བོད་ཡིག

e-texts based on the ACIP/ALL Input

/ // */ /dpal gsang ba 'dus pa 'jig rten dbang phyug gi sgrub thabs gnyis dang gsang ba 'dus pa'i bstod pa mar me mdzad te shegs?? kyis mdzad pa'o/ / // */ /rgya gar skad du/ sh+rI sa mA dza lo ke shwa ra sA d+ha naM nA ma/ bod skad du/ dpal gsang ba 'dus pa 'jig rten dbang phyug gi sgrub pa'i thabs zhes bya ba/ byang chub sems dpa' sems dpa' chen po 'phags pa spyan ras gzigs dbang phyug la phyag 'tshel lo/ /sprul pa'i 'od zer dpag med pa/ /'phros pas 'gro ba'i sdug bsngal sel/ /rnam rtog med bde'i bdag nyid can/ /dpal ldan rdo rje ches la 'dud/ /dpal ldan 'dus pa snang ba che/ /rgyud rgyal rim pa la bsten te/ /'jig rten mgon po sgrub pa yi/ /rim pa mdor bsdus gsal bar bri/ /dang po snying rje'i stobs las byung/ /rdzogs pa'i byang chub sems brtan byas/ /srid pa'i longs spyod bde ma chags/ /yongs su 'dzin pa rgyab kyis phyogs/ /dang sogs nor ni phun sum tshogs/ /bra ma sangs rgyas dang mnyam gus/ /des bstan dam tshig spyod pa ni/ /yongs su skyod la rab tu brtson/ /bum pa gsang sogs dbang bskur ba/ bla ba'i drin gyis yang dag thob/ /lus ngag sems rnam dag pa yi/ /sgrub pa po ni dngos grub snod/ /ting 'dzin yan lag las byung ba'i/ /tshogs ni yongs su rdzogs pa las/ /myur du dngos grub thob par 'gyur/ /de ltar gsang sngags tshul gnas yin/ /ting 'dzin yan lag nyams gyur cing/ /de yi mi mthun phyogs gnas na/ /skye ba bye ba stong gis kyang/ ting 'dzin rab tu 'grub mi 'gyur/ /de bas ting 'dzin rab bsgrub phyir/ /gsang sngags spyod gnas rnal 'byor pas/ /de bas gzhan pa'i sems spangs te/ /g.yeng med brtson pas 'bad par bya/ /ting nge 'dzin gyi yan lag dang/ /mi mthun phyogs gang nges bya'i phyir/ /ting 'dzin yan lag mi mthun phyogs/ /de ni mdor bsdus nas bshad bya/ /tshul khrims phun sum tshogs pa dang/ /longs spyod rnams la ltos med cing/ /bzod ldan dam bcas brtan pa dag skye bo'i 'du 'dzi rnam par spong/ /lus dang ngag yid las rnams la/ /shes bzhin dang ni ldan pa la/ /sangs rgyas skur rtogs dran pa yis/ /lus kyi rjes dran yang dag ldan/ /dus gang du ni gang bya ba'i/ /rjes dran de las brtan pa dang/ /sgrib pa lnga ni spong ba dang/ /zas kyi tshong rig spyod lam ran/ /'jig rten chos ni thams cad la/ /rtag tu sems ni btang snyoms dang/ /yo byang bsnyungs 'di yan lag ste/ /go bzlog pa ni mi mthun phyogs/ yid dang rjes su mthun pa'i bsam gtan gyi gnas su stan bde ba la 'dug nas bgegs bsal bar bya'o/ /aoM g+haya ti/ sarbba du pA na kA ya pA ka tsit+ta kI la ya hUM phaT/ sngags 'dis phyogs bcu'i bgegs thams cad bsal bar bya'o/ /de nas rang gi snying gar dbyangs kyi yi ge dang po yongs su gyur pa'i zla ba'i dkyil 'khor la yi ge h+ri dmar po bsams la/ de'i 'od zer spros pas rang gi lus snang bar byas pa sngon du 'gro ba dang/ phyogs bcu'i 'jig rten gyi khams thams cad snang bar byas nas/ dkyil 'khor gyi 'khor lo lta bu'i sangs rgyas dang byang chub sems dpa' thams cad yang dag par bskul la bkug pa dang/ rje btsun bla ma yang nam mkha' la dmigs te/ aoM sarbba ta thA ga ta kA ya bA ka tsit+ta pra Na me na badzra band+ha naM ka ro mi zhes bya bas phyag bya'o/ /de nas yi ge h+ri de nyid las 'od zer gyi tshogs kha dog sna tshogs pa spros pa sngon du 'gro ba dang/ gzugs rdo rje la sogs pa mchod pa'i lha mo'i tshogs yang dag par spros la/ aoM sarbba ta thA ga ta pShu dza badzra swa b+hA ba At+ma ka haM/ zhes pa zlos zhing sangs rgyas dang byang chub sems dpa' bla ma legs par mchod par bya'o/ /de rnams kyi spyan sngar pus mo'i lha nga sa la btsugs nas thal mo sbyar te/ 'di ltar sdig pa bshags pa la sogs pa bya ste/ gang zhig thog med srid pa'i chu klung du/ /ma lus kun rtog gis bsags rnyog pa rnams/ /thugs rje che ldan spyan sngar de dag ni/ /cho ga bzhin du thams cad gshegs par bgyi/ /rdzogs sangs rgyas dang byang chub sems dpa' dang/ / 'phags pa gzhan gyis dge ba gang mdzad pa/ /de dag ku la yang dag yi rang bzhin/ /byang chub tu ni yongs su bsngo bar bgyi/ /yid kyi rol pa dri med zla 'dras bsgrubs/ /snying rje dam pa mdza' yas pa yi thabs/ / rang gi yid la gnas par gyur pa yi/ /bde gshegs rnams la rtag tu skyabs su mchi/ /rtog pa ma lus pa las nges grol zhing/ /sems dpa' dam pa rnams kyi phun tshogs gzhi/ /dngos po thams cad ro gcig ngo bo nyid/ /dam pa'i chos la rtag tu skyabs su mchi/ /'ching ba rnams las yang dag grol 'gyur zhing/ /snying rje mchog gi bskrun pa'i dpal dang ldan/ /rab tu dga' sogs sa la rab bzhugs pa/ /brtul zhugs dbang po'i tshogs la skyabs su mchi/ /bsam dang rnam par smin pa dag gyur pa/ /sgrib pa kun gyi bag chags yang dag 'byin/ /lhag par mos pas rnam par brgyan pa yi/ /sems ni byang chub dam par bskyed par bgyi/ /bde gshegs sras bcas rnams kyi lam gcig pu/ /sbyin sogs rnam bcu dkar po'i yon tan tshul/ /rdzogs sangs rgyas bdag ma lus ngo bo blos/ /yang dag nyid dud ni gnas par bgyi/ /de ltar lam la gnas pa'i bar du byas nas/ /de nas ngo bo nyid dang bral phyir stong pa ste/ /rang bzhin rgyu dang bral bas mtshan ma med/ /rtog pa rnams dang bral phyir dngos po ni/ /ma lus smon pa las ni nges par grol/ /zhes bya bas gzung ba dang 'dzin pa la sogs pa'i sgros pa thams cad dang bral bas khams gsum po ma lus pa stong par bsgoms la/ 'dis stong pa nyid du byin gyis brlabs pa bstan par bya'o/ /aoM shU n+ya TA dz+nyA na badzra swa b+hA ba At+ma ko haM/ de'i 'og tu sangs rgyas kyi zhing yongs su dag par bya ba'i don stong pa'i bdag nyid can gyi sems de nyid yi ge aM dmar po yongs su gyur pa las nyi ma'i dkyil 'khor gyi rnam par bsams/ /de'i steng du hUM nag po yongs su gyur pa las rdo rje rtse lnga pa nag po kha gyes pa lte ba'i yi ge hUM gis mtshan pa nyi ma wa gnas pa bsam mo/ /de nas de las byung ba'i rdo rje'i rang bzhin gyi 'od zer phyogs bcur kun tu 'phros pas bgegs thams cad bsal la/ rdo rje'i rang bzhin gyi 'od zer de nyid las rdo rje rab dang dra ba dpangs dpag tshad brgyad stong du ma yong pa/ bdud thams cad kyi bsgrod par mi nus pa/ phyogs thams cad khyab pa'i phyi rol na dus mdza' i me'i phung po 'bar ba lta bus bskor ba dang/ rdo rje'i rang bzhin gyi sa'i dkyil 'khor sa'i 'og gi mthar thug pa bsams la/ de'i dbus su chos 'byung ba'i phyag rgya gyen kar gnas pa steng yangs pa/ 'og dog pa nam mkha' i khams rgya che ba khongs su rdud? pa/ ston ka'i zla ba ltar dkar ba bsams la/ de'i dbus su yi ge paM ser po las byung ba'i sna tshogs pad+ma rgya che ba/ /de'i dbus su yi ge hUM nag po las byung ba'i sna tshogs rdo rje bsams la/ de'i dbus su zla ba la gnas pa'i yi ge bruM dkar po yongs su gyur pa las 'khor lo rtsibs bcu gnyis pa de'i lte bar zla ba la gnas pa'i yi ge bruM bsams la/ de yongs su gyur pa las bcom ldan 'das rnam par snang mdzad sku mdog dkar po zhal g.yas dkar po dang sngon po dang dmar po gsum gyis rnam par mdzes pa/ /phyag drug pa phyag dang po gnyis kyis rang dang 'dra ba'i rig ma la 'khyud pa/ g.yas kyi gnyis pa la 'khor lo dkar po/ gsum pa na ral gri phyag g.yon gyi gnyis pa na rin po che/ gsum pa na pad+ma dmar po bsnams pa/ ral pa dang cod pan mnga' ba/ sna tshogs pad+ma dang zla ba la/ rdo rje'i skyil mo krung gis bzhugs pa/ 'od zer dkar po'i tshogs rnam par 'phro ba bsams la de yongs su gyur pa las khang pa brtsegs ma rim pa gnyis/ rin po che sna tshogs 'od gsal ba'i rang bzhin can/ phyi'i rim pa zur bzhi pa sgo bzhi pa/ rta babs bzhis brgyan nga? ba dan dang rgyal mtshan kha dog rnam pa sna tshogs pa la dril bu btags pa rlung gi bskyod pa dang/ me tog gi phreng ba dang/ rnga yab dang/ dra ba dang/ dra ba phyed pas nye bar mdzes pa/ phyi rol na gzugs kyi gnas kyi kha khyer rdo rje rin po ches nye bar mdzes shing yid du 'ang ba'o/ /nang gi rim pa zlum po la rdo rje phreng bas yongs su bskor ba/ ka ba brgyad kyis nye par mjes pa/ sdong bu dang bcas pa'i sna tshogs pad+ma'i 'dab ma la gnas pa'i zla ba bcu gnyis dang/ nyi ma bdun gyi gdan dang ldan pa rnam par bsams nas/ der dbus ma'i zla ba'i gdan la dbyangs kyi yi ge bcu drug nyis 'gyur du byas pa yongs su gyur pa las/ /skyes bu chen po'i mtshan sum cu rtsa gnyis kyi rgyur gyur pa'i zla ba'i dkyil 'khor bsams la/ de'i steng du ka la sogs pa gsal bya'i yi ge sum cu rtsa bzhi dang/ da b+haT Dha ya la zhes bya ba'i yi ge drug gis bsnan pa nyis 'gyur du byas pa dkar po brgyad cu yongs su gyur pa las/ dpe byad bzang po brgyad cu bskyed par byed pa'i zla ba'i dkyil 'khor gnyis par bsam par bya'o/ /de ltar shes rab dang thabs kyi rang bzhin gyi zla ba'i dkyil 'khor gnyis bsgoms pa las kun gzhi rnam par shes pa gnas gyur nas chos thams cad gzugs brnyan dang 'dra bar rtogs pas me long lta bu'i ye shes skye ba yin no/ de nas zla ba de gnyis gcig tu gyur pas rang dang gzhan gyi rtog pa'i dbye ba med pas/ nyon mongs pa can gyi yid gnas gyur pa mnyam pa nyid kyi ye shes yin no/ /zla ba'i dkyil 'khor de nyid la yi ge hUM dmar po bsams la/ de yongs su gyur pa las rdo rje dmar po de'i lte bar yi ge hUM dmar po dang bcas par bsams ?? / brjod dang brjod pa ?? ba'i rnam par rtog pa gnas gyur pa las ni so sor rtog pa'i ye shes so/ /de nas rdo rje de dang yi ge hUM las byung ba'i 'od zer gyi tshogs kyi 'gro ba rnam par spyangs la/ rdo rje sems dpa' i rnam par bsgred? de/ lte ba la yi ge dang bcas pa'i rdo rjer bcug la/ aoM badzra At+ma ko haM/ zhes bya bas nga rgyal bya'o/ /da ni 'jug pa'i rnam par shes pa gnas gyur pa'i bya ba grub pa'i ye shes yin no/ /de nas zla ba dang rdo rje dang yi ge hUM yongs su gyur pa sngon du 'gro ba las bdag nyid rdo rje sems dpa' i sku shel sgong dag pa 'dra ba zhal gsum pa zhal dang po dkar po g.yas sngon po g.yon dmar po/ phyag drug pa/ rtsa ba'i phyag gnyis kyis rang dang 'dra ba'i rig ma la 'khyud pa/ g.yas kyi phyag gnyis pas rdo rje dmar po gsum pa na ral gri/ g.yon gyi phyag gnyis pas rin po che/ gsum pas pad+ma bsnams pa/ rin po che'i cod pan can/ /gzung ba la sogs pa'i rnam par rtog pa/ ma dag pa dang bral bas chos kyi dbyings shin tu rnam par dag pa'i ngo bo nyid bskyed pa po'i rdo rje sems dpar bdag nyid bsams la/ 'dod chags chen pos 'dul ba'i 'jig rten la bltas te de yang dag par sbyang bar bya'o/ /de la 'dod chags chen pos 'dul ba'i sems can gyi khams rnam par sbyang ba'i rim pa ni 'di yin te/ rab tu dga' ba'i sgras nam mkha' i khams na bzhugs pa'i de bzhin gshegs pa'i thams cad rang gi lus la bcug la/ spyan la sogs pa nas reg rdo rje'i mthar thug pa'i lha mo'i gzugs su phyung la/ rang gi shes rab kyi lus la gzhug par bya'o/ /de nas slar yang de bzhin gshegs pa'i chogs rang gi lus la bcug ste/ byang chub kyi sems zhu bar gyur ba rang dang 'dra ba'i pad+ma'i lte bar hUM gis byin gyis brlabs pa'i byang chub kyi sems zhu ba'i dkyil 'khor du rnam par bsams la/ de yongs su gyur pa las rton dang brten pa'i dkyil 'khor lha bcu dgu'i bdag nyid can rdo rje 'chang ba gtso bor gyur par bsams la/ der sems can rnams blos bcug nas/ yang de bzhin du de bzhin gshegs pa rnams rang gi lus la/ bcug la/ de bzhin du byang chub kyi sems zhu bar gyur pa rdo rje'i lam nas phyung ste/ gsang ba'i dkyil 'khor du zhugs pa'i sems can rnams byang chub kyi sems kyi bdud rtsis dbang bskur nas/ k+ShiM dzraM khaM gaM Sh+kaM saM gi sa bon las mig dang/ rna ba dang/ sna dang/ lce dang/ lus dang yid kyi dbang po'i bdag nyid can/ 'og nas bshad pa'i sku mdog dang phyag mchen dang ldan pa'i sa'i snying po dang/ phyag na rdo rje dang/ nam mkha' i snying po dang/ 'jig rten dbang phyug dang/ sgrib pa rnam par sel ba dang/ kun tu bzang po'i rnam par bskyed de dbyung bar bya'o/ dzarjer gyur pa gzugs dang/ sgra dang/ dri dang/ ro dang/ reg bya dang/ chos kyi dbyings kyi bdag nyid can/ /'og nas bshad pa'i sku mdog dang zhel dang phyag dang ldan pa 'byung bar bya'o/ /laM maM paM taM gis sa bon las/ sa dang chu dang me dang rlung gi bdag nyid can spyan dang/ mA ma kI dang/ gas dkar mo dang/ sgrol ma log nas bshad pa'i sku mdog dang zhal dang phyag dang ldan pa 'byung bar bya'o/ bruM aM dzaM khaM hUM gi sa bon las/ gzugs dang/ tshor ba dang/ 'du shes dang/ 'du byed dang/ rnam par shes pa'i phung po'i rang bzhin rnam par snang mdzad dang/ rin chen 'byung ldan dang/ snang ba mdza' yas dang/ don yod grub pa dang/ mi bskyod pa dbyung bar bya'o/ de nas rten dang brten pa ?? dkyil 'khor de thams cad stong zhing nam mkha' lta bur bsams la/ de'i 'og tu aoM Ar je dang shes rab kyi rang bzhin ho dmar po gnyis kyi nang du chud pa mdun gyi nam mkha' la bsams la kha'i go nas rang gi lus la bcug ste rang dang 'dra ba'i rig ma'i 'dod chags kyis mes zhu bar byung bas? rang gi rdo rje lam nas byung ste/ rang dang 'dra ba'i chu skyes kyi lte ba'i nang du chud par bsams la/ de'i stobs kyis bdag nyid rig ma dang bcas pa/ 'dod chags chen po'i tshul gyi ting nge 'dzin gyis zhu bar gyur nas/ dngul? chu'i tshogs ltar 'od gsal bar blta bar bya'o/ /de nas bcom ldan 'das chos kyi dbyings kyi rang bzhin de nyid gdul bya'i skye bo rnam pa sna tshogs 'dul bya dang/ rjes su 'thun pa'i gzugs kyi sku yang dag par 'dzin pa'i don du/ rang gi rgyud las tha mi dad pa'i byams pa dang/ snying rje dang/ dga' ba dang/ btang snyoms kyi ngo bo nyid/ lha mo spyan ma dang mA ma kI dang/ gos dkar mo dang/ sgrol mas bskul ba'i glus rab tu sad bzhin par bsgom par bya'o/ / sems can khams na gnas kyi dbang phyug khyod ni rdo rje thugs/ /dga' ba'i yid 'ong don chen 'dod pas bdag la skyabs su gsol/ /mgon po gal te de ring bdag ni gson par mchis bzhed na/ /sems can yab chan gnyen mchog bdag la dgyes par mdzad du gsol/ /rdo rje khyod bka' yi 'khor lo sems can kun la phan/ /sangs rgyas don du byang chub don dam rab tu phan par gzigs/ /mgon po gal te de ring bdag ni gson par mchis bzhed na/ /'dod chags dam chag zags? pas bdag la dgyes par mdzad du gsol/ /khyed ni rdo rje'i gsung ste kun la phan zhing thugs brtse ba/ /'jig rten dag ni don dang dgos pa mdzad la rab tu brtson/ /mgon po gal te de ring bdag ni gson par mchis bzhed na/ /dga' ba'i spyod pa kun tu bzang po bdag la dgyes par mdzad du gsol/ /khyod ni rdo rje 'dod pa dam tshig mchog gi phan don che/ /yang dag rdzogs sangs rgyas kyi gdung mcho mnyam nyid thugs brtse ba/ /mgon po gal te de ring bdag ni gson par mchis bzhed na/ /yon tan rin chen mang po'i gter gyur bdag la dgyes par mdzod/ /de ltar glus yang dag par bskul ba'i 'og tu dngos po thams cad sgyu ma lta bur bsams la/ 'dod chags chen pos 'dul ba'i skye bo dang rjes su mthun pa'i skyes bu chen po'i mtshan dang dpe byad kyis brgyan pa'i ?? pa spyan ras gziT dbang phyug skur bdag nyid bskyed par bya ba'i phyir/ zhu bde yongs su gyur pa las yi ge h+ri dmar por de yongs su gyur pa las pad+ma dmar po dbus na zla ba gnas pa'i yi ge h+ri 'od zer rnam par 'phro ba ?? par bsams la/ re las byung ba'i 'od zer gyi tshogs rnams kyis 'jig rten gyi khams ma lus bsnang bar byas te/ gdul bya'i sems can gyi khams? rnam pa sna tshogs pa rnam par sbyangs nas/ 'phags pa spyan ras gzigs dbang phyug lta bu'i de bzhin gshegs pa 'og nas bshad pa'i sku mdog dang zhal dang phyag dang/ mtshan pa dang ldan par byas la /pad+ma dmar po yi ge h+ris mtshan pa de nyid du bcug nas pad+ma dang zla ba dang yi ge h+ri de yongs gyur pa las/ bcom ldan 'das 'phags sna pa spyan ras gzigs dbang phyug zhal gsum pa phyag drug pa/ sku thams cad dang zhal dang po dmar ba/ zhal g.yas pa sngo zhing/ g.yon pa dkar ba/ rtsa ba'i phyag gnyis kyi rang dang 'dra ba'i rig ma la 'khyud pa/ /g.yas kyi phyag gnyis pa na pad+ma/ gsum pa na ral gri bsnams pa/ g.yon gyi phyag gnyis na rin po che gsum pa na 'do? lo bsnams ba/ ral ba dang cod pan dang ldan par bdag nyid rnam par bsams la/ /'khor ba dang mya ngan las 'das pa la mi gnas pa'i don du sngags 'di brjod par bya'o/ /aoM d+harmA? d+hA tu swa b+hA ba At+ma ko haM/ 'di dag rgyu mthun pa'i 'bras bu dang/ bsnyen pa'i yan lag chung ngu yin no/ /de'i 'og tu mig gnyis su a dkar po las zla ba la gnas pa'i yi ge k+Sha dang 'khor lo yongs su gyur pa ??/ sa'i snying po rin po che'i cod pan can zhal dang phyag dang mtshan ma la sogs pa bcom ldan 'das rnam par snang mdzad dang 'dra ba ste/ de'i 'og ma rnams la de bzhin no/ /de bzhin du rna ba gnyis su zla ba la gnas pa'i yi ge dzraM sngon po dang/ rdo rje yongs su gyur pa las phyag na rdo rje 'og nas bshad pa'i mi bskyod pa lta bu'o/ /sna la zla ba la gnas pa'i yi ge khaM ser po dang rin po che ljang gu cha dgu pa yongs su gyur pa las nam mkha' i snying po rin chen 'byung ldan lta bu'o/ /lce la zla ba la gnas pa'i gaM dmar po dang pad+ma dmar po yongs su gyur pa las 'jig rten dbang phyug 'od dpag tu med pa lta bu'o/ /thod pa'i nang du zla ba la gnas pa'i k+ShaM ljang gu dang ral gri yongs su gyur pa las sgrib bla? thams cad rnam par sel ba don yod grub pa lta bu'o/ /lte bar zla ba la gnas pa'i yi ge saM dkar po dang rdo rje dmar po yongs su gyur pa las sngar bshad pa'i rdo rje sems dpa' lta bu bsgom par bya ste/ 'di dag ni rnam par smin pa'i 'bras bu chung du dang/ nye bar sgrub pa chung du'o/ /de nas chos dang longs spyod rdzogs pa dang/ sprul pa'i sku gsum bskyed par bya ba'i don du thugs kyi gsang ba la sogs pa byin gyis brlab pa 'di ltar bya ste/ rang gi snying gar zla ba la gnas pa'i yi ge hUM yongs su gyur pa las rdo rje rtse lnga pa ste lte bar zla ba la gnas pa'i yi ge hUM bsams la/ de'i 'od zer gyi sgo las byung ba'i thugs rdo rje'i sprul pa'i tshogs rnams kyis 'gro ba rnams thugs rdo rje'i rnam par bskyed la/ yang snying gar gnas pa'i yi ge hUM de nyid du bcug nas/ yi ge hUM dang zla ba dang rdo rje yongs su gyur pa las thugs rdo rje zhe sdang rdo rje lta bu rin po che'i cod pan can bsams la/ de'i thugs kar zla ba la gnas pa'i yi ge hUM sngon po las byung ba'i 'od zer gyi sgo rnams las/ thugs rdo rje'i tshogs rnam par sbros la de'i 'od zer gyi thog ma med pa nas grub pa'i de bzhin gshegs pa thugs rdo rje'i tshogs spyan drangs la nam mkha' i khams kun du dag pa'o/ /de nas hUM de las byung ba'i gzugs rdo rje la sogs pa'i lha mo rnams kyi yang dag par mchod la/ thugs rdo rjer byin gyis brlabs pa'i don du gsol ba gdab par bya'o/ /dpal ldan rdo rje thugs 'chang ba/ /rdo rje mi byed gsum bsgoms pas/ /deng bdag byin gyis brlab nas su/ /rdo rje thugs kyis mdzad du gsol/ /phyogs bcud bzhugs pa'i sangs rgyas rnams/ /rdo rje mi phyed gsum bsgoms pas/ /ded bdag byin gyis brlab gnas su/ / rdo rje thugs kyis mdzad du gsol/ /de nas rang gi sems de bzhin gshegs pa thams cad kyi thugs rdo rje byin gyis brlabs bar mos shing/ aoM sarbba ta thA ga ta tsit+ta badzra swa b+hA ba At+ma ko haM/ zhes byin gyis brlab par bya'o/ /de'i l tar klog ma'i 'og tu zla ba la gnas pa'i pad+ma ?? lte ba la gnas pa'i zla ba la yi ge h+ri dmar po bsams la de las byung ba'i 'od zer rnams kyis de bzhin gshegs pa thams cad bkug nas yi ge h+ri las gzugs rdo rje la sogs pa spros te/ de rnams kyis de yang dag par mchod nas yi ge h+ri de nyid du bcug la de thams cad yongs su gyur pa las ye shes sems dpa' bsam zhing/ de'i thugs kar zla ba la gnas pa'i rang gi sa bon bsgom par bya'o/ /de'i gong lkog mar zla ba'i dkyil 'khor gyi steng du Apa'i sgo nas byung ba'i de bzhin gshegs pa gsung rdo rje dang/ sngon grub pa'i sangs rgyas rnams kyis nam mkha' i gtogs dkar la de bzhin du gzugs rdo rje ma la sogs pas de rnams yang dag par mchod de/ rang bzhin gsung rdo rjer byin gyis brlab pa'i don du gsol ba gdab par bya'o/ /chos kyi gsung lam dpal dang ldan/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje gsung gi mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlab gnas su/ /rdo rje gsung gis mdzad du gsol/ /de nas de rnams rang gi gsung rdo rje bcug la 'di ltar nga rgyal bya'o/ /aoM sarbba ta thA ga ta bA ka badzra swa b+hA ba At+ma ko haM/ de nas mgo bor zla ba la gnas pa'i 'khor lo'i lte bar zla ba la gnas pa'i yi ge aoM dkar po bsams la/ /de la spros pa'i 'od zer gyi sgo las byung ba'i de bzhin gshegs pa sku rdo rje dang/ de bzhin gshegs pa thams cad kyi sku rdo rjes snga ma bzhin du nam mkha' i gtos gang bar bsams la/ de nas snga ma bzhin du gzugs rdo rje la sogs pas de rnams yang dag par mchod de/ mgo bo'i yi ge aoM du bcug la/ sku rdo rjer byin gyis brlab pa'i don du gsol ba gdab bar bya'o/ /dpal ldan rdo rje sku 'chang ba/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje skus ni mdzad du gsal phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlab nas su/ /rdo rje sku ni mdzad du gsol/ /de nas de bzhin gshegs pa thams cad kyi sku rdo rjer byin gyis brlabs pas/ / rang nyid sku rdo rjer byin gyis brlab par bya'o/ /aoM sarbba ta thA ga ta kA ya badzra swa b+hA ba At+ma ko haM/ 'di dag ni skyes bu byed pa'i 'bras bu chung du dang/ sgrub chung du yin no/ /de nas ye shes sems dpa' i thugs ka'i sa bon la sa byung ba'i 'od zer rnams kyis de bzhin gshegs pa'i tshogs bkug la/ /mdun gyi nam mkha' i phyogs su bzhugs par bsams nas byang chub rdo rje sangs rgyas la/ mchod chen ji ltar mdzad pa ltar/ /bdag kyang rtogs par bya ba'i phyir/ / nam mkha' i rdo rje deng bdag gsol/ /zhes bya ba'i dbang bskur bar gsol ba btab pa'i tshigs su bcad pas dbang bskur bar gsol ba btab pa'i rjes thogs la/ /de bzhin gshegs pa'i sku las byung ba'i spyan la sogs pa'i lha mo ye shes kyi bdud rtsis yongs su gang ba'i rin po che'i bum pa bsnams pa rnams kyis gzugs rdo rje ma la sogs pa'i mchod pa dang/ rol mo dang bkra shis kyi glu rnams sna tshogs pa'i ca co 'don pas bdag nyid dbang bskur bar bsams la/ /byang chub kyi sems de yongs su gyur pa las/ bcom ldan 'das 'jig rten dbang phyug gi dbu'i steng gi cod pan la bcom ldan 'das 'od dpag tu med pa bsam par bya'o/ /'di ni dbang gi 'bras bu chung du dang/ sgrub pa chen po'i yan lag chung du yin no/ /de nas rang dang 'bra ba'i rig ma yang bdag nyid snga rab snyen pa chung du la sogs pa'i rim pas mig la sogs pa byin gyis brlab pa dang/ thugs dang gsung dang sku rdo rjer byin gyis brlab pa dang/ de bzhin gshegs pa thams cad kyis dbang bskur bar bya ste/ yan lag bzhi pa bar ma rdzogs par byas nas rigs lnga dang bsre bar bya'o/ /de'i rim pa 'di yin te/ nu ma yan chad nas mgo bo'i bar du yi ge aoM dkar po yongs su gyur pa las/ rnam par snang mdzad kyi phra rab kyi rang bzhin nu ma'i 'og nas lte ba yan chad du yi ge hUM sngon po yongs su gyur pa las mi bskyod pa'i phra rab gyi rang bzhin lte ba'i 'og nas rked p a'i bar du yi ge swA ser po yongs su gyur pa las rin chen 'byung ldan gyi phra rab kyi rang bzhin pad+ma nas brla gnyis su yi ge Abrtsams te/ rkang mthil gnyis kyi mthar thug par yi ge hA ljang gu yongs su gyur pa las don yong grub pa'i rang bzhin no/ /de ltar rang gi rig ma la rigs lnga dang bsre ba dmigs la/ de nas yi ge hUM yongs su gyur pa las rang gi rdo rje aoM yongs su gyur pa las nor bu/ bu gar phar gyis byin gyis brlabs la/ rang gi rig ma la yi ge hUM yongs su gyur pa las pad+ma/ yi ge Athams cad kyi bla na med pa'i bde ba la yang dag par longs spyod pa'i mchod pa'i don du rang dang 'dra ba dang lhan cig dga' btsam par byin gyis brlabs par bya'o/ /aoM sarbba ta thA ga ta A nu rA ga Na badzra swad+hA ba A t+ma ko haM/ 'di dag ni dang po'i sbyor ba zhes bya ba'i ting nge 'dzin to/ /de'i 'og tu rab tu dga' ba'i sgras de bzhin gshegs pa lnga khar bcug la 'dod chags chen po'i mes zhu bar gyur nas rdo rje'i lam nas byung la/ rang dang 'dra ba'i rig mdza' i du? skyes kyi nang du byang chub kyi sems zhu ba'i dkyil 'khor yi ge h+ri dmar pos byin gyis brlab par bsams la/ /de yongs su gyur pa las bcom ldan 'das 'od dpag tu med pa'i bdag bor gyur pa'i dkyil 'khor gyi 'khor lo mngon par sprul la/ /bdag dang gzhan gyi don rdzogs par bya ba'i phyir phyi rol tu spro bar bya ste/ A ro li ka ces pas 'od dpag tu med pa sku mdog dmar po dang zhal dmar po dang/ sngon po dad/ dkar po zhal gsum dang ldan pa/ phyag drug pa rtsa ba'i phyag gnyis kyi rang dang 'dra ba la 'khyud pa/ g.yas kyi phyag gnyis pa na pad+ma dmar po/ gsum pa na ral gri bsnams pa/ g.yon gyi phyag gnyis pa na rin po che/ gsum pa na 'khor lo bsnams pa byung la spres pas 'gro ba rnams gsung gi rdo rje'i rnam par byas nas/ de yang rang gi lus la dngos po thams cad kyis bzhug par bya'o/ /de bzhin du thams cad du yang spro ba dang bsdu bar bya'o/ /de nas dzi na dzi ka ces bya bas rnam par snang mdzad snga ma lta bu byung la shar phyogs kyi zla ba la dgod par bya'o/ /de'i 'og tu ratna d+h+rika ces bya bas rin chen 'byung ldan sku mdog ser po/ /zhal gsum ser po dang sngon po dang dkar po dang ldan pa phyag drug pa rtsa ba'i phyag gnyis kyis rang dang 'dra ba la 'khyud ba/ g.yas kyi phyag gnyis pa na rin po che ljang gu /gsum pa na ral gri bsnams pa/ g.yon gyi phyag gnyis par 'khor lo/ /gsum pa na pad+ma bsnams pa/ lho phyogs kyi nyi ma'i dkyil 'khor la bzhag par byong de nas badzra d+h+ri ka ces bya bas mi bskyod pa sku mdog sngon po/ zhal gsum pa sngo ba dang dkar ba dang dmar ba phyag drug pa/ rtsa ba'i phyag gnyis kyis rang dang 'dra ba la 'khyud pa/ g.yas kyi phyag gnyis pa na zhi ba'i rdo rje nag po/ /gsum par ral gri bsnams pa/ g.yon gyi phyag gnyis pa na nor bu/ gsum pa na pad+ma bsnams pa/ nub phyogs kyi nyi ma'i dkyil 'khor la bzhag par bya'o/ /de'i 'og tu pradz+nyA d+h+ri ka ces bya bas don yong grub pa sku mdog ljang gu zhal gsum pa/ ljang gu dang sngon po dang dkar po/ /phyag drug pa rtsa ba'i phyag gnyis kyis shes rab ma la 'khyud pa/ phyag g.yas pa'i gnyis pa na ral gri /gsum pa na 'khor lo bsnams pa/ phyag g.yon pa'i gnyis pa rin po che/ gsum pa na pad+ma bsnams pa/ byang phyogs kyi nyi ma'i dkyil 'khor la bzhag par bya'o/ /de bzhin gshegs pa bzhi po ni nyi ma'i gdan dang nyi ma'i 'od mnga' ba/ ral pa dang cod pan can yin la/ rnam par snang mdzad ni zla ba'i gdan dang/ zla ba'i 'od mda' ba' o/ /de nas mo ta rA ti zhes bya bas lha mo spyan zhal dang phyag la sogs pa rnam par snang mdzad dang 'dra ba me'i phyags su zla ba'i dkyil 'khor la bzhag par bya'o/ /de nas dwe Sha rU ti zhes bya ba bas mA ma kI zhal dang phyag la sogs pa mi bskyod pa dang 'dra ba bden bral gyi phyogs su zla ba'i dkyil 'khor la bzhag par bya'o/ /de nas rA gar ti zhes bya bas lnga mo gos dkar mo zhal dang phyag la sogs pa 'od dpag tu med pa dang 'dra ba rlung gi phyogs kyi zla ba'i dkyil 'khor la bzhag par bya'o/ /de nas badzra rA ti zhes bya bas bsgrol ma zhal la sogs pa rin chen 'byung ldan dang 'dra ba rtsa ba'i phyag gnyis kyis thabs la 'khyud pa phyag gnyis pa na au tpa la ser po kha bye ba/ gsum pa na ral gri bsnams pa/ g.yon pa'i phyag gnyis pa na rin po che/ gsum pan 'khor lo bsnams pa/ dbang ldan gyi phyogs su zla ba'i dkyil 'khor la dgad par bya'o/ /de'i 'og tu aoM Amchod pa'i lha mo rnams rim pa bzhin du/ gzugs rdo rje dang/ sgra rdo rje dang/ dri rdo rje dang/ ro rdo rje dang/ reg rdo rje dang/ chos kyi dbyings rdo rje go rim bzhin du sku mdog dkar po dang/ sngo ba dang/ ser ba dang/ dmar ba dang/ ljang gu dang/ dkar po phyag drug pa/ rtsa ba'i phyag gnyis kyis thabs la 'khyud pa/ phyag g.yas pa'i gnyis pa na me long dang/ pi bang dang/ dri'i dung phor dang/ ro'i snod dang/ gos dang/ chos 'byung ba'i mtshan ma bsnams pa/ phyag lhag ma rnams na rim bzhin du ral gri dang/ nor bu dang/ pad+ma bsnams pa/ rgyan dang na bza' la sogs pas brgyan pa zla ba'i gdan dang/ zla ba'i 'od mnga' ba/ /rdo rje skyil ma krung gis legs par bzhugs pa/ rim pa gnyis pa'i me la sogs pa'i mtshams rnams dang/ shar phyogs kyi sgo logs gnyis su zla ba'i dkyil 'khor la snga ma bzhin du dgod par bya'o/ /de'i 'og tu ya mAn+ta krita ces bya bas gshin rje gshed sku mdog nag po zhal gsum pa nag po dang dkar po dang dmar po/ rnga? ba'i phyag gnyis kyis rang dang 'dra ba la 'khyud pa/ phyag lhag ma rnams kyis rdo rje tho ba dang/ ral gri dang/ rin po che dang/ pad+ma bsnams pa/ snga ma bzhin du phyung ba la sogs pa bya ba sngon du 'gro bas shar phyogs kyi sgor nyi ma'i dkyil 'khor la bzhag par bya'o/ /de bzhin du pra dz+nyA n+ta krita ces bya bas shes rab mthar byed sku mdog dkar po zhal gsum dkar po dang/ sngon po dang dmar po phyag drug brtsa ba'i phyag gnyis kyi rang rang 'dra ba la 'khyud pa/ phyag lhag ma rnams na rdo rje dbyug pa dkar po dang/ ral gri dang/ rin po che dang pad+ma bsnams pa/ /snga ma bzhin du spro ba la sogs pa byas la lho phyogs kyi sgor nyi ma'i dkyil 'khor la bzhag par bya'o/ /de bzhin du padnAn ta krita ces bya bas pad+ma mthar byed sku mdog dmar ba/ zhal gsum dmar po dang/ sngon po dang/ dkar po mnga' ba/ phyag drug pa rtsa ba'i phyag gnyis kyis rang dang 'dra ba la 'khyud pa/ phyag lhag ma rnams na pad+ma dmar po dang/ ral gri dang/ 'khor lo dang/ rin po che bsnams pa/ snga ma bzhin du phyung la/ spro ba la sogs pa byas nas/ nub kyi sgor nyi ma'i dkyil 'khor la bzhag par bya'o/ /de bzhin du big+h+nan ta krita ces bya bas bgegs mthar byed sku mdog nag po zhal gsum/ nag po dang/ dkar po dang/ dmar po/ phyag drug pa/ rtsa ba'i phyag gnyis kyis rang dang 'dra ba la 'khyud pa lhag ma rnams na rdo rje nag po kha gyes pa dang/ ral gri dang/ rin po che dang/ pad+ma bsnams pa/ snga ma bzhin du byung la spro ba la sogs pa byas nas byang phyogs kyi nyi ma'i dkyil 'khor la bzhag par bya'o/ /khro bo thams cad kyang dbu skra dmar ser gyen du brzes pa/ gsus pa 'phyang ba/ shin tu gdug pa/ spyan dmar zhing zlum pa/ me'u thung ba'i gzugs can/ stag gi pags pa'i sham thabs can/ klu chen po rnams kyis brgyan pa/ zhal gyi mche ba gtsigs pa/ ljags bskyod cing 'jigs su rung ba/ nyi ma'i 'od shas cher 'bar ba'o/ /de ltar dkyil 'khor gyi 'khor lo ma lus pa bskyed cing brtan par bsgom par bya'o/ /de nas ye shes sems dpa' i snying po'i sa bon gyi 'od kyis ye shes kyi dkyil/ / spyan drangs la mdun gyi nam mkha' la bsams te/ rang gi sgo bsrungs rnams kyis de'i bgegs bskrad la yang dag par bsrungs te/ rang gi sngags kyis mchod yon phul la/ gzugs rdo rje la sogs pa legs par spros te/ yang dag par mchod nas/ dzachen po yin no/ /de yang snga ma bzhin du mig la sogs pa byin gyis brlab bar bya ba ni rnam par smin pa'i 'bras bu chen po dang/ nye bar sgrub pa chen po yin no/ /de nas sngar bshad pa'i rim pas sku dang gsung dang thugs byin gyis brlab par bya ba ni sgrub pa chen po dang skyes bu byed pa'i 'bras bu chen po yin no/ /de nas dkyil 'khor pa thams cad kyi thugs ka'i ye shes sems dpa' i snying po'i 'od kyis de bzhin gshegs pa rnams bskul bkug ste/ mdun du nam mkha' la bsams nas/ gzugs rdo rje la sogs pas yang dag par mchod la/ dbang bskur ba'i don du gsol pa gdab bo/ /de nas de bzhin gshegs pa de rnams kyi sku las byung ba'i lha mo sbyan ma la sogs pa rnams ye shes kyi bdud rtsis yongs su gang ba'i rin po che'i bum pa thogs pas dbang bskur ba dang/ dkyil 'khor pa rnams kyi dbu la rang gi bdag por gyur pa bsam par bya'o/ /de la de bzhin gshegs pa thams cad kyi dbu la mi bskyod pa'o/ /mi bskyod pa'i dbu la ni/ rdo rje sems dpa' 'o/ /spyan dang/ gzugs rdo rje dang/ gshin rje gshed kyi dbu la ni rnam par snang mdzad do/ /mA ma kI dang/ sgra rdo rje dang/ chos kyi dbyings rdo rje dang/ shes rab mthar byed dang/ bgegs mthar byed kyi dbu la ni mi bskyod pa'o// / gos dkar mo dang/ ro rdo rje dang/ rta mgrin gyi dbu la ni 'od dpag tu med pa'o/ /sgrol ma dang reg rdo rje'i dbu la ni don yod grub pa'o/ i rdo rje'i dbu la ni rin che na 'byung ldan no/ /sa'i snying po dang/ phyag na rdo rje dang/ nam mkha' i snying po dang/ 'jig rten dbang phyug dang/ sgrib pa thams cad rnam par sel ba dang/ kun tu bzang po'i dbu la ni/ go rim bzhin du rnam par snang mdzad dang/ mi bskyod pa dang/ rin chen 'byung ldan dang/ 'od dpag tu med pa dang/ don yod grub pa dang/ mi bskyod pa bsam bar bya'o/ /dkyil 'khor gyi 'khor lo'i gtso bo la sogs pa/ dkyil 'khor pa 'di dag thams cad rigs kyi bdag po dang bcas shing shes rab dang thabs kyi rang bzhin dri ma med pa'i mchog tu bde ba dam pa'i ngo bo nyid du bsam par bya'o/ /de ltar na 'di dag ni sgrub pa chen po'i chen po dang dbang gi /'bras bu chen po yin no/ /de nas ye shes sems dpa' i thugs ka'i sa bon gyi 'od zer gyi tshogs kyis nam mkha' i khams na gnas pa'i gzugs la sogs pa'i yul thams cad bdag nyid kyi rang dang 'dra ba'i rig ma'i snying gar cho ga bzhin du bcug la/ rang dang 'dra ba'i pad+ma'i nang du zhu bar gyur par bsams nas/ de'i 'od zer las byung pa'i gzugs rdo rje la sogs pa lha mo'i tshogs rnams dang/ phyi'i mchod pa'i tshogs rnams kyis dkyil 'khor gyi 'khor lo yang dag par mchod la/ mchod pa dang/ mchod pa byed pa po dbyer med du nga rgyal byas nas/ aoM sarba ta thA ga ta pA dza badzra b+hA ba At+ma ko haM/ de nas bdag nyid dkyil 'khor pa dang bcas pa la 'di ltar bstong par bya'o/ /rdo rje mi 'chi rgyal po che/ /mi rtog nam mkha' rdo rje 'dzin/ /'dod chags pha rol phyin pa brnyes/ /rdo rje gsung la phyag 'tshal lo/ /rnam par snang mdzad dag pa che/ /rdo rje zhi ba dga' chen po/ /rang bzhin 'od gsal mchog gi mchog /ston pa rdo rje phyag 'tshal lo/ /rin chen rgyal po rab tu zab/ / rdo rje nam mkha' dri ma med/ /rang bzhin dag pa gos ba med/ /rdo rje sku la phyag 'tshal lo/ /mi bskyod rdo rje yi shes che/ /rdo rje dbyings ni mkhas chen po/ /dkyil 'khor mchog gsum yi ge gsum/ /rdo rje dbyings la phyag 'tshal lo/ /don yod rgyal po rdzogs sangs rgyas/ /bsam pa thams cad rdzogs mdzad pa/ /rang bzhin dag pa las byung ba/ /rdo rje sems dpa' phyag 'tshal lo/ /de nas bdud rtsi myang ba'i cho ga 'di ltar bya ste/ mdun du yi ge yaM yongs su gyur pa las/ rlung gi dkyil 'khor gzhu'i dbyibs can ba dan gyis mtshan pa bsams la/ de'i steng du raM yongs su gyur pa las/ me'i dkyil 'khor gru gsum rab tu 'bar ba'i gzugs can dmigs la/ de'i steng du a yongs su gyur pa las thod pa/ de'i nang du bdud rtsi lnga la bruM aM dziM khaM hUM zhes bya ba/ de bzhin gshegs pa lnga'i sa bon gyis byin gyis brlabs par bsams nas/ de'i 'og tu bsreg pa dang/ 'bar ba la sogs bas yang dag par sbyangs la/ /aoM byin gyis brlabs par bsams nas/ de'i steng du maM? pUM? lhas? gyur pa'i rdo rje bsam mo/ /de nas yi ge aoM gyi 'od zer gyis de bzhin gshegs pa thams cad kyi ye shes kyi bdud rtsi bkug la/ bdud rtsi lnga po de nyid kyi nang du gzhug par bya'o/ /de nas bsreg pa dang/ 'bar bas yi ge aoM dang rdo rje de nyid du zhu bar gyur par bsams la/ de ltar bskyed pa'i bdud rtsi de lce la yi ge hUM las/ rdo rje bkod pa'i lce bzang po dang/ ro rdo rjes bstabs pas bdag nyid dang/ dkyil 'khor pa rnams tshim par bya'o/ /de ltar dkyil 'khor 'byin pa nas/ bdud rtsi myang ba'i bar du ni/ dkyil 'khor rgyal po mchog ces bya ba'i ting nge 'dzin yin no/ /sems dbang du gyur pa thob na/ zhi ba la sogs pa'i las rnams kyi 'gro ba'i don bsgrub par bya ba yin pa'i phyir ro/ /thig le'i rnal 'byor bsgom par bya ba yin pas/ sems brtan par bya ba'i don du las kyi rgyal po mchog bsgom par bya'o/ /de bas na ye shes sems dpa' i thugs ka'i sa bon gyi 'od zer rnams kyi khams gsum po snang bar byas nas/ rang gi lha'i rnam par byas la dkyil 'khor gyi 'khro lo gzhug par bya'o/ /dkyil 'khor gyi 'khor la ni bdag nyid la gzhug go / bdag ni ye shes sems dpa' la gzhug go /de nas ye shes sems dpa' ni mtshan mar ro/ /mtshan ma ni tsa na ka'i tshad kyi thig ler bcug la/ thig le'i dbus su bskyed pa'i rim pas/ /dkyil 'khor gyi 'khor lo skad cig tsam gyis bsgom par bya'o/ /'dir bsnyen pa la sogs pa ni chen po'i sgrar brjod do/ /tsa na ka'i 'bras bu'i tshad tsam du da ltar bsgoms la/ yang thig le'i dbus su chung ba'i 'od zer gyis tshogs su snang ba las sa bon du bsam mo/ /sa bon gyi 'od zer rnams las mtshan ma/ mtshan ma'i 'od zer rnaMs las ye shes sems dpar bsam mo/ /ye shes sems dpa' i 'od zer spros pa las/ dkyil 'khor gyi bdag po'i bdag nyid bsam mo/ /de nas dkyil 'khor bdag po'i 'od zer gyi snang ba las/ dkyil 'khor gyi 'khor lo snga ma bzhin du gnas par bsams la/ dkyil 'khor gyi 'khor lo de kun tu spros pa'i 'od zer rnams kyis khams gsum pa ma lus par de bzhin gshegs pa'i tshogs kyis khyab par bsgoms nas/ yang de bzhin du thig le'i bar du bsdu zhing slar spro ba dang/ slar yang thig le'i bar du bsdu ba dang/ de bzhin du dkyil 'khor gyi 'khor lo bsgom pa ji srid 'dod kyi bar du byas pa ni thig le'i rnal 'byor ro/ /de'i 'og tu nam mkha' la bzhugs pa'i rigs lnga'i de bzhin gshegs pa rnams bdag nyid kyi khar bcug ste/ byang chub kyi sems zhu bar gyur pa las rdo rje'i lam nas phyung ste/ snga ma bzhin du rang dang 'dra ba'i pad+ma'i lte bar byang chub kyi sems zhu ba'i thig ler bsams la der yi ge h+ri yongs su gyur pa las pad+ma tsa na ka'i 'bras bu'i tshad tsam du bsgoms la/ pad+ma'i lte ba'i dbus su dkyil 'khor gyi 'khor lo bskyed pa'i rim pas skad cig gis bsgom par bya'o/ /'dir bsnyen pa la sogs pa ni chen po'i sgrar brjod do/ /'di la ji srid du sems brtan par ma gyur pa de srid du shin tu spro bar mi bya'o/ /sems brtan par gyur nas ni yang de bzhin gshegs pa rnams dang spro ba dang/ bsdu bar bya ba ni phra mo'i rnal 'byor ro/ /de nas bsgom bas skyo na/ yi ge dgu po ye shes sems dpa' i sa bon yongs su bskor te gnas pa la bzlas brjod bya'o/ /aoM Azlos shing sku dang gsung dang thugs rdo rje re re zhing ngam/ thugs rdo rje'i bdag nyid can dang/ ye shes sems dpa' dang de'i sku dang gsung dang thugs rdo rje dang/ ye shes sems dpa' dang lhan cig lnga po'i bdag nyid can bsams la/ de ra'i zhing 'byin pa dang 'jug pa'i rlung gis rim gyis sam cig car spro ba dang bsdu bar bya zhing/ myur ba dang dal ches pa'i nyes pa dang bral bar sngags kyis de kho na nyid la lhag par mos pas/ gsang sngags yi ge dgu po bzlas par bya ste 'di ni bzlas pa'i cho ga'o/ /de nas bsgom pa dang bzlas pas dug pa gsal ba'i don du lha mo'i glus bskul la/ spyi bo'i steng du mtho gang tsam gyis spogs par zla ba'i dkyil 'khor la/ aoM dkar po gnas par rnam par bsams la/ de las bdud rtsi 'bab pas bdag nyid tshim par byas par bsgom par bya ste/ 'di ni brtan par bya ba'i cho ga'o/ /de nas yang ngal gso la sngags kyi de kho na nyid la lhag par mos pas ji srid kyi bar du bzlas brjod bya'o/ /de nas gshegs su gsol bar 'dod na rang gi ye shes sems dpa' i 'od zer spros pas dkyil 'khor gyi 'khor lo dang bcas pa'i phyi rol tu spros la mdun du nam mkha' la bsams te/ mchod pa'i sprin spros des bdag nyid dang dkyil 'khor gyi 'khor lo yang dag par mchod nas/ ye shes kyi dkyil 'khor aoM kri to ba sarbba sa twa tswa/ si d+d+hi ma da nga hA ya nu ga /ga ts+tsha d+hAM bud+d+ha gir yaM/ phu nar ga ma na yats+tsha zhes bya ba 'dis gshegs su gsol lo/ /de'i sprul pa rnams bdag nyid la bsdu bar bya'o/ /de nas bsod nams yongs su bsngo ba'i phyir 'di ltar smon lam gdab par bya ste/ rdo rje 'chad ba chen po'i dpal/ /sangs rgyas thams cad dgyes pa ni/ /dge ba 'di yis thob gyur nas/ /'gro bas kyang na di thob shog /phyag rgya chen po'i don grub phyir/ /spyod gang sangs rgyas kyis bsngags pa/ /'gro ba'i don ni bya ba'i phyir/ /spyod de nyid dang bdag ldan shog /de bzhin gshegs rnams thabs gang gis/ /thams cad mkhyen nyid go 'phangs brnyes/ /dag cid yan lag kun rdzogs pa/ /thabs de dang ni bdag ldan shog /sgrib pa thams cad yongs zad phyir/ /sangs rgyas kyis bsngags shes rab gang/ /rnam kun mkhyen nyid kun bya'i phyir/ /bdag gi shes rab de thob shog /rang gi lha yi sbyor ba yis/ /rab mnyam bzhag ste gnas par bya/ /rang gi dkyil 'khor pa tshul du/ /khams gsum pa ni lta bar bya/ /bza' dang btung ba dus su ni/ /skad cig ma'i sbyor ba yis/ /rang gi lhag pa'i ltar bsams te/ /bza' dang bca' sogs rnams sbyang la/ /bdud rtsi myang ba'i cho ga yang/ /rdo rje lce yi sbyar ba yis/ /rang gi lhag lha gtso bor gyur/ /dkyil 'khor snying gar bsams nas su/ /rang sngags byin brlabs ro yis ni/ /sku yi rdo rje sogs tshim bya/ /mchod pa 'di nyid dam pa ste/ /sangs rgyas kun gyis rab tu bsngags/ /'di nyid nang gi sbyin sreg ni/ /yin par gsar 'dus las bshad do/ /khrus kyi dus su spyan sogs kyis/ /dbang bskur lta bur rnam par spyad/ /dran pa brjod sogs nyes pa yis/ /gal te dam tshig nyams gyur na/ /de tshe dam tshig rdo rje zhes/ /bya ba rang gi snying gar bsgom/ /de yi thugs kar yi ge khaM/ /mtshan pa'i dbus su chud par bsam/ / sku gsung thugs kyi rdo rje sogs/ /cho ga ji bzhin dgod par bya/ /sku gsung thugs gyi dbus chud pa'i/ /de yis sa bon kha nas bzlas/ /dam tshig nyams pa'i nyes pa ni/ /spyod 'dod dam tshig rdo rje yis/ /gsang sngags yongs su bzlas nas ni/ /bsgom pa'i mthar ni gshegs su gsol/ /nyal ba'i dus su rang gi ni/ /snying gar dkyil 'khor bsam pa 'am/ /yang na stong nyid bsgoms nas ni/ /rnal 'byor pas ni ci bder nyal/ /gnyid sang cis? dus su ni/ /lha mos bskul ba dran byas la/ /mal nas langs te rnal 'byor pas/ /snga ma bzhin du bsam gtan spyad/ /dpal ldan 'dus pa'i rjes 'brangs te/ /'phags pa 'jig rten dbang bsgrub thabs/ /byang chub 'od kyi ngor mdzad de/ /mar me mdzad kyis 'di byas so/ /sgrub thabs 'di ni legs bris pas/ /bdag gis dge ba gang thob pa/ /de yis 'gro ba thams cad ni/ /rdo rje chos kyi gnas thob? shog /'phags pa spyan ras gzigs dbang phyug gi sgrub pa'i thabs/ /dpal gsang ba 'dus pa'i rgyud kyi rim pas bsgrub pa/ slob dpon chen po dpal mar me mdzad ye shes kyi zhal snga nas mdzad pa rdzogs so// // rgya gar gyi mkhan po dI pi kA ra Sh+rI dz+nyA na dang/ zhu chen gyi lo tsa ba dge slong rin chen bzang pos bsgyur cing zhus te gtan la phab pa'o// //to long nyis brgya phul/ bo long nyis shu la/ to long gcig /

CLOSE WINDOW