བོད་ཡིག

e-texts based on the ACIP/ALL Input

paN+Ti ta de nyid kyis rang 'gyur du mdzad pa rdzogs so// //lha mo bzhis zhus pa'i rnam bshad ? hwi? dz+nyA na kIrtis? mdzad pa bzhugs so// //rgya gar skad du/ tsa hu ? ting ri brits+tsha bya khya ni au pa de sha pauSh+Ti ka nA ma/ bod skad du/ lha mo bzhis yongs su zhus pa'i rnam par bshad pa man ngag rgyas pa zhes bya ba/ dpal rdo rje sems dpa' la phyag 'tshal lo/ /'dod chen bcom ldan dga' chen po// bde chen kun bdag chags chen po/ /mgon po rdo rje sems dpa' la/ /btung nas rnam bshad 'di bris so/ /rgyud don bla ma la thos pa/ /slob mas zhus pas 'di byas kyang/ /'di la skyon yod bdag nyes te/ /mkhas pas slad nas dbyar du gsol/ /rgyud 'di ni thams cad gsang ba'i mchog ces bya ba stong phrag gcig bzhugs te/ de'i rgyud phyi ma lha mo bzhis yongs su zhus pa 'di'o/ /'di bshad pa la rtog pa sngon du byed pa'i shes rab la rjes su 'brang ba'i sems can dad pa laS rjes su 'drang bar bya ba'i don du tshig dang/ don dang/ tshig dang don mtshams 'brel ba dang dgos pa dang dgoS pa lnga yang gdon mi za bar brjod par bya'o/ /de la tshig ni gsum ste/ gzhung tshig dang/ le'u'i tshig dang/ tshigs bcad do/ /de la gzhung tshig ni rgyud do/ /le'u'i tshig ni le'u bzhi'o/ /tshigs bcad ni tshig rkang bzhi'o/ /don ni gsum ste/ bsdus pa'i don dang/ rgyas pa'i don dang/ khyad par gyi don to/ /lhag pa'i byang chub kyi sems ngo bo bde ba chen po rdo rje sems dpa' la lha mo bzhis yongs su bskor ba ni bsdus pa'i don to/ /chos kyi dbyings 'phro ba dang/ chos kyi dbyings kyi bsdu ba dang/ chos kyi dbyings kyi don sgrub pa ni rgyas pa'i don to/ /yig 'bru gzhom pa la sogs pa ni khyad par gyi don to/ /tshig dang don mtshams 'brel ba ni bsdus pa'i don gzhung tshig dang 'brel zhing/ rgyas pa'i don le'u'i tshig dang 'brel la/ ? gyi don tshigs bcad dang 'brel to/ /dgos pa ni rnam par mi rtog pa'i bde ba chen po'i ye shes mngon du bya ba shin tu sbyor bas skye bo rnams kyi log pa'i 'dod chags la sogs pa nyon mongs pa'i skyon can bcom nas yang dag pa'i 'dod chags la brten nas bla na med pa yang dag par rdzogs pa'i sangs rgyas nyid thob pa'o/ /dgos pa'i yang dgos pa ni sangs rgyas zin nas kyang sems can gyi don byed pa'o/ /'o na 'dod chags kho na srid pa na 'khor ba la 'jig rten pa las 'gal bar 'dod chags byang chub kyi rgyur byas nas 'di lta bu'i rgyud bcom ldan 'das kyis bstan pa ci'i phyir zhes smra na/ lan btab pa/ 'dod chags la spyod pa'i sems can thams cad thabs gzhan gyis sangs rgyas nyid du mi 'gyur te/ de bas na sems can gyi don du 'dod chags yang dag par spyod pa'i sgo nas byang chub pa bcom ldan 'das kyis bstan pa ste/ ci'i phyir zhe na/ 'dod chags zhes bya ba'i nyon mongs pa don dam par rin rang bzhin med cing mi dmigs pa'o/ /zhes de ltar yang dbu ma las gsungs pa/ gang 'am chags pa gang du 'am/ chags pa gang gis sam chags pa/ chos de dag ni mi dmigs te/ dmigs su med pa'i chags pa ni skyon med ces so/ /yang mnyam sbyor las kyang gsungs pa/ chags med chags pa dang bral yin/ /dbu mar yang ni mi dmigs te/ /bud med thams cad sgyu ma'i rgyu/ /gnyis su med pa'i theg pa'i mchog ces pa'o/ /de bas na de kho na bzhin du zhes sdang spyod pa'i sems can rnams la yang phan pa'i don du thugs rje chen pa dang ldan pa'i bcom ldan 'das kyis kyang sdang ba'i tshul khro bo'i rgyud bstan pa'o/ /de ltar yang dag pa'i chos las gsungs pa/ snod mi rung ba'i bu rnams la/ /de rnams snod rung mdzad bzhed pas/ thugs rje khro bo? rgyud bstan pa ste/ /sdang pa nor 'dod ma yin no/ /yang mnyam sbyor las kyang gsungs pa/ shin tu sdang zhing gtum pa las/ /zhi ba nyid ni mi 'byor te/ /sdang ba thabs dang shes rab dngos/ /de bzhin gshegs pa kun gyi mdzad ces so 'di? ltar gti mug can gyi sems can rnams la yang gti mug gi dbang gis bdang gis bdag dang bdag gir 'dzin pa la sogs pa'i phyin ci log gi lta ba gzhom pa'i don du nyan thos kyi theg pa la gang zag la bdag med pa'i don bstan pa dang/ byang chub sems dpa' i theg pa la chos la bdag med pa'i don bstan pa dang/ bla ma dang bcas pa'i sangs rgyas la chos thams cad bdag med par bstan pa dang/ rdo rje'i theg pa la ma rig pa gzhom pa'i don du shes rab kyi 'khor lo bsgom pa la sogs pa zhi ba'i pho gzugs kyi lha bsgom pa la sogs pa bcom ldan 'das kyis bstan to/ /de ltar yang thams cad gsang chen rgyud las gsungs pa/ chos bdag med pa'i sbyor ba yis/ /bcom nas rang nyid 'jigs byas te/ /rang sems kho na sangs rgyas nyid/ /rang sems kho na shes par bya zhes so/ /de ltar ye shes zhabs kyis kyang gsungs pa/ yang dag byang chub sems bskyed nas/ /byams pa tshan por rab 'byor te/ /chos thams cad la bdag med par/ /de ltar shes na rnam par grol zhes so/ /de bas na 'dod chags dang/ zhe sdang dang/ gti mug can gyi sems can rnams la du ma'i thabs kyi sems can gyi don byed pa la 'gal ba med do/ /de ltar yang bkra shis sgrub pa las gsungs ba/ gang dang gang gis bcings 'gyur ba'i/ /skye bo drag po'i las rnams kyis/ /thabs dang bcas na de nyid kyis/ /srid pa'i 'ching ba las grol lo zhes pa'o/ /de ltar yang de nyid bsdus pa'i rgyud las gsungs pa/ ? ji ltar 'dul 'gyur pa/ /sems can rang bzhin du ni 'gro /de lta de ltar sems can don/ /'dod chags la sogs dag pas bya zhes so/ /de lta bas na rnal 'byor ma'i de kho na nyid kyi rgyud 'di yang 'dod chags can la phan 'dog pa'i don du bstan to/ / de nas dang la sdud pa po rnams kyis rgyud dag par bya ba'i don du phun sum tshogs pa bris pa/ lha mo bzhi dang mnyam ldan zhing/ /sangs rgyas gzugs kyis nyer brgyan pa/ /shin tu dga' ba'i sbyor chen la/ /rdo rje sems dpa' cher bzhugs te/ zhes te/ de la lha mo bzhi zhes pa ni/ sdud pa po phun sum tshogs pa ste/ 'og nas spyan ma la sogs pa bzhis zhus pa'i phyir ro/ /lha mo zhes pa ni rang gi 'od la longs spyod pa dang/ lha'i ris su gyur pa'i phyir ro/ /lha mo yang de bzhi de nyid bas lha mo bzhi zhes pa ni gsum dang lnga'i grangs sun phyung ba ste/ rang bzhin tshad med pa bzhi dang/ 'byung ba chen po bzhi'i ngo bo nyid kyi phyir ro/ /lha mo de dag gis yongs su bskor ba de dag mnyam ldan zhes pa ste/ lha mo de bzhis yang dag par ldan pa'i phyag rgya bzhi ? dkyil 'khor ro/ /'di lta ste/ dbus kyi gtso bo ni rdo rje sems dpa' yab yum bzhugs pa las me mtshams nas spyan ma dang/ bden bral gyi mtshams na mA ma kI dang/ rlung gi mtshams nan bza' dkar mo dang/ dbang ldan gyi mtshams na sgo lam bzhi sku phyag rgya bzhim bskor nas bzhugs pa'o/ /de ltar yang gsang ba 'dus pa'i rgyud phyi ma las gsungs pa/ spros nas phyag rgya bzhi dag ni/ /dkyil 'khor de la bskor bar brtag /bdag nyid dbus su gnas byas te/ /'khor lo thams cad bsdu bar bya zhes so/ /yang na lha mo bzhi dang mnyam ldan zhes pa ni/ gsang ba'i bsnyen sgrub yan lag bzhi'i sgo nas thabs dang shes rab rol pa la rdo rje sems dpa' lha mo bzhi dang ldan te/ bsnyen pa la spyan ma/ nye bar sgrub pa la mA ma kI /sgrub pa lan bza' dkar mo/ /sgrub pa chen po la sgrol ma rang gi rig ma la sgom pa'i phyir ro/ /gsang ba'i bsnyen bsgrub bzhi ni 'di lta ste/ thabs dang shes rab sku sbyar ba ni bsnyen pa'o/ /gsang ba'i rdo rje dang pad+mar sbyor ba ni nye ba'i bsnyen pa'o/ /bskul zhing sngags bzla ba ni sgrub pa'o/ /bde ba chen po ni sgrub pa chen po'o/ /de ltar yang gsang ba 'dus pa'i rgyud phyi ma las gsungs pa/ bsgrub bya sgrub par sbyor ba gang/ /de ni bsnyen pa zhes su gsungs/ /rdo rje padmo mnyam sbyor ba/ /nye bar bsnyen pa zhes bya ste/ /hUM phaT tshul dang ldan pa ru/ /bskyod pa bsgrub par gsungs pa'o/ /rang bzhin rang bde zhi ba ni/ /sgrub pa chen po zhes bya'o zhes so/ /zhing zhes pa ni gzhan gyi don la snyeg pa'i ste/ lha mo bzhi kho na dang ldan pa ma yin te/ lus kyi dkyil 'khor gyi lha rnams dang yang ldan pa'i don ston pa'o/ /'khor phun sum tshogs pa ston pa/ sangs rgyas gzugs kyis nyer brgyan pa zhes te de la sangs rgyas zhes pa ni/ bla na med pa yang dag par rdzogs pa'i sangs rgyas rigs lnga dang/ rig ma bzhi dang/ lcags kyu la sogs pa bzhi dang/ spos me ma la sogs pa bzhi dang/ sgeg mo la sogs pa bzhi dang/ byang chub sems dpa' brgyad de/ pad+ma bzhin du sangs rgyas kyi chos thams cad thugs su chud nas ma lus par byang chub blo rgyas pa'i phyir ro/ /de dag gi sku phyag rgya ni sangs rgyas gzugs zhes so/ /sangs rgyas kyi gzugs des/ rdo rje sems dpa' i phung po lnga dang/ 'byung ba chen po bzhi dang/ rnam par shes pa brgyad dang/ yab yum gyi bdud rtsi la sogs pa'i rigs lnga la sogs par nye bar sbyor ba dang ldan pas na sangs rgyas gzugs kyis nyer brgyan pa zhes pa ni mdzes pa'o/ /yang na sku gsung thugs dang ldan zhing 'phro ba dang bsdu ba mdzad pas sangs rgyas gzugs kyis nye bar brgyan pa zhes so/ /gnas phun sum tshogs pa bstan pa/ shin tu dga' ba'i sbyor chen la zhes pa ste/ de la shin tu dga' ba'i zhes pa ni khyad par du skyon med cing rtag par kun tu khyab pa'i sems can gyi don la chags pa'i rdo rje 'dzin pa'i sku'i gsang ba'o/ /de ltar yang mnyam sbyor gyi rgyud phyi ma las gsungs pa/ skyon med rtag pa gtan du ni/ /thams cad 'dod chags rjes chags pas/ /de nyid gsang ba bcom ldan 'das/ /'dod chags chen po dga' ba che zhes so/ /yang na shin tu dga' ba'i zhes pa ni rnam par mi rtog pa'i ye shes kyi ngo bo bde ba chen po'o/ /de gnyis mngon du bya ba'i don du thabs dang shes rab mnyam par sbyor ba ni/ sbyor chen zhes pa ste/ sems can gyi don chen po mdzad pa'i phyir ro/ /la zhes pa ni gnas de la zhes pa'i don to/ /ston pa phun sum tshogs pa bstan pa/ rdo rje sems dpa' zhes pa ste/ de yang dam tshig sems dpa' i sgo nas ni rigs lnga'i bdag nyid ye shes lnga'i ngo bo nyid do/ /'di lta ste/ stong pa nyid kyi rang bzhin/ /rdo rje steng 'og gi rtse lnga ni rigs lnga dang ye shes lnga'i don bsam pa bstan pa'i phyir ro/ /de ltar yang gsang ba 'dus pa'i rgyud phyi ma las gsungs pa/ rgyu lnga dang ni 'bras dag ni/ /rdo rje zhes su bstan pa yin zhes so/ /yig 'bru 'joms pa ni rdo rje ni me long lta bu'i ye shes dang/ rnam par snang mdzad/ rje ni mnyam pa nyid kyi ye shes dang/ rin chen 'byung ldan/ sa ni so sor kun tu rtog nga'i? ye shes dang/ snang ba mdza' yas/ ma ni bya ba nan tan gyi ye shes dang/ don yod grub pa/ sa ni chos kyi dbyings kyi ye shes dang/ mi bskyod pa/ de dag dang ldan pa'i don ni dpa' ba' o/ /yang rdo rje sems dpa' zhes pa ni ye shes sems dpa' i gnas skabs su mchog gi byang chub ye shes las byung ba'o/ /de yang thams cad gsang ba'i rgyud las gsungs pa/ mchog gi byang chub dngos ye shes/ /de ni rdo rjer 'dir gsungs te/ /rdo rje ye shes las byung ba/ /de ni rdo rje sems dpar gsungs zhes so/ /dus phun sum tshogs pa mtshon pa ni/ cher bzhugs te zhes pa ste/ rdo rje sems dpa' sbyor ba chen po la bzhugs pa'i dus su rgyud 'di bstan pa yin no zhes pa'i don to// de la cher zhes pa'i thabs dang shes rab rol pa rnam pa sna tshogs rnam pa gcig tu bskal pa gzhan dang gzhan gyi mdza' med par bde ba chen po'i longs spyod la bzhugs pa'o/ /bzhugs so zhes pa ni bcom ldan 'das bde ba chen po'i ngo bo byang chub sems kyi thig ler yum gyi gsang pa'i pad+mar gnas pa'o/ /de lta bas na rnal 'byor pa rnams kyis kyang lha dang sbyor ba mngon du byed 'dod na 'di la goms par bya'o/ /de ni re zhig bcom ldan 'das kyis sku'i sgo nas chos bstan pa/ 'od zer 'chang zhing zhes pa la sogs pa ste/ de la 'od zer zhes pa ni de bzhin gshegs pa'i ngo bo kha dog lnga dang ldan pa'i don to/ /'chang zhing zhes pa ni 'od zer chos kyi 'byung gnas la chags pa'o/ /'khrigs pa'i zhes pa ni snga ma bsdu ba dang phyi ma bsnol ba'o/ /gsang chen zhes pa ni bde ba chen po'i rnam par mi rtog pa'i ye shes te/ theg pa 'og ma dang thun mong ma yin pa'i phyir ro/ /yon tan de dag dang ldan pa'i chos kyi 'byung gnas ni?/ 'od zer 'chang zhing 'khrigs pa yi/ /gsang chen chos kyi 'byung gnas zhes pa ste/ gsang ba ni gsang ba'i pad+ma'o/ /de la chos zhes pa ni phung po dang khams dang skye mched la sogs pa'i 'khor ba dang mya ngan las 'das pa'i mtshan nyid de/ mtshan nyid 'dzin pas chos zhes bya zhes gsungs pa'i phyir ro/ /de dag gi skye gnas ni chos kyi 'byung gnas zhes so/ /'di lta ste/ chos kyi 'byung gnas e gru gsum ni sku gsung thugs kyi rang bzhin yin pa dang/ chos thams cad sku? gsung thugs kho na 'phros pa yin no/ /de ltar yang gsang ba 'dus pa'i rgyud phyi ma las gsungs pa/ sku gsung thugs kyi bye brag gis/ /gru gsum la ni rnam par bsgom zhes so/ /yang de kho na las gsungS pa/ sems can thams cad 'byung ba ni/ /dus gsum rdo rje'i ngo bo nyid ces pa'o/ /la zhes pa ni 'phros pa'i gnas mtshon pa'o/ /byang chub sems zhes pa ni gsang ba'i rdo rje dang pad+ma'i sbyor ba las byung ba brjod kyis mi lang ba'i bde ba chen po'i ngo bo lhag pa'i byang chub kyi sems te/ don dam pa'i byang chub kyi sems thob pa'i rgyur gyur pa'o/ /de ltar yang zla gsang thig le'i rgyud las gsungs pa/ byang yig rdo rje zhes gsungs te/ /yi ge chud? ni gsungs? pa'i? tshig /sems yig bzhu ba gsungs pa ste/ yi ge pa ni bde ba che zhes so/ /'phros nas su zhes pa ni de bzhin gshegs pa thams cad kyi snying po thig le'i gzugs sems can gyi bdag nyid ye shes lnga'i ngo bo lhag pa'i byang chub sems su gyur nas gsang ba'i rdo rje nas gsang ba'i pad+ma la phab pa'o/ /chos kyi dbyings zhes pa la/ /chos zhes pa ni bshad zin to/ /dbyings zhes pa ni rgyu'o/ /don ni 'di lta ste/ chos thams cad kyi sa bon phra mo'i yig 'bru yi ge k+ShUM? gi ngo bo bzhugs pa'o/ /yi? 'bru de zhu mdzad do zhes pa ste/ 'od kyi gong bur byed pa'o/ /da ni gsung gi sgo nas chos bstan pa thos par 'dod nas lha mo spyan mas chos kyi dbyings 'phro ba'i don zhus pa/ zhu ba'i dngos po de mthong nas zhes pa la sogs pa ste/ de la zhu ba'i dngos po zhes pa ni bshad zin to/ /de mthong nas zhes pa ni sku'i sgo nas chos ston pa'i rdo rje sems dpa' de mthong nas/ lha mo spyan mas yongs zhus pa zhes te/ de la lha mo ni bshad zin to/ /lha mo yang de spyan ma yang de bas lha mo spyan ma zhes te/ spyan dang 'dra ba'i dam tshig gi phyag rgya'i bdag mo yin pa'i phyir ro/ /yongs shes pa ni don ma lus pa'o/ /zhus pa zhes pa ni rang gi stan las langs pa dang/ bla gos phrag pa gcig tu gzar ba dang/ lan gsum bskor nas phyag byas pa dang/ pus mo sa la gtsugs te/ thal mo sbyar ba rnams zhu ba'i tshul lngas gsol ba btab pa'o/ /gang la zhus she na/ bcom ldan 'das rdo rje sems dpa' zhes te/ ston pa po la zhes pa'i tha tshig go / yig 'bru 'joms pa ni bcom ldan 'das yang de/ rdo rje sems dpa' yang de yin pas bcom ldan rdo rje sems dpa' o/ /de la bcom ldan zhes pa ni theg pa bzhi'i bye brag giS bshad de/ rdo rje'i theg pa la theg pa 'og ma'i don bcug kyang mi 'gal de/ rdo rje sems dpa' theg pa kun las sangs rgyas pa'i phyir ro/ /de ltar yang sangs rgyas mnyam sbyor gyi rgyud las gsungs pa/ sems dang sems dpa' i ting 'dzin dang/ byang chub spyod pa sna tshogs nyid/ / bdud dang de bzhin bdud las rgyal/ /byang chub sangs rgyas der 'gyur ro zhes dang/ yang mnyam sbyor gyi rgyud phyi ma las gsungs pa/ dngos grub chen po kun gyi mchog /dbang phyug la sogs ldan pa'i lha/ /rgyal po rdo rje/ 'dzin pa che/ /yig 'bru dam pa mchog tu dga' zhes so/ /'di lta ste/ nyan thos kyi theg pas bcom ldan/ zhes pa ni nyon mongs pa dang/ 'chi bdag dang/ phung po dang/ lha'i bdud bzhi bcom zhing zad pa dang/ mi skye pa'i ye shes dang ldan ba'o/ /de ltar yang mdo las gsungs pa/ nyon mongs las dang skye pa dang/ nyon mongs shes bya'i sgrib de bzhin/ /rnam par smin chas gang de ni/ bcom pas des na bcom ldan 'dod ces pa'o/ /bcom pa'i rim pa na 'di lta ste/ byang chub kyi shing drung du rdo rje'i gdan mnan pa'i dus su srod kyi dus dang po la 'dod pa'i zag pa zad pas lha'i bu'i bdud bcom/ nam phyed kyi dus gnyis pa la lha'i spyan phye bas 'jig rten thams cad gzigs te tho rangs kyi dus gsum pa lam rig pa'i zag pa zad pas nyon mongs pa'i bdud bcom/ ? mchog gi grong khyer du yon bdag bram ze mo 'dze ta'i don du zla ba gsum srog gi 'du byed byin gyis brlabs te srid pa'i zag pa zad pas 'chi ba'i bdud bcom mo/ /de'i 'og tu mya ngan las 'das pa'i dus mkhyen nas rang gi 'tshe'i 'du byed btang ste lta ba'i zag pa zad pas phung po'i bdud bcom mo/ /de gnyis gzhom pa'i ni kha cig chu bo ni rany+dza? na'i 'gram na til phyed kyi zas la brten nas lo drug gi bar du dka' thub mdzad pa'i dus su 'chi ba'i bdud dang/ phung de'i? bdud bcom zhes zer na/ de yang bden te/ der bcom par gyur na yang 'dir bcom pa'i don mngon du bstan pa'o/ /de bas na lang+kar gshegs pa'i nang nas rtsa mchog gi grong khyer du 'chi ba'i bdud dang/ phung po'i bdud bcom zhes bstan to/ /byang chub sems dpa' i theg pa chen po la bcom ldan zhes pa ni dbul po dang/ ngan song dang/ mi sdug pa'i gzugs dang/ / grags pa med pa dang/ dpal med pa dang/ ma rig pa go rim du pha rol tu phyin pa drug gis bcom ste/ 'bras bu dbang phyug dang/ mchog dang/ gzugs bzang dang/ grags pa dang/ dpal dang/ ye shes rnams dang ldan pa'i phyir ro/ /de ltar yang gsungs pa/ dbang phyug dang ni mchog dang ni/ /gzugs bzang dang ni grags dang dpal/ /ye shes nan tan thos pa drug /bcom ldan zhes bya 'dod pa'o/ /rdo rje'i theg pa la bcom ldan zhes pa ni sems tsam gyis lta ba la kun gzhi dang/ nyon mongs pa'i yid dang/ rnam par rtog pa'i rnam par shes pa dang/ sgo lnga'i rnam par shes pa bcom zhing me long dang/ mnyam pa dang/ so so dang/ bya ba dang/ chos kyi dbyibs dang rdo rje lta bu'i ye shes drug dang ldan pa'i phyir ro/ /dbu ma'i gnas skabs su gnyis med pa'i shes rab kyis nyon mongs pa thams cad bcom zhing rnam par mi rtog pa'i ye shes dang ldan pa'o/ /de yang gsungs pa/ nyon mongs shes rab kyis bcom nas/ /shes rab bcom zhes 'dod pa'o zhes so/ /de lta bu'i khyad par can rdo rje sems dpa' zhes pa ste/ bshad zin to/ /tshig 'di dag ni zhes pa ni chos kyi dbyings rnams 'phro ba ni zhes pa nas/ bdag gi the tshom lhas bka' stsal zhes bya ba'i bar gyi tshig la mtshon pa'o/ /chos kyi dbyings rnams 'phro ba ni/ /gang las skye bar 'gyur ba lags zhes pa ni chos kyi dbyings kyi khungs zhus pa ste/ yig 'bru ni bshad zin to/ /dang po ji ltar 'ong pa yin zhes pa ni chos kyi dbyibs 'phro ba'i lam zhus pa'o/ /de bzhin phyir 'gro ji ltar lags zhes pa ni/ chos kyi dbyings 'phro ba'i gnas zhus pa'o/ /yan lag med pa gang de ni zhes pa ni chos kyi dbyings spyi'i mtshan nyid kyi sgo nas zhus pa'o/ /yan lag dang bcas gyur nas su/ /lus dngos 'gyur ba ji ltar lags zhes pa ni rang gi mtshan nyid rags pa'i don zhus pa'o/ /lus de nyid la skye mched dang dbang? po'i don zhus pa'o/ /mig dang rna ba sna dang ni/ /de bzhin lce dang lus dang yid/ /dbang po zhes pa ste/ de la mig zhes pa ni mig gi rnam par shes pa'i rten nang gi gzugs dang ba go snyod kyi me tog 'dra ba gang de mig gi dbang po'o/ /rna ba zhes pa ni rna ba'i rnam par shes pa'i rten nang gi gzugs dbang gro ga bcus te bcad pa 'dra ba gang de rna ba'i dbang po'o/ /sna dang ni zhes pa ni sna'i rnam par shes pa'i rten nang gi gzugs dang bzangs kyi mo khab gzhibs pa 'dra ba gang de sna'i dbang po'o/ /de bzhin lce dang ces pa ni lce'i rnam par shes pa'i rten nang gi gzugs dang ba lce'i dkyil zla ba bkas pa 'dra ba gang de lce'i dbang po'o/ /lus dang zhes pa ni lus kyi rnam par shes pa'i rten nang gi gzugs dang ba reg bya 'jam gyi pags pa 'dra ba gang de lus ki dbang po'o/ /yid zhes ba ni mig la sogs pa'i rnam par shes pa drug 'das pa'o/ /de ltar yang chos mngon pa mdzod las gsungs pa/ drug po 'das ma thag pa yi/ /rnam shes gang yin de yid do/ zhes so/ /dbang po zhes pa ni mig la sogs pa lngas bzhi bzhi la dbang byed pa'i phyir ro/ /bzhi gang zhe na/ bdag mdzes par bya ba dang/ bdag gir bya ba dang/ rang rang gi rnam par shes pa skyed pa dang rang rang gi spyod yul la spyod pa bzhi'o/ /de ltar yang chos mngon pa mdzod las gsungs pa/ dbang po lngas na don bzhi la/ dbang byed ces so/ /yid ni gnyis la dbang byed de/ srid pa gzhan la 'brel pa dang/ dngos la 'jug pa la dbang byed pa'o/ /yang phung po dang khams kyi sgo nas zhus pa/ phung po'i dngos rnams dang/ khams su ni 'jug pa yang zhes pa ste/ de la phung po zhes pa ni 'dus pa'i don te/ gzugs la sogs pa'i phung po lnga'o/ /'di lta ste/ de la gzugs kyi phung po ni dbang po lnga dang yul? lnga ste bcu'o// // de yang dus gsum gyi gzugs bzang ngan dang che phra gcig tu 'dus pa'o/ /gzhan bye brag tu smra ba na re rnam par rig byed ma yin pa'i gzugs dang bcu gcig 'dod do/ /tshor ba'i phung po ni myong ba'i mtshan nyid de/ bde ba dang/ sdug bsngal ba dang/ bde ba yang ma yin sdug bsngal ba yang ma yin pa mig gi 'dus te reg pa la sogs pa drug gsum bco brgyad 'dus pa'o/ /'du shes kyi phung po ni mtshan mar 'dzin pa'i mtshan nyid de/ dkar po zhes bya ba dang/ nag po zhes bya ba dang/ bzang po zhes bya ba dang/ ngan pa zhes bya ba dang/ ring po zhes bya ba dang/ thung ngu zhes bya ba la sogs pa 'dus pa'o/ /gzhan mdo sde pa na re de yang gong ma bzhin du mig gi 'dus te reg pa las byung ba'i 'du shes la sogs pa bco brgyad la 'du shes zhes zer ro/ /'du byed ni phung po bzhi la ma rtogs pa'i 'du byed kyi chos kun te/ sems las byung ba'i chos rkyen bzhi kas 'dus byas pa'i phyir ro/ /sems tsam pa na re sems las byung ba'i chos la sogs pa 'du byed lnga bcu rtsa gcig go / rnam par shes pa'i phung po ni yul tha dad pa so sor shes pa'i mtshan nyid de/ mig la sogs pa'i rnam par shes pa drug dang/ yid dang bdun 'dus pa'o/ /de yang sems tsam pa na re gong ma bdun dang/ kun gzhi rnam par shes pa dang brgyad 'dus pa la 'dod do/ /de bzhin du dbu ma pa na re rnam par shes pa drug 'dus pa la 'dod de/ de dag gi khungs ni bstan bcos la gsal bar ma bris so/ /dngos rnams dang zhes pa ni 'byung ba chen po bzhi'o/ /khams rnams su ni 'jug pa yang zhes pa ni de la khams ni rigs kyi don te/ chos kun gyi 'byung khungs yin pa'i phyir ro/ /khams de rnams kyi sgras ni grangs bco brgyad 'dren pa'o/ /'di lta ste/ mig gi dbang po'i khams dang/ ? ba'i dbang po'i khams dang/ sna'i dbang po'i khams dang/ lce'i dbang po'i khams dang/ lus kyi dbang po'i khams dang/ yid kyi dbang po'i khams dang/ gzugs kyi khams dang/ sgra'i khams dang/ dri'i khams dang/ ro'i khams dang/ reg bya'i khams dang/ chos kyi khams dang/ mig gi rnam par shes pa'i khams dang/ rna ba'i rnam par shes pa'i khams dang/ sna'i rnam par shes pa'i khams dang/ lce'i rnam par shes pa'i khams dang/ lus kyi rnam par shes pa'i khams dang/ yid kyi rnam par shes pa'i khams rnams so/ /'jug pa zhes pa ni chos kyi dbyings de dag gi rnam pa la khyab cing 'jug pa ji ltar lags zhes zhus pa'i tha tshig go /yang zhes pa ni zhus pa'i rnam grangs bsnyag pa'o/ /nyon mongs pa'i sgo nas zhus pa/ ma rig bag chags sred pa yis/ /bcings pa'i nyon mongs 'dod chags sogs zhes pa ste/ de lam rig ces pa ni cho snga ma'i 'dod chags la sogs pa'i nyon mongs pa ste/ yang dag pa'i don mthong ba la sgrib pa'i phyir ro/ / bag chags zhes pa ni 'du byed de/ tshe snga ma'i las dge sdig gi las bag la nyal bas tshe 'di'i rnam par sheS pa la 'debs pa'i phyir ro/ /sred pa yis zhes pa ni 'dod chags la chags pa ste tshe phyi ma byed pa'o/ /de bas na bcings pa zhes pa ste/ tshe snga ma'i ma rig pa dang/ 'du byed kyis tshe 'di la grol ba med pa dang/ tshe 'di'i sred pa phyi ma'i sred pa las mi grol bar byed pa'i phyir ro/ bcings pa'i dngos po nyon mongs pa gang zhe na/ dngos po de bstan pa nyon mongs ba 'dod chags sogs zhes t+t/ de la nyon mongs zhes pa ni mnar med ba'i dmyal ba nas srid pa'i rtse mo'i bar gyi sems can gyi sems sdug bsngal gyi sa bon yin pa'i phyir ro/ /de ltar yang chos mon? pa'i? mdzod las gsungs pa/ 'dir ni nyon mongs sa bon yin/ /klu bzhin rtswa bzhin ljon shing bzhin/ /de bzhin shun pa bzhin du 'dod ces so/ /nyon mongs pa yang de 'dod chags kyang de bas nyon mongs 'dod chags sogs zhes pa ni/ de yang de la 'dod chags zhes pa ni zhen pa'i mtshan nyid de/ de yang 'dod pa'i 'dod chags dang/ sred pa'i 'dod chags so/ /sogs pa'i sgras ni zhe sdang dang/ gti mug la gzung ste/ de la zhe sdang ni gzhan la gnod par sems dpa' o/ /gti mug ni dge ba dang mi dge ba la khyad par du mi shes pa'o/ /de ngag bcing ba gsum yin te/ tshor ba gsum gyi rang bzhin nyid kyi phyir ro/ /'di lta ste/ 'dod chags ni bde ba tshor ba'i mtshan nyid do/ /zhe sdang ni sdug bsngal tshor ba'i mtshan nyid do/ /gti mug ni bde ba yang ma yin sdug bsngal ba yang ma yin pa tshor ba'i mtshan nyid do/ /de ltar yang chos mngon pa'i mdzod las kyang gsungs pa/ tshor ba'i dbang gis 'ching ba gsum zhes so/ /nyon mongs pa des bcing ba'i rnam par shes pa dang/ khams gsum du gyur pa dang/ bsdu ba'i don zhus pa/ rnam par shes pa sna tshogs pa/ /ji ltar dngos su 'dus pa lags zhes pa ste/ de la rnam par shes pa zhes pa ni sems tsam la 'dod de/ de ltar yang rab tu byed pa nyi shu pa las gsungs pa/ sems dang yid dang rnam par shes/ /rnam par rig pa zhes rnam grangs zhes so/ /sna tshogs pa zhes pa ni rnam par shes pa de khams gsum gyi snod dang bcud de/ dngos su gyur pa'o/ /ji ltar dngos su 'dus pa lags zhes pa ni/ 'jig rten pa'i bskal pa la khams gsum de yang rnam par shes pa cam? du ji ltar 'dus pa lags zhes zhus pa'i tha tshig go /bsgom pa'i don zhus pa/ dngos po med pa la bsgom pa'i gzugs zhes pa ste/ de la don 'di yod ma thag byed pa ni dngos po zhes so/ /de yang don dam par dpyad na mi rung ba ni dngos po med ces pa ste/ gzung 'dzin kun brtags kyi phyir dang/ yod pa dang med pa mi skye ba'i phyir ro/ /de ltar dngos med la sku phyag rgya la sogs pa khyad par du bsgom pa'i gzugs shes pa ste bems po'o/ /yang gong du 'phro 'du gzugs la sogs pa'i skye mchod kyi sgo nas zhus pa/ gzugs sogs spyod yul mtshan nyid rnams zhes pa ste/ de la gzugs sogs zhes pa ni gzugs kyi skye mched nas chos kyi bar du drug ste/ de la yang gzugs ni nyi shu ste/ sngon po dang/ ser po dang/ dmar po dang/ dkar po dang/ ring po dang/ thung ngu dang/ lha ma pa dang/ zlum po dang/ mthon po dang/ dma' ba dang/ phya le ba dang/ phya le ba ma yin pa dang/ sprin dang/ du ba dang/ rdul dang/ khug sna dang/ grib ma dang/ nyi ma dang/ snang ba dang/ mun pa'o/ /sgra yi skye mched ni brgyad de/ zin pa'i 'byung ba chen po bzhi'i rgyun can dang/ ma zin pa'i 'byung ba chen po bzhi'i rgyun can dang/ sems can dang sems can ma yin par ston pa bzhi'i phrag gnyis yid du 'ong ba dang/ yid du mi 'ong bas te brgyad do/ /dre'i skye mched ni bzhi ste/ dri zhim pa dang/ dri nga ba dang/ dri mnyam pa dang/ dri mi mnyam pa'o/ /ro'i skye mched ni drug ste/ rto mngar ba dang/ sgyur ba dang/ lan tshwa dang/ tsha ba dang/ kha ba dang/ bska ba'o/ /reg bya'i skye mched ni bcu gcig ste/ 'byung ba chen po bzhi dang/ 'jam pa dang/ rtsub pa dang/ lci ba dang/ yang ba dang/ grang ba dang bkres pa dang/ skom pa'o/ /chos kyi skye mched ni bdun te/ tshor ba dang/ 'du byed dang/ 'du shes dang/ rnam par rig byed ma yin pa dang/ so sor brtags pa'i 'gog pa dang/ so sor brtags pas yin pa'i 'gog pa dang nam mkha' o/ /spyod yul zhes pa ni gzugs la sogs pa de dag mig gi dbang pos dmigs pa'i rten yin pa'i phyir ro/ /mtshan nyid rnams zhes pa ni gzugs la sogs pa'i rang gi mtshan nyid do/ /gong du bshad pa'i sngon po dang/ ser po la sogs pa'o/ /rang bzhin med cing zhes pa ni gzugs la sogs pa'i spyod yul te/ gcig dang du ma mi 'byor pa'i phyir ro/ /de ltar yang dbu ma rgyan las gsungs pa/ de bzhin nyid du brjod pa yi/ /dngos po 'di dag rang bzhin med/ /gcig dang dum mi 'byor phyir/ /rang bzhin gyis ni gzugs brnyan 'dra zhes so/ /rang bzhin med cing dmigs med la zhes pa ste/ dbang po la 'das pa'i phyir ro/ /de 'dra ba'i spyod yul la/ dmigs pa dang bcas ji ltar lags zhes/ zhus pa'o/ /zhus pa'i mjug bsdus pa/ de dag ngo mtshar chen po ni/ bdag gi the tshom lhas bka' stsal zhes pa/ de la de dag ces pa ni gong du thal pa'i zhus ba'i tshig rnams so/ /ngo mtshar chen po ni zhes pa ni sngon ma rtogs pa'o/ /bdag ces pa ni lha mo spyan ma ste/ de'i the tshom zhes pa ni som nyir gyur ba'o/ /lha zhes pa ni rdo rje sems dpa' ste/ lha'i rjes su skye ba mdzad pa dang/ rang gi 'od zer la longs spyod pa'i phyir ro/ /bka' stsal zhes pa ni the tshom de dag bsal bar bya ba'i don du gnas rnam pa lnga dang ldan pa'i gsung gi sgo nas ston cig par zhus ba'o/ /gnas rnam pa lnga ni 'di lta ste/ nges pa'i tshig dang/ de'i rgyu dang/ dpe dang/ nye bar 'gro ba dang/ nges pa 'gro ba'o/ /de la nges pa'i tshig ni 'dus byas pa'i chos thams cad mi rtag pa zhes smra ba lta bu'o/ /rgyu ni rgyu rkyen tshogs nas 'dus byas pa'i phyir zhes smra ba lta bu'o// // dpe ni bum pa dang 'dra zhes smra ba lta bu'o/ /nye bar 'gro ba ni ji lta ba ni 'jim dang / 'khor lo dang/ rdza mkhan rnams 'dus nas byas pa'i phyir bum pa mi rtag pa yin zhes smra ba lta bu'o/ /nges par 'gro ba ni de bzhin du 'dus byas pa'i chos kyang rkyen rnams tshogs nas byas pas mi rtag go zhes smra ba lta bu'o/ /de ltar yang tshig don thams cad la yang gnas rnam pa la shes par bya'o/ /da ni gsung gi sgo nas chos bstan pas zhus pa'i lan gsungs pa/ de ltar zhus ma thag tu zhes pa la sogs pa ste/ de la de ltar zhes pa ni gong du zhus pa'i tshig la snyeg pa'o/ /zhus ma thag tu ni zhes pa ni de ma thag tu ba'i don te/ lha mos zhus pa'i steng kho nar dus gzhan du ma bsdad par lan btab po zhes pa'i tha tshig go / bcom ldan rdo rje sems dpas gsungs zhes pa ni ston pa po ste bshad zin to/ /gsungs zhes pa ni brjod kyis mi lang ba'i chos yin yang thugs rje'i dbang gis bshad pa'o/ /ston pa'i chos nyid kyi don mtshon pa/ shes rab zab pa zad med ni zhes pa ste/ de la shes rab ces pa ni gnyis su med pa'i shes rab ste/ gzung ba dang 'dzin pa dang bral ba'i phyir dang/ yod pa dang med pa dang bral ba'i phyir ro/ /de bas na de nyid zab pa zhes pa ste/ rnam par mi rtog pa'i phyir ro/ /de ltar yang 'jig rten snang ba las kyang gsungs pa/ mi rtog pa ni zab pa yin/ /bdag gzhan 'byung ba rgyas pa'o/ /zad med ni zhes pa ni chos nyid de 'dus ma byas pa'i phyir bskal pa grangs med pa gzhan du yang de bzhin du gnas pa'i phyir ro/ /de ltar yang de nyid du 'dus pa las gsungs pa/ de bzhin gshegs pa byung yang rung/ de bzhin gshegs pa ma byung yang rung/ chos nyid de bzhin du gnas pa'o zhes so/ /nyon cig ces pa ni kha mar spub pa dang/ bum pa rnams bum pa zhabs rdol ba dang/ bum pa mi gtsang bas gang blta bu'i skyon gsum spangs te/ dad pa dang/ brtson 'grus dang/ yang dag pa'i lta ba gsum dang ldan na rna ba'i dbang pos sgra la dmigs zhes smra ba'o/ /yang na shes rab gsum dang ldan nas nyon cig ces smra ba'o/ /spyan ma zhes pa ni bod pa'i tshig go /bshad par bya zhes pa ni gnang ba'i tshig go / bshad par dam bca' ba'o/ /da ni re zhig chos nyid de'i yon tan bstan pa ni dpyad du med cing zhes pa la sogs pa ste/ de la dpyad du med cing zhes pa ni mngon sum dang rjes su dpag pas shes su med pa'o/ /de la mngon sum gyis mi shes pa ni dbang po'i rnam par shes pa dang/ yid kyi rnam par shes pas dpyad du med pa la so so yang dag par rig pa dang/ rnam par mi rtogs pa'i ye shes kyis dpyad pa'o/ /'o na gnyis kyis dpyad pa de la dpyad du med cing zhes bstan pa ci'i phyir zhe na/ lan btab pa/ dbang po'i rnam par shes pa dang/ yid kyi rnam par shes pa gnyis kyis dpyad du med pa'i phyir ro/ /dper na rta rkang lag gsum yod bzhin du lag pa gcig bcad na 'jig rten bas rkang med gcig ces brjod pa lta bu'o/ /rjes su dpag pa gnyis kyis kyang dpyad du med pa ste/ mtshan gsum dang rtags gsum gyis dpyad du med pa'i phyir ro/ /de ci'i phyir zhe na/ chos nyid ni ji ltar snang ba de bzhin du ma yin pa'i phyir ro/ /de bas na shes bya min zhes pa ste/ thams cad mkhyen pa'i spyod yul gyi phyir ro/ /de ltar yang rab tu byed pa nyi shu pa? las gsungs pa/ rang sems ye shes mi shes pas/ /ji ltar sangs rgyas spyod yul la zhes so/ /de'i phyir de bzhin dpyad mkhan gyis shes dka' zhes pa ste/ shes rab kyi rjes su 'brang ba rnams kyis mthong ba dang/ thos ba tsam gyis ma rtogs pa'i phyir ro/ /'o na ci 'dra zhe na/ gsungs pa/ sangs rgyas kun gyi gsang chen ni/ /nam mkha' nam mkha' i spyod yul la zhes pa ste/ de la sangs rgyas kyang de kun yang de bas sangs rgyas kun zhes pa ste/ phyogs bcu na bzhugs pa'i gang+gA'i klung gi bye ma lta bu'i bla na med pa yang dag par rdzogs pa'i sangs rgyas rnam par snang mdzad la sogs pa 'dir 'dod de/ 'di lta ste/ gsang ba'i rgyud rdo rje theg pa las sangs rgyas pa ni bla na med pa yin te/ de'i gong du theg pa gzhan med pa'i phyir ro/ /yang dag pa yang yin te/ theg pa chen po la gnas pa'i phyir ro/ /sbyor ba'i rgyud dang/ bya ba'i rgyud dang/ mdo sde chen po'i theg pa la sangs rgyas pa ni theg pa gong na yod pas bla dang bcas pa ni yin la yang dag par rdzogs pa yin te/ theg pa chen po la gnas pa'i phyir ro/ /theg pa chung ngu las sangs rgyas pa'i nyan thos dang rang sangs rgyas ni bla dang bcas pa yang yin/ yang dag par rdzogs pa yang ma yin te/ theg pa gong na yod pa'i phyir dang/ yang theg pa chung ngu las phyir ldog dgos pa'i phyir ro/ /de lta bsan sangs rgyas gsum du shes par bya'o/ /de rnams kyi gsang chen ni zhes pa ni gong du bshad zin to/ /nam mkha' nam mkha' i spyod yul lo zhes pa ni/ stong pa nyid kyi sems kyis dmigs pa med pa stong pa nyid bsgom pa'o/ /de ltar klu sgrub zhabs kyis dbu ma las gsungs pa/ dmigs pa med pa'i sems dag ni/ nam mkha' i mtshan nyid du gnas te/ /nam mkha' i? sgom pa kho na de/ /stong pa nyid bsgom 'dod pa'o zhes so/ /de bas na gsang chen ni theg pa chung ngu ba rnams kyis kyang mi shes pa'i don gsungs pa/ mi shes chun? pas bsgribs pas na/ /nyan thos rnams kyis shes pa min zhes pa ste/ de la mi shes zhes pa ni nyon mongs pa can ma yin pa'i mi shes pa ste/ nyan thos rnams dang rang sangs rgyas la thams cad mkhyen pa dang mi ldan pa'i phyir ro/ /mi shes kyang de mun pa yang de bas mi shes mun ba zhes pa ste/ yang dag pa'i don rnam par mi rtog pa'i ye shes pa mi gsal bar byed pa'i phyir ro/ /des bsgribs pa ni mi shes mun pas bsgribs pas shes pa ste/ nyan thos kyis shes pa'i sgrib pa ma spangs pa'i phyir ro/ /de ltar yang shes rab kyi pha rol tu phyin pa las gsungs pa/ rab 'byor de bzhin gshegs pa'i zag pa med pa'i phung po mthong ngam/ bcom ldan 'das ma mthong ngo zhes so/ /de lta bas na nyan thos rnams kyis shes pa min zhes pa ste/ de la nyan thos zhes pa ni nyan thos kyi sangs rgyas te/ ston pa la nyan zhing thos nas nges par 'byed pa'i cha bzhi mthar phyin te/ mthong ba'i lam mngon du gyur pa'i phyir ro/ /de rnams kyis shes pa min zhes pa ste/ gzung ba dang/ 'dzin pa ma spangs pa'i phyir ro/ /spyod yul zhes pa ste/ gzugs la sogs pa'i phyi'i skye mched drug go /de dag che snga ma'i las kyi dbang gis med pa snang ba ni spyod yul bag chags zhes so/ /de ni kun brtags tsam du rtogs pa ni/ /spyod yul bag chags shes mkhan ni/ /rang sangs rgyas su sprul pa ste zhes pa ste/ de la rang sangs rgyas zhes pa ni tshe 'di'i sngon du nges par 'byed pa'i cha bzhi mthar phyin nas mthong ba'i lam du zhugs mkhad la/ tshe 'di nas phyi ma'i che la ston pa la nyan zhing thos mi dgos par rang gis nges par 'byed pa'i cha bzhi mthar phyin te mthong ba'i lam rang mngon du gyur pa'i phyir ro/ /sprul pa ste zhes pa ni dbyung ba'o/ /de kun gyis kyang zhes pa ni sangs rgyas kun gyis ? mi shes pa ste/ 'dzin pa'i rtog pa ma spangs pa'i phyir ro/ /de ltar yang mngon par rtogs pa'i rgyan las gsungs pa/ gzung don rtog pa spong phyir dang/ /'dzin pa mi spong phyir dang ni/ /rten gyis bse ru lta bu'i lam/ /yang dag bsdus pas shes par bya zhes so/ /kyang gis sgras mi nyan thos kyis mi shes pa de rang sangs rgyas kyis kyang shes ba ma yin no zhes pa'i don snyeg pa yin pa'o/ /shes med so so'i skye bo yis shes pa ni mi shes pa'i sgra ni gong ma la snyeg pa ste/ so so'i skye bo yis kyang mi shes zhes pa'i tha tshig go / de la shes med ces pa ni nyon mongs pa can gyi ma rig pa ste/ so so'i skye bo nyon mongs pa dang/ shes bya'i sgrib pa can yin pa'i phyir ro/ /shes med kyang de so so skye bo yang de bas shes med so so'i skye bo'i zhes pa ste/ 'phags pa las gzhan du gyur pa ste/ 'phags pa'i chos mthong ba'i lam ma thob pa'i phyir dang/ mi dge ba las ma grol pa'i phyir ro/ /dus kun la mi shes pa'i don bstan pa/ ma 'ongs pa dang/ 'das pa dang/ da ltar byung ba'i dus gsum la zhes pa ste go sla'o/ /byol song zhes pa ni lha dang mi'i 'gro ba las byol nas song ba ngan song gsum mo/ /de'i mi dge ba'i las ni byol song bag chags zhes so/ /de las skye ba las byung ba'i dud 'gro yi dags skye ba rnams zhes pa ste/ de la dud 'gro zhes pa ni lha dang/ mi'i 'gro ba pa ma gtogs par phyugs kyi khams su gtogs pa yin pa de dud 'gro bas na dud 'gro zhes pa ste/ de ni mi 'am /ci la sogs pa'o/ /'on tang phyugs la sogs pa yang don gyis shes par bya'o/ /yi dags shes pa ni 'di las ye nas phyir mi ldog par 'das pa'o/ /yang na bkres pa dang bskom pas sdug bsngal ba'o/ /'gro ba de gnyis las lhung ba ni dud 'gro yi dags skye ba rnams zhes pa'o/ /de kun gyis kyang mi shes te zhes pa ni ngan song gsum sdug bsngal sna tshogs kyis gtses pa'i phyir ro/ /mi shes pa gang zhe na/ gsungs pa/ sangs rgyas spyod yul gsang chen ni zhes pa ni yig 'bru ni bcom zin to/ /de ltar chos nyid kyi che ba'i yon tan bstan nas/ da ni don bstan pa la/ re zhig dang la chos kyi dbyings rnam par 'phro ba ni/ /gang las skye bar gyur pa lags zhes pa'i lan gsungs pa/ snying po shin tu snying po mchog ces pa la sogs pa ste/ de la snying po zhes ni phyi'i dkyil 'khor te/ g.yo ba med pa'i phyir dang/ 'dod pa'i 'bras bu smin par byed pa'i phyir ro/ /de ltar yang 'jig rten snang ba las kyang gsungs pa/ snying po 'dus phyir dkyil 'khor gsungs zhes pa ste/ dkyil 'khor de las khyad par du gyur pa ni snying po ni shin tu snying po mchog ces pa ste/ 'og nas 'byung ba'i lus kyi dkyil 'khor phra mo'i ting nge 'dzin te/ dkyil 'khor shin tu zab pa'i phyir ro/ /de mya ngan las 'das pa'i ngo bor gyur pa'i phyir mchog ces so/ /yang na snying po ni shin tu snying po zhes pa ni sku gzung thugs te/ khams gsum gyi rang bzhin yin pa'i phyir ro/ /sku gsung thugs de'i rang bzhin du gyur pa ni shin tu snying po zhes pa ste/ rdo rje sems dpa' i ngo bo bde ba chen po rnam par mi rtog pa'i ye shes chos kyi dbyings so/ /de yang ci 'dra zhe na/ gang de kun bdag la gnas pa zhes pa ste/ bcu dang snod kyi rang bzhin du khyab pa'o/ /sangs rgyas kun gyi gsang ? ni/ / lha mo khyod la bshad par bya zhes pa ni bshad zin to/ /phra mo'i ting nge 'dzin bstan pa/ byang chub sems zhes pa la sogs pa ste/ de la byang chub sems zhes pa ni bshad zin to/ /de nyid bdag ces pa ste/ gzung ba dang 'dzin pa'i skyon gyis ma gos pa'i phyir ro/ /de ltar sems tsam las gsungs pa/ gzhan gyi blo yis tshor ba min/ /des kyang gzhan la tshor ba min/ /gzugs 'dzin dang ni bral ba'i phyir/ /rang de kho nar snang bar 'gyur zhes pa'o/ /de bas na rang bzhin 'od gsal ba zhes pa ste/ nam mkha' bzhin du nyon mongs pa'i dri ma glo bur ba yin pa'i phyir ro/ /de ltar yang rab tu byed pa dbus mdza' las gsungs pa/ chu khams gser dang nam mkha' bzhin/ /ngag pa bzhin du dag par 'dod ces so/ /phra mo'i ting nge 'dzin de'i mdog bstan pa/ zla ba'i shel dang mnyam pa'i 'od ces pa ste/ chu shel gyi mdog dang 'dra ba dkar ba'o/ /phra mo'i ting nge 'dzin gyi dngos bstan pa/ de nyid ye shes lnga'i dngos zhes pa ste/ de la de nyid ces pa ni bskal pa gzhan dang gzhan du yang mi 'gyur ba'i phyir ro/ /yang de nyid ces pa ni rigs lnga'i rang bzhin dang ldan pa'i phyir ro/ /de ltar yang gsang ba'i rgyud phyi ma las gsungs pa/ de kho na nyid rigs lngar gsungs zhes so/ /ye shes lnga zhes pa ni me long lta bu'i ye shes dang/ mnyam pa nyid kyi ye shes dang/ so sor kun tu rtog pa'i ye shes dang/ bya ba nan tan gyi ye shes dang/ shin tu rnam par dag pa'i chos dbyings ye shes so/ /de la me long lta bu'i ye shes ni/ kun gzhi gnas gyur pa/ de bzhin nyid/ stobs bcu'i ngo bo rdo rje lta bu'i byang chub sems kyi rang bzhin shes bya'i sgrib pa bsal bar byed pa ni me long lta bu'i ye shes te/ dper na me long la bsnyen pa'i rdzas gsal ba bzhin du/ chos nyid la chos thams cad gsal bar rtogs pa'i phyir ro/ /mnyam pa nyid kyi ye shes ni nyon mongs pa'i yid gnas gyur pa yang dag pa'i mdza' dang mi 'jigs pa bzhi'i ngo bo sbyin pa'i pha rol tu phyin pa'i rang bzhin nyon mongs pa'i sgrib gsal ba ni mnyam pa nyid kyi ye shes te/ bdag dang gzhan du mi 'byed pa'i phyir ro/ /so so kun tu rtogs pa'i ye shes ni rnam par rtogs pa'i rnam par shes pa gnas gyur pa mtshan ma med pa dang/ skad dag pa rig pa bzhi'i ngo bor gyur pa/ shes rab kyi pha rol tu phyin pa'i rang bzhin las kyi sgrib pa gsal ba ni so so kun tu rtogs pa'i ye shes te/ dag pa 'jig rten ba'i ye shes yin pa'i phyir ro/ /bya ba nan tan kyi ye shes ni/ sgo lnga'i rnams par shes pa gnas gyur pa don dam pa dang snying rje chen po'i ngo bor gyur pa/ mi dmigs pa'i snying rje chen po'i rang bzhin skye ba'i sgrib pa gsal ba ni bya ba nan tan gyi ye shes te/ sems can kun gyi don byed pa'i phyir ro/ /de bzhin bar chad med pa'i lam la zad pa'i ye shes ngos 'dzin par bya'o/ /shin tu rnam par dag pa chos kyi dbyings kyi ye shes ni/ chos kyi dbyings dang stobs la sogs pa gong gi chos bzhi'i ngo bor rnam par grol ba'i lam du mi skye ba'i rang bzhin ni shin tu rnam par dag pa chos kyi dbyings kyi ye shes te/ sangs rgyas kyi rgyur gyur pa'i phyir ro/ /de lnga'i ngo bor gyur pa ni ye shes lnga'i dngos zhes pa ste/ ye shes lnga dang phra mo dbyer med pa'i phyir ro/ /phra mo'i tshang gsungs pa/ yungs kar che ba'i tshad tsam mo zhes te go sla'o/ /de'i dbus su zhes pa ni/ yungs kar gyi dkyil lo/ /de la bkod pa'i yi ge k+ShUM ni bzhugs pa'i lha zhes pa ste/ rdo rje sems dpa' i ngo bo nyid kyi phyir ro/ /de ci 'dra zhe na/ mi gsal gsal ba'i gzugs can te zhes pa ste/ de la mi gsal zhes pa ni 'khor ba'i dus su rang rig pa'i ye shes ni bu mo'i bde ba bzhin du gzhan la bstan du med pa'i phyir ro/ /gsal ba zhes pa ni zad pa dang mi skye ba'i ye shes thob pa'i dus su ni// mngon du gyur pa'i phyir ro/ /de ltar sum cu pa las gsungs pa/ dgra bcom nyid la de 'gyur te/ /de la brten nas gnas pa'o/ /zhes so/ /de 'dra ba'i ngo bo ni mi gsal ba'i gzugs can te zhes pa'o/ /byed tshad tsam? gyi phra mo'i mchog ces pa ni yungs kar gyi phyed phra ba yig 'bru'i mchog gi tshad do/ /don ni 'di ltar bsgom ste/ de bzhin gshegs pa thams cad rang gi lus la thim nas/ lhag pa'i byang chub sems su gyur nas/ gsang ba'i rdo rje lam nas phyung ste/ rang gi rig ma'i gsang ba'i pad+ma'i sna'i rtse mo la rdo rjer gyur pa bsgoms te/ rdo rje de'i dkyil du yungs kar gyi tshad phra mo la yi ge k+ShUM bsgom pa'o/ /de mtshan ma lnga 'byung ba'i bar du bsgom pa ste/ mtshan ma lnga byung ma thag 'phro ba bsgom pa'o// mtshan ma lnga ni gsang ba 'dus pa'i rgyud phyi ma las gsungs pa/ dang po smig rgyu 'dra ba dang/ /gnyis pa la ni du ba'i tshul/ /gsum pa srin po mi khyer 'dra/ /bzhi pa mar me bzhin du 'bar/ /lnga pa rtag tu snang ba ni/ /sprin med pa yi nam mkha' bzhin zhes so/ /de ltar yang gsang ba 'dus pa'i rgyud las gsungs pa/ rin chen kha dog sna lnga pa/ /yungs kar gyi ni 'bru tshad tsam/ /sna yi rtse mo nan tan du/ /rnal 'byor pa yis rtag tu bsgom/ /rin chen brtan par red nas spro/ /brtan par ma gyur yod mi spro zhes so/ /de ltar phra mo'i ting nge 'dzin brtan nas/ thig le'i ting nge 'dzin bsgom pa bstan pa/ yid ki dngos po thig le'i gzugs zhes pa la sogs pa ste/ de la yid ces pa ni rnam par rtogs pa'i ngo bo'o/ /de ltar langkar gshegs pa'i mdo las gsungs pa/ las ni sems kyis sdud par byed/ /yid kyis kyang ni rnam par brtags/ /rnam shes kyis ni shes bya ste/ /lnga dag gis ni mthong bar brtags zhes so/ /de'i ngo bor gyur pa'i thig la ni yid kyi dngos shes te/ yid dang thig le dbyer med pa'i phyir ro/ /don de kho na ston pa thig le'i gzugs zhes pa ste/ sran ma'i 'bru tshad tsam gyi thig le'o/ /de ltar yang gsang ba 'dus pa'i bsgrub thabs zla ba las gsungs pa/ 'bru tsan ka'i thig le'i 'bras bu zhes so/ /de'i gnas bstan pa/ rtag tu snying gi dbus gnas pa zhes te/ de la rtag tu zhes pa ni 'das pa dang/ ma 'ongs pa dang/ da ltar dang/ dus gsum mo/ /snying zhes pa ni lus kyi yan lag sgo lnga lta bu la bya ste/ 'dir ye shes sems dpa' i thugs ka ni ma yin no/ /dbus gnas pa zhes pa ni thig le rang gi snying gi dkyil du bsgom pa'o/ /'od zer chen po 'bar ba can zhes pa ni thig le de kun tu 'od zer de snang bar byed pa'o/ /don ni 'di ltar bsgom ste/ rnal 'byor pa rang gi snying ga'i dkyil du de bzhin gshegs pa thams cad bsdus te/ byang chub sems kyi 'od du gyur nas/ 'bru tsa na ka'i tshad yid dang dbyer med pa'i thig le bsgoms nas de'i dkyil du yi ge k+ShUM gong ma bzhin du bsgoms te/ de las byung ba'i 'od kyis thig le gsal bar byas te/ de las byung bas rang gi snying ga gsal bar byed/ snying ga nas byung bas rang gi lus kun gsal bar byed/ lus kyi ba sdu nas byung ste/ 'jig rten thams cad gsal bar byas te/ phyir log pa rim pa bzhin du thim nas yig 'bru dang gcig tu gyur pa bsgom ma/ /de ni bsgom ba'i man ngag go / yang lhag pa'i byang chub sems tshes grangs kyi rim pas gnas pa'i gnas bstan pa/ ji snyed dgug pa'i bar du ni zhes te/ nu ma dang/ lag ba'i rtse mo dang/ mgrin pa dang/ mchu dang/ 'gram pa dang/ mig dang/ rna ba'i rtsa ba dang/ spyi bo dang/ gsang bI yan lag mchog rnams dgu'o/ /de rnams la yang ngo la ni mar brtsi ste mar po la ni yang brtsi bar bya'o/ /de ltar 'dod pa'i gtsug lag brgyad brgyad la gsungs pa/ nu ma lag rtse mgrin pa dang/ /ma mchu de bzhin 'bram pa mig / sna rtsa spyi bo yan lag mchog /de dag kun la gdud byed pas/ /nam zla yar chos mar yar ni/ /zla ba mar tshes log par bshad ces so/ /yang lhag pa'i byang chub sems kyi gnas bco lnga la/ sgra yig bcu drug du bsgom pa'i bstan pa/ dpral ba la gnas rkang mthil bar shes pa ste/ mthe bong rtsa la yi ge a/ /rje dar la A dang/ brla gnyis la ai dang/ gsang ba la a'i dang/ lte ba la au dang/ gsus pa la a'u dang/ nu ma la ri dang/ lag pa la rI dang/ mgrin pa la li dang/ ma mchu la lI dang/ 'gram pa la e dang/ mig gnyis la ai dang/ rna ba'i rtsa la ao dang/ spyi bor aau dang/ lus kun la aM alag brgyad brgyad las gsungs pa/ mthe bo rtser ni yi ge a/ /rje dar gnyis la de bzhin A/ brla gnyis la ni yi ge ai/ yi ge a'i ni gsang ba rten/ lte ba'i rtsa la yi ge au/ /de bzhin gsus par yi ge a'u/ /nu ma'i rtse la yi ge ri/ /yi ge rI? ni lag par gnas/ /mgrin pa kho nar yi ge li/ de bzhin ma mchur yi ge lI/ /'gram pa'i phyogs su yi ge e/ /de bzhin ai ni mig gnyis la/ /rna ba'i rtsa ra ni yi ge ao/ /yi ge aau ni spyi bor gnas/ a M ala dang la 'dus pa'i don to/ /lte ba'i dbus su rnam par gnas ces pa ni snying gi pad+ma las babs te/ lte ba'i pad+mar gnas pa'o/ /de ltar d+hos kyi dbyings skye ba'i khungs bsnyan nas/ dang po ji ltar 'ong ba yin zhes pa'i lan gsungs pa la/ re zhig gong du bsgoms pa'i yi ge swas bstan pa/ cha shas lnga ba can yin te zhes pa ste/ yi ge k+ShUM yan lag lnga dang ldan pa'i phyir ro/ /'di lta ste/ thig le dang/ zla chos dang/ ka dang/ Sha dang/ zhabs skyed ring po au rnams lnga'o/ /don de bstan pa bcu gnyis kyi ni tham la zhes pa ste/ ma ning gi yi ge ri rI dang/ li lI bzhag pa'i sgra yig a A la sogs pa'i bcu gnyis kyi tha ma ni ka'o/ /cha shas drug pas mtshan pas nyid ces pa ni ya la sogs pa drug pas mtshan pa ste/ yi ge Sha'o/ /da ro zhes pa ni zhabs bskyed au'o/ /thig le rgyan byed pa zhes pa ni steng gi zla tshes dang thig le'o/ /rdo rje kho nas phyung nas su zhes pa ni gsang ba'i rdo rje lam nas lhag pa'i byang chub sems yi ge k+ShUM gi ngo bo 'phro ba bsgom pa'o/ /da ni de bzhin phyir 'gro ji ltar lags zhes pa'i lan gsungs pa/ sa bon skye gnas zhes pa la sogs pa ste/ de la sa bon zhes pa ni yi ge k+ShUM ste/ khams gsum gyi rgyu yin pa'i phyir ro/ /skye gnas dbus bzhag ste/ zhes pa gsang ba'i pad+ma'i nang du phab pa'o/ /chos kyi dbyings ni bzhu bar byed ces pa ni yi ge k+ShUM chos thams cad kyi rgyu lhag pa'i byang chub kyi sems kyi ngo bo'i chu'i khams su gyur pa'o/ /da ni yan lag med pa gang de ni zhes pa nas khams rnams su ni 'jug pa 'ang zhes pa'i bar gyi lan gsungs pa/ de ni rim par zhes pa la sogs pa ste/ de la de ni zhes pa ni yan lag med pa'i chos kyi dbyings so/ /rim par bskyed byas nas zhes pa ni mer mer po dang/ nur nur bo dang/ ltar ltar po dang/ mkhrad 'gyur dang/ rkang lag 'dus pa mngal gyi rim pa ldas ming dang gzugs su gyur pa'o/ /don de gsungs pa sgo dgu la ni kun tu 'gro zhes pa ste/ spyi bo tshangs pa'i bu ga dang/ mig dang/ rna ba dang/ sna dang/ kha dang snying ga dang/ lte ba dang/ gsang ba dang/ chu ming gi bu ga rnams dgu'o/ /de rnams la byang chub kyi sems khyab par gyur to zhes pa'i tha tshig go /de las kyang 'gro ba'i don gsungs pa/ khyab cing khyab nas 'gro kun la/ /mi g.yo la sogs g.yo dang bcas zhes te/ go rim du 'gro ba kun la ni khyab cing mi g.yo ba la sogs pa ni khyab la gnas par gyur to/ /zhes pa'i tha tshig go /de la 'gro kun zhes pa ni dus gsum dang khams gsum gyi bcud kyi 'jig rten 'gro ba ris lnga ste/ 'di nas gzhan dang gzhan du bskyed pa'i phyir ro/ /mi g.yo zhes pa ni ri rab la sogs pa snod kyi 'jig rten no/ /sogs pa'i sgras ni gzhal yas khang la sogs pa'o/ /g.yo dang bcas shes pa ni bar snang la lding ba'i gzhal yas khang ngo/ /don de kho na gsal bar byed pas gsungs pa/ tshangs sogs lha dang lha min gyi/ /bzhi ni de las gyur pa'o zhes te/ de la tshangs pa zhes pa ni 'dod pa'i nyon mongs pa zhi ba'i phyir ro/ /rnam pa gcig tu mu stegs pa'i gzhung gis/ /tshangs pa zhes pa ni bden pa dang/ dka' thub dang/ dbang po dul ba la 'dod do/ /bya ka ra Na'i sgra las ni tshangs pa zhes pa ni sa 'og ma'i tshe dang byang gzugs dang longs spyod la sogs pa 'phel bar byed pa la 'dod do/ /sogs zhes pa'i sgras ni khyab 'jug dang/ dbang phyug chen po dang/ brgya byin dang/ nyi ma dang/ zla ba la sogs pa'o/ /yang na sogs pa'i sgras ni rgyal chen rigs bzhi nas 'og min gyi lha ris gzung par bya'o/ /tshangs pa la sogs pa yang de lha yang de bas tshangs sogs lha zhes pa ste/ rang gi 'od la longs spyod pa'i phyir ro/ /lha min zhes ? ni lha'i ris las snang? pha ri rab kyi khong pa dang bar snang la gnas pa gza' rA hu la las sogs pa ste/ rin po che'i 'od de la longs spyod pa'i phyir ro/ /lha dang lha min de dag chos kyi dbyings de kho na las skyes pas na gzhi ni de las gyur pa'o zhes sa/ /gang las gtso bo skyed byed pa zhes pa ni gzugs dang gzugs med pa gang du yang chos kyi dbyings las 'phro ba yin no zhes pa'i tha tshig ste/ chos thams cad kyi sa bon gtsor gyur pa'i phyir ro/ /sa dang nam mkha' i ngo bo yang chos kyi dbyings yin ba bstan pas dang nam mkha' zhes pa ni de zhes gsungs zhes pa ste de las zhes pa ni dbyibs dang/ kha dog la mtshon pa'o/ /de yang sa 'og sa bla sa steng gsum ste/ de las 'og ni 'dzam bu gling man chad dmyal ba yan chad do/ /sa bla ni nyi mas gar khyab pa'o/ /sa steng ni ri rab kyi rtse mo'o/ /nam mkha' zhes pa ni mi sgrib pa go 'byed pa'o/ /de zhes gsungs zhes pa ni chos kyi dbyings las 'phro zhes pa'i tha tshig go /ma rig bag chags zhes pa nas/ ji ltar dngos su 'dus pa lags zhes pa'i bar gyi tshig gi lan gsungs pa/ ji snyed lus la gnas pa'i bar zhes pa la sogs pa ste/ de la ji snyed ces pa ni lus kyi tshad mtshon pa'o/ /lus zhes pa ni gzugs kyi phung po'o/ /gnas pa'i zhes pa ni ming bzhi'i phung por gyur pa'o/ /bar zhes pa ni dus kyi tshad do/ /de yis zhes pa ni chos kyi dbyings la gzung ngo/ /las dang zhes pa ni lus ngag yid kyi dge ba'i las te/ 'jig rten du bsngags pa'i phyir ro/ /las min zhes pa ni lus ngag yid kyi las mi dge ba kho na ste/ 'jig rten pas smad pa'i phyir ro/ /de gnyis la 'jug pas na/ byed pa'o de ltar yang mtshan yang dag par brjod pa'i rnam par bshad pa las gsungs pa/ skye ba'i dge ba 'ba' zhig med ces ba'o/ /don ni 'di lta ste/ ji snyed chos kyi dbyings lus la gnas pa de snyed kyi bar dge ba'i las sna tshogs pa byed par 'gyur ro zhes pa'i tha tshig go / de snyed kyi sgra med na yang don gyis 'brel par shes par bya ste/ /gang dang de ni rtag tu zhes 'brel zhes sgra las gsungs pa'i phyir ro/ /don de kho na gsal bar mdzad pa/ bcom ldan 'das nyid kyis yang gsungs pa/ dge dang mi dge bsam pa kun/ /bya ba'i las kun byed pa yin zhes pa ste/ de la dge dang zhes pa ni 'dod chags dang/ zhe sdang dang/ gti mug med pa/ lus ngag gi las srog gcod pa la sogs pa med pa lus ngag gi las bcu ni 'jig rten pa'i dmad pa las 'das pa'i phyir ro/ /yang na dge dang zhes pa ni rtsa ku sha bzhin du rno ba'i shes rab bsten par byed pa'i phyir ro/ /mi dge zhes pa ni 'dod chags dang/ zhe sdang dang/ gti mug dang ldan ba'i lus ngag yid kyi las srog gcod pa la sogs pa lus ngag gi las te/ 'jig rten gyis dmar pa la 'jug pa'i phyir ro/ /yang mi dge zhes pa ni ma rig pa'i sbyin pa'i phyir ro/ /de gnyis la rnam par rtog pa ni/ bsam pa yang zhes pa ste/ sems kyi las gtsor gyur pa'i phyir ro/ /de ltar chos mngon pa mdzod las gsungs pa bsam pa yid kyi las yin te/ /de skyed ngag dang lus gyi las zhes so/ /de ltar dge ba dang mi dge ba'i las byed pas na/ bya ba'i las kun zhes pa ste/ de la kun zhes pa'i sgras ni lung du ma bstan pa'i las la shes par bya'o/ / de bas na can? nas nyon mongs pa dang/ rnam par byang ba'i chos dang/ dge ba dang mi dge ba'i chos kun chos kyi dbyings las 'phros pa yin par shes par bya'o/ /dngos po med la shes pa nas/ /dmigs pa dang bcas ji ltar lags/ /zhes pa'i bar gyi tshig gi lan gsungs pa/ sbyor ba rtag tu de gsungs te zhes pa la sogs pa ste/ de la sbyor ba rtag tu de gsungs te zhes pa ni/ gong gi chos kyi dbyings kyi rang bzhin phra mo'i ting nge 'dzin dang/ thig le'i ting nge 'dzin dang rtag tu sbyor ba'o/ /de ltar sbyor bas thabs dang shes rab kyi gsang ba'i mchod pa ni/ mchod pa bsgom par gyur pa yin zhes so/ /don ni 'di lta ste/ rnal 'byor dang/ rnal 'byor mas le'u bzhi pa'i lus kyi dkyil 'khor gyi lha bsgoms te/ phra mo'i ting nge 'dzin dang/ thig le'i ting nge 'dzin bsgoms nas/ thabs dang shes rab rol pa'i gsang ba'o mchod pas de bzhin gshegs pa mnyes par bya'o/ /de ltar bsgoms pas cir 'gyur zhe na/ de'i 'bras bu gsungs pa/ gang tshe las gyi lus zhig na zhes pa la sogs pa ste/ de la gang che zhes pa ni shi ba'i dus mtshon pa'o/ /las kyi lus zhes pa ni lus kyi dkyil 'khor bsgoms pa'i dag pa'i bag chags dang ldan pa'i phung pa'o/ /de gnas gyur pa ni lus zhig na zhes pa ste/ 'chi 'go ba'o/ /de che zhes pa ni gang che dang 'brel pa'o/ /de'i rang mthu yis zhes pa ni rnal 'byor pa'i bsgom pa'i byin gyis rlabs kyis de 'dra'i lus su zhes pa ni lus kyi dkyil 'khor gyi bdag nyid de rnal 'byor pas thob par 'gyur te/ zhes pa ni ? gnas pa'i mya ngan las 'das pa mngon du gyur pa ste/ skye ba dang 'jigs pa tha snyad tsam gyi phyir ro/ /de ltar yang klu sgrub zhabs kyis dbu ma las gsungs pa/ gnas pa skye ba shi ba yod med dman pa mnyam pa khyad par ni / 'jig rten tha snyad dbang gis gsung gi de bzhin nyid dbang gis ma yin zhes so/ /da bas na chos kyi dbyibs gang gis g.yo dang mi g.yo khyab par ni/ nam mkha' mnyam pa nyid 'dra ba/ /tha snyad la ni yod la don dam pa ba ni med pa kun nas kun tu khyab pa bzhin du/ chos kyi dbyings de ni gnas pa snang ba/ rnal 'byor pas shes par bya'o/ /de ltar sa bcu pa las gsungs pa/ rgyal ba'i sras khams gsum ni sems tsam yin zhes smras pa'o/ /da ni de ltar bsgom pa'i rnal 'byor pa'i yon tan gsungs pa/ bcu gnyis mdza' i tshig gi don zhes pa la sogs pa ste/ de la bcu gnyis mdza' i tshig don zhes pa ni yi ge k+ShUM ngo/ /rnal 'byor pa gang gis rtag tu rgyun mi 'chad par gong gi rim pas yi ge k+ShUM bsgom byas na rnal 'byor pa des ni mchog gi dngos grub mi gnas pa'i/ mya ngan las 'das pa bsod nams dang ye shes kyi tshogs kyis rgyas pa'i/ rdo rje 'dzin par ni sgrub pa po bdag nyid kyi/ bsgoms pa'i stobs kyis 'gyur zhes so/ /de ltar yang dpal mchog dang po'i rgyud las gsungs pa/ kun tu bzang po'i ye shes ni/ /rang nyid kho nas thob pa'o zhes so/ /de la rdo rje 'dzin pa zhes pa ni rdo rje sems dpa' ste/ rdo rje phyag tu ldan pa'i phyir ro/ /gnod sbyin dang/ byang chub sems dpa' rdo rje 'dzin pa ni ma yin pa'o/ /rnal 'byor pas bsgom pa'i yig 'bru de la yang don dam par rang bzhin med/ /stong pa nyid kyi don bstan pa so dang mchu dang zhes pa la sogs pa ste/ de la sodang mchu dang rkang dang lce zhes pa ni go sla'o/ / de dag 'dus nas byung ba'i yig 'bru'i sgra ni/ gul nas gang la yod pa ni zhes pa'o/ /de'i phyir gang la de ni yig 'bru nyid ces te/ /yig 'bru'i ngo bo med de/ /zhes pa'i tha tshig go /de ci'i phyir zhe na/ de ni zad dang gnas phyir ro// zhes pa ste/ yig 'bru k+ShUM de ni rang bzhin mi rtag par gnas pa'o/ /'di lta ste/ ka brjod tsam na Sha med Sha brjod tsam na ka thal te 'gro'o/ /de bzhin du zhabs skyed brjod tsam na ka dang Sha thal te 'gro bas thig le ma byung thig le brjod tsam na gong ma thal lo/ /de ltar mi rtogs pa ni stong pa'o/ /de ltar yang byang chub sems 'grel las klu sgrub zhabs kyis gsungs pa/ mi rtog pa yis sems kyi ni/ /stong pa nyid du mi 'gal lo zhes so/ /'o na yig 'bru'i rang bzhin byang chub sems ci 'dra ba 'dod ce na/ gsungs pa/ brjod pa med cing the tshom pa zhes pa la sogs pa ste/ de la brjod pa med cing zhes pa ni ming dang gzugs kyi ngo bo med pa'i phyir ro/ /de ltar yang gsang ba 'dus pa'i rgyud phyi ma las gsungs pa/ brjod du med pa'i bdag nyid chos ming dang gzugs blo'i ngo bo med ces so/ /the tshom pa zhes pa ni dngos po yod pa yang ma yin med pa yang min/ nam mkha' 'dra bar ro mnyam pa/ /sdug bsngal med med pa'i rang bzhin can/ /'byung ba med pa sku'i bstod pa las gsungs pa/ gang zhig gcig min du ma yin/ /bdag gzhan phan cher bkra shis rten/ /dngos po yod min med pa 'ang min/ /nam mkha' 'dra bar ro mnyam pa/ /sdug bsngal med med pa'i rang bzhin can/ /'byung ba med pa nyid med pa/ /zhi ba mnyam nyid mnyam pas na/ /khyab cing spros med dpe med pa'i/ /so so rang rig rgyal ba yi/ /chos sku ding 'dir bdag phyag 'tshal zhes so/ /de ltar yang rin po che phreng ba las gsungs pa/ dngos med mya ngan las 'das min/ /dngos nyid de ni gang la yin/ /dngos dang dngos med mchog 'dzin pa/ /zad pa mya ngan 'das par gsungs zhes so/ /sgra yig rnam par spangs pa ni zhes ni a la sogs pa'i bcu drug gi ngo bo ma yin pa'i phyir ro/ /rang gi phyi nang zhes pa ni phyi nang gi skye mched bcu gnyis kyis ngo bor gnas pa'o/ /de bzhin nyid ces pa ni 'gyur ba med pa'o/ /de 'dra ba'i mtshan nyid ni byang chub sems ni rgyud 'dir gsungs so/ /zhes 'dod pa'o/ /lha mo bzhis yongs su zhus pa zhes pa ? rgyud kyi spyi'i mtshan go sla'o/ /las zhes pa ni de'i nang du yang lha mo spyan ma yongs su zhus pa zhes pa ste/ /spyan mas gtsor sdud pa po byas pa'i phyir ro/ /le'u zhes pa ni rim par phye ba'o/ /dang po zhes pa ni gnyis pa'i gong ma'o/ /lha mo bzhis yongs su zhus pa'i le'u dang po'i rnam par bshad pa'o/ / //da ni le'u gnyis pa la chos kyi dbyings byang chub sems kyi rim pa mA ma kIs zhus pa/ de nas lha mo mA ma kIs zhes pa la sogs pa ste/ de la de nas zhes pa ni le'u dang po dang gnyis pa'i mgo 'jug sprel ba'i tshig go / lha mo zhes pa ni bshad zin to/ /lha mo yang de mA ma kI yang de nyid pas lha mo mA ma kIs zhes pa ste/ sangs rgyas thams cad kyi yum zhes bya ba'o/ /rdo rje can zhes pa ni rdo rje sems dpa' ste/ phyag na rdo rje dang ldan pa'i phyir ro/ /la zhes pa ni zhus pa'i gnas bstan pa'o/ /'di zhes pa ni 'og nas 'byung ba'i zhus tshig go /zhus te zhes pa ni zhu ba'i rim pa lnga gong du bshad zin to/ /byang chub sems zhes pa ni chos kyi dbyings so/ /de'i rim pa ni/ byang chub sems kyi rim pa'o/ /zhes pa ste/ 'og tu 'byung ba'i gnas dang/ kha dog gi rim par bskyed pa dang/ 'dor bsdus pa'i rim pa'o/ /ba snying lte ba gsang ba la/ /'gro dang phyir 'ong bstan pa ni zhes pa ste go sla'o/ /rdo rje chen pos zhes pa ni stong pa rdo rje sems dpa' ste/ /kun tu khyab pa'i rang bzhin nyid kyi phyir ro/ /bka' stsal 'tshal zhes pa ni bshad zin to/ /cha shas rnam pa du zhig gsungs zhes pa ni byang chub kyi sems yan lag gi sgo nas zhus pa'o/ /gnas kyi rnam pa bsgyur ba du zhes pa ni chos kyi dbyings kyi byang chub sems kyi gnas zhus pa'o/ /kha dog rnam pa du zhig gsungs zhes pa ni chos kyi dbyings byang chub sems kyi kha dog gi rim pa zhus pa'o/ /de bzhin gang na yang ji ltar 'tshal zhes pa ni/ chos kyi dbyings byang chub sems kyi gdan zhus pa'o/ /da ni ston pas lan gsungs pa/ rdo rje can gyis bka' stsal pa zhes pa ste/ gong du bshang zin to/ /cha shas rnam pa du shig gsungs zhes pa'i lan gsungs pa/ cha shas bzhi dang mnyam ldan zhing zhes pas te/ yi ge kA dang yi ge aoM dang/ yi ge hUM dang/ yi ge a rnams kyi cha bzhi dang ldan pa'i phyir ro/ / gnas kyi rnam pa bsgyur ba du zhes pa'i lan gsungs pa/ pad+ma bzhi la yang dag gnas zhes pa ste/ kha'i pad+ma dang/ snying gi pad+ma dang/ lte ba'i pad+ma dang/ gsang ba'i pada'o/ /kha dog rnam pa du zhig gsungs/ /de bzhin gdan yang ji ltar 'tshal/ zhes pa'i lan gsungs pa/ snying gi pad+ma la gnas gnag ces pa la sogs pa ste/ de la snying gi pad+ma la gnas gnag ces pa ni/ chos kyi dbyings yi ge aoM gyi gzugs su kha dog gnag par gnas pa'o/ /kha yi pad+ma la gnas dkar zhes pa ste/ chos kyi dbyings kyi kA'i gzugs su mdog dkar bar gnas pa'o/ /da ro lte ba'i pad+mar gnas zhes pa ni chos kyi dbyings kyi yi ge hUM gi gzugs kha dog dmar bar gnas pa'o/ /gsang ba'i pad+mar ? mdza' zhes pa ni/ chos kyi dbyings kyi yi ge'i a'i gzugs su kha dog ser bar gnas pa'o/ /de lta bu'i rim pas stabs kyis mdza' ru 'gro byed nas zhes pa ste/ chags pa'i dus su 'jig rten kun bskyed par byas nas/ 'jig pa'i dus su yang thig le'i dbyings su chos kyi dbyings byang chub sems/ thig le'i sbyor ba rab tu gnas zhes pa'o/ /de lta bu'i rim pas bskyed pa'i don te gsal por gsungs pa/ bsnom? byed pa dang thos byed bar zhes pa la sogs pa ste/ de la bsnom byed ces pa ni sna'i rnam par shes pas dril byed pa'o/ /de bzhin du thos byed la sogs pa yang shes pa ni go sla'o/ /byed pa zhes pa ni/ shing la sogs pa gnyis gyis ? bskur pa gdab par mi ba ste mdo sde gzhan du rim par shes par bya'o/ /de la bde ba zhes pa ni sim pa'o/ /bde ba ma yin sdug bsngal zhes pa ni sim pa ma yin pa'o/ /de gnyis dbang po dang yul dang rnam par shes pa gsum 'dus pa las myong pa ni tshor ba'o/ /tshor ba de yang chos kyi dbyings kyis byed pas na tshor byed ces so/ /de ltar shes rab kyi pha rol tu phyin pa la sogs pa nas/ mig gi 'dus te reg pas tshor ba dang/ zhes ba la sogs ba'o/ /gang las zhes pa ni go sla'o/ /byed pa zhes pa ni/ shing la sogs pa gnyis su gyur pa'o/ /gcod pa zhes pa ni/ sta re la sogs pa'o/ /de kho nas zhes pa ni de dag kyang chos kyi dbyings kyis byed do zhes pa'i tha tshig go /cho ga rnam pa mang pos shes zhes pa ni de las gzhan 'jig rten gyi gtsug lag thams cad do/ /rgyal po'i rigs su gyur pa la sogs pa'i ris kyang chos kyi dbyings las gzhan med pa'i don bstan pa/ rgyal po'i don yang byed 'gyur dang/ zhes pa la sogs pa ste/ de la rgyal po zhes pa ni rnam pa gnyis te/ 'khor los sgyur ba'i rgyal po dang/ mkhar gyi rgyal po'o/ /de gnyis rgyal bar byed pa ni/ rgyal po'i don yang byed 'gyur/ zhes pa'o/ /'di lta ste/ 'khor lo sgyur ba'i rgyal po bzhi la/ gsang gyi 'khor los bsgyur ba'i rgyal pos ni/ gling gzhi mkhar gyi rgyal po la sogs pa tshur 'ong nas mnga' dbul te rgyal po'o/ /dngul gyi 'khor los sgyur ba'i rgyal pos ni/ byang sgyu mi snyan ma gtogs ba gling gsum la phar 'gro ste/ 'dul nas rgyal po'o// zangs kyis 'khor los sgyur ba'i rgyal pos ni/ sgra mi snyan dang/ lus 'phags ma gtogs pa gling gnyis la phar 'gro ste/ g.yul bshams nas 'dul nas rgyal po'o/ /lcags kyi 'khor los sgyur ba'i rgyal po ni/ sgra mi snyan dang/ lus 'phags po dang/ ba lang spyod gsum ma gtogs pa 'dzam bu gling gcig la phar 'gro ste/ thabs nas 'dul nas rgyal po'o/ /de ltar yang chos mngon pa mdzod las gsungs pa/ gser dngul zangs lcags 'khor lo can/ /de dag gling gcig gling gnyis dang/ gsum dang bzhi lams rim bzhin/ /lhan cig gnyis min sangs rgyas bzhin/ /phas bsu rang 'gro g.yul bshams dang/ mtshon bcams? pas rgyal gnod pa med/ /ces pa'o/ /mkhar gyi rgyal po rnams ni/ dmag gi dpung gi stobs kyis pha rol la gnon pa byas te/ 'dul nas rgyal po'o/ /de rnams kyang chos kyi dbyings kyi rang bzhin las gzhan med pa'i don to/ /yang zhes pa'i sgra ni/ don gzhan snyeg pa'o/ /dbang phyug don yang/ de bzhin du zhes pa ni shing sA la lta bu phyug pa'i khyim bdag gi longs spyod byed pa yang chos kyi dbyings kyi rang bzhin yin pa'o/ /de bas na gzhan yang bran du gyur pa'i sems can dang sdug bsngal ba'i sems can yang chos kyi dbyings byang chub sems kyi rang bzhin kho na don gyis shes par bya ste/ chos kun gnyis su med pa'i phyir ro/ /de ltar yang gsang chen thams cad rgyud las gsungs pa/ chos bdag med pa las byung ba/ /gnyis su med pa'i ye shes mchog / chos nyid dam pa ye shes ni/ /chos kyi dbyings zhes bya ba'o/ /zhes pa'o/ /bram ze zhes pa ni/ bskal pa dad po na dgon pa bsnyag cing khyim spangs te/ bram ze ba'i phyir ro/ /rgyal po zhes pa ni bskal pa dang po na rkun mtshor gcod pa'i don du 'bras sa lu'i zhing bsrung ba'i srung mar bskos pa'o/ /rje'u rigs dang? zhes pa ni/ bskal pa dang por phyugs la brten pa'i phyir ro/ /dmad rigs zhes pa ni bskal pa dang por zhing la brten cing gnas pa'o/ /smad zhes pa ni/ rigs ni lnga ste/ rigs mig can dang/ nya las pa dang/ gdol pa dang/ mda' mkhan dang/ btso lag mkhan rnams te/ spang pa'i las la 'jug pa'i phyir ro/ /de dag dang po gzung nas brgyud pa'i rim pa ni rigs rnams dang zhes pa'o/ / de ltar yang gsang ba 'dus pa'i rgyud phyi ma las gsungs pa/ rigs ni brgyud mar bstan pa ste/ rgyud ni thog ma zhes bya'o zhes so/ /bud med du ma sprul par byed ces pa ni bskal pa dang po kho na la/ 'od gsal gyi lha babs pa/ pho 'ba' zhig dang zhes pa ni/ gzugs kyi khams bsam gdan bzhi? lha ste/ gzugs kyi khams la chags nas skye ba'i phyir ro/ /de la bsam gtan dang po'i gnas gsum ste/ tshangs ris dang/ tshangs pa 'dun na 'don dang/ tshangs pa chen po'o bsam gtan gnyis pa la yang gnas gsum ste/ 'od chung dang/ tshad med 'od dang/ 'od gsal lo/ /bsam gtan gsum pa la gsum ste/ dge chung dang/ tshad med dge dang/ dge rgyas so/ /bsam gtan bzhi pa ni gnas brgyad de/ sprin med dang/ bsod nams skyes dang/ 'bras bu che ba dang/ de la gtogs pa gnas gtsang ma lnga ste/ mi che ba dang/ mi gdung ba dang/ gya nom snang ba dang/ shin tu mthong ba dang/ 'og min te gnas bcu bdun no/ /de ltar yang chos mngon pa mdzod las gsungs pa/ gong ma'i gnas dge bcu bdun ni/ /gzugs khams yin te so so'i/ /bsam gtan sa ni gsum pa yang/ /bzhi pa sa ni brgyad pa yin zhes pa'o/ /gzugs med dang zhes pa ni/ bzhugs? med pa'i khams kyi sems can bzhi ste/ gnas ni med pa gzugsmed pa'i khams la chags nas skye ba'i phyir ro/ /'di lta ste/ nam mkha' mdza' yas skye mched dang/ rnam shes mdza' yas skye mched dang / ci yang med pa'i skye mched dang/ yod min med min skye mched bzhi'o/ /de ltar yang chos mngon pa mdzod las gsungs pa/ gzugs med khams na gnas med do/ /skye ba las ni rnam par ni? zhes pa'o/ /de bzhin 'dod pa'i phyir rnams las zhes pa ni/ 'dod khams gnas ris nyi shu ste/ 'dod pa la chags nas skye ba'i phyir ro/ /'di lta ste/ dmyal ba ched po brgyad de/ yang sos dang/ thig nag dang/ bsdus 'joms dang/ ? du 'dod chen po dang/ tsha ba dang/ rab tu tsha ba dang/ mnar med pa dang/ yi dags dang/ byol song dang/ 'dzam bu'i gling dang/ lus 'phags pa dang/ ba lang spyod dang/ sgra mi snyan dang/ rgyal chen ris bzhi dang/ sum cu rtsa gsum pa dang/ 'thab bral dang/ dga' ldan dang/ 'phrul? dpa' dang/ gzhan 'phrul dbang byed rnams nyi shu'o/ /de ltar yang chos mngon pa mdzod las gsungs pa/ dmyal ba yi dags dud 'gro dang/ /mi rnams dang ni lha drug dag /'dod pa'i khams yin dmyal ba dang/ /gling dbye ba la de nyi shu zhes so/ /'byung ba thams cad ces pa ni sa dang/ chu dang/ me dang/ rlung rnams so/ /de dag kyang chos kyi dbyings las skye ba'i phyir na skyed byed pa zhes so/ /de kho na nyid ces pa ni/ chos kyi dbyings so/ /de stong gsum gyi stong chen po'i 'jig rte gyi khams su gyur pa ni/ de kho na nyid rdzu 'phrul gnas zhes pa ste/ gcig las du mar gyur pa'i phyir ro/ /mo gzugs dang ni zhes pa ni skad phra ba dang/ nu ma che ba dang/ mo'i dbang po rnams kyis mtshan pa'o/ /po'i gzugs zhes pa ni ? skad dang/ kha spu dang/ pho'i dbang pos mtshan pa'o/ /de gnyis kyi 'khrig pa'i 'dod pa'i bde ba ngo bor yang chos kyi dbyings byang chub sems gnas pas na/ bde ba chen po'i go 'phang gnas zhes so/ /de ltar zhes pa ni gong du bstan pa'i don la snyeg pa'o/ /de bzhin nyid zhes pa ni 'gyur ba med cing kun tu khyab pa'o/ /shes pa zhes pa ni rtogs nas dam pa'i yi ge 'bru mya ngan las 'das pa'i ngo bo k+Sha aoM hUM Ayig 'bru bshad zin to/ /ci 'dra ba yin zhe na khyad par gsungs pa/ gang des bdag nyid kun gnas pa zhes pa de bcud dang snod kyi rang bzhin du gyur pa'i phyir ro/ /gong du bstan pa'i yig 'bru'i kha dog gi 'phro bstan pa/ kha dog med cing kha dog dmar zhes pa la sogs pa ste/ de la kha dog med cing zhes pa ni nag po ste/ dkar po la sogs pa'i kha dog med pa'i kha dog dmar zhes pa la sogs pa ste go sla'o/ /thig le'i gzugs su bsgyur ba de zhes pa na / yig 'bru de dag tsan ka'i tshad kyi thig le'i dbus su gnas pa'o/ /'gro dang phyir 'ong rnam par bstan zhes pa ni pad+ma rnam pa bzhi las phyir 'gro ba la/ khams gsum du khyab cing phyir bsdu ba'i don do/ don de kho na gsal por bstan pa/ gang de rig brdzu 'phrul che/ mdza' yas bcas pa sna tshogs gzugs zhes pa ste/ gang chos kyi dbyings re rig pa rdzu 'phrul che zhes pa ste/ gcig las du ma'i las byed pa'i phyir ro/ /mdza' yas bcas pa zhes pa ni gang+gA klung gi bye ma snyed kyi 'jig rten grangs med par gyur ba'o/ /mdza' yas bcas pa yang de/ sna tshogs gzugs kyang de bas mdza' yas bcas pa sna tshogs gzugs zhes pa ste/ sems can gyi las kyi dbang gis bcud sna tshogs pa'o/ /'di lta ste/ bcud kyi 'jig rten 'gro ba'i rigs lnga'i nang na che ba dang/ chung ba dang/ bzang ba dang/ ngan pa dang/ phra ba dang/ spom ba dang/ dge ba dang/ mi dge ba dang/ pho dang/ mo dang/ bde ba dang/ mi bde ba la sogs pa sna tshogs pa'o/ /snod kyi 'jig rten la ni dkar po dang/ ser po dang/ dmar po dang/ nag po dang/ thung du dang/ ring po dang/ zlum po dang/ phya leb dang/ bya le ba ma yin pa dang/ rdul dang/ ri rab la sogs pa sna tshogs pa'o/ /chos mngon pa mdzod las gsungs pa/ la las 'jig rten sna tshogs skye zhes pa'o/ /de ltar khams gsum du khyab pa'i byang chub kyi sems chos kyi dbyings dang po skye ba dang/ 'jig pa'i dus su bsdu ba'i don yang gsal por byed pas gsungs pa/ skye dang bsdus na zhes pa la sogs pa ste/ de la skye ba dang zhes pa ni snod dang bcud chags pa'o/ /'di lta ste/ chags pa'i bskal pa la nam mkha' la sems can gyi las kyi dbang gis rlung gi dkyil 'khor dang/ chu'i dkyil 'khor dang/ dbang chen gyi dkyil 'khor dang/ ri bdun dang/ ri rab dang/ sum cu rtsa gsum nas bsam gtan gsum pa'i bar du mas bar gyi bskal pa gcig gi bar du skye/ bcud ni bsam gtan bzhi pa'i lha rnams gzhal yas khang? dang bcas par skye ste/ de las mar babs pa mnar med pa'i dmyal ba na gcig skyes pa'i bar dang/ par gyi bskal pa bcu dgu'i dus tshod do/ /bsdus na 'jig pa la zhes pa ni 'jig ba'i bskal pa ni 'jig pa'i 'jig rten mnar med pI dmyal ? dmyal ba mi skye ste/ 'jig rten gzhan gyi dmyal ba na skyer song ba dang po gzung nas/ yang 'phro ste/ bsam gtan bzhi pa'i lha gzhal yas khang dang bcas par mi snang ba'i bar gyi bskal pa bcu dgung ro/ /snod 'jig pa ni mes 'jig pa'i dus su mnar med pa'i dmyal ba nas bsam gtan dang po'i bar du 'jigs pa dang/ chus 'jig pa'i dus su bsam gtan gnyis pa'i bar du 'jig pa dang/ rlung gis 'jig pa'i dus su bsam gtan gsum pa'i bar du 'jig go /de ltar 'jig rten skye ba dang/ 'jig pa'i dus su byang chub sems chos kyi dbyings yig 'bru can/ thig le'i gzugs su bsdus nas rab tu gnas so zhes so/ /da ni yon tan gsungs pa/ gang gis brgyad khri rtsa bzhi'i chos zhes pa la sogs pa ste/ de la gang zhig ces pa ni rnal 'byor pa 'am mkhas pa spyi la shes par bya'o/ /brgyad khri rtsa bzhi'i chos zhes pa ni/ sems can gyi nyon mongs pa brgyad khri rtsa bzhi'i gnyen po'o/ /lam gyi bden pa chos kyi phung po brgyad khri rtsa bzhi'i chos bstan pa'o/ /phrag de gcig nas gnyis su brtsis pa stong phrag brgya zhes pa ni 'bum phrag gcig go /de snang? chos kyi don shes na yang mkhas pa de yis chos kyi dbyings de nyid mi shes pa ste/ /rtogs pa ma yin no zhes pa'i tha tshig go / de bsan chos kyi dbyings de kho na nyid shes ma thag chos kyi phung po brgyad khri rtsa bzhi'i shes pa'i mkhas pa de dag kun kyang bla na med ba'i mya ngan las 'das pa'i 'bras bu med do ces pa'o/ /da ni gong gi cha shas kyis yin sgras bstan pa/ bcu gnyis lnga yi lnga pa yang zhes pa la sogs pa ste/ de la bcu gnyis zhes pa ni a las brtsis pa'i yi ge bcu gnyis kyi mdza' ma a'o/ /lnga'i zhes pa ni pa'i sde ste ka'i sde las brtsis pa ni bo'i sde'o/ /de'i lnga pa zhes pa ni/ pa las brtsis pa'i yi ge ma'o/ /des aoM gyi klang gor byas ma thag /aoM 'dod pa'o/ /brgyad kyi mdza' zhes pa ni yi ge ya las brtsis pa'i yi ge ha'o/ /'byung ba 'dus pa ni 'byung ba chen po bzhis bsgor ba'i ha'o/ /sgra yig dang po yi ge a zhes pa ni go sla'o/ /lnga pa yis ni zhes pa ni yi ge ma'o/ /des a la klang ker byas pa ni yang dag rgyan zhes pa ni yi ge aM mo/ /snying rje chen po las byung ba zhes pa ni yi ge ka'o/ /rgya gar gyi skad la ka ka ru zhes bya ba ni snying rje yin pa'i phyir ro/ /drug pa zhes pa ni ya las brtsis pa'i yi ge Sha'o/ /de'i yi ge ka la btags pa ni drug pas btags pa de zhes te/ yi ge k+Sha'o/ /kha mar lta zhes pa ni/ kha'i pad+mar mgo mar blta ba bsgom pa'o/ /yi ge 'bru de'i khyad par gsungs pa/ gdod ma tha ma med pa'i lha zhes pa ste/ de la gdod ma zhes pa ni skye ba'o/ /tha ma zhes pa ni 'jig pa'o/ /de gnyis med pa'i rang bzhin yig 'bru yin pas na gdod ma tha ma med ces pa ste/ mu stegs pa'i byed pa po ltar sngon du byas pa ma yin pa'i phyir dang/ /rdo rje lta bu don dam par 'jig pa med pa'i phyir ro/ /ci'i phyir zhe na/ gdong ma tha ma ni nam mkha' las 'byung ba'i mtshan ma tsam nyid kyi phyir ro/ /de ltar mnyam sbyor gyi rgyud phyi ma las gsungs pa/ nam mkha' las byung mtshan ma'i phyir/ /gdod ma tha ma med pa'i mchog ces pa'o/ /lha zhes pa ni yig 'bru de dag 'od zer dang ldan pa'i phyir dang/ rdo rje sems dpa' i rang bzhin nyid kyi phyir ro// der ni spyi bor bstan pa yin zhes pa ni yi ge k+Sha gong na gzhag pa'i tha tshig go / de dag ces pa ni/ yig 'bru bzhi po de dag chos kyi dbyings kyi rang bzhin yin pa'i phyir na gsang chen zhes te bshad zin to/ /dam pa ni zhes pa ni yig 'bru de dag de bzhin gshegs pa thams cad kyi ye shes kyi sku'i rang bzhin yin pa'i phyir ro/ /lha mo zhes pa ni mA ma kI ste/ /bod pa'i tshig /bdag gis pa ni ston pa rdo rje sems dpa' o/ /rab bstan no zhes pa ni byang chub sems chos kyi dbyings kyi rim pa bshad zin to/ /zhes pa'i tha tshig go /lha mo bzhis yongs su zhus pa'i las zhes pa ni gong ma dang mthun/ gnyis pa'o zhes pa ni dang po'i 'og ma'o/ /lha mo bzhis yongs su zhus pa'i le'u gnyis pa'i rnam par bshad pa'o// // da ni le'u gsum pa la/ chos kyi dbyings byang chub sems bsdu ba lha mo na bza' dkar mos zhus pa/ /de nas gos dkar moS zhes pa la sogs pa ste/ de la de nas zhes pa ni le'u gnyis pa dang gsum pa la mgo 'jug 'brel ba'i tshig go /lha mo zheS pa ni bshad zin to/ /de nas gos dkar mos zhes pa ni rgyud gzhan gyi nang nas sku mdog dkar ba'i phyir ro/ /yang na lha mo'i ni bza' kha dog dkar ba bsnams pa la btags pa'i mtshan te/ 'dul ba la gos dkar can gyi ste/ zhes pa btags pa bzhin no/ /yan lag kun gyis btud nas su zhes pa ni lus kun sa la brkyang nas phyag bya ste/ shin tu rab tu ston pa po bkur ba'i phyir ro/ /thal mo snyim par sbyar byas te zhes ni lan gsum bskor ba bya ba nas mdun du bus mo'i lha las la gtsugS te snying gar snyi mkha' i thal mo sbyar nas/ rdo rje sems dpa' la gsol ba zhes pa'o/ /zhu ba'i rim pa de ni lha mo gzhan la yang shes par bya'o/ /gsol ba'i chos? ni chos kyi dbyings kyi bsdu ba dang zhes pa nas/ thub pa chen pos bka' stsol mdzod bya ba'i don to/ /sgrub pa'i dus bstan pa/ tshes brgyad dang ni bcu bzhi la zhes pa ste go sla'o/ /ril bu rnams ni byas nas ni/ zhes pa ni gong du gsungs pa'i tshad dang ril bu dril ba'o/ /pad+ma'i snod zhes pa ni pand+ha'o/ / de la bka' nas ril bu bzhag byas te/ stong phrag brgyad ni bzla bar bya zhes pa ste/ aoM A:hUM stong phrag brgyad bzlas nas byin gyis brlab pa'o/ /mtshams bzhi la ni bsgom byas nas zhes pa ni snga dro dang nyin phyed dang/ phyi dro dang/ nam phyed la gong ma bzhin du sbyang ba dang/ dag pa'i bsgom pa'o/ /de ltar bsgoms zin ma thag tu dus bzhi la ril bu re re rgyun mi 'chang par bza' ba ni/ nyin dang mtshan du bza' bar bya zhes so/ /da ni de'i yon tan gsungs pa / de ni bskal pa'i tha mar yang zhes pa la sogs pa ste/ de la de ni zhes pa ni ri lu zos pa'i rnal 'byor pa'o/ /bskal pa'i tha mar yang zhes pa ni gangs med pa'i bskal pa mdza' yas pa'o/ /dngos grub rgyas par 'gro ba ste/ zhes pa ni ril bu la brten nas mi gnas pa'i? mya ngan las 'das par 'gro ba'o/ /gzi brjid ces pa ni 'od zer dang ldan pa'o/ /mdangs dang ces pa ni gser btso ma'i sku mdog tu gyur pa'o/ /stobs zhes pa ni sred med kyi bu'i stobs dang ldan pa'o/ /sred med kyi bu'i stobs ni 'di lta ste/ glang po che phal pa bcu'i stobs ni spos kyi glang po che'i stobs/ spos kyi glang po che bcu'i stobs ni gcer bu chen po'i stobs / gcer bu chen pa'i stobs bcu ni phung po'i stobs/ /phung po'i stobs bcu ni yan lag mchog gi stobs de bcun stobs mchog / de bcu ni sred med kyi bu'i stobs zhes bya'o/ /brtson 'grus zhes pa ni dge ba la brod pa'o/ /de yang gsum ste/ sbyor ba'i brtson 'grus dang/ go cha'i brtson 'grus dang/ mi 'god mi ldog chog par mi 'dzin pa'i brtson 'grus so/ /lnga pa la ni smon lam yang zhes pa ni sems can gyi don du sangs rgyas bar 'dod pa'o/ /de yang rnam pa gsum ste/ rang gi tshogs la rab tu 'brel pa'i smon lam dang/ sems can bye don la rab tu 'brel pa'i smon lam dang/ sangs rgyas kyi zhing yongs su dag par bye ba'i smon lam dang gsum mo/ /mngon par shes pa lnga zhes pa ni lha'i mig dang/ lha'o rna ba rang/ pha rol gyi sems shes pa dang/ ston gyi gnas rjes su dran pa dang/ 'chi 'pho dran pa'i shes pa dang/ rdzu 'phrul bya ba'i shes pa'o/ /de la lha'i mig dang rna ba ni kun rdzob kyi shes pa ste/ bsgribs pa dang/ bsrings pa dang/ phra ba thams cad spyod yul nyid kyi phyir ro/ /pha rol gyi sems zhes pa ni/ chos dang/ rjes su dang/ lam dang/ kun rdzob dang/ pha rol gyi sems shes pa rnams te/ bsten pa'i cho 'phrul chen po'i phyir ro/ /mngon gyi gnas dang 'chi 'pho rjes su dran pa'i shes pa ni kun rdzob kyi shes pa ste/ tshe sngon gyi ma rig pa dang cho phyi ma'i ma rig pa bzlog pa'i phyir ro/ /rdzu 'phrul bya ba'i shes pa ni kun rdzob kyi shes pa ste/ ting nge 'dzin gyi khyad par yin pa'i phyir ro/ /rdzu 'phrul de yang rnam pa gnyis te/ 'gro ba dang sprul pa'o/ /de la 'gro ba yang gsum ste phyin phyed dang/ mos pa las byung ba dang/ yid mgyogs pa'o/ /de gsum la de bzhin gshegs pa'i yid mgyogs pa ma gtogs pa 'dir gnyis thob bo/ /rdzu 'phrul ni gcig las du mar gyur pa dang/ dum las gcig du gyur pa lta bu ste/ 'dod khams la gtogs pa dang/ gzugs khams la gtogs pa gnyis so/ /thob pa zhes pa ni gong gi gzi brjid nas mngon par shes pa'i bar du yon tan mngon du gyur pa'o/ /de dag gang las mngon du gyur pa yin zhe na/ ril bu chen po zos phyir ro/ /zhes pa ste/ gong gi ril bu zos pa'i yon tan zhes pa'i tha tshig go /de bzhin rig pa'i sngags rnams kyang zhes pa'i lan btab pa/ rdzas kyi bsgrub pa zhes pa ni sogs pa ste/ rdzas kyi dngos grub ni bshad zin na/ kye bcom ldan 'das da ni rig pa'i sngags rnams bdag la stsol zhes zhus pa'o/ /bcom ldan 'das kyis rig pa'i sngags bstan pa/ e yig dang ni zhes pa lnga sogs pa ste/ de la e yig dang ni zhes pa ni yi ge raM las bskyed pa'i zur gsum pa me'i dkyil 'khor ro/ /baM yig dang zhes pa ni yi ge baM? las skyed pa'i zlum po chu'i dkyil 'khor ro/ /laM yig ces pa ni yi ge laM las bskyed pa dbang chen gyi dkyil 'khor gru bzhi'o/ / dbus su yang dag gnas zhes pa ni me'i dkyil 'khor gyi dbus su yi ge raM/ chu'i dkyil 'khor gyi dbus su yi ge raM/ dbang chen gyi dkyil 'khor gyi dbus su yi ge laM dgod pa'o/ /dang po mdog ni dmar po ste zhes pa ni me'i dkyil 'khor dang sa bon raM gyi kha dog go / gnyis pa yi ni mdog dkar ba zhes pa ni chu'i dkyil 'khor dang sa bon baM gi kha dog go /gsum pa kha dog ser ba zhes pa ni dbang chen gyi dkyil 'khor dang sa bon laM gyi kha dog go /de rnams gang 'gug par byed pI bud med kyi b+ha ga'i dbus su brtsegs par bsgoms par bya zhes so/ /dkyil 'khor de dag kyang ji ltar bsgom zhe na/ 'khor lo ltar ni bskor ba ni zhes pa ste/ rdza mkhan gyi 'khor lo ji ltar myur bar 'khor ba de bzhin du me'i dkyil 'khor la sogs pa b+ha ga'i nang du 'khor ba bsgom pa'o/ /dus gang du zhe na/ nyin phyed dang ni mtshan phyed la zhes pa ste/ nyin phye dang mtshan phyed la seMs can thaMs cad sems kyi stobS nyams pas dbang du byas pa'i dus yin pa'i phyir ro/ /de'i yon tan bstan pa/ rig pa de ni zhes pa la sogs pa ste/ de la rig pa de ni zhes pa ni gong gi me'i dkyil 'khor la sogs pa ste/ bu mo 'gugs pa'i las byed pa'i phyir ro/ /rab 'byor na zhes pa na b+ha gra'i nang du bsgom pa'o/ /de ni skad gcig kho nar 'grub ces pa ni myur bar 'grub pa'i tha tshig ste/ de la de'i skad cig ma ni skad cig ma rgya nyi shu'i dus kyi tshad se gol lan gnyis gtogs pa la skad cig ma brgyad kyis mchog pa'o/ /bsgrub pa'i dngos bstan pa/ lha mo lha min bu mo 'am zhes pa ni de la lha mo zhes pa ni bshad zin to/ /lha min bu mo zhes pa ni rin po che'i 'od la longs spyod pa'i phyir ro/ /'am zhes pa ni rnam grangs bstan pa'o/ /mi'i zhes pa ni shes pa las byung ba'i phyir na mi ste/ de las skye ba'i mo'i rigs ni mi'i bu mo'i zhes so/ /de yang rnam pa bzhis zhes pa ni pad+ma can dang/ dung can ma dang/ ri mo can ma dang/ glang po che can ma'o/ /de la pad+ma can ma ni pad+ma'i dri bro ba dang/ ngo zlum pa dang/ sna rtse til gyi me tog 'dra ba dang/ sen mo dmar ba dang/ rgyab cung sgur ba dang/ rkang thil kun gyis sa la reg pa dang/ nu ma til gyi shing tog dang 'dra ba dang/ ba spu 'khyil ba dang ldan pa'i sor mo can gsus pa'i gnyer ma gsum dang ldan pa dang/ brang mdzes pa dang/ glang po tshe ltar dal bus 'gro ba ste/ de rnams gyi mtshan nyid do/ /dud can ma ni ba tsha'i dri bro ba dang/ skra ring ba dang/ sna ring ba dang/ nu ma tsha la shing tog na rang 'ga' 'dra ba dang/ 'o ma dang/ zho la sred pa rnams kyi mtshan nyid do/ /ri mo can ma ni sha'i dri bro ba dang/ lus chung ba dang/ brla mdzes dang/ shing tog shing pa la lta bu'i nu ma dang/ ngo tsha mi shes pa dang/ khro 'dod pa dang/ rtag tu 'thab mo la dga' ba dang/ rje dar bya rog dang 'dra ba dang/ phyi rgan du nyal ba dang/ mchu 'chang ba dang/ phug ron gyi skad 'dra ba de rnams kyi mtshan nyid do/ /glang po che can ma ni/ chang gi dri bro ba dang/ byin pa sbom pa dang/ sna yo ba dang/ mdog rdul skya ba dang/ dri nga ba dang/ lus sdom pa dang/ spyod brtsom pa de rnams kyi mtshan nyid do/ /sa'i dkyil 'khor kun tu ni zhes pa ni sa 'og snga? sa steng dang sa bla'o/ /sngags kyis bkug nas spyad par bya zhes pa ni gong du gsungs pa'i sngags kyi mthu yis bkug ste/ bu mo thams cad spyad par bya'o zhes pa'i tha tshig go / dkyil 'khor rnams ni btags pa dang zhes pa'i lan btab pa/ bsgom pa zhes pa la sogs pa ste/ de la bsgom pa zhes pa ni gong du me'i dkyil 'khor la sogs pa bsgom pa'o/ /de bzhin rig pa'i sngags shes pa ni raM dang baM dang lam dang/ de dag gi man ngag tu /kye lha mo bdag gis bshad pa zin byas te zhes so/ /da ni dkyil 'khor rnams ni bshad par bya/ dga' ma sems kyis rtse gcig nyon zhes pa ste / bshad par dam bcas pa'i tshig go / de la dga' ma zhes pa ni lha mo sgrol ma bod pa'i tshig ste/ bcom ldan 'das kyi thugs la byon pa'i phyir ro/ /sems kyis rtse gcig zhes pa ni/ bum pa kha mar phug pa lta bu'i skyon dang/ bum pa zhabs rdol ba lta bu'i skyon dang/ bum pa mi gtsang pas gang pa lta bu'i skyon gsum spangs nas/ dad pa dang/ brtson 'grus dang/ yang dag ba'i lta ba gsum dang ldan par nyon zhes pa ste/ gnang ba'i tshig go /de nas bcom ldan 'das kyis dkyil 'khor bstan pa/ dkyil 'khor lus zhes pa la sogs pa ste/ de la dkyil 'khor lus zhes gsungs pa ste zhes pa ni phung po lnga rigs lngar bstan pa dang/ 'og tu bshad pas 'dir ma bkral lo/ /dkyil 'khor b+ha gar bstan pa yin zhes pa ni chos kyi 'byung gnas a gru gsum gyi nang du bsgom pa'i dkyil 'khor ro/ /dkyil 'khor byang chub sems dang ni zhes pa ni lhag pa'i byang chub sems las bskyed pa'i sa bon las gsang pa'i pad+ma'i nang du bsgom pa'i dkyil 'khor ro/ /dkyil 'khor gsum du? btags pa yin zhes pa ni de ltar lus dang/ b+ha ga dang/ byang chub sems kyi 'khor gsum kho na gnyis dang bzhi ma yin par gsang ba'i rgyud las yang dag par brtogs so zhes/ /dkyil 'khor ming ji ltar btags she na gsungs pa btags pa rnams kyang 'dus pa ste zhes pa ste/ dkyil 'khor ming btags pa ni/ snying po 'dus pa'i phyir ro/ /de ltar 'jig rten snang ba las kyang gsungs pa/ snying po 'dus phyir dkyil 'khor ro zhes so/ /snying po gang zhe na/ gsungs pa/ gang du gtso bo bskyod par byed ces pa ste/ de la gang du zhes pa ni gnas gang dang gang du'o/ /gtso bo zhes pa ni khyab bdag rdo rje sems dpa' ste/ snang ba'i sgo nas kun nas kun tu khyab pa'o/ /bskyod par byed ces pa ni rgyu pa'o/ /de'i don ni 'di lta ste/ rdo rje sems dpa' i ngo bo rigs lnga la sogs pa'i lha dang lha mo'i 'dod pa'i 'bras bu mya ngan las 'das pa smin par byed bas na snying por 'dod de/ de dag gang dang gang du 'dus pa de dang de ni dkyil 'khor zhes ming btags pa'i tha tshig go / da ni lus kyi dkyil 'khor bcom ldan 'das nyid kyis rgyas par bstan pa/ phung po rnams ni zhes pa la sogs pa ste/ de la phung po rnams ni sangs rgyas gsungs zhes pa ni phung po lnga rigs lngar sgom pa'o// 'di lta ste/ gzugs kyi phung po ni rnam par snang mdzad de de la rnam par snang mdzad kyi byang chub kyi sems 'pho ba'i sbyor ba yis phra mo'i ye shes dang po'i sbyor ba de bzhin gshegs pa'i sems so/ /de ltar gsang chen thams cad rgyud las gsungs pa/ sems kyis phra mo sbyor ba yis /ye shes phra mo dang sbyor ba/ /de bzhin gshegs kun ye shes ni/ /rnam par snang mdzad zhes su 'dod ces so/ /tshor ba'i phung po ni rin chen 'byung? ldan te/ de la rin chen 'byung ldan ni snying rje 'phro ba'i sbyor ba yis seMs can gyi don byed pa dang ldan pa'i sems so/ /de ltar yang gsang chen thams cad rgyu las gsungs pa/ snying rje 'phro ba'i sbyor ba yis/ thams cad phan don byed pa'o/ /sems can de ni dang ldan sems ni/ rin chen 'byung ldan zhes gsungs so zhes so/ /'du shes kyi phung po ni snang ba mdza' yas te/ de la snang ba mdza' yas ni dga' ba sbyor ba'i 'gro ba yis rang bzhin gyis 'od gsal ba dag pa'i sems so/ /de ltar yang gsang chen thams cad rgyud las gsungs pa/ dga' ba 'phro ba'i sbyor ba yis/ /theg chen dri ma med pa'i mchog /ring bzhin 'od gsal dag sems ni/ snang ba mdza' yas de gsungs so/ /zhes so/ /'du byed kyi phung po ni don yod grub pa ste/ de la don yod grub pa ni btang snyoms 'phro ba'i sbyor ba yis gdod mi za bar sems can thams cad kyi don byed pa'i sems so/ /de ltar yang gsang chen thams cad rgyud las gsungs pa/ btang snyoms 'phro ba'i sems kyis ni/ /sems can thams cad shes byed pa/ /thogs med bla med don byed pa/ /don yod grub pa de gsungs so zhes so/ /rnam par shes pa'i phung po ni mi bskyod pa ste/ de la mi bskyod ba ni/ byams pa 'phro ba'i sbyor ba yis zag pa med pa brtan par gyur pa'i brtan pa'i sems so/ /de ltar yang gsang chen thams cad rgyud las gsungs pa/ byams pa 'phro ba'i sbyor ba yis/ /mchog gi spyod pa spyod byed la/ /zag pa med par brtan 'gyur ba'i/ / sems ni mi bskyod par gsungs so zhes so/ /de ltar phung po lnga sems las gzhan med ba'i phyir ro/ /sems de dag ni rigs lngar gsungs so/ /de ltar yang 'phags pa sa bcu pa las gsungs pa/ kye rgyal ba'i sras khams gsum yang sems tsam mo/ /dus gsum yang sems tsam mo/ /phung po lnga yang sems tsam mo zhes so/ /'byung ba rig mar btags pa'o/ /zhes pa la 'byung ba ni sa dang chu dang me dang rlung ste/ rang rang gi mtshan nyid nye bar blangs nas gzugs 'dzin pa'o/ /rig mar zhes pa ni spyan pa dang/ mA ma kI dang/ na bza' dkar mo dang/ sgrol ma ste/ zhi ba la sogs pa'i las byed pa'i phyir ro/ /'di lta ste/ sa ni spyan ma ste/ byang chub sems kyi mthus sangs rgyas nyid du phyin pa'i bdag nyid do/ /de ltar yang gsang chen thams cad las gsungs pa/ byang chub sems kyi mthu yis ni/ sangs rgyas nyid du pha rol phyin/ /thob pa'i pha rol phyin zhes pa/ /sems ma'i rdo rje ma zhes btags zhes so/ /'dir ni spyan ma la shes par bya ste/ spyan ma dang/ sems ma'i rdo rje ma gnyis kyi pha rol tu phyin pa'i rang bzhin gcig pa'i phyir ro/ /chu ni mA ma kI ste/ bsdu ba'i dngos po bzhi la shes rab kyi pha rol tu phyin pa'i bdag nyid do// de ltar yang gsang chen thams cad rgyud las gsungs pa/ bsdu ba'i dngos po bzhi rnams la/ /shes rab pha rol phyin dge ba/ /chos bzhi gcig tu 'byung pa ni/ /rin chen rdo rje ma ru 'dod ces so/ /'dir yang mA ma kI la shes par bya ste/ mA ma kI dang rin chen rdo rje ma'i pha rol tu phyin pa'i rang bzhin gcig pa'i phyir ro/ /me ni nam bza' dkar mo ste/ de kho na nyid kyi pha rol tu phyin pa'i ngo bo'o/ /de ltar yang gsang chen thams cad rgyud las gsungs pa/ gsang ba'i chos kyi theg chen la/ /de nyid pha rol phyin dge ba/ /pha rol phyin zhes 'byung pa ni/ /chos kyi rdo rje ma ru 'dod ces so/ /'dir yang na bza' dkar mo la shes par bya ste/ na bza' dkar mo dang chos kyi rdo rje ma pha rol tu phyin pa'i rang bzhin gcig pa'i phyir ro/ /rlung ni sgrol ma ste/ /rdo rje pha rol tu phyin pa'i rang bzhin no/ /de ltar yang gsang chen thams cad rgyud las gsungs pa/ pha rol phyin bzhi rgyal mo ste/ /rdo rje pha rol phyin pa dge / sbyor ba'i bcas la btags pa ni/ /las kyi rdo rje ma zhes 'dod ces so/ /'dir yang sgrol ma la shes par bya ste/ sgrol ma dang las kyi rdo rje ma pha rol tu phyin pa'i rang bzhin gcig pa'i phyir ro/ /chags pa lcags kyu kho na ste zhes pa ni rigs la sogs pa lnga'i sgo nas dbyer med pa'i thabs chen pos/ spyod yul 'dzin pa'i sems ni rdo rje lcags kyu ma'o/ /de ltar yang gsang chen thams cad rgyud las gsungs pa/ 'dod dgu la ni thabs che ba/ rdo rje lcags gyu las 'dod do ces so/ /zhags pa padmor chud byed pa zhes pa ni 'khrig pa'i 'dod chags la sred pa'i sgo nas ma yin pa de bzhin gshegs pa la mchod pa'i phyir ro/ /byang chub kyi spyod pa'i sgro nas pad+ma la gsang ba'i rdo rje bcug pa'i sems ni rdo rje zhags pa'o/ /de ltar yang gsang chen thams cad rgyud las gsungs pa/ spyod pa byang chub tu spyod pa/ rdo rje zhags pa zhes 'dod do zhes so/ /kha phrad pa ni sgrog yin bar zhes pa ni rnal 'byor pa dang/ rnal 'byor mas byang chub kyi spyod pa bsgom pa las sems mi g.yo par kha phrad pa ni rdo rje sgrog go / de ltar yang gsang chen thams cad rgyud las gsungs pa/ /gang zhig de la brtan pa gang/ /rdo rje sgrog cos 'dod pa'o zhes so/ /sgra grag pa ni dril bu bshad ces pa ni chos thams cad ni mi skye ba yin no zhes pa'i sngags kyi sgra brjod nas/ /thabs dang shes rab rol pa ni rdo rje dril bu'o/ /bzlas pa'i sngags ni/ a kA ro mu khaM sarba d+harmmA Ni a bya nud+pan+na twat ces so/ /de ltar yang gsang chen thams cad rgyud las gsungs pa/ chos thams cad ni ma skyes pa/ /nam mkha' dang mnyam 'dod zhi ba/ /de ltar dag ni smar 'jug pa/ /rdo rje dril bu zhes 'dod do zhes so/ /spos ni dri chen zhes gsungs te zhes pa ni gtsang ba dang/ mi gtsang ba rnam par mi rtog par mnyam pa nyid du 'gyur pa ni/ shes rab kyi pha rol tu phyin pa'i rang bzhin spos yin pa'i phyir ro/ /de ltar yang gsang chen thams cad rgyud las gsungs pa/ thams cad tu ni mnyam pa'i mchog /shes rab pha rol phyin pa spos zhes so/ /me tog rak+ta zhes 'dod de zhes pa ni phyin ci log pa'i 'dod chags kyis ma g.yos pa'i bsam gtan gyi pha rol tu phyin pa'i rang bzhin me tog yin pa'i phyir ro/ /de ltar yang gsang chen thams cad rgyud las gsungs pa/ 'dod pa'i 'dam gyis ma gos pa/ bsam gtan pha rol phyin me tog ces so/ /mar me sha rnams kho na yin zhes pa ni gtsang pa dang/ mi gtsang ba'i sha rnams kun gyi rnam par rtog pa spangs pa la/ smon pa'i rang bzhin me yin pa'i phyir ro/ /de ltar yang gsang chen thams cad rgyud las gsungs pa/ phyogs kun tu ni gsal byed pa/ smon lam pha rol phyin mar me zhes so/ /dri ni byang chub sems zhes 'dod ces pa ni lhag pa'i byang chub sems dri nga ba na yang thams kyis dge ba'i bde bar gyur pa'i rang bzhin ni dri 'dod pa'o/ /de ltar yang gsang chen thams cad rgyud las gsungs pa/ dri nga ba yang dge ba'i bde/ /thabs kyis pha rol phyin pa'i dri zhes pa'o/ /sgeg mo'i ling+gar 'dod pa ste ces pa ni de bzhin gshegs pa la mchod pa 'bul ba'i sgo nas rnal 'byor pa'i dge ba'i rol pa'i rang bzhin ni sgeg mo yin pa'o/ /de ltar yang gsang chen thams cad rgyud las gsungs pa/ ci phyir dge ba'i rol pa ni/ sbyin pa'i pha rol phyin sgeg mo zhes so/ /phreng ba b+ha ga kho na yin zhes pa ni dam tshig tshul dang ldan pa'i rnal 'byor mas de bzhin gshegs pa rnams thugs mnyes par byed pa'i rang bzhin ni phreng ba mar 'dod pa'o/ /de ltar yang gsang chen thams cad rgyud laS gsungs pa/ brgyan pa'i lus can yid 'phrog sam/ tshul khrims pha rol phyir phreng ma zhes so/ /dbyangs ma dbugs su bstan pa dang/ zhes pa ni thabs dang shes rab rol pa'i dus su sngags ched du brjod pa bzod pa'i rang bzhin ni dbyangs ma yin pa'i phyir ro/ /de ltar yang gsang chen thams cad rgyud las gsungs pa/ ched du brjod pas legs brjod pas/ bzod pa'i pha rol phyin dbyangs ma zhes so/ /gar mkhan ma ni kha 'byor te zhes pa ni sangs rgyas par bya ba'i don du gnyer ba'i rnal 'byor dang rnal 'byor ma sbyar nas lha bsgom pa'i brtson 'grus kyi rang bzhin ni gar zhes 'dod pa'i phyir ro/ /de ltar yang gsang chen thams cad rgyud las gsungs pa/ myur bar sangs rgyas nyid sbyin pa/ brtson 'grus pha rol phyin gar mkhan zhes so/ /de lta bu'i lus kyi dkyil 'khor ni b+ha ga'i dkyil 'khor byang chub sems kyi dkyil 'khor las khyad par du gyur ba la ni bcom ldan 'das kyis bzang por gsungs zhes pa ste/ shin tu sbyor ba'i yin pa'i phyir ro/ /de rtogs pa ni bskal bzang yin zhes pa ni lus kyi dkyil 'khor ni b+ha ga'i dkyil 'khor byang chub sems kyi dkyil 'khor las khyad par du gyur pa la ni bcom ldan 'das kyis bzang por gsungs zhes pa ste/ shin tu sbyor ba'i yin pa'i ph yir ro/ /de rtogs pa ni bskal de rnams byams pa la sogs zhes pa ni/ rnam par shes pa'i tshogs brgyad byams pa la sogs pa'i bskal pa bzang po'i byang chub sems dpa' brgyad bsgom mo zhes pa'i tha tshig go/ 'di lta ste/ kun gzhi'i rnam par shes pa'i byams pa ste/ de rnams byams pa'i sgo nas/ sems can gyi don byed pa'i phyir ro/ /nyon mongs pa'i yid ni 'jam dpal lo/ /yid kyi rnam par shes pa ni kun tu bzang po'o/ /mig gi rnam par shes pa ni sa'i snying po'o/ /rna ba'i rnam par shes pa ni phyag na rdo rje'o/ /sna'i rnam par shes pa nam mkha' i snying po'o/ /lce'i rnam par shes pa ni 'jig rten dbang phyug go/ lus kyi rnam par shes pa ni sgrib pa rnam par sel ba'o/ /de ltar nang gi bdag nyid gsungs zhes pa ni/ de ltar nang gi lus kyi dkyil 'khor rnal 'byor dang/ rnal 'byor mas bsgom pa bcom ldan 'das kyis gsungs so zhes pa'i tha tshig go/ dkyil 'khor rnam pa gsum la/ gnyis ma bshad pa ci'i phyir zhe na/ dkyil 'khor gzhan ni sngon bshad zin zhes pa ste/ rtsa ba'i rgyud las b+ha ga'i dkyil 'khor dang/ byang chub sems kyi dkyil 'khor rgyas par bshad zin pa'i phyir ro/ /sbyin sreg so sor bya ba dang zhes pa'i lan btab pa/ sbyin sreg las ni bshad par bya zhes pa la sogs pa ste/ de la sbyin sreg ces pa ni bshad zin to// de'i las zhes pa ni lus ngag gis bya ba'i ngo bo'o/ /nyon cig ces pa ni lha mo sgrol ma la bod pa'i tshig go/ /sbyin sreg rnam pa bzhi zhes pa ni zhi ba dang/ rgyas pa dang/ dbang dang/ drag po'o/ /de la zhi ba ni gnod pa dang/ nang dang/ 'tshe ba zhi bar byed pa'o// rgyas pa ni tshe dang/ srid dang/ longs spyod rgyas par byed cing 'phel bar byed ngo/ /dbang ni gzhan gyi sems pa sgyur zhing rang gi ci 'dod pa bzhin du byar bcug pa'o/ /drag po ni gzhan la gnod cing phung bar byed pa'o/ /de bzhi yang phyi nang du dbye ba gsungs pa/ sbyin sreg phyi dang nang gsungs te zhes pa ste/ de la sbyin sreg phyi dang zhes pa ni phyi rol du hoM khung la sogs pa'i sbyin sreg gi cho ga'o/ /de ni rtsa ba'i rgyud las bstan zin pas na/ /phyi ni ston du bstan pa yin zhes so// nang gi sbyin sreg gsungs pa/ nyon cig ces pa ni sogs pa ste/ de la nyon cig khyod kyis nang gi ni zhes pa ni kye lha mo sgrol ma nang gi sbyin sreg rgyas par bshad kyis nyon cig ces pa'i tha tshig go/ pad+ma bzhi rnams 'byor ba ni/ lus kyi dbus su nye bar gnas zhes pa ni gsang ba dang/ lte ba dang/ snying ga dang/ mgrin pa bzhi la pad+ma'i gdan re re bsgom pa'o/ /me dang zhes pa ni lte ba'i pad+ma'i steng du raM las bskyed pa'i zur gsum pa me'i dkyil 'khor dmar po dkyil du sa bon raM gyis mtshan pa bsgom mo/ /de bzhin rlung dang ni zhes pa ni gsang ba'i pad+ma'i gdan la yaM las bskyed pa'i rlung gi dkyil 'khor zla gam mdog sngon po'i dkyil du yi ge yaM gyis mtshan pa bsgom pa'o/ /dbang chen dang ni zhes pa ni/ snying ga'i pad+mar yi ge laM las bskyed pa dbang chen gyi dkyil 'khor gru bzhi pa mdog ser po dkyil du yi ge laM gis mtshan pa bsgom par bya'o/ /chu de bzhin zhes pa ni mgrin pa'i pad+mar yi ge baM las bskyed pa chu'i dkyil 'khor zlum po kha dog dkar ba dbus su yi ge baM gyis mtshan pa bsgom pa'o/ /de dag gi las gsungs pa/ rlung gis me la 'bar bar byed ces pa ste/ gsang ba'i rlung gi dkyil 'khor las me'i dkyil 'khor la 'bud pa'o/ /chu yis yongs su smin par byed ces pa ni dbang chen gyi dkyil 'khor gyi brob byung ba yis zas thams cad mgrin pa'i chu'i dkyil 'khor la smin par byed pa'o/ /de'i don kho na gsungs pa/ dbang chen dkyil 'khor las byung ba zhes so/ /dbang chen gyi drod ji ltar 'byung zhe na/ gang du me ni bskyod pa'o zhes pa ste/ me'i dkyil 'khor gyi 'od kyis dbang chen gyi dkyil 'khor la reg pa'o/ /de ltar dkyil 'khor gyi go rims su rgyud las ma bstan pa ni bla ma'i man ngag la brten bar bya ba'i phyir dang/ shes rab can gyi nga rgyal bcag pa'i phyir ro/ /de dag gi yon tan gsungs pa/ ra yig ces pa la sogs pa ste go sla'o/ /sreg rdzas gsungs pa/ gang zhig zas dang btung ba ni zhes pa ni de la gang zhig zas dang zhes pa ni rnal 'byor pa'i zas gtsang ba dang/ mi gtsang ba thun mong du bzung ba'o/ /de la gtsang ba ni 'bras chan dang/ zho dang/ bu ram la sogs pa ste/ 'jig rten pas gtsang ba btags pa'i phyir ro/ /mi gtsang ba ni sha dgu dang bdud rtsi la sogs pa'o/ /'jig rten pas mi gtsang btags pa'i phyir ro/ /btung ba ni zhes pa ni/ chang dang 'o ma la sogs pa'o/ /de dag thams cad chu la ste zhes pa ni zas dang btung ba de dag chu'i dkyil 'khor la sbyin sreg bya'o zhes pa'i tshig go/ pad+mar k+Sha yig kha mar bltas ba ni mgrin pa'i pad+ma'i steng gi chu'i dkyil 'khor gyi steng na yi ge k+Sha mdog dkar ba kha thur du lta ba 'od zer du mar 'bar ba kha gab gyi tshul du bsgom pa'o/ /sreg rdzas de dag yang chu'i dkyil 'khor las mar babs te/ snying ga'i pad+mar btsud par bya'o/ /lte ba'i pad+mar 'gro zhes so// sbyin sreg de ji ltar bya ba yin zhen phyi rol/ kha sbyor tshul gyi sbyor ba yis shes pa ste/ phyi rol tu thabs dang shes rab sbyor bas sbyin sreg bya ba'o/ /yang phyi rol gyi sbyin sreg la mngon par rtogs pa'i lha bsgom pa ji lta ba bzhin du/ lus kyi dkyil 'khor la lha bsgom pa dang spyar nas sbyin sreg bya ba'i the tshig go/ gsang ba'i pad+mar 'gro ma thag/ thal bar mdza' ru rnam par bstan zhes pa ni/ sreg rdzas de dag gi bdud rtsis lus kyi dkyil 'khor gyi lha tshim ste/ snyigs ma tshig par bsgom par bya zhes pa'i tha tshig go/ yon tan gsungs pa/ de rnams sbyin sreg bdag bshad pa zhes pa la sogs pa ste/ de la bdag ces pa ni ston pa'o/ /tshe 'di kho nar 'grub par 'gyur zhes pa ni/ de bzhin gshegs pa'i zhing khyad par can la mchod pa dang/ bsam pa khyad par can du gyur pas tshe 'di kho na la chos mthong nas myong ba'i 'bras bur gyur pa'o/ /de ltar yang chos mngon par mdzod las gsungs pa/ zhing dang bsam pa'i khyad par las mthong chos 'bras bu can gyis las zhes so/ /rgas pa med cing zhes pa nas/ /sems can thams cad dga' bar smra zhes pa'i bar ni go sla'o/ /mthong ba tsam gyis skul byed do zhes pa'i rnal 'byor pa de sems can gyis mthong ba tsam gyis/ 'jig rten pa thams cad chags par 'gyur ro zhes pa'i tha tshig go/ de bzhin mchod pa'i cho ga yang zhes pa'i lan btab pa/ sbyin sreg las rnams bshad byas nas zhes pa la sogs pa ste/ de la lha mo zhes pa ni sgrol ma la bod pa'i tshig go/ mchod pa zhes pa ni nang gi mchod pa ste/ bkur bsti byaba'o/ /phreng zhes pa ni me tog gi phreng ba'o/ /sogs pa'i sgras ni mar me gzung bar bya'o/ /gzhan ni go sla'o/ /dbang po gnyis ni rab 'byor nas shes pa ni gsang ba'i mchod pa ste/ thabs dang shes rab rol ba ste/ mchod pa de dag gis gang du mchod ces na/ bdag la mchod pa rnams ni bya zhes pa ste/ rang gi lus khon la mchod par bya zhes pa'i tha tshig go/ ci'i phyir 'phags pa'i sku tshad mchod rten la sogs pa la mchod pa mi byed ce na gsungs pa/ bdag ni thams cad sangs rgyas nyid ces pa ste/ rang gi phung po lnga dang/ skye mched la rigs lnga dang/ byang chub sems dpa' i nyid du bsgom pa'i phyir ro/ /sangs rgyas kun gyi gnas yin te zhes pa ni ji ltar mchod rten sangs rgyas thams cad kyi gzhir 'gyur ba/ de bzhin du dbang dang man ngag thob pa'i rnal 'byor pa'i lus la yang sangs rgyas thams cad kyi gnas su gyur ba'o/ // de ltar yang rnam par snang mdzad sgyu 'phrul dra ba las kyang gsungs pa/ rdo rje slob dpon ni phyogs bcu'i sangs rgyas rnams kyis kyang mchod do zhes pa la sogs ba'o/ /de ltar rdo rje slob dpon sangs rgyas rnams kyis kyang mchod gnas su gyur pa ci'i phyir/ /de bas nan tan thams cad kyis/ rnal 'byor pas ni rtag tu mchod ces pa ste/ de la thams cad ces pa ni/ mchod pa thams cad do/ /yan na dus thams cad do/ /nan tan zhes pa ni/ bdag nyid lhar bsgom pa la brtson pa'o/ /mchod pa gzhan gsungs pa/ gang zhig dga' yang bya ba'i las zhes pa ste/ gang gis dbyangs len pa la sogs pa dang/ lus kyis gar byed pa la sogs pa'o/ /rnal 'byor pa yis mchod par bsgom zhes pa ni/ lus ngag gi las de dag rnal 'byor pas lus kyi dkyil 'khor la/ mchod par bsgoms na tshig 'chal pa dang/ ngag khyal par mi 'gyur zhes pa'i tha tshig go/ mchod pa bsgom pa bstan pa zas dang zhes pa la sogs pa ste/ de la rig ma bzhi yis rnam rgyan pa'i/ bdag ni lha yid bsam par bya zhes pa ste/ 'byung ba chen po bzhi'i ngo bor gyur pa zas la sogs pa gang de rnams lha mo bzhi'i rang bzhin dang/ rdo rje sems dpa' i rang bzhin du bsgom mo/ /de ltar yang gsang ba 'dus pa las gsungs pa/ yang na 'di la bsgom pa ni/ rigs kyi bsgom par rnam par bsgom zhes so/ /don ni 'di lta ste/ sa'i rang bzhin du gyur pa'i zas rnams spyan mar bsgom pa dang/ achu'i rang bzhin du gyur ba'i bdud ba rnams mA ma kIr bsgom pa lta bu'o/ /da ni thugs kyi sgo nas chos ston pa/ de ltar bshad nas zhes pa la sogs pa ste /de la de ltar bshad nas zhes pa ni le'u dang po la/ bcom ldan 'das rdo rje sems dpas gsungs pa'i tshig dang po nas gzung nas le'u 'di la/ bdag gi lnga nyid bsam par bya zhes pa'i bar du gsung gi sgo nas chos bstan pa'o/ /rdo rje zhes pa ni rdo rje sems dpa' o/ /de zhes pa sku dang gsung gi sgo nas/ /gang du chos ston pa po rdo rje sems dpa' gang de kho na bcom ldan 'das chos brjod du med pa'i don ston 'dod pas/ cang mi gsung bar dngos por bzhugs zhes pa ste/ chos thams cad kyi rang bzhin ni don dam par brjod du med pa'i phyir ro/ /'o na bcom ldan 'das kyis gsung rab yan lag bcu gnyis bstan pa ji ltar yin zhes/ 'di lta ste/ thugs rje chen po'i dbang gis kun rdzob tu bstan par zad kyis/ /don dam par ni bstan pa med do/ /de bas na mdo las kyang/ bdag mngon par rdzogs par sangs rgyas nas/ /mya ngan las 'das kyi bar du bdag gis chos bstan pa med do/ /zhes gsungs so/ /de ltar klu sgrub zhabs kyis kyang theg pa chen po nyi shu pa las gsungs pa/ tshig gis brjod du mi lang ba'i/ /chos rnams snying rjes gang gis bstan/ sangs rgyas thogs med mkhyen pa yis/ /bsam med sgo de la phyag 'tshal zhes so/ /de ltar bcom ldan 'das gnyis su med pa'i ye shes sngon du gyur pa mthong ma thag 'khor gyis ci byed ce na gsungs pa/ de nas zhes pa la sogs pa ste/ de la rnam par mi rtog pa thob ste/ zhes pa ni chos kyi dbyings kyi sgo nas 'khor ba dang/ mya ngan las 'das pa so sor ma yin tha mi dad par mngon du gyur nas cang mi gsung bar bzhugs bar gyur to zhes te/ chos nyid khung du chud pa'i phyir ro/ /gsung rabS gzhan gyi gzhung na ni mngon par bstod do/ /zhes 'byung ba la/ rgyud 'dir ni cang mi gsung bar gyur pa ni/ ci'i phyir zhe na/ de ni 'di lta ste/ sku gsung thugs kyi sgo nas bstan pa'i chos la/ thugs kyi sgo nas bstan pa'i chos gtsor gyur pas/ thugs kyi sgo nas bstan pa'i chos la gnyis su med pa'i shes rab kyis rnam par mi rtog pa'i ye shes mngon du gyur pas/ cang mi gsung bar gyur par shes par bya'o/ /lha mo bzhis zhes pa la sogs pa ni bshad zin to/ /bzhi pa'o zhes pa ni gsum gyi phyi ma'o/ /thams cad gsang ba'i zhes pa ni gsang ba'i rgyud rnams so/ /de rnams las yang dang yang du rab tu gyur pa'i rgyud 'di ni/ thams cad kyi gsang ba'i mchog chen po ces pa sde chos kyi dbyings don 'ba' zhig gi sgo nas bstan pa'i phyir dang/ thabs dang shes rab kyi don bstan pa'i phyir ro/ /dam pa zhes pa ni bla na med pa yang dag par rdzogs pa'i byang chub kyi rgyur gyur pa'i phyir ro/ /gsang chen zhes pa ni rdo rje sems dpa' i ngo bo nyid yin pa'i phyir dang/ rdo rje sems dpas bstan pa'i phyir ro/ /zhes bya ba'i zhes pa ni mtshan gyi gtan tshigs 'dren pa'o/ /rgyud ces pa ni/ mgo mjug rab tu 'brel pa ste/ chos kyi dbyings 'phro ba la sogs pa'i don rgyud pa'i phyir ro/ /lha mo bzhis chos kyi dbyings yongs su zhus pa zhes pa ni/ lha mo rnams kyis sdud pa po byas pa yin la/ phyag na rdo rje la sogs pas sdud pa po byas pa ma yin pa'i phyir ro/ /de ci'i phyir zhe na/ smras pa/ rgyud 'di ni shin tu gsang ba'i don yin bas gtsor rnal 'byor ma rnams la bstan pa'i phyir ro/ /lha mo kho nas sdud pa po byas pa'o/ /rgyud kyi bstan pa'i gnas gsungs pa/ dpal au rgyan las byung ba zhes pa ste/ de la dpal zhes pa ni/ bsod nams kyi bzhir gyur pa'i phyir ro/ /au rgyan gyi yul zhes pa/ gsang sngags rdo rje'i theg pa'i don bya ba'i spyod pa byed pa rnams kyi yul lo/ /de bas ston pa po rnams kyis kyang gsang ba'i rgyud rnams der bstan la/ bya rgod phung po'i ril? sogs pa rnams la ni bstan pa ma yin no/ /yul de la rnyed pa'i rgyud 'di ni/ dpal au rgyan las byung zhes so/ /ston pa pos rgyud 'di yongs su gtad pa'i 'khor gsungs pa/ rnal 'byor ma chen mo'i de kho na nyid ces pa ste/ de la rnal 'byor ma zhes bya ba ni chos kyi dbyings rnam par bsgom la/ phung po dang/ lha sbyor ba'i phyir ro/ /de rnams kyi man ngag gi rgyud 'di 'gyur ba med pas na de kho na nyid nges so/ /rdzogs so zhes pa ni/ chos kyi dbyings kyi don bshad pa'i rim par phye ba'i tshig mthar phyin pa'o/ / dpal ldan rgyud rgyal thams cad gsang mchog dam pa gsang chen rgyud/ /'di yi rnam bshad bdag gis byas pas dge ba thob pa gang/ /de yis sems can thams cad chos dbyings mngon du gyur nas su/ /bla med yang dag go 'phang dpal ldan rdo rje sems dpar shog/ rgya gar gyi mkhan po rdo rje slob dpon/ smri ti dz+nyA na kIrtis mdzad pa lha mo bzhis yongs su zhus pa'i rnam par bshad pa/ man ngag rgyas pa zhes bya ba rdzogs so// //rgya gar gyi mkhan po rdo rje smri ti dz+nyA na kIrti nyid kyis bsgyur cing zhus te bshad nas gtan la phab pa'o/ / //lha mo bzhis zhus kyi rnam bshad ye shes snying pos mdzad pa bzhugs so// //rgya gar skad du/ tsa du rde ba ti pa ri bri tsa TI kA/ /bod skad du/ lha mo bzhis yongs su zhus pa'i rnam par bshad pa/

CLOSE WINDOW