བོད་ཡིག

e-texts based on the ACIP/ALL Input

yak+Sha mi pri tha bi la k+Shi sa d+ha na/ bod skad du/ gnod sbyin mo sa'i bdag mo bkra shis ma'i sgrub thabs/ /aoM bri thi bi ka shma li bi dza ye swAhA/ zhes pa 'di la bsnyen pa khri phrag gcig bzlas la/ de nas khru gang ngam mtho gang pa'i ras shig la gnod sbyin mo phri la gnas pa/ sku mdog ser mo rgyan thams cad kyis brgyan pa bris te/ shin tu dben pa'i sar thang ka la rab gnas byas la/ gcig pa bsrung ba byas la/ nya skam po dang sha dang til gyi phye ma'i spos btad nas/ mar? sar pas rkang mthil la byugs la rang gi mal du 'dug ste/ ji ltar nus pas sngags bzlas par bya'o/ /nub dang po la rmi lam du rtags byung ngo/ /gnyis pa la sgra 'byung/ gsum pa sgo rdung bar 'gyur/ /bzhi pa la nang du 'ong bar mtshon par bya/ lnga pa la mthong bar 'gyur/ drug pa la smra bar 'ong/ bdun pa la bdag gis khyed kyi ci bgyi zhes zer ba 'ong ngo/ /de la 'dod yon lnga bdag la steng ba'i bud med gyis ces brjod do/ /de nas 'dod yon lnga bdag nyid la ster ba'i bud med du 'gyur te/ tshim par gyur nas grub pa'o rdzas rnams ster ro/ /khyad par du mtshan mo kho na bzlas pa bya/ /gang zhig gnod sbyin mo'i sbyin sreg gi cho ga yod de/ des sgrub thabs kyi rim pas sbyin sreg byas nas gnod sbyin mi bsgrub par bya'o/ /gzhan yang gong bzhin gnod sbyin mo rnams bsgom par bya'o/ /yang na rang rang gi rtog pa las gsungs pa'i bzlas pa'i grangs kyis bsgrub par bya'o/ /khyad par 'phags pa 'jam pa'i rdo rje'i rnal 'byor gyis/ dpal sbyu? 'phrul dra ba'i tshul gyis gnod sbyin mo'i sgrub thabs kyi cho ga mang po bdag gis 'dir tha dad du byas pa'o/ /de rang la gnod sbyin ma rnams sgrub par bya'o/ /lte ba'i thang kar lag pa g.yon pa gan rkyal du byas nas/ gung mo dang srin lag gyen du bsla nga la mthe'u chung dang mdzub mo phyir brgyangs la/ de'i steng du lag pa g.yas pa kha sbub la 'dug pa ni/ gnod sbyin ma'i phyag rgya'o/ /de kho na nyid la lag pa g.yon gyi gung mo phyir bkyed la mdzub mo nang du bskum pa ni gnod sbyin gyi phyag rgya'o/ /de nyid la mthe chung dang mthe bo gnyis spyar ba ni gnod sbyin ma gzhan gyi phyag rgya'i khyad par ro/ de nyid la srin lag phyir bkyed pa ni mi 'am ci'i phyag rgya'o/ /de nyid rang la gung mo phyir bkyed na 'dre'i phyag rgya'o/ /de nyid rang la gung mo bskum nas gzhag pa ni 'dre mo rnams kyi phyag rgya'o/ /phyag rgya 'di rnams kyi rtse ba ni gong du bstan pa'i lag pa g.yon pas bcas pa'i phyag rgya de'o/ /zhes so/ /ma dang sru mo skyug mo dang/ chung ma bu mo a ne gnod sbyin mor/ /bsgyur te ma dang srung mo sbyug mo gang/ /de dag mchog ste nor bu rin chen ltar/ /de bzhin bu mo mdza' mo 'bring po ste/ /snying sdug bud med snying mo tha mar shes / mthun mtshams mchod pa me tog phreng 'dri/ /mar gyi mar me yang na mar nag ste/ /bdug spos dri zhim tsan dan a ka ru/ /gtor ma sna tshogs mtshan mo rtag tu dbul/ /brtul zhugs gnas la mngon par 'joms pa yi/ /bud med shin tu chags pas zil gyis non/ / rnyed pa thob dang lus gzungs 'dzag pa ngag / dngos grub ster ba'i bdag mos byed par 'gyur/ /bud med chags pas non la mi 'gro zhing/ /de bzhin rnyed pa chen po rab tu spang/ /sngags pas mtshan me shu kra rab tu bsrung/ /brtson 'grus 'bar ba mchog tu brten par gyis gang zhig log pas gnod sbyin mo brtsams pa/ /rmongs pa da ni myur du 'jig par 'gyur/ srin mo 'dre mo rnams la gong bzhin du/ /cho ga lhag pa'i khyad par 'di nyid de/ /nya sha chang ngag la phug khur ba dang/ /bal sran nas sran dag dang 'bras zan sha/ gtor ma 'di ni kun tu du ka'i spos/ /gnas ni dur khrod skye bos dben pa'i khyim/ /shi ri sha ka bil ba dang/ /ma Da ru pa arka dang/ sha pa dza na d+ha ru ra/ a ga ti dang bri ha ti/ ra dza rka dang ku sha dang/ e ran da dang/ arka dang/ mya ngan med dang de rnams kyi/ me tog rnams ni dbul bar bya/ /klu la 'bras thug bu rnam khur ba mar/ /dri zhim me tog bdug pos dri zhim dang/ phreng ba sna tshogs shing thog mo ka ta/ /zho yos tsan dan a ka ru rnams dang/ /bum pa dang ni ba dan nag po rnams/ /nag po'i gos der gtor ma nag po dang/ /me tog phreng ba gdugs ngang? byug pa rnams/ /ji ltar rnyed pa klu la dbul bar bya/ /chog rab tu bstan pa 'di/ /mthun mong du mi gsungs pa'o/ /sngags kyi nus pa'i nga rgyal gyis/ /'dod pa thams cad 'byung ba'o/ /rtog pa ngan pa'i sbyor ba yis/ /rnam pa gzhan gyis mi 'grub po zhes so/ /gnod sbyin la sogs pa'i sgrub thabs kyi man ngag rdzogs so// //rgya gar skad du/ yak+Sha na ndi ka ra sA d+ha ne/ bod skad du/ gnod sbyin dga' byed kyi sgrub thabs/ gong du Na Da ku pa ra'i sngags kyi skabs su/

CLOSE WINDOW