བོད་ཡིག

e-texts based on the ACIP/ALL Input

/gnod sbyin mo la sogs pa de rnams kyi mthus/ /nyi ma re la ji tsam lag tu blangs pa de thams cad gsog 'jog mi bya bar longs spyad cing/ zad par bya'o/ /gzhan la yang mi shad do/ /de lta bas byas na 'grub par mi 'gyur ro/ /de dag thams cad kyi dam tshig gi phyag rgya so sor gsungs pa'o/ /yang na de dag thams cad rdo rje'i rigs kho nas 'dus pas/ rdo rje'i rigs kyi phyag rgya kho na bya ba ni thams cad la khyad med pa'i phyir ro/ /rdo rje bsdams pa byas nas ni/ /khros pa'i bsam pas bcing bar bya/ mthe bo rdo rje brtan pas mnan/ 'di ni khro ba'i phyag rgyar dran zhes so/ /'di rnams kyi rim pa si lta pas lan bdun tshun chad kyis gal te ma grub na de'i tshe khro bo'i rgyal po'i sngags sbyar te/ stong phrag tsam rtog pa las gsungs pa'i grangs kyis nges par 'grub par 'gyur ro/ /de la sbyar ba ni/ aoM ya mAn+ta ka aoM b+ho ga ba te swAhA hUM/ de bzhin du gzhan gyi yang sngags rnams sbyar la/ bzlas par bya'o/ /de ltar byas kyang ma 'grub na/ bdag gis byas pas/ gnod sbyin ma'i mngon rtogs kyi tshul gyis 'dir bsgrub par bya'o/ /de bzhin du gzhan yang bya ba dang/ spyod pa dang/ rnal 'byor gyi rgyud las bstan pa'i sgrub thabs/ /thams cad dpal gshin rje gshed kyi rnal 'byor pas bsnyen pa bskyal ba dang/ dgug pa la sogs dang/ mchod pa rnams cho ga bzhin du byas te/ bsgoms pas bsgrub par bya'o/ /de las skyon bzlas pas sgrub par bya'o/ /de ci'i phyir zhe na/ 'di rnams rnal 'byor chen po'i nang nas gsungs pa'i sgrub thabs thams cad bsgrub par bya'o/ /zhes gsungs pa'i phyir ro/ /de'i phyir na theg pa gzhan la yang gnas pa'i sgrub thabs sgrub par byed pa la the tshom du mi bya'o/ /sngags rnams yid bzhin nor bu ltar sgrub pa'i 'bras bu gcig tu ma nges pas so zhes so/ / //bya ba spyod pa rnal 'byor rnams/ /de rnams don la khyad med kyang/ /sems can bsam pa tha dad phyir/ /de bzhin phye nas bstan pa'o/ /'gro la phan pa de nyid kyis/ /'gro kun sgyu ma ltar gsungs kyang/ /khrus la sogs pa dag 'dod pa/ /de la ci phyir bdag med bshad/ sna tshogs thabs kyi rgyan rnams ni/ /snying rje'i ro dang ldan pas na/ /de phyir byang chub sems dpa' yis/ /sgyu ma'i gdan ni bstan pa'o/ /bya ba spyod pa rnal 'byor la/ /gang zhig blo ni chags gyur pas/ /des ni cho ga ma chad par de las gsungs pa'i bya ba'o/ /dpa' bo'i 'khrug pas gzhan 'joms sam/ /yang na 'bros pa legs pa yin/ /gnyis po spangs pa'i spyod pa de/ dgod pa med par ltung ba'i phyir/ /rgyud rgyal rgya mtsho'i nang nas shin tu rin chen cho ga 'di/ /'gro la phan phyir dpal ldan gshin rje gshed kyi sgrub thabs bton/ /de phyir 'di las rang gzhan don du rab tu bsgrub pa gyis/ /skabs don phan pa 'di las thob par mi 'gyur ram/ /'di nyid byed pa sems kyi rnam pa thams cad kyis/ /lus can rnams kyi sems ni rang dbang spos pa la/ /srid pa de srid thar pas rab tu khyab pa'i phyir/ /blo yi nor ldan bla ba dag /la thags par 'gyur ram/ /skye shi nad kyis chu rlabs 'khrugs pa'i phreng ba can/ /srid chu'i gter las skye bo'i bsod nams 'dir thob shog /bdag kyang 'jam pa'i rdo rje'i skur ni rab 'gyur te/ srid pa gsum la phan pa ji srid nam mkha' i dbyings/ /bzang ngan rnam par spyod pa'i rang bzhin grub mdza' dang/ 'jam dpal zhabs kyi pad+ma'i rdul tshogs mgos len cing/ /sdig pa phra zhing chung la'ang 'jigs pas rab tu 'dzem/ /thos dang snying rje sbyin dang bzod pa des tshim pa'i/ /shes rab skyong gis dpal ldan gshin rje gshed cho ga bstan/ /gshin rje gshed kyi yid bzhin gyi nor bu'i phreng ba zhes bya ba'i sgrub thabs rdzogs so/ / //rgya gar shar phyogs b+ha ga la'i panDi ta dA na shi la zhes bya bas gnas byin gyis brlabs pa drang srong srin po rir rang 'gyur du byas pa'o/

CLOSE WINDOW