བོད་ཡིག

e-texts based on the ACIP/ALL Input

/rgyud dang sgrub thabs mi 'bral zhing/ /de yi man ngag rjes 'brang bas/ /bdag dang gzhan dag sems can kun/ /gshin rje gshed kyi zhal mthong shog/ //rgya gar skad du/ ya mA ri sA d+ha na/ bod skad du/ gshin rje gshed kyi sgrub pa'i thabs/ /'phags pa 'jam dpal gzhon nur pa la phyag 'tshal lo/ /dpal ldan mthar mdzad thugs rje'i rang bzhin can/ /'gro ba'i don du phyi rol gtum chen sku/ /mgon po gshin rje gshed la mgos btud de/ /de yi sgrubs thabs 'dod pa'i don du ni/ /sngags pa dang po sems yongs mgu ba dang/ /bde ba'i stan gnas 'og tu dam bca' byas/ /snying gar hUM bkod pa las mchod pa'i tshogs/ /sna tshogs pa yi mgon la mngon par mchod/ /de yi spyan sngar sdig pa bshags la sogs/ /byas nas stong nyid yongs su bsgoms nas ni/ /dang por rlung gi dkyil 'khor yaM las byung/ /du ba'i mdog 'dra gzhu yi dbyibs can la/ /rang gi sa bon las byung me yi ni/ /dkyil 'khor gru gsum mdog kyang dmar ba yin/ /baM las byung ba'i chu yi dkyil 'khor ni/ /bum pa 'dra zhing dkar la thur bltas pa/ /yaM las byung ba'i dbang chen dkyil 'khor ni/ /zur bzhi pa la kun nas rab tu ser/ /hUM suM hUM las byung ba'i ri rab ni/ /raM rgyal rtse mo brgyad pa go rims bzhin// sngar bshad rlung la sogs pa'i dkyil 'khor rnams/ /gong nas gong ma'i rim pa bsams nas ni/ /de 'og hUM las byung ba'i rdo rje'i ma/ /ra ba dra ba dam pa dbus kyi char/ /a las byung ba'i zla ba'i dkyil 'khor gyis/ /dbus na d+hIdpa' bo phyag g.yas ral gri mdzes/ /gzhon nu'i g.yon na thugs gar glegs ba bsnams/ /sku ni dmar ser zur phud lnga gnag cing/ /rdo rje skyil krung mchog bcas shin tu zhi/ /bsams la slar yang de yi thugs zla bar gnas/ /hi las byung// ba'i nyi ma 'char ka'i gzugs/ /kun nas 'od zer nag po 'phros pa yis/ /khams gsum khyab nas rgyal ba byang chub sems/ /khro bo rig pa gnas na legs bzhugs rnams/ /yang dag bskul te dkug nas nyi gzugs la/ /bcug la dar ni gcig tu gyur pa na/ /slar yang nyi ma nyid du gyur pa las/ /'od zer dmar po rab tu rgya che ba/ /shin tu 'bar ba spros nas de ru ni/ /hUM las byung ba'i rdo rje kha gyes gnag /lte bar hUM bcas sna tshogs 'od 'dra ba/ /de las rgyal dang byang chub sems dpa' spros/ /slar yang de yis 'gro ba drug la gnas/ /sems can gdul de byang chub mchog bkod nas/ /bkug ste thams cad rdo rje la rab bzhug /de 'og rdo rje ni la yongs gyur nas/ /gshin rje gshed po zhal gcig phyag gnyis bsam/ /phyag g.yas rdo rje'i dbyig pa 'phyar ba dang/ /phyag g.yon sdigs mdzub rdo rje zhags pa can/ /gshin rje ma he'i steng na gan? rkyal gnas/ /g.yas brkyang gnas pa yis ni gnod par mdzad/ /mi thung zhal ni rnam 'gyur mche ba gtsigs/ /gsus khyim che la ljags ni rnam par skyong/ /dbu skra smin ma ? dmar ser ni/ /gyen du brdzis shing spyan gnyis rnam par dmar/ /gnag cing khro bcas gnyer ma dpral bar bsdus/ /phus 'debs klu brgyad kyis ni yan lag brgyan/ /stag lpags bsnams shing thod pa'i rtse bran can/ /mgo bo'i phreng ba'i do shal 'phyang mdzad cing/ /dus mdza' i me ltar 'jigs 'od rnam par 'bar/ /'jigs par byed pa'ang 'jigs pa skyed par mdzad/ /gtum zhing gshin rje gshed tshogs sangs rgyas 'phro/ /'jig rten lha mchog tshogs kyis ? byas shing/ /ha har bzhod pas lha dang lha min tshogs/ /kun nas yongs su skrag par mdzad pa'o/ /sa gsum dag na yod pa'i bdud kyi tshogs/ /ma lus pa yang rnam par 'byed par mdzad/ /de ltar bsam gtan la brtson gnas pa ste/ /dags? med par nyin mtshan sngags zlos shing/ /de nyid sbyor bas dur khrod sogs par gnas/ /dam tshig rnam dag nges par 'grub par 'gyur/ /de yi sgrub thabs 'di ni legs bris las/ /bdag gis bsod nams gang thob des 'jig rten/ /gshin rje gshed mnyam 'gro kun sdug bsngal ni/ /mi bzad tshogs thar bdud tshogs myur zad shog /gshin rje gshed kyi sgrub thabs slob dpon 'gro bzangs snying pos mdzad pa rdzogs so// //rgya gar gyi mkhan po dI paM ka ra sh+rI dz+nyA na dang/ zhu chen gyi lots+tsha ba dge slong rin chen bzangs pos bsgyur cing gtan la phab pa'o// // ! /dpal gshin rje gshed nag po la phyag 'tshal lo/ /gus pa yis ni bla ma yi/ /zhabs kyi pad+mar phyag 'tshal te/ /bla ma'i zhal snga'i bka' drin gyis/

CLOSE WINDOW