Input 
| བོད་ཡིག | e-texts based on the ACIP/ALL Input |
/ //bsgyur byed kyi lo tsa ba klog skya lo tsa ba gzhon nu 'bar gyis sgyur cing zhus pa'o// //*/ /dbang gi rab tu byed pa slob dpon mkhas pa chen po dga' ba'i rdo rjes mdzad pa'o// // */ /rgya gar skad du/ she ka pra kri ya/
bod skad du/ dbang gi rab tu byed pa/ /bcom ldan 'das rdo rje sems dpa' la phyag 'tshal lo/ /thog mdza' med cing rtag tu grub/ /thub pa bde ba chen po'i sku/ /lhan cig skyes dga' phyag 'chel nas/ /dbang gi cho ga gsal bshad bya/ /
de la ji lta ba bzhin du dbang bskur zhing/ /rjes su gnang ba thob la/ ting nge 'dzin gsum la mkhas pa/ rig pa bzlas pa'i rnal 'byor pas/ rang gi slob ma legs par brtags la/ rjes su bzung bar 'dod pas/ /rgyal po dang rkun ma la
sogs pas nye bar 'tshe ba thams cad dang bral ba'i/ dkyil 'khor gyi khang pa la sogs par cho ga ji lta ba bzhin du rdul tshon gyi dkyil 'khor bri ba 'am ras ris kyi dkyil 'khor la mchod pa rnam pa lngas mchod de/ dgongs ka'i dus su bum
pa lhag par bya'o/ /rang rang gi mtshan mas brgyan pa bcu dgu 'am/ dgu 'am lnga 'am gcig go /de la mi bskyod pa'i rdo rje sngon po rtse lnga pa'o/ /rnam par snang mdzad kyi 'khor lo dkar po rtsibs brgyad pa'o/ /rin chen 'byung ldan gyi
nor bu ljang gu'o/ /'od dpag tu med pa'i pad+ma dmar po'o/ /don yod grub pa'i ral gri ljang gu'o/ /sbyan ma'i 'bras bu nag po'i mig dkar po gnyis so/ /mA ma kI'i rdo rje sngon po rtsa lnga'o/ /gos dkar mo'i pad+ma dmar po'o/ /sgrol ma'i
autpa la sngon po'o/ /gzugs dang/ sgra dang/ dri dang/ ro dang/ reg bya dang/ chos kyi dbyings kyi rdo rje ma rnams kyi me long dkar po dang/ dri za'i pi bang sngon po dang/ dung dkar ser dang/ ro'i snod dmar pa 'am/ kha dog sna tshogs
pa'i gos dang/ chos 'byung dkar po rnams rim bzhin du dgod par bya'o/ /gshin rje mthar byed dang/ pad+ma mthar byed dang/ bgegs mthar byed rnams kyi/ /rdo rje tho ba sngon po dang/ rdo rje dbyug pa dkar po dang/ pad+ma dmar po dang/ rdo rje
sngon po kha bye ba rnams so/ /las thams cad pa'i bum pa ni/ bdud rtsi 'khyil pa 'am/ rdo rje sems dpa' bo/ /sna tshogs pa'i pad+ma dang/ zla ba'i dkyil 'khor la/ rnam par snang mdzad kyi dang/ lha mo bcu rnams kyi mtshan ma bri
par bya'o/ /gzhan rnams kyi nyi ma'i dkyil 'khor la'o/ /de'i nang nas rnam par rgyal ba'i bum pa shin tu che ba/ nag nog dang mi gtsang ba med pa/ lto ba 'phyad ba/ rke ring ba/ mtshan ma legs par bris pa/ gos legs pa
gnyis kyis sked pa dkris pa/ a mra'i yal ga la sogs pas kha brgyan pa/ gser dang/ dngul dang/ mu men dang/ mu tig dang/ byu ru'o/ /nas dang/ gro dang/ 'bras kyi so ba dang/ til dang/ mon sran gri'u'o/ /bri ha ti dang/
kan ta ka ri dang/ rnam par rgyal ba dkar po dang/ daN+Do tpa la dkar po dang/ ha sa de ba'o/ /rin po che sna lnga dang/ 'bru sna lnga dang/ sman sna lnga ltos pa'i nang du rab tu bcug nas/ dri zhim po'i chus yongs su gang
bar bya'o/ /de'i steng du dkyil 'khor gyi 'khor lo bsgoms nas/ arba dang/ zhabs bsil la sogs pa phul te/ ye shes kyi bdud rtsi zhu ba'i gzugs blo yis bcug nas/ de'i rjes su me tog gi phreng bas brgyan pa'i rdo rje steng du yang
dag par bzhag ste/ rang gi lhag pa'i lha'i sngags brgya rtsa brgyad dam/ /bdud rtsi 'khyil pa'i sngags kyis mngon par bsngags par bya'o/ /bum pa gzhan rnams kyang ji ltar rigs par dkyil 'khor gyi 'khor lo'i sngags kyi
bya'o/ /me tog dang gdug pa la sogs pas yang dag par mchod de/ gtor ma byin nas bstod pa bya ba ni/ /mi bskyod rdo rje ye shes che/ /rdo rje dbyings ni mkhas chen po/ /rdo rje gsum mchog dkyil 'khor gsum/ /rdo rje dbyangs la phyag
'tshal bstong/ /rnam par snang mdzed dga' chen po/ /rdo rje zhi ba dga' ba che/ /rang bzhin 'di gsal mchog gi gnas /ston pa rdo rje phyag 'tshal bstod/ /rin chen rgyal po rab tu zab/ /rdo rje nam mkha' dri ma med/ /rang bzhin
dag pa gos pa med/ /rdo rje sku la phyag 'tshal bstod/ /rdo rje dpag med rgyal po che/ /mi rtog nam mkha' rdo rje 'dzin/ /'dod chags pha rol phyin pa thob/ /rdo rje gsung la phyag 'tshal bstod/ /rdo rje don yong rdzogs sangs rgyas/ /
bsam pa thams cad yongs rdzogs pa/ /rang bzhin dag pa yang dag gyur/ /rdo rje sems dpa' phyag 'tshal bstod/ /ces bya ba brjod de'i dril bu dkrol bar bya'o/ /bum pa lhag par gnas pa'i cho ga'o/ /de'i 'og tu dkyil 'khor byas
pa'i slob ma rnams me tog gi phreng ba bzung ste/ bus mo g.yas pa'i lha nga sa la gtsugs nas/ /sngags kyi snod du rung ba rnams la 'di bsgrags par bya ste/ kha cig gsang sngags grub don gnyer/ /dkyil 'khor 'dir ni 'jug par
byed/ /bsod nams 'dod pas de las gzhan/ /gzhan dag 'jig rten mchog don gnyer/ /'jig rten mchog don gnyer ba yi/ /dad pa mang du byed pa yis/ /blo ldan dkyil 'khor 'jug bya yis/ /tshe 'dir 'bras bu 'dod mi bya
tshe 'di 'dod par gyur pa la/ /'jig rten pha rol thob mi 'gyur/ /'jig rten pha rol don gnyer nas/ /'jig rten 'di yi 'bras bu rgyas/ /slob ma de rnams blo yis rang gi lus la bcug nas/ /rdo rje'i lam nas phyung nas/ /rang 'od
kyi rig ma'i pad+ma la gnas par bsams la/ de bzhin gshegs pa thams cad zhu ba'i do bos dbang bskur nas dkyil 'khor gyi shar sgor bzhag ste/ 'jug pa'i don du gsol ba gdab par bya'o/ /khyod ni ston pa dpal chen po/ /mA
ma kI dang bdag sbyor ba'i/ /mgon po chen po bdag 'tshal lo/ /byang chub chen po'i tshul bstan pa/ /dam tshig de nyid bdag la gsol/ /byang chub sems kyang bdag la gsol/ /sangs rgyas chos dang dge 'dun dang/ /skyabs
gsum dag kyang bdag la gsol/ /thar pa chen po'i grong khyer du/ /mgon po bdag ni gzhug tu gsol/ /zhes bya'o/ /slob ma gcig gtso bor byas nas/ /bu khyod tshur shog theg chen gyi/ /cho ga sngags kyi sbyor pa'i tshul/ /khyed
la yang dag bshad par bya/ /khyod ni tshul chen snod yin te/ /dus gsum 'byung ba'i sangs rgyas rnams/ /sku gsung thugs kyi rdo rje can/ /rdo rje sngags kyi mthu stobs kyis/ /ye shes mnyam med yang dag brnyes/ /gsang sngags
sbyor ba mnyam med de/ /shAkya seng sogs skyob pa yis/ /bdud sde shin tu mi zad pa/ /stobs chen dag kyang de yis bcom/ /'jig rten rjes mthun rtogs nas ni/ /'khor lo bskor nas mya ngan 'das/ /de bas kun?
mkhyen thob bya'i phyir/ /bu yis blo gros 'di gyis shig /ces brjod par byas nas/ /dkon mchog gsum la skyabs su mchi/ /sdig pa thams cad so sor bshags/ /bsod nams kun la rjes yi rang/ /sangs rgyas byang chub yid kyis
bzung/ /zhes bya ba gsum la skyabs su 'gro ba lan gsum brjod par bya'o/ /slob ma de rnams la/ aoM Aspyi bor zla ba la gnas pa'i rdo rje dang/ pad+ma dang/ 'khor lo'i lte ba la/ hUM Aspyi bor rdo rje yang dag par gtugs te/ hUM Abzlas pa'i so shing gas pa med pa/ rma med pa/ a shwa t+tha la sogs pa sor bcu gnyis kyis tshad rtse mor me tog gi phreng bas dkris pa slob ma rnams la sbyin par bya'o/ /de rnams kyis kyang shar phyogs su kha bltas pa 'am/ byang phyogs su kha
bltas pas bca' ste/ phyugs kyi ko ba tsam byugs pa'i sa la bsgyur bar bya'o/ /de la zhi ba la sogs pa'i las bstan par bya ste/ /gang yang mngon du kha bltas ltung/ /mchog gi dngos grub der shes bya/ /de bzhin shar du rtse mo
bltas/ /dngos grub 'bring du rab tu grags/ /de bzhin byang du kha bltas pas/ byol song dngos grub 'jig rten 'dod/ /gal te lho ru mngon phyogs pa/ /shin tu nag por de nas 'gyur/ /nub tu mngon par kha bltas pas/ /
phra mo'i dngos grub de nas shes/ /de las so shing bskyur ba las/ /gal te 'og tu kha bltas lhung/ /de ni sa 'og dngos grub 'gyur/ /nges par the tshom med pa'o/ /de nas slob dpon gyis kha bshal nga chu khyor ba gsum
blud par bya ste/ aoM h+rimngon par bzlas te de rnams la stan dang sdas su byin nas/ de nyid kyi sngags kyis mngon par bzlas pa/ skur pa sum sgril byas te/ mdung pa gsum byas pa bsrung ba'i don du slob ma rnams kyi dpung pa g.yas pa la bcings te/ chos bshad
pas spro ba bskyed par bya'o/ /'jig rten du ni kun mkhyen rnams/ /au dum ba ra'i me tog bzhin/ /brgya lam nas ni res 'ga' zhig /'byung 'gyur yang na mi 'byung ngo/ /gsang sngags spyod pa'i tshul 'byung ba/ /de bas kyang ni
dkon pa ste/ /gang gis sems can mnyam med don/ /mya ngan mi 'da' 'byed par nus/ /bskal pa bye pa du ma ru/ /sdig pa bgyis par gyur pa gang/ /deng kun dkyil 'khor 'di 'dra ba/ /mthong nas 'byung bar 'gyur lags na/
grags pa mdza' yas sngags spyod pa'i/ /tshul la gnas pa smos ci dgos/ /gang dag spyod pa mchog 'di las/ /blo gros shin tu mi g.yo ba/ /de dag gis ni ngan 'gro'i rgyun /sdug bsngal kun 'byung rab tu bcad/ /bdag
nyid chen po khyed rnams kyis/ /rnyed pa mnyam med de ring rnyed/ /gang phyir rgyal ba sras bcas pa/ /bdag nyid chen po kun gyi ni/ /bstan pa 'di la khyed rnams kun/ /yongs su bzung ste skye bzhin pa'o/ /de
phyir khyed rnams theg chen la/ /sang ni rab tu skye bar 'gyur/ /theg pa chen po cher 'byung ba'i/ /lam mchog 'di ni dpal dang ldan/ /khyed rnams der ni dong pas na/ /de bzhin gshegs pa rnams su 'gyur/ /zhes bya ba la sogs
pa'i chos bshad cing bsgrags nas/ /de rnams bdud rtsi 'khyil pa'i sngags kyis yang dag par bsrungs la/ /sdom pa'i bye brag gzung bar bya'o/ /phyir mi ldog pa'i 'khor lo'i dbang/ /byin nas mgon po bdag la gsungs/ /dkyil
'khor lha yi de nyid dang/ /slob dpon gyi ni las rnams dang/ /sangs rgyas rnams kyi dam tshig dang/ /gsang ba'i sdom pa bla na med/ /sems can rnams kyi don byed phyir/ /rtag tu bdag ni slob dpon 'gyur/ /zhes bya'o/ /slob ma de
rnams ku sha'i stan la nyal du bcug ste/ rmi lam la ci mthong ba nga la zlog shig ces bya'o/ /slob ma lhag par gnas pa'i cho ga'o// //yang dkyil 'khor gyi khang par slob dpon zhugs nas bsrung ba'i don du bdud rtsi
'khyil pa'i sngags bzlas par bya'o/ /gtor ma yang byin nas/ aoM Ate rmi lam mi dge na bdud rtsi 'khyil pa'i sngags kyis bsrung bar bya'o/ /de nas bris sku la sogs pa'i dkyil 'khor la mchod pa rgya chen po byas nas/ rang gi lha'i rnal 'byor sngon du song bas/ rang nyid kyis slob ma 'jug pa'i cho gas zhugs
nas/ de nas 'og nas 'byung ba bzhin du rjes su gnang ba'i dbang gi bar bcom ldan 'das gtso bo la blo yis 'thob par bya'o/ /de nas slob ma rnams bzhug par bya ba'i don du bden pa'i byin gyis brlabs gsol bar bya'o/ /chos
rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las kun tu 'byung/ /de bzhin nyid las nges par skyes/ /bden pa 'di yis dkyil 'khor du/ /gzugs brnyan lta
bu slob mas ni/ /gsal zhing sdig med mthong bar shog /ces bya bas bden pa'i byin gyis brlabs gsol nas/ yol ba las phyi rol tu yon byin pa'i slob ma dbang bskur ba'i snod du bya ba'i phyir/ rnam par snang mdzad kyi gzugs su nye
bar dmigs la/ /Abo bdag la bskal pa bzang po la zhes bya'o/ /slob ma'i snying gar rdo rje bzhig nas/ aoM sarbba yo ga tsit+ta mutpA ta yA mi su ta re sa ma yastaM hokhyod de bzhin gshegs pa thams cad kyis byin gyis brlab par 'gyur ro/ /khyod kyis de bzhin gshegs pa thams cad kyi mchog tu gsang ba 'di dkyil 'khor du ma zhugs pa rnams la brjod par mi bya zhing mi dad par yang mi bya'o/ /hUM dza:
hUM zhes bya ba 'dis bkug ste yol ba'i nang du bcug nas dkyil 'khor gyi shar gyi sgor yang dag par bzhag ste/ 'di skad du brjod par bya'o/ /deng khyod de bzhin gshegs pa thams cad kyi rigs su zhugs kyis/ de'i phyir ngas khyod la
rdo rje'i ye shes bskyed par bya'o/ /ye shes gang gis khyod de bzhin gshegs pa thams cad kyi dngos grub khyab thob par 'gyur na/ dngos grub gzhan lta smos kyang ci dgos/ khyod kyis dkyil 'khor ma mthong ba
rnams kyi mdun du brjod par ma byed cig / dam tshig nyams par gyur ta re/ yang slob ma'i spyi bor rdo rje bzhag la brjod par bya ste/ 'di ni dam tshig rdo rje ste/ /gal te la lar khyod 'di smra/ /khyod ni spri bo 'ags par byed/ /me tog dang bcas
ba'i rdo rje snying gar bzhag la brjod par bya ste/ aoM rdo rje sems dpa' der khyod kyi/ /snying la yang dag zhugs par gyur/ /gal te tshul 'di smras na ni/ /de ma thag tu dral nas gshegs/ /'dis mna' bsgags nas bdud rtsi rnam pa
lnga pad+ma'i snod la gnas pa'i yi ge gsum gyis brlabs la/ aoM badzra a mra tong ka hUM thAdngos grub ster/ /rdo rje bdud rtsi chu 'thung zhig /ces bya ba brjod la blud par bya'o/ /de nas 'di brjod par bya ste/ deng phyir chad khyod kyi phyag na rdo rjer yin gyis/ /ngas 'di gyis shig ces bsgo ba gang yin pa de yang khyod kyis bya dgos so/ /
khyod kyis nga la brnyas par ma byed cig / mi bde ba ma spangs par khyod 'chi ba'i dus byas nas dmyal bar ltung bar gyur ta re zhes brjod pas dam tshig gi chu sbyin par bya'o/ /de nas slob nas 'di ltar brjod du gzhug ste/ de bzhin gshegs
ba thams cad gyis byin gyis rlobs la rdo rje sems dpa' bdag la dbab du gsol zhes bya'o/ /de nas slob ma'i snying gar laM ser po yongs su gyur pa las/ rdo rje rtse gsum pas mtshan pa'i dbang chen gyi dkyil 'khor gru bzhi pa la yi
ge hUM gnas pa'o/ /spyi bor baM yig las skyes pa'i bum pas mtshan pa'i tshul dkyil 'khor zlum bo dkar po la yi ge hapa lta bu/ rlung gi dkyil 'khor la yi ge Adang bcas pas dril bu dkrol la/ /A be sha ya staM b+ha ya ra ra ra ra tsA la yahUM habya ba brjod do/ /smras pa shes mas aoM tithA badzra zhes bya bas brtan par bya'o/ /khyod kyi mig la ci snang ci mthong zhes dris nas/ /de nas de yis brjod de/ dkar po dang ser po dang dmar po dang nag po mthong na/ zhi ba dang/ rgyas pa dang/ dbang
dang/ mngon sbyod kyi dngos grub kyi snod dang ldan par brjod nas bden pa'i byin gyis brlabs brjod par bya ste/ de ltar dkyil 'khor yang dag 'dir/ /bdag gis slob ma gzhug pa la/ /ji ltar bsod nams de bzhin shog /lha rnams kyis ni
rigs kyi rim/ /ji ltar dngos grub rim pa 'di/ /gang gi rigs kyi snad yin pa/ /ji ltar bsod nams mthu yis ni/ /dkyil 'khor 'dir yang de bzhin shog /de nas me to gi phreng ba ste/ pra tAts+tsha badzra hogal te sbyan nam zhal la babs na de sngags kyi dngos grub bo/ /yan lag mchog la ni mchog go /yan lag 'bring la ni 'bring ngo/ /smad kyi cha 'di tha ma'o/ /gzugs las shin tu ring bar babs na ?? tshogs
so/ /nye ba ni dngos grub myur du 'grub pa'o/ /lha rnams kyi rang gi re'u mig gi gnas la rnam par dpyad pa'i phyir shes par bya'o/ /gal te lha gnyis kyis dbus su lhung na/ /de tshe me tog gang dang nye bar babs pa nga'i rigs
yin no/ /dkyil 'khor gyi phyi rol tu babs na phran chogs kyi dngos grub bo/ /gal te dkyil 'khor gyi mtshams kyi phyi rol la babs na/ /de'i tshe yang bsgyur du gzhug go /lan gsum du byas te de la de nyid du babs na
dngos grub med de/ phyi'i rdo rje ra ba'i phyi rol tu lhung na dngos grub med do/ /nang du babs na shin tu dka' bas so/ /zhes bya ba ni me tog bskyur ba'i cho ga'o// //de nas yang me tog phreng ba de yang
blangs nas/ slong ma'i spyi bor bcing bar bya ste/ bra ti grih+na twa mi maM sa twa ma hA ba la/ zhes bya ba brjod do/ /mig gnyis la yi ge aM bsams nas/ rdo rje sems dpa' dang khyod kyi/ /mig 'byed pa la brtson par mdzad/ /mig
ni thams cad 'byed mdzad do/ /rdo rje mig ni bla na med/ /ces bya ba brjod nas gdod g.yogs dgrol bar bya'o/ /de nas dkyil 'khor bstan par bya ste/ dbus su rnam par shes pa'i phung po mi bskyod pa shar la sogs pa'i phyogs
su gzugs rnam par snang mdzad do/ /tshor ba ni rin chen 'byung ldan no/ /'du shes ni 'od dpag tu med pa'i/ /'du byed ni don yod grub pa'o/ /me la sogs pa'i mchems rnams su sa'i khams ni spyan ma'o/ /chu'i khams ni mang ma
kA'o/ /me'i khams ni gos dkar mo'o/ /rlung gi khams ni sgrol ma'o/ /phyi'i dkyil 'khor gyi me la sogs pa'i mtshams bzhi dang/ sher phyogs kyi sgo'i mtshams rnams su gzugs rdo rje ma dang/ sgra rdo rje ma dang/ dri rdo rje ma dang/ ro? ??
ma dang/ reg bya rdo rje ma dang/ chos kyi dbyings kyi rdo rje ma'o/ /gshin rje mthar byed dang/ pad+ma mthar byed dang/ shes rab mthar byed dang/ bgegs mthar byed dams ni shar la sogs pa'i sgor gnas pa'o/ /zhes bya ba ni dkyil 'khor du
'jug pa'i cho ga'o/ / //de ni dbang bskur ba'i cho ga brjod par bya'o/ /byang chub rdo rje sangs rgyas rnams/ /mchod chen ji ltar byin pa ltar/ /bdag kyang bsgral ba'i don gyi phyir/ /nam mkha' rdo rje ded bdag gsal/ /zhes
bya bas gsol ba gdab pa dang ldan pa'i slob ma mi bskyod pa'i gzugs su dmigs nas/ rang rig skyes bu'i chu yis ni/ /kun tu bum pa'i rgyen rnams kyis /dbang bskur rdo rje can bsams nas/ /rdo rje thugs ni rab tu bsgom/ /rdo rje
dang bcas pa'i khu chur gyis chu blangs nas/ /dbang bskur ba ni rdo rje che/ /khams gsum pa yis phyag byas la/ /gsang ba gsum las byung ba yis/ /sangs rgyas kun gyis sbyin par bya/ /aoM badzra a b+hi Shiny+tsa mi twaM/ zhes bya ba brjod
nas/ slob ma 'khor los sgyur ba bzhin dbang bskur bar bya'o/ /zhes bya ba ni chu'i dbang bskur ba'i cho ga ste/ /me long lta bu'i ye shes so/ /de nas gong du bstan pa'i rim pas gser ram gos la sogs pa la byas pa'i dbu rgyan rin
po che 'byung ldan gyi sbyar bas slob ma'i mgo la sbyin par bya'o/ /aoM sarbba? bud+d+ha tsuT? ma ni mahA ma gu taM pra tits+tsha badzra ho/ /nam mkha' i khams kyi khong su gtogs pa'i de bzhin gshegs pa thams cad rigs kyi bdag po'i gzugs kyi dbu rgyan
la nye bar gnas pa bsam par bya'o/ /zhes bya ba ni dbu rgyan gyi dbang bskur ba'i cho ga ste/ mnyam pa nyid kyi ye shes so/ /de nas rdo rje rtse lnga pa/ chen po lag pas snying gar bzhag /slob mas 'jig rten ?? ??
rdo rje sems dpa' zhes dbang bskur/ /sangs rgyas kun gyi rdo rje'i dbang/ /de ring khyod la bskur bar bya/ /'di de sangs rgyas thams cad kyi dngos grub phyir na rdo rje long/ /zhes bya ba brjod la/ rdo rje snying ga la sogs par gtu gas nas/ /log?
pa g.yas par rdo rje sbyin par bya'o/ /zhes bya ba ni rdo rje'i dbang gi cho ga ste/ so sor kun tu rtog pa'i ye shes so/ /de nas don yod grub pa'i gzugs dmigs nas/ lag pa g.yon pas dril bu byin la slob ma rdo rje dril bu dang ldan pa'i lag
pa gnyis kyis 'khyud pa'i rnam pa ltar byas nas/ aoM badzra a d+hi pa ti twaM a b+hi Shiny+tsa mi taShpi badzra mahA sa ma ya stwaM/ zhes bya ba brjod do zhes bya ba ni dril bu'i dbang gi chog ste/ bya ba nan tan gyi ye shes so/ /de nas rnam par snad mdzad kyi
gzugs su dmigs nas/ ming gi dbang bskur bar bya ste/ /mgo bor rdo rje dril bu bzhag nas/ aoM badzra satwa twaM a b+hi Shiny+tsa mi badzra nA ma a b+hi Sha ka ta:/ kye dpal zhe sngag rdo rje/ kye dpal gti mug rdo rje/ kye dpal pa rgyal rdo rje/ kya dpal
'dod chags rdo rje/ kye dpal phrag dog rdo rje/ zhes bya ba la sogs pa rigs dang rjes su mthun pa'i ngo bo nyid kyis ming bya'o/ /mi bskyod pa ni dgyes pa'i rdo rje dang/ longs spyod rdo rje dang/ dga' ba'i rdo rje dang/ sgeg pa'i rdo rje dang/ rol pa'i
rdo rje dang/ rang 'byung rdo rje dang/ zhes sdang rdo rje dang/ kye'i rdo rje dang/ snying rje stobs kyi rdo rje dang/ thugs kyi rdo rje zhes brjod do/ /rnam par snang mdzad kyi ni rnam par snang mdzad rdo rje dang/ gti mug rdo rje dang/ aoM yig rdo rje dang/ rtag pa'i
rdo rje dang/ de bzhin gshegs pa'i rdo rje dang/ sgyu ma'i rdo rje dang/ sangs rgyas rdo rje dang/ sku'i rdo rje zhes mngon par brjod do/ /rin chen 'byung ldan gyi ni rin chen rdo rje dang/ yid bzhin nor bu rdo rje dang/ mkha' rdo rje dang/ nam mkha' rdo rje dang
ma rdo rje dang/ nyi ma rdo rje dang/ 'od byed rdo rje dang/ nga rgyal rdo rje zhes bya ba la sogs pa bstan to/ /'od dpag med kyi ni/ 'dod chags rdo rje dang/ spyan ras gzigs rdo rje dang/ chos rdo rje dang/ chos rdo rje dang/ pad+ma'i rdo rje dang/ shes rab myu gu rdo? rje? dang
bde ba'i myu gu rdo rje dang/ snying rje myu gu rdo rje dang/ pad+ma'i myu gu rdo rje dang/ mchod dga' i rdo rje dang/ dga' ba de'i rdo rje dang/ ngag gi rdo rje zhes bya bar brjod do/ /don yod grub pa'i ni/ don yod grub pa rdo rje dang/ rdo rje rta mchog dang/
dam tshig rdo rje dang/ pha rol tu phyin pa'i rdo rje dang/ las kyi rdo rje dang/ phrag dog rdo rje zhes brjod do/ /rdo rje sems dpa' i ni/ mchog gi dang po'i rdo rje dang/ mi mnyam pa'i rdo rje dang/ dga' ba'i rdo rje dang/ dam tshig rdo rje dang/ rnam par
rgyal ba'i rdo rje dang/ bde ba chen po'i rdo rje dang/ mi g.yo ba'i rdo rje dang/ sems dpa' i rdo rje dang/ yan lag med pa'i rdo rje dang/ ye shes rdo rje dang/ lhan cig skyes pa'i rdo rje dang/ zhes rab tu grags pa'o/ /mi bskyod pa'i rigs kyi
bud med rnams la ni/ /bdag med rdo rje ma dang/ phyag na rdo rje ma dang/ rdo rje phreng ba ma dang/ 'byung gnas rdo rje ma dang/ rdo rje mA ma kI zhes brjod do/ /rnam par snang mdzad kyi ni rdo rje spyan ma dang/ rdo rje mkha' 'gro ma dang/ rdo rje dkar mo
dang/ rdo rje sgeg mo dang/ rdo rje 'khyud ma zhes brjod do/ /rin chen 'byung ldan gyi ni rdo rje sgrol ma dang/ rdo rje dbugs 'byin ma dang/ rdo rje 'bar ma dang/ rdo rje phreng ba ma zhes brjod do/ /'od dpag tu med pa ni/ 'dod chags rdo rje ma dang/ rdo rje
glu ma dang/ ngo mtshar bde ba'i rdo rje ma dang/ rdo rje pa ta li dang/ rdo rje blo ma dang/ rdo rje bzhad ma dang/ pad+ma rdo rje ma dang/ rdo rje gos dkar mo zhes brjod do/ /don yod grub pa'i ni/ rdo rje snying po ma dang/ rdo
rje sgyu ma dang/ rdo rje tho mo dang/ rdo rje sgrol ma zhes brjod do/ /rdo rje sems dpa' i ni/ rdo rje rol ma dang/ rdo rje mgyogs ma dang/ rdo rje 'dod ma dang/ rdo rje kong ka na dang/ rdo rje sdu ba ma dang/ rdo rje mchar ma dang/ rdo rje mA ma kI zhes brjod do/ /
ming gi dbang bskur ba'i cho ga ste/ shin tu rnam par dag ba'i chos kyi dbyings kyi ye shes so/ /dbang bskur ba dang rnams kyi sngags dang rgyud nyan pa dang/ 'chad pa dang/ sngags sgrub pa la dbang bskur bar 'gyur ro/ /dbang
lnga po nyid ni rig pa'i dbang zhes brjod de/ /rnam pa thams cad du spyan ma la sogs pa'i rig ma'i bya ba 'jug pa'i phyir ro zhes bya'o/ /de nas kye rdo rje slob dpon dbang bskur ba/ /gang gis khyod kyis drin gyis bdag /rang dang
gzhan don nus gyur pa'i/ /snying rje gter gyis bdag la gsol/ /zhes bya bas gsol ba btab pa dang ldan pa'i slob ma rgyan thams cad kyis brgyan la/ gdugs dang/ rgyal mtshan dang/ bla bre blang bar bya ste/ shar sgor seng
ge'i khri la sna tshogs kyi pad+ma gnas pa'i 'dab ma brgyad pa' steng du/ rdo rje sems dpa' i gzugs su dmigs nas hUM yig las skyes pa'i rdo rje bsgoms te/ thog mdza' med pa'i sems dpa' ni/ /rdo rje sems dpa' bde ba che/ /kun
tu bzang po thams cad bdag / rdo rje snyems pa gtso bo'i gtso/ /mchog gi dang po skyes bu bcom ldan 'das/ /zhes bya ba de nyid kyis rdo rje 'dzin du gzhug go /de nas a yig las skyes pa'i dril bu ste/ 'di ni sangs rgyas thams cad
kyi/ /shes rab dbyangs kyi rjes 'gror bshad/ /khyod kyis kyang ni rtag tu bcad/ /byang chub mchog tu rgyal ba bzhed/ /ces bya bas g.yon pa'i lag tu sbyin par bya'o/ /srid pa ngo bo nyid kyis bdag /ngo bo nyid kyis srid par byas/ /
ngo bo nyid dag sems dpa' mchog / srid pa mchog tu byed par 'gyur/ /zhes bya bas kyang slob mas dkrol bar bya'o/ /de nas phyag rgya'i dam tshig brjod par bya ste/ yid kyi sku ni ston pa'i phyir/ /gang gis thams cad skur bstan pa/ /
de na phyag rgyar rab tu grags zhes bya ba 'dis rang 'dod pa'i lha'i skur phyag rgya chen por byin gyis brlabs nas 'khyud par bya'o/ /de nas slob dpon gyis rang gi snying ga'i sa bon las byung ba'i lha'i tshogs nam mkha' la gnas pas dbang
bskur bar bsams nas/ /dbang bskur ba ni rdo rje che/ /khams gsum kun gyis phyag byas pa/ /gsang ba gsum las byung ba ni/ /sangs rgyas kun gyis sbyin par bya/ /zhes bya ba dang/ phyir mi ldog pa'i dbang bskur ba'i tshigs bcad
rnams kyis dbang bskur bar bya'o/ /yi su pra tiSh+Tha twa? badzre zhes brjod de zhu ba'i zhabs la mi bskyod pas rgyas btab par bsam/ ji ltar gsungs pa ni/ shes rab bcu drug lon pa la/ lag pa gnyis kyis 'khyud nas su/ /rdo rje dril bu
mnyam sbyar bas/ /slob dpon dbang bskur 'dod pa yin/ /de nas mdor bsdus pa'i dkyil 'khor gyi de nyid dang/ dkyil 'khor gyi rnam par dag pa brjod par bya ste/ dkyil 'khor pad+ma nyid du brjod/ /yid kyi dkyil 'khor mchog yin te/ /
ye shes zhes bya gzhal yas khar/ /sems kyi gzhal yas mthon pa ste/ phung po lnga ni mdor bsdus na/ /sangs rgyas lngar ni rab tu grags zhes bya ba la sogs pa'o// //de nas slob ma rnams par snang?
mdzad la sogs pa'i gzugs su dmigs nas/ rjes su gnang ba sbyin par bya ste/ sems can kun la phan don du/ /'jig rten khams ni thams cad du/ /ji ltar 'dul bar sna tshogs kyis/ /chos kyi 'khor lo
bskor bar gyis/ /chos kyi gnas su rdo rje dang/ /rin po che dang pad+ma dang/ /las kyi sgra rab tu gzhug par byas la/ /rim gyis tshigs bcad lngas rjes su gnang ba sbyin par bya'o/ /de nas mi bskyod pa'i gzugs su dmigs nas/ /
rdo rje'i brtul zhugs sbyin par bya ste/ 'di de sangs rgyas thams cad kyi/ /rdo rje sems dpa' i phyag na gnas/ /khyod kyis kyang ni rtag tu gzung/ /phyag na rdo rjes brtul zhugs brtan/ /zhes bya ba 'dis hUM las skyes pa'i rdo rje sbyin
par bya'o/ /aoM sarba tathA ga ta sid+d+hi badzra sa ma ya tiSh+Tha/ e sha twaM d+ha ra yA mi hIsangs rgyas kyi gzugs su bsgoms nas/ g.yon pa'i khu tshur gyis snying gang chos gos kyi sne'u bzung la lag pa g.yas pas mchog sbyin pa'i phyag rgya yis rang gis slob ma gang gi rigs yin pa de'i gzugs su dmigs par bya
ste/ aoM e sho haM twaM/ bya ka ro mi badzra sa twaM ta thA ga ta/ b+ha ba dur ga ti/ tod d+h+re dyE/ a tyan ta b+ha ba shud+d+ha ye/ kye che ge mo rdo rje ta thA ga taba'i phyag rgya yis gad lung bstan par byas pa de la de bzhin gshegs pa thams cad dang/ byang chub sems dpa' thams cad kyi 'khor gyi dkyil 'khor bas mgrin gcig gis bla na med pa yang dag par rdzogs pa'i byang chub
tu lung bstan par 'gyur te/ 'di 'byung ba'i phyag rgya'i mthu dang/ /sngags 'di'i stobs nyid kyi phyir dad par bya'o/ /zhes slob ma la brjod par bya'o/ /zhes bya ba ni lung bstan pa'o// //de nas aoM mahA sa ma ya ha na
hUM phaT/ ces bya ba brjod la dbugs 'byung ba sbyin par bya'o/ /gsang mchog dkyil 'khor dam pa ni/ /mthong ba dang ni zhugs gyur bas/ /sdig pa kun las nges par grol/ /khyed rnams de ring legs par gnas/ /bde chen theg
pa 'di la ni/ /phyin chad 'chi ba yod min te/ /srid pa'i sdug bsngal las khyod 'das/ /srid pa shin tu dag pa'i phyir/ /gang zhig skyes pa cem gyis ni/ /sangs rgyas nyid du rtog med pa'i/ /rdo rje zhes gang phyag rgya dang/ /byang chub
sems kyang btang mi bya/ /dam pa'i chos kyang mi slong zhing/ /nam yang dor bar mi bya'o/ /mi shes pa'am rmongs pa yis/ /de yis byas nas bshags par bya'o/ /rdo rje dril bu'i phyag rgya rnams/ /nam yang btang bar mi bya'o/ /slob
dpon smad par mi bya ste/ /'di ni sangs rgyas kun dang mnyam/ /rang gi bdag nyid mi spong zhing/ /dka' thub kyis kyang gdung mi bya/ /ji ltar bde ba bde bas bzung/ /'di ni ma 'ongs rdzogs sangs rgyas/ /de ring dkyil 'khor slob
dpon dang/ /sngags dang rgyud ni 'dzin par 'gyur/ /sangs rgyas byang chub sems dpa' dang/ /lha rnams kyis kyang mthun par 'dod/ /sems can rnams ni bzung don du/ /khyod kyis dkyil 'khor cho ga bzhin/ /'bad pa yis ni
bri bar bya/ /sgrub pa po rnams rgyud la sbyor/ /zhes bya ba ni dbugs dbyung ba sbyin pa'o/ /rjes su gnang ba la sogs pa bzhi po 'di rnams ni/ /rig pa'i dbang rnam pa lnga'i rjes su 'am/ /slob dpon gyi dbang gi rjes su sbyin par bya'o/ /slob
dpon gyi dbang nyid ni phyir mi ldog pa'i dbang zhes brjod par bya'o/ /dbang ldan dang/ slob dpon gyi dbang la ni bum pa'i dbang zhes brjod de/ thams cad bum pa'i byang 'jug pa'i phyir ro/ /dbang drug po
'di ni rgyud thams cad dang mi 'gal ba'o/ /rdo rje slob dpon gyi dbang zhes bya ba ni lus rdo rje rnam par dag pa'o// //de'i rjes su dben pa'i sa phyogs su yol ba la sogs pa byas la rang gi yid du sdug ba'i gzugs
dang lang tshos brgyan pa'i dam tshig dang sdom pa'i snod dang ldan pa'i shes rab gsang ba'i dbang gi don du slob mas bla ma la dbul bar byas nas grol ba'i gnas skabs su gsol ba gdab par bya ste/ byang chub rdo rje sangs rgyas la/ /
mchod chen ji ltar byin pa ltar/ /bdag kyang bsgral ba'i don gyi phyir/ /nam mkha' rdo rje bdag la gsol/ /bla mas kyang ting nge 'dzin gsum mngon du byas nas/ rang rig par bya zhing nam mkha' i khams su spro bar bya ste/ shes rab
kyi pad+ma nas blangs la/ /shes rab gdong yang bcing bya zhing/ /de bzhin thabs kyi gdong yang ngo/ /mtheb chen dang srin lag gnyis kyis slob ma'i khar sbyin par bya'o/ /des kyang a ho su khaM zhes brjod pas longs spyod du
gzhug par bya ste/ rnam par snang mdzad kyi bdag nyid du byas pa'o/ /de nyid kyang langs la 'di kho na ltar sbyin par bya'o/ /zhes bya ba ni gsang ba'i dbang gis ngag rdo rje rnam par dag par byed pa ste/ zhes bya ba 'di ni gsang ba'i dbang
gi cho ga'o/ / //de nas phyag rgya gcig tu 'dod pad nyid kyis sam/ gzhan phyag rgya tha dad du 'dod kyang rung ste/ so sor rang gis rig par bya ba chos kyi sku rab tu rtog par bya ba'i don du sngon du bstan pa'i tshigs bcad
kyis gsol ba btab pa dang ldan pa'i slob ma la/ de'i lags de'i lag par rab tu bzhag nas/ de bzhin gshegs pa thams cad dbang por byas la/ spyi bor rdo rje mnyam par bzhag ste/ bla ma rdo rjes 'dir brjod par bya ste/ 'di na
khyod kyis gzung ba'i mchog / brten par sangs rgyas rnams kyis brtags/ /'khor lo rim pa'i sbyor ba yis/ /bde bzang yang dag myong bar gyis/ /thabs gzhan gyis ni sangs rgyas nyid/ /'gro gsum 'di yang dag mi
'gyur/ /de phyir 'di dang mi 'bral zhing/ /khyod kyis nam yang mi btang ngo/ /'di de sangs rgyas thams cad kyi/ /rig ma'i brtul zhugs bla na med/ /rmongs pa gang gis 'da' byed na/ /de la mchog gi dngos grub med ces bya ba
brjod nas sbyin par bya'o/ /des kyang gur gum dang/ tsan dang gyis byugs la me tog dri zhim po'i phreng bas brgyan nas/ /gos med par rang gi pad+mar gsal bar bstan la/ 'di skad brjod par bya ste/ bu khyod kyang ni 'dod dam ci/ /
dri chen dri chu sogs bza' zhing/ /sha khrag khu ba de bzhin du/ /de bzhin gzhan yang bud med gus/ /b+ha ga'i pad+ma 'o byed pa/ /bu khyod smros shig ci bder bar/ /zhes brjod do/ /des kyang lha mo ci phyir bdag mi 'dod/ /khrag dang
khu ba sogs za zhing/ /gud med rnams la rtag gus bgyid/ /b+ha ga la yang 'o bgyi do/ /zhes brjod par bya'o/ /de nas dga' zhing dgyes pas rnam par blta bar byed cing/ bdag gi yid du 'od ba bzhin du mngon par blta zhing/ tsog
tsog por 'dug ste/ rang gi chu skyes gsal bar byas nas/ 'di skad brjod par bya ste/ e ho bdag gis pad+ma 'di/ /sangs rgyas kun gyis byin pa brlabs la/ /gang zhig cho ga bzhin bsten na/ /de yi mdun na bdag gnas so/ /ji ltar pad+ma'o dgos pa gyis/ /?
ngag sangs rgyas mnyes byed sogs/ /bde chen rgyal pho rang nyid ni/ /'di nyid la ni yang dag zhugs/ /b+hany+dza mok+Sha hospyi bo dang/ snying ga dang/ lte ba dang/ gsang ba dang/ brla gnyis la/ rim pa ji lta bas/ aoM hUM swA Alas ze 'bru dang/ nor bu'o/ /bu gar phaT ser po bkod la/ rdo rje dbyings kyi dbang phyug ma'i rtsa g.yon ma'i char gnas pa la/ sor mos cung zhig bskul bar bya/ /phyi rol bla mas 'di shes nas/ /de nas aoM sarbba ta thA ga tA nu rA ga Na
badzra swa b+hA ba At+ma ko haM/ zhes brjod nas dga' ba brtsam par bya'o/ /pad+mar rdo rje bcug nas ni/ /byang chub sems ni gtang mi bya/ /dga' ba de ni bskyod nas su/ /sems ni gang bar bsgom par bya/ /ji srid rnal 'byor ba yis ni/ /byang chub
sems ni phyir ma gtong/ /de rnyed rgyun mi 'chad par 'thob/ /dga' ba'i bde ba smos ci dgos/ /dngos grub kun gyi gter gyur pa'i/ /byang chub sems ni ltung gyur na/ /dngos grub mchog lta ga la yod/ /nam mkha' i khams dang rdo rjer
sbyor/ /reg pas ngo mtshar cher gyur pa'i/ /gal te bde bskye par 'gyur/ /mchog gi dga' bar byed pa po/ /dga' bral dga' ba'i dbus dag tu/ /mtshon zhing bltos la bstan par gyis/ /pad+ma'i nam mkhar rdo rje nor bus
mnan pa la/ /rdo rje skyil krung sems kyis ni/ /nor bu'i nang du blta bar bya/ /gang zhig ye shes skyes gyur pa/ /ye shes de gzugs shin tu dul/ /'dod chags ma yin chags bral min/ /dbus mar yang
ni mi dmigs so/ /rnal 'byor gang gis ye shes mthong/ /bde ba gnas shing mi 'byung ba'o/ /thun nam yang na nyin gcig gam/ /zla ba zla phyed lo skor 'am/ /bskal pa 'am bskal pa brgya stong du/ /ye shes mngon sbyor gnas
par 'gyur/ /slob ma snyoms 'jug mthong na ni/ /bla ma'i snying ga las byung ba'i/ /gti mug dga' sogs bzhi rnams ni/ /de yi snying gar bzhug par bya/ /slob mas bzung zhing rtogs nas ni/ /pad+ma'i khongs su spro bar bya/ /de nas
ci yis sems de ni/ /byang chub sngon 'gro blang bar bya/ /zhes bya ba ni shes rab ye shes kyi dbang gi cho ga'o// //de nas ji ltar bstan pa'i cho gas dngos su shes rab ye shes kyi dbang blangs pa de nyid la/ bzhi
pa mngon par brjod pa'i dbang rin po che 'bras bur gyur ba brjod par bya ste/ gzhan du na dam tshig nyams pa'i 'jigs pas so/ /ji ltar rgyud las dbang bskur ma thob rnal 'byor pas/ /rnal 'byor nyid du mngon 'dod na/ /mkha' la khu tshur
brdeg pa dang/ /smig rgyu chu ni 'thung ba'o/ /de'i phyir ji ltar bstan pa yi/ /chogs dbang bskur sbyin par bya/ /slob ma mos pa'i bsam pa rab bltas nas/ /zab cing rgya che'i tshul la lhag mos na/ /dbang bskur rin chen tshig
gis sbyin par bya/ /gzhan la ni ma yin no/ /zhes bya'o/ /rgya che ba la lhag par mos pa dang/ lhag par mos pa ma yin pa ji ltar shes she na/ de la gsungs pa ni/ du ba las ni mer shes te/ /chu skyar las ni chur shes so/ /byang chub
sems dpa' blo ldan la/ /rigs ni mtshan ma rnams las shes/ /rab dga' zhal ni pad+ma ni/ /rab tu rgyas shing lus spu ldan/ /de nyid kyis mkhas mthong nas ni/ /dam pa'i slob ma bzung bar bya/ /ji ltar bcom ldan 'das kyis
gsungs pa/ /dbang ni rnam pa gsum dag tu/ /rgyud 'di las ni rab tu grags/ /slob dpon gsang ba shes rab dang/ /bzhi pa de yang de bzhin no zhes bya'o/ /de la rgod dang bltas dang lag bcas pa dang/
de yang gnyis kyis gnyis sprad brgyud/ /dga' dang mchog dga' nyid dang ni/ /bral ba lhan cig skyes de bzhin/ /sna tshogs rnam par smin pa dang/ /rnam par nyed dang mtshan nyid bral/ /thams cad dbang gi rjes rims su/ /
shes rab yan lag 'dus skyes rtogs/ /yang gsungs pa/ /e yi cha byad bzang po dang/ /dbus su baM gyi rnam par brgyan/ /bde ba thams cad kyi ni gnas/ /sangs rgyas rin chen za ma tog /de la dgod pa dag pa slob
dpon te/ /bltas la de bzhin gsang ba'o/ /lag bcangs shes rab ye shes dang/ /bzhi pa gnyis kyis gnyis sprod pa'o/ /dga' ba bde ba cung zad bde/ /mchog tu dga' ba bde bas lhag /dga' bral dga' ba chags bral
te/ /lhag ma lhan cig skyes dga' bo/ /dang po reg bar 'dod pa ste/ /gnyis par bde bar 'dod pa'o/ /gsum pa chags dang bral ba'i phyir/ /des ni bzhi pa bsgom par bya/ /dga' ba dang po sna tshogs te/ /mchog tu dga' ba
rnam par smin/ /dga' bral dga' ba sna tshogs dga' / /lhan cig skyes dga' mtshan nyid bral/ /sna tshogs sna tshogs nyid brjod pa/ /'o dang 'khyud pa la sogs so/ /rnam smin de las zlog pa ste/ /bde ba'i ye shes za ba'o/ /rnam
smin rnam par rtog pa ste/ /bde ba bdag gis myong zhes pa'o/ /mtshan nyid bral ba gsum las gzhan/ /'dod chags 'dod chags min pa spangs/ /zhes bya'o/ /de nyid gsungs pa/ 'dod chags ma yin chags bral ni/ /dbu
mar yang ni mi dmigs so/ /gsum po rnam par spangs pa nyid/ /lhan skyes yang dag byang chub brjod/ /'di nyid kyi don bcom ldan 'das kyis dpal gsang ba 'dus pa las gsung ba ste/ /bsgrub bya bsgrub byed yang dag sbyor/ /
gang de bsnyen pa zhes brjod do/ /rdo rje pad+ma mnyam sbyor bas/ /nye bar bsnyen pa zhes brjod cing/ /bskyod pa rang bzhin sgrub pa ste/ /hUM phaT yi ger ldan pa'o/ /rang bzhin bde ba dam pa zhi/ /sgrub pa chen por brjod par bya/ /bsgrub bya
ni shes rab po/ /sgrub byed ni thabs so/ /de gnyis yongs su sbyor ba ni/ bsnyen pa'o/ /pad+mar rdo rje gzhug pa ni nye bar sgrub pa'o/ /bskyod pa ni sgrub pa ste/ /rang bzhin bde ba dam pa zhi/ /sgrub pa chen po brjod par bya/ /bsgrub bya dang
sgrub pa sbyor bas rdo rje dang pad+mar gzhug pa'i bar ni dga' ba'o/ /shin tu bskyod pa las byang chub kyi sems kyis gang ba ni mchog tu dga' ba'o/ /phyir byung ba ni dga' bral lo/ /gang gi tshe de gnyis kyi dbus su dam pa'i bde ba zhi bar
gyur ba de'i tshe/ lhan cig skyes pa'i dga' ba sgrub par bya/ /zhes bya ba'i don to/ /'di nyid gsungs pa/ thog ma tha ma dbus med cing/ /srid dang mya ngan 'das pa min/ /'di de mchog gi bde chen po/ /rang dang gzhan yang mi
dmigs so/ /mchog du dga' ba srid par brjod/ /dga' bral dga' bas mya ngan 'das/ /dbus su dga' ba tsam nyid ni/ /'di rnams spangs pa lhan cig skyes/ /sna tshogs nyid spangs skad cig la/ /mchog tu dga' ba yang dag
thob/ ston pas bka' stsal sems dpa' che/ /bde ba chen po yang dag bzung/ /ji snyed byang chub bar du ni/ /sems can don gyis rdo rje 'dzin/ /zhes bya ba la sogs pa/ de ltar yin na rnam pa gsum gyi bye brag ji ltar gsungs/
she na/ /rgyu dang 'bras bu dbyer med cing/ /sngon ma gsum du rab tu grags/ /dga' bral dga' ba'i dbus nyid du/ /zhi ba'i rnam par gsal phyir ro/ /de gnyis dbus su ji ltar gsal ba yin zhe na/
mchog mdza' dga' bral dbus nyid kyi/ /stong las stong nyid rdo rje 'dzin/ /zhes bya ba la sogs pa'i tshig gis so/ /stong las stong nyid gang yin zhe na/ thog ma tha ma med zhi ba/ /dngos dang dngos med bdag med gtso/ /stong nyid
snying rje dbyer med pa/ /byang chub sems zhes rab tu dran/ /zhes bya ba ni grub pa ni mdza' yin pa'i phyir ro// //'di ni thabs gang gis ji ltar bskyed par bya zhe na/ dkyil 'khor 'khor lo sogs thabs
dang/ /bdag byin gyis brlabs pa'i rim pa yis/ /zhes bya ba rgyas par 'dir bdag gis ma dkrol te/ ci'i phyir zhe na/ ye shes 'di ni rang rig pa/ /dag gi spyod yul las 'das shing/ /rang byin rlabs pa'i rim pa 'di
kun mkhyen ye shes de bdag nyid/ /gzhan yang gsungs pa/ gzhan gyis brjod min lhan cig skyes/ /gang du btsal yang mi rnyed pa/ /bla ma brgyud pa'i rim brten dang/ /rang gi bsod nams kyis rtogs so/ /bla ma'i zhabs kyi
drin gyis dang/ /bsod nams chen po ldan rnams rang/ /ye shes skad cig gis bskyed 'gyur/ /dag gi sbyor yul las 'das pa'o// //de bzhin du gsungs pa/ bde chen rgyal po gcig pu rgyal ba ste/
rgyu bral rtag tu 'gro ba rnams la 'char/ /gang yang rjod par byed pa'i dus na ni/ /thams cad mkhyen pa dag gis 'phongs par 'gyur/ /sa ra ha yis gang gsungs pa/ /bla mas ngag gis mi brjod cing/ /slob mas kyang ni go? ba? min/ /
'gro kun lhan cig skyes pa'i bdud rtsi'i bcud/ /gang la bzla zhing ci ni bzla bar bya/ /blo yi spyod yul ma yin phyir/ /dag gis brjod par mi nus so/ /bla mas gsungs pa/ dngos po 'jug pas ring ba spyod/ /de ni rim gyi snying rje la sogs
yon tan ldan/ /dad ldan de yi snying la rang nyid skye bar 'gyur// //byang chub tu sems bskyed ba'i mtshan nyid ji ltar yin zhe na/ dbang po nyid ni ldog gyur zhing/ /yid ni nang du chud pa dang/ /sems dpa' nyams par rab snang
zhing/ /lus ni dam pa'i bde ba myong/ /dbang po'i tshogs ni nang du nub 'gyur zhing/ /rnam rtog nyams pas srid pa'i sa bon mi 'thob pa/ /dga' ba'i 'od kyi rang bzhin 'di nyid ni/ /nam mkha' dang mnyam ngo mtshar bsil zhing zhim/ /gang
la dbang po zhu 'gyur zhing/ rang gi bdag nyid nyams 'gyur ba/ /de ni ltan cig skyes dga' ste/ /gsal bar bla ma'i zhabs la dris/ /de 'di kyi phyir gsungs pa/ dus mnyam dag tu yul dang dbang po rnam gnyis ni/ /gang zhig skyes
shing nub pa de la phyag 'tshal lo/ /gang yang mngon dga' rgyal ba mdzes pa'i sku gcig po/ /mkhas pa rnams kyis snying la gsal shing sad par 'dug/ de'i phyir rnam par rtog pa thams cad rab bcom zhing/ /gang 'dir blo yid dam
pa'i bde 'dod pa/ /de yang bya ba byas pa'i mkhas pa ste/ /gzhan ni rkang gnyis pa yi phyugs yin no/ /zhes bya'o/ /rgyas par brjod pa re zhig des mchog go /de'i phyir bla ma dam pa yang dag par mnyes par byas nas/ dam pa'i
slob mas sku gsum nang du rtog pa'i bde ba chen po'i ngo bo nyid rang rig par bya'o/ /zhes bya ba ni dam ba'i dbang thob pa'o/ /bya ba byas nas 'di brjod par bya ste/ /deng bdag skye ba 'bras bur bcas/ /bdag 'tsho 'bras bu dang ldan yin/ /
di ring sangs rgyas rigs su skyes/ /bdag ni di ring sangs rgyas sras/ //de bzhin gshegs gsungs yon tan 'di/ /bla ma de la dbul bar bya/ /sna tshogs rgyan dang gos la sogs/ /khyad
par du yang rang gi lus / zhes bya'o/ /de nas sbyin sreg bya zhing gtor ma byin nas/ /chogs kyi 'khor lo rab tu bya/ /dge 'dun ston mo byas nas ni/ /sdug bsngal skyab med tsham par bya/ /dbang bskur ba'i cho ga mdor
bsdus bya ba las/ /gang gis bsod nams dpag med thob par gyur pa ste/ /de yis gnyis med bsam mi khyab pa bde chen bdag /rang 'byung rdo rje 'dzin pa skye 'gros thob par shog/ //mdor bsdus pa'i dbang
gi rab tu byed pa/ /slob dpon mkhas pa chen po dpal dga' ba'i rdo rjes mdzad pa rdzogs so/ //gzhung tshad ni tshigs bcad sum brgya ste pham po gcig go/ //tho ling gi gtsug lag khang du/ rje mnga'
bdag btsan po/ rtse lnge btsan gyi bka' lung gis/ rgya gar gyi mkhan po mkhas pa chen po dpal mar me mdzad dang/ bod kyi lo tsa ba dge slong ba ris bsgyur pa'o// // */ /'dus pa'i dbang bskur ba'i cho ga mdor bsdus pa paN+Dita chen po
ngag gi dbang phyug grags pa'i zhal snga nas mdzed pa'o/
CLOSE WINDOW