བོད་ཡིག

e-texts based on the ACIP/ALL Input

/ // */ /de kho na nyid rin po che snang ba'i bshad pa slob dpon chen po dag gi dbang phyug graT bas mdzad pa bzhugs so// // */ /rgya gar skad du/ tat+twa bat+mA lo ka/ bod skad du/ de kho na nyid rin po che snang ba/ bcom ldan 'das 'jam pa'i rdo rje la phyag 'tshal lo/ /dpe med bde ba'i ngo bo dpal gyi gnas gyur gnas 'dren pa/ /dpe med lha mo bcu yi ngo bo rig dang rig par bcas/ / srid pa gsum phan bde ba thob mdzad 'gyur pa med/ /ji srid re ba snang bar phyag na pad+ma rgyal gyur cig /dpal ldan sngags kyi gzhung lugs mdzes pa'i dbang bzhi'i ngo bo dag /rab tu gsal ba'i sgras stong gyur pas gang gis me shes shing du ma'i man ngag bdun gyi dbye ba'i tshogs kyis yongs 'khrugs pa/ /de dag rnams kyis gsal bar rtogs par bya phyir 'bad pas bya/ /de nyid bsgrub bya'i ngo bor rig pa la/ /mu stegs ma lus blo rnams rnam par 'khrul/ /de las rig byed mthar ni smra ba yis/ /skye bo rnams ni de nyid mchog ces smra/ /dga' ba'i ngo bo rang rig mi g.yo zhing/ /bsgrub byar 'dod pa rig byed mdza' can ba'o/ /nyan thos rang rgyal bcas ba gzugs la sogs/ /phung po dag dang bral ba bsgrub byar 'dod/ /rnam pas stong pa nam mkha' zla ba'i ngo bo nyid/ /so sor rang rig snying rje'i rang bzhin can/ /mdzes pa'i mtshan rnams kyis brgyan do na mdzad pa/ /sbyin la sogs pa'i rgyu mthun bde bral ba/ /sbyin sogs pha rol phyin drug tshul gnas pa/ /dka' bcas sku ni mdzes ba'i mtshan gyis brgyan/ /sa bcur bzhugs pas yang dag longs spyod pa/ /'gro don mdzad pa bsgrub byar rab tu smra/ /sbyin sogs yon tan ma lus yongs rdzogs pa/ /rdzogs sangs mdzad pa ma lus mdzad nas ni/ /gang zhig yang dag mdza' ni mngon mdzad pa/ /'gog pa'i ngo bo bsgrub bya yang dag yod/ /nyid mtshungs lha mos 'khyud cing 'gro ba yi/ /don mdzad bde sdug nyid bral ngo bo nyid/ /skun ni dpe byad bzang po brgyad cus brgyan/ /rtog pa dang bral bsgrub byar rab tu 'chad/ /dang po nyid nas lha yi rnam pa dag /khyad par gyis stong bde ba yang dag bsgom/ /gsal 'gyur bde chen 'gro ba'i don mdzad pa/ /yid bzhin nor bur grags pa kha cig smra/ /rang bdag bde ba'i ngo bo mngon byas nas/ /phyis btang bde ba cam zhig 'bras 'gyur ba'o/ /dag pa mngon sum byed pa nus med nas /de phyir bdag po'i rnam pa bsgom pa yin/ /sku ni nam mkha' dang mtshungs yan lag mtshan gyis brgyan/ /dpe med bde bas gang ba nyid dang mtshungs par 'dus pa dang/ /thub pa'i dbang po 'phro bas sems can rnams kyi don mdzad pa/ /chad pas stong pa bsgrub bya nyid du gzhan dag rab tu smra/ /rang bdag bde ba'i ngo bo mngon byas nas/ /btang snyoms ye shes tsam 'brus bu/ /'khor ba srid zhugs sems can don mdzad pa/ /yid bzhin nor grags gcig tu zhi gyur pa'o// //dkyil 'khor bde gang mngon sum byas nas ni/ /phyis ni de ring 'dod las des ljog pa/ /sems can don yang yang de 'dir med min/ /gang phyir nges par ldog las rab tu byung/ /de rnams las 'dod ngo bo gsal byas la/ /phyir ni 'gog par 'bras bu kha cig smra/ /gang phyir 'gog pa'i ngo bo tha dad mis de phyir tha dad phyogs kyi 'am tha dad med/ /shes rab ye shes phyis ni byang chub sems/ /ro myang dbang bzhir 'chad pa de mchog min/ /gang phyir bsgom sogs kun stsol don med pa/ /thob 'gyur de ?? rab tu mi rung phyir/ /shes rab ye shes phyir ni dga' ba'i ro/ /myong rnyed dbang bskur bzhir smra de dman ste/ /gang phyir bsgom sogs kun la rab tu stsol/ /sangs rgyas kyis gsungs 'bras med rab thal 'gyur/ /rdo rje'i sa bon dri med dga' 'bab pa/ /dag pa'i chu skyes yang dag myu gu 'byung rgyas shing/ /bzhi pa'i 'bru ni yongs gsal smin 'gyur ba'i/ /bzhi bdag ni mkhas pa rnams la sbas/ /gsal byed bdud rtsi lnga dang thig le zla ba dang/ /smin dbus thig le las byung dkyil 'khor dang/ /rlung gi rang bzhin lce'u chung sogs de nyid/ /ngo bo min ba bdag nyid kyis rtag bya/ /rmi lam mig 'phrul gzugs brnyan sgyu ma dang/ /smig rgyu dri za'i phrod khyer chu zla dang/ /gzhan gyi sgra yis mngon par brjod pa yi/ /'dir bshed bsgrub bya gzhan la yod ma yin/ /zab mo stong nyid so sor snang ba tsan/ /zhi ba shin tu phra ba sgras brjod min/ /gos med dngos bral dri med la sogs dang/ /gzhan sgrub yod pa 'khrul par mi bya'o/ / //rnam pa bdun pa bkod pa'i chag gi ngo bo dag las nam mkha' ma lus ba'i/ /slob dbyings khyab par byed pa'i bsod nams gang zhig bdag gis thob gyur pa/ /des ni 'jig rten 'di dag dpe med ba yi rig mas 'khyud par 'gyur ba yi/ /mdzes pa'i sku las rgyal ba'i sprul bdag gis 'gro ba'i don byed shog /de kho na nyid rin po che snang ba slob dpon dag gi dbang phyug grags pas mdzad pa rdzogs so// //rgya gar skad du/

CLOSE WINDOW