བོད་ཡིག

e-texts based on the ACIP/ALL Input

/ //rwa rdo rje grags kyis bsgyur ba'o// //rgya gar skad du/ sh+rI badzra b+hai ra ba sA d+ha ni no paM kA/ bod skad du/ dpal rdo rje 'jigs byed kyi sgrub thabs/ /dpal rdo rje 'jigs byed la phyag 'tshal lo/ /gzugs mchog rab tu drag po che/ /dpa' bo mchog gi spyod yul can/ /gdul dka' 'dul ba'i don mdzad pa/ /rdo rje 'jigs byed phyag 'tshal nas/ /sgrub pa'i thabs ni yang dag par/ bdag gis nges par brjod par bya/ /rtogs dka' rgyud rtog la btus nas/ /rim pa 'di la 'jug par bya/ /phun sum tshogs sogs mtshan nyid can/ /bla ma dang po mnyes par bya/ /rdo rje 'jigs byed mchog gi don/ /thams cad sleb mar de bzhin te/ /dus kun tu ni snying rje ba lus can kun la bsgom par bya/ /sngags pas thog mar langs nas ni/ /ci bde bar ni bsgom par bya/ /dang po dur khrod chu 'gram mam/ /shing gcig gam ni mtshan gcig gnas/ /bzhi mdo 'am ni ri bo yi/ /rtse dang ni khang stong gnas ? ma mo'i khyim mam yang thog mdzes/ /lha yi khang pa dag tu dang/ /'thab mo'i sa dang grong khyer stong/ /yid du 'ong ba'i grong dag tu/ /'bol ba'i stan sogs la 'dug nas/ /thad ka la sogs gzugs gzhag bsgoms mchod dang bdud rtsi la sogs kyis/ /zhi ba la sogs khyad par rnams/ /sha rnams kun gyi gtor ma ni/ /'byung po la sogs 'jigs la sbyin/ /dang por lha la bzod par gsol/ /zhing skyong la sogs thams cad gshegs/ /snying gar zla ba nyi dkyil gnas/ /yi ge hUM ni 'bar ba'i mchog /de la 'od kyi phreng 'phro bas/ /'jigs byed la sogs bkug nas ni/ /lha rnams lag na thogs pa yi/ /mchod pa rnams kyis legs par mchod/ /de yis bcom ldan 'das rnams dgyes/ /'khor rnams la yang lhan cig dbul/ /sdig pa rnams ni bshag par bya/ /skyes shing byung ba rnams ni bsal/ /mi byed par yang spyan sngar brjod/ /de bzhin bsod nams rjes yi rang/ /bdag gis bde 'gro yongs su bsngo/ /dkon mchog gsum la skyabs su 'gro / sems can thams cad bdag gis bsgral/ /byang chub gnas la dgod par bgyi/ /byang chub sems ni yang dag bskyed/ /tshad med bzhi yi khang bzangs lam/ /mchod pa bdun ni rab tu byas/ /gtso bo mkha' la bzhugs su gsol/ /lha dang chos rnams thams cad kun/ /bdag med par ni bsam par bya/ /dang por sngags 'di brjod pa yis/ /de bzhin bdag med dran par bya/ /aoM swa b+hA ba shud+d+hahaM/ 'di yis chos rnams thams cad dang/ /bdag nyid stong par rnam par bsam/ /sems can bla med bya ba'i phyir/ /sngon gyi smon lam dran par bya/ /stong las yi ge yaM? du gyur/ /rlung gi dkyil 'khor rnam par bsam/ /du ba'i mdog can rdo rje'i gdan/ /de dbus yi ge a las zla/ /de yi steng du yi ge d+hI:? 'jam dpal gzhon nu yi ni gzugs/ /de yi snying gar rnam bsam pa/ /yi ge a las nyi dkyil 'khor/ /bdag dang nyi ma cig tu gyur/ /de las 'od zer rnam par 'phro/ /de rtser 'od zer rnam? 'phro ba/ /'jam dpal gzugs ni bsam mi khyab/ /rdo rje ral gri g.yas na 'dzin/ /g.yon pa na ni sdigs mdzub yang/ /bgegs dang bar chod yang dag gsod/ /slar 'dus de yi dkyil du thim/ /slar yang 'od zer spros pa yis// phyogs bcu por ni yongs su gnas/ /de bzhin gshegs dang byang chub sems/ /rig pa 'dzin dang lha yi tshogs/ /khro bo la sogs de dag kun/ /slar 'dus nyi mar rnam par thim/ /de bzhin gshegs dang 'jam pa'i dpal/ /rig pa 'dzin dang lha yi tshogs/ /nyi mar gcig tu gyur par bsam/ /gdug pa chen po'i 'od 'bar bas/ /dpag tshad dag ni stong phrag brgyar/ /thams cad khyad par rab tu gnas/ /de yi dbus su gzhal yas bsam/ / zur bzhi pa la sgo bzhi pa/ /rta babs bzhi yis mdzes pa dang/ /ba dan dril bu la sogs dang/ /phreng ba la sogs rnams kyis spras/ /sgo khyud kyi ni phugs dag tu/ /rdo rje rin chen sogs kyis spras/ /'khor lo nyis rtsegs yang dag bsam/ /lnga bcur gcig gis ma tshang dag /pad+ma zla ba yang dag gnas/ /de dag steng na nyi dkyil 'khor/ /thams cad mchog tu bsreg pa yi/ /me lce 'bar ba'i 'od zer can/ /de la rim pa bzhin du yang/ /lnga bcur gcig gis ma tshang ba ni?/ /lha rnams de dkyil ro steng bsam/ /shar dang lho dang nub dang ni/ /byang dang dbus su go rims bzhin/ /mgo dang lag pa rgyu ma rkang/ /me sogs grwa bzhi dag tu yang/ /de bzhin thod pa thod tshal pa/ /dur khrod kyi ni ras kyang gzhag skyes bu gsal shing btsugs pa bzhag / de bzhin du yang phyag rgya ming/ /shar la sogs pa'i snam bu bzhir/ /bri dang mtshon ni rtse gcig dang/ /gtun shing dang ni chu gri dang/ /rtse gcig lcags kyu ma he dang/ /ba lang lhan cig shar ru brgyad/ /sta re mda' dang dbyug tho dang/ /kha TwAM 'khor lo de bzhin zhags/ /phag dang bung bu lho phyogs kyi/ /snam bu la ni rim pa bzhin/ /rdo rje rde chung dang ni phug /gzhu dang dril bu rlung gi ras/ /rnga mo khyi ni nub phyogs kyi/ /snam bu la ni de bzhin bri/ /sdigs mdzub dang ni 'phan rtse gsum/ /glang chen pags dang tho ba dang/ /mdung dang me yi thab dang ni/ /lug dang spyang ki lhan cig brgyad/ /byang du rtag tu bsam par bya/ /sgo yi phyogs su gzhag pa ni/ /shar gyi sgo ru bya rgod gzhag / lho yi sgo ru 'ug pa gzhag /nub tu bya rog seng ge yang/ /byang du rnam par bsam par bya/ /me grwa khyung ni legs par gzhag /bden bral du ni khra gzhag go /rlung gi gnas su ri skegs te/ /dbang ldan du ni de bzhin bzhad/ /thams cad de bzhin rnam par dgod/ /zla ba'i gzugs su bsam par bya/ /dbus kyi zla bar yi ge d+hIpa/ /sems ma rdo rje de bzhin du/ /rin chen rdor ma bsgom par bya/ /chos kyi rdor ma de bzhin te/ /las kyi rdor ma rnam bsam bya/ /rdo rje rnon po rdo ral gri/ /byams pa dang ni 'jam dpal gzhag /ye shes sku dang ngag dbang phyug /zla ba'i 'od dang ye shes mtsho/ shar du brgyad po de dag gzhag /lho phyogs su ni gzhag bya ba/ /rdo rje sna tshogs rdor gnod sbyin/ /rdo rje khu tshur rdo rje chos/ /rdo rje srung pa rnon rdo rje/ /rdo rje rgyu dpang? pa'i 'od/ /nub phyogs de bzhin brgyad gzhag pa/ /rdo rje smra ba rdo rje sems/ /rdo rje rgyal po rdo rje chags/ /rdo rje legs dang rdor rin chen/ /nyi ma'i 'od dang rdor nyi ma/ /byang du yang ni brjod bya ba/ /rdo rje dpa' dang rdo rje gzhag /spos kyi glang po ye shes tog /thams cad thabs kyis 'gro ming dang/ /rgya mtsho'i blo gros legs par gzhag / blo gros mi zad bsgom par bya/ /bdud rtsi 'od ni dang brgyad gzhag /shar la sogs pa'i sgo bzhi ru/ /rdo rje lcags kyu rdo rje zhags/ /rdo rje lcags sgrog rdo rje dril/ /rim pa bzhin du bsgom par bya/ /me la sogs pa'i grwa ru yang/ rdo rje gnod mdzes gtsug tor dang/ /rdo rje hUM mdzad de bzhin du/ /rdo rje gzhan gyis mi thub pa'o/ /shar gyi phyogs pa thams cad gnag /de bzhin lho pa thams cad ser/ /nub pa thams cad dmar po yin/ /byang ni thams cad ljang gu yin/ /'di dag sa bon yi ge ni/ /aoM aM dziM laM/ saM raM d+haM kaM/ baM khi meM maM/ dz+nyAM pA tsaM dz+nyAM/ pi yaM muM d+haM/ raM taM haM dz+nyAM b+ha raM rAM raM/ sI raM suM lAM kaM haM gaM dz+nyAM saM sAM aM aM aM pAM spa? g+haM suM auM hUM a zhes pa'o/ /de nas yi ge a sogs ni/ yi ge ha yi mthar thug pa/ /'di dag thams cad yongs gyur las/ /gong gi lha ru rnam bsam bya/ /yang na de bzhin kun la yang/ /yi ge a las nyi dkyil 'khor/ /de bzhin nyi ma'i dkyil 'khor las/ /'od zer dag ni rnam 'phros pas/ /phyogs bcu kun tu bzhugs pa yi/ /de bzhin gshegs dag yang dag bskul/ /thams cad dgyes byas slar yang ni/ /bsdus nas nyi ma dag la thim/ /de la zhugs pa brtan par bsgom/ /rnam par rtog pa thams cad bsal/ /de yis rang bzhin dag pa'i ming/ /'od gsal ba yi ting nge 'dzin/ /de la yang ni 'jam dpal sogs/ /de bzhin gshegs pa la sogs kun/ /gtso la bskor nas lhan cig tu/ /de bzhin du ni thim nas yang/ /nyi ma'i dkyil 'khor du bsam bya/ / 'od zer 'bar ba'i gzugs can no/ /de'i dkyil du gtso sogs kyi/ /sa bon yi ge rnam bsam bya/ /yi ge hUM ni gtso bo sbyin/ /snying po thams cad nyi ma la/ /aoM h+rIyats+tsha ni rA ma ya/ shar du yang dag bsam par bya/ /ya ma rA dza sa do me ya/ de bzhin lho yi phyogs su gnas/ /ya me do ru Na yo da ya/ nub phyogs snam bu la ni sbyin/ /ya da yo ni ra yak+She ya/ byang du lha de gzhag par bya/ /ye mA na ta ka sgo bzhi ru/ /shar la sogs pa rnam bsam bya/ /aoM aoM aoM aoM me la sogs pa'i grA? bzhi ru/ /thams cad 'od zer lha rang bzhin/ /dbus sogs shar phyogs dkar po yin/ /ser po dmar po ljang gu'i mdog /lho dang nub dang byang yin no/ /de bzhin thams cad 'od zer ni/ /rnam par 'phro bar bsam par bya/ /sngon brjod de bzhin gshegs la sogs/ /slar yang bsdus nas bzhug par bya/ /dbus kyi yi ge las khro bo'i/ /rdo rje chen po kha dog gnag /'od zer 'gyed par rnam bsam bya/ /de bzhin rdo rje phra mo'i gzugs/ /sangs rgyas byang chub sems khro bo/ /rig pa'i lha mo nam mkha' i steng/ /til gyi gang bu bzhin gang bar/ /gnas par bsam par bya ba yin/ /de bzhin sangs rgyas la sogs pas/ /sems can yongs su smin par yang/ /btul nas byang chub la gzhag ste/ /yang bsdus 'ongs te rdo rje la/ thim par rnam par bsam par bya'o/ /'khor ba gnas pa byas pa ni/ /sngon du brjod pa'i mgo sogs brgya/ /'od ltar kha dog khyad par sbyar/ /'od zer rang bzhin rnam bsam bya/ /so so rigs kyi lha bzhin du/ /nam mkha' i steng du gnas pa ni/ /til gyi gang du bzhin nyi ma'i/ /gdan la mngon par gnas par bsgom/ /de yis 'gro don byas na yang/ /'ongs nas rang la gzhug par bya/ /slar yang nyi ma'i dkyil 'khor la/ /thams cad 'og tu rang gnas su/ /rang mtshan lhan cig yongs su gyur/ /gtso bo la ni bskor nas gnas/ /myur ba nyid du sku ru rdzogs/ /h+rIpa bos ni de bzhin bsgom/ /de ni rdo rje yi ni gzugs/ /zhal dgu pa ni rtag tu drag /ma he yi ni gzugs can te/ /'jig pa'i me dang mnyam pa'i 'od/ /thams cad drag po'i bdag nyid gzugs/ /dpal chen rdo rje 'jigs byed do/ /khams gsum du ni za bar nus/ /rnam par gtsigs pa'i zhal bgrad pa/ /ljags 'dril ba ni gzi brjid che/ /rdo rje me dang mnyam par 'phro/ /rnam par gtsigs pa drag por gtsigs/ /khro gnyer zhal bgrad smin bsgreng can/ /'jigs pa chen po'i dus dang mnyam/ /'brug gi sgra dang rtag tu mtshungs/ /mi yi khrag dang rkang dang zhag /tshil bu glang pa za rang bzhin/ /'jig rten 'jig rten 'das sogs pa'i/ /lha la bsdigs par byed pa'i gtso/ /brgya byin tshangs dbang biSh+Nu dang/ /gzhon nu bi nA ya ka sogs/ /thams cad yang ni gsol bar byed/ /thod pa yis ni thod du byas/ /lha la 'jigs pa chen por byed/ /pheM gi sgra ni sgrogs pa yin/ /shin tu khros pa yis ni gzugs/ /thod pa'i 'phyang 'phrul dag gis brgyan/ /khams pa shin tu yang dag brdzes/ /gcer bu zhabs ni bcu drug ste/ /g.yon pa'i zhabs kun brkyang pa yin/ /'dar zhing g.yo bar yang dag sbyor/ /'jigs pa chen po yi ni sku/ /thams cad 'bar ba gyin du brdzes phyag ni sum cu rtsa bzhi ste/ /gnyis kyi glang po'i pags rlon 'dzin/ /g.yas kyi dang po gri gug 'chang/ /gnyis pa rdo rje rtse gcig pa/ /gsum pa gtun shing de bzhin no/ /bzhi pa lnga pa drug pa na/ /chu gri rtse gcig sta re'o/ /bdun pa mdud rtse brgyad pa na/ /mda' ste dgu pa lcags kyu'o/ /de bzhin bcu pa dbyug tho'o/ /bcu gcig pa na kha TwAM ga /de bzhin bcu gnyis 'khor lo'o/ /bcu gsum pa na rdo rje ste/ /bcu bzhi pa na tho ba'o/ /bco lnga pa na ral gri ste/ /bcu drug pa na rde? chung ngo/ /g.yon pa'i dang po thod pa ste/ /gnyis pa na ni mgo bo'o/ /gsum pa phub ste bzhi pa rkang/ /rnga pa de bzhin zhags pa'o/ /drug pa gzhu ste/ bdun rgyu ma/ /brgyad pa dril bu dgu ni lag /bcu pa na ni dur khrod ras/ /bcu gcig skyes bu gsal shing gtsugs/ /bcu gnyis pa na me thab bo/ /bcu gsum pa na thod tshal ste/ /bcu bzhi pa na sdigs mdzub po/ /bco lnga pa na 'phan rtse gsum/ /bcu drug pa na rlung gi ras/ /rim bzhin bsgom ste gzhan yang ni/ /g.yas kyi rkang pa dang pos mi/ /gnyis pa yis ni ma he'o/ /gsum pa yis ni ba lang ste/ /bzhi pas de bzhin bung bu'o/ /lnga pas rnga mo drug pas khyi/ /bdun pas lug ste brgyad spyang ki /g.yas kyi rkang pa de dag zhon/ /g.yon gyi rkang pa dang po yis/ /bya rgod gnyis pas 'ug pa'o/ /gsum pas bya rog bzhi pas seng/ /lnga pas khyung ste drug pas khra/ /de bzhin bdun pas ri skegs te/ /brgyad pa yis ni bzhad yin no/ /rim pa bzhin du zhon pa'o/ /dpal chen rdo rje 'jigs byed zhal/ /dang po ma he'i gdong pa ste/ /nag pa khro ba g.yas pa yi/ /rwa rtsa na ni zhal gsum ste/ g.yas kyi dang po'i zhal ni sngo/ /de yi g.yas dmar ser po dang/ /g.yon pa'i rwa rtsa'i zhal gsum ni/ /dkar dad dud kha nag pa'o/ /thams cad shin tu khros pa ste/ /zhal gtsigs par ni rnam par bsam/ /rwa gnyis kyi ni dbus ma'i zhal/ /brgyad pa yin te dmar po'o/ /zhal nas khrag rnams 'dzag pa ni/ /shin tu de bzhin bsgom par bya/ /de yi steng du kun bzang gi /zhal ni cung zad ser ba'o/ /cung zad tsam ni khro ra'i gzugs/ /gzhon nu'i rgyan gyis brgyan pa'o/ /gtsug phud lnga'i rtse mo can/ /dgu pa yin te/ dus kun tu'o/ /zhal rnams thams cad spyan gsum par/ /bdag nyid de bzhin bsgom par bya/ /'khor gyi tshul rnams thams cad kyi/ / ming dang gzugs la sogs pa brjod/ /shar gyi ming ni rdo rje mgo /lho'i rdo rje lag pa'o/ /nub kyi rdo rje rgyu ma ste/ /byang ni rdo rje rkang pa'o/ /me grwa'i rdo rje thod pa mo/ /bden bral rdo rje thod tshal ma/ /rlung du dur khrod ras ma'o/ /dbang ldan mdung rtser bskyon pa'o/ /phyi rim shar sogs snam bu la/ /de bzhin rim bar bsgom bya ba/ /rdo rje gri dang rdo rtse gcig/ de bzhin rdo rje gtun shing dang/ /rdo rje chu gri mtshon rtse gcig /rdo rje lcags kyu de bzhin gzhan/ /rdo rje ma he rdo rje ba/ / shar na gnas pa brgyad kyi'o/ /snam bu dang por shes par bya/ /lho yi rdo rje sta gri dang/ /rdo rje mnga' dang rdo rje dbyug/ rdo rje kha TwAM de bzhin te/ /rdo rje 'khor lo rdo rje zhags/ /de bzhin rdo rje phag pa yang/ /rdo rje gung bu brgyad pa'o/ /nub tu rdo rje rdo rje'u/ /rdo rje phub dang rdo rje gzhu/ /rdo rje dril bu de nas yang/ /rdo rje rlung gi ras yin no/ /de bzhin rdo rje rnga mor shes/ /rdo rje khyi ni brgyad pa'o/ /byang gi rdo rje sdigs mdzub dang/ /rdo rje 'phan rtse gsum pa dang/ /rdo rje glang lpags rdo tho ba/ /rdo rje mdung dang rdor me thab/ /rdo rje lug ni de bzhin te/ /rdo rje spyang ki brgyad pa'o/ /gnas bzhi ru ni bsgom par bya/ /shar sgo skyong ba bya rgod do/ /lho yi skyong ba 'ug pa ste/ /nub kyi skyong pa bya rog go /byang gi skyong pa seng yin no// me grang khyung ni legs par gzhag / bden bral gyi ni khra yin no/ /de bzhin rlung gi ri skegs bsrung/ /dbang ldan bsrung ba bzhad yin no/ /ming gi thog ma kun rdo rje/ /dang po gzugs mdog nag por brjod/ /de rnams kha dog gcig yin te/ /phyag gnyis pa la zhal gcig pa'o/ /rang gi ming bzhin phyag mtshan 'dzin/ /g.yas bskum zhabs kyis brtan par bzhugs/ /thams cad ro yi gdan la bzhugs/ /spyan gsum pa ni tsher drag pa/ /dbu skra kham pa 'bad pa'o/ /thams cad thod pas brgyan pa ste/ /bcom ldan 'das kyi zhal du blta/ /cher 'khrugs pa ni bzhad pa'i zhal/ /zhal nas pheM gi sgra sgrogs 'gro/ bcom ldan de bzhin thams cad yang/ /de bzhin gcer bu mtshan gyen 'greng/ /lha rnams thams cad la mtshungs par/ /rang gi sa bon snying gar dgod/ /de las sprul pa'i 'od 'phro pas/ /ye shes 'khor lo spyan drang ngo/ /dza hUM baM hogcig pu ni/ /dbang bskur ba yang bsgom par bya/ /mchod pa sna tshogs mchod par bya/ /bdag gis thams cad bstod par bya/ /mi yi she la sogs pa dang/ /khrag gis rkyang ni mchod par bya/ /'di yi dkyil 'khor rdzogs pa ni/ /snying rjes 'khrugs pa'i ting 'dzin gyis/ /drag po'i las kyi don du ni/ /sngags bzlas de bzhin dran par bya/ /brnyas pa'i sems can gdul bar bya/ /thams cad rjes su mthun par bya/ /aoM h+rIphaT/ ces pa yang ni snying po'i sngags/ /aoM ya ma rA dzA sa do me ya/ ya me de ru Na yo da ya/ /ya da yo ni ra yak+She ya/ yak+She yats+tsha ni sa ma ya hUM hUM phaT phaT swAhA/ zhes pa dag ni rtsa sngags so/ /'di rnams de ni gang 'dod yang?/ /sngags bzlas par ni de bzhin bya/ /yi ge 'bar bar bsgoms pa yis/ /dngos grub dag ni myur ba yin/ /thams cad la ni dbang bsgyur bar/ /snying gar nyi ma rnam bsam bya/ /thams cad kyi ni 'khor bar yang/ /ma he'i gdong gi snying gar dgod/ /snying po'i sngags sogs dang por ni/ /sngags gsum bzlas pa yang dag sbyar/ /de bzhin sngags ni so sor bzlas/ /sgrub pa pos ni gang 'dod bya/ /snying po la sogs brtan gnas pa/ /lha rnams la yang de bzhin dgod/ /sha rnams thams cad za ba na/ / dang por ma he'i gdong la dbul/ /gtor ma 'byung po thams cad la/ /sngags bzlas pas ni sbyin bar bya/ /aoM b+hu tsa ra NaM ya pA tA la tsa ra ya/ maM khe ce rA ya/ ta purba ni gA nAM/ ka dak+Shi na dI gA yA/ hUM paShtsi mAM nAM/ phaT aut+ta ra dI gA ya// a oM ai h+rIming/ /sgrib pa thams cad sel ba'o/ /dus gsum du ni de ltar bsgrub/ /rgyun tu brtan par bsgrub par bya/ /thams cad las ni gang byed pa/ /bdag nyid ma che'i zhal gyis so/ /ting 'dzin gsum ni sems kyis bya/ /'khrugs pa'i 'bar ba'i sems kyis sbyor/ /sems can mthun dang mi mthun dag /yid kyis bya ba rab tu bya/ /bdag gis byang chub tu rab 'dul/ /sems can mnyam par yang dag byung/ /dam pa'i don du rnam dag pa/ /dus ni dpa' bo chen po'i gzugs/ /zhal brgyad thun tshod brgyad yin no/ /zhal dgu thun tshod spyi yin no/ /phyag dang zhabs gnyis zla ba dang/ /zla ba phyed dang yang dag sbyor/ /gzhon pa bcu drug dus dang ni/ /zla ba yi ni zhag dus shes/ /zhal ni gza' dgu dag tu shes/ /phyag ni rgyu skar dag dang sbyar/ /zhabs ni 'pho ba bcu gnyis dang/ /dus bzhi yang ni de bzhin no/ /mtshon cha rnams ni stong pa dang/ /snying rje dag ni bcu drug gnyis/ /glang chen pags pa bgegs chen to/ /drag po'i gzugs ni sdug bsngal che/ /sel bar byed pa'i gtso bo'o/ /kha dog nag po byams pa che/ /thod pa'i rgyan ni mi 'gyur ba'o/ /dkyil 'khor lha ni thams cad dag/ /rang bzhin 'byung ba'i dus dag go /sngags gsum dag pa sku gsum mo/ /lha rnams nyid kyi rang ming ni/ /dang por aoM dang hUM phaT mdza' / /thod par btung ba'i dus dag go /dkyil 'khor byang chub phyogs yin no/ /zhon pa sa ri san tika/ mdog sogs de bzhin gshegs pa ste/ /dag pa thams cad shes? pa'o/ /'di ni dag pa cung zad tsam/ /'jam dpal rgyud na rgyas pa yin/ /bdag gis sgrub thabs 'di byas pas/ /bsod nams de ni gang rnyed pa/ /de yis 'jig rten bsod nams shog /bdag gi sdug bsngal bral gyur cig /dpal gyi sgrub thabs 'di bsdus pa/ /rdo rje 'jigs byed rtog pa ni/ /sum brgya pa ste 'jam dpal gyi/ /rgyud las cung zad tsam zhig phyung/ /ma tshang lhag pa gang yin pas/ /bdag la legs par bzod par mdzod/ /sngon du bdag gis gang las thos/ / de ni mnyes par bya ba tsam/ /dpal rdo rje 'jigs byed kyi sgrub pa'i thabs slob dpon la li ta badzri'i zhabs kyis mdzad pa rdzogs so// //rgya gar gyi mkhan po pradz+nyA tra sh+rI be de dang/ /bod kyi lots+tsha ba cig grub rje shes rab bla mas bsgyur cing zhus te gtan la phab pa'o/ / //dpal rdo rje 'jigs byed kyi sgrub thabs bzhugs// //rgya gar skad du/ sh+rI badzra bai wa ra sA b+ha na/ bod skad du/ dpal rdo rje 'jigs byed kyi sgrub thabs/

CLOSE WINDOW