བོད་ཡིག

e-texts based on the ACIP/ALL Input

(/dpal gshin rje gshed nag po'i dkyil 'khor la bstod pa A tsarya kIrtis mi mdzad pa bzhugs so/ /) !/ /rgya gar skad du/ kriSh+Na ya mA ri maN+Dal stu te nA ma/ bod skad du/ gshin rje gshed nag po'i dkyil 'khor gyi bstod pa zhes bya ba/ bcom ldan 'das gshin rje gshed nag po la phyag 'tshal lo/ /tsar tsik sogs byams sogs pas/ /'khor lo'i gtso bo bskul bar byed/ /rdo rje glu yi ngo bo nyid du/ /phun tshogs nyams 'dral mthong nas ni/ /khu ba'i gzugs ni yongs gyur nas/ /maM sngon nyi ma las byung ba/ /mi bzad khro bcas mdog sngon po/ /rus pa'i rgyan gyis rnam par brgyan/ /ra rno 'bar zhing spu ser skya/ /rmig pa brko zhing 'jigs sbyin pa/ /ma he yi ni rgyab gnas pa/ /rdo rje sngon po 'od dang bcas/ /sa bon bcas pa dang nyid dus? ni 'jigs byas nas/ /bdag nyid la ni yang dag bsdus/ /'jigs chen po yang 'jigs par byed/ /ma he rdo rje'i rnal 'byor te/ /rnam shes phung po rnam dag las/ /dkyil 'khor gtso bo gshin rje gshed/ /'jig rten gsum gyi bdud kyi 'khor 'od zer drag po spros pas bskrod/ /drag po mun 'dra'i gzugs drag po/ /'gro ba kun gyi nyon mongs pa'i/ /dri ma bsdus pas nag po nyid/ /rtag pa'i 'khor ba mya ngan 'das/ /gshin rje des 'dul gshin rje gshed/ /zhi bas mi 'dul des 'dul bas// des na khro bo chen po'o/ /lce 'dril ba la 'od 'byin ba mche ba shin tu gtsigs pa ste/ /smin ma sma ra mgo skyes ser/ /g.yon brkyang ba yi gnas pa yis/ /'jig rten dran pa med par byed?/ /rnam par thar pa'i sgo gsum nyi? ? / rnam par dag pas zhal gsum ste/ /rtsa ba'i zhal ni nag po che/ /g.yas pa zla ba'i 'od dang 'dra/ /g.yon pa khrag dang rab tu 'dra/ /rdo rje'i rgyan gyis rnam par brgyan/ /thung zhing gsus pa 'phyang la spom/ /mgo bo'i phreng bas rnam par brgyan/ /pha rol phyin drug yongs su ni/ /rdzogs par bsgoms pas phyag drug ste/ /sems can dag ni thams cad kyi/ /ji snyed sdig pa yi ni las/ /de gcod gri gug g.yas pa bsnams/ /bde ba skyong ba nyid kyi ni/ /g.yon gyi phyag na thod pa bsnams/ /tshogs gnyis rdzogs pa nyid kyis ni nyid mtshungs shes rab kyis 'khyud cing/ /bde bar 'jug cing gzhan don 'dod/ /lhan cig skyes pa'i ngo bo nyid/ /g.yas pa'i phyag gi lhag ma la/ /rdo rjes ser sna la sogs 'joms/ /nyon mongs dgra rnams rnam 'joms pas/ /ral gri 'bar ba bsnams pa ste/ g.yon pa'i phyag gi lhag ma la/ /'thub cing sbyor ba'i 'khor lo dang/ /skyon gyis ma gos chu skyes bsnams/ /zhe sdang nyon mongs 'joms mdzad pas/ /sbrul gyi dbang pos rgyan du byas/ /klu rgyal sngon po dga' o yis/ /skra bcings shin tu 'jigs par byed/ /tak+Sha ka klu dmar po yi/ /rna cha gdub kor byas pas 'jigs/ /rigs ldan khri bos dpung brgyan te/ /dud skyong zhes pa'i klu de ni/ /ser po lag pa'i gdu bur byas/ /pad+ma dkar pos do shal byas/ /kar ko Ti ni ljang gu ste/ /se ral kha ru bya bas mdzes/ /bdud rtsi'i mdog dang 'dra ba'i klu/ /nor rgyas bus ni ska rags byas/ /pad+ma zla ba ltar dkar mdog /pad+ma chen po rkang gdub yin/ /kun kyang phud sgra drag po sgrogs/ /lce gnyis mtsho ba'i phreng ba can/ /chos sku'i rang bzhin nyid phyir du/ /longs spyod rdzogs dang sbrul ba yi/ /gzugs su mdzad pa'i rang bzhin te/ /chos dbyings ye shes rang bzhin gyis/ /zhe sdang 'joms mdzad phyag 'tshal bstod/ /shar du k+She dang 'khor lo dang/ / gzugs kyi phung po rnam dag pas/ /rtag pa phyag drug dkar po ste/ /rtsa ba'i zhal ni dkar po la/ /g.yas pa gnag cing g.yon pa dmar/ /g.yas pa 'khor lo ral gri phyag /g.yon pa rin chen chu skyes 'dzin/ /zla ba'i dkyil 'khor mnyam par gnon/ /me long lta bu'i ye shes kyis/ /gti mug 'jom mdzad phyag 'tshal bstod/ /lho ru ma dang rin chen las/ /tshor ba'i phung po rnam dag pas/ /byung ba phra ma gshin rje gshed/ /gtso ma gser gyi mdog 'dra la/ rtsa ba'i zhal ni ser po ste/ /g.yas pa gnag cing g.yon pa dkar/ /g.yas na rin chen ral gri bsnams/ /g.yon na 'khor lo chu skyes nyid/ /mnyam pa nyid kyi ye shes kyis/ /phra ma 'joms mdzad phyag 'tshal bstod/ /me dang pad+ma las byung ba/ /nub tu 'dod chags rdo rje can/ /'du shes phung po rnam dag nyid/ /pad+ma rA ga 'dra ba'i 'od/ /rtsa ba'i zhal ni dmar la gdangs/ /g.yas pa gnag cing g.yon pa dkar/ /g.yas na pad+ma ral gri bsnams/ /phyag g.yon rin chen 'khor lo ste/ /so sor rtog pa'i ye shes kyis/ /'dod chags 'joms mdzad phyag 'tshal bstod/ /da dang ral gri las byung ba/ /'du byed phung po rnam dag las/ byang du phrag dog gshin rje gshed/ /margat aut pal lta bu'i 'od/ /rtsa ba'i zhal ni ljang gu ste/ /g.yas pa gnag cing g.yon pa dkar/ /g.yas na ral gri 'khor lo bsnams/ /mdzes pa'i nor bu pad+ma ga-yon/ /bya ba nan tan ye shes kyis/ /phrag dog 'joms mdzad phyag 'tshal bstod/ /khro bo'i gzugs can thams cad kyang/ /zhe sdang gshin rje'i mtshan nyid mtshungs/ /de dag pa yi phyag gnyis la/ /gri gug dang ni thod pa bsnams/ /rang gi shes rab lus ngag dang/ /bde ba'i dngos po gnyis med rol/ /nyi ma'i dkyil 'khor mnyam par gnon/ /rdo rje rtsibs kyi rtsar bzhugs shing/ /mya ngan 'das pa'i mdza' 'joms shing/ /sems can don mdzad phyag 'tshal bstod/ /shar sgor ya dang tho ba las/ /byung ba sngon po'i gzugs can te/ /'jig tshogs lta ba rnam dag nyid/ /g.yas dkar g.yon dmar dbus sngo zhal/ /g.yas na tho ba ral gri 'dzin/ /nor bu mchod dang pad+ma ga-yon/ /tho ba zhe sdang gshin rje gshed/ /brtson 'grus stobs kyi rang bzhin gyis/ /phung po'i bdud 'joms phyag 'tshal bstod/ /tsa dang dbyug pa las byung ltor/ /dbyug pa gshin rje gshed mdog dkar/ /mthar 'dzin lta ba rnam dag nyid/ /g.yas sngo g.yon dmar dbus dkar zhal/ /g.yas na dbyug pa ral gri bsnams/ /chu skyes 'khor lo g.yon gyi phyag /dbang po'i stobs kyi rang bzhin gyis/ /nyon mongs bdud 'joms phyag 'tshal stod/ /ni dang pad+ma las byung nub/ /pad+ma gshin rje gshed nyid ni/ /'og bar blta ba rnam dag nyid/ /g.yas gnag g.yon dkar dbus zhal dmar/ /g.yas na pad+ma ral gri bsnams/ /phyag g.yon rin chen 'khor lo ste/ /dran pa'i stobs kyi rang bzhin gyis/ /'chi bdag bdud 'joms phyag 'tshal bstod/ /ra dang ral gri las byung ba/ /byang du ral gri gshin rje gshed/ /lta ba mchog 'dzin rnam dag nyid/ /g.yas gnag g.yon dkar dbus ljang zhal/ /g.yas na ral gri 'khor lo bsnams/ /mdzes pa'i nor bu pad+ma ga-yon/ /ting 'dzin stobs kyi rang bzhin gyis/ /lha yi bdud 'joms phyag 'tshal bstod/ /kun kyang sbrul gyis rnam par brgyan/ /rnam 'jigs dgod pas 'jigs byed pa/ /skra ni 'bar ba gyen du 'greng/ /bskal pa'i me ltar 'bar zhing 'phro/ /nyi ma'i dkyil 'khor la gnas pas/ /mche ba gtsigs shing 'jigs pa'i zhal/ gri gug thod pa 'dzin par mdzad/ /'khor ba brtags pa'i mdza' 'joms shing/ /mi gnas sgrol mdzad phyag 'tshal bstod/ /sna tshogs rdo rje'i mtshams bzhi ru/ /lha mo zla ba'i gdan la bzhugs/ /shar lho dza dang 'khor lo las/ /lha mo rdo rje tsar tsi ka /sa khams rnam dag thabs kyi bdag /sgeg mo dkar mo cher khrom/ /gti mug gshin rje gshed dang mtshungs/ /byams pa chen po'i ngo bo yis/ /nyon mongs sgrib 'joms phyag 'tshal bstod/ /de bzhin lho ru sa dang ni/ /rdo rje las byung rdo rje phag /chu khams rnam dag stobs kyi bdag /khro zhing phag gi gdong pa can/ /zhe sdang gshin rje gshed dang mtshungs/ /snying rje chen po'i ngo bo yis/ /las kyi sgrib 'joms phyag 'tshal bstod/ /nub dang byang gi mtshams su ni// de skyes gtso bo rab tu dmar/ /me khams rnam dag smon lam bdag /rab tu zhi ba'i dbyangs can ma/ /'dod chags gshin rje gshed dang mtshungs/ /dga' ba chen po'i ngo bo yis/ /shes bya'i sgrib 'joms phyag 'tshal bstod/ /byang dang shar gyi mtshams su ni/ /ru skyes gau rI ljang gu ma/ /rlung khams rnam dag ye shes drug /'jigs byed phrag dog gshin rje gshed/ /gzugs dang mtshan ma mchog tu 'dzin/ /btang snyoms chen po'i ngo bo yis/ /skye ba'i sgribs 'joms phyag 'tshal bstod/ /mdza' gnyis rab tu sgrol mdzad de/ /rang rig gtso la phan? 'dogs shing/ /thabs dang shes rab dbyer med bdag /lha mo'i tshogs la phyag 'tshal bstod/ /mtshams bzhi ra Na ye ni ra las/ /phyi rol gzugs rdzogs rnam dag las/ / dkyil 'khor du ni thod pa gnas/ /chos dbyings kun tu 'gro ba'i phyir/ /bdud rtsi rnam pa lnga yis bkang/ /de ltar me mthun tshogs bcom nas/ /rab tu rgyal ba'i rtags mtshan nyid/ /thod pa bzhi yi ngo bo ste/ /bde ba chen po phyag 'tshal bstod/ / bsod nams ye shes chen po las byung sku gsung ye shes lngar ldan 'jigs gzugs la/ /bdag nyid dad pa'i mthu yis sku yi yon tan tsam mthong dad ba'i dbyangs kyis bstod pa yis/ /khams gsum 'khor ba'i rgya mtshor dong rnams rnam rtog rlung gis phyogs bcur g.yengs pas sdug bsngal rnams/ /skye rgas na 'chi spangs nas 'khor ba'i rgya mtsho las rgal bla med byang chub thob par shog/ //slob dpon dpal 'dzin gyi dgongs pa nye bar bsdus pa la/ gshin rje gshed nag po'i dkyil 'khor gyi bstod pa/ a tsA rya kIrti'i zhal snga nas mdzad pa rdzogs so// //rgya gar skad du/ ya mA ri tu no tan+ta badzra d+h+rika /bod skad du/ rdo rje 'dzin pas gshin rje gshed po la bstod pa'i rgyud/

CLOSE WINDOW