བོད་ཡིག

e-texts based on the ACIP/ALL Input

/rgya gar gyi mkhan po dI paM ka ra zhes bya bas mdzad pa rdzogs so// //rnal 'byor pa pradz+nyA sh+rI dz+nyA na kIrtis rang 'gyur du mdzad pa'o// // */ /gshin rje gshed nag po'i sgrub thabs kyi maN+Dal gyi cho ga pad+ma srung bas mdzad pa bzhugs so/ /rgya gar skad du/ kriSh+Na ya mA ri sA d+ha nAM maN+Dal bi d+hi nA ma/ bod skad du/ gshin rje gshed nag po'i sgrub thabs kyi maN+Dal gyi cho ga zhes bya ba/ dpal gshin rje gshed la phyag 'tshal lo/ / bla ma rdo rje ye shes dang/ /rje btsun mgon la phyag 'tshal lo/ /dngos grub slob dpon mnyes bya'i phyir/ /rje btsun dkyil 'khor dam pa yi/ /cho ga bdag gis bshad par bya/ /yid du 'ong ba'i sa phyogs su/ /sa gzhi bzang po yid 'ong la/ rin chen spos chus legs sprus te/ /mnyam pa'i sa la dri sogs sbyin/ /mdzes pa'i bzhi la thig le gzhag/ tA ma la'i lo ma 'am/ /ras bal gtsang mas dgod par bya/ /sems can kun la rjes brtse bas/ /phyi nang khrus la gnas nas kyang/ /skad cig bskyed la tshogs bsags bya/ /bsrung dang chos 'byung gzhal yas khang/ /bskyed la de yi nang du ni/ /me tog bzang po dgram par bya/ /zhe sdang rdo rje nas brtsams te/ ral gri rdo rje rab tu bskyed/ /tshom du de la lan bdun te/ /bzlas pas pad+ma nyi zla'i steng/ /bde gshegs sras bcas bsam par bya/ /aoM h+rIda N+Di d+h+raka / aoM pad+ma d+h+rika/ aoM khaDga d+h+rika /aoM mo ha ra ti/ aoM dwe Sha ra ti/ aoM ra ga ra ti/ aoM badzra ra ti/ so so'i sku mdog phyag mtshan dang/ /rgyan dang bzhugs pa'i phyag rgya rnams/ mngon par rtogs pa'i chog las/ /'byung ba bzhin du gsal bar bskyed/ /tshogs bsags dkyil 'khor bstim pa dang/ skye mched sku gsung thugs byin brlab/ /dbang blang ba dang dgug gzhug bya/ /mchod bstod bdud rtsi myang ba dang/ spro bsdu dang ni bzlas pa rnams/ /rnal 'byor pa yis legs byas te/ /'dod pa'i don rnams gsol ba gdab/ /bshags dang bzod pa gsol byas te/ /de nyid gsum gyi cho ga yis/ /ye shes 'khor lo gshegs su gsol/ /dam tshig bskyed pa'i lha rnams ni/ /snying ga nyid du rnam par bstim/ /gnyis don dam pa bden pa yi/ / chos kyi tshul la gnas par bya/ /sems can kun gyi don gyi phyir/ /byang chub tu ni bsngo ba dang/ /smon lam chen po gdab par bya/ /de ltar nyid mtshan dus drug tu/ /snying brtse brtson pas dbul bar bya/ /g.yeng ba rnam par zhi don du/ tshogs bsags maN+Dal ting 'dzin ni/ /sbyor ba'i cho ga sngon song bas/ /gser dang pad zla rnam bsams te/ /gong bzhin rim par dgod par bya/ /aoM badzra re khe hUM/ pad+ma maN+Da la hUM/ aoM badzra re khe hUM/ a tsan+d+ra maN+Dal hUM/ brnyen par bya ba'i gong bzhin du gshegs su gsol dang bsdu ba min/ /khyad par bsdus pa'i maN+Dal ni/ /las kyi sngags kyis byin brlabs te/ /mdzes pa'i sngags kyis dgram par bya/ /ras sim bzang po'i gzhi dag la/ /thig le 'bru sogs bkod nas kyang/ /bde gshegs sras bcas spyan drangs te/ /gdan gyi tshul du dbul bar bya/ /shin tu bsdus pa 'di lta ste/ /tshom bu gcig la mngon rten te/ /gzhal yas khong du dmigs nas kyang/ /de nang spyan drangs bzhugs su gsol/ /bsod nams tshogs kyis rgyud sbyangs nas/ gsol btab bsngos la gshegs su gsol/ /ma chags brten pa'i snying gar bsdu/ /sgyu ma'i blo yis zin par bya/ /bla na med pa'i maN+Dal ni/ /snying ga'i pad+ma rnam dag nang/ /ye shes chen po'i thig le ni/ /lnga phrag gnyis dang drug phyed kyi/ /yig 'bru mchog tu rnam bsams te/ /mtshan dang rdzogs pa'i skur gyur nas/ dus gsum tshogs kyi mchod pa bya/ /rtag tu bsdu ba ma yin te/ dus med rtag tu brtson pas 'grub/ /bsam gyis mi khyab maN+Dal ni/ /chos nyid zung du 'jug pa las/ /rang gi de nyid rnam bsams pa'i/ /skye med mya ngan 'das pa'i gnas/ /rtog dang bral ba'i de bzhin nyid/ /rdo rje lta bu'i pho brang yin/ /dus gsum rtag tu sangs rgyas nas/ /skye med de bzhin nyid kyi bdag/ /chags sdang dbul bas dbul bar bya/ /maN+Dal kun gyi mchog yin no/ /bsod nams tshogs kyi maN+Dal las ye shes maN+Dal rnam par skye/ /de phyir thabs kyi maN+Dal ni/ /rnal 'byor ba yis dbul bar bya/ /thun mongs dngos grub bsgrub pa dang/ /mchog gi dngos grub thob bya'i phyir/ /bdag gis bsam pa bzang po yis/ /maN+Dal byas pa'i dge ba gang/ /des ni sems can thams cad kyis sangs rgyas zhing khams dag thob shog/ gshin rje gshed nag po'i maN+Dal gyi cho ga zhes bya ba rdzogs so// // zangs glid? rnal 'byor nA ga bu ra yis/ /rnal 'byor ma ka ra tri ta nyid la/ /bu tsha rgyal ba'i bu nyid btang nas kyang/ /ta ru pa ri dur khrod tshal nyid du/ /rnal 'byor 'dus pa'i tshogs kyis 'khor lo nang/ /gsol btab rnal 'byor rnam kyi zhal do ru/ maN+Dal cho ga bsad snyoms pa yis byas/ /ding sang rnal 'byor lha spyod? ldan pa yis/ /dus rnams rtag tu maN+Dal 'bad par rigs/ // !/ /rgya gar skad du/ d+harmA ka ya dI paM bi d+hi na ma/ bod skad du/ chos kyi sku'i snang ba'i chog zhes bya ba/

CLOSE WINDOW