgrar shar bsna rig pa chos sku ni sgra yon tan du ldan pa'o/ /de yang de ltar snang ba ni rig pa 'gag pa med ba me long lta bu yin pas so/ /de ltar brjed pa ni ma 'gags pa'i sku rdo rje sems pa'o/ /de yang chad du le'u bzhi ba zhes bya ba 'gag pa med pa me long ye shes kyi don bstan pa'o/ /nga ni le'u lnga pa shes rab yongs su gcod pa so sor rtog ba'i don ston te/ mahA pra sha ba ra/ yang dag bdag med de bzhin nyid ces pa yang dag pa'i don rig pa'i ye shes la bag chags kyi bdag med de sku gsum 'du 'bral med pa'o/ /yang dag mdza' ste yi ge med ces pa chos sku brjod pa las 'das pa'o/ / stong nyid smra ba'i khyu mcho ga ste zhes pa chos nyid stong pa 'gag med smra ba ni smra ba'i nang nas mchog tu gyur pa'o/ /zab cing rgya che sgra sgrogs pa zhes pa chos sku zab ste dpag par dka' yangs pa'i don 'chad pa'o/ /chos kyi dung ste sgra chen ldan zhis pa rang byung ye shes kyi gsung ma 'gag pa'i don mtshon pa'i tshig go / chos kyis gaN+DI sgra po che zhes pa 'khor ba smin pa'i dus su theg pa'i don nges pas sgrogs pa'o/ /mi gnas mya ngan 'das pa po zhes pa rtsal so sor rtog pa de de ltar snang yang gzhi chos nyid kyi sgra dang tha snyad la mi gnas pa'o/ /phyogs bcu chos kyi rnga bo che zhes pa sbrul pa'i sku drug gis 'gro ba drug la chos ston pa'o/ /mi gnas mya ngan 'das pa po zhes pa rtsal so sor rtog pa de de ltar snang yang gzhi chos nyid kyi sgra dang tha snyad la mi dngos rdo rje sems dpa' o/ /dpal ldan sangs rgyas pad+ma skyes zhes pa bya ba dang bral ba'o/ /sna tshogs gzugs can yid la skyes zhes pa sems can te srid pa'i sgro nga gnyis la yid kyi sbyor ba shor bas/ nor bu dri ma med pa dang/ nyi ma rab tu snang ba la bya'o/ / yan lag bcu gnyis bya ba dang yang 'brel lo/ /gzugs rnams thams cad snang ba'i dpal zhes pa rigs drug lus kyi dbyibs thab dad du shar pa'i dpal du rdo rje sems dpa' byon pa'o/ /gzugs brnyan ma lus 'chang ba po zhes pa sprul pa'i sku dang ldan pa'o/ /tshugs pa med par che bar grags zhes pa gzhan las dpags pa'i don no/ /khams gsum dbang phyug chen po ste ston pa de khams gsum na gnas shing 'gro ba'i kha lo bsgyur te khams gsum gyi mnga' mdzad pa'o/ /'phags lam shin tu mtho la gnas zhes pa rtsol pa dang bral ba'i chos nyid kyi don la mi 'bral bar gnas pa'o/ /dar ba chen po chos kyi tog ces pa sngags kyi bstan pa rgyas par byed pa'o/ /de yang don mi 'gyur bas gnas pa'o/ /'jig rten gsum na gzhon lus gcig ces pa 'jig rten gsum gyi gzugs can ming gis kyang sku 'gyur ba med pa'i myur gu bgres rgud mi mnga' ba'o/ /gnas brtan rgan po skye dgu'i bdag ces pa gzhi gnas lugs thams cad 'byung gnas so/ /sum cu rtsa gnyis mtshan 'chang ba zhes pa longs sku dang sprul sku'o/ /sdug gu 'jig rten gsum na mdzes zhes pa sprul pa'i skus sems can gyi don byed pa'o/ /'jig rten shes legs slob dpon te zhas pa 'jig rten pa'i rgyud grol bar bstan pa'o/ /'jig rten slob dpon 'jigs pa med ces pa 'jig rten don mdzad kyang nyon mongs pas ma gos te 'khor ba la nyam nga pa med pa'o/ /mgon skyob 'jig rten yid bcugs pa zhes pa mthun pa'i sgo nas 'dul zhir sems can dang mdzad pa'o/ /de yang gdul bya dang mtsham par snang ba'o/ /skyabs dang skyob pa bla na med ces pa 'gro ba'i mgon du ston pa las lhag pa gzhan med pa'o/ /nam mkha' i lam la rab gnas pa zhes pa thugs kyi dgongs pa la skye 'gag med de/ don gnyis med du gnas pa'o/ /thams cad mkhyen pa'i ye shes mtsho zhes pa 'byed pa med pa'i shes rab dgongs pa chos nyid kyi dang ngo/ /ma rig sgo nga spubs 'byed pa ces pa/ sems dang ye shes 'byed thabs dang do spros thabs so/ /srid pa'i ri bo chen po 'joms zhes pa 'khrul snang ye shes su gyur pa'o/ /nyon mongs ma lus zhi byed pa zhes pa sems dang ye shes phyed pas gzung 'dzin nam mkha' i mdza' la dengs pa'o/ /'khor ba'i rgya mtsho pha rol phyin ces pam dag pa'i 'khrul ba las grol nas chos nyid kyi bar do la gnas pa'o/ /ye shes dbang bskur cod pan can zhes pa dang/ rdzogs pa'i sangs rgyas brgyan du thogs zhes pa lnga ldan gyi dgongs pa mthar phyin te rigs lnga'i bde bar gshegs pa/ 'khor tshom bu dang bcas pa snang ste rig pa'i rgyan du thogs la sku de dag la yang he ru ka dbu rgyan du gnas par gsungs so/ /sdug bsngal gsum gyi sdug bsngal zhi/ zhes pa lus ngag gi sdug bsngal las grol ba'o/ /gsum sel mdza' yas grol gsum thob ces ba longs sku yab yum gyi ljags las rin po che sgra'i yi ge drug 'byung ste gsung gi 'od zer la rol pas sprul pa'i sprul pa'i sku drug tu gyur te/ 'gro drug gi lus ngag yid gsum gyi sgrib pa gsal te/ mdza' yas pa'i sems can gyis lus las grol te/ de yang blo bar 'bring gis grol nas sku dang ye shes mngon du gyur pa'o/ /de'i dus su sgrib pa kun las nges par grol te nyon mongs pa'i sgrib pa dang/ shes bya'i sgrib pa dang gis dag pa'o/ /mkha' ltar mnyam pa nyid la gnas zhes pa gong gi longs sku tshum bu dang bcas pa dang/ phyis grol ba'i sangs rgyas gnyis ka rin po che'i sbubs nas dgongs pa dbyer med par gnas pa'o/ /de yang rang gsal rtog med de/ so sor ma 'dres pa la mi 'byed pa'o/ /dus deng nyon mongs pa'i dri ma kun las 'das te/ dus gsum sku gsum dang/ du grol/ /dug lnga ye shes kyi bum par grol/ ma rig pa zang thal chen por grol bas mya ngan las 'das pa'o/ /dus gsum dus med rtogs pa po zhes pa ma rtogs pa la dus gsum dus nang yang rtog pa la ma gnas te/ rig pa skye 'gag med pa gcig tu gnas so/ /sems can rkun gyi gtso bo che/ /yon tan thod can rnams kyis thod/ /ces pa sbrul pa'i sku 'gro dgu gi gtso bo 'am thod lta bu gyur pa'o/ /lus kun las ni rnam par grol zhes pa sems can gyi lus gdos pa can las skad cig ma la grol ba'o/ /nam mkha' i lam la rab gnas pa zhes pa/ chos nyid nam mkha' lta bu las ma g.yos pa'o/ /yid bzhan nor bu chen po 'chang zhes pa rig pa chos kyi sku yon tan gyi sku gnyis dang mi 'bral ba'i phyir/ sku gnyis nang gsal du 'chang pa'o/ /khyab bdag rin chen kun gyi mchog ces 'chos sku dngos med las ye shes 'gag med 'char zhing ye shes 'gag med kyi don gyis thams cad lam khyab pa med de med pa de ni/ rin po che'i nang nas kyang mchog tu gyur pa'o/ /dpag bsam shing chen rgyas pa ste/ zhes pa chos sku rin po che dang 'dra ba las yon tan phyogs med du 'byung ba de/ rin po che'i shing la rtsa ba yong pa dang 'dra bar rig pa nyid do/ /yal ga yod pa dang 'dra bar spros pa'i chos can no/ /de yang dngos 'khor ba'o/ /lo ma dang me tog dang 'dra bar sku dang ye shes so/ /'bras bu dang 'dra ba rtogs pa'i chos sku'o/ /bum po bzang po che ba'i mchog ces pa rin po che'i sdubs na gnas dgos pa grub pa dang 'dra bar chos sku bum pa chen po'i nang nas ye shes kyi myu gu chen po lnga 'byung ste/ de las rin po che'i sku lnga gsal te/ de la thugs rje sprul pa'i sku byung nas skabs la ba bam nang med nang nas nor bu rin po che'i mdzed phyung ba'o/ /byed pa sems can kun don byed ces pa sku gnyis kyis so/ /phan 'dogs sems can mnyes gshin pa zhes pa dang/ bzang ngan shes shing dus shes pa zhes pa 'khro ba'i snod kyi bye brag dang gdul bya skabs la ba bam? beb mkhyen pa'o/ /khyab bdag dam shes dam tshig ldan zhes pa rig pa'i ye shes kyi don shes shing de dang mi 'bral lo/ /de yang rjes 'jug gi rtsa ba'i dam tshig gsum gyis zungs thub pa'o/ /dus shes sems can dbang don shes zhes pa gdul bya skabs la babm? bab dang/ sems can skyis? mang mkhyen pa'o/ /de yang shes rab rno rtul la sogs pa mkhyen pa'o/ /rnam grol gsum la mkhas pa po zhes pa/ rnam pa gsum las grol ba la mkhas pa ste/ yul sems lus dang gsum mo/ /rnal grol gsum du grol ba las mkhas te rab 'bring tha ma'o/ /yon tan ldan zhing yon tan shes zhes pa gzhi'i yon tan dang zhing gi yon tan shes pa'o/ /dngos sku dang ye shes so/ /chos shes bkris bkris 'byung zhes pa/ chos can dang chos kyi don ma 'dres par ji lta bar shes pa de'i don rang tshas su gnas pas sdug bsngal las grol ba ni bkra shis pa ste/ bkra shis thams cad kyi rtsa bar 'byung ngo/ /don rig pa'i ye shes de bkra shis thams cad yon tan du gnas pas na bkra shis kun gyi bkra shis pa'o/ /grags pa'i bkra shis snyan grags dge zhes pa/ rig pa dang ye shes kun gyi ngo bor gnas te/ bdag gzhan gyi dpal gyi gnas su gyur pa dang yon tan thams cad dri ma med par grags pa dang/ ma bsags pa'i tshogs gnyis la dgyes pa'i ngo bo nyid las dge ba'o/ /dbugs 'byin chen po dga' ston che zhes pa don sku gsum ye shes lnga rtogs na bya brtsal bya mi dgos par sdug bsngal zhi bas na'o/ /de yang yon tan gyi sgo yangs pas rtsal phyogs med du 'char ba'o/ /dga' chen rol mo chen po pa zhes pa/ snang srid rgyan dang rol par shar te rig pa rang snang ba'o/ /bkur bsti rim gro phun sum tshogs zhes ba 'dod yon dgag bsgrub ngag? bde bar bsam gtan gyi bdud rtsi chen por gyur pa'o/ /mchog tu zhes pa chos sku'o/ /dga' ba zhes pa rang la yod pas bya rtsal bya mi dgos so/ /grags zhes pa yon tan 'khor 'das su gnang ngo/ /bdag ces pa rig pa bdag por gyur pa'o/ /dpal zhes pa yon tan gyi sku gnyis gdul bya la shar pa'o/ /mchog ces pa sku gsum 'du 'bral med pa'o/ /ldan zhes pa rig pa'o/ /mchog sbyin zhes pa rtsal sku dang ye shes su shang ba'o/ /gtso bo ste zhes pa rnam snang rig pa'i sku lnga'o/ /skyabs kyi dam pa skyabs kyi 'os zhes pa de'i thugs rje'i sprul pa'i sku drug go/ /'jig rten dgra ste rab kyi mchog ces pa 'jig rten 'khrul ba'i dgrar 'gyur pa'o/ /de yang 'khrul snang 'joms pa'i mchog tu gyur pa'o/ /'jigs pa ma lus sel ba po zhes pa thugs rjes sdug bsngal dang 'jigs pa las skyobs pa'o/ /gtsug phud phud pu lcang lo can zhes pa dang ral pa mun dza cod pan thogs zhes pa longs spyod rdzogs pa'i 'khor nyid las mi zhan pa'i rigs lnga'o/ /de yang ye shes lnga'i thugs te he ru ka lnga dang ldan zhing ye shes kyi mdangs dang bcas pa'o/ /gdong lnga gtsug phud lnga dang ldan zhes pa rnam snang kun tu zhal lo/ /de yang ye shes kyi he ru ka dbu la rgyas 'debs su thogs pa'o/ /zur phud lnga ba me tog thod/ /mgo zlum brtul zhugs chen po 'chang zhes pa longs sku'i thugs rje mi mthun pa'o/ /tshangs par sbyod pa brtul zhugs mchog ces pa dang/ dka' thub mthar phyin dka' thub che zhes pa thub bde rnams kyis so/ /gtsang gnas dam pa gau tam zhes pa thub pa'i dgongs pa ngag pa dang spyod pa dag pa ste/ 'byed pa med pa'i shes rab la gnas pa'o/ /bram ze tshangs pa tshangs pa shes zhes pa chos sku rnam par dag pa'o/ /de'i don shes shing dgongs pa dang ldan pa'o/ /'bras bu gang zhe na/ mya ngan 'das pa'i tshangs pa thob pa'o/ /ji lta ba thob cen/ grol ba thar pa rnam grol lus bya ste/ yul sems lus las grol zhing 'khor ba'i rgya mtsho las thar te/ dbang po yang rab ni 'jug pa dang snang ba dang/ shes pa dang grol ba dus mnyam pa'o/ /'bring bo bsam gtan lnga pas mya ngan las 'das pa'o/ /de yang gang grol yang bar du sku lnga tshom bu dang bcas par gsal lo/ /tha ma rin chen sbubs na sku gsum na gsal ba'o/ /rnam grol zhes ba chos las grol ba'o/ / zhi bzhes pa gzhi'i chos nyid do/ /zhi ba nyid ces pa rang de'i dang la gnas pa'o/ /mya ngan 'das pa gzhi'o/ /mya ngan 'das ces pa sku lnga tshom bu dang bcas pa'o/ /legs par zhes pa de bzhin gshegs pa ji ltar grol ba ltar grol bas lam mnor ba'o/ /mya ngan 'das dang nye zhes pa thugs rje sprul pa'i sku dang de'i grol ba'i yid kyi sku'o/ /bde sdug sel ba'i mthar gyur pa zhes pa sprul skus 'gro don byas nas slar mya ngan las 'das pa'o/ /chags bral lus las 'das pa po zhes pa rin chen sbubs thub pa med pa dpe med pa de lhag pa med pa'o/ /dpe med pa zhes pa gang gis kyang de'i phyogs la dpe mi btub pa'o/ /mi mngon zhes pa mya ngan 'das sku phyir ma mngon pa'o zhes pa/ mi snang zhes pa sku lnga po gdul bya la mi snang ngo/ /gsal byed min zhes pa sku lnga la thugs rje mi 'gyur te/ nyon mongs pa dang blo'i rtogs pa mi sel lo/ /mi 'gyur zhes pa phyis rgyu 'bras bur dmigs nas 'bras bu rgyur mi ldog go/ /kun 'gro ba zhes pa bud+d+ha'i dur sa'o/ /khyab pa'o zhes pa rin chen sphubs la nub pa med nam mkha' lta bu'o/ /phra zhing zhes pa don de brtag dka' ba'o/ /zag med sa bon bral zhes pa rtogs pa dang ldan pa la 'khor ba'i sa bon mi gnas pa'o/ /rdul med rdul bral dri ma med ces pa/ mya ngan 'das nas nyon mongs ba zhe sdang la sogs pa mi gnas shing bral ba'o/ /nyes pa spangs pa skyon med pa zhes pa chos sku la nyes pa gang gis spangs pa ste rtag chad la sogs pa'i skyon med do/ /shin tu sad pa sad pa'i bdag ces pa/ dper na 'jig rten pa'i rmi lam sad pa dang 'dra bar 'gyur te/ ma rig pa'i gnyid sad nas rig pa'i mar me nad na gsal ba'o/ /kun shes kun rig dam pa po zhes pa/ rin po che'i spubs na kun gyi shes pa dang rig pa gnyis med par gnas pa'o/ /rnam par shes pa'i chos nyid 'das zhes pa da lta'i shes pa rtog bcas 'di las grol zhes pa 'o na ji ltar gnas zhe na/ ye shes gnyis med tshul 'chang ba zhes pa stong pa ye shes kyi snying po can du gnas te/ rig pa'i nang na ye shes gnas pa'o/ /don gnyis med par snang ba mi 'gag ba'o/ /rnam par rtog med lhun gyis grub ces ba sku gsum nang gsal du gnas te/ bag chags kyi dbugs med pas 'jin rtog mi rgyu ba'o/ /dus gsum sangs rgyas las byed pa zhes pa thugs rje'i sprul sku drug gis dus gsum gyi bud+d+ha'i phrin las 'gro bsgrol ba'o/ /sangs rgyas thog ma tham med ces pa dang po dang tha ma'i dus med pa ste ye shes ba'o/ /ci'i phyir zhe na/ dang po'i sangs rgyas rgyu med pas so/ /de yang don rang 'byung gi ye shes so/ /ye shes mig cig dri ma med ces pa rin po che'i lus la ye shes kyi sbyan rnam par dag pa gsal ba'o/ /ye shes lus can de bzhin gshes zhes pa rin po che'i 'od 'bar ba'i sku lnga'o/ /tshig gi dbang phyug smra ba che zhes pa don ngo mtshar can gsungs pa'o/ /smra ba'i skyes mchog smra ba'i rgyal zhes pa gzhan pas lhag par gyur pa'o/ /smra ba'i dam pa mchog gi gnas zhes pa gsungs pa'i don khyad par du 'phags pa'o/ /smra ba'i seng ge mtshungs pa med ces pa don nges par sgrogs pa ston pa la 'gran nus pa med pa'o/ /kun tu lta ba mchog tu dga' zhes pa chos sku zang thal lo/ /gzi brjid phung po lta na sdug ces pa ye shes kyi bag chags kyi lus can zil gyis gnon cing mdzes pa'o/ /'od bzangs 'bar ba dpal gyi be'u zhes pa thugs rig pa'i ye shes rin po che 'od 'bar ba'o/ /lag na 'od 'bar snang ba po zhes pa thugs rjes 'gro ba'i ma rig pa sel ba'o/ /sman pa che mchog gtso bo ste/ zug rngu 'byin pa bla na med/ /sman rnams ma lus ljon pa'i shing zhes pa dpal rdo rje sems dpa' la sogs pa sprul ba'i sku rnams kyi nyon mongs pa'i dug dang gzud 'dzin 'joms pa sku gsum ye shes bzhi brtsis pas rlung mkhris sel ba las mchog tu gyur pa'o/ /sdug gu 'jig rten gsum gyi mchog ces pa sprul sku'o/ /dpal ldan rgyu skar dkyil 'khor can zhes pa longs spyod rdzogs pa'i sku las sprul sku nyi ma dang zer bzhin 'byung ba'o/ /phyogs bcu nam mkha' i mthar thug par/ /chos kyi rgyal mtshan legs par 'dzugs zhes pa sangs rgyas kyi sprul sku sangs rgyas kyi bstan pa rim gyis 'dzin te/ de bzhin gshegs pa'i sku la sbrul ba rgyan mi 'chad par 'byung bas sems can gyi don zhes pa'o/ /'gro na gdug gcig yangs pa ste/ byams dang snying rje'i dkyil 'khor can zhes pa phyogs ris med pa'i snying rje dang ldan pa'o/ /de yang don dkyil 'khor gyi rnam pa'o/ /dpal ldan pad+ma gar gyi bdag ces pa don mdzad pa'i thabs dang ldan pas na/ don grub la rang la 'khor ba'i skyon gyi mgos pa'o/ /khyab bdag chen po rin chen gdugs zhes pa rin po chen drag gdugs dang 'dra/ /sangs rgyas kun gyi gzi brjid che zhes ba nyon mongs pa dang 'khor ba zil gyis gnon pa'o/ /sangs rgyas kun gyi sku 'chang ba zhes pa rig pa la ye shes kyi sku lnga rdzogs ma'o/ /sangs rgyas kun gyi rnal 'byor can zhes pa sangs rgyas kun gyi dgongs pa dang ldan pas na'o/ /sangs rgyas kun gyi bstan pa gcig ces pa don gyi dgongs pa la gcig las mi mda' bas na sangs rgyas kun gyi bstan pa gcig go/ /rdo rje rin chen dbang bskur dpal zhes pa/ rig pa rtsal gyi dbang ste/ de yang phyi bum pa'i dbang/ rin po che myu gu'i dbang dang/ nang rgyal rtags phyag rgya'i dbang dang/ shes rab rig pa'i sku lnga'i dbang dang/ gsang ba'i dbang de kho na nyid ces bya'o/ /de yang mtshon na rin po che sgra'i yi ge bstan pa'o/ /de nas rig pa rtsal gyi dbang mtshan ma la brten pa'o/ / rin chen kun bdag dbang phyug ste zhes pa rig pa chos sku thams cad kyi bdag por gyur pa'o/ /'jig rten dbang phyug kun gyi bdag ces pa rig pa'i rtsal gong du ma shar la/ 'du yang de nyid dang du 'du bas bdag po lta bur gyur pa'o/ /rdo rje 'chang ba kun gyi rje zhes pa rig pa chos sku'o/ /sangs rgyas kun gyi thugs che ba zhes pa rig pa rang byung gi ye shes so/ /sangs rgyas kun gyi thugs la gnas zhes pa bzhugs pa'i gnas te/ ci ta rin po che na gnas zhes gsungs so/ /sangs rgyas kun gyi sku che ba zhes pa ye shes kyi sku ste lhun grub chen po'o/ /sangs rgyas kun gyi gsung yang yin zhes pa rang 'byung gi ye shes 'gag pa ming pa'i rtsal lo/ /rdo rje nyi ma snang ba che zhes pa thabs 'gag pa med pa'i ye shes so/ /rdo rje zla ba dri med 'ong ces ba shes rab 'gyur ba med pa'i chos nyid dang gis 'od gsal ba'o/ /rdo rje skyil krung rdzogs sangs rgyas zhes pa rig pa dang ye shes de gzugs kyi skur grub pa'o/ /sangs rgyas 'gro ba'i chos 'dzin pa zhes par gdul bya dang mthun par snang ba'o/ /dpal ldan sangs rgyas pad+ma skyes zhes pa sangs rgyas dang sems can rgyab gyes pa'i dus bdag gzhan gyi don thugs su chud pa'o/ /dpal rdo rje sems dpa' rtogs pa skad cig ma bgrub pa'o/ /kun mkhyen ye shes mdzod 'dzin pa zhes pa ston pa thugs shes rab yongs su rgyas pa'i dus su kun mkhyen te/ ye shes kyi mdzod dang ldan pa'o/ /rgyal po sgyu 'phrul sna tshogs 'chad zhes pa dbu'i gtsug tor la sogs pa las sprul pa'i sku bsam gyis mi khyab pa 'phros pa'o/ /dngos thugs rje 'gag pa med pa dang ldan pa'o/ /che ba sangs rgyas rig sngags 'chad zhes pa gsang sdags thams cad kyi bdag bor gyur ba'o/ / rdo rje rnon po ral gri che zhes pa so ser rtog pa'i shes rab bo/ /theg pa chen po sdug bsngal gcod ces pa theg pa chen po'i don 'bras bu rtogs pas sdug bsngal la gnas pa'i skabs med pa'o/ /don rang chas rtsol ba dang bral ba'o/ /mtshon cha chen po'i rdo rje'i chos zhes pa gnyis su med pa'i ye shes so/ /rdo rje zab mo dzI na dzi ka ces pa nyan thos la sogs pa las rgyal par 'gyur pa'i gsang sngags mchog go/ /rdo rje blo gros don chen rig ces pa dbyer med pa'i don mi rtog pa'o/ /pha rol phyin pa kun rdzogs pa zhes pa mnga' bas na'o/ /sa rnams kun gyi rgyan dang ldan zhes pa dang po rab tu dga' ba nas bcu pa man chod sprul sku'i sa'o/ /shes rab kyi rtsal 'byongs pas so/ /bcu gcig nas bcu bzhi bar du longs sku'i sa te che ba'i ye shes mthar rdzogs pas sprul pa'i sku'i sa te/ sprul sku 'byin no/ /zhing dag pa des ba'i sa la sbyor ba'o/ / bco lnga nas bcu drug tu mya ngan las 'das pa'i sa ste/ zhi ba chos kyi sku'i zhing ste 'byed pa med pa'i shas rab la gnas pa'o/ /de yang don gyi phyogs cha re re nas brtsig pa'o/ /rnam par dag pa bdag med chos zhes pa chos sku rin po che'i dbugs so/ /yang dag ye shes zla 'od bzang zhes pa shes rab 'gyur pa med pa'i chos nyid ye shes kyi snang ba dang bcas ba'o/ /brtson chen sgyu 'phrul dra ba ste zhes pa rtsol ba dang bcas pa'i sna rtson 'grub min te/ ye nas byas zin ba'i cho ga te gong byar med pa'o/ /rig pa 'gag ba med par gnas pas na'o/ /rgyud kun gyi ni bdag po mchog ces pa tshig gi rgyud thams cad 'byung bas na rig pa'o/ /rdo rje'i gdan ni ma lus ldan zhes pa thams cad chos nyid kyi dad la 'dug pa'o/ /ye shes sku rnams ma lus ldan zhes bsku re re la yang ye shes lnga char rdzogs pa'o/ /de dang rig pa ldan pa'o/ /kun tu bzang po blo gros bzang zhes pa sems can gyi blo dang gros su mthun ba drug bzang ba'o/ /sa'i snying po 'gro ba 'jin cas pa bcu bzhi pa rdo rje 'dzin pa'i sa la thugs rje lcags kyus zhing dag pa 'dzin pa'o/ /sangs rgyas kun gyi snying po can zhes pa rig pa'o/ /sprul ba'i 'khor lo sna tshogs 'chang zhes pa rdo rje sems dpa' las sprul pa'i sku drug byung ba 'am yang na lus bar pa nas sprul pa bgyed ba'o/ /dngos po kun gyi dang bzhin mchog/ ces pa rigs drug snang ba'o/ /dngos po kun gyi rang bzhin 'dzin ces pa sprul pa'i sku drug gis so/ /rigs dag so so'i mtshan nyid 'dzin ba'o/ /skye med chos te zhes pa yang dag pa'i ngon skye 'gag med pa kho na'o/ /'dul skabs su sna tshobs pa'o/ /chos kun de bo nyid 'chang ba zhes pa ston pa'i thus la'o/ /shes rab chen po'i skad cig la/ /chos kun 'od du chung pa po zhes pa rdo rje sems dpa' lus kyis mdza' med rtogs kyes sbrubs su rdzogs pa'i cho thos rtogs dus gcig tu 'char ba'o/ /'khor 'das kyi chos thams cad dus gcig tu mkhyen pa'o/ /chos kun mdon par rtogs pa ste zhes pa 'khor 'das kyi chos thams cad lkog tu ma gyur bar mngon par snang zhad rdzogs ba'o/ /thub pa blo mchog 'byung ba'i mdza' zhes pa snyon pa blo'i mchog dang ldan bas 'byung ba'i mdza' chos sku rin po che rtogs pa'o/ /de ji ltar rtogs she na/ mi g.yo rab tu dang ba'i bdag ces pa rin po cha'i rdo rje gdan la dgongs pa mi g.yo bar gnas pa'o/ /rdzogs pa'i sangs rgyas byang chub 'chang zhes pa rig pa ye shes kyi sku lnga rin po cha'i sbubs na nang gsal mi 'bral pa'o/ /sangs rgyas kun gyi mngon sum gzhes pa rig pa shes rab kyi sku la ye shes kyi sbyan mngon sum du snang ba'o/ /de dnges gang zhe na/ ye shes me lce 'od rab gsal zhes pa rig pa'i dad na ye shes kyi bum pa lnga gsal te/ de'i dang na rig pa shes rab kyi sku lnga gnas so/ /de dag thams cad ngon so sor rtog pa'i ye shes kyi snang ba'o/ /des le'u lnga ba so sor rtog pa ye shes kyi don bstan pa'o/ /din don drug pa shes bya rgyun gyi mnyi ba nyid kyi yas kyi don bshad par bya ste/ ratna bra sa ra du ba ya ma lam la/ 'dod pa'i don grub ngam ba ste zhes pa rig ba chos kyi sku las yon tan gyi snang ba sku gnyis dus gcig tu grub ste/ don sku gsum 'du 'bral med ba skye ba gag med pa mnyam pa nyid kyi ye shes su gnas pa'o/ /ngan song thams cad rnam sbyong ba zhes ba thugs rjes 'byung ba'i sku gsum mo/ /mgon po sems can kun gyi mchog ces pa sprul pa'i sku sems can drug gis sa bon dang skyabs kyi mchog tu gyur ba'o/ /sems can thams cad rab grol byed ces ba sprul skus sems can 'khor ba las grol zhes pa'o/ /nyon mongs g.yul du gcig pa ba rig pa'i ya la hon mongs pa ma grub pas g.yul bzlob ba'o/ /mi shes dgra yi drags pa 'joms zhes pa ma rig pa dang dug lnga dpag gzung 'dzin dang snang grags thams cad 'joms pa'o/ /dpal ldan blo dang rtogs par ldan zhes pa mgon po rdo rje sems dpa' de blo dang ldan pas gyur ba'o/ /brtan po mi sdug ba zugs 'chang bzhes ba gzhi mi 'gyur ba las yon tan mi 'gag ba 'char nus pa'o/ lag pa brgyang bo kun bskyod ba zhes pa rig pa'i rtsal lo/ /goms pa'i stobs kyi gar gyed pa zhes pa thabs 'gag pa med pa'i ye shes kyi snad ba 'od du gsal ba'o/ /dpal ldan lag pa rgyas gdal zhes brtsal lam stobs ma 'gags pa'o/ /nam mkha' khyab par gar byed pa zhes pa rig pa 'od kyi khad pa can 'od mdza' med par 'gyur pa'o/ /sa yi dkyil 'khor bzhi'i khyon/ /rkang ba ya gcig mthil gyi gnon/ /zhes ba chos nyid sa gzhi dang 'dra ba de gang pa ya cig gis nyid kyis gnon pa'o/ /dngos rig pa'i ye shes nub pa chen po'o/ /rkang theg sen mo'i khyon gyis kyang/ /tshangs pa'i yul sa rtse nas gnon zhes pa rig pa ye shes kyi snang bar ma gyur pa med pa'o/ /don gcig ces pa 'khor 'das thams cad do/ /gang du gcig na gnyis med du'o/ /gang du gcig na chos kyi don zhes pa'o/ /dam pa'i don te 'jigs pa med ces pa mi rtog pa'i ye shes yin pas 'khor ba'i chos la nyam mid ba'o/ /rnam rig sna tshogs gzugs don can zhes pa thams cad rig pa'i ye shes rang shar yin zhes pa'o/ /rnam shes sna tshogs rgyud dang ldan zhes pa ston pas gong ma'i don thugs la gsal zhes pa'o/ /dngos ngon ma lus rnams la dga' zhes gnyis su med par rtogs pas so/ /stong pa nyid dga' 'dod chags blo zhes pa chos nyid zhi ba dang chos sku dngos med gnyis 'du 'bral med par rtogs pa'o/ /thugs rje chags pa bdag nyid du gnas 'gro ba'i nyon mongs pa rang rgyud la mi mnga' bas srid pa'i 'dod chags spangs pa ste zhes bya'o/ /srid gsum dga' ba chen po pa zhes pa thugs rjes te/ srid pa gsum gyi don la dga' ba'o/ /don la spyod pa'o/ /sprin dkar dag pa bzhin du dkar zhes pa 'gro ba'i don mdzed kyang 'khor ba'i skyon gyis mgos pa'o/ /'od bzang ston ka'i zla ba'i 'od ces pa gang gi skyon dang bral ba'i don de nyid shes rab 'gag pa med pa'i ye shes su gnas pa'o/ /nyi ma 'char ka'i dkyil ltar mdzes zhes pa ye shes kyi snang ba chen po de yang gsal ba 'tsher ba dang ba'o/ /sen mo'i 'od ni shas cher dmar zhes pa thugs rje chags pa'i bdag nyid do/ /yang na bde bar gshegs pa'i mtshan dpe'i khyad par ro/ /cod pan bzang po mthon ka'i rtse zhes pa ye shes lnga'i cod pan la nub pa med pa'o/ /dngos rig pa'i rtse la ye shes gsal ba'o/ /skra mchog thon ka chen po can zhes pa ye shes kyi snang ba ma 'gag par gsal ba'o/ /nor bu chen po 'od chags dpal zhes pa ye shes 'gags pa med pa'i thugs rje dang ldan pa'o/ /sangs rgyas sprul ba'i rgyan dang ldan zhes pa chos sku'i sangs rgyas la gzugs skus brgyan pa'o/ /gzugs sku la sprul skus brgyan pa'o/ /'jig rten khams brgya kun bskyod pa zhes pa thugs rje ma 'gags pa 'khrul ba'i snang ba dag pa ye shes kyi snang ba bsgyur ba'o/ /rdzu 'phrul rkang ba'i stobs chen ldan zhes pas lam rim pas bgrod mi dgos par ye shes kyi rlung gis skad cig ma la byon pa'o/ /de nyid dran pa chen po 'chad zhes par sngar 'dris pa phyis shes pa lta bu'o/ /dran pa bzhi po ting 'dzin rgyal zhes ba dus der mthong ba'i yul la shes pa'i dran pa sad/ de yang shes rab kyi shes pa skye lugs dang rag dang 'brir dang tha ma'i bye brag gis dran pa sang ba'o/ /byang chub yan lag ces pa dus der sku'i snang ba'o/ /yan lag ces pa gtso bo'i rtal lo/ /me tog spos zhes pa lha mo me tog ma dang spos me ma la sogs pa'i chom bu'i dkyil 'khor lnga gsal ba'o/ /de bzhin gshegs pa'i yon tan mtsho zhes pa rigs lnga'i yon tan sku bzhi bcu rtsa gnyis su snang la de yang chos nyid mi g.yo ba'i dang la gnas pa'o/ /lam gyi yan lag brgyad tshul rig 'du 'bral med pa'i dgongs pa ste/ de yang yan lag tu bstab thabs bzhi dang dus bzhir sbyar ba'o/ /yang dag sangs rgyas lam rig pa zhes bsgom du med pa'i dgongs pa'o/ /sems can kun la shas cher chags zhes pa rig pa la khyad par med pa'i gnad kyis sangs rgyas kyi dgongs pa sems can la yang yod pa'o/ /yang na sprul sku'o/ /nam mkha' lta bur chags ba med ces pa chags bral chags med gnyis med par nam mkha' lta bur ye nas gnas pa'o/ /sems can kun gyi yid la 'jug ces pa sems can gyi yid dang bu da'i thugs gnyis su med par yang na sprul skus mthun par snang ba'o/ /sems can kun gyi yid ltar mgyogs zhes pa thugs rje'i rtsa la thogs pa med pa'o/ /sems can kun gyi dbang don shes zhes pa blo rab 'bring gi bye brag shes pa'o/ /sems can kun gyi yid 'phrog pa zhes pa sprul pa'i skus 'dul ba'i don de la mdzes shes mtsham par bstan nas don byed pa'o/ /phung po lnga don de nyid shes zhes pa phung po lnga'i don nam de bzhin nyid zhes pa'o/ /rnam dag phung po lnga 'chang ba zhes pa rig pa de ye shes sgyu ma lnga dang mi 'bral ba'o/ /nges 'byung kun gyi mdza' la gnas zhes pa 'og ma'i nges 'byeng cha bzhi las grol ba'o/ /don mi 'gyur ba sku dang ye shes kyi mdza' la gnas pa'o/ /des par 'byung ba kun la mkhas zhes pa ni ston pa'o/ /des 'byung kun gyi lam la gnas zhes pa mi 'bral ba'o/ /nges par 'byung ba kun ston pa zhes pa nges par 'byung ba la gnyis te/ 'khor ba dang mya ngan las 'das pa'o/ /de yang lkog tu gyur par gsal zhing snang ba'o/ /yan lag bcu gnyis srid rtsa bton zhes pa/ dang po lus kyi mdza' ma rdzogs par shes bya'i rtsal ma rdzogs te/ mthod pa'i yul la shes pa'i dran pa sang ma nus pas ma rig pa dngos su med pa la nyams la yod pa'o/ /de la ma rig pa la sogs pa rten 'brel bcu gnyis su 'khrul lo/ /'khrul pa'i yan lag srid gsum rtse mo'o/ /dag pa rnam pa bcu gnyis 'chang zhes pa ma rig pa la sogs pa dag nas rtogs pa 'chang ba ste ston pa'o/ /bden bzhi'i tshul gyis rnam pa can zhes pa ngo sprod bzhi'o/ /shes pa brgyad po rtogs pa 'char zhes pa rnam par shes ba'i tshogs brgyad de/ de'i don rig pa'i rtsal shes rab dang/ de'i yon tan sku dang de'i yon tan sko lnga'i yal dang de las rnam par shes pa'o/ /rang shar rang grol shes pa'o/ /bden don rnam pa bcu gnyis ldan zhes pa bden bzhi'i skad bzhin mthong yul gyi gnad dang/ bstan pa tshig gis gzer bzhi dang mthar phyin pa'i 'bras bu dang bzhi'o/ /de nyid rnam pa bcu drug rig ces pa mthar phyin pa'i 'bras bu'i skabs su re re la yang mu bzhi phye ba ste de'i skabs su thig le nyag gcig gi a ti dang/ thig le nyag gcig gi ma ha dang/ thig le nyag gtsag gi a nu dang/ thig le nyag gcig gi dngos po'o/ /rnam pa nyi shu byang chub pa zhes pa dang pa'i rig pa'i rtsal 'byung ba lnga/ de las rigs lnga'i sangs rgyas skur grub pas na'o/ /rnam pa sangs rgyas kun rig mchog ces pa gong ma'i rnam pa nyi shu'o/ /de yang kun rig go zhing rtogs pa'o/ /sangs rgyas kun gyi sprul pa'i sku/ /bye ba dpag med 'gyed pa po zhes pa lengs sku yab yum gyi zhal gyi bar nas yi ge drug pa'i 'od zer 'phro ba'o/ /skad cig thams cad mngon par rtogs zhes skad cig ma la snang ba 'char nub dang skye 'gag med pa'i don rtogs pa'o/ /sems kyi skad cig don kun rig ces pa rig pa'i rtsal du sems 'chang lugs dang/ sems de dang gi gnas la sogs pa'i chos lngar rtogs shing rig pa'o/ /theg pa sna tshogs thabs tshul gyis/ /'gro ba'i don la rtog pa po zhes pa sgru ba'i skus 'gro ba'i don mdzad pa ni gdul bya'i yul dang sbyar nas 'dul thabs thig pa sna tshogs gsungs pa'o/ /theg pa gsum gyi ngas 'byung la/ theg pa gcig gis 'bras bur gnas zhes pa gong gi theg pa de dag kyang gsum du 'byung ste/ nyan thos rang rgya la byang chub sems dpa' o/ /gcig gi 'bras bur gnas te gsang sngags yang dag pa'i 'bras bu khe na'o/ /nyon mongs khams rnam dag pa'i bdag ces pa ston pa sbrul pa'i sku'i bdag po mdzad kyang nyon mongs pas gos? pa med de/ don gyi dgongs pa dag ba'i bdag nyid du gnas pa'o/ /las kyi khams ni zang byed pa zhes pa ston pa'i sbrul ba'i skus 'gro ba'i skur don mdzad pa'i dgongs pa dang ldan pa'o/ /chu bo'i rgya mcho kun las rgal zhes pa 'dod pa ring ba dang lta ba dang ma rig ba'i chu bo dang bzhi las 'das pa'i don te ston pa'o/ /sbyor ba'i dgon pa las rgal ba zhes pa srid pa la sogs pa bzhi la nges par gnas pa las ston pa nges par 'byung ba'o/ /nyon mongs nye ba kun nyon mongs/ bag chags bcas la gtan spangs pa zhes pa ston pas dug lnga khong khro la sogs ba bcas pa/ ye shes chen por grol zhing bag chags dang gis mi gnas te/ rig pa dka' nas dag par mkhyen cing gnas pa'o/ /snying rje chen po shes rab thabs zhes pa/ rig pa 'gag ba med pa bya brtsal mi mnga' ba'o/ /don yod 'gro ba'i don byed pa zhes pa gong ma'i thabs shes rab kyi bdag nyid nges so/ /'du shes kun gyi don spangs shing zhes pa don byed dang bya ba dang byed pa po'i rtog pa rang rgyud mi mda' ba' o/ /rnam shes don ni 'gag pa med ces pa don byas nas rnam par shes pa'i tshogs brgyad las grwol bar byed pa'o/ /sems can kun yid yul dang ldan zhes pa mngon par shes pa lnga mnga' ba'o/ /sangs rgyas kun gyi thugs rig pa zhes pa dang/ sems can kun gyi yid la gnas zhes pa sangs rgyas kyi thugs ni dngos med kyi ye shes rig pa yin la nge 'gro ba'i yid la gnas pa'o/ /de dag sems dang mthun par 'jug ces pa sprul skus sems can gyi sems shes pas bsam pa ltar byed pa'o/ /sems can kun yid tshim par byed ces pa bsam ba bsgrub pa'o/ /sems can kun gyi yid dga' ba zhes pa bsam pa 'grub pas dga' ste dngos gang zhe na/ grub pa mthar phyin 'khrul pa med ces pas so/ /de yang gang zhes na rin po che'i sbubs na'o/ /nor pa thams cad rnam par spangs zhes pa gol sa dang bral ba'o/ /don gsum the tshom med pa'i blo zhes pa sgra'i bye brag 'ga' la 'jug ste 'dir ngo sprod gsum la bya'o/ /de yang ngo sprang pas the tshom dang bral pa'o/ /kun don byed ces pa 'khor bdas kun gyi'o/ /yon tan zhes pa thams cad yon tan du shar ba'o/ /gsum gyi bdag ces ba sku gsum gyi bdag po'o/ /phung po lnga don dus gsum du zhes pa phung po lnga'i don dus gsum du mdzod cing gnas pa'o/ /de yang ji ltar gnas na ye shes kyi sku rang gis rnam par dag par gnas so/ /skad cig thams cad bye brag phyed ces pad ltar skad cig ma la gcig yin te/ phyis ye shes skye ba ste/ de ni dbang po rab 'bring gi grol lugs so/ /de las lhag pa ni skad cig gcig gis rdzogs sangs rgyas te rab po/ /sangs rgyas kun gyi rang bzhin 'chang zhes ba 'ongs sku bzhi bcu rtsa gnyis so/ /lus med lus te lus kyi mchog ces pa bag chags kyi lus mi gnas te/ ye shes kyi skra'i mchog tu gnas pa'o/ /lus kyi mdza' ni rtogs pa bo zhes pa rin po che lta bu'i sku rtogs pa'o/ /gzugs rnams sna tshoms kun tu ston ces ba sprul ba'i sku 'byin ba'o/ /nor bu chen po rin chen tog ces pa de nas slar mya ngan las 'das te/ chos sku rin po che'i dad la gnas te/ dgongs pa phyis mi 'gyur bar gnas pa'o/ /de yang chad du le'u drug pa gzhi skye 'gag med pa mi nyi pa nyid du gnas pas mnyam pa nyid kyi ye shes kyi don bstan ba'o/ /da ni don bdun pa shes bya thogs pa med pa bya ba grab pa'i ye shes kyi don bstan par bya ste/ a ha dz+nya na sarba ka rma tskra ro/ /sangs rgyas kun gyi rtogs bya ba zhes pa dus gsum gyi sangs rgyas kyis rtogs bar bya ba ni rang rig pa'i ye shes nyid yin te/ de rang la rang chas su gnas pa'o/ /sangs rgyas byang chub bla na med ces pa/ rang bzhin rang ches yin te/ de 'gong na gzhan med bla na med pa'o/ /logs na med gud na med pa'o/ /gsang sdags las byung yi ge med ces pa/ tshig dang yi ge thams cad gsang sngags kyi don ngo bo las byung ba yin la/ de nyid rang tshig dang yi ge las 'das pa'o/ /gsang sngags chen po rigs gsum pa zhes pa mchon byed tshig gi sgron ma des phyi nang gsum du bstan pa'o/ /gsang sngags don kun bskyed pa po zhes pa/ /gzhi gsang sngags kyi rtsa ba las/ gsang sngags spros pa de nyid mtshon cing rtogs pa skyed pa'o/ /thig le chen po yi ge med ces pa rig pa rang 'byung gi ye shes 'gag pa med pa la gang gi yang sgra dang tha snyad mi gnas pa'o/ /stong pa chen po yi ge lnga zhes pa chos sku dngos med kyi dang na rig pa yi ge rnam pa lnga 'od du gsal ba'o/ /de mchon pa a lta bu'o/ /thig le stong pa yi ge brgya zhes pa stobs dang thabs ma 'gags pa'i yi ge brgya zhes bya ste/ 'khor 'das kyi chos brjod bya brjod byed sna tshogs su shar ba'o/ /de yang yi ge brgyar grangs bcad pa ni med kyi mang ba'i tha tshig go/ rnam pa kun ldan rnam pa med ces pa/ yon tan sku gsum gyi rnam pa dang ldan zhing mtshan mar mi gnas pa'o/ /bcu drug phyed phyed thig le can zhes bya ba de la gnyis te longs sku re re la sems dpa' sems ma bzhi bzhis bskor bas/ phyogs bzhi'i tshom bu ste 'khor ro/ /de yang bcu drug ni sems dpa' sems ma bcu drug go /phyed ni pho mo brgyad du bcad pa'o/ /phyed phyi ma ni bzhi bzhis bskor ba'o/ /sprul sku'i skabs su de la yang 'di ltar bstan par bya ste/ rang 'byung dbyings kyi thig le las rtsal ni phyi dang nang du shar te/ nad du rig pa'i ye shes dang sems su snang ba'o/ /phyir bde chen gsang ba'i thig le las bde ba chen po 'od 'bar ba'i thig ler byung/ de las bde ba chen po yongs la khyab pa'i slabs su bcu drug gi phyed brgyad/ /de'i phying bzhi ste/ gcig pad+mar shar/ gcig nyams/ gcig bde gsal mi rtog pa'o/ /gcig g.yo la ma thogs pa'i skabs su chos sku'i bde ba ngos zin cing thugs rje sprul pa'i sku 'byin pa'o/ /yan lag med pa'i rtsis las 'das zhes pa chos sku spros bral chen po gong ma'i rtsis dang grangs de mi gnas zhes pa'o/ /bsam gtan bzhi'i rtse mo can zhes pa/ 'jig rten ba'i bsam gtan las 'das te/ ngang dang rang bzhin bdag nyid chen po lhun gyis grub pa'o/ /de'i don la gnas pa'o/ /bsam gtan yan lag kun shes shing zhes pa/ bsgom pa bslab thabs dang bsgom pa'i sa mtshams so/ /ting 'dzin rig dang rgyud rig pa zhes pa/ de bzhin gshegs pa'i bsam gtan ni rnag rig rgyud la gsal zhing rtog pa'o/ /ting 'dzin lus can lus kyi mchog ces pa/ ting 'dzin mthar phyin pa'o/ /longs sbyod rdzogs sku sku'i rgyal zhes pa yang zhing dag cing mar 'khor ston pa'o/ /sku bzhi bcu rtsa gnyis tshom bu dang bcas par snang ngo/ /sprul pa'i sku ste sku yi mchog ces pa longs sku'i gsung gi zer la rol pa'i thub pa drug ste/ 'gro drug gi nang nas mchog tu gyur pa'o/ /sangs rgyas sprul pa'i rgyud 'chang ba zhes pa sprul sku snga ma grol zhing de'i phyi mas 'gro don mdza de de bzhin gshegs pa'i sku la sprul pa zam ma chad pa'o/ /phyogs bcur sprul pa sna tshogs 'gyed ces pa/ lus bar pa na longs sku la chos kyi sbyan shar ba'i dus su/ yi ge drug pa'i sgra las 'phro ba'o/ /ji bzhin 'gro ba'i don byed pa zhes pa ji bzhin pa la gnyis te/ snga ma'i sprul ba'i sku ji bzhin du don mdzad pa dang 'gro ba'i bzhin mthun par snang bas 'dul zhing don mdzad pa'o/ /lha'i dbang po lha yi lha/ zhes pa dang/ lha yi bdag po lha min bdag ces pa ni/ lhas 'dul ba la lha yi thub pa ltar yang snang/ lha min gyis 'dul ba la lha min ltar snang ste/ 'gro drug gi gnyen bor thub pa drug shar ba'o/ /'chi med dbang po lta yi bla zhes pa lha'i thub pa de lta thams cad kyi bla mar gyur te/ mchog gam gtso bo'o/ /thub pa gzhan go sla'o/ /'joms byed 'joms byed dbang phyug po zhes pa/ gzung ba dang 'dzin pa 'joms pa'o/ /srid pa'i dgon pa las rgal ba zhes pa/ rtogs pa can 'chi ba'o/ /ston pa gcig pu 'gro ba'i bla zhes pa/ ston pa sprul ba'i skur sprul nas 'gro ba drug gi bla ma dang gong mar gyur ba'o/ /'jig rten phyogs bcur rab grags pa zhes pa gnyis te rig pa'i yon tan de ltar snang ba dang/ de'i sprul ba de ltar snang zhing grags pa'o/ /chos kyi sbyin bdag che ba po zhes pa yon tan chos skur 'gyur ba dang/ de brjod par 'gyur ba dang/ byams pa'i go chas bgos pa ste zhes pa dang/ snying rje yi ni ya lang bgos ces pa sprul ba'i sku de dag tshang med pa bzhis 'dul zhing don mdzad pa'o/ /shes rab ral gri mnga' gzhu thogs zhes pa dang/ nyon mongs mi shes g.yul ngo sel zhes pa so sor rtog pa'i shes rab kyis nyon mongs pa dang ma rig pa dang gzung 'dzin gyi g.yul sel ba'o/ /dpa' o gdul dka' 'dul ba po zhes pa dang/ bdud bzhi'i 'jigs pa sel bar byed ces pa ston pas bdud bzhi ngang gis bcom zhing thugs rjes 'gro ba'i bdung shugs kyis sel ba'o/ / bdud kyi dpung rnams pham byed pa zhes pa ma rig pa'i rtsa ba yan lag dang bcas pa rtsad nas bcad pa'o/ /rdzogs pa'i sangs rgyas 'jig rten 'dren zhes pa lus bar pa la chos nyid kyi mkha' la ye shes kyi sku gsal ba'i tshe/ chos nyid kyi sbyan mngon shes dang ldan zhing zhal gyi bar nas yi ge drug pa'i 'khor lo 'byung ste/ sbrul ba'i skus 'jig rten gyi 'gro ba 'dren no/ /mchod bos stod 'os phyag gis gnas/ /rtag tu ri mor bya ba'i 'os/ /bkur 'os brjod par byed pa'i mchog/ phyag byar 'os pa bla ma'i rab ces pa ston pa sprul pa'i sku de yon tan dang ldan pas ci'i phyir zhe na/ 'jig rten gsum po gom gcig bgrod ces 'byung ste/ ston pa'i thugs rjes rtogs pa rgyud la bskyed nas sangs rgyas kyi sprul ba'i sa 'di nas sangs rgyas longs sku'i sar skad cig la seng ge'i 'phyongs stangs lta bu'o/ /mkha' ltar mdza' med rnam par gnon zhes pa rig pa zang thal nam mkha' i mdza' dang mnyam pa'o/ /gsum rig gtsang ma dag pa ste zhes pa sgra 'ga' la 'jug gis kyang zhes sbubs gsum rang lugs chen po'o/ /mngon shes drug ldan rjes dran drug ces pa chos kyi sbyan rnams drug go /rjes su dran pa yang de dang nyid du rtsol lo byang chub sems dpa' sems dpa' che/ /zhes pa don bdag la sems dpa' las log ste/ don gzhan la sems dpa' sems dpa' o/ /rdzu 'phrul chen po'i 'jig rten 'das zhes pa de yang rdzu 'phrul dang ldan pa'i sprul sku ste/ 'jig rten las 'das te rang sar grol ba'o/ /shes rab pha rol phyin pa'i mdza' / /shes rab kyis ni de nyid thob ces pa/ rtsol ba dang bcas pas 'khor ba las pha rol tu phyin pa ni ma yin te/ shes rab khyad par can rtogs pa rgyud la shes pa'i stobs kyis pha rol tu phyin te/ phyogs ltung med pa'i shes rab rnam par mi rtog pa la gnas so/ /bdag rig gzhan rig thams cad la/ /kun la phan pa'i grang zag mchog ces pa ston pa sprul pa'i sku des bdag gi don kyang rig shes grol lo/ /gzhan gyi don stabs kyang rig shes grol te/ thams cad mkhyen te kun la phan 'dogs pa'i sku'o/ /dper bya kun las 'das pa ste zhes ba 'gran ba'i zla med pa'i/ shes dang shes bya'i bdag po mchog ces pa shes par bya ba'i dngos po'i gnas lugs dang/ shes par byed pa rnal 'byor pa ste/ blo rnam pa gnyis su med par 'gyur bas bdag po'o/ /de'i gong na gzhan med pas mcho ga go / gtso bo chos kyi sbyin bdag ste zhes pa rigs drug gi gtso bo thub pa drug gis gang la gang 'dul gyi chos ston pas na'o/ /phyag rgya bzhi'i don ston pa zhes pa/ chos sku dngos med 'gag med phyag rgya chen po'o/ /de'i yon tan gyi snang ba longs sku 'ong 'bar ba ni dam tshig gi phyag rgya'o/ /rang 'byung gi ye shes gsung 'gag pa med pa chos kyi phyag rgya'o/ /thugs rje sprul ba'i skus gdul bya'i don mdzad pa las kyi phyag rgya'o/ /'gro ba'i bsnyen bkur gnas kyi mchog ces pa don de lta bu ston pas na'o/ /nges 'byung gsum po bgrong rnams kyi zhes pa nyan thos rang rgyal byang chub sems dpa' de gsum rim pas bgrong pas bsnyan bkur bya ba gong ma bzhin no/ /don gyi dam pa rnam dag dpal zhes pa nges pa'i don gsang sngags bla na med pa'o/ /de yang rang bzhin gyi rnam par dag pa dbyer mi phyed pa'i sku gsum du bstan pa'o/ /'jig rten gsum na bskal bzang che zhes pa gong ma'i don dang phrad pa rnams so/ /dpal ldan 'byor pa kun byed pa zhes pa bdag dang gzhan gyi dpal dang ldan pas sku dang ye shes kyi 'byor pa byed pa'o/ /gang gis byed ce na/ /'jam dpal dpal dang ldan pa'i mchog ces 'di kho nas so/ /'di yan chad du le'u bdun pa zhes bya thogs pa med pa'o/ /byas grub pa'i ye shes dang sbyar nas bshad pa'o// /da ni la'u brgyad ba che ba brjod pa sngags kyi sgra dang bcas pa bstan par bya'o/ /radz+nya b+h+ri tya ma hA ru tpra sa ra/ mchog sbyin rdo rje mchog khyod 'dud ces pa gong gi don chen po khyad par 'phags pa rin po che lta bu'i dgongs pa grub/ chos nyid 'gyur ba med pa dang 'du 'bral med pa'o/ /don gnyis su med par 'gyur ba'o/ /yang dag mthar gyur khyod la 'dud ces pa rin po che'i sku 'gyur ba med pa/ don gyi phug chen por 'gyur pa'o/ /stong nyid las byung khyod la 'dud ces pa/ dbyings stong pa dang/ rig pa stong pa dpyer mi phyed pa'i nang nas sku gnyis nang gsal du 'byung ba'o/ /sangs rgyas byang chub khyod la 'dud ces pa rang bzhin gyis rnam par dag par yon tan gzhan dbang du ma gyur ba'o/ /sangs rgyas chags pa khyod la 'dud ces pa zag med pa'i bde ba'o/ /sangs rgyas 'dod la phyag 'tshel 'dud ces pa thams cad kyis thob bya'o/ /sangs rgyas dkyes pa khyod la 'dud ces pa gnyis su med pa'i don mthar phyin te/ mya ngan las 'das pa'o/ /sangs rgyas rol la phyag 'tshal 'dud ces pa gnyis su med pa'i mthar phyin pa gdul bya theg pa chen po'i don gzhan la bzhag ste shin tu yang dgyes pa'o/ /sangs rgyas 'dzum pa khyod la 'dud ces pa lus ston pa'o/ /de yang sangs rgyas bzhad pa ni mtshan ma zil gyis gnon pa'o/ /sangs rgyas gsung nyid khyod la 'dud ces pa rang 'byung gi ye shes gsung ma 'gags pa thams cad kyi brjod bya'i rgyur gyur pa'o/ /sangs rgyas thugs la phyag 'tshal 'dud ces pa mi 'gyur ba'i rig pa de bag chags dbral ba'o/ /med pa las byung khyod la 'dud ces pa yon tan gyi stobs sku gsum ye shes lngar 'byung ba'o/ /nam mkha' las byung khyod la 'dud ces pa dngos por med la yon tan du yod pa'o/ /sangs rgyas 'byung ba khyod la 'dud ces pa yon tan gyi stobs sku lnga ye shes lnga chos nyid kyi dang na gnas shing gsal ba'o/ /ye shes las byung khyod la 'dud ces pa gzhi gnas kyi ye shes las mtshan nyid gnyis su med pa'i ye shes lnga 'byung ba'o/ /sgyu 'phrul dra ba khyod la 'dud ces pa rig pa 'gag pa med pa'i ye shes gnyis su med par gcas pa'o/ /sangs rgyas rol ston khyod la 'dud ces pa ye shes kyi snang ba ma 'gags pa'o/ /thams cad thams cad khyod la 'dud ces pa thams cad gnyis su med pa'o/ /ye shes sku nyid khyod la 'dud ces ye shes kyi skur gyur pa'o/ / aoM zhes pa bzhi gnas kyi ye shes las mtshan nyid 'dzin pa'i ye shes lngar rang bzhin gyis 'od gsal ba'o/ /sa zhes pa de'i bzhugs gnas te/ chos kyi dbyings so/ /rba zhes pa gong ma'i thugs rje skur snang ba'o/ /de bzhin du sgra ji bzhin du bzhi sbag la sogs pa dang bstun la khong nas mnga' o/ /d+harmA b+hA ba/ swa b+hA ba/ bi shud+d+ha/ badzra tsak+Shu/ a A aM a/ pra kri ti/ pa ri shud+d+ha /sarba d+harmA ya du ta/ sarba ta thA ga ta/ dz+nya na kA ya/ many+dzu sh+rI pa ri shud+d+ha ti/ mu pa ya te/ aM a/ sarba ta thA ga ta/ h+ri da ya/ ha ra ha ra/ aoM hUM h+ri/ b+ha ga bAM/ dz+nyA na mUrta/ bA gI shwa ra/ mahA bA tsa/ sarba d+harmA/ ga ga na/ a ma la/ su pa ri shud+d+ha /d+harmA d+ha tu/ dz+nyA na garb+ha A:/ de yan chad du le'u brgyad pa/ cha ba brjod pa sngags kyi sgra dang bcas pa bshad pa'o/ / da ni le'u dgu pa rjes su yi rang ba'i sgo nas bdag gzhan gyi sgo nas dgongs pa mthar phyin par bstan te/ de nas zhes pa ston pas gong ma'i don gsungs nas bar gzhan gyis mchod de/ zhu ba pos rjes su yi rang bar phul ba'i tha tshig go /dpal ldan zhes pa rtogs pa bdag gi dpal ldan te/ ston pa'i thugs kyi dgongs pa mkhyen pas mkhyen pa'o/ /thugs rje gzhan gyi dpal dang ldan te/ gsang sngags kyi don zhus nas 'gro don mdzad pa'o/ /zhu ba po rang rgyud pa med de rdo rje sems dpa' i thugs kyi krong nas phyung/ 'od lnga shangs kyi rlung sgrom nas bton nas phyag na rdo rje'i skur gyur pa'o/ /de yang zhib tu gzhan na gsal bas ma smos so/ /rdo rje 'chang zhes pa phyag na rdo rje'o/ /dga' zhing mgu nas thal mo sbyar zhes pa ston pa'i bka' phyin ci ma log pa'o/ /de yang bdag gzhan gyi don mthar phyin pa'o/ /mgon po zhes pa bdag gzhan gyi mgon no/ /de yang gang zhe na bcom ldan 'das de bzhin gshegs pa'o/ /rdzogs sangs rgyas la phyag 'tshal nas zhes pa/ zhu ba pos ston pa la'o/ /de ni mgon po gsang ba'i bdag ces pa zhu ba pos ston pa'i thugs mkhyen pa'o/ /lag na rdo rje khro bo'i rgyal zhes pa khro bo gzhan las lhag par 'gyur ba'o/ /sna tshogs gzhan dang lhan cig tu zhes pa 'khor rnams so/ /gsang bstod nas ni tshig 'di gsol zhes pa dgongs pa skyes pa'o/ /mgon po bdag cag yid rang ngo zhes pa phyi nang gsang ba'i don ston pa la zhus pas 'khor dang bcas pa dgyes pa'o/ /legs so zhes pa tshig ma nor bas so/ /legs so gnyis ma nor bas so/ /legs par gsungs zhes pa ston pas bdag gzhan gyi don du bshad thabs kyi yan lag dang ldan par gsungs pa'o/ /rnam grol 'bras bu 'tshal ba yi zhes pa skad cig gsum la phyi nang ni rnam pa las grol nas 'bras bu ye shes chen po thob par 'tshal ba'i 'khor tam gong ma'o/ /gang zhe na/ 'gro ba mgon med rnams dang ni zhes pa thun mong gi 'khor rnams so/ /bdag cag yang dag rdzogs pa yi zhes pa ni khyad par gyi 'khor ro/ /byang chub thob pa'i don chen mdzad ces pa gnas skabs kyi 'bras bu tsam yin te/ bud+has mya ngan las 'das pa'i dgongs pa gsungs pa'o/ /sgyu 'phrul dra ba'i tshul ston pa zhes pa rig pa dang ye shes kyi 'dug tshul lo/ /'di ni rnam dag legs pa'i lam zhes pa don ma nor ba'o/ /zab cing yang sa la rgya che ba zhes pa gting dpag dka' ba'o/ /don kun 'byung ba'o/ /kun snang chen po'o/ /nam mkha' lta bur nub pa med pa'o/ /don chen 'gro ba'i don byed pa zhes pa ston gong ma'i don gsungs pa ni/ don chen 'gro ba'i don mdzad pa'o/ /sangs rgyas rnams kyi yul 'di ni zhes pa dus gsum gyi sangs rgyas kyi zhes bya'o/ /rdzogs pa'i sangs rgyas rnams kyi bshad ces pa che ba'i ye shes dang tshogs chen po gi'as? ye nas rdzogs pa'i sangs rgyas rnams kyis bshad pa'o/ /bcom ldan 'das 'jam dpal ye shes sems dpa' i don dam pa'i mtshan yang dag par brjod pa'i zhes pa ni bdud bzhi dad gis bcom ste/ sgu dang ye shes su shugs kyis ldan nas/ rtag chad kyi mdza' las ye nas 'das pa'o/ /sku gsum ye shes lnga'i don gnyis su med pa'i mtshon chig bting nas ma nor bar gsungs pa'o/ /bcom ldan 'das de bzhin gshegs pa shAkya thub pas gsungs pa zhes mi'i thug pa das ston pa rdo rje 'chang gi don 'khor rnams la gong bzhin gsungs pa'o/ /de yan chad du le'u dgu pa rjes su yi rang ba'i sgo nas bdag gzhan gyi don mthar phyin par bstan pa'o/ / dam pa'i gdams pa thugs kyi gter/ /rnal 'byor kun gyi thugs 'chang ba/ /'di bris nyes pa 'byung mi srid/ /gal te nyes pa 'byung ba na/ /bla ma bde gshegs chos skyong rnams/ /rtog med ye shes dang du bzod par bzhes/ /'di bris 'di yi dge ba yis/ /dri med rgyud chen grol 'gyur shog /'grel pa rgyun gcod spu gri zhes bya ba dga' rab rdo rjes mdzad pa rdzogs so// //na tshar yang dag par brjod pa nye bar bsdus pa'i rnam par rtog ge zhes bya ba dpal gnyis su med pa'i rdo rje 'dra? bzhugs so/ /drag po mA ra ya phaT sbyar/ /dkyil 'khor lha la mchod cing bstod/ /ye shes gshegs su gsol ba dang/ /dam tshig bdag la sdu bar bya/ /dkyil 'khor lha ni mchod ster ro/ /me yis 'dod pa'i don grub byed/ /yam shing gzi brjid ster bar byed/ /mar gyis 'byor ba 'phel ba yin/ /til gyi sdig pa 'dag pa dang/ /zho zan gyis ni rig pa 'phel/ /nas kyis brtson 'grus 'phel bar 'gyur/ /'bras kyis nus pa 'phel byed pa/ / so? bas 'bru 'phel las yin no/ /gro dang sran mas nad kun sel/ /dur pas tshe ring nang med do/ /ku shas bar chad srung bar byed/ /'o ma sbrang rtsis dngos grub sted/ /dpal 'phel ba ni bud shing ngo/ /sbyin bdag bkra shis thabs yin no/ /tshogs gnyis rdzogs pa mchod pa'i rdzas/ /thabs dang shes rab gzar bu ste/ /bdud rtsi mar gyis tshim byed pa/ /mchod pa gzhan gyis ca zhig bya/ /thog mar dben pa'i gnas nyid du/ /thab dang mchod rdzas bshams pa ni/ /zhi ba tsan dan dkar po'o/ /rgyas pa 'bras bu can gyi shing/ /dbang la tsan dan dmar po dang/ /drag po tshed ma can la bya/ /rgya phyed spangs dang ldan pa dang/ /sna tshogs pad+ma 'dab brgyad la/ /slob dpon bdag nyid 'dug pa dang/ /g.yas g.yon pad+ma 'dab brgyad la/ /g.yas su bsreg rdzas rim gyis bzhag /g.yon du bum pa mchod rdzas bsham/ /de'i rnal 'byor bskyed pa dang/ /sngags kyi bzlas pas rab tu tshim/ /bum par rta mchog bskyed bar bya/ /sngags bzlas bar chad bsrung bar bya/ /de bas bram ze rgyun zhag me/ /bslang la sbar bar bya ba dang/ /dang po 'jig rten me lha mchod/ / gnyis pa dkyil 'khor rgyas pa tshim pa dang/ /gsum pa me lha gtang rag dbul/

CLOSE WINDOW