བོད་ཡིག

e-texts based on the ACIP/ALL Input

bo long bcu gnyis zho gcig/ //rgya gar skad du/ AryA wa lo ki te shwa ra sA d+ha naM/ bod skad du/ 'phags pa spya na ras gzigs 'jigs rten dbang phyug sgrub pa'i thabs/ 'jig rten mgon bo la phyag 'tshal lo/ /gang thugs thugs rje'i dbang gyur te/ /rtag tu gzhan gyi don mdzad pa/ /'jig rten mgon la phyag 'tshal te/ /de yi sgrub thabs bri bar bya/ /byang chub tu ni sems bskyed cing/ dang dang snying rjer ldan pa dang/ /bla ma la gus gtong sems ldan/ /bden par smra zhing brtson ldan pas/ /yid dang rjes su mthun nas su/ /bde ba'i stan la 'dug nas kyang/ /sngon du bya ba rnams byas la/ /'jig rten mgon po bsgrub par bya/ /dang po nyid kyi snying gar a las ri bong can bsams la/ de'i steng du sa bon gyi yi ge bsams te/ de las 'od 'phros pas 'jig rten mgon po spyan drangs te phyag la sogs pa yan lag bdun pa bya'o/ /de nas gsum la skyabs su 'gro ba dang sems bskyed pa byas la snying rje chen po bsgom par bya'o/ /aoM shU n+ya tA dz+nyA na badzra swa b+hA ba A t+ma ko haM zhes brjod do/ /des dngos po thams cad gzung ba dang 'dzin pa gnyis su med pa stong pa nyid du bsgom par bya'o/ /de nas rang gi sems nyid poM las pad+ma 'dab ma brgyad par bsams te/ de'i steng du a las zla ba'i dkyil 'khor ro/ /de'i dbus su yang sa bon gyi yi ge de nyid do/ /de las 'od 'phros 'gro ba rnams dag par byas nas de nyid du bsdu bar bya'o/ /de yongs su gyur pa las bdag nyid 'jig rten mgon po sku mdog dmar po/ /zhal gsum pa/ dmar po dang/ dkar po dang/ sngon por snang pa dang/ phyag drug pa g.yas g.yon dang po gnyis snyoms par 'jug pa'i phyag rgya can/ g.yas kyi gnyis pa dang gsum pa na pad+ma dang ral gri bsnams pa/ g.yon gyi gnyis pa dang gsum pa na rin po che dang 'khor lo bsnams pa'o/ /de'i thugs kar ye shes sems dpa' rang dang 'dra ba'i cha phra ba'o/ /de'i thugs kar ri bong can la sa bon gyi yi ge'o/ /de las 'od 'phros te ye shes pa rang bzhin gyi g nas nas spyan drangs la mchod pa byas la dzabya'o/ /yang sa bon las 'od 'phros te sangs rgyas lnga spyan drangs la mchod pa byas la/ mgon po de bzhin gshegs kun gyis/ /bdag la dbang bskur mdzad du gsol/ /zhes gsol ba gdeb cing/ des dbang bskur bar bsam zhing rigs kyi bdag pos rgyas gdab bo/ /de nyid rnam par gsal bar bsgom par bya'o/ /yang 'byung ba rlung las grub pa'i pad+ma tsa na ka'i tshad tsam/ /steng gi sna'i rtse mor reg pa'i mtshan ma dang/ /gzugs kyi mtshan ma byung gi bar du bsgem par bya'o/ /yang sa bon gyi yi ge de las de'i sku rnams spro zhing bsdu bar bya'o/ /de nas spro bar gyur na ye shes sems dpa' i thugs kar sa bon la/ aoM Ade man dag ji lta ba bzhin du bsgom par bya'o/ /de nas ldang bar 'dod na ye shes sems dpa' phyung la mchod pa byas te/ gang yang bdag blo gti mug pas/ /'dir ni bya min gang byas pa/ /gang yang lus can skyabs gyur pa/ /mgon bo khyod ni bzod par mdzad ces gsol ba gdab par bya'o/ /rtag tu gzhan gyi don mdzad pa/ /'jig rten dbang phyug grub pa ni/ /dge ba de yis thob gyur cig /'gro bas kyang ni de thob shog /ces bya bas smon lam gdab par bya'o/ / d e nas aoM Agtor ma spyad pa'i rim pa ni yin nam/ /yaM byung rlung las raM byung me/ /a las byung ba'i pad snod du/ /mu bi ra shu ma las byung ba'i/ /rdo rje chu sogs rdzas rnams bsad/ /sbyang ba la sogs rnam byas nas/ /de ru yi ge hIlan bdun nam gsum bzlas la dbul bar bya'o/ /de nas de rnams tshim pas gnyis su med pa'i bde ba chen po'i ting nge 'dzin thob par bsams la/ aoM Adus su/ /snga ma'i ting nge 'dzin de nyid kyis/ /kha zas snga ma bzhin spyangs la/ /snying gar rang gi lha bsams la/ /nang gi sbyin sreg bsam ldan pas/ /zas la nye bar spyad par bya/ /de nas mchod rten la sogs kyi/ /dge ba'i las la 'bad par bya/ /nyal ba'i dus su bdag nyid kyi/ /snying ga'i sa bon de nyid du/ /brtan dang g.yo ba kun bsdus te/ /bdag nyid kyang ni deng bsdus la/ /stong nyid ting nge 'dzin la gnas bya/ /nad par langs nas snga ma bzhin/ /sgrub pa la ni 'jug par bya/ /khrus ni rang la dbang bskur bsam/ /dpal ldan 'dus pa'i rjes 'brangs te/ /'jig rten dbang po sgrub pa'i thabs/ /mar me mdzad dpal ye shes kyis/ /man ngag mdor bsdus 'dir bshad yin/ /'jig rten mgon po sgrub pa'i thabs slob dpon chen po dpal mar me mdzad ye shes kyis mdzad pa rdzogs so// //rgya gar skad du/ sh+rI gu hya samA ji sto tra/

CLOSE WINDOW