བོད་ཡིག

e-texts based on the ACIP/ALL Input

/ //rgya gar gyi mkhan po de ba A ka ra tsan dra de nyid dang/ /co ga ro bande shes rab bla mas bsgyur cing zhus te gtan la phab pa// //rgya gar skad du/ ya mA ri sid+d+hi tsakra sA d+ha ni/ bod skad du/ gshin rje'i dgra bsgrub pa'i 'khor lo'i sgrub thabs/ /rdo rje mkha' 'gro la phyag 'tshal lo/ /dpal ldan gshin rje'i dgra mgon la/ /yang dang yang du phyag 'tshal te/ /gshin rje'i dgra ni bsgrub bya'i phyir/ / sgrub pa'i thabs ni gshad par bya/ /sngon du gsungs pa'i dkyil 'khor du zhugs pa'i rnal 'byor pa der gsungs pa'i dam tshig yongs su bsrung ba zhing sems dag pas yid dang mthun pa'i gnas su dri la sogs pas byugs pa'i dkyil 'khor la me tog gi sil ma dgram par bya'o/ /der bcom ldan 'das gshin rje dgra'i bris sku bzhag la/ /de nas rang gi sngags kyis arg+ha'i snod la mngon par bsngags te bzhag par bya'o/ /rang gi snying gar a las nyi ma'i dkyil 'khor de'i steng du sa'i pha rol gyi sna tshogs mdzes pa'i gdan au ma byas la/ /zla ba dang thig les brgyan pa las 'od zer sngon po 'bar ba las bdud kyi gnas bsregs te/ /bgegs med par dmigs la/ /rang gi sa bon 'od zer sna tshogs spros te/ de rnams rdzogs pa las rje btsun bla ma dang/ yang dag par rdzogs pa'i sangs rgyas dang/ byang chub sems dpa' rnams kyis til gyi gang bu bzhin du nam mkha' khyab par mthong nas/ yang da par mchod par bya ste/ /aoMm badzra puShpe hUM/ aoM badzra d+hu pe hUM/ aoM badzra dI pe hUM/ aoM badzra gand+he hUM/ aoM badzra nai bi dye hUM/ de nas dkon mchog gsum la skyabs su mchi/ /sdig pa thams cad so sor bshags/ /'gro ba'i bsod nams rjes yi rang/ /sangs rgyas byang chub yid kyis bzung/ /sangs rgyas chos dang dge 'dun mchog /byang chub bar ni skyabs su mchi/ /rang dang gzhan gyi don bsgrub phyir/ /byang chub sems ni bskyed par gyis/ /byang chub mchog gi sems ni bskyed bgyis nas/ /sems can ma lus bdag gi 'gron du gnyer/ /byang chub spyod pa bdag gis spyad par bya/ /'gro la phan phyir sangs rgyas 'grub par shog /de ltar sngon du smon lam lan gsum brjod do/ /de'i rjes la sngags 'dis chos thams cad bdag med par bsgom ste/ /aoM shU n+ya ta dz+nyA na badzra swa b+hA At+ma ko haM/ zhes bya ba 'di lan gsum brjod de/ /khams sum ma lus pa sgyu ma'i rang bzhin du bsgoms te/ /'gro ba thams cad mi dmigs par bya'o/ /de nas thog ma med pa'i dus kyi kun tu rtog pa'i sa bon ma rig pas byas pa'i ngo bo nyid dag cing/ /lhag par mos par byed pa ni lan gsum bzlas te/ /aoM swa b+hA ba shud+d+ha'khor/ /de'i steng du hUM bsams te/ /de las gshin rje gshed kyi rang bzhin du 'od spro bar bya ste/ /de'i rang bzhin gyi 'od zer gyis gshin rje gshed kyi rang bzhin du gsal bar bltas la/ /de nas de thams cad 'dus pa las/ /de nyid kyi mtshan ma la gzhug par bya'o/ /de nas thams cad rdzogs pa'i mthar gshin rje'i dgra mdog sngon po khros pa 'jigs par byed pa/ zhe sdang dang bcas pa gang rgyangs rnam par sgrog pa/ /mche ba gtsigs pa'i zhal/ /gsus pa 'phyang ba/ /mi mgo skam po rnam par brgyan pa/ /skra ser po gyen du brdzes pa/ /mi bskyod pa'i dbu rgyan can mgo ba'i phreng bas dbu skra'i ral pa bcings pa/ 'jam dpal gyis kun tu brgyan pa/ /klu'i dbang po sna tshogs kyis spras pa/ /stag gi pags pa'i sham thabs can/ seng ge'i pags pas se ral du brgyan pa/ /zhal drug pa'i ljags bsgyur ba/ /sna tshogs pa'i zhal dang ldan pa/ /steng gi zhal 'jigs par byed pa/ /tshangs pa dang dbang po dang drag pos phyag byas pa/ /phyag drug pa g.yas gsum na rdo rje tho ba dang/ ral gri dang/ rdo rje bsams pa'o/ /g.yon gyi gsum na sdigs mdzub byed cing/ zhags pa dang/ gtun shing/ rdo rje dril bu bsnams pa'o/ /sna tshogs kyi mdog can 'bar ba'i phreng ba'i 'od kyis khro bo rnams kyi phyag na mtshan ma lnga bsnams pa rnam par bsgoms ste/ ma he'i gdan la bzhugs pa/ zhabs drug pa/ zhabs gnyis kyis g.yon brkyang ba/ /rdo rje'i rkang pa gnyis kyis gar byed pa'o/ /rdo rje'i rkang pa gnyis kyis sems dpa' i skyil mo krung legs par brten pa/ /de'i 'og tu gshin rje'i rgyal po chung ma dang bcas pa kha sbub du 'gyel ba dang/ lha dang lha ma yin la sogs pa'i bgegs rnams 'joms par byed par bsam mo/ /bdud rnams 'jigs shing sdangs pa dang/ kha sbub tu 'gyel te gnas pa'o/ /de nas ye shes sems dpa' spyan drang bar bya ste/ mdzub mo gnyis lcags kyu'i tshul du byas la bskul zhing sngags 'dis dgug ste/ aoM badzra aM ku sha dzalcags sgrog gi gzugs kyis rked pa 'am dbyi mgo gnyis bcing bar bya zhing/ /aoM badzra spho Ta baM/ de nyid rdo rje mthong bas bcings te/ dbang du bsdu bar bya'o/ /aoM badzra A be sha hornam pa thams cad kyi mchog de mthong ste/ hUM las bgegs rnams gzhom par bya'o/ /de nas rang gi sngags dang phyag rgya 'dis arg+ha'i snod sbyin bar bya ste/ rdo rje thal mo sbyar la arg+ha'i snod ltar bya ste/ aoM h+rIhUM hUM phaT phaT swAhA/ /rdo rje khu tshur las mdzub mo dang mthe bos me tog blangs la khu tshur bcangs te/ /rim gyis gung mo la sogs pa brkyang ste/ aoM pra ba ra sa ta kA ra pra tIts+tsha swAhA/ de nas phyag rgya 'dis bsdus te/ rdo rje khu tshur gnyis bcings te// mdzub mo dang mthe bong se gol brdab cing/ aoM badzra sa ma dzaphyag rgya dang rang gi sngags dang lhan cig tu snying ga dang/ mdzod spu dang/ mgrin pa dang/ mgo rnams su gzhag par bya ste/ de la phyag rgya ni lag pa gnyis thal mo sbyar te/ /mthe bong gnyis brkyang gung mo'i rgyab tshigs kyi gsum par sbyar ro/ /de nas rang gi lce la hUM gis rdo rje gnod mdzes bsgom par bya'o/ /chos kyi phyag rgya'o/ /phyag rgya chen po'i don du de nas dbang bskur ba blang bar bya'o/ /rdo rje bcings pa las gung mo gnyis bsgreng ste myu gu ltar byas pa ni/ /rdo rje sems dpa' i phyag rgya ste/ spyi bor gzhag la aoM badzra satwa hUM a b+hi Shiny+tsa mAM/ /'dis thams cad du/ bcom ldan 'das mi bskyod pa mdog gnag ba sa gnon gyi phyag rgyas gnas par bsam mo/ /de nas mthe bong gnyis sems dpa' i skyil mo krung du mdzub mo dang gung mo so sor sbyar te/ mdzub mo'i tshig gnyis pa bcag /gung mo yud tsam bcag ste/ lhag ma sor mo mnyam par sbyar ba ni rnam par snang mdzad kyi ste/ dpral bar gzhag nas rnam par snang mdzad mdog dkar po byang chub mchog gi phyag rgyas bzhugs pa'o/ /rdo rje bcings pa las gung mo rin po che'i gzugs ltar byas pa ni rdo rje rin chen mas te/ /rna ba g.yas pa'i steng du gzhag pas rin chen mchog ser po mchog sbyin can no/ /de nyid las sor mo rnams pad+ma'i myu gu ltar byas la gung mo rtse sprad de yud tsam thur du bcag ste/ 'dab ma ltar byas pa ni chos kyi rdo rje ma ste/ /ltag par gzhag pas snang ba mdza' yas sku mdog dmar po ting nge 'dzin gyi phyag rgyas bzhugs pa'o/ /rdo rje thal mo sbyar ba las mthe bong gnyis mnyam par sbyar ba gung mo'i tshigs gsum pa'i rgyab tu mdzub mo bzhag pa ni las kyi rdo rje ma'o/ /rna ba g.yon pa'i steng du bzhag pas don yod grub pa mdog ljang gu mi 'jigs pa'i phyag rgyas bzhugs pa'o/ /de nas go cha'i dar dpyangs bcings te/ /mdza' ma la sogs pas bsrungs te/ kun nas mchod par bya'o/ /de la 'di ni bcom ldan 'das la sngags kyis mchod pa ste/ thams cad kyang pad+ma dang zla ba'i gdan can ma'o/ /aoM lA sya hUM me'i mtshams su rdo rje sgeg mo dkar mo/ /sems dpa' i skyil krung ma/ thams cad pad+ma dang zla ba'i gdan can ma/ /rdo rje khu tshur gnyis dgur brten te/ gang byed pa'i 'gying bag dang bcas pa/ g.yon du zhal yid tsam 'dud pa'o/ /de bzhin du aoM badzra mA le hUM/ bden bral du rdo rje phreng ba ma sku mdog ser mo bsam par bya'o/ /aoM badzra gI ti hUM/ 'dis rlung gi phyogs su mdog dmar mo g.yon rdo rje khu tshur sdigs mdzub sgreng ba/ g.yas rdo rje khu tshur sdigs mdzub bsgreng ba'o/ /g.yas g.yon klu len pa'i gar byed cing bsgeg pa'o/ /lus yid tsam gar byed pa/ glu len cing pi wang rdung par byed pa'o/ /aoM badzra nir tye hUM/ 'dis dbang ldan gyi phyogs su sku mdog ljang gu phyag gnyis kyis phyogs kun tu bsgyur ba sgeg pa'i nyams dang ldan pa de nyid mgo bor gnas pa/ /gang sbyor ba'i tshul gyis gnas pa ni gar mkhan ma'o/ /aoM badzra puShpe hUM/ mdun du sku mdog yid tsam dkar ba de bzhin du sngon du gar byed pa/ /rdo rje thal mo mgo bor rnam par 'dzin pa las snying gar me tog gi phreng ba 'dzin par byed pa ni me tog ma'o/ /aoM badzra d+hA be hUM/ g.yas phyogs su yid tsam 'dud la/ sku mdog ser ba lag pa gnyis kyi mthe bong gnyis brkyang ba ste/ thur du bskor zhing spos dbul bar bya'o/ /aoM badzra dI pe hUM/ rgyab tu yid tsam 'dud pa sku mdog dmar ba de bzhin du rdo rje khu tshur bcings la/ /lag pa gnyis gyen du bsgreng te/ /bskor zhing mar me 'bul bar bya'o/ /aoM badzra gand+he hUM/ g.yon du yid tsam bdud pa kha dog ljang ba/ de bzhin du sngon du gar byed cing yongs su bskor ba gnyis kyis byug par byed pa dri chab ma'o/ /'di dag rang rang gi phyag rgya bcings pa las byung ba/ sgeg mo la sogs pa'i lha mo rol pa dang bcas par lag pa bskyod pa rnams so/ /nam mkha' i dkyil 'khor khyab pa'i chos thams cad sgyu ma lta bu'i ngo bo rtogs pa/ so sor brjod kyi mi lang ba'i rang bzhin sprul te/ /mchod pa sna tshogs pa'i sprin gyi tshogs nam mkha' dang mnyam pa bcom ldan 'das la mchod pa byed par bsam mo/ /ji ltar bstod pa la sogs pa thams cad man ngag la bya'o/ /dus bzhi'i rim pas rtsa ba'i sngags ji srid bzlas pa de srid mtshan ma bzang po rnams nges par mthong zhing nyi ma bdun na rmi lam bzang po mthong ba ni de'i dus la sangs rgyas rmi lam du mthong ba dang/ mchod rten dang/ sku gzugs dang/ gang yang dge 'dun mthang ba dang/ dge slong ma dang/ de bzhin du yang lha khang dam/ dge slong gcig gam/ de bzhin du chu klung ngam/ mtsho la rgyal ba dang/ ri la 'dzeg pa dang/ bde bar gshegs pa rnams dang/ brtul zhugs can dang/ sngags pa bye brag can dang/ dbang bskur bar byed pa rmi lam na mthong ba dang/ dge slong ma dang/ de bzhin du ljon shing gis spras pa'i gnas rnams mthong ba dang/ dam pa rnyed pa dang/ reg pa dang/ de bzhin du gzhan yang dge ba'i dngos po rnams kyi mtshan ma mthong na/ de nas las rnams brtsam par bya ste/ /de la las thams cad byed pa ni/ /'khor lo'i mtshan nyid ri'u mig bzhi bcu rtsa dgu pa shin tu 'bar ba gsal bar bya ste/ de la A li kA li'i sbyor ba la au med pa rnams cho ga bzhin du bris pa las dbang ldan la sogs pa'i phyi rol gyi mtshams la ri la sogs pa'i yi ge bzhi dgod par bya'o/ /rtsa ba'i sngags goms pa'i dbang gis spel lo/ /au'i re'u mig gi steng du ji lta bar mgo bos pha rol mdzes pa'i sna la brgyad pa dang 'og gis spras pa/ dbyangs yig bzhi pa sum skor byas la dbus kyi re'u mig la yi ge ji ltar gsungs pa'i rim pas bsgrub bya'i ming dang spel te bri'o/ /las thams cad byed pa'i 'khor lo nges bsrung ba'i don la skyes pa rnams la gur kum dang/ /bud med rnams la gi wang gi gro ga 'am/ /aum lha'i shun pa'am/ sla gor zho sha'i shun pa 'am/ ras la bsrung ba'i skul tshig dang ldan par bri ba na kha shar phyogs su bltas te/ zhi ba'i las nad par gyi mtshams la bya/ rje btsun sku mdog dkar por bsgom ste bri/ /mchod pa chen pa byas te ji lta ba bzhin du dbang bskur ba la sogs pa sngar sbyin pa byas na/ bsrung ba chen pa byas pa dang ldan par 'gyur ro/ /bud med dam skyes pa la sogs pa zhi bar bya bar 'dod pas/ /'khor lo 'di shing shing sha'i shun pa la bri bar bya/ tsan dan dang/ gur kum gyis bris shing yang dag par de nyid kyis bya'o/ /sngar gsungs pa'i zhal la sogs pa las thams cad byed pa'i thab tu dgod par bya'o/ de'i snyed du bla de dgram par bya'o/ /bum pa bzhi po rnams la rin po che sna lnga dang 'bru lnga dang/ sman lnga'i nang du gzhug /dri zhim po'i chus dgang/ ras kyis bum pa'i mgrin pa dkri bar bya/ /me tog dang 'bras bu dang ldan pa'i shing gis kha rgyan bya/ phur bu sna tshogs kyis thabs kyi phyi rol gyi mtshams bzhir bgegs bskrad par bya/ /bum pa bzhi gzhag par bya/ /thams cad du thad kha la sogs pa gzhag cing dgram par bya/ dri dang chu dang me tog dkar po bsres la/ skyong chu gtor gi sngags kyis chu'i sbyin sreg bya'o/ /chu des thams cad du yang dang/ yang du gtad/ nyi ma bdun du thams cad du yang gtor ma sbyin/ de nas 'khor lo de dbyung bar byas nas/ rgyal mtshan gyi rtse mo la btags te gnas mthon por gzhag ste/ nyi ma re re zhing mchod pa byas na de nas zhi bar 'gyur ro/ /dmag gi dpung la sogs pa la rengs par bya ba la sngar gsungs pa'i shing shun la ldong ros dang/ yung ba'i khu bas bskus te dri de yang bsku bsgrub bya'i rkang rjes kyi sa dang/ rnam par snang mdzad dang/ chu bo'i dogs gnyis kyi sa dang/ ri'i sa dang/ lam rgya gram gyis dang/ sngar gsungs pa'i ldong ros dang/ yung ba'i khu bas bcing la/ gzugs brnyan byas nas de'i snying gar bcug ste/ kham phor kha sbyar gyi nang du bcug la bsgrub par bya ba 'ong ba'i lam gyi sa 'og tu bcug ste/ seng ldeng gi phur ba sod brgyad pas lus la sogs pa man ngag ji lta bas phur bu gdab pa byas nas gtor ma yang sbyin no/ /ji ltar gsungs pa'i mdog la sogs pa 'di dag rdzogs pa dang/ lnga stong bzlas pa byas na gdug pa can thams cad rengs par 'gyur ro/ /gang du rim dang dug la sogs pa med par byed pa der sran ne la lan bdun bsngags te/ 'dis 'khor lo bri bar bya'o/ /de'i steng du bsgrub bya gzhag cing ji ltar gsungs pa'i cho ga byas na de nas zhi bar 'gyur ro/ /dgra bo bcing ba la kham phor ma bsregs pa kha sbyar la/ 'khor lo 'dis shing myos byed kyi khu ba dang dur khrod kyi sol ba dang btsag rnams bsres la bri/ ro bsregs pa'i thal ba dang/ sas g.yogs par bya/ de'i ming dang spel te stong bzlas na 'dis kha bcings pa la sogs pa'i nyes pa 'byung bar 'gyur ro/ /bsad pa'i sbyor ba la 'khor lo 'di dur khrod kyi ras la dug dang/ tsha dang/ ske tshe dang/ mdzub mo'i khrag bsregs la bri/ /ro sregs pa'i sa dang/ thal ba dang/ dgra bo'i rkang rjes kyi sa dang/ mi rus kyi phye ma rnams kyis bsres la gzugs brnyan byas te/ de'i snying gar gzhug par bya'o/ /de nas dur khrod kyi me la bsro zhing khros pa'i sems kyis stong phrag bcu bzlas pa byas nas/ de'i khyim mam/ /dur khrod du sbas na/ de nas skad cig gis 'chi bar 'gyur ro/ /dgra nang dbye na ma he dang/ rta'i pags pa 'am/ /yang na dur khrod kyi ngas sam/ ro'i ras la/ ma he 'am rta'i khrag gam/ byi la dang khyi 'am/ khyim bya'i khrag gam/ nim pa'i 'dab ma'i khu ba dang/ ske tshe dang bsres pas 'khor lo 'di bri/ rnam par 'gras par byed pa'i tshig dang ldan par bskul ba bris nas/ rta'i spal gyi khar bcug la ma he'i rmig pa'i nang du gzhug par bya'o/ /de nas bzlas pa khri byas shing nim pa'i shing bskos te de'i nang du snga bar byas na/ de gnyis 'gras nas dpag tshad brgyas chos kyang 'thab par 'gyur ro/ /de nas rims kyis thebs par 'dod na dur khrod kyi ras la 'khor lo 'di tsi tra ka dang/ dug dang/ arga'i 'o ma dang/ ske tshe dang/ khrag rnams kyis rdzogs par bris nas seng ldeng gi me la bsro zhing khros pa'i sems kyis brgya phrag lnga bzlas pa byas na/ /rims kyis 'dzin par 'gyur ba ni/ bsgrub bya'i khyim mam/ lam gyi bzhi mdo 'am/ dur khrod du spas na'o/ /thams cad las grol bar 'dod na 'o mas bkrus na grol bar 'gyur ro/ /rgyas pa la gro ga la bzhi mnyam gyi 'khor lo 'di bri/ tha ma gnyis su aoM bri/ dbus su bsgrub bya'i ming/ skul bar byed pa'i tshig dang ldan par bzung bar bya zhing/ /thad ka'i mdun du nyin re bzhin du kha nub tu bltas la/ zla ba drug tu gnod sbyin dang/ gnod sbyin mos rin po che'i char 'bebs par byed par bsam zhing bdag po'i gzugs kyis rnam par bsams te/ bzlas pa khri dang sbyin sreg khri byas na 'grub pa na de nas nor gyi bdag po chen por 'gyur ro/ dbang du bya ba la ni 'khor lo gro ga la sogs pa'i shog shog la rang 'byung gi me tog dang gi wang gis bri/ yang na srin lag gi khrag dang/ pil ba'i 'o ma'i khu ba dang/ ras dmar po'i khu ba dang de'i rtse rnams bsres la bris te/ spra tshil gyis yang dag par dkri shing byugs nas mar dang sbrang rtsis bkang ba'i bum pa'i nang du gzhag la/ 'dzab khri bya ba ni ho mthar sbyar zhing nyi ma re re zhing ji ltar gsungs pa'i rim pas mchod pa byas na mod la/ dbang du 'gyur ro/ gra go la gur kum gyi sa skar ma rgyal gyi zla ba la sogs pa gzas zin pa'i dus su bris nas skud pa dmar pos dkri zhing mchod pa chen po byas te/ gtor ma yang sbyin zhing 'dzab stong phrag bcus sgrub pa byas la ji ltar gsungs pa'i gzugs kyis mi'i thod pa'i nang du gzhug par byas na/ /de nas gang dang gang 'dod pa de rnyed par 'gyur ro/ /ral gri la sogs pa reng bar bya ba la/ 'di nyid kyis ci yang rung ba'i mtshan rengs par byas nas/ tshig bskul ba dang ldan par bris na des rengs par byed do/ /drag po la sogs pa yo byad cho gas pa dang ldan pas gang 'dod pa de med par byed do/ /sngon du gsungs pa'i rim pas zhi bar 'gyur ro/ /ma mo'i khyim dang/ dur khrod dang?/ shing? gcig gi drung ngam/ gnas stong pa 'am/ chu 'gram mthon po dang ri 'am/ gnas dben pa 'am/ mchod rten dang/ sngon du grub pa'i gnas dag gam/ yid dang mthun pa'i gnas sam/ lha gang dang rang gi khyim du sngags pas 'dzab bya ba bzlas pa byas na/ ji ltar gsungs pa'i rim pas gsang ba'i dbang bskur ba bla ma la dad pa de kho na nyid rig pa/ bla na med pa des ci yang 'grub po/ /ri lu 'dod pa'i dngos grub dang/ rA sa'i dngos grub dang/ rengs pa'i dngos grub dang rkang mgyogs kyi dngos grub dang/ ral gri dang/ gnod sbyin mo dang/ sa 'og ma dang/ gi wang dang/ bum pa bzang po dang/ de bzhin du rig pa 'dzin pa'i dngos grub dang/ klu mo dang/ lha ma yin gyi bu mo dang/ mi 'am ci'i bu mo dang/ de bzhin du mi'i bu mo dang mkha' la spyod pa dang/ gang 'dod pa de grub par byed do/ /rang gi sde yongs su bsrung bar byed de/ /gzhan gyi sde 'joms par byed do/ /srin mo la sogs pa med par byed do/ /mkha' 'gro ma rnams 'joms par byed do/ /rims nyi ma bzhi pa la sogs pa med par byed de/ /dug dang pra dbab pa la sogs pa la yang bzlas pa byas par 'grub po/ /stag la sogs pa 'jigs par byed do/ /chu yis 'jigs pa med par byed do/ /sngags 'dzin pas 'dod pa'i snying po de rnyed par 'gyur ro/ / bla ma'i zhal lnga nas kyis snang ba las/ rang gi snying gar 'khor lo dgod par bya'o/ /ngo mtshar du ma rnams byed do/ /rje btsun gyi nga rgyal dang ldan pas kun tu gnas par bya'o/ /sngags pas rtag tu bzlas pa byas na des thams cad 'grub po gtor ma thams cad sngags 'dis sbyin par bya'o/ /aoM h+rIgtor ma sbyin par byas pas 'grub po/ /'khor los dgos pa kun byed do/ /sangs rgyas kun gyis byin brlabs kyis/ /ye shes bla ma gnang ba yi/ /byas pa dran pa yis ni byas/ /gshin rje'i dgra mgon na na dag gis/ /bsgrub pa'i thabs kyi mchog byas la/ /de'i bsod nams khyad par gyis/ /sems can gnas chen thob par shog /dpal au rgyan gyis yul nas byung ba grub pa'i 'khor lo ji ltar rnyed pa klu'i byang chub kyis mdzad pa rdzogs so// // de nas yang dag bshad bya ba/

CLOSE WINDOW