བོད་ཡིག

e-texts based on the ACIP/ALL Input

/ //srung ba'i 'khor lo'i byin brlabs pa dang/ phyir zlog pa'i man ngag ces bya ba bzhugs so// //rgya gar skad du/ tsakra rak+Sha d+hiSh+ThA na priSh+Tha yo ba de sha nA ma/ bod skad du/ bsrung ba'i 'khor lo'i byin brlabs dang/ phyir bzlog pa'i man ngag ces bya ba/ bcom ldan 'das zhe sdang gshin rje gshed la phyag 'tshal lo/ /srid gsum ro mnyam bde chen po/ /dpal ldan gshin rje 'joms mdzad la/ /btud de de yi 'phrin las ni/ /bsgrub phyir 'phrul 'khor cho ga bshad/ /bsnyen pa byas pa'i rnal 'byor pas/ /ji lta'i sbyor bas 'khrul 'khor rnams/ /sgrub na de'i byin gyis brlabs// blang bya de nas yang ni sgrub/ /dben par maN+Dal sogs byas la/ /rim pa gnyis kyi rnal 'byor mchog /mchod dang gtor ma bum pa bzlas/ /sbyin sreg de bzhin chos 'byung la/ /phyogs skyong bkod la phyi rol du/ /rnal 'byor gtor ma byin la bsgo/ /de nas dad bcas slob ma ni/ /khrus byas thal mo sbyar byas la/ /bla ma la ni phyogs par gzhag /skyabs 'gro sems bskyed la sogs dang/ /sangs rgyas lnga'i sdom pa sbyin/ /ji skad gsungs pa'i las rab 'byams// bsgrub pa'i bsam pa nyer gzhag ste/ /paM las byung ba'i pad+ma'i steng/ /hUM byung dus dgra dmar po bsam/ /snying dang mgrin par ya bsgom pa/ /lte bar re mig dgu pa'o/ /aoM che ge mo'i/ zhi ba dang/ rgyas pa dang/ dpang du bya ba dang/ rengs shing gsang ba rnams 'dod pa ltar 'grub par gyis shig swAhA/ dbus sa'o/ /h+riSh+TIg.yas/ /g.yon du 'god par bya ba nyid/ /lho ru ma yats+tsha yig go /nub tu yi ge me do ni/ /byang gi gsum la do ru Na/ /rtsibs mtshams 'god pa'i yi ge ni/ /na yo ni ra lan gsum mo/ /de nas ri mig phyi ma la/ /aoM ya ma rA dza sa do me ya/ ya ma do ru Na yo da ya/ ya da yo ni ra ya k+She ya/ yak+She yats+tsha ni rA ma ya hUM phaT swAhA/ 'khor lo kha sbyar rab dmigs la/ /spro dang bsdu ba'i sbyor ba yis/ /rgyal ba'i 'phrin las thams cad dang/ /mthu dang yon tan kun bsdus la/ /snying dang 'grin pa'i 'khor lo gzhug / slob dpon dmar po'i 'khor lo'ang/ /ji ltar me ni me gcig la/ /mar me gcig chad ji bzhin du/ /ma nyams 'phel ba 'phangs pa bzhin/ /slob ma'i snying dang 'grin par klan/ /gsang sngags rgyal po bcu bzhi dang/ /rtsa ba'i sngags ni sngon 'gro ba'i/ /yi ge bcu gnyis lung byin la/ /bris zhing bsgrub pa byas pa yi/ /'khor lo'i rdzas ni lag byin la/ /brtan phyir rdo rje spyi bor gzhag /tiSh+Tha badzra tsakra rak+Sha sa ma ya mu dra ho/ /brtan dang g.yo ba'i bcud kun las/ /mi bskyod zhi dang dbang byed pa/ /sngon spyod dam pa'i 'khor lo ni/ /rab 'byam las rnams bsgrub phyir zung/ /'di ni ding nas gzung byas te/ /mi 'bral bar ni bya ba'o/ /de ni rjes su gnang ba yi/ /las ni thog med myur ba dang/ /lha mnyes pa dang rim gnyis kyis// grog gyi dam par 'gyur ba'o/ /gzhan du 'khor lo rtsom pa ni/ /mi mkhas 'grub par mi 'gyur zhing/ /sngar byas dngos grub gang 'dod pa/ /phye phung chu la sogs bzhin no/ /'khrul 'khor gyi byin gyis brlabs pa'i rim pa/ mkhas zhing grub pa brnyes pa'i rnal 'byor gyi dbang phyug dpal 'dzin chen pos mdzad pa rdzogs so/ / //de nas yang dag bshad pa ni/ /gsang dang rengs dang bskrad la sogs/ /bya 'am gzhan gyis byas kyang rung/ /phyir bzlog rim ba'ang gsal/ bar bya/ /'jigs dang bar chod mtshan ma 'am/ /rmi sogs ngan pa byung gyur tshe/ /bzlog pa drug tu bya ba ste/ /rdzas dang sngags dang ting nge 'dzin/ /rlung dang mnyam med dag dang ni/ /srung ba med pa'i bsrung ba'o/ /de la re zhig rnal 'byor pas/ /seng ldang dbyug pa gla rtsi dang/ /gi baM shu dag gu gul dang/ /gand+ha til dang yungs kar dang/ mi min gyi ru si la dang/ /tsan dan dmar sogs de bzhin du/ /li khri mtshal dkar 'dus byas la/ /sa bon sngags las bcu gsum ltar/ /bskyed la bcu gsum gnas su bzhag/ hUM k+She ma me dang dza sa do ru yats+tsha ni rA/ /snying ga mig dang rna ba lnga/ /kha dang lte ba'i 'og bsgo gnyis/ /brla gnyis phrag ba gnyis dang ni/ /de bzhin spyi bo'i gtsug la reg/ ji ltar zhe sdang gshed sogs sgom// rdzas rnams bsdus te lus la bcang/ /tshangs dang khyab 'jug drang srong sogs/ /log par byed pa'i rig sngags kyis/ /nam yang tshugs par mi 'gyur ro/ /phyi'i byad rdzas kyis phyir bzlog pa'o/ /shin tu ngan par byed pa yi/ /rig 'dzin la sogs mong gyur na/ /de bzlog pa'i cho ga ni/ /tshad med sems sogs sngon 'gro bas/ /gsang sngags gsum gyis dag par bya/ /aoM shU n+ya tA dz+nyA na badzra swA b+hA ba At+ma ko haM/ nam mkha' i dkyil du bsam bya ba/ /paM raM las byung pad nyi'i steng/ /sna tshogs rdo rje yongs gyur pa'i/ /bsrung ba'i 'khor lo sgom bya ste/ /rtsibs bcu mu khyud lte bar bcas/ /b+h+ruM las byung ba'i gnas bcu la/ /hUM byung rgyu dang bsre ba las/ /ji ltar 'byung ba'i khro bo bskyed/ /dbus su rang nyid gshin rje gshed/ /mdog gnag mkhros pa ma he'i steng/ /de ltar bskyed nas cho ga bzhin/ /rdo rje gsum du bya ba dang/ /zhug dang bcir sogs legs byas nas/ /Tak+ki rA dza grangs med pas/ /gnod byed gdung zhing dgug la gzhug/ rdo rje'i go gon ting 'dzin ni/ /snying ga'i sems dpa' i gnas su srung bya ni/ /dmigs la bzlas te 'khor bas so/ /dus dus gtor ma sbyin par bya/ /gzir ba'i sbyin sreg mtshan phyed na/ /khro bo bcu la sbyin par bya/ /phyi'i byad sngags kyis phyir bzlog pa'o/ /gal te rnal 'byor laM pa la rtog dang mtshan mas g.yangs pa'i byad/ /bde bzlog pa'i rnal 'byor ni/ /rlung gi sbyor ba brtsam bya ste/ /au pa tan+ta d+ha ru na/ /Da mi bya gra mu sa la/ /g.yo dang 'jug pa'i rlung gzung ste/ /dbu mar rgyu ba ye shes rlung/ /kun byed rnam rtog 'joms pa'o/ /nyon mongs las kyi rlung shugs dang/ /ye shes chen por byed ba ste/ /su yi mthus kyang mi tshugs so/ /nang byed rlung gis phyir bzlog pa'i/ /gdon dang 'jigs dang byad dang nang/ /bar du bcod pa'i chos rnams kun/ /phyi rol gyur pa la yin pas/ /phan tshun bsre ba'i ting 'dzin gyis/ /ji ltar dgu la bdud rtsi bzhin/ /bar gcod ye shes chen por bya/ /'jigs sogs rtog pa'i bdud byung na/ /'dzin mkhan rtog pa rang nyid kyang/ /pha rol gdon du bsgyur byas la/ /gdon nyid gang yin 'dod byar bya/ /de ltar rang nyid gnod byed ni/ /lhang lta pha rol de bzhin no/ /de nas bla ma dran byas nas/ /ji snyed brtan g.yo lha dang sngags/ /su yis su la gnod byed pa/ /'khrul ba'i mtshan ma rang sar grol/ /'dzin pa kun bshig spros med kyi/ /ting 'dzin chen po skye bar 'gyur/ /nang gi byad ting nge 'dzin gyis phyir bzlog pa'o/ /mthar thugs ye shes bdud gyur pa/ /sdug bsngal 'khor ba 'dor 'dod dang/ /blang bya mya ngan 'das pa ste/ /gnyis su rgyu ba nyid yin no/ /de nyid lam du bya ba yang/ /rdo rje 'dzin pa'i gsung bzhin bshad/ /dmyal sogs 'khor ba'ang legs gshes na/ /sangs rgyas nyid las ma g.yos te/ /phung po lnga ru gnas phyir ro/ /ye shes lnga ni yin pa'i phyir/ /lus kyi dri chen la sogs lnga/ /bde gshegs lnga nyid bdud rtsi lnga// rig ma lngar ni bzhugs phyir ro/ /rgyal sras brgyad du gnas phyir ro/ /lha mo drug tu gnas phyir ro/ /'jigs byed bcu ni yin phyir ro/ /de ltar thams cad sangs rgyas kyi/ /dkyil 'khor 'ba' zhig rang bzhin la/ /nad 'joms sman la dug bzhin du/ /'ga' zhig 'di la dong byar 'dzin/ /gal te 'khor ba nyid yin yang/ /'khor ba thog ma dbus mdza' med/ /skye dang 'gag pa kun kyang spang/ /skad cig rdul gyi cha spangs la/ /yod min med min yod pa'ang min/ /sgyu ma'i glang po ji bzhin du/ /skye la skye ba yod min pas/ /sgyu ma'i skyes bus sgyu ma yi/ /bud med 'dor bdag dang mtshungs/ /de ltar bsgoms pas 'khor ba la/ /'dor 'dod ma spangs par yang grol/ /gal te rang nyid bde ba yi/ /zag med dbyings la sems dga' na/ /gnyis med snying rje lhan cig skyes/ /zung du 'jug pa bsgom par bya/ /don gnyis 'byor pa'i sangs rgyas ni/ /bdag don kho na ma yin te/ /'bangs rnams bde la mi 'god par/ /rgyal srid rang bde'i phyir bzung na/ /gzhan phung mjug tu bdag kyang phung/ /bdag ni til tsam med pa'i phyir/ /bdag gi don gyis ci zhig bya/ /bdag med ye shes lhan skyes kyis/ bdag se med ma lus rab bcang nas/ /gzhan don kho na'i blo yis ni/ /mi gnas lhan cig skyes dga' i mchog/ brjod min cir yang snang ba nyid/ /rang bzhin spros dang bral ba ni/ /shel la tshon gyi kha dog ltar/ /sna tshogs stong pa'i gzugs nyid ni/ /bde stong gsal zhing mi rtog pa/ /brtan g.yos sangs rgyas dkyil 'khor nyid/ /yongs su khyab pa'i rang bzhin ni/ /spros med byang chub sems su gnas/ /gang du btsal yang mi rnyed de/ /bcom ldan gshin rje gshed dmar po/ /lhan cig skye dga' zung 'jug ni/ /gdod nas gnas pa yin phyir ro/ /de ltar shes pas 'khor 'das la/ blang dor nam mkha' i sprin bzhin du/ rang bzhin gyis ni zhi bar 'gyur/ /mthar thug ye shes kyi byad rnal 'byor gnyis kyis phyir bzlog pa'o// //de ltar bla ma'i drin las thob par gang gyur pa/ /gshin rje gshed dpal gsang ba'i man ngag gsang ba 'di/ /dri med ji bzhin gsal bar byas la nongs pa kun/ /chos dbyings yin phyir ye shes che rnams bzod mdzad rigs/ /gnyug mar gnas pa bde chen snying rjes brlab gyur pa/ /bdud bzhi 'joms mdzad dpal ldan dus bkrar mang po nyid/ /'di byas dge ba'i mthu yis srid gsum 'gro ba ma lus pas/ /chu la chu ltar rang gi ye shes chen po rig cig rtogs gyur cig /phyir zlog pa'i man ngag gsang ba las kyang ches gsang ba/ /bcom ldan 'das gshin rje gshed dmar po'i zhal gyi gdams pa/ /rnal 'byor gyi dbang phyug chen po dngos grub mchog brnyas pa'i dpal 'dzin gyi mdzad pa rdzogs so// //rgya gar gyi mkhan po a nu pa ma rak+Shi ta dang/ lo tsa ba dang ma yon tan gyis bsgyur cing gtan la phab pa'o/ /dus phyis chos kyi rgyal po'i sku mkhar nyi gzungs su/ /rgya gar shar phyogs kyi mkha' pa chen po dang phan A tsarya dang/ /lo tsa ba blo bo shes rab rin chen gyis bsgyur cing zhus so/ /'di'i dpe skabs su rgya gar bal bo thams cad du rgyun chad pa las phyis dbu rgyan du mkha' 'gro ma brgya mtsho'i gos can las/ rnal 'byor sen te wa len tas zhus te byung ngo// //(las kyi gshin rje chos kyi rgyal po'i bsgrub thabs bzhugs//) // rgya gar skad du/

CLOSE WINDOW