བོད་ཡིག

e-texts based on the ACIP/ALL Input

kriSh+Na ya mA ri sA d+ha naM nA ma/ bod skad du/ gshin rje gshed nag po'i sgrub thabs zhes bya ba/ dpal gshin rje gshed la phyag 'tshal lo/ /bla ma la gus de rjes gshin rje gshed nag rdo rje la/ /rang 'od yan lag 'dus pa bde ba rgyas pa gzhan gyi don 'jug pa/ /rdo rje ral gri 'khor lo chu skyes gri gug thod pa'i phyag /zhal gsum 'jigs pa'i 'jigs byed la ni spyi bos phyag 'tshal lo/ /gshin rje gshed nag sgrub pa'i thabs/ /rang nyid rig pa mngon 'dod pa'i/ /dbang la sogs pa thob pa nyid/ /de yi 'di ni sgrub thabs rim/ /byis rnams bde bar rtogs phyir dang/ /mnyam pa dran par bya ched dang/ /mchog rnams byis pa'i ngag la ni/ /mgu bya'i phyir ni rnam par bri/ /sbyin dang tshul khrims la sogs ldan/ /sems can don la ro gcig blo/ /byams sogs yon tan yang dag rdzogs/ /dad dang thos pas rnam par brgyan/ /tho rangs snying rje'i bdag nyid can/ /dang por gdong sogs khrus byas nas/ /dben pa'i sa phyogs dur khrod sogs/ /bde ba'i stan la 'dug nas ni/ / brtsam bya rang snying pad+ma ste/ /zla ba la blta shin tu gsal/ /ya yig sngon po'i 'od zer can/ /sems can don ni phun tshogs byas/ /bla ma rdzogs pa'i sangs rgyas rnams/ /nam mkha' ma lus khyab par bsgom/ /de rnams dmigs la phyag byas nas/ /lus sbrul ba yi cho ga yis/ /sems ma la sogs kyis mchod nas/ /sdig pa bshags pa'o/ /lus ngag yid kyis sdig pa bgyis/ /de bzhin bgyid du stsal ba dang/ /mgon po rjes su yi rang gang/ /de gsum byas pa bshags par bgyi/ /rdzogs sangs rgyas dang de sras 'phags/ /bsod nams tshogs la rjes yi rang/ /rdzogs sangs rgyas dang dam chos bcas/ /tshogs kyi mchog la skyabs su mchi/ /yon tan rgya chen khyed cag la/ /bdag gis lus ni dbul bar bgyi/ /dam pa'i chos ni thams cad dang/ ston pa'i sgra mdzes gnas gyur cig /rdzogs sangs rgyas dang de yi sras/ /sbyin sogs las kyi ngo bo la/ /sku gsung ye shes thob bya'i phyir/ /rab tu gus pas gnas par bgyi/ /byang chub tu ni sems bskyed bgyi/ /sems can kun gyi don gyi phyir/ /gang zhig bsod nams tshogs bsags pas/ /byang chub tu ni bsngo bar bgyi/ /dpal ldan gshin rje gshed gyur nas/ /'gro la phan pa bdag byed cing/ /'di ltar smon lam btab nas ni/ /de nas blo yis gshegs su gsol/ /snying rjes cho ga bzhin bltas nas/ /sna tshogs stong pa'i rnam par bsgom/ /rang bzhin rnams dang bral ba'i phyir/ /rgyu yang mtshan ma med par bsgom/ /spyod dang bral ba nyid kyis ni/ /smon pa dag ni rnam par spangs/ /aoM shU n+ya tA dz+nyA na badzra swa b+hA ba Ata ma ko haM/ de la sems ni brtan byas nas/ /aoM yig las byung nyi ma las/ /der ni hUM yig sngon po'i mdangs/ /'od zer 'phros pas kun la khyab/ /rdo rje rtse lnga thams cad du/ /bsrung ba'i don du bsgom par bya/ /rdo rjes gzhi lcags ri dang/ / ra bgur dang de bzhin no/ /sangs rgyas zhing ni rnam dag don/ /slar yang bsam gtan yang dag brtsam/ /de la sna tshogs chu skyes zla/ /saM las byung ba'i rdo rje las/ /yan lag bzang po yan lag 'byung/ / chos 'byung dkar po gru gsum pa/ /steng du gnas pa mkha' mnyam bsam/ /dbus su pad+ma zla ba la/ /slar yang de dbus dkyil 'khor te/ /'bruM yig 'khor lo las bskyed pa/ /rtag pa'i yan lag las byung ba/ /gru bzhi pa la sgo bzhi pa/ /rta babs bzhi yis brgyan pa dang/ /dra ba dra phyed kyis brgyan pa/ /stegs bu lha mos legs mdzes pa/ /sna tshogs rtse mo rlung gis bskyod/ /ba dan dril bu dang ldan pa/ /sna tshogs rdo rjes rnam par mnan/ /zla ba nyi ma rgyal ba'i gdan/ /shar ni dkar po chen po ste/ /lhor ni ser po yang dag ldan/ /nub kyi cha ni dmar po ste/ /byang ni rtsad dang mtshungs pa'o/ /ain+d+ra nI la'i 'od byed pa/ /dbus kyis gzhi rnam par bsam/ /phyogs kyi kha dog dbye ba 'dis/ /sna tshogs rdo rje bsgom par bya/ /de bzhin gur yang bsgom par bya/ /so so'i rtsigs pa go rims bzhin/ / rnam pa lnga ni bsgom byas nas/ /sangs rgyas gzugs ni bsgom par bya/ /dpal ldan rnam pa lnga dang bcas/ /rdo rje nag po sel byed pa/ /sangs rgyas kyi ni gzugs zhes grags/ /de ni dbye bas bsnyad par bya/ /lte bar sna tshogs pad+ma'i gdan/ /zla bar dbyangs yig nyis rim dgod/ /de yi zla bar ka yis sogs/ /DaDha da d+he ya la yang/ /bcug nas de dag nyid las grub/ 'di dag 'di ltar grub pa ni/ / me long ye shes brjod par bya/ /mnyam nyid de dag gcig pa nyid/ /de skyes hUM ni so sor rtog /bya ba nan tan ye shes ni/ /de las skyes pa rdo rjer bsgom/ /nor bu me shel 'od 'dra ba/ /sa bon bcas pa'i 'od zer 'phros/ /aoM badzra At+ma kohaM/ zhes pas bdag nyid nga rgyal bya/ /de skyes dkar dmar mdangs ldan pa/ /'od zer mdzes pas 'khyud pa'i lus/ /khro bo sgeg gzugs bde ba yis/ /ngo bo dkar dang sngo dang dmar ba'i zhal// gdan la g.yon brkyang gis mnan pa/ /'bar ba'i ral gri rdo rje gri gug gsor ba'o/ /'khor lo 'dam skyes snod ni 'od zer 'phro ba yi/ /phyag ni g.yas dang g.yon rnams kyis/ /chos kyi dbyings kyi rang bzhin ni/ /ye shes rdo rje 'dzin pa'i bdag / rnam pa lnga yi rang bzhin gang/ /rnal 'byor zhes ni mngon par brjod/ /ces pa ni rnal 'byor ro/ /'dod chags chen pos 'dul ba ru/ /'gro ba gsum po yang dag bltas/ /rang snying ye shes 'od zer gyis/ /sna tshogs sangs rgyas gzugs byas nas/ rang gi lus la yang dag gzhug /bde ba daM pa rnam pa'i gzugs/ /bdag gi longs spyod bsgom par bya/ /rtog pa thams cad yang dag spangs/ /sngags mchog de nyid gsum zhes pa/ /ho dmar gnyis kyi nang du gzhug/ ji ltar skar mda''phro ba ltar/ /byang chub sems ni de bzhin gzhug/ snying rje chags pa'i sems kyis ni/ /rdo rje 'dzin pa bdag nyid zhu/ /byams sogs sems su sogs rnams kyi/ /'khor lo'i gtso bo skul bar byed/ /bzhengs shig gshin rje rje btung snying rje'i khro/ /khams gsum thams cad pa yi gti mug sol/ /de bzhin bdud las rgyal bar mdzod/ /bzhengs shig rje btsun thugs ni g.yengs gyur pas/ /'jig rten mgon po stong nyid ci sde bzhugs/ /bzhengs shig rje btsun 'jig rten bsod nams kyis/ /byang chub 'dod pa'i 'jig rten mnyam mnan nas/ /ci phyir stong pa nyid la sems shing zhugs/ /bskul nas de ni thim 'gyur nas/ /de yi ro yi rjes su song/ /glu 'di yi ni ngor byas nas/ /phun tshogs nyams 'dra las byung ba/ /zhu ba rjes pa las skyes pa/ /yam sngon po las nyi dkyil 'khor/ /mi bzang khro bcas mdog sngo ba/ /rus pa'i rgyan gyis brgyan pa ste/ /smad rnon po 'bar ba'i rwa/ /rmig pa brko ba 'jigs byed pa /ma he sha de'i rgyab gnas pa/ /rdo rje sngon po 'od zer bcas/ /sa bon 'od zer bcas pa yis/ /gshed nag gzugs ni de yis bya/ /sna tshogs bdag la yang dag gzhug/ 'jigs byed chen po 'jigs su rung/ /ma he'i shar ni rdo rjer bsgom/ /dkyil 'khor dbang phyug bsgom par bya/ 'jig rten gsum pa bdud kyi 'khor/ /'od zer rnon po 'phro bas bsreg /mi bzad drag shul mun pa'i lus/ /'od zer ljags nI dril ba po/ /'bar ba'i che ba gtsigs pa'i byad/ /ral pa sma ra gyen du 'greng/ /g.yon brkyang pa yis zhabs kyis mnan/ /nag po rnam par myos byed pa/ /rtsa ba'i zhal ni bud nag 'dra/ /g.yas pa zla ba'i 'od byed pa/ /g.yon pa dmar po'i mdangs su bstan/ /rdo rje'i rgyan gyis brgyan pa ste/ sbom thung gsus pa 'phyang ba po/ /mgo po'i phreng ba 'phyang dang ldan/ /g.yas dang g.yon pa'i phyag dag gis/ /gri gug dang ni thod pa 'dzin/ /rang 'od shes rab yan lag sbyor/ /bde ba 'dab pa gzhan gyi don/ /lhag ma g.yas pa'i phyag dag gis/ /'bar ba'i rdo rje ral gri 'dzin/ /g.yon na 'khor lo chu skyes 'dzin/ /sbrul gyi dbang pos brgyan byas te/ /sngon po mdza' yas sbrul dag gis/ /ral pa bcings pa shin tu 'jigs/ /dmar po 'jog po klu yis ni/ /ma rungs pa yis rna ba brgyan/ /sna tshogs rigs ldan dpung brgyan te/ /dung skyong dag gi sbrul nyid ni/ /ser po gdu bu 'dzin pa'o/ /pad+ma dkar po'i do shal can/ ljang gu kar koTa yis ni/ /tshangs pa'i skud pa shin tu mdzes/ /bdud rtsi'i kha dog 'dra ba yi/ /nor 'dzin gyis ni ska rags byas/ /pad+ma'i rtsa ba kha dog skya/ /pad+ma chen pos zhabs gdub po/ /thams cad phugs kyi sgra byed pa/ /lce gnyis drag shul mche ba'i phreng/ /'di ni 'khor ba myang 'das gzugs/ /gshin rje'i sel bar byed pa'o/ /rtog pa zad pa'i ched bsams nas/ /sngags kyis yang dag byin gyis brlab/ / aoM d+harma d+hA tu dz+nyA na swa b+hA ba At+ma ko haM/ zhes pa ni rjes su rnal 'byor ro/ /rang snying 'od zer lcags kyu yis/ /mkha' khyab rdzogs pa'i sangs rgyas rnams/ /thams cad bkug nas zhal du gzhug /bde bar phab nas snying gar zhu/ /rdo rje lam byung zhu ba de/ /blo dang ldan pas spro bar bya/ /rang 'od pad+ma'i khongs su gnas/ /rang gi sa bon gzugs su blta/ /sa bon las byung 'khor lo kun/ /sa bon kun gyis byin gyis brlab/ /'pho zhing sdud pa'i 'od zer ni/ /mkhas pas cho ga bzhin du bsgom/ /ya yig sngon pos dbus ma skyes/ dkyil 'khor can gyi mtshan nyid gsungs/ /shar du k+She las 'khor lo grub/ rtag pa dkar po phyag drug pa/ /'khor lo ral gri g.yas pa'i phyag/ g.yon na rin chen chu skyes 'dzin/ /lhor ni ma yi yi ge las/ /rin chen las skyes rin chen 'byung/ /btsom gser gyi mdangs byed pa/ /rin chen ral gri g.yas na 'dzin/ /g.yon na 'khor lo chu skyes so/ /nub tu 'dod chags rdo rje can/ /sa bon me dang pad+ma grub/ pad+ma rA ga'i 'od dang mnyam/ /g.yas na pad+ma ral gri'o/ /nor bu 'khor lo g.yon du dgod/ /de dang ral gri las byung ba/ /ljang khu phrag dog gshin rje gshed/ /g.yas na ral gri 'khor lo bsnams /mdzes pa'i nor bu pad+ma g.yon/ /thams cad zhe sdang gshin rje gshed/ /khro bo gzugs kyi mtshan nyid do/ /de rnams kyi ni rtsa ba'i phyag /gri gug thod pa bsgom par bya/ /gnyis med gnyug ma'i shes rab dang/ /lus bdag med pa'i ngo bo dang/ /nyi ma'i dkyil 'khor la gnas pa/ /rtag pa zla ba'i dkyil 'khor la'o/ /sna tshogs rdo rje rtsa bar gnas/ /sems can don byed bsgom par bya/ /shar sgor la yig las skyes pa/ /tho ba sngon po yi ni gzugs/ /g.yas na tho ba ral gri 'dzin/ /nor bu bzang po pad+ma g.yon/ /rdo rje thor grags gshin rje gshed/ /lhor na dzi dad dbyug pa las/ /dbyug pa gshin rje gshed dkar mdangs/ /dbyug pa ral gri g.yas pa na/ /chu skyes 'khor lo g.yon pa'o/ /nub tu pad+ma gshin rje gshed/ /ni skyes 'dod chags mdza' 'joms gzugs/ /pad+ma ral gri g.yas pa na/ /g.yon na 'khor lo nor bu'o/ /byang du ral gri gshin rje gshed/ /ra skyes phrag dog mdza' 'joms pa/ ral gri 'khor lo g.yas pa na/ /g.yon na nor bu pad+ma ste/ /cung zad sngo ba'i bye brag ste/ /zhes pa 'jigs par byed pa'o/ /sprul ni thams cad pa yi gzugs/ /rnam par gtsigs pa'i gad rgyangs can/ /skra ser gyen du 'greng ba ste/ /nyi ma'i dkyil 'khor yang dag ldan/ /mche ba gtsigs pa gad rgyangs che/ /gri gug dang ni thod pa 'dzin/ /sna tshogs rdo rje mtshams bzhi la/ /zla ba la gnas lha mo rnams shar lho mtshams kyi lha mo ni/ /dza skyes rdo rje sems ma'o/ /dkar mo sgeg mo khro ba che/ /gti mug gshin rje gshed kyi gzugs/ /de nas lho nub mtshams su ni/ /rdo rje phag mos las skyes/ /khro bo phag mo'i gdong can ma/ /zhe sdang gshin rje gshed dang mtshungs/ /byang dang nub kyi mtshams su ni/ /rab tu zhi ba'i dbyangs can ma/ /do skyes shin tu dmar ba'i mdog /'dog chags gshin rje mthar 'joms gzugs/ /byang shar gyi ni mtshams su ni/ /gau ri ljang gu 'jigs su rung/ /ru skyes phrag dog gshin rje gshed gzugs dang mtshan ma 'dzin pa'i mchog / sngon po'i g.yas ni dkar ba dang/ /dkar po'i g.yas ni sngo ba dang/ /de gnyis kyi g.yon dmar po ste/ /de las gzhan pa sngo dkar po/ /dkyil 'khor gyi ni mtshams bzhi ru/ /na yo nir thod pa'o/ /grub nas rab spro blo ldan gyis/ / ji skad brjod pa'i rang sngags kyis/ /h+rIdzika / ces bya ba 'dis/ /shar du gti mug mthar byed pa/ /rtsibs kyi rtsa ba la gnas pa/ /sna tshogs chu skyes zla bar dgod/ /ratna d+h+rika ces bya ba 'dis/ /lho rtsibs chu skyes nyi ma la/ /phra ma zhes bya drangs nas ni/ /cho ga bzhin du dgod par bya'o/ /a ro lika ces bya ba 'dis// 'dod chags shin rje sel byed pa/ /nub rtsibs 'dam skyes nyi ma la/ /cho ga bzhin du rnam par bsam/ /pradz+nyA d+h+rika ces bya ba 'dis/ /phra dog gshin rje zad byed pa/ /byang rtsibs chu skyes nyi ma la/ /cho ga bzhin du dgod par bya/ /mung+ga ra d+h+rika so bya ba yis/ /shar sgor chu skyes nyi ma la/ /thob pa'i 'tha''joms zad byed pa/ /blo dang ldan pas bsam par bya/ daN+Da d+h+rika pa'i sngags 'di yis/ /lho yi sgo ru yang dag gnas/ /dbyug pa gshin rje gdul dka' ba/ /sna tshogs chu skyes nyi mar dgod/ /pad+ma d+h+rika ces bya ba 'dis/ /pad+ma gshin rje gshed 'joms pa/ /nub sgor chu skyes nyi ma la/ /gtum po stobs chen bsgom par bya/ /khaDga d+h+rika ces bya ba 'dis/ /ral gri gshin rje zad par byed/ /sna tshogs pad+ma nyi mar bsam/ /byang du bdud ni 'joms pa'o/ /sna tshogs rdo rje'i mtshams bzhi la/ /lha mo bsgom bya de bzhin mchog / shar lho lha mo sems ma ste/ /gtum mo mdzes ma'i 'od zer can/ /mo ha ra ti zhes sngags kyis/ /sna tshogs chu skyes zla bar gnas/ /de nas lho nub rdo rje mo/ /phag mo rigs kyi gtso mo ste/ /dwe Sha ra ti de nyid 'dis/ /pad+ma zla bar mkhas pas dgod de nas nub byang mtshams su ni/ /zla bar dbyangs can dgod par bya/ /rA ga ra ta'i sngags 'di yis/ /de nas byang shar gau ri ste/ /badzra ra ta'i sngags 'di yis/ /zla bar aoM gyis mtshan pa'o/ /rtsa ba'i dkyil 'khor grwa bzhi ru/ /de nyid gsum gyi thod pa'o/ /'di ltar spro bya dkyil 'khor bcas/ /brtan par byas nas bde ldan pa/ /sngon gyi 'khor lo der thim par/ /mnyam par bzhag pas lta bar bya/ /'di ni gshin tu rnal 'byor ro/ /gshin rje nag po 'joms pa dang/ /dkyil 'khor pa yi rang bzhin gyis/ /mig dang sku sogs ngo bo la/ / lha rnams byin gyis brlab par bya/ /k+ShiM las 'khor lo gti mug mdangs/ /cung zad khro ba mig la ni/ /rdo rje mig dgod blo ldan gyis/ /rna bar dza yig rdo rje las/ /rdo rje rna ba nag po'i mdangs/ /sna ru khaM yig rin chen 'byung/ /phra ma zhes bsgrags dang mtshungs pa/ /zla bar rdo rje sna tshogs so/ /lce la raM zhes pad+ma las/ /rdo rje lce byung pad+mar song/ /'dod chags gshin rje mdangs ldan pa'o/ /kaM skyes ral gri las byung ba/ /rdo rje sku ste zla bar gnas/ /phrag dog gshin rje gshed kyi gzugs/ /dpral bar sku yi lus can no/ /lte ba'i steng du saM las skyes/ /thugs kyi rdo rje de bzhin mchog /khro bo sgeg pa'i gzugs can ni/ /rdo rje 'dzin pa'i rnam par dgod/ /yan lag drug la dgod pa ni/ /mngon shes bsgrub pa'i don du bshad/ /snying gar hUM las rdo rje dbus/ /hUM gnas rdo rje sngon po'i mdangs/ /thugs kyi rdo rje gshin rje gshed/ /kha dog phyag mtshan yang dag ldan/ /mgrin par Asku dbang phyug / phyag dang kha dog mtshan ma mchog /de nyid gsung gi rdo rje mchog/ rdzogs nas nam mkhar gnas pa yi/ /sangs rgyas mchod nas bsngags kyis ni/ /de rnams byin gyis brlab bar bya/ /aoM sarba ta thA ga ta tsit+ta badzra swa b+hA ba At+ma kohaM/ aoM sarbba ta thA ga ta kA? ya? badzra? swa b+hA ba At+ma ko haM/ aoM sarbba ta thA ga ta kA ya badzra swa b+hA ba at+ma ko haM/ /rang snying sa bon 'od zer gyis/ /sna tshogs gnas pa'i sangs rgyas rnams/ /sras dang bcas pa spyan drangs nas/ /mdun du bltas nas de rnams las/ /rnam par spros pa gang yin pa/ /sems ma la sogs slar yang ni/ /zla mdangs bum pa bzungs nas ni/ /de rnams bkra shis tshigs bcad dang/ /de bzhin snyan pa glu yi sgras/ /dbang bskur bar ni bsam par bya/ /bdag dang gzhan nyid thams cad la/ /spyi bor gshin rje nag por ro/ /rdo rje can rnams bdag spyi bor rang snying sa bon 'od zer gyis/ /ye shes 'khor lo spyan drangs nas/ /bdag mdun bltas nas khro bos ni/ /bgegs bskrad nas ni bsrung ba dang/ /arg+ha zhabs bsil la sogs dbul/ /aoM mung+ga ra ga dzagzhug go / aoM pad+ma baM zhes pa 'dis bcing ngo/ /aoM khang+ga home tog yo byad tshogs/ /lag pa'i 'dab mas bzung nas ni/ /mchod pa'i glu ni yid 'ong ba/ /sna tshogs gar gyi bye brag dang/ /bde ba chen po ster ba yi/ /'gying dang bcas pas mchod par bya/ /e ma kye kye bla ma gshin rje gshed nag po/ /srin po'i gzugs kyi rang bzhin gang/ /da ni khyod mthong bas 'jigs bas/ /bla ma khro bo'i rang bzhin dar/ /sa stengs bla sa 'og rnams/ /khyod kyis gar byas bas ni 'dar/ /mig sman bdar nag khro ba'i yid/ /gar mdzad khyod ni ro langs gzugs/ /gnag cig sbom pa yi ni tshad/ /rnam pa mang po'i gzugs sprul byed/ /rdo rje dbyangs can 'dud par byed/ /khyod ni gar mdzod bde ba che/ /khyod ni h+rIthams cad no/ /sgra yi grongs rnams rnam bltas nas/ /'khor lo can ni de rnams kyis/ /de bzhin gtso bos de rnams so/ /gti mug rdo rje'i rang bzhin can/ /gshin rje gshed po shin tu 'jigs/ /ston pa sangs rgyas kun rang bzhin/ /rdo rje sku la phyag 'tshal lo/ /phra ma rdo rje'i rang bzhin khyod/ /gshin rje gshed po shin tu 'jigs/ /rdo rje thugs bzhin rab gsal ba/ /rdo rje rin chen phyag 'tshal bstod/ /'dod chags rdo rje'i rang bzhin khyod/ /'dod chags chos kyi 'byung gnas gtso/ /thams cad dbyangs mchog dam pa mchog /rdo rje gsung pa phyag 'tshal bstod/ /phrag dog dngos po'i rang bzhin khyod/ /gshin rje gshed po'i las kun byed/ /rdo rje sku bzhin rab gsal ba/ /phyag na ral gri phyag 'tshal bstod/ /sangs rgyas kun gyi rang bzhin khyod/ /sangs rgyas thams cad gcig tu sdud/ /sangs rgyas kun dang mchog gi mchog /dkyil 'khor dbang phyug phyag 'tshal bstod/ /aoM yig las bskyed dag pa ni/ /mgo bo gsum gyi steng na gnas/ /pad+ma'i snod ni rab rdzogs nas/ /de'i mgo me yi dkyil 'khor ni/ /raM las byung ba gru gsum mo/ /de 'og rlung gi dkyil 'khor ni/ /yaM skyes sngon po gzhu yi dbyibs/ /g.yo pa'i? ? gyis mtshan pa'o/ /de la ming yig dang po skyes/ /de ni rnam par snang mdzad sogs/ /da yig las skyes yang dag byung/ /glang po la sogs lnga po rnams/ /hUM skyes rdo rje'i kha chod kyis/ /de yi kha bcad bsgom par bya'o/ /rlung gis bskul ba'i me yis ni/ /de yang zhu bar rnam? par? bsam/ /rdo rje mnyam pa'i ngor gyur pa/ /shin tu dri med dag par bltas/ /der ni aoM yig 'od zer gyis/ /sangs rgyas kun bkug ye shes gzugs/ /sngags kyi gzugs kyis rab tu gzhug /bdud rtsi mchog lnga bltas nas ni/ /de nyid gsum gyi byin gyis brlab/ /dkyil 'khor bdag po tshim par bya/ /yi ge hUM las byung ba yi/ /lce ni rdo rje dkar por blta/ /de yi 'od zer sbu gu'i gzugs/ /de yis yang dag drangs nas ni/ /sna tshogs gnas pa'i sangs rgyas rnams/ /dkyil 'khor pa ni de bzhin mchod/ /snying gar ye shes 'od zer gyis/ /bkod nas rtog pa thams cad spangs/ /thog mdza' dbus kyis bye brag gis/ /'dir yang gcig tu mi rigs so/ /rdul phran cha shas med pas na/ /du mar yang ni rigs ma yin/ /gcig dang du ma'i rang bzhin gang/ /gang bral de ni de bzhin min/ /'khrul gzugs de nyid ma yin pas/ /gang phyir 'khrul pa gnyis la gnas/ /ma 'khrul rtag tu bsam mi khyab/ /spro dang bsdu ba yi ni lus/ /sems can don la ro gcig blo/ /'di las de nyid gzhan du med/ /ye shes zhabs sogs mchog rnams kyis/ /'di dag nyid ni gsal bar bshad/ /dpal ldan gsang ba 'dus pa las/ /gsungs ba cung zad bshad par bya/ /dngos po med cing bsgom pa med/ /khams dag med cing rnam shes med nam mkha' dang ni mthun pa'i gnas/ /nam mkha' bzhin du bdag med pa/ chos 'di bde ba chen po yin/ /sa yang med cing chu yang med/ /me dang rlung yang yod ma yin/ /rdo rje sems dpa' i sbyor ba yis/ /skye ba 'di ni rab tu gnas/ /thams cad dngos po dngos med bshad/ /dngos po med par de yis bsgrags/ /rnal 'byor rnal 'byor par 'bral bas/ /chad pa ma yin rtag pa min/ /phyag dang zhabs dang kha dog med/ /mchog tu dga' ba'i mtshan nyid do/ /dngos po thams cad bden pa min/ /thog ma bar dang mdza' spangs pa/ /'di ltar dpyad na 'khor lo la/ /dam pa yang dag rtog pa spangs/ /phung po khams ni bdag med pa/ /bsgom bya bde ba dam pa'i gzugs/ /rang snying sa bon 'od zer gyis/ /'gro ba gshin rje gshed byas nas/ /sku gsung thugs kyi rdo rje can/ /bkug nas de la song bar bsam/ /rdo rje dri ma med dang chos/ /ye shes lam skye dgod par bya/ /der ni rang gi sa bon rnams/ /ye shes h+rImthong/ /yang dag rtog pa thams cad spangs/ /spro dang bsdu ba yang dag rgyas/ /bdag nyid mkhas pas bzlas pa brtsam/ /sku la sogs pa spro dang bsdu/ /rim dang cig car dag kyang rung?/ /khro bo'i tshogs ni sprul la bya/ /'gro ba h+rIhUM phaT phaT swA hA/ 'di ltar cho ga 'di yis ni/ /bsgom nas bzlas pa thams cad bya/ /zas sogs bya ba thams cad ni/ /byed 'dod blta bar brtson pa yin/ /mchod bstod bdud rtsi myang byas nas/ /sems can don ni bya ba'i sems/ /de nyid gsum gyi cho ga yis/ /ye shes 'khor lo gshegs su gsol/ /bdag la bdag gi 'khor lo ni/ /cho ga ji ltar gzhug par bya/ /rang gi bsod nams yang dag bsags/ /mngon par byang chub yang dag bsngo/ /aoM Agi bdag po yi/ /rnam pa'i nga rgyal byas nas 'gro/ /rnam pa thams cad dngos po kun/ /sngags kyi dngos po de bzhin du/ /gti mug gshin rje gshed po'i gzugs/ /bsgoms nas bcag pa dag tu bya/ /thun mtshams su ni rnal 'byor sogs/ /dang po rnal 'byor pas bsgom bya// cung zad ye shes rjes rnal 'byor/ /shin tu rnal 'byor rnal 'byor che/ /yang dag ye shes dbang rnams pas/ /shin tu rnal 'byor rnal 'byor che/ /ji skad gsungs pa'i cho ga yis/ /thun gcig la ni bsam gtan 'dir/ /rnal 'byor pa yi spro bsdu lus/ /de nyid gsum bdag ye shes gzugs/ /rang? nyid gshin rje gshed po yis/ /dbang bskur cho ga bsams pa dang/ /bdud rtsi lnga yi cho ga yis/ /zas kyi bya ba bya ba dang/ /gzhan yang mchod pa'i rnam rtog gis/ /bdag dang pha rol po yang rung/ /cho ga bzhin du rtag tu mchod/ /dpal ldan gshin rje gshed gzugs su/ /mthong ba nyid ni byang chub che/ /bdag gzhan mnyam par byang chub ste/ /gang phyir rang gi bdag po sbyor/ /de ltar min na ji ltar 'gyur/ /rnal 'byor pa yi grub pa mchog/ ji ltar rnam pa sna tshogs nyid/ /dngos po gcig la brtags pa ste/ /grol dang bde dang sdug bsngal gnas/ /skye 'gyur las kyi bye brag las/ /rnam par mi rtog bdag nyid sems/ /bde ba dam pa mdza' yas gzugs/ /shes rab thabs kyi ngo bo nyid/ /gang phyir 'bras bu nag por 'gyur/ /sgro 'dod 'khor ba'i rgya mtsho skye dang 'chi bar bcas pa'i 'khor ba zab mo 'jigs/ /chags sdang la sogs chu srin 'khrugs pa shin tu g.yo ba lbu ba rmugs nyid sogs/ /dpal ldan gshin rje gshed po bde ba'i rang bzhin nor chen sgrub thabs byas pa yi/ /tshig gi snang ba grub bcas bdag gis bsod nams thob pas 'gro kun grub thob shog / tshig gi snang ba grub pa zhes bya ba'i sgrub thabs/ /slob dpon dpal 'dzin gyi mdzad pa rdzogs so// //paN+Di ta dA na kirti dang/ lots+tsha ba tshul khrims rgyal ba'i 'gyur/ bkris/ */ /dpal gshin rje gshed nag po'i dkyil 'khor gyi sgrub thabs slob dpon dpal 'dzin gyis mdzad pa bzhugs so/

CLOSE WINDOW