བོད་ཡིག

e-texts based on the ACIP/ALL Input

/ (//dpal rdo rje 'jigs byed kyi sgrub thabs rdo rje'i 'od ces bya ba rnam snang bsrung bas mdzad pa bzhugs so//) //rgya gar skad du/ sh+rI badzra b+hai ra wa badzra pra ka ra sa d+ha na ma/ bod skad du/ dpal rdo rje 'jigs byed kyi sgrub pa'i thabs rdo rje 'od ces bya ba/ 'jam dpal gzhon nur gyur pa la phyag 'tshal lo/ /zab cing rgya cha 'jigs pa 'jigs mdzad pa'i/ /snying rjes khros pa'i 'khor lo la btud de/ /de nyid thob phyir snying rjes 'gro rnams la/ /mi phyed gsal ba'i sgrub thabs cho ga bri/ /'di nyid dbang thob blo gros gsal/ /gnang ba thob cing brtul zhugs nus/ /'gro ba'i don la rab brtson pas/ /dur khrod la sogs gnas su bsgrub/ /bris sku rab gnas legs ldan la/ /sha chen dmar chen mchod gtor dbul/ /rig ma ltan tshig dpa' ba 'am/ /yang na gcig pus bsnyen bsgrub bya/ /mchod sbyin rgya tshen sems bskyed cing/ /dbang dang tshogs ston smon lam gdab/ /bdud rtsis khrus gsol khro bo bcu'i// sngags kyis gnas bdag rnal 'byor bsrung ngo/ /snying gar paM dang re ba dang/ /thugs mchog sa bon rim pa las/ /pad+ma nyi ma rdo rje che/ /sa bon mchog las 'od lnga spro/ /rigs rigs bskul dang spyad byas nas/ /rgyal ba 'jigs byed bla ma blta/ /dkod pas phyag byas spros pas mchod/ /sdig pa 'gyod bshags slan chad bsdam/ /yi rang skyobs dang sems bskyed cing/ /bskul dang gsol rnams rgyas gdab bsngo/ /byams dang snying rje dga' ba dang/ /btang snyoms bzhi la nan gtan bsgom/ /rang rang gnas dang bris sku la/ /spyan drang lha sogs gshegs su gsol/ /de nas phyi dang nang gi chos/ /thams cad de bzhin nyid yin cing/ /swa b+ha wa yis rjes su brjod/ /stong pa nyid la gshin tu gzhag /de nas sngon gyi smon lam dran/ /chos nyid de las yi ge yaM/ /raM dang hUM ni sngo dmar nag /de dag so sor gyur pa las/ /rlung dang nyi ma'i dkyil 'khor dang/ /rdo rje sa gzhir bkur/ /blo dang ldan pas bsrung ba ni/ /nam mkha' mnyam pa rab tu bsgom/ /de'i dbus su paM bsam zhing/ /dang po'i dbyangs yig d+hIrigs kyi bdag po bsgom/ /thugs kar rim par gnas pa yi/ /'od zer spro dang bsdus pa las/ /rnam par snang mdzad nyid du gyur/ /mtshan dang dpe byad nyid kyis brgyan/ /de yi khyad par gyur pa las/ /gzhal yas phyi nang bcas pa bsgom/ / gru bzhi pa la sgo bzhi pa/ /rta babs bzhi dang yang dag ldan/ /dril bu ral gri 'phan la sogs/ /me tog phreng bas rnam par brgyan/ /sgo dang sgo khyud 'gram rnams su/ /rdo rje rin chen gyis spras pa'i/ /zla ba phyed pa de bzhin no/ /'dod yon mchod pa'i lha mo rnams/ /dur khrod brgyad dang bcas pa ste/ /shar ni gtum drag rab tu grags/ /de bzhin lho nub byang gi rim/ /ha ha rgod dang dpal gyi nags/ /ki li ki li shes par bya/ /me la sogs pa'i rim pa yis/ /tshang tshing can dang 'bar ba'i 'od// 'jigs sde dang ni mun pa can/ /de yi rim pas brgya byin dang/ /gshin rje chu lha gnod sbyin dang/ /me lha srin po rlung lha dang/ /'byung po'i bdag po dang brgyad do/ /shar gyi lha dbang dkar po ste/ /rdo rje 'dzin pa glang po zhon/ /lho yi gshin rje kha dog nag / dbyug pa 'dzin la ma he zhon/ /nub kyi chu lha dmar skya'i mdog /sbrul gyi zhags 'dzin chu srin zhon/ /byang gi gnod sbyin rta yi khri/ /kha dog ser po bum pa 'dzin/ /me lha dmar po dbyug gu ste/ /drang srong cha byad ra la zhon/ /srin po nag po gri gug lag / mi ro mi'i khri la gnas/ /rlung lha ljang gu ba dan 'phyar/ /sha ba zhon pa dag dang ldan/ /'byung po'i bdag po thal ba'i mdog /rtse gsum khyu mchog zhon par bcas/ /'di dag thams cad phyed skyil krung/ /ral pa'i thur? tshugs mig gsum pa/ /khro bo'i brjid ldan sprul dur khrod/ /brgyan cing chung ma bu 'khor bcas/ /chu lha gcig pu sbrul mgo dang/ /bcas pa rnal 'byor rnams kyis bsgom/ /klu shing a ma'i shing dag dang/ /mya ngan med dang tA la'i shing/ /ardza? na dang pa la sha/ au dum wa ra byang chub shing/ /shing gi zhing skyong brgyad po yang/ /phyogs skyong kha dog brgyan de bzhin/ /glang po ma he gdan gyi mgo/ g.yas pa gri gug thod pa g.yon/ /rnal 'byor pa rnams bsgrub pa'o/ /dri za gshin rje phyogs kyi gdon/ /sha za yi dags ro langs gzhan/ /bya dang gcan zan sbrul dag dang/ /ro langs dum bu tshigs dang rus/ /mchod rten ce spyang za ru brgyug /phyogs kyi rim pas steng dag na/ /tshangs ba dbang po khyab 'jug drag /tshogs bdag stobs bzangs smin drug bu/ /lags ldan nyi zla lha yi tshogs/ /ser po dkar po smug po nag /ser skya sngo skya dmar skya nag /bum pa rdo rje 'khor lo dang/ /rtse gsum mda' gzhur ral gri phub/ /mdung dang gri gug 'dzin pa yi/ /chung ma bu dang bcas pa bsgom/ /chu brgyad sprin brgyad par dag na/ /'og gi sa bdag lha mo phag /klu brgyad shar la sogs rim par/ /stobs kyi rgyu dang dung skyong dang/ /mdza' yas nor rgyas 'jog po dang/ /rigs ldan pad+ma pad+ma che/ /ljang dang ser dang sngo dang nag /dkar po ser po dmar dang dkar/ /sprul gyi gdengs ka zhags pa dang/ /rang dang chung ma bu 'khor bcas/ /thams cad rdo rje'i mig can te/ /rgyal ba'i bka' nyan bstan pa bsrung/ /sgrub pa po bsrung phyi bzhin 'breng/ /sha khrag drag po'i las la dga' / /gzhal yas de yi nang dag du/ /sna tshogs pad+ma 'dab ma brgyad/ /sna tshogs rdo rje'i ra ba bsgom/ /shar ni dkar po lho ser po/ /nub ni dmar po byang ljang khu/ /chen po dbus ni sngon po ste/ /A li ka lI zla ba nyi/ /d+hInas 'jam pa'i dpal/ /dang po'i sangs rgyas dus gsum sku/ /mdog dkar phyag gnyis spyan gsum zhi/ /rigs lnga'i zur phud mthon mthing lnga/ /phyag rgya lnga ni rin chen brgyan/ /rdo rje g.yas la dril bu g.yon/ /rdo rje skyil mo dkrung bcas la/ /sna tshogs rdo rje pad mar bzhugs/ /sangs rgyas rnams dang phan tshun gzigs/ /snying gar pad zla d+hIdang smin byas nas/ /thams cad d+hIdang sgrol khyod bzhengs shig / khams gsum kun gyi gti mug rab tu gsol/ /dang sgrol brtson bskyed steng pa nyid las bzhengs/ /bdud bzhi dag las shin tu rgyal mdzad pa/ /'jig rten mgon po stong nyid ci ste bzhugs// dang sgrol 'jig rten mgon mdzad da bzhengs shig / byang chub dgod par sems can mgron pos nas/ /ci ltar stong pa nyid la bzhugs pa ci/ /glu'i sgra yis de nyid gsum/ /ho nyid bcas pa der thim ste/ /'gro ba'i dkyil 'khor sgyu mar mthong/ /'gro la chags pas khu bar gyur/ /hUM sngon nyi ma la gnas pa/ /rdo rje sngon po khro bo bskyed/ /khro bo sngon po rus pa'i rgyan/ /spom thung gsus pa 'chang ba yi/ /mun pa lta bur 'jigs pa'i zhal/ /dkar dang dmar po g.yas dang ga-yon/ /gyen skyes sma ra ser po 'bar/ /ljags 'dril mche ba rab tu gtsigs/ /g.yon brkyang ba yis gshin rje brdzis/ /shes rab dang bcas gzhan don byed/ /gri gug rdo rje ral gri ga-yas/ /thod pa 'khor lo chu skyes ga-yon// yum ni zhal gcig phyag gnyis 'khyud/ /mdza' yas sngon po stag sha dkar/ /skra bcings rna cha mgul du 'chad/ /rigs ldan khra bo dpung pa'i rgyan/ /du skyod ser po lag pa'i gdub/ /pad+ma dkar pos do shal byas/ /kar ko Ta ljang se ral pa?// nor rgyas dkar po ske rags dang/ /pad+ma chen po rkang gdub dkar/ /lce dang mche ba gnyis ldan pa/ /phud phud sgra sgrogs 'jigs byed pa/ /mgo bo brgya phyed phreng ba 'phyang/ /rwa rno rmig pa rno ba dang/ /spu ser 'bar ba 'jigs pa yi/ /ma he gshin rje pho mo yi/ /steng du 'jigs byed legs bsgoms la/ /chos dbyings dag tu chos kun bsgom/ /aoM d+harma d+hA tu swa b+hA wa At+ma ko haM/ de ltar rjes kyi rnal 'byor ro/ /snying ga'i hUM de ya gyur te/ /de'i 'od kyis phyogs bcu yi/ /rgyal ba yum bcas dka' bar 'gyur/ /bde bar zhu nas rang la zhugs/ /hUM las rdo rje paM pad+ma/ /aoM las rdo rje rtse mo dang/ /pad+ma'i ze 'bru byin gyis brlab/ /rjes su chags pas mkha' gsung du/ /thig le yi ge dang bcas la/ /gzhal yas lha rnams legs par bskyed/ /gzhal yas dbus su ya nyid las/ /gtso bo rang nyid lta bu bsgom/ /shar du k+She dang 'khor lo las/ /gti mug rdo rje dkar po ste/ /gri gug 'khor lo ral gri g.yas/ /thod pa rin chen chu skyes g.yon/ /lho ru ma dang rin chen las/ /'phro ma rdo rje gser gyi mdog /gri gug rin chen ral gri g.yas/ /thod pa 'khor lo chu skyes g.yon/ /nub tu me dang pad+ma las/ /'dod chags rdo rje rwa ga'i mdog /gri gug pad+ma ral gri g.yas/ /thod pa 'khor lo rin chen ga-yon/ /byang du de dang ral gri las/ /phrag dog rdo rje mar kata tshungs/ /gri gug ral gri 'khor lo g.yas/ /thod pa chen po pad+ma g.yon/ /khro bo'i gzugs ni thams cad 'jigs/ /rdo rje sna tshogs rtsa ba bzhir/ /nyi ma'i gdan la g.yon brkyang bzhugs/ /gti mug rdo rje zla ba la/ /gti mug sel ba nyid kyi phyir/ /shes rab cha yis de bzhin du/ /rdo rje rwa yi mtshams bzhi ru/ /zla ba'i gdan la lha mo bzhi/ /shar lhor dzwa dang 'khor lo las/ /rdo rje tshe rtsi gti mug mtshungs/ /lho ru sa? dang rdo rje las/ /rdo rje phag mo gtso bo 'dra/ /nub byang do dang pad+ma las/ /'dod chags rdo rje lta bur bsgom/ /byang shar ru dang ral gri las/ /phrag dog gshed dang 'dra bar bsgom/ /sgo bzhir nyi ma'i dkyil 'khor la/ /khro bo bzhi ni rim pas skyed/ /shar sgor ya dang tho ba las/ /tho ba gshed ni bdag po mtshungs/ /g.yas na tho ba ral gri 'dzin/ /rin po che dang pad ma g.yon/ /lho sgor ts+tsha dang dbyug pa las/ /dbyug pa gshed mdog gti mug 'dra/ /dbyug pa ral gri g.yas na 'dzin/ /pad+ma 'khor lo phyag g.yon na/ /nub sgor ni dang pad+ma las/ /pad+ma gshed ni 'dod chags mtshungs/ /pad+ma ral gri g.yas na 'dzin/ /rin chen 'khor lo phyag g.yon na/ /byang sgor ra dang ral gri las/ /ral gri gshed ljang khu ste/ /zhal dang rgyan ni phrag dog mtshungs/ /ral gri dang ni 'khor lo g.yas/ /rin chen dang ni pad+ma ga-yon/ /gri gug thod pa rang rig mkhyud/ /skra sma ra smin ma 'bar/ /zhal bzhad mche ba rnam par gtsigs/ /gtso bo lta bu sbrul gyis brgyan/ /sngon po'i g.yas dkar dmar po ga-yon/ /dkar po'i g.yas sngo g.yon dmar la/ /dmar po g.yas sngo g.yon pa dkar/ /ser ljang g.yas nag g.yon dkar zhal/ /zur bzhi na yo ni rA las/ /bdud rtsi dang ldan thod pa bzhi/ /legs par bsgrubs nas dbyung ba ni/ /gtso bo rang rang sngags kyi dbyung/ /h+rISh+TI'i sngags kyis gtso bo dbyung/ /rigs kyis zhe sdang las bya ste/ /khro bor 'dus nas zhal dgu gyur/ /gtso bo bdag la zhal gzhugs par bya/ /dzi na dzi ka brjod gti mug gshed// gti mug las byas shar phyogs kyi/ /rdo rje rtsibs kyi rtsa bar bzhag /zla ba'i gdan la gnas pa'o/ /ratna d+h+rika gis phra ma ni/ /nga rgyal spyangs nas lho ru dgod/ /a ro lika brjod 'dod chags bshed/ /nub tu pad nyi dag la dgod/ /pradz+nyA d+h+rika gis phrag dog gshed/ /phrag dog las byas byang gis bzhugs/ /mo ha ra ti brjod pa yis/ /tsar tsi sgeg mo 'od bzangs ma/ /shar lhor rdo rje'i mtshams su bsgom/ /rang gi rigs kyis las byed ma/ /dwe Sha ra ti lho nub kyi/ /mtshams su rdo rje phag mo sgom// nub byang mtshams su dbyangs can ma/ /ra ga ra ta'i sngags kyis dbyung/ /badzra ra tis gau ri ma/ /byang shar rdo rje'i mtshams su bsgom/ /thams cad phyag 'tshal ba dang ldan/ /lha mo pad+ma zla ba'i gdan/ /rigs kyi phyag mtshan dag gis bskyed/ / rang rigs bskul sbyang byas la gzhug / de nyid gsum gyis thod pa dbyung/ /zur bzhi bde ba bdud rtsir ldan/ /mud ga ra d+h+rika gis tho ba gshed/ /las byas shar sgor pad nyi bsgom/ /daN+Da d+h+rika gis dbyug pa gshed/ /lho yi sgo ru de bzhin bzhag / pad+ma d+h+rika gis nub sgo ru/ /pad+ma gshed ni bsgom par bya/ /kha Da ga d+h+rika gis ral gri gshed/ /byang gi sgo ru bsgom par bya/ /dkyil 'khor dag la mnyam par blta/ /'di ni shin tu rnal 'byor ro/ /gshin rje gshed nag 'jigs byed kyi// dkyil 'khor lha rnams mig la sogs/ /k+ShiM/ dzi/ khaM/ gaM kaM/ saM gis/ /lha rnams dag tu byin gyis brlab/ /pad+ma zla ba'i dkyil 'khor la/ /'khor lo rdo rje rin chen pad/ /ral gri rdo rje sa snying dang/ /phyag na rdo rje mkha' snying po/ /spyan ras gzigs mgon sgrib pa sel/ /kun tu bzang po bsgom par bya/ /phyag na rdo rje kun tu bzang/ /thugs kyi rdo rje 'dra bar bsgom/ /mig ni gti mug sna phra ma/ /lce la 'dod chags lus phrag dog /gshed po 'dra ba cho ga bya/ /khro bo sgeg pa'i gzugs can no s nying gar hUM nag ahaM/ aoM sarba ta thA ga ta kA ya badzra swa b+ha wa At+ma ko haM/ rang snying sa bon 'od zer gyis/ /phyogs bcu'i sangs rgyas kun bkug nas/ /'dun du dmigs la mtshang pas mchod/ /aoM sarba ta thA ga ta a b+hI Shany+tsi mI brjod pas/ /tsar tsi sogs kyi bkra shis glu/ /bdud rtsi bum pas bkrus pa dang/ /gtso bos dbang bskur gtso bo la/ /rdo rje 'chang nyid cod pan to/ /'khor lo pa la gshin rje gshed/ /cod pan dag dang ldan par bsgom/ rang snying sa bon 'od zer gyis/ /ye shes 'khor lo spyan drangs la/ /khro bos bgegs bskrad mchod byas la/ /sgo ba bzhi yis gnyis med bsre/ /sangs rgyas thams cad sa bon gyis/ /zhal gzhug zhu bas rdo rje'i lam/ /pad mar dbyung dang phyung ba las/ /lha mo sna tshogs me tog sogs/ /phyi'i mchod pas mdzes par mchod/ /tsar tsi sogs kyis bdud rtsi dang/ /sha lngas tshim par bya ba dang/ /rang gi gnyis pas gnyis med mchod/ /aoM sarba ta thA ga ta pu dza badzra swa b+hA wa At+ma konyhaM/ brag ca lta bu phul ba de/ sgra brnyan nyid du rang la thim/ /de bzhin bstong pas legs par bstod/ /gshin rje gshed por rab 'jigs pa/ /gti mug rdo rje ngo bo khyod/ /ston pa sangs rgyas kun rang bzhin/ /rdo rje'i sku la phyag 'tshal bstod/ /gshin rje gshed pa rab 'jigs pa/ /phra ma rdo rje ngo bo khyod/ /rdo rje thugs dang rab mtshungs pa/ /rin chen rdo rje phyag 'tshal bstod/ /'dod chags rdo rje'i ngo bo khyod/ 'dod chags pad+ma'i 'byung gnas mnyam/ /dbyangs mchog kun gyi gtso bo'i gtso/ /rdo rje gsung la phyag 'tshal bstod/ /phrag dog rdo rje'i ngo bo khyod/ /gshin rje gshed po las kun byed/ /rdo rje sku dang rab tu mtshungs/ /phyag na ral gri phyag 'tshal bstod/ /sangs rgyas kun gyi ngo bo khyod/ /sangs rgyas thams cad gcig bsdus pa/ /sangs rgyas kun mchog gtso bo'i gtso/ /dkyil 'khor gtso la phyag 'tshal bstod/ /de ltar bstod nas lha rnams spro/ /'gro ba sbyangs nas 'khor lor gzhug/ 'khor lo legs bsdus phung po khams/ /skye mched yan lag rang bzhin shes/ /rnal 'byor chen po zhes bya ba/ /rnal 'byor ye shes brtan par bsgom/ /der bsdu ba 'am shar sgo lho/ /nub byang lha mo rim pas bsdu/ zhal dgu rdo rje rtse mo ru/ /'khor lo bsgom dang rtsa ba dag/ lte ba snying ga de bzhin bsgom/ /de nas gnas kyi 'khor lo ni/ /bskyed pa rnal 'byor chen po bya/ /de brtan ya mAn+ta ka nyid// zhal gsum rjes kyi rnal 'byor bskul/ /sgom pa rdo rje rtse dang rtsa/ /lte ba snying ka rnal 'byor che/ /de rjes 'jam dpal ye shes nyid/ /dang po sangs rgyas gyur pa ni/ /rdo rje rtse mo rtsa bar bsgom/ /lte ba snying ga de bzhin bsgom/ /de nas gnas kyi rim pa las/ raM baM laM yaM rim par bgod/ /lus glong dag bsngams yang bcings la/ /'bar khol bsros pas dbab par bya/ /babs pas zhi dang snying gar gnas/ /dbang bzhi ri rim pas thig le drang/ /bde ba mi rtog stong nyid la/ /rnal 'byor mchog 'dod pa yi bsgom/ de yang dmigs nas spro dang bsdu/ /gsal dang bstan pa spro bya zhing/ /'dus pa de la rgyun du gzhag /sems med sems kyis 'od gsal mthong/ /mthong ba'i rtog pa yongs min te/ /kun rdzob nyam la rigs pas smras/ /rjes la phyi dang nang gi chos/ /yang dag spyad pas grub pa med/ /phyi rol rdul las grub pa ste/ /drug cha drug tu go gcig phyir/ /dpyad pas phra rab grub pa med/ /phyi rol sgyu ma dgag mi bya/ /nang la bdag dang gzhan gnyis kyang/ /grub dang ma grub dpyad pa yis/ /bdag med gzhan yang rtag pa dang/ /mi rtag pa yis bden pa med/ /gnyis dang gnyis med de las gzhan/ /rigs pas rab tu mi gnas so/ /de bas chos rnams rnam par dag/ chos sku gzugs sku tha dad med/ /bskyed dang rdzogs pa'i rim pa gnyis/ /'jug dang ldan pa'i rigs shes bya/ de ltar stogs pa'i rnal 'byor pas/ /du ba mar me zla nyi yi/ /rtags rnams rim pas nges par 'byung/ /de yi rdo rje'i sku 'grub bo/ /skyo na pad zla nyi ma la/ /d+hIdang steng/ /nyi steng snying po las sngags dang/ /rtsa ba'i snying pos bskor ba la/ /rlung gi rgyu ba shes pa yis/ /zhi rgyas dbang drag gang 'dod pa/ /bsam gtan sogs kyis rim pas bzla/ /de nas sngags kyi bsnyen pa ni/ /zhe sdang can dag 'dul ba la/ /ya mAn+ta ka'i ting 'dzin gyis/ /snying gar nyi ma hUM bkod de/ /spro bsdu sngags kyi yi ges bskor/ /bdun 'bum snying po aoM dang po/ /ya mAn+ta ka hUM phaT bzlas/ /ting 'dzin mchod gtor bcas pa'o/ /des kyang 'dul bar ma gyur nas/ / de nas zhal dgu 'jigs byed de/ /h+rIbzlas par bya/ /de nas bsgrub pa bya ba ni/ /dkyil 'khor gsum gyi dang po ni/ /mar tshes gnyis la dur khrod ras/ /khru do kha sbyor ldan pa blang/ /thal chen sa dkar bdud rtsi lnga/ /khrag lnga dug lnga bdud rtsi lnga/ /kha ba lnga dang tsha ba lnga/ /ras brgyad legs par sbyar byas nas/ /bya rog sgro dang mi rus la/ /smyu gu byas la bri ba ni/ /gshin rje pho mo 'jigs ldan pa'i/ /rten 'brel 'khor ba'i 'khor lo bri/ /gsum du bskor la phyi rim la/ /ri mig 'khor lo bcu drug bya/ /phyogs mtshams brgyad la las kyi sngags/ /h+rIsu ya/ /mtshams kyi kha stong bzhi la yang/ /bsgrub bya dag la sngags rnams dgod/ /mgo bo phyi ru phyogs par bya/ /spyi bo dpung mgo g.yas g.yon dang/ /sku g.yas dag dang g.yon pa lnga/ /'dom dang rkang mthil snying po dgod/ /'tshogs m ar aoM h+rIyas kyang bskor bar bya/ /rtsa ba'i snying po so gnyis kyang/ /bcu bdun lus la bskor bas 'grug /ye ni snying gar spyi bor k+She/ /lte bar ma dang kha la me/ /da ni lce dang kha la dgod/ /dpung pa g.yas dang g.yon gnyis la/ /yats+tsha de bzhin rkang gnyis la// ni ra rim pas dgod par bya/ /dzA ni sa ste dpral bar dgod/ /sa ni chu ste lte bar bra/ /do ni me ste 'grin pa nyid/ /ru ni rlung ste brla 'doms su/ /lha mo yum ni g.yon par dgong/ /na yo ni ra mig rna sna/ /lce dang bzhi la mkhas pas dgod/ /rgyu dang 'bras bu'i bye brag yin/ /de ltar re mig dgu pa yi/ /dkyil 'khor rgyud las lhag med bri/ /chag chag khrag chen dur khrod tshon/ /lha ni bcu gsum dkyil 'khor yang/ /dbang bskur cho ga lta bur gri/ /mchod gtor bzang ba sgrol ma lnga/ /sa bdun rgyu las gshin rje'i gzugs/ /khru gang shin tu 'jigs par bya/ 'khor lo dang bcas lho sgor bzhag/ rgyud ltar byas la rab gnas ni/ /rlung me'i nang du rlung me ldan/ /ya dang ral gri las skyes pa/ /de 'dra gzhug cing bka' bsgo'o/ /sna tshogs mtshon cha 'khor na gnas/ /lto ba srid gsum phyogs skyod dang/ /gshin rje pho mo las byed rnams/ /rgyu rkyen 'bras bu shes pas bsgom/ /sa bdun 'khor lo'i rdzas rnams la/ /de yi bdud rtsi rjes dang ? gzugs brnyan sor brgyad bya ba dang/ /'khor lo yi ge sngar ltar dgod/ /lho sgor gshin rje'i mdun du yang/ /thod pa gsum la kha sbyor bzhag /de ltar bri ba'i rnal 'byor pa/ /skra grol gcer bu bdud rtsis byugs/ /lho phyogs ma he zhal ltar sbyor/ /mchod gtor gsol ba gdab pa shis/ /de nas rnal 'byor bzhi rdzogs nas/ /ya mAn ta kar bsgyur byas la/ /snying ga'i nyi ma hUM 'od kyis/ /rgyal ba sras bcas khro bo rnams/ /bskul te bsgrub bya'i ye shes dang/ /bsrung ba rang gi snying gar gzhug /rang nyid dbang dang gzi byin bskyed/ /de yi 'jig rten lha dag kun/ /chos skyong rnams dang bral bar bya/ /zla ba phyed du bdun 'bum bya/ /'khor lo'i gzugs la gzhug pa ste/ /khug nas 'khor lo'i las shis so/ /zla ba phyed du rnal 'byor pa/ /re mig dgu pa'i dkyil 'khor du/ /lho nas zhugs shing lho ru blta/ /snying ga'i snying po spros pa yis/ /las kyi gshin rje'i lto ba dkrug /gshin rje dka' bsgo phyogs skyong dang/ /gshin rje'i tshogs rnams mngag pa yis/ /aoM dang h+rIsteng dang shar lho nub byang gis/ /phyogs skyong bskul bas khyab 'jug sogs/ /bsgrub bya'i rnam shes reg bya 'dren/ /bsgrub bya'i sems dang reg bya skyong/ /de nas 'pho la rings pa yis/ /gshin rje'i lto bar de nas 'ongs/ /brgya byin sprul pa 'khor/ tshogs? kyis/ /gzugs phung mi gi khams bcas dkrugs/ /gshin rjes tshor ba sna tshogs bkrugs/ /klu yis 'du shes sna khams dkrugs/ /gnod sbyin 'du byed lce tshogs rnams/ /dkrugs pas spyo nas lto bar yod/ /steng 'og mtshams bzhi de bzhin du/ /srog gcod sha za khrag mthung zhing/ /mdangs 'phrog dbugs len par yang byed/ /lus lci la sogs 'byung ba rgud/ /rnam shes 'pho ba'i las byed cing/ /gshin rje'i lto bar 'gugs par byed/ /? khrag gsum gyis dgugs gzhug pa/ h+rIsngags/ /gtso bo thugs ka 'khor de bzhin/ /bkod la bzlas pas sngags dang lhas/ /dkyil 'khor 'di dang gzhan bskul lo/ /sprul pas gzhan bskul rigs rigs kyi/ /bsgrub bya'i yi ge rtsa dang ni/ /bdud rtsi bcu dang sems blangs la/ /dkyil 'khor lha la dbang bskur zhing/ /lhar bsgrub dkyil 'khor rdzogs par bya/ /zla gcig nyi ma bzhi ru bcad/ /bzhi tshan bdun dang zhag gnyis te/ dang por gsol gdab tha mar bshags/ /pra ma ya hUM phaT dang ni/ /rak+ta tsa ra pa ya dang/ /mur tsa pa tsa pa ya dang/ /dum pa sarba mA ra ya/ /rim pas sngags dang ming sbel bzlas/ /'bum gyis nges par 'grub par 'gyur/ /mtshan mo h+rIbsgrub pa po yang skra grol zhing/ /gcer bu bdud rtsi lngas byugs la/ /lho sgor lho ru phyogs pa yis/ /g.yon brkyang DA ma ru dkrol lo/ /ha ha zhes pa'i sgrub pa po/ /gsum maM dpa' brtson rang nyid bsgrub/ /ya ma me dak+ShE lnga yis/ /zhe sdang la sogs / las skyes pa'i/ /sprul mgo glang mgo bya yi mgo/ /'brug mgo phag gi mgo bo can/ /gshin rje'i rgyal po lnga bskul ba/ /skye rga na 'chi'i 'khor lo bskor/ /yats+tsha ni ra shan pa bzhi/ /gsang bshu gtsang dang za bar byed/ /dzA sa do ru drag mo bzhi/ gshin rje'i rgyal po'i chung ma rnams/ /'ju skems bsreg cing gtar ba yi/ /bshan pa bzhi yi chung ma ste/ /legs nyes blta zhing dur khrod nyul/ /de'i 'khor na zhe sdang can/ /gsong dang sha la shin tu dga' / /mi sdug gzugs can mtshon cha thogs/ bka' bskul rim pas bsgrub bya la/ /brtse ba'i tshul gyis rlung shugs kyis/ /gshin rje'i lto bar bcug par bsam/ /so sor dril bar bstod par bya/ /snying rjes khro la bsgral bsam zhing/ /rang nyid 'jigs byed nyid yin zhing/ /sems stobs bskyed la bstod par bya/ /dus gsum rgyal ba thams cad kyis/ /bka' yi 'khor lo rab tu bskor/ /bdud dang mu stegs lha min bcom/ /gshin rje 'joms la phyag 'tshal bstod/ /chos nyid la bzhengs ye shes sku/ /dang po'i sangs rgyas 'jam pa'i dpal/ /mngon byang ye shes longs spyod rdzogs/ /ya mAn ta ka phyag 'tshal bstod/ /sangs rgyas thams cad rigs bsdus pa/ /rdo rje sems dpa' rigs kyi gtso/ /zhe sdang 'joms mdzad gshin rje gshed/ /khro rgyal khyod la phyag 'tshal bstod/ /dus gsum sangs rgyas sku gsung thugs/ /g.yas dkar g.yon dmar dbus mthing khrod/ /phyag drug mtshon chas bdud rnams 'joms/ /lha mchog khyod la phyag 'tshal bstod/ /gdug pa 'dul phyir khro bor bzhengs/ /byams pa'i stobs kyis sku mdog nag/ khros pas dbu skra kham ser 'bar/ /rdo rje 'jigs byed phyag 'tshal bstod/ /zhal dgu khams gsum sa dgu mnan/ /mthar gyis snyoms par 'jug pa dgu/ bstan phyir zhal mdog so sor bstan/ /mgon po khyod la phyag 'tshal bstod/ /thugs rje spyan dmar rtsa bdun 'bar/ /bzhad dang khro dang phaT kyi sgra/ /ha ha hUM hUM zhal rnams 'gyur/ /'jigs byed khyod la phyag 'tshal bstod/ /thabs dang shes rab phyag gnyis ni/ /'gro ba skyob phyir glang lpags 'dzin/ /phyag gzhan sum cu rtsa gnyis ni/ byang chub phyogs las rnam par sprul/ /g.yas kyi rdo rje la sogs pas/ /thams cad gsod par mdzad pa po/ /g.yon pa'i thod pa la sogs pas/ /thams cad zil gyis gnon par mdzad/ /phyag dang phyag mtshan nam mkha' gang/ /gang mdzad khyod la phyag 'tshal bstod/ /sprul nag tshangs skud dur khrod rgyan/ /thod rlon phreng ba thar pa'i rgyan/ /sha khrag tshil zhag rkang la bgyes/ /du khrod bdag po khyod la phyag 'tshal bstod/ /ye shes me chen 'bar zhing 'phro/ /bde chen mtshan ma gyen du 'gred/ /ma he'i gdong can yum dang bcas/ /bde chen sku la phyag 'tshal bstod/ /stong pa bcu drug zhabs rnams kyis/ /lha brgyad mi dang byol song gi /gtso bo kun mnan g.yon brkyang zhabs/ /rtag chad sel la phyag 'tshal bstod/ /'khor ba'i sems can bsgral ba'i phyir/ /thugs rje'i thugs ni rab tu khros/ /gshin rje gshed kyi 'khor lor sprul/ /'jigs byed tshogs la phyag 'tshal bstod/ /'gro ba zhe sdang gzir gzigs nas/ /'gro ba'i zhe sdang zhi bya'i phyir/ /bcom ldan zhe sdang gshed du byon/ /zhe sdang gshed la phyag 'tshal bstod/ /'gro ba gti mug sgribs gzigs nas/ /'gro ba'i gti mug bsal bya'i phyir/ /gti mug gshin rje gshed du bzhengs/ /gti mug rdo rje 'joms la phyag 'tshal bstod/ /'gro ba nga rgyal mnan la gzigs/ /'gro ba'i nga rgyal zhi bya'i phyir// phra ma gshin rje gshed du sprul/ /phra ma 'jigs byed phyag 'tshal bstod/ /'gro kun 'dod chags gdungs gzigs nas/ /'gro ba'i 'dod chags spyad pa'i phyir/ /'dod chags gshin rje gshed du byon/ /'dod chags 'joms la phyag 'tshal bstod/ /'gro ba khrag dog sgrol bya'i phyir/ /phrag dog gshin rje gshed du byon/ /phrag dog 'joms la phyag 'tshal bstod/ /khyed kyi thugs rje dus nga yin/ /bstan pa nyams byed sdig can rnams/ /tshe srog las ngan dus de sgrol/ /rnam shes mi bskyod gnas su phongs/ /zhe sdang chen po'i dus la bab/ /sdig can zhe sdang rnam shes sgrol/ /gti mug chen po'i dus la bab/ /sdig can gti mug gzugs phung sgrol/ /nga rgyal chen po'i dus la bab/ /sdig can nga rgyal tshor ba chom/ /'dod chags chen po'i dus nga yin/ /sdig can 'dod chags 'du shes shig /phrag dog chen po'i dus nga yin/ /sdig can phrag dog 'du byed phrol/ /bka' las 'das so dam las 'gal/ /bstan pa 'jig go sdig las byed/ / kun la gnod do sems can 'tshe/ /slob dpon smad do slob dpon 'khu/ /sdig can 'di la thugs rjes gzigs/ /'di la thugs rjes ma bsgral na/ /sangs rgyas rnams kyis sems can bslus/ /khro bo rnams kyang rang la khro/ /de bas sdig can thugs rjes sgrol/ /lus dang rnam shes so sor phye/ /lus dang sdig las 'dir sgrol la/ /rnam shes dge ba mi skyod mdzod/ /bdag nyid rdo rje 'jigs byed bka' / /bstan pa bsrung phyir dkyil 'khor lha/ /'khor gyi chos skyong gshin rje rnams// khyed la drag po'i las bcol lo/ /aoM rdo rje 'jigs byed chen po yi/ /dkyil 'khor steng du bdag 'bod pas/ /steng du phyogs skyong lha rnams ni/ /gza' dang rgyu skar rgyal chen bzhi/ /gtso 'khor chung ma bu dang g.yog /bcas pa rnams la bdag 'bong pas/ /bdag la don chen gzhan med na/ /bdag ni sangs rgyas bstan la dga' / /khyed ni sangs rgyas bstan pa bsrung/ /sangs rgyas bstan pa zhig la khad/ /khyed kyi rgyal ba'i bka' rjed dam/ /dam bcas bka' 'di ma bslu bar/ /bdag gis phyogs skyong khyed bskul gyis/ /sdig can nyams pa myur du song/ /aoM gyis 'bod kyis lha chen brgyad/ /tshogs dang bcas pa myur du song/ /aoM h+rIg+ha na b+hi ri ti karti mahA ka la che ge mo mA ra ya hUM phaT/ rdo rje 'jigs byed dkyil 'khor gyi/ /shar gyi dur khrod gtum drag na/ /shar phyogs skyong bar dam bcas pa'i/ /dri zas bskor ba'i brgya byin ni/ /lus mdog dkar po glang po zhon/ / g.yas na rdo rje dril bu ga-yon/ /dur khrod rin chen rgyan dang ldan/ /chung ma bu dang bran g.yog 'khor/ /rnal 'byor bdag ni khyed 'bod pas/ /khyed la don ched gzhan yod min/ /bdag ni sangs rgyas bstan la dang/ /khyed ni sangs rgyas bstan pa bsrung/ /sangs rgyas bstan pa zhig la khang/ /bstan pa 'jigs pa che ge mo/ /h+rI'jig pa'i las ngan 'di/ /zhags pa can gyis mgul nas chings/ /lcags kyu can gyis snying nas drongs/ /lcags sgrog can gyis 'di bsdoms la/ /las kyi rlung gis rgyab nas phul/ /las kyi gshin rjes 'dun nas gsum/ /stobs chen rnams kyis 'di khug cig / dmigs pa'i rten la thim par gyis/ /gshin rje lto ba'i 'khor lor chug /mtshon cha du ma'i char phog la/ /sdig can 'di yi tshe srog chod/ /srog la dbang bas 'di srog chod/ /dbugs la dbang bas 'di dbugs phrogs/ / sha za rnams kyis 'di sha zo/ /sdig can 'di yis pags pa dang/ /khrag dang zhag dang tshil dang rkang/ /rang rang dbang bas so sor khyer/ /gtang dang khas blangs bstan pa srungs/ /aoM h+riphaT/ /rdo rje 'jigs byed dkyil 'khor gyi/ /lho yi dur khrod ha ha rgod/ /lho phyogs skyong bar dam bcas pa/ /gshin rjes bskor ba'i gshin rjes ni/ /lus mdog nag po ma he zhon/ /g.yas na dbyug pa zhags pa g.yon/ /dur khrod rin chen rgyan gyis brgyan/ /chung ma bu dang bran g.yog 'khor/ /rnal 'byor bdag ni khyod 'bod pas/ /khyed la don chen gzhan yod min/ /bdag ni sangs rgyas bstan la dad/ /khyed ni sangs rgyas bstan pa bsrung// sangs rgyas bstan pa zhig la khang/ /bstan pa 'jigs pa'i che ge mo/ /aoM h+rImo mA ra ya hUM phaT/ /de nas sngags kyi gnad la dbab/ /bcu pa phyogs skyong spel bas bzla/ /gzugs la dug tshon phur pa lngas/ /gnas par gdab pa man ngag yin/ /rdo rje 'jigs byed dkyil 'khor gyi/ /'og phyogs skyong bar dam bcas pa'i/ /sa yi lha mo klu chen brgyad/ /rdo rje'i mig can dkar po'i phyogs/ /gtso bo'i chung ma bu dang 'khor/ /lus mdog phyag mtshan rang rang rtags/ /a dang phuh +rIsgrog dam du chings/ /rdo rje mtshon gyis rnam par chom/ /'khor lo 'bar bas rab tu khos/ /tho ba dbyug pas rdul du brdungs/ /mda' dang mdung gis thal byung phub/ /gri gug dgra stas lhu zug phrol/ /ral gri chu gris dum bur gtubs/ /me rlung las kyis rnam par gtor/ /rgyal ba'i bka' yin khro ba'i las/ /'khor gyi pho nya'i dus la bar/ /sdig can 'di la snying rje med/ /khro bo rnams kyi thugs rje yis/ /'khor gyis sad pa'i sdig can 'di/ /mi skyod zhing du 'di bskyol la/ /rgyal ba'i sras su 'di bsgrubs shig / rgyal ba'i thugs dam des mthar phyin/ /rdo rje 'jigs byed las byed pa/ /ya yi las byed ya ma ya/ /ya yis 'bod do khyod bskul lo/ /las kyi gshin rje khyod bskul lo/ /khro bo sbrul gyi gdengs ka can// khams gsum khyod kyi lto na 'khor/ /skye rgan mchi'i 'khor lo bskor/ /bstan pa 'jig pa'i sdig can 'di/ /g.yas kyi gri yis srog snying chod/ /myur du mchi ba'i las la sbyor/ /g.yon gyi thod pa snying gar spyo/ /kha ru brdubs shig khA hi pi/ tsit+ta rak+ta ma ra kha hi/ sdig can tsit+ta rak+ta khA hi/ las kyi gshin rje des sprul pa'i/ /dur khrod bdag po gshin gyi rje/ /nag po gel bag ral gri zhags/ /khyod kyi lto bar skye 'gro 'gro/ /sdig can 'di yi tshe srog chug/ zhags pas zung la ral gris gtubs/ /sdig can srog rtsa ma ra rbad/ /phra ma rdo rje'i las byed pa/ /ma yi las byed ma ru rtse/ /ma yis 'bod do khyod bskul lo/ /srog gi bdag po ma ru tse/ /glang mgo gshin rje yab ti/ /skye 'gro khyod kyi lte rtsa gcod/ /g.yas kyi gri yis lte rtsa chod/ /myur du 'chi ba'i las la sbyor/ /g.yon gyi thod par lte khrag spyos/ /kha ru brdubs shig khA hi pi/ /zhags pas bzung nas ral gris gtubs/ /kha ru rdubs shig khA hi pi/ /pI ta rak+ta mar khA hi/ /sdig can nag rak+ta khA hi/ /'dod chags rdo rje'i las byed pa/ /me yi las byed smyo byed do/ /me yis 'bod do khyod bskul lo/ /mdangs kyi bdag po bya mgo can/ /myos byed gshin rje pi pa tra/ /skye 'gro khyod kyis mgrin rtsa chod/ /g.yas kyi mnga' yis 'grin rtsa chod/ /myur du 'chi ba'i las la sbyor// g.yon pa thod pas mgrin khrag spyos/ /kha ru brdubs shig khA hi bi/ /mgrin pa rak+ta ma ra khA hi/ /sdig can mgrin pa rak+ta khA hi/ /phrag dog rdo rje'i las byed pa/ /da yis las byed bum bu rdzi/ /da yis 'bod do khyod bskul lo/ /dbugs kyi bdag po bum bu rdzi/ /'brug mgo gshin rje ku be ra/ /skye 'gro yongs kyi bla dbugs bcod/ /g.yas kyi dgra stas bla dbugs tshad/ /'chi ba'i las la myur du sbyor/ /g.yon gyi thod pas bla khrag spyos/ /kha ru brdubs shig khA hi bi/ /pA ta rak+ta mA ra khA hi/ /sdig can bA te rak+ta khA hi/ /gti mug rdo rje las byed pa/ /k+She'i las byed bai sa ta/ /k+She yis 'bod do khyod bskul lo/ /tshe'i bdag po bai sa ta/ /phag mgo gshin rje k+She pa la/ /skye 'gro'i tshe rnams khyod kyis chung/ /g.yas pa'i dbyug pas tshe brdungs shig / 'chi ba'i las la myur du sbyor/ /g.yon gyi thod pas bla khrag spyos/ /kha ru brdubs shig kha ru bi/ /mun d+ha rak+ta ma ra kha hi/ /sdig can mun d+ha rak+ta khA hi/ /rdo rje tho ba'i las byed pa/ /ya'i las byed ya ma ra/ /yi yis 'bod do khyed bskul lo/ /gsod byed bdag po phya sangs ni/ /sha ba'i mgo can gshin rje drag /skye 'gro khyod kyi gsod par byed/ /g.yas kyi gri yis tshe srog gcod/ /g.yon gyi zhags pas dam du bsdoms/ /rdo rje dbyug pa'i las byed pa/ /ts+tsha'i las byed tsa ra na/ /ts+tsha yis 'bod do khyod bskul lo/ /bshu byed bdag po tel pa ste/ /ce spyang mgo can gshin rje rno/ /skye 'gro khyod kyis bsha' bar byed/ /g.yas kyi gri yis pags bshus la/ /g.yon gyi zhags pas dam du bsdoms/ /rdo rje pad+ma'i las byed pa/ /ni'i las byed ya ma ni/ /ni yis 'bod do khyod bskul lo/ /gcod byed bdag po rmig pa ni/ /rmig pa'i mgo can gtum po mgyogs/ /skye 'gro khyod kyis gtub par byed/ /g.yas kyi dgra stas rab tu chod/ /g.yon gyi 'khor los rab tu phye/ /rdo rje ral gri'i las byed pa/ /rA yi las byed ral tshar dgu /rA yis 'bod do khyod bskul lo/ /za byed bdag po rA hU la/ /chu srin mgo can gshin rje 'jigs/ /skye 'gro khyod kyis za bar byed/ /g.yas kyi 'khor los dum bur gtubs g.yon gyi lcags kyus rab tu zung/ /rdo rje 'jigs byed dkyil 'khor gyi/ /las byed rnams kyi chung ma brgyad/ /dmar mo khrag gi ral ba can/ /gri gug thod pas lag gnyis 'brel/ /las kyi gshin rje'i chung ma yin/ /khams gsum skye 'gro lto bar chug / gcod cing sha khrag za la dga' / /'khor lo bskor cig gshin rje'i yum/ /dzA sa do ru'i las byed ma/ /ci rtsi phag mo dbyangs can ma/ /go ri bzhi'i bka' nyan ma/ /dus bzhi 'byung ba'i lha mo bzhi/ /sha khrag drod dang dbugs la gtod/ /dzA sa do rus khyed 'bod kyis/ /sdig can 'di yi sha khrag drongs/ /dbugs 'di khyod kyis myur du phrol/ /sgo ba'i pho nya bka' nyan cing/ /na yo ni ra'i las byed ma/ /zur zhig chings shig rab tu bsdoms/ /'khor lor gnon pa'i las gyis shig/ dus la phab pa tsan tra dza/ /bka' las ma 'da' sa ma ya/ /rnal 'byor ma bslu dkar ma dkar/ /bstan pa bsrungs shig dar ma dpal/ /ya ma med k+Sha che ge mo mA ra ya rbad rbad/ ya dza ni ra che ge mo mA ra ya khA hI khA hi/ /dzA sa do ru che ge mo mA ra ya dzwa la dzwa la/ Na yo ni rA che ge mo mA ra ya dzdza/ gshin rje'i lto bar 'khor lo bskor/ /gshin rje'i 'khor gyi pho nya'i tshogs/ /bya dang sprul dang gcan gzan khyi/ /sha zan thams cad myur du rgyug /sdig can 'di la rnam par rol/ /rang rang pags pa sha dang khrag /zhag dang tshil dang rkang mar rus/ /dbang po don snying skal pa kha'i// //de nas las la sbyar ba ni/ /rgyal po gtum po tsanDa li/ /'khor lo thod pa kha sbyar gzhug /lho sgor thod sgyed steng du bzhag / srid pa gsum gyi sems can rnams/ /dbang med skye 'chi'i las la bskul/ /mtshon cha sna tshogs 'dzin pa yi/ /las kyi gshin rje pho mo skyed/ /ya yis dgug gzhug bcing ba dang/ /gnyis med? gshin rje'i lto ba dkrug / khru gang gshin rje'i bskyed sogs yang/ /de ltar las mkhan dgu sogs bya/ /bsgrub bya nri las 'khor lo dang/ /gzugs la bskyed dang dgu sogs bstim/ /khro bo chos skyong bka' bsgo zhing/ snying po bdun 'bum bzla pa dang/ /sha chen khrag chen gtor ma bzang/ /bsgrub bya skyabs med khro bos bsgral/ /de nas nyi ma lngar phye la/ /nyi mo so sor mtshan mo dril/ /las sngags rtsa sngags so so la/ /sum 'bum 'bum phrag dag tu bzlas sngags kyi lha rnams so sor bskul/ /rdo rje 'jigs byed sngags brjod pas/ /gti mug gshin rje gshed sogs rnams/ /dzi na dzika sgrogs phyogs skyong bskul/ /khre bos gshin rje ded cing bskul/ /sgrub bya'i ste nas 'khor los lus/ /so sor gang dang so sor khyer/ /sha dang khrag sogs sbyin pa'i rgyu/ /phung po khams sogs lhar bya zhing/ /sems ni mi bskyod zhing du 'phang/ /khro bo phyogs skyong gshin rje yi/ /g.yon gyi mtshon chas 'gugs byed cing/ /g.yas kyi mtshon chas gsod par bsam/ snying rjes khros pa'i las la bskul/ /de nas sbyin sreg mnan pa ste/ /pha mes bskyal ba'i dur khrod du/ /'khor lo gshin rjes mnan pa sba/ /thab khung khru gang gru gsum bya/ /khru phyed brko zhing rdzas ngan byug /dur gyi shing la dur khrod mes/ /spar la me lha gshin rje dang/ /rdo rje 'jigs byed bskyed sogs bya/ /rdo rje 'jigs byed sbyor ba yis/ /gzugs brnyan mi rus phye ma dang/ /de yi rjes dang skra sen dang/ /rnam snang chu dang bcas pa rnams/ /nam phyed dag nas nam phyed sreg / tshu tshun d+ha ra'i pags pa ru/ /rnam snang chu yi sbyor ba ni/ /bla ma'i ngag la legs blangs la/ /gnas su sbas na nges par 'grub/ /de nas rtags sam nges 'phos nas/ /bsgrub bya de la dbang bskur zhing/ /bskyed dang rdzogs pa'i cho ga yis/ /mi bskyod zhing du nges par skye/ /rgyal ba'i thugs rjes gnang ba la/ /rnal 'byor ba de 'gro don 'grub/ /rgyal bas bden par gsungs pa dang/ /bdag gis brgyud pa'i man ngag mthong/ /ting nge 'dzin ma gsal sngags mchod/ / yang na rdzas ma chogs pa yin/ /'on kyang zhe sdang kho na dang/ /dam tshigs nyams pa dag kyang srid/ /tsaN+Da li yi mtshan bsnan la/ /las kyi gshin rje'i 'khor lo bskyed/ /gnas su yi ge dgod pa dang/ /lto bar 'khor lo bri bar bya/ /mtshan mo sngags kun gcig tu bzla/ /nyin mo so sor khyed la bzlas/ /rdo rje 'jigs byed bris sku la/ /sgron ma chen po'i mchod pa 'bul/ /spro bsdu bskul don snga ma bzhin/ /zla ba phyed kyis de des 'grub/ /de nas de yi lpags pa bshu/ /lha yi gnas kyi sha rnams kun/ /bzung nas rjes la las kun la/ /'khor lo lha yi sbyor ba yis/ /zhi dang rgyas pa dbang la sogs/ /rdo rje 'jigs byed 'khor los bsgrub/ /mchod dang gtor ma rgya chen dang/ /snying rje kho nas bsgrub par bya/ /rjes thob mnyam par gzhag pas 'grub/ /bskyed dang rdzogs dang gnyis med pa'i/ /bsam gtan bzlas pa spro bsdu yis/ /rtag tu bsnyen pa bya ba yin/ /des kyang grub par ma gyur zhing/ /mtshan ma rmi lam rtags rnams med/ /'khrugs dang nor pa byung ba dag / dam tshigs nyams pa yin pas sbyang/ /dbang bskur tshogs kyi mchod pa dag /sngon gyi slob dpon de nyid dam/ /grub thob sgrub pa rtag tu byed/ /de mnyes byas la zhu ba bya/ /rdo rje 'jigs byed rgyud nyid kyi/ /cho ga shes pas dbang bskur de nas cho ga'i rim pa yis/ /'jam dpal rnal 'byor gsol ba la/ /ye shes sems dpa' gzhug pa dang/ /skye mched byin brlabs dbang bskur la/ /mi bskyod cod pan ldan pa yi/ /snying gar zla dkyil yi ge d+hIswatA phyogs bzhir bzla/ /sngags dbyibs chos la spro bsdu bsam/ /rjes la mchod gtor bzlas pa 'bad/ /gnyis dang le lo'i bar chad spang/ /zhag drug zla drug lo drug tu/ /bsnyen pa'i cho ga dpa' bas bya/ /thun gcig zhag gcig zla ba la// tshe gcig bskal bar bka' min bsgrub/ /lam mchog 'di ni yun rings min/ /dam tshig snying rje thabs ldan na/ /zla drug nang du rtags mthong bas/ /rgyal ba mnyes byed mngon spyod spyad/ /de rjes rjes thob 'gro ba la/ /phan phyir 'khor lo'i las la 'jug / phyi rol pa dag bstan la gnod/ /rang rig dam tshig nyams bdag /mchod dang gtor ma bzlas la brtson/ /bsrungs ba dag gis 'gyangs pa la/ /ngag mnan bzlog pa'i 'khor lo bya/ /'khor los sngags sbyor rim pa dang/ /rdzas dang ting 'dzin rim pa dang/ /bsnyen sgrub las sbyor zla drug gis/ /rgyud ltar 'khor lo sbas pas 'grub/ /de las khyad par rnal 'byor pas/ /mnan dang bzlog pa'i cho ga ni/ /sngon du bsnyen dang rtag tu bsgom/ /gzhan du rgyal ba'i bka' ? las 'das/ /mar tshes brgyad la bri ba ni/ /ras dag sngon ltar rdzas kyis brgyad/ /yung ba ba blas kha bsgyur pa'i/ /sngon gyi rdzas kyis 'khor lo bri/ /'khor lo'i yi ge 'bri dang bsnan/ /las kyi bye brag shes pa yis/ /ma ra stam+b+ha bcu pa'i mthar/ /pra mar ya stam+b+ha ya laM/ /mkhas pas ya ma bzhi yi mthar/ /kha stong bzhi la ling ga bskor/ /de bzhin spel ma zhag lnga bzla/ /dang po zhag la bsnyen pa dang/ /tha ma lkug pa'i chu la mnan/ /zhag bdun dag gis nges par gnon/ /yang na mi 'jigs bsrung ba ni/ /rtag par bsgoms pa de nyid mchog /'khor lo 'jam pa'i rdo rjer bskyed/ /de nyid gsum gyi spro bsdus bsrung/ /bya min nyal ba'i sa min spang/ /shar du phyogs shing gsum la skyabs/ /rten 'brel mthu yang thabs yin pas/ /bram ze srid bsrung las byung ras/ /tshes brgyad dag la 'bras chus brgyad/ /tsan dan dkar po til dkar dang/ /gu gul dkar pos legs byas la/ /gur kum gi wang legs sbyar bas/ /bcu bzhi'i snga dro bri ba ni/ /bcu gnyis sor ni zlum por bskor/ /phyi rol rdo rje ra ba la/ /me ri hUM dang rab tu ldan/ /de nas cha mnyam bzhi ru bskor/ /phyi rol 'khor la sum cu gnyis/ /rtsa sngags 'khor lo'i rtse mor dgod/ /rtsa bar aoM ni drug cu bzhi/ /bsrung ba'i ming ni mdza' brten bri/ / rtsibs mtshan hUM phaT mdza' brten pa'i/ /bar chod dag gi ming dag bri/ /ri mig kA li dag gis dgang/ /de nas 'khor lo bcu drug la/ /h+rimtshan la phaT brten gzhan dag bri/ /ri mig dag la A li yin/ /de bar brgyad la snying po ni/ /a thung bsnan pas brgyad bri'o/ /rtsa bar a brten bsrung ba bzhag /mtshan mar hUM phaT gzhan bsnan no/ /de nang d+hIb zhir aoM d+hIgtor ma gtang dang bcol/ /bzlas pa spro bsdu yi ge dang/ /bcas pa'i phyag mtshan sna tshogs dang/ /rdo rje sa bzhir ba gur/ /rtag tu de nang gnas pa gdags/ /yang na rtag tu mchod par bya/ /mgul lam gtsug dang dpung g.yon gdags/ / khro bo khros kyang 'jigs mi nus/ /phyir bzlog 'khor lo 'dod na 'ang/ /sngon bzhin rnal 'byor bzhis bskyed dam/ /rgyud las myur dang skad cig las/ /rnal 'byor gsal bas 'grub pa'o/ /stong dang snying rje mi ri dang/ /dra gur ldan pas bdud bzhi bzlog / de nas 'khor lo so bzhi ni/ /steng du aoM las lha chen dgu /rtsa sngags rnams la gshin rje brgyad/ /las mkhan brgyad dang pho nya brgyad/ /bshan pa brgyad ni bskyed pa ste/ /dkyil 'khor rang lha'i mngag pas bzlog/ hUM las rdo rje'i mig can rigs/ /phaT las 'og tu klu chen brgyad/ /rtsa sngags bdun bzlas bzlog par bsam/ /de nas 'khor lo'i rtsibs bcu la/ /steng 'og phyogs skyong bskyed pa dang/ /de nang drug las snying po las/ /gshin rje drug ni bskyed pa dang/ /de bzhin rang bzhin re re gzhug /gnyis med gyur pa las brtsol ba/ /so so lus bong ljang gu'i mdog /g.yas kun 'khor lo 'dzin pa dang/ /g.yon kun sdigs mdzub byed pa yis/ /phas kyi 'byung po bzlog bsams la/ /snying gar ye shes sems dpa' ni/ /'jam dpal ting 'dzin spro bsdu bzlas/ /bdun brjod sku yi rigs rnams gzhug /ye shes gshin rje gshed bsams nas/ /ya mAn ta ka bdun brjod la/ /gsung rigs thams cad bskul zhing gzhug / dam tshig 'jigs byed gsal ba yis/ /h+rIphyi nas brjod pas bzlog pa'o/ /sems ni ting 'dzin d+hIbris la/ /ma ra'i gnas su stam+b+ha bzhag /steng gi thod pa spyi rdol la/ /ling ga tshon lngas btags pa drang/ /sngags gsum tha mar stam+b+ha btags/ /d+hIbrab/ /non pa'i rtags dag nges pa dang/ /ba bla yung bas g.yam nag la/ /nang du sna tshogs rdo rje dang/ /phyi ru ri rab bris pa yis/ /mi 'bab mtsho ru mnan pa bya/ /kha bla yung ba ldong ros dang/ /gi wang dag gis thab khung ni/ /khru gang gru bzhi par byugs la/ /skyer ba dur khrod shing dang ni/ /seng ldeng glang po che yi spangs/ /rgyal po'i me spar me lha ser/ /'jigs byed bskyed sogs gsal ba la/ /ba bla yung kar yung ba dang/ /glang po che yi sha sregs pa/ /byang du phyogs pa'i ming dang bsreg / zhag bdun bsregs na rdo rje 'dzin/ /gnon cing rengs pa'i sbyor ba'o/ /yang na bra ba nag dang dmar/ /cho ga sngon mas de bzhin mnan/ /dam tshig bskang pa'i cho ga yis/ /bsrung ba shin tu bsdus te bzang/ /stong dang snying rje kho na yis/ / bsrung ba mchog gis sangs rgyas 'grub/ /sngags rnams rgyun du bzla ba dang/ /dge gzhan gtor ma dag la brtson/ /dam tshig bla mas legs bskyangs na/ /bar chod thams cad bzlog par 'gyur/ /las kun sngon du bsnyan pa ni/ /zla gnyis bsgrub pa zhag bdun dang/ /las sbyor zhag re spyir dgos pa/ /bsgrub pa po yis shes par bya/ /bskrad pa rgyal mtshan ras blangs la/ /sngon gyi rdzas kyis 'khor lo bya/ /sngags spel ling ga shes pas dgod/ /dgug gzhug rim pa zhag bdun bsgrub/ /sa bdun dag la rta dang ni/ /bsgrub bya zhon pa'i gzugs byas te/ /rlung gi dkyil 'khor steng lho phyogs/ /nyi ma'i nyon mong tsaN+Da laM/ /lus la skye tshe'i mar byugs nas/ /nim pa'i shing la des 'dzeg pa'i/ /thod par nyi phyed sdum da bzhar/ /bya rog tshang bsregs thal ba dang/ /dur khrod thal ba bsres pa ni/ /de'i mgo la blug cing byug /rgyal mtshan ras bsregs thal ba dang/ bsres pa de yi rkang la bsku/ dur khrod sol ba bya rog khrag/ bya rog rus pas shing shun la/ /rlung gi dkyil 'khor bris byas la/ de'i dkyil du bsgrub bya yi/ /ling ga ming sngags spel ba bri/ bya rog dag gam sa bdun la/ /byas pa'i mgul du de btags te/ lho ru phyogs pas de sngon bzhag /sa bdun sprus las gshin rje ni/ /dbyug thogs de'i rgyab nas 'dod/ /dgug gzhug gsal bas sgrub pa yi/ rtags byung zhag bdun lon pa dang/ 'khor lo gshin rje'i lto bar bzhag /ling ga bsgrub bya'i snying gar sla/ nim pa'i shing gcig rtsa ba ru/ /lho ru phyogs pas bskyal bar skred/ de nas sbyin sregs bya ba ni/ /rlung gi thab khung dbus su na/ /nim pa 'bras phug bya rog tshar/ da du ra shing dur khrod shing/ dur khrod shing gis me spang la/ /me lha ljang gu bskyed pa dang/ 'jigs byed bskyed sogs gsal ba la/ /gcir bu skra grol lho phyogs pas/ bya rog khyim cha spal pa khyi/ sha dang rnga mo'i rtug pa tshang/ byi la'i khrag gis sbrus la bsreg /yi ge bcu pa gtsor byas la/ /ming dang bcas pas grub pa yin/ /zhag bdun byas na grong khyer skyong/ /smyo bar bya ba sprod dang mtshungs/ /sha chen da du ro 'bras bsreg /dbye ba'i sbyor ba bstan pa ni/ bram ze ldom bi ma he rta/ bya rog 'ug pa ne le sbrul/ /khrag gis 'khor lo brgyad dag bri/ mkhas pas sngags dgod spol bas bzlas/ /bram ze rigs ngan thod par bzhag /sa bdun dag la ma ha rta/ gzugs la shing shun ling ga sba/ sgro gnyis rus pa gnyis la ni/ /bcu pa'i sngags sgrel bri ba dang/ /sgro gnyis bcings la lpags par gzhug /nim pa'i shing gi steng du bzhag / sa bdun rgyu la bsgrub bya bya/ ma he rta la bskyon byas nas/ da du ra'i thal ba dang/ tsher mas bcu pa'i sngags bzla'o/ las sbyor ling ga bsgrub byar sba/ chu 'gram 'thabs par sba zhing bskyal/ de nas chu dang me yi thabs/ tsher ma pho ma can gyi shing/ dur khrod shing dang 'bras phub la/ /dur khrod gtum po'i me sbar te/ lha ni dmar nag bskyed pa dang/ /rdo rje 'jigs byed bskyed pa la/ ma he rta dang bya rog 'ug /rma bya sbrul gyi sha bsreg bya/ yi ge bcu pa ming spel bas/ / rdo rje 'dzin pa rnams kyang 'byed/ de nas dbang dang dgug pa bstan/ gur kum gi wang srin lag khrag /'khor lo brgyad dag bri bar bya/ thod pa gnyis la 'khor lo bri/ /'khor lo dgug bzhug dril la gzhug /gur kum gi wang srin lag khrag/ /sa bdun sbrus la bsgrub bya yi/ sor mo bcu drug gzugs brnyan la/ sha khrag 'gi wang gur kum gyis/ gro ga'i 'khor la snying gar gzhug /me tog spos phor dus gsum mchod/ nub tu phyogs pas rtsa sngags bzla/ seng ldang me la thor ba bsro/ bcu pa'i snying po las sbyor bya/ 'gyang na dur khrod rdzas 'khor lo/ gsang pa'i 'khor lo sngags bye ba/ ro srogs sel ba spra tshil dang/ tsha ba gsum dang rdzas gzhan la/ /bsgrub bya mtho gang khas? gtsigs/ 'khor lo snying gar bcug byas la g.yon brkyang ma he'i zhal sbyar bas/ mnan la yi ge bcu pas dgug /sbyin sreg thab khung zla gam du/ tsan dan dmar pa dgu po gur kum dang/ gi wang srin lag khrag gi byug /seng ldang me lha lha gnyis dmar/ rke ba tshe'i gzugs rten nya dang chang/ til dang 'bras kyi tsher ma dug /bdud rtsi lnga dang khrag sprus la/ nub tu phyogs pas dus gsum du/ brgya rtsa brgyad ni zhag bdun bya/ sha lnga rnam snang rdo rje'i chu/ chang dang bsregs na rgyal po sogs/ thams cad dbang du 'gyur ba yin/ yi ge bcu pa'i sbyor bas bya/ rgyas par 'dod la rgyas pa'i las/ bsgrub pa po yis 'di ltar bya/ rgyal po khyim bdag ras blangs la/ gur kum gi wang tsan dan gyis/ 'khor lo brgyangs la bri bar bya/ sra ba gru bzhi ser por sba/ srad bu ser pos rgya gram dkri/ maN+Dal ser po'i steng du bzhag /byang du phyogs pas bsam gtan sngags/ rdo rje 'jigs byed sbyor bas bya/ me tog ser pos dus gsum mchod/ phra ma gshin rje gshed mnyam pa'i/ rgyas pa'i las ni gang 'dod pa/ rnal 'byor pa yis 'grub par 'gyur/ sbyin sreg rgyas pa'i thab khung du/ au dum wa ra'i shing la me/ spar la lha gnyis ser po bskyed/ til nas mar dang 'bras zho dag /byang du bltas pas stong du bsreg /gang 'dod pa de rgyas par 'gyur/ sngags dang ming du bcas bsregs na/ gang 'dod rgyas par 'gyur ba'o/ zhi ba'i las ngag 'di ltar bya/ /stong dang snying rje 'jigs byed ldan/ tsan dan til dkar gur kum dang/ gi wang go ro tsa na yis/ 'khor lo brgyad dang ye ge dgod/ sra ba zlum po dkar po sba/ srad bu dkar pos dkri byas la/ maN+Dal dkar po'i steng bzhag ste/ shar du phyogs pas zhi bas bsgrub/ me tog dkar pos dus gsum mchod/ sbyin sreg thab khung zlum po ru/ ba la sha la me spar la/ me lha rdo rje 'jigs byed dkar/ bskyed dang dgug sogs legs par mchad/ /shar du la bltas til dang mar/ sbrang rtsi 'o ma dur ba dag /dus gsum dag tu zhag bdun bsreg /bdag dang gzhan gyi bar chad zhi/ las bzhan kun dang spogs pa ni/ 'khor lo'i rdzas dang sbyar bas dbye/ man ngag rgyud pa bla ma bsten/ rdzas dang dam tshig ting 'dzin gsal/ sngags la gus na 'grub pa las/ ma gsangs gzhan du mi 'grub po/ thams cad rdzas dang 'khor lo dang/ bsam gtan sngags la brtson pa dang/ bsnyen pa brtul zhugs dpa' ba dang/ bla ma la gsang gsangs na 'grub/ de las gzhan pas mi 'grub pas/ rgyud ltar snod brtag 'bad pas gsang/ ma gsangs snod ngan la bshad pas/ dpon slob 'di dang phyi mar brlab/ rgyud don bla ma la brten nas/ mos pas 'di byas mkhas pas bkod/ sgra? don log nyes pa rnams/ rdo rje 'jigs byed chos skyong bshags/ /rgyud dang gdams ngag la brten te/ 'gro la bsams nas sgrub thabs bris/ /'di las dge ba ci thob pas/ bdag gzhan rdo rje'i sku thob shog /dpal rdo rje 'jigs byed kyi sgrub pa'i thabs rdo rje 'od ces bya ba/ slob dpon chen po bai ro tsa na rak+Shi tas mdzad pa rdzogs so/ //mkhas pa chen po bai ro tsa na rak+Shi ta de nyid dang/ lo tsa ba glan d+harma ma tis bsgyur cing zhus te gtan la phab nas/ bdag byung? ngo rnal 'byor bas/ bi ka ma la shI la nyid du bla ma chen po de nyid dang/ /lo tsa ba de nyid la mnyes par bsnyen nas zhus pa'o/ man ngag dang dkyus 'di phrad nas nges par gtan la phab pas nyams su tshor ba yod do// / (!/ /dpal rdo rje 'jigs byed kyi dkyil 'khor gyi cho ga gsal ba zhes bya ba bzhugs so/) /rgya gar skad du/ sh+rI badzra b+hai ra wa badzra maN+Da la pra ka bi d+hi nA ma bod skad du/ dpal rdo rje 'jigs byed kyi dkyil 'khor gyi cho ga gsal ba zhes bya ba/ /dpal rdo rje 'jigs byed chen po la phyag 'tshal lo/

CLOSE WINDOW