བོད་ཡིག

e-texts based on the ACIP/ALL Input

/mdzes pa'i sku las rgyal ba'i sprul bdag gis 'gro ba'i don byed shog /de kho na nyid rin po che snang ba slob dpon dag gi dbang phyug grags pas mdzad pa rdzogs so// //rgya gar skad du/ tat+tA ratna lo ka byA khyA na/ bod skad du/ de kho na nyid rin po che snad ba'i rnam par bshad pa/ bcom ldan 'das gsung gi dbang phyug la phyag 'tshal lo/ /'od dpag med pa rin chen gyi/ /'od kyi spyi gtsug mdzes pa yi/ /'jig rten dbang la phyag 'tshal lo/ /bzhi pa'i snang bar rab bshad bya/ /dpe med ces bya ba la sogs pa la gang gi phyag na pad+ma bsnams pa de ni phyag na pad+ma ste/ bcom ldan 'das spyan ras gzigs dbang phyug yin la/ de rgyal bar gyur cig ces bya bar sbyar ro/ /khyad par ji lta bu zhig dang ldan zhe na/ /dpe med ces bya ba la sogs pa smos te/ dpe med pa ni shin tu gya no ma pa nyid dang/ rgya che ba nyid dang/ 'khor ba'i mdza' i bar du gnas pa'i/ mtshan nyid kyi chos dang ldan pa ste gzhan dag la de med ba'i phyir ro/ /gang gi rang bzhin bde ba nyid kyi ngo bo dpe dang bral bar gyur pa de la de skad ces bya'o/ /gzhan yang khyad par ji lta bu zhig dang ldan zhe na/ dpal te bsod nams dang ye shes kyi tshogs kyi mtshan nyid yin pa/ de'i gnas ni gzhir gyur pa gang yin pa de la de skad ces bya'o/ /chos kyi sku'i ngo bo nyid kyis kun tu 'gro ba nyid yin pi'i phyir/ /so sor nges pa'i gnas med bas na gnas med pa'o/ /yang khyad par ci 'dra zhe na/ dpe med rnams te/ gzugs mchog tu gyur pa dang/ na tshod dang/ sgeg pa la sogs pa'i nyams dang snying rje chen po la sogs pa dang ldan pa nyid kyis na dpe med pa ste/ dpe las 'das pa'i gzugs rdo rje la sogs pa nas/ sgrol ma'i mthar thug ba'i lha mo bcu'i ngo bo rig pa'i 'khor gyis bsgor ba gang la yod pa de la de skad ces bya'o/ /de nyid ni rang gi 'od kyi rig pa ste/ shes rab dang lhan cig 'jug pa'i phyir rig pa dang bcas pa'o/ /srid pa gsum ni 'jig rten gsum na gnas pa'i skye bo'o/ /gang la phan pa ni ma 'ongs pa'i phan pa ste/ sangs rgyas nyid la sogs pa'o/ /de la bde ba ni 'phral gyi phan pa ste/ /'khor lo sgyur ba nyid la sogs pa'o/ /de thob pa ni rnyed pa ste/ mngon du byas pa'o/ /de dag sgrub par mdzad pa gang yin pa de la de skad ces bya'o/ /yongs su mya ngan las mi 'da' ba' i chos nyid kyis mi gnas pa'i mya ngan las 'das pa'i ngo bo rnyed pas rnam pa gzhan du mi 'gyur ba'i phyir 'gyur ba med pa yin te de lta bu'i khyad par can gyi bcom ldan 'das rgyal bar gyur cig ces bya ba'o/ /dus ji srid du zhe na/ /ji srid re ba snang bar zhes bya ba smos te/ re ba'i ngo bo'i sgras ni phyogs bcu nam mkha' i rang bzhin pa 'am yang na re ba ste/ sems can thams cad srid pa'i longs spyod la srid pa'o/ /re ba de snang ba na gsal ba dang/ rab tu 'jug pa dang/ rab tu skye ba'i bar du ste/ de srid du bcom ldan 'das rgyal bar gyur pa ni khyab 'jug dang/ lha chen po dang tshangs pa la sogs pa thams cad las khyad par du 'phags par gyur cig / ces bya ba'i don to/ /de la dpe med bde ba'i ngo bo zhes bya ba 'dis ni rang gi ngon phun sum tshogs pa bstan to/ /dpal gyi gnas 'gyur zhes bya ba ni de'i thabs yin te/ bsod nams dang ye shes kyi tshogs dag ni dpal gyi sgras mngon par brjod pa'i phyir ro/ /srid pa gsum na pan dang bde ba thob mdzad ces bya ba 'dis ni gzhan gyi don? phun sum tshogs pa bstan to/ /dpe med lha mo bcu'i ngo bo rig dang/ rig mar bcas shes bya ba 'dis ni de'i thabs yin te/ lha mo bcu dang dam pa'i sku mtshan sum cu rtsa gnyis dang/ dpe byad bzang po brgyad cu'i rnam pas stong na/ gzhan gyi don phun sum tshogs pa rnam pa thams cad du mdzad pa'i mthu mi mnga' ba'i phyir ro/ /dpal ldan sngags kyi gzhung lugs shes zhes bya ba la sogs pa la/ sngags kyi gzhung lugs zhes bya ba'i sgras ni/ rnal 'byor gyi rgyud sbyir rjod par byed pa yin du zin kyang shugs kyis dpal gsang ba 'dus pa yongs su gzung bar bya ste/ gzhan dag la bzhi pa'i don mi srid pa'i phyir ro/ /lhag ma ni go sla'o/ /du ma'i man ngag ces bya ba la sogs pa la/ 'das pa dang ma 'ongs pa dang/ da ltar gyi slob dpon du ma'i man ngag gi tshogs yang dag par bsdus pa'i mdun gyi dbye bas yongs su dkrugs pa ni/ rnam par dkrugs pas rnam pa thams cad la rnam par khyab pa ste/ des bsgrub par bya ba dkrugs pa'o/ /gsal bar rtogs par bya phyir zhes bya ba ni bde bar gsal bar khong du chud par bya ba'i phyir zhes bya'i tha tshig go / de nyid bsgrub bya'i zhes bya ba la sogs pa la/ mu stegs can gang la kun nas 'khrul pa ste/ rnam par 'khrul pa'i blo shes rab kyi bye brag yod pa de la de skad ces bya'o/ /mu stegs can de dag thams cad bdag gir 'dzin pa'i ling rtog gis blo'i mig khebs par gyur pas/ de kho na nyid 'di zhes bsam/ bsgrub par bya ba ni 'di'i zhes de kho na nyid dang/ bsgrub par bya ba de'i rang gi ngo bo gang yin pa rig cing khong du chung par bya ba de dag la 'khrul pa'o/ /lhag ma ni go sla'o/ /de kho na nyid dang bsgrub par bya ba dag ni blang bar bya ba nyid du ngo bo gcig pa ma yin nam/ ci'i phyir de kho na nyid dang/ bsgrub par bya ba zhes dbye ba bstan? ben/ ? de ni bden pa ma yin te/ de kho na nyid ni blang bar bya ba nyid yin yang/ bde ba dang/ sdug bsngal dang/ btang snyoms la sogs pa so sor snang ba'i tshigs ma lus pa la shes bya tsam du khyab par byed pa yin la/ bsgrub par bya ba yang mngon par 'dod par bya ba ma yin pa las zlog par 'dod pa'i mtshan nyid kyis blang bar bya ba nyid yin yang/ srog chags thams cad kyis gdon mi za bar bsgrub par bya ba ma yin pa las bzlog pa/ bsgrub par bya ba'i 'bras bu nyid du mngon par 'dod pa'i phyir nye pa med do/ /lde las re zhig rig byed kyi mthar smra ba'i mngon par 'dod pa'i bsgrub par bya ba ni dga' ba'i ngo bo zhes bya ba la sogs pa smos te/ dga' ba'i ngo bo ni rtag tu bde ba'i rang bzhin nyid yin pa'i phyir ro/ /rang rig bde? gsal ba'i ngo bo nyid yin gyis bdag nyid rab tu snang ba nyid kyi phyir ro/ /mi g.yo ba zhes bya ba ni mi rtag pa nyid kyis bskyod par mi nus pa'i phyir ro/ /zhi ba ni nyon mongs pa dang/ nye ba'i nyon mongs pas stong pa nyid du yongs su brtags pa'i phyir ro/ /rnam pa de lta bu bsgrub par bya ba la bdun pa ni 'dod par gyur pa'o/ /gang nyan thos dang bcas pa 'jug pa'i rang rgyal ba ni bse ru lta bu ste/ gcig pu rgyu ba dang/ chogs kyis spyod pa'i rang sangs rgyas dag bsgrub byar 'dod do/ /ci 'brab zhig ce na/ gzugs la sogs pa'i phung po dang bral ba'o/ /gzugs dang/ tshor ba dang/ 'du shes dang/ 'du byed dang/ rnam par shes pa'i mtshan nyid dag gi phung po rnams ni spungs te/ bral ba dang rnam par chad pa dang/ 'gag par 'gyur ba zhes bya ba'i bar du'o/ /'di skad bstan par 'gyur te/ nyan thos dang/ rang sangs rgyas thams cad ni phung po lhag ma dang bcas pa dang/ phung po lhag ma med pa'i dbye bas mya ngan las 'das pa tha dad kyang phung po lhag ma med pa'i mya ngan las 'das pa kho na mngon sum bya ba'i phyir bsgrub par bya bar zhugs pa yin no// //de na rang rol tu phyin pa'i tshul du smra bdag la mngon par 'dod pa'i sgrub par bya ba rnam pa bzhi bstan pa'i phyir/ rnam pa stong pa zhes bya ba la sogs pa smos te/ rnam pa ni sngon po dang/ /ser po dang/ bde ba dang/ sdug bsngal la sogs pa'i sna tshogs pa'i rnam pa'i/ /des stong pa ste rnam pa med pa'i/ /rnam pa med pa de nyid kyi phyir nam mkha' lta bu'o/ /gang gi rang bzhin zla ba dang 'dra bar 'od gsal ba'i ngo bo yin pa de la de skad ces bya'o/ /so sor rang rig ces bya ba ni rang rig pa gcig pu'i ngo bo rig pa'o/ /'dir sdug bsngal dang sdug bsngal gyi rgyu dag las 'gro ba ma lus pa gdon par 'dod pa'i snying rje'i rang bzhin gang yin pa de la de skad ces bya'o/ /'di skad du bshad par 'gyur te/ pha rol tu phyin pa nye bar ston pa'i sgras brjod par bya ba/ /sngon po dang/ ser po la sogs pa'i rnam pa sna tshogs pas stong zhing snang ba med la/ dri ma med pa nam mkha' lta bur dag pa 'gro ba ma lus pa'i don byed pa'i snying rje chen po dang ldan pa so sor rang gis rig pa ni bsgrub par bya ba yin te/ pha rol tu phyin pa'i tshul gyis bsgrub par bya ba dang po'o/ /mdzes pa yang de nyid yin la/ /mchon yang de nyid yin pas na mdzes pa'i mchan sum cu rtsa gnyis zhes bya ste/ nges brgyan pa'o don ni skye bo rnams kyis dgos pa ste/ de mdzad pa'i dang tshul can gyi rang bzhin gang la yod pa de ni don mdzad pa'o/ /sbyin pa la sogs pa pha rol tu phyin pa bcu'i rgyud mthun pa de ni/ rang gi mdza' i stobs kyis 'dra ba'i 'bras bu'o/ / sdug bsngal sngar spangs pa nyid kyi phyir dang/ bde ba yang sngon du byas pa'i gnas skabs na med pa'i phyir btang snyems kyi ngo bo nyid kyi bde ba nyid med pa ni/ bde bral ba'o/ /'di skad du bstan par 'gyur te/ mtshan sum cu rtsa gnyis 'dzin cing/ dpe byad bzang po brgyad cus rnam par sbras pa'i sku/ 'gro ba ma lus pa'i den mdzad pa/ sbyin pa la sogs pa pha rol tu phyin pa goms par mdzad pa'i stobs kyis/ bdag nyid yang dag par rdzogs pa'i sangs rgyas kyi ngo bo nyid bde ba dang/ sdug bsngal spangs pa'i btang snyoms kyi ngo bo nyid ni bsgrub par bya ba gnyis pa yin no/ /dga' bcas zhes bya ba la sogs pa la dga' ba dang lhan cig 'jug pa'i phyir/ de dag dga' ba dang bcas pa yin la/ mdzes pa'i mtshan rnams kyis brgyan pa'i sku yang yin pas so/ /yang dag longs spyod pa ni/ chos bstan pa'i sgo nas nye bar longs spyod par gyur pa'o/ /su zhig gis shen/ sa bcu'i dbang phyug rnams kyis te/ sa lhag ma rnams na gnas pa'i spyod yul ma yin pa nyid kyi phyir ro/ sa bcu brnyes pa spyan ras gzigs dang/ 'jam dpal la sogs pa rnams kyis longs spyad par bya ba yin no/ /zhes bya ba'i bar du'o/ /lhag ma ni go sla'o/ / 'di skad ces bshad par 'gyur te/ gnas gtsang ma'i steng na yang dag par rdzogs pa'i sangs rgyas kyi pho brang stug po bkod pa zhes bya ba na ji ltar bcom ldan 'das dga' ba'i ngo bo longs spyod rdzogs pa'i sku'i bdag nyid can/ sprul pa'i sku'i sgo nas 'gro ba ma lus pa'i don yang dag par sgrub par mdzad pa/ nyan thos dang/ rang sangs rgyas dang/ sa dgu'i dbang phyug rnams kyis kyang mi mthong ba'i sku can/ sa bcu'i dbang phyug mchog tu gyur pa'i byang chub sems dpa' kho nas chos gsan pa'i sgo nas te bar longs spyod par bya ba 'khoro ba ji srid pa nas bzhugs te/ de lta bu n bsgrub par bya ba gsum pa yin no/ /sbyin sogs zhes bya ba la sogs pa la yon tan 'du byed goms par byed pa'i phyir/ sbyin pa la sogs pa'i pha rol tu phyin pa nyid yon tan yin la de dag yang dag par rdzoT bste/ yongs su rdzogs par byas nas/ gang rdzogs pa'i sangs rgyas rnams kyis nges par mdzad par bya ba ma lus pa de yang mdzad nas/ yang dag pa mdza' i ste gang sems dang sems las byung ba 'gog pa'i bdag nyid stong pa'i mtshan nyid mngon sum du mdzad pa'o/ /de yang bsgrub byar yod pa yin no zhes pha rol tu phyin pa'i tshul la gnas pa dag ste skad smra ba bsgrub par bya ba bzhi pa yin no/ /da ni sngags kyi tshul du bshad pa'i bsgrub par bya ba rnam pa bdun bstan pa'i phyir/ nyid mtshungs lha mos zhes bya ba la sogs pa smos te/ nyid dang mtshungs pa'i lha mos 'khyud ba'i ngang tshul can gyi rang bzhin gang la mnga' ba de ni/ nyid mtshungs lha mos 'khyud pa can no/ /rtog pa dang bral ba ni rtog pa med cing spangs pa ste/ rnam par mi rtog pa zhes bya ba'i bar du'o/ /gzhan ni go sla'o/ /'di'i don ni 'di yin te/ yang dag par 'khyud pa ste/ nyid dang mtshungs pa'i lha mos 'khyud pa can/ 'gro ba ma lus pa'i don mdzad pa'i sku mtshan sum cu rtsa gnyis la sogs pas rnam par brgyad pa btang snyoms kyi ngo bo nyid du 'khor ba ji srid du bzhugs pa mngon du bya ba yin no/ zhes bya ba bsgrub par bya ba dad po'o/ /dang po nyid nas zhes bya ba la sogs pa la lha'i rnam pa'i khyad par te/ bdag nyid kyi 'dod pa'i lha'i rnam pas stong pa dang/ rnam pa med pa zhes bya ba'i bar du'o/ /dang po nyid nas zhes bya ba ni/ thog ma nyid nas bshad ma thag pa'i rnam pa nyid la bltos pa med par bde ba yang dag par bsgom par bya ba rnam par bsgom pas mngon sum du bya ba gsal ba ma yin pa gsal bar byas par gyur pa'i bde ba chen po zhes bya bar 'gyur ro/ /de yang 'gro don mdzad pa ni yid bzhin gyi nor bu dang mtshungs pa'i tshul du'o/ /'di skad bshad par 'gyur te/ bshad ma thag pa nyid kyi sngags dang/ phyag rgya dang lha'i rnam pa nyid spangs te/ bde ba 'ba' zhig tsam bsgoms pas gsal bar byas pa/ bde ba chen po zhes bya ba/ yid bzhin phyi nor bu bzhin du 'gro ba ma lus pa'i don mdzad pa/ sgyu ma lta bu'i 'khor ba ji srid par bzhugs pa ni bsgrub par bya ba gnyis pa'o/ /rang bdag ces bya ba la sogs pa smos pa la rang gi bdag po ni rang gi 'dod pa'i lha nyid do/ /bde ba'i ngo bo nyid ni bde ba gcig bu'i rang bzhin no/ /mngon byas pa ni kun nas mngon sum du byas pa yin no/ /phyis lha'i rnam pa nyid yongs su btang nas bsgrub pa'i 'bras bu bde ba tsam la gnas par gyur pa'o/ /gal te mngon sum du byas nas kyang lha'i rnam pa'i ngo bo nyid btang bar bya ba yin pa de ltar na ni/ dang po nyid ci'i phyir rnam par sgom par byed de/ bsgrub par bya ba gnyis pa bzhin du bde btsam nyid ci ste bsgom par bya ba ma yin nam dal ba don med bas ci zhig bya zhe na/ dag pa zhes bya ba la sogs pa smos te/ dag pa 'ba' zhig lha'i rnam pa dang/ rnam par bral ba'i bde ba tsam kho na mngon sum du byed mi nus te/ rnam pa dang bral ba'i bde ba 'ba' zhig mi dmigs pa'i phyir ro/ /rgyu de'i phyir bdag po'i rnam pa bsgom par byed pa ste/ bsgrub par bya ba gsum pa yin no/ /de'i don ni 'di yin te lha nyid kyi rnam pa dang ldan pa'i bde ba kho na rnam par bsgom par bya ba mngon sum du byas nas lha'i rnam pa nyid btang ste/ bde btsam kho na bsgrub par bya ba yon tan du 'chad do/ /sku ni bya ba la sogs pa la/ gang gi sku nam mkha' dang mtshungs pa'i sgyu ma dang 'dra bar dpyad mi bzod pa'o/ /gang gi yan lag mtshan gyi ste/ mtshan sum cu rtsa gnyis dang/ dpe byang bzang po brgyad cus sbras par gyur pa'o/ /dpe med ces bya ba ni gya nom pa nyid dang/ rgya che ba nyid dang/ tha med pa nyid dang/ 'khor ba ji srid par rab tu 'jug pa nyid dang/ zag pa med pa nyid la sogs pa rnams kyis dpe med pa'i phyir ro/ /dpe las 'das pa'i bde bas gang ba ni/ ba spu'i rtse mo'i mthar thug par gyur pa'o/ /nyid dang mtshungs ba yang de lta bur gyur pas 'dus pa ste/ kun nas 'khyud par gyur pa'o/ /thub pa'i dbang po dpag tu med pa 'phro bar gyur pa yang de lta bu kho nas sems can gyi don mdzad pa'o/ /chad pas zhes bya ba ni/ 'gog pas stod pa ste/ spangs pa'o 'di skad bshad par 'gyur te/ nam mkha' dang/ sgyu ma dang/ mig 'phrul dang/ smig rgyu dang/ dri za'i grong khyer dang/ chu zla dang/ gzugs brnyan dang/ rmi lam dang 'dra bas/ gcig dang/ du ma dang/ dngos po dang/ dngos po med pa dang/ gzung ba dang 'dzin pa'i rang bzhin dang bral ba/ thog ma dang tha ma med pa'i dngos po ma lus pa'i rang bzhin snang ba med pa/ dri ma med pa dpe thams cad las shin tu 'das pa/ mchog tu phra zhing shin tu zab pa/ shes rab kyi ngo bo nyid kyi chos kyi sku'i rang bzhin yin pa dang/ sku mtshan sum cu rtsa gnyis kyis brgyan cing/ dpe byad bzang po brgyad cus rnam par spras pa/ shin tu sgeg cing/ na tshod la sogs pa dang ldan pa dang/ nyid dang mtshungs pa'i lha mos sku la 'khyud cing/ gzugs rdo rje la sogs pa nas/ sgrol ma'i mthar thug pa'i lha mo'i tshogs kyis mtshan ma med pa'i dga' ba'i rang gi ngo bo'i rab tu dbye ba dpag tu med pas mchog tu dga' ba la nye bar longs spyod pa'i sgo nas/ gzugs brnyan dang 'dra bas yang dag par longs spyod pa ni snying rje'i rang bzhin rgya che ba nyid kyis longs spyod rdzogs pa'i ngo bo nyid dang/ gdul bya'i skye bo mos pa sna tshogs pa yongs su smin par bya ba'i don du/ rdzu 'phrul dang/ cho 'phrul rnam pa du ma'i sgo nas rigs kyi nang du chung ba'i rdzogs pa'i sangs rgyas dang/ byang chub sems dpa' la sogs pa'i sbrul pa dpag tu med pa spro ba dang/ bsdu ba mdzad pa nyid kyis na sprul pa'i sku'i mtshan nyid dang/ stong pa nyid dang/ snying rje tha mi dang ba'i byang chub sems gyi rang bzhin dri ma med pa/ shes rab dang thabs kyi ting nge 'dzin las yang dag par 'byung ba'i bde ba dam pas gang ba/ 'khor ba ji srid par bzhugs pa'i chos can mi gnas pa'i mya ngan las 'das pa'i ngo bo mar me rlung gis ma bskyod pa'i rtse mo bzhin du dri ma med pa'i rgyun gyi rtag pa nyid kyis 'gog pas stong pa ni/ bsgrub par bya ba bzhi pa'o/ /rang bdag ces bya ba la sogs pa la rang gis bdag po mngon sum du byas nas phyis btang ste/ btang snyoms kyi ngo bo gang yin pa'i ye shes de tsam zhig bsgrub byar 'gyur ro/ /bzhin ni rtogs par sla'o/ /'di skad bshad par 'gyur te/ dkyil 'khor gyi 'khor lo'i ngo bo mngon sum du byas nas/ phyis de bka' cin btang snyoms kyi ye shes tsam du gyur pa ni bsgrub par bya ba lnga pa'o/ /dkyil 'khor zhes bya ba la sogs pa la/ dkyil 'khor bde ba'i rang bzhin can/ /mngon du byas nas/ de'i rang gi 'dod pa nges par ldog pa ni 'gog pa'o/ /gal te mngon du byas nas kyang/ phyis rang gi 'dod pas 'gog par bya ba yin na ni de'i tshe yun ring por goms par byas pa'i snying rje med par 'gyur ba ma yin nam/ de yang med pa'i phyir sems can gyi den med par 'gyur ro/ /zhes dogs pa la/ sems can don yang yod de 'dir med min zhes bya ba sgros te/ phyogs 'di la sems can gyi don byed pa med pa ma yin te/ gang gi phyir 'gog pa'i 'khor lo las snying ce'i rang bzhin can sems can gyi don rab tu 'byung ba yod pa yin no/ /de ni 'di skad du bstan te/ bde bas yang dag par gang ba'i 'khor lo mdzad nas/ dus ji srid du 'dod par rnam par gnas pa ste/ phyis de rnam pa thams cad du mar mi bzhin du 'gog pa yin no/ /yang gang gi tshe sems can gyi don mngon par 'dod par gyur na/ de'i 'gags pa nyid las 'khor lo'i khyad par 'byung zhing sems can gyi don mdzad do/ /'khor lo'i khyad par 'byung ba yang ring du 'gags pa'i 'khor lo kho na las bskal pa ji lta ba bzhin du gdul bya rnams kyis mngon par 'dod pa rnyad par 'byung ro zhes bya ba ni bsgrub par bya ba drug pa'o/ /de rnams las zhes bya ba la sogs pa smos pa yin te/ phyogs drug po rnams kyi nang nas 'bras bu bsgrub bya gang kho na mngon par 'dod pa de nyid mngon sum du byas shing de'i 'og tu rnam pa thams cad du mar me'i bzhin du 'gog pa dus gzhan na sems can gyi don la sogs pas stong pa mngon sum du byas pa yin no/ /phyag drug gi dbye bas 'gog pa yang drug kho nar 'gyur ba yin naM/ 'gog pa de ji ltar na gcig kho nar 'gyur zhes dogs pa la/ gang phyir zhes bya ba la sogs pa smos te/ tha mi dang pa'i ngo bo gang yin pa de la de skad bya ste/ phyogs drug gi mtshan nyid kyi dbye bas kyang 'gog pa rnams la tha dad pa yod pa ma yin te/ 'gog pa ni dngos po med pa'i ngo bo nyid du gcig cing mtshungs pa'i phyir ro/ /don ni 'di yin te/ phyogs gzhan zhig mngon sum du byas nas/ de'i 'og tu de'i rgyun rgyud chad pa'i ngo bo 'gog pa ni bsgrub par bya ba bdun pa'o/ /shes rab ye? shes zhes bya ba la sogs pa la shes rab dang ye shes ni shes rab ye shes te/ dbang bskur ba'i bye brag go /phyis ni 'das kyi 'og tu'o/ /gang zhe na/ byang chub kyi sems te bdud rtsi'i ngo bo lcas bkug nas blangs pa gang yin pa'i ni bzhi pa ste/ dbang bskur bzhi pa yin par smra ba de ni mchog ma yin pa dang/ dman pa dang/ shin tu smad po zhes bya ba'i bar du'o/ /ci'i phyir mchog min zhe na/ gang gi phyir sngags dang phyag rgya dang/ lha'i nyid la sogs pa'i rnam pa bsgom pa la yang dang yang du 'bang ba dang/ gzhan yang de bzhin gshegs pas gsungs pa'i sgrub pa'i mtshan nyid don med pa thob par 'gyur ro/ /gang las she na /de 'bras te bsgom pas bsgrub par bya ba'i 'bras bu byar chub kyi sems kyi ro myang ba'i dus nyid na rab tu grub pa nyid dang/ 'bras bu khyad par can gzhan yang med pa'i phyir zhes bya ba'i bar du'o/ /shes rab ces bya ba la sogs pa la/ shes rab ye shes las dus phyis ji lta ba bzhin du rnyed pa'i dga' ba ste/ bud med gang yin pa de dang/ reg pa'i sgo nas ro myong ba'i dbang bskur ba gang yin pa de ni dman pa'o/ /lhag ma'i don ni rtogs par zad do/ /de ltar de bzhin bzhi pa yang zhes bya ba bshad par bya ba la bzhi pa ni gsum pa shes rab ye shes las bltos nas bzhi pa zhes bya'o/ /de ltar zhes bya ba la de zhes bya ba'i sgra shes rab ye shes kyi ngo bo de mtshon par byed pa yin no/ /yang zhes bya ba la yang gi sgras ni de las khyad par du gyur pa yin la/ khyad par yang zag pa med pa shin tu rgyas pa nyid dang/ bar chad med pa nyid dang/ rgyun mi 'chad par skye ba nyid kyi mtshan nyid do/ /de bzhin zhes bya ba ni de bzhin gyi sgras de dang 'dra ba nyid du bstan pa yin la/ de dang 'dra ba nyid kyang ci 'dra ba'i shes rab dang ldan pa'i tshogs pa las shes rab ye shes ci 'dra ba skye ba bzhin du phyis kyang de dang 'dra ba'i tshigs pa las kyang de dang 'dra ba bskyed kyi gzhan du ma yin no zhes bya ba ni/ de bzhin gyi sgra'i don yin no/ /'dir yang mtshon par bya ba'i don mtshon par byed pa'i dngos po khong du chud par bya ba yin te/ 'dir go bar byed pas na/ mtshon byed de nyams su myong bar gyur pa'i shes rab ye shes/ /khyad par ma bzung pa'i khyad par can rtogs par mi 'gyur ba zhes bya ba'i rigs pa 'dis nyams su ma myong bar mtshan byed nyid du mi 'thad do/ /mtshon par bya zhing shes par byas la ge bar bya zhing bsgrub par bya bas na/ mtshon bya ste/ mngon du gyur pa'i bzhi pa'o/ /'dir 'ga' zhig dbang ni rnam pa gsum dag tu/ /rgyud 'de la sa ni rab tu grags/ zhes gsungs pas na/ bzhi pa ni yang dag pa ma yin no zhe na/ de ltar de bzhin bzhi pa yang/ /zhes bya ba'i tshig bcom ldan 'das kyis gsungs pa yod pa ma yin nam/ ji ltar med ce na bden te/ bcom ldan 'das kyi man ngag bsrung bar bya ba'i phyir dang/ sems can mgo rmongs par bya ba'i phyir gsum pa kho na la bzhi pa'i sgrar gsungs pa yin gyi/ gzhan du na de ltar de bzhin bzhi pa yang zhes gsung bar mi 'gyur ro zhe na/ de ni shin tu 'brel pa med pa yin te/ bzhi pa tshad mas grub par shes par bya ba'i phyir dang/ bstan par bya ba nyid yin pa'i phyir ro/ /gzhan dag sgrub pa chen po bzhi pa ste/ zhes bya ba la sogs pa la bzhi pa zhes bya ba'i tshig yod pa yin pa de nyid 'dir rnam par 'brel pa'i phyir bzhi pa'i sgra gsungs pa yin gyi/ bzhi ba zhes bya ba'i dbang bskur ba'i khyad par yang yod pa ma yin no zhe na/ de'i 'dod pa nyid ltar na 'di la mngon du bya ba 'bad pa'i phyir de bsgom pa don med pa'i nyes par 'gyur ro/ /'bras bu dang bcas par khas len pa yang bzhi pa grub pa yin no/ /de la mtshan par byed pa shes rab ye shes nyid ni khong du chud la/ mtshon par bya ba la thams cad rmongs par gyur pas de rnam par dpyad par bya ste/ mtshon par bya ba yang srid na don gyi ngo bo zhig gam/ shes pa'i ngo bo zhig tu 'gyur grang na/ de la don gyi ngo bo nyid ni ma yin te/ don nyid med pa'i phyir dang/ gcig dang du ma'i rang bzhin dang bral ba'i tshid mas de bsal ba nyid kyi phyir ro/ /sngags kyi tshul la yang rnam par shes par smra ba dang/ dbu ma pa'i 'dod gzhung gtso bo nyid yin pa'i phyir ro/ /shes pa'i ngo bo zhig tu 'gyur grang na/ shes pa yang rnam pa dang bcas pa zhig gam/ rnam pa med pa zhig tu gyur grang/ rnam pa dang bcas pa la yang shes pa gnyis med pa'i ngo bo 'am/ du ma'i ngo bo zhig tu 'gyur zhes rnam par brtag par bya ba yin no/ /de la rnam pa med par smra ba dag ni rnam pa thams cad du yod pa ma yin te/ nam mkha' i me tog dang 'dra'o zhes smra'o/ /mngon sum la sngon po dang/ ser po dang dkar po lo sogs pa dang/ bum pa dang/ snam bu dang/ shing rta la sogs pa'i ngo bor rnam pa rnams snang ba ma yin nam/ don de dag la med pa'i phyir shes pa'i ngo bo nyid yin na/ de ji ltar rnam pa dang bcas pa ma yin zhe na/ bden te/ rnam pa rnams snang ba nyid ni yin mod kyi/ 'on kyang rdzun pa yin no/ /rdzun pa nyid kyang gcig dang du ma dang bral ba'i tshad ma'i mtshan nyid kyis rab tu grub bo/ /tshad ma'i ngo bo de yang gzhan dag cu bshad pa nyid kyis 'dir ma spros so/ /rdzun pa nyid du grub pas kyang sgyu ma'i rang bzhin dang 'dra bar rnam par 'khrul pa'i rang bzhin rab tu ston la/ 'khrul pa log pas kyad shel sgor dag pa lta bu rnam pa med pa kho na don dam par 'grub par 'gyur ro/ /de bas na/ rnam pa dang bcas pa'i rnam par shes pa ni/ shes pa gnyis med pa'i ngo bo 'am/ du ma'i ngo bor yod ngo zhes pa'i rtog pa gnyis ka bsal ba yin no/ /rnam pa med pa'i shes pa yang dmigs pa'i rig byar gyur pa rmi lam na yang ma dmigs pa ma yin nam/ de ji ltar na don dam par grub par yod pa zhes bya zhe na/ shes pa rnams ni bde ba la sogs pa'i rnam pa yongs su gsal ba'i ngo bo rnam pa med par rig pa kho na yin la/ sngon po la sogs pa'i rnam pa yang rdzun par snang ba yin no/ /gzhan du na de dag bden pa nyid yin na ni rnam pa thams cad bden par 'gyur la/ de lta na yang gzung ba dang/ 'dzin pa'i dngos po bden par 'gyur ro/ /snang ba bden pa nyid du gyur pa de bas na/ de dag thams cad kyang grol ba nyid du thal bar 'gyur te/ cung zhig kyang log pa'i rnam par ngo bo mi snang ba'i phyir ro/ /de skad du yang/ yang dag nyid la yang dag lta/ /yang dag thong na rnam par grol/ /zhes gsungs pa'i phyir/ de'i phyir mi 'dod du zin kyang sngon po la sogs pa'i rnam pa brdzun pa nyid du blta bar bya'o/ /bde ba la sogs pa rnam pa bden par dmigs pa yin na de ji ltar na dmigs pa ma yin zhe na/ bde ba la sogs pa'i rnam pa'i shes pa yang rnam pa dang bcas pa kho na la dmigs pa kho na yin te/ bde ba la sogs pa ni rnam pa'i rang bzhin nyid yin pa'i phyir ro/ /bde pa'i sogs pa'i rnam pas stong pa'i shes pa ni/ rmi lam na yang rig pa med pa ma yin nam/ 'khrul pa sa lus pa dang bral ba'i sa brgyad pa la dmigs pa'i rig byar 'gyur ro zhe na/ 'di la yang ma sna dor ba mi yan pa sgrub par byed pa'i tshad ma yong ba ma yin no zhe na/ de ni bden pa ma yin te/ bsam pa yongs su mi shes pa'i phyir rang/ bde ba la sogs pa nyid sngon po la sogs pa'i rnam pa dang bral ba'i rnam par shes pa med pa nyid du 'dod pa'i phyir te/ de yang da lta nyid na/ rang rig pa'i tshad mas grub pa srog chags thams cad la yod pa yin na/ ji ltar dmigs par ma gyur/ de yang gcig dang du ma dang bral ba'i phyir rdzun pa nyid dang/ 'khrul pa tsam yin te/ gcig dang du ma'i rang bzhin dang bral ba nyid kyis/ rnam pa dang bcas pa'i shes pa dang/ rnam pa med pa'i shes pa la khyab pa nyid kyi phyir ro/ /rigs pa 'dis rnam pa dang bcas pa dang/ rnam pa med pa'i shes pa ma lus par rdzun par rab tu bsgrubs pas cung zhig kyang don dam pa'i dngos po de kho na nyid du med pa ma yin nam/ ji ltar na mtshon par bya ba'i rang bzhin/ tshad mas nye bar mtshon par bya zhe na/ nyes pa de ni med de/ dbu ma pa 'dod pa'i tshad mas rdzun pa nyid du grub pa yang/ gcig dang du ma'i rang bzhin dang bral ba/ chos can gyi ngo bo snang ba tsam dang/ sgyu ma lta bu ma bkag pa'i phyir ro/ / rdzun du snang ba de nyid la yang mtshon par bya ba dang/ mtshon par byed pa dang/ 'khor ba dang/ mya ngan las 'das pa dang/ dkyil 'khor gyi 'khor lo la sogs pa bsgoms pas 'gro ba ma lus pa'i don mdzad pa la sogs pa gnod pa med par rnam par bzhag pa grub pa yin no/ /de skad du yang/ sangs rgyas rdo rje sems dpa' nyid/ /kun rdzob nyid du rab tu grub/ /ces gsungs so/ /dngos po skyes pa thams cad rdzun pa'i ngo bo nyid kyis snying po med pa ma yin nam/ de'i? tshe ci'i phyir bri ba'i dkyil 'khor la sogs pa bsgom pa'i 'bad ba byed ce na/ de ni bden pa ma yin te/ log par sgro 'dogs gcod pa'i phyir/ grol byed rdzun yang 'bad par bya/ /zhes bya ba'i tshig gis ji ltar yang rnam par dpyad na/ yang dag pa'i dngos po'i ngo bo nyid med pa de ltar na yang bdag bde bar gyur cig /bdag sdug bsngal bar ma gyur cig /ces bya ba'i sred pa srog chags ma lus ba la yod do/ /'di ltar dge ba dang mi dge ba'i rmi lam log pa nyid du mtshungs kyang dge ba'i rmi lam mthong bas ni/ yid bde bar gyur la/ mi dge ba'i rmi lam gyis ni yid mi bde bar 'gyur te/ de bsal ba'i phyir dam pa'i chos klog pa dang/ sngags zlos pa la sogs pha la rab tu 'jug par 'gyur ro/ /de bzhin du rdzun pa bzhin du khyad med kyang/ sdug bsngal la sogs pa rang bzhin gyi rnam par rtog pa spangs pa'i phyir dang/ yang dag par rdzogs pa'i byang chub kyi mtshan nyid kyi 'bras bu thob par bya ba'i phyir rtog pa dang ldan pa/ don du gnyer ba rnams rab tu 'jug par 'gyur ro/ /brtsom pa 'di'i don gang yin pa de'i don nyams par 'gyur ba ma yin nam/ 'di ltar mtshan bzhi dang/ mtshan nyid dpyad pa na skabs la bab pa de yang gtam gzhan du thal bas brjed pa'i phyir/ gang du song ba mi shes so zhe na/ de rnam pa bdun du dbye bar byas ba nyid ma yin nam zhe na/ bden te bu ram dang mngar ba nyid kyi tshul gyis de ltar ni mi shes te/ de las snying po dang snying po ma yin pa gang zhe na/ smras pa sngags kyi tshul la brjod pa'i rim pa med pa'i phyir dang lha'i rnal 'byor gyi snyoms par 'jug pa'i bsgom pa don med pa'i phyir dang/ rigs pa med pa'i phyir na/ dang po snying po med pa nyid do/ 'di ltar tshogs? pa can rnams tshogs par gyur na/ 'bras bu gang yin pa de gdon mi za ba nyid yin no/ /gzhan dun de'i tshogs pa ma yin par 'gyur te/ de bas mngon du byas pa'i gnas skabs na tshogs pa can rnams tshogs pas na/ de'i 'bras bu gdon mi za bar yod par 'gyur ro/ /de ltar gyur pas dang po nyams pa yin no/ /sku la sogs pa'i rnam pas stong pa'i bde ba'i ngo bo 'ba' zhig mi dmigs pa'i gnyis pa bden pa nyid ma yin te/ 'di ltar tshang mas rnam par nges pa nying rtogs pa dang ldan pas/ bsgom par bya ba nyid yin gyi/ gang yang rung ba ni ma yin no/ /tshad mas grub pa kho na dmigs pa nyid yin la/ de nyid skye bo thams cad kyis 'dod par bya ba nyid du snang ngo/ /de bas na gcig pu mi dmigs pa'i phyir dang/ 'dod par bya ba ma yin pa'i phyir dang/ 'khor lo'i rang bzhin mi dmigs pa'i phyir dang/ mngon sum du byed par mi nus pa'i phyir dang/ 'bad pa nyid mtshungs pa'i phyir gnyis pa rnam par rtog pa tsam yin no/ /gnod par byed pa med pa'i yang dag pa'i don gyi rang bzhin nyid kyis rang dbang du gyur pa dor bar mi nus pa nyid kyi phyir dang/ ldan pa'i ngo bo la bye brag med pa'i phyir dang/ dogs pa med pa'i phyir gsum pa dge ba ma yin te/ 'di ltar lhan cig dmigs nas/ /de'i bdag nyid grub pa las gcig yongs su dor na gzhan yang gdon mi za bar yongs su spangs pa 'am/ yang na 'ga' la yang ma yin no/ /spros pa nyid kyis 'bed pa nyid mangs pa'i phyir dang/ rnam par dpyad mi bzod pa nyid kyis 'khrul pa'i ngo bo nyid yin pas/ don dam pa'i ngo bo nyid ma yin pa'i phyir/ /gsum pa'i tha ma'i phyogs kyang legs pa ma yin no zhes na/ de la 'ga' zhig las rigs pa cung zad cig brjod par mi bya ste/ spros pa'i ngo bo nyid du gyur kyang/ phra mo dang thig le la sogs pa yang dang yang du bsgoms pa na ji srid du mngon sum du gyur pa de srid du 'bad pas yang dang yang du bsgoms pa'i phyir/ thams cad du bsgom par bya ba dngos po nyid du yod la/ de la 'dir ga la te 'bang pas 'jig na ni/ cung zhig kyang bsgom par mi bya bar 'gyur ro/ /spros pa rnams kyi ngo bo nyid ni de lta yin no zhe na/ spros pa dang spros pa med pa dag bsgom pa'i gnas skabs na khyad par ci zhig yod/ 'on te spros pa med par myur du brtan par gyur pa 'di khyad par yin te/ dmigs pa gang kho na la sems yun ring por rgyun mi chad par yang dang yang du gtad pas de nyid la brtan par 'gyur ro zhes bya ba ni rigs pa yin no/ /'di la lung yang yod de/ de skad du yang/ de phyir yang dag yang dag min/ /gang gang shin tu goms pa las/ /bsgoms pa'i stobs ni rdzogs pa na/ /de gsal mi rtog blo 'bras can/ /zhes gsungs pa dang/ 'dir thag mi ring ba na/ gnas pa yin par yang gsungs te/ e ma'o rmongs nyid e ma'o snyoms las can e ma'o don dam rgyab kyis phyogs 'gro 'di/ /rang sems tsam dang 'brel pa'i sangs rgyas nyid/ /ring mi gnas kyang mi 'bar ngo mtshar che/ /zhes pa ma yin nam/ de bas 'di la khyad par med do/ /spros pa la dmigs pa ni 'khrul pa'i ngo bo nyid kyis don dam pa ma yin pa nyid do zhe na/ thams cad du bsgom pa'i yul gyi dngos po ni 'khrul pas cung zhig kyang bsgom par bya ba med par 'gyur la/ de bas na rnam pa thams cad du thar pa'i lam bsgom pa don med par 'gyur ro/ /de ltar 'khrul yang sgyu ma lta bu'i rnam par zhugs pas spros pa med par bsgom par 'gyur ba skyon yod pa ma yin no/ /zhe na/ spros pa de la yang sgyu ma'i rnam par zhugs pa mtshungs pas de la yang skyon gyi skabs ci zhig yod/ de bas na don du gnyer bas spros pa 'am/ spros pa med pa yang rung/ gang kho na 'dod pa'i tshad ma dang ldan pa 'am/ cig shos de nyid le lo spangs nas phyag rgya chen po don du gnyer bas bsgom par bya ste/ shin tu thal ches pas chog go /de la snying po dang cig shos kyi rnam par dbye ba yang bla ma mnyes par byed pa rnams kyis shes par byed pa yin no/ /dogs pa la sogs pa gsum pa'i phyogs la bshad pa'i nyes pa dang/ gsang sngags kyi tshul gyi rim pa med pa'i phyir/ lnga pa skyon dang bral ba ma yin no/ /sngar sngon du byas pa'i phyir/ sngags kyi tshul la rab tu sbyor ba yod pa ma yin nam/ ci phyir de la med ce na/ bden te/ bsgrub par bya ba 'bras bu mngon du gyur pa'i gnas skabs de yang rim pa 'di la med pa dang/ mngon du gyur pa yongs su btang ba dang/ dgos pa ma mthong pa'i phyir ro/ /rang gi 'dod pas zlog mi nus pa'i phyir dang dgos pa med pa'i phyir/ sems can gyi don med pa'i phyir/ lnga pa'i mdza' i rab tu dbye ba rtog pa dri mas stong pa ma yin no/ /de la ji ltar na zlog mi nus she na/ 'di ltar 'ga' zhig ldog pa ni rgyu ldog pa 'am/ khyab par byed pa ldog pa las 'gyur na/ de la mngon sum du byas pa'i dkyil 'khor gyi 'khor lo yang ldog par byed pa'i rgyu 'am/ khyab par byed pa ldog pa yod pa ma yin no/ /rang gi 'dod pas 'gog pa yang mi nus te/ mi mthun pa med pa'i phyir/ sdug bsngal la sogs pa 'gog pa 'dod kyang/ sdug bsngal la sogs pa la 'jug pa mthong ba'i phyir ro/ /stong pa nyid kyis ldog par byed pa yod pa ma yin nam/ 'di ltar shing gi phung po la me rab tu 'bar bas shing ma lus pa thal bar byas nas de'i 'og tu bdag nyid kyang rang gi dang kho nas/ ldog par 'gyur ba de dkyil 'khor gyi 'khor lo stong pa nyid kyi ye shes kyi me rab tu 'bar bas mngon sum du byas nas kyang/ dkyil 'khor gyi 'khor lo ma lus par ldog par byed la/ de yang rang gi ldog par 'gyur ro zhe na/ de ni bden pa ma yin te/ dpe dang mthun pa ma yin pa'i phyir ro/ /de la 'di ltar shing 'gyur bar byed p a'i rgyur gyur pa'i me ni shing gi 'gyur ba yang dag par skyed pa nyid kyis shing 'gyur bar byed pa ni me yin to zhes 'jig rten pa rnams sems la 'dir ni stong pa nyid kyi dkyil 'khor 'khor lo sgyur bar byed pa'i rgyu ma yin na de'i phyir de ldog bar byed pa yin no/ /de ci'i phyir zhe na/ stong pa nyid la rang gi rang gis ldog go /zhes kyang smra bar bya ba ma yin no/ /rgyur mi 'gyur du chug na yang stong pa nyid khyab par byed par na 'gyur ba ma yin nam/ khyab par byed pa shing log pas khyab par bya ba shing sha pa/ ldog pa bzhin du ldog par 'gyur ro zhe na/ de yang snying po ma yin te/ 'di ltar thams cad du shes bya'i dkyil 'khor thams cad la khyad par byed pa de kho ni nyid kyi ngo bo stong pa nyid de la ldog pa nam yang yod pa ma yin no/ /gal te ldog par 'gyur na yang dag par rdzogs pa'i byang chub mngon sum du byed pa las dus snga ma 'am/ de ma thag tu sangs rgyas bcom ldan 'das ldog par 'gyur na ma yin te/ yang dag par rdzogs pa'i sangs rgyas su gyur nas kyang thugs rjes dus ji srid gcig gi bar du gnas pa nyid kyis zhal gyis bzhes pa'i phyir 'gyur pa yang ma yin no/ /'on kyang stong pa nyid kyang ye shes kyi ngo bo nyid la/ 'khor lo yang ye shes kyi ngo bo nyid yin no/ /ci ste stong pa nyid kyi ye shes skyes pas 'khor lo'i ye shes log na stong pa nyid kyi ye shes las gang gis ldog par byed/ de nyid kyis ldog pa ni 'gal ba'i phyir la/ rgyu 'am khyad par byed pa med pa de bas na stong pa nyid kyi ye shes la ldog pa med do/ /de bas na dkyil 'khor gyi 'khor lo yang stong pa nyid kyis ldog go zhes bya ba yang ma yin te/ stong pa nyid la ldog par byed pa yin pa log pa dang stong pa nyid kyis ldog par byed pa yin no zhes su zhig smra/ 'on kyang ldog par byed pa gang yin pa da ni bla ma'i man ngag las shes so zhes bya ba 'di yang snying po ma yin te/ bla ma'i man ngag las kyang stong pa nyid dang/ de ldog pa las ma gtogs pa'i ldog pa byed pa'i tshang ma gzhan cung zad yod pa ma yin no/ /so sor skad cig ma'i 'jig pa dang/ skad cig gis nyams pa'i ngo bos dngos po thams cad la khyab mod kyi/ rgyud kyi rgyun ldog pa ni mi yin no/ /de'i phyir rang gi bdog pa brtag par mi bya ste ldog pa'i snying po med pa la rtog pa dang ldan pa rnams kyis brtags ba dgos pa yod pa ma yin no/ /de skad du yang sems can rnams ni sgrol gyur pa/ /rab dga' rgya mtsho gang yin te/ /de nyid kyis rdzogs ma yin nam/ /thar pa ro bral ci zhig dgos zhes gsungs so/ /sems can gyi don yang ldog pa la med de/ nam mkha' i me tog la nam yang don gyi bya ba cung zhig kyang mi srid de/ yun ring por 'gags kyang dngos po'i ngo bo 'das pa'i 'khor lo las sems can gyi don 'byung bar 'gyur ro zhes bya ba yang snying po ma yin te/ yun ring por khyim bya shi ba yang sgra sgrogs par thal bar 'gyur ba'i phyir ro/ /rnal 'byor pa'i byin gyis brlabs kyis nam mkha' las kyang don byed pa srid pa ma yin nam/ rnal 'byor pa'i byin gyis brlabs nyid sems kyi ngo bo nyid kyis don byed pa yin la/ nam mkha' ni ma yin te/ de'i ngo bo nyid ma yin pa'i phyir ro/ /dkyil 'khor gyi 'khor lo 'gags pa las sems can gyi don byed pa'i dus na yang 'byung yang de las don byed par 'gyur ba ma yin nam/ de bas na 'gags shing yang skye bar 'gyur ro zhe na/ de ni bden pa ma yin te/ ji ltar sems can gyi don byed pa de las byung ba med pa de bzhin du don byed pa'i 'khor lo yang de la mi srid do/ /'gags pa las kyang 'byung ba la dgos pa cung zad kyang yod pa mi yin te/ shin tu spros pas chog go /drug pa'i phyogs la bshad pa'i skyon gyi tshogs bdun pa la yang yod pas brtags pa la yang brtags par mi bya'o/ /drug pa dang bdun pa mtshungs pa nyid kyi phyir de las khyad par ci yod ce na/ khyad par yod de/ snga ma'i gnas skabs 'khor lo'i rnam pa nyid nges par byas nas yang dang yang du rang gi 'dod pas bskyed par byed pa nyid yin la/ bdun pa la ni de med pa de bas na mtshungs pa dang tha mi dad pa ma yin par bstan to// //rdo rje'i sa bon zhes bya ba la sogs pa la/ de dag ni bla ma'i man ngag las shes par bya'o/ /gsal byed lnga zhes bya ba la sogs pa la/ gsal byed lnga zhes bya ba'i sgra la/ ba lang dang/ khyi dang/ glang po dang/ rta dang/ mi'i mtshan nyid do/ /bdud rtsi'i sgra ni/ bi dang/ mu dang/ ma dang/ ra dang/ shu'i mtshan nyid do/ /de dag rtag tu brten pa kho nas bsgrub par bya bar sems so/ /thig le zhes bya ba ni/ snying gar zla ba la gnas pa'i thig le 'od 'phro bar gyur pa la/ de kho na nyid bsgrub par bya ba yin no/ / zhes sems nas rnam par bsgom par byed do/ /zla ba zhes bya ba ni snying ga'i gnas su zla ba phyed pa 'am/ zla ba rgyas par snying gar pa dam la gnas pa 'ga' zhig rnam par bsgom par byed do/ /smin dbus thig le las byung dkyil 'khor dang/ /zhes bya ba ni smin ma'i dbus te/ 'dzod pu'i gnas su thig le rnam par bsgom par bya'o/ /thig le de las byung ba'i dkyil 'khor ni rlung dang/ chu dang/ dbang chen gyi dkyil 'khor dang/ me'i mtshan nyid do/ / 'di skad du bstan par 'gyur te/ kha dang/ rna ba dang/ sna dang mig lag pa'i sor mos bkab la/ smin ma'i dbus su thig le blta bar bya'o/ /de la yang gsal por gyur pa'i gnas skabs su dge ba dang mi dge ba'i ltas yang dag par ston par byed pa/ dbang chen la sogs pa'i dkyil 'khor rab tu bskyed pa'i thig le de la yang de kho na nyid du sems so/ /rlung gi rang bzhin zhes bya ba ni pu ra ka dang/ kum pa ka dang/ re tsi ka dang/ shAn+ta ka ste/ dbugs 'byung rdub la sogs pa'i mtshan nyid do/ /'di skad du/ bshad pa yin te/ de la 'di ltar grangs can la sogs pas bstan pa'i rlung gi rang bzhin shes par byas nas/ dbugs bsgags pa las brtan por byas nas/ nam mkha' la rgyu bas 'ong ba dang/ gzhan gyi grong du 'jug pa dang/ grol ba'i bar du mngon sum du byed par 'gyur ba'o/ /zhes bya ba ni rlung gi de kho na nyid du smra ba rnams kyi'o/ /lce'u chung zhes bya ba ni med pa'i phyogs lce'i phugs kyi rang gi steng na glang bo che'i rnam pa lta bu kha 'og tu bltas pa lce'i ming can du lce'u chung yod de/ /de yang nus pa'i ngo bo sdig pa zhi ba'i rang bzhin du yod pa de kho na nyid yin no/ /de la lce'i rtse mos reg par gyur tsam na bdud rtsi rgyun mi 'chad par 'dzag par 'gyur ro/ /bdud rtsi rgyun babs pa des kyang don dam pa'i bdag nyid tshim par 'gyur bar bsgom zhes bya ba ni lce'u chung gi de kho na nyid yin no/ /sogs pa'i sgras ni snying ge'i dbus kyi dkyil 'khor rtsibs bcu drug pa'i dbus na hUM gnas pa ye shes kyi rang bzhin bzhi pa'i ngo bo de kho na nyid bsgom par bya'o zhes bya ba la sogs pa gzung ste/ yang smras pa/ bcu las drug lhag rtsa dang ldan pa'i 'khor lo yi/ /dkyil na gnas pa'i snying gar rnam par gnas pa'i bdag / des ni de yi khyad par lta bu'i grub pa ste/ /de ni mngon par mi g.yo ba yi yid dag gis/ /rnal 'byor pa yi sems de de ltar mngon par bsam/ /nub par gyur pa'i mgon po rgyal bar gyur de ni/ /nus pa dag gis de ni yongs su bskor dang bcas/ /zhes bya ba de lta bu mu stegs byed pa la sogs pa de kho na nyid du 'dod pa de dag thams cad ni de kho na nyid ma yin no zhes bdag nyid kyis brtag par bya/ dpyad par bya'o zhes bya ba'i bar du'o/ /rmi lam mig 'phrul zhes bya ba la sogs pa la/ rmi lam dang/ mig 'phrul lta bu dang/ gzugs brnyan dang/ sgyu ma dang/ smig rgyu dang/ dri za'i khyer dang/ chu zla lta bu'o/ /gzhan gyi sgras ni nam mkha' dang/ brag ca dang/ dbu ba lta bu'o/ /zhes bya ba la sogs pa'i sgras so/ /de lta bu'i mngon par brjod pa ni smra ba pos de lta bu'i bstan pa'i sgrub par bya ba las gzhan med pa nyid de/ gzhan yang 'dir bshad pa kho na bsgrub par bya ba yin no/ /zhes sgra de de la 'jug par rang nyid kyis shes par bya'o/ /zab mo stong nyid so sor snang ba tsam/ /zhi ba shin tu phra ba sgras brjod min/ /gos med dngos bral dri med la sogs dang/ /zhe dbya? pa la sogs pa'i sgra yis zhi ba dang/ rnam pa dang/ sbros pa med pa dang/ thog ma med pa dang/ 'gag pa med pa zhes bya ba la sogs pa'i sgra yis kyang 'khrul par mi bya zhing/ gzhan sgrub tu yod pa ni gzhan gyis bsgrub par bya ba yod pa ni 'dir yod pa'i sgra des bshad pa'i bsgrub par bya ba las mchog 'ga' zhig yod do zhes 'khrul bar mi bya ste/ bshad pa'i bsgrub par bya ba kho na de dag thams cad kyis brjod par bya ba yin zhes nges par bya'o/ /dpal ldan gsang ba 'dus pa las/ /dri med dag mchog mthar phyin pa'i/ /ngag gi dbang phyug de yis 'di/ /byas pas blo ngan 'jig gyur cig /bdag gis 'di bshang byas las pad kar kun da kha bye lta bu dang/ 'o ma skar ma lta bu'i bsod nams gang bsags pa/ /de yis 'gro ba bdag nyid dang mtshungs rig mas nyer 'khyud pa'i/ /dpe med bde chen gang ba'i dbang phyug dpal gyur shog/ //de kho na nyid rin po che snang ba'i bshad pa/ slob dpon ngag gi dbang phyug grags bas mdzad pa rdzogs so/ / //lo tsa ba mgos lhas btsas kyis/ rgya gar shar phyogs kyi dpe las zhu gtug dbyar khral 'tshal ba lags so// // rab tu gsal ba zhes bya ba'i sgrub thabs slob dpon chen po dpe med ba'i rdo rjes mdzad pa bzhugs so/

CLOSE WINDOW