བོད་ཡིག

e-texts based on the ACIP/ALL Input

/ // */ /dpal gsang ba 'dus pa'i mngon rtogs zhes bya ba'i sgrub thabs slob dpon bsod snyoms pas mdzad pa'o// / */ /rgya gar skad du/ sh+rI sa mA dzA b+hi sa ma ya nA ma sA d+ha naM/ bod skad du/ dpal gsang ba 'dus pa'i mngon par rtogs pa zhes bya ba'i sgrub pa'i thabs/ dpal rdo rje sems dpa' la phyag 'tshal lo/ /nad par dang por bsam gtan gyi khang pa yid dang rjes su mthun pa shin tu dpon par stan 'jam po la 'jug ste/ 'gro ba drug gi sems can thams cad la blos bltas la byams pa'i sems bskyed de bdag gir byas nas/ de rnams phol mig la sogs pa'i sdug bsngal dang ldan pa dang/ de'i rgyu mi dge ba bcu'i las kyi lam yin par shes par byas te/ de nas snying rje'i sems bskyed pas gdungs pa'i blos gnod pa de bsal ba'i phyir/ bdag nyid 'jam pa'i rdo rjer gyur nas sems can rnams kyang de dang 'dra bar bskyed par bya'o/ /zhes smon lam bya'o/ /de nas bsgom pa'i sbyor ba brtsam par bya ste rang gi snying gar yi ge a yongs su gyur pa'i zla ba'i dkyil 'khor la yi ge maM mdog ser po bsams nas/ de las byung ba'i 'od zer gyis sangs rgyas lnga rnams dang/ rang gi 'dod pa'i lha rnams dang/ slob dpon mdun du nam mkha' la bsams te/ snying po'i 'od zer gyi sgo las byung ba'i gzugs rdo rje la sogs pa rnams kyis yang dag par mchod la phyag byas te/ sdig pa bshags pa la sogs pa'i tshigs su bcad pa lan gsum brjod par bya'o/ /de la tshigs su bcad pa ni 'di yin te/ gang zhig thog med srid pa'i chu klung du zhes bya ba la sogs pa'o/ /de nas rnam par thar pa'i sgo gsum gyi ngo bo stong pa nyid rnam par bsgoms la/ aoM shU n+ya tA dz+nyA na badzra swa b+hA wa Adma koTa haM/ zhes bya ba'i sngaT kyis byin gyis brlab par bya'o/ /de nas sems gcig bu ?? ?? bsod nams dang ye shes kyi stobs kyis rnam pa gnyis su 'gyur te/ aoM Aba'i nyi ma'i dkyil 'khor bsams la/ de'i steng du yi ge hUM dang bcas pa'i rdo rje drag po nag po bsams te/ de'i 'od zer rnams kyis bgegs bsal bar bsams la/ de nyid kyis rdo rje dra bar byas bar chos 'byung ba dkar po gru gsum nang stong pa gyen kar 'dug pa'o/ /de'i 'og logs su yi ge Ader zla ba la bruM yongs su gyur pa las 'khor lo yi ge hUM? dang bcas pa'o/ /de gnyis yongs su gyur pa las rnam par snang mdzad sku mdog dkar po zhal g.yas gnag pa/ g.yon dmar ba/ phyag gnyis kyis shes rab dam pa la 'khyung pa/ g.yas na 'khor lo dang ral gri dang/ g.yon na rin po che dang pad+ma bsnams pa/ rdo rje skyil mo krung gis bzhugs pa/ zla ba'i gdan dang zla ba'i 'od mnga' ba/ rin po che'i cod pan can bsams la/ de'i ye shes sems dpa' i snying po'i 'od zer rnams kyis sangs rgyas rnams yang dag bar bskul nas bcug la/ de yongs su gyur pa las/ khang pa brtsegs pa zur bzhi pa la sogs pa dang yang dag par ldan pa bsams la/ de'i dbus ma'i zla ba'i dkyil 'khor la/ stong pa nyid bcu drug gi ngo bo a la sogs pa yongs su gyur pa'i zla bde rnams kyis mtshan pa ni mi bskyod pa'i rnam pa'o/ /de'i steng du skyes bu chen pe'i/ mtshan sum cu rtsa gnyis 'dzin pa'i ngo bo ka la sogs pa yongs su gyur pa la/ de rnams kyi mtshan pa'i zla ba'i dkyil 'khor gnyis pa ni rin chen 'byung ldan gyi rnam pa'o/ /de'i steng du yi ge hUM dmar po ste/ zla ba'i dkyil 'khor gnyis dang yi ge hUM las rdo rje rtse lnga pa dmar por gyur pa la yi ge hUM gis mtshan pa ni snang ba mdza' yas kyi rnam pa'o/ / de'i 'od zer rnams kyis sangs rgyas thams cad yang dag par bskul nas bcug ste/ de'i nga rgyal du byas pa dang ldan pa'i rnal 'byor pa ni don yong grub pa'i rnam pa ste/ de yongs su gyur pa las rdo rje sems dpa' i skur bdag nyid bsam pa ni/ sku mdog dkar po/ zhal g.yas gnag /g.yon dmar ba/ phyag gnyis kyis shes rab dam pa la 'khyud pa/ g.yas na rdo rje dang ral gri/ g.yon rin chen dang pad+ma bsnams pa/ rin po che'i cod pan dang/ zla ba'i gdan dang/ zla ba'i 'od mnga' ba/ rdo rje'i skyil mo krung gis bzhugs pa'i skur bdag nyid bsems la/ sems can rnams 'dod chags chen pos 'dul bar shes nas dga' ba'i sgyu ma'i sgras sangs rgyas rnams bdag nyid la bcug la/ de la spyan la sogs pa dgu'i gzugs kyi rang gi/ /lha mo'i nang du chud par byas nas/ de nas yi ge hUM gi 'od zer rnams kyis sangs rgyas rnams yang dag par bskul nas khar bcug ste /rdo rje'i lan nas nges par phyung la/ pad+ma'i nang du byang chub kyi sems kyi rnam par blta ste/ de yongs su gyur pa las dkyil 'khor du bsams la/ sems can ma lus pa yid kyis rab tu bcug ste?/ de byang chub kyi sems su yongs su gyur nas/ rdo rje'i lam nas nges par 'byung ba'i sangs rgyas rnams kyis dbang bskur par bya'o/ /de nas de bruM AM dzreM khaM hUM/ lAM mAM pAM tAM/ dza hUM baM hUM khaM raM/ k+ShiM dzriM khaM sh+kaM saM/ dzabla? dbyung ngo/ /de ltar sems can gyi khams rnam par dag nas/ hUM las 'od zer byung bas yi ge hosems kyi rnam par lha mo'i pad+ma'i nang du babs pa dang/ de'i 'od zer rnams kyis reg pa tsam gyis rig pa rdo rje rdzun pa dang bcas par zhu bar gyur par bsam mo/ /de nas 'byung ba chen po bzhi spyan la sogs pa'i lha mor gyur pas/ /sems can khams na zhes bya ba la sogs pa'i glus bskul? bar bsam mo/ /'di rnams kyis yang dag par bskul bar gyur pa dang/ sems kyi 'od zer de 'byung ba bzhi dang sangs rgyas thams cad kyis bskul nas zhugs par gyur pa las rang gi sngags kyi gzugs su bdag nyid bsams nas/ de yongs su gyur pa las/ ral gri yi ge maM gis mtshan pa'o/ /de gnyis yongs su gyur pa las 'jam pa'i rdo rje sku mdog ser po/ zhal g.yas nag po g.yon dkar po phyag gnyis kyis shes rab dam pa la 'khyud pa/ g.yas na ral gri dam pa dang/ mda' g.yon na autpal dang gzhu bsnams pa/ zla ba'i 'od dang rin po che'i cod pan mda' ba/ sna tshogs pad+ma'i steng na zla ba la rdo rje skyil krung bzhugs par bsams la/ de'i snying gar zla ba la ral gri/ de'i dbus su de dang 'dra ba'i ye shes sems dpa' de'i thugs kar zla ba la ral gri /de'i dbus su yi ge mi gnas par bsam la/ aoM d+harmmA d+hA tu swa b+hA wa At+ma konya haM/ zhes bya ba'i gsang sngags kyis byin gyis brlabs pa'o/ /'di dag ni mchog gi bsnyen pa'i yan lag ste/ rgyu mthun pa'i 'bras bu chung ba'o/ /de'i mig tu zla ba la k+ShiM dkar po yongs su gyur pa las 'khor lo k+ShiM gis mtshan pa'o/ /de gnyis yongs su gyur pa las sa'i snying po sku mdog dkar po/ zhal g.yas gnag g.yon dmar phyag gnyis shes rab dam pa la 'khyud/ g.yas na 'khor lo dang ral gri/ g.yon na nor bu dang pad+ma bsnams pa'o/ /de bzhin du rna ba la yi ge dzri dang bcas pa'i rdo rje yongs su gyur pa las phyag na rdo rje sku mdog nag po/ zhal g.yas dkar g.yon dmar/ phyag gnyis kyis shes rab dam pa la 'khyud pa'o/ /g.yas na rdo rje dang ral gri/ g.yon rin po che dang pad+ma'o/ /de bzhin du sna la yi ge khaM dang bcas pa'i rin po che yongs su gyur pa las nam mkha' i snying po sku mdog ser po/ zhal g.yas gnag g.yon dkar ba/ phyag gnyis kyis shes rab dam pa la 'khyud pa/ g.yas na rin po che dang ral gri /g.yon na 'khor lo dang pad+ma'o/ /de bzhin du lce la yi ge gaM dang bcas pa'i pad+ma yongs su gur pa las/ 'jig rten dbang phyug sku mdog dmar po zhal g.yas gnag g.yon dkar ba/ phyag gnyis kyis shes rab dam pa la 'khyud pa/ g.yas na pad+ma dang ral gro /g.yon rin po che dang 'khor lo bsnams pa'o/ /de bzhin du mgo la yi ge Sh+kaM bcas pa'i rol gri yongs su gyur pa las sgrib pa thams cad rnam par sel ba sku mdog ljang gu / zhal g.yas gnag g.yon dmar ba/ phyag gnyis kyis shes rab dmar ba la 'khyud pa/ g.yas na rin po che dang pad+ma bsnams pa'o/ /de bzhin du lte ba la/ yi ge saM dang bcas ba'i rdo rje yongs su gyur pa las kun tu bzang po sku mdog dkar po/ g.yas gnag g.yon dmar ba/ phyag gnyis kyis shes rab dam pa la 'khyud pa/ phyag g.yas na rdo rje dang ral gri /g.yon na rin po che dang pad+ma bsnams pa ste/ sa'i snying po la sogs pa 'di rnams kyang zla ba'i gdan dang zla ba'i 'od dang/ rin po che'i cod pan mda' ba/ rdo rje'i skyil mo krung gis bzhugs pa'o/ /de dag ni mchog gi nye bar sgrub pI ni yan lag ste/ rnam par smin pa'i 'bras bu cung du'o/ /kun tu bzang po'i steng du zla ba la yi ge hUM nag po yongs su gyur pa las rdo rje lte ba la hUM dang bcas pa'i rdo rje yongs su gyur pa las thugs rdo rje phyag na rdo rje lta bu thugs ka'i zla ba la yi ge hUM nag pa'o/ /lce rtsar yi ge A yongs su gyur pa las pad+ma lte ba yi ge a dang bcas pa'i pad+ma yongs su gyur pa las gsung rdo rje 'jig rten dbang phyug lta bu'o/ /de'i thugs ka'i zla ba la yi ge a dmar po'o/ /dpral bar yi ge aM yongs su gyur pa las/ 'khor lo lte bar aoM dang bcas pa'i 'khor lo yongs su gyur pa las stsa? rdo rje sa'i snying po lta bus so /de'i thugs kar zla ba la yi ge aoM dkar po snying po de rnams kyi 'od zer gyis thugs rdo rje la sogs pa'i sangs rgyas rnams yang dag par mchod nas/ dpal ldan rdo rje thugs 'chang ba/ zhes bya ba la sogs pa brjod de/ yang dag par bsku la sngags kyis byin gyis brlab par bya'o/ /de dag ni mchog gi sgrub pa'i yan lag ste/ skyes bu byed pa'i 'bras bu chung ngu'o/ /snying po'i 'od zer gyis sangs rgyas thams cad bskul ba dang de rnams kyis 'od zer btang ba'i sgo nas byung ba'i spyan la sogs pa'i rig ma rnams kyis rin po che'i bum pa nas bdud rtsis dbang bskur ba dang ldan pa dang/ rang gi rigs kyi bdag po cod pan du thogs pa'o/ /de dag ni mchog gi bsgrub pa chen po'i yan lag ste/ dbang gi 'bras bu chung ngu'o/ /yan lag bzhi pa'i dang po'o/ /rnal 'byor pa mchog gi bsnyen pa la sogs pa'i yan lag 'di dag gis rgyu mthun pa'i 'bras bu 'bring po la sogs pa ni rang dang 'dra bar bskyed par bya'o/ /gzhan yang aoM hUM swAhA Apar byas te/ de'i mgo dang/ snying ga dang/ lte ba dang/ gsang ba dang/ brla dang/ rkang pa'i mthar thug pa'i bar ro/ /yi ge hUM las pad+ma a las lte ba/ phaT las dbab pa dgag pa'o/ /bdag nyid kyis yang yi ge hUM las rdo rje/ aoM las nor bu phaT gyis dgag pa'o/ /de nas snying po'i 'od zer rnams kyis bskul la drangs te/ de dang lhan cig sngags pas dga' ba brtsam par bya'o/ /aoM sarbba ta thA ga ta a nu rA ga na badzra swa b+hA wa At+ma ko nya haM/ yan lag bzhi ba'i gnyis pas te/ 'di dag ni dang po'i sbyor ba'i ting nge 'dzin to/ /snying po'i gsang sngags kyi 'od zer rnams kyis sangs rgyas rnams bskul la/ bkug nas khar bcug ste/ lha mo'i 'dod chags kyis zla ba zhu bar gyur pa dang/ pad+ma'i nang du phab pa las byung ba'i rang gi sa bon yongs su gyur pa las bdag po dbus na gnas pa'i dkyil 'khor ba bsams la cho ga 'dis 'byung bar bya'o/ /badzra Dh+ri ka tses bya bar las mi bskyod pa bskul te/ sku mdog nag po zhal g.yas dkar ba/ g.yon dmar ba/ phyag gnyis kyis shes rab dam pa la 'khyud pa/ g.yas na rdo rje ral gri/ g.yon na rin po che dang pad+ma bsnams pa/ nyi ma'i gdan dang zla ba'i 'od mnga' ba/ ral pa dang cod pan can/ rdo rje skyil mo krung gis bzhugs pa dngos po thams cad kyis bdag la zhugs par bya'o dzi na dzi ka ces bya bas rnam par snang mdzad dgong de/ sku mdog dkar po zhal g.yas gnag /g.yon dmar ba phyag gnyis kyis shes rab dam pa la 'khyud pa/ g.yas na 'khor lo dang ral gri/ g.yon na rin po che dang pad+ma bsnams pa/ zla ba'i gdan dang zla ba'i 'od mnga' ba/ shar gyi pad+ma la bzhugs par bya'o/ /ratna d+h+rika ces bya bas rin chen 'byung ldan dgong de/ sku mdog ser po zhal g.yas gnag g.yon dkar ba/ phyag gnyis kyis shes rab dam pa la 'khyud pa/ g.yas na rin po che dang ral gri/ g.yon na 'khor lo dang pad+ma bsnams pa/ lhor bzhugs par bya'o/ /A ro lika ces bya bas 'od dpag tu med pa dgod de/ /sku mdog dmar po zhal g.yas gnag /g.yon dkar ba/ phyag gnyis kyis shes rab dam pa la 'khyung pa/ g.yas na pad+ma dang ral gri/ g.yon na rin po che dang 'khor lo bsnams pa/ /nub tu bzhugs par bya'o/ /pradz+nyA d+h+rika ces bya bas don yong grub pa dgong de/ sku mdog ljang gu zhal g.yas gnag /g.yon dkar ba/ phyag gnyis kyis shes rab dam pa las byung pa/ g.yas na ral gri dang 'khor lo/ /g.yon na rin po che dang pad+ma bsnams pa/ byang du bzhugs par bya'o/ /'di rnams ni nyi ma'i gdan dang nyi ma'i 'od dang na bza' dang rgyan bzang po dang/ ral gri dang cod pan mnga' ba/ rdo rje skyil mo krung gis bzhugs pa'o/ /mo ha rA ti zhes bya bas shar lhor spyan dgod de/ sku mdog dkar mo/ /zhal g.yas gnag g.yon dmar ba/ phyag gnyis kyis thabs la 'khyud pa/ g.yas na 'khor lo dang ral gri g.yon na rin po che dang pad+ma bsnams pa'o/ /dwe Sha ra ti zhes bya bas lho nub tu mA ma kI dgod de/ /sku mdog nag po zhal g.yas dkar ba/ g.yon dmar ba/ phyag gnyis kyis thabs la 'khyud pa/ g.yas na autpal dmar po dang ral gri/ g.yon na rin po che dang pad+ma bsnams pa'o/ /rA ga ra ti zhes bya ba las nub byang du gos dkar mo dgod de/ sku mdog dmar mo zhal g.yas gnag /g.yon dkar ba/ phyag gnyis kyis thabs la 'khyud pa/ g.yas na pad+ma dang ral gri/ g.yon na nor/ bu dang 'khor lo bsnams pa'o/ /badzra rA ti zhes bya ba las byang shar du sgrol ma dgod de/ sku mdog ser po zhal g.yas gnag /g.yon dkar ba/ phyag gnyis kyis thabs la 'khyud pa/ g.yas na autpal ser po dang ral gri/ g.yon na rin po che dang pad+ma bsnams pa'o/ /phyi rim gyi shar lhor de kho na nyid/ gsum las gzuT rdo rje sa'i snying po lta bu me long la sogs pa dang ldan pa'o/ /de bzhin du lho nub tu sgra rdo rje phyag na rdo rje lta bu la pi bar la sogs pa dang ldan pa'o/ /de bzhin du nub byang du twi rdo rje nam mkha' i snying po lta bu la dri'i dung chos la sogs pa dang ldan pa'o/ /de bzhin du byang shar du ro rdo rje 'jig rten dbang phyug lta bu la thod pa la sogs pa dang ldan pa'o/ /shar gyi sgo'i g.yon du reg rdo rje sgrib pa rnam par sel ba lta bu la/ / lha'i gos sna tshogs pa dang ldan pa'o/ /shar gyi sgo'i g.yas su chos kyi dbyings rdo rje kun tu bzang po lta bu la chos 'byung ba la sogs pa dang ldan pa ste/ lha mo bcu po de rnams ni zla ba'i gdan dang zla ba'i 'od mnga' ba/ rdo rje'i skyil mo krung bri bzhugs pa/ rin po che'i cod pan dang/ na bza' bzang po dang ldan pa'o/ /ya mAn+ta krita ces bya ba las/ shar phyogs kyi sgor gshin rje gshed dgod de/ sku mdog nag po/ zhal g.yas dkar ba g.yon dmar ba/ phyag gnyis gyis shes rab dam pa la 'khyud pa/ g.yas na rdo rjes mtshan pa'i tho ba dang ral gri/ g.yon na rin po che dang pad+ma bsnams pa'o/ /pra dz+nyAn ta krita ces bya ba las lho phyogs kyi sgor shes rab mthar byed dgod de/ sku mdog dkar po/ zhal g.yas gnag /g.yon dmar pa/ phyag gnyes kyis shes rab dam ba la 'khyud pa/ g.yas na rin po ches mtshan pa'i dbyug pa dang ral gri/ g.yon na rin po che dang pad+ma bsnams pa'o/ /padmAn ta krita ces bya ba las nub phyogs kyi sgor pad+ma mthar byed dgod de/ sku mdog dmar po zhal g.yas gnag g.yon dkar ba/ phyag gnyis kyis shes rang dam pa la 'khyud pa/ g.yas na pad+ma dang ral gri/ g.yon na rin po che dang 'khor lo bsnams pa'o/ /bag+hIn ta krita ces bya ba las byang phyogs kyi sgor bgegs mthar byed dgod de/ sku mdog nag po/ zhal g.yas dkar/ g.yon dmar po/ phyag gnyis kyis shes rab dam pa la 'khyud pa/ g.yas na rdo rje dang ral gri/ /g.yon na rin po che dang pad+ma bsnams pa ste/ khro bo 'di rnams nyi ma'i gdan dang nyi ma'i 'od mnga' ba/ khro bo'i skyil mo krung gis bzhugs pa/ stag gi lpags pa mnabs pa/ sbrul gyis brgyan pa/ smin ma dang ag tshoms dang spyan ser ba/ dbu skra gyen du brdzes pa/ mche ba gtsigs pa ljags 'dril ba/ de ltar dngos po thams cad kyis rdzogs pa'i dkyil 'khor bstan nas/ snying ga'i sa bon gyis 'od zer gyis ye shes kyi dkyil 'khor gyi sangs rgyas rnams spyan drangs nas mdun du bltas la/ de rnams dang lhan cig 'ongs pa'i bgegs gshin rje gshed la sogs pas bskrad sna? dang/ mngon par bsrung ba dang/ bcing ba dang mnyes par byas nas/ bdud rtsis gang ba'i snod kyis mchod yon phul la/ snying po'i 'od zer las byung ba'i gzugs rdo rje la sogs pa rnams kyis yang dag par mchod cing gshin rje gshed la sogs pa'i rang gi gsang sngags kyis dgug pa dang/ gzhug pa dang/ bcing ba dang /dbang du bya'o/ /de dag ni thun mong gi bsnyen pa'i yan lag ste/ rgyu mthun pa'i 'bras bu chen po'o/ /rnam par snang mdzad la sogs pa'i dkyil 'khor gyi lha rnams kyi mig la sogs pa byin gyis brlabs pa ni/ spyi'i nye bar bsgrub pa'i yan lag ste/ /rnam par smin pa'i 'bras bu chen po'o/ /de bzhin du sku gsung thugs byin gyis brlab pa ni/ spyi'i sgrub pa'i yan lag ste/ skyes bu byed pa'i 'bras bu chen po'o/ /de nyid bzhin du dbang bskur bar gyur pa ni/ sangs rgyas rnams rdo rje 'chang ba dang/ mA ma kI dang/ sgra rdo rje dang chos kyi dbyings rdo rje dang/ shes rab mthar byed/ bgegs mthar byed kyi cod pan la ni mi bskyod pa'o/ /spyan dang gzugs rdo rje dang/ gshin rje gshed kyi cod pan la ni rnam par snang mdzad do/ /gos dkar mo dang ro rdo rje ma dang/ pad+ma mthar byed kyi cod pan la ni 'od dpag tu med pa'o/ /sgrol ma dang reg rdo rje'i cod pan la ni don yod grub pa'o/ /dri rdo rje cod pan la ni rin chen 'byung ldan no/ /'di dag ni spyi'i sgrub pa chen po'i yan lag ste/ dbang gi 'bras bu chen po'i yan lag bzhi pa'i gsum pa'o/ /snying po'i 'od zer rnams kyis sangs rgyas rnams bskul la khar bcug ste/ rdo rje'i lam nas nges par phyung nas/ lha mo'i chags pas pad+ma'i nang du zla bzhu ba'i gzugs can du bsams la/ de'i 'od zer las byung pa'i gzugs rdo rje la sogs pa phyung bas yang dag par mchod nas/ aoM sarbba ta thA ga ta pU dza badzra swa b+hA wa At+ma ko nya haM/ zhes bya ba'i gsang sngags kyis byin gyis brlab par bya'o/ /de nas rang gi yid lhag pa'i lhar gyur pa las chos rnams kyi mi bskyod pa ni rdo rje che zhes bya ba la sogs pa'i stong pa'i sgra brag ca lta bus bstod pa byed par bsam mo/ /de nas bdud rtsi myang ba'i cho ga 'di yin te/ yi ge yaM yongs su gyur pa las rlung gi dkyil 'khor gzhu'i dbyibs lta bu la ba dan gyis mtshan pa/ du ba'i mdog can yi ge yaM dang bcas pa/ de'i steng du yi ge raM yongs su gyur pa las me'i dkyil 'khor gru gsum zur gsum la rdo rjes mtshan pa'i yi ge raM dang bcas pa'o de'i steng du zla ba la yi ge a yongs su gyur pa las thod pa'o/ /der sngags pas bi mu shu ma da ste bdud rtsi lnga dang/ ha d+ho go sha ma ste dpa' bo lnga bkod la/ rlung gis bskyod pa'i mes thod pa de la gnas pa'i ye shes kyi bdud rtsir gyur par bsams la/ der yi ge hUM las rdo rjer gyur pa yang nang du bsam mo/ /yang yi ge aoM gyis de bzhin gshegs pa lnga'i sa bon drangs la 'dres par gyur par byas nas/ der yi ge gsum mngon par bzlas la rnal 'byor pas hUM bkod pa'i rdo rje'i lce bzang po dang/ de lha rnams tshim par bya'o/ /'di ni dkyil 'khor gyi rgyal po mchog ces bya ba'i ting nge 'dzin to/ /snying po las nges par byung ba'i sangs rgyas rnams kyis yang dag pa ma yin pa'i rtog pa spangs pas de'i bdag nyid du 'gro ba rnams byas nas rang gi sa bon gyi nang du bcug ste/ thig le'i gzugs su rang gi yid yongs su bsgoms la/ /sems de'i 'od zer gyis phreng ba'i snang bas sku dang gsung dang thugs dang lus kyi mchog gi bar sar par byas la/ yang de nyid du zhugs pas ye shes bdud rtsi 'bab par bsam mo/ /des nang gi lus dang de bzhin du thams cad snang bar byas te/ ba spu'i bu ga re re nas byung ba'i mdza' yas pa'i 'od kyi tshogs rnams kyis sna tshogs pa kun tu bkang nas slar 'dus te gnas pa dang/ brtan par gyur pa ni thig le'i rnal 'byor ro/ /de nas rang gi sngags kyi 'od zer gyis sangs rgyas bcu ga la/ rdo rje'i lam nas nges par phyung nas zla ba zhu bar gyur pa la/ de yongs su gyur pa'i mtshan ma phra mo'i lte bar ting nge 'dzin gnyis bskyed la/ sna tshogs pa sangs rgyas kyi bdag nyid du rang gi sngags kyi nang du bcug la/ thig le de'i gzugs can 'od gsal bar bdag nyid bsams te/ de'i 'od zer rnams kyis dkyil 'khor la bltas la sems brtan par gyur nas rjes su dran pa bcu drug bsgom par bya'o/ /bsgom pas dub na cig car ram rim gyis sems ma yengs par bzlas brjod bya'o/ /rang gi rgyud chim par bya ba bsam pa ni mtho gang gis pags pa la spyi bo'i steng du bdugs dkar po bzhin bdud rtsi'i dkyil 'khor de'i steng du yi ge aoM/ de'i 'od zer rnams kyis bdud rtsi phab la/ de nas srog gi rlung dang rang gi sngags kyi 'od zer gyis drangs nas/ rkan gyi phyogs su phab nas ba spu'i khung bu dang rtsa rgyud las sku gsung thugs tshim par bya'o/ /de nas bzlas pa dpag tu med par byas nas/ aoM la sogs pa de kho na nyid gsum gyis dkyil 'khor gyi 'khor lo bsdus la yang dag pa'i smon lam sngon du bya'o/ /de nas rang gi lha'i nga rgyal dang ldan pas/ langs nas thams cad kyang de dang 'dra bar bsams nas gnas par bya'o/ /bdud rtsi myang ba'i rim gyis zas la sogs pa spyad par bya'o/ /dbang bskur ba'i rim pas khrus bya'o/ /rgyu mthun pa 'bring po la sogs pas grong gi chos bya'o/ /thun mtshams su yang de kho na nyid gsum gyis dkyil 'khor rnam par sbros la/ mchod pa la sogs pa sngon du 'gro bas bzlas pa byas na/ yang de kho na nyid gsum gyi dkyil 'khor bsdus la nyal bar bya'o/ /yang nang par gyi dus su bskyed pa'i rim gyis ting nge 'dzin gsum rdzogs par byas la mnyam par bzhag nas bzlas brjod la sogs pa bya'o/ /bsgom pa'i cho ga 'di ni shes rab dman pa'i sems can mthong nas/ slob dpon gyis 'di nyid gsar du brtsams pa yin no/ /dpal gsang ba 'dus pa'i mngon bar rtogs pa zhes bya ba'i sgrub pa'i thabs/ slob dpon bsod snyoms pas mdzad pa rdzogs so// //rgya gar gyi mkhan po shAd+d+hA ka ra ba rma dang/ zhu chen gyi lo tsa ba dge slong rin chen bzang pos bsgyur cing zhus te/ slad kyis kyang bcos nas gtan la phab pa'o// //*/ /dkyil 'khor bri ba'i cho ga slob dpon bsod snyoms pas mdzad pa'o// //*/ /rgya gar skad du/ maN+Da la bi d+hi/ bod skad du/ dkyil 'khor gyi cho ga / bcom ldan 'das 'jam pa'i rdo rje la phyag 'tshal lo/

CLOSE WINDOW