བོད་ཡིག

e-texts based on the ACIP/ALL Input

/'phags pa 'jam dpal khros pa las byung pa'i/ /rdo rje 'jigs byed de dang 'dra bar shog /dpal rdo rje 'jigs byed kyi sgrub pa'i thabs mdor bsdus pa/ slob dpon chen po sh+rI b+ha dras mdzad pa rdzogs so// // dpal rdo rje 'jigs byed chen po la phyag 'tshal lo/ /gang gis bsnyen sgrub las rnams sbyor 'dod pas/ /de rnams dgos par bcas pa shes don du/ /de yi mtshan nyid bde bar 'dir ni bstan par bya/ /ji srid ting 'dzin sngags dang mchod par ldan pa yis/ /lha nye rtse gcig mtshan ma thob pa bsnyen par gsungs/ /rtags thob gyur nas dben par song ste glal dang sprid pa dang/ /gnyid spangs brtul zhugs bcas pas legs sgrubs pa'o/ /bsgrubs pas gdul bya'i rang bzhin sna tshogs bzlas pa la/ /zhi ba la sogs thabs kyi 'byor pa las su gsungs/ /de la las grub pa yi rgyu gsum ste/ /rtse gcig pa thob pas chos la dbang sgyur ba dang/ sngags grub pas ngag dben pa thob pa dang/ /dam la gnas pas dam tshig can stong grogs byed pa'o/ dngos grub 'grub pa'i rgyu ni dad pa mi ldog pa dang/ shes rab kyis the tshom mi za ba dang/ sems rtse gcig pa dang shin tu gsal ba rnams so/ /'jig rten dang 'jig rten las 'das pa gang bsgrub kyang tha mal pa'i chags sdang ni bar chod kyi sgrib pa chen po yin no/ /dbang dang dam tshig med na 'di dang pha rol tu sdug bsngal 'byung ngo/ /ji skad bshad pa'i yon tan blangs la skyon spangs te/ lha'i bsnyen pa ni dang por khrus byas la stan bde ba la 'dug ste/ maN+Dal byi dor byas la me tog gi bcal bkram/ sku gzugs mdun du gzhag la bsod nams kyi tshogs yan lag bdun gyi sgo nas byang chub kyi sems bskyed de/ /snying ga'i pad+mar nyi ma la gnas pa'i sems dpa' i 'od zer gyis dpal 'jam pa'i rdo rje 'og nas 'byung ba lta bu spyan drangs te/ mdun gyi nam mkha' la bzhugs pa la 'di ltar yan lag bdun gyi smon lam bya'o/ /mchod pa bla na med pa kun tu bzang po'i mchod sprin 'dod yon gyi char dag pa'i sems kyis sbrul nas 'bul na/ thugs rje chen po'i dbang gis bzhes su gsol/ na mo dus gsum gyi de bzhin gshegs pa thugs kyi gzugs brnyan sku'i sbrul pa gsung gi dbang phyug /dpal 'jam pa'i rdo rje la sogs pa phyogs bcu na bzhugs so 'tshal la/ bdag lus ngag yid kyi sgo nas phyag 'tshal zhing skyabs su mchi'o/ /gzhan yang bdag gi thog ma med pa'i dus nas dug gsum gyi dbang gis sdig pa mi dge ba ci bgyis pa rnams so sor bshags shing slan tshad sdom par bgyid do/ /phyogs bcu'i 'phags pa rnams dang 'gro ba dag gi bsod nams kyi tshogs bskyed do 'tshal la rjes su yi rang bar bgyid do/ /ston pa 'jig rten gyi sgron ma bskul ba'i sa las bzhengs pa gang dag bzhugs so 'tshal de dag la chos kyi 'khor lo bskor bar bskul lo/ /bde bar gshegs pa gang dag 'dul ba'i dus la ma bab pa log par lta ba rnams sun dbyung ba'i phyir/ thabs kyis mya ngan las 'da' bar bzhed pa rnams la 'khor ba ji srid par don mdzad par gsol ba 'debs so/ /dge ba'i rtsa ba de dag dang gzhan yang bdag dang 'gro ba kun gyi bgyis so 'tshal gyi dge ba'i rtsa ba thams cad kyang bla na med pa'i byang chub tu bsngo bar bgyi'o/ /ji ltar dus gsum gyi sangs rgyas rnams kyis thugs byang chub mchog tu bskyed pa phung po dang/ khams dang skye mched dang bral ba gzung ba dang 'dzin pa'i rnam pa spangs pa/ chos bdag med pa mnyam pa nyid rang gi sems gdod ma nas ma skyes pa/ stong pa nyid kyi rang bzhin du thugs bskyed pa de ltar bdag gis kyang sems bskyed par bgyi'o/ /bdag gis 'phags pa rnams la lus phul te/ sems can 'khor ba'i rgya mtshon gnas pa rnams bsgral ba'i ched du bcom ldan 'das 'jam pa'i rdo rje bsgrubs te/ sems can rnams mya ngan las 'da' bar bgyi'o/ /de nas tshad med bzhis sems dag par bya'o/ /nga ni ye shes kyi tshogs su gyur pa stong pa nyid bsgom par bya ste/ /snang ba'i chos thams cad ni sems nyid 'khrul ba tsam ste gung na med do/ /sems ni sgyu ma lta bur rang bzhin med pa ste/ de nas chos thams cad rang bzhin med pa'o zhes shes par byas la gsang sngags 'dis stong pa nyid kyi nga rgyal bya'o/ /aoM swa b+hA ba bi shud+d+haral gri/ ral gri'i lte ba la yi ge d+hIbsgom/ /de'i thugs kar a gnyis pa las grub pa'i nyi ma'i dkyil 'khor 'bar ba'i phreng ba can du bsams te/ de'i 'od kyis phyogs bcu'i sangs rgyas sras dang bcas pa rnams bskul nas/ slar zhugs pas 'jam pa'i rdo rje nyid dang sangs rgyas rnams su bcas te/ nyi ma'i dkyil 'khor la thim pas shin tu gzi byin dang ldan par gyur te/ 'od zer 'bar bas kun tu khyab cing 'phro bar bsgom mo/ /de'i steng du hUM nag po'o/ /'od zer lnga 'phro bas don byas te slar bsdus pa'i sbyor bas khro bo'i rdo rje rab tu 'phro ba can du gyur te/ don gyi bya ba byas nas rgyal ba sras dang bcas pa spyan drangs nas rdo rje de nyid la bzhugs pas sku gsung thugs rdo rje dbyings nyid dang ldan par gyur te/ de nyid bcom ldan 'das dpal rdo rje 'jigs byed chen po'i gzugs su gyur par bya'o/ /'di lta ste sku bskal pa me dpung 'bar ba'i dkyil na bzhugs shing/ zhal khro gnyer smin ma 'gyur ba/ me 'bar ba rdo rje rta gad chen po 'byin cing lce 'jib pa/ phe skad chen po gnam du 'don cing 'jig rten gsum gyi bdag po khrag gsol zhing/ 'jig rten dang 'jig rten las 'das pa'i lha thams cad bsdigs pa/ sku gcer bu thod pas brgyan pa/ mtshan ma 'greng ba gsus khyim che ba/ ma he'i gdong chen po ste/ 'di dbu dgu pa phyag sum cu rtsa bzhi pa/ zhabs bcu drug pa g.yon brkyang ba'i stabs kyis bzhugs pa/ zhal g.yas dang po sngon po/ /gnyis pa dmar po/ /gsum pa ser po ste/ de gsum ni g.yas so/ /g.yon pa'i zhal gsum ni dkar po dang/ dud kha dang nag po khros pa ste/ de gsum ni ljags 'dril ba'o/ /rtsa ba'i zhal ma he nag po kha gdangs pa ste lce 'dril ba'o/ /rwa gnyis kyi lus kyi zhal dmar po 'jigs pa ste zhal nas khrag 'jag pa'o/ /steng gi zhal ser po cung zad khro ba gzhon nu'i tshul can gtsug phud lnga pa ste/ thams cad kyang spyan gsum pa'o/ /phyag g.yas g.yon gyi dang pos glang po che'i pags pa brkyangs te 'dzin pa'o/ /g.yas pa gzhan ni rim pa bzhin no du gri dang/ b+hi ta pa la dang/ gtun shing dang chu gri dang chu gri bzang po dang sta re dang mdung dang/ mda' dang lcags kyu dang/ dbyug to dang/ kha TwAM ga dang/ 'khor lo dang rdo rje dang rdo rje tho ba dang/ ral gri dang rnga chung dang de rnams bsnams pa'o/ / phyag g.yon na thod ba dang/ tshangs pa'i mgo bo dang/ phug chung dang mi'i rkang ba dang/ zhags pa dang/ gzhu dang rgyu ma dang/ dril bu dang/ lag pa dang dur khrod kyi ras dang/ rtsang chen gyis phug pa'i ro dang/ me thabs dang/ thod tshal dang/ sdigs mdzub dang 'phan rtse gsum pa dang/ rlung gis phyar ba'i ras dang/ de rnams bsnams pa'o/ /zhabs g.yas pa brgyad kyis mi dang ma he dang/ glang dang/ bong bu dang rnga mo dang/ khyi dang lug dang wa dang de rnams brdzis pa'o/ /g.yon pas bya rgod dang 'ug pa dang/ bya rog dang/ seng ge dang/ bya rgod chen po dang/ khra dang ne tso dang/ ri skegs dang/ de rnams rdzas pa'o/ /de'i thugs kar ye shes sems dpa' mtshon pa/ sku gsung thugs byin gyis brlabs pa/ mi 'khrugs pas dbang bskur ba'o/ /de nas e yaM raM khaM laM suM pruM/ zhes brjod 'byung ba chen po gzhi'i dkyil 'khor gyi steng na gzhal yas khang gru bzhi sgo khyud dang ldan pa/ dur khrod 'bar ba'i glong? na gnas pa zhig bsgom mo/ /dkyil 'khor gyi dbus na ro chen po'i steng du ji skad smos pa'i sems can rnams kyi gdan la bcom ldan 'das dpal rdo rje 'jigs byed chen po bdag dang mthun par bskyed do/ /gru bzhi ru mchod pa'i lha mo bzhi dang/ sgo bzhir sgo ma bzhi khro bo'i cha byad can yi ge ya las bskyed do/ /de'i phyi rol du las kyi gshin rje pho mo mkha' 'gro ma dang 'byung po'i tshogs bskyed par bsgom ste/ de'i lho phyogs kyi skor bcom ldan 'das kyi mdun du bdag dam tshig sems dpa' gnas par bsgom mo/ /de ltar gsal ba dang lcags kyu'i phyag rgya bcas pa'i ting nge 'dzin dang ldan pas spyan drangs te/ 'jam dpal rang bzhin chos rnams kun gyi dngos/ gnas med 'gro 'ong bral ba nam mkha' bzhin/ /dus kyi khams bzhin thugs rjes 'gro 'ong bral/ /sprul pa'i 'gro dang bral ba gzugs brnyan bzhin/ /'gro dang 'ong ba'i mtshan nyid mi mnga' yang/ chu zla bzhin du gar dmigs der snang ba'o/ /deng 'dir spyan 'dren gshegs su gsol ba'i lha/ /sangs rgyas kun gyi rang bzhin 'jam pa'i dbyangs/ /gdug pa 'dul byed gshin rje gshed/ /ye shes thugs las sprul pa'i lha mos bskor/ /las byed sprul pa gshin rje 'khor dang bcas/ /'dir gshegs bstan par bdag la dgongs su gsol/ /aoM h+rIchos kyi dbyings gyur rgyal ba kun gyi yum/ /ye shes sems dpa' rgyal ba kun gyi sras/ /phyag 'tshal 'jam dpal dpal gyur rdzogs pa khyod/ /chos kyi sku la byams sdang mi mnga' yang/ /srid gsum gdug pa ma lus 'dul ba'i phyir/ /thugs rje'i thabs kyis khro rgyal skur bstan pa/ /'jigs byed gshin rje gshed la phyag 'tshal lo/ /dus gsum sangs rgyas kun gyi ye shes ni/ /chos rnams kun dang rang bzhin dbyer med de/ /bsgrub mchog bdag gi sems kyang de lags pas/ /de mtshon don phyir rtags kyi skur bstan pa/ /thugs la gnas pa'i ye shes 'gro ba'i rgyu/ /ye shes sems dpa' i sku la phyag 'tshal lo/ /bde gshegs rnams kyi yon tan sman po che/ /bsam 'das brjod bral dpag gis mi lang yang/ /mi phyed rdo rje gsum du 'dus bstan pa/ /sku gsung thugs kyi lha la phyag 'tshal lo/ /bde gshegs thams cad mnyam nyid chos kyi sku/ /rang bzhin rnam dag rigs rgyud mi mnga' yang/ /rnal 'byor grub pa mtshon phyir rgyas btab pa/ /au rgyan rdo rje mtshon la phyag 'tshal lo/ /ye shes snang med chags pa'i rdul bral zhing/ /'dod pa khams kyi sems can 'dul slad du/ /thabs la mkhas pa'i 'dod yon gzugs su sprul/ /mchod pa'i lha mo'i tshogs la phyag 'tshal lo/ /chos nyid spros bral dbyings kyi pho brang du/ /gzung 'dzin bral ba'i ye shes zlos 'jug phyir/ /'khrul pa'i bgegs tshogs gdul ba'i skur bstan pa// gzhal yas sgo skyong bzhi la phyag 'tshal lo/ /bcom ldan rdo rje chos rje 'jam dbyangs spyan lam du/ /bdud 'dul bstan pa bsrung bar zhal 'ches pa/ /las kyi gshin rje mang po mkha' 'gro ma/ /'byung po ro langs ci bgyi bka' nyan tshogs/ /phyi nang skyong ba'i dam can ma lus la/ /bdag ni re ba'i sems kyis 'dud cing mchis/ /'di ni phyag 'tshal ba'o/ /rgyal ba rnams ni gtsang gyur cing/ /sme ba'i rtog pa mi mnga' yang/ /sri zhu tshul gyi yon chab 'di/ /bde gshegs rnams la sku khrus gsol/ /aoM h+rIlag brgyad pa me tog mdzes/ /ma rigs mun pa bral ba ye shes gsal/ /nor bdun yon tan chog shes bdud rtsi zas/ /ye shes pho brang mtshan gyi me tog spos/ /sgyu ma'i chos la ye shes dbang sgyur zhing/ /rang bzhin rnam dag rigs rgyud mi mnga' yang/ /bdag cag sri zhu gus pa'i tshul gyis su/ /dri dang bdug pa me tog mar me bshos/ /dag cing gtsang mar bshams te phul ba 'dis/ /bsod nams yan lag yongs su rdzogs gyur cig/ aoM h+rId uSh+Ta satwad ma ka gabi dye pU dza ya swAhA/ bshos gtsang gi'o/ /'di ni mchod pa dbul ba'o/ /hUM 'jam dpal mkha' la 'byung ba'i gser mdog can/ /'jam dpal thugs las chos kun rang bzhin gsal/ 'jam dpal gsung gi dbang phyug 'jam pa'i dbyangs/ /'jam dpal bdag ni re ba'i sems kyis 'dud/ /thugs mchog 'jam pa'i ngang las ma g.yos kyang/ /thugs rjes gdug pa ma lus 'dul ba'i phyir/ /gshin rje 'jigs byed chen po'i skur ston pa/ /mi bzad dus mdza' bskal pa'i me ltar 'bar/ /zhal ba dangs khro gnyer smin ma glog stong 'gyu/ /spyan bgrang mche ba gtsigs pa rab tu 'bar/ /rdo rje rta gang drag po ha har bzhad/ /mkha' 'gro bsdus pa'i pheM skad gnam du sgrogs/ /khros pa'i stobs chen brdabs pas khams gsum gnon/ /sdigs mdzub gnam du bsgreng zhing lha chen 'dul/ /ljags 'dril tshems chen gtsigs shing khrag gis myos/ /lha dang bcas pa'i 'jig rten zhal du gsol/ /glang chen ko rlon thod pa'i phreng ba zhags/ /gcer bu 'jigs byed dbang phyug chen po'i tshul/ /'jigs byed ma he khros pa'i zhal gdangs shing/ /zhal dgu 'bar bar srid pa za zhing rdub/ /'gro ba sna tshogs 'dul ba'i phyag rgya 'bar/ /bdud ris gnon pa'i zhabs ni brkyang bskum mdzad/ /'jigs byed chen po'i sku la rtag tu 'dud/ /dbu dgu 'bar pa'i dkyil 'khor nas/ /g.yas kyi zhal gsum bgrang pa ni/ /mthing ga dmar dang ser ba'i zhal/ / g.yon pa'i zhal gsum gdangs pa ni/ /dkar dang dud ka nag po'i zhal/ /dbus kyi zhal gsum 'bar ba ni/ /khro dang chags dang zhi ba'i tshul/ /phyag rgya 'od zer 'bar ba las/ /g.yas kyi phyag rgya bcu drug ni/ /rdeg cing 'joms pa'i mtshon cha gdengs/

CLOSE WINDOW