བོད་ཡིག

e-texts based on the ACIP/ALL Input

'di mang? ? du 'phro can 'dug/ // */ /rdo rje 'jigs byed rgyud kyi dga' 'grel mi skyod pas mdzad pa bzhugs so/ /rgya gar skad du/ sh+rI badzra b+hai ra ba tan+t+ra TI kA/ bod skad du/ dpal rdo rje 'jigs byed kyis rgyud kyi dga' 'grel/ sangs rgyas dang byang chub sems dpa' thams cad la phyag 'tshal lo/ ? /bla ma'i zhabs la dad pas btud nas ni/ /dpal ldan gshin rje gshed kyi rtog pa 'dir/ /man ngag gang yod bdag nyid dran phyir ni/ /dka' ba'i gnas tsam bdag gis bri bar bya/ /bla ma mchog rnams legs par yun rings dus su dka' bas mnyes byed mi nus pa/ /dbul pos gter chen ngo shes brko ba'i bya bas ngal te yongs su dor ba bzhin/ /de ltar dbul po 'dra ba'i blo ngan rang la 'tsho ba rdol lung gi tshogs/ /legs bsrubs las byung mar gyi snying khu lta bu rnar yang blud mi bya/ /ji ltar zhag gi rim pas zla ba'i cha shas 'phel zhing bco lngar mthar thugs pa/ /bcu drug nas brtsams 'bri zhing 'phel mang mkhas? pa'i 'gro ba'i shes pa mngon sum ltar/ /yun ring bsnyen bkur dus su de yi snod ni rim gyis bla mas sbyar byas te/ /dad brtan bsnyen bkur byas la bla ma dus su byin gyis ma brlabs de nyams 'gyur/ /de phyir slob ma blo gros dman pa 'grus par gnas la bdag gis yid dga' bas/ /rtog pa 'di las chung zad snying po sbyin phyir rab tu bsdus pa'i gzhung 'di dgod/ /de nas zhes bya ba la sogs pa'i gzhung le'u bdun du byas pa'i rtog pa 'di ni/ le'u'i grangs kyi go rims dang/ bsdus pa'i don dang/ man ngag gi gnas bshad pa ste/ yan lag gsum gyis 'chad do/ /de yang bsnyen pa dang/ sgrub pa dang/ las rab 'byams dag gi dbang bskur ba'i sngags pas bya ba yin la/ las dang po pa'i sngags pas ni phal cher rdul mtshon gyi dkyil 'khor du dbang bskur bar rigs pas/ /dang po tshig zung gyis/ dbang bstan pa dkyil 'khor gyi le'u gsungs so/ /dbang bskur ba'i sngags bas ni bsgoms pa 'am bzlas pas bsnyen pa byed pas na de nas ni le'u bzhi pa gsungs pa drang po/ / bsgom pa yang ri mo'i dmigs pa la brten par rigs pas na de nas le'u lnga pa gsungs te/ de nas bcom ldan 'das rnam par snang bar snang mdzad chen po rdo rje de bzhin gshegs pa ye shes chen po'i stobs kyis rnam par 'phrul pa'i rdo rje zhes bya ba'i ting nge 'dzin la snyoms par zhugs nas phyag na rdo rje la 'di skad ces bka' stsal to/ /phyag na rdo rje ras sam rtsig pa la sogs pa la gzugs brnyan bsgrubs pa dmigs pa gang gis gsang sngags 'chang rnams kyi ye shes rdzogs par 'gyur zhing/ ye shes rdzogs pas sangs rgyas nyid bde blag tu thob par 'gyur na/ dngos grub gzhan lta smos kyang ci dgos pa'i gsang sngags kyi tshogs rnams kyi ting nge 'dzin gsang chen bshad par bya yin nyon cig ces gsungs pa lta bu'o/ /de ltar ri mo la brten nas dmigs pa thob pa de ni ting nge 'dzin gyi las rnams byed nus par 'gyur bas bsam gtan la brten pa'i las kyi sbyor ba'i le'u bdun pa gsungs so/ /gal te bzlas brjod kyi bsnyen pa byas kyang/ ting nge 'dzin ma thob pa srid pas de dag gi ched du ni bzlas brjod las byung ba'i sbyin sreg gi bya ba bstan to/ /gal te sbyin sreg gi las la yid mi dga' ba 'am/ tshogs pa mi rnyed pa dag gis phyir le'u gnyis pa 'khrul 'khor gyi bya ba bstan to/ / gal te bsnyen pa byas pa'i sngags pa las phran tshogs de dag la mi mos kyi/ /mchog grub par 'dod pa de dag la ni yang le'u dang po'i mchog bsgrub pa bstan to/ /de ltar bsnyen pa dang sgrub pa dang/ las rab 'byams thams cad du dgos pa ni sngags yin la sngags de yang/ ma dag pas ni dngos grub mi byed de/ /cho ga nyams shing yi ge gug skyed nyams/ /mchod pa med cing mi gtsang bzlas brjod byas/ /gug skyed yi ge lhag par gyur pa yi/ /gsang sngags dngos grub rgya chen mi ster? ro zhes gsungs te/ /de bas na sngags dag par byed pa'i yi ge btu ba'i le'u gsum pa gsungs te/ 'di ni le'u grangs bdun gyi go rims dang mtshams sbyar ba man ngag gis gsungs pa'o/ /gzhan yang sgrub pa po mchog gi phyir ni dngos grub dam pa sgrub pa'i le'u dang po gsungs so/ /des dngos grub mchog grub na las phra mo la 'jug ste/ /'di nyid las gal te sngags pas grub par ma gyur na yang las phra mo thams cad nges par 'grub po zhes gsungs te/ de'i phyir le'u gnyis pa gsungs so/ /le'u gnyis pa'i las dag kyang gsang sngags dag pa la brten pa yin pas na gsang sngags dag pa'i le'u gsum pa gsungs so/ /dag pa'i sngags de yang bsgom pa dang ldan pas bzlas par bya ba yin pas na le'u bzhi pa bsgom pa gsungs so/ /bsgom pa yang bris sku la dmigs par rigs pas na/ /le'u lnga pa bris sku'i cho ga gsungs so/ /bris sku las dmigs pa thob pa de ni phyi dang nang gi las rab 'byam la dbang du gyur pas na/ /sbyin sreg dang bsam gtan gyi las kyi le'u dag gsungs so/ /de bzhin du go rims nges pa dang mtshams sbyar ba ni/ rnam pa du mar rang gi blo gros dri ma med pas shes par bya yang rung zhes gsungs so/ /yan lag dang po mngon par brjod pa'o/ /gnyis pa ni de ltar le'u bdun po de dag las le'u grangs dang pos ni/ sdud pa po gzhung yang dag par sdang ba'i dmigs gang yin pa che ba'i bdag nyid dang bcas par bstan pa dang/ gnas kyi tshul dang sngags pa'i khyad par dang/ las rab 'byam dang/ slob dpon gyi tshul dang/ dkyil 'khor gyi bdag nyid che ba dang/ mchod pa dang/ nye bar spyad pa'i yo byad dang/ sgrub pa po bsgrub cing mchod pa dang/ bsgrub pa'i tshul dang/ dngos grub blang ba dang/ dngos grub chen po ma 'grub na yang/ phra mo 'grub par 'gyur pa rnams bstan pa'o/ /le'u gnyis pa las ni le'u'i mtshams sbyar ba dang/ gsang ba'i las rnam pa drug dang/ bsgrad pa'i las rnam lnga dang/ dbye ba'i las rnam pa bzhi dang/ rims kyis gzung ba dang/ rengs par bya ba dang/ mnan pa dang/ dbang du bya ba dang/ dgug pa dang/ smyo bar bya ba dang/ bu mo dbang du bya ba dang/ zhi ba'i bya ba mdor bstan pa dang/ 'khrul 'khor sba ba'i gnas dang/ sbyor ba dgrol ba dang/ las de dag gi bya ba gsal bar byed pa rnams bstan pa yin no/ /le'u gsum pa las ni/ rtsa ba'i sngags btu ba dang/ las kyi sngags btu ba dang/ snying po'i sngags btu ba dang/ de dag gi bzlas pa'i tshad dang/ yi ge btu ba'i dam tshig rnams btu ba rnams bstan to/ / le'u bzhi pa las ni/ le'u mtshams sbyar ba dang/ bcas te mngon du bya ba rnams bstan pa dang/ gdan bsam pa dang/ rgyu'i lha bskyed pa dang/ 'bras bu'i lha bskyed pa dang/ 'bras bu'i lha de'i gzugs la sogs pa'i mtshan nyid dang/ bsnyen pa'i gnas dang/ bzlas pa la sogs pa'i mthu dang/ gnas dang kha zas dang/ las grub pa'i rgyu rnams bstan to/ /le'u lnga pa las ni/ le'u mtshams sbyar ba dang/ bris sku'i ras dang/ 'bri mkhan dang/ yon dbul ba dang/ gnas dang/ mi g.yeng bar bya zhing gsang ba dang/ ri mo ji lta bar bri ba dang/ bris sku dben pa'i mchod pa dang/ sku'i spyan sngar bsnyen pa bya ba dang/ phreng ba'i mtshan nyid dang/ thun mtshams nges pa dang/ bris sku spa ba dang/ kha zas kyi tshul dang/ bdug spos dang chog de dag gis mchog 'grub par 'gyur ba rnams bstan to/ /le'u drug pa las ni/ /le'u'i mtshams sbyar ba dang/ spyir sbyar ba'i cho ga dang/ bsang pa'i las gnyis dang/ dbye ba dag dang/ bskrad pa'i gzhi dang/ mnan pa dang/ las kyi dam tshig dang/ bu mo dbang du bya ba dang/ zhi bar bya ba dang/ rgyas par bya ba dang/ dgug par bya ba dang/ smyo bar bya ba dang/ nor la dbang bsgyur ba dang/ yul dbang du bya ba dang/ dbang du bya ba dang/ 'byor pa bskyed pa dang/ rgyal po dbang du bya ba dang/ 'jig rten dbang du bya ba dang/ bud med dbang du bya ba dang/ dbang du bya ba'i mchog dang/ dgug pa'i mchog dang/ las rab 'byam gyi dam tshig rnams bstan to/ /le'u bdun pa las ni/ le'u'i mtshams sbyar ba dang/ gsang ba'i las dag dang dbye ba dang/ bskrad pa'i las dag dang/ dgug pa dang/ dug bsal ba dang/ bud med dbang du bya ba dang/ skyes bu chen po dbang du bya ba dang/ dam tshig rnams bstan to/ /yan lag gnyis pa mngon par brjod pa'o/ /da ni yan lag gsum pa la 'jug par bya ste/ de nas zhes bya ba ni bkra shis pa 'am/ de ma thag pa 'am/ dbang du bya ba'o/ /bsgrub pa ste zhes bya ba ni/ le'u dang po ni sgrub pa 'ga' zhig ston pa yin la rtog pa ril yang sgrub pa gtsor gyur pa ste/ las rab 'byam yang sgrub pas bsdus pa'o/ /thams cad kyi zhes bya ba ni/ de dag gi nang na'o/ /rab tu 'khrugs pa zhes bya ba ni lhag pa'i bdag nyid do/ /'jigs byed ces bya ba ni phyi rol lo/ /yang na rab tu 'khrugs pas 'jigs byed pa'o/ /gang yang rung ba'i gnas zhes bya ba ni 'chad par byed pa rnams la'o/ / gnas rnams zhes bya ba ni bsgrub pa'i gnas nges pa'o/ /'thab mo'i gnas shes bya ba ni/ rgyal po'i g.yul 'gyed pa'i sa'o/ /dbang bskur thob pa zhes bya ba ni/ gshin rje dgra nag po'i rgyud 'di nyid dang rjes su mthun pa'i rgyud de las 'dir dbang bskur ba'i tshul dang gtor ma dang/ 'khrul 'khor gyi bya ba dang/ bstod pa la sogs pa drang bar bya ste/ de bas na de ltar dbang bskur ba'i rnal 'byor pa des dbang du bya ba la sogs pa bsgrub ste/ /kha cig ni rgyud 'di nyid las gsungs la/ ral gri la sogs pa kha cig na rgyud gzhan gyi lugs su bsgrub po/ /de ltar yang gang nyid du ni rang nyid kyi /las kyi cho ga rnams med pa/ de ni spyi rgyud las grags pa'i cho ga mkhas pas shes par bya/ /zhes su gnang ngo/ /ro bsregs pa'i thal bas zhes bya ba ni/ 'dir brag? shul/ ? bcas pa gtso bor gyur pas lha'i tshon gyi gor thal che bshad pa yin la/ de nyid kyis ri mo yang gcig kho na lnga'i gor sbyar ro/ /thal phyer gang dag bshad pa ni/ /de dag thams cad ri mo gcig/ ces gsungs pas so/ /zlum po zhes bya pa ni/ nang gi rdo rje phreng bas bskor ba'o/ /sgo rnams gzhan ni gcad par bya/ /zhes bya ba ni/ lho phyogs las gzhan pa gsum gcad pa ste/ ji skad du/ chab sgo chen po tegs bur bcas/ /rnam pa cung zad gcig ni ldan/ par bya/ /chab sgo gzhan rnams gcad pa ni/ /me ma dkar po dag gis su/ /sgo yi dbus gyi cha dag tu/ /ri mo phra mo bri bar bya/ /zhes gsungs pa'o/ /ro bri'o zhes bya ba ni gdan ste/ ji skad du gsungs pa/ dkyil 'khor dag gi cho ga ni/ rnam pa gsum po ma lus par/ /lha rnams thams cad dgod pa ni/ /rnam pa gsum du shes bya ste/ /dang por gzugs su bri bar bya/ /gnyis pa phyag rgya'i gzugs su bri /gsum pa gnas dang stan dag tu/ /bri ba'i cho ga yongs su bsgrags zhes so/ /'on kyang dpa' bo gcig pa'i dkyil 'khor du ni/ /phyag mtshan ji snyed pa dgod par bya ba yang yin pas na/ /shar du ni mgo bo zhes bya ba la sogs pa smos te/ slob mas me tog bor na ni snying po'i gnas dgu po gang du lhung yang dngos grub mchog tu 'gyur te/ snying por me tog bab na ni/ /rtag tu don med mi 'gyur bshad/ /ces gsungs pa'o/ /byang gi snam bu'i mtshams ma la bab na/ /zhi ba'i las 'grub po/ /lhor ni tshar bcad pa rnams so/ /nub tu ni dbang du bya ba dang dgug pa'o/ /shar du? ni rgyas pa'o/ /ri mo'i phyi rol lam mtshan ma gnyis kyi bar mnyam par lan gsum bab na dbang mi bskur ro/ /sgrub pa pos ni/ ro'i steng du bdag po'i lugs ma 'am bris sku 'am/ brkos pa'i sku bzhugs pa/ me tog dor ba byas la bdag nyid dbang bskur te/ dbus kyi lha gsal ba'i gnas su 'dug pa las rdzas 'grub pa 'am/ rgyud las ji skad gsungs pa ltar mchog gsol bar bya'o/ /phyogs thams cad du yang/ sogs pa'i sgras bsdus pa glang po che'i pags pa re re'am/ yang na rkang lag gi cha'i pags pa bri'o/ /gzhan dag ni sogs pa zhes bya ba'i sgras mtshon cha gang yang rung ba dri bar 'chang ngo/ /thabs dang shes rab phul du rgyud pa dbyer med pa'i tshul du 'gyur pa na/ phyag gnyis glang po che'i pags pa dang bcas pa yin la/ de bzhin gshegs pa'i thugs rje chen po'i sum cu gnyis nyid ni/ phyag gi mtshon cha dang bcas pa lhag mas ston pas na/ /mtshon cha gzhan gang yang rung/ bri ba ni mi 'thad pa nyid do/ /ro langs chen po brgyad ces bya ba ni gcer bu skra grol ba so rno ba nag po sren po lta bu gri gug dang/ thod pa thogs pa rnams so/ /'di dag ni sgrub pa po'i grogs su gyur pa 'dod pa'i las 'grub pa'o/ /bza' ston ni dkyil 'khor du 'jug pa na tshogs kyi 'khor lo bya ba'o/ /sbyin sreg ni 'jug pa na'o/ /gtor ma'i las ni zhes bya ba ni sgrub pa pos srod la sbyin te/ slob ma dbang bskur ba la ni dkyil 'khor ba sgrub par byas la'o/ /yang na gnyis kar nam phyed na'o/ /dbus su bsgrub bya dmigs la zhes bya ba ni/ /sangs rgyas kyi bstan pa la 'khu ba gang su yang rung ba zhig gdan du dmigs par bya'o/ /gzhan yang dbus su bsgrub bya'i gzugs su 'khrul 'khor dang bu ta ling ga bcas pa'i ya ma pu ta sha gzhag la'o/ /'dir zhi ba dang/ rgyas pa la ni mdun du'o/ /gzhan dug ni sngar gsungs pa'i sdom gyi las ma lus pa la 'di dag bsgrub par bya ba min pas na/ gsang par bya ba gdan du brtags te bzlas ba bya bar 'dod de/ /dngos grub mchog sgrub pa dag ma yin pa la dkyil 'khor bri ba ni gang du yang mi 'gyur bas na de ni ma rigs te/ sngar bstan pa ltar ting nge 'dzin gyis ni rung ngo/ /yi ge bcu pa'i gsang sngags zhes bya ba ni/ bya ba thams cad la de nye bar gnas pa na ste/ rtsa ba'i sngags ni 'khrul 'khor gyi bya ba tsam la gnas la/ snying po'i sngags kyang lha nye bar gyur ba tsam la gtso bor 'gyur bas so/ /rigs sngags 'chang gis gsol ba btab pa zhes bya ba ni khrag chen po'i yon chab yul nas gus par byas te'o/ /gzhan yang yid la gang 'dod pa zhes bya ba ni rang gi sbyangs pa dang/ mthun pa tsam las gang 'dod pa ste/ /bstod dang bcas nas mchod yon rgyun sgrengs nas/ /rtse gcig sems kyis gdod sdud phyag byas te/ /dad dang 'bad pa'i rjes mthun dam pa blang/ /dam pa thob na dga' bas phyag byas te/ /dad pas bstong nas mchod yon phul nas su/ /gsang sngags brjod cing slar yang gshegs su gsol/ /zhes ji skad gsungs pa lta bu'o/ /las phra mo bya ba ni/ 'khrul 'khor dang/ sbyin sreg dang/ bsam gtan gyis bsgrub par bya ba 'chad par 'gyur ba rnams so/ /dpal 'jam pa'i mchog ces bya ba ni/ /rgyud chen po'i mtshan du bsgrag go / dpal 'jam pa'i mchog gis bshad pa 'am/ /de'i khro bo dpal rdo rje 'jigs byed chen po zhes bshad do/ /'khor lo'i rnal 'byor zhes bya ba ni bsgrub pa'i dkyil 'khor gyi sbyor ba bstan pa'o/ /sbyor ba'i rgyud ces bya ba ni rgyud 'dir phyi rol gyi sbyor ba rab tu med pas na'o/ /de ltar na 'di bya ba'i rgyud ces brjod do zhe na/ bsam gtan 'ba' zhig gi bya ba ston pa'i le'u bdun pa 'byung ba dang/ phyi rol gyi sbyor ba'i bya ba thams cad la yang shin tu mnyam par bzhag pas bya'o zhes nang gi rnal 'byor rab tu yang gces par ston pas na/ bya ba'i rgyud ni min te/ 'on kyang phyi rol gyi sbyor ba rgya chen po'i rnal 'byor gyi rgyud do/ /gzhan dag ni 'dir yo ga zhes bya ba yu dzir mi 'dren te/ yo ni sha nyid du 'dren na de ni ma yin te/ 'dir yu dzir nyid shas che ba'i yo ni sha ni le'u bdun pa tsam las med cing/ lha'i sku bsgrub pa la ni bya ba'i rgyud las yang yo ni sha yod pa'i phyir ro/ /le'u dang po'i bshad pa'o// // de nas zhes bya ba ni/ dang po'i bstan ma thag tu'o/ /dngos grub thams cad ces bya ba ni las phra mo rnams te/ de dag ni dngos grub tu bzhag pa phal pa rnams kyi yin la/ grub pa rnams kyi ni 'phrin las bzhag pa yin pas so/ /sngon du ji ltar brjod pa bzhin zhes bya ba ni sdom du dbang dang dgug dang zhes bya ba la sogs pas so/ /gnod mdzes kyi gsang sngags zhes bya ba ni yi ge hUM bzhi ba'i sngags so/ /bzlas te zhes bya ba na 'khrul 'khor 'bri ba na bsrung ba'i phyir lan bdun la sogs par ro/ /gzhan dag ni aoM phu phu phu hi hi hi/ zhes bya bas bsrung bar 'dod do/ /gang yang rung ste de bzhin gshegs pa'i rigs kyi bsrung ba la 'di nye bar gnas pas so/ /sbyor ba'i rgyud kyi gtso bo zhes bya ba ni/ ji ltar rgyud 'di nas tshar gtsang ba'i sbyor ba bstan pa ltar sbyor ba rgyud gzhan las de ltar lhur ma mdzad pas na'o/ /lha'i rnal 'byor ji lta ba dang ldan pa'i rnal 'byor pas zhes bya ba ni/ lha'i gzugs tshul bzhin yid la byed pas thob par bya'i/ /gal te rnam par g.yangs na sbyor ba mi 'grub ste/ bzlas brjod dang ni dka' thub kun/ /dus ni dang por byas 'gyur kyang/ gzhan sems pa dang gzhan pas ni/ de dag thams cad don med 'gyur/ /zhes gsungs pas so/ /'khor lo re'u cha bcu drug pa zhes bya ba ni/ rim gsum las rim pa phyi rol ma'o/ /de bzhin du bar ma ni bcu gnyis pa'o/ /nad ma ni dgu pa ste/ de ltar ni/ mkhas pas cho ga bzhin bri ba/ brgyad dang bcu gnyis bcu drug tu zhes gsungs pa ste/ brgyad ces bya ba ni re'u mig dbus ma dor ba'o/ /me gnyis kyis dbus su bsgrub bya'i mang? smos shing zhes bya ba la/ le ni yi ge phaT yin te/ me dang 'dra ba'i phyir ni sreg pa mthar ni gzhan zhes gzhan las bstan to/ /ji ltar smos she na phaT a mu kaM mA ya phaT ces so// rgyud gzhan las Ta dang pha'i bar du ming bcug te zhes gsungs pa nyid 'dir mi gnyis kyi dbus su bsgrub bya'i ming smos pa'o zhes gzhan kha cig 'dod do/ /yi ge bcu pas de bskor la zhes bya ba ni/ aoM h+rIba la sogs pa yang re'u mig bcu drug pa'i rim pa de la dgod pa'o/ /'di skad bstan te/ lho nas brtsams pa'i re'u mig brgyad bur du dor ba la/ aoM h+rIzhes pa dang/ phaT ces pa bris te/ bar bar du dor ba brgyad la snga ma rnams bri'o/ /de nas bar ma'i re'u mig bcu gnyis dang/ dbus kyi re'u mig lnga la yi ge bcu bdun bris te/ dbus su yi ge ya'o/ /lhor ni ma'i yi ge'o/ /nub tu yi ge ne'o/ /byang du ni yi ge nga'o/ /shar du ni yi ge k+She'o/ /ma dang 'brel pa'i re'u mig bar ma nas bsams te/ rA dza sa do/ ru Na yo ni/ ra yats+tsha ni zhes bya ba rnams bri'o/ /de ltar dbus su re'u mig cha bzhi mtshams su gnas pa de dag la ci zhig bri bar bya zhe na/ de'i phyir yi ge hUM brgyad bri'o zhes bya ba gsungs te/ 'di ltar mtshams re rer/ hUM a mu kaM mA ra ya hUM zhes bris pas ni hUM brgyad du 'gyur de ji skad du/ bsgrub par bya ba'i ming gzung ste/ hUM gnyis dang ni spel nas su/ phyogs bral stong par gzung byas te/ dgos pa thams cad 'grub par byed/ ces gsungs pa lta bu'o/ /lhag ma phyi rol dbyangs dang gsal byed bskor ba dang/ gshin rje'i lto bar gzhag pa la sogs pa ni/ 'di nyid cha mthun pa'i rgyud las shes par bya'o/ /zhes sngar smos so/ /tsha ba'i mar khu zhes bya ba ni/ ske che'i mar khu 'am yungs mar ro/ /thod pa gnyis zhes bya ba ni dum bu bzhi pa ste/ gsum pa yang mang ngo/ /bsros la zhes bya ba ni pu ta ling ga'i snying ga'i 'khrul 'khor bros pa tsam du ste/ 'dis dgra bo tsha ba'i rims kyis btab nas 'chi bar 'gyur te/ rten cing 'brel bar 'byung ba'i mthu'i khyad par bsam gyis mi khyab pa'i phyir ro/ /yi ge bcu pa'i gsang sngags bzlas na zhes bya ba ni/ yi ge sum cu rtsa gnyis zlos pa dags pa'i phyir smos pa ste/ de ni bsnyen pa byas la 'khrul 'khor 'bri ba'i tshe bzlas par bya'i gzhan du ma yin pas so/ /dur khrod kyi me la bsros na zhes bya ba ni spro ba tsam ste/ a mu ka badzra ra bud pa da ya zhes bskul ba smos te bzlas so/ /yi ge sum cu rtsa gnyis pa'i sngags smos shig zhes bya ba ni sngar 'khrul 'khor la rtsa ba'i sngags bkod pa ma gsungs pas de bstan pa'o/ /yi ge bcu pa'i gsang sngags dang yang bsgrub bya'i ming lhan cig smos te zhes bya ba ni sngar ji skad bstan pa'i bskul ba smos pas mchog par rtog pa las dgag ste/ hUM dang phaT kyi dbus su yang de bri'o/ /de bas na sngar bstan pa las khyad par cung zad ni de yin no/ /sbas na zhes bya ba ni dong khru bzhi pa'i gting du'o/ /grol bar 'gyur ro zhes bya ba ni thams cad do/ /gnas lngar zhes bya ba ni/ rdo rje yi ni phur bu yis/ gzugs brnyan gyi ni gnas lnga po/ /dpral ba mgrin pa snying ka dang/ /de bzhin dpung ba gnyis su gdab/ /ces gsungs pa'o/ /gshin rje'i gzugs zhes bya ba ni tshar gcad pa thams cad la'o/ /khyim du yang ni 'ongs nas shes bya ba la sogs pas ni legs par ma byas pa'i rnal 'byor pa yis so/ /tshu tshun da ri'i pags pa zhes bya ba ni gsob bshus pa'o/ /yi ge bcu pa'i gsang sngags zhes pa ni 'khrul 'khor nye bar mtshon pa'o/ /sa blangs pas dgang zhing zhes bya ba ni pu ta ling ga dang/ sas dgang ba'o/ /de'i skras bcing ngo zhes bya ba ni/ pags pa grul ba dang/ yan lag dang ro smad kyi cha'o/ /de nas pod bu'i chu ngan dang/ dri chen du sbyar te zhes bya ba ni/ /ji ltar rjes su gzung ba'i 'khrul 'khor la chag dang sbrang rtsi lta bu ste/ tshar gcad pa'i ri lu'o/ kham phor du bzhag la zhes bya ba ni thod pa gnyis ka la des glan te/ pu ta ling ga mi 'gyur bar dgang ngo/ /der sbyor ba de gzhag nas shes bya ba ni pags pa de'o/ /de gnyis kyi snying gar gsang sngags bcug nas shes bya ba ni 'khrul 'khor can gyi pu ta ling ga gcig gi steng du gcig gzhag nas shes bya ba ni gang yang rung/ /ba'i steng du gzhag go/ yang na 'thab pa ltar gcig gi steng du gcig 'gro bar spro bar bya'o/ /gzhan gshin rje'i skyes bu/ zhes bya ba ni yi ge ya las 'byung ngo/ /sbyor ba gzhan yang zhes bya ba ni 'khrul 'khor las gzhan pa'i sbyor ba ste/ zhar la bstan pa tsam yin gyi 'di gtsor ma gyur bas so/ /gro ga'i shun ba la/ zhes bya ba la sogs pa ni 'khrul 'khor gyi sbyor ba ste/ kha cig ni 'di yang sbyor ba gzhan du rtog go/ 'dir sbyor ba gzhan ni/ zhes pa'i sgras ni 'khrul 'khor mi 'gegs kyi don las so/ /gzhan dag ni 'dir 'khrul 'khor dang bral ba'i sbyor ba dag las/ yang rjes la 'khrul 'khor mnan la/ de grogs su de dag gi sbyor gyi/ gzhan du na skabs ma yin par ga la 'byung zhes 'dod do/ /rgyal mtshan gyi ras la/ zhes bya ba la sogs pa'i sbyor ba 'di ni smyo bar 'gyur ba'i bskrad pa'i sbyor ba'o/ /me tog dmar pos mchod cing/ /zhes bya ba 'di dpal rdo rje 'jigs byed nyid la ste/ me tog ni nye bar mtshon pa yin pas mchod pa kha dog dmar po yon chab dang bcas pa dbul lo/ /kha cig ni 'khrul 'khor mchod par 'dod do de ni mi 'thad de/ des don du mi 'gyur ro/ /gsang sngags nyid la mchod pas don du 'gyur ba'o zhe na/ kye ma rgyal po bzhugs bzhin du sna chen po la gtogs pa mchod pa lta ga la rigs de ni mi brjod do/ /seng ldeng gi me la bsros na/ /zhes bya ba ni gal te zhag bdun gyis ma byung na/ /pu ta ling ga thod pa nas byung ste bsro'i dang po na ni ma yin no/ /zhag bdun gyis 'chi bar 'gyur ro/ /zhes bya ba ni zhag bdun du rdzas smyo ba bzhin na'o/ /gzhan kha cig ni/ gal te slar ma bkrol na'o zhes 'dod de/ 'di ni thang khrom dang sbyar ba'i mu zis dril lo/ /sbyin sreg byas na/ zhes bya ba ni rlung gi me'i dbus su bzhugs pa'i bcom ldan 'das la'o/ /bya rog dang 'ug pa'i rus pa zhes bya ba ni brla 'am rje dar gyis rkang ngo/ /sbal ba'i/ zhes bya ba ni spra tshil la rtso byas pa'o/ /bu mo rmongs par bya ba ni/ myos par 'gyur bas ci dgar longs spyad par bya ba'i phyir ro/ /smra bar mi bya ste/ zhes bya ba la sogs pa ni byis pa'i rang bzhin can de dag gis shes nas thub pa chen po'i dgongs pa ci yin pa mi shes par sdang ba las de dag byed par 'gyur bas de dmyal bar ltung ste/ zhu ba'i rting la za ba ni/ mar gyi nying khu sbrang rtsi dang/ kha ra rnams ni bdud rtsi bzhin/ ma zhu zas ni dug 'gyur ro/ /de bzhin rab rgyas bdud rtsi'i chos/ /dgongs pa'i tshig la mi mkhas shing/ /byas pa'i blo dang ldan rnams la/ /mi bzad pa yi dug tu 'gyur/ /zhes gsungs so/ /'o na 'di las dgongs pa gang zhe na/ de'i phyir/ dkon mchog gsum la brnyes byed dang/ zhes bya ba la sogs pa rgyas par gsungs so/ /le'u gnyis pa'i bshad pa'o// //gtsang ma'i gnas/ /zhes bya ba ni dpen pa ste/ tsas kyang dben pa ni nges par ches gtsang bas so/ /gsang sngags btu ba/ zhes bya ba ni sa ? la sbyar? tshul byas la/ bad ti k+Sha ras dang por bzhi'i yi ge go gnyis par bris la dag pa na dbyangs rnams sbyin zhing/ de nas dag pa na bri ba 'am bzlas pa bya'o/ /'bum phrag gcig ces bya ba ni shin tu mnyam par bzhug pas so/ /las kyi sngags zhes bya bas ni las rab 'byam la rab tu bsngags pa'i phyir dang/ 'khrul 'khor yang 'dis rdzogs par byed pas so/ /'bum phrag gsum zhes bya ba ni sngags pa bar ma'i phyir bstan pa'o/ /snying po'i gsang sngags/ zhes bya ba ni phal cher bsgom pa la dga' ba'i rnal 'byor pa la bstan pa yin pas na/ /'di ni zlos pa pos ni nges par snying gar bsgom par bya bas na snying po zhes bya ste/ gsang sngags rnams ni bzlas pas kyang bya ba de byed srid kyi/ snying po rnams ni nges par bsgoms pas don de rdzogs par bya ba yin te/ des na snying po shes par ting nge 'dzin/ gang du mtshungs par ldan pa'i sems/ zhes bshad do/ /yi ge 'bum zhes bya lnga yi ge ni snying po'i yi ge'o/ /'bum zhes bya ba ni le lo can rnams gzhug pa'i phyir ro/ /yang na yi ge 'bru ji snyed pa de snyed kyi 'bum phrag ste/ mkhas pas gsang sngags yi ge ni/ /bcos lnga man chad grangs rnams la/ /yi ge'i sdom ni ji snyed ba/ /de snyed 'bum phrag bzlas brjod bya/ /zhes gsungs pas so/ /gzhan kha cig ni 'di ni bsgom pa byang bar byas pas/ sgra ji bzhin pa'i bzlas par 'dod do/ /las de dang de dag ces bya ba la sogs pa ni las kyi sngags kyi gor sbyar du rung bar ston pa'o/ /'on kyang 'khrul 'khor ni ma yin no/ /legs par mnyam par bzhag pa zhes bya ba la sogs pa ni/ ji ltar ral gri 'dzin pa'i mi dag gis/ legs par ma bzung lag pa 'chad par 'gyur/ /de bzhin sngags kyang legs par ma bzlas na/ /'bras bu med dam yang na ma rungs 'gyur/ /zhes gsungs pa'i gnas skabs spang ba'i phyir/ yi ge btu brtsom na/ de'i tshe sems gzhan du byed pa ni/ rab tu smad de/ khrus byed pa de yang bshad gci byed pa bzhin du de dgag pa'i phyir ro/ /le'u gsum pa'i bshad pa'o// / chos kun bdag med sngon byas nas/ /zhes bya ba dang/ lha'i dmigs pa bya ba'o/ /zhes bya ba ni mdor bstan pa ste/ de dag ni dang por re zhig swA b+hA ba shud+habstan to/ /chos thams cad ces bya ba ni/ phung po dang/ khams dang/ skye mched do/ /de dag bdag med pa'i bdag nyid du byas nas zhes bya ba ni/ gzung ba dang 'dzin pas dpen pa rang bzhin gyis 'od gsal bar 'gyur ba'o/ /de'i 'og tu de nyid nam mkha' i dkyil du yi ge yi sngon po las grub pa'i rlung gi dkyil 'khor du ba'i mdog can du bsams te/ 'di ni khro bo chen po'i gdan te/ rgyud 'di ni mngon spyod gtso bor byas pa yin pas na/ gdug pa rnams rab tu 'thor byed pa yin te/ pho nya la sogs bran rnams dang/ /khro bo'i ming du gang 'dogs pa/ /kun tu thogs med spyod pa rnams/ /kun gyi dkyil 'khor me dang rlung/ /zhes gsungs pas so/ /zla ba'i dkyil 'khor zhes bya ba ni/ /'phags pa 'jam pa'i dbyangs kyi gdan te/ de ni yongs su bsgyur bar bya ba yin na/ snga ma ni brtan par gnas po yin no/ /de'i steng du yi ge d+hIpar gzigs te/ thugs kar nyi ma gnas par bya ste/ de'i 'od zer gyis sdang ba rnams bsdigs te/ 'on kyang rab tu sdang ba dag mi 'dul par gzigs nas yang dag nyid dang nyi mar bcas pa/ rdo rje 'bar bar byin gyis brlabs shing de'i sprul pa rnams 'dul ba de dag gi spyi bo'i steng du gnas te bsdigs pa na yang shin tu sdang ba rnams 'dul ba ma yin no/ /de nas ni yang 'jigs byed chen po'i sku 'dzin par gyur pas/ de dag tshar bcad de/ de dag rnal 'byor pa des kyang rjes su spyod pa tsam yin pas na/ bsdu ba'i lha rnams kyang 'dul ba gnyis kyang yin lag shin tu rab sdang bde rnams ni/ tshangs pa dang/ brgya byin dang/ dbang phyug dang/ gzhon nu rnams gsol bar mdzad pa zhes 'chad par 'gyur ba'o/ /zhal 'gug pa zhes bya ba ni/ dbus dang de 'brel ba nas brtsam pa'i g.yas pa gsum dang de bzhin du g.yon pa gsum dang/ steng dang de'i steng rnams rim pa bzhin du sangs rgyas kyi mthar gyis gnas pa'i snyoms par 'jug pa dgu'o/ /'jig rten gsum zhes bya ba ni de'i bdag po ste/ rgyal bar byed pa dang/ sbrang rtsir byed pa dang/ don kun 'grub pa'o/ /zhabs bcu drug pa zhes bya ba ni stong pa nyid bcu drug rnam par dag pa'o/ /de nyid kyi phyir mi ro la sogs pa bcu drug ni phyi rol dang nang la sogs ba'i dngos por 'dzin pa bcu drug gi mtshan mar mdzad pa yin pa yin la/ de dag stong pa nyid bcu drug gis bcom pa yin pa'i phyir zhabs bcu drug pa rdzis pa'o/ /gcer bu'i sku la zhes bya ba ni/ rnam par rtog pa spangs pa dang/ ngo tsha shes pa dang/ khrel yod pa'i phyir gos yin gyi/ ras la sogs pas bkab pa ni byis pa'i gos yin par bstan pa'i phyir te/ byis pa gos rnams gyon yang rtag par gcer/ mkhas pa gcer bu 'dug kyang gos dang bcas/ /zhes bshad pas so/ /mtshan 'greng zhes bya ba ni/ 'di ltar chen po dang 'dra bar bstan pas de 'dul ba'i phyir te /de ni lhag par chags pa can yin pas na/ /lo gsum du dka' thub bzlog ma dang gnyis kyis gnyis su bde bas bde ba ma tshim zhing rtag tu mtshan ma las su rung ba'i zhes grag go / de bas na chags dang lta pa zhe sdang ba'o/ /lha chen tshangs pa khyab 'jug 'dul zhes bshad do/ /zur phung lnga pa zhes bya ba ni ye shes lnga dang bcas par ston pa'o/ /zhal thams cad kyang spyan gsum dang ldan pa'o/ /zhes bya ba ni sems can gyi phyir snang ba ston pa'i sgo ji snyed pa las yang rnam par thar pa gsum gsum las byung ba'i phyir ro/ /nyi ma'i dkyil 'khor zhes bya ba ni yi ge a dmar po las byung ba'o/ /de la rang gi gsang sngags dmigs la zhes bya ba ni dbus su yaM sngon po 'am hUM sngon po'i yi ge ste/ tha mar sngags gsum gyi phreng ba g.yas skor du bsgom mo/ /g.yengs pa med pa'i yid kyi zhes bya ba ni tha na stong pa nyid kyang mi bsam ste/ /rig sngags lta ni ma gtogs par/ /bsgom pa mchog tu gyur ba yang/ /zlos pas bzlas brjod byed pa'i tshe/ /kun rtog bzung nas ming bsam mo zhes gsungs so/ /bzlas brjod bya'o zhes bya ba ni/ /sngon bzhin spro bsdu bya ste skyo na'o/ /'thab mo'i gnas zhes bya ba ni sngon bzhin no/ /'dir ni bsnyen pa'i gnas so/ /nges pa kho na ma yin pas na/ /dur khrod la sogs pa zhes smos te/ sngar bstan pa rnams las yid gang dga' bar gnas so/ /dam tshig gi rdzas shes bya ba ni/ sha chen po dang rdo rje chu la sogs pa ste/ 'di ni re shig sems sbyangs pas bya'o/ /le'u bzhi pa'i bshad pa'o/ /'khor lo bri bar bya'o zhes bya ba ni/ 'di ni mi ma yin pa'i tshogs kyis bskor ba 'am/ dkyil 'khor gyi tshul las phyag rgya mi bri bar rdo rjer ba la sgo gdong ba'o/ /lhag pa'i yon ni zhes bya ba ni/ 'bri mkhan gyi tshad las rgal ba'o/ /srin po zhes bya ba la sogs pa ni/ bdur khrod kyi de kho na shes par 'gyur ro/ /sgrub po zhes bya ba ni/ ji ltar bstan pa las sha tshugs la sogs pa rab tu 'dra bar bri'o/ /sha chen po'i bdug spos phul te zhes bya ba ni/ dang por spyan phye la'o/ /gzhan la bstan par mi bya'o zhes bya ba ni/ glegs bam dang ni bris sku dang/ /rmongs pa dag ni bstan byas nas/ tshe 'dir dngos grub mi 'byung ste/ /tshe rabs gzhan duAng dngos grub med ces gsungs pas so/ /rtag tu nub mo za bar bya'o zhes bya ba ni/ gcig tu 'ang gsang bar bya ba'i phyir mtshan mo mi nyal tsam na dam tshig rdzas dag ?? dub pa bsal pa la sogs pa'i phyir bza' o/ /nyin par mi'i sha la sogs pa bza' ba ni/ yang dag par rdzogs pa'i sangs rgyas la 'gro ba skur pa smra ba'i mdza' la thug par 'gyur zhing bdag nyid kyang ce spyang gi ngar 'byung po'i khongs su 'jug pa'i phyir ro/ /gang zhig dngos grub mchog 'dod pa zhes bya ba ni/ ngan pa'i spyod pa 'di dag ni sems dag pas bya'i gzhan du ma yin la/ dngos grub chen po rnams ni sems dag pas thob kyi/ mi gtsang ba longs spyod pas ni ma yin te/ phag la sogs pa bzhin no/ /sems dag pa ni 'bras sA lu'i chan dang/ mi'i sha dang/ bshad ba'i dri dang/ ga pur gyi dri dag la 'dod pa'i yon tan du mnyam par 'gyur te/ de bas na gang dag dga' ba de la dbul te/ 'di ltar chang dang de bzhin dri/ /ji ltar bza' ba de bzhin bshad/ /ji ltar dri bzang ga pur dag de bzhin bshad pa las byung dri/ /zhes gsungs pa lta bu'o/ /le'u lnga pa'i bshad pa'o// //sbyin sreg gi cho ga zhes bya ba ni/ rab tu bsdus la bshad par bya/ rgyas par 'di dang cha mthun pa'i rgyud las shes par bya zhing/ gzhan yang/ zhi ba dang ni rgyas pa dag/ zla ba yar gyi ngo la bya/ /dbang dang drag shul sbyar sogs pa/ /zla ba mar gyi ngo la brtsam/ /byang du kha bltas zhi thal/ de bzhin rgyas pa shar du blta/ /drag po'i las la lho phyogs su/ /dbang gi las la nub tu blta/ /gsang ba nyid la me phyogs su/ /dbye ba la ni srin po'i phyogs/ /gnas nas bsgrang pa rlung phyogs su/ /mnan pa la ni dpang ldan phyogs/ /zhi la kha dog dkar po ste/ /rgyas pa la ni ser por bya/ /dbang dang dgug pa dag la dmar/ /gsang ba kha dog nag po'o / zhi la byams pa'i sems kyis bya/ /rgyas la dga' ba'i sems kyi bya/ /dbang dang dgug pa chags sems kyis/ /gsang pa la ni khro sems kyis/ /zhi ba sror la phang cher bya/ /rgyas pa de bzhin snga dro bya/ /dbang dang mngon spyod dag gi las/ /nyi ma gung dang nam phyed na/ /zhes gsungs pa sbyar ro/ /'bru mar gyis zhes bya ba ni/ /ske tshe 'am yungs mar gyis so/ /brdzis te zhes bya ba ni/ /chu bo'i 'gram gnyis kyis dang/ /bsgrub bya'i rkang? rjes kyi sa dang brdzis te/ dgra'i pu ta ling ga byas te/ de'i snying gar las kyi sngags bskul ba smos pa bris te/ mtshon rnon pos gtub cing bsreg go /dur khrod me la zhes bya ba ni/ /dur khrod nas byung ba'i me la'o/ /yid du mi 'ong ba'i rlung gi me zhes ni mi bsam ste/ mngon spyod la ni dur khrod las blangs pa'i me zhes gsungs pa de yang/ rtog pa de ma 'brel ba'i phyir ro/ /bas mdza' zhes bya ba ni gang nas grong gi sgra chen po yang mi thos pa'o/ /sme sha can zhes bya ba yang/ sme sha can las btsal ba'i me ste/ de lta ma yin na sbyor ba 'di gnyis dang bzlog pa'i nyes par ji ste mi 'gyur/ bya rog la sogs pa ni zung re res 'grub pas na 'am/ zhes bya ba smos so/ /khyim du 'dug nas zhes bya ba ni 'di ltar na yang grub na dur khrod la sogs par lta ci smos pa'o/ rdo rje 'chang zhes bya ba ni/ sngags pa gang yang rung ba la dgongs pas gsungs pa'o/ /rlung gi dkyil 'khor gyi dbus su zhes bya ba ni/ thab zla ba phyed pa lta bu 'am/ /gru gsum pa'i dbus su de ltar bri ba'o/ /gru bzhi dkyil 'khor zhes bya ba ni thab khung ser po dbang chen gyi dkyil 'khor lta bu'o/ /las dang mthun pa'i rnal 'byor zhes dmigs te zhes bya ba ni/ sngar brjod pa dang me lha dang lhan cig pa'i lha rnams so/ /byi la'i mu tra dang sbyar la/ zhes bya ba ni rdzas de dag re re nas bsregs pa bkang ba'o/ /legs par mnyam par bzhag par bya/ zhes bya ba ni snying rjes rab tu brlan par bya'o/ /khrag gis brdzis te/ zhes bya ba ni khrag sdig med pa gang yang rung ba'i brdzis la bu bo'i bzugs brnyan snying kar sngags bskul ba smos la gzhag pa byas na de bcad cing bsregs pa'o/ /zhi bar dmigs pa'i bdag nyid kyis/ /zhes bya ba ni lha dang me'i lha dang rdzas rnams kha dog dkar por bsams te/ gsang ba yi bdag po de ltar/ /me yi gzugs ni byin brlabs te/ /bdag gi rang gi gzugs dang ni/ /rdzas kyang de yi ngo bor bya /zhes gsungs pas so/ /mnyam par bzhag ba'i yid kyis/ /zhes bya ba ni rin po che dang/ nor sna tshogs kyi char dbab pa'i ting nge 'dzin pa'o/ /ske tshe las zhes bya ba ni/ ske tshe btags pa las so/ /bya rgod chen po'i tshad/ /ces bya ba de ni ci bsags pa'i tshad bye brag mi bya bar ro/ /nor ma yin par 'gyur te/ zhes bya ba ni a mu ka na ma tra bya a tra? bya ku ru zhes bskul ba smos pas so/ /bcom ldan 'das kyi spyan snga nyid du/ /zhes bya ba ni de bzhugs pa'i gnas su de'i spyan sngar te/ 'di ni gnas 'dir bstan pa'o/ /khrag ces bya ba yang ba lang nyid kyi'o/ /rdo rje chu ni rang gi mu tra'o/ /rgyal po'i pho brang 'khor zhes bya ba ni gzhan gyi tshogs lta ci smos zhes bya ba'i tha tshig go / bdag nyid gcig pu bya ba yin/ /zhes bya ba ni rjes su mthun pa'i grogs rnyed par dka' ba'i phyir te/ byis pas grogs su mi 'gyur phyir/ /gcig pu spyod pa byed sla bas/ /ma btang mgon po'i glang po bzhin/ /sems khral bsgrubs te gcig pu spyad/ /ces gsungs pa lta bu'o/ /rgya chen po zhes bya ba ni/ las kyi rnam grangs mang po ste/ gzhan ni 'dir ni rab tu bsdus pas/ /rgyud bzhin la bltos pa'i phyir ro/ /le'u drug pa'i bshad pa'o/ /bsnyen cing zhes bya ba ni bsod nams ye shes skyes pas so/ /de bas na nges par sems las su rung bar sbyangs pa ste des so/ /bsgrub bya zhes bya ba la sogs pa'i ni ji skad bstan pa las spyi tshugs su gnas par ro/ /dpag chad brgya/ zhes bya ba ni byis pa lta bu'i sgrub pa po de rnams ring bar gnas pa la re ba chad pas bsgrub par dka' mod kyi zhes pa'o/ /snying gar zhes bya ba ni mchod sdod la 'jog pa'i skyes bu'i phyir blta ba ltar lag pa g.yas bdag mo chen cha'i mchog 'dzin par ro/ /a las sgrub pa'i zla ba'i dkyil 'khor zhes bya ba ni byu ru'i mdog 'dra bar ro/ /sa gsum/ zhes bya ba ni sa 'og dang ma yul dang sa bla'o/ /des klu lhag ma can gyi gzugs dkar po/ /zhes bya ba ni 'di klu'i rgyal po rgya mtsho chen po'i phyag rgya/ dug thams cad sel ba ste/ bdag nyid kha dog dkar po zhi bar bsams pa'i snying gar pi gyi yi ge dkar po las byung ba'i pad+ma dkar po 'dab ma brgyad pa bskyed la de'i lte bar yi ge ai dkar po'o/ /de las kyang nor bu ? dkar po ste/ de yongs su gyur pa las ni/ sprul dkar po gnyis phan tshun mjug ma 'brel cing langs nas bsgyings te/ mig rtsa bsgrims nas gcig la gcig sdigs pa ltar 'dug pa'i bar mjug ma'i steng nas rtse mo gsum gsum pa'i rdo rje kha gnyis pa/ srang skyes nas 'bras 'dra ba gnas pa/ gcig la gcig blta zhing lce 'byin pa/ gnyis ka'i mgo la yi ge hi lta bu'i nor bu 'od 'bar ba 'dzag par bsams te/ de nas de gnyis kyi mag bsgrub bya'i mgo'i steng du gnas par bya ste/ nor bu'i yi ge a dang/ 'chi ma'i bdud rtsis spyi bo nas dbang bskur bas ji skad gsung ba der 'gyur ro/ /gzhan lag dang gnyis phan tshun bsnol te/ dkris la lag pa gnyis kyis mthe bor mthe'u rnams lu gu rgyud du sbrel nas/ sor mo lhag ma rnams rdo rje'i mtshan nyid las sbrul mgo gdengs ka ltar byas te/ nas re re tsam du bar da byas pa 'di/ na mo badzra pA Ni/ aoM hUM phaT swAhA/ zhes bya bas byin gyis brlabs te/ sbrul can la bstan na thogs pa med par de'i dug 'joms te/ mi snang ba'i klu dug can rnams kyang ngo/ /mngar sna gsum gyi gtor ma yang phyag rgya'i lha la dbul lo/ /'di ni bdag gi zhar la bshad pa yin gyi/ gnas skabs kyi bya ba ni ma yin no/ /bzhu ba/ zhes bya ba ni chags pa chen pos lus bzhub tsam du gdungs par 'gyur ba'i dbang du bya ba'i sbyor ba'o/ /de yang dngos su ni 'dzag pa nyid zhu ba'o/ /myos pa zhes bya ba ni chags pas sems 'khrug par gyur pa'o/ /de'i snying gar zhes bya ba la sogs pa ni sbyor ba gzhan ston te/ yi ge bcu pa'i gsang sngags zhes bya ba ni mdog dmar ba'o/ /ye shes kyi yi ge'i gzugs zhes bya ba ni bsgrub bya'i sems kyi yi ge dmar por gyur pa'o/ /yi ge de la bzhugs te/ zhes bya ba ni bdag gis spros pa la ste/ de'i phyir gcig tu 'dres par bsam mo zhes gsungs so/ /'di skad du bshad par 'gyur te/ bdag nyid kha dog dmar po'i lha nyid du 'ong ba'i rnal 'byor gsal bar bsams la/ de'i snying gar yi ge bcu pa dmar po zla ba dmar pos bskor bar bsams la/ de nas sngags bskul ba mos pas rdo rje'i bzlas par brjod pas/ yi ge de dag snying ga nas byung ste/ bsgrub bya'i snying gar gnas shing/ der yang de'i sems kyi rang bzhin yi ge bcu dmar po'i mdog tu gyur te/ yang dag 'dres te/ slar thig de dag gi snying gar zla ba dmar po'i yi ge ya dmar po la bstim mo/ /'di lta bu'i rnal 'byor ni mchog yin pas na/ rnal 'byor 'di ni nyi ma bdun na 'khor los sgyur ba yang dbang du 'gyur te/ ji srid 'tsho ba'i bar du dbang du 'gyur ro zhes gsungs so/ /las de dag ni bsam gtan ma yin pas 'grub par mi 'gyur bas na/ sngags pa shin tu mnyam gzhag cing/ /bsam gtan la ni brtan par bya/ /zhes gsungs so/ /rgyud ma bya ba ni rtog pa rdzog pa gsang ba'o/ /lhag ma rnams ni phyogs 'ga' zhig sbyin pa yang dgag pa'o/ /sngags kyang bstan par mi bya'o zhes bya ba ni yi ger bris pa tsam yang ngo/ /rnal 'byor ma bzang/ zhes bya ba ni lhan cig skyes pa'i rnal 'byor ma stong phrag nyi shu rtsa lnga'o/ /mkha' 'gro ma/ zhes bya ba ni zhing bsrung ba la sogs pa'o/ /'khor lo/ zhes bya ba ni dkyil 'khor dang 'khrul 'khor dag 'dir gtso bor gyur pas so/ /rtog pa zhes bya ba ni cho ga'i tshogs so/ /phyogs gcig pa/ zhes bya ba ni kun las btud pa'i man ngag gi phyogs gcig tu byas pa'o/ /bklags pas 'grub pa/ zhes bya ba ni skyes bu dam pa rnams kyis so/ /yan lag gsum pa mngon par brjod pa'o/ /bla ma ma bstan man ngag gtam bral bar/ /mi mkhas dag ni nges par mchog yin zhes/ /rgyud don log par 'chad cing byas pa bslu/ /de dag bslu ba shes byed 'di byas slob ma'i phyir/ /sbyor ba rgya chen ji skad bla mas smras pa bzhin/ /'on kyang dge ba 'di 'gro thub pa'i dbang por gyur/ / dpal rdo rje 'jigs byed kyi rgyud kyi dka' 'brel/ /rdo rje slob dpon mi bskyod pas mdzad pa rdzogs so// //rgya gar gyi mkhan po bi nA ya tsan+d+ra dang/ lots+tsha ba dge slong chos kyi shes rab kyis bsgyur cing zhus te gtan la phab pa'o/ / //*/ /dpal rdo rje 'jigs kyi mdor bshad slob dpon bo na sh+rIs mdzad pa bzhugs so/ /*/ /rgya gar skad du/ sh+rI badzro b+he ra ba tan+t+ra ta pa ne ka ra nA ma/ bod skad du/ dpal rdo rje 'jigs byed kyi mdor bshad pa zhes bya ba/ bcom ldan 'das dpa' rdo rje 'jigs byed la phyag 'tshal lo/

CLOSE WINDOW